وللفرحة حكاية ...

الجزء الحادي عشر

دشـت الصاله وربعـت عالدري ..اول مــا كانت بتــروح حجــرتها شــافتها اميره..
اميره: حمدوووووه اشفييج؟؟!!
حمده وهي تصيح: ما فيني شـــي .. وتدخل حجرتها....وتســير اميره وراها وهي مســــتغربه من اللي يالسه تشوفه..
اميره: حمدوووه اشفيج يايه من المدرسه اتصيييحيين ..!!
حمده:...........تسير تيلس عالسرير وتسير اميره تيلس حـذالها وتلوي عليها..
اميره: حمده حبيبتي اشفيج.. ليكـــون بس راســبه في امتحان والا معطينج الشهـــاده ومزفته..ترى عادي مب مهم..اهم شـي آخر السنه..
حمده: لااا يــا لييت ..
اميره: عيل شوو فييج حمدووه خوفتيييني ..
حمده: شـــي ما كنت اتـوقعه يستوي ابـدا ..
اميره: انزييين قولييييلي شووووو
حمده: امــيره عـوشووه اليــوم قفطــــتني ..قفطــتني جـدام كل بنات صـفنا وخـلت الكـل يضحك علي..وليـــــش ؟؟!!..عشـــان وحــده تـــافهه..
اميره: عــــوشه..!!! شـــو سوت كيف قفطتج..؟
حمده: انـــا و هي دووم ويا بعــض نتمشى في المدرسه ..اليوم في الفسحه كالعاده قلتلها يالله نسير نتمـشى عندي واايد سـوالف ابغي اقولها لج..ما سـوت لي سالفه وطـافت من جــدامي وسـارت ويا البنت..وخلتني انا واقفــه قافطـه جــدام بنات الصف..كــلهم تمــوا يضحكــون علي ..اتخـــــيلي عشان وحده تافهه اتسير وتخليني ..
أميره: معقــــوله عووشووه يطلع منها هالحــركات!!..ومنو هاي البنت اللي سارت وياها ..
حمده: وحــده ماادري من ويــن طلعت لــنا ..كــله منها..هي اللي غيرت عوشه عـلي ..
أميره: خــلااص انتي هـدي الحين..واعتقـد ان قـوم عمي بييونا اليــوم فأنا برمس عــوشه..
حمده: لا ترمسيــنها ولا شي خلااص خل تولي..خل تنفعها هـــاذيج..
أميره: لا بــرمسها وبفهــم منها السالفه كــلها..ابغي اعرف ليش ســوت فيج جييه..مــا يندرى يمــكن تطــلع هي الثـانيه زعلانه منج بعـد ..اخاف انتي مسويه فيها شــي بس..
حمده: هــييه ادري اصــلاا انا محد يــصدقني ..اصـلاا انا محــد يحــبني ..الكــل ويا عوووشوووه
أميره: ههه اســولف..يـالله عـاد بدلي ثيـابج الحين وانـزلي تحت خلينا نتغـدى ..وان شـاء الله زعلكم هالمـره ما يطــول كالعاده..
حمده: انا مـــا برمسها صــدقيني ..بعــد الحــركه الخـايسه اللي سـوتها احـس خلااص طاحت من عيني عوشوووه..
أميره: ههه كــل مره تقولين جــيه وبعدين تردون ويا بعـض وولاجـنه صـاير شـي ..اصـلا مـا يليق عليكم الزعل..المهم يلا انا بسيـر وانتي انزلي الحيــن..
حمده: انـــزين..
............
كــان مبـركن ســيارته وهو داخــلها يالس يـترياها تـطلع..شــافها طـلعت بس كـانت سايره صوب سيـارتها عالصـوب الثــاني فدق لها هـــرن عشــان تنتبــه له..وتــم يأشر لها بيــده عشــان اتي صـوبه..عاد هييه من شـــافته اســـــتانست من الخـــــــــاطر..وما صـــــدقت..على طــــول سـارت صـــوبه..ويوم شــافها يايه فــتح الدريشه..
نوره: هـــلاا..هــلاا والله حبيبي ..وينــك ما شفــتك اليوم..
راشــد: اركـــــــــــبي الموتر بسررعه
نوره: هاا..لاا ..لاا..مااقـــدر ..
راشـد: نـــوره اركــــــــــبي الموتر والا ترى بتشــــوفين شــي ما شفتييه في حيـــــاتج
نوره: راشد انت اشفيك معصب ..ليش تـــباني اركب الموتر
راشـد: عــندي شــي ابغي اقــــوله ..لا تخــافين ما بحــرك سيارتي..
نـوره تمـت واقفه مــتردده وخــايفه..
نوره: انــزين قــول اللي عندك اهــني مب لازم اركــــب ..
راشـــد بعـــصبيه: اوهووووووووو قلتلج اركــــــــــبي ولا ترى صــدقيني بتندمييين..
نوره: انـــزيين انــزين..
سـارت نوره صوب السيت اللي جـدام ..يلست عــليه وهي خــايفه وتتنافض..وخـلت الباب مفتوح..
نوره: راشـد..يالله بسرعه قول اللي عــندك..
راشـد: بقولج..ومن غيــــر مقــدمات..ابغيــج تقطعيين علاقتج ويا بنت عمــي ..
نوره: بــــنت عمك !!!..وامنوا بنــــت عمك؟؟
راشـد: أميـــــره..ابغيـــج تقطعين علاقتج وياها نهــائيا..
نوره: اي امييره !!
راشـد: اوهوو لا تيلسين تستعبطين علي الحيــنه..اميـره اللي يـــابتج بيتنا امـــس ..عند مـريم وعوشه..
اهـــني نوره انصـــــــــدمت..وتمــــت تطـالعه وهي فاجه عيــونه..معقـوله البيــت اللي ســارته امـس كان بييت راشـــد..ومـريم وعوشه خـــواته.. !!..واميـــــــــــره تطلع بنت عمـــــــــــه !!..يا ربـــي شو هالصــدفه..
نوره: لـــــيش تباني اقطــع علاقتي ويا أميــــره..!!..بالعـــــكس ..انت ما تتصــور اشــقد فــرحتني ..امـــيره من اعـــز صــديقاتي واحــلى شــي انها عــرفتني على مـريم وعوشه خــواتك..وانا ارتحــت لهم واايد وهم بعد نفــس الشي ..وهالشي بيســهل عليك انته يــوم بتي بتخــطبني ..
راشـد: انتي اتخـــــــبلتــــــــي !!..نوره..انا لين الحيــــن ميود اعصـــابي ..فأحســن لج اسمعي الكــلام ونفــذي اللي قلتلج عــليه
نوره: انزييييييين ليييييييش ..؟!!..وبعدين اللي تقــوله هذا مستحييل ..اشقايل تباني اقطع علاقتي ويا اميره..اميره عــــاد!!!..انا وهي ربـع من يوم ما كنا صـغار..والحيـــن تباني اودرها !!
راشد: شــوفي ..تــرى انا اقدر الحيــن احــرك الموتر واوديج اي مكــان ابااا غصــبا عليــج..واقــدر بعــد اسير بيتكم الحيــن وافضحج عند اهــلج....واقــدر اسوي واااايد اشــياء اذا ما سمعـــتي كلامي..
نـــــوره انصعقــت من الكــلام اللي قـــاله راشـــــــــد..معقــوله يعــني راشــد يسويها !!!..وتمـت تصيــح..راشــد من شــافها وهي اتصيــح كســرت خــاطره وتم متلوم فيها ..بـــس ما بيـــن لها هالشـــــــي ..
راشد: اتــصلي الحييين جــدامي في أميــــره وقوليلها انج بتســافرييين ..ومااتعــرفين متى بترديــن ..وقــوليلها ما تتصـــل فيج لانه تيلفونج ما بيكـــون عنــدج..
نوره: انت ليــــش تباني اســـوي جييه..والله حـــرام علييك..
راشـد: بتسوين اللي قلتلج عليه والا ...........
نوره: خلااص خلااص ..بسـوي..طلعت موبايلها من الشنطه ودقـت على رقم اميــره..
راشد: حطي عالسبيكر..
نوره: انـزين..
أميــره: هــــلا والله هـــلاا..هلا بالطش والرش
نوره: اهـلين ..اشحالج
أميره: الحمدالله..نورووه..بــلاه صــوتج متغيــــر ؟؟!!
نوره: لاا مافيني شــي ..
أميره: افاااا تخشيــــن علي..
نوره: صدقيني أميره مافيني شــي ..المهم انا مااقدر اطول وياج ..متصـله فيج اقولج اني بسـافر..
أميره: بتســـــــافرييين ؟؟!!!!..وييييين بتســــافرين ؟!!..وشو هاي السفــره المفاجأه !!!
نوره: مااعرف ..الاهـل قـرروا ..انا ماادري عن شــي ..وترى تليفوني ما بيكون عندي ..
أميره: افااا..ويــن بيكون تليفونج..
نوره: عند اخــوي ..
أميره: اهاا..خــلااص فديتج ربي يحــفظج ..تروحين وتردين بالسلامه..عاد حـاولي اتطمنيني عـليج ..وبس تردين بالسلامه ان شـاء الله اتصلي ..
نوره: الله يســلمج..ان شــاء الله..يلا مع السلامه..
أميره: مع الســلامه..
من بنـدت اميره حســت نوره بقــلبها يتقطـــع ..
نــوره: ارتحــــت الحين !!
راشـد: هــيه وااايد..نـوره حبيبتي ..صـدقيني هاللي ســويته لصــالحنا..
نوره: راشــد انت صــادق معــاي والا اتقـــص علي ؟؟!
راشـد: افااا والله ما هقــيتها منج..اكيــد صـادق ويــــاج ..
نوره: يعـــــني بتخطبني..!
راشد: هــــــــــيه اكيييد بخـــطبج..انا عند وعدي
نوره: عيــل ليش فكـــــرت في لحظه انك تفضحـــــــني ..
راشــد: كنت معــصب ومب عارف شو يالس اقول ..(يسحــبها من ايــدها صـــوبه)..نوره انا احــــبج..
تســحب ايدها وتبتعــد عنه ..وتنــزل من السيـــاره..
نوره: خــلاااص انــا بروح..
راشد: اوكي روحـي بس هااا..تــرى اذا صــار اي شـي من ورااي يا نــوره ما بتـشوفين خيــر..انا ادري انج اتحــبيني وتسمعيـــن كلامي ..
نوره: راشـد انا بســوي المستحـــيل علشانك..
راشـد: هــيه جيــه ابغييج غــناتي ..انتي وراج شـي الحين؟
نوره: لاو الله ماوراي شي ..ليش؟
راشد: عيـل اركــبي بنسيـــر نتغــدى..
نوره: لااااا مـــــااقدر..
راشـد: افاااا ترفضيــن عزيمتي ..يــلا خلااص مب مشكـله..على راحــتج..
نوره: حبيبي لا تـزعل مني ..بعــده ما صار شــي رسمي من بينا ..وانا عــارفه ان اللي يــالسه اســويه اكـبر غلط..بس واللـــــــه أحــبك..ومـــالي غنى عنك..
راشد: ان شـــاء الله بيصيـــر يــا نــوره انتي بس تعـالي معاي الحيـن..
نوره: لاا راشـد اسمحـلي ..خــل يصير شــي رسمي عقــب ..


راشد: خلااص خلااص ..مااحـــب اترجا حــد انا..مب مشكــله ..على راحتج ..يلا مع السلامه..
نوره: راشـــد عاااااااد..لا تــزعل...
راشد: يلا سيري شــو تبين الحيــن بعد ..عزيمتي ورفضتيــها بعد جييه واقفه..انا اوني قـلت بعــزم حبيبتي اكيــد حاطه في خــاطرها عـــلي ما يصيــر اخليها جيــه لازم اراضيــها..بس خــلااص انتي اكــدتيلي الحين انج ما تثقيــن فيني ..ما تثقيـــن فاللي اونــج كنتي تقولين عنه حبيبج..للاســـف انتي مااتعرفين الحــب عــدل..يلا يلا بااي ..
نوره: لا حيـــاتي لا تقــــول جييه انا والله احــبك وواثقــه فيك بعــد..انا لــو ما كنت احــبك جـان ما اتخــليت عن اعـــز ربيـــعاتي علشانك....وعــزيمتك هـــاي ما برفضــها.. عشان اتعـرف اني انا صـدق احــبك..بس عشان خـاطري انت بسيـارتك وانا بسيــارتي اوكيــه ..
راشد: صــح اني كنــت بستانس اكــثر لو انسير بسياره وحـده بس يلا مب مشكله راضـــي بهالشي..يلا عيــل الحقيني وين مااسيـــر ..
نـــــوره: ان شـــــــــــــــاء الله ..
................
طـلعت من حجـرتها شـافتهم كـلهم متيمعين في الصـاله اللي فوق..
مريم: سـلام عليكم..
الكــل: وعليكم السلام..
جاسم: هــــلا والله بدكتـــورتنا..
مريم: اهــــــلين مهـــــندسنا..شخــبارك؟
جاسم: دام انـــــــي وياكم..اكيــد بخير..
فاطــمه: ان شـــــــــاء الله دوووم بخيــــر يا ولــديه..
جاسم: ويــــاج أمــايه..
عوشه: انــزين..وانا يعــني محد بيســأل عن حــالي ..!!
مريم: هههه تراج بخيــر ما فيج شـــي بعد ليش نســأل عن حالج..
عوشه: هــيه يعني جــسوم اللي فييه شـــي !!..
جاسم: اوهووووو بعد مشكله اللي يغاروووووون..كفايه انج عندهم دووم..مب انا وحليييلي ..بالحســـره يشوفوني..
فاطمه: هــيه والله فــديتك بالحسـره انشوفك..ليــتك بس عنا دوووم..
مريم: خـلااص عمــتي جاسم ما بقى له شـي الا هالسنه بــس..وان شــاء الله عقبها بيتم عنا عـلى طول
عوشه: خــلااص عيل ..انا بعد بسـافر برع بكمل دراســتي عسب تشتاقونلي شراته..
علي: هييه قصورج تسافرين بـــرع..ما عندنا بنات يــدرسن بــرع..الحمــدالله الجــامعات والكـليات تارسه البـلاد..
فاطمه: هي والله صـدقه ابوج ..يكــفي انه اخوج مبتعــد عني بعد هالدور تبين انتي تسيرين..هاللي قاصر بعد..
عوشه: ههه اصلاا انا مااتحمــل بعدكم..مب شـرات بعـض الناس ..استغــنوا عنا بسـهوله وسـاروا يدرسون بـرع..
جاسم: ههههه بس حــفظت هالجـمله من قلت اني بــسافر وانتي تقولينها..خلااص الحيـن مابقالي شــي وبخلص ..وبتمــلون من مجابل ويهي عقب..
فاطمه: ويي فديـــتك ماعاش من يمـــل من هالـــــويه .. ربي لا يحــرمني منه..
عوشه: احم احم ..يوم اقولكم بســـــــافر..
جاسم: اوهوووو خــلي امي اتدلعــني شوي انزييين..ما شــبعتي انتي !!
عوشه: اشطـولك ..اشعــرضك تدلعك على شــو..المفروض تدلعــني انا ..انا بـــــنت..
فاطمه: كــلكم عندي واحــد ربي لا يحــرمني منكم..
علي: وانــــــا..اشوف شفــتي عيالج ونسيتيني ..!!
جاسم: اووووووب بــدا يغـــــار الوالد..
فاطمه: هههه انت عـــاد ابـــــوهم اللي مــالي غنـــاة عنك..
عوشه: اووووو امنوا قـــدك ابــــــــويه..وجان يمدحووونك..
مـريم كانت تسمعـهم وهم يــرمسون وتبتســـم..بس خــايفه من دموعها اللي حابستهم في عيــونها تخونها وتـــنزل لان في داخـــلها حــزن ما ينــــوصف..تشـــوف عوشه وجــــاسم شقايل مستانسيــن وهم ويـــا امهم..عــــــندهم ام تخــاف عليهم وتشتـــاق لهم اذا ابتعدوا عــــنها..هي مــب قــصدها تحســدهم على هالشي ..بس تحـس ان هالشـــي هي محــرومه منه وهي في امــــس الحاجه له..
.
.
تصــعد فوق وتشــوفهم متيمعين كـلهم في الصــاله..اول ما تـــوصل عندهم يطــيح عينهـــــا في عيــــــنه..وهــو يــتم يطــالعها بعصـــــبيه والشراره طــالعه من عيـــونه..هـي اول مـاشافته جـــيه نـــدمت لانها يــت وتمـت تتنافض من الزيغه..
مـريم: هلا والله خــالوه عايشه..شخبارج..
عايشه: الحمدالله بخيـر..اسمحولي عالازعاج بس انا يـايه اخبركم انه الغـدا زاهب..
فاطمه: لااا افاا عليج ..لاا ازعــاج ولا شي..حيــاج الله في اي وقــت..
عوشه: هي خــالوه عايشه لا تستحييين تعــالي اقعدي ويانا..انتي الحيـــن صـرتي وحده من هل البيت..
اهـــني علي زاااااد غيضـــــه وقهــــره على عايشه..واتطـــالع عوشه وهـــو شــويه ينــش لها ويكــفخها..اهـني عــوشه زاغــــــت..وعرفت ان ابـوها ما يبغيها تقعد عندهم..
عايشه: لا فـديتج بروح..يـلا مع السلامه..وســارت عنهم بســرعه..
فاطمه: اشفيـك يا علي الله يهــديك ..زيـن جيه الحين بينت حق الحرمه انك ما تباها تيلس عندنا..
علي: هاللي ناقص بعد هالاشكـال ييلسون ويانا..انا ماادري انتي من وين يــايبتنها..انا الصراحه مب مــرتاح من وجودها في بيتي ..خـــل اتروح وانا بييبلج عشــر خدامات غيرها جان تبين..
مريم: لا ابـــويه دخيـلك نحن وايد مــرتاحين لها هالحـرمه..
فاطمه: لــيش تروح وحليلها..شـغلها مرتب وحــلو..الصـراحه مليت من هالاجـانب اللي ييوني مايعرفون شـي ..
جاسم: والحـرمه شكــلها طيــبه ابـــويه..
علي: انــــزين انــــزين خــلااص فكونا من هالســالفه..مريم..راشد وين؟
مريم: ماادريـــبه والله ابويه ..الا عـلى طاري راشــد..مـارمسك اليوم عن شــي في الشركه؟!
علي: يــرمســني عن شـو ..!!
مريم: اممم ..ابــويه ترى راشــد نـوى عالزواج..
فاطمه: هه..جان قلتيــله تو النــاس..ما بغــــى !!!
مـريم ..الحين بــدال ما تقولين هـاي الساعه المــباركه..زيــن يوم قرر انه يـتزوج..تقولين لي هالكــــلاام...!!
علي: انا اهـم شــي عندي الحين منو هــاي اللي يــبا ياخذها..
مريم: مــا يبيــله كــلام يــا ابــويه..بيـاخذ بنت عمــــــه اميــره..
عوشه: صـــــــــــدق والله مريوووووم !!..
مــريم: هيــــه والله
علي: هيـــــه والنعــــــم..حسبالي بعد مفكـر ياخذ وحده غيــرها..خلااص اليــوم بنسير بيت عمكم وبنخطــبها له..
جـــاسم: يـــــلا عقــبالي ان شــــاء الله..
فاطمه: وييي فـــديتك بس تخــلص دراستـك ان شــاء الله بخطــبلك شيخــة البنات..
جاسم: ههه ان شــــــاء الله..
...............
العصــر في الكويت..وبالتحديد في بيت مشعـــــل..
خديجه: يـا مشعـل ما يصيـــر جذيــه..كلمـا شفت الولد هاوشته..ولدي وانا اعرفه زيـــن ما يطلع منه هالسوالف..
مشعل: اييه مو ثقــتج الزايده اهي اللي بتضيـــعه ..انا شــفت كل شي بعيني وهــذا اللي قاهرني..
خديجه: اهوا قـالي انه في واحد من الصبيــان اهناك في المدرسه متهاوش معــاه واهو اللي وهقه بهالاشياء
مشعل: لا والله..!..وانتي خلااص ..صـــدقتييه...!!..
خديجه: اييه اكيــد بصـــدقه..انت اشفييك يا مشــعل..مب واثق في تــربيتك له..نحن ربينا عيالنا احســن تربيه..
مشعل: اييه بس هو الوحيــد اللي ما طــلع قــد هالثقه اللي عطيــناه ايــاه..فضحـــني الجــلب..بظــل اعامله جذيــه الييين ما يـــتأدب..
خديجه: حــرام عليك يا مشعـل اللي تسـويه بالولـد ..انت لو سمعت كـلامه البارحه ما كنـت بتقول هالكلام..الولــد كــاسر خــاطري ومبيــن علييه انه مظــلوم ومو مسـوي شــي ..
مشعل: هالكــلام ما يدش مخــــي انا..وبلا هالدلــع الزايد ..نـــواف غلط ولازم يتحمــــل عقوبة غلطته..لـــو انا سامحـته الحيــن عادي يكرر الغلط مره ثانيه..
تــنزل عالدري وهـــي بكــــامل كشختها..
منال: سلام عليكم..
خديجه & مشعل: وعليكم السلام..
خديجه: هاا ..عــلى وين ان شــاء الله؟؟
منال: يمـا بسير عــند رفيجتي ندرس حق الامتحان مع بعض
خديجه: انزين واللي يسير يدرس حق الامتحــان ..يسير جذيـــه..
منال: اييه يمــا اشفيني ..
خديجه: يلا يلا روحي امسحـي اللي حاطتها على ويهج..
منال: مو يمــا يا حبيبتي ما يصير اروح بيت رفيجــتي وانا مب حاطه ميك اب..يـــــبا قول شــي
مشعل: روحي يـــا منال ..وهالله هالله بالدراســـه مب تقعدون تسـولفون وتلهون عن دراستكم..
منال: اييه اييه اكيييد يبـــــــا..
خديجه: مو تتأخرييين..
منال: ان شــاء الله يمــا..يلا مع السلامه..
خديجه & مشعل: مع السلامه..
طــلعت منال من عندهم..وســارت صوب ســيارتها ..اول ما تبغي تركب يرن تلفونها..
منال: الوو..
مشاري: يـــــــــــا بعد قلبي والله..
منال: هههه..حيــــاتي انته..اشلونك..؟؟
مشـاري: آنا من بشـــــوفج بصير بخير..

منال: ايــــه بس مثل مااتفقــنا تشــوفني من بعيـــد اوكيه..
مشاري: انا راضــــــــي المهم اني اشــوفج..
منال: خــلااص ربــع ساعه وبكون في المجــمع..
مشــاري: اوكيــه خلااص آنا ناطرج اهناك
منال: اوكي بااي..
مشاري: بااي..
................
بعــد صلاة المغــرب..راحـوا قــوم بو راشد بيت سـلطان عشان يخطبون اميـره حق راشــد..طبعا سلطـان ابــدا ماعارض واستــانس واايد لانه ما بيحــصل احســن من ولد اخوه حق بــنته ونفس الشي مــرته شيـخه وحمــد..وطــبعا أميـــره مثل ما تعرفــــون انها موافقــــه اكيــد وتتريا هاليـــــوم من زمـــــان ^__*..فاتفقــوا عــلى انه يكــون العرس بعــد شهر..يعني في اجــازة الربيع..والملجـه يوم الخميــس يعـني ورا باجر ..بس من غيـر ما يســوون حفــله يعزمون فيها ناس غـرب وهـاي رغـبة راشــد..يعـني الحفله بتكـون بينهم بس ..
.
.
في حجـــرة اميره ..كانوا متيمعين البنــات..مريم وعوشه وحمده واميره..
اميره: مريوووووووم اكفخيني ..
مريم: بسم الله عليج اميرووه اشفييييج ؟!!
اميره: ماادري ماادري ..مب مستــوعبه السالفه..انزين قوليلي..هو قــالج يباني انا بالاســم..يعني قال ابغي اميره بنت عمــي والا قال بس ابا اتزوج..
مريم: يا ربيييييييي من هالبنت ..انتي اشفيــــــج!!..الف مره عدت لج السالفه..
اميره: هي مــــاعليه ..قولي مره ثانيه دخيلج مريووووم..
حمده: اميـــرووه اثقــــلي ..اللي يقــول الحيـــن ماادري امنوا اللي خطـــبج..الا هو رشود
مريم: لاااا والله ..ليـــــش عيوني ..مب عايبــنج رشووود !!..كفايه انه مخــبل اختج ..
اميره: يعــــني انا ورا بــاجر بصير مــرت راشـــد..لاااا لااااا انا مب مصــدقه انا اكيــد في حـــلم..
تســير عوشه وتدقـها على راسـها: لاا لاا انتي في عـــلم..
اميره: خووووووووزي عني بتخـــــبل..
عوشه: هههههههه بتتخــبلين !!..انتي تخــبلتي وخلااص..
اميره: واخيـــرا..واخيـــــرا تحقق حــلمي اللي احــلم فيه من زمــــان..يا ســــــــــــلاام..اليوم احــلى يوم في حيـــــاتي..انا لين الحين مب مصــدقه..
مريم: ههه صــدقي صــدقي..اصلا انتي المفروض كنتي عــارفه انه راشـد مستحيل ياخذ غيرج ..
اميره: هيييه قصــوره بعــد ياخذ غيري ..كـــل هالحب وياخذ غيري !!..عادي ارتكب فيه جريمة قــــتل..
حمده: ههههه اوييي اختي مجــرمه ..
مريم: اوييييي خل اخــليه يهــون احــــسن ..عادي باجر اذا استـوى اي شـــي تسير وتذبح اخــــوي
اميره: ويييييييييي فـــــــــــديته .. مايهــــــون عــــليه اصلا..اذبح عمــري ولا اذبحه..
عوشه: هي اذا بتذبحين عمرج مب مشكـــله..
اميره: غـــربلاتج ..صــج نذاله..مرت اخــوج انا ..احم احم..
عوشه: ههههه بعـــدج ما صرتي مــرت اخوي..
مريم: ان شـــاء الله عقــب باجر بتصير ..بس انا ملاحظـــه شي غــريب اليوم..!
اميره: شــو ملاحظه؟؟!
مريم: عوشوه وحمدوه !!..ليش يالسين بعاد عن بعض!!..
اميره: هيييييييه صـــح..ذكرتيني ..حمدوه زعــلانه من اخــــتج..عوشــه معقـوله انتي يطــلع منج هالحــركه اللي سويتيها اليوم في حمدووه..
مريم: اي حــــــــــركه..شو السالفه؟؟!
اميره: اليوم اختج قفطت حمدوه جدام بنات الصف ..قالتلها اختي تعالي بتمـشى وياج ..طـافت من جـدامها ولا جـنها تسمعـها وسارت ويا وحده ثانيه..
مريم: صـــدق عوشوه ؟!!..جي ســويتي ؟
عوشه: والله البنـــــت واقفه برع تتريــاني يعني مااسير لها..!
اميره: عالاقل جـان قلتي حق حمدوه انج بتسيرين وياها مب تطوفين من جــدامها من غير ما تقولين شـي وتضحكين البنات عليها..
عوشه: اصلا البــنات كانوا يضحكـون على شــي ثاني بس هاي اخــتج عبــالها يضحكون عــليها..
حمده: لا والله..انا مــــب هبله لهالدرجه عشان مااعرف اذا هم يضحكون عــليه والا لا...
مريم: انزين صـدق يمكن هم ماكانوا يضحكون عـليج..
حمده: انا مــتأكده انهم كانوا يضحــكون عــلي ..وبعـدين تراها اختج لازم بتدافعين عنها..
مريم: شـــو هالكــلام بعـــد..انا من متــى فرقت بينج وبين عوشووه..كلكم خــواتي..
اميره: خـلااص الحين لازم تتصــالحون مــر واايد على زعــلكم ونحن مب متعودين انشوفكم جيــه..يلا عوشووه نشـــي اتسامحي من اختي ..
حمده: ماابغيــها اتي تســامحني ولا شـــي ..
عوشه: اصــلا محد قالج اني بـــيي..انا ماغـــلطت عشان اسامح..
مريم: خلااص اميره خــليهم يتدلعون الحينه.. انا متأكــده انه بالكثيــر يوم وبيردون شــرات قبل واحسـن بعد..
اميـره: ههه هي انا بعــد اقول جيه ..(بــــدلع)..اقول مريومه..ريلي تحــــت ؟!
مـريم وهي تقــلدها: هيييه ريلج تحــــت..
تدخــل عليهم شيخــه..
شيخه: مـــرحبا بنات..
الكــــل: مرحبتيييين..
مريم: هـــلاا هــلاا خالتي ..
شيخه: اهـــلين غناتي..شــو مب ناويين تــنزلون تحــت..
اميره: هي يلا يلا ننـــــزل ..
حمده: هههه خيــــبه..ما صـــدقت ..
شيخه: زيــن يلا انــزلوا ..ترى العشـــــا زاهب..وتــــروح عنهم..
مـريم: يلا نشـــوا انسير..
اميره: مريووووم اســــــــــتحي !!
مريم: من متــــــــى يا حظــــي..توج تبييين تنزلييين..
اميره: انـــزين شــوفي شكــلي ..ينفع يعــني انزل تحـــت والا احط ميك اب عالخفيف..
مريم: اشفيـــج انتي اشفيـــج..تراه شايفنج من غير مكيـــاج وعيبتيييه بعــد اشله ها كله
اميره: انزين خـلااص خـلااص ..يلا ننـــزل..
تنــش اميره وتسير صــوب المنظــره وتيلس تتطــالع عمــرها..ويسيرون كلهم ويسحـــبونها ويــنزلون تحـــت..بــــس للاســـف..راشـــد كان مروح..واميــره جـــاسها احباط مب طبيعي ..ويــلست تتحــــرطم عــلى مريم..
.................
كــان يــلحقها من الصــاله ليــن المطـــبخ..ومن المطــبخ لين الصـاله..وهو يبغـي يرمسها بس ما تعطيه مجــال..
حارب: امييي تعبتيني ..قري مكـــان واحد ابغي ارمسج..
ام حارب: شــو تبغي اتقولي ياامي خلني اخلص شـــغلي..
حــارب: امييي دخييييلج تراني هـــب مطول انتي تعــالي قعدي بـــس..
ام حـارب: هاااا قـــعدنا..يلا قــــول شو عندك..
حارب: امــايــه الصراحه بــقولج ..ولدج حــاط عينه عــلى وحده من زمــــان..ويبغيج تخطبينها له..
ام حارب: كلللووووووووووش...ويييييي هاي الســاعه المباركه يا ولدي ..انت بــس قولي منو هاي وانا الحيـــن بسير اخطبها لك..
حارب: ههه لااا عاااد مب الحيـــنه يا امييه..
ام حـارب: انزيين قـــولي امنوا هـــاي ؟؟!!
حارب: امي تبين الصــج انا مااعرف شو اسمــها..بس هي بنت ييرانا..قــوم ســلطان محمد..
ام حارب: ســلطان محمد اللي مجــــابل بيتنا عــلى طول ؟!!!
حارب: هي امي ..
ام حارب: ياا ولدي هـــاييله ناس كــباريه شــو تبابهم..
حارب: امــي انا البنت داشه في خــاطري من زمان وانا اعرف اخوها حمد ماشاءالله عليه ريـــال والنعــم فييه ويــوم اشــوفه واسولف وياه ابـدا ما يحسسني اني اقـل منه..
ام حارب: هــيه ادري هم نــاس والنعم فيهم بس يــا خوفي انهم ما ينــاسبون الا ناس كباريه شراتهم..بس قـولي انت حاط عينك عـلى اي وحــده..انا اعرف انهن هنتيين..اميره وحمــده..وانا اشوف انه اميــره هي اللي تنـــاسبك اكثر لانكم متقاربين في العمر..
حارب: لا امـــي انا اللي ابغيـها في المــدرسه بعـدها..
ام حارب: عيــل انت تطــــري حمده..ظـــني هي الحيــن في الثنويه..ياامي هاي بــعدها صغيره عـــليك..
حارب..حمــــــــــــده..فدييييت اســمها انا..حمـــده ..يا ويييلي اول حــرف في اسمـــها نفس اول حـرف في اسمـــــي ..
حارب: لا صغيــره ولا شــي ..ثـــنويه عــامه ..والله وايد زين..بـــس تخلص ان شــاء الله بنتزوج..
ام حارب: والله ماادري شـو اقولك يـا حارب..اذا البنت من نصــيبك بتاخذها..
.
.
في حجــرة شمــا..
شمــا: هههه الحيـــن انا متــى سكــرت عنك من غير لاا اقول شي
مايد: ههههه والله اول مااقولج خلااص بخليج اتقولين اوكي وطــــاخ تسكرين على ويهي ..
شمـا: هههههههه انت ما تسمــعني والا انا وحليلي اقووول..
مايد: هههه حيـــاتي والله انا راضـي حتى لو مااتقــولين انا اهم شــي عندي اسمع صوتج..
شمـــا: ههههه..

مايد: هههه لا والله..وايد عـــليج..قوليلي كــلام حــلو..
شما: ههه كــلام حـــلو !!!..
مــايد: هي يــــلا قوليلي أحـــــــبك ..
شما: هههههه لا اســـــــــــتحي ..
مــايد: يــــلا علشان خاطري شمــا قـــوليلي هــاي الكلمه انتي مااتعــرفين يوم اسمـــعها منج شــو يستوي فيني ..
شمـا بــصوت خـــفيف: احــبك..
مـايد: هاااا..شوووو..ما سمـــــــــــعت..
شما: يالعيـــــــــــار..سوري ما بكررها مره ثانيه..
مايد: صــدقيني ما سمــعت يلا بعـد مره عـــــلشاني..
شما: أحبــــــــك..
مــايد: ااااه ..انا الحيــــــــــــن ارتحــــــت..
شمــا: ههههه الحمدالله..
مايد: هههه فـــديتج والله..شمــــا..مــتى ايي اخــطبج ؟!
اهـــني شمــا اتغير مــلامح ويهها وعــلامات الصـــدمه والعصبيــه مبيـنه على ويهها..
شمـا: .............
مــايد: شمـــا دخيلج لا تسكتييييين..يعني نحن ليــــن متى بنتم جيـــه لين مــــتى..
شمـــا بصـــوت عالي: بــــــــــس بـــــــــس ..لا تـــرمس في هالموضوع مــره ثانيه فـــاهم..والله لـــو رمســت في هالموضوع مــره ثــانيه مــا بتسمع صــوتي موليه..
مايد: شمــــا والله حــرام عليج والله..انــــزين قوليلي اشفيـــج ليـــش ما تبيني ايي اخـــطبج لييش..من ســــنتين وعــلاقتنا بـــاديه على الحــب والاحــترام..ويـــا الوقت اللي ينتهـــي فيه هالحــب بالنهايــــه السعيـــده..
شمـــا وهي تصــارخ واتصيــح: ماابغـــــــــــــــــي ماابــــــــــــــــغي ..انا ميـــــــنونه..انا ميــــــنونه..وتسكــر التلفون وهي منـــــهاره..يـــدشون عــليها حـــارب وام حـــارب ويــربعون صــوبها ..
ام حارب: بــــسم الله عليج يا بنتي بسم الله عـــليج..اشفيــــج فديــــتج
تـرتمي شــما في حــضن امهــا وهي تصيــح: أمــــي انا تعـــبانه..
ام حارب وهي تصيـح: اشفيـــج ياامـــــي قــوليلي اشــفيج..يمــــا حـــارب ييب الدوا بسررعه..
شما: لا امي خــذت دواي..امي انا مب صــاحيه ..انا مـــب مثل باقي البـــنات..ليش يا ربي لييش!!
ام حارب: لاااا فــديتج لا ياامي لا تقــوليين جــــيه ..انتي حـــالج من حالهم يا بنتي ومــاعليج قصـــور..
حارب: شمـــا شو هالكلام اللي تقــولينه..!!..الحمــدالله عــلى كــل حال انتي احــسن من غيرج ..
ام حارب: هي والله يـــا بنتي دايمــا قولي الحمـــدالله ..مــب زين الكلام اللي تقولينه فــديتج ..
شمـا: الحمــدالله ..الحمــدالله ..امــي نامي عندي اليــوم لا تخليني بروحي..
ام حــارب: ان شـــاء الله فــديتج بــنام عــندج انتي بس هــدي اعصــابج الحيــن..
تمت ام حــارب تمسح على شعرها وتقرا عـــليها..ليــــن مارقــدت ..غطــتها عــدل..وحــبتها عــلى راســها ورقــدت عندها..وحــارب من اطمــن عليهم راح هـــو يــرقد بعــد..
................
اليــــــوم الثـــــــاني ..عــلى الساعه 12 الظــهر..
كــان طــالع من البيت وســــاير ستي سـنتر دبي ..وصـل هناكي وبــركن موتره وكــان بروحــه..نــزل منها ودش داخــــل وســـار صــوب كافيــه هافانا لانه متـــواعد ويـا ربيعه هنـــاك..دش داخـــــل وطــلب له كابتشينو وســـار يــلس..اول مـــايلس لفـــــت انتباهه شـــي ..شـــلة بـــنات دشن الكافيه وكاشخــــــات عــــدل.وهالمنظــر مب بس لفـــت انتباهه هو ..كــل الشباب اللي كانـــوا هناك كانت عيونهم على البــنات...بس هو طــــاح عيونه عـــلى وحده منهن ..ركــــز عليها وشــــافها عــــدل..اهــــــني فــــــج عيــــــونه وانصـــــــــــــــعق من اللي يشـــوفه..معقـــــــــــوله ..معقـــــوله تكون هـــــــــــــي !!!!

الجزء الثاني عشر..

من الصــدمه ما عــرف شـــو يســوي ..يسيــــر لها الحيــن جــدام الخلق ويــهزبها بعــد فضيــحه..شو بيقولون عنهم النـــــاس..!!..شـــــل بعمــره وطــلع عــلى طول قــبل لا يتصــرف بأي تـــــصرف يندم عليها عقب..كـــان يمشـــي بخــطوات ســريعه لين ما ظـهر من المركز وركــب سيارته وطــلع فيهـــا وهـــو حـــاس انه خــلااص فاقــد اعصـــابه..تــــم يسوق بســرعه جنونيه وهــو مب عارف وين يسير..في هاللحظــه رن تلفونه ورد عــليه..
جاسم: الوو
سالم: هلا والله..انت ويــنك..؟
جاسم: اسمحــلي سلوم مااقـدر اييك مشغول شوي
سالم: افاااااا مشغول في شوو يا ريال؟؟!!..عاد بيفوتك اليــوم اذا ماييت..اقولك جـــدامي ميــلسات شلة بنـــات..اوفففففف كــل وحده احـلى عن الثانيه..لا ومشغــلات البولوتوث بعــد ويالس اســولف وياهن..
اهـــني جـــاسم فــــر التلفون بالقوو وهـــو خلااص معـــصب..رد الستــــي مره ثانيه وهو نـــاوي عالفضيحـــه واللي فيـــها فيــــها..نــزل من السياره وتم يمشـــي عالسريع وهــو حــاس انه ما يالس يـــوصل بســـرعه..بــوده يـــركض ويـــوصل لها ويذبحـــها من الضــــرب ..لســــوء الحــظ وهو في هالحـــاله شــــافوه ربعه وساروا سلمــوا عـــليه...واضطــــر انه يوقف معاهم ويسولف وهــــو حده ماله خــلق..مــاطول ويـاهم واايد وراح عنهم بســرعه..وكمــل دربه لين كـافيه هافانا..اول ما وصل هنــاك تم واقـــــف وعيــونه تدور بين الطــاولات..بــــــس للاسـف ..ما حصـــلهن!!..شـافه ربيعه سالم ونــش سار عنده عـلى طول..
سالم: هااا جســوم ...اشوفك ييت..
جاسم: اقــول,,وين البنات اللي كنت تقولي عنهن؟؟
سالم وهـو يغمزله ويبتسم له بخبث: ايـــــواااااا الحيـــن عرفت ليش يـاي..يـاي عشان هالبــنات هااااا ..تــــــوهم بـس روحوا يعـني لو كـنت ياي قـبل بدقيقتين كنت بتشوفهـــن..بس الصراحه ..فـــــــــــاتك..
اهـــني زاد غيـــض جـاسم وتم يــطالع سالم بعصـــــبيه شــــويه ويكفـــخه..رااااح عـــــــنه من غيـــر لا يــــرد عـليه..
سالم: تعـــال جســوم تعـال وين سـاير..(باستغراب) بــلاه هــــذا !!!!
................
فـتحت عيونها بصعـــوبه ..والتفتت عــلى يسارها وشــلت موبايلها اللي كانت حاطتنه يمب مخـدتها..شــافت الســاعه 2:30..جــان تنش وتيــلس عالفــراش ..بـس انتبهت انه مطـرشينلها مســج..رفعت شعرها من على ويهها ..وفـتحت المســج..
(أدري إنـج اول ما بتنشيـن بتطـرشين مسج وبتعـتذرين عن اللي صـار امس ..فقلت اسبقج هالمـره وأقــــــولج ..بـــــتم احــــــبج يــــا احـــــلى شمــــــا..لا تنســين ..تراني أتريـــاج تدقيــن)..
ابتســمــت وردت التلفـون مكــانه..ونشـت من على سـريرها وطـلعت من الحجـره بتسير الحمـام عزكـم الله..بس شـافتها أمــها ويـت صوبها..
ام حارب: مــرحبا بنتي شمـــا..نشيتي فديتج..
شمـا وهي تحبها على راسها..: هي امـي.. الله يهديج بس..ليش مخلتني انام لين هالوقت..جان قومتيني اساعدج في شغل البيت..
ام حارب: ما هـنتي علييه اقــومج يا بنيتي ..ولا تحـاتين ترى امج بعـدها شباب وتقــدر عالشغل..
شمـا: ههههه هيه اكيـد بعدها شباب فديتها..اصلا اذا شافوني وياج بيقولون هاييله خـــوات..
ام حارب: ويييي يــــا خوفي يتحــروني اختج الصغيره بعد..
شما: هههههه لاااا عاااد امــــي ..مب جــنج بالغــــــــتي ..
ام حارب: هههه ويي بــلااج ..غرتــــي مني !!..ههههه يـابنيتي نحـن خلااص كـبرنا وراحت علينا..عاد جـان زين يشــوفونج وياي ..انتي كـله حابسه روحج في هالبيـت ما تطلعين منه..
شمـا: اتعـرفيني ياامي مااحــــب احتك ويا النـاس واايد..وخصـوصا قــعدات الحريم مول مااحبهــا..
ام حارب: ليـش يا بنيــتي ..؟!..مب زين جيـه تسوين في روحج ..لازم تطـلعين تشوفين النــاس..انتي حــتى دراســـتج ما كمـلتيها..ولا راضــيه تكمـلين عشـــان عالاقل يكــون عندج شــي تسـوينه بـدل ما انتي قــاعده فاضـيه جيه..
شمـا بـــاندفاع وعصــبيه: اووووووووه اميييييييي ماابغي ماابغي..انــــا مب مال دراســــه ..اللي مثــلي لازم مــايدرسوووون ..محكــوم عليهم يـــتمون جيــــه من غيـــر دراسه..
ام حـارب: لا يــــا شمــا لا فـديتج لا تقــولين جــذه ..انتي روحــج حاسه بنقص بس انتي حـالج حال البشـــر..
شما: ههه حـــالي حــال البشـــر !!!..ياامي تقصيـــن علي والا عــلى عمــرج..امي انتي ليـش ما تبين تقتنعـــين انه بــنتج مــــب مثل اي بــــنت..بـــنتج ياامــــي ماتروم اتمــارس حيـــاتها طــبيعيه..(بـــدت تدمع).. ابأي وقـــــت يمكــــن تطيــح عــــليج و..... يقطــع كــــلامها صــوت حارب ..
حارب: وشـــــــو؟؟..شمــا..اذا انتي تميــــتي جيييه ترى نظـرة الناس ما بتتغيـر صــدقيني..انتي لازم تبـدين بنفسج اول شــــي..لازم تحسسيــن نفسج انج حـالج حـال اي بــنت وتعيشين حيــاتج طــبيعيه..لا تخــلين هالمرض يكون ســبب في انعــزالج عن النــاس..انتي لازم تثــبتين لهم انج طبيعيـــه ومافيج اي شـــــــي..
شمـا: شقــايل تباني اثبت لهــم هالشي وانا في داخـــــلي حــاسه بالمرض ..ونظــراتهم لـــي..شقايل تباني اتحمــل نظراتهم ..اللي تشفق عــلييه واللي تخاف على عيالها يقربون صــوبي..حـارب..دخيـلك انا وايد مـرتاحه جيــه ..خلــني بعيده عن النــاس احسن..
ام حارب: الله يهــديج بس يــابنتي الله يهـــديج..
............
دش الصاله وهــــو منقهـــر وحدده معــصب..وعـلى طول صعـد الدري وسار صــوب حجرتها وفتح الباب ..شــافها يالسه هي ويــا مريم..ويســولفون..
مريم: الله يـابك يا جـاسم..تعال ايلس وياها طفرتبي اخــتك ..تقول اليوم تبا تظــهر..
عوشه: مشــــــــــكله ..بعـــض الناس واعدينا من زمان انهم بيظــهرونا ..لين الحين ماشفنا شي..
جـاسم وهو يطــالعها بعصــبيه: ولــــــــــج ويــه ترمسييين بعـد مسـودة الويــــه !!
عوشه تطـالعه وهي منصــدمه: جـاسم اشفيك؟؟
ســحبها جاسم من جتفها وهو يصــارخ: قــــــوليلي شو كــنتي اتســوين اليــــوم في الستي؟؟!!
نشت مريم من مكانها وسحبت عوشه منه..
مريم: جــــاسم انت اشفيك اليوم..؟؟!!..
ســار جاسم صوب عوشه وســـحبها من شعــــرها وتم يمطه بكـل قوته: قــــــــــــوليلي شو كنتي اتسوين في الســـــتي اليوم..ســـــايرات لي بنـــات رواحكــــن وميــلسات في الكـــافيه جــدام الخلق..جنكــــن سايرات عـــــرس ..
في هاللحظه دشــت فاطمه..
عوشه وهي تصيـح: آآآآآآآآآآآي هــدني مالك شغل فيني انته مالك شغل فيني..اصــلاا انا قايله حق امي اني بسيـــر وهي رضـــــت..
اهـني جــاسم هــد عوشه وتــم يطـــالع امــه وهو مصــدوم وعوشه ربعـــت صوبها..
فاطمه: جــــــــسوم..اشفيـــك على اختك ؟؟!!..ليش اتصـــارخ عليها
جاسم بعصـبيه: امـــــي انتي تدرين انها كانت اليوم في الستي ويا شـلة بنات ؟؟!!
فاطمه: هي ادري..هي قالتلي امــس ان بيودنهم رحــله اليوم
جاسم: رحــــــله.؟؟!!
عوشه: هي رحــله...شو تتحراني يعني بقص على امـــي ..!
جاسم: انتي جـــــــــــــب ماابغي اسمــع منج ولا كــــلمه..امـــي انتي صــدقتيها !!!..
مريم: جاسم الله يهداك اشفيك انته..شقايل ما تصـدقها بعد ؟؟!!..جاسم تــرى هاي عوشه..اختنا..ومـــربايه عــدل..
اطـــالعـــهم جـــاسم بعصـــبيه وصــد عنهم وطــلع ..وعـــوشه كانت بعـدها اتصيح في حضـن امـها وهي اتهــديها..امـا مــريم فطــلعت من عــندهم..
...............
العصــر..في بيت قوم عايشه..يـوسف كان يتزهـب لانه بيروح النادي بعد شوي..ســارت عنده مروه وشكــلها تبا تقول شـي بس متردده..
يوسف: اشفيــج..قولي اللي عـندج..
مروه: اممم..انت بتسير الحيـــن؟؟
يوسف: هييه ليـش؟؟..محتاجـه شــي؟؟
مروه: لااا بس انا ربيعتي قـالت بتي بيتنا اليوم..
يوسف: انزين خل اتي ..حياها الله..وشو المشــكله؟؟
مروه: ما عندنا شــي اقدم لهـــا..فشـــله والله..
يوسف: ويــوم انج تدرين انه مافي شـي ..اشحقه قلتيلها اتي ..؟؟
مروه: هي روحـها قالت بتي ..استحيت اقولها لا تيـــن ..
يوسف: انــزين شوفي انتي في المطـبخ يمكـن تحصــلين شي..جــاي عالاقل
مروه: بـــس جاي ؟؟!!
يوسف: هي بــس بعد شووو..
مروه: انـزين..واذا سئلتني عن امـــي شو اقولها؟
يوسف: شو شو تقولين لها بعـد..قولي انها في الشغـــل ..
مروه: من صــــجك انته ؟؟!!..وطــبعا بتســئلني امج شو تشتغل ..حزتها شو ارد عــليها..
يوسف: مفتــــشله من امي يا مروه ؟؟!!!..مفتشــله لانها تســـير من الصــبح ومااترد الا فيلليل ..تشتغل وتتعــب وهذا كله عشـــان امنوا ؟؟!!..مب علشــــانا احنا ؟؟!!..افااا يا مــروه افااا ..ما توقعـــتها منج..
راح عنهــا يوسف بس كــلامه تم يتراود في ذهن مـــروه وتــوها بس حــست باللي قالته..معقـــــوله اللي قلته عن امـــي ..معقــــوله انا اقــول جيه عن اميـــــه..اااه ..هـــذا يـــزاها الحيـــــن ..كفــايه انها تحــدت كلام النــاس كــــلهم واشغــلت شــغله مستحيــــل اي حــــرمه عايشه اهني ترضــى تشتغلها الا اذا كـانت حالتها شــرات حالتنا..تمــــت تلوم نفسـها وتصــيح على اللي قــــالته..
.............
كـــانت فاتحه الكــبت وتشوف الثياب اللي فيه وتتأفف..
حمــده: اشفيــــج انتي اشفيــــج؟؟
أميـــره: اوفففف ..ماعندي شــي حلو البسه حق ملجـــتي
حمده: الله والمــلجه عاااد..اللي يقول الحيـــن بيتيمعون فيه الخلق..الا هو من بينــا لبسي اللي عندج..
أميـــره: لااا ماابغي ..امي قالت بتعــزم خالوتي وبــناتها الخقاقات..يعــني لازم اكــون كـاشخه عــدل جــدامهم والبــس شــي راهــي ويــديد يحــلمن به..
حمده: امي عــزمت خالوتي ؟!!!!!!..عز الله ملجــتوا ..انتي نسيتي انه عريس الغفله شــارط مايبغي حــد الا احــنا ..

اميره: هـيه ادري بس عاد هاي خالتي الوحيــده ..صــح اننا مب وياهم ليــن اهناك بس بتظل خالتي ..
حمده: انزين وانتي الحين تبين تشترين لبس يديد بس عشان بنات خالوتي بييون..
اميره: لااا وعشــان ريلي بعــــد..
حمده: مالت عليج وعـلى ريلج يعني الحين رشــــودووو شايف كل اللي في الكبت !!
اميره: لــو سمحتي اسمــه راشــد..وبعـدين لا تسوينها سالفه انا في خاطري اشتري فســتان راقـــي ..وبالمـره بعد باخذلي اشياء حق الزهبه وبفصــل شيل وعبي وفساتين
حمده وهي مبققه عيونها ورافعه حياتها: وانتي كــل ها تبين تسوينه اليوم !!!!!!
أميره: امممم والله اذا حصــلت وقت ليش لااا ؟؟!!..اممم المهم الحين خل اتصل في مريوم ابغيها اتي ويــاي..
حمده: صــدق انج متفيــجه..مو مصــدقه انها بتعرس كل شي تبا تسويه في يوم واحد ..والله حـــاله..المهم انا يايه وياكم هاا وباخذلي فستــان بعد..
أميره: قصــــدج بتطيحين في جــبدنا..
حمده: لا بنقـــــــز هاهاها ها ..
اميره: هيهيهيهي مب حــلوه..الا ما قلتيلي ..اتصــالحتوا انتوا وعوشوه والا بعدكم؟
حمده: لاااا ولا بنتصـالح بعد..
اميره: يــالله عاد عن المصــاخه..الحين بتصل في مريوم وبقول خل عوشوه اتي وياج بعـد وابغيج ترمسينها عادي شرات كل مره..
حمده: لاااا والله ..هي الغلطـــانه وتبيني انا ارمســـها !!..مستحيـــــل..
اميره: مشكله بعد زعل اليهال..شـلت تلفونها واتصــلت في مريم..
مريم: هلا والله بمــرت اخوي..
اميره: لاا لاا تحرجيني استحـــــــــي ..
مريم: هههه مالت عليج..قوليلي شو تبين متصله
اميره: بل بل ..هذا اسلوب ترمسين فيه مرت اخوج..!!..
مريم: هييه شو اســـوي بعــد اتعلمته منج..
اميره: المهم..ابغي اسير اشتريلي فســتان حق الملجه واغراض للزهــبه اليوم ..تعالي وياي ..
مريم: صــدق انج متفيــجه..فستان حق الملجه اشحقه..من قلة الفساتين اللي عندج؟!
اميره: بس مـــريوم ابغي اكـــون اسبشل في هاليـــوم ..احم احم ..
مريم: هههه انزين يالاسبيشل ومنو بيودينا؟
امــيره: اممممممم..خطيبي ..
مـريم: راشــد!!..امم ماادري والله بقــوله بس مااعتقد بيرضى يودينا..
اميره: وليش ان شاء الله ما يـرضى!!!
مريم: تعرفين بعد راشـد ما يحب هالسوالف..
اميـره: الله يعيــني عيــل جان مايحـب هالسوالف..وانا عقب منو بيوديني اتشــرى ؟!!!
مريم: هههه عاد انتي غيــريه بطــريقتج الخــاصه..
اميره: هييه اكيــد..المهم يــالله قوليله الحين وردي عليه خبر ..
مريم: اوكي مع السلامه..
اميره: مع السلامه..
.
.
طـلعت مريم من حجـرتها وسـارت صوب حجرة راشـد..دقت الباب بس محــد رد عليها..دشت الغرفه ومالقــت راشد فيها..طـلعت من الغرفه واتصـــلت فيه..
راشـد: الوو..
مريم: هلا راشــد..اشحالك..؟
راشـد: الحمدالله شحالج انتي ؟
مريم: الحمدالله بخير..شو ويــنك..ما ييت عالغـدا اليوم !
راشـد: خلاااص اتعودت آكل من برع..دام انه هاي اللي ما تتسمــى هي اللي تسوي الغـدا انا ماابغي ..منظـرها يخلي الواحد يلوع جـــبده بعد تبيني اكل من ايدها..
مريم: راشــد حـرام عليك لا تقول عن الحـرمه جيـه يعني شو تباها تكشــخ..يحليلها الحرمه على قـد حالها وطــباخها مافي احلى منه بس انت مو مطــعم ..يعني الحيــن الفلبينيات يطبخن احسن منها !!
راشد: هي عالاقل الفلبينيــات اشوفهن نظــاف ..
مريم: المهم راشـد انت وينك الحين؟
راشـد: انا في الموتر راد البيت..
مريم: اممم انزين ما بتودينــا السوق؟
راشد: الســـــــــوق ؟!!..ليش؟؟
مريم: ههه خطيــبتك تبا تشتريلها فستان حق الملجه واغراض حق الزهبه..
راشــد: خــبله هاي ..فستان حق الملجه ليـــش ؟؟!!..جي منو بيي ..
مريم: راشــد شــو خبله الله يهديك حد يقول عن خطيبته خــبله !!!
راشـد: المهم انا مااحب هالســوالف ولا لـــي بارض حق هالاشيــاء ..
مريم: راشــد عاد دخيــلك ودنا انت مول ما تودينا مكان..عشان خاطر اميــره والله انها بتستانس واايد اذا عرفت انك انت بتودينا..
راشــد: مريم انتي اكثر وحـده تعرفيني انا مااحب هالسوالف خل جاسم يوديكم..
مريم: انــزين خلااص راشــد دير بالك على عمــرك وبسـك حواطه رد البيت..
راشـد: ان شـــاء الله..
مريم: مع السلامه..
راشـد: مع السلامه..
طـلعت مريم من حجـرتها وسـارت صوب حجرة جــاسم..شافت الباب مفتوح دشــت داخل وشافته يالس وبيده كتاب ..
مريم وهي مبتسـمه: سلام عليكم..
جاسم: وعليكم السلام..
مريم: شــو يالس تذاكر؟
جاسم: هييه..حيــاج ليش واقفه تعالي يلسي
مريم: لا عيـل بس تخـلص من دراستك بييك..
جاسم وهو يحط الكتاب عالطاوله: لاا تعـــالي خـلصت انا..
يت مريم ويــلست مجــابله: شخــبارك؟..
جاسم: هههه بخير..يالله قــولي شو تبين ..
مريم: هههه واشـدراك اني ابغي شـــي..
جاسم: مبيـــن عليج..
مريم: الصــراحه هي اميــره تبا تسيــر الشوق تتشــرى و نبغيك انت تودينا..
جاسم: وليش ماتسيرون روحكم..
مريم: جــاسم من صـجك انته نسير روحنا بــنات ..!!
جاسم: هي عادي انتوا تســـوونها..كل شــي فري عندكم..
مريم: جـــاسم شو هالكـــــلام !!!
جاسم: اللي سمعـــــــتيه..
مريم: الحيــــن بتودينا والا لا ؟؟
جاسم ومنــزل راسه: ............
قامت مريم من مكــــانها وهي معصــبه عليه..ومنصــدمه من اســلوبه..وســارت صوب الباب تبغي تطــلع بـــــــــــس ...
جاسم: مــــــــريم..
وقــفت مريم وصــدت صوبه..
جاسم: بـــوديكم..
مريم: خلااص جــاسم ما يحتاي ..لا اتعــب عمرك..
جاسم اطالعها ورد نزل راسه تحت: مــريم انا آســف..
ســارت مـريم صــوبه وهي مبتسمه: وانا قـــبلت أسفــــك..
جاسم: انــزين يا حــلوه يالله بسرعه تزهــبوا والا تـــرى بهون..
مريم: ههههه لااا دقايق ونكـــون جاهزين افا عليك انت بس..
جاسم: مــــــريم..
مريم: هلا..
جــاسم: عوشوووه..ماابغيــــها تركــب موتري..
مريم وهي منصــدمه: لا والله..
جاســم: هييه..
مـــريم: جـــاسم انت اشفيــك..؟؟!.جاسم هــاي عوشه اللي كــانت يوميا تتصـل بك وانت مسافر وتسـئل عنــك..ودوم كانت تقول ليت جـاسم ما ســافر ..ليته تم ويـــايــه..فــراقك كان صـعب عليها وايد لانكــم كنتوا دووم ويا بعــض وماتخشون شي عن بعض..والحيــن يوم استانست بردتك زعــلاان عليها !!..وعلى سالفه تافهه..
جاسم: مـــريم انتي ماشفــــتي اللي انا شفتـــه..كــانت ويا شــلة بــنات داشات الكافيه وجنهن يايات عـــرس ..وعيـــون الشباب عليهن..شـكــلهن كان ملفت للنظــر..واللي قهــرني اكــثر كلام ربيعي عــــنهن ..تخيـــلي ربيعي شو قـــالي..قــال شـــي بنات يالسات في الكافيه ومشغلين البلوتوث وقاعد اسولف وياهن منه..وكــل وحده احـــلى عن الثانيه..مــريم انتي متخيـــله الموقف..هالولد كــان يرمس عن هالبنــات واختي من بينهــــن..شـــو تبيني اســـوي يعـــــني اقولها بــارك الله فيــج..زين ســويتي..انا زيـــن مني ماجتلتها..
مريم: جاسم بغض النظر عن اللي قاله ربيعك ونظرات الشباب ..انا اللي اعرفه ان عوشه اختنا ومستحيـل نيتها كانت شيــنه لما قعــدت في الكافيه ويا البنات ..مثل ماقالت المدرسـه مودتنهم رحـله وهي قايله حق امك وهي ماعارضـت..وانت تدري بالشباب مايصدقون ايشوفون بنات بروحهن..
جاسم: اي رحـــله انتي الثانيه بعد..انا اعرف انه اللي يودونهم رحـله تكون معاهم وحده من الابلوات مب يخلونهم جيــــه..
مريم: اشقصــدك..يعني قصــدك انه عوشوه كانت شـــارده من المدرسه !!!
جاسم: هيـــه اكيــد..أخ يالقهـــــر بس انا لازم اخــبر ابويه يأدبها..
مريم: لا يــا جاسم لا اتدخل ابويه في السالفه..انا بتصــرف معاها وبعرف ليش ســــوت جيــه..مع ان قلبي حاس انك ظالمنها يا جاسم..
جاسم: شــو ظالمنها انتي بعـــد..انا كـل شي شفته بعيني ..المهم انا ماابغيــها تركب موتري وخـلااص ..اصـلاا انا ماابغي اشــوفها..انا لو شفتــها عادي اجتلها من الضــرب..قاهرتني يا مــريم قاهرتني..
مريم: خـلااص جاسم انت هد اعصابك الحيـن..انا بـرمسها وبفهم منها السالفه..
.
.
في حجـرة عوشه ..كـانت متسانده عالفراش ويــالسه اتصيــح..يــاربي انا ليــش سويت جيـــه ..انا ليــش طاوعتهم وسـرت وياهم ليـــــــــــش ..دشــت عليها مريم وشافتها على هالحاله..سارت ويـلست عندها
مريم: عوشه حبيبتي ..اشفيـــج..؟؟
عوشه: مافيني شـي
مريم: يالله عاد ما ترومين تخشـين عني ..قوليلي اشفيج؟
تــرتمي في حضــــن مريم وتصيح: مــــريم انا نــــدمانه على اللي ســويته اليــوم ..نـــــدمانه
مريم: بــس حبيبتي بــس خلااص لا تسوين في عمـرج جييه ..اللي صار صار واتمنــى هالشي يكون درس بالنســبالج..يا عــوشه اللي سويتييه اليــوم كان اكـبر غــلط..انتي كيف سمحتي سمحتي لنفسج تظهرين من المدرسه اقصد تشردين..انتي من متى تسـوين هالحركات يا عوشه..زيــن انه محد من المدرسات او البنات عرف..محد بيقول انتوا سـايرين بنات رواحكم لااا..انتي شردتي من المدرسه يعني ســـايره ويا واحد..الحين ما ينفــع اللي تسوينه في نفسـج خلااص اللي صار صار ..بس اهم شـي تتعلمين من هالغلط..
عوشه: انا ماادري شو اللي خلااني اطاوعهم واسير وياهم..انا ماكنت بسير وكــنت خايفه وايد والله لكـن تموا يحنون على راسي لين ما سرت ..وقالولي انهم مجــربينها كذا مره
مريم: اول شي لازم تسـوينه انج تبتعدين من هالشله..وبعدين تعالي ..مااحيدج ترابعين بنات من المدرسه..انتي دومج ويا حمدوه..
عوشه: حمدوه خلااص كبر راسها ..ماتبى تتمشـــى وياي ولا تبى ترمسني..خـلااص اصلا انا محـــ.....يقطع كلامها صــوت جـــــاسم من بــرع..
جــاسم: مـــــــــــريم..يالله يــــا مريم بنسيــــــــر..
عوشه: بتسيرين ؟؟..وين بتسيرين..
مريم: امم بسير ويا اميــره السوق تبا تشتريلها فستان حق ملجتها..
عوشه: وجـاسم بيوديكم..
مريم: هيييه..
عوشه: وانا ؟!!..قالج ما تقولين لي صــح؟؟
مــريم نـزلت راسها تحــت ما عـرفت شو ترد عــليها..
عوشه وهي تصيـح وبصوت مخنوق: خلااص سيـري..
مريم: عوشه حبيبتي جاسم قـلبه طيــب وبيرضى بسرعه انتي بس تريي عليه شــوي وهو بعــد معذور ..محـد يرضى يشوف اخـته ويـا شلة بنـات وعيون الشباب عليهم ..ويقولي بعد ربيعـــه رمس عنكم وهاللي مخـلنه مقهـور منج..
جـــــاسم: مــــــــــريم يالله بسرعه ولا ترى بهــــــون..
مريم: انـــزين انـــزين بيي الحينه..المهم حبيبيتي الحيـن الندم مامنه فايــده..ولا تيلسين تفكرين واايد وتلومين نفــسج خـلااص ..انتي قولي في خــاطرج انه هاي غــلطه وما بتتكرر ..
عوشه: ااه ان شاء االله..
طـلعت مريم من الحجره وتمـــت عوشه تصيـــح وتلوم نفسها على اللي سوته..
.............
في بيت قـوم حـارب .. تم يــدق باب حجـرة شمـا لين ما فتحته..
شمــا: هلا والله ..حياك حيــاك تفضل ..
حارب: لااا انا ابغيــج انتي تتفضــلين وتطلعين معاي برع..
شمـا: اطلع برع !!..وين بنسير؟
حارب: أي مكــــان خــاطرج فييه..
شمـا: لااا حــارب مالي بارض اطلع..
حارب: يالله عــــاد..اتردين اخوج الوحيــد !!
شما: حارب انت تعرفني مااحب الطلعات..
حارب: عشــان خاطري شمـــا بس اليـــوم..
شمـا: انـزين وامــــي ؟؟!!
حارب: شو بلاها امـــي ..
شما: ما بتي ويانا ؟؟
حارب: لا امـي طالعه سايره بيت ام فهد..
شمـا: لااااا عيـــل انا ما بطلع من غير امـــي
حارب: افاااا,,,يعنـــي ما تحسين بالامان وياي !!
شمـا: لاا مــب جي بس.......
حارب: لا بس ولا شــي يالله اتزهــــبي ..اترياج في السياره ..
شمـا: يعــني لازم..
حارب: هيــه طبعا لازم..يعـني لين متى بتميـن حاكره عمرج في البيت لازم تظهرين اتغيرين جـو..وبعـدين ترى انا مب كل يوم فاضــي..احمدي ربج اليـوم فضيـت عمري بس عشانج..
شما: هههه عشــــــــتوا اللي يقول الحين انا ييت بست ريلك وترجيتك الا اتطلعني ..
حارب: ههههه جـــان زيييييييين تسويييينها ..الحين انا احيـــد البنات يموتون في شـــي اسمه طــلعه..بس انتي غيـــر
شما: هي اكيــد انا غير..
حارب: اوهوووو بـــــدينا..يالله يالله انا بترياج في الموتر..
شمـا: اوكي..
...............
عـلى الساعه 8 المســا ..كانت مــروه يالسه تتريــــا ربيعتها اتي ..سمعـت صــوت الجرس وربعــت صـوب الباب عشان تفتحـه..
مروه: هــلاا ..هــلاا والله ..حيالله من يــانا ..
شهد: اهليين ..الله يحييـــج..
مروه: حيــاج اتفضـــلي داخل ..
دشت شهـد ويـامروه وهي شكـلها مـب عايبنها البيت ابــدا ..تمرر عيــونها حوالين البيت وفي نظــرتها نظـرة اشمــئزاز..دخـلتها مروه الصــاله..
مروه: اتفضــلي شهد يلسي..
شهد: مــروه انتوا كيف عايشين اهنـــــي ؟؟!!
مروه: عايشيــن شرات الاوادم بعد كيف عايشين..
شهد: هي بس البيت مول مايشجع الواحد يعيش فيـه..النــاس اتطوروا..
مروه: ونــاس مب لاقين مكان يسكنون فيــه..الحمدالله على كـل حال..شهـد اذا مب عايبنج المكان تقدرين تروحين ..ادري ان نحن مب من مستواكم..
شهد: بل بل مرووه اشفيـــج ..؟؟!!.مااقصد شي انا ..المهم شخبارج
مروه: الحمدالله ..شخبارج انتي
شهد: الحمدالله بخيــر ..اقول مــروووه..مااشوف حـد وياج في البيت ..؟!!
مروه: هييه امي في الشغل واخوي في النادي واختي شيخه راقده...
يسمعـــون صـوت جرس البــاب..
مروه: لحظه شهد بسير افتح الباب انتي خليج يالسه اهني ..
شهد: اوكي..
راحـت مروه تفتح البــاب ..واللي كان عند الباب يوسف راد من النادي ..
مروه: هلا هلا يوسف..
يوسف: اهليـــن...
مروه: يوسف ترى ربيعتي يــت ويالسه في الصـاله..
يوسف: انزين عيـل سويلي درب بدش الحجره..
مروه: اوكــي..
واتجــدمته مــروه ودشــت الصاله..
مروه: اقول شهـد..اخوي يبــا يحدر حجـرته ..وبيخطف من الصاله..عادي !!
شهـد وهي تعدل شيلتها: هي عادي..
سـارت مـروه نــادت يــوسف...دخـل الصاله وكــان منزل راسـه لكــن بفضــول رفع راســـه وشـافها..
يوسف: ســلاام عليكم..
شهــد وهي تطــالعه ومبتسمه بخجــل: وعليكم السلام
يـــوسف لااراديا ومن دون احســـاس رد لـــها الابتســامه وعقبها نـزل راســه ودش داخــــل..
شهـد: مــــــروووه ..اخـــــــوج لااعب في نادي الوصل ؟!!
مروه: هييه كيف عرفتي
شهد: من لـــبسه يا ذكيـــه..وليش ما كنتي اتقولين انه اخوج لاعب وصلاوي ؟!!!
مروه: ههههه لاا والله..وبصفتج شــو اقولج..وبعدين هو بعده في بــدايته ..انتي عاد يا حــبج حق سوالف الكوره
شهد: هههه انا ماافهم في الكـــوره بس اموت في شــي اسمه نادي الوصل اه اه ..
مروه: هههه مالت عليج موتي موتي
شهـد: انزين اخوج كم عمــره وشو اسمه؟
مروه: هههههههه انتي ليكون حاطه عينج على اخوي !!
شهد مرتبكه: ها ..ل لاا لاا عادي .. اسئله عاديه
.
.
من الصـوب الثاني ..يوسف
مـــاشاءالله عــليها قمـــــــــر ربي يحفظها من كــل شــر..ابتســماتها الرقيقه حــولت ويهها لويــــه طفولي بريء..هههه..انا اشفيـــــني ..ليـــش يالس افكـــر فيها..ااه ..مب قادر انســى ابتســامتها ..معقــــــوله حبيــــــــــــتها !!!..ههه لاااا انا مب صــاحي ..انا اكيـــــد اتخـــبلت..بــــس اول مره افكـــر في وحــده جيـــه..اممم ..لاا لاا اكيـــد اعجــاب ..اعجــاب بس ...
.........................
في الوافي ســـنتر..
شمـا: حــارب يالله نــرد البيت ..بس تعــبت وانا اتمشــى ..
حارب: مااشتريتيلج شــي ؟!!
شمـا: اممم ماابغـــــي شـــي ..بس ابغي ارد البيت..
حارب: اشفيـج شما ..شكـلج مب مستانسه من الطــلعه..
شما: لا مستانسه دام اني ويــاك..وتراني غيــرت جـو احسن من قعدتي في البيت..وعشان تتأكد اني استانست ..ابغيك تطــلعني كل اسبوع..
حارب: ههههه كل اســـبوع !!..انتي لو تبين كــل يوم بعد عادي عندي ..
شمـا: هههههه..يــرن تلفونها..وانبــانت علامات الربكــه على ويهها ..
حارب: ردي عالتلفون بلاج؟؟
شمـا وهي خايفه ومرتبكـه: هااا ..ل لا لا ..انا عقب بــدقلها..
حارب: ردي عــليها الحيــن انزين ليش عقــب بدقين لها
شمـا: ان شاء الله ببرد..ااالوو
مايد: قـــــــــــلبي ..حيــــــاتي ..فديييت هالصـــوت انا
شما: ممريم اشحالج
مايد: ههه مريم !!!..اكيــد عندج حــد..فــديتج شما والله اشتقتلج ..انتي وينج الحين..
شما: انا في الوافي سنتر..
مــايد: احــــــــــــــــــــــــــــــــــــــــــلفي ؟!!!!!!!!!!!
شما: والله اشفيج ؟
مــايد: شمـــــــــــــا..شمــــا انا وانتي في نفس المكـــــــان..لاا مـــــا ااصـــدق..انا لاازم اشــــوفج..
شمـا وهــــي منصــدمه: مـريم خلااص انا بخليج
مـايد: دخــــيلج شمــا..دخيــلج لا تحــرميني من شـــوفتح يـــوم صــرنا بنفس المكـــان..في خـــاطري اشوف الانســانه اللي اكــلمها من سنتـــــين ..دخيلج الغاليه لا تحــرميني ..انتي وينج الحين في اي طـابق
شمـا: اسمحيلي مااقدر..مع السلامه
مـايد بخيـــبة امل: بـــــاي ..سكــر وهو متغصص..
حارب: شــو تبا ربيعتج.؟
شمـا: ماشي بس تســئل عني..
حارب: اها فيها الخير والله..وهو مبقق عيــــــونه..شموووووه..تشــوفين اللي انا اشوفه..!!
شمــا: شو شو اشوف..
حارب: شوفي ..شوفي منو جــدامنا..اااه يا قـــلبي..
شمــا: منو ؟؟!!!
حارب: حمده حمده..بنت ييرانا..اووووه هــذا مب جـنه جاسم اللي وياهم !!!!!!!!!..
ســـار حارب صـوب جاسم واضطــرت شما اتسير صوب البنات...
شمـا: سلام عليكم..
الكـل: وعليكم السلااام..
سلمــت عليهن شمـــا وحده وحده وهي حاسه انها رزه وويها قافط..
حمده: اذا ماخاب ظنــي انتي شما ..؟؟
شمـا: هييه صـــح..
حمده: هييه احيـــدج على ايـــام اول ثانوي كنتي في صــفي ..
شمــا: انا بعــد احيدج انتي حمده..
حمده: هييه..
اميره: شمــا بنت خالو ام حارب؟؟
شمــا: هي
اميره: يا هلا والله..يحليلها امج شخـبارها..اتينا البيت بين فتره وفتره اشحقه مااتين وياها
شما: الحمدالله بخير,,امم انا مااحب اطلع وايد ..اكثر شي يالسه في البيت..
حمده: وشــو الحيـن ما تدرسين؟
شمـا: لا والله ..يالسه في البيت..
مـريم: افاا ليـــش شما ..؟..
شمـا نزلـت راسها بحـــزن وماارتاحت لســؤال مريم ابــدا..
حمده بصـوت واطي لمريم: عقب بخــبرج ..
اميره: انـــزين شما ..عاد لاازم اتينـــا البيت
حمده: هيييه والله لاازم اتيـــن..صــدقيني بتستانسين ويااانا ..وخصــوصا انا ..احم احم..
اميره: ههههه قولي الا بتخبلين البنت انتي..
حمده: بــــس عاد..عن الفضــايح..عقب بتعرف كل شي هي..
شمــا: ههههههههه
.
.
ابعــد شوي عن البنات بخطــوات..واقفين حارب وجاسم..
حارب: ههههه وهـــاي سوالفك عيل جســـوم..يااخي رحت وخـليتنا..وين تبا سايرلي تدرس برع ..
جاسم: ههههه تعرف بعــد..نغيــر جو..يالله الحيـن ماباقيلي شي وبخلص..
حارب: يالله بالتوفيــج..
ايي صــــــوبهم واحــــد..
....: انا مــب جني اعـــرفكم..!!!!!!!!
جاسم: مـــــــــــــــــــــــــيوووووووووووووووووود!!!! !!!!!!!!!!!!
سمعــت شمـا صوت جاسم وانصـــــعقت من اللي شــــافته ..هـــــــــــــذا مـــــايد...هي هي ..هـــــذا مااااايد ..هووو اللي صـــورته في تلفوني ..هـــــيه هوووو..انا متأكـــده انه هوووو..
مــايد: يــــــا سلاااام انا محظوووظ اليـــوم..اشوف حــارب وجــاسم بنفس اليـــــوم !!..
جـاسم: هههه والله واكتمـــلت شــلتنا..شـــلة الثنويه العامه..بس ناقصــــنا عدوول
حارب: هههه الريال معرس الحيــن محد قام يشوفه
جــاسم: للاااااه !..صــدق والله ..؟؟
مــايد: هيييه والله ..شو عرفك انته بعلوم الخلق اهني سايرلي تدرس برع
جاسم: يا بوكم ذليـــــتوني خـــلااص الحيـــن كمن شهر وبعيش اهني على طول
حارب: الحين هذا ساير يدرس برع ..انته جيـــه مقاطع يالدب
مايد: ههه انا مقاطع والا انت مغير رقــمك..
جاسم: هي على طــاري الرقم..عطوني ارقامكم..
وخــذوا الشبــاب ارقــام بعــض ..
حارب: عااد اخــبركم يــبالنا طلعه هااا ..وبنخبر عدوول بعد ايي ويـانا ..
جاسم: هييه اكيــد..انتوا قرروا وانا بــالشوفه..بس يكون عالاسبــوع الياي..
مـايد: ليـش عقبه بتســافر ؟
جــاسم: هييه..أقووول شبــاب ..ههههه هذا مب جــنه استاذ مدحت اللي هناك
حارب: ههههههههه هي واالله هووو..
مــايد: هههههههه هذا اللي اول ما يلس عالكرسي انكســر هههههههه
جاسم: ههههه اصلا الكـرسي روحه كان متكســر ماادري من وين كنت يايبنه انته..بس ظنكم بيعرفنا؟
حارب: هههه هيـــه..طوفوا طوفوا بنسير نسلم عليه..
جاسم & مايد: هههه يالله..
.........................
اليــوم الثاني...يوم الاربعـــاء..
عــوشه كانت طول اليــوم يالسه في حجـرتها ما ظهــرت منها الا وقت الغدا والعشاء وهذا كله عشان مايشوفها جاسم ..حتى المدرسه ماكان لها بارض اتسير اليــوم..مريم بعد ما خــصلت دراستها راحــت عندها الحجـــره..
مريم: هاااا اشوفج يالسه..؟
عوشه: هييه شو تبيني اسوي يعني..
مريم: قومي انزين اظــهري من الحجره اشوي..الحجره بدت تتشكــى منج..
عوشه: هيهيهيهي
مريم: شو هاااا بعـــد
عوشه: هههه ضحكـــه..
مريم: اووه زيييين ضــحكتي ..اليــوم كله مــبوزه..
عوشه: ........
مريم: المهم ..يالله قــومي بنسير نتمشى في الحـديقه الجو حــلو اليوم..
عوشه: مالي خــلق..
مريم: يالله عاد بلا دلــع..
نشـت عوشه ويا مريم وسـاروا الحديقه..كـــان يالس هناك على كرسي هــزاز وميــود كــتاب وشكــله يذاكر..كـان معطنهم ظـهره وماانتبـه لهم..
عوشه: انــا برد داخل..
مريم: لاااا خـــليج..تعالي بنسير عـنده..
عوشه: لاااااا ماابغي ..
مسكــت مريم ايد عوشه وسحبتها وياها ..
مريم: احـــم احـــم..
انتبه لهــم جــاسم ..اول ماطاحت عيونه على عــوشه نــش من الكــرسي ومشــى عنهم..
مريم: جـــاسم..
وقف جاسم من غير لا يلتفت على مـريم: لو تبيني بشــي تقدرين اتين حجــرتي ..
مريم: جـــــاسم تعال ابغيــك اهني ..
ســار جاسم عـندهم وهو متجاهل وجود عوشه..
جاسم: نعـم..
مريم: انت ما تقــولي لين بتـم جيه..خلااص يااخي البنت عــرفت غـلطتها ونــدمانه عليها ..وانا متأكده انها ما بتكرر هالشي مره ثانيه..بعـد ليش تعاملها جيــه..
عوشه ما رامــت اتم ..ربعـــت داخل وهي تصيــح..
مريم: جـاسم خلااص عاد انا البنت كاسره خـاطري..سامحها..
سكــت جاسم ماعرف شـو يرد عليها ..ما ينكــر انها كــاسره خاطره ..بس بعـد يقول في خــاطره انــه هو بجــي يخليها تحس بغلطـتها ..وماتفكــر ابدا تغلط شــرات هاي الغلطه مره ثانيه..
............
أميــره اكثر وحــده كــانت مستانسه اليــوم ومتحمسه حق بــاجر..هي تتريــا هاليوم من زمـــــان ..هاليوم كان حــلم بالنسبـــالها..واخيــرا بيتحقق بـــاجر..واخيـــرا بيكون راشــد من نصيبها..بس السـؤال اللي شاغل بالها الحيـــن..هل هــــو حــــــاس بنفس الشعور ؟!!!!!!!!!
..............
شمــا من عــرفت انه مــايد يعرف حارب وهي غالقه تلفونها ما فتحته..ليـــن الحيــن منصــدمه من معـرفة مايد لحـارب..ماكانت متوقعــه هالشي ابــدا..الحيـن متســانده عالفراش ودموعها تسيل عــلى خـدها..تحس انه في شــي ناقصــنها..يــوم كامل ماسمعت صـوت مايــد ..جــنه سنــه بالنسبالها..تلقــائيا شــلت تلفونها وفتحـــته..وصــلها 11 مسـج وكله من مــايد يســئل عنها..وجـان يرن تلفونها وكـان اللي متصــل مايد..التلفون كان بيدها وهي تحس برعشــه في جسمها كـله ..تبغـــي ترد ..مشتـــاقه لــه ومشتاقه لصـــوته..اصلا هي ماتحس براحه الا لما ترمســـه..ما عندها غيــره يهتــم فيها ويســئل عنها وتقول له اللي في خــاطرها..بـــس لاااا..خـــــلااص انا لاازم انســى مايـــد..مــايد ربيع حــارب ..ااااه انا لاازم انســـــــــــاه ..لازم..ردت غــلقت تلفونها وهـــي حاسه ان قلــبها يتقطــع..وتمـت طول الليل على هالعــــذاب..
............

(اوففف يا ربي انا شو مســتوي فيني ..ليـش مب قــادر انساها ليـــش !!..يعـني معقوله اللي في بالي يطــلع صــج..يعــني انا حــبيتها !!!..لاا لاا ..شو حبيــتها ..بس ليــش من امــس وانا يالس افكــر فيها..!!!..)
يــوسف من شــاف شهد وهو تفكيــره كله فيها..كــان يحاول يسـوي عمــره مب مهتم بس مب قــادر ..مب قادر ينســى ابتسامتها..وويهها الطفولي البرئ ..يعــــني معقوله هــذا اعجـــــــــاب ؟!!!!!!!!!
.................
يــوم الخميس..الساعه 7 المســـا في الكويت..
كــانوا يـالسين خديجه ومنـــال في الصــاله مجـابل التلفزيون..
خديجه: منال يمــا ..حطي على قناة دبي
منال: ان شـــاء الله..الا اقول يمـا ..ليـش مانروح دبي..!!
خديجه تتنــهد: فديـــــت دبي وفــديــــت الامارات كـــلها..والله ولهـــت عليها وفي خـاطري اروح لها..لكــن ابوكم الله يهــداه ..كلش مايفضـي عمره عشان نروح
منال: اممم انزين يمــا ..انتي تكـلمين خالتي اهناك والا؟
خديجه: اييه يمــا ..كل يوم لازم اكلمها واطــمن عليها ..
منال: بس آنا مب حاسه ان عندنا اهل في الامارات ..يعــني مب متخيله ان عندي خاله ..ليــش اهما مااييونا؟
خديجه: ســالفه قديمه يا بنيتي ومااحب افتحها الحيـــن..
منال: انــزين انتي مااشتقـــتي لاخــتج؟؟!..ما ودج تشوفينها؟؟
خديـجه: ااه يــا بنيــتي انتي شو تقوليــن..آنا لو بيدي الحيـــن بروح لهــا بس ظـروفها اهي ما تســمح اني انا اسيــر..
منال: وشـــو الظروف اللي ما تسمح لج اتروحين لها؟
خديجه: اووه منــال..وايــــد قمتي تســئلين ..قلتلج سالفه قديمه ومااحب اتكــلم فيها..
منال: زين زين خـلااص..الا قوليلي يمــا نوافوو ودلالوو وينهم؟
خديجه: طــلعوا مع ابوج..
منال: ليـــــــش ؟!!..ابوي رضــا على نوافووو..
خديجه: اييه الحمــدالله..تميـت احن على راسـه لين ما رضـى عالولــد..
منال: اييه زيـــن والله..يمــا يعني تهقيـن نواف مســويها
خديجه: لا طـــبعا..ولدي ما يعرف هالسوالف..اكيــد حد كان حاط هالشغلات في درجه
منال: اييه ..يمــكن..وبعــدين تعالي..اشحــــــــــقه ما خذوني معـــاهم..؟!
خديجه: لانج كنتي منخمده..قومي قومي يالله خلينا نسيــر نزهب العشــا ..
منال: يمــا..مالي خلق..روحي بروحج
خديجه بنبره جـامده: منــــــالوو قومي جــدامي
منال: اوفففف زين زين..
.....................
في بيـــت سلطان..وبالتحــديد في حجـرة اميــره اللي مســـــتانسه من الخاطر اليــوم ..ماشاءالله عــليها كانت ظــاهره حـلوه واايد..كــانت لابسـه فستــان بسيـط وحلو لونه تركوازي .. لايق عــليها واايد ..و حاطين لها مكياج خفيــف ونــاعم..وكـانت فاله شــعرها ..كـانوا يالسين عندها البنـات ..مريم وحمده وعوشه ..
حمده: الله اميــــروووه والله مااتوقعتج جي حلوه بتكونين
مريم: يالله عاد يالله مرت اخوي دومها حــلوه اصلاا
اميره: اوففف متى بــوقع يالله بســرعه تراني على اعصابي يالسه اخاف يســتوي شــي وتتأجل الملجه
حمده: طاعوا هـــــــــاي ..اثقلي يا بنيتي اثقــلي جدام اهل المعرس عن يقولون بعــد فارين بنتنا عليهم
اميره: ههههههههه
مريم: ههههه الله يخســج يا حمدووه..هاا عوشووه اشوفج ساكته.؟؟
عوشه: شو تبيني اقول
مريم: يعــني مااشوفج تسولفين تضحكين ويانا..!..مب من عوايدج
اميره: خليها هاي خـليها..شكــلها بالغصب يايبينها انتوا
مريم: لاااا مــب جييه ..كــله من حمدووه اونها تتغــلى على اخــتي ..يالله يالله عاد اليوم نبا نستانس احنــا ..انسوا اللي صار ..
حمــده وعوشه كانوا يالسيــن بعاد عن بعــض..ومنزليــن رووسهم..وكـل وحده منهن تتريا الثانيه تبــدأ في الكلام..
مريم: يالله عاد ليــن متى بتمون جيــه..!!
سمعــوا البنات صــوت دقات الباب..وكــان اللي يــدق الباب هو حمــد..طلعتله حمده وقالها يــزقر اميره عشان توقــع..واميــره عاد ما صــدقت نشــت على طـــول ووقعــت..
حمد: يالله الف الف مــبروووك..
اميره منــزله راسها واونها مستحيــه: الله يبارك فيـــك..
حمد: هههه مول مب لايق عليج..اقــول..قــــــــلبي داخل؟؟
اميره: هي يا حظي داخـــل..
حمد: دخيــلج سيري ازقريــها ابا اشــــوفها..
اميره: سيــر لاااا متفيج انته..جــان قلت حق الملاج يمــلج بكم انتوا بعــد..
حمد: كــنت بسويها والله ورمســـــت عمي مــاطاع
اميره: ههههه يحــليلك..
حمد: خلااص انا بسيــر يالله مع السلامه
اميره: مع السلامه..
دشــت اميره داخل والبنــــات ييبــــــون ..ويـــت شيــخه امها عشـــان ينزلونها تحـــــت ..ونـزلــوها جــدام المعازيـم..ماكــانوا وايد بس الاهــل ...بعــد ما يلســت بشوي قالوا بييبون راشـــد..استــانست اميره بس بنفس الوقــت مستحـــيه ..دش راشــد ويا عمــه سلطــان وابوه ..وودوه عند اميــره..اول مــاشافها انبهـــر في جمالها ..بس مابين هالشي وخــلاا عمره عادي ..حبها على راسها وووقف حـذالها ..ومن بعــدها يــابت مــريم طـقم الالمــاس اللي اشــتراه راشــد وكــان من اختيــار مـريم..لــبسها راشـد الطقــم بمســاعدة مــريم وعوشه كــانت تصور لانه راشــد رفض اييبـون مصوره تصـورهم..ومن عقبها يلســوا وراشــد ماكان مــرتاح من يـلسته ابــدا..وكــل دقيقه يطـالع ساعته..اشـر على مريم اتي صوبه..
راشــد: انا بــروح
مريم: ويـــن بتروح ؟؟!!!
راشــد: بروح بعــد خلااص خــلصت الملجه..
مريم: لااا يا راشــد انت لازم اتسيــر تقعـد ويا حرمتك داخل تسولفون..
راشــد: لااااا لاااااا شو اقعـد وياها واسولف انا مب متفيــج حق هالاشـــياء..
مريم: اووهوو راشــد اشفيك انته..لازم تقعــد وياها ..
راشـد: انــزين يالله قــوليلها بنــدخل..
مريم تغــمز له: وليــش انت مااتقــولها ..
راشـد: يالله مريووووم قوليلها ..
مريم: لااااا ..انت قولها..
راشـد: اميــره..
اميــره:..(واااااااااي فـــــديتك وانت تنطــق اسمي )..هلاا..
راشــد: بــندش داخل..
اميـره تفججـــــت ونــزلت راســها من الحيـــــا: يالله ..مـدت اميــره ايـدها وقبضها راشــد ودشــوا ويا بعــض الميلس ويـلسوا قراب عن بعــض..تمــوا ساكــــتين لين ما قرر راشــد انه يرمس...
راشـد: مبروك
اميره: الله يبارك فيك حبيبي ..اويييييي ..شو قــلت انا ..قــالتها من غيــر لا تحس وتمـــت منحــرجه وويهها محمــــر..
راشــد: هههههههههه لا عاااادي..
اميــره: ...............
راشــد: اممم..انزين ..شخبارج بعد..
اميـره: الحمدالله الله يسلمك..شخبارك انته..
راشـد: الحمدالله بخير..
اميره: امممم..شو رايــك فيني؟؟
راشــد: هههه زيــــنه..
اميره: بـــس زينه؟؟!!
راشـــد: هههههههه حــــلوه..
اميره: هههه هي الحين اوكيـــه..
راشـد: انــزين عيل اميــره..انا بخليج الحين..
اميره: ويــــن راشــد تو الناس!!!
راشــد: اسمحيــلي بروح مشغول شويه..
اميــره اتضــايجت لانه راشـد مايبا يتم وياها وايد: اممم خــلااص ويــاك..
راشــد: يالله مع السلامه..
اميره: امم راشــــد..
راشــد: هلاااا..
اميره: ممكن تعطيني رقمـــك ..
راشــد: هي هذا رقمي *******
اميره: خــلااص ..ربي يحفــظك..
......................
كــانت تعبــانه من الخــاطر ومنســدحه عالفراش تــبا ترقــد بس يــرن تلفونها..
عوشه: اوفففف منو هالسخـــيف اللي يتصل الحينه..(ردت)..الوو
....: مــــــرحبا..
عوشه: مرحبتين ..امنوا؟
....: نــــاصر وياج الغاليه..
عوشه: لا والله!!..اي نــاصر ..انت شكلك مغلط اخوي..
نــاصر: لاااا مو مغلط..بتعرفين ناصــر مع الايام..
عوشه: اوووه انت الصراحه سخيف وماعندك سالفه يالله بــــاي..
وبــندت التلفون في ويهه..رد اتصــل مره ثانيه..
عوشه: اوهووووو انت شو تبغي؟؟
ناصـر: بلاج معصــبه انزين هــدي هـــدي ..شحالج؟؟
عوشه: انا اعرف شــو اسوي فيــك..ان ماناديت اخويه يأدبك..

ناصر: هههههههه سيري نادي اخوج..ترى عادي عندي بجــلب السالفه كــلها عليج..بقوله ترى اخــتك اسمها عوشه علي محمد وهي معطتني رقمها ورقم بيتكم اللي هو *******..وبألف ســوالف عليج..هههه ســاعتها يـــالله قوليلي شو بتقولين له!!!
انصعقـــــــــــــــت عوشه من الكـــــلاام اللي تسمـــعه..هذا يعــرف اسمي بالكامل ويعرف رقمــي ورقم بيتنا ..كيــــــــــــف !!!!!..
ناصـر: خــلينا حلوين ويا بعــض يا عــوشه ..تــرى انا مب ســهل..انا اعــرف كــل شي عنج..حـتى بيتكم اعرفه ويــن..
عــــوشه منصــــــــدمه وتمــــــت اتصيــح ..بصــوت مبحوح: انت شو تبا مني ..؟
نـاصر: انا طــلبي بسيــــط جـــدا..بس ابغيــج ترمسيني ..
عوشه: وهذا بسيــط بالنسبالك..!!
ناصر: هـــيه اكيــــــــــد..
عوشه: انـــزين ممكن اتسكـــر الحين..
ناصر: افاااااا..لييييش..ما رمســــنا واااايد؟؟!!
عوشه: لو سمــحت ممكن اتســكر..
ناصــر: خلااص مب مشكــله..بســكر..وبــنتواصل بــاجر..
بـــندت عـــــوشه التلفون وهي خـــلااص حاسه بضـــيج فضيع وذابحــه عمرها من الصيــاح..هذا كيــف عرف عــني كــل شي ؟!!..انا شـــو اسوي الحيـــن شو اســـوي ؟!!..اقــول حق امـــنوا .؟؟!!..جــاسم الوحيد اللي يفهمني مب طايق يشــوفني ..وراشـــد بيذبحــــني لو قــــاله انه يعرف كل شي عنـــي ..اصــلاا محــد بيصــدقني انا محـــد..الكــل بيقــول اني انا كــنت ارمسه من قــبل..والا كيف عــرف كل هالاشياء..آآآآآآآآه يـــاربي ..ليـــش يستوي فيني جيــه ليــــش ؟!!!
..................
بعــد ما بدلت ثيابها ومسحت مكـياجها واستعــدت للنــوم..كانت يالسه على حافة الســرير وتفكــر في راشــد..وفي كــل شي استــوى اليــوم..ااه يــا راشــد..واخيــرا صرت من نصيــبي ..اتســاندت عالفراش وشــلت موبايلها ودقت على رقـم راشــد..
......:الووو
بـــندت اميــره التلفون على طـــول..اويي شكــلي خــزنت الرقم غــلط..خــل اتصل في مريوم آخذ منها الرقم..واتصــلت في مــريم اللي كانت راقــده..
مريم: الوو
اميره: ههههه الووو
مريم: اوففففففف شو تبغييييييييين؟؟
اميره: ابغـــي رقم ريلي..
مريم: لااا والله ..وليــش ماخذتييه منه
اميره: عطــاني هوو بس انا خزنته غــلط..عطيني اياه انتي..
مريم: مالت عليج ..اندوج *******
اميره: هههه اوكي خلااص انخــمدي..
مريم: يالله باي..
اميره: بــاي..
واتصـلت اميره عــلى الرقم اللي عطتها مريم..
.....: الوووو..(نفـــس الصوت)..
اميره باستغراب: امنوا انتي .؟؟!!
...: انتي اللي امنوا.؟؟!!
اميره: هــذا تلفون راشــــد؟؟!!!
....: هيييه هــذا تلفون رشـــودي حبيبي ..انتي امنواااااا..؟؟!!
.
.
.
ظـــــــــــنكم ,,,..
شو بيكـــون ردة فعل اميــــره...؟!!!!..
عـــوشه..بتســاير ويا ناصــر ..والا بتخــبر عــليه؟؟!!..
شمـــا & مــــايد ..شو بيستـــوي من بينهم ؟؟!!..خلااص يعــني ..شما ما بترمسه ؟؟!!..
مايـد اذا عرف انه شمـا اخت ربيعه شــو بيسوي ؟؟!!
يوسف..يحــب شهــد والا هذا بس اعــــجاب ؟؟!!

الجزء الثالث عشر

الفصل الاول

في المــزرعه..وبالتحـــديد في وحده من الغرف اللي فيها..في الوقت اللي المفروض يكــون فييه في المسيــد ويستمع لخطــبة صــلاة الجمعه..بس كـــان يــالس على حـافة السرير مجـابلنها ..
عاليه: وااااي حيــــــاتي انا مب مصــدقه اني ويـــاك..
راشـد: صــدقي ..فــديتج صــدقي..بس لا تنسيــن وعـــــدج لي
عاليه: افاا عـــليك..انت ما عــليك الا انك اتــزهب بيزاتك..ومـــا بيصير الا اللي يرضيــك يا حــلو..
راشـد: حــاضريـــن باللي تــامرين فيـه يا عســـل
عاليه: ههههههههههه,,الا تعــال نسيــت اقولك ..ترى في وحده اتصلت فيك امس تســئل عنك..احم احم .امنوا هاي ..ترى بدينا انغار
قام من مكــانه واطــالعها بنـــظرة غضـــب و وقالها وهو عاقد حيّاته: وانتي اشــــلج تتعبثين بتلفوني..؟!!..صدق انج ما تستحيــــن على ويــهج..
عاليه: راشـــد حبيبي اشفيك ..توه اشحلاتك
رن تلفــون راشــد وكان محطــاي عالتســريحه..ســار شــلااه ورد على طــول..
راشـد: الوو..
اميــره وهي تصيح: راشـــد؟؟!!..ممكن تقولي منو هــاي اللي ردت عليه امــس..؟؟
انصــــدم راشــد من سمــع صوت اميــره..وتم يطــالع عاليه وهو عاقد حيــاته والشرار يتطاير من عيــونه..وهي ترد عــليه بنظــرات لااا مــبالاه وهالشــي اللي قهره زياده..
راشـد: اميـره..انا .....
أميره تقاطعه : اول شــي احـــــلف انك بتقولي الصج..
راشـد: اميــره..انا بييكم البيت الحين وبفهـمج كــل شي
أميـره بعصــبيه: انـــــا ابغي افهــم كل شي الحيـــن
راشـد بهـدوء: انا الحيــن بييكم البيــت ..يالله مع السلامه
مـاردت عليه اميـره وسكرت التلفون وكمـلت صياحها ..أمـا راشـد اتســفر وخذ تلفونه ووقف مجـابل عاليه وطــلع من مخباته مــبلغ وفره عليها وهو يطـالعها باحتقار..عقبها طـلع من عندها وهي ولا همــها ..انشغـــلت في عد البيزات..سـار ركــب موتره وطـلع فيها من المـزرعه متجــه الى بيت عمــه..
شــو اقــولها هــاي الحيـــن..!!..اقولها اني ودرتج امــس وكنت ويا وحده ثانيه !!!..اقــولها ان لمـــا اتصـلتي انا كنت شارب غرشـــتين ..وكــنت سكـــران مب عارف شو يالس اســوي..!!!
طـلع تلفونه من جيـبه واتصـل في ربيعه محمــد..
محمد بملل و بدون نفس: الوو
راشــد: بسك بسك قـــوم
محمد: اوفففف ياخي شو تبغي متصـل فيني الحيــنه..ما يخلون حد يرقد !!
راشـد: يالله قووم انا متـــورط
محمد: انت متورط ..انا اشلـــــــي
راشـد: افااا والله افاااا..تتخــلى عن ربيعــك وهو في امـس الحاجه لك !!..شو فايـدة الرفجه عيـل
محمد: انزين يالله قول خلصـني شو تبغي
راشـد: اسمع امــس انت كنت ادرى بحالي في المزرعه ..حرمتي اتصـلت فيني وردت عليها عاليــــو الجـــلبه..انا الحين متوهق مب عارف شو اقولها يا ريال
محمد: هههههههههههههههههههههههههههههههههههههههههههههههههه هههههه
راشــد: انـــــدوكم يضحـــك..!!!..يالغــــبي مااتقــولي ليش يالس تضـــحك الحيــــنه؟!!
محمد: ههههههههههههه انته تستــــــاهل..يااخي قلتلك مب لاازم اتي المزرعه اليـوم عالاقل جامل حرمتك واقعد وياها توك مالج عليها قــلتلي لاااا ..
راشــد: قــلتها تراك مالج عليها ..مب متزوجنها..وبعـدين تدري فيني مااروم استحمــل لازم ايي في الويكـــند شي بيصيبني اذا ما ييت..
محمد: ههههههه يا خوفي والله انك اتيني يوم عرســـك..
راشــد: هههههههه الصـــراحه مااضمن عمـــري ..عادي اسويها..
محمد: ههههههه الله يخـــسك بخــلي حمدي يروغك
راشــد: اخخييي .. يــــا رياال لا اتيبلي طــاريه انا ماادري شقايل صـابر عليه انته..جــنه المزرعه مزرعته الهيس
محمد: ههههههه لاااا عاد كـله ولا حمدي ماارضــى عليه..ههه الملعون بس افر عــليه كمن وحده من جماعته يســــتانس ويــداري المزرعه عــدل ..
راشـد: ههههههه الخـــايس انت تراك معطـنه ويه زياده عن اللزوم..المهم الحين قولي شو اسوي..؟
محمد: ههههههههههه وانت الحيــــن من صجـك مااتعرف تتصرف في موقف مثل هــذا!!!
راشـد: ياالويه لو كـنت اعرف ما كــنت بتصلبك ..يالله قـــول خلصني ذليتني تراك
محمد: انزين انزين...اممممم..اسمع..
بعــد ما قاله محمد شــو يخـــرط على اميـره سكـر عنه راشـد ووقف سـيارته عند بيت عمه ونـزل منها..شـاف الباب مفتوح جان يـدش داخل..حمد كان توه موقف سيارته في القاراج راد من المسيـد جان ينزل ويشــوف راشـد واقف سـار صوبه وتوايه ويــــاه..
حمد: مــــرحبا..حيالله النسيب..
راشـد: الله يحيــــيك ويبجيــك..جيف حالك حمد
حمد: الحمدالله ربي يسلمك ومن صوبك؟
راشـد: يســرك الحال..
حمد: حياك حياك اتفـــضل داخــل شو موقفنك بــرع جان دشيت داخــل يا راشـد الله يهديك بيت عمـك هذا..
راشـد: لااا انا تــوني يـــاي ..اذا ما عليك كلافه حمد ابغيك تزقرلي اميـره بغيت ارمسها اشوي..
حمد: افاا عليــك يالغالي ما طـلبت ..خلنا انسير الميـلس عيل بزقرها اتيك اهناك..
راشـد: خلااص اوكي..
وراحوا صـوب الميـلس..دش راشــد داخل اما حمـد سار يـزقر اميــره..دق عليها الباب..وهي كانت متسانده على سـريرها وتصيـح..قامت اول ما سمعت صـوت دقات الباب ومسحت دموعها عالسـريع وفتحــت الباب..
اميـره بابتســامه باهته على ويهها: هلا حمــد..تعال ادخـل..
حمد لاحظ ان اميـره مب طبيعيــه..عيونها منتفخـات ومحمرات..وصــوتها فيه بحــه..
حمد باستغـراب: اميـــره ؟؟..اشفيــــج؟
اميره: مافيني شــــي ..ليـــش ؟؟
حمد: متأكــده؟؟..اخــاف تعبانه بس
اميره: لاا لاا فـديتك ما فيني شــي بس لاني كنت سهـرانه امس طول الليل ماكان اييني ارقــاد
فأحس بتعب شوي ..
حمد وهو يغمز لها ويبتسم بخبث : هههههه اكيـــــد كنتي تفكرين في حبيب القلب..
اميره من دون نفس: هههه هييه..
حمد: هههههه عيل ابــشرج حبيب القلب يـالس في الميلس يتريـــاج..يالله نزلي..
اميره: خلااص الحين بنزل..
حمد: اميره اشفيج؟؟..مااشوفج اتفــاجأتي في الخــبر ولا استـــانستي !!
اميره: هههه لانه مخبرني انه بيي يا ذكـــــي ..
حمد: هههه اهااا انزين يالله عيل انزلي لا تتحيرين يترياج..
اميره: ان شاء الله..
طـلع حمد من عنــدها وسـارت هـيه غسـلت ويهها ولـبست كــندوره مخـوره لونها عــنابي وحطـت جحال داخل عيونها ولبسـت شيلتها ..اول ما طـلعت من حجـرتها شـافت حمده جـــدامها ..
حمده: اووووب اووووب..عاشت عاشت العروس..
اميـره: حمدوووه سيـــري مالي خلقـــج..
حمده: لاا والله..وان شـاء الله بتسيرين تجابلين ريلج بنفـــس خايس
اميـره: هي هي ..عـــــندج مانع؟!!
حمده: لاا عــندي حمد هاهاهاهاهاها اه بطـني فديتني يوم انكـــت
اميـره وهي تهــز راسـها: الحمدالله والشكــر..يمدحــونه العقل تـــراه
حمده: فديــــتني مافي اعقــــل مني..لااا صـج انتي اذا ســرتي جـابلتيه جي بيزيغ منج اشحقـه ماكشـختي عــدل..!!
اميـره: ان شــاء الله انتي عقـب جــابلي ريــلج وانتي كــــــاشخه عـدل..والحين يالله بــــاي
راحـــــت عنها اميـــره..
حمده: وييي ان شـــــاء الله يااختي ..بس عاد متـــى بيي هاليوم !!!
.
.
وصــلت اميره الميــلس وتمـت واقفه عــند البــاب للحظــه ..اتــرددت انها تــدخل..حــاسه انها بتصيـــح اذا شــافته من الغيــــره والقهــــر اللي في داخـــلها..يعـــني معقـوله اكــون انا غـــلطانه ؟!!..معقـــوله اكــون ظــالمتنه؟!!..بس كيـــف وانا باذني سمعــــــتها تقــــول رشـــودي وحبيبي بعـــد !!!..اووه وانا الحيــن جي واقفه..تتنهد.. خــل ادخل وامــري للله ..اشـــوف شـو بيصير..اول مــا دخلت..
اميره: ســلام عليكم..
راشــد كـان منزل راسـه تحت اول ماانتبـه انها دخـلت رفع راسه وشافها: وعليكم السلام..
يـلست اميـره بعيـد شـوي عـــنه..وتمــت منزله راســها تتريــاه يرمس..
راشـد: شحالج اميـره.؟
اميره: مب بخيــــــر..
راشـد: افااا,,ليــــش عاد؟؟
اميــره: والله انت ادرى..
راشـد: اسمعيــني اميـره..انا امس طـلعت من عــندج لانه ربيعي كـان قايلي اسيــر وياه الشـركه اخــلص وياه كمن شغــله..وحطيـت تلفوني عــلى مكــتب سكــرتيرته ..وهي اللي ردت عــليج..
اميـره: اي شــــركه فاتحــه نص الليل ؟!!!!..واي سكـــــرتيره مداومه هالوقت !!..راشد دخيلك قـــولي الصج..
راشد: صـــدقيني اميره هذا هو الصــج..الشـركة شـركة ربيعي وهو بكيــفه يفتـحه اي وقـت يــباه واتصـل في السكـرتيره عسـب تداوم لان كان شـي اوراق لازم تطـبعهن..
اميـره: والسكـــرتيره تقـــــولي هـــذا تلفون رشــودها حبيبها !!!!
راشـد انــبانات علامات الربكه على ويهه: هااا..هي قالتلج جيـه؟!..هيييه الله يـــــاخذها ان شـاء الله ..من اول مـاشافتني وهــي اتقـولي انها معجــبه فيني وانها اتحــبني..لكــن انا بـراويها..ان ما خــليتها تــــندم على اللي قــالته مااكون انا راشـد..
اميـره: لاا والله ؟!!..معجــبه فيـك واتحـــبك بعـــد ؟!!..
قــام راشـد ويـلـــس حــذالها..
راشـد: اميـره اشفيــج؟؟!..يعني تتحرين انا مسـويلها سـالفه..هيـه اللي تقـول جيـه..وانـــا اشعليه منها..اميـره انا لــو كنت احــب غيرج ما كـنت بقـولهم يخطــبونج لي..
اميـره: انـزين وهاييج لاازم تـوقفها عـند حــدها..ولو مــااتسير شـركة ربيعك مره ثــانيه بعـد احسـن..
راشـد: ان شــاء الله تامرين امــر يالغــاليه اهــم شـي رضـاج عـلينا..
ابتســمت له اميــره بخجـــل وهو رد عــليها بابتســـامة انتصــــار..قــام من مكـــانه وقــامت هيــه وياه..
راشـد: خـلااص عيــل انا بتـوكـل الحين..
اميره: وين وين..( بحـــــزن) ..لحقــت تمل مني !
راشـد: لا فــديتج مـــب جيـه بــس ........
اميره تقاطعه: لا بـــس ولا شــي..انت بتتغـــدى عندنا اليــــوم..
راشـد: لاا يـوم ثاني ان شــاء الله..
اميـره: لااااا..اليــــوم..والا تـــرى بــزعل..
راشـــد: هههه قـــامت اتهدد بعـــــد..صـــدق انه الحــريم ما ينعطون ويه..
اميره: نعــــم..نعــــــــــــم..هاااا قمــت تغــــلط اشوفك..
راشـد: ههههه بعـــدج ما شفتي شـــــي..
اميـــره: انـــــزين وانا بعـــد ما بقصــــر ويـــاك في القــــرض..بس هاليــومين بسكــتلك اوني بسوي عمــري مستحيــه منك ..
راشـد: هههههههه صـــدق انج هــــبله..
اميــره: انا هـــــــــــــــبله؟!!!
راشـد: هههه لااا انــــا..اقــــــول ..بتغـــديني الحيــن والا اسيــــر ؟؟!!
اميره: لاا لاا..ثـــــواني وبيكــــون الغــدا عــندك الحين بقولهم يـــزهبونه..
يلس راشــد وعــلى ويهه ابتسـامه عريضه واميره ســارت صـــوب الباب بـــس قبل لاا تطــلع ..
اميــره: راشـــــد..
راشــد: هـــــــلاا.
اميــره: اممم في خــاطري اقـــولك شــي..
راشــد: قــــولي..
اميـره: اممم والا اقــولك..خلااص خلااص مــب لازم ..
راشـــد: لاا والله لازم اتقـــولين..
اميــره: اممم ..امممم...راشـــد..انا..انا احــــــــــــــــبك..قالت هالكــــلمه وربعــــت برع الميـــلس..
راشـــد: ههههههه عـــبالي عــــندها سالفه الحيــــن !!..
...................
كــانت يالسه على شبريتها تحــل واجـباتها..جــان يــرن تــلفونها..اول ما سمعـت رنة التـلفون حســت برعشــه في جســمها كــله..هالتلفـــون اللي كـــرهته من امـــس وما اتحـــب تسمعه يــــرن..شــافت تـــلفونها..مثـــل ما اتوقعـــت ..هــــــو اللي متصــــل..ااه يــاربي شــو اسـوي الحيــن..هذا شكــله ما يبا يخــليني اف حــالي..ماردت عــليه..وجــان يرد يتصــل مــره ثانيه..بس هالمـره زاغــت قـالت لازم ترد عـليه.. خـــافت ينفذ تهديده..
عــوشه: الو..
نــاصر: هــلا والله هــلاا..فــديت هالصوت انا..
عوشه والدموع محـبوسه في عيــونها وبصوت مخنوق: انت شو تبغـــي مني .؟
نـاصر: انا ابغيــج انتي..
عوشه: انت ما تستحي عــلى ويهك بــــاي..
وسكـرت التلفــون عــلى ويهه وتمـــت اتصيــح..كــان يالس يتصــل فيها وهي مـــااترد عـــليه..جان يطـــرش لها مسج..
(انتي اييه ..لا تيلسين اتســوين لي هالحــركات ..كــلما اتصـل اباج اتردين عـليه فاهمه والا لاا..والا ترى عــادي ايي صــوب بيتكم الحينه وافضــحج..)
اتمــــنت في لحظــتها تنشق الارض وتبلعها ولا انها تقــرا هالمســج..اتصــل فيها مره ثانيه واضطــرت اترد عـــليه..
عوشه:............(اتصيــح مب رايمه ترمس )
ناصـر: الووووو..بلااج ســاكته..؟؟!!..ليش ماترمسين؟!
عوشه:..............
ناصر: انتي وبعــدين معاج,,انتي شكـلج ما بتتأدبين الا اذا سويت اللي براســــي ..
عوشه: الله يخــليك خــلني في حالي ..انت شو تبا فيني
ناصر: ههههه اخــليج في حــالج؟!!!!..انا لو كــنت ناوي اخليج في حالج جــان ما يبت رقمــج ولا يبـت معلومات عنج..انا متمســك فيج وابغي ارمســج..
عوشه: قــــولي بس انت شقايل عرفت هالاشــياء عني..
ناصر: ههه لاا الغـــاليه..هذا يسمونه ســر المهنه..
عوشه: دخيـــلك بس قـــولي منو اللي عطـاك كل هالمعلومات..
نـاصر: اممم بقـــولج..بس بشـــرط..
عوشه: شو شــرطك..؟؟
ناصــر: اشــــوفج اليـــــــــــوم..
عوشه: شــــــو؟!!!..اتشـــــوفني ؟؟!!..
نــاصر: هيه..اشـــوفج..وشــو فيها يعــني..وصــدقيني بعد مااشــوفج بقــولج منو اللي عطـاني هالمعلومات..
عوشه: انته اكيـــد اتخــبلت!!!!..وتتحــراني يعـــني برضـى انك تشــوفني..
نـاصر: ههههه الصــراحه ضحكــتيني وانا مافيني ضــحكه..اصـلاا جي والا جيــه انا بشــوفج يعــني بشوفج..
عـوشه: لا والله؟!!..بكيــفك هـــو!!
نـاصر: هيــه اكيــد بكيــفي ..وطـبعا اذا ما شــفتج انتي اللي بتخســرين سمـــعتج..
عوشه اهـــني حســـــت بغصــــه في داخـــلها ..ويـــــلست اتصيــح من الخـــاطر..
عوشه: ............
نــاصر: الوووو..
عوشــه: ..........
نــاصر: عـــوشه؟!!..انتي يالسه اتصيحيــن ؟!!..
عوشه: .............
نــاصر: ليــش كل هـــا انزين انا ماقلت شـــي..انتي اللي تبيــن اتيبين المشـاكل حـق عمـرج..والا انا ماطـلبت شـي منج غيـر انج اترمسيني واشوفج بس..
عوشه: انت لا شــفتني ولا شــي شو تبا فيني شي مليـون وحده غيري..
نــاصر: هالمليــون انا ماابغيــــهن انا ابغيــج انتي..انتي وبـــس..صــدقيني انا متمســك فيج واايد..وابغــي ااتعرف عليج اكــثر يـاعوشه..ليش هالحــساسيه..خــلينا حــلوين مع بعـــض..
عوشه: انته بجــــي بتخليني اخــون ثقة اهــلي فيني..
نـاصر: خــلي عــنج هالرمسه..شو تخـــونين ومااتخونين بعد..وين عايشين احنــا..ياعوشــه النـاس اتطـورت الحيــن..وهالايام كــــل البنات يرمســـن شــباب..
عوشه: لــــو سمحـــت مب كـــلهم قول البعـــض..
ناصر: هي ادري وانتي من اللي مــايرمسن..وهاللي خلاج الحيــن تكبرين في عيــني الصــراحه ويخــليني اتمسك فيج اكــثر..
عوشه: بــس انا ماابي ارمســك ..ماابــــي..
نـاصر: انتي اظــاهر ما ينفع وياج الطــيب..خلااص مــب مشكــله..انا الحيـن ياي صوب بيتكم..
عوشه: لااا لااا خـــلااص..
نــاصر: شو خــلااص..بترمسيني يعني ؟؟
عوشه: هي
نــاصر: فـــديتج انا..هيــــــه جـــيه ابغيــــج..
عوشه: خلااص انا بســـكر الحين..
نــاصر: افااا ,,ليـــش؟؟
عوشه: عــلي واجـبات ابغي احلهم
نـاصر: بتسكــرين عسب واجــبات؟!!!..عـبالي الحين بتسوين شي مهم..حليهم عقـــب..
عوشه: مااقدر عــندي امتحان بعـــد..
نـاصر: خــلااص مب مشكــله..بدق لج عقــــب..اوكي..
عوشه: ..............
ناصـر: بدق لج عقــب اوكيه؟!!
عوشه: اقــولك عندي امتحــان وابغي ادرس..
ناصر: قــصي على واحد غيري يعني تتحسبيني صـدقت انه عندج امتحان انتي بس تتعلثين عسب تسكـرين..وبعــدين انا كيــفي بدق لج اي وقــت ابغــي وبتردين عــليه بعد..
عوشه: اوففف زين زين يالله باي..
ناصر: بـــــاي
..........................

الجزء الثالث عشر

الفصل الثاني

العصـــر..دش البيــت وبـند الباب وراه ..كـان توه راد من المسيــد..مشــى لين الصـاله وسمع التلفون يـرن..وشكــلهم الجماعه رقــود..فسـار هو ورد ..
يـوسف: الووو..
....: الووو
يــوسف اهــني فــز قلبه من سمــع هالصـوت..هالصوت مــب غريب عــليه ..هالصـــوت من امــس لين اليــوم وهو يــتردد في بــاله و ماقــدر يــــنساه..فكــيف ما بيمــــيزه!!!
يـوسف: مـــــــرحبا..
شهــد بنعـــــومه: مـرحبتين ,,هلا..
يوسف: اهـــلين اخــتي..
شهــد: بغيــــت مروه لـــو سمحـت..
يوسف: مــروه راقـــده الحين ..تبيني اقــومها..؟
شهـد: امم راقــده..لاا خــلااص مب مشــكله عيل بـدق لها عقـب..
يــوسف: انـــزين ممكن بس تعطيني اسمــج عشـان يـوم تنش اقولها انج اتصلتي فيها
شـهد: هييه اكيـــد..انا اسمي شهـــد..
يـوسف ..شهــــــد..يــاويل حـــالي..حــتى اسمــها حـــلو..: خــلااص انا بخـبرها..
شهــد: امم..خــلااص اوكي..
يـوسف: مع الســلامه..
شهـــد: اممم..امممم..ممكن اسألك ســؤال بس قــبل لا اســـكر..
يــوسف وهــــو مســـــتانس لانه ما بـــوده انها تســـكر: هي اكيـــــد ..اتفضـــــلي..
شهـد: انت اخـــو مروه؟؟!!..اللاعـــب الوصـــلااوي؟؟
يوسف وهــــو متشقق ومســـــانس عالاخــر: هههه هــيه انـــــا هووو..
شهــد: يـــا ســلاام..يـــا بختي عـــيل ..قاعده اكــلم لاعب وصلاوي..
يوسف: هههه هييه ..ليش انتي وصــلاويه ؟
شهــد: هيييييه اكيييييد..
يوسف: يـــــاحيـــج والله..اممم انتي من متى تعرفين مروه..
شهـد: من هالســـنه..انا ويـــاها في الصـف..مع اني اكــبر منها بســنتين بس ارتاح لها..
يوسف: اهاااا يعــــــني انتي قــــــدي..
شهــد: هيــــــــــه..اممم اقـــول شـــكلي وايد طــولت..خلااص بســكر الحين..
يوسف: افا عــليج الغاليه..لا تقاطعيـــنا عـــاد..
شهــد: هههه ان شـــاء الله..اممم اقـــول..
يوسف: هـــــلاا..
شهــد: اممم ..ممكن تعطيني رقـــم موبايلك؟؟
يــــوسف مااتـــوقع تســـأله هالســــــؤال..انصـــدم..: بس انا ماعندي موبايل..
شهـــد: ههههههههه معقــــــوله؟!!!!!
يوسف: مااعتقـــد انه هالشي يضحـــك...هي ماعندي ..وشو ابــــا فيه..
شهــد: لا بـــس الحيـــن حتى اليــــهال عندهم موبــــايلات..معقـــوله انت شــاب وماعندك؟؟!!
يوسف: هي ماعنـــدي..يالله باي
شهـــد: اعصابك اعصابك..ما قــلنا شــي خلااص ماعندك ماعــندك..بس كنت حابه اتواصل وياك بالموبايل..بس يالله مــب مشكـــله ..
اهــــــــني يوسف حـــــس بغــــصه في داخــــله..يبغي يصرخ ويقــــول ليـــش انا جيــــه ليـــــش..صـــدقها والله ..كــــل الشباب عــــندهم موبايلات..مالـــــومـــها ..من حقــها تضحك عــلي..ااااخ يالقــــهر..الحيـــن مو لو كــان عـــندي موبـــــايل ..كنت اقـــدر ارمســها على راحــــتي ...الصـــراحه هالبـــنت داشــــه خــاطري..مب قــادر انــسى شــكلها..ابتســـامتها..مــاشاءالله عــــليها حـــلوه..حــلوه وااايد..
يوسف: الغـاليه متى مابغيتي اترمسيني اتصــلي اهني..
شهـد: وبصــفتك شــــو؟؟!!
يوسف: امممم..شو قصــدج يعني..
شهـد: يعـــني اتصــل واقـــول حق اهــلك انا ابغي الفــلااني!!!!
يوسف: اممم..شهــد..
شهـــد: هلاا..
يوسف: انا بقــولج اللي في خــاطري وانتي عــاد بكيفج عادي عــندي لو تسكرين التلفون في ويهي..شـوفي الغـــاليه..انا الصـراحه من اول ما شــفتج وصــورتج في بالي مافارقتـــني..ومن امــس وانا كــل تفكيـــري فيــج..وبــــــس
شــــهد في خــــاطرها..ههههههههه يـــــــــــــس !!!! ...هـــــذا اللي انا ابغيـــــــــــه..
شهــد: ...............
يوسف: دخيـــلج قولي شـي لا تسكتين
شهـد: ماادري شـو اقولك الصــراحه انت فاجـــئتني..
يوسف: خـــلااص حموود..انا بدقــلك عقب..يالله مع السلامه
شــهد: اكيــد حــد يا عـندك..خلااص شوف الساعه 12 فيلليل خلك عــند التلفون اوكيه؟
يوسف: خــلااص اوووكيه..
وسكـــر يوسف عـــنها التلفــــون وصــد عــلى امه اللي دشــت عليه الصــاله..
يوسف: امــي ابغي ارمســـج في شـــي..
عايشه: قـــول فــديتك ..شو في خاطرك؟؟
يوسف: الصـراحه امــي انا في خاطري ايكون عــندي موبايل..حالي حال ربعـــي
عايشه: ههههههه..وشــو من موبايـــلاات تبغي حبيبي آمر انت بـــس
يوسف: امـــــــي..انا ارمسج جـــد..ابغي موبايل
عايشه: ومـــن ويـــن اييبلك يا ولــدي من ويين..قول انت بس..
يوسف: لاا والله؟!!..شو من وين اتيبين بعــد..وهاي الشغـــله اللي تشتغـــلينها ماوراها فايـــده !!..بــس سايرتــلنا هنـــاك تشتغلين حق الفضــايح!!
عايشه منصــــــــــــعقه من كلام يــــوسف..وتطــــالعه وهي مصــدومه..
عايشه: يوســـــف!!!..شو هالكـــــــلام!!!!!!!
يوسف: امــــــي لاتطولينها وهي قصيره انا ابغي موبايل
عايشه: وانت عــبالك اذا كان عــــندي قـد سعر الموبايل كنت بقصر ويـــاك..؟!!..ماكـــنت باخذلك يعــني !!!..
يوسف وهو يصــارخ: اووووووه..مب حــــــاله هــــــاي..يعـــني متى بعيش مثل غيري مــــتى..وطــــلع من عــندها وهو معـــصب..
وعــــايشه اهـــني دموعها اللي كــــانت حابستنها نــزلن على خــدها..يـــاربي اخذها من ويـــن والا من ويـــن؟!!..من يرانا اللــــي ملوا وهم متحملين عيـــالي ..وبـــدوا يلمحون لــــي..هم بعــد معذورين كم بيتحملون..غداهم وعشاهم عليهم..والا من هــذا اللي يــــبا موبايل.اااه .يــــارب يســــر امـــوري يــارب..
........................
نـــزلـــت من السيـــاره وهـــي مستانسه من الخـــاطر..وهــــو بعــد نـــزل..مــدت له ايــدها..وقبضــها ماحــب يقفطـــها..دشــوا الصــــاله..شافوها خــاليه مافيها حــد..
اميــره: ويـــنهم هاييله..؟؟!!..شــو لين المغرب رقــــود؟!!
راشــد: انتي تــــراج الا اتيـــن ويايه البيت..
اميــره: كيفي والله كيـــفي بيت عمـــي..شــرات ما غــديناك الحين لازم اتعشيــني عــندكم
راشـد: طـــاعوا هــــاي..وايد عطيـــتج ويـــه ترى..
اميــره: افااا يعـــــني مااســــتاهل..!!!
يـــــت صوبهــم فاطـــمه..
فاطمه: مــرحبا مــرحبا اميــره..حياج الله يـــاابنيتي ..تو مــانور البيت..
اميره: تســلمين خــالوه ..البيت منــور باهـــله..خــالوه شوفـــــي راشـــد ما يباني ايي عـــندكم البيت..
فاطمه: مـــا عليج منـــه ..مبونه ما يعــرف الواجب..
اطــالعها راشــد باحتقـــار وهـــد ايد اميره وطــلع من عــندهم وبند الباب وراه بالقـــو..واميـــره نـــدمت على اللي قــــالته ..اووفففف غــبيه ..زيــــن جيه الحين خليته يعــصب ..قـــالتها من دون قصـــد ومااتــوقعت رد فاطمه جــيه بيكون عــليه..
فاطمه: حيــاج حيـــاج يا ابنيــــتي تعــالي نسير نيـــلس..
اميره: الله يحييج مشكــوره خالوه..الا مــريم وعوشه ويــن؟
فاطمه: تلقيــنهم في حجـــرهم..تبيني ازقرهم لــج..
اميــره: لا خــالوه ارتــاحي انتي ..بسير لــهم روحي..
فـاطمه: بــرايج يـــابنيتي..
وســارت اميــره عنــها..وهــي عالدري شـــافت عمها وســلمت عليـــه..
علـي: انا اشـــوف النـــور كــله من وين يــاي..ثرها اميــره عندنا..
اميره: هههه تســلم عمي..البــيت منــور باهله..شــو عمــي طالع؟؟
علي: هيـــه..وويــن راشــد عنج عيــل..
اميره: عمــي راشــد وصــلني وراح..
عـلي: هيييه..خــلااص عيل البنــات تلقينهن فوق..
اميــره: هييه رايــحه عـــندهن تــراني..خلااص عمي اخــليك..
علي: ربــــي يحفظج..
وكمــلت اميره دربــها لين فوق والا تشــوف جــاسم جــدامهـــــا..
جــاسم: هلا هلا ..انا اقــــول ليــــش البيــــت ظــلام..
اميره: ههههه دب انزين..ويا راســك..الكــل مدحـــني الا انته..
جاسم: ههههه هي ادري امــايه يالسه تحــت واكيــد مدحتج..وابــــويه قالج (انا اشـــوف النـــور كــله من وين يــاي..ثرها اميــره عندنا..)..فقلت انا اغيـــر
اميره: ههههه وييي بسم الله ..اشـــــدراك؟؟
جاسم: نياهاهاها ..انا اصــلا حاط كــاميرات في كــــل مكــان في البيت ..واراقب الكــل من حجـــرتي..شــرات خالتي قماشه..
اميره: ههههههههه هي والله يــايه اقولك تــــوني..ما عــليه ان شاء الله بس اييكم البيت بستكشـــف مكان الكاميرات وبخــليهن عـــليك..عشان تيلس وتتطمـــش على عمرك..
جاسم: هههههه هييه صـح على طــاري ييتج عــندنا..اوففففف ســندرولنا راســنا هالهنـــود اللي يبنون بيتكم ..مــايخلون حد يتهــنى برقــاده ..كــل ما غفت عيني شــوي اسمع صـــوت دقــهم ..انا مــرات اخاف اقــول هاييله اكيــد بيهدمون علينا البيت
اميره: ههههههههه الله يقطع سوالفك يا جســوم..تستاهلون ..ترى نفس الحــاله عندنا..عسب اختك المصـــون
جاسم: ههههه الله يعـــــينا..انتوا تعرسون ونحـــن نتلعوز
اميره: يـــالله عقـــــبالك ان شــــاء الله..
جــاسم: ان شــــــاء الله ادعيلي بـــــس آخذ اللي في بــــــالي...

اميره: هاااااااااااااااا..يعــــــني في وحده في بالك!!!..يالله يالله..قول قول منو هاي..قول عادي ما بخبر حد..
جاسم: هههههه سيكرت سيكرت..كـــل شــــي بوقته حــــلووو..
اميره: اخـــــاف الا وحده من هالانجـــليز؟؟
جاسم: ههههه لا جــيه شو قالولج اتخـــبلت!!!..
اميره: هيـــه عبالي بعـــد..خلااص اوكي عيل بسير عــند حرم اخوي المصون بشوف شو تسوي..
جــاسم: اوكيييك..يالله جـــــــاو
اميره: جــــاو..
وكمـــلت اميره دربها ليـن حجرة مــريم..ودقــت عليها الباب..
مــريم: هلا والله هلا.. انتي اهـــــني ؟؟!!
اميره: لاا هـــناك ..شخبـــارج؟؟
ودشــوا داخل وويلســوا على حافة السرير
مريم: الحمدالله شــخبارج مــرت اخــوي العزيزه..
اميره: احم احم..شكرا شكرا..انا بخيــر الحمدالله..
مريم: ههههه صــدقت عمرها ..هااا اشوفج عــندنا..يايه ويا راشــد؟؟
اميره: هيييه..وعصـــــب وطـــــــلع..
مريم: افاااا ليـــــش..شو سويتي فييييه؟؟
اميره: اتخـــيلي متحسف لانه يــايبني وياه بيتكــــم..قلتله انزين بيت عمــــي كيفي..
مريم: هههه يسولف وياج انزين ..وليش عصــب..
اميره: جان اتي مرت عمـــي وقلتلها انه راشــد جيـــه يقولي..وجـــان انصــدم من ردها..قالت هييه هذا مبونه مايعرف الواجــــب..
مــريم وبحــــزن: الله يهــديج يا اميـــره..ليش اتقولين جيه جــدامها..
اميره: وانا اشــدراني انا انصــدمت من اسلوبها ويا راشـد..هي اترمســج انتي بعد جيه..؟؟
مـريم: اصلا انا وراشــد عمرنا ماسمعــنا كلمه حــلوه منها ..انا عــن نفسي ماايــلس وياها وااايد..يعني يــوم اشوفهم يتيمعون نادر ماايلس وياهم واذا يــلست احسها تعق علي رمســات افهــم منها انها هي ماتبـــانا في البيـــت..يعـــني مااتيبها بطــريقه مباشره بس انا الحيــن كبرت وقــمت افــهم..بس اســكت عنها ..راشــد الله يهــداه يراددها مرات بس آخر شــي يطلع عمره هو الغلطان ويســكت..يعـــني بالاخيــر كلنا نلتزم بالسكــوت لان نعــرف انه بيدها هي نقعــد في هالبيت وبيدها نطــلع منه..
اميره: بل بل بل..كـــل هاااا يطـــلع من مرت عمي؟!!!!!
مريم: لاااا يا اميــره لاااا..انا ماابغي اشـــوه صــورتها جــدامج..هي طيــبه وحــبوبه..بس انتي تعرفين ليــش هي تعاملنا جيــه..شــي طبيعي اصلااا..زيـــن منها متحملتنا ليــــن هالوقت..يــزاها الله خيـــر الصــراحه..اتصــدقين..نــدمت اني قلتلج..المفروض هالاشــاء اتم في داخــلي ومااطلعها لحــد..
اميره: الله يهــديج يا مــريم..شو تتحــريني ياهل يعني ماافهــم..انا فاهمتــنج وادري باللي تقصدينه..تــراني انا ماشفــت منها الا كــل الخيـــر..وانتي مـــاعليج كلها كمـــن شهر وبتشرفينا البيت..
مريم: هههه ان شـــاء الله..
اميره: الا تعــــالي صح نسيت اقـــــــولج..تراني اتصــلت في المصمم وقــلتله بييك اليــوم عســب فســـتان العرس..كــنت بقــول حق راشــد يــوديني بس نســـيت والحين مااظــن بيطيع روحه معصــب عليه..
مريم: هييه صــح تعالي انا وعوشوه بعــد بنسويلنا فساتين..
اميره: هييه حتى حمدوه قالتلي ..كــلنا بنســوي من نفس المكــان ..بس عاد ان شاء الله يخلص لنــا ..المهم الحيــن منو بيــودينا؟
مريم: جــربي ويا راشـــد دقي عــليه الحيــــن..
اميره: خلااص اوكي..وطلعـت موبايلها من الشنطــه ودقت علـــى راشــد..طـــبعا رفـــــض وبشـــده بعــد..قال انه طالع ويا ربيعه..
اميــره: ماطــــاع..مالنا الا جـــاسم..
مريم: لااا جاســم لاااا..نسيــتي انه ما يبا عوشوه اتي ويانا
اميــره: وهـــــم ليــــــن الحيــــــنه جيه؟؟!!
مريم: هي والله ليــن الحيــن..كم احاول وياهم ما شــي فايده..جاسم راسه يابس ويقول اونه اباها تتأدب..
اميره: حــليلها عوشوه تكــسر الخاطر..
مريم: امممم انـــزين وحمد؟؟
اميره: ههههههاااااااااي..هيييه هاللي تبيــــنه انتي..حمد..
مريم: ههههه سخيفه..ترى مابقــــى الا هووو..
اميره: هههه ماادري والله اليـــوم عالغــدا كان يقول انه يبا يطــلع ويا ربعــه..بدق له وبشوف
مريم: لاا لاا لاا خلااص ..خلااص مب مشـــكله بنخــليها باجر..
اميره: لاا فــــديتج شو باجر..انا اتفقت ويا المصمم اني بييله اليـــوم..وابغي اســـير اتســوق بعــد اشتريلي اغــراض ..يــبالي واايد اشــياء مريووم ماباقي شـــي..
مريم: مــابيستوي شــي اذا اجلــنا يوم واحـــد بس..
اميره: لااااا..مايخــصني انا ابا اليـــــوم..
مريم: اوففف انـــزين بنصــلي المغـرب وبنسيـــر..
اميــره: خلااص اوكيــــك..يالله نشـــي بنسير عــند عوشووه بنخــبرها..
مريـم: اوكي يالله..
.
.
في حجــرة عوشه..
كــان الحــزن مــبين على ملامح ويههــا..لاحـظوا عـليها هالشي لان يعـــرفون عـــوشه زين..بــس قالوا في خـاطرهم اكيــد عسب تغير جاسم عـليها لانها وايد متعلقه فييه..مايعــــرفون انهــــا طايحه في مصيــــبه اكبر من جيــــه..
مــريم: عقب صــلاة المغرب بنظــهر اتجــهزي انـــزين..
عوشه: ويـــن بتسيرون وويـــا امنـــوا؟؟
اميره: بنسيــر السوق ..لا تحــاتين ويا مريــوم بنسير..
عوشه: هييه زيــن ..اوكــــي..
مـريم: وبســج دلع عـــاد.. خيركم من يبدأ بالسلام
عوشه: والله انا ابغي ارمســها بس هييه اللي ما تشــجع..
مريم: انا ارمـــس عن جـــاسم..
اميره: قصــدج حمدوووه..!!..وانتوا ليـــــن الحين ماترمسون بعــــض؟!!..عوشوه انتي اشفيج محاربه الكــل..جاسم وحمده..!!..اخاف نحن وراهم بعـــد..
عوشه: والله هم اللي يـــبون جيــه..اقول تــرى اذن المغرب ..شــو ما بتصــلون؟!!!
مريم: يـــالله انـــزين..صــلي واتزهــبي مو تتحيرين..يالله اميـره نسير
.
.
وخـلصوا البنات صـلااتهم ..وطــلعــوا بسيــارة مــريم..عوشه غلقت موبايلها وخــلته في البيت ماخذته وياها ..لاانهــا تدري انه بأي وقــت عادي يتــصل فيها هــذاك..وهي طــالعه اتغيــر جـــو..تبــا تســتانس اشـــوي ..حــاسه بضيــج فضيـــــع..واميره اتصـلت في راشد وخذت الاذن منه وهو وافق لانها ويا مريم..مــروا على حمــده وعقــبها ساروا اروشــي ..اهنــاكي اتفقت اميره ويا المصمم يصمم لها فستان العــرس..ومــريم قــالت حق المصمم يصــمم لها..ويصمم فســـتانين نفس الشـــي حق عوشه وحمــده..لاانهم دايمـا يلبسون شــرات بعــض..طـبعا عوشه مااهتمــت وحمــده بعد مارامت تقــول شـــي جـدام الريال..المهم اتفقــوا على كــل شي وعلــى انه الفساتين يكونون زاهبين قــبل العرس بكمــن يوم..ورضــى الريال لاانهـــن يتعاملن ويــاه من زمــان..
وعقــبها اميــره تمـت تحن على مــريم الا توديها الستي لانها تبغي تشتري عطورات ومكــياج من باريس غاليري ..
مريـــم: انتي تخــــبلتي ؟!!..شوفي الساعه كــم الحين..نســيتي انه اليــوم يوم الجمــعه..زحمه الستـــي..
اميـره: بعــــده وقت الحيــن الساعه 9 ..يالله يالله مـــريوم دخيــلج ابغي اخــلص شغلي بســرعه..باقيلي وايد اشــياء ماخــذيتهم..
حمده: اللــــه وناسه بنسيـــر الستي ..يالله يالله مريـــوم وديـــنا..
مـريم: هي مســتانسه انتي..لاا لاا فــديتكم مب ســايره ..بـــنات روحـــنا انسير الستي ؟!!..اتخبــلتوا؟؟!!
اميره: عااااااااادي بلااااج انتي خــوافه..نحـــن سايرين نتشــرى مب سايــرين نلعب..يالله يالله دخيـــلج مريم ..هــــذو الستي ..نحن جـــريب منه الحيــــن..
مريم: اوفففف زين زين..بس هااا..ايـــاني وياكن تسيرن مني والا منـــاك روحكــــن..او تضحـــكن على اي شــي بصوت عالي ..بذبحكـــــــن
اميره: احــم احــم ..وياكــن وحده متزوجه الحيــــن..انا اللي المفروض انبــهكن حق هالاشيــاء..
مريم: ههه خــلج انتي عـــاد..
.
.
المهــم وصــلوا صوب الباركنات ..وســـاعه لين ما مـريم حصـــلت باركنج منــاسب وبركــنت فيه..اول ما بطــلوا بيبان السياره شــافوا في الباركنج اللي مجـابلهم على طــول استيش فيه شلة شـــباب..جان يغيــرون رايـهم ويبندون البيبان..
عوشه شهــقت: شفتـــــوا اللي انا شفـــــته!!!..اول ماسكـــرنا البيبان هم بعـــد سكـــروا..
اميره: الحيــن انتوا ليــش خايفين؟؟!!!..خلونــــا ننزل مابيرومون يسوون شـــي..
مريم: لاا امي انـــزلي روحج انا بسيــــر..
حمده: هي هي ســـيري مريوم خلااص ..انا بديـــت اخاف الصــراحه..
وحــركت مريم مــــوتــرها وطـلعت من الستي..وجــان يشوفون الستيشن وراهم..
حمده: اويـــــــــي مريووووم يايين ورانا..
اميــره: كــله منكــم ..انا قــلتلكم بننــزل..هم عبالهـــم الحيـــن ان نحن ما نزلــنا عشانهم..
مــريم: اسكتــي انتي اسكــتي ..آخر وحــده ترمسيـــن..انا كــنت حاسه انه شـــي بيســــتوي..حمدوه وعوشووه ..لا تصــدون ورا..
عاد مــريم اهــني من الزيغــه ماعرفت ويــــن اتسيــر..تبغي اتسير اي مكــان بس عسب اتضـــيعهم..وفعــلاا تمـــت اتدش بين السكيك ليـن ماضيعــتهم واهــــني بس ارتــــاحوا..ووقفت مريم المــوتر في مكـــان ظــلام عشـــان يتأكــدون انه خـــلااص راحوا عــــنهم هاذيلااك..
مـريم: اوففف مــابغيـــنا..الحمدالله يـــاربي..الله ســـــتر..
اميــره: مريوووم..خــلااص افتكيــنا منهم خلينا انرد..
عوشه: طــــاعوا هــــاي ..انتي مااتوبيـــن!!
مريــم: هي تتحـــراني بسمــع كــلامها هالمره..انا راده البيت خلاااااااص مب مودتنكم مكان مره ثانيه..
اميره: دخيلج مريوم دخيلج الحيــن يينا ليــن اهـــني يعني بعدنا قراب من الستـــي خلينا نرد ..وبعــدين كــله منــكم..الحيــن لو كــنا نازلين ماكـان استوى كــل هااا..
حمده: هـــيه صح كلامها ..
مريم: اوففففف منــج..بــرد بس من الحيــن اقولج..بتخلصيــن شــغلج بسرعه اهنــاكي..الوقــت متأخر ونحــن ورانا دوااااااام..
اميـــره وهـــي شاقه الحلج: ان شـــــــــــــاء الله..
وردوا الستي مــره ثانيه..وحصــلولهم بــاركنج مناسب جريب من المدخـل..وبــركنوا المــوتر..بس هــــــــني كانت الصدمــه..ليـــــــش مايشوفون الاستشيــــن جـــدامهم..وقفـــت جدام سيارة مــريم على اســاس انها ماتروم تطــــلع..
حمده: امييييييييييي بسم الله هـــاييله كيف عـــرفوا ان نحـــــن ردينا..
اميره: الله يخـــــسهم اكيــد كانوا يلحقــونا من غير لا ندري..مريوم اقفلي البيبان..
عوشه: اويييي شوفوا شوفوا..واحــد منهــــم يـــاي صوب الســــياره..
نـزل واحد منهم من الســياره وراح صـــوب ســـيارة مـــريم وهو يضحــــك ويهز راســه كأنه يستخــف فيهم..ومـــريم من الزيغـــه شويه وبتصــــــــيح..يــــا جريب السيـــاره وحـــط ورقه صغيره على البــونيت وروح..
اميــره: صـــــــــــدق انه سخيييييييييف الحيــــن كـــل هذا بس عسب يحط هالورقه ويروح..انا بـــراويهم..نــزلت اميــره من السياره..
مريم: تعاااااااااالي يالخـــبله تعاااااااالي وين سايره..
بــندت اميره البـــاب وراحت خذت الورقه من غيـر مااتشوف شو مكتوب فيها وطــرتها جــدامهم..وطـلعت موبايلها من الشنــطهوهي تطــالعهم وهي معــصبه.. عسب تبين لهـــم انها تبا تبغي تخبر عــليهم..وهــم عاد من شــافوا حــركة اميــره..حــركوا موتـــرهم وســـــــاروا..
عــاد اميـــره اهــني استانست انها ســـوت انجـــاز..واشــرت لهـــم ينزلون من الســياره ..نــزلوا من الســياره وهـــم حاسيــن بــراحه انهم روحــوا عــنهم الشــباب..واميــره طول ماهم يتمــشون وهي تمـــدح عمــرها انها ســوت شــــــي..وكــله اتقول لولاي انا ولــــولاي انا..المهــم خـلصت اميــره شغــلها وخــذت اللي تبغيـــــه..وردوا بيـــوتهم وهــم تعــبانين من الخــاطر..وعــلى طول كــل حــد على ســـريره..
...................
الصبــح..في الشـــركه..
كـــالعاده راشــد كان ســاير عــند ربيعـــه محمد..وهو يتمــشى في المـــمر جـــان تدعمه وحــده ويطـــيح عنها الفايلاات اللي كانت ميودتنهـــن..
البنت: آسفــــه آسفه اخــــوي..اسمحــلي ماشفتـــك
راشـد: تستعــبطين حضــرتج؟!!!..شو ما شفتيــني بعـــد!!
البنت: صـــدقني ..صـــدقني الغالي والله مـــاشفتك
راشـد: انزين انزين خلااص ..
وســار عــــنها راشــد..بــــــــس..
البنت: يــــــا أخ..ممكـــن شوي..
راشــد..اوهووو هــاي شكــلها مــابتخليني في حالي الحيـــنه..ورد ســار صوبها..
راشد: خيـــر؟!!..نعــــم؟؟!!
البنت: اسمحـلي عالازعاج..بس انا سمعت انــك ربيع صـاحب الشـركه ممــكن اترمسه ينقــلني من القسم اللي انا فيه ..ابغي اسيـر قسم ثــاني..
راشـد: وليــش انتي ما ترمســـينه؟!!..
البـنت: احســه مابيطيــع..انت تــرمسه احســن لاانه ربيعــك..دخيلك..
راشـد: زين زين خلااص..
البنت: اممم انزين اتــريا بعطيــك اسمي ..انا اسمــي ...........
نــــوره كــانت واقفه هنـــاك وتطــالع راشــد ويا البــنت وهـــيه مغيضــــه..خطــف راشـد من صــوبها بعد ماراح من البــنت وجــان تزقره..
نــوره: راشــــــــــد..
راشــد...اوهوووو ..شكــلنا مابنخــلص اليــــوم..
راشـد: هلا هلا نـــوره..
نـوره: ليـــــش كنت واقف اترمسها؟!!!!!...وبصفــتها شو ترمســـها؟؟!!
راشـد: وانتي اشــــلج؟؟!!!..
نــوره: راشـــد شو هالكـــــلام..شو انا اشـــلي بعد..انت نســــيت اللي بينا..
راشـد: لااا مانسـيت..نوره برمسج عقــب انا بسير الحيــن..
نوره: مب قـــبل مااتقـــولي شو كــانت تبا منك؟؟
راشـد: كانت تباني ارمس محمد عشان ينقــلها من القســم اللي هـــيه فيه..تبا تسير قسم ثــاني..
نوره: بـــــس؟؟!!
راشــد: هي بـــس..يالله بـــاااي..
نوره: راشــــد لحظه...
راشــد: خير يا نـــوره تراج عطلتيني..
نوره: امممم شخـــبار اميـــره؟؟!!..ان شـــاء الله بخيــــــر
راشــد (وهو مـــرتبك): بببخير بخير..نوره قــوليلي الصج انتي ترمسيــــنها؟؟
نوره: لااا والله حبيبي ماارمســها ..من هــاك اليــوم وانا مااعرف عـــنها شـــي..
راشـد: هييه جــيه ابغيــج ..ايــاني وايــــاج يا نـــوره ترمسيـــــنها..
نوره: راشــد انا قلتلك..وبــرد اقولها مــره ثانيه..انا بســـــوي المستحيــــل علشانك..بــس يا راشــد يعـني لين متــى بنتم جيــه..انت مــب قاصرنــك شـــي..وتقــدر اتيب اهلك وتخــطبوني..ليــش مااتفــرحـــــني واتســــويها..
راشــد: اووه نـــــوره خــلااص عاد..كمــن مــره رمسنا في هالموضوع..تراج انتي اللي ماتبيــن كــلما قلتلج شـــي قلتي لاااا و لاااا..كيـف تبيني اخذج وانتي لين الحيــنه مب واثقه فيني
نوره: مب اني مب واثقه بـــس راشــد انا مااقدر اطــلع وياك مااقدر..
راشـد: خلااص خلااص..انا الغبي مضــيع وقتي وياج..وخطــف من جــدامها ..
نوره: راشــد راشــــد..
بس ســـار عنها راشــد..وتمــــت هي تلوم نفســها على اللي قــالته..
...............
يــا اليوم اللي لاازم جـــاسم يــرد فيه بريطــانيا ..عاد في هاليــوم الكــل كان حــزين عشان جــاســم بيروح عـــنهم.بـــــس محد كــــثر عوشه..يــالسه في حجـــرتها واتصيـــــح من الخـــاطر..مول مااتهـــنت فيي ييتـــه هالمره ..شقـــايل بيروح وهو زعــلاان عليها..شقــــايل بيروح وهي طــايحه بمــصيبه وليــن الحين محــد يعرف عــنها..كــان عندها امــل انه جــاسم يرضــى عليها وتقــوله اللي في خاطرها لاانها تعـــرفه اكــثر واحــد يفهمــها حتى لــو كان اخــوها..هي لين الحيــن مصدومه انه زعــلهم طــول هالكـــثر..مااتــوقعت انه جـــاسم بيعق اللوم كــله عــليها..اللي تعــرفه انه جــاسم متفاهم ويــــاها..شو اللي جــــلبه عـــلي..شووووو!!!..بس بتـــم انا الغـــــلطانه..ااه ..اصلا انا المفروض ماكـــنت اسوي جيــه..اااه ليــــــش سويتها ذاك اليـــــوم ليــــــش..وبلحــظه ماحســــت فيها في عمـــرها طــلعت من حجـــرتها وماحصــلت عمرها الا واقفه عند باب حجــرة جـــاسم..ترددت تفتح البــاب والا لااااا..قـــلبها بداا يـــزيــد نبضــاته..مااتعـــرف ليــــش حــاسه بخـــوف وتردد ..اووه انا بــدخل ..ولا شــعوريا بطــــلت البــــــاب وتمــــــت واقفه وهي حـــــاسه برعشــــه في كــــل جســــمها..

جــاسم لحــظتها كــان يحط ملابسه في الشــنطه..حــس انه حد بطــل الباب جــان يرفــــع راســه واطــالعها..ابــــــدا ماانصـــــدم من وجودها..لاانه كـــان متوقع انه عوشه اتيــــله ..او بالاخـــص كــان يترياها اتـــــيله..نــزل راســه تحت وهو حــــاس بحـــزن فضيـــــع..اااه يــــــاعوشه..الحمـــدالله الحمـــدالله انــج ييتي..ماادري شـــو كان بيســتوي فيني لو ماكنتي يــــايه..
عوشه والدموع تنــزل على خــدها: ادخـــل والا لاااا..
جــاسم رفع عيــونه وشافهـــا ورد نــزل راســـه تحــــــت ..
راحـــت عوشه صــــــوبه: جـــاسم الله يخــــــليك سامحـــــــني الله يـــــخليك انا غـــلطت واعتـــرف بغــلطتي بس صــدقني انت عرفت كيـــف تعاقبني..
رد لهـــا جـــاسم بابتســــامه حسسها انه خـــلااص مب شــايل شـــي في قلبه عليها..راحت تقــربت منه وحضـــنها ..عــــاد هي اهـــني تمــــت اتصيــح من الخـــاطر شــرات اليهــــال..وهـــو تم مبتـــسم وقاوم دموعه انها ماتنــزل ..مســح دموعها بيده..
جــاسم: يالله عــــاد بســـج..دلعــــناج واااايد..خلااص بــوي رضيــنا عليج
عوشه: جــاسم دخيـــلك لا تســـافر ..الله يخـــليك تم ويـــايه لا تـــروح انا محـــتاجتنك ..
جاسم: عـــوشه اشفيــج؟؟!!..شـــي مضايقـــنج؟!..قوليلي..
عوشه...ااااه يــــــااخوي ليــــتني بس اقدر اقـــولك ليــــــتني ..لو كــنت بتم ويـــانا كنت اقــدر اقول بس الحيـــن لااااا لاااااا..
عوشه: مافيني شـــي بس ابغيــك اتم ويـــايه..انا ماصــدقت رضــيت عليه والحين بتسير
جاسم: ههههه انتي تراج هـبله ماعرفتي شقايل اتيبين راســي..والا لو كـــنتي يايتني من قــبل كــنت الحين راضــي عليج..
عوشه: هيييه ويا ويهــــك جيه انت كنت تعطيني مجـــال؟!!..كنت شـــرير كنت اخاف منــك وحليلي..
جاسم: ههههه مب لهاي الدرجه عاااااد..
عوشه: هييه واكــثر بعد ..حـــتى الطــلعه اللي وعدتني فيها ماطـــلعتني ..
جاسم: ههه ليــن الحين تذكرين..ما عليـــج تراني بروح اسبوعين عسب الامتحانات وعقــبها بيي وبطـــلعج ذيج الطــلعه اللي بتستــــانسين فيها من الخاطر..
عوشه: يعـــني لازم تــــروح اليــــــوم..
جاسم: هي فـــديتج لاااازم..وبنــكون متـــواصلين تـــرانا بالتلفون..واي شــي مضــيج بج تقدرين تقــولين لي..
عوشه نــزلت راســها بحـــزن..
جاسم: ههه يالله عاااد لا تتدلعيـــن واااايد..يالله يالله نشــي ساعديني
عوشه: مابا..مابســاعدك انزيييييين..
جاسم: ههههه والله جنج ياهل..
عوشه: هي هي انا بعـــدني ياهل اصــلاا..
جــاسم وهو يعــقد حيـــاته ويطالعها بعصبيه: يالله نشــــــــــــــي ساعــــديني قلتلج
عوشه: لااااااا الله يخــــليك لا تعصب..خلااص خلااص بنش..
جاسم: ههههههه..
.
.
بعــد ماراح جـــاسم..تــــرك في البيـــــت فـــراغ كــبير..كــان صعب جــدا عــلى امه فــراقه..عـــوشه انشــغلت في امتحــانات نصف الســنه ..كانت ترد من الامتحـــان وهي تصـــيح اتحـــس انها مااتعــرف اتــركــز..لاانه نـــاصر مب مخــلنها في حالها.. يتصــل فيها ويأذيـــها..وهي مضطــره ترد عــليه اتخــاف ينفــذ تهــــــديده..مـــابيدها شــي تســـويه..عـــندها احــساس كــبير انها بتــرسب.. الشــي الوحيـــد اللي مــريحنها هو انه هالامــتحانات مب محـــسوبه ..
.
.
اميــره انشــغلت في روحاتها وييــــاتها للســـوق ..كــانت اتسير ويا امها وحمد اللي يــوديهم..لان مــريم مشغوله في امتحــاناتها وحمده بعــد نفس الشـــي..
.
.
شهــد ويـــوسف ..كثـــرت مكــالماتهم وســوالفهــم ويا بعـــض..شهــد دوم كــانت تتصـــل على الساعه 12 ويـــوسف يتـــرياها يمـــ التلفــون..وليــن الحيـــن وهو يطــلب من امـــه موبايـــــل..ويقــعد يقـــولها كـــلاام قــــــوي يجــرحها بس محـــد حــاس فيها..كــلام يبيـــن فيها انه هــو متغيــــر..هو مـــب يوسف الاولـــــي.. وهـــامل دراســـته واااااايد..مــب هامنه الامتحــانات..وعشــان النادي..تــراه كــان يتــدرب وياهم ويــلعب مباريــات وديه..والمــدرب اســـتانس منه وااايد في الاســبوع اللي كان ويــاهم..عيـــبه لعــبه..ورمــس الاداره عـــنه بس قــالوله انه لاازم يـــــتريا ليــن اجــازة الصيف لانه حــاليا التســجيل وقف..
.
.
في الكويــت..مــاستوى شــي يديد اهنـــاك..الا منــــال اللي طــلعاتها ودخــلاتها بــدت تكــثر وتقــول انها اتســــير بيت ربــاعتها..مــاينــدرى اذا صــاجه والا لااا!!!!!!!!!
.
.
كــانت يالســه في حجـــرتها تصيــح..من يــــومها وهي عايشــه بعــذاب مــب طبيعي..مع انهــا راحـــتها بيــدها ..وهــــي تقــدر تريــح عمـــرها بسهوله..بس اتحـــس انها مـــب قــادره ..مـــب قـــادره اتســــوي الشي اللي يـــريحهــا ..صــعب عليها جــدا..مســحت دموعهـــا وقــالت بتسير الصـــاله يمــكن تــرتـــاح شـــوي..شــافت امها يالسه في الصــاله..
شمــا: ســلاام عـــليكم..
ام حـارب: وعليكم السلام... هلا فــديتج هلا ببنيـــــتي ..تعالي فــديتج تعــالي اتعشـــي..
شمـا: لا امــي ماابغي شــي ..مب مشتهيــه..شخــبارج..
ام حارب: تمــــام غـــناتي ..انتي شخبــارج؟؟
شمــا: والله الحمدالله..
طــلع حــارب من حجــرته..
حــارب: يـــالله انا ظــاهر ..تبــون شـــــي..؟؟
ام حـارب: ســـلامتك يــا ولدي..بس ويـــن ساير..
حارب: امـــي بسير المستشــــفى..
ام حــارب: وييي بســـم الله عــليك.....شو فيــــــــــك فـــديتك شو يعــــورك
حارب: لاا لاا امي مافيني شــي لا تحــاتين..بسير عــند ربيعي مــــــــــــايد من يــومين وهو مطيـح في المستشـفى مسكيــن ..
شمـــــــــــــا انصعقــــــــــت!!!!!!!!!!
ام حــارب: هيييه وحـــليله شــــو فييه؟؟
حــارب: من قــلة الاكــل والنــوم امـــي دوم كــان يغمـــى عليه..
ام حــارب: ويييي لــــيش جييه كـــان يســـوي بعمـــره..
حارب: ماادريبـــه كمن مــره ســـئلته شـــو فيــك شو يــاك ليش فجأه جيه تغيــرت..مايطيــع يقول اللي فيــه..
ام حــارب: هيــــه الله يعيــــنه ياوليــــدي ..دير بالك عــلى روحك
حـارب: ان شــاء الله ..يالله مع السـلامه..
ام حـارب: مع السلامه..
دخــلت شمــا حجـــرتها وارتمـــــت عالفــراش وتمــــت اتصيــــح من الخــــــــــاطر...(كـــــله منــــــي كــــــله مني انا السبـــــب..)..
.............
نـــزلت عالدري بخطــــوات بطيـــئه ومتثــاقله...وشــافت امهــا يايه صــوبها..
فاطمه: عوشــه؟!!!..وين بتسيـــــرين يا بنيــتي؟؟
عوشه وهي حــابسه دموعها عن لا تنفــجر من الصيــاح: امــي بطــلع بسير بيت ربيعــتي ..عــازمتنا انا ورباعتي في بيتهم يعـني عشان اليوم خــلصنا امتحاناتنا..
فاطمه: هييه زيــن امي روحـي استانسي..حمده بتكون ويــاج بعــد..
عوشه: لااا امــي..
فاطمه: خــلااص اتــوكلي يا بنيــتي..ديري بــالج على عمـرج ولا تتحــيرين
عوشه: ان شــاء لله..
وطــلعت عوشه بــرع..وشــافت مــواصفــات الســياره اللي عطــاها نـــاصر..قـــــالت خلاص اكيــد هــذا هـــو..تقــربت من الســـياره وهي تـــــرتجف..فتحـــت الباب اللي ورى ويــــلست..وتحــــــــرك المـــوتــــــــــــــر !!!!!!!!!
.
.
شمـــا..طـــلعت من حجـــرتها بعــباتها وشــيلتها..
شمــا: حــارب..ممكـــن تــودني المســتشفى
حارب: خيــــــر ان شـــاء الله ..ليــــش؟؟
شمـا: ربيعـــتي مرقــده هنــاك وابغي اسير ازورهــــا..
حـارب: هييه اوكـــي يــالله انســــير
.
.
(سلام عــليكم..اشحــالج..ان شاء الله تكونين بصـحه وعافيه..ماادري اذا رديتي من الســفر والا بـــعدج..ومـــاادري بعــد اذا كــان التلفــون عـندج والا لااا..بس انا ابغـــي اقولج انه عــرسي بيكـون يوم الخميس..في فنــدق( ........)واتمـنى من كـل قـلبي انج اتين اذا كنتي في البلاد..)
قــــــــــــــرت نــــــوره المســـج وهــــي مصـــدومه..ومســـــتانسه بنفس الوقت انه اميره ليــن الحيــن تتذكــــرها..وما نســـتها شــرات ماهي ســـوت..وتمـــت تصـــيح ..تحـــس انها مافيــها خيــر لانها بكــل سهوله تخــلت عن اميــــره...يــــابعــد عمري يـــا اميـــره ..فيج الخيــر والله ماتتصـــورين شقـــد فـــرحت لــج انج بتعـــرسين,,ربي يــوفقج يالغــــاليه..قــررت انهـــا مااترد على المســج..وتسيــــر العــــرس واتفــــــــــــــــاجئهــــــا..

الجزء الرابع عشر

وصــلت سـيارة حــارب المســتشفى..
شمـا: خـلااص حـارب انت اترياني في السيــاره..انا دقايق بسيـــر اســلم عــليها وبــرد..
حارب: لااا بـــنزل وياج انا..بالمــره بخطف على ربيعي ..بشوف شـو اخباره اليــوم..
شمــا اهـني انصــدمت..: هاا..ربيعـــك؟؟!!..خلااص عيل ..سير انت عند ربيعك انا بترياك لين مااتي..
حارب: انتي ما قــلتي بتسيرين عند ربيعتــج؟؟!!
شمـا: هي..
حارب: انــزين..بنسير ويــا بعض..انتي سيري عند ربيعتج وانا بسير عــند ربيعي...
شمـا وهي مــرتبكه: لـلاا لاا..خخلاص انا مب لازم اسير ..انا بترياك..
حارب وبنـــبره جـــامده: شمـــــا؟!!!..الحين يايبتني ليــــن المستشفى وآخر شــي اتقــولين لي انزل بـــروحك..
شمـا: خــلااص خــلااص..بـــنزل وياك..
ونــزلــت شما ويــاه وهـــــــي حاسه انهـــــا ورطــت عمرها..مــب عارفه كيــف تتصــرف..اااه يــــاربي شــو اســوي الحيـــن..انا كيــف رضيـــت على عمــري اســوي جيــه كيف !!..اصــلاا قــراري من بـــدايته كــان اكــبر غـــلط..انا اتســرعت ..بس غصــبا علي ..من قــال حــارب امس انه يبا يسير عــند مــايد في المســتشفى وانا حــالتي حــــاله..مـــانمت الليل ..يعــني ليــن الحيــنه انا مب راقـده من امـــس..وكيـــف ارقـــد وانا عـــارفه انه حيــــاتي وعمـــري وكـــل دنيتي ومنـــبع اســراري ومصـــدر راحتي مطيــح في المســــتشفى بسبـــــتي انا..مـــواصله من امــس لين اليــوم بس عســب اقول حق حــارب يوديني المســــتشفى ..بسيــــر عند مـــــــايد واللي فيـــها فيــــها..لكـــــن ما حســبت حساب هالشـــي..ماتوقعــت انه حــارب بيقــولي يــبا يسير عــنده..مع انـــي المفروض اكون متــوقعه هالشـــي..ااه يـــاربي..
حارب: شمـــا..شمــــا..
شمــا: هااا..خيــر شو مســتوي..
حــارب: ههه اشفيــج ..ســرحانه في شـــو؟!!..يالله خلينا ندش اللفت..
شمــا: هي يالله..
حـارب: انزين قــوليلي..ربيعتج في اي طــابق؟؟..انا ربيعي في الطابق الرابع مرقدينه..
شمـا: هاا ..ربيعــتي ؟؟!!..منو ربيعـــتي؟؟!!
حـارب: شمـــــا؟!!!..تستعبطيــن علي حضــرتج؟؟!..ربيعــتج اللي يــايه تزورينها...
شمــا: هيييه ربيعـــتي..في الطابق الثـالث..
صعــدوا باللفت ليـن الطابق الثـالث..
حارب: خلااص سيري انتي غرفة ربيعتج..بس تخـلصين منها دقيلي..
شمـا: خلااص ..ان شــاء الله..
راح عـنها حــارب....وشما مـب عارفه ويــن تسيــر..تمت جيــه تحوط هنـاكي ليــن ما مــلت..واتصــلت في حــارب عشــان اييهــا..
حــارب: هااا خــلصتي؟
شمــا: هي
حارب: انزين شــما ..بتترييني اهــني دقايق بــس..توه ربيعي يخــبرني انه ربيــعي الثاني مسـوي حادث ..بســير اشــوفه ..
شمــا ..خـــــلااص هذي يــــتلج الفــــرصه..الحيـــن بيروح حارب وتقــدرين تسيــــرين وتشوفين مايد..
شمـا: هي هي اوكـــي..ما عــليه بتــرياك..
حــارب: خلااص اوكي..يالله بـــاي..
شمــا: بـاي..
ســـارت شمــا تصعــد باللفـــت ليـن الطابق الرابــع وين مرقــدين مــايد فيه..وسـارت سـئلت عن غــرفته ودلوها..
تمــت واقفه عــند الباب وهي تنتفـــض..الف فكــره وفكــره تدور في بالها ..اوفف يـــاربي..انزين اســــير شو اقـــوله؟!!..اصلا هــو مابيعــرفني..اووه..انا بسيــر..الصــراحه مب قــادره استحــمل..بسير وامــري للله..خذت نفـــس عميــق وبطــلت البـــــاب..وتمـــت واقفه حــاسه ان ريــولها مـب قادره تشيـــلها..تيــبست في مكــانها..بس مشـــت شوي شــوي ..حـــتى باكيه الورد اللي بيــدها بــدا يتهزز من رجــفة ايديها..ليــن ما شـــــافته ..آآآآخ يــــا قـــلبي..هــــذا مـــــايد..تمــــت جيــه واقفه ومــب عارفه شـــو تســـوي او شو تقــول..وهــــو يطـــالعها وهو مـــبهت..مــــب عارف شـــو السالفه..ويقـــول في خـــاطره هــــاي اكيــد مغــلطه..اكيــــــد..نــزل راســـه وصــد عالصــوب الثاني...يتــرياها تقــول انها غــلطانه..وتطــلع من اهـــني..بس هاي واقفــه ..مـــب طايعه تطــلع..شـــو تبغــــــي هـــــاي ؟؟؟!..تقــربت منه شــوي شــوي..وحــطت باكيه الورد عـداله..وهـــــو منصــــدم من حــركتها..مـــــــــــنو هـــــاي ؟؟!!
شمـا: سسلااام عليكم
مــايـد وهو عاقد حيـاته: وعليكم السلام
شمـا: مـايد انا مااقــدر اطــول انا............
مايد يقاطعها : لحظه لحظه انتي منو؟؟؟..وكيـــف عرفتي اســـــمي؟؟
شمـا والدموع بــدت تنزل من عيـونها: مـــايد..انــــا شمــــــــا..
اهــــــــــــني مـــــايد انصــــــــــــعق..تم جيـــه يطــــــالعهـــــا بصــدمه..ويهــــز راسه بمعــنى لااااااا مســــتحيل..هو اكيـــــــــــــد في حــــــلم..
شمــا: هيييه شمــــا..شمــــا اللي خـــلتك اتكون في هـــاي الحــاله..يــايتنك اليــوم وانا متأكــــده اني السبب في طيــحتك في المســـتشفى..مـــايد ..انا مـــب مطــوله عــندك ..بس بقــــولك شــــي وبروح..مـــايد ترى انا اخــــت حــارب..حارب اللي كــان عــندك قــبل شـــوي..ويــوم عــرفت هالشي قلت اني بقــطع علاقــتي ويــاك لكــــني ماقــدرت ..تفكيــري كــله كــان فيــك..كــل يوم ايلس في حجــرتي واصيــح احس في شــي ناقصـــني..ويـوم حــارب قـال انك في المســتشفى قــلت لازم ايـــيك وهــذا اقــل شـــي اســويه..مــــــايد..دخــــــيلك ســـامحني..
وطــلعت من عـــنده وهـــــــي تصــــيح حـــتى ما عطــته مجــال انه يــرمس
مــايد: شمـــــــــــــــــــا..شمـــــــــــا لاااااااا...شمــــا دخيلج تعـــــالي ...تعـــــالي شمـــا انا ابغيــج ..انا محـــتاجلج شمــــا...
لكــــــــــــن لا جــــواب..حــــاس انه اللي اســـتوى كـــان حــلم..اكيــــد حـــلم..وحـــــــلم وااايد حــــلو..بس الحــلم كــان وايد قصيـــر..وصــحى منه بســـرعه..هــــاي اللي كـــانت اهـــني هي شـــــما...معقـــــــــــــوله...!!!!!!!..وبعــــد ين شمــــــــــا وحـــــارب..لاااااا كيــــــــــــف..كيـــف شمــا تطـــلع اخــــت حـــارب..وهـــــو كيـــف مــا كـــــان يعـــرف هالشــــــي..تـــــم جيـــــه فــــاج عيـــــونه ومنصــــــدم..يـــــتذكــــــر شكــلها اول ما دشــــت ..ويــــوم تمـــت ترمس وهـــي اتصيــح..ويـــوم طـــلعت من عـــنده بســـرعه..كــــــــــــانت مــــــــلااك..معـــــقوله شمـــــا تكون بهـــالحـــــلاه..هــــو ابــدا مااتوقعـــــها جيـــه..صــــد عداله وشــاف باكيــه ورد احمــــــر ..ضمـــــه على صـــدره وهـــو مغمـــــض عيـــونه..ويـــــفكر في اللي اســـــتوى قبل شــــوي..يبغــــي بس يستوعــب اللي صــار...
...................
في ســـيارة نــــاصر..عــوشه كــانت يالسه على السيـــت اللي ورا وتصيـــح..
عــــوشه: اللــــــــه يخــــــليك..اللـــــه يخـــــليك ودني البيـــــــــــــــت
نـاصر: شــــــــــــو اوديــــج البيــــت؟!!!..جــــي الدنيــــا فوضــــه..!!
عوشه: دخيــــــــــــلك دخيــــــلك ردنـــــي البيـــت الله يـــــخليك ..صــــدقني بطـــلع وياك مره ثانيه بس ردنـــــي البيـــت الحين
نـاصر: اقــــــول..ترى هالحــركات مب عليه انا فاهمه والا..جـــنج يــاهل يالسه تصيـــحين..جــني باكــلج الحينه..عـــوشه حيــاتي اشفيــج..مابســوي فيج شـــي انا..
عوشه: انت ويــــــــــــن موديــــــني..ماابغــــي ماابغــــــــي الله يـــخليك ردنـــــــي البيــــت الله يخــــليك..
نــاصر: مــــــــــب مودنج البيـــت شو بتـــسوين يعـــــني..
عوشه تمـــــــــت تصيـــــح بصـــوت عـــالي..شـــرات اليــهال..تفكــــــر هي شقــايل رضــت على عمــرها تسوي جـيه..كــيف رضــت تطـــلع وياه كـــــــــيف..اااااه يــــــاربي ســــــاعدني..بس لـــو ماكنت طـــالعه ويــاه كــان بيفضـــحني..اااه يــا ربي..انا شــــو اســـوي الحيــــن شـــو اســـوي..
نـاصر: اوهووو اذيــــيتينا تـــــراج يعـــــني مب نـــاويه تســـكتين؟؟!!
عوشه وبصـــوت متقــطع: ودنــ ــ ــي البــ ـــ ــيت ابـ ــ ــا ارد البـ ــيـ ــت
نــاصر: شـــــــوفي انا بــردج البيـــــت الحيـــن..بــــــــــس والله يـــــا عوشـــه والله اذا بــاجر قـــلتلج اظـــهري ويــــاي وســويتيلي هالحــركات صــدقيني بتشـــوفين شـــي ماشـــفتيه..انتي اتعــرفين شـــو بيـــستويــلج..
عــــوشه اهــــــــــــني بــــس ارتــــــاحت..يـــوم قالها بــــيردها البيــت..من غيــر لا تفكـــر انه نــاصر مــابيــسكت لها..بس المهــم انها اترد البيـــت الحين..وفعـلاا ردهــا البيـــت ..اول مــا وقف ســيارته بــطلت البـــاب عالســـريع ونـــزلت منهـــا..وهــي مــاشيـــه جــدى البــاب جــان يــــشوفها راشـــد بسيـــارته..هي اهـــــني بــدت تمشــــي عالسريع صـــوب البـــــاب من الزيـــغه..ونــاصر حــرك مــوتره بســرعه..راشـــد نـــزل جـــامته وزقــر عوشه واضطــرت اتسير صـــــوبه وهي تتنــــافض..
راشـــد: عـــــوشوووه..اشـــفيج اتصيـــحين؟؟
عوشه : مــ ــا شــ ــي مـ ــا شــ ــي..
راشــد: ويـــا امنوا كـــنتي تــوه.. ســـيارة منـــو هــــاي..؟؟
عــوشه: هــ ــا مــ ـــا مـــ ـــا ادري ..مـــ ـــا ادري ..
راشـــد تـــم يــطالعها بــــاستغــــراب..بـــس ما قــــدر يــــتم جــــــي ..الا يــعرف منو اللي فــــــي الســـياره..وجـــــان يســــير ويـــلحق السيــاره اللي حــركت قـــبل اشوي..
عوشــه..راشـــــــــــــــــــــد لااااااااااا...دخيـــــــــــلك تعــــال لاا اتسيـــــــــر..انا شـــو اســـوي ..شـــو اســـوي الحيــن اذا راشــد شـــاف منو اللي فــــي السيــــاره..انا خــــــــــــــلااص..ماابغــــــي اعيـــــش ..ماابغـــي اعيــــــش..دشــــت داخل ..وراحــــت المطـــبخ عـــلى طـــول..لا اراديـــا ومن دون تفكيــــر خـــذت سجيـــــن عــود وحطـــــته عالعــــرج اللي في ايدهـــــا..وغمضــــــت عيـــونها وبــدت شــوي شــوي ترص عــــــليه لكـــــــــن مـــاحســت الا بإيـــد من وراها تــرفع ايــــدها بقـــــــوه..
عايشه وهــي ميــــوده ايــدها تبــا تبعــد السجيــن: عـــــــوشه...عـــــوشه انتي شـــــو تســـــوين..!!!!!!!!!!!!
عوشه وهي تصــارخ : خـــــــــــــــليني ..خـــــــليني انا ابغــــــي امووووت..ابغـــــي اموت ماابغي اعيــــش خليني اموت عمــري عشـــــان ارتـــاح من هالعـــذاب..
عـــــايشه مــيوده ايــدها بالقــو من ورا..ليـــــن ما قــدرت تاخذ السجـــين عــنها اهــــني بس ارتــاحت..
عايشه وهي تـلوي عليها.: عـــــــــــــوشه؟!!!..شو هالكـــــلاام..انتي شـــو يالسه اتقـــولين يــابنيتي مب زين تقــولين هالكـــلام..شو يــاج جـــيه مـــره وحـــده..فهميـــني شو فيــج حبيبتي..
عوشه: اااااااه خــــــــــــــــالتي انا تعـــبت خـــلااص تعــــبت ..ابغــــي اموت وافــتك من هالدنيـــا..ليـــــتني بس اقــدر اقــول اللي فيني ..ليـــــتني بس قــــــلته من قـــبل والا مـاكـــان بيصيـــر كـــل هااا..
عايشه: بس بــــــس فــديتج لا تســوين في روحــج جيـــه..بس غــناتي تعالي خــلنا انسير الصــاله..يمــكن اهناكي تــرتاحيـــن اكثر بين اهــلج وتقوليــن لهم اللي في خــاطرج..بس تـــرى مافي شـــي في هالدنيـــا يـــسوى يــابنيــــتي..بــس حبيتي بــس..يالله خــلينا انسير..
.
.
في الصــاله..مــريم وحمــده كـــانوا يــــالسيــن يســولفون..
حمده: اوففففف والله مللل شـــو هااا؟؟!!..ولا جـــنه العرس عقب بــاجر..المفــروض الحيـــن ندق ونــرتبش..
مـريم: جــي تخـبلتي تدقين وترتبشيــن..!!..في يــوم العرس ســوي اللي تبيــنه..
حمده: لا والله انا ربيعــتي اتقــول انهــم قــبل العرس باســبوع كــل ليله يــتيمعون اهــاليهم دق ورقـــص ..والله ونـــاسه..
مــريم: ترى كــل حد عــلى حســب الشي اللي تعود عليه..نحن مب متعودين على هالشي..
حمده: هههههههه يحــليلها اميرووه ..اسميها بتحــرج الحيــن ..خليناها بروحها في الصـالون ورديـنا..
مريم: هههه هي والله..انتي تــراج الا تبيــن تردين والا انا كنت ابغي اتم وياها حــليلها مرت اخوي..
حمده : هههه احسن احســن..ههههه اتذكــر شكــلها وهي تطــالعنا ومعصـــبه عالاخر بس مــب رايمه اتقول شــي ..كانوا يالسين يحنون ريولها وايدنيها ..
مريم: ههههه الله يــعينا يــوم بترد ..بتــــاكلنا..
حمده: ههههه هي والله..
دشــوا عايشه وعوشه الصــاله..عـــوشه عــلى طـول ركــبت عالدري وســارت حجرتها..مـريم وحمده اســتغربوا من حـــالة عوشه وســاروا صــوب عايشه..
مريم: خـــــالوه عوشه اشفيــها؟؟
عايشه: ماادري والله يــابنيتي يــاليت لو تسيرون اتشــوفونها..انا شفــتها في المطــبخ وكــانت تبغي تــموت عمــرها لــكن الله ســــتر ولحقت عليها..
مريم: شووووووووو؟!!!!!!!..تمـــوت عمـــــرها؟؟!!!..
عايشـه: يــا مــريم والله انا يــالسه احاتيها اتسوي شــي بعمرها وهي في الحجــره بروحها..يـــاليت لو تسيــرين تشوفينها ..
مشـــت مريم من عـــندهم ..
حمده: مــريــــم لحــــظه...تمي انا بسير عــندها..
مريم: لااا ماااقــدر ..انا لازم اعرف هالبنت شــو فيها..
حمده: لاا لاا تمـــي انا بسير ..صــدقيني هي مــابتقولج كــل شــي..انا اعــرفها..انا بخــبرج كــل شـي عقب..
مريم: خـلااص اللي تشوفينــه يــا حمده..يالله سيـري..
وسـارت حمـده صـوب حجــرة عوشـه..فتحـــت البــاب على طــول..شــافتها فـــاتحــه الدريشــه وواقفــه ..عـلى طول ربعـــت صوبـــها..
حمده: عـــوشه..عـــوشه ..شو تبيـــن تســــوين؟!!
عوشه صــدت وراها وشــافت حمده ..ماحســت بعمــرها الا وهي في حضــنها وتصيــح بحـــــرقه..
حمده انصــــدمت من حــــركتها..كانت متـوقعه انها بتروغها..ومــابتتقــبلها ..ومنصـــدمه اكـــثر من حالتها..شـــو استـــوى فيها جـــيه فجأه..شـــو من اشـيـاء مخـــبيه عــــلي عـــوشه..عوشه اللي مـــاكانت اتخــش عــني شـــي..يا بعــد عمري والله يــاعوشه..لـــو شــو يستوي من بيــنا لازم آخر شـي بنرد لبعـض..
حمده: عـــوشه..انتي اشــــفيج..؟؟..
عوشه: ..............
حمده: الله يــخليج عوشه لا تســكتين..قوليلي شــو فيــج..شو ياج جيـه مره وحــده..افتحيــلي قــلبج شرات قـبل..ترى مهما يــصير بتميـن عوشه بنت عمـــي وربيعتي واخـــتي واعز وحده عرفــتها لين الحين..
عوشه وهي تقــبض ايد حمده بالقـو: حمــــــده لا تودريــــيني ..انا محـــتاجتلج..دخــيلج خليج ويـــايه..
حمده مــارامت تقاوم دمـوعها ..نزلت غصــبن عنها..والله انهــا تغمــض عوشه.: عوشه حبيبتي منو قـال اني بودرج..الله يــخليج قوليلي شــو فيــج ..طــلعي اللي في خـــاطرج..
عوشه: بس..بس اخـــاف اطيح من عيـــنج..
حمده: لااااا عوشه لا تقــولين جيـــه..يــالله ارمســـــي عوشه دخيـلج..
تمــت عوشــه تقــول لهـا كل السالفه من اول ما بـدت ..
.
.
دفع راشــد باب الصـاله بالقــــــو..دش وهـــــــو مغيــــــض عالاخــــــر..وفي لحــظتها كانوا مريم وعايشه في الصاله..
راشــد وهو يــــــصارخ: ويــــــــــــــــــــنها؟؟!..ويــــــنـــها اللي ماتســتحي على ويـــــهها..
مـــريم تــربع صــوبه: راشــــد اشفيــــك..منو اللي وينهـــــا؟؟
راشـــــد: عوشوووووه الحيـــــــــــــوانه وينـــــها
مـــريم واقفه جـــدامه مـــبهته ..مـــــب فاهمه شـــــو الســـالفه..تطـــالعه باســـتغراب..جـــــان يـــدزها راشـــد ويمـــــشي عنهـــــا عالســريع صــــوب حجـــرة عوشه وهو خــلااص مفـــول عالاخـــر..ومـريم تمــت تمشـــي وراه تبغـــي تعرف شـــو السالفه..
فتــــــح راشـــــــــــد البــــــاب بالقـــو والشـــرار يتطـاـير من عيــــونه صـــوب عـــوشه..عـــــوشه اهـــــــــــني تمــــــت ترتجف من الزيغـــــه ..دقـــــات قـــلبــــها بــدت تتزايـــد سرعته بصـــــوره غيــــر طـــبيعيه..وتتطــــالع راشــــد بنظــــرات ترجـــي انه ما يســـوي فيها شــــي وتمــــت قابضــه ايد حمده بالقــــو..ســـــار لها راشـــــــد ومـــاحست الا بطـــــــراق قـــوي على خــــدها.. وعقــبها مطـــــها من شـــعرها بكــــــل قـــوته..وهــــو يصـــــــارخ عليها..
راشــد: فضـــــــــــــحتينا يالجــــــــــــــلبه فضـــــحتينا..راكــــــــــــــبتلي ويــــا واحد في الســـــياره ما تســــتحيـــــن!!!!!!!!!...لكــــــــــــن هــــــب منج..من اللـــــــي مخلينج تطلعيـــــن وتدخــلين على كيـــفج..
حمـــده من الزيـــغه تمـــــت تصيــح وسارت وقفــــت بعيــــد..ومـــريم منصـــــــــــعقه ..مب مصــدقه اللي تســمعه من راشـــد..عوشه راكــبه ويـــا واحــد... لا مســــتحيـــــــــــل..!!..ســــارت مــريم صـــوبهم بسـرعه قبل لا راشــد يذبح البنـــت..وكـــانت اتحــاول تســحب عوشه بس مـــــب رايمــه..راشـــــد اقوى من مقــاومتها بـــوايد..
مـــريم: راشــــــــــــــد بس ..دخــــيلك بس ذبحـــت البــــــنت..خلااص هــــدها..
راشــد: قـــــــــــــــومي عني انتي..مــــــــــــب هادنها انـــــا..مــــــــــــــب هادنها..انا الا اذبــــحها اليـــــوم
عوشه: آآآآآآآآآآآي امييييييييي لحقي علي بموووووووووت..آآآآآآي راســــــــــــــي آآآآآآآي..
راشــــد: موتـــــــــــــــج بيكـــــــــــون على ايـــــدي مســـــودة الويـــــه..
دشـــت عـــــليهم فـــــاطمه..
فــاطمه وهي تصــارخ: اييييييييييييييه انته...شفيـــــــــــــك على بــــــنتي..صـــج انك ما تســـتحي على ويـــهك...هـــدها اشـــوف هــــدها..
راشـــــد وبصــــوت اعلى منها : هاااااااااااا الحمـــدالله انج ييتي في هالوقــــت ..انا اللي مــاااستــــحي على ويـــهي والا بــــنتج هـــــاي اللي ما تســــتحي ..بــــنتج يــــــــــــــامـــــرت ابــــــــــــوي شفتها نـــــــازله من ســــيارة واحــــــد..اتعـــرفين شـــو يعــني سيــارة واحد..انا اقـــــــــــول قـــبل لا تيلسيــــين كل مره تعقين علينا رمســــات ..يـــــلسي ربــــي بنتج احســــــن لـــج..ويفــــــــــرها على امهـــــــا ..ويطـــلع هو من عــــندهم وهـــــو خـــلااص حـــاس انه اعصـــــابه تــــلفــانه.مخــه موقــف مب قــادر يــفكر في شــي دش حجــــرته وفر السفــره بصـــوب وارتـــمى هو عالسرير وغمـــض عيـــونه وهــــو حاس بصـــداع فضيـــــع.. يــــبغي بس يـــــنسى اللي اســـتوى بس مـــب قــــادر..حـــاس بقهــــــــــــر في داخـــله وحــاس انه ليـــن الحين مـــــا طلع حــرته فيها..اااااه يالقهــــــــر ااااااه..اااااخ بس لـــو اتطيــــح بيدي مـــره ثـــانيه بذبـــحها بـــــذبحهـــــا..اووووه لااااا مستـــحيل ..مســتحيل اللي يالس افكــر فيــــه انا..يعــــني معقوله اللي اســـــتوى في عــوشه هذا مني انا؟؟!!!..هـــيه ليـــش لااااا..كمـــا تدين تـــــدان....اوووووو لاا لاا اصـــلا مايخصـــــه..انا غيـــــر ..اخ يالقهـــــــــر يـــليتني كــــنت لاحق الولــــد كنت بلعــــن بو خامسه..لكـــني ماقـــدرت ..اول مــــاشفت اللي في السيــــــاره ولـــــد وانا بــــس ابغي عوشووه اطيــــح بيدي واذبحها من الضـــرب
.
.
في حجــرة عوشه..
فاطمه: حســــــــبي الله عــــــــليك من ولـــد ..الله يــــــــاخذك ان شاء الله..لكـــــن ما بسكــــت انا هالمـــره..اشوفه بــدا يمصخهــــا..وصـــلت فيه المواصيـــل انه يــتبلى عـــلى بنتي ..بـــــس حبيبتي بــــــس فـــديتج...
(عايشه كــانت واقفــه تحــت..وسمعـــت الصــراخ اللي كــان من بيــــنهم..ومن بعــد ماسمعـت هالكــلام من فــاطمه..دشـت حجــرتها وتمـــت اتصيـــح..ماتــدري اذا فعــلاا راشــد غــلطان والا هي اللي غــلطانه..اصلا هي مــاشافت منها الا كــل خيـر..ومـــب مستــوعبه الســالفه عــدل..مااتعـرف شــو سـالفة عــوشه..بس اللي حــز في خـاطرها هالكــلاام..مهمــا يكون تــرى راشـد بيظـل ولـدها ومـا ترظــى حد يـــدعي عــليه..)
عوشه: آآآآآآآه راســــــــي امـــــي ...راســـــي يعـــورني آآآآه..
تقــربت منها مـــريم ويلسـت حذالها وتمت تطبطب على جتفها..
فاطمــه شــلت ايد مــريم: قــــــومي انتي عــن بــــنتي قـــومي..مالكم خـــص فيها انتي واخـــوج ..حســبي الله عليكم..
اضــــايجت مــريم واااااايد وطــلعت من عندهـم ودشـت حـجرتها وهي تصيح..
حمده: خــالوه خلااص فــديتج تقدرين تسيــرين ترتاحيــن..انا بتـــم وياها وببــات عـــندها اليـــوم بعــد..
فاطمه : هي يــا بنيـــتي ..زيـــن تسويــــن..شــافت عـــوشه ..شكــلها رقـدت وهي في حضـنها..جــنها يـــــاهل..بـاستها على يبهتها ..واول مــا تبغي تقــومها عسـب ترقد على فـراشها تفز من رقـــادها ..
عوشه: شـــــو..شـــو مســـتوي؟؟

فاطمه: مب مسـتوي شـــي فديتج..يــالله امــي نشـي خل اوديج ترقـدين عــلى سريرج..وهذي حمده بـنت عمـج بتبــات وياج اليــوم..
عوشه: لااا امـــي ماابغي ارقــد..عيــل بتــم ويا حمده ..
فاطمه: هييه بس امــي انتي تعــبانه ولازم ترقــدين الحيـــن..
عوشه: امــي مب يـايني رقــاد..
فاطمه: تـــوج كـــــنتي راقــده ..
عوشه: هي بس الحيــن طار الرقــاد من عيني..
فاطـمه: بــراحتج فــديتج..واي شــي تبيــــنه تعالي الحجـــره..
عوشه: ان شـــاء الله امـــي..
طــلعت فاطـمه من عــندهم ..وتمـت حمده ويا عوشه..
عوشه تــرد تصيـح مره ثـانيه: حمده انـــا ليـــش جي قاعد يسـتوي فيني..ليــش انا بالذات ليـــــــــش..
حمده: عــوشه بس شـو هالكـلام..مـب زيـن تقولين جيـه هاي حكمة ربـج..قولي الحمدالله على كـل حال غيـرج مصـايبهـم اكـبر من جيـه بـــوايد..
عوشه: ااااه الحمدالله..
حمده: شــوفي عوشه اللي صـار صار وانا مابيـلس اعاتبج ..بس بسـألج ســؤال واحد..انتي عطيتي رقـمج حق ســـارووه..
عوشه اطـالعتها بحـــزن و نــزلت راسـها..
حمده: ادري..انا كــــنت حــاسه اصلاا..تغييـــرج عــلي كـان بسـبتها هي..وكــــــــل اللي اســـــتوالج بســـبتها بعــــد..
عوشه: كيــف يـعني ..ما فهــمت عليج..
حمده: يعـــــــني مااتعرفين !!!!!!..انا متـــأكده اميــه في الميــه انها هي اللي عطــت رقــمج حق هاللي ما يــــتسمـــى..والا مـن وين بييبـه يعني ؟؟!!..شـــفتي شــفتي يا عـــوشه شو اسـتـوالج من وراهــا..اصلا هاي معــروفه في هالســـوالف ..ويـــاما حـذرتج منها..بــس انتي الله يهــديــج.......
عوشه منصـــــدمه وهي فــاجه عيــونها: لاااا ..لااااا..لاااا..مستحيـــــــل..انتي شــو تقــولين..ســــــاره!!!!!!!!!..معقــــــوله!!!!!..
حمده: هييييييه ليـــــــش مب معقوله..عوشه انا واااايدييـــن خبروني عـــنها..هــاي مال هالســـوالف..
عوشه: انـــــزين هي شـــو مصـــلحتها..ليــــش اتســـوي جيـــه ليــــــش..
حمده: اكيــد تتفق ويـــــاهم اتيـــب لهم بـــنات مقــابل مـــبلغ..الله يهــديها ويســتر عليها..المهــم انتي الحيــن اول شــــي لازم تســـوينه هو انــج تغيرين رقــمج..
عـوشه: شـــو الفـــايده؟!!..هــو يعـرف بيتـــنا..وبعـدين بعــد شــو..خلااص انا انفضــحت وخلااص..
حمده: الله يـهديج بـس انا ماادري انتي شقايل رضيتي على عمرج وســويتي جيــــه..صــدق انـــج هــــــبله..
عوشه: شوووووووووووو؟!!!..انتي الهـــبله انزين..
حمده: ههههه ادري وانتي ويــاي بعد..والا نســـيتي ؟؟!!..
اطــالعتها عــوشه وابتسـمت ابتسامه صغيـره من ورا خـــاطرها..
حمده: انتي ليــــش مارمســــتي حد ليــــش ما قــلتي حق مـريم عالاقـل..والله ماكــــان بيستوي كـل هاااا
عوشه: كـان مهددني اقولج اني مااخـبر حد ..انا مااعرف شــو كان جايســني ..كلامه كان وااايد قـــوي..وانا من الزيغــه طعـته في كـل شــي..
حمده: الله يهديج بس يعني مااتعرفين الشباب رمسه عالفاظي هو كان يقول جيه بس عسب يزيغج ..حتى لو كان مخبر حـد وانتي مب مسـويه شي عالاقل تقدرين اتدافعين عن نفسـج ومحد بيصدقه اصلا لانهم عارفينج زين..بس الحيـن لاااا..الحيــن راشــد شافج بعيونه وانتي نــازله من ســيارته ..
عـــــوشه ردت تصيــح من الخـــاطر: بــس حمده دخيــلج بـــس..
حمده: خلااص خلااص..انا اقـول ترتاحيـن الحيــن..وانسـي اللي صـار اليــوم..وبــاجر بنفكــر شو بنسوي بهالمشكـله..
عوشه: ااه يـا حمده ..انا شكـلي مابرقد اليـوم..انتي جان تبين ارقـدي انا بتم..
حمده: يالله عاد عوشووه ..شو ما بترقــدين بعـد..لازم تـرقدين..ولا تحاـتين ترانا كـلنا ويــاج..وراشـد اخرتها لازم بيعـرف انه مالج ذنـب باللي صـار ..
عوشه: تدرين..ماادري ليــش احس اني اسـتاهل اللي سـواه فيني راشـد..انا كيـف سمحـت لنفسي اطلع ويااااه كييييييييييييف..ااااااه ســـامحنـــــي يارب..
حمده: عوشه خلااص اللي صـار صار وانتي مابتقـدرين تغيرين شـي..انا اقـــول شــو رايـج تنشين الحين اتصـلين ركعـتين وتدعيـن ربــج ..صـدقيني بترتــاحين..
عوشه: خلااص ان شـاء الله ماماتي..
حمده وهي تقـلد العيايز: هي هي يـــــابنيـــتي نشـــي امــي نشــــي..
عوشه: ان شـاء الله يدو..
حمده: هاااا اشوفج مسـتــحليه السالفه حـــــضرتج..لا تنســــين اني اصغر منج بشـــهر
عوشه: شوووووووووو؟!!..لااااا فديتج انا اصـــغر..
حمــده: لاااااااااا والله انااااااا
عوشه: لاااااااااااا انااااااا
حمده: ههههههه حتى وهي حزينه ومضايقه بعد اتعــاند..انا اقول اتسيرين تصلين وايد احسن..
عوشه: ههه احم ..اوكي
حمده: فديييييييييت هالضحكه انا..
ابتســـمت لها عــوشه وراحت تتيدد..
.............................
اليــوم الثاني ..الظــهر..
نــش يـوسف من الرقـاد متأخـر اليـوم لاانه كــان سهـران امس ويا شـهد في التلفون..واليـوم نـاش وهو متحمـس ومســـــتانس عالاخـر انها بتيهم البيــت..يعــني بيشــــوفها..دشـت عليه مــروه الحجره..
مروه: صــباح الخير..
يوسف: ههههه قصـدج مساء الخير..
مروه: هي والله صـدقت..شو السالفه قمـت اتنـام وايد هالايـــام..
يوسف: قـــــــــولي ماشاء الله..
مروه: هههههه ماشاءالله..يحــليلي عيوني مب حاره..
يوسف: انزين قوليلي ..الغدا زاهب والا لا..
مروه: هييه واحم احم..انا اللي طــــابخه اليــــوم..
يوسف: والله؟؟؟؟؟؟..من ويـــــــن؟؟
مروه: ترى امـــي استلمت الراتب وسرت وياها امس الجمعيه واشترينا الاغراض اللي نحتاجها..
يوسف: لاا والله!!!!!..وليش ما خــــــــــــبرتني ؟!!!!!!!!
مروه: ماادري يمــكن نســـت..
يوسف: وانتي جيـــــــــــــه مااتقولين؟؟؟
مروه: ماادري ما يــا عبالي ..الحين المفروض تســـتانس..
يوسف: اســــتانس على شووووووو..امج هااااي اونها مسـويه عمرها اتحاتينا..بس همها ان ناكـل ونشــرب وهي روحها تطــلع ومااترد الا فيلليل..
مروه وهي منصـــدمه: يعـــني شو تبـــاها تســوي اكثر من جيـــــه..!!!
يوسف: واااايد اشـــــــــياء..تتحرانا يعـــني كل اللي نبغيـــه هو اكل وشــرب وبــــــــس..!!..كــفايه اني محروووم من كــل شــــي..استلمـت الراتب ومــاقالتلي بـــس عسب ماتعطيني بيــزات اخذلي موبـــــايل..
مروه: يوسف حـرام عليك احمد ربــك..انت شــو اللي غيـــرك..انت ما كــنت جييه..وبعـدين امي لــو كان عــندها مابتقــصر وياك..صــدقني..
يوسف: ســــــيري لاااا..ما بتقــصر وياك اونه..هي عــــندها بس ماتبغي تعــطي..لكـــن والله مااسكــت وبتشوف بعد..وطــلع من الحجـره..
ومـــروه تمــــت منصـــدمه من اخــــــــــوها..شـــــــو اللي جـــلب حاله جيـــــه؟!!!!!..
...................
حــارب كــان يـالس في الصـاله ويا امـه..جــان يرن تلفـونه..
حــارب: مـــــــــرحبا...
مــايد: مـــــراحب ..اشحالك؟؟
حارب: بخيــــر اشحــالك انته؟..ان شـاء الله احســـن..
مــايد: والله الحمـــدالله ..رخصــوني اليــوم..
حارب: زيين الحمدالله على السـلامه ميوود..عاد مـره ثانيه لا تهمـل صحتك فاهم والا لا..
مايد: هههه ان شــــاء الله بحــــاول..
حارب: اندوكـــم بحاول اونه
مــايد: هي تدري بعـــد ..اللي يفـــكر في الزواج كيــف تكون حــالته..
حارب: اوووووه شــكلك ناوي عالزواج عيــــل..
مـــايد: على ايـــدك والله حـــروب..
حارب: افااا عــليك..انت بس أشــر عالبنت اللي تبغيها وانا الحين بسير اخطــبها لك..
مــايد: ههههههههه وين تبــــا..
حارب: ههههه ماادري عـــنك..افا عــليك بــس انا الحيـــن برمس الوالده تدورلــــك..
مــايد: لاااا الغالي ما نبــا نتعـب الوالده لاتدور ولا شـــياته..الصــراحه انا ابغــــي وحــده من خـــواتك..(مســـوي عمــره مايعرف انه عــنده اخت وحده واللي هي شـما ^_*)
حـارب: هاااا..خـــــواتي..انا عــــندي اخـــت وحده بـــس..
مــايد: خــلااص بــس هذي هييه..دام انت اخــــوها..انــــا متأكد اني ما بــلقى احســن منها..
حـارب: تســـلم ميـــود من طيــب اصــلك بس........
مـايد يقــاطعه: لاا بـس ولا شــي ..شوف انا برمس خواتي اليــوم ايـونكم البيــت..
حـارب: خلااص ..الله يــكتب اللي فيه الخيـــر..
مــايد: ان شـاء الله..يالله فمان الله..
حارب: فمــان الكــريم..
ســكر عنه حـارب وخـــبر امــه السالفه..
ام حـارب: واللـــه يا ولـــدي انا ودي اشـــوفها عــروس..وانت تقـــول ان الولــد ولـــد نـــاس وعرب واخـلااقه زيـــنه..بس المشــكله شــما مااظنــي بتــرضى..
حارب: امــي الصراحه مـــايد ما ينــرفض انا اقـــولج..هو قـالي انه بييب خــواته اليـــوم..
ام حارب: وامـــــه؟؟؟
حارب: امـــي امه متــوفيه من زمـــان..

ام حارب: هييه وحليييله الله يرحمها..انـزين شوف انا من رايي احـنا مانرمس شمـا الحين..لان اذا قــــلنالها مستحيـــل تــرضى..وحـتـى مابتظـهر جــدامهم..وبعــدين فشــله هم ايــيون وهي ما تظـهر جدامهم شــو بيقولون عــنا!!..هم خــل ايــيون ويشوفونها..وعــلى خيــر ان شـــاء الله..
حـارب: خلااص اللي تشــوفينه ياامي..
.................
كـان نازل عالدري ويمشـــي صوب البــاب..اول مــابغى يفـتح البـاب بيظهـر..جـان ينفتح الباب ..
راشـد: اووه جــسوم..هلا هلا ..وســـلم عليـه..
جـاسم: هلا والله مــعرسـنا..اشحــالك..
راشـد: بخيــر اشحـالك انته؟
جـاسم: والله تمـــام..
راشــد: هـــا عيــل ياي اشــوفك..
جاسم: هيييه شـــو تتحــــراني عيل بفــــوت عرســــك
راشـد: هييه قــلت يمــكن بعـد ..
جـاسم: تــوني قـبل لا ايي اهـني ســرت مريت عــلى بيتــكم شــفته..مــــــاشاءلله وايــــد حـــلو..
راشــد: هــــيه عـاشون عيـــل..بيــت راشــد هذا طال عمــرك..
جـاسم: هههه لاا لاا لاا مــــب هيـــن..يالله الله يــهنيكم..شكــلك تبـا تطـلع..
راشــد: هيــه والله ..
جـاسم: اووكي عيل وانا بسيــر اشوف البـاقي..
راشــد: اووكي..
طـلع راشــد..وراح جــاسم فــوق..واول شــي مــر على حجـرة امـه وابــوه وســلم عــليهم..اســـتانسوا وايــــد يوم شــافوه ..يــلس وياهم شــوي وعقـبها ظـهر من عـندهم سـار صوب حجــرة عــوشه..دق البــاب قـبل لا يــدخل..
حمده: امـــــنوا؟؟
جـاسم: ههههه اووووه حمدووه اهــــني..
عـــوشه اول مــاسمعت صــــوت جـــاسم نقـــزت من مكــــانها وســارت تبغي تـــبطل البــاب..
حمده: اييييييييييه لحظه يالهــبله بحـــط شيـــلتي...
عوشه: اوفففف بسرعه يالله..
بعـــــد ما خـلصت حمده بـــطلت البـــــاب وشــــافته وهـــــو واقف مـــبتســـم..اتيمعـن الدموع في عيـــونها وســلموا على بعــض بالاحضــــان..اااه يــــاجــــاسم..اااه بـــس لو اتعــرف شو اللي اســـتوى فيـــني..
حمده: ايييه انتوا..بسكم بسكـــم..
عوشه: والله اخــــوي كيــــفي..تعرف والله كــنت حاسه انك بتي اليـــوم..
جــاسم: افاااا مــب شــي جيـه عيــل..يعني مااتفـاجأتي..
عوشه: لاا فـديتك اتفــاجأت واحــلى مفاجأه بعد..
حمده: احم احم..ترى انا اهــني بعد..
جاسم: ههههه اووه حمدووه..شــخبارج..
حمده: تمـــام والله ..الحمدالله عالسلامه..
جاسم: الله يســلمج..
عوشه: تعــال داخـــل جــي واقف..
جاسم: لاااا انا بسير اخطـف على مريــم بسـلم عليها وعقب بسير ارقــد..
عوشه: لاااااااااااا لااحق عالرقـــــاد..
حمده: اشفيــج انتي ..توه راد وتعــبان خليه يسيــر يرقد..
جاسم: ما عــليه فديتج انا هاليــومين ويــاج بكــون..
عوشه: بـــــــس يوميـــــــــــن؟!!!!!!!!
جاسم: ههه هــيه ترى مااقــدر اطــول..
عوشه: اووه مـــب شــي جيه كــل مره اتيـنا اشـوي وتسير..
جاسم: ههههه خلااص عيــل مب يــاي موليــه..
عوشه: لااااا لاااا خــلااص..
جاسم: ههه اوكــي عيل اخـليكم..
عوشه: اوكــــي ..
راح عـنهم جــاسم وســار سلــم على مــريم..
.
.
بو راشـد توه نازل عالدري وشكـله بيظـهر وفاطــمه وراه..
فاطمه: هااا عيـــل اشـــوفك ما سـويت شــي..
بو راشـد: وشـــو تبيــني اسوي يعــــني ؟؟
فاطمه: ابــــاك اتأدبـــه...مب انته ابــــوه؟؟
بو راشـد: والله عـــاد هو مـــب ياهل الحيـــن..
فاطمه: يعــــني انته عــايبنك اللي ســـواه في عــــوشه؟!!..ايي يضـــربها مني والدرب ولاااا..فوق هــذا يتـــبلى عليـــها..
بو راشــد: جــيه هو شـــو قايل عـــنها؟؟..
فاطمه: مــافي داعي اقــول شــو قــايل..بس المهـــم اني ابغيك اتنــازعه ..ااخ بــس لو مب اميره اللي بيــاخذها جان ماخليتك تبني لهم بيـت اهني..
بو راشـد: زيــن زيــن خلااص يصيــــر خير..واول مــايبغـــي يظــهر يتذكــر شــي ..ويــرد يصعد فوق..ويسيــر حجرة مــريم يشـوفها يـالسـه ويا جــاسم..
مـريم: هلا هلا ابــويه..حيــاك اتفضــل..
بو راشـد: الله يـحييج.. شـخبارج مــريم؟؟
مريم: والله الحمدالله بخيـــر..شخــبارك انته ابويه؟
بو راشــد: بخيــر الله يســلمج..المهم مــريم..ترى عمج اليـوم خـبرني انه حمد مسـتعيل ويـبغي يمـلج وانتي الحيـن خـلصتي امتحاناتج..هاا شــو قلتي..
جاسم: هــــي خلااص عيـــل خلوا المــلجه بــاجر..عشان احضـر الملجه والعرس..
بو راشـد: هاا شو رايـج مـريم انخـليها باجــر يعني ؟؟!!..ترى الا مـلجه بدون حفله ولا شـي ترى العرس بيكون بـاجر..
مريم: اللي تشـوفونه..
بو راشـد: خلااص بـاجر الصـبح ان شاء الله بنيـب الملاج يـملج بكــم..
مــريم استحـت ونـزلت راسـها..وطــلع بو راشــد من الحجره..
جــاسم: يــــاسلااااام عيـــل باجر الفــرحه فرحتيـــن..
مريم: ههه هييه شــفت عاد..زيــن انك ييت..
جاسم: هييه والله.. شــو هااا الكـــل بيعــرس الا انـــا
مريم: وانت شــو تتريــــا..
جـاسم: اتــريا اخـــلص الزفـــــت..دراستي..
مريم: احســن لك انزين..يالله الحيــن ماباقي شي الا كمــن شــــهر ..
جــاسم: هي ان شـــاء الله..خلااص عيـل مريوم انا تعــبان بسير ارقــد..
مريم: هيـــه فديتك ســير ارتاح..
جـاسم: خــلاص اوكي..يــالله مع السلامه..
مريم: مع الســلامه..
طــلع جــاسم من عــندها وســارت هي حجــرة عــوشه..
مريم: سلام عليكم..
حمده & عوشه: وعــليكم الســلام..
مريم: هاا عوشـــه..شخــبارج اليــوم؟؟
عوشه: الحمدالله زيـــنه..
مريم: اممم انـــزين ..ممكــــن افهــــم شو السالفه بالضــبط..
عوشه: خــلااص دخيــلج ماابغي اتذكـــــر..
حمده: عوشه ..مــريم لاازم اتعـــرف..شوفي انا بخــبرج..
عوشه: حمدوووه لاااااا..
حمده: مـــريووم اسمــعي..وقـــالت لها كــل السالفه..من اول مــا عوشه اتعرفت على سـاره ..ليــــن امــــس..يــوم طــلعت ويــا ناصر..مـــريم تســـمع السالفه وهـــــي منصـــدمه..وعـــوشه تصيــــح..
مــريم وهي فـــاجه عيـــونها وتتطــالع عوشه: ليــــش يا عــــوشه ليــــــــش؟؟!!!..
عوشه: بــــــس حــرام عليج..خــــلااص لحــد يسألني ليـــــش..
حمده: تـــراها كــانت زايغــه منه ..وهي الغــلطانه انها ســكتت وماخبرت حد..
مريم: الحيـــن خلااص اللي صــار صار..عــــوشه حبيبتي انتي مــب ياهل الحيــن ..احــس تصرفج كــان تصــرف يــهال..مــب وحده بــاجر ان شــاء الله بتــكون جــامعيه ويــمكن ام بعــد..اصلا مجــرد ما حمده قالتلج لا تسيرين ويا البــنت المفروض خــلااص ماتسيرين..
عوشـه: ...........(تصيـــح)
حمده: مــريم خـلااص هــي غــلطت ..وتعترف بغــلطتها..اهم شــي انها تتعــلم من هالغــلط..
مريم: هي والله صــدقتي يا حمــده..عوشه دخيــلج ديري بــالج عــدل مره ثــانيه..المهم قــوليلي الحيــن..هو اتصــل فيج من امس؟؟
عوشه: لاا
مـريم: اي وقــــت اتصـــل انتي لاا تــردين عـــليه..عطيني التلفون وانا بتــصرف..
عوشه اتهــز راسها بمعــنى ان شــاء الله..
..................
مــــايد كــان يالس في السيــاره ويدق هــرن عســــب يطــلعون خـــــواته وهـــــو يـــتأفف ليــن ما ركــبوا الموتر..(خــوله اخــته العـوده متــزوجه وعندها ولــد ..مــنى اصــغر منه بســنه وهــي تدرس في التقنيــه )..
خوله: انــزين انــزين..بلاك مسـتعيل انته
مايد: اوفففف ســـنه ليـــــن مااتـــون..شو كنتــوا تسوون هالكــثر..
خوله: شــو اسوي ليـــن مـارقــدت سيــف..
مـايد: رقدتيـــه روحــــه؟؟؟!!!
خوله: لاا ابــــوه عـــنده تــرى..
مــايد: هههههههه هذا مــامنه فــايده..عادي يظــهر وينســـاه..
خوله: هييه جيــــه بخليه..كل دقيقه بتصـــــل فيه..
منــى: اقوول ميـــود..ويــن بيتهم؟؟
مـــايد وهـــو يسيــير على طــرف الشــارع ويــوقف ســيارته: انــزلي انــزلي..
مـنى: هههه اويييييييي ليــــــــــش..
مــايد: ويــا هالويه..ســـاير اخــطب انا الحيـــن وتقولين لــــي ميــــود..اصــغر عيالج انا..
مــنى: خلااص خلااص..الشيـــــخ مايــد..
مــايد: هي جيـــه اوكيــــه..وحــرك مــوتره ليــن مـــاوصلوا بيــت حارب..

.............................
شهــد ومـروه كـانوا يـالسين في الصــاله يسـولفون..دشــت عليهم عــايشه ..
عايِـشــه: سلام عليـــكم..
مروه & شـهد: وعليكم الســلام..نشــت مروه وحـــبتها على راســها..وشهـد ســلمت عليها..
مروه: امـــــي تـــوج يــــايه..
عايشه: هيـــه فــديتج..ما عــرفتيني عاللي ويـــاج..
مروه: امـــي هاي ربيعتي شـــــهد..
عايشه: يا مــرحبا فيج بنــتي شهـد..حياج الله..شخبارج؟؟
شهد: الحمدالله زيــنه خالوه..
عايشه: خلااص عيل بخـليكم على راحــتكم..
مروه: لااااا امــــــي يلسي ويانا..مشـــــتاقتلج..
عايشـه: وانـــا بعــد غــناتي..بس مـــاعليه يـلسي الحيــن ويا ربيعـتج..وانا بسير اشــوف اخوج واخــتج..
مروه: خلااص امــي على راحـــتج..
وســارت عايشــه من عـــندهم..
شــهد: يـــابختج والله..عــــندج ام..
مروه: ترى امـــي هــي امــج يــاشهـــد..افا عــليج بس نحن خـــوات..
شـهد: هيــه ..الا قــوليلي امــج من ويــن يايه الحيــن؟
مروه: من الشغــل..
شهـد: اي شــغل ليــــن هالوقت..هي شو تشــتغل..؟؟
هالســــؤال اللي مــــــاتحــــبه مروه..
مروه: هااا...امــي ..امــي تشتغل في بيــت ناس..
شهــد: تشتغــل في بيــت ناس!..امم شــو تشتغل بشـكاره يعــني..؟
تهـز راســها بمعــنى هيــــه...
شهد: هييه اصلا مبيــــن عليها..
مروه: اشقـــصدج يعني؟؟
شــهد: لا مــاشي..اقول مــروه..انتي مــب في خــاطرج اتســاعدين امــج؟؟..حــليلها هــي تشتغــل وتتعــب عــلشانكم..وانتي لاازم اتســاعدينها..
مروه: واللــــــــه ودي يـــــا شـــهد..ودي ..لـــو شو مااســـوي مـــابوفي لهــــا..
شهــد: انــــــزيــــن اذا قـــلتلج انه عـــندي لج شغــــله..تكســبين من وراهــــــا خيـــر..وبتتحســــن اوضـــاعكم..وانتي الحيـــن في اجـــازه..يعــــــني تروميــن تســـوينها..
مروه: واللـــــــــــه..؟؟!!..وشو هــــاي الشغـــله..الصراحه حمســـتيني..
شهــد: لا تســتعيلين بتعــرفين عقــب بــس شـــوفي ..لاا تخــبرين امج ولا اخــوج عن هــاي الشــغله..هـــيه عشان اتفـــاجئينهم بالبيـــزات اللي بتيــبينه حقهم..صــدقيني يا مروه بتكــبرين في عيــنهم وايــد..
مروه: يــــــــــا سلااااااام..مشكــــوره مشــــكوره يــاشهـــد..ومتى بــبدأ الشغـــل..؟
شهــد: بعــد اقولج لا تستــعيلين..كــل شــي بوقته حــلو..
مروه: انـــزين بــس كيـــف اظهــر من غير لاا حــد يعرف مايصيــر..
شهـد: لا يصيــــر..ليــش ما يصيــير..انتي بتكونين ويـاي ..شو تتحسبيني بهــدج بروحــج افا عــليج انتي بـــس..انتي مااتقــولين ان نحـــن خوات..؟!!
مروه: هيييه فــديتج وانا ماقــلت غير جيـــه..بس بعــد مابيــرضون اني اظــهر بروحي..
شهــد: بــــــوعدج اني بظــهرج من غيـــــر لا حــــد يعرف..يا مــروه اذا تبيـــن تفاجئيــنهم لاازم اتسـوين اللي اقولج عــليه..واذا تبيــن تقوليلنلهم عــادي عــندي..بس احــــس انه مــب شـي اذا قليتيلهم..حــلااته يــوم تفاجئيــنهم..
مـروه: هي وانا بعــد اقول افاجئــهم احســـن ..خلاص اللي اتشــوفينه..
شهــد تقـــوم من مكــانها: خــلااص عيــل انا بتــرخص الحيـــن..
مروه: لااااا تمــي بعده وقــت..
شهــد: لاا لاا بسيــر الحيــن..اخــتي روحهـا في البيــت قالتلي لا تتأخرين..
مروه: واخــوج ويــــنه؟؟
شهـد: اخـــوي دومه مســافر..المهم يالله اشــوفج على خيــر..
مروه: اوكــي فديتج ربـــي يحفظج..
شهد: مع السلامه..
مروه: مع السلامـه..
تطــلع شــــهد من البيــت وتسير تــركب ســيارتها..اول ما تبغي تتتحـــرك..تشــوف يوســف ياي صــوب السياره..وتفتــح هي الجــامه..
يوسف: شـــو بتسيريـــن من غيـــر لا اشــوفج؟؟
شهــد: ههه تعال تعال اركـــب..
يـوسف: لا فــديتج ردي البيــت الحين ماابغــي ااخرج..
شــهد: عادي عادي..بنحــوط شــوي وعقــب بردك البيـت وبروح..
يوسف وهو مســـــتانس: خـــلاص اوووكي..
.
.
عايشــه يالسه في الصــاله اتصيـــح..ومــروه عـــندها وتصيح ويــاها..
مروه: بــــس امـــي بــس فــديتج لا تســوين في روحج جيــه..
عايشه: انــــا ماادري شــــو اللي غيــــره عـــلي ماادري..يوسف مــاكان جيــه..هذا مــب يوسف ولـــدي..
مروه: الله يــهديه امـــي مــاعليه انا برمســـه..
عايشــه تمســح دموعهــا وتبتسم لهــا: فــديتج والله يــامروه..
وتــرد لها مــروه الابتســامه..
......................
في بيـــت حارب..وبالتحـديد في الصـاله اللي يـالسين فيها خوات مـايد وام حـارب..
خوله: انــزين خــالوه عيـــل وينها شــما بنشــوفها..
ام حـارب: هيــــه بسير ازقــرها الحيـــن..خذو راحــتكم ترى البيــت بيتكـــم..
خوله: تســـلمين والله..
ســارت ام حــارب حجــرة شــما..
ام حـارب: الله يــهديج يا شمــا..انتي ليــن الحين مب مســويه شــي..يالله اتــزهبي شو تتريين..
شمـا: امــي والله مالي خــلق..هم ياييــن عــندج انتي ..انا ليــش ارز بعمـري وايلس ويـاكم..
ام حـارب: يالله عــاد شمــا لا تفشليــني تراهم ســئلوا عــنج ويبون يشوفونج..يعــني تبيني اقولهم بنتي ما تــبا تشوفكم..
شمـا: انـزين خلااص امــي اترييني بتـزهب وبيي ويـاج..
ام حارب: هي عــاد يالله بسـرعه فشله اخليهم جـيه يالسين روحهــم..
شمـا: ان شــاء الله..
بـدلت شمــا ثيـابها وحطـت جحـال داخل عيونها ولبــست شيلتها ودشــت ويا امهــا الصاله..ســلمت عليهم ويـــلست عــند امهــا..
خــوله: مــــاشاءالله تــبارك الرحـــمن..حـــلوه شـــما..
شمـا وهي مســتغربه..بس ابتسمــت لها: تســلمين والله عيونج الحـلوه..
منـى: شــما تعالي يــلسي عــندي..
ام حـارب: نشــي امــي شــما سيري يـــلسي عــند منــى..
نشــت شمــا وســارت يــلست عــندها ..وتمــوا يــسولفون ويــابعض..
خـوله: اقــول خــالوه..شو رايــج لو يــدخل هو يشــوفها بعــد..وهي تشــوفه..
شــما ماكــانت منتبهه لانها تســولف ويا منــى..
ام حـارب: والله ماادري بــرمس اخــوها وبشـــوف..
ســارت ام حــارب تتصــل في حــارب ..
حـارب: هي مــاعليه امــي خل يتشاوفـون احســن..
ام حـارب: انــزين هو ويــنه الحيــن..يالس عــندك؟؟
حـارب: هيــه امــي..ادخــله الصــاله..؟
ام حـارب: هيـــه دخــله حيــاه الله..
وقــال حــارب لمـــايد ووداه ليـــن الصـــاله..وهــــو مستانس من الخــاطر..
حــارب: يالله دش اونك مســتحي الحيــن...
مـايد: ههههه اســلوبك مول مايشجع ادش ..
حــارب: ههههه خل عــنك يا ريــال يالله دش انا بتــم واقف اهــني..وتــراك مب مطــول هاا..
مـايد: هههه انزين انزيـــن..
دش مــايد الصــــاله وهــــــو فرحــان انه بيــشوف شــما..وهي اكيــد بتستانس يــوم بتشــوفه..
مـايد: ســلاام عـــليكم..
الكــل: وعليكم الســلام..
شمــــا انصــــــــــــــــــعقت من شـــــــــافت اللي دش تــــــوه..هـــــذا مــايد..مـــايد ليـــش يــاي ..شــــو يســـــوي اهــــــني..بـــدت شـــوي شـــوي تفـــهم الســــالفه..
ام حــارب: حيــاك حيــاك يا ولــدي..اتفضــل..
ســار حــارب ويــلس مجـــابل شـــما..
نشـــــت شــما من عــند منــــى وتمـــت تمشـــي ببطـء صـــوب امهـــــا..وهــــي مــــاده ايــــدها..
شمــا: امــــي ..امــــــي لحقي عــــلي ..وهـــــــــيه اتصـــــــــــارخ..امـــــــــــــــــــي ..وفجـــأه طــــاحت عالارض وهـــــــي تـــــرجف وتصــــــارخ..
ام حـــــــــــارب وهي تصيـــــح: حـــــــــــــارب ..حـــــــــــارب ييـــــب الدوا بســـــــرعه حـــــارب..
خــــوله ومـــــنى منصـــدمين من اللي يشــــوفونه..ومـــــــــايد خـــــلااص مـــب قــــادر يســتوعب اللي يــــالس يصير..يـــالس يشــــوف شمـــا وهي بهالحـــاله مطيــحه ومـــب قادر يســـوي شــي..
يدفــــــع حــارب باب الصـــاله بالقـــو..ويـــــربع صــــوب شــــما..واول شــــي يســويه انه يشــــل غترته ويــحطه في حـــلجها..
ومـــــــايد يطـــلع من الصـــاله على طــــول مب قـــادر يســــتحمــــل الموقف..وخوله ومنــى من يشوفون مــايد طــلع يطلعـــون وراه..وهـــم بعــــد منصعقيـــن من اللي شـــــافوه..
......................
اليــوم الثـــاني ..في حجــرة مــــريم..
حمده: اوففففف مــابغيتي اتصيــيرين مــرت اخوي رسمــــي..الف الف مــبروك..
مريم: هههه الله يــبارك فيــج حبيبتي عقــبالج..
حمده: ويييييييي ان شــــــــاء الله..

مــريم: هههه ما صــدقت..
عــوشه: هي عاد اكشــخي اليــوم عـدل خل يخطــبونج تفكيــني..
حمده: طـــــــــاعوا هـــاي جني قـــاعده على جــبدها الحيـــن..
دشــــت عليهم اميــــره..
اميــــره: وينهــا ويـــنها مرت اخــوي ويــنها..
مريم: ههههههه خســج الله اميـــرووه شــو اللي يايبــنج انتي عـــرووووس..
اميــره: هـــــــيه جي انا اقــدر ماايي..وماابــارك حق مــرت اخــوي..الف مـــبروك مـــريوم..
مريم: الله يــبارك فيــج فديتج..تســلمييين..وان شــاء الله راشــد شافج وانتي يـــايه..؟؟!!..
اميره: لااااااا اول مــاشفته غطيـــت ويهـــي اونه طــاعو هاي عــبالها الحيــن ابغـــي اشــوفها ..
حمده: هههههههههه..
مــريم: هههه ما عــليج منه ..اصــلاا هو يتمـــنى يشوف هالويـــه الحـــلو..
اميــره: هي هي ادري ادري..المهــم ترى حمد يتريــا تحت بيـودينا الفندق انتــوا زهــبتوا اغــراضكم؟؟
مــريم: هي انا مــزهبه كــل شــي..
اميــره: وحمدوه انا يــايبه اغـراضج من البيــت..
حمده: انــزين اشحقا انسيــر الفندق..جــيه كــلنا بنســوي شـعورنا ويــاج..
اميـره: هي وحده بتــي عسـب الشـعر ووحده حق الميـك اب..
مـريم: انــزين عوشوه انتي زهــبتي الاغـراض اللي تبيــنه ..ترى مــابنرد البيـت مره ثانيه بنسوي كـل شي في الفندق
عوشه: انا مــابيي العــرس..
اميره: نعـــــــــــــــــــــم..!!.
مـريم: يالله عاد عوشوه عـن المصــاخه وسيري زهـبي اغـراضـج بسرعه..
طــلعت من عــندهم وهـي حــاسه بحـــزن..حـاسه انها حتى لو سـارت العرس مابتسـتانس..كــلما تتذكــر يـــوم تترجـى ناصر يــنزلها..ويوم يشـوفها راشــد ويضـــربها..تيـــلس تصيـــح..
دق راشــد باب حجــرة مــريم..يــبا يسير يـبارك لها..
مــريم: يالله اميــــروه اتغشـــي..
اميره: ويي فــديته...يالله خــل يــدخل..
مـريم: ههههه يـــالله ادخـــل..
يــدخل راشــد ويســلم على مــريم ويبــارك لها..
راشــد: انا محــد قــاهرني الا هــاي (وهو يأشر اميــره)..هههههه يعـني جي والا جــي بشــوفج يــعني بشــوفج..
مـريم: هههه لاا لاا مـــايصير ..شــوفها اليــوم بكشــختها
اميره: هي فــديتني شــوفني بكشــختي اليــوم..
راشــد: قصــدج بكشـــتج..
حمده: ههههههههه حلوه حلوه..
اميــره: مـــاعليه بطــــوفها هالمــره..اقول حبيبي سمعــنا شي بصـوتك عشان مريوم قـبل لا نسير..
راشــد: هــا مريــم ..شو تحــبين تسمعين..
حمده: انا بقـــولكم مريــوم شو تحــب تسمع..
اميره: شوووو..
حمده: ســلامتك ســلامتك نــودلك ســلاامتك..خخخ
مريم: ههههههه والله احــلى شي انــزين..احــلى من البرامج التافهه اللي يحطونها هالايـام..
اميره: ههههههههههه ما تنـــلامين دكتوره..
راشــد: اضـــحكي عــدل انزين جــي يضحكون..
اميــره: شـــفتي..بــدل ما يقولي فديت هالضحكـــه..
مريم: ههههه بيقولج بيقـولج عقب..الحيــن خلينا انسيــر عســب مانتأخر..
اميره: هي يالله..
........................
مـــايد من امــــس مــاطلع من حجــرته..كــل تفكيــره في اللي اســـتوى امـــس..شكـــــل شمــا وهي طــــايحه وتصـــــارخ وترتجــــــف في بــاله مـــب قــادر يــــنساه..شكـــلها كـــــان فضيـــع..يـــالس وهو حــاس بضيـــج ودموعه نــــازله على خــده..تدش عــليه اخــته خــوله الحجــره ..تطــالعه بحـــزن وهي تشــوفه بهالحـــاله..
خــوله: مـــايد حبيبي ممكــن اقــولك شــي..
مـايد: ....................
خوله: مــايد البــنت مــريضه ..الله يشــافيها ان شــاء الله..بس انت يا مــايد الف وحــده تتمــناك ..
مـايد وهو يصــارخ: ماابغــــــــي غيــــر شمــــا.. ماابغـــــي غيرها ..
خوله: مــايد بقــولك شـــي..انت كيـــــف تــرضى على عمــرك تـــاخذ وحــده رضـــت تــرمسك ..!!!!..يــامايد تــرى مــب كــل شــي حـــب..صــدقني هالحــب بيتغير بــعد الزواج..وبتــم طول الوقت شــاك فيـــها..لاانــك انت كــنت ترمســها..شو عــرفك يــمكن مـرمسه غيـــرك؟!!
مــــــــــــــايد انصعق من كـــلامها..يطـــالعها وهو فــــاج عيـــــونه..هـــاي شو تخــرف.. شـــو تقــــول؟!!
مــايد: انتي شـــــو اتقوليــــــن؟!!!..شمــــا غيـــــر ..شمـــا غير عن كــل البـــنات..
خوله: شو اللي فيــها غيــر قــولي تـراها بـنت شرات كـل البــنات..المهم انت فكــر في كــلامي عــدل..وبتشــوف اني عــلى حق..
وطـــــلعت من عـــــنده..
ليـــــــش يـــا خــــوله ليـــــش..حـــرام عـــليج ليــــش جي تســــوين فيـــــني..ليـــش يبــــون يعـــذبوني..يــــانـــــاس شمــــا غيـــــــــر والله انهــــــا غييييييير..
.........................
**العـــــــــــــــــرس**
في مـــزرعة محمد ربيع راشـــد..كـــان عــرس الريــــاييل..محمد اصــر عــلى راشــد الا يســـوي العــرس في مـــزرعته..يــايبيــن فرقــة دبي الحــربيه..والشبـــاب مرتبشيــن وايـــولون..راشــــد شـــعوره كــــان عادي..لا فـــرحــان ولا حــــزين..بس حــاس انه استعيــل يــوم قـال بيتزوج..حــاس انه بعـــده عالمســؤوليــه..يبغي يتمتــع بشــبابه..يالله الحيــن اللي صــار صار..وبعــدين شو المـــانع ..تــراني اقــدر اســوي اللي ابغيــــه ..مــب راشــــد اللي حــرمه تقــدر تمـــــنعه من الشــي اللي هـــو يبغيـــه..
.
.
اميـــــره ماشاءالله عـــــليها كــانت قمـــــر في هالليله..المكيــاج اللي حطـتلها الحرمه غيـــر من شكـــلها وااايد..هي طـلبت منها تــدمج الشـــدو بيـن الوردي والبنفســجي..طــلع خبال عـليها..مــريم كـانت يالسه عــندها مــا نزلــت..امـا عوشه وحمــده فكــانوا يتمشـون مع بعــض عند الحـــريم والكــل يتحــرى انهن تـــــــوم..لبســـهن ومكيــاجهن وتسريحـــة شــعرهن شــــرات بعــض..كـــانوا محــلوين واايد..ولابسيــن فســـتان لــونه ذهـــبي..وهــم يتمشــون شـــافوا وحــده داشه القاعه ..حمــــده عــــرفتها عـــلى طــول .وراحــوا صــوبها..وســلموا عـــليها...
حمـده: انتـــي ويــن..وين ايــــامج..
نــــوره: هـــيه كــنت مسافره تــراني.. مــا شاءالله عـــليكم محـــلوين..
حمــده: احم احم ..يعـني ظــنج بننخطـــب؟؟
نـــوره: ههههههه يمــكن ليـــش لا..يقــولج اذا شــافوا العــروس حــلوه بيدورون عــلى اخــتها..
حمده: وي وي وي عيـــل خــلااص ضـــمنت المعــرس..بتــرياه باجر هو وامــه عند باب البيت..
نوره: هههههه والله انتي ســــوالف..شخبارج عـــوشه..
عوشه: والله الحمــدالله بخيــر..
نوره: ماشاءالله عــليكم تتشــابهون وااااايد..
حمده: هي مطــقميــن تــرانا..
نـوره: انـــزين يــالله ودوني عــند اميــره فــديتها..والله اني مشـــتاقتلها..
حمده: بتســتانس واايد يوم بتشوفج..يالله نسيــر..
سـارت نـوره ويـاهن..وهي بــعد كــانت كــاشخه ..فــاله شــعرها ولابســه فســـتــان لــونه فـــوشي..
دقـت حــمده البـــاب وبطــلت مــريم..وســـلمــت على نـــوره..ودشــوا داخـــل..
نــوره: فـــــــــــديت عــــروســـتنا انا..قمــــر مقعــــد..مـاشاء الله عــليج..الف الف مــبروك..
اميــــــره: حيـــــــــاتي نورووه والله كــنت بــزعل اذا ماكــنتي يــايه..الله يبارك فيج..شخــبارج؟؟
نــوره: افاااا ويســتوي مـــاايي عــرس اعــز ربيعـاتي..الحمدالله فــديتج شـخبارج انتي؟
اميــره: والله الحمــدالله بخيـــر..
نــوره: وشــــو المعنــويات..
اميره: اســكتي والله زايــــغه بطني يعــورني..
نـوره: ههههه انــزين انتي مخــلصه تصــوير؟
اميره: هييه..
نـوره: انـزين شــو تتريين يــــالله انــزلي..
اميره: لاا لاا ماابغـــــــــي ..
مــريم: شو مـــاتبغيــن بعــد يالله يالله..ليــن متى بتمــين اهنــي يعــني..جي والا جـي بتنزلين..
اميــره: اوففف بشــوف انتي شو بتســوين عقب ..جـريب وبتصيرين في مــكاني وبذكــرج بكلامي..هي صح نوروه تـرى مريووم اليــوم مــلجت واستوت مرت اخــوي..
نوره: ماشاءالله الف مــبروك مـــريم..تستاهــلين والله..
مريم: الله يــبارك فيــج ..عقــبالج يا نوره..
نوره: ان شـاء الله..
.
.
ونــزلت اميــره على اغــنية مثـل القمـر (نــوال)..والعيــون مصــوبه صـــوبها..الكـل منبـهر من جــمالها..كـانت تمشـي ووراها مريم وعوشه ونــوره وحمده..ليــن مـاوصـلت الكــوشه..ويــلست.. اهــني بس ارتــــــاحت..وعــاد ارتبشــوا البـــنات..وتمــوا يرقصــون..عقــبها اتصـــل حمــد في مــريم وقـالها انه راشــد بيـــدخل..عــاد لبسـن البــنات عبيهن وشــيلهــن..كان شـي كـراسي عـلى اطــراف الكــوشه..يــلسوا مريم وحمده وعوشه ونــوره بعــد وياهم عالكــراســـي..ودخـــل راشـــد ..على يــمينه كــان ابــوه وعمــه على يساره

..ووراهم حمد وجــاسم..اميــره كــانت مغطــايه بخــلقه بيضــه..فمــاشافها راشـــد..وقف عــدالها وعــنده ابوه وجـاسم..وعــند اميــره ابــوها وحمد..
.
.
نـــــــــــــوره تتطـــــــالع فـــــوق عالكـــــوشه من تحـت الغشـــوه وهــــي مــــب قــادره تصــدق..لاااا مســـــتحييييييييل...تبغــــــي تقــــنع نفســــها انه مـــــب هـــو ..لاااا لااا مــب هـــو..بـــس كيـــف مـــايكون هــــو كيــــف..هـــــذا راشـــد..راشـــد واميـــره..لاااااااااا مســـتحيل ...انـــزين وانــــــــــــا..!!!!!!..مــريم كـــانت يالسه عـــندها قبضـــت ايدها..
نــوره وهـــيه اتصيــح: مـــــــريم..مـــــريم دخيــلج قوليلي اني انا في حـــــلم..قوليلي ان هـــذا اللي يــــــالسه اشــــوفه مـــب صـــدق..دخيـــــلج مـــريم ..
مـــريم تتطـــالعها باســــــتغراب: نــــوره حبيبتي اشفيــــج؟؟..شو اللي يالسه اتشــوفينه وليــش يالسه اتصيحين..تـــوه مافيج شـــي..
نـــوره: اااااااااه مـــــــافيني شـــــي ..مـــافيني شـــــي..لــــــكنـــــي والله مـــــاسكـــــت له..ونشــــت من مكـــانها وطـــلعت من القــــاعه وخـــلت مــــريم محـــــتاره..بــــلااها هــــاي..شو اللي جــــلبها ؟!!..شــو السالفه؟؟!!..مابتســكت لمــــنو؟!!!..
.
.
ســلم جــاسم عــلى راشــد ونــزل ..عقــبها ســارت مــريم وشــلت الغشــوه اللي عـلى اميــره..وسـارت وقفت عــند حمد..عـــاد هو اســـتانس وتـــم يــطالعها باعـــجاب..
مريم: هههه اقول ترى ابويه وعمــي سلموا عليهم ونــزلوا وانت لين الحين واقف ..يــالله سيــر..
حمد: اوييي مــتى ســاروا هاييله..!!
مريم: هههه انت تــراك يالس تطــالعني ..وماانتبهــت لهــم..
حمد: شــو اســـوي..والله من حقـــي..
مريم: ههه حمد يالله سيــر فشــله..
سـار حمد وســـلم عليهم ونــزل..وعقـبها ســارت مــريم وســلمت عــليهم وقــالت لهم ييلســـون..
مــريم: هااا شــفتها.؟؟
راشــد: لا الحيــن بعد ما بشــوفها ..ليــش الظــهر اتغطــي وييها عـــني..
اميــره تشــوفه: لاا والله..وان شــاء الله كــنت تباني اراويــك ويهي..
شــــافها راشـــد وتم مـــبطل عيــــونه منـــــبهر: خـــس الله ابليســـج والله و طــلعتي حــلوه يا بنت عمي وانا ماادري..
اميــره: اااخ يــاقلبي ...لاااا مستحيــــل...اول مــره اتقـــولي شي زيـــن..
مريم: ههههه مــو قلنــالج يــحبج...
صعــدوا فاطمه وشيخه وحمده وعوشــه عالكــوشه عســب يسـلمون عــليهم..عاد شـيخه وحمده وهم يســلمون عــلى اميـره يصيحــون انها بتفــارقهم..وعقب سـلمت عليها فـاطمه ونــزلت من دون لا حــتى تقول مــبروك حق راشـــد..انقــــهر منها واااايد..ســلمت عوشه عــلى اميــره..وعقب مــدت ايــدها لــراشــد بس راشــد ماســوالها سالفه وتــم يــطالعها باحتقــار ..قالتله مـبروك ونــزلت تحـت وهي تدمع..لااحظــت حمده هالشــي ..وكســرت خـاطرها ومـول ماعيبها تصــرف راشـد..ونـزلت تحـت تواسيها..نـزلوا شـيخه ومــريم من الكوشه ..وعقـبها يـت الفلبينيه عـند المعـاريس وخـلتهم يقطعــون الكيكه وشـربوا بعــض عصيــر..عاد راشــد مــول ما يعيـبه هالاشــياء وجــدام النــاس بس كــان مجــبور..وعقـب دخـلوا المعــاريس داخل عسب يتصـورون ..وتقــريبا محد تـم من المعازيم غيــر الاهــل..
مـريم طــلعت لاانه اتصــل فيها حمـــد وقــالها عــازمنها عالعشــا بــرع..وطـبعا هي الحيــن حليلته فســـارت ويــاه..

الجزء الخامس عشر

الفصـل الاول

كــــله مـــنج..كـــله مــــنج انتي الســـبب..انتي الســـبب في اللي اســـتوالي..((تـــــبدأ اتصــارخ وتصيــح))..قــــــــــلتلج انا مـــابطــلع جــدام حــــد..انا مـــــــكاني اهـــــــنـــي في حجــرتي المفروض مااطــلع مــــنه..ما سمـــــعتي كـــلاامي..ارتــــحتي الحيـــن..ارتــحتي يـــوم شـــافونــــي جيـــه..ليـــــــــتني ماسمعت كــلامج..ليــــــــــــــــــتني..
ام حارب وهـــي تصيــح: بــــس يــا شمــا يا بنيـــتي مب زيــن هاللي تســوينه في عمــرج هدي اعصــابج..
شمــــا: آآآآآه امـــــــــــــي ليـــــش انا جيـــه ليــــــــش ..
تـــاخذها ام حــارب في حضــــنها وقــلبها يتقطــع عليـها..
ام حارب: بــــس حبيبتي بــــس ياامي لا تقــولين جيـــه..هذا مقـدر ومكــتوب لــج ولازم تــرضين بــه..الحمــدالله عــلى كـل حال فــديتج غيـرج مصـايبهم اكبر..
من ردت امــس طبيعيه وعـرفت انه جـاستــها النــوبه جــدام مــايد وخواته وهــي في حجـرتها مقفـله البــاب مـافتحته الا الحيــن ..اتمـــــنت لحظـــتها انهــا تموت والا انــه مايد يشــوف اللي شـــافه..هــي ما حســت بشـــي لحــظتها ..بــــس هــي تعرف شـــو اللي يســـتوي..لاانهــا مره شــافت حــاله جـدام عيــونها..مــــب متخيــــله انه مــايد شــافها وهــي بهالحــاله..اكيــد طــاحت من عيــنه الحيـــن..اكيــد الحيــن مـا عاد يـحبها بعـد اللي شــافه..يــا ترى شــو قــال عنــها .شـــو ســوى..خـــواته شــو قـــالن عنــها..كـــل هالتسـاؤلاات اتدور في بـــالها..وهــي بحضــن امهــا اتصيــح يـدش عــليهم حــارب..هــو الثاني من دش مااتحمــل الموقف..اتأثر وااايد ونــزلت دمعــه من عيــونه وهو يــشوف امه واخــته يصيحون ويــتذكر شــكل شــما جــدام مايد وخواته ..هالشــي مأثر فيــه وااايد..مــــاكان بـــوده انه اخـته تنحط في موقف مثـــل هــذا جــدامهم..اتقــرب منهـــم ويــلس عـند شمـا وهـــو قــلبه يعــوره عــليها..ويطــالعها بحــزن ..صــدق صــدق تكســر الخــاطر هالبنــت..يمســح دمعــته ويبتســم غصــبن عــنه..
حارب: شمــا فديتج ليـش جي اتســوين بعمــرج..انتي ماتقدرين تغيرين اللي صــار ..خــذي الامــور ببســاطه..ولا تقــولين لــو كنت امســويه جـــي جان مااستــوى هالشي..لااا فــديتج هذا الله كــاتبنه لــج..وبعــدين هم جـيه والا جيـه بيعرفون انج مـريضـه..نحـن اكيد بنخبرهم بهالشي..وهــم عــرفوا الحيــن ..ومــابيستوي الا اللي الله كــاتبه..
رفعــت شما راســها وصــدت صوب حـــارب: وامـــنوا قـــالكم اني انا ابغــــي اعــرس..انتــوا عــندكم امــل انه حد بيرضــى فيني!!!!!..ليــش مــاخبرتوني الســالفه ..ليــش ما قلتولي انهم يــايين عشــاني ..ليــش يا حارب ما خــبرتني منو اللي يـــاي ليـــــــش..
ام حارب: فــديتج انا قلت اذا خبرناج انتي ادريبج ما بتظـهرين جـدامهم..فشــله يا يــما العرب ياييــن عشانج وانتي ما تظـهرين جـدامهم..فقـلت اييــون ايشوفونج وعقـب نخبرج السالفه..وبعـدين انتي الف مــن يتمـــناج غــناتي ما عليج قصــور واللي مــايباج هــو الخســران..
شــما: ياامـــي البنات تــارسات البـلااد..شــو يبــون فيني انا ..امــي انا مـــريضه..والمــرض اللي فيني مب هيــن..
حارب: خــلي عـنج هالرمسه ..وايــدات شــرات حـالتج يعرسن ويعيــشن حيــاتهن بشــكل طبيعي جــدا..انتي بـس خـلج واثقه من عمــرج ولا تنــفعلين واايد..وداومي عالــدوا لا تنســـينه..
ام حـارب: هــيه فــديتج دخيــلج انتي هـــدي الحيــن ومــا يســوى هاللي تسوينه بنفــسج..انا اتصـلت في اخت الريـال وفهمـتها حـالتج..وهي اتفهــمت الوضـع وقـالت يصير خيـر ان شاء الله..
آآآآه ليــــــتهم بس يحســون فيني..ليــــت اقـدر اقولهم اللي بخــاطري..اللي شــــافني هذا مـــايد يـــا نـــاس مــايد..كــان عـــادي لو الناس كلها شــافتني خلااص ما عاد يهــمني الا مـــــايد..اااه يـــا ربــي ليــــش..ليـــش في الوقت اللي مـــايد في بيـــتنا استــوى فيني جيـــــه..
حـارب: شمــا..ارتــاحي الحيــن ولا تفكــرين وااايد..ولــج مني اطــلعج بــاجر من الصــبح ليــــن فيلليل..انسيــج كل اللي اســـتوى..
انســــــى..يــاليــت يـــاخويه اقــدر انســـى يا ليــــــت!
ام حـارب: هيــه فــديتج وانا بــــنام عــندج اليــوم..بس قــبل لا ترقـدين لازم تــاكلين هالسـندويجات اللي يـايبتنها لـج..
شــما: لاا لاا امــي وديهن بعيــد ..ماابغي اكــل شــي..مــب مشتهيــه..
ام حـارب: لا يــامي لاازم تــاكلين انتي مب مــاكله شـــي اليــوم ..حـتى لو سـندويجه وحــده بس عســب يرتاح قـلبي..
حـارب: يـالله شمــا عشــان خاطر امــي..
شـمـا: فــديتج والله يـــاامي ربــي لا يحـرمني منج..ماادري شــو كنت بســوي بدونج..
حارب: افـــــــــا..وانا ويــــــن رحـــــت؟!!..خلااص هــونت ماشي طــلعه بــاجر..
شمـا: انت اخوي وحبيبي اللي مـــالي غــنى عــنك..عادي وامنوا قالك اني بــطلع
حارب: ههه اوووه صــح نسيــت انه اخـــتي مااتحب الطـلعات ..خلااص اوني بعــاقبج..بطــلعج يــومين ورا بعض مابردج البيــت..
ام حـارب: ويــديه شو يــوميـــن ورا بعــــض ..انا دقــايق مااروم عــلى فراقها..بعد تقول يــومين!!
حـارب: ايـــوا امــي قولي جــيه من قــبل..خلااص عيــل انا بغيــب اسبوعين بشـوف شو بتسوين..ولا بتفتكرين اصلاا..
ام حارب: لاا ويــيه فــديتك انته بعــد..مااتحمــل فراقك..كــلكم عندي سـوى..
حـارب: ربــي لا يــحــرمنا منج..
ام حـارب: ولا مــنكم حــبايببي..يــالله امــي شمــا اندوج هـاي السندويجه كـليها عسـب عقبها تاخذين الدوا..
خـذت شمـا السندويجـه عن امهــا وتمت تاكلها غصـبن عــنها ومن دون نفــس ليـن ماخـلصتها وخذت الــدوا وعقـبها تمـت ام حـارب تقـرا عليها ليـن ما غفـت عيونها ..وكـالعاده حـارب من اطمـن عليهم طـلع من عـندهم وسـار يرقد..
................................
وصـلوا المعـاريس بيــتهم..وكـانوا وراهم بو اميره وامها وحمده ودشــوا ويـاهم البيــت..حمده كانت قابضه ايد اميره اليمين وامها اليسار ويصيحون ..واميـره بعد مارامت اتيـود عمــرها تمت اتصيح وياهم..
حمده: اميــرووووه تعـــالي البيــــت ويانا..
اميره: فـــديتج والله انا دوم بييــكم البيت..
شيخه: راشــــد دخيــلك يا ولدي دير بالك عــلى اميره..
سلطان: اشفيكم انتــوا مسـوين منـــاحه..جي البــنت وينها ..الا في بيــت عمها..يعــني من بعــده!!..تقدرون اتــونها دوم وهي بعد اتيــكم..افا عليج يا ام حمد..انتي المفروض الحين بالج يكون مرتاح ..محد بيداريها ولا بيصونها كثــر راشــد ولد عمها..
راشـد: هيه والله عمــتي صدقه عمي..ههه اشوفكم بس توصوني عليها..ليش ما توصــونها هيي علي..!
شيخه: هــيه فديتج اميــره حطــي راشد في عيــونج مااوصيــج..
اميره: ان شــاء الله اميــه..لاا توصيــن..
سلطـان: يالله يالله ثقــلنا عالمعاريس..خلونا نسير..
حمده: كيــفهم عاد ..انا تامه عــندهم اليــوم..مب طــالعه من اهــني..
راشـد: ههههههه هي هاللي قـــاصر بعد..
سـلطان: يــالله اميــره تبيـن شي قبل لا انــروح..
اميره: ســلاامتك ابــويه..حـبت راس امها وابوها وسـلمت على حمده وراحــوا عنهـم..
اميره: فــديتها حمدوه..جـيه ماخليتها اتم عندي اليوم..
راشـد: افاا عليــج..تبيـــنها اتم عـــندج..عادي والله ..سيري ازقريها اتيــج..وانا بظــهر من البيــت..
اميــره تتطالعه وهي رافعه واحد من حيّاتها: وانت ان شــــاء الله ويـــن تبا تسيـــر..
راشـد: هههه وانتي اشــلج
اميره وهي مـــبوزه: اوكي خلااص..سيـر المكان اللي تبــا تسير له..وتطوف من جــدامه..
راشــد: ههههههههه تعالي يالخـــبله اسولف وياج..
اميره: هي هي تســـولف..صــدقتك..
راشـد: ههههه طاعوا هــاي ..والله اســولف..
اميره: هههاااي قصيــت عليه..ادري انـك تسولف..عيـل قصــورك تطلع هالوقت..
راشـد: يالله يالله بــــــاي..ويسير جـدى الباب اونه بيطلع..
اميره وهــي تمشــي عالسريع وبصعـــوبه ويــافستانها المــنفوش صــــوبه..: طـــاعوا هذا من صـــجه..تعال تعال..
راشـد: لاا لاا بسيــــر..ما تبيني تــراج..
اميره: افااا والله افاااا..ينقص لســاني اذا قــلت جيـــه..
راشــد: هي عبالي بعد..انــزين يالله نسيــر فوق..
اميره: الحيــن انا شقايل بركـب عالدري بفســتاني هذا...اخاف اتخرطـف..
راشـد: هههههههه اسميني بضحك عليج..والله محد قالج سوي فستان منتفخ جـــيه..
اميره: ههههه انت شعرفك في هالسـوالف..
راشد: انزين انزين فكيــنا يالله هاتي ايـــدج..
وتـم قابض ايدها ليــن ما وصـلوا فوق..
اميره: راشــد..
راشــد: خيــــــر
اميره: شو رايك فيني ..؟
راشــد: خســـــــــــــفه..
اميره تتطــالعه وهي فاجه عيونها: شـــــــــــــو؟!!..قبل شوي كنت حـــلوه..
راشـد: ذليـــتيني تــــراج..كل دقيقه سألتيني هالســؤال..لكــــن هب منج..مني انا اللي عطيتج ويه وقلت انج حلوه..
اميره: حــرام عــليك انزين ابغيك كل دقيقه اتقــول اني حلوه..احم احم..فديتني..لكـــن بطوفها لــك هالمره..
راشـد: ههههه غصــبن عنج اصلا..
اميره: راشــــــــــد..
راشد: خيــــــر ..شو فيه بعد..
اميره: كــان خاطري انســافر شهر العســل..
راشــد: وليــــش عاد؟!!..تدرين فيــني انا مـــزاجي..ومالي مــزاج حق الســفر هالايــام..
اميره: هي ادري ..الله يعيـــني عليك بس..
راشــد: شــكله عايبنج السوالف اهــني..يالله يالله انا ساير الحجره..
اميره: انزين يالله انسيــر..
.............................
عــوشه كـانت يالسه عالشـبريه واتصيــح..كــان خاطرها اتسير بيت راشــد اتشــوفه كيـــف..لاانها ما شافته من الداخــل بس طــبعا مااتروم..اتخـاف من راشــد..اكيــد بيروغها ..هو اصلا مب طــايق يشوفها من هاك اليـــوم..واللي مخليها تتعـــذب اكثــر حركته اليــوم..يوم مدت له ايــده بتسلم عليه وهو قفــطها جدام الناس..آآه يا ربـــي..انا اســـتاهل..اســتاهل كل اللي اييني..
فجــــــــــأه تســمع صوت تلفونـــــها يرن..تســوي روحها مـــا تسمع ..وحــتى ماتبغي اتشــوف منو اللي متـــصل لاانها اتعــرف..رد ورن مـــره ثانـــيه..هالمـره خذت التلفـــون ومثــل مااتوقعــــت ..هو اللي يالس يتصـــل..على طــول طلعت من الغرفه وســارت صوب غرفــة مريم..بطــلت الباب وشــافتها مب موجوده..عقب اتذكـرت انها طالعه ويا حمد..دشـــت حجــرتها وهي حـــاسه انها مــب عارفه تتصرف..مب عارفه شو اتســوي..طــرش لها مســج وقالها..(ردي عــــلي..تراني واقف عند بيتكم..لو تبين تتأكدين ..تقدرين تشوفيني من الدريشه..هاهاها)..وفعــــــلاا سارت ربعت صوب الدريشه..وشافت موتـــر نــاصر..اهـــني هي انصـــــــــعقت..آآآآآآآآآآآه يـــــاربي انا مـــتى برتاح من هالعــــذاب..متى بـــرتاح من هاللي اسمـــه ناصر مــــتى..انا شــــــو اسوي الحيــــن..شو اســـــوي..جــان يتصل نــــاصر..اهـــني عاد هي تمـــت تتنافض..والتلفـــون يتهزز في ايــــدها..مــــب عارفه شوتســـوي..اتــرد والا مـــاترد..مـــــاكان بيدها اتســوي شي الا انـــــها اترد..
عوشه: الو
ناصر: هلا والله..حي هالصـــوت والله..
عوشه: شو تبغي
ناصر: ارمسي عدل انزين..وبعدين انتي مااتردين علي الا اذا هددتج يعــــني؟؟!!..شكله عايبنج اسلوب التهديد..
عوشه: ناصر والله حــرام عليك..خلااص خـــلني اف حــالي شو تبا فيني..
ناصر: شو اخـــليج في حــــالج..اشوفج نسيــتي شو سويتي فيني هاك اليـــوم..ماوحــالي حــركت الموتر الا واتصيحين ردني البيت وردني البيـــت..وانتي وعـــدتيني بطــلعه ثانيه..
عوشه: انــزين يــوم انك اتعرف اني جيــه..ليـــش ماتسير تدورلك على وحده غيــري ..ليـــش انا ليــــــش
ناصر: كيفي انا ابغيــج انتي..اعتقــد انه هالشي مايخصــج..انتي بس اتنفذين اللي اقولج عليه..شوفي..باجر بتظهرين وياي يعــني بتظـهرين..
عوشه: مــــــــــــــا بظهر ..وســــو اللي تبا اتسويه..يالله باي..
ناصر: ههه اوكي انا الحين بحرك موتري وبسير..لكـــن اترييني بـــــاجر..وبتعرفين شو بيستويلج..يالله ببـــــاي..
وبـــــند التلفــون..وهـــني هي كأنــها عـــذبت روحهـــا اكــثر بالكـلام اللي قـــالته له..تمـــت اتصيــح من الخـــاطر..تفكــــر هو شو نــاوي يســـــوي..اااااااه..انا ليــــش قلتله جيــــه ليــــش..شلت التلفون ودقــــت له..بــــــس لقته مغــــلق..اهــــني حســــت انهــا خـــلااص شـــــي مب زين بييستوي فيها بــــاجر..مـــب عــــارفه تتصــرف..اول وحــده يت في بالها وهي بهالحاله هي حمده..دقت لــــــها..بس ماردت ..تمت تدق مره ومرتين وثلاث بس مــاترد..راقـــده اكــــيد....آآآآآآآآه يــاربي شـــــو اســـــــوي..
.
.
سيــــارة حمد..
حمد: حســـافه..وصــــلنا..
مريم: هههه حســافه بعد!!..انت شـــوف الوقـــــت..
حمد: ولا حســــيت بالوقت انا..عاد قـوليلي شو رايــج بالطلعه؟
مريم: حـــلوه..بس تراها آخر مره..
حمد: شـــــــــو؟!!..آخــــــر مره تطـــلعين ويـــاي؟!!!..لااا هب عكيـــفج انتي مرتي الحيـــــن..
مريم: هههه لااا اقصــد هالوقت يعني..
حمد: هـــيه عبالي بعـــد..مــريم..
مريم: هلا
حمــد: شوفيني انــــزين ..
صــدت مــريم صــــوبه..وهــو تــم يطــالعها ومــركز في مــلامح ويـــهها وهو مبــتسم..
مريم: هههه لاا والله!!..ليــــن متى يعني؟؟
حمـد: مـــريم انتي مــــــــلاك..
مـريم: هههه حمـــــد..ترى الوقت متــــأخر ..يالله انا بـــنزل..
حمد: بنــزل وياج بوصـلج ليـن الصاله..
مريم: لاا حمــد مــاله داعي..بسير روحي..
حمد: لاا لاا..بنــزل ويـاج ليــن مااطمن انج دشيتي داخــل..
مريم وهي مبتســمه: انـــزين يــــــالله..
نـــزلوا حمد ومــريم ويا بعض وتمـو يمشون لين ماوصـلوا الصاله..
مريم: مشكــور حمد..تصــبح على خير..
حمد: وانتي من اهــله حياتي..
مريم: بس تــوصل طـــمني عليك انـــزين..
حمد: ان شـــاء الله غـــناتي..مـــريم..
مريم: عــــونك..
حمد: احـــــبج..
ابتسمـــت له مريم بخجـــل وطــافت من جـــدامه..وهــو تم واقف يتريــاها ليــن مااختفت من انظــاره ودشت حجــرتها..عقبها طــلع..
.
.
عـــوشه اول مــاسمعت صوب باب حجــرة مريم يتســكر..فــزت من مكـــانها وربعــت صــوب حجـــرة مــريم..دشـــت عليها وهــــيه اتصيــح ..
مـــريم وهي عاقــده حيـّاتها: عـــــوشه اشفيــــــــــج؟؟!!!!
عــوشه تسيـــر صــــوبها وبصــوت متقــطع: مــ ــريـ ـم لــ ــ ــحقــ ــي عــ ــلــ ـي ..لــ ــ ــحقـي عـ ــ ـلي ..
تـــلوي عليها مــريم وهي مســتغربه : بـــس حبيبتي بـــس..انتي هــدي الحيــن وفهميـــني اشفيـــج؟!!
عــوشه: .............
مـريم: بس فــديتج هــدي هــدي ..تعالي يــلسي ارتــاحي اهــني وقوليلي شــو فيج خوفتيني تــراج..
يـلست مــريم ووياها عوشه على طــرف الشبريه..ومــريم تتــرياها بس تهـدي اشــوي عســب ترمس وتقــول شو فيها..
عوشـه: اتـ ــ ــصـ ـل فيـ ـ ـني هـ ـ ـ ـذاك...........
مـــريم وبــــاندفاع: ورديــــــــــتي ؟!!!!!!!
عـوشه اطـــالعتهـــا بحـــــزن ونــزلت راســـها تحــت وهي تصيــح..
مـريم: عــــوشه انتي عــلى شــو ناويه؟!!..نــاويه تكــبرين السالفه والكــل يعرف عــنها..انتي احمـدي ربـج انه ابويه مــب عارف عــن شي ليـن الحيـنه والا الله يسـتر شو كـان بيستوي..
عوشه: شـ ـفـ ـت ســ ــيــ ـارتـ ـه واقــ ــفـ ـه عـ ــ ـند بـ ـيـ ـتـ ـنا وقـ ـال اذا مـ ـا رديـ ـ ـت بـ ـ .........
مـــريم اتقــاطعها: اذا مــارديتي بينـزل من السياره وبيـفضحج عـند ابوج واخــوانج صــح؟؟!!!..يــا عــوشه اللي شــرات هــذيلا بس كــلاام..يعــني لو كــنتي موقفتــنه عـــند حده من البــدايه او مخـبره عــليه كــان بيقول في خـاطره هـاي اكيــد مــب هيـــنه ووراها حــد يسـندها لــكن انتي بيــنتيـله العكــس ..ســكتي وضــعفتي جــدامه وهـذا اللي هـو كــان يبغيه واســتغل هالشــي فيج..وقـام على كـل شي يهــدد لاانه عارف ومــتأكد انج وحــده خـوافه وبتســكتين له وبتــلبين له كــل طــلباته..
عوشه: ااااااه بــس مـريم دخيــلج بـــس..لا تــزيـديني انا اللي فيني كــافيني..
مريم: لاا عــوشه لاازم تعــرفين هالاشــياء ..انا ليــن الحين مــب قادره اصــدق انج ســويتي جيــه..يا عوشه انتي مـب يـاهل الحيــن..كان المفروض تصـرفج يكــون اكـبر من جــيه..لــكن خلااص الحيــن اللي صـار صار..المهم قوليلي رديـتي عليه وشو قالج؟
عوشه: قــالي اطـلع وياه باجر..قلتله مـابطلع وسـوو اللي تــبا تسـويه..جان يقولي اتـرييني بـاجر وبتعرفين شـو بيســتويلج..مـــاعرف شـو اللي نــاوي عـــليه..بيفضحــني اكيــد بيفضحـني..
مــريم: شـــــو يتحــرى عمــره هـــذا؟!!!..شــوفي انتي ارتاحي الحيــن ولاتشيلين هـم..وبــاجر انا بتصــرف..وييبي مـوبايلج خـليه عندي..
عوشه وهي تمسـح دموعها: ان شـاء الله..بــتم وياج اليــوم...
مريم: حيــاج حــبيبتي ..يالله الحيـن روحي ييبي موبـايلج وتعالي نامي..
عوشه: تسلميلي والله مريوم..ان شــاء الله..
طـلعت عوشه من عـندها وسارت هي تشوف موبايلها..شــافت 10 مكلمات لم يرد عليها ومسـج واحد من حــــــــمد (حيـــــــــاتي انتي ويــــن..تراني يالس احاتيــــج ..دخيلج ردي عليه والا عادي اييـــج البيـــــــت..)..ابتســـمت مريم واتذكرت انها حاطه تلفونها عالسايلنت.. واتصــلت فيه على طـول قبل لا يسـويها وايي بيتهم الحيــنه..ورد عــليها من اول رنـــه..
حمـد: آخ يــاقلبي ما بغيـــتي تتصلين..
مريم: ههه آسفه حمد خليتك تحاتي ..بس شو اسوي عوشوه يت عـندي ويلست اسولف وياها
حمد: والله تــوني كــنت بسير اشغـل الموتر عسب ايي بيــتكم..
مريم: هههه زيــن عيل لحقــت عليك..المهم حمد انا مااقدر اطـول..لانه عوشوه بتي ترقد عـندي..
حمد: اوهوو..هـــاي ليش بترقــد عندج اليوم..
مريم: حــليلها انا قلتلها اتي ترقد عــــــندي..
حمد: ههه لاا تـــدلعينها وااايد..
مريم: هههه آخر العنقود لاازم انــدلعها..المهم حياتي يالله سير ارقــد..
حمد آآآخ يـــــــــــا قلبي..دخيلج عيدي اللي قلتيه مره ثانيه..
مــريم وهي تشــوف البــاب اللي انفتح وعوشه اللي دشت: هههه مااقدر ..كـــلام الملوك لا يــعاد..
حمد: اااااخ مــــــالكه قــــــلبي انتي..
مــريم: ههه انــزين عيل حمد بخــليك..
حمد: اول شــــي قوليلي احــــبك..
مريم: هههه حمد مااقــدر..
عــوشه رغــم الحزن اللي تحــس فيه ..في خــاطرها تعلق عالموقف: قوليله بســـك مغـــازل..
حمد: ايهيي شـــو تبا هــاي خل ترقــــــد..يعــــني لاازم اتي وتخرب عــلينا..
مريم: هههه..تصــبح على خير..
حمد: وانتي مــــن اهله فــديتج..وعيـني باجر حق الصـلاه..لااني مااعتقد اني بــنش وانا سهران لين هالوقت تعرفين بعد ريـلج نومه ثجيـل..
مريم: ههه ان شــاء الله من عيــوني..
عوشه: بســــــــــكم..
حمد: افففففففف سكــتيها سكــتيها الله يخــليج..عـــنبو مااتخــلي حد يــاخذ راحــته
مريم: ههه فــديتها انا عـــوشووه ماارضى حد يقولها شـــي..
عوشه:احم احم..حـــــــــرره حق بعض الناس.. ويي فــــــــديت روحج انا ياختيه..
حمد: لااااااااااا والله..وهالكلام ليــــش مااتقوليـــنه حقــي..خلااص خلااص انا زعــــلان يالله راضيــــني..
مريم: ههه يالله عاد مول مـب وقته..
حمد: ههه خلااص اوكي حبيبتي..ولــو اني ماابغي اســكر ..
مريم: ههه ماعليـــه..باجر بنتواصل ان شاء الله..
حمد: اوكــي غـناتي ..مع السلامه..
مريم: مع السلامه..
عـوشه: اسمحيــلي ..خــربت عــليج..
مريم: يــالله عاد عـــوشووه شو هالرمسه بعــد..ترى مول ما يليق عليج ترمسين جيـه..هههه انا متعـــوده على دفاشتج..
ابتســمت عوشه ابتســـامه باهــته ومـــدت لها ايدها تعطيها الموبايل: خــذيه فكيني منه ولا ترديلي ايـــاه..
مريم: عوشه حبيبتي ارتـاحي الحيــن..ولا تحـاتيــن..ترى هــذا الا كــلاام بــس ..وبـاجر انا بتصــرف..
هــزت عوشه راسـها بمعنى ان شاء الله والـحـزن مبين على مـلامح ويهها..عقبها انسـدحت عالفراش..وسارت مــريم لحفتها عــدل وحــبتها على يـبهتها وابتســمت لها..وهي ردت لها الابتســامه..وتقـول في خاطرها..ربـــي لا يحــرمني منج يـــا مريم..
...................
كـــانت سهــرانه في هالوقــت..مــاتعرف تفـــرح والا تحـــزن على الاشـــياء اللي استـــوت في هاليـــوم..ماتعرف هالدموع اللي تذرفها دموع فــــــرح والا حــــزن..فـــرح لاانه كــــان عرس ولـــدها اليـوم..وملجـــة بنتها..صــح انه كــان في خــاطرها تحضـر العرس وتشــوفه وهــو معرس وتـــاخذه في حضـــنها وتقــــــوله مـــــبروك..مـــبروك يــاولدي راشـــد..بس طــبعا هــــا مجــرد حــلم..بس حــلم صعب تحقيقه..مــب صعب الا مســـتحيل..بس هــذا ما يمــنع انها مــا تفــرح لـــــولدها..ربـــــي يهـــنيك ويســـعدك ان شــــاء الله يــاولدي..ليــن الحين مــب قادره تنســى شكــله وهـــو رضيـــع..وهـــو في حضـــــنها..كـــان كـل ليــله ينش يصيــح..كــان متعــبني اكــثر من مــريم..مــريم فــديتها تــرقد الليــل بطوله..الا مـــرات اتنــش وتصيــح..واكثر شـي انا روحي اقــومها وارضــعها..الايـام اللي قضــيتها ويــاهم كانت احــلى ايـــام في حيـــاتي..بس للاسف كــانت فتــره قصـــيره واااايد ..ســبحان الله..جـــنهم امــس الا كــانوا في حضـــني ..مااتـــوقعـــت في يــوم من الايــام اني بشــوفهم وهـــم كــبار..الحمـــدالله والشكــر لك يــارب الحمـــدالله..ربــي يحفظــهم من كـــل شــر..صـــدت عــدالها وشــافت يــوسف راقــد..ااه يــا يــوسف..شــو اللي غــيرك عـــليه..خــاطري بـــس اعرف..انت مـــاكنت جيـــه ..طــلباته بدت اتــزيد مع انــه عــارف بالظــروف اللي نمـــر فيــها..المفــروض هو اكــثر واحد يــقدر الظروف..لــو عالتلفــون اللي يــباه انا مســتعده اخــذله اي تـلفون بس المشــكله انه مــايبغي اي تلفـــون..يــبغي ايدد تــــلفون..وهـــذا اللي مخــليني مصــدومــه..ااه يــاربي ..نفــسي بس اعرف شـــو اللي مغيـــرنه عـــلي..دخيــلك يــا يوسف..دخــيلك يالغالي ردلنــا شرات قبل..حــبته عــلى راسه..وحــس فيها جـان يفتـح عيــونه بصــعوبــه ويــصد صــوبها وهو عاقد حيــاته..
يوسف: شو ميلسنج لين الحين
عايشه: مــاشي فــديتك مب يايني ارقــاد..ارقــد انتــه حبيبي مــا عليك مني..
يوسف: ابغي مــاي
عايشه: فــديتك والله الحيــن بسير اييــبلك..ونشـت بسـرعه وسـارت صوب المطـبخ..ويـابتله قلاص مـاي ..نــاولته القلاص وشـرب الماي..ردلها القلاص ورد رقـــد ..حــتى ماقــــالها مشــــكوره ياامي..هــذا اللي كــانت متوقــعه تسمعه منه..اااه ليــش يــايوسف لــــيش ..انا شـــو ســويتلك !!!!!!!..
.......................

الجزء الخامس عشر

الفصل الثاني

اليـــوم الثـــاني
نشــت اميره قـبل راشــد..لبســـت لها جلابيه مغـربيه لونها وردي ..وحطـت مكياج خفيف ..وفلت شـعرها ..وسـارت صوبه عسـب تقومه حق الصـلاه..
اميره وهي تطبطب على جـتفه: راشـــد..راشــد..حبيبي يالله قـــوم..
راشــد: ................
اميره: راشـــد يالله بســك رقاد قـــوم..
راشد وهو يبطـل عيــونه بصعوبه : شــــــــو تبيـــــــن انتي..؟!!!..
اميره: شــو يعـني ما بتسير المسيــــد؟؟!!!..
راشـــد غطــ اللحاف بالكامل عليه وصـد عـنها الصـوب الثـاني وكمـل رقـاده..
اميره: طــــاعوا..رد ورقـــد..راشــــد قــــــوم يالله بتتأخر عالصـــــلاه..انت حتى صلاة الفير مانشيت اتصليها
راشــــد صـــد صـوبها وهـو عاقد حيـاته ويـصارخ: انتي وبعـــــــــدين ويــــاج..مصخــــتيها يـــوم انا راقــد ماابغي حــد يقـــومني فاهـــمه والا لا
اميــــره اهـني زاغــــت : خلااص خلااص ..
وراحـــت عـــنه وهي تلوم نفســها: اوفففف غــــبيه..يعـــني راقــد شو تبيـــن به خــليه يرقد خـلااص متى مـايبغي ينــش يــنش..لاااا..مــارتاح الا اذا صـــارخ عــليه..اوفف..
.................
في بيــت مـــايد..
كــان يالس ويـــاهم في الصــاله وهـو مــب حــاس بعــمره..من هاك اليـوم وهــو كــله مهموم وحـــزين و ســرحان ومــايرمس..
عبـدالرحمن (ريــل خولــه): خـلااص يـا مــايد وحده بـدالها الف..ليش جي مسـوي بـروحك..
خـوله: كــم اقــوله انا..يـا مـايد البــنت مـريضه وانت تســتاهلك اللي احســن منها..الصـراحه انت اخــويه الوحيــد..ومـــارضى عـليك تــاخذ وحـده مــريضه..
منى: هي والله مــايد صـدقها خـوله..انا صـح ان في البـدايه عـيبتني بس عقــب الصراحه انصــدمت يـوم شـفتها طاحت عالارض..مااتحمـل اشــوف هالشـــي بعد مــره..الله يشـفيها ان شـاء الله من اللي فيها بس انت الف وحده تتمــناك..
خوله: مـــايد فــديتك ارمــس قــول شــي لاا اتـم سـاكت جيه..قولنـا شو قـررت..
تــم يطــالعهـــم بنـــظرات غــريبه وعقــبها نــش من مكـــانه وطـــلع بـــرع..
خـوله: لاا حول ولا قـوة الا بالله..انا ماادري هالــولد متـى بيقتـنع بكـلامنا..
عبدالرحمـن: مـرده بيعـرف ان نحــن عــلى حق..انتوا بس لاا تـزنون عـلى راسـه وايد..وخـلوه يــفكر عـلى راحـته ..واذا اصـر عـليها خـلااص بعد تراه يـباها مابيدكم شـي تسوونه..
خوله: لاااا مستحيــــل..مستحيــــل ياخذها..انا من اليـوم بــدورله على وحـده ثـانيه..
عبدالرحمن: شـو يعـني تبيـن تحطيـنه جدام الامـر الواقـع..اتريي اشــوي شـوفي هــو شـو بيقول اول شـي..
خـوله: خـلااص بتــريا وبشــوف شـــو آخرتها ويــاه..
.
.
في الســياره..مــايـد مـب عـارف ويـــن يسيـــر..اصــلاا هـــو مـب عارف كيـف وصــل السيــاره وحــركها..مــاحس بعــمره الا وهـــو عـــند بيــت شمـــــا..اهني وقف موتره وســند راسـه عالسيــت وغمــض عيــونه ونــزلت دموعه..حــاس بعـــوار مب طــبيعي في قــلبه..حــاس انه يتقطع من الداخـــل..يحـــس انه ضعيــف جــدا في هالمواقف ومــب عارف يتصــرف..آآآه..ليــــش محــد حــاس فيني ليـــش..انــا ليــش كــــنت ســاكت وهـم يقولون جــي عن شــــما..هــاي شــما انا ماارضـــــى ينقــال عــنها جيـــه..(وهو يصـــارخ)..)انــــــــا مــــــب هـــامني مــــرضها ..انـــــــــا لو شــــو مـــــافيها مـــــايهــــمني..تفـــــهمون والا لا (..لاا والله..بس الحيـــن طــلعلك لســـان وبــديت ترمس هــــا..ويــــن انته يــوم كــنت عـــندهم..بس ســـاكت وتســــمع..اااااه..يـــــا نــــاس انا والله مـــــب هـــامني مـــرضها ..انا اللي معــــذبني هــــو كـــلاام خـــوله..) انت كيـــــف تــرضى على عمــرك تـــاخذ وحــده رضـــت تــرمسك ..!!!!..يــامايد تــرى مــب كــل شــي حـــب..صــدقني هالحــب بيتغير بــعد الزواج..وبتــم طول الوقت شــاك فيـــها..لاانــك انت كــنت ترمســها..شو عــرفك يــمكن مـرمسه غيـــرك؟!!( ..معقـــــــوله!..معقـــوله شمـــــا مـرمسه غيري..لاااا اصــــلاا شــما مــلكي انا بــــس ..شمــا مــارمســت غيري انا اعــــرفها..اصــلاا انا وشــــما انحـــب بعــض..مثــل ماانا كـنت وفي لها هي بـــعد اكيـــد كـــانت وفيه لي..بـــس انا مــاكنت عــندها ..ولا كــنت اشوفها شــو تســوي من وراي..يـــمكن.. يــمكن كــانت تخوني وترمس غيري شـرات ما ترمســـني انا..آآآآآآآآه يـــــــــاخوله ليــــــش..ليـــش قــلتيلي هالكــلام عن شــما..ليـــش تبيـــن تعـــذبيني..انا اللي فيــــني مكـــفيني..آخ يــــا قــلبي..شمـــا شخــبارها الحيــن..خــاطري بس اعــرف هـــيه شو تســـوي الحيــن..شــو اســـتوا فيها من طــلعــنا من عــندهم..ابغي اعــرف شــو احـــوالها يمــكن ارتاح شــويه..عــلى طول شــل موبايــله وفكــر يتصل فيها..بس عقب رد التلفون مكــانه وهـــون..شــاف انه مــب حـلوه يتصل فيها وهو يعـرف انها اخـت ربيعه..وبعـدين فكـر فيها وقـال في خـاطره اكيــد ما بترد عـــليه..بس هــو جـــي متعــذب واااايد..اذا ســار البيـــت بيتمـون يــحنون عــلى راســه انه يشــيل شمــا من بـاله..واذا حــرك مــوتره الحيــن ما يعرف ويــن يسير..لكــن اضطـر انه يتحـرك من اهــني ويسيــر اي مكــان قـبل لاايطــلع حارب ويشـوفه واقف عـند بيتهم وهــو بهالحــاله..
.....................
دشــت مريم الحجـره وشــافت عوشه بعــدها راقـده..سـارت يلست عــنـدها وتمـت تزقرها بصوت واطــي وتلعب بشعـــرها..
مـريم: عــــوشه..عــــوشه
فـــزت عــــوشه من رقـــــادها ويـــلست تتــلفت يمين ويسار..
عوشه: شــــو..شـــو مســـتوي..
مريم: مــب مستوي شــي حبيبتي اشفيـــج..
عوشه: آآه مــريوم والله خـــوفتيني..
مـريم: اطــمني فـديتج مب مستوي شــي ..يالله نشــي الحيــن تسبحي وصلي الظهر ونزلي عشان نتــغدا تراني مــيته يـــوع واتــرياج عسـب نتغـدا ويـا بعــض..وجــاسم بعـد خــليته يــتريا..ههه كمــن مره يا الحجــره يــصارخ عسب اتنشين وانتي ولا حســــيتي..
عوشه: فـــديته والله ..شو اســوي انا طول الليل احاول ارقد بس مااييني ارقــــــاد..يمــكن جــيه على الساعه 9..9 ونص رقـــدت..
مريم: ليــــش جيــه مسويه بــروحج مــب زيــن السهــر هالكــثر..بس مــاالومج من التفكير الزايــد..لاا تحــاتين انتي ان شــاء الله ما بيستوي شـــي..
عوشه: ان شـــاء الله..
مريم: يالله الحين سيري سوي اللي قـلتلج عــليه وانـــزلي نتــرياج..
عوشه: خلااص اوكي..
.
.

كـانت اميره يـالسه في الصـاله تطـالع تلفـزيون ..شـافت راشـد نـازل عالدري..جـان تقوم وتسير صـوبه ..
اميره: هلا والله..مــابغيت..!
عطــاها نـــظره وطـاف من جــدامها بدون اهـــتمام وســار يلس مجابل التلفزيون..وسـارت اميره يلســت عــنده..
اميره: ارمســــك انا..
راشـد: يعــــني شو تبيني اقــــولج..
اميره: ارمس قــول اي شـــي ..اعـــتذر مثــلاا لاانك صـارخت علي اليـــوم..
راشــد: صـــارخت عــليج؟!!!!!!..مـــــتى؟؟
اميره: ههههه انا قــلت جيــه بعــد..اكيـــد كنت راقـد ومب حــاس بعمرك..
راشـد: لاا حســـيت ..عســب مره ثانيه مااتيــن تقوميني..
اميره: الحيـن ها يـــزاي يعــــني اني اقــومك عسـب تروح المـــسيد عشـان صـلاة اليـمعه..!..
راشـد: انتي تـراج ما تعرفين تقـومين شـرات الاوادم..
بطـــلت اميره عيـــــونها قــد ما تقــدر وتمــت تطــالعها وهي رافعه حواجبها
اميره: لاا والله !!!...كيــف تباني اقومك يعـــني؟!..اصب عـــليك مـــاي مثـــلاا..
راشـد: هههههه جـــان جـــربتي..
اميره: هـــيه شو تتحــراني بــايعه عمـري ..انت جيــه وصـــارخت علي ويـــن لـــو اصب عــليك مــاي..ههههه يالسه اتخيــــل شكــلك وانا صــابه عليك مـــاي..اتخيــل اسويها..شــو بيكون شــعورك..
راشــد: جــربي وشــوفي شـــو بييج..عادي ارتكب فيـج جـــريمه..
اميره: هي ادريبــك اتسـويها..انزين ..احم احم ..(وهي شاقه الحــلج بالابتسامه)..شو رايـــك فيني..
راشـــد: اقــول ويــن الغــدا انا يــــوعان..
اميره وهي حـايسه بوزها: افاا..هي الغــدا يـابوا لــنا من بيـت عمي..يالله نسير ناكل..
راشـد: شــــــــــو؟!!!!!!!!..ليـــــش مب انتي اللي طــابخه؟!!!
اميره: انــــا اطبخ!!!
راشـــد وهـــو يصــارخ : هـــي انتي عيـــــل انا ..بالله ليــــــش ماخذنج
اميره: لاا واللــــــه..يعني مـــاخذني بس عســـب اطــبخ لك..وبعــدين امنوا قـــالك اني انا اعــرف اطــبخ..حــرام عــليك عروس تبــاني ادش المطــبخ!!!
راشــد: قــــــمتي اترادديـــــن اشــوفج!!..هي اتدشــــين المطـــبخ شو فيــــها يعــــني..نـــاشتلي من الصــبح شو تســــوين عيــــل ..شــوفي انا مااحـــب آكــل من ايــد الخـــدم..من بــاجر انتي اللي تــطبخين..والغــدا اللي يايبينه كــليه بروحج..
نــش من عـــندها وصـــعد فوق..وهــــي تمت مصـــــدومه منه..ليــــش جـــــــيه يــــرمســــني !!!..يـــــباني اطــــبخ له من اول يـــــوم ..!!..هـــذا يتمصــــخر والا شــــــو!!!..عقب شـوي شــافته نــــازل عالدري وطـــلع بــــرع من دون لاا يعـــبرها..وهـــني عاد مـــارامت تستحــمل تمــت تصــيح من تصـــرفه ويـــــاها من اول يــــــــــوم..
.
.
سيــارة راشــد
سمع صــوت تلفــونه يرن ..شـــاف رقــم غــريب..جـان يرد على طــول..
راشـد: الووو
........: هـــــــلاا والله هـــــــلاا..هــــلاا بحبيبي وعمري وحيـــــاتي..
راشــد: منو انتي؟؟
.......: افاااا يا راشـــد افااا..معقــوله ما عرفتني..انا حبيبتك نــــــوره..
راشــد: هلا هلا نـوره..نعــم فيه شـــي؟
نــــوره: لاا ابـــد حيــاتي بس اشتقـــتلك وقلت اسمــع صوتك..
راشـد: انزين وبعــدين؟
نوره: اشفيـــك راشـــد ..شكــلك الا مستعيل تـــبا تسكــر..قلت الحين متــصله فيك ابغي اظهــر وياك..بس يالله مب مشكله يوم ثاني..
راشــد: بتظهــــرين ويــــاي؟؟
نــوره: هيــــــــه..
راشــد: افااا عليج انا الحين ياي صوب بيتكم..
نـــوره: فــــديتك والله بتـــرياك الحيــــنه..بس انت مــب جــنك معرس يــديد ولاازم تكون ويـا حرمتك الحينه؟
راشــد اهــــــني انصــــــــــدم..
راشــد: شوووووووو؟!!!
نــوره مـــارامت تحــبس دموعهـــا اكـــثر..: والله حــــرام عـــليك..حــبيتك من كـــل قلبي ..مــاكان في شــي شـاغل تفكيري كــثرك..وااايدين خــطبوني وانا كــله ارفض ..مــاكنت متخيـــله حيــاتي ويا واحد غيـــرك..حــتى اهــلي بدوا يشكـــون فيني..اللي اييــوني مافيهم اي عيــب وانا ارفض..بس كـنت اقـول ما عليه..انا مستحيل اخــذ غير راشــــد..والحيـــن اكتشف انك معــتبرني شــرات اي وحــده تاخذ منها اللي تـــباه وتفـــرها ..صــدق اني كـــنت غــبيه وماافهــــم يوم اني حــبيتك ووثقت فيك..
راشـد: نـــــــوره انتي شـــــو تقـــولين ؟!!..انــــا احــــبـــــ..........
نوره تقاطعه: بــــــــس دخيلك بــــــس..بعـــــــــد تبا تقـــــص علي ..مـــــاشبعــــت؟!!!..انت نــــذل وحقيـــــــــــــر
راشــــد: بـــــس عااااد نوروووه ..ثمنــــــــي كلامج احســــن لج..مصــختيها تـــراج
نـــوره: بقــــــــول اللي في خــــاطري ماعاد يهـــمني شــي ..هـــذا اشــويه عليك بعد..مسكيــنه يــا اميره..تعـــالي شـوفي ريــلج شو كــان ناوي يــسوي ..ههه كـــان بيظهر وياي وانتو تـوكم الا امس معرسين..
اهــــــني راشـــــد اتغير لـونه و انربط لســــانه ..حــــاس انه مــــب قادر يــرد عليها..او بالاصــح مب عارف شــــو يقول..قـــــــافط..لااول مـــره يحــس عمره ضـــعيف جـــدامها..
نــوره: هــــــا اشوفك ســـكتتت..هي طــبعا..ههه مـــــاعندك شـــي اتقــــوله..
راشــد: انتي شـــــو تبيــــن مني الحين؟!!
نــوره: انا ماابا منــــك شـــي..مـابا منك غير انــك تدير بــالك على اميــره وتحـــافظ عــليها..واهـــم شـي ..مـــااتخــونها..ترى مهما يــكون اميره بتظــل ربيعتي وماارضــى عليها
راشــد: شوفي اميــــره ابغيـــــج تقطعيـــــن علاقتج وياها فاهمه والا لا..ابغيج تنسيــــنها..
نـوره: لاا مــــــــب عكيفك..هــذاك قبل يــوم ســمعت كــلامك لــكن الحيـــن لاااا..المهم انا مابطول عــليك..مع السلامه..
راشـــد: نوروووه بتنـــــــــــدمين صـــدقيني..
نــوره: هههه شــو بتسوي يعـــني..!!..بتفضــحني عـــند اهـــلي ؟!!...تعــــال اتـــرياك..وانت بعــد اتـــرياني في بيــتكم..تراني اقـــدر اقــول حق اميـــره عن كــــل شــي..
راشــد: صـــــــدقيني يــــانوروووه اذا اميــــره عـــرفت شـــي ماتلومين الا نفســــــج..
نــوره: بـــس هااللي هــــامنك ..اني مااخــــبر اميــــره عن شي..لاا تخـــاف..انا مـــــب نذله شـــراتك..
راشـــد: يالله بــــــــــاي..
سكــرت عــنه نــوره عــــلى طــــول وهــــــي تصيــــح حــــاسه انه قــلبها يتقــــطع..كـــانت تتمــنى انه راشـــد يكون من نصيـــبها..كـــانت تحلم في اليــــوم اللي بتكون واقفه ويـــاه عالكوشه..والصــدفه استوت انها اتشــوف اعــز ربيعاتها امس واقفه ويـــــاه..اااه يـــــــاربي..انا ليــــش افكـــر فيه ليــــن الحيــــن..خــــلااص صــار ملــك لغيري..بس صعـــب ..صــــعب اني انســـاه بهالســــهوله..انا ليــــــــش حـــــبيته ليـــــــــش.. ااه ..كــــنت هــبله ..غــــبيه..لـــكن الحمـــدالله انه انكشـــف وبــــان على حقيــــقته..اكــــــــرهك يا راشــــد..خلااص اكــــرهك كثــر مــــاحبيتك قـــــبل..
.
.
كــانوا يــالسين في الصـــاله يسولفــون بــعد مــاخلصوا غـــدا..
جـاسم: يــالله عيــل انا لاازم اسيــر الحيـــن..
عوشه: ويــــــــن بتسيييير
جاسم: هههه بسير المطــار بعد ويــن بسير..
عوشه: لاااا حـــرام عـــليك ما يـــلست ويـــــانا..جــاسم تم لاا تـــروووح..
جـاسم: ههه مااقــدر فــديتج لاازم ارد ..يالله هـــانت ماباجي الا اربع شـهور واييــكم رافـع راسكم بالشـــهاده..
مــريم: ان شـــــاء الله شـــد حيـــلك..
جـاسم: بسوي اللي اقــدر عليه والبـاجي على رب العـالمين..وانتي بعـــد شــدي حيــلج عاد بنحـتفل بتخـرجنا انا وانتي..
مريم: هــــيه ان شـــــاء الله..اه يا ربـــي متى بــيي هاليــوم..
عوشه وهــي مــبوزه:اشــوفكم نســيتوني..مب جــني انا بعد بتخـرج وياكم..
مريم: ويي فــديتج ..مــاعاش اللي ينســـاج..ان شـاء الله بنحـتفل كلنا بتخرجـنا انا وانتي وجـاسم وحمدوه..
جاسم: هههه يحــليلهم مال مــدارس..احـس بعـدكم ..وراكم درب..
مـريم: لااا اصـلاا مافي احــلى من انك تتخرج من الثـنويه..اتحــس عمرك انجـــزت شـي كبير..
عوشه: بس انا اعرف عمري ما بنجح..
جاسم: افاا والله افاااا..لاا تقـــولين جيـــه..مــانبغي اقل عن 99%..ابغـــي الصحفيين ايــون لين البيت ويسوون ويــاج لقــاء..عقب يصوروني ويــاج ويحطون صورنا في الجــريده..
مريم: هههههه هي هاللي تــباه انته بس تنحط صورتك في الجــريده..
جاسم: هــــيه وعقب لاازم تقوليـــن انه بفضـــلي انا يــبتي هالنســبه..
عوشه: هههه طــــاع وايد تحـــلم انته..يحطون صـورنا في الجريده اونه..ويــــن تبا ..انا لو اييب 80 زيــــــن..وبعــدين شـــو بفضــلك بعد..لاااا بقــولهم عن معاناتي بقــولهم انك ماتقر في البيـــت كله مسافر انزين..
جاسم: هههههه تبا تقولهم قصــة حيــاتها
مــريم: ههههه هي ان شــــاء الله عوشوه تيبين لنا 95 وفوق..ما نــرضى بأقل هاا..
عوشه: يصير خير..
جاسم: يالله عيــــل انا بتوكـل الحين..
عوشه: تـــــــــــــم لااا ..لاا اتسيـــــــر ..
جاسم: مــاعليه فـديتج ان شاء الله اذا حصــلت فرصه اني اييكم بي..
مريم: ديــر بالك على عمرك جاسم وشــد حيــلك..انت ويا امنوا بتسير المطار الحينه؟؟
جاسم: ويــاربيعي ..بيمر عليه الحيـــنه..
مريم: خلااص فــديتك تروح وترجع بالســـلامه..
قامت عوشه وهي تصــيح وســارت صـــوبه وهــو قــام لها وحـــضنها ..
جاسم: هههه بــس عوشوووه بتصيحيني وياج تــــرى
عوشه: انا محـــتاجتلك لاا تسيــــر..
جاسم: حبيبتي اي شـــي في خــاطرج تبين تقولينه اتصــلي فيني في اي وقــــت..
مـريم: يالله عــاد عوشوه عطيني مجــال بســـلم عــليه..
قــامت عوشه.. ومـريم سلمت عــليه وعقب سـار عند امــه وابوه يلس وياهم اشــوي وعقب سلم عليهم وظهــر..
في حجــرة مــريم..
عوشه تمـــت تصيح ومريم تهــديها..
مريم: بس حبيبتي بـــس ..يعني انتي ما تبيــن تشوفين اخــوج دارس وياي لنــا بشهـــاده ترفع الراس..!
عوشه: ...............
مـــريم: بس غـــناتي لا تســوين بروحج جيـــه..
سمعوا صوت مسج من تلفون عوشه..عاد عوشه وقف قـــلبها يوم سـمعت صوت الرنه..سارت مريم وشلت التلفون وشـافت المسج..
(هههه هههه هههه ..دخيــــــلج دخيـــلج بسرعه وايجـي من الدريشه وشوفي الصــــدف كيــــــف ههههـــــــــــــــاي )..
ربعــــت مــــريم صــــوب الدريشه وانصـــــــــعقت من اللي شـــــافته..تمـــــت فـــاجه عيـــونها ..راحـــت عــــوشه عــــندها وهي الثــــــانيه شهــقت و تمـــــت تتنــــافض وقــــلبها بــدت تزيـــد نبضـــاته من الخـــــوف..
.
.
يــــا صوبه وســـلم عــــليه..هــو مســتغرب مـــب عارف منو هــذا..
نــاصر: بـــــــلااك جــــسووووم..مـــاعرفتني..!!.. ههههه يــــــا بو الاقـــلام المـــــلونه
جاسم: هههههههههههه نصــــــــــــــور..يــــاربي انا اقـــول هالشكــــل مــب غريب عـــلي ..بس مــب قادر اتذكـــــر..شخــــــبارك يا ريــــال ويــن انته ما تنشــاف
نــاصر: انــــا والا انته..سمعـــت انك تكمل دراستـك برع..
جــاسم: هييه..وانت تدرس والا شـــو؟
نــاصر: هههه لاا شــو ادرس..انا زيـــن مني طــلعت من الثنويه ..انا اشتغــل ..
جاسم: هههه هي زيـــن والله احســـــنلك..
نــاصر: هيييه ..انا كــنت يــــاي بيــت واحد من الربع اهـــني شــفتك واقف ههه وعـــرفتك على طـــول شــرات ماانته ماتغيرت..هــذا بيتكم..؟
جـاسم: هييه..هههههه بس انت وايـــد اتغيرت..
نــاصر: ههههه هي شــو نسوي بعــد كــبرنا ..
جـــاسم: انـــزين حيـــاك اقرب داخل..
نــاصر: لاا الغـــالي تســلم انت شكــلك بتظــهر
جـاسم: هي الحين اتريا ربيعي يمــر عليه بسير المطـــار..
نـاصر: افااا عــليك ..جـــان تباني اوصـــلك انا حاضر
جــاسم: لاا مشكــــــور ما نــــبا نتعـــبك..هــــذو وصــــل..
نــاصر: خــلااص جســـوم تروح وتـــرد بالســلامه..
جـــاسم: الله يســــلمك..عطــني رقــمك عشــان نتـــواصل..
نــاصر: انـــدوك هــذا رقمي..*******..وانت كم رقــمك؟
جــاسم: *******..يالله لاا تقــــاطع عاد..
نـــاصر: هيـــه ان شــــاء الله..ســلم عــليه وراح عــنه جـــاسم ..وهــو سار وركــب الموتر وهــو طــاير من الفـــرحه..جــان يطــرش مسج حق عــوشه( هههههههههه..هاا شـــو رايج بالمـــفاجـأه؟)..
شــافت مــريم المســـج..وغــلقت التلفــون وكــــانت مقهــــوره منه..وعـــوشه تصيــــح..
عوشه: اكيــــد ..اكيــــد قال حق جــاسم كــــل شـــي..انا كــنت ادري ..كــنت ادري انه شــي مب زين بيستوي فيني اليـــوم..
مريم: لاا مســتحيل ..اصلا لو كــان قايله شــي جــاسم مــاكان بيسير كــان بيرد داخــل والله يستر شو كان بيستوي..
عــوشه: الحيـــــن شو اســــوي ..يقـــدر بأي لحظــــه يفضحــــني عند جــاسم..
مــريم: قــومي ويـــاي..
عوشه: ويــــن.؟
مـــريم: قـــومي بنسيـــــر بيت راشــد...
عـــوشه: لاا لاا ..انا مـــابسير اهــــناكي سيري بروحج..
مــريم: لاا انتي تعــالي ويــاي لاا تخــافين..
عوشه: لاااااااا مريــــوم دخيــــلج
مريم: اوو عوشوه يالله لا تضيعين الوقت خــلينا انسير لاا تخــافين تراج بتكونين ويايه ..
سـارت عوشه ويـامريم وهي مـول مب مقتنعه اتسير بيـت راشـد لاانه تعرف انه راشـد مايباها تسير بيته..اصلا هــو مــب طـايق يشــوفها..دشــوا داخل وعــوشه قــابضه ايد مــريم بالقـــو ..يالسه تتخيـــل انه راشـــد يشوفها الحيــن ويهـــزبها..اميـره كانت يالسه تتطالع التلفزيون في الصاله اللي فوق حسـت انه حد دخــل..نــزلت تحــت وسارت صـــوبهــن..
مريم: كللللللووووووش..مرحبا مرحبا العروس..
اميره: مـــــرااااااااحب ...صـــدق انكم خيــاس ..توكم بس اتذكرتوا اتون عــندي..
مـريم: خيــبه شو هالاستــقبال ..الحيـــن اول مره يايين بيتج وجي تستقبلينا..
اميره: احم احم حيـــاكم حيـــــاكم اتفـــضلوا..عقب بعصــب عليكم
مريم: هههه ويا راســج..مــاشاءالله عليج اميرووو مـــحلوه..
اميره: صـــدق والله؟!!..وااااي جـــان استحي..
مريم: ههههه مول مــب لايق عليج الحيـــا..الا راشــد ويـــــنه؟
اميـره: ماادري عــنه
مريم باستغـــراب: شو ما تدريــن عنه بعـــد..
اميره تــبا تغير السالفه: عوشوه اشـــوفج ســاكته ماترمسين؟
عوشه: مااعرف شـــو اقول ..حمدوه مــابتي؟
اميره: لاا بتــي هي ويا امي وابوي وحمد بس ماادري متى بيــون..
مريم: اميره اشفيـــج؟!
اميره: مـــافيني شـــي ..ليش؟
مـريم: انا حــاسه انه مسـتوي شي بينج وبيـن راشــد..والا المفروض الحين تكونون ويا بعـض..
اميره: والله اســـئلي اخوج..
مريم: اميــره قوليلي شــو مســتوي؟
اميره: اخوج هذا يبا يصــارخ علي وبس..اتخــــيلي كــان يــباني اليوم اطــبخ له الغـــدا ولا جـني بعـدني عروس..ومســوي عمره مايعرف اني انا مااعرف حق هالســوالف..
اول مـاخلصت اميره كــلامها دش راشــــد..اهــــني عوشه انقبـــــض قــلبها ولصــقت في مــريم وتمت تصيــح من الزيغه..


مــريم: هلا والله المعـــــرس..
راشــد: اهليــــن مــــريــ.............(انتبــه على عـــوشه اللي كـــانت موخيه راســها )..وراح صـــوبها وهــــو معصــــب ..مسكـها من ايدها وقومها: ولــــــــج ويــــــه بعد اتيـــــين بيـــــتي مســـــودة الويه!!!..طــــــلعي بــــــرع..بـــــــرع
ركضــــت عـــوشه صـــوب البــاب وهي تصيح وســــارت اميـــره صــــوبها ومـاخلتها تطــلع
اميره: اشفيــــك انته اشفيـــــك عالبــــــنت..لوت عـليها وودتهــا داخــل..
راشـــد كـــان بيلحقهم بــــس مـــريم زخــــته..
مــريم: راشـــــد ..ممكن ارمس ويــاك اشــوي؟
راشـــــد: اول شــــــي عوشووه تطــــــلع من اهني
مــريم: راشــد ايـــلس برمســـك..
راشـــد: هااا يــلسنا ..يالله قولي شــو عــندج..
مريم: عـــندي شيئين برمســك عنهم بس انت اول شـي اهــدا..
راشــد: يــالله قــولي..
مريم: اول شــــي اميـــــره..انت مقتنع باللي ســويته اليــــوم..تقعد تصــارخ عليها لاانها مــاطبخت لك!!!..انت شايف انه هالتصــرف وايد زيـــن؟!
راشــد: خيـــــــــبه وهاي عـــلى طول ..كـــل شـــي لاازم تنشــــره..
مريم: يعـــني الحين لاانها قــالت لي انا يعني نشــرت!!!..وبعدين هي ماكانت بتقــولي انا اصريت عليها اتقــول..يعني بــذمتك ادش بيتكم وانا اشـوفها يالسه بروحها وانت طــالع ..وانتوا بعدكم معاريس يــدد اكيــد بشــك انه في شـــي من بينكم..
راشــد: هـــــيه يعني مو المفروض هي اللي تطــبخ لي الحيــــن؟!!
مريم: اوكي تــطبخ لك ماقلنا شــي بس هب من الحيــــــن..حرام عليك توها عروس ..يــا راشـــد مافي شـــي ينحل بالصــــراخ..كــل شــي بالهداوه..يـــعني الحيـــن لو كــــنت قايلها بطـريقه حــلوه انك تباها تطــبخ لك ..يعني عالاقــل عقب مب الحين..صـدقني ماكانت بتقــول لااا..راشــد اميــره اتحــبك واااايد ومــابترد لــك طــلب..
راشـــد: انــزين وشـو المطلوب مني الحيـــن؟..شــي واستوى خلااص..
مريم: شو شو المطلوب بعــد..الحين لاازم تسير اتراضيها..
راشــد: انـــزين..وشو الشــي الثــــاني..؟!!
مريم: اممم الشـــي الثاني ..امممم عــــوشه..
راشـــد: لاا اتيـــــــــــبين طــــاري هالانســــانه جــدامي ترى بســـير اذبحهــــا الحين..
مــريم: بتــذبحها؟!!..راشــد لو انا كــنت مكان عوشه كــنت بتذبحني؟
راشــد: انتي غيـــــــر ..انتي مســــتحيل تســــوين ســواتها ..
مريم: مافي شـــي مستحيل..انا اقــولك اذا كــنت مكــانها ..كــنت بتذبحني والا بتسمعــني اول شــــي..؟!..يمكن اكــون مظــلومه..
راشـــد: لاا تقـــــــولين لـــــي عوشوووه مظــلومه..تراني ما بصــدقج
مريم: شوف انا بقـــــولك السالفه من اولــــها ابغيك تســمعني..وانت احــكم..وقــالت له الســالفه من يــوم ما عــوشه تعــرفت على سـارة ليــــن اليــوم اللي ظـهرت ويا نـاصر..
راشــــد: لاا واللـــــــــــــــــه..قالها اظهـــــري ويــــاي وعلى طــــول ســـــارت..
مريم: انا ادري ..ادري انها غــلطت يــوم سـارت ويــــاه بس يــاراشـــد هي كـــانت زايغه منه ومن تــهديداته..راشــد الحين اللي صــار صــار..البنت لاا ليلها ليــل ولانهارها نهـــار..وهــذا بــدا يمصــخها يطــرشلها مسجـــات ويهددها..ابغيــك تتصـــرف اتســــوي شـــــي..راشــد عشــان خاطري ترى عـــوشه اخـــتك وانت اكيد ما ترضى عليها تتأذى
راشــد يـــــاخذ نفـــس عميق : ويـــن تلفونها..؟
التلفون كـان عــند مريم ..فتحـــته وعطـــته جـــان يوصــل مسجين كــانوا من نـــــــاصر..فتح راشــد اول مسج ..كــان مكتوب فيه (هــــــا ويـــــنج؟!!..ليش ما تردين علي؟؟)..والمسج الثاني (شوفي لا تيلسين اتسوين لي هالحــركات..انا ابغي اشــوفج اليـــــوم..والا ...........اتعرفين شو بيستويلج)..قــرا راشــد المســـجين وهـــو مفــــول عليه..لــو كان جــدامه في هالوقت جـــان ذبحـــه..
راشـــد: شـــوفي الجــلب شو مطـــرش
قــــرت مــريم المسجيــــن وانقــهرت منـــه..
مــريم: شــــفت..كــــله ييلس يهدد..
راشــــد: انا بــــــراويه الخـــــايس..كــتب راشــد مسج من تلفون عــوشه (قول وين تــبا اتشوفني..وانا بييك)..اســــتانس نــاصر يـوم قــرا المســـج لاانه تهـــديده يــاب فــــايده..ورد بمســج ...(شـرات المره اللي طــافت ..انا بييج عــند البيت وبنسير )..رد عــليه راشد وهـــــو مقهــــور منه من الخــــاطر..(لاا انا اخــاف ..انت اتفق عالمكـان وانا بييك اهنــاك..ومن اهنـــاك بركــب ويـــاك وبنسيـــر المكان اللي تــباه)..استغرب نــاصر من اسـلوب عــوشه هالمــره..اتفق عالمكــان..!..وانا بييك!..وبنسير المكـــان اللي تــباه!..يعــني معقــوله من الزيــــغه..هي اكيــــد ميــته من الزيغه اتخــاف افضحها عند جــاسم..هههههههههه والله انها غـــبيه..كــتب نــاصر المكــان اللي بيتلاقــون فيه والوقت.. وطــرشه ..

عــند عوشه واميره..عــوشه قــالت كــل السالفه حق اميره لاانها ماكانت تعــرف..انصــددمت اول شـــي بس عقــب تمــت تهــــديها..دشــت عليهم مــــريم..
مــريم: خــــلااص عوشوه جــريب وبتفتكيـــن من هذا اللي مـــايتسمى..
قـــامت عوشه من مكـــانها وسارت صــوب مــريم: والله؟!!..كيــــــــــف؟؟
مــريم: قــلت حق راشــد عـــن كــل السالفه والحمدالله انه اقتنع..طــرشله مسجات من تلفونج واتفقوا على المكان اللي بيتشاوفون فيه..وبيهــــزبه راشــد..
اميـــره: زيـــن والله الحمدالله..يستـــاهل ..
عوشه: مـــريوم دخيــلج لاا تقصيــن علي قولي الصــــج..
مـريم: اشفـــيج هــذا الصج ..ولــــو تبين تتـــأكديــن تعـــالي ويــاي بوديج عــند راشــــد..
عـــوشه شــــــهقت: لااااااااااااا مستحيييييييييييييل..
مـريم: شو لاااا مستحيـــل ..بلااج ..مـــابيــــاكلج هـــو..يالله نشــــي ويـــاي ..
عوشه: مــريووووم والله اخـــــــــاف..
مـريم لاا تخــافين دام انــج ويــــاي..يالله نسير..مسكتها مريم من ايدها وودتها ليــن الصاله واميره ويــاهم..عوشه كــانت تتنافض ومتخيــله في اي لحظــه راشــد يصارخ عــــــليها ..كانت تتقــرب منه شــوي شـــوي ليـــن ما وصـــلتله..
حــــبته عــــــلى راســــه وهي تصــــيح: انـــــا آسفه ..هــــــاي غلطه ومستحيــــل تتكـــرر ..واتعــلمت من هالغــلطه درس عمـــري مابنســــاه..نــزل راشــد راســه..واميــره ومــريم اتأثروا بالموقف ودمعــــوا..السكــوت كــان سيــد الموقف في هاللحظه..قطـــع هالسكوت صــوت البـــاب وهو ينفتح..دشـــوا بو حمد وام حمد وحمد وحمده..ســارت اميره صــوبهم ومـريم ويــاها..وعوشه مســحت دموعها عالسريع ولبست شيلتها ولحقــتهم وسلموا عليهم..وراشــد بعد نش وسـار يسلم عليهم..
اميــره: فـــــديتكم والله اتـــــولهت عـــــليكم..
شيخه: ونحـــن اكــثر والله فــديتج..
راشــد: ليــــش واقفيـــن..حيـــاكم اتفضــلوا..
يلســوا كــلهم في الصـــاله..حمـــد مـاشال عيـــونه من مـــريم..كــان يالس يطالعها وهي مستحيــه..وعــوشه خــبرت حمده عن اللي بيسويه راشـد واستانست ..وتمــوا يسولفون..
.
.
كــانت يالسه في الحجــره..تســـولف ويـــاها في التــلفون..وعيـــونها عالبــــاب..خـــايفه في اي لحــظه يدش عليها ..
فاطـــــمه: والله انا اشتــقتلج اكـــثر يااخـــتيه..شخـباركم وشـو علومكم.؟
......: والله الحمـــدالله انتـــوا شــلونكم....؟؟وشــلون العيـــال؟؟ان شاء الله كلهم بخير..
فاطمه: كــلهم بخير الحمــدالله..شو مـــب ناوين اتـــونا اهــني ..والله في خاطري اشــوفج يااختيه واشوف منـــال ونواف ودلال..
خــديجه: اهمـــا بعــد خاطرهم يشوفونج ويشوفون عيال خــالتهم..عوشه وجـــاسم..
فاطمه: وييي فــديتهم والله..يالله عيـــل تعالو اهــــني..
خديجه: اييه آنا قلت بكـلم مشعل بس مااعتقد بيـــقدر..تدرين بعــد ظروف شــغله..لكــن آنا بقوله..
فاطمه: هيييه دخيــــلج حــــاولي..
خديجه: زيــن فــاطمه هذي منــــال تبي تكـــــلمج..
فاطمه: فـــديتها انا ..
منـال: سلاام عليكم..
فاطمه: وعــــليكم السلام..هلا والله هلا فديتج..اشحالج يا بنيتي؟
منـال: اهلين خــالوو..آنا تمام انتي شــلونج؟؟
فاطمه: والله الحمدالله بخيــر دامكم بخيــــر..
منـال: خـــــالوه يعني ما يصيــر جــذي لاازم اتونــا الكويت نبي نشوفكم..
فاطمه: فــديتج والله انا لو بيدي جـان يـيتكم اليـوم قــبل بــاجر بعد بس تعرفين الظــروف..
منال: والله مــاشفتج الا بالصــور الجديمه اللي عـند امي..ابغي اشوفج الحيـــن اشلون صــايره وابغي اشوف عــــوشه وجـــاسم..
فاطمه: ان شـــــاء الله اذا الله اراد بتشـــوفينهم..
منــال: خـــالوه ابغي اكــلم عوشه وجــــاسم..اهما عــندج الحيـــن..؟
فاطمه: لاا فــديتج جــاسم ســافر اليــوم وعوشه في بيــت اخوها..لكـــن ان شاء الله بخــليهم يرمســونكم يـــوم ثـــاني..
منــال: ايييه ان شـــــاء الله..انزين خالوه هذي امي بتكــلمج..
خــديجه: هلاااا فـــــاطمه..
وجــان ينفتح بـــاب الحجـــره..
فاطــمه: خخلااص عيــل ام سعيــد انا بخــليج الحيـــنه..
خديجه: ايييه دخـــل ..خــلااص يااختي تكفيـــن لاا تقـــاطعين..
فاطمه: ان شــــاء الله فــديتج ..يالله مع السلامه..
خديجه: مع السلامه..
عــــلي: يالله قومـــي بنسير بيــــت راشــد كــلهم هناك..
فاطــــمه: انـــزين يالله نسيــر صح اني مــب طايقه اشوف ولــدك بس تراني بسير عشان اميره..
عــلي: فكيــنا الحيـــن وخــلينا نسير ..
فاطــمه: يالله نسير
.......................
نـــزلت من السيــاره واول ما تبغي تــدخل البيـــت تسمع صوت هــــرن ..تصــد وراها وتسير صـوب الســياره..
شــهد: اووووه انت اهـــني..انا عبــــالي مســافر..
نـــاصر: لاا والله..من ويــــن يايه؟؟
شهــد: كــنت طالعه ويــاربيعتي
نــاصر: ومنـــــو سمح لج تطــلعين ويـــــاربيعتــج روحـــكم؟!!
شهــد: والله انا قـــلت شمســـه وهي خلتني اسير
نــاصر: لاا والله شمســــه اخــتج..وانا اخـــوج يعني المفروض تقولين لي انا..
شــهد: انت اشفيك علي اليـــوم..وبعــدين انا متــى اشوفك عشـــان اقولك!!!..انا عبــالي انت مســافر..
نــاصر: زين زين يالله دشي داخـــل..
شــهد: انــــزين..
........................
من بــعد ما طــلعوا قــوم بو حمد من بيت راشــد ..ردوا البيــت وحمد اصــر على مــريم الا اييبها بيــتهم..كــان ميــلسنها جـــدامه وهي حـاطه شــيلتها على جتفها وفــاله شــعرها الطـــويل كـــانت وايد حــلوه ماشاءالله عــليها..وحمد يــرسمها وهـــو في قــلبه يـــتفداها ومتخــبل على هالجــمال..دشـــت عليهم حمده وســارت ورا مــريم وحــطت ايديها عــلى جــتفها....
حمده: احم احم...ارسمــــني ويــــاها..
حمد: سيري سيري منــــاك..انا ابغي ارسم الورد بروحه مــب ويا السماد..
مريم: ههههههه حـــرام عليك...
حمده تشــــهق: انا ســــــــماد؟!!!!!!!!..ما عليه ما عليه..بسـوي عمــري ما سمعت هالكلمه..تـــرى الغيـــره احيـــانا اتخلي الواحد يـــقول كــلام وهو مــب حاس بعمـــره..عادي عادي انا مـــب زعلانه..
حمد: ههههه اندوكم..اغار من شــــو ..من جمــــالج !!
حمده: طـــبعا طــــبعا..لااني احلى عـــن مريووم..
حمد: لاا عــــــــــــاد مافي حــــد احـــــلى عن حبيبتي ..
حمده: عشـــــتوا منو قــدج مــريوم ..
مــريم: ههههه شفتي عـــــاد..لاا فديــتها حمدوه بعــــد حلوه..
حمده: ادري ادري يـــا زوجـــة اخي..
حمد: انــزين انتي شــو تبين الحيـــن تراج خــربتي عــلي..
حمده: هــــاي مب جـــنها طــــرده..
حمد: هيــه..زيـــن انج تفهمين..
مــريم: لاااا حـــرام خـــل اتــم حمدووه..
حمده: ههههه يحليلج يا مرت اخوي ومنو قــالج بطـــلع
حمد: انـــزين اذا بتميــــن يــلسي وانتي ســـاكته اذا بطلتي حلجج بتطــــلعين غصــبا عـــنج..
حطـــت ايـــدها على حــلجها وهي تهــز راسـها بمعـنى ان شــاء الله..بس عــاد مارامت اتــم ساكته جيــه لاازم تــرمس..كــلما ترمس اشــوي يطــالعها حمد بعصــبيه وترد تســـكت ومـريم تضــحك عليها..
.....................
دشــت اميــره الحجــره وشــافت راشــد واقف جــدام التسريحه ويعـدل السفــره وشـكله بيظـــهر..
اميره: ســاير تتعشـى برع بعــد..؟..هيــه سيـــر حبيبي سيــر ..أنـــــا آســفه مــــاطبخــتلك..اتمنـــى انك تســامحني تعرف بعد قــوم ابوي وعمي يــو..فما حصــلت وقت..
اطــالعها راشــد وهــــو بــوده يـــنفجر من الضحـــك..
راشـــد: تتطـــنزين حضــرتج؟؟
اميــره: لااا حشــــا..مااطــــنز..
راشــد: انــزين ما ســـئلتيني ويــن رايح..
اميره: لااا اخــاف اتصــارخ عــليه ..انت الحيــن خلااص عـلى كــل شي تبا اتصارخ..
راشــد: هههههههههه..خلااص بــوي آسفيــــن..
اميره: مــــابطوفها هالمــــره انــــزين...
راشـــد: خلااص طــوفيها..مانباج تطـبخين لــنا الحيـــن..بس تتعلميــن هااا..
اميره: بس انا مــب متخيـــــله عمري في المطــبخ..
راشــد وهــو يغمــز لها: علشـــــان خـــــاطري ..
اميره: خـــــلااص رضيــــت..بطبـــخ لك اللي تبيـــه..
راشـــد: زيـــن عيل انا بطــــلع الحيـــــن..
اميره: بيي ويـــــاك..
راشـــد: وين اتيـــن وياي..ســـاير اضارب..
اميره: هيييه صـــح بتسير اتشوف هــذاكي اللي امأذي عوشوووه..راشـــد دير بــالك على عمــرك عن يســـوي فيك شـــي..
راشـــد: الا قـــــولي انا اللي بســــوي مب هــو..انا نـــاوي عليه الجـــلب..
اميــره: وانت بعــد شوي شـوي هاااا..مافينا عالمشــاكل..
راشــد: انــزين تامرين عــلى شــي..
اميره: ســـلاامتك..تحمـــل على عمـــرك..
راشــد: ان شاء الله..

وراح راشــد المكــان اللي قــال عنه نــاصر ..وصـــل هناك وشــاف الســياره اللي قــال عنها نـــاصر..نــزل من السيــاره وســار صوب السيــاره ودق عالجـــامه..نــزل له نــاصر الجــامه وهو مســتغرب..
نــاصر: نعــــــم..
راشــد: انــزل من الســياره برمسك..
نــاصر: ليـــش انت تعرفني؟؟
راشـــد: ولا يشــــرفني اعرفك..انـــزل اقــــولك..
نــاصر: شــــو تبا انته..مــب نازل شو بتسوي يعــــني..
راشـــد: لـــو ريـــال انـــزل
نــــزل ناصر من الســـياره: ريــــال غصــبا عنك انزين..شـــو اللي براســك انته..
مســكه راشــد من كـــندورته وســنده عالسيــاره وهو يصـارخ بويهه: شـــوف يالجــــــلب..اللي تتــــرياها الحيــــن تراها مــــابتي..انا اللي كــــنت اراسلك من تلفـــونها تــــراها اخــــتي..وخـــــل اشــوف بس مسج واحد منك على تــلفونها مااتــلوم الا نفســــك ..عيـــل تيـــلس تهدد هــــا يالخــــام..
دفعه نــــاصر بيــــده بقــــوه: قــــــوم عــــــني..والله اخــــتك روحها كـــانت تركــض وراي مــب انا..هي روحهــا اللي اتـــطرش مسجات وتقول تــبا تطــــلع ويــــاي..
راشــد: احـــــــترم نفســـــك احســــــن لك ..مب انت كــــنت اتهـــددها انها اذا مــاطلعت ويـــاك بتخـــبر عــليها..هـــذا نحــــن عـــرفنا ..وصــدقني ..صـــدقني اذا شفتك امطـرش لها مسج والا متصـــل فيها بـــــتندم..بتطيــح نفسك في مشـــاكل انت مـــب قــدها..
نــاصر: خــلااص خـــلااص يا بوي مــا بنطـــرش شـــي
تفــل راشـــد على ويهه وســــار من عــــنده وهو تـــم واقف مقهــــــور..سويتيهــــا..ســــويتيها يا عوشووووه..لــــكن انا بـــــراويج..انا بـــراويج..
......................
خــوله ومــنى كانوا يـالسين في الصــاله يتــريون مــايد..كمن مــره اتصــلوا فيه وتلفــونه مــغلق ..فكــانوا يالسيـــن يحــــاتونه..
خوله: دقــي عليه مــره ثانيه...شــوفي يمكن ايرد عــليج..
مــنى: ان شـــاء الله..
خـــوله: هاا رن.؟؟
مـــنى: لاا مغــلق..
سمعـــوا صوت ســياره دشت القاراج ..عـــلى طــول طــلعوا وســاروا صـــوب السيـــاره..نــزل مــايد وهــو يطــالعهم..
خــوله: مـــايد انت ويــــــنك..والله حــرام عليك خــليتنا نحــاتيك..وتــلفونك بعد مغــلق..
مــايد: مافيني شــي لاا تحـــاتون..
خوله: انــزين قــول فــديتك شو قــررت..
مــايــد بصــوت مخنوق: خـــلااص اللي تشوفونه..
خــوله: صــدق والله؟؟!!..يعـــــني خــــلااص ..اقتنعــــت بكــلامنا..
هـــز مــايد راســه بمعـــــنى هي..وســــار من عــندهم وهـــو يـــدمع وقـــلبه يــــعوره..
خوله: ويي الحمدالله..الحمدالله انه اقتنع بكــلامنا..اوفف ماتتصــورين يامنى شقــد هالســالفه كانت شاغلتني..
مــنى: يالله الحمدالله..عاد الحيــن لاازم نشــوفله وحده ثــانيه..
خوله: هيه اكيــــد..بس انا اول شــي خل اتصــل في ام البــنت واقولها خلااص ماصار نصيــب وعقب ان شــاء الله بدورلــه على شـيخــة البنات..
منى: وليــش تدورين..البــنت انا حــاطتنها في بالي..ربيعتي نوال..شــو رايج فيها؟؟
خوله: امم نــوال..بـــنت حــلوه وحــبوبه..
منى: خــلااص عيـــل..تبيني ارمسهــا؟؟
خــوله: لاا لاا اتــريي اول شــي بنقــول حق مــايد
منى: خــلااص اوكي..
..................
راشــد وهو في الموتر اتصــل في محمد ربيعــه..
محمد: مــرحبا مــرحبا المعرس..
راشــد: مراااااحب ..اشحــالك؟؟
محمد: والله تمـــام..شحـــالك انته ..وشخــبارك؟
راشــد: والله الحمدالله..
محمد: زيــن زيــن انك تـــذكرتنا..قــلت الحيــن خلااص بتنســانا..
راشــد: هههه لاا والله مـــاعاش اللي ينســــاك..انزيــن اقول..انا ابا اسير المزرعه اليـــوم..يــاخي مــب قــادر حــاس بصــداع
محمد: هههههه لاااا لاااا شــو تسير المزرعه ..ايلس عــند مرتك مب حــلوه والله..
راشــد: مــاعليك انته انا المهم اليــوم لاازم اسيـــر..
محمد: ليــش انت ماوراك دوام بــاجر..
راشــد: ههههه لاا ابــوي عطــاني اجــــازه شــهر اوني معــرس..
محمد: هههه زيــن زيــن امنوا قــدك عيــل..والله جــان تبــا اتسير المـزرعه سير عـادي بيكونون هنــاك الجماعه..
راشــد: خــلااص اوكي الغالي بخــليك..
محمد: اوكي الشيــخ يالله مع الســـلامه..
راشــد: مع السلامه..
ســكر عـــنه واتصــل في اميـــره..
اميره: هلا حــبيبي..
راشــد: اهـــلين..شو تسوين.؟
اميره: مــاشي يــالسه عنــد عوشه..قولي شــو ســويت ترى عــوشوه على اعصــابها..
راشــد: خــلااص لو فييه خيـــــر خل يتصل او يطــرش مسج..انا تلفونها بخـليه عــندي..
اميره: هيــه احســن زيــن تسوي..يعني خــلااص مــابيأذيها مره ثـــانيه..
راشــد: لاا طــبعا ..انــزين اقولج..انا اليــوم بــتأخر فيلليل ويـمكن ماارد الا عالفيــر..
اميره: ليــــــــــــش؟؟
راشـــد: عــندي شــغل ويا ربيعي لاازم اخــلصه ..
اميره: لاا والله..ولاازم انته اللي اتخـــلص هاي الشغـــله..ربيعك مايعرف انك بعــدك معرس يـديد؟!!
راشــد: هي لاازم انا اللي اخــلصه ويــاه وفي اقرب وقـــت..
اميره: يعـــني انا اتم ابروحي في البيــــت؟!!..
راشــد: خــلي عوشوه تيلس عــندج ولـــو ترقد ويــاج بعــد بيكون احســن..
اميره: اليــوم مول مايلست ويــاي..قلت الحيــن بنظــهر ويا بعــض..
راشــد: ولا يهــمج ..باجر ان شــاء الله..
اميره: خــلااص اوكي..
وســكر عنــها راشــد..وســـار المـــزرعه..
.....................
بعــد مــاتأكدت ان كــلهم رقـــدوا ..لبست عــبايتها وشــيلتها وظــهرت من البيــت وركــبت السيــاره..
مروه: شــهد ..انا خــــايفه..انتي متأكده ان هاي الشغـــله ما بتطـــول ؟؟
شــهد: بلاج حبيبتي لاا تخــافين تراني ويــاج..هي ما بتطــول..بس تعالي انتي بتين جيــه؟!!
مروه: هــيه ليش شوفيني؟؟
شـهد: لاا عيــوني لاازم تكشــخين..شوفي انا بوديج وياي البيــت وبعطيج شـي حلو تلبسينه وبحط لج مكيــاج..
مروه: خيبه خيـبه ليــش كــل هاا..جـــيه وين مــوديتني انتي؟؟
شـهد: يا مـروه لاازم تكــشخين شـوفي انا كيــف..شو تبين يــقولون عــنج وانتي ويـــايه؟!!
مروه: انــزين يــالله..انسيــر..
وفعــلاا ودتها شـهد بيتهم ولبســتها شـي حــلو وحطت لها مكيـاج خفيف وغيــر من شــكلها واااايد لاان اول مــره ينحط على ويهــها مكيــاج..وطــلعت حـــــلوه وااااايد..حـتى هي يــوم شـافت عمرها استغربت واستانست على هالتغيير..عقـبها ودتها شــهد المكــان اللي اتقــول عـــنه..دشــوا داخل ومــروه مول مــب مرتاحه من الوضــع ..قــابضه ايـــد شــهد بالقــو وشـهد بدورها اتهــديها وتقـولها لاا تخــافين..ودتها في وحــده من الغــرف وقــالتلها تيلس هنــاك..
مروه: لااا لاا شـهد لاا تخــليني ..يلسي ويــاي انتي وين بتروحيـــن..
شـهد: اشفيــج مروه لا تخــافين انا دقـــايق بس..الا ثــواني بسير وبرجع لــج..لا تخــافين خليج كووول..
راحــت عنــها شهــد وتمــــت هي زايغـــه..لاان اللي شــافته برع توها وهي داخله مــول ما يطـــمن..سمعــــــت صــــوت بــــاب ينفتح صـــدت وراها عـــلى طـــول بخــــوف..وشـــافته دش داخـــــل وقفــــل البـــــاب اهنــــي هي تمت تتنــــافض ..تقــــرب منها راشـــــــــد وهـــــو مــب معتدل بمشــيته ويتمــــايل..ويبتســـم لها بخــــبث...
اهـــــني هي تمــــــــــت تصيــح وتصـــــــــــارخ..شـــــــــــــــــهد..شــــــــ ـــــــــهد ..ويـــــــــــــــنج شـــــــــــــــــــهد.....

الجزء السادس عشر

الفصل الاول

شـــــــــــــــــهد..شـــــــــــــــــهد ..ويـــــــــــــــنج شـــــــــــــــــــهد..نشـــت من مكـــــانها وهي تــرد على ورا وتطــالعه بنظــرات ترجي انه يبـــتعد عـــنها ..ليـــن مادعمت اليــدار ..وهي تصـــارخ وتترجاه..الله يــــــخليك ..الله يـــخليك لا تســــوا فيني شــــي ..خلني اطـــلع..بس هـــو ولا حــاس بعـــمره..قبـــض ايــدها ويــرها صــوبه وهــو يضحك بخــبث..
مــروه وهـــي تصيـح شرى اليـهال: هـــــدني هـــدني حـــــرام عليك هـــــدني ..الله يـــخليك..ابغي ارد البيــــــت..شـــــــــــهد..شـــــــــــهد انتي وييييييييييين شهـــــــــــــد..
راشــد ولا كــأنه يســـمعها فصــخ شــيلتها بــيد وتم قابض ايدها بيـده الثانيه..
مــروه وهي حاطه ايدها على راسها: لاااااااااا دخيــــــــلك لااااااااا ..ابغي شـــيلتي ييب شــــــــــيلتي يــــــــــيبه ..
قــربها صـــوبه زيــــاده والابتسامه الخبيــثه مرسومه على ويــهه ..
مــروه وبكـــــــل ماتمتلك من قــــوه دزته لــدرجة انه طـــاح عالارض ..حـــتى روحهـــا استغربت من تصـرفها ..تمــت واقفه مبهــــته وحاطه ايدها على حلجها..وهي تتنــافض من الخــوف..راشـــد كــان يـطالعها وهــو عاقد حيـــاته وشكــله تــوه استوعـب اللي يالس يصيـر.. شــافت انه وقفتها جيــه مامنها فــايده ..لاازم تشـرد هاي فرصـتها..وعالســريع خــذت شيـلتها اللي كانت طـايحه عالارض ولبستها وســارت جــدا البـــاب وفتحــته وطـــلعت..وراشـــد مــاشال عيــونه من عـــليها وتم يطــالع البـاب وهي تطـلع لين مااختفت عن انظاره.. وشكــلها الطيــحه اثرت فيه ورجعــت له عقـــله.. نش من مكــانه وما همــه شـي وسـار يكمـــل سهرته..مــروه طــلعت من هالمكــان وهي تــركض ..زقرتها شــهد بس مروه ماردت عــليها ..طــلعت تركض عاالشــارع وهي منهــاره من الصيــاح..حــاسه بخــوف ومــب عارفه ويـن تسير بهالليل..فجــــأه سمــــعت صوت هـــرن وراها لاانها كــانت تركض في وســط الشــارع..فســارت على طــول على الطــــرف ووقفت وهي تــدعي في خـاطرها انه اللي في السيـاره يساعدونها..وقفـــت السيــاره واللي كانوا فيها شـلت شــباب..نــزل واحد منهم الجــامه..
....: هلا هلا ..حيــاج الشيخه.. اركبي ويــانا..
اول ماانتبهـــت عالصوت وشـافت اللي في السيــاره زاغـــت زيــــــاده وتيبــست في مكــــانها..
....: تعـــــالي بلااج..شــــو حلال عاللي ودرج اهني وحـــرام عــــلينا ههههههههههه..
مــروه تــــمت تمشــــي عالســـريع والســياره بـعد ويــــاها..
.....: يالله عـــــاد تعـــــــالي..
في هاللحــظه تمت تـــدعي من كــــل قلبــها ان هــاييله يروحون عــــنها وتصـــيح من الخـــاطر..
....: ياخي شـو تبابها خل البنت في حـالها خلنا نسير..
....: اقوووول ســجلي الرقم عـــندج*******..وراحــــوا عـــنها.. اهنـــي بس حســـــت براحه وحمـــدت ربـــها انهم راحــــوا..
بس الحيـــن شو بتســوي..ويـــن بتسيــر..يـــمكن اتمــــر عليها وايد من هالسيايير اللي ممــزوره شــباب ..ومب كــلهم بيخـــلونها في حـــالها..هي حـــتى مــاعندها تــلفون تتصــل في حـــد..وأهــــلها..اذا امها او يــوسف نشــوا على غفــله ومــالقـــوها..شــو بيســوون ..اااااه انا ليـــــش سمعـــــت كـــلامها..شــــو اللي خــــلااني اييي ويــــاها اهــــني..اااه يــــــــــارب ســــاعدني..وقفــت وحطت ايدينها عــلى ويـــهها وتمـــــت اتصيـــح..عـل وعســـى حـد يشـوفها ويشـفق عــليها ويــوديها البيــت..اتـــريت شــــوي على هالحــــاال بس شــافت ان مــالها الا شـــهد..هي حــاسه بخـــوف فضيــع وهي بروحهــا عالشـــارع..ردت تــركض صــوب المـزرعه وهي كـل شـوي تتطـالع وراها من الزيــغه..دشــت ويــلست برع عــند حجــرة الحــارس عشــان من تـطلع شـهد تشــوفها وتــوديها البيـــت..بس هاللي تـــباه هيـــه..تبـــا توصل البيـــت ..وتمــت جي يــالسه وململمه عمــرها وتصيـــح على اللي ســـوته في عمـــرها ..وهي على هالحــاله مـــره وحــده تفـــز من الصــوت اللي تســمعه..
حمدي: أهلا أهلا..أكيــد انتي اللي جــابك سي محمد عندي الليله دي..هههه اتفضــلي قــوه تعـــالي..
نشـــت مــروه من مكــــانها وهي تبتــعد عنه وهــو يتقــرب..
حمدي: مـــالك..خايفه ليـــه؟؟..تعالي..
طــــــلعت مــــروه بــــرع عـــلى طـــول وهي تـــركض..
حمدي: اللــــه !!!..مــالها دي..؟!!..هــوا انا قــلتلها ايـــه عشان تسيبني كــده ؟!!
تمـــــت تـــركض ليـــــن ما تعــبت خـــلااص مافيها حيــــــل وقـالت بتـوقف اهــني بتتريـــا شهــد يوم بتظــهر من اهنــاكي يمكن اتشـوفها وتــوصلها البيـــت..وهي واقفـــه وتتنفــس بشكـل سريع من التعــب وبنفس الوقت اتصيــح تشــوف ليـــتات سيــاره من بعيـــد..عــلى طــول اتحــرك ايــدها عشـان توقف السيــاره واللي فيــها فيـــها..ووقفــت السيــاره وكــان فيها شـــاب اول ما شافته تمت تدعي في قلبها ان يسـاعدها ..اول شــي مابغــى يــوقف لها كــان زايغ انها مااتكــون من الانس في هالوقـــت..بس شكـــلها خــلااه غصـبا عــليه يــوقف لهـــا..كــانت تغمـــض واايد ..ومبيــن عليها صغيـــره البـــنت..وقــف ونــزل لها الجــامه وهــو عاقد حيــاته ومســـتغرب..
.....: نعــــم اخــــتي..
مــروه وبصوت متقطع : الـــله يــ ــ ـخليــ ــك اخــ ــ ــ وي الله يخــ ــ ـ ليـ ك لا تســوا فيـ ـ ـ ني شـ ـ ـي بـ ـ ـس ردنـ ـ ـ ـي البـيت
اهــــني زاد اندهــــاشه..وتــم يطـــالعها وهــو مبقق عـــيونه..شو ســـالفتها هــــاي..بس شكــلها كــان يكــسر الخــاطر..اكيـد وحده ضـايعه عن اهـلها او شـي من جيـه..
.....: أفا عــليج اخــتي..تعالي اركبي بـوصلج..
مـروه: بـ ـ ـس دخيـ ـ ـلك لا تسـ ـ ـ وا فيني شـ ـ ـ ـي
.....: افا عـليج اختي لاا تقولين هالكلام انا واحد خايف ربـــي ..
ارتـــاحت مروه منــه وشـافت انه هـذا هو الحل الوحيد عشان اترد البيــت..ركـبت الموتــر ورا..وطـول الدرب وهي موخيــه راســها وتصيــح وتشــاهق..وهــو كان متعجـــب من امــرها..كـان يطــالعها من الجـامه الصغيره اللي عـنده وفي خـاطره يعرف سـالفة هالبنت..
......: اختي ماقلتيلي انتي شــو اللي مودنج هناك؟
مــروه رفعــت راسها وردت نـزلته وهي تصــيح مب رايمه تـــرمس ..قـال في خاطره شكـلها هالبـنت سالفتها سـالفه..
.....: انزين ممكن بس اتدليني ويــن بيتكم الحيـــن..
مـروه: ان شاء الله..وتمـــت تدليــه بيتهم وهي ترمــس بصــعوبه لاانها ترمس وتصيـح بنفس الوقــت بس هــدت شـوي يــوم شـافت عمـرها جـريبه من بيتهــم وتمــت تحمد ربهــا في خاطرها انه طــلع ولد حـلاال وسـاعدها ووصـلها البيـــت ..
..... وعلامـــــات الدهشــه والاســتغراب باينه على ويهه: اخـــتي هذا بيتكم ؟!!!!
مروه: هي هي هذا بيــتنا..يــزاك الله خيــر يااخوي مشــكور وماقصــرت..
حمـــدان: بــــــــس هــــذا بيـــــت يوسف ربيعي..
مــــــروه اهـــــني انصــــعقت: شـــــو!!!..اخوي يـــوسف ربيعـــــــك؟!!!!!..
دخيــــلك اخـــوي ..الله يـــخليك ..الله يـــخليك اتــرجاك انا لاا اتقـــوله شــي..لاا اتقــول انك موصـلني في هالوقـــت البيـــت..اخــوي انا بقــولك الســالفه كــلها بس الله يخــليك ماابغي اخوي يـوسف يعرف عن شـــي ..ماابغي حــد من اهلي يعـــرف انك رديتني البيت في هالوقت ماابغي سكتت وتمـــت تصيــح..
حمـــدان انصــــدم من كــلامها..يعنــي هاي طالعه في هالوقـــت من ورا عـــلم اهــــلها..وانصــدم اكثـــر انها طــلعت اخـــت يــوسف ربيعــــه..وفيه فضــــول يبغي يعــرف شــو سالفتها بالضــبط..
حمدان: قــولي اختي انتي شـو سالفتج بالضــبط..
مـروه وهي تصيـح تمــت تقــوله السالفه من اول مــاشهــد رمستها عن الشـغله لين اليـوم اللي ظـهرت فيه ويــاها ..وقالتله بعـد عن اللي صـار في المزرعه ليـــن ماركــبت ويــاه الموتـــر..وحمــدان يسمــع وهو مــنصــدم..كــل ها صــار في اخـــت يـــوسف !!!
مـروه: وهــاي كــل السالفه..انا انقــص علي يــااخوي صــدقني ..انت انقــذتني من اللي مــريت فيه اليــوم..لــولااك الله العــالم شــو كان بيستوي فيني ..كــلمة شــكر قــليله في حقـــك..
حمدان وهــو يـهز راســه: لا حول ولا قـوة الابالله..افا عليج اختيه مايحتاي تشكريني..بس دخيلج انتبهي على عمــرج مـره ثانيه وربيعتج هذي المفروض خلااص تقطعين علاقتج وياها ..هاي عــدوه ومـب رفيجه..الحمدالله هالمره الله سـتر..يالله سيري الحيـن قبل لاا حد ينش ويعرف انج مب موجوده في البيت واتمنى من كـل قلبي انهم مايعرفون هالشي لاانهم شـي اكيد بيفهمونج غـلط وانتي ماكنتي متعمده اتسوين هالشي..وعني انا لا تحـاتين ماراح اقول ليـوسف ولا لأي حـد عن اللي قلتيلي عـليه اطمني..
مــروه: تســلم ...تســلم والله يــااخوي ..
حمدان: ربي يحـفظج..
نــزلت مروه من المـوتر وهي مـرتاحه انها واخيرا وصـلت البيـت بس بعدها راحتها مااكتمــلت..مابتكتمل الا لما تدش داخل من غير لاا حد يـحس فيها..هي يـوم طـلعت ماسكرت البـاب عـدل فأول مادزته فـتح البــاب ودشــت البيــت وقلبها يدقدق ..في هاللحظـه راح حمـدان يوم اطمـن انها دشت داخل وهو يـدعي في خاطره ان محد يعرف من اهلها انها طالعه هالوقت لاان صـدق البـنت كاسـره خاطره وايـد..هو ليـــن الحين مصـدوم انها طلعت اخت يوسف .. حــالة يـوسف واهــله بعـد تكسـر الخاطر..لـدرجة ان هالبـنت كانت بتسـوي اي شـي عشان بس اتييب بيزات لاهـلها وتفـرحهم ..يحليلها مافكـرت انهم بيـسئلونها عن المصـدر..بس مفتـخر من نفسه انه ســوى خيـــر وحـس في البنت كيـف استانست يوم وصلها البيت..احساس طـبيعي من اي وحــده كانت في حـالتها بهالليل ..الله يهــديه يوسـف يـوم اقـوله بساعدك يـعصب ..على الرغـم من انه في امس الحاجه للمسـاعده..بس مايـبا يبيـن لي هالشي..عــزة نفســه تمنعه..بس انا ربيعــــه مب اي حد غريب عسب يرفض مني المساعده ..ربـي يهـديه ان شاء الله..ويعيــنهم على اللي هــم فيه..
بخــطوات بطيــــئه وهي تتصــدد وراها من الخــوف دشـت حجــرتها وحمدت ربهـــا ان محـــد شـــافها ..ااه الحمــدالله يــاربي الحمــــدالله..شـافت شـيخه راقـده..فبــدلت ثيابها عالســريع وبهــدوء عشــان مااتحس شـيخه وتنــش من نومها..وعقـبها صــلت ركعتيــن شكــر لــربها ان مااستـوى فيها شـــي اليــــوم..وهي تصــيح من الخــاطر كــل ماتتذكـــر الموقف وتحمد ربها ان الله نجاها..بعد ماخـلصت..ارتمـت عالسرير عـلى امل انها تـرقد..بس هي متأكده ان مابيــيلها ارقــاد من تفكيــرها في اللي كان بيستوي اليــوم..اليـــوم بغبــائها كــانت بتنزل راس اهلها الارض..مــب قـادره تنسـى شــكل الريـــال..اصلا مستحيـل تنســاه..هذا بيتم نقطه سـوده في حياتها..بس الريــال شكــله مــب غريب عـــلي ..يا ربـــي انا شــايفتنه مكـــان بس ويــن مااعرف..مــب قـادره تتذكـر ولا قـادره تفكـر في شـي..كــل تفكيـرها فيـه وهــو يتقـرب منها ويــوم دزته وطـاح عالارض ..ويــوم شــردت وهي تركض عالشارع بهالليل شـرات الميـانيين ضايعه مب عارفه ويــن تسيـــر ..كــرهت شــهد وكــرهت اليــوم اللي عرفت فيــه شــهد ..لاان هي اللي خــلت هالاشيــاء تستــويلها..خــلااص شـرات ماقالي ولــد الحلال اللي وصــلني..لاازم اقطــع علاقتي ويــا هالانســـانه..لاااازم..قـررت انها تقـوم تقـرا قــرآن اكيــد بترتاح وبيهـدا بـالها..
.....................
في حجرة عوشه ..كانت يـالسه هي ويــا اميـره ومـــريم..في هاللحـظه عوشه كــانت مستــانسه وااايد..ومن الفــرحه نشــت وتمـت اتناقز عالسرير..
اميـره: غــربلااتج عوشوووه يــــلسي..اتخــبلت البنت..
عوشه: انا اليـــوم فــــرحانه محـــد يرمســــني..(وفــجأه يـــلست)..افف تعـــبت..اتعرفون هــذا احــلى يـــوم في حيـــاتي..فــديته والله رشــــود..فــــديت اخــــويه انا ..والله اني حـــبيته واايد واااايد وااايد..
اميره: نعـــــم نعــــــــم..شو رشـــود بعـــد..اسمه راشـــد لو سمــحتي..وبعـدين ويا هالراس جي ماكنتــي تحبيــنه من قــبل !!
عوشه: لاا كــــنت احبــه بس الحيــــن اكثــــر..
مـريم: فـديته والله تــوأمي ينفع في هالمواقف ..تأخر وااايد اميره اتصـلي فيه شوفيه ويــن..
اميره: اتصــلت قبل شـوي مارد عــليه..
مـريم: اتصـلي الحيــن شوفي..
اتصـلت فيه اميره ومـارد عــليها..
عوشه: يمــكن مشغـــول ومايروم يرد عالتلفون..
اميره: هي يمـكن بس عالاقل يطـرش مسج مايخلينا جي انحـاتي..اففف شـو هالشغـل اللي يخـليه يطـلع هالوقت!..كــله من ربــعه يـعني مايعرفون انه هو متـزوج الحيــن؟!!
مـريم: انتي هــدي الحيــن يمـكن شـي ضروري اللي خـلااه يطـلع..
عوشه: مريــــوم جيــه مايبتي حمدووه ويــاج وانتي راده من بيتهم..حرام اتقول كانت تبا اتي بس انتو رحـتوا عـنها..
مريم: هي ماقالتلي تبا اتي ..انا قلت حق حمد اتـريا بنسألها يمكن تبا اتي ماسمع كـلامي وراح..
عوشه: هههه هي شافتكم وانتو تركبون السيـاره جان تلبس عبايتها وشيلتها عالسريع ونــزلت تحت بس شافتكم روحتوا ..جان تقفط واتدش داخل اسميني ضـحكت عليها ههههههه
مريم: لاااااا حـــراااام فــديتها انزين جــان اتصــلت فيني..انا بقول حق حمد اييبها الحيـن جان خاطرها اتي..
عوشه: هههه قالتله ماطــاع..وهي الحيــن اكيد راقــده..
رن تلفــــون مـــريم واللي كــان يتصــل حمد..
مـريم: احم احـم..خلااص عيـل انا بخــليكم..
اميره: هههههه فــديته اخوي عمــره طـــويل..
عوشه: ههه وليــش ان شاء الله بتطــلعين رمســيه جــدامنا ابغي اتعــلم..
مريم: يالشيــطانه انتي بتعلميني مب بتتعلميــن ..يالله انا بترخص
عوشه: هههه مــريوووم هاتي هاتي بلعــوزه شـــوي..
مـريم: يالله يالله سيــري شو تلعــوزينه..
عوشه: ههههه دخيلج دخيلج مريوم..نشـت ويرت التلفون من مـــريم..رققت صــوتها وردت عليــه..الوو..اميره ومـريم يضحكون على صوتها بس بصـوت واطي..
حمد: الووو
عوشه: مــرحبا
حمد: مرحبتين..امنوا انتي؟؟
عوشه: انا وحده..ممكن نتعــرف..
شـاف حمد التلفون وهو مستغرب وكـان مكـتوب (حــــبي)..يعني هــــو مو مغلــط وهذا مب صـوت مريم..
عوشه: الووو الووو..ويـن ســرت..
حمد: عوشوووووووه تتحرييني مااعرفج يعني هااا..ويا هالويه عطي التلفون حق حبيبتي اشوف..
عوشه: ههههه اوييي عــرفني..اشحالك ولد العـم..
حمد: تمااام اشحالج انتي ..
عوشه: والله تمــام يسـرك الحـــال يا وليــدي..
حمد: انزين يــدووه ابغي حــبيبتي ويــنها..
عوشه: هههه اوكي لحظه..يــــا حبيبته..حــبيبته تعالي يـــباج..
مريم: هههه فـديته والله..خــذت التلفون من ايد عوشه وطــلعت من عــندهم..
حمد: اااخ يــــا قــلبي ااخ..
مريم: ويي بســم الله عــليك ..اشفيك..ســلامت قــلبك..
حمد: شــو قلتي تــوه شـــو قلتي..ماسمعت عــدل..
مريم: ههههه افففف خوفتني عبالي الحين صـدق قلبك يعورك..
حمد: قــلبي يـعورني ودكتــورتي ويــن راحــت ..محد غيـرها بتداويني..اصلا انتي بتكــونين دكتــورة حمد بــس
مريم: ههه لاا والله..الحيـن على كـل هالتعـب آخر شـي استوي دكتورة ريـلي بــــس..
حمد: هيـــه بـــس ..عيل دكـتورة منو تبين تستوين..
مـريم: مــرضــاي اللي بييــوني شو اسـوي فيهم..
حمد: كيـفهم خل يسيرون عـند حـد ثاني..مايخصـهم في حبيبتي..
مريم: هههههه لاااا عاااد حــرام عليك..
حمد: فــديت هالضحكه انا عساها دوووم..
.
.
في حجـرة عوشــه....
اميـره كـانت حاطه الاب توب على ريـولها وتتصـفح المواقع من الملل..صـدت يميــنها شـافت عوشووه في ســابع نـومها ..كــان شـكلها طفولي وحـــلوو وايد وهي راقــده..ابتسمت اميـره عالخفيف وغطتها عــدل ..وهي تقول في خـاطرها..حليلها عوشه احسـها من زمااان وهي مب متهنيـه برقادها والسبه هاكي اللي مايستحي على ويهه..من اليــوم بترقد وهي مـرتاحه ومااتحاتي شــي..حسـت اميره بكســل وشكـلها بترقـــد..سـكرت الاب توب واتصـلت في راشــد بعد مارد عـليها ..طـرشت له مســج..(راشــد ويــــنك..وايد اتأخـــرت؟!!..انا برقد عند عوشه ..متى مابترد اتصـل فيني لاا تنسـى)..انسـدحت عالسرير واول ماحـطت راسـها نامت..
.....................
كـان سـهران ليـن هالوقت مـب يـاينه ارقــاد..كـان يـالس و متساند عالسرير وضــام بـاقة الورد الي يابتها له شـما على صـدره..والدموع تـذرف من عيــونه لااراديا..انا ليــش ســويت جيــه ليـــــش..ليـــش مااصريت على رايي..معقــوله اتخــليت عن شــما بهالســــهوله..عشان كــلاام قالته خــوله ومافي اي دليل على صــحته!!..عيــل ويـــن الحـــب اللي بيـــنا..خــلااص انهـــدم..لاااا مســـتحيييل..انا احـــب شمـــا..ابغيها حبيبتي هاي حــبيبتي..بس انا ليـــش قلتلهم هالكــلام..ليــش قـلت اني ماابغيها ليـــــش ..يعني معقـوله انا مااحــــبها!!..لاااا انا مــب بس احـــبها..انا امـــوت في هاي الانســانه ومابي غيــرها..بس عقـــب..هــل انا بكـــون مرتــاح ويــــاها..؟!!..انا لاازم اقـــتنع بكــلام خـــوله لاازم..شــو الفــايده اخــذها الحين وعقـب انــكد عليها عيشــتها وايلس عـلى كــل شــي اشـك فيها..يعـــني انا مــاكنت صــادق ويــاها يــوم اقـــولها انا واثـــق فيج..هي اكيــد ماكــنت واثق دام اني يــالس اشـك فيها الحيـــن..انا مــاكنت عــندها وماادري هي شــو تســـوي..هــيه صــح..مـــرات ادقلها مااترد عـــلي..ومـــرات مــره وحــده اتسكــــر وتقـولي انها مشغوله..معقــوله كــانت اترمس واحـــد ثـــــاني !!!..معقــــــوله!!!.اوووو انا شـــــو يالس اقـــول..اصلا شـما كانت اتحــبني انا وبــــس..وانــــا بظـــــــل احــبها طــــول عمــــري..وهـــو يتنــهد..بس شكـــلج مـــابتكونيــــن من نصيـــبي يـــا شمــا..
......................
نشـــت من الرقـــاد فجــأه ويـــلست عالسرير ..خذت موبايلها اللي كان محاطي يــمها.. رفعــت شـعرها الي كان نازل على ويهها وعلى طـول شـافت الموبايل..ليـــن الحيـــن مااتصــل ولا طــرش مســـج..الساعه الحيــن 6 الصـبح ..نشــت اتيـــددت عشان اتصـلي الفير وقــومت عوشه بعــد اللي نشــت بصعوبه..واول ماخـلصت صــلاه رقــدت..اما اميــره بعد ماخلصت سارت صوب الدريشه و شــافت الدنيــا منـــوره والشمــس شــوي شــوي بـاديه تظــهر..طـلعت من الحجـره وقررت اتــرد بيتها يــمكن راشــد رد..نــزلت تحـت وشــافت البيــت هــــادي كــلهم كـــانوا رقــود في هالوقت..طــلعت بــرع وهي في الحــوي مـاشيه صـوب بيتهم تشــوف ســيارة راشـــد داخله القاراج..نـــزل من الســياره وســارت صـوبه عـــلى طـــول..
أميــره وهي تتثــاوب: انت تــــوك يــــاي؟!!
راشــد: هييه انتي شــو ميلسنج ليــن الحيــن؟؟
أميره: انا كـنت عـند عوشه رقــدت شوي عـندها ونشـيت الحيـن قلت ايي البيت يمكن رديت..انت ويـــن كــنت حرام عــليك والله كــنت احاتيك..
راشـد: هي شو اسـوي تـــونا خـلصنــا شــغلنا..
أميره: اي شــغل هــذا اللي ليـــن الحيــــن؟؟!!
راشــد: شو اقــولج الحين انتي مااتعرفين هالسوالف لو ايلس افهمج من اليـوم ليـن باجر بعد مابتفهمين ..المهم انه كـان عـنا شــغل وخـلااص..
أميره: انــزين انا بــدش داخـــل..
راحـــت عــنه أميــره ..وحــس راشــد انه فيها شـــي ولحقها..يوم دش شــافها يالسه وتمسح دموعها..سـار صوبـها على طـول ويـلس عــندها وصــد الصوب الثاني ..مـب عارف شــو يقــول..يعـرف عمــره غــلطان..مودرنـها طــول الليل وســاير يســهر وهي يالسه اتحـــاتيه..كمــن مره متصـــله فيه وهو مــايرد ولايـرد على مسـجاتها بعد..وجــان زيــن كان سهران على شــي زيـــن..او على قــولته شــغل..لاااا..صــد صوبها..
راشـــد: أميـــره
صـــدت اميــره صـــوبه من غير لا تـرمس..
راشــد: انا آســف..يــوم انا عـندي شـغل.. ربيعي مايقصر وياي .. انا بعـد اذا طـلب مني شـي استحي اقوله لاا..لاازم اسـاعده..
أميره: لاا والله ..يعـني ماعنـده ربيع غيــرك..المفروض روحه مايطـلب منك هالشي وهو يـعرف انك متـزوج الحيـن..راشــد حـرام عـليك حـس فيني..احـسك مو معـبرني وتتحـرى روحك ليـن الحيــن عازب..ولاجـني انا موجوده بحيــاتك..
راشــد ..يــاهي وهقــه..انا اشـــــلي بالزواج من الحيـــن..انا ويــــن والزواج ويــــن..كـــنت عايش حيــاتي متهـــني لاا حــد يحــاسبني علــى طــلعاتي ولا دخــلااتي ..
راشــد: لا مـب جيــه بس كـان شـغل ضروري وكـان محتاجني انا بالذات..المهم اميره خلااص عاد اللي صار صار..يعــني شــو ما بتطــوفينها لي هالمــره؟؟
اطـالعته اميــره وبغرور: لااااا ..مابطـوفها هالمــره..
دزها راشــد عالخفيف وهو يغمـــز لها : يالله عاد..
عطــته اميــره ظــهرها: لاا تحــــاول..
وقــف راشــد مجــابلها: ههه شوفـــي انا ياي وتعـــبان ومــب متفيــج حق اي شــــي زيـــن مني ماصارخت عــــليج وانا بهالحاله..انتي الحيــن المفروض تستانسيـــن على هالشي..
اميره: دب انـــــزين..هي مو انت خلااص الحيـــن متعــود كله تبــا تصــارخ..جــان صــارخت عادي ترى انا بعد تعودت..
راشـــد: هههههههه خــلااص عـــاد آسفيــــن..
اميره: وجــان ارضــى واطـوفها هالمــره بعد بس تـــراها آخر مـــره انزين مره ثـانيه ماشي طـلعات آخر الليل..
راشـــد: يصير خيـــر..يالله بــــس خلااص انا ساير ارقـــد مب قــادر اتـم زيـــاده..
اميره: اوكــي يـالله نسيــــر..
.....................
نشــت مروه من الرقــاد وكانن عيــونها محمـرات ومنتفخــات من الصيــاح امــس..ما تدري متــى غفت عيــنها ولا حســت بعمــرها..وفي هاللحظه يالسه عالســرير اتفكــر في اللي صــارلها امـــس..مـو مصــدقه ان كــل هـــا استوى فيها ومــاكانت متوقعه يـستوي فيها جيــه..تمــت تحمد ربـها ان مــاستـــوى فيها شـــي والا صــدق كــانت بتــروح فيها..اه الحمدالله والشكــر لك يــــارب الحمدالله..دش عـليها يــوسف فجـــــأه..نقـــزت هي مــره وحــــده وقـــلبها تم يـــدقدق عالســــريع وتطــالعه بخــــوف ..ماتــدري ليـش حاسه انه عارف باللي صــار امس ويـاي يهـزبها الحيــن...ســار يــوسف ويــلس حــذالها وهي من الزيــغه ابتعدت عنه شــوي..
يــوسف: هههه بـــلاج جيــه شــعرج كشـــه ..شو تــوج نــاشه؟؟
تمـــــت مــروه تتطـــالعه وهي مبطـــله عيــونها قـــد ماتقـــدر ورافعه حــواجبها منصـــدمه..
يــوسف: ايييه حوووو بـــلاج..ههه شـــو اول مــره تشـوفيني
مروه..يـــــاربي نفـــس العيــــون ونفـــــس الحـــــواجب والمــلامح..شــــبه كــــبير من بيــــــنهم..
مــروه: هاا..لاا لاا مـــاشي..هلا هلا يــوسف..
يوسف: اهــــلين ..مروه اشفيـــج؟؟
مروه: مــافيني شـــي ..شو بيكــون فيني يـــعني..امــي راحت؟؟
يوسف: هي من زمـــان مروحه..ههه واللـــه حاله..قاصه علينا اونها يوم بتشتغل ما بتقــصر علينا بشـــي..هــذي اشتغلت وعطوها الراتب ماشفنا شـي ليــن الحين
مروه: حــرام عليك يــوسف لا تقــول جيــه هي مب مقصره عــلينا بس انت الله يــهداك ماادري شو فيك..تطــلب اشياء امي ماتقـــدر عليها..هالبيــزات اللي يعطونها يالله يالله تكــفي حق اكــلنا وشــربنا..قول الحمدالله..
يوسف: بــــــس ..!!!..يعني نحن مب محـــتاجين اشــياء ثانيه..انتي شــو عــرفج ..تراج ماتعرفين النــاس كيف عايشــه ونحن كيف عــايشين..
مروه: ونحن اشــلنا بالناس كــل حد يعيش على قــد اللي عـــنده..
يوسف: اصلا امج هـاي عــندها بس ما تبــا تعطــــي..
مـروه: يــوسف انت اشفيـــــــك..انت مـــاكنت جيــه..شــو اللي غيــــرك دخيلك قـول شـو اللي غيرك..
يوسف: انا مـب متغير ولا شــي بس امج هي اللي متغيــره علي وكـارهتني ماادري لـــيش
مروه: حـــرام عليك يـــوسف امــي تحــبك وااااااايد ومـاتكرهك..
يوسف: هي هي قصــي علي ..المهم ,,نشــي نشـــي سويلنا شــي نـاكله..
مروه: لااا انت مــــب يـــوسف اللي انعرفه..انت متغيـــر واااااايد..قولي شو اللي مغيــرنك علينا..
يــوسف: قــلتلج مــــب متغيـــر..انتوا اللي متغيــرين عـــلي..يعــــني شــو الحيــــن مابنتغـــدى نحن اليـــــوم؟!!!
مــروه: خلااص خلااص الحيــن بنش اسـوي الغـــدا..
طـلع عنها يـــوسف ..وتمــت هي مضـايجه وتفكــر شو اللي خــلى يــوسف جــيه يتغيــــر..كــانت محــتاجه تســمع منه شــي حلوو وهي بهالحاله ..يعــني شــرات ماكان قــبل ..يــوسف اللي يــوافقها في كــل شـــي..ويســولف ويــاها ..ويقــدر ظــروفهم..ويــقولها عــن تخطيــطاته للمســتقبل اللي بتغيــر عليهم وايــد اشيــاء ..وبيخــليهم يــعيشون شــرات بــاقي النـــاس..لكـــن اللي اتشــوفه هــذا واحد ثــاني..منجـــــلب بالمــره..كــله يــفكر في مصــلحته وما يقــدر الظروف ويـــذم امي فديتها..هاي المســكينه اللي يـالسه تشتغل شــغله مستحيــل اي حـرمه تـرضاها على عمــرها..بس هي عشـــانا احــــنا راضــيه على عمــرها انها اتســوي هالشي..(تــــدمع عيــونها)..وانــــــا..انـــا امس كــنت بييب لها الفضيـــــحه..ااه..الحمدالله ..الحمدالله ..الله ســــتر..ربي لا يــحرمنا منج يــــاامي..مــرت صــورة الريــــال في بـــالها وتذكــرت يـــــوسف..يـــــاربي وااايد يتـــشابهوووون ..والريــــال هــذا انا شـــايفتنه مكـــــان..متأكـــده انا ..ااااااه ابغـــــي انســــاه بس مــــب قـــادره ..اصلا مستحيــــل انســــاه...انا مـــب قــادره انســى الموقف..وغيـــر هــذا الشبـــه اللي بيــنه وبيــن يــوسف ..كــلما بشوف يــوسف بتذكـــره..وهــذا بيــعذبني اكــــثر..انا استــــاهل..اســـتاهل كـــل اللي يستوي فيـــني ..
...........................
في صــالة بيــت حــارب..ام حـارب توها مسكــره التلفون و مضــايجه..دشــت عليها شــما وهي مبتســمه وحبــتها على راســها ويـلست عـندها..
شمــا: اشــحالج اليــوم يالغاليه..؟
ام حـارب: الحمدالله فـديتج انتي اشحالج ان شاء الله احسـن من امس
شــما: اممم هـــيه امــــي احســن بواايد بعـــد..
ام حارب: الحمدالله..انزين غــناتي تبيني اييبلج الريــوق
شـما: لا امــي ماابغي ..مـاباقي شــي عالغــدا..
ام حـارب: بــرايج حــبيبتي..
شمــا وخــت راســها وهي مبــتسمه ..رفعــته وتمــت تطــالع امها..شكــلها تبــا تقول ..
شــما: امــي ابي اقــولج شــي بس مســتحيه..
ام حـارب: قولي فــديتج لاا تستحيــــن انا امج..
شمــا: امممم امـــي انا مــوافقه عالزواج..ما بخـلي مـرضي يـأثر في مستقبلي..بكــون اقــوى من جيــه..
اهــــــني ام حــارب اضــايجت زيــــاده وقــــلبها عــــورها..صـــدت عــنها وماقدرت تحــبس دموعها..شـــو اقـــولها الحيـــن..اقــولها انهـــم هم مـــــايبـــــون..شمــــا انصــدمت من اللي تشــوفه من امـــها..عـبالها بتســـتانس الحيــــن..
شمــا: امـــي فــديتج اشفيـــج؟!!..دموع الفـــرحه هــــاي والا شـــو
اه يــا شمـــا اه..يـــوم انتي اللي وافقــــتي هـــم اللي رفـــــضوج..اطــالعتها ام حــارب وتمـــت تصيـــح بحـــرقه..
شمــا والدموع تــذرف من عيونها: امـــــي اشفيــــج..انا قــلت شــي غلط؟!!..انتي ماتتمنيـــن اتشــوفيني فــرحانه!!!
ام حـارب: لا يــــاحبيبتي انا اتمــنالج كــل خير وفي ام ماتحــب اتشوف بـنتها فــرحانه..(وهي تمسـح دموعها) شـما فــديتج انتي ترضيــن بالمقسوم صــح؟؟
شمــا تمــت ســاكته وتتطـــالع امهـــا باستــغراب بس عقــبها انفجــرت من الصيـــاح ولوت عــليها امها..
ام حارب: بس حـــبيبتي بــس..
شمـــا: امي.. مــايبوني صــح؟؟
ام حــارب: حبيبتي هــم الخــسرانين اصلا مــابيلقــون احســن عـــنج..عادي مافيها شــي بييج اللي احســن منه حياتي ..
شمـــا: اااااه امـــي قلتلج..قـــلتلج انا محد يبــــــيني مــــحد..منو بيـــاخــذ وحده مـــريضــه من قــلة البــنات يــعني!!..
ام حـارب: لا فــديتج لا تقــولين جيـــه انتي الف من يــتمنـــاج..
شمــا:............ في خــاطرها..يحـــــليلج يامي..تبيـــن تعطيـــني امــــل بأي طـــريقه..ااه انا عمــري مــافكــرت بالــزواج لااني عـارفه ومتــأكده انه محد يباني..ماادري..ماادري شــو اللي خــلااني افكـــر فيه..يـــمكن لاانه اللي يـــا مـــــايد..اااه يـــــا مـــايد..والله انـــي مشــتاقتلك واااايد..والله انـــي احــــبك رغم العــذاب اللي سببته لي اليـــوم..معقــــوله!!..معقـــوله يوم عــرفت اني مـــريضــه اتخــليت عني..عيل ويـــــن الحــــب اللي كــنت تقـــولي عــــنه..ويـــن يــوم كــنت اتقــــولي مابتودرني لـــو شـــو مايصير..بس بعــد انا كــنت متوقعه هالشي.. صـــح ان هالشي كـــان حــلم بالنســبه لي اني اعيــش ويــاك طــول العمــر..وكــنت اتمــنى انه هالحــلم يتحقق بـــــس ....اه تخــليت عني..وامـــي اتقــولي الف واحـــد يتمـــناج..اذا مــــايد اللي كــان يقول انه يــحبني ما يبغيني بـــعد ويــن لو واحد ثــــــاني..انا خــــلااص ..خـــلااص هــذا مصيــري ولاازم ارضـــى به..
............................

الجـزء السادس عشـر
الفصـل الثاني..

بعــد ماصلت الظـهر لبســت لها بودي لونه بني هاي نك وعليه قميص لونه بــني غامج وعليه ورود ورديه وتنـوره ورديه..وفــلت شــعرها..سـارت عـند التسريحه وحطــت جحال داخل وبرع عيـونها وجـلوس وردي على شـفايفها اللي زادوا من جمــالها..بـعد ماخــلصت تمت تتطـالع عمـرها في المـرايه وهــي مبتســمه..جــان اتــدش عـــليها عوشه بــــدفاشــــه وهي فـــــزت من مكانها..
مـريم: بـــسم الله..انتي مااتــــروميــن تــدشين بهـــدوء؟!!!
عوشه: هههههاااي خـــوفتها..لاا والله يــاختيه مااروم..(تشـــهق وهي مبطله عيــونها وتتطــالعها من فوق ليـــن تحت)..شووو هااااا...على ويـــن ان شاء الله؟!!
مريــم: مــــا يخصــج..بطــلع ويا ريــلي وبناخذ حمدوه ويــانا..
عوشه: لاااااا والله..وانا؟!!!!!!
مريم: مابناخذج ويــانا طـــبعا..
عوشه: بتـــاخذون حمدوووه ومـــابتاخذوني انا ..جـــي الدنيا فـــــوضه..!!!
مريم: هي طــبعا هاي حمـــده حبيبتي هـــاي الغاليه اخــــت الغالي..
عـوشــه: افااااا وانا شــــو عيــــل...
مريم: امم انتي اخــــتي..
عـــوشه: اخــــتج وبـــــــــس؟!!!
مريم: هـــي بـــــس...
عوشـه شــويه وبتصيــح: انزين خلااص..( وتمشـــي جــدى البـــاب بتطـــلع)..
مريم: هههههههه تعـــــالي اقــــص عليج..
عوشه وهي مــبوزه: مــــابي..
تسيـر مريم صــوبها : ههههه فــديت هالويـــه انا ..انتي اخـــتي اللي مالي غــناة عـــنج..لاا فـديتج اقــص عــليج..بس احم احم.. ريـلي بيي يــتغـدى عــندنا من جيــه..وقلتله اييب حمدووه ويـــاه بعد استانسي..
عــوشه: يـــــــــــــاي ..صــــدق والله؟!!!!!
مـريم: هي والله..(يــرن تلفون مــريم)..يالله شكــلهم وصــلوا..هذا حمد يـتصل..
عـــوشه.: يالله عيــــل خلنا نسير..
نــزلوا مــريم وعــوشه تحــت وشـافوا حمده وحمد تـوهم داشيــن الصـاله و يـالسين فيها فاطمه وعـلي..ساروا سـلموا عـليهم عقب حمد سـار ويــا مـريم الميـلس وحمده وعـوشه يـلسوا ويـاهم..
.
.
في الميــلس..حمـد كان يـالس عــند مــريم يطـالعها وهــو مركز على ملامح ويهها و مبتســم..ومــريم قافطــه..
مــريم: احم..انا اقــول اسير اييـــب الغــدا وااايد احــــسن..
حمد: لااا يــلســي بعــدني مــاشبعـــت ..
مــريم: هههه اخــاف ماتتغـــدا عقــب..
حمد: مــاابغي غــدا بس شـــوفتج اتكـفيني..
مـريم: هههه انــــزين ليــــن متى عـــــاد..
حمد: فـــديتج والله ..حـــــلوه شـــو اســــوي..
مريم: عيـــونك الحــــلـــوه حبيبي..
حمـد: لاااااااااا انا هالكـــــلام اللي بيخـــبلني..
مريم: ههه خلااص ما بقـولك شـــي مره ثــانيه..
حمد: لااا انا جـــي بموووووت..
مــريم تشــهق: بعيـــــد الشر عـــــنك ان شــاء الله يومي قــبل يــومك
حمد: لاااااا فــــديتج لا حيـــاتي لا تقــولين جــيه ..الله لا يـــحرمنـــي منج..
مـريم: ولا مـــنك..
حمد: احـــــبج والله..
مريم: ههه انــزين ممكــن اقولهم يحطـون لنا الغـدا الحيــن..
حمد: هي قوليلهم وانتي تعــالي يـــلسي عــندي..
مـريم: ههه ان شــاء الله..
.
.
في حجــرة عوشه كـانت يــالسه وويـــاها حمــده..
حمـده: عيــــل جــيه السالفه هااا واخيــرا افتكيــتي منه..
عوشه: هي والله حمدوووه واخيــــرا اففف ماتتصــوريين اشـقد انا مـرتاحه الحيــن ..كــنت خلااص كــارهه حيـــاتي بسبته
حمده: كــله من هاي الحقيره ساروووو..هالبــــنت صـــدق انها ماتستحي على ويهها..ويــن اهلها عــــنها ..
عوشه: خــله تولي لا ترمسيــن عنها ..دخيلج خلااص غيري السالفه ماابغي اتــذكر..
حمده: ههههه بس احـــس كشــخه جي اكشـــن اســتوى في حيـــاتج..
مااتحــس الا بعوشه اتفــر عليها مخــده...
حمده: ههههههه اســولف انزين..
عوشه: مــــالت عـــليج..كشــخه اونه..هــــيه ترى مب انتي اللي اســتوى فيج جـــيه ..
حمده: ويي بســـم الله عــلي..يالله الحمدالله انها يـت على جيــه..ومــره ثانيه اسمعـــي كلامي..مـــب اي حــد قــالج..........
عوشه تقاطعها: حمدووووه خــلااص عاد دخيلج غيري السالفه..
حمده: انزيــن قومــي خلينا ننــزل تحت..
عوشه: اتعرفين خـــاطري اظــهر من البيـــت افف مــليت..
حمده: منو بيظــهرنا يا حســره..
عوشه: امممممم..حمد؟!!
حمده: هههه حمد خــــلااااص عنده مــريم الحيــن مابيسويلنا سالفه..
عوشه: امممم انزين شو رايــج انخلي مــريوم اتقــوله..
حمده: اممم فكــره حــلوه والله..المهم يالله خلينا ننــزل تحت الحيــن..
عوشه: انزين يــالله..
وهـم عالدري نــازليــن يشـوفون مـريم وحمد يـالسيـن في الصـاله يسـولفــون..
مـريم: بس مــول ماكــلت شـــي..
حمد: بــس الحمدالله..اهــم شـــي انتي تـاكليــن..بس انتي تاكلين انا اشــبع..
انتبـهوا عـلى حمده وعوشه اللي كـانوا يايين صــوبهم ويــلسوا ويـاهم..
عوشه: احم احم..اشحـــالكم..
حمد: مـــب بخيـــر دام انكم يــيتوا ويــلستوا اهــــني..
حمده: افااا يــااخوي افاااا..افهــم من كلامك انك ماتبــانا..
حمــد: فــــــديت اختي انا اللي تفهــــم..
حمده: اممم عوشوووه انتي مــرتاحه اهـــني صــح..
عوشه: هيــــــه والله واااااايد..احس عمري من زمــان مــب يــالسه اهـــني..
حمده: هي شــراتي ..انا بعد واااايد مــرتاحه..
حمد وهو يطـالعهم بعصـبيه: مــريم فــديتج..شــو رايــج انــرد الميـــلس..
مــريم: هههه لاااا حــرااام بنيلـس ويـاهم شــويه..
عوشه: انت اشفيـــك..اخــتي تبــا تيلــس ويانا يااخي..
حمد: شــو رايــج اتنشيــن تضــربيني بعد..
عوشه: هههههه اويي لااااا مــب قصــدي ولــد عمي بس انا اقـول يعني في خـاطرنا نيــلس وياكم..
حمده: هــــيه وحـــرام كســر الخــواطر..
مـريم: لاا لاا مــابنكســر بخـاطركم ..يــلسوا ويــانا عــادي..
حمد وهـــو صــاك على اسنانه مقهور: انتي بـــــعد واااايد طـــيبه..
مريم: حــرام يكسـرون الخــاطر..
حمد وهــو يطــالع حمده وعــوشه بعصــبيه وهــم يطــالعونه ويحـركون عيونهم ببــراءه..ومــريم تضــحك عليهم..
حمد: والله مـــول مب لايق عليكم..
تــدش عــليهم اميــره وكــلهم يـصدون صـوبها....
أميــــره: اووووه الجمــــاعه كلهم اهــني..مـــرحبا..
حمد: والله واكـــــملت..
حمده: هههههه حيـــاج حيـــاج اخــــتي يييتي بـــوقتج..
اميـــره: الله يحييج ..انتــوا اهــــني..جـــي ماخــبرتوني من قــبل..
حمد: مــريم انا اقــول انغيـر مكــانا وااايد احـــسن..
اميره: افااا يا حمد..افااا ياخــــوي ..شــــو مااشتقـــتلي؟!!
حمد: اشتقـــتلج يااختــي وكــنت نــاوي اييج البيـــت بعــد مااطــلع من اهــني يعــني مول مــاكان له داعــي انتي اتيـــن..
اميــره: اوييي مــريوووم هــذا ريــلج مــب جـــنه يروغنــــي!!
مــريم وهي تهمس في اذنــه: حبيبي..لاحقيـــن على بعـــض خل ييـلسون ويـــانا..
حمــــد يشــهق ويســوي عمـــره اغمــى عــليه..
أميـــره: اويييي مـــريوووم انتي شــو قلتيــــله
مــريم: ماادري انا ماقــلتله شــــي..(وهي اتهــزه)..حمـــد حمــــد..
حمد: هااا ..هاا..انا ويــــني..
مــريم: اوففففففف والله حـــركات انته..طــيحت قلبي اتعــرف..
حمد: ههههه فـــديت قلبج انا..
عوشه: احم احم..نحـــن يالسيــــن..
حمد: اففففف شو هالحـــــاله
أميـــره: مريــــووم اعترفي شــو قلتيـــله ..فيني فضــول ابغي اعرف..
حمده: هي والله انا بعـــد ..
حمد: ههههه احم احم.. اقــــووووول شــو قلتيلي اقوووووول..
مــريم: لااااااا حمــــد لاااااا..
عوشه: قووول قوول ما عليـــك منها..
حمد: عـــنادا فيــج مـــب قــــايل..
عوشه: عااادي عااادي مــريوووم بتقــولي يوم بتروحون ..صــح مريوووم؟؟
مريم: ههه لاااااا طــــبعا..
حمده: ويييييييييو قفطـــوها هههه
عوشه: افاااا..جب جب انتي انزين..
حمــد وهو يـقوم من مكـــانه: خــلااص عيـــل..انا بسيـــر الحيـــن..
مريم: ويــن تــو النـــاس..
حمد: فــديتج والله تبيـــني ايـــلس؟!!!..
مــريم في خاطرها اتقول هي بس شــافت العيــون كلــه عــليها وحســت باحراااج ..سكتت ونزلــت راسها..
حمد: خيـــبه كلتوها بعيــونكم..ما عــليه فــديتج ..الحيــنه تعرفين بعــد هاذيله اهــني ..انا بمــرج بالليل وبنظـــهر..
اميره: طاعووا اونه هــاذيله اهــــني..وشـــو يعـــني؟!!!..شو سـوينا فيك احــنا..
حمد: مووول ماســويتوا شــي..بس خربتوا عــلينا احــلى قعــده رومنسيه..
حمده: يــاسلااااام ماانروم عالرومنسيــه نحن..المهم اخــوي انا سمعت تقــول انكم بتطهرون..احم احم..يعني انا وعوشووه وحليلنا نبا نظــهر بعد..يعني هــاي مب حاله كله يـالسيــن فالبيــت ..
حمد باستخـفاف: انــزين وبعـــدين؟!!
حمده: وجــي يعني بـــس..يعــني نبــا نظــهر ويــاكم يــعني..
اميره: هههه يعــني يــعني يبون يظهرون ويــاكم يعني..
حمد: هههه وانتوا جـــي ماتظهرونهم..تعالي انتي ريــلج ويــنه؟؟!
اميره: ريـــلي راقــد..
حمد: ليــــــن الحيـــــــن؟!!!!!
أميــره: هي شــو اســوي به وااايد يــــرقد..
مريم: ويي قــولي ماشاءالله عن تصــكيــن اخــويه بعيــــن..
أميــره: ويــــاراسـج عيوني مــب حاره..وبعــدين يباله حــد يصكه بعيــن هـذا واايد يــرقد..
مريم: فـــديته يــمكن تعــــبان ..قولي قولي مــاشاءالله..
اميره: هههه ماشاءالله ..
عوشه وهي مــبوزه: الحيــن شو بتظـــهرونا والا ..
مريم: بنظــهركم فــديتكم..
حمد: اااخ يالقهــر ..وانتي خـــلااص ..بوزت جــدامج قلتي بنظـهركم.!!
مريم: حـــرام حمد من زمان ماظـهروا من البيــت..
حمد: فـــديتج والله خلااص عشــان خــاطرج بــــس..
عوشه: يـــــــــــــــــــسسسس..قلتلج انا قــلتلج مــريووم اتخــليه يظـــهرنا..
حمد: مــاشاءالله متفقـــــين من قــــبل بعد..
حمده: ههههه احم احم ..الصراحه هيــه..
حمد: المهــم انا بسير البيــت الحين برقد شـوي...انتي بتيـــن وياي والا بتمين؟
عوشه: لاا طــبعا بتتم..
حمد: انا ســـئلتها هـــيه..
عوشه: هههه عادي عادي ..انا وهي نفس الشــــي..
حمد يصــد صوب مــريم ويبتســـم لها: تامــرين عــــلى شــــي حـــــبي..
مريم وهي موخيــه راسها وتبتسم: سلامتك..
حمد: أحـــبج..
كــلهم بصـوت واحد: احـــم احــــم..
حمد: اففففف وبعــد اتقــولينلي لاااا خلهم يــيلسون ويــــانا..
مريم: ههههه انا اشــدراني لو ادري انهم جــيه جان ما خــليتهم..
عوشه: افااا يااختاه لمـــــاذا؟!!..لمــــاذا انقــلبتي ضــدنا..
حمده: بالتأكيــد ستنقلب ضــدنا..لاننا لا ننعطــــى وجـــه..
اميره: ههههه لا ننعطــى وجه اونه..انــزين يصير خيــر..
حمد: زيــــن انج تعرفين انكم ماتنعطون وجـــه على قــولتج..
حمده: حموود عاااد اشفيــك علينا..
حمد: حموود في عيــنج ويا هالويه..ريـــال اشطولي اشعرضي اتقولين لي حمووود..خلاص مــاشي طـــلعه..
حمده وهــي اتسير صوبه: لااااا لااااا خــلااص انا آسفـــه..انت الشيــخ حمــد..(وتحــبه على راســه)..
يمــد لها حمد ايــده بغرور ويأشر على ظهر ايــده: اهــني بعد..والكـل يضحــك..وهــــي تحــبه..وجــان تعيبه السـالفه وقال بيلعـوزها زياده ..مد لها ايــده الثانيه..
حمده: هههه يــــالله عاااد بــــس..
حمد: هههه انــــزين خـلااص عيـــل..انا بتــوكل الحين..
مـريم: ربـــــي يحفظـــك..
حمد يـصد صوبها يطالعها ويـبتسم: فـديتج..
عوشه: اوهووووو هــذا شكــله ما بيطــلع الحيــن..يالله روح روح الله وياك..
حمد: انـــزين.. بشوف منو بيطـلعج اليــوم انتي..
عوشه: هههه حشـــا ما تســـوى علينا هاي الطلعه ياخي ذليتنا فيها..
أميـره: ههههه هي عاااد اخـــوي معروف بهالسـوالف
مريم: يالله بس عاد عن الغلط..
حمده: اووووب اووووب اونها ما ترضــى..
حمد: فــديتها والله..انــزين عيــل يالله مع الســلامه..وانتو خفو صـوتكم اشويه عن عــمي يعصـــب عليكم ويــروغكم كــلكم ..
عوشه: ههههههههه اسميني عقب بضحك على اشكــالنا..
حمد: خبله تراج ..يالله حبيبتي مابتيــن توصليني ليــن الحــوي عالاقـل!!
اميره: هههه سيري وصــليه يا حظي سيري تراه ما يــدل الدرب..
حمد: يالله بـــــس عن الطنازه ويا راســج..
مريم: هههه انــزين يالله نسيــر..
ســارت مــريم ويـــاه ليــن البـــاب ..
مريم: الله يـحفظك ..دير بالك على عمــرك..
حمد: ان شاء الله فـديتج..بشتــاقلج
مريم: هههه انا بعــد..
حمد: ياااااي خلااص انا بتـــم..
مريم: هههه لاا لاا سير ارقــد يالله..
حمد: هههه يالله مع السلامه..
مريم: مع السلامه..
ردت مــريم داخــل عــند البــنات ويــلسـوا يسـولفون..
.................................
كــانت شمـا يالســه في حجــرتها في هالوقــت واتصيــح من الخــاطر..ليــن الحيــن مب قادره تستوعب كيف مايد يقول ان مايباها..كيــــف كيــــف بتعيــــش حياتها من غيــر مــايد..هــو الوحيــد اللي كــان يسمعــها وتـــاخذ راحــتها ويــاه..صح انه امـها واخوها مب مقصرين عليها بس مــب كــل شي تقــدر اتقوله لهـــم..هي حــتى ربيعـــات ماعـــندها ولا اخـت تقـدر تاخذ راحتها وياهن..يــا مايــد وفـــتح لها قــلبه..استــانست انه في حــد يسمعها..في حــد يبــا يتــكلم ويــاها لاانه اللي اســتوى فيها مـــب شـــويه..شمــا كـانت من الاوائـل في المدرسه ..درســت ليــن صــف اول ثنــوي وعقب طــلعت من المدرســه مارامــت اتكــمل..مــب رايــمه تنســى اليـــوم اللي خلااها تطــلع من المدرسه..من هاليـــوم حســت عمرها انها خــلااص لاازم تقــتنع انها مــب شرات البــاقي وان فيها شـي غير عـــنهم..في هاليـــوم حســت ان قضــوا عليها حكـــم الوحــــده طول حيــاتها..خلااص حســت ان محــد يبـــاها في المدرســه..الكــل ابتعــد عنها وحــتى اعز ربيعاتها..بس الابـلوات ليــن هاليــوم وهم يتصلون في ام حــارب عشــان شمــا..يبونها اتــرد تــدرس مره ثـانيه..ابلواتها واايد كانوا يحبونها لاانها كــانت واايد شــاطره ماشاءالله عليها ومجتهـــده وتشــارك في الانشــطه المدرسيـه اللي ماتبعدها عن حصصها..كــانت حريصه على كــل حصـه لاازم تحضـرها..كــانت اتحــب دراستها وااايد ومخططه انها بس تتخرج تدرس هــندسه..قبل كان تفكيرها كـله في دراستها وكــأنه مرضــها ماكــان له اي دور في حيــاتها..لكــن المرض هذا لعــب دوره في هاليــــوم..هاليــوم كــان عــندهم اذاعــة التربية الاسـلاميه ..والابــله خــلت شــما هي اللي تقــدم كالعــاده..شمــا كان عــندها اسلوب وايد حــلو في التقــديم..اول شــي قرت آيات قــرآنيــه ..شما ماشاءالله عليها صوتها وااااايد حــلووو في قراءة القرآن..في كـل اذاعه يخلونها هي تقـرا عشـان صوتها ..يــوم خــلصت المفروض انهم يســوون موقف تمثيلي عــن الصــلااه..هي وويــاها كــمن بــــنت ..الحيــن كـل البــنات متشوقيــن لهالموقــف اللي بيــسوونــه لاانه دايمــا هالقروب ويـابعض يسـوون مواقف وايـد حلوه وتعيبهم البنات..صــار اللي محــد كان يتوقعه..كــان الميكرفون بيــد شمـــا..اول مــابغــوا يــبدون تمــــت شــــما ترتجــــف وطـــاح الميكـــرفون من ايـــدها وطــاحت هييه عالارض اتصـــــــارخ..الكـــــل انصــعق من هالموقف وخصــوصا البـــنات ..تمـــوا زايغيييين ومبــطلين عيـــونهم..واستـــوت حشــره في المــدرسه..الابــلوات كــلهم كــانوا عــند شمـــا..المديــره خــلت البــنات يــدشن الصــف لاانهن مســوين حشـــــره..النــوبه ماكــانت قــويه وااايد فهــدت بســرعه وماحســت بعمرها الا وهي طـايحه عالارض وتشــوف كل الابــلوات متيمعــات حولها..اتذكــرت الاذاعه...الموقف اللي المفروض يســوونه ماسووه..اتـذكرت انها ماخذت دواها اليـوم قبل لا اتــي المدرسه..وعــرفت انه جــاستها النــوبه..طــلبت منها وحده من المدرسات انها اترد البيــت لكــن هي مارضــــت من شــدة حــرصها..اول ما دخـــلت الصــف شــافت الكــل يطــالعها بنظــرات خوف..ســارت يــلست مكانها المعتاد شـافت ربيعتها اتنش من على الكرسي اللي حذالها واتسير تيـلس مكــان ثــاني..كــلما ترمس اي وحــده ترد عـليها باجابه مختصره وتروح عــنها على طــول وفي بـنات كانوا يصــدون عــنها وكــأنهم شـايفين جــدامهم كــائن غـــريب..بجــي مــاقدرت تستحمــل نظــرات البــنات لها وصــدودهم..حــست انه خــلااص مالها مكــان اهــني ..خلااص من بعــد هاليــوم اتحــولت شمــا من انســانه تعشق الدراسه الى وانســانه تكــره هالشي ..كــرهت المدرســه بكــبرها..ماعاد لهـــا خاطر اتسيــر لها من بعــد هاليــوم..وصــادف انه الموقف نفسه تكـرر جــدام مــــايد..وهـــو بعــد من شــاف المــوقف اتخــلى عنهـــا..اااه يا مـــايد..اتوقعــــته من الكـــل ولا منــــك..حـــرام عــليك والله حـــرام..صــدقني كــنت بستااانس وااايد لو كــنا مستمرين ويـــابعـــض..ليــــش تحــرمني من هالســعاده ليـــش ..يكفي الشــقا والهــم اللي انا فيــــه..وانت ييت وزودتها عـــــلي..النــاس كلهم مايهموني اهــم شــي انته من بعد امايه وحــارب..اااه لــو كــنت مستمر ويــاي مــاكنت بحــاتي شــي خلاااااص..بكــون اســعد انسانه في الدنيـــا..خلااص الشخــص اللي ارتاح وياه بيكون معاي طول العمــــر..اااه يــــاربـــي..لكــن انا الغــلطانه..انا الغـــلطانه..اني وثقــت فيــك وصــدقتــك..خــلااص يامـايد انكشــفت على حقيقتك..الحيــن بس عــرفتك زيـــن..حـــبك لـــي مــاكان حقيقي..اووه انا شــو يــالسه اقـــول..اصلا المفروض اتــوقع ان مــايد مستحيــل يرضى فيــني..خلااص هــذا نصيــبي في هالدنيـــا..ااه يــاربي الحمدالله عــلى كــل حــال..وهي بهالحـاله تسمـع دقــات البــاب..تمسـح دموعها وتنش تبطــل البـــاب..
شمــا بصوت مبحوح: هلا حارب..تفضــل تعال..
حــارب وهو مبتسم: ممكــن اعرف اخــتي الحلوه شــو فيها؟!!
شمــا مارامــت تحــبس دموعها جــدام اخــوها اكثــر لوت عليه وتمـــت اتصيــــح..: ااه يــا حــارب انا خلاااص ماابغــــي اعيـــش خــلااص..
حــارب بضيــج : شمــا شو هالكــلام الله يــهديج انا كم مره قــلتلج لا تقــولين هالكــلام مــب زيـــن..حبيبتي انتي شــو فيج؟؟
شمــا: اااه قــول شــو اللي مــافيني يــا حارب..
حـارب: انــزين ممكن تهــدين الحيــن عشان اعرف ارمس ويــاج..
ســارت شمــا ويلست على طـرف الشبريه ووخــت راســها وهي بعــدها تصيح..سـار حارب يــلس عــندها..
حــارب: شمـــا..
شمــا: ...........
حــارب: شمــا الحيــن انتي ليــش مسويه في روحج جيــه..ليــش دايما اذا استوى اي شــي في حيــاتج خلااص توقفيــن عــندها وماتحــاوليــن تجتازيـنه..وتقــوليــن انا ليـــش جيـــه!!..انتي روحــج اتعــذبين عمــرج..كــلما استوى شــي دشيتي هالحجره وقفلتي البـــاب على روحج وخلااص ماتبيــن تشوفيــن حــد..تقــعديـــن روحج اتصيــحيــن..تتحســبين انج خــلااص بجــي بترتاحيــن لــكن لااااا..انتي عــندج اخو وعــندج ام..تقــدرين تيلسيــن وياهم تخبرينهم عن اللي فيج ويخففون عــنج بس انتي ماتبيــن هالشي..صــدقيني جــيه بتتعذبين زيــاده..
شمــا: .........فعــلاا تحــس ان كــلاام حـارب صــح..هي تتحـرى انها يوم تيــلس بروحها بترتاح ..لكــن عمرها ماحسـت بهالاحســاس..
حـارب: شمـا حبيبتي..انا اعرف انتي شو اللي مضيــج بج..يا شمــا الزواج قسمه ونصيــب..خلااص كيــفهم جــان هم مايبــون..وانتي بعــدج صــغيره ..وبييج اللي احســن ان شاء الله..ما فيــها شـــي..
شمــا: انا خلاااااص ماابغــــي حـــد ..ماابغـــي اتزوج..كــــانت غــلطه كــبيره يوم فكــرت في الزواج..انا ويـــن والزوااج ويــــن..اتحــرى عمري حــالي حــال اي بـــنت..
حارب: وانتي شــو اللي فيــج غير؟!!..حــالج حــال اي بـنت بس روحج تحسسين عمرج انــج غيــر عن العالم..يا شمــا انتي روحج انعــزلتي مره وحده عــن النــاس..عــبالج الكــل يفكــر نفس الشــي..عبــالج كــل حــد يشوفج يــعرف ان انتـــي فيج شــي..لاا يــا شمــا..شوفي انتي المفروض تبــدين في نفــسج اول..لاازم انتي اتبيــنين للنــاس انــج وحــده عــاديه وتحتكيــن وياهم عــادي مب تنخشــين عــنهم..انتي اصلا مافيــج شـــي والمــرض اللي فيــج تراه عــادي ..حاولي تنسيــن هالمرض ..دخيــلج يا شمـــا دخيــلج ابــدي حياتج من يــديد وخلااص انســي كــل اللي صــار..وانا وامـــي بنكون ويـــاج خطــوه بخــطوه..
شمــا وهي اتهـــز راسـها: بحــاول..
حــارب: هــــيه جــي ابغيـــج..انـــزين..ممكــن الحيــن اطــلب منج طــلب..
شمــا: آمــر فــديتك..
حــارب: تمسحيــن هالدموع واتيــن تيلسين ويانا في الصــاله..
شمــا: ان شاء الله..
حــارب: وعقـــب اطـــلعج طلعه حــلوه..
شمــا: لاا لاا لاا حــارب دخيلك الا هــاي والله مالي بارض..
حـارب: هااااا.. شو قــلنا احــــنا..هاي اول خــطوه عشــان تبــدين فيها حيــاتج اليــديده..
شمــا: هــييه بــــس.......
حارب: لا بــس ولا شيــاته عقــب اشــويه بتتزهــبين وبنظــهر..
شمـا: خلااص اللي تشــوفه..
حارب: يالله الحيــن خلينا انسير عـند امـايه يالسه بروحها في الصاله..
شمــا: فــديتها والله..يالله نسيــر..
.......................

في سيـارة خالد ربيع مــايد..
مــايد كـان طــالع وياه بعد مااترجــاه خالد..لاانه ماله خاطر يطلع..قبل واايد يحب الطلعات والحواطه بس الحيــن لااا حتى ربعــه لاحظوا هالتغيير المفاجئ عليه..خــالد كان مشغــل المسجــل ومعلي عالصــــوت ..كان حاط اغــنية لي الحيــن أحــبها..كـــان يســوق ويهــز عمــره ويدقدق عالسكــان مرتبـــش من الخــاطر..اما مــايد على عكســـه تماما يــالس ومهموم ومــركز في كــلمات الاغنيــه..(هي والله لــــين الحيـــن أحـــبج يا شمـــا)..اطــالع ربيعه بطرف عيــنه وهــز راســه..:الحمدالله والشكــــر..مـد ايده وبــند المســجل..
خالد: ياخــي اشفيك انته ليش بــندت المســجل اتشوفني مرتبــش..
مـايد: شوف شوف دربــك احــسن لــك مب يالس تترقص لي
خـالد: انته ماتقولي شو فيــك!!!امبــوز وحــالتك حــاله..خـــلك كوووول يا ريــال..
مايــد: اه ليتني اقــدر اقولك..خلّود ودني البيت
خالد: لاا مــب مودنك البيـت انا اليــوم..الا اعرف شو فيــك..(وهو يغمــز له)..ليكـــون اتحــب وانا ماادري..
مـايد يتنهـد: مافيني شــي لا تشغل بالك انته..المهم يالله ودني البيت مليت تراني..
خــالد: لاااا شووو اردك البيـــت يالله ماشي..بنسير السينما ..يقولك نازل فلم عجيييييب..
مــايد: لاا يابوي شو سينما موول مالي خلق ..
خـالد: يالله عااااد ميوود ترى انا حالتك هب عايبتني ..عنبووو من اول ما ركبت وانت ساكت ولا قـلت شي ..يــالس وشايل هموم الدنيا على راسك.. خاطري بس تبتسم..ومب راضــي تقولي شـو فيك..
مايـد: ياخي مافيني شــي بس سالفه مستويه ويا الاهل ومضايج منها اشوي..
خالد: قـــولي انزين يمكن اقدر اساعدك..
مـايد: خـلها على الله يا ريــال..الحيـن انت ويــن ســاير..
خـالد: انا ســاير صــحارى ..بنسير السينما اهنـــاك..
مـايد: والله متفيـــج..
خالد: هي انا اليـــوم مـــزاجي عال العـــال..وابغــــي اردك البيـــت وانت تبتســم عالاقـــل..مب حــاله هـــاي..
مـايد: ههه..
خــالد: لاا والله..وايـــد عـــليك..هــيه صح..انا اعــرف شــو اللي يخــليك ترتبــش انته..وجان يمـد ايده ويحـط اغـنيه ســـلامي..تم يــطالعه ويهـــز له رقـــبته ويهــز عمـــره..ايوااا ..عاشو عاشو..او سي سي سلاامي..
مــايد مــارام ايــــود عمـــره..نقــع عــليه من الضــحك لاانه كــان يسوي حــركات اتضــحك وبـــند المســجل..: هههههههههههه الله يخـــسك خــلّوود ..شوف دربك عن اتوهقـــنا..
خــــالد: هههههه..لااااااا مااصـــــدق..واخيــــرا خــليتك تضـــحك..خلااص بهالمنــاسبه عازمنــك عالعشـــا اليــوم بعد..
مــايد: هههه انزين انـزين علشان خاطرك بــس برضــى بالعزيمه..
خــالد: غصــبن عـــنك بترضـى مـب طــيب منك..
مـايد: هههه ويــاراسك..
....................
كــان يـالس في الصــاله ويــرمس في التــلفون.. ههههههههه حيــاتي والله..انا بعــد احبــج..لاا انا اكــثر..هي هي افــا عليــج..بشوف بشــوف بحــاول ايي اليــوم..(دشــت اميـــره الصـــاله)..خلااص بــرايك بخليك..خلااص اوكــي بحاول..يالله بــاي..
اميــره: مـــرحبا..
راشــد: جــان ما ييتي بعــــد..
اميره: يعني شــو اسوي ايـلس بروحي قــلت اسير بيــت عمي اخير واخليك ترقد على راحـتك..
راشد: الحيــن انا من متــى نــاش..
اميره: انا اشدراني جان اتصلت او ييت اهناك..
راشـد: ماكان لي خـلق..
اميره: انــزين عيل جـي معصـب علي..
راشــد: مــب معصب ولا شــي بس اقول يعــني..
اميره وهــي تبتســم ابتسامه عريضه: يعــني راضــي عني صح..
يطــالعها راشــد بنظـرة ويصـد عنها: ههه والله حــاله..
اميـره وهي حايسه حلجها: اشفيــــك..
راشــد: ههه لاا ولا شــي بس انتي تضحكـــين ..
اميره: لاا والله..جي شو شايفني جــدامك ..مهرج!!!
راشـــد: هههههههه هيييه
اميره: انزين ما عليه بطــوفها هالمـــره..
راشــد: هههههه انا تقهرني يوم اتقــول بطوفها..غصــبن عنج اصلا..
اميره: لاا لاا مــب غصب انزين يــوم ماابي اطــوف مااطوف بس انا وحليلي وااايد طيــبه وبسرعه اطوف..
راشــد: هههه زين زيــن ..انا بطـلع الحيــن..
اميــره: شــــــــــوه!!..بتـــــطلع!!!..انت مــب واعدني اليــوم نطــلع ويا بعــــض..!!..يعـــني شفتني رضيـــت عن اللي ســويته امس فيني وقلت خــلااص..خلها اتـولي..
راشــد: بل بل بل اشــفيج كلتيني..انا اطــري بطـــلع ويــاج يعــني..
اميــره: اويييي ..صــدق والله؟!!!!..
راشـــد: هيييه ..بس الحيــن هونت انــــزين..
اميره: لاا لاا لاا فــديتك والله..خلااص خلااص انا آســفه..
راشـد: لاا لاا لاا تحاوليــن خلااص..
اميــره بـــدلع: رشـــــودي يالله عااااد..
راشــد: شـــو شــو شو قــلتي ؟!!!
اميــره: اشفيــك ادلعــك انزين..
راشــد: هههه مالت عــليج جـان هــذا دلعــج..
اميــره تطــالعها وهي فاجه عيــونها وتشــهق: انا مـــالت عـــلي!!!..لاا لاا اسمحــلي مابطوفها هـــاي..
راشــد: هههه اقــول عــندج دقيــقه لو ماتجــهزتي فيها خلااص ماشـــي طــلعه..
اميــره وهي تــوقف: دقيــقه بـــــــس!!!..
راشـــد: هــــي بــــس ..يالله بســـرعه تراني بيلـــس احســـب..
اميــره: انزين انزين..(وتـــربع فـــوق تبــدل وتتجحــل عالسريع وتلبس الشيــله والعباه وتنــــزل وهي تربع ..تسيــر صوبه وهي تشــاهق من التعــب)..هاااا شوووو ..دقيــقه صح؟!!
راشــد: ههههههه بل بل كــل ها عشان ..احم احم ..تطلعين ويــاي..
اميره وهــي تيــلس عالقنفه وتســاند ظهــرها: افففف والله تعــــبت..هي اقـــول يمــكن بعــد مااطــلعني..(مــره وحــده توقف وتطــالعه من فوق ليــن تحــت وهي حــاطه ايدينها على خصــرها)..لاا واللــــــــــه!!!..امخـــلني انا اركــــض عشان اتــزهب زيـــن ماطـــحت وانت روحــك يالسلي اهني بالجـــلابيه!!!!
راشــد: هههههههههه انتي تراج اول ما قلتلج ما صــدقتي على طول ربعتي فــوق..والا انا كــنت اتحراج ما بتسيرين يوم بتشـوفيني جيــه..
اميــره: دب انـــــزييييييييين..عاد انا ما لااحظـــت..اتخــبلت يوم قلتلي دقيقه ماعرفت شــو اســوي..مالت عــلي انا اللي اسمع كــلامك..
راشــد: ههههههههه..انزين يــودي السويج وسيري شـغلي الموتر ليــن ماانا ايي..
اميره: مــب ســايره انـــزين..
راشــد: هههه خلااص عيل يلسي في البيــت ماشي طــلعه..
اميره: افففف هـــاته انـــزين..خــذت عنه السويج وراحت تشغل الموتــر وعقبها بدقـايق يــا راشــد وركب الموتــر ..
.........................
في صحـارى مول..
مايد وهو ساير صوب السينما ويا ربيعه خالد يشوف حارب وهو ماشي عكسهم..حارب لمحه بس سوى عمره ما يشوفه ومشـى عنه جان يزقره مايد..واضطر انه يوقف له..سلم عليه وعلى ربيعــه...
مايد: جيف حالك حارب؟
حارب: تمام..اشحالك انته؟
مــايد: الحمدالله ..حارب أنــا آســف أنا.....
حارب وهو يشوف خالد ويقاطعه: ماصار شي يــامايد..
خـالد ابتعــد عنهم اشــويه لاانه حــس انه مخرب عــليهم وعندهم شي يبون يقولونه..
مـايد بضـيج: صـدقني حارب البنيـه زيـنه ومافيــها شــي..مب تتحراني يوم عرفت بمرضـها قلت اني ماابغيها.. بس انا شفت ان بعدني عالزواج والمســؤوليه..
حارب وهو مبتســم: عادي مايد اشفيـك ماصار شي والزواج قسمه ونصيـب..بنظل ربع واخوان نحن..
مايد: يعـني مب شـايل في قـلبك عــلي..
حارب: لا أفا عــليك..(يصــد حارب وراه يشـوف شــما توها طالعه من الحمام وتتصدد يمين ويسار تدور حـارب)..خلااص عيــل مايد بخليـك انا..
مـايد: أوكــي حارب خلنا نشـوفك..
حـارب: ان شـاء الله..يالله مع السلامه..
مــايد: مع السلامه..
ايــسير خـــالد صـوب مــايد..
خالد: هـــا خـــلصتوا..
مــايد: هييه..سامحــنا عاد جــان طــولنا..
خــالد: مسـموح مسـموح افا عــليك..اليـــوم اي شــي اتســوي بنسامحك عــليه بس اهم شــي تستانس وتضــحك يااخي..المهم انــا بسيــر اخذ لنا تــذاكر الحين اوكيــه..
مـايد: اوكيــه..
حارب وهو يمشــي صوب شمــا ..تطيــح عين مايد عــليها..عاد هو اهــني تيبس في مكانه.. تم مبهــت يطـالعها..شــاف ابتسامتها وهي تبتسـم حق حارب..اتخــبل عــليها..وده يسيــر صوبها ويقــول أنـــا أحــبج شمــا..أحـــبج..انتبــهت له شـــــما وانصـــدمت انه اللي كــان واقف ويــاه حــارب تـــوه هـــو مــــايد..حــاسه ان خــلااص ريــولها مب قــادره تشيلها وجسمـــها كــله يرتجف وهي تشــوف مــايد يطـــالعها..ويـــهها احمـــر وقــلبها بـدا ينبض عالسريع..وخــت راســها وهــي شــويه وبتصيـــح..
حــارب: هــا شمــا.. خــذتي دواج؟؟!!..
رفعــت شــما راســها وعيــونها تلمع.. مــليــانه دموع..تقــاوم قـد ماتقــدر انها ماتذرف دموعها: هييه ..الحمدالله اني يــبته ويــاي ومــانســيته..
حــارب: هــيه زيــن سويتي..
شمـــا خلااص ماقــدرت تستحمــل ..نزلت دموعها غصــبن عنها: حـــارب خـلااص خـلنا نرد البيــت..
حــارب وهــــو منصــدم: شمــــــــــــا فــــديتج اشفيــــج!!!..
شمــا وهي تقـــبض ايد حــارب: مااعــرف حــارب دخيـلك خــلنا نطــلع من اهــني انا مــب رايمه اتــم..
كــل من يمــر صوب حارب وشمــا يطــالع شمــا اتصيــح..الكــل مستغــرب شو فيها..!!..مــايد كــان واقف شـوي بعــيد وماشال عيــونه من عـليهم..هـو ماكـان يشوف شمـا في هاللحـظه لانه حـارب كـان واقف مجـابلنها..يعـني معطـي ظـهره حق مــايد..
حــارب وبخــوف عــليها: خلااص خلااص فــديتج لا تصيـحين الكـل يالس يشوفنا..خـلااص يالله نــطلع..
مشــت شمــا ويــاه..وهــي مــاشيــه صــدت صــوب مـــايد اللي كـــان واقف في مكـــانه مااتحــرك وعيــونه عـــلى شمــــا..شــافته شـــما بنظــــره مـــالاحظــها حــارب وصــدت عــــنه..مـــايد اهــــــني انصـــعق وهـــو يشــــوف دموعهــــا(آآه يـــا قـــلبي شــما تصيـــح)..مـــاحس بعمــره الا وهـــو مـــاشي وراهـــم..وخـــالد يلحقــــه..
خــالد: مــــايد..مـــــــايد..
مـــايد:......ولا كأنـــه يسمــــع..
خـــالد وهــو يعــلي صــوته: مــــــــــــــيووووود..
مـــايد ينتــبه له ويصــد وراه..
خـــالد: ميــــــود اشــفيك انته ويــا راســك ازقرك مااترد علي..شـــو ويـــن ســـاير..
مــايد بضيــج وشــويه وتنــزل دمعته: خــالد اسمحــلي والله مااقــدر اسير ويــاك السينما..انت لو بتسير برايـــك ..
خــالد: شــــــــــوه!!..انت تتمصــــخر والا شـــو؟؟
مــايد: صــدقني خـالد مــب قــادر حــاس بضيـــج والله..
خــالد: ياخي قولي شــو اللي مضــيج بــك انزييين عشــان اخفف عــنك ..انت ماتبــا تقولي الله يــهداك..
مــايد: صــدقني في اي وقــت حسيــت اني ابغـــي اقول لحــد عن اللي في خـاطري انت بتكون اول واحــد..
خـالد: انــزين والحيــن شووو ..
مـايد: خلااص انا بسيــر وانت سير السينما..
خــالد: لاا والله!!..ويــا امنوا بتسيــر؟
مـايد: بقول حق اي حـد يمر عـلي او بزخ لـي تكسي انت لا تحــاتي..
خــالد: شــو تكســـي انت بعــد..طوف طوف بسير وياك خلااص..
مـايد: لا خــالد تــم انته جــان تبا اتـــم..انا بدبر عمــري..
خالد: لاا لاا بسيـــر ويــاك ..ملل اسير بروحي اهنــاك..تتحراني بــودرك يعـــني..بــاجر بعد بسحبك ويــايه..انا وراك وراك..
ابتســم له مـايد ابتســامه باهته من دون نفــس..
خالد: انـزين يـالله خــلنا انسيــر عيل..
مـايد: يالله..

في سيــارة حارب..
شمــا: حــارب انا آســفه..يــوم اقــولك انا مــب ويــه طــلعات اتقولي لاا لاازم تطــلعين..
حـارب: خــوفتيني عــليج يــا شمــا الله يــهديج جــيه مــره وحــده صحـــتي..شــو ياج فــديتج؟؟!!
شمــا: ها..ماشــي..بـــس ..ماادري شــو اســتوى فيـني..حسيـــت اني مب مرتاحه ابغي اصيــح..
حـارب: والحيـــن شو تحسيــن؟
شمــا: الحيــن احســـن..
حـارب: زيــن الحمــدالله..يمــكن لاانج بعــدج مب متعــوده تطلعيـن وتشـوفين النــاس عسـب جيـه حسيتي بضـيج ..لكـن ان شاء الله بتتعــوديـــن..
شمـا: ان شـاء الله..
حـارب: انـــزين والحيــن وين تبينا نسير نتعشــــى؟!!..
شمــا: لاا حــارب خلااص ابا ارد البيــت..حـليلها امـي روحها يالسه..
حارب: لاا امــي لا اتحــاتينها مابتيلس بروحها ..تلقيـن وحده من حــريم الفريج عــندها او هــي سـايره بيت وحـده منهـن..
شمـا: انـزين حـتى ولــو..وايـد متأخرين نحـن..
حارب: الله يــهديج ويــن متأخرين..بعده وقــت..
شمـا: اممم لاا بنرد البيـت الحيــن..ان شــاء الله بــاجر..بشـرط امـي اتكون ويانا..
حـارب: قلنـالها اترا ماطاعت اتي..امـي مااتحـب هالطـلعات لكــن ان شاء الله اتــي باجر..
شمـا: ماعـليك انا بقـنعها..
حـارب: هههه عاشت عاشت شمــا..عاد اليـوم ماقـدرتي عليها..بشوف باجر شو بتسـوين..
شمــا: لا ان شــاء الله بتي بــاجر..
حـارب: ان شـاء الله..المهم شـو رايـج ناخذ لنـا عشان من اي مكان اتحبينه وانـوديه ويانا البيت..؟
شمـا: خـلااص اوكي اللي تشـوفه..
.....................
في مطــعم تشيليز..كــانوا يـالسيــن اميــره وراشـــد فيــه..راشـد كـان موخـي راسـه ويشـوف القايمــه..أمــا اميـره اخـتارت اللي تبغيه..وكـانت قـاعده تشـوفه وتتأمــل فيه وهــيه مبتســمه..حـاسه انه هاليـــوم واايد حــلو..اول مــره تطــلع ويــاه روحهم يتــحاوطــون ومــزاجــه كان واايد اوكــيه..كــله يضحــك ويسولف ويــاها..عاد هي مستــانسه وايد على هالشـــي..
رفــع راشــد راســه وشـافها يالسه تطــالعه وهي مبتســمه..
راشــد: هههه اشفيــج؟!!
أميـره: هههه مافيــني شــي ..بس معجــبه..
راشـــد: هيييه معجــبه..عادي عادي مب اول مـره اسمعهــا..
أميـره تشــهق: لاا واللــــــــــه!!..من منـــو سمعــتها غيري..هي هي اظــهر على حقيقتك..قول قول اعـــترف..
راشــد: ههههههه تغارين..؟
أميــره: احم احم..هي طــبعا..اقـول لاا تغيــر السالفه ..قــول من منـــو سمعـــتها..
راشــد: ههههه واااايد واااايد..ماينعــدن..
أميـره: صـــدق والله؟!!!...راشــــد قووول الصــــج
راشــد: ههههه انتي تراج وايد غــبيه..يعني انا الحيــن لو قايلين لي جيــه بيي اقـولج انهم قــالولي!!
أميــره: هاااا يعــني بتخـــش عــني..
راشــد: ههههه بعــد مايبــاله ذكــاء..طــبعا..
أميــره بـوزت: اوكي اوكي..
راشــد: ههههههه اســـولف..
أميــره: انـزين بطــــ ....
راشــد يقاطعها: بطــوفينها هالمــره عرفنـــا..
اميره: ههههههه..انـــزين يا حظــي حفظـت المنيـو تراك اخــترت والا بعـــدك ؟؟
راشــد: لاا بعــدنــــي..انا مااخــتار بسـرعه..تبيــن جيــه ماتبيــن خلنا نــروح..
اميره: خيبه خيبه..لاا لاا بــوي تــم اختــار على راحـــــتك..
يــرد يـوخي راســه واميـره تشـوف ان في عـايله يمرون من حـذال طـاولتــهم..تنتبــه على آخـر وحــده كـانت ويــاهم..تشـــوفها وتبتســم لها لاانهــا عــرفتها وهــي بعــد نفس الشـــي..توقف لــها أميــره وتســلم عــليها..
اميــره: هــلاا والله نـــــورووووه اشحــــالج؟؟!!
هي قــالـــــــت جيه وانصــــعق راشـــد..رفـــع راســـه وشـــــافها وهـــو مــبطــل عيــونه ويطــالع بعصــبيه..شــل الميــنيو وخـلااه جــدام ويهه عشــان مــايبيـــن ..
نـــوره وهي مــتردده وخـايفه من راشــد..بس تقـول في خــاطرها احســن يستــاهل اللي ســواه فيني مب شــويه: اهــــلين أميـــره..الحمدالله اشحالج انتي؟؟
اميره: الحمــــدالله يســرج الحــال..ويــــنج يالقاطعه..
نــوره: والله موجــوده بهالدنيـــا..تعرفيــن بعــد عروس مانبــا نخرب عــليج..
اميره: لاا بتخــربيــن علي ولا شــي ويا فيســج..
نــوره: يــا سلاااام ويا فيسج هاي اتــذكرني بايام الجامعه..دوم كــنتي تقولينها..
اميره: هــــيه والله يخـــتيه ايــام حــلوه كــــانت..ليتها تــرد بــس..بصــــيح..
نــوره: ههههه اييه اييه شو تصيـحين مـب وقـته ..خل اسير عــنج احســن قبل لاا تفشليــنا..\
اميـره: هههههه..انتــوا خــلصــتوا الحيــن؟! ..
نـوره: هي الحمدالله اتعشـينا والحيـن سايرين..
اميـره: هييه ..انــزين عــاد قومي بالواجــب وزوريني مــره في البيــت..ترى مــب حلوه هااا..ربيعــتي ومااتيــني..
نـوره: ههه ان شاء الله فـديتج بييج ولا يهــمج..
اميـره: اوكــي الغاليه مع السـلامه..
نــوره: مع الســلامه..قـبل لااتسيــر القت نظـــره عــلى راشـــد وســـارت من عــندهم وهـــي حــاسه ان قــلبها يعــورها..اليــرح اللي في قـلبها بعــده مــابرى..نــزلت دمــعه من عيــونها مســحتها عــلى طــول لاانه راشــد مــايستاهل تــذرف دموعها عــلشانه..صــح انه اول مـاشافتهم اتخيـلت روحها مكــان اميــره..بــس بعــد اتقــول في خــاطرها الحمــدالله انه عــرفته على حقيقتــه قــبل لاا يصير شــي من بيــنهم تنــدم عــليه طــول حيــاتها..هــيه معتــرفه بغــلطتها ونــدمانه عـلى كــل شــي سـوته..حــاسه عمــرها انها كــانت غــبيه ماتفهم..بس الحيـــن عقــلت..وبعــد كــل صــلاه تدعي ربــها ان يســامحها ويغفر لـــها..
.
.
عــند راشــد واميــره..اول مــاراحــت عنهم نــوره يــلست اميــره..وراشــد حــط المينيو بقــوه وعصــبيه عالطــاوله..
راشــد بعصــبيه وصـوته كــان عالي شـوي: شـــــــو هــــاي ..ماتسـتـــحي على ويهها!!..يعـــني تشـــوفني انا يـــالس ويـــاج ..يــايه تســلم وواقفـــتلي ســـوالف!!!
الكـل صـد صوب طــاولتــهم..
أميــره وهـــي مــبطله عيــونها تتصــدد يمين ويسـار مفتشـله و تطــالعه باستغــراب: راشــد حبيبي اشفيــك خف صــوتك مااســتوى شـــي انــزين..مافيها شــي ربيــعتي شــافتني ويـت سلمــت علي شو فيها؟!!
راشـــد: شـــوفي انا مااحـــــب هالــحركـــــــات انــــزين..(وقام من مكـــانه)..قومي قومي يالله خـــلنا نطــلع كـــرهت هالمطــعم انا..
أميــره: راشـــــد ويـــن نسيــر خلنا يالسيــن انـــزين اشفيــــــك؟!!!!
راشـــد: قــــلتلج قـــومي قــــبل لاا اصــارخ عليج جــدام الخلق الحيــــن..
نشـــت اميــره من مكـــانها وهي تشــوفه بعصـــبيه..ومشــت وياه ليــن ماطــلعوا من المطــعم وركــبوا السيـــاره..حـــرك السيــاره وهــــو معصـــب على نـــوره..مفــول عـــليها لو كــانت جدامه الحيــن عادي يــذبحها لاانه صــج مقهــور منها..وهــو يقــول في خـــاطره..الجــلبه نـــورووه بالعمـــاله ســوت هالحـــركه ادريبها متعــمده..
راشــد: هالبــــنت ابغيج تقطعيـــن علاقتج وياها تفهــــمين والا لا..
أميــره تصــد صــوبه وهي مقهـــــوره منه: لاا واللـــــــــه!!!..جي منــــي والدرب اتقـــولي اقطــع علاقتي ويــاها..جـــنه الحيـــن سوت جـــريمه يوم يــت وســلمت عــلي..انت تعـــرف هــاي من مـــتى ربيعـــــتي ؟!!!!..من يــوم مــاكنا في الروضـــه ليــن ماتخــرجنا من الجــامعه ونحن ويا بعــض..والحيـــن بكــل سهــوله يــاي اتقــولي والله ابغيــج تقطعين علاقتـج وياها..وعشـــان شـــو؟!!..عشان يـــت وســلمت عــــليه..هههه والله حــــاله..
راشـــد وهـــو يصـــــارخ: اشــــــــوف طـــلعلج لســــان وقمتي ترمســـــين..شـــــوفي انا مااحـــب حد يـــعاندني ..انتي بـــــس تســـمعيــن كــلامي واتنـــفذيـــنه..
اميره: انزين انزين..
راشــــد: شــــــو انزين انــزين..يـــاهل انا جــدامج تاخذيني عــلى قـــد عقــــلي..اقــــولج هالبـــــنت ماابغيــج تتواصلين ويـــاها والا تـــرى والله بتنــــدميييين..
اميــره: اوووووه..اسمـــحلي شــــي مـــب مقتـــنعه فيه مابســــويه..يعــني اذا اتصــلت فيني ماارد عــليها!!..والا اذا يــت بيتنا اروغها !!!..وبعـــدين انت مـــب على كيــفك تتحكــم في ربيعـــاتي..
يسيـــر راشــــد عــلى طـــرف الشارع ويوقـــف الموتر..يقــــبض ايـــد اميــره ويـــرص عليها بالقـــــو..
راشــــد: شـــــــــو مـــب على كيـــفك؟!!!!انتي كيــــــف اتجـــرأتي اتقـــولين لـــــي هالكـــلام..انتي ماتستحيـــن على ويهــــج..انـــــا ريــــلج وغصــــبن عـــــنج اتحكــم في كـــل شـــي..

أميــــره وهــــي تصيـــح: هــدني انــــزين هـــدني..(هــد راشـــد ايـــدها)..وخـــت راسها وتمـــت اتصيـــح..حــرك راشــد الموتـــر ..وهــو قــلبه يــعوره ..غمضــه شكــلها واايد..افففففف حســبي الله عــليج يــــانورووووه حســـبي الله عــــليج..لكــن انا براويج..تـــم ســاكت لفتــره ليــن ما هــدت اميــره..
راشــد: امم..ويــن في خـاطرج اتسيرين؟
أميـره: ماابـــــي اسير مكــــان خلااص بـــس ودني بيــت ابـــوي..
ســكت عــنها راشــد ..وســار صــوب مطــعم ثـــاني ووقــف اهـــناك..
راشـد: يــالله خــل ننــزل..
أميــره: قلتلك ماابغي خــلااص ودني بيــت ابــــوي..
راشــد: أنـــا آســف..بس الصــراحه قــهرتني يعــني ماكــان المفــروض اتــي صــوبنا وهي عـارفه اني انا يـالس ويــاج ..
أميــره: وانت مــاكان المفروض تعصــب عليه جــيه وتصــارخ..
راشــد: شـــو اســوي انقهــرت الصــراحه انا مااحــب هالنــوعيه من البــنات..
أميــره: اوكـــي انقهــرت بــس ماتـــوصل لــدرجة انك اتقولي اقطع علاقـتي ويـاها..
راشـد: انـزين خـلااص انا آســف وحقـج عــلي..الحيــن شو يعــني انا يـايبنج ليـن اهــني بعشـيج..بترديني..!!
اميره: انســدت نفسي خلااص ماابغــي شــي..
راشـد: يعــني انتي ليــن الحيــن زعلانه؟
اميره: ............
راشــد: يالله عــــاد طـــوفيها لي هالمــره..بس هالمــره بــــس..
اميره: يـــاكثر مااطــوفها يحـــليلي..
راشــد: ههه بــس هالمــره انـــزين..
اميـره: اممم بفـــكر..
راشــد: طـــاعوا هــاي..بفــكر اونه..اقــــول..تبيـــن والا لا؟!!..ماتبيـــن قولي احســن بوفر بشتريلج سندويجات شورما وبردج البيت..
اميره: ســندويجات شـورما هـــا..!!..انزل انـــزل ان ماخســرتك اهــني..بطــلب كــل اللي عــندهم بس عســب اخســرك..ابغـــي انتقم..
راشــد: ههههههههه عــادي ما يغـــلى عــليج..
أميـــره تشـــــهق وتطــــالعه وهي فاجـه عيــونها: آخ يــــا قـــلبي..راشــد يقـــولي هالكـــــلام..لاا لاا ..مااصــدق..دخيــلك عيدها عيــدها..
راشــد: ههههه الحمدالله والشكــر..
نــزلت اميــــره من المـــوتر..
اميــره: يالله انـــزل انــــزل..تراني نــسيــــت كل شــــي..من بعـــد هالكلام..
راشــد وهو يــنزل من السياره: ههههههه اقــول مــب توج تقــولين مالج نفـــس؟!!..
اميره: ههههه اوني اتغـــلى..والا انا الصراحه ميــته يوع زيــن انك مااتحــركت..
راشــد: هههههه جـــان زيـــن سرت وخــليتج جــيه ميــته يــوع ..اونه..(وهــو يقــلدها)..انســـدت نفســـي..
اميـره: ههههههههههههه..اصلا مااهــون عـــليك ادري..
راشــد: هههه يــعني وايد واثقه اشـــوفج..
اميره: هييييه طــبعا..مــو تــوك اتقــول مــايغلى عــليج..احم احم..يعني انا غاليه عــندك..
راشــد: هههه لو ادري بتستانسين عليها جـيه جان ماقــلت..
اميره: صــدق انــك نـــذال..
راشــد: ههههههه بطــوفها هالمـره..
اميره: ههههههه لـــو سمــحت لا تقــلد
راشـــد: ههههه امشي امشــي..
.......................
وصــل مــايد البيــت ..اول مادخـل الصاله شاف خـوله يـالسه بروحها..
مايد: سـلام عليكم..
خوله: وعــليكم السلام..هلا مــايد..
يـسير مـايد ويقعــد عـندها: اهــلين..
خـوله: اشحالك..ان شاء الله مرتاح الحيــن؟
مــايد: ويــن ارتاح وانتـوا تبون تحرموني من الانسـانه اللي احـبها..
تــدش مــنى عـــليهم وتسيـر تقعد ويـاهم..
خـوله: اوهووو نـحن مابنخـلص من هالسالفه يــعني..
مـنى: شــو السالفه؟
خـوله: هــذا اخــوج مــب طايع يــنساها..
مـايد: انتـــوا ما تفهـــمون!!..انا ابغيــــها..احــبها احـــبها..
خوله: امســات اتقـول خلااص ماتبيها واليـوم اتقـولي والله ابيها..شوف مــايد انا خلااص رمسـت امها وقـلت انه ماصار نصيــب..يعني خلااص انســـاها وشيلها من راسك..
مـايد: ليـــــش يــــا خــــوله ليـــــش..!!..انتي مــــاتبين اخـــوج يستـــــانس..!!!..ليــــش تتمنيــــن له العــذاب ليــــــش!!
خــوله: مــايد انت شــو قاعد اتقـــول..يــامايد انت اخـــوي الوحيـــد..ويشــهد الله اني اعــزك واحــبك وااااايد..انــــا ماابغيـــك تاخذ وحــده كــنت اترمســها قــبل..ماانعــرف عــنها شــي..يا مــايد انت الحيــن اتقــول انك تحــبها وهي بعــد اتحــبك بس بعــد الزواج غيــــــر..لــو البــدايه غــلط كيــف تبــون تعيشون حيـــاتكم بســـعاده..فكـــر فيها انته..ولا وفـوق كــل هــذا فيها الصــرع..انا ماابغــي ارمس عــنها واقــول ان فيها وفيها..لااا والله مــب قصــدي..انا اتمــنالها كــل خيــر والله يشــافيها من هالمرض بس انا ماابغيــك انت تــاخذها حـرام عــليك انت اخــوي الوحيــد وماعــندي غيـــرك..
مــايد: حـــرام عــليج انتي.. ماتبيـــن اخــوج الوحيـــد يعيـــش ويا اللي يــحبها..انا مــرضها عادي عــندي والله عــــادي وانا متــــأكد اني بعـــــيش وياها طـــول العمـــر وانا مستــانس ومــرتاح..
خـوله: مــايد انت واثق في البــــنت؟!!..انت متــأكد انها كــانت اترمســك انته بس وماترمس غيـــرك؟!!..انت كــنت وياها؟!!..اتشــوفها شو اتســــوي ؟!!!..
مــايد: ............(آآآآآآه يــــــــــا خـــوله..بعـــــد عدتيلي هالكــــلام..انا مـــاصدقت نسيـته..)
خـوله: شــفت..كيــف اتقــول انك تــبا تاخذها وانت ليــن الحيــن مااتعرف اذا انت واثق فيها والا لاا..
مــايد:............
خوله: شوف مــايد انســى شمــا..والله يـوفقها في حيــاتها خــلااص عــاد خـلنا انخـلص من هالسالفه..
تطــلع خـوله من مخــباتها صــوره وتعطيــه مـــايد..
خوله: يــود شوف هالبــنت ..شـــو رايــك فيها..؟
مــايد وهــو ميــود الصــوره يقـــوم من مكـــــانه فجـــأه: شـــــو هاااا صــــورة امنــــوا هـــاي ؟!!!
خـوله: هـــاي ربيعــت منــى ..شـــوفها ..حــلوه وحـــبوبه..شو رايك فيها؟!!..
مــايد وهـــو يصـــارخ بــــويه خـــوله: انتــــــــــــي شـــــــو!!!!!..ما تفــــــــــــهمين ؟!!!!..اقــــــولج انا ابـــــغي شمـــــا..ابـــــــغي شمـــــا.. ماابغــــــــي غيــــــــرها..
ويطـــــر الصـــوره بعصــــبيه ويفــــرها على ويـــه خـــوله..وســـــار عـــنهم ودش حجــــرته وبــند البــــاب بالقــــوو..
مــــنى شـــــهقت: حــــــــرااام صــــورة البــــــنت!!!!!!!
انصـــعقت خـــــوله..اول مـــــره مــــايد يصـــارخ عـــليها جــــيه..تمـــت اتصيــــح ومـــنـى يــلست اتهـــديها..
......................
يــالس عــند التلفــون يـترياها..الساعه 12 ونـــص الحيـــن ..وينـــها هـــاي اتأخــــرت..؟!!!..العــاده على الســاعه 12 تتصـــل..اخــاف صـار فيها شـــي ..اه يــا قلبي بمــوت لـــو صـاير فيها شــي..افففف الحيــن لو كـــان عــندي موبـــايل كــنت اتصـلت فيها روحـــي..يــلس يــوسف يـــترياها..اتــرياها واااايد وشـــاف انه مــاشي فايــده ماقاعده تتصــل الساعه 2 الحيــن..اتمــدد تحــت في الصــاله وقـال انه بيــرقد..اذا اتصـلت بيسمـع صوت التلفون وبيــنش..لــكن مايالس اييله ارقــاد..يتجــلب يمين ويســار بس مــاشي فــايده قــلبه مــب مرتاح..خـلااص اتعــود يسمع صوتها قبل لا يـرقــد..يتــــفاجأ يــوم يســمع صــوت اذان الفـــجر..اذن الفـــجر وانا ليــــن الحيــــن مـــــب راقــــد!!!!..ااه يــا شـــهد ويـــنج انتــــي ؟!!..يــنش من مكــانه ويسيـر يتيدد ويصـلي الفجــر..وعقـبها حــس ان يبي يـرقد خـلااص مــب قـادر ..اتمــدد في الصــاله ورقــــد ..بعـــد ثلاث ســاعات تقــريبا يحــس انه في ايـــد تطبطب على جـــتفه ..وصــوت امـــــه تــزقــره بحـــنان..
يـوسف وهـو يبطــل عيــونه بصــعوبه: امـــــي!!
عايشـه: يــوسف فــديتك انت راقــد اهــني!!..سير ياامي ارقــد في الحجــره..
يـوسف: محــد اتصــل ؟!!!..
عايشــه: لاا محــد اتصــل..منــو بيتصــل يعني؟!!..
ينــش يــوسف من مكـــانه ..وهــو سـاير صـوب البــاب بيطــلع ..يوقف فجأه..
يوسف: انتي ليـش نـاشه هالوقت؟!!..
عايشــه: يعـــني مااتعرف..تراني بســــير الــ......
يوسف يقاطعها: هههه هيييييه صح نسييييييييت..بتسيرين الشــغل هههه زين زين والله..
عايشـه وعلامات الحـزن مبينه على ويهها: يـــوسف اشفيــــــك؟!!!
يـوسف: لاا لاا مافيني شـي ..اقـول ويـا امنوا بتسيرين؟
عايشه: مثـل كل مـره..دريـولهم بيي ياخذني..
يوسف: ههههه ماشاءالله عــندهم خدمة مواصلات بعــد ههه والله زيـــن..عاد بكــم السيره والرده..؟!!..والا مجــــاني.؟!!
عايشـه: يــوسف انت تتطـــــنز عــلي ؟!!!..
يوسف: لاا لاا ياامي ليش اتطــنز..يعني حـرام اســئلج
عايشه: انــزين سير كمــل ارقادك الحيــن..
يوسف: هي طــبعا بسير اكمــل ارقــادي..وانتي سيري الدوام ههه ولا تنسيـن توقعين هااا عن يتحرونج مـب سايره ويخصمون من معاشج بعــد مافينا..
دمعــت عيــون عايشه وهي تشـــوفه وسكتت عـــنه ومشــــت..اما هو فاتساند عالبــــاب ورد راســه عليه وغمــض عيــونه ونـــزلت دموعه..حـــس انه وااايد زودهـــا ويا امـــه..كيــف يــقولها هالكـــــلاام؟!!!..انا كــــنت يالس استهــزأ فيــــها!!!!..وهي اللي كـــل يـــوم اتـــنش هالوقت وتسير تشتغـــل وتتعـــب..وانا اهـــني يــالس اطـــنز عــــليها..انا شـــو اسـتــوى فيــــني..ليـــش اســوي جيـــه؟!!!..عســبت موبــــايل؟!!..يعــني معقــوله امــــي لــو عــندها ماكانت بتعطيني اشتريلي..معقـــــوله؟!!!..تــم فتــره جـــي يفــــكر..وتـــوه بس حــس انه هـــو متغيـــر..طــلع من الصــاله وســـار يستسمح منــها لاانه صــدق حس انه وااايد مصــخها اليــوم..بس للاســف كــانت مــروحه..دش هو الحجــره وشــاف مروه راقــده وعــندها شيـخه..استغـرب ليش مب راقـدين في غـرفتهم!!..فــرش هــو تحــت ورقــد..بس شــاف مــروه وتذكــــر شــهد..مـاياله ارقـــاد نـــش ويـــلس..كــان يحــاتيها وااايد..تــم يــالس يتــريا مروه اتنــش..
.........................
طــلع من حجــرته وهـــو مضـــــايج واااااايد..مــاله خــلق يــروح الدوام بس شـو يسوي لاازم يروح..شــافها يــالسه في الصــــاله..اول شـــي سواه ســار حب راســـها..لاانه صـــج كان نــدمان عـــاللي ســواه امــس ..اول مــره يصـــارخ عليها جيـــــه..
مـايد: انا آســف خــوله..سامحيني..
خــوله ماردت عــليه كــانت اتأكــل ولــدها سيــف..
مـايد: خــوله دخيــلج ســـامحيني..خلااص اللي تبيــنه بيصيــر..
خـوله: يعــني خلااص ..انسيــر نخطــبلك نوال ربيعــت منى؟!!
سكـــت مــايد لفــتره وحـــس انه قــلبه يعــــوره..
خـوله: هاا ..شــــوو؟!!
مــايد: خـلااص اللي تشــوفونه..
خوله: مــب باجر اتي اتقــولي والله ابغــي شمــــا..خــلااص انســى هالبـــنت..
مـايد: بحــاول..
خـوله: انا بقــول حق منــى اترمس ربيعتها انه بنســر لهــم اي يــوم هم يبونه ونخطــبها..
مـايد: خــوله انتــي ليــش مستعيــله ..اتريي اشــوي..
خـوله: لاا يا مــايد..لاازم كــل شي يصير باسرع وقــت عشــان تنســى شمـــا..
مــايد: ............
خوله: يالله فـديتك كـــل شــي وسير الدوام عــن تتأخــر..
مــايد: مالي نفس اكل شـي بسير الدوام..
خوله: لاا لاااازم تــاكل..اتسير جي على لحــم بطــنك مايصير..
مــايد: مــالي نفـــس والله..بشوف يمـكن اخذلي شي وانا ساير..يالله تامريني عــلى شــي..
سيف: خااااالييي انا ابي العااااااب..
مــايد: منو سئـــلك انته..مابييبلك شـي يالله..
خوله: هههه حــرام عــليك الحيـن من متى يقولك يبي العاب وانت مااتيـــبله..
مــايد: خل ابــوه اييبله العـــاب ..
سيف: بابا احســـن منك اييبلي وااايد العااااااب..
مــايد: انـــزين احســن بعـــد..يالله مع الســلامه..
خوله: ههه مع الســلامه..ربي يحــفظك..
.....................
نشــت مروه..واستغــربت يــوم شــافت يــوسف..
مـروه: يـــوسف؟!!!..
يـوسف: واخيــــرا نشيـــتي؟!!!..
مروه وهـــي خايفه..اكيــد عـرف شــي اكيــد: شوو..شووو مستوي؟!!!
يوسف: مب مستوي شي سيري اغسـلي ويهــج وتعالي برمسج..
مروه: ان شــاء الله..
دقـــايق ويــت مــروه ويــلست عــنده..
مروه: يوسف خـــوفتني..شوووو مستوي ؟؟!!!
يوسف: اممم ..ههه بلاج زايغه مب مستــوي شــي امم بس ابغيج تسولفين وياي روحي يــالس..
مروه: اففف الحمدالله..والله خــوفتني..انــزين انت ليــش ناش من وقت؟!
يوسف: شـو اسوي مـايالي رقــاد ..
مروه: هــيه عشـان جيـه..انزين بسير اسوي ريـوق..
يوسف: لااا تمــي بسولف وياج..
مروه: ههه انزين يالله ســولف..
يوسف: اممم مـروه في وحده دوم كـانت اتي عـندج..شو اليـوم بتــي بعد ؟!
مــروه اتغــير ويهها وهي تطــالع يوسف باستغـــراب: لااااا مــابتي..لاا اتيبلي طــاري هالبــنت خــلااص مول مابتي بيتنا..انت ليــش تسأل؟؟
يوسف: هااا ..لاا بس اقول يعـني اذا بتي انتي بتنشغـلين وياها..وانا بتم ابروحي عقب ..اممم جي شو مـستوي بينكم.؟
مروه: هاااا..مب مستوي شي..مب مستوي شي ..
يوسف: مروه اشفيج؟..جي شو مستوي بينج وبينها..مااحيدج اتخشين عني شي
مروه: امم بس سـوء تفاهم اسـتوى بينا وخلااص اتـزاعلنا..
يوسف: انــزين شــو استوى بالضــبط قوليلي..
مروه: يــوسف انت ليــش وايد مهتـــــم..خلااص انا هالبــنت ماابغي ارابعها..
يوسف: يهـــمني اعــرف ليــش..انتي اخــتي ومن حقي اعرف كـل شـي عنج..ليش شو بلاها البـنت ليـش ماتبين اترابعينها
مروه: اممم شــو اقـولك..انا سمعــت انها وحــده مــب زيــنه وابتعـد عنها احســن..
يوسف: لاا واللـــــه؟!!!..امنــــوا قــــالج؟!!..من ويــــن سمعــــتي؟؟!
مروه: اممم سمعــت من نــاس..يــوسف اشفــــيك خلااص عاد غير السالفه ليش وايد مهـتم في البنـت انا ماابغي ارمس عـنها..
يوسف بعصــبيه: لاا والله ..يعــــــني الحـــين مول ماقلتــي شي..كــفايه انج قلتي عنها انــها مـــب زيـــنه..اي حــد قالج شي علـــى طول تصـــدقينه انتي ؟!..على كيفكم تحطــون عالبــنت مسكينه..مااتعرفين انه هالشــي مب زيــــن..
مروه: خيبه خـيبه..يوسف انت ليــش يالس تــــدافع عــــنها!!!!!!!!!
يوسف: هااا..للا لا ماشي..بس اقول يعــني مب حـلوه تحطــون عالبنت وتقولون عنها كلام مب زيــن من وراها وانتــوا ماشفتوها بعيــونكم..
مروه: واذا قـلتلك انه في نــاس شــافوها..!!
سكــت يــوسف ومـــااعرف شـــو يقـــول..
مروه: يـوسف انت ماتـرضى انا ارابــع وحــده مــب زيــنه صح؟!!
يوسف: صح
مروه: خــلااص عيل انا ماابغي ارابع هالبـــنت..يالله انا سايره اسوي ريــوق..ســارت عــنه مــروه وخــــلـــــته هووو جــــيه منصــــدم..معقــــــــوله!!!..معقــــــــــوله الكــلاام اللي اتقـــــوله مروه صـــــح!!!!!..لاااااا ..لااااا مستحيــــــل..اصـــلاا انا مـــاشفت وحده احـــسن من شـــهد..كيــف يقولون عـــنها جيـــــه!!!..انا لاازم اكــــلمها اليــــوم لاااااااازم..
...........................
طـلعت مـريم من الحجــره شـافت البيــت هــدوء..نــاشه من وقــت اليــوم ومـب عارفه شـو اتسـوي ..امم ابــويه في الشركــه..ومــرت ابـوي اكيـد راقــده ..وعـــوشوووه بعــد راقــده..امممم شو اسوي شو اسـوي..اتصـل في حمد !!..لاا حـرام يمــكن راقـد بعـد..بعـــد تفكيـــــر قــررت اتسيـــــر عند عــايشه..حــاسه انها من زمــان مـايلسـت ويـاها..طـلعت من البيـــت وســارت صـوب حجـرتها ..الباب كــان مفتوح مــاشافتها داخــل..ســارت المطـبخ وشـافتها اهــناك..
مــريم: ســـــلام عليييكم..
عايشــه اول مـــــاشفتها اســـــتانست من الخــــــاطر..
عايشــه: وعــليكم السلام هلا هلا بمـــريم..شحــالج حبيتي شــخبارج ان شاء الله بخير
مــريم: الحمدالله بخيــر فـديتج اشحالج انتي؟
عايشــه: الحمــدالله انا بخير دامج بخيـر يابنيـتي..
مـريم: اسمحيـلنا عاد خالوه وايد مقصرين وياج مـاقمنا اني عـندج..
عايشــه: مـــاعليه فــديتكم متى ماتبون اتــون حيــاكم الله..
مـريم: انــــزين خالوه شخبــارج بعــد؟..وشخبار العيـال..؟
عايشـه: والله كــلهم بخيــر الحمدالله انتــوا شخباركم..
مـريم: تمـــام الحمدالله..
عايشــه: خــلينا انسيــر الحجره عيـــل احسـن من وقفــتنا اهــني ..
مريم: لاا خــالوه انتي كمــلي شغـلج انا بروح الحيـــن وبييج وقــت ثاني ان شاء الله يـوم بتفضيـــن..
عايشـه: هــيه يا بنــتي لاا تقاطعيــني عاد..فــديتها عوشه هي الوحيــده اللي ما قاطعتــني دوم اتيني..
مــريم: هههه والله؟!!!!!!..الشيطــــانه هاي متى اتيــــج؟!!
عايشـه: حــــليلها هالبــنت والله اني حبيتها وااايد..اتيني جي قبل لا اروح من عـندكم بساعه ..تقعد عـندي شــوي وتروح..
مـريم: هههه عســى بس مااتأذيــج خالووه...
عايشـه: لاااا فــديتها والله انها عســل..ســوالفها واايد حــلوه..
مــريم: ههه زيــن والله..انــزين خالوه عيل بخليـج كمــلي شغــلج..
عايشــه: ابرايــج يا مـريم خـلينا انشـوفج عاد..
مريم: ان شــــاء الله..
...................
سمــعت صــوت جرس بيـــتهم..شـافت شيـــخه تركــض صوب البــاب بتفتحه فســارت وياها لاانه يــوسف كــان راقــد من التعــب والسهر امـــس..واتخــاف اتخـلي شيخــه بروحها..اول مــابطلت شــيخه البــــاب انصـــــــــــدمت مروه من اللي شـــــافته..تمـــت مبــطله عيــــونها تتطــالعه في البــدايه بس عقــب استحـــت ونــزلت عيـــونها وهي قافطــه ومفتشـــله منه..
حمــــدان..ســـــبحان الله!!!..وانـــا يــــاي صوب البيــــت..اتـــــذكـــرتها..ماادري ليــــش اتمــنيت انه هــيه تفتـــح البـــاب..وكأني حــــسيت انها هي اللي بتفتــحه اليــوم بالذااات..
شيخـــه: حمدانووووو دبدوووب يبتلي حلاوه؟
انتبــه حمــدان على شيــخه: هههه اهلا اهلا شيــخاني..عاد انتي ماقلتيلي اييبلج..ان شــاء الله مره ثانيه انزين..
شيخه: مااحــبك انــزين
مــروه تطــالع شــيخه بعصــبيه..
حمــدان: ههههههه..امم اخــتي ويــن يوسف؟
مـروه زاغــــت من ســؤاله ورفــعت راســـها تطــالعه باســـتغراب: هااا ..يـــوسف ..!!..ليــــش؟!!..
حمـدان: بسيـــر ويــــاه النــــادي..
مروه: هيه اخوي يوسف راقــد شكـله مابيسير اليــوم..
حمـدان: اها انــزين خلااص مـب مشكـــله..يالله مع الســلامه..
مروه: مع الســلامه..
ابتســم لهـــا حمــــدان وهـــي اهــني احمـــر ويهها وما عــرفت شــو تســوي جان تبتســم له وعقـبها راح عــلى طــول لاانه حــس انه احــرج البـــنت..ومــروه سكــرت الباب ..ودشـــت داخل وهي ليـــن الحيـــن حــاسه انها قــافطه وويهــــا احمــر..حمــدان اتخــبل على ابتســامتها ..مــاشاءالله عــليها حــــلوه..من هــاك اليــوم اللي وصــلها وهــو حــاس بشــي اتجــاهها..لــدرجــة انه اليــوم كــان يتمــنى انه يشــوفها وفعلا شـــافها..!!!!
.........................
طـلعت اميره وســارت تيلـس عـند قــوم مـريم..استــغل الفــرصه هو وقــال لاازم يتصــل فيها الحــين ويهــزبها عالحـركه اللي ســوتها امـــس..اتــصل اول شــي بس مــاردت عــليه..اتصــل لها مــره ثـــانيه وردت..
نــوره: نعــــــــــــم!!!
راشــد: انتي اييييه ارمـــــسي عـــدل..نوروووه تــرى هالحــركات الخــايسه مـــب عليه انا تفهــمين والا لا..تتحــرين بجــي يعني بتخــوفيني !!!
نــوره: اقول باي باي انت ماعــندك ســالفه..
راشـــد: احــــــترمي نفســـــــج احســــــن لج..
نــوره: سيـــر لاا ..بــــاي..وبــــندت التــلفون عــلى ويهه..رد اتصــل فيها مــره ثــانيه وهــو مفــول عــليها..
نــوره: انت شــــو تبـــا مني الحيــــن..
راشــد: انتـــــي قـــــــــد هالحــــــركه!!!!!!!
نـــوره: قـــدها وقــدود بعـــد والا جــان ماسويتها..
راشـــد: نورووووه والله بتــــندمييين..
نـوره: شو بتســـوي يعــــني..
راشــد: ههههه قــولي شــو مابســـوي..انا عــندي وايد اشيــاء اقـــدر اسويها ..عــندي صــورج ومســجاتج وصــوتج و........
نــوره تقــــاطعه وهـــي اتصيــح: انا بعـــد اروم افضحــك عــند اميره انزين..
راشــد: هههههههههههه لاا لاا الصراحه زيغــتيني..امييي زغــت انا زغــــت...ههههههه تعـــالي افضحيــــني..اتـــرياج انا اتيــن وتفضحيــني ..هههه حليلج ســـلاحج واايد ضعيييف ..ومامنه فـــايده..شــو بتقولين لها يــعني..!!..بتقولين انا كــنت ارمس ريـلج قـبل ههههه..
نـــوره انصــــــــعقت من كــــلامه..تمــــت اتصيــح مب عارفه شــو اترد عــليه..
راشـد: شــوفي انا عادي عــندي اتين وتفضحيني انا ريــال وبعرف كيـف اتصـرف لــكن انتي لاااا..انتي سمـــعتج بتكون في الارض عقــــب..فأحســـن لج ابتعــدي عن اميــره عشــان هالشي مايصيــر لج..
نــوره: ............
راشــد: ان شــاء الله تكون المعلومه وصــلت ..يالله بباي..
سكــــرت نــوره التـــلفون ..اتمــــنت في هاللحظه تنشق الارض وتبلعـــها والا انها تســــمع هالكـــــلام..معقــــوله!!..معقــــوله انا حبيـــت انســــان مثــل هــــذا!!!..لاا والقهــــر اني ليــــن الحيــن حــاسه انــي احـبه ومب قــادره انســـــاه..شو اللي فيــــه مخــليني جي اتعــلق فيييه شووووو..ااه يــــاربي انا ليــــش سويت جيــه ليــــش..يــارب سامحـــني..ياربي والله انــــي ندمــانه عــلى كــل شــــي ســـويته..يــارب سامحـــني واغفر لــــــي..يــارب استـــر عــلي دنيـــا وآخره..يــــارب..
..........................

كــان يــالس صـــوب البـــحر ..الجـــو كــان هــادي وحــلو..كـــان حــاس بضيــــج فضيـــع...حــاس انه قــلبه ينزف ..ودمـــوعه نــازله عــلى خــده من غيـر لا يـــحس فيها..يعــــني خلااص شمـــا..خــــلااص انا مــابعيش ويــاج طــول العمــــر..خــلااص يعــني كــل شــــي انتـــــهى..ااااه يــــــا قــــلبي اااه..مــب قــادر اتخيــل حيــــاتي من غيــــر شـــما...كيـــف يبــــوني اتقـــبل وحــده ثـــانيه كيـــــف!!..انا مستحيــــل اقــدر انســى شمــــا..مستــــحيـــل..بدون احســـاس طــلع موبايله من مخـــباته ومــاحس الا وهـــو داق عــلى رقـــم شــــما..وكــان يــــرن..مع كـــل رنـــه يحـــس انه نبضــات قلبه اتـــزيد ..
.
.
انصــــــعقـــت شمـــا من شــافت الرقـــــم..مــــــــــايد!!..اااه يــــامــــايد والله انـــي متولهه عـــليك وااااايد..مــــتردده اتــــرد والا..اتـــرد والا..اوووه انا بـــــرد..اول ماتبغي تضغط عالـــزر تحــس ان في شـــي يمـــنعها..قــلبها يقــول ردي لكــن عقــلها لاااا..لاااا لاااا مـــابرد..خــلااص مـــايد مايبيني ...مــــايبيني..غــلقت مــوبــــايلها وتمــــت تصيـــح..
.
.
ااااه شمـــا دخيـــلج..دخيــلج خليني بـــس اسمع صـــوتج لآخـــر مره..ليـــش تبين تحــرميني من هالشــــي ليــــش..كــتب لها مســـج..(كــان خاطري اســمع صــوتج لآخــر مــره..شمــا..دخيــلج لاا تفهميني غـلط..بس الله مـب كاتب لنا نستمر ويا بعـض ..الله يــوفقج ويهنيـج في حيــاتج..حبيبج اللي عمــره مابينســاج ..مـــايد)..طــرش لها هالمســــج..وهـــو حــاس انه خــلااص كأنه جــلعوا قــلبه من مكـــــانه..والله احــــبج يــــاشمـــا..وبــظل احــــبج..
.
.

....................
سمعــوا صـوت الجــرس وربعــوا مـروه وشيـخه صـوب البــاب لاانه عــرفوا منو اللي يـــاي الحيـــن..استــانســوا واايد يـــوم شــــافوها ..وهي بعــد نفس الشــي..شافهــم يوسف وحــس عمــره انه من زمــان ماســواها..من زمــان مااتــرياها بلــهفه جيــه شرات خـــواته..اليــوم حــــاس شــرات قــبل انه مــتوله عـــليها وايد..ســار صـوبهم عــلى طــول وحــب راس امــه ..اهــــــني عايشـــه حســـــــت بفـــــرحه كــــبيره ..حســـت بــــراحه انه يــــوسف بدا يــرد شــرات قـــبل..
عايشه: فــديتك والله يــا يوسف اشـحالك ان شاء الله بـخير..
يـوسف وهــو حـاس ان العـبره خـانقتنه مضــايج من شيئين اليــوم..من اللي ســواه في امه الصــبح ومن كــلام مروه عـن شــهد..: امـي انا بخيــر الحمدالله انتي اشحـالج؟
عايشه: انا بخيــــر فــــديتك..هيييه يــا يوسف..من زمان ما سـئلت عـن حالي..
يـوسف: امــي انا آســـف..انا ماادري شــو يــاني..(حـب راســها)..انا آســـف ســـامحيني..وراح عـــنهم..مــاقــدر يـــتم حــاس بضيــج ودمعــت عيونه..
عايشـه: فــديتك والله يــا يوسف..مســامحتنك يـاولدي..
مروه: الحمـدالله امي انه عــرف غــلطته..
عايشـه: الحمدالله..انتو شــخباركم؟
مروه: والله الحمــدالله ياامي نحن بخيـر دامج بخير..
عايشـه: ربي لا يحـرمني منــكم..
بعــد مــارقـدوا كـلهم طـلع يـوسف ودش يلس في الصــاله..الساعه 12 الحيـــن..اتــرياها ليــن الساعه 1 مــاتصـــلت..اووه انا بتــصل بيتهم واللي فيها فيها..ان شــاء الله ان شـــاء الله هي اترد عــلي..اذا مب هي اللي ردت بسـكر ..اتصــل وتـــم يرن فـــتره ليـــن ماردوا..
....: الووو
يـوسف: الووو..
.....: نعـــــم..
يـوسف: شـــهد؟!!!
شهـــد: هي نعـــم امنوا انته..
يـوسف: شهــــد فــديتج والله اني متــوله عــليج..افاااا نسيتيني..انا يــوسف..
شـهد: شــو تبا انته؟!!! وليـــش متصل؟؟!!
انصــــدم يوسف من اســلوبها..
يوسف: شــهد اشــفيج انا يــوسف!!!!!
شــهد: وخيــــر ان شــاء الله ..شــو اســـويبك يعني ..
يوسف: ليــــش نحن مو المفروض هالوقت انرمس بعــض.؟!!
شــهد: هــذاك اول ..خــلااص انســى انك اترمــسني الصراحه انته واختك مامنكم فايده..
يـوسف: شووووووو!!!..انتي شــهد والا وحــده ثانيه!!!!
شـهد: اقـــول عــندك شــي ضروري بتقوله والا؟
يــوسف من الصــدمه مــب عارف يــرد..
شــهد: ايييه ارمســك انا..
يوسف: شــهد اشفيــج..انا احــــبج!!!..
شهـد: ههه مــــاعندك سالفه الصــراحه..
يوسف: يعـــني انتي مااتحــبيني؟!!!!
شهـــد: هههههه جــي اتخــبلت انا احب واحد شــراتك..ماشي شــغل..اقول عــندك شــي مهم بتقوله والا لا ترى انا مب فاضيتلك..
يــوسف:..........!!!!!!!!!!!!!!!!!!
سكــرت التلفـــون على ويهه..
لاااا مســــتحييييل..شـــو يالس يســــتوي ؟!!!..مستحييييل هاي تكــــون شـــهد..شـــهد اللي انا حــبيتها غييير غييير..ليـــش اتكــلمني جـــيه!!..انا شـــو سويت فيها؟!!!!..اااه يــاقلبـــــي ..حـــس انه كـلامها مثـــل سجاجيـــن يطعنون قـــلبه.. تـــوه بس صــدق كــلام مــروه..يعــــني فعلا كـــلام مروه صـــح..اااه والله انـــج حقيره يـــاشهــــد..والله انــــج حقيره..ليــش اتســوين فيني جيـــه ليــــــش!!..دشــت عــليه عــايشه الصــاله فجــأه وشــافته مــوخي راســـه ودموعه تسيـل على خـده..انصــدمت عايشه من شــافته جيــه..اول ماانتبــه عــليها مســح دموعه..
ســارت عايشـه يـــلست عــــنده وهي مبهته تتطـــالعه خايفه عــليه: يوسف فــديتك اشفيييك..؟!!
يوسف: مافيني شــي ياامــي..
عايشه: لااااا فيــك انا متأكــده انه فيك شــي ..دخيلك قولي شو فيك..؟
يوسف: اااه مضــايج ياامــي مضــــايج..
عايشه: مضــايج من شو فــديتك؟
يوسف: امــي انتي ليش مب راقــده لين الحين سيري ارقـدي وراج نشه باجر..
عايشه: انا نشيــت مره وحــده شفـتك مب راقــد عــندي ..عرفت انك في الصاله قلت ايي اطـمن عليك..قـولي حبيبي شـو فيك عشان يرتاح بالي..
يوسف: امـي لاا اتحاتين مافيني شــي سيري ارقـدي..
عايشه: لاا الحيـن خلااص طار الرقاد من عيني..
يوسف: امي انا مضـايج على تغييري عــليكم وعليج انتي بــــالذات..امي انا مااستــاهل اتحاتيني جيــه سيري ارقــدي..
عايشه: لاااا فــديتك لا اتقـــول جيــه..ولا تتضـايج ولا شــي اهم شـي انك عرفت غــلطتك..
يوسف: يعــني انتي مســامحتني.؟!
عايشه: هيييه فــديتك واناا اقــدر ازعل عليك!!
يوسف: فــديتج ..الله يــخليج لـــنا..
وعــايشه: ويخـــليكم لــــي ان شــــاء الله..
....................
بعـد مرور شـهرين ونــص تقــريبا..الدوامات كــانت بــاديه..ومـــريم وااايد كــانت شــاده حيــلها..لاانه خـلااص هالكــورس وبتتخــرج..مـاقامت تـرمس حمد واايد شـرات قـبل ولا تطـلع وياه الا يـوم الخمـــيس مــرات لاانه حـتى يوم الخميــس اتـذاكر فيه اشــويه..اليــوم عاد اصـرت عــليها اميـره اتطــلعها..اتسيـــر ويـــاها امكــــان لاانها شــاكه في شــي وتبا تتــأكــد منه..وهــم راديــن داخـــلين البيـــت وهم شــاقيـــن الحــلج مستانسين..اول ما دشـوا الصاله شـافوا عــوشه وحمـــده يــالسين..
عــوشه: حمدوووه يالله جــهزتي كــل شــي..تـــراهم يــــوا..
حمــده وهي ترفع اكمــام قميــصها: هع هع هع ..كـــل شــي جـــاهز..هيـــا الى المعــركه..
ويســـيرون صــوبهم..
مــريم: ههههه بل بل ناوين علينا انتــــوا..
عوشه: هي طــبعا..تطــلعون وماتخــبرونا !!!!..
اميره: احم احم..خــلااص كــبرنا احــنا ماانــودي يهــال ويانا..
عوشه تشـــهق: حمدووه سمعتيــها شــو قــــالت؟!!!!
حمــده: هي للاسف ســمعتها..لاا لاا هــذا كــلاام قــوي ماينســكت عـــنه..يالله عوشووه خــلينا نبــدأ بالحــرب شو تتريـــيين..؟!!
مــريم: ههههههه افاااا ونحــن اللي يايبين لكــم خبر حــــلووو...
حمــده: خـــــبر حـــــلو..شو بيكــــون يعـــني ؟!!!!
مــريم: هههه يالله خــــمنوا..
عوشه: هاااا جــــــــني عرفت الســـــالفه..اويييي ليــكون اللي في بالي صــج..لاا لاا مااصــدق..
حمده: شــــو اللي في بالج قولي..
عوشه: امم لاا لاا اوييي استحـــي..
اميره: هههههه طــاعو هــاي قولي شـــو اللي في بالج..
عوشه وهي مستحيــه: اممم ماادري حــاسه انه خــاطبينا انا وحمدوووه..
اميره & مريم: هههههههههههههههههههههههههههههههههههههههههههههههههه هههههههه
عوشه: اشفيييييييييييكم ليــــــش تضحكوووووون؟!!!
حمده: ههههههههههه وانتي بــس هاللي اتفكــرين فيه..صــدق انج غــبيه..انا جـــني عــرفت بس اخاف اذا قــلت تضحكون عــليه بعــد مافيني..
مــريم: ههههههههههههههههههههه قولي انتي الثانيه شو في بالج خلينا نضحك عليج بعد..
حمده: لاا الا مــب قايله ..يالله عاااد قولو وخــلصونا..
اميره: هههههههههه قوليلهم بس لحظه اول شي خل اغطي ويهي استحييي..
مريم: هههههه ويا ويهج..خالوه حمده وعموووه عوشه ترى اميره حــــامــــــل..
حمـــده وعـــوشه تــموا فــاجين عيـــونهم يطــالعون اميـــره..
اميره: وييي بسم الله الرحمــن الرحيــم..ليـــش تطــالعوني جيـــه..
مريم: ههههه ماعليه ماعليه بعــدهم مب مستــوعبين...
حمــده: يــــــــعني واخيييييييييييييرا بستوي خالـــــوه يااااااااااااي فديتج والله ياختي الف الف مبرووووك..وحضـــنتها بالقـــــو..
اميره: ههههههه مريووووم انقــــذيني ..
مريم: هههههه حمدوووه شوي شوي عليها..
عوشه تمــــط حمدوه واتوديـــها بعيـــــد وتحضـــــنها هيييييه..
عوشــــــــــه: فديـــــــــتج والله اميروووووه ..مبرووووووك مبروووووك..فـــــــديتني بستـــوي عموووووه ياااي مااصــدق..تعالي تعالي توحمي فيني عشـــان تشــبهني
حمده تسيــر صوب اميره وتلصق فيها: لاا حبيبتي بتشبـــهني انا انـــزين..
اميره: ههههه مريوم دخيلج شليهم عـــني..
مريم: هههههه الله يعيــنج عليهم..اشــدراكم انزين يــمكن ولد..
عوشه: لاا لاا نبـــا بنت نحــن..
اميره: جـــيه عكيــفي!!..اللي ايي من الله حيــاه الله..
حمده: هي صـــح..كلامج كــله صــح فديتج والله..
اميره: ههههه خيبه خيبه شــو هالحــب حمدوووه..
عوشه: ماعليج منــها مصلحجيــه هااااي..
اميره: انــزين ابغـــي مــــاي..
يركـــضون عوشه وحمـــــده عشـــان يسيرون اييبون لها..
حمــده: تمي تمي انا بسيـــــــــر..
عوشه: لاااا حبيبتي انا اللي بسير تمـــي انتي ..مرت اخــوي هاي ولاازم انا اللي اخــدمها..
حمــده: لاا فـــديتج تــراها اخـــتي انا اجــرب انــزين..
اميره: ههههههههههه خلااص بويه هونت ماابغي ماي..
مــريم: ههههههه امنوا قــدج الحيــن اميــره..طــلباتج اوامر..ردوا ردوا لا انتي اتيبين لها ولا هــي ..انا اللي بسير..
وســارت مــريم من عــندهم..
حمــده: اقــولج خــبرتي امي وابــــوي؟!!!
اميره: هي طــبعا ..
حمــده: افااا انــزين في حد مايعرف؟!!!..
اميره: عمــي ومــرت عمـــي..
عوشه: انا بخــبر امــيه وابويه مايخصـج انتي..
حمــده تشــهق وتتطـالع اميره : والله قـــــــلااده الحين سمعتني انا اقول اني ابغي اخــبرهم على طـول روحها تبا اتسير..
اميره: هههههه عاد كيــفكم اي حــد يسبق الثاني..
عوشه: خلااص خلااص انتي خــبريهم هــونت عن تصيحين علينا عقــب..
حمـده: هي جيه ابغيـــج..انـــزين وبابا راشــد يعرف والا بــعده..؟!!
اميره: ههه لاا بعــدني ماقلتله اتــرياه ايي عســب اخبره..
عوشه: ههههههه اتخيلي انقع فيج خيــانه اتصــل فيه واقــوله..
اميره: ههههههه بذبـــحج..
...................
شمــا من بعــد المســج اللي وصــلها من مـــايد حســـت انها خــلااص لاازم تقتــنع انه هذا هو اليــوم اللي لاازم تفارق فيه مـــايد..هي كــانت متوقعه ايي هاليــوم بس مب بهالســـرعه..طــلبت من حــارب يغير رقـم تلفــونها وبجــي حســت انه خــلااص مافي شــي يــربطــها فيه ..حــتى لو اي يـوم حـاول يتصــل فيها مابيــلقاها..اضــايجـــت وااااايد في البـــدايه وكــله كانت تيلس في الحجــره واتصيــــح..بــس حارب وامها مــاخلوها جـــيه..قــدروا هالمــره انهــم يخففــون عـــنها وفعــلا حســت بقربهم لــها بــدت ترتاح شــوي..بس بعــد كــلما تتذكــر مايد تيلس اتصيــح..
في الصــاله كــانت ام حــارب يــالسه ودش حــارب عليها وسـار حبها عـلى راسها..
حـارب: اشحــالج امـــي؟!!
ام حـارب: الحمدالله بخير فـديتك اشحالك انته؟
حـارب: والله الحمــدالله بخير يالغاليه..
ام حـارب: ان شــاء الله دوم على هالحـــال..
حـارب: ويــاج ان شاء الله..اممم امــي ..
ام حـارب: خيـــر فـديتك..قول شـو في خـاطرك..
حـارب: امـي انتي في الايام اللي طـافت كـل اهتمامج كـان في شـما ونسيتيني اناا..
ام حـارب: تــعرف بعــد ياامي اخــتك مريضــه ومحــتاجه اهتمااام..انت شــو فيك قول..
حارب: هي اكيــد تراني انا بعـد كـنت وياج..بس الحمدالله الحيـن احسها اتحسـنت اشـويه..متى بتسيرين بتخطبين لي؟؟!!!!
ام حــارب: اخـــطبلـــــك؟!!!!..قولي فــديتك منووو وانا من الحيــن بعــد لو تبــاني بسير اخــطبها لـــك..
حـارب: شــو امي نســـيتي!!!..بنت اليران..
ام حــارب: هيييييه صح ذكــرتني..تطــري حمــده بنت سلطــان..هييه صــح قلتلي انك حاط عيــونك عليها..انا يــاولدي اشوف انه الامتحــانات جربت..نتريا البــنت اتخـلص اول وعقب اسير اخــطبها..
حـارب: اخــاف تطيــر من ايــــدي ياامي..
ام حـارب: لاااا ان شــاء الله ..اذا الله كــاتب لك نصيب فيها بتــاخذها..
حـارب: ان شــاء الله ..ياامي دعــواتج..
ام حـارب: ربــــي يوفجــك ويهـــنيك يا ولـــــدي..
......................
مـــايد..خطــبوا له نــوال ربيعــت منـــى..وطــلبت هي انه يكــون الملجــه في الصيف ..هــو ليــن الحــين مـــب مقتنع باللي استــوااا..اليــوم اللي شـــافوا فيه بعــض كــان يشوف شمــا جــدامه ..ليـــن الحــين مــانساها ولا بينــــساها..حــاس انه بيعذب بنت النــاس وياه بس شو بيســوي!..هو ســوا جيه عســب خــوله تــرضى عــنه ..والا هــو ليــن الحــين مب متخيل يعيــش ويا وحــده غيــر شــما..!!!!!
....................
كــانت اميــره متســانده عالشـبريــه وهي فـــرحااااانه من الخــــاطر..تتريـــا راشـــد بفـــارغ الصــبر عســـب تبــــشره..هـــو قـــال انه بيظــهر اشــويه وبيـــرد ..ويـــنه واايد اتأخر..اتصــلت فيه كمــن مــره وهـــو مـــايرد عـــليها..الوقــت اتأخــر الساعه 2 الحيــــن وهــو ليــن الحيــن مــــايا..سمــعت صــوت باب الصــاله يتســــكر..طـــــــــارت من الفــــــرحه ..اكيــــد هــــو..اففف واخيـــرا ياااا..مشــت عالسريع برع الحجــره ونـــزلت لـــه تحـــــت..
اميــره: راشــــد واخيــــرا يييــــــت..
اطــالعها راشـــد ومشــى عـــنها..انصــــــــدمت من اللي يـــالسه اتشــوفه..عقم كــندورته مفتوحه والغــتره عــلى جــتفه وكـــان متبـــهدل وااايد اول مــره اتشوفه ياي من بــرع جــيه.!!!!وغيـــر هـــــذا مشــيته مــــب طــبيعيه..يمـــشي يميــــن ويســـار وشـــويه وبيطيــح مـــب معتــدل في مشـــيته..وريحــــته كـــــانت فضيــــــعه..لااعـــت جــبدها اميـــره من شــــمته..كــانت تتطــالعه باشمــئزاز..وهــــي منصــعقه ..مـــب قــادره تستــــوعب..شــــو هااااااا ...انا شـــــو يالسه اشـــــوف..راشــــد راد البيـــــــــت وهــــو............!!!..لاااااا لاااااا مستحيـــــــــــــــــــــل!!!!!!!!!
.
.
شــو توقــعاتكم..
أمـــيره شـــو بتســـوي..كيـف بتكــون حــالتها؟!!
مــايد..كيــف بتكــون حيــاته بعــد المــلجه..هــل بيتم يفكــر في شمـــا والا خـلااص بينساها؟!!
حــارب..بيــاخذ حمــده والا في شـــي بيمنع؟!!
يــوسف..كيف كانت حــالته بعــد الكلام اللي قالتله شــهد..هل نســاها والا لين الحيـن يفكـر فيها؟!!
مــروه وحمـــدان..شو اليـديد في حيــاتهم..؟!!

الجزء السابع عشـر..
الفصل الاول
تـــــم راشــد يمــــشي وهــو بهالحــاله وكان ينطق بكلمات غير مفهومه واميـره تمـــشي وراه فـــاجه عيـــونها وهي تشــوفه وحـاطه ايدها على حـلجها من الصــدمه..ـليــن الحيـــن مب مستوعبه اللي يالسه اتشــوفه..وهــو صــاعد فوق عالدري كمــن مره بغى يتخرطــف بس يـــود عمــــره..اميـــره متيــــبسه في مكانها تشــــوفه وهــــو يصـــعد ومــــبهته ودموعها تذرف من دون لا تحس..شــافت انه وقفتــها جيه ما منهـــا فايده تبـــغي اتعـــرف شو الســـالفه..شو اللي يـــــالس يستــــــوي!!!!!!..فتمـــت تلحقه ليـن مادش الحجــره وهي دشــت وراه..
ســارت اميـــره عـــنده وقبضــــته من ايدينه وتمـــت اتهــزه وهي تصيــح وتصــارخ: راشـــــــــــــــد..راشــــــــد انت شــــو مســـــــوي بعمـــــرك؟!!!!!!..
راشـــــد وهــو مــب مركـــز ..:انتــــي اييييه اشفيـــج اشفيـــــج..
اميـــــره: راشـــــــــد انت سكـــــــران؟!!!!!!!!!!!!!!!
راشــد دزهـــا من جــدامه: قـــومي عــــني زييييييين.. وســار انســدح عالفراش على طــــــــول..ورقـــــــد..أميــره بغــت تطيح من الدزه لاانها كانت قويه شـوي بس يودت عمرها.. تقـــربت مــــنه وهـــــي تصيـــح من الخـــاطر..كـــــانت واقفه تشـــوفه..مـــب قادره اتصـــدق اللي شـــافته قــبل شــوي..كيـــــف جيــــه!!!..راشـــــد راد وهـــو سكـــــــــــــران..يعــــني راشــــد يشــــرب..!!..كيــــــيف ..و لـــــــــــيش..ومن متـــــــــــى!!!!!..ااااه يـــاربـــــي..يــارب اللي شــفته يـــكون حـــــلم..سـارت يـلست على طــرف الشبريه واتســـاندت وتمـــت تصيـــح بحــرقه..كــل دقيقه تلقـي نظــره عـــليه وهــو راقــــد..وهـــي بودها تقــــومه ويفــهمها شو الســـالفه..تتريــا يقــولها انه كــنتي في حـــلم..تتريا يقــولها انه هــــو راشــــد اللي اتحـــــبه وتموووت فيييه ..مستحيـــل يطــلع جيــــه مستحييييييييييل..تتمـــنى في هاللحظــه اي حد ايي ايقــولها هالكـلام عســـب ترتـــــــاح..تمـــت طــول الليل عــلى هالحـــاله اتفكـــر وتصيـــح ليــن ماا غفــت عينها وهي يــالسه من دون لا تحــــس..
.
.
في الشـهر اللي كان راشد في اجـازه..كــان يوميا يطـلع فلليل بعـد ما يتأكد انه اميـره رقـدت..يسير المـزرعه بس مـايطـول واايد ويـرد بسـرعه..ويـرقد علـــى طووول من غير لاا اميـره تحـس انه طــلع..لكـن من خلصـت اجازته قـام يروح بس الاربعــاء والخمــيس.. شرات كـل مره..وكـان يقـنع اميره انه طــلعته هاي للشغـــل وخصـوصا انه هو بادي دوامه في الشـركه وهـذا اللي مخـلي اميـره مصـدقه هالشي..اليــوم هو يــوم الخميــس..خـلصـت سهـرتهم بسـرعه ورد هـو البيـــت بهالحــاله..طــبعا هـو مارام يسـوق وهو بهالحـاله..فواحـد من ربعــه رده البيـــت..
...............
اليـوم الثـاني ..يــوم اليمعــه..نشـت عوشه الصــبح وهي كـارهه حيــاتها لاانه عـندها امتحـان فيزيـا باجــر..خـذت لها دش عالسـريع وعقـبها طـللعت من الحجـره ..شافت امها يـالسه في الصـاله تحـت..سـارت عــندها وحـبتها على راسـها ويـلست ويـاها..
فاطمه: ياامـــي جي نــاشه من وقـــت؟!!
عوشه وهي حايسه شفايفها: امـــي عندي امتحاااان فيزياء باجر ومالي خلق اذاااكر..اففف شو هالحــــاله!
فاطمه: مـاعليه فـديتج مـاباجي شـي وبتخـلصين ان شـاء الله ..بس هالله هالله بالنســبه الزيـــنه..نباج تــرفعين الراس يا عوشه..
عوشه: ان شــــاء الله امــــي ادعيلي..
فاطمه: انا دووم ادعيــلكم حبيبتي انتي وجـــاسم فــديته..الله يــفرحني فيكم..
عوشه: ان شاااء الله يـــــا احلى ام انتي..
فاطمه: ههه فديـتج والله..يالله ياامي سـيري كلي شـي وخلااف روحي ادرســــي..ترى يمـكن عالعشـا نروح بيت عمج..
عوشه: يااااااااااي كشششششخه..بـــس ماحصــلتوا الا اليــــوم يعنيي!!!..انا وحمدووووه عنــا امتحان باااجر افف
فاطمه: شو اسـوي اترا ابوج قال اليوم بنسيـــر..عسـب جي اقولج سيري ذاكري عسب اتخـلصين فـديتج..
عوشه: ابــوي بعــد مشـــــكـ....يقــاطعهــا صوت ابوها..
علي: شو شو بــلااه ابـــوج؟!!!!!!!
عوشه تشــهق وبصـوت واطــي: يااك الموت يـاتارك الصـلااه..احم احم ..امييي انا ســايره اذاكر..يالله يالله بااااي..وتــــربع فـــوق على طووووول..
عـلي: هههه شــو فيها زاغــــت جي شو كانت تقـــول..
فاطمه: ههههه فــديتها والله ..مضـايجه ليش ان باجر عندها امتحـان واليـوم انت قلت بنسير بيت اخوك..
عـلي: هيييه عســب جيــه..مب مشكــله خل تيلس اتذاكـــر مب لاازم اتــي ويــــانا..
فاطمه: لاااا حشــا مايـلست روحهــا فــديتها ماتهون عــليه..ماعليه بتيلس اتذاكر احينه وان شاء الله ليـن مانروح نحن بتخـلص..
عـلي: اشفيـج انتي البـنت ثنويه عامه ولاازم اتشـد حيـلها..نباها شرات اختها مريم اتيب نسـبه عاليه..
فــاطمه: ان شـــــاء الله بتيـــب احســن عنها بــعد..
.
.
بطــلت اميـره عيـــونها بصعوبه وحـاسه بعوار في رقـــبتها وظـهرها لاانها كـانت راقـده وهي يالسه..اتمــــددت وعقـبها ..التفتت صــوب راشـد وهي تحـرك رقبتها بصعوبه وشـافته بعـده راقــد..لاعت جـبدها من الريحـه اللي فاحــت في الحجره كـلها..نشــت بصعـوبه وسـارت صوب التسريحه وخـذت عطـر وتمــت اترشــه عشان اتخوز الريحـه..ومن التعــب.. راحـت انسـدحت عالفـراش عســب اتريح ..صـدت صوب راشـد وتــذكــرت حــالته امــــس..تمت اتصيـــح من الخـــاطر..اااه راشــد يــالله قــوم...دخيــلك قــوم وفــهمني شو الســالفه..دخيــلك قوم وقـــــولي اني كـــنت احـــلم..تمـت على هالحــاله اتصيــح كــلما تتذكــر شــكله امــــس..كــــان فضـــــيع..وكـل دقيقه تلتفت صــوبه على امــل انه يــنش..بس مـاشي فــايده..شـافت الســاعه كــانت 1 ونــص الظــهر..نشــت ودشــت الحمام عزكم الله..بعـد ماا اتسبحت وتيـددت طـلعت اتصــلي ..اول مــاخلصــت صلاه شــافت راشــد يتجــلب ..على طــول سـارت صــوبه وتمــت واقفه تتــرياه يـــنش..صـد راشــد صـوبها وهــو يحاول يفتح عيـونه بصعـوبه ويطــالعها..
اميره: راشـــد يالله قــــوم دخيــلك..
راشــد: شو تبيــن؟؟
اميره: الله يـــخليييك قـــوم بـــرمسك..
قــام راشــد وطــاف من جــدامــها ..اتــريته ليــن ماطـلع من الحمــــام..اول مـاطلع كان ينشف شـعره بالفوده ..عقبها سار صوب التسـريحه وتم يـعدل شـعره.. واميـره كـانت مربعه ايدينها وتطـالعه..اول ما خلص التفت صوبها....
راشــد وهو يرد شـعره عورى: بــلااج واقفه جي تطالعيني ..قولي شــو تبييين؟
أميــره: راشـــد انت متذكــر شو مســـتوي امـــس؟!!
راشــد: امــــس؟!!..ليش شو استوى؟؟
أميــره بــدا يعــلى صوتها شويه: راشـــد امس نص الليل يوم دشــيت البــيت..تتذكــر كيف كان شكلك؟!!
انبــــانت علامات الربكــه على ويه راشـــــد: هااا ..لليــش كيف كان شكــلي..عادي عادي..
أميـره بــدت اتصيـــح وتصارخ: لاااااا يـــــــاراشــــد ماكااااان عاااادي..انت كـــــــــنت سكــــــــــران صـــــــح؟!!!
انصــــــــــدم راشــــــد من كــــلامها وصــد عنها الصــوب الثاني ..: أأأأ أنتي شو اتقــولين..؟!!..شششو هالكــــــلام!!!
ســـارت اميــره ووقفـــت مجــابلتنه وهي تصـــارخ في ويهه: هااااا..اشــــوفك ارتبكــت و صـــديت عني ؟!!!..مالك ويــــه اتجابلني صح؟!!!..راشـــد انت امـــــس كــنت ياي فلليل وانت ســــكران ..راشــــد يعني انت تشـــــــــرب ؟!!!!!!!
تيــــــــبس راشـــــد في مكــــــانه وحـــس بحــراره بجـــسمه كـــــله وويهه احمـــــر من القفــــطه..وتـــم منزل راســـه..
اميــــره وبـــــأعـــــــلى صوت عنــــدها وهي تصيـــح..: ارمــــــــــس ليـــــــــش ســــــاكت..هي طــــــبعا .. مــــب عارف شــو تقــــول او شــــو ترد عـــــلي. يعني كــلامـــــي صـــح...(يــطالعها راشــد وهو عاقــد حياته) ..لا تيـــــلس تطـــــالعني جيــه ..انـــطق قووول شــي.. (اول مــــره اميره تصــارخ بويه راشــــد جيــــه حــتى هي روحهــا استغربت من عمــرها..)
راشــــد وهو يمســكها من جتفها وهــــو معصــــــب: انتي ايييييييييه اشـــــوفج مصـــختيها..وااايـــد مـــــاخذه راحــــتج وياااااي..عيــــل سمعي الكـــلام اللي بقـــوله لج..هــي انا اشــــرب..واتــوقعي اي يـــوم اتشــوفيني شرات امــس..ويـــوم كــــنت اقولج اني طـــالع عسب شـــغل تراني كـــنت اقــــص عـــليج..اســــير اســـــهر واي وقــت ابغـــي بسير دام انج عــرفتي الحيــن..وانا من زماااان جيــــه مابتيـــن انتي وبتغيــــرين كــل شـــي احيـــنه..
وهـــدها راشــــد وانصعقـــــت هي من الكــــلام اللي ســـمعته وتمـــت مـــبطله عيــــــونها عالاخـــر وهــــي تهــــز راســــها بمعـــنى لااااااااا مستحييييل اصــلا..كيــف جـــي كيييييف !!!..
أميـــره: انت شو يـــــالس اتقـــــول..انت من صـــجك والا يــــالس تتمصـــخر..
راشــد: لاااااا من صــــجي مااتمصـــــخر..
أميــره: يعـــني انت كـــنت اتقــــص عـــلي راشـــد!!..(وتـــبدا اتصــارخ)..كـــنت اتقــص علي وتقول عـندك شــغل..وانت سايـــر تســهر وتشــــرب !!!..لااااا واتقــــولي بكـــل قوات ويـــه انك اتقـــص علي واتســــير تســـهر..انت اكيـــد تتمصــخر..اكييييييد..دخيلك راشــد خلك جاد وياي..انا كــنت احــلم امس صــح؟!!!..انت كــنت راقــــد عـــندي هذا كــان حــــلم..(وتبــدا تذرف دموعها وهي تصــارخ)..اللــــــه يخـــــليك قوووووول اني كـــنت احــــلم..قولي اللي شــفته امس هــذا مب صــــــج..والكـــــلام اللي قـــلته تــــوه هذا مقــــلب من مقــــــالبك..
راشـــد: اووووه والله عــاد انا صــارحتج تبين اتصـدقين صــدقي ماتبيــــن بكيــــفج..وظــهر من الحجـــره..
ســارت اميــره يــلست على طرف الشــبريه وهي منصـــــــدمه..وحطـــت ايدينهــا عـــلى ويهها وتمــــت اتصيــــــح من الخــــاطر وبصوت عالي شـرات اليـــهال..لااااا راشــــد لاااااااا دخيــلك قولي غيــــر هالكـــــلام..الله يخـــــليك تعال قـــول انك اتقــــص علي..الله يـــخليك..مــب قــادره تتخيــل شكـــله وهـــو راد من برع امــــس من صــــدمتها بالموقف..ولا قــادره اتصــدق الكــلام اللي قــاله تــــوه..بـــــس خلااص لاازم تقـــــتنع باللي شافته امس وباللي قـــــاله..لاانـــه هـــذا هــــو الصــــج..
..............

كـــانت مريم يالسه عالمكـتب في حجــرتها ومــركـــزه في الكـــتاب اللي جــدامها..تــــدش عليها عوشـــه مثــــل كل مــره (بـــــدفاشه)..
مـــريم : انا كــــم مره اقــــولج دشــــي بهــــدوء..
اتســــير عوشه وتيلس عالكــرسي حـذالها..
عوشه: اففففف لاا تـــرمسيني انــــا روحــــي اليوم مالي خلق حق شــــي..
مــريم: شو فيج يا حظـــي؟؟
عوشه وهي مبوزه : عندي امتحان فيزياء باجر..
مريم: عادي شــو يعنـــي..سيري ذاكـــري بدل مايالسه تتأففييين..
عوشه: زاااااايغه والله هــــاي الابله كــله اتيييب امتحانات صعــبه..
مريم: انتي اذا درســتي عــدل مابيكون الامتحان صعب عـليج..الفيزيا يباله تركيــز..واذا في شي مب فاهمتنه تعالي عندي..
عوشه: اففف مريووووم دخيلج خلي عيونج علي وانتي تــــرمسيييين مب عالكــــتاب..انا ابغــــي اسولف ويا حد خلاااااص بتعقــد آخـــر شــي..اتصل في جسوووم يقولي عقب عقب اتصلي انا مشغووول وراي بحووث ومااعرف شووو..وايي عندج اشوفج اتذاكـــــرين..يـــاربي شو هالحـــــــاله!!..عطيني عطيني تلفونج بتصل في حمدووووه الدبـــه اللي ما تســئل عني..
مريـــم: لاا والله!!!..عندج امتحــان باجر وتبين تسولفين؟!!!..يالله ماشي..حمدووه اكيــد احســن عنج يالسه اتذاكـــر..
عوشه: لااااا تلقيـــــنها راقــــده..
سكتت عنها مــريم لاانها مــركــزه في الكـــتاب ونشــت هي تحوط في الحجــره وتتتعــبث في الاغـــراض..شــــافت بالطـو ابيض معلق عالعلاقه..وقـفـت مجــابله المــرايه ولبـــسته وهـــي مستاانسه عــليه واايد..
عوشه: مريووووم مريووووم..شوفي الدكـــتوره عوووشه..ياااااي والله كشششخه..
مريم تصــد صوبها: هههه ..يالله شــدي حيلج وادرسي طــب..
(تسيـــر عوشه وتيلس حذالها)
عووشه: هييييييه شـــو قالوولج اتخـــبلت؟!!..انا يـــوم اشــوفج انتي اتعقـــد واقووول بس خلاااااااص تكفيني شـــهادة الثنويه..بعـــد تبيني ادرس طـــــب!!!
مــريم: هي قصوووورج ماتكــــملييين..انزين مب لاازم طــب عام..خذي طــب اسنان مثلا..اســهل..
عوشه: لاااا لاااا بوي لاا طــب اسناان ولا طــب بطيييخ..انا بعد مااخــلص بيــلس في البيـــت ســنه كــامله رااااحه..
مريم: يالله عــــاااد عوشووه عن المصــاخه..شو بعد سـنه كامله راحه!!..تبين تضيعين على عمرج سنه كـامله!!..تتحـــرين بيخليييج ابـــوي؟!!
عوشه: ههههه بلااج انتي احلم انا احلم انزيييين..ادري انه مابيخليييني..
مريم: انزين قوليلي انتي مب حــاطه في بالج تخصص معيــن؟!!..فكــري في الطـــب والله انه حلووو..صح انه صــــعب واايد..بس حلوو
عوشه: لاا لااااا مافيني..واااايد تعـــــــــب..
مريم: يحليييلي انا عيــــل..متحمــــله
عوشه: مريوووم انتي غييير..اتعرفين..مرات احــس انه امج كانت مصريه..فيج عرج مصري..
مريم تتنهــد : ليـــــتني بس اعرف امــي شووو كانت..
عوشه: مريوووم ماتعتقــدين يكون عندج اخوان ..خوال..او خالات..!!
مريم حسـت بضيــج واايد من ســؤالها..وغصـبن عنها دمعت عيونها: يمــكن ليش لاا..
انصـــدمت عووشه يــوم شـافت دموعها واضـايجت هي بعــد لاانها قالت لها هالكلام: مريووم انا آآســــفه..ماكان قصــدي والله..
مريم وهي تمسـح دموعها: لاا لاا فديتج عادي..انا من قــبل مضـايجه عسبت الدراسه..
عوشه بحــــزن: وانا يييت وزودتها عليج ..
مريم: لاا يـــا عووشه..انا يوميــا لاازم تـدمع عيوني عشــان امـــي اللي ماشفتها ولا اعـرف عنــها شــي..والله يـــاعوووشه احــس بتعب وضيــج وانـــا اذاكر اتخيــيلها داشه عــلي يايبتلي شــي اشــربه او آكــله..اتي اتحــطه جـــدامي وتقعــد وياي شويه وتســولف وواتخفف عــني..وتـــدعيلي وتطـــلع..والله يـــاعوووشه اني محــتاجه لهاااكــــله.. بس للاسف كــله مجــرد حـــلم لا اكـــثر..ومـــافي امــــل انه يتحقق.. (وتبـدا تدمع مره ثانيه) والله اني محـــتاجتلج يــاامي والله..اااه..الله يــــرحمها..
عوشه مارامــت تيود دموعها ..دمعت هي بعــد: الله يــــرحمها..مريوم حبيبتي نحن كـــلنا ويااااج..دخيلج لاا تصيحييين..
مريم وهي تبســم لها: فــــديــتج انتي يعــلني مااخــلاا منج..بس مب جني واايد عطيــتج ويه؟!!!..
عوشه: ههههه هي انا بعد اقول جيــه..شو اسويبج تراج ماتروغيييني..
مريم: هههه يعني مايستوي تطلعيــن بكرامتج؟!!!
عوشه: هههه حاولت كمن مره بس ماقدرت
مريم: هههه ويا راسج..يالله برع برع ..سيري ذاااكري عندج امتحــــان فيزيـــا..
عوشه: افففف وانا كلما ابغي انســاه انتي تذكريني فيه..افف شو هالحــاله..هي صـح كنت بخبرج اليوم بنسير بيت عمي ..
مريم: متــــى؟!!
عوشه: اممم جي عالعشـا..
مريم: هييه ســيروا الله ويــاكم..
عوشه: ليــــش انتي ما بتيـــــن؟!!!
مريم: لاااا انا مااقـــــدر..عندي وايد اشياء بسويهم
عوشه: افاااا وبتفـــوتين شوفة حبيب القــــلب..
مريم: هههه لاحقـــه عليييه..
عوشه: مريوووووم عن الســـخااااافه بتييين غصـــبن عنج..والله مب زين جيه كله دراسه في دراسه..لاازم ترفهين عن عمرج شــوي..عقب بتتعــــقدين..
مريم: هههه حلوه هاي بتتعقــدين عيبتني..
عوشه: ها ها ها لاا والله؟!!!
مريم: ههه هي والله..اقوول ..يالله يالله برع..سيري ذاكري ويا هالويه..لاااا وتبا عالعشا تطــلع بعد وعندها امتحان فيزيااااا..!
عوشه: ايهيييي ردت وقالت فيزياااا ..افففف..
مريم: هههههه..فيزيا فيزيا فيزيا..
عوشه: افففف دبه انزين ..خلااص خلااص بطـــلع..خل اسير عند عواااش احســن لي..وتنش من مكـــانها بتطــلع
مريم: لحظه لحظه..منو عواااش؟!!
عوشه: هههههه خالووه عاااايشه..
مريم: ههههه صــدق انج ماتستحيـــن على ويهــج..شو عــــواااش؟!!!..اصغر عيااااالج؟؟!!
عوشه: هههه عادي عادي بلاااج ربع استوينا انا وهي..
مريم: حليييلها والله تكســر خاطري يوم اشوفج عـــندها..مب مخليه الحرمه في حالها...
عوشه: والله هي احسن منكم اتسولف ويااااي فديتها..هي روحها اتقولي كل يوم تعالي..
مريم: ههه وخلااص قالتلج كل يوم تعالي يعني اتسيرين..وبعدين شكلج ناسيه ان اليوم اليمــعه..
عوشه: هيييييه صــــح اليوم هي محد..حرااام كان خاطري اسولف وياها..
مريم: وانا بعد في خاطري اسولف وياااها..هالحــرمه والله انها اتــدش الخــاطر..وســوالفها وااايد حــلوه ..احس بــراحه يوم اسولف ويااها..لولا دراستي والا جان انا يوميا عندها..
عوشه: طـــــاعووو..وتقولي انا ليـــش كل يوم اتسيرين عندها..!!..هي قــولي جي تبين يصـفالج الجو
مريم: هههههههه لاا مب جيه.. انتي اتطفرينها مسكيينه..تيلسيــن تسئلينها عن كل صغيره وكبيره..
عوشه: شو اسوي ياختيييه الفضووول يــذبح..
مريم: هههه انزين انزين يالله فـــارجي..
عوشه: افف انزين بطــلع بطــلع..تســير عوشه صوب البـاب ..اول ماتبغــي تفــتحه..ينفــتح البـــاب ويدخـل راشــد..هي كـانت لاابســه البــالطو..فتم راشـد يطـالعها من فــوق ليــن تحــت
عوشه وهي شــاقه الحــلج بالابتســــامه.. : الدكــــتوره عوشــــه..
راشـــد: مووول مـــب لاايــق عـليج..
عوشه: ههههه ادري انـــزين..مريووم خليــني لاابســــتنه اليوم عشان احسس عمـــري اني دكــتوره ولو ليــوم واحد بــس..
مريم: ههههه ..عبالج كل حد يلبس هذا صـار دكتور..انزين انزين خــذيه خليه عندج..ويالله سيري ذاكــــري..
عوشه: خيــــبه تبــا الفكــه!!..مايخــصني بيلس وياكم الحيــن..
مريم: افف منج..انزين يلســـي ويا راســج..هلا هلا بـــابــــا راشـــــد..حياك حيــــاك..والله اني فــــرحت من الخـــاطر..الف الف مبروووك فـــديتك..
عوشه: هييييييييييييه صــح مبرووووووووووووك..
راشـــد: ههه شو الســالفه؟!!!
مريم: ليـــكووون ما خـــــبرتك اميـــرووووه..؟!!!
راشـــد: شوووو تخــبرني؟؟
مــريم تشــهق: معقـــــوله ما قــالتلك..انهــــا حـــامل..!!!!!
انصـــــــــــــــدم راشــــــــد بعد ماسمع الكـــلمه من مــــــريم بس ما بيـــن جدامهم..
راشــد: هاا ..هيييه هيييه خــــبرتني..هههه الله يـــبارك فيكم..
مريم: هييه عبــــالي بعد ما قالتلك ..ههه انزين قولي شــو شعووورك؟؟
عوشه: يعني اكييييد فرحاااان بعد شو هالســــؤال..!!!
راشــــد في عــالم ثــاني..سرحان..
مريم: انتي ســيري ذاكري عندج امتحان فيزيا فيزيا..هههههه
عوشه: اوهوووووووو..مااحبج انزين..بسير بسير خلااص يالله باااي..وتطـلع عوشه من الحجــره..
مريم: هههه اسـميها هالبنت..راشـــد اشفيك واقف تعــال ايلس..
راشــد: ..........
مريم: راشـــــد..!
راشــد: هلا هلا مــريم..
مريم: ههه في شــو ســرحان؟..في النونو صــــح؟؟
راشــد: ههه هي صــح..اشـــدراج؟
مريم: هههه ســــاحره انا..تعال ايـلس ليش واقف..
راشـد وهو مبــتسم: لاا انا بـس ياي اطــمن عليج ..
مريم: افاااا..ليــش..تم وياي شــوي..
راشد: ماعليه بييج وقت ثاني ..بخليج اتذاكرين الحيـن..
مريم: خلااص بــرايك ..اميره وينهــا؟؟
راشـد: بعدها راقـده..
مريم: هي احســن لها اتــريح ..قلتلها انا لا تتحـرك وايد..
راشـد: خلااص مريم بخــليج انا..يالله تبين شـي؟؟
مريم: ســــلاامتـك ..
راشـــد: الله يسـلمج..يالله اشوفج عقــب ..
مريــم: ان شــــاء الله..ربي يحفظك..
يـطلع راشـد من عــندها ..وهــو نـازل عالدري ايــشوف أميــره داخــله..فيســير صوبها على طــول..توقف هي وتشـوفه من فوق ليـن تحــت باحتقـــار وعيونها محمرات ومنتفخات من الصياح..وتخطـف من جــدامه من غيـر لاا اتقــوله شــي..
راشــد: ايييه انتي ويـــن ســـايره؟؟؟
اميره:....... تمشــي ولا جــنها تســـمعه..
يسيــر راشــد عــندها بسرعه ويقبضها من ايـــدها ويرص عليها بالقــــو: يوم ارمســــج اتردين عــليه فاهمه والا لا..
اميره وهي تحــاول تسحـب ايدها: هـــــد أيـــدي ..شو تبـــا مني انته
راشــد: مب هــادنج انا ..هييه ادريبج وكــــالة انبـــاء سايره اتـوصلين الكــلام اللي قـلته لج حق مريم..
اميره: هـــدني اقولك هـــدني..هي طــبعا بقولها..ان شاء الله تباني اسـتر عليك..!
راشــد يــسحبها من أيــدها بكــل قوته ويوديــها صــوب البــاب
أميـــره وهي تصيــح: خــلاص خــلااص هـــدني روحي بيي والله روحي بـــيي..
هــدها راشــد: جــــدامي اشوووف
طـافت اميره من جــدامه وطــلعت برع ســـايره صوب بيـتهم..وراشــد تم يمشـي وراها ..دشـت اميره داخل وســارت يلســت في الصــاله اتصيــح..عقبها بثواني دش راشــد وسـار يلس عــندها..
راشـــد: اميرووووه خــــلني اعرف بس انج امخــبره حد عن اللي قــلتلج عـــليه صــدقيني بتــــــندمين وبخــليج تكرهين حيــــاتج..
اميره:..........
راشـــد: ردي عـــلي لاا تيلسيـــن تصيحين لـــي ..
اميره: اااه شو تبـــاني اقووولك شوووو..انا منصــدمه راشـــد منصـــدمه مب قــادره اصــــدق اللي قــلته لي..حرام عـــليك والله حــــرام عليك اللي اتســويه في نفســك واتسويه فيني..
راشـــد: لااااا صــدقي ..انـــا جيييه..وزين مني صــارحتج بعـــد..بس والله والله ان خبرتي حـــد مااتلوميـــن الا نفــــسج ..بعيـــشج في عـــــذاااااب طوول حيــــاتج..وبتشوفين شو بيستوي بــج..لاا اتقولين لي امي ابوي والا اخوي..ترى انا محــــد يرووم علي ..يوم ابا اسوي اللي بــراسي بسوييييه..
اميره: انت مستحيييل اتكــون راشـــد اللي اعـــرفه..مستحييل اتكون راشــد ولــد عمي مستحيييل..
راشـــد: اوهووووو انا اقول شــي وهي اتقول شــي ثاني..(وهـو يصـارخ)..اقولــــج ماابغي حـــد يعرف عن اللي قــــلتلج تفهمين والا لا
اميره اتصـارخ بويهه: لاا والله؟!!!..وتبــــاني اخـــليك جيـــه ماخــذ راحـــتك تســهر عــلى كيـــفك!!!!..جي شو تتحـــرى الدنيـــــا فوضـــى..
راشـــــد من زود ماهو معصـــــــب عليها مب حـاس بعمره و مالقـى غير انه يمــط شعـــرها بالقووو..وهو يصــارخ: انتي شـــــو تتحـــريني يــــاهل انا يـــــاهل يــــدامج..انا اسويي اللي ابغيـــــه بكيــــفي ..اخاف مســؤوله عني وانا ماادري!!!!!!!!
اميره وهــي مغمضــــه عيونها وتصيـــــح من الويع في راســـها: اااااااي هــــدني هــــدني راشـــد خلااااااص ســــو اللي تبغيــــه بس هـــدني حرام عليك والله يـــعور ااااه راســـــي..
راشـــد: بتخــــــــبرين حد والا..
اميره: ااااااه والله مــــابخبر حـــد والله
راشــــــد: وبتشــــوفين اكــــثر بعد اذا خــــبرتي حــــد ..وغيـــر هــذا ترى انا اقدر اطلع عمري من الســـالفه واقولهم انج جــذابه واجــلب السالفه كلها عليج..ترى انا خبيـــر في هالسوالف..خــلي في بــــالج هالشي..
أميـــره: صــــدقني ..صــدقني خــلااص مــابخبر حـــد والله مـــابخبر حد..بس هــدني الله يـــخليك هـــدني اااااه..
هــداها راشـــد وتمـــــت اميره ميـــوده راســـها واتصيـــح من الخاطر من العوار..راشــد لحظتها نــزل راسـه وتم متلوم من اللي ســـواه..اول مره يمد ايده عليها..كان شكـلها يغمـض وايد..وهي حـــــامل يســـوي فيها جيـــه..مـاينكــر انه اســـتانس واايد يوم مــريم قــالت انه اميـــره حـــامل..يعــــني بيستوي ابووو..فرح من خـــاطره عــلى هالشــي لاانه راشـد من طـبعه انه وايد يحب اليهال....بس يقول في خـاطره انه لاازم يعــاملها جيــه عشان يضــمن انها مااتخبــر حـــد..خــلااها وهي بهالحـاله وسـار فوق بــدل ثيابه واتعـدل وعقبها نـزل تحت وشـاف اميره يالسه ومتسـانده عالكـنبه وراســها مايل عاليـنب كانت راقــده..سار راشـد صوبها ويـلس حــذالها..
راشـد وهو يـدق على جتفها عالخفيف: اميره..اميـره..
اميره: ......
راشــد: اميـــره ..قــــــومي ارقـدي فوق في الحجره..اميــره..
بطــلت اميره عيونها ورفعــت راســها وهي تتثــاوب اتشوف راشــد حـذالها..يمــسك راشــد ايدها ويــقومــها ويوديــها صـوب الدري..انتبــهت عـــليه فجأه ..اطـــالعته بعصـــبيه وســحبت ايــدها بالقوو ومشــت عنه عالدري..مـاقالها شــي وطــلع من البيـــت ..اتصــل في ربيعه عشــان ايمــر عليه ويسير يـاخذ سيـارته من المزرعه..
اما اميره دشــت الحجره وهي اتصيـــــح ..كـــلما تتــذكر اللي اســتوى امس واليــــوم ماتروم اتقــاوم دموعها ..شلت تلفونها بتــدق حق حمد عشـان ايي يمر عـــليها ويوديها بيتهم ..حــاسه انها مــاتبي اتــم في هاالبيــت خلااااص..
حمــد: الووو..

اميره وهي تمسـح دموعها وصوتها مبحوح : هلا حمد..اشحالك؟
حمـد: الحمدالله بخير اشحالج انتي؟
اميره: الحمدالله..حمــد مر علي بيي البيــت..
حمد: اميره شو بلااه صـوتج متغير؟؟..تعــبانه ..فيج شي ؟؟!!
اميره: لاا لاا مافيني شـي لا اتحـاتي..انت فاضي الحين؟
حمد: هي انا فاضي ماوراي شـي..
اميره: انزين دخيلك مـــر علي..
حمد: خلااص ان شــاء الله انا الحيـــن ياي..
اميره: اوكـــي يالله مع السلامه..
حمد: مع السلامه..
............................
العصــر في بيــت مــايد ..مــنى كــانت ترمس في التــلفون وكــانت متعمــده تــدخل حجــرة مايــد..دخلت وبـندت الباب وراها وشـافت مايد متســاند عالســرير ويــالس يشوف التلفزيون ويجلب بالقــنوات..ســارت ويـلست عــنده..
منى وهي تغمــز لمــايد: هههههه انا الحيــن عــنده ..بعطيــه التلفون يــرمسج انزين؟!!
نوال: هههههه منوووووه بــــذبحج..
منى: عادي بلاااااااج ريلج ريلج..هههههه
نوال: هههه والله سخيييفه..بعده ماســتوى ريـــلي..
منى: ههههه يالله خطيـبج ولا تـــزعلين..
نوال: ههههه سخيــفه..امممم ..بس قوليلي شو يـــالس يسوي..
مــنى: مــابقوووولج..جان تبين روحج اســئليه
مــايد طول الوقت يــشوف منى وهـــو معصــب..ويأشـــر لها تطـــلع..
نوال: منووووه عااد يالله قوليلي..
منى: يالس يشـــوف التلفـــزيووون..خلااص خلااص يالس يروغــني بطــلع من عــنده..
نوال: ههههههههه زين يســــوي فيج تستاااااهلين..محــد قالج سيري رزي الويــه وقعدي عنده..احم ..حـــليله يــمكن مشغووول..
منى وهي تمـــشي جـدا الباب : اونج عــــاد الحيــــن..مب جنج انتي اللي قــايلتلي سيري شوفيـــه شو يســـوي..مــــا عليييه ويا راســج..مــاعلييه..
نوال: ههههه انزين انا قلتلج سيري شوفيه شــو يســوي مب تيلسيـن عنده..
منى وهي تطـلع وتبـند الباب وراها: انزين انزين ويا خشمج يالله اجلبي ويــهج ..
نوال: اتصــدقين توني كــنت بقوله لج..
منى: ههههه زين ســـبقتج عيل..يالله بااااي..
نوال: باااي..
.
.
اااه انا ليـــن مـــتى بتــم جيــه..ليــن متى بتم افكــر فيج يــاشمـــا لين مــتى..ماادري اذا انتي كــنتي تفكــرين فيني شـرات ماانا افكر فيج والا لا..شخـبارج..وشــو احوالج..شو حيــاتج بــدوني..ااه اتمــنى من كـل قـلبي تكونين مســتانسه..ههه لــو كــنتي تــدرين يــا شما اني يوميا لاازم اخـطف صوب بيتكم ..اوقف شــويه على امــل انج تظــهرين واشوفج واطــمن عليج لكــن مــاشي فايده..ااه شــو كنتي بتســوين !..ليتج بس كــنتي اتعرفين ..يمـــكن تــرحميني شــوي وتظـهرين عالاقــل بس اشــوفج نظــره عســب يرتاح قــلبي واعرف انج بخيــــــر..احبج يــا شمــا احـــبج..ومااظــــن اني بنســـاج مااظن..
..................
شمــــــا مــب مقصــرين عليها بـــشي امها واخــوها..حــتى هي قــامت تطــلع من حجــرتها وتيــلس ويــاهم اكثر شي وتــحس انهم امخففييين عنها واايد..اتنــش من الصـبح وياامها واتـزهب وياها الريوق..وعقــب تطـبخ وياها الغــدا بس عشان مااتحس بالوحــده وهي وايد مـرتاحه على هالشي وتتمــنى لو هالشي مستوي من زمان..بس ماتنكـــر انها ولهـــــانه عـــلى مـــايد وااايد..مرات تمــر عليها لحظــات تــندم فيها انها غيــرت رقــم تلفــونها..بس بعـدين تفكــر بعقــلها وتقـول هذا اللي المفروض يستوي..مــايد اتخــلى عنها بســـهوله ومـاكان جـدامها الا انها اتســوي جيــه ..بس خلااص كـفايه الايــام اللي كـــانت ترمــس فيهم ويــا مــــايد..تــوها ادركــت بس انــه اللي كـــانت اتســويه اكــبر غــلط والله مــايرضى به..حــتى لو كــانت ترتاح ويا هالانســان ماكان لاازم تــرمسه وتتعــلق فيه..ااه ليــتني بــــس مــاكنت منعــزله عن النــاس وبالاخـــص عن اقرب النــاس لي واللي هم اخوي وامـــــي..هالشــي خــلااني ارمـــس مــايد واتعــلق فيه..دايمــا يوم مـــايد يمر في بــالها على طـول تظـهر من الحجــره عســب تيلس ويا امها وحارب ...فالحيــن يوم شـافت انها يـالسه اتفكـر فيه على طـول ظــهرت وسـارت يـلست وياهم..
شمــا: ســــلام عليكم..
حارب و امه: وعليكم السلام..
ام حارب: هلا هلا والله تـــو مانــــور المكــــان..حيالله بنتي شــما..
حــارب يطــالعها وهــو مبــطل عيونه عالاخــــر : وانا اهـــــني شـــــو ان شاء الله..مظلـــم المكـــــان!!!..
ام حـارب: هههه لاااا والله حشــا ماقلت جيــه انت الخيــر والبركه فـــديتك..كــلكم منــورين عــلي حيــاتي ربي لا يحــرمني منكم..
شمــا: فــديتج والله ياامــي ولا يــحرمنا منج..
ام حـارب: شمــا امي شــي عــرس اليــوم وابيج اتين ويــاي..
شمـــا: شووووو؟!!!..عـــرس مــره وحــده ؟!!..تبيني انا ايي ويــــاج عـــرس ياامي؟!!..لاا لاا ..
حــارب: شمــــــــا..!..شو قلنا احــنا..مب اتفقنا اي مكــان امي تسير انتي تسيرين وياها ..عشان تحتكين ويا الناس..
شمــا: بـــــس عــــرس عــــاد؟!!!
حارب: هي هالمكــان الوحيد اللي فيه وايد نــاس..يالله عاد شمــا خليج ماشيه على حسب الاتفاق ..
شمــا: اممم بشوف لين عقــب..
ام حـارب: يالله عاد ياامي علشان خاطري ..
شمــا: خلااص فـديتج عشانج بــس..
ام حـارب: هــــيه جي ابغيـــج حياتي..
حارب: امييييييي بديت اغاااااار انا..
شمــا: يا ربييييي مايخــلي امي شويه تمدحــني...
حــارب: هي مـــب مقصــــره وياج اصلا انا يحــــليلي المظــلووم..
ام حـارب: فــــــديتك انا لا تقوول جـــيه ..انتــوا كــلكم عندي ســــوى
حــارب: هي هي بــــــاين..
ام حـارب: ههه حـــــــارب حبيبي انته عمري كـــله بعــد شو تبغي..
حارب: هههه فــديتج والله ياامي الله يخــليج لنا..
ام حارب: ويخــليكم لــي ان شاء الله..
.......................
يـــوسف كــانت حـالته صــعبه واايد من بعد الكـلام اللي قـالت له شــهد..حــبها من كل قــلبه هالانســــانه وفجأه يكــتشف انه كــان يقص عــلى عمــره بهالحــب..اكــتشف فجأه انه كــان غبي يوم حــبها..لكـــن الحيـــن اتحســن واايد والدراســه قــدرت تشـغله عن شــهد..وهــو يـالس في الحجــره تـــدش عــليه امــه وبيـــدها شــــي ..طــبعا يــوسف اول شـــي انتبه له هو الشــي هذا اللي بيــد امه وكــان يطــالع باســتغراب وهي مبتســــمه له يــلست عـــنده..ودشــوا عقــبها خواته مروه وشيــخه..
عـــايشه: يــــوّد فــديتك..بطــلها شــوف شو فيها..(كــانت هــديه مغلفه)..
شيــخه: اقووووول شو في داخــل اقوووول..
مروه: سكــــتي انتي يالفضيييحه..امي قــلتلج لا تخبرينها..
عايشه: لاا شيخه شــطووره مابتقووول..
يوسف: ههه شــو هاا..؟؟..ها حقي انا؟!!!
عايشه: هييه حقك انته..يالله بطــلها شـــوف شـــوفيها..
تم يــوسف يشــل الغــلااف وهــو مســتغرب..اول مــــا خـــــلص تــم مــبطل عيونه متــفاجئ من اللي يشـــــوفه..
يوســـف: امييييي هـــذا موبــــــايل...
عايشه: ههه هييه.. عــاد اسمحــلي فـــديتك هذا اللي رمــت اييبه لك وان شــاء الله يعيبك عـــاد..
يــــوسف اســــــتانس من خـــاطره ..لوى عــليها وحــبها على راســه: فــديتج والله فـــديتج يـــاامي..مشكـــوره مشكووووره..
عايشه: تســــتاهل حبيبي..ولــو انه شــويه عــليك بس انت ادرى بالحـال ياامي..
يوسف: امييي انتي شو تقوووولييين..والله لــو ماكــنتي ماخذتلي بعــد عــادي تــرى..انا في ذيج الايـام ماادري شـو كان فيني عــليكم..بس الحيـــن لااا فــديتج..والله ماكان بودي اكـــلف عـــليج..
عايشه: لا فـــديتك لاا اتقــول هالكـلام..انت تســتاهل اكثر ..
يـــوسف: الله لا يـــحرمني منج يا اغـــلى انســـانه اف هالكــون كـــله..
عايشــه: يا حيـــاتي ولا يحرمني منكم..
مروه: يالله افتــــحها انزين شـــوفها..
طــلع يــوسف الموبايل من القــوطي مـــاله..: اللـــــــــه امييييي والله وااايد حلوووو....تســلمييين فـــديتج تسلميييين..
عايشه: الله يـــسلمك حبيبي..زيــن الحمدالله انه عيــبك..وعشــان الرقم خــل حــد من ربعك يـظهرلك ..
يوسف: اميي ماعليييه مب مســتعيل انا..
عايشه: لا ظــهره الحيــن بعــد مره وحــده عشــان تستانس فيه فديتك..
يوسف: خلااص اللي اتشــوفينه امـــي.. بـقــول حق حمدان ..
مـروه اول مــاسمعــت باسمــه حســت بشــي غـــريب في داخــلها..اتذكــرت لحظتها المــواقف اللي استــوت من بينهم..اول مـــوقف ماتبــغي تتذكـــــره لاانه كــان يوم مشؤووم بالنســبالها واي شــي تحاول تنســاه بس مــب رايمه..وكــلما تتذكر الموقف يــمر في بــالها الـــــريال..مــب قــادره تنســى شــكله مــب قــادره..اما المواقف الثـانيه اللي استــوت يــوم كــان ايي البيــت عــندهم ..مــرات كــانت اتسير اتبــطل البــاب واتشــوفه وتقريبا هاي استوت خمس مــرات في الايام اللي طافت..ومــرات بعد يدخــل ويا يوسف البيــــت وبالصــدفه يــتشاوفون ولــو لثــواني..مــــروه مــاتقدر تنكــر انها انعجــبت وايد في هالشــخص..من طيــبته واخـــلاقه ..اتحــس انه شــرات هالانســان نادر وجوده..عيل منو هالايام يــوقف لــوحده نص الليل ويــوصلها ليــن بيتهم من غيــر مايســوي فيها شــــي!!!..واكثــر شــي ملخلنها تنعجـــب فيه هو انه اتفهــم الوضــع ومــاساء فيها ظن الســـوء وانه ســاتر عليها وهــو ربيع يــوسف..يعني لــو حــد ثاني عـــادي يفضحها..الله يـــكثر من امثـــالك يا حمــــدان..
.......................
أميره كانت منسـدحه عالفراش في حجـرتها في بيت ابوها بس مب راقــده..كـــانت مضــايجه واايد من كل اللي استــــوى..مــب عارفه شــو اتســـوي او كيــف تتصــرف..نشــت من مكــانها وتعــدلت ونــزلت تحت لاانه كلهم كـانوا يـالسين امها وابوها وعمها ومرت عمها وحمد وعوشه وحمده..سلــمت عليهم ويــلست وياهم..
شيخــه: جي نـــازله اميره سيري ريحــي ياامي ..
اميره: لاا عــادي ابــا ايلس ويــاكم..
سلطان: هي زيــــن تســوين ..عيــل راشــد وينه؟
اميره: ماادريبـــه والله..
عــلي: اتصـــلي فيه خــــل اييي..
اميره: ان شاء الله عمي..
اميـــره مووول ماكان في خــاطرها تتصــل فيه بس غصــبن عنها..اول ما خذت تلفونها بتتصـــل فيه..شـافت التلفون يرن وهـو اللي كان يتصــل ..
اميره: الوو..
راشــد وهو معصب : مـــاشاءالله طـــالعه من غيــر ما تخـــبريني هااا؟!!..وينج فيييه؟
اميره قافطه وويهها محمـــر لاانه عيون الكــل عليها: راشـد انا في بيـت ابوي تعال..
زاغ راشــد يوم قـالت انها في بيــت ابوها..: شو تســــوين اهناك؟ ان شـــــاء الله قــــلتي شـــي؟!!..
اميره: لاا لاا..تعال اهــني كلهم يالسين..
راشـد: انا بيي امـــر عليج واردج البيــــت..مابنزل تحـــت..
اميره متــوهقه مب عــارفه شو اتقــوله..: خلااص اوكي..وبــندت التلفون..
علي: هاا ..شــو يقــول؟
امــيره: قــال بيي الحيــــن..
حمــد كــان منــزل راســه وشغال يكــتب مسجــات حق مــريم..
(مــا عــليه..عالاقــل لو دقايق ماقــدرتي اتودرين شغلج واتين !)
مــريم..(صــدقني مااقــدر يا حمد والا جــان ييت والله)..
حمــد..(مــريم عشان خاطري بمـر عليج والله مااتهونين علي يالسه بروحج في البيت)..
مريم..(لا عــادي لاا اتحــاتي..)..
حمد..(ربي يــــوفقج حــبي)..
بعـد هالمسج حط تلفونه في مخــباه وشــاركهـم السوالف..
حمده: اقولج عوشوووه..تعالي بنسير انراجــع..
عوشه: بس مليييت ..خلااص مافيني اخاف اتلخــبط..
حمده: والله خـــــايفه واايد من الامتحان..
عوشه: خيـــولي مب محســـوب..والله نحــن سـوينا اللي عــلينا..والباجي على الله..
حمده: يــارب يــكون ســهل..
عوشه: ان شــاء الله..
اتصـل راشــد في اميـــره وراحـت بعيد عــنهم عشان تاخذ راحتها في الرمسـه وياه..
اميره: الوو
راشــد: يالله اطــلعي..
اميره:.اقولك كلهم يــالسين انــزل..يعــني مب حلوه اتي صوب بيت عمــك وماتدخل داخل اتســلم..
راشــد: حــلوه والا مــب حلوه انا مالي خلق انــزل..اطــلعي بسرعه ولا تناقشيني زيــاده..
اميره: راشــد ابوك قــالي اقولك اتي..دخيلك تعــال..
راشــد: افففففف..انزين انزين..
ردت اميره يـلست عــندهم وبعدها بثواني دخـل راشد وسلم عـليهم ويــلس وياهم شــويه وعقــب نــــش بيــروح..
سلطــان: ويــن ويـن يا راشــد توك يــاي..
راشــد: اسمحــلي عمــي كان خاطري ايلس وياكم اكثر بس شوي مشغول..
شيخه: لاا يــاراشـد لاازم تتعـــشى ويانا..
راشـد: مــره ثانيه ان شاء الله عمتي..يالله اميره..
اميــره كــانت متغصصه من الخاطر ماتبا اترد ويــــاه بس ماتروم اتقوله شـي جدام الكـل..فنشــت غصــبن عنها..سارت لبست عباتها وشيلتها ونــزلت سلمت عليهم وطــلعت وياه..
.
.
راشـد واميره كانوا طـول الدرب ساكتين في الســياره ..وصـلوا البيــت ونــزلت اميره ودشــت داخل وصـعدت فوق في الحجـره عقبها بدقايق دش راشــد واول شي سواه شـــل الغتره والعقال من عـلى راسـه وعقبها سـار يـلس عندها ..اميره من اول مادش وهي تطـالعه باحتقــار بس هو مـاكان منتبه لها.. يوم يا ويلس عنـدها تمــت اتشوف التلفزيون وهـو بعـد وياها بس عقــب رمــس..
راشـد: مبروك..
اميره: مبروك!!..على شـــو؟؟
راشــد: قالولي انج حــامل..
اميره: ههه توه النــاس..
راشـد: انتي وبعـــدين ويــاج؟!!..رمســـيني عــدل احسن لج..
اميره وبصوت عــالي: يــــوم بتســـوي اللي انا ابغيـــه عقب برمســك عـــدل..
راشــد: لاا تحـــــاولين قلتلج انا ما بتيــن انتي وبتغيرين كــل شـــي..يالله عاد وايد عطيـتج ويــه كــله ولا هالشي ماابغيج تتدخــلين فيه فاهمه..
اميــره وهي تصــارخ: بـــــس انا مستحيـــــل اقدر اعيـــش وياك وانت جيـــه مســــتحيييل..راشـــــد طــــلقني..
راشــد: ههههههههههههههههه..ضـــحكتيني الصــراحه هههههه الله يخليج عيديها عيديها..
اميره: طـــلقني والا بقــــول حق الكــــــل انـــك ............
مــاحســـــت اميــــره الا بطـــــراق عــــــلى خــــدها..انصـــــدمـــــت اميره وتمـــت حــاطه ايدها على خــدها ومنــزله راسها وتصــــيح..
راشــــد وهـــو يصـــارخ : انا اســـــلوب التهـــديد هذا ماحبـــــه..شــــوفي اميرووووه خـــليني زيـــن وياج احـــسن لج والا بتتعــــذبين ويــــاي ..وانا طـــلااق مــب مطـــلقنج هاي الفكــره شــيليها من راســـج..يعني لو شو ماتســـوين بتمين على ذمـــتي ..وخــلني اسمــعج مــره ثانيه اتهـــددين شــوفي شــو بيستــوي بج..
اميــره: ..............
راشــد: كـــل شـــي راجع لج انتي ..تبيني اكــون اوكيــه وياج انا مسـتعــــد..ولــــو ماتبين بــعد مستعــد..
نشــــت اميره من مكـــانها وهي تصيـــح وطــلعت من الحجـــره وســارت يــلست روحها في الصـاله اللي فـــوق..تــوها بــدت تكشــف اطــباع راشـــــد..هي مـــاتوقعــــته جيـــه يــكون..هي دايما كــانت اتشوف كيــف يعــامل مــريم ..كيــف يرمسها ويــضحك ويــاها ويســـولف..حـــنون وياها وااايد..حــبته واايد عشان هالشــي ولاان من اول مــاوعت عالدنيــا كانوا يقولون ان راشد لاميـــره واميــره لـــراشــد..هالشــي خلااها تتعــلق فيه اكـــثر..بس الحيــن قام شــوي شــوي يطيــح من عيـــنها..لــدرجة انها خــلااص مـا تبغي اتكــون موجوده في مكـــان هو فيه اتحـــس بغصـــه في قــلبها خصوصا يــوم تتذكــر كــلامه وهو يقــول انه يســهر ويشــــــرب..شــــو هـــــذا ..مـــايحس؟!!!.. اه يــــاراشــد..والله وانصــــدمت فيك..اتمــد ايـــدك عليــــه؟!!!..انا شـــو ســويتلك عشـــان اتســـوي فيني جيـــــه..حســـت بتعب وعوار في ظـهرها وبطــنها فمددت عمــرها عالكــنبه..طــلع راشـد من الحجــره وشــافها جيــه ســار صوبها..
راشــد: سيري الحجـــره..
أميــره: ........
راشــد: اقولج نشــي سيري الحجــره ارقدي..(عــلى كــل اللي ســـواه فيها الا انه يحـاتيها ويحاتي اللي في بطنها وايــد ويــباها تسير تــرتاح في الحجــره احســن لاانها حــامل ومحـتاجه للراحه)
أميــره: مـــابغي مابغـــــي..انا مــرتاحه اهـــني..شــو تبــا فيني يـــاي ؟!!..ماكفاك اللي ســويته فيــني.!!
راشــد: والله انتي اللي يبتيـــها حق عمــرج.. اسمعــي الكــلام عشــان اكون زيـــن وياج وشــرات ماتبغيني اما اذا يــلستي اتهــددين وتقولين بخـــبر ومن هالكــلاام انا اهـــني يــدق اف راســـــي وبســـــوي فيج اكثــر من اللي ســويته بعد..
اميــره تنـــش وتيــلس: راشـــد انت مااتعــرف انه اللي اتســـويه حــرام والله مــــايرضـــى به؟!!!..وغيــر هذا يضــــرك انته..دخيــــلك انت اللي اسمـــع كــلامي حــتى لو هالمــره وودر هاللي تشـــربه عشــان انا اكون مــرتاحه ويــاك وانعيــش حيــاتنا مســتانسين..
راشــد: اووه..هالشـــي انســــيه مستحيييل ايصيـــر لا تحـــاولين هــا شــي خــاص فيني وماابغيج تتدخــلين فيــــه..
اميره: لاا واللـــــه؟!!!..وتبــــاني اكــون ويــاك عـــادي وانا اشـــوفك اتســوي شــي غلط..
راشــد: وانتي اشــــلج فيني اصلاا..!!..انا كـــيفي اســوي اللي ابغيـــه..قلتلج انا مااحـــب حد يتحــكم فيني ســو جيــه ولا تســـو جيـــه..
اميره: افففف والله انـــك تقهر وتــرفع لي ضــغطي..جي ياي عــندي انته..سيــــر دخيلك سيـــر عــني..
راشــد: اســــمعي الكـــــلام ودشــــي داخـــــل قـــبل لاا اعصــب اميروووه..
اميره: شووو غصــــب هوو غصــــب!!.. ماابغي انا برقــد اهـــني اليـــوم..
راشـــد يقــبضها من ايــدها ويــقومها غصــب وهــو يصـــارخ: اقـــــولج دشـــــــي داخـــــل..يعـــني لاازم اصــارخ عــليج!!!
اميره وهي تصيــح: انزين انزين..دشـــت اميـــره وهي ميـــتته من القهـــر منه..انســدحت عالفــراش وهي تصيــــح من الخــاطر..اتحــس انها بــدت تكــرهه.بتصــرفاته هــاي.. مخــلنها اتحــس انها هي ولا شــي عــنده..هي خــلااص مابيــدها شــي اتســويه..مجــبوره تستحمـــله وتســتحمل كــل اللي يــسويه..ولا تــروم تقــول حق حــد لاانها بجـــي بتعــذب روحهـــا اكــثر..طــبعا راشــد بينكــر هالشــي لاانهــم واثقيــن فيه شــراتها هي..كانت واثقه فيه انه مســتحيل هالانســـان يطــلع منه شــي غــلط..ومســتحيل يصــدقووونها..بيـــرمســونه وهــو بيقــنعهم انه مــايســوي هاالشــــي..وطــبعا يــوم بيعــرف انه اميــره مخــبره عــلى حســب كــلامه انه بيــعذبــها وهــذا ا للي مخـــوفنها..يكــفي العـذاب اللي شــافته منه اليــوم..ااااه يــــا ربي شــــو اســـــوي..في هاللحظه نــدمت عــلى زواجها منه..من اللي شــافته اليــــوم..اتحـــس انها مــابتقــدر اتعيــش ويــــاه ..اتحــس انها خـــلااص مــب طــايقه حــتى اتشــوفه..!

طــبعا راشــد كان مقــدر شعــور اميــره..وعــارف انها كــارهــتنه من بعـد تعــامله الخــايس ويــاها..شعــور طـبيعي من اي وحــده ريــلها يعــاملها جيـــه....كــل اللي ســواه كان غصــبن عــنه عشان اميره اتحــس انه مــب هيـــن ومحد يـروم عــليه ويســوي اللي بـــراسه محد يــقدر ايـقوله شــي..ولازم جــيه يعــاملها عشــان اتعـرف كل ها وتسمع كلامه..بس هـذا ما يمنع انــه يهــمها راحــتها وخصـوصا انهــا حــامل..فعســب جيه قرر انه يـرقد روحه في الصــاله ويخـليها هي داخل تـرقد براحــتها..
........................

الجزء السـابع عشر
الفصل الثاني

اليوم الثاني ..في الكــليه..مــنى واقفه تتـريا مايد ايي يمــر عليها وويــاها نــــوال..
نــوال: الخــــايس بند التليفووون عويـــهي..
منى: ههههه منو هــذا؟؟
نوال: الــــدريــول..
منى: ههههههههههههههه افااا نوالووو افاااا..آخــر زمــن..الدريــوليه يسكـرون التلفون عويهج..ههههه بس انتي تســـتاهلين اقولج تعالي وياي وخــلااص..
نوال: انا بــــراويه ,,ان مــاخليتهم يســفرونه مااكون انا نوال..
مــنى: ههههه اونج عاد..بخليهم يسفرونه اونه..جي امنوا انتي..
نوال: انـــا؟!!..يحلييلج ليــن الحيــن ماعرفتي امنـــوا انا ؟!!..
منى: بس بس ولا ابغـــي اعرف بعـــد..شو الحيــن بييج هذا والا لاا..
نوال: ماادريبه والله ابــوي امطــرشنه ماادري ويــن وقال يـمكن مااييني اليــوم ..
مــنى: انــزين خلااص تعالي ويـــاي..
نوال: امي قالتلي ايي ويـــاج..بس ماابـــا استـــحـــي..
منى: شو تســتحين عااادي الا هوو ميـــوود خطيبج..
نوال: ههههه ترى اهني المصيبه لو ماكان ميوود خطيبي جان عادي ييــت..
مـنى: هــذوو يــــا ..يالله يالله عن المصــاخه تعالي..
نوال: منووووه والله اســـــتحي ..
منى: يعـــني تبيــن اتخيسين اهني في الكــليه !!..تعالي والله عادي..
نوال: انزين اول شــي قوليله يـــمكن هو مايــرضى..
منــى: شـــو مــا يرضــى!!..لاا لاا مــايد عادي عــنده..
نوال: انزين يالله امشـــي..
تمــوا يمشــون صوب السيــاره..نــوال مع كــل خطوه تحــس انه قــلبها تــزيد نبضــاته..لين ماوصـلوا الســياره..منى ركـبت جــدام ونوال وراها..اســتغرب مــايد يوم شــاف نوال تــركب السيـاره وحــس بضيــج ماايعــرف ليــش..
نوال: سلام عليكم..
مـايد: وعليكم السلام..
مـنى: نوالوووو يالله اسئليه اشحالك شخبارك شو صـحتك شو مسـوي ان شاء الله مــرتاح..
نــوال ميــــته من الحيــا وفي خــاطرها تصفع مــنى..
منى: حوووو ارمسج انا..
مــايد: اقول ممكــن تكــرمينا بسكوتج..
نوال مــاقدرت اتم ســاكته نقعــت من الضــحك على مــنى اما مـــايد فابتســم..
مــنى: افااا ياخـــوي افاااا..اتضـــحك نوالوووو عـــليه..هي خــلااص الحيــن ..كـله بتيلس اتقفطني جــدامها..اصلا ادري انا محد يحــبني..
مـايد: هههه لاااا افـــا..انتي اخــتي الغاليه مــنى..
مـنى وهي شــاقه الحــلج.: صـــــج؟!!!!..انزين فديتك دام اني اخـتك الغاليه ودني صوب ماكدونـالدز بشتريلي غــدا مـاكلت شي في الكــليه..
مــايد: اوهووو انا نــاسي انج ماتنعطيــن ويـــه..
نــوال كـــانت تســمعهم وهـم يـسولفـون وهي مــبتســمه بس فجـــأه شهقــت و احـــمر ويـــهها وتمــت تطالع يميــن ويــسار ..
مــنى: نوالووووو اشفيـــج؟!!!..
نــوال وهــــي قافطه: منووو شنطتي مب ويــايه..
مــنى: واللــه؟!!!..يعــني وين بتــكون دوري عـليها عــدل..
نـوال: مــاشي اعتقــد نــاستنها في الكـلاس..
مـنى: مـايد رد الكــليه..
نــوال شــويه وبتصيــح لاانها حســت انه مــايد عصــب ..رد الكــليه مره ثانيه وهـو فعلا عصـب لاانه راد من الدوام وتعــبان مـب راقـد..ومول ماكان له خـلق يرد الكليه مره ثانيه..وصـل اهناك و نــزلت نــوال ودشت داخل وســارت الكــلاس شـلت شنطــتها وردت ركــبت السيــاره..
مـنى: هاا حصـلتيها.؟
نوال: هــيه..
مـنى: زين الحمدالله..ويا راســج وايد نسـايه انتي مره ثـانيه عن تنسيـن عمرج..
نـوال: هههه..اكــتفت بهالضحكــه لاانها مسـتحيه ومب رايمه تـرمس وبنفس الوقت قـافطه وايد من مــايد لاانها خلته يرد الكليه مره ثانيه..
منى: مــايد مابتودينا ماكدونالدز..
مــايد: سيري لااااا انا روحي هــب متفيج..
سكــتت عــنه مـــنى واضـايجــت وحــس فيها هــو وكســرت خــاطره..وسـار صـوب ماكدونالدز لاانه عـلى دربه..
مــنى: فــــديت اخــوي انا اللي مايــرد لي طــلب..
مــايد وهـو مبتسم: كــم منــايه عــنا..الا وحـــده..
مــنى: احــم احـــم وجــــان اتفجج ..
مــايد: الحيــن بتقولين شو تبيــن والا اسيــر..
منـى: لاا لاا بقوول..انت ماسئـلتني الله يـهداك..انزين نوالوو شـو تبيـــن؟؟
نوال: لاا لاا انا ماابي شـي..
مـنى: جب جب تبيـــن..خلااص اشتر حقي وحق خطيـــبتك ..وجبتين ماك تشيكن..
نــزل مــايد من السيــاره عسـب ياخذ لهم اللي يبونه..
نوال: مـــــنووووه اقولج ماابغي ..
مـنى: شو ماتبيـــن!!..عكيــفج هوو..تراج ويايه مـب ماكله شــي..لااا وبتيــن بيتنا بتاكلين ويايه بعد..
نــوال: هـــيه انزين اتـــريي بيي بيتكم..
مـنى: ههههه بتين غصـبن عنج..انا بقول حق مـايد انج بتين بيتنا..وانتي طـبعا تستحين اتقولينله لااا ودني بيتنا هههههه
نــوال: منووووه عـــن المصــاخه انا بسير البيــت..
مـنى: نــواااااال عاد علشان خــاطري ..
نوال: انزين خــلااص ويا هالــويه..اقوول منوووه..يوم نـزلت انا في الكـليه مايد ماقالج شـي؟
مـنى: لااااا..مثــل شو يعــني..
نــوال: ماادري احسـه عصـــب..دخيلج اتأسفــي منه بـدالي..
مـنى: ههههه وليش انتي ماتتأسفين منه !!
نوال: ســـؤالج سـخيف شـرات ويهـج انزين..
مـنى: ههههههههههه
نـوال: منووووه ارمســج جــد
مـنى: ههههه انزين انزين خـلااص..
وهـم يـسولفــون يــا مــايد عند الموتـر وكـان يبا يحط الجيس ورا ففتح البـاب من صـوب نـوال وهـو نـاسي انها اهـني يالسه..احــمرت ووخــــت راسهـــا..
مـايد: ههه اوو آســف..حــتى هــو قفط بعــد وسار فتح الباب من الصوب الثاني وحـط الجيس وهـو يطـالعها ويتنهــد في خــاطره ويــقول ..يعــني هـــــاي اللي بتشــاركــني حيــاتي العمــر كــله ومـــب شمــــا!!..عــوره قــلبه في هالوقــت وبــند البــاب وركـــب جـدام..قـالتله مــنى انه نـوال بتـي بيـتهم ..فسـار البيـت ونــزلوا كـلهم..وهــو دش حجـرته عـلى طــول..وحــاس بضيــــج في داخــله ويــقول في خــاطره.. جـــان زيـــن شمـــا اللي كــــانت ربيعت مـــنى ومــــب نوال !..
........................
راشـــد مــول مــاياله ارقــاد طــول الليل وهو كـان يحاول يـرقد بس مـاشي فايـده..لاانه مـاكان مــرتاح عالكنبه..آخـر شـي دش الحجــره ورقــــد على طــول..وكـانت اميــره راقــده في هاك الوقـــت..نــش الصــبح عسـب الدوام ..العــاده اميره اتنش ويـاه اتـزهب له الريــوق بس اليـوم مـاهانت عليه ايقــومها لاانه يـعرف انها تعـبانه..ويـعرف انه مــاقصــر وياها امــس..فخـلااها راقــده وراح هــو الدوام..

وبجــي اتمــر الايــام عليهم..يوم راشــد ينش يسير الدوام اميره تكــون راقــده ويـوم يـرد يــلقى الغــدا زاهــب ..اميــره اتعــلمت الطبـاخ في الفـتره اللي طـافت علشانه..والحيــن تسـويله عسـب مايقـولها شـي..وعقـبها يسير يـرقد هوو واميـره تتصل في حمد اييها ايي ايمـر عليها ويـوديها بيتهم..واتم يـالسه اهــناك ليـن ما راشــد ايــمر عليها..وهــو مااييها الا فلليل على حدود الساعه 10 او 11..اهــلها بــدوا يـحسون انه فيه شـي بينها وبين راشـد..لاانه قـبل يادوب اميره تسـير اشويه عندهم ووياها راشــد ييلسون اشـويه ويردون..بس الحيـن كله اتسير بروحها وراشـد مب وياها..اتقـولهم انه مشــغوول..ومـرات بس عسـب مايشكون انه في شـي تيـلس في البيــت وماتسير بيت ابوها..وهاللحظــات اللي مااتحــبها موول..لاانها عــايفه البيت خلااص ماتبـا اتم فيه..فتسير شويه عـند مـريم وعـوشه بس مااتم عندهم وايد لاانهم يـذاكرون..تيـلس شويه عند مـرت عمها وعمــها بعد ماتروم اتطـول عندهم..ومـرات تسير عـند عايشه تيلس وياها شويه بس بعد مااتروم اتطــول لاان راشــد مــايرضـى انها اتسير عــندها..ولو شـافها عندها بييلس يصـارخ عليها وهــي تموت من القهـر منه لاانه المفروض هالاشـياء مايتحكـم فيها.. بس مااتقـوله شـي لاانه مالها خلق حتى تناقشه في شـي.. . حــبتها هالانســانه واايد وحـبت سـوالفها بالرغم من انها مااتم عـندها وايد..ولـو بيدها جـان تمــت بس شو بتسـوي حكـم القوي على الضعيف..يـوم خــبرتها انهــا حــامل طـــارت من الونــــاسه لــدرجة انها دمعـــــت..استغــربت وايد من هالشــي بس اســتانست بنفس الوقــت وحســت انها تعتــبرها شـرات وحده من بــناتها .. اميــره ســاكته عــن راشـد ويوم تــرمسه بعد ترمسـه من ورى خــاطرها..وهــو عادي عـنده مخـلنها على راحــتها اهـم شـي عنده انها مــااتخــبر..وهي بعد شـافت انه سكـوتهااحــسن بـوايد من انها اتخـبر لاانها حـاطه في بـالها انها لو خـبرت بتعذب عمرها اكثر..دام انه جــيه ماخذه حــريتها ..بس هـذا مــو معــناته انها مــو متعــذبه من الداخــل..في داخــلها تتعــذب ومـول مـب مرتاحه من هالوضـع بس محد حاس فيها لاانها مااتبيــن لحــد..عمــرها مااتــوقعت انه هالشــي يصير لهــا..كــانت صــدمه كــبيره بالنســبالها..حطــت في بالها انهــا خــلااص بتكيـف في حـياتها دام انها بتـكون مـرت راشــد..هاللي كــانت تتمــناه لاانه اول شــي هو ولــد عمها وثاني شـي انه راشــد فيه كــل المواصفـــات اللي اتمــنته هــي واللي يــتمنونها كــل البـــنات.. من ناحيــة الشكــل والجمــال فــراشــد محد يـروم له..بس شــو فــايدة هالجــمال دام النفــس خــايسه...يــوميــا اتصــيح من الغصــه ..بس اتقـول في خـاطرها خـلااص لاازم تتعـود على هالوضــع..لاان راشــد عــنييد ومستحيل يسمع كـلامها..يعني لاازم تتعــود عليه وهــو جييه..بس تــدعيله من كــل قــلبها انه الله يـــهديــــه..راشــد قبل لا يكون ريـلها فهو ولـد عمها وهي ما ترضـى يكون جيه.. تتمـــــنى من كل قلبها لو انه يودر ســوالفه عســب تـــرتاح..هي كــانت اتقــوله دوم انه يــودر الشــرب والسهــر بس كــله يقــولها انتي مالج خــص ويصارخ عليها..فآخر شـي مــلت وماقامت اتقــوله شــي..الاوقـات اللي اتكون في بيت ابوها تنـسى شـوي وتحس بــراحه بس من اترد البيـت واتشـوفه تتضــايج من الخــاطر وتيلس اتصيــح من الضيــج..طـبعا راشـد مسـتانس وعايـش حيــاته..في الويكــند مااتشــوفه اميـــره موووول.. مابيدها شــي اتسـويه صــابره ومتحمـــله..الله يعـــلم ليــن متــى!..
.
.
بـــدت امتحـاناتهم والكــل مشغــول بالدراســه هالايـام وخصوصا مـريم وجــاسم..هــذا اخر كورس لهـــم وشــادين حيــلهم وااااايد وكــل حد جــرب الهــدف ويــبا يـــوصله..مــــريم ماباجي شـي وتحقق حــلمها وتستــوي دكــتوره..وجـــاسم ماباجي شــي وبيــفتك من الغـــربه وبيي البـــلاد وهــــو رافع راســه وراس اهلــه بالشـــهاده..

حمــده وعــوشه يسـوون اللي يقــدورون عــليه وهــم بعـد يبون يفتكـــون من المــدرسه..

يــوسف شــاد حيـــله واايد..صـح انه كـلما يــتذكــر انه كــل هالتعـــب بيروح عالفاضــي..يعني مــامنه فــايده..يتضــايج من الخـاطر ..بس عقـب يقـول يكــفي انه بيــفرح امــه بالنســبه العاليه اللي بييبها ان شاء الله..وهــو مــب فاقد الامــل ..يمكــن سبحــان الله تفيــده هالنســبه في يـوم من الايــام..والله يــفرجها عــليهم..

شمــا يوم عن يوم اتصيــر احــسن عن قــبل..قــامت شـوي شـوي اتحــب الطــلعات وهي اللي تطــلب من حـارب يظـهرها..وتطــلع ويــا امهــا بعد..اتحــس ان الطـلعات وايد مخففه عــليها ..ويــوم يالسه في البيــت بعد ماتيلس روحهــا ..اكثر شي تكون يـالسه ويا حـارب وامها..ايمــر مــايد في بـــالها بس مــب شـرات قــبل..بالاول كـــل تفكيــرها كــان فيه هوو..لكـن الحيـن غيـر..الحيـن مايمـر في بــالها الا مــــرات يـوم اتكـون يـالسه روحهــا..وتتضـــايج وايد يوم تتذكــر اللي صار لها..وهــي تحاول قـد ماتقـدر انها ماتكـون روحها في مكـان عســب تنــسى كــل اللي صـــار..

خـــلصوا كــلهم امتحـــاناتهم وراحــت ايام المعـــاناه والتعــــب..اليـــوم كــان آخـر يوم امتحــانات الثـــنويه العــامه قسم العــلمي..وامــس كان آخــر امتحــان اتقـدمه مــريم..

رن تلفــــون حجرتها وهـــي في ســابع نومــها..نشـــت من صــوت الرنـــه وهي تتأفف ومــالها خــلق اتنــش لاانه التلفــون كان محطــاي عالتســريحه..بس شــافت انهم مــب طايعيين يسكــرون فنشــت وردت عليه..
عوشه وبصوت خشن: الووو
حمده: هههههههههه سيري سيري اغــسلي ويــــهج..
عوشه: افففف شو تبيـــن متصـــله..
حمده: عوشوووه بســج ارقـــــاد الساعه9 الحيــــنه..
عوشه: خــليني خـــليني اطـــلع حـــررة الشــهر والاســبوعين والثلاث ايام..
حمده: هههههه والله انا مســــــــتانسه ان افتكييييينا اففف راحه ما بعدها راحه..اتصــدقين انا بعد كــنت راقده ومـاكنت بنش بس هاي اميروووه يــت وقومتني..
عوشه: ههههه قولي في شـــو حــلمت
حمده: فيني صـــح؟؟
عوشه: ماعـــندي سالفه احــلم فيج..ههههه حلمت في هاا الجيـــنات الوراثيه مال الاحيــاء..
حمده: هههههههه اخيييييييي ماعندج ســــالفه ..لاا تذكــريني خلااص ابي انســى..بس سهل كان امتحان الاحيـــاء..مااتوقعته جي بيكووون..
عوشه: اممممم مااعرف انا حاسه اني مــزفته فيه..والله وااايد زااااايغه من النتــايج واااايد..وخصوصا من امتحان الكيميا والجيلوجيا
حمده: خلي الجيـلوجيا انتي احســه كان زيــن يعني مب انه وايد صعــب بس الكيــــميا كان عــــذاااااااب ..شوووو هااا..مــايحسون فينا هاييل..
عوشه: بس بس دخيـــلج ابي استــانس هالاسبوعين اللي قبل النتـــايج لااتيبين لي طــاري الامتحانات
حمده: لاا ان شـــاء الله بنستانس من عقب النتـــايج بعد..نحن سـوينا اللي علينا والبــاجي على رب العالمين..يــــاااااااي الحيــــن عاد ســهر على كيف كيفنا...
عوشه: هييييه والله كشـــــــخه..افففف ما بغينا نفـــتك..
حمده: انزين يالله تعالي بيــــتنا وبــاتي عندي اليوم..
عوشه: وليــــــش انتي مااتيـــن؟؟!!
حمده: تعاااالي انتي اميرووه في بيتنا..
عوشه: بشوف بقــول حق مريوم..
حمده: انزين يالله قوليلها..
عوشه: انزين يالله اجــلبي ويهج..
حمده: على اي صفحه هاهاهاهاهاهاهاهاها
عوشه: سخيــــــــــــفه...
حمده: طـــــالعه على بنت عمـــي ..
عوشه: ههههه ماحددتي اي وحده فيهن..وانا الحمدالله واثقه من عمـــري انج ماتقــصديني..قصــدج مريووم انتي..
حمده: حـــلييييلها مريووووووم فديتها مرت اخوي محد يســواها..رزينه وعـاقل..مب شرات بعض الناس..احم احم..خليني ساكته احســن..
عوشه: اللي يقوول الحين انتي اللي مســـكته..ما عليه ماعليه..خليني اييج بس ..
حمده: هههه اوييييه..انزين يالله سيري قولي حق مريوم..
عوشه: اوكي باااي
حمده: باي
نشـت عوشه من مكــانها وسارت اسبحت واتيددت وصــلت العشا وعقبها طـلعت من الحجـره سايره صوب حجـرة مريم..اول ماتبي تفتح البـاب اييها صوت مريم من وراها..
مـــريم: احــم احــــم..
تفــز عوشه مره وحــده: بسم الله ..روعتيني ويا راسج
مريم: تستااااهلين انتي ياما سويتيها فيني..
عوشه: ههههه انا عادي بس انتي لاااا..
مريم: خــلصيني الحيــن شو تبيـــن...
عوشه: خيبه خيبه ..وليش اتــرمسيني جيــه ويا ويهج..هههههه مريوووووووم خــلصنا خـــصنا يااااااااااااي مــب مصــدقه..
مريم: هههه صــدقي صــدقي..متى بخلص ومتى بخــلص..هااا خـلصتي ولا حســـيتي...
عوشه: شو مــاحسيييييييت الله يـــهديج..عـــــذاب عــذاب..بس والله زايغه من النتايج..حاسه اني برســـب
مريم تشهــــق: بسم الله عليج ليش تفاولين على عمـــرج..دام انج ذاكـرتي وتعــبتي الله مابيضــيع تعــبج تأكدي من هالشي..
عوشه: ان شـــــاء الله مريوووم..يالله اشعلييييج انتي بعــد افتكيييتي من شـــي اسمه دراسه..
مريم: لاا حبيبتي ماافتكيــت..لاازم بين فتره وفـتره اراجع واجدد معلوماتي..هذا طب مب لعب عيال..وعلى فكــره تراني مفكــره اسافر بـرع اكمــل دراستي واتخصص طــب اطفال..
عوشه: اه اه يا قــــلبي..مريوووووم انتي واايد متفيجه الصراحه..بعــد تبين تكــملين ؟!!!!..مــاكفــاج ســبع سنييين كــراف!!!
مريم: ههه عااادي انا مســـتمتعه لااني حابه هالتخصص ودخــلته وانا مقتنعه وعارفه اني بكون قادره عــليه..واطــمح بالمـــزيد ماابغــي اوقف عــند نقطــه معيـــنه واقول خــلااص انا خــلصت لااا..يــوم انا عــندي القــدره اني اســتمر ليــش مااستـــمر..!!..انا طــموحي اني اكــون اكــــبر من جيــه..ادعيــلي يااختيــه ادعيلي
عوشه: ايواا ايوااا اهــني الطمـــوح مــب انا (وهي تـرفع كف ايدها مجـابل ويهها) مــالت عــلي..ربـــي يوفقــج ياختيــــه واتيبين امتياز وتستوين دكــتورة اطـــفاااال وتفتحيــنلج عيــادة عشــان عقب دووم اطيّـح عندج والعب ويـا اليـهال..فــــدييييتهم والله..
مريم: انتي رووحج ماتبيــن هالمشــكله..عــايفه الدراسه ..هههه ان شـــاء الله فــديتج الله يســمع منج..وانتي بعــد ان شاء الله تتوفقيــن ومااتيبــين اقل من امتيـــاز..
عوشه: هههه لاا انا لو اييب مقبول بعد زين..
مريم: بس بس يالله..ان شاء الله 90 وفوق..
عوشه: ان شااااء الله..انزين مريووم حمدوه متصله فيني اتقولي تعالي بيتنا واميره بعد اهناك..شو رايج انسيــــر؟؟
مريم: اممم اوكي بنسير..
عوشه: خلااااااص عيل بقول حق اميه جان بتي ويــانا..
مريم: اوكي قوليلها..
راحــت عوشه اتخـبر امهــا..
فاطمه: لا والله.. وهي ما عــندها لســان اتي اتقــولي تعالي ويــانا..!!
عوشه: لاا اميييه مب جيــه..بس انا قلتلها بخبرج جان بتين ويانا..
فاطمه: لاا امـي سيروا انتوا انا مــابيي..بس لا تتحــيرون عاد..ترى الوقت متأخر..
عوشه: امييي انا يمــكن ابات عند حمدووه..تدرين بعــد بــدت الاجـــازه..
فاطمه: هيييه انتــن عاد مااتصــدقن اتي الاجــازه عســب الســـهر..لو بتيلسونلي لين الفيــر لاااا ما بتباتين عندها..
عوشه: اميييييه اوعــدج مانســهر لين الفير اليــوم..
فاطــمه: بس اليــــوم ؟!!!
عوشه: هههه بنحـــاول في الايــام اليايه..تــــرى يااامــي حــلاة الاجـــازه بالسهـــر لين الفيــر..
فاطمه: ياامــي هذا يضــركم انتــوا..مب زين السهــر واايد..
عوشه: خلااص بنحــاول فـديتج بس انتي خــليني ابات اليـــوم..
فاطمه: خــلااص ســيري غــــناتي الله وياج..ديري بالج عــلى عمرج..
عوشه: ان شـــــــــــاااءالله..امي قـولي حــق ابوي بعد..
فاطمه: لا تحــاتين ابوج مـابيقول شـي يوم بيعرف انج في بيت عمج..
عوشه: انــــزيين خـــلااص عيل ياامـــي ..يالله مع السلامه..
فاطمه: ربي يحـــفظج من كــل شـــر يا بــــنتي..
.
.
سارت عوشه خبرت مريم ان امها ما بتي وعقبها ساروا بيت عمها..اول ما حدروا شافوا اميره وحمده يالسين في الصـاله..
مـريم: سلام عليكم..
أميـره & حمده: وعليكم السـلام..
أميــره: هلا هلا ..احم احم..أكيـد اشتقتولي من جيييه يايين..
مريم: هههه..اشــدراج..
أميره: هههه امبيــــنه اللهفه على ويوهكم..
عوشه: انا ليش اشتاقلج..اليوم الصبح شايفتــنج..
اميره: ههههههه هي اليوم وانا فوق اسمع صوت صريخ تحت..زغت جان انزل والا اشوف هاي اتناقــز واتصـارخ..خــلصنا وخــلصنا..
عوشه: هههه شو اســوي اعبر عن شــعوري..
حمده: ههههه..يــــاي انا لين الحين مب مصــدقه..
أميـره: هههههه..يحليلكم..حاسه حاسه فيكم مريت فيها انا..ها مريوم انتي اللي المفروض اتطيرين من الوناسه..والله احســج واايد وااايد تعــبتي..انا كــنت اتعب يوم اشوفج..
عوشه: مــــادريتي مــرت اخـــوي..الحبيــبه مــاشبعــت تبا تســافر برع تكمـل دراستها..
اميره: صــدق والله مـــريووم؟؟
مـريم: ههه حســبي الله على ابليسج يا عوشوه محد يقولها شـي..ان شــــاء الله انتوا بس ادعولي..
اميــره: الصــراحه اشـــجعج انا عــلى هالشي..وربي يوفقج يـامريووم..ماقلتيـلي شو بتين تدرسين ؟
مـريم: طــب اطفال ان شـــاء الله..
اميــره: زيـــن زيـــن ماشاءالله.. وعمي وحمد يعرفون والا؟؟
مريم: لاا لااااا بعــدني ماقلت حق حد بس مفكــره..وانا اطــري في المسـتقبل مب الحيــنه..يعـني يمكن عقب سـنه او سنتين..
اميــره: هيييه احـــسن لج والله..
حمده: اللـــــه كششخه عقــــب دوم بييج العيــاده عشـــان اليـــهال..
عوشه: جب جب انا قــايله قــبلج اني بسير..
حمــده: لاا والله!!..انتي قــلتي قبــلي هذا مب معــناته اني مااسير..عيــادة مرت اخـــوي كيــفي..
عوشه: انا بتستوي عيـــادة اخــــتي اتعرفين شــو يعني اخـــتي..
اميـره: انـــدوج..من الحيــنه يضـاربون هاييله..
مريم: هههه الله يعيــني عقب عيل يوم بفـتح العيـاده..بيسوونلي حشـــره وبييلسون ايلعوزون اليــهال فــديتهم روحهم يايين مــرضى..عقــب محد بييب عياله عــندي..
اميره: هههه اكيييد اذا هــاييله تموا عــندج..
يــت ام حمــد صوبهــم..ونشـوا عوشه ومـريم يسلمون عـليها..
شــيخه: عــوشه امي ويـن امج عيــل جي مـايت ويــاكم؟
عوشه: امــي مــايت قالت الوقت متأخر..
شــيخه: هيييه..مــريم فــديتج شــخبارج وشو علومج..
مريم: الحمدالله فــديتج انا بخيــر انتي اشحـالج خالوه ان شاء الله بخيــر..
شيخه: الحمدالله الله يسلمــج..يالله فــديتكم نشــوا بنتشعــشى..
أميــره: اميـــه سويتيلي لقيــمات والا؟؟
شــيخه: هي ســويتلج وطــلعت شـرات ماتبينها بعد..
عوشه: هههه طاعووو هاااي ..احيــد خـلص رمضــان بعد اشحــقه لقيمات!!
حمده: هههه ليش ما دريتي!!..الاخــت تتوحم على لقيــمات..كل يوم اتي وتقول سوولي لقيمات..
عوشه: هههههه حــركااات بعد مــرت اخـــوي..
مـريم: اشعليـــكم منها زين انها تتوحم على لقيـمات مب شـي ثاني..
اميـره: ههههه ما عليه ويا رووسكم..انزين يالله نشــوا..
مريم: لااا انا متعشـيه الحمدالله..
شيـخه: لاا فــديتج لاازم اتيــن تاكلين ويانا مايصير جيــه..
مريم: ودي والله خالووه..بس مااقــدر شبعااانه..
اميره: عيـل امي نحن عقب بنتعشـى ..انتي وابوي تعشوا الحينه..
مريم: لااا لاااا ما عليييه سيرو اتعشـــوا انا برووح الحيــن..
اميره: لاااا مريووم وين اتروحين ماعليه نحـن عقب بنسير..
مريم: انزين ماعليه انا بيلس اهني بترياكم لين ماتخلصون..
شـيخه: لاا ياامي بييلسون ويــاج..وعقب بيتعشون..يالله فــديتكم اخليكم..
راحــت عنهــم شيــخه..
حمده: اقــول مريووم..خـلصت فساتينا والا بعـدها؟
مريم: ماادري بتــصل بــاجر وبشوف..
اميره: انــزين انتي الحيـن شو باقيلج ماسويـتيه؟؟
مريم: اممم ماباجيلي الا الاشــياء البسيــطه..عطورات ومكـياج وهالسوالف..ترى كنت اسير ويا حمد في اجازة الربيع..انا همي الوحيـد هو الفسـتان..بس يخــلص هاا عشان ارتاح..تعــالي انتي مره قلتيلي انج تبيـن فستاني مال عــرسج.؟؟..ليش كنتي تبــينه؟؟..
اميره: ههههه بتعــرفين عقـــب شــوي..
حمده: هههههه انا اعـــــرف ليـــــــش..اميروو ماخــبرتيها؟
اميره: هههه لاا اسكـــتي حمد قال بيسويــها مفاجأه..
مريم: انتــــوا شو ســالفتكم؟؟


عوشه: مـــاعلييييه حمدوووه..عيل ماتخبرين هاااا..هاا ويهــي اذا خبرتج شي مره ثانيه..
حمده: هييييه اتخــبلت اخبرج انتي..ثواني وبيوصـل الخبر حق مريوم اذا خـبرتج..
اميـره: هههه عــلى فكــره ..ترى كــلهم يعرفون مــاعدا انتي ومريوم..
عوشه: ويـــــا راسج يعني تبين تقهرينا بهالكــلام..يالله عـــاد قولولنــــا..يــــت علينا احــنا يعني..
مــريم: هي والله صــدقها اخـــتيه..يالله قولولنا شو المــفاجئـه..
اميره: هههه بلســانج قلتيها ..مفـــاجئه..اذا قــلنالج مابتستوي مفــاجأه..
دش حمـــد عليهم وكـــان بيده جيـــس..
اميــره: هااا هـــذووو وصـــل...
حمــد وهــو شـاق الحـلج : ســـــــلام عليكم..
الكــل: وعليــكم الســلام..
حمــد: انا اقــــول ليــش نـــور طـــالع من بيــتنا..ثــرها حــرمتي اهنـــي..
مريم: هههه خل عــنك هالرمســه وقــولي شو المفــاجأه اللي ذلوني فيها خواتك..
اميــره: احم..عطني عطني الجيــس خلني اراويها..
حمــد: لااا انا اللي بـــراوييها..(ســار ويــلس حــذالها..وطــلع الفســتان الاخــضر من الجــيس)..هاا شـــو رايج؟
مــريم: واااااااااو..روووووعه هالفســــتان..مال امنــــوا..
عوشه: هههههه اخـــتي صــج انج ......طوووووط...هههه يعني من الصــبح وهم يقولون مفــاجأه حقج..وآخر شــي تقولين مال امنوا
مــريم: هــا حقـــي انا؟؟!!..ليــــش؟؟!!.
اميـره: الله يســلمج عــرسج ان شاء الله بيكون ليلتين..اول ليله بتكون ليــلة الحــنا وبتلبسين فيها هالفسـتان اللي احم احم ..من ذوقي انا..
حمده: لاااا لااا اصلا الحــركة اللي تحــت انا قلتلهم يسوونه..وهي اللي امحـليه الفستان..
مريم: هههه اويييي ..من صـــجكم انتوا والا تتمصــخرون؟!!!
اميره: هههه وليـــش نتمصــخر!!!..لا حبيبتي من صــجنا..الكــل عارف هالشــي وحمد متفق ويــا عمي..بينصــبون خيمه في بيتكم ان شاء الله واهنــاك بيكون العرس..
عوشه: اللــــــــه كشششخه من متى وانا اتمــنى يستوي عرس في بيتنا..
مريم: ولييييييييش ما خبــــرتوووني !!!!..
حمــد: لاااا مــب شي اذا كنا امخبرينج ..جيــه احــلى وانتي متفاجــئه..
مـريم: هههه ماادري والله فـــاجئتوني صــدق ..يعني اتخيــلوا طول هالمــده حاطه في بالي انه العرس ليله وحـده وكل اللي بسويه حق هالليله وانتوا ييتوا وزودتوا ليله بعد..متــى بلحــق ازهب عشانه!!!!
اميره: لاا تحـاتيييين مايبالج تزهبين شــي حق هالليله..نحــن مزهبين لج كــل شــي..
مــريم: مشكــورييين والله مــب عارفه شو اقــولكم..
حمد: هههه فــديتج مايحتاي تقولين شــي..انا لو بيــدي جان سـويت عرسنا عشر ليالي بعــد..
حمده: ههه خيـــبه عشـــر ليــالي !!..لاا لاا بنتعـــب من الرقص عقب هههه
مريم: ههههه بس انتي هااا هــمج..الرقص..
يــالسه ويــاهم ومســتانسه..بس اتضــايجت واتغيـر ويهها وهي تسـمع صوت التلفــون يـرن..هــذا وقــته واكيد هــو اللي متصــل..شــافت التلفون وفعــلاا كان هــو..
اميره: الوو..
راشــد: اطـلعي بســــرعه..
اميـره: اوكي..وسكــر راشــد التلفــون..
اميره وهي تــوقف وغصــه في قــلبها ماتبا اتسيـــر: يالله عيــل بخليكم انا..
مريم: يـــا راشـــد؟!!
اميره: هــيه..
حمــد : انــزين قوليــله يــنزل..
اميره: لاا بــروح الحيــن من زمـــان انا اهني..
مريم: انزين اتعشـــي اول حــراام ضــميري بيأنبني احس اني انا ماخليتج تتعشين..
اميره: هههه لاا فــديتج والله... لا تحاتين بتعشا في البيت..
مــريم: خــلاص الله ويـــاج..انا بعد بلحقكم ..
حمد: ويـــن ويـــن..؟!!!..لااا مــابتسيرين البيــت..بنظــهر الحين انا وانتي..(وهو يمرر عيونه على حمده وعوشه)..انا وانتي بـــــــس..
اميـره: هههه حليلكم..افهموها يعني مايبونكم اتسيرون وياهم..
حمـده: افاااااااااا..حرام عليكم والله..انتــوا ما تحســون فينـــا..نحــن اليــوم مخــلصين امتحــانات..ومب اي امتحـــانات..امتحانات ثنويه عامه..وماتبون اتظهرونا.!!..
عوشه وهي تتنهــد: لنــا الله يـــاوخيتي ..نحن دوم مظلومين ..
مريم: لااااا لاااا فـــديتكم والله اصلا انا مابسير بدونكم..
اميره: هههه الصراحه تنفعون ممثــلاات..(اتصـل فيها راشـد مره ثانيه )..يالله يالله مع السلامه..
الكــل: مع السـلامه..
مريم: اميروو لاا تنسين تاخذين اللقيمات وياج عشــان مايتم في خاطرج..
حمده: ههههه اسهروا على لقيمات اليوم انتي وريلج..الناس يسهرون على مكسـرات انتو اسهروا على لقيمات ههههه
عوشه: ههههههه
اميره: دبــــــــــه انزين بسج طــــنازه..وراحــت عنهم اميـره..
حمــده: يالله اسير اتــزهب ؟!!..
حمــد: ليش ليش تتــزهبين؟!!..
حمــده: احــم..مريووووم قولييييله..
مريم: حمــد حرام خلهم اييــون ويانا..تعــبوا من يــلسة البيت حلييلهم..
حمــد: المشكــله اني مااقــدر ارد لج طــلب..
حمــده: يــــــــاااااي ..فــــديت مرت اخـــــوي انا اللي مايردون لها طــلب..
حمــد: حمدووه بسرررعه انا اذا ركــبت الموتر برووح على طوول..
عوشه: يالله بسررررعه سيـــــري..
حمــده وهــــي تربع: انزييين انزييييين ثواني وانا عــندكم..
مريم: هههه حليلها..انزين حمـد وسيارتي ؟!!
حمـد: ماعليج عطيني السويج وانا بييبها لج باجر..
مريم: هييه خــلااص اوكـــي..
نــزلت حمــده وعقــبها طــلعوا كلهم..
.........................
اليــوم الثــاني..في بيــت حــارب..كـان يــالس عــند امــه ويحــن عليها الا تتصــل بيت حمده ..
حـارب: يالله امييييييييه....انتي وااايد بارده.. انا متحمـــــس
ام حـارب: انزين قلتلك انزين بتصل بلاك مستعيل ياامي اتريا..
حارب: اترياااا شوووو..وااايد اترييت انا واااايد..يالله امي دخيييلج..
ام حارب: ان شاء الله بتصــل فيهم اليوم بس عقــب مب عــز الظهر..
حارب: اميييي شو عـــز الظهر الله يهــديج توه مأذن العصـر..
شمـا: هههه انزين تــوه الا امأذن..اتريا بلااك..
حارب: انا ابغــــي الحييين يالله عاد اميييه علشان خــاطري ..بس قوليلها انج تبين اتسيرين بيتهم اليوم اذا فاضيــه..مابتيلسين تسولفين وياها
ام حـارب: لا حول ولا قوة الا بالله..شمــا امي هاتي هاتي التلفون خل اتصــل هذا اخوج ادريبه مابيفج عني الا لين مااتصل..والله فشــله..
حارب: هييييه جي ابغيــــج ياامي..فـــديييت روحج لاا فشــله ولا شــي..
شمــا: هههه اسمييييك انته..مستوي حنّــان..هاج التلفون امي..
دقـت ام حــارب على رقمهم وتم يرن ليــــن ماردت حمـــــده..
حمــده: الووو..
ام حـارب: سلام عليـــكم..
حمـده: وعليــكم السلام والرحمــه..
ام حـارب: امنـــوا؟!!..حمـــده؟!!..
حــارب اول مـــاسمع اسمها حط ايــده على قــلبه وبـــطل عيــونه وهو يطــالع شـــما ويقول بصوت واطـــي..ااااه يـــاقلبي..وشــما تضــحك عليه..
حمــده: هــيه ويـــاج حمـــده خالوه..
ام حــارب: يا مــرحبا والله حمــده اشحــالج امي ان شاء الله بخيــر..
من عــرف انه حمــده هي اللي ترمس امـــه ســار ويــلس حـــذالها لصق فيهـــا..وجــرب اذنه عالســـماعه وامـــه اتحــاول تبــعده عنها وشمـا ناقعه من الضحك على حـركاته ..
حمــده: الحمدالله يســرج الحــال..اشحالج انتي..
ام حــارب: الحمدالله ربي يســـلمج..حمــده فـديتج امج شـو تسـوي ..فاضيـه والا؟؟
حمـده: لحــظه خالوه بسير اشوفها..
سـارت حمــده تــزقر امهـــا..
ام حـارب: حســـبي الله على ابليسك يا حروووب..شو تبــا لااصق فيني قوووووم...
حارب: اميييه كــنت ابغــي اسمع صـــوتها..
ام حــارب: شوو تســمع صــوتها بعــد!!..شو هالمنكـــر ..يوم بتملج عليها ان شاء الله بتسمع صــوتها..
حــارب: ان شـــــــــــاااااء الله ياامي ان شااااء الله ..
شيــخه: ســـلام عليكم..
ام حــارب: وعـــليكم الســلاام ..هلا هلا ام حمــد ..اشحــالج؟
شيــخه: الحمـــدالله يام حــارب شحــالج انتي وشحال العيـــال؟؟
ام حـارب: الحمــدالله كـــلهم بخيــــر الله يسلمج..
شـــيخه: ويــنج ياام حـــارب قطعتيـــنا مرره وحــده..
ام حــارب: والله موجووده يااختي في هالدنيــا..عاد انا اليوم متصله فيج ابغي اييكم البيت بس ماادري جان بتكونين فاضيه يا ام حمد والا..
شيخه: افا عليج يا ام حارب حياج الله البيـت بيتج...
ام حارب: الله يحييج يا ام حمد..خلااص بييج ان شاء الله عقب صلاة المغرب..
شيخه: خلااص وانا اتـــرياج..
ام حارب: يالله فديتج مع السلامه
شيخه: مع السلامه..
...........................
عوشــه ردت البيــت وويــاها حمــده..ردوا ويــا حمد بسيــارة مــريم..اتصــل حمد في مـريم وخـبرها انه ياب السياره وانه هـو في بيتهم الحيـن فنزلت له اما حمده وعـوشه فقـبل لاا يدخلون ســاروا عــند عـــايشه..
حمـده & عوشه: ســــــــلام عليييكم..
عــايشه: هلا هلا وعــليكم الســـلام مــرحبا ببنياتي الحلوييين..
عوشه: اللــــــه حمدوووه قالولنا حلويين هههه..هلا فيييج خالوو اشحالج
عايشه: تماااام اشحــالكم انتــوا ان شاء الله بخيــــر..
حمــده: خالووه نحـــن بخيــــر وســـهاله بعــد ماخلصنا الامتحــــانات ..
عوشه: هييييييييه صـــــج خالوه عايشه مادريييتي..ترانا خلصنا خلصـــنا..
عايشه: هههه هييه فديتكم ادري انكم مخلصين ..انا ولــدي بعد آخـر سنه..وامــس مخلصين..يالله ان شـــاء الله كلكم تنجحـــون وترفعـــون راسنـــا يارب..
حمــده: هي هي دخييلج كثــري من هالدعـاوي خالوه ترانا محتاجينها..الله يستــر بس..
عايشـه: والله انــــي دووووم ادعيـــلكم..
عوشه: والله اتســـوين خييير خالوه..انزييين وبعــد شخبارج شو علومج..خالوووه ليش مااتيــبين مــروه عــندنا يــوم؟!!..
عايشه: لاااا فــديتج ويــن ايــيبها مب حــلوه..
حمده: ههههه مسكيــنه تخاف على بــنتها منــج..
عوشه: الا منــج انتي ..انا حــليلي مااسوي شــي..بس بخــليها تنضــم لنا ..
حمـده: هههه يعني بمعنى اصـح بتخبلينها..
عوشه: هههه جب جب انزين..خالووه صــدق والله ييبيها عااادي..
عايشـه: ان شـاء الله بقولها اتــي وياي يوم..
عوشه: انزيييين عيل..انا بسيــر عــند امـــايه بشوف شو تســوي
حمــده: سيــري ســيري ..عشان اتطــوفج سوالف خالووه
عوشه: ههههااااااي يحلييلج..اصلا كــل اللي بتقولج انا سامعتنها قبلج..
حمــده: صــدق خالوووه؟!!..
عايشه: ههه لا فـديتج بخــبرج اشياء يديده..
عوشه: افاااا افااا عواش بدينا بالخيــانات بــدينا..
حمـده: هههههههه غربلات ابليســج يا عوشوووه..عواش اونه..هههه صــدق ماتستحين..
عوشه: كيــــفي والله كيـــفي بــدلعها انزين صح خالووه..مافي فرق بيــنا اصدقـاء استوينا انا وانتي ههههه..
عايشه: هههههههه فديتكم والله وفديت سوالفكـــم..عادي ناديني شــرات ماتبيــن..بس يــابنتي خــلااص راحـــت علينــا..ماايليق عليه هالاسم..
عوشه: لاا خالوووه شــو راحت عليج..بعــدج شــباب انتي..
حمـده: هههه ويا راسج انزين يالله ســيري فكيــنا نبا ناخذ راحــتنا..
عوشه: لا تفــرحين واايد ما بخــليج تاخذين راحتج برد بسرعه..
عايشه: هههه نتــرياج فــديتج..
طــلعت عوشه من عــندهم ودشــت داخل ولقـت امها يـالسه في الصـاله ..سـارت ويلسـت عـــندها..
فاطمــه: مـــتى رديـــتي امي؟؟
عوشه: راده قــبل شوي ..كــنت عــند خالوه عايشه..اشــحالج امي وشخبارج..وشو البيـت بدوني مب شي صح؟؟
فاطمه: هييييه فــديتج موول مب شــي..عاد مره ثانيه خلي حمده هي اللي اتي عـندج..
عوشه: ههه ان شــاء الله امي..بتي غصــبن عنها اصلا..
فاطمه: هيييه يا عــوشه..والله وكـــبرتوا..جــنه امس يــوم شــالتنج بحضــني تصيحييين...
عوشه: هههه فديــــتني..امي انا كــنت صياحه؟!!..
فاطمه: ههههه وااااايد بعـــد مب شــويه...جــاسم فــديته كان اهـــدى منج..
عوشه: ايهييي بــدينا بالتفرقه الحيـــن..
فاطمه: ههههه انــزين شــو اسوي يــوم انتــوا كــنتو جيــه..
عوشه: امممم اميــه,,,انتي مره قلتيلي انج بتخليني ارمس خــالتي وعيالها في الكويت..اميي انا لين الحين مب قادره اصـدق انه عندي خاله في الكويت..
فاطمه: من حقــج يا بنتي ماتصــدقين من حقــج..بس تراني راويتج صورها..
عوشه: ادري انج راويتيني صــورها ياامي ..بس صــور جديييمه..انا ابغي اعرف شــو سالفتها؟!!!.. ليــش هي خذت واحد كويتي وسـارت الكويت؟!!!..وليـــش مايزورونا واحــنا مانزورهم؟!!!..ليــش منقطعين عن بعــض من فتــره طويييله وانتوا خــوات!!!!!..ليـــش ماتبيني ارمـــس عنها يــدام ابوووي..ليييييش..!!!
فاطمه: هييييييه يا عــــوووشه..ســالفه جـــديييمه..ليش تبين تذكــريني فيها!!
عوشه: امــي ها شي متعلق فينا ليش ماتبيني اعــرفه؟!!
فاطمه: هييه يا الــوقت اللي اقــولج يا عــوشه شــرات ماقلت حق اخوج جــاسم..
عوشه: يعـــني جاسم يعــرف الســالفه؟!!
فاطمه: هي ,,قــلتله قــبل لا يســافر بعد مااصــر علي اني اقــوله..شوفي يا عــوشه انا بقــولج السالفه...بس ماابغــــي اي حــد يعرف عنها..مب اتسيرين تقولين حق مريم والا اميــره ولا حــتى حمده..
عوشه: ان شااااء الله امي مابخبر حــد بس انتي قوليلي شو الســالفه ابغي اعــرف..
فاطمه: شــوفي يــاعوشــه,,ابــوي وابو ابــوج الله يرحمهم كــانوا ربــع الروح بالــروح قــبل..فيــوم ابوج يــا وخطــبني ابوي وافق عــلى طوول..وفي وقــتها عمــج كان بعــده يــدرس..بعــد ما خــلص ..وقرر انه يــتزوج..قــاله يدج انه مــابيحصــل احســن من اخــتي ..بس يـوم يـوا وخطــبوا اخــتي ما رضــت فــي عمـــج..مع انه الكــل حاول ويــاها ..امي وابـــوي بس ماشي فــايده..حــتى انا كنــت اتمناها تاخذه لاانه بنكون ماخذيـن اخوان..بس هي كـان راكــب راسها واتقول مــا تباااه..كانت اتقـول انها مب مرتاحه..فأبــوي ماحــب انه يـغصـبها على شي هي ماتــباه..وقـالهم انه مـاشي نصيــب..
عـوشه وهــي مندمجه: انــزين امــي كمـــلي..
فاطمه: كـان فيه واحد كويتي يشتغل في شـركة ابــوي..هذا ابوج ماكان مرتاح له ابـــدا..كـان يقولي انه احسـاسه يقول هالريال وراه شــي..لكــن ابــوي كان يعــزه واايد ويحــبه وكان معتبرنه شـرات ولـــده لاانه الله مــارزقه بــولد..وماشاف منه الا كــل خير..لمــح اخــتي مره في بيتنــا وعيبته وياب اهــله وطــلبها من ابــوي..طــبعا ابـوي من كثر ما هـــو يعــز هالكويتي وواثق منه رضــى فيه..وحـتى اخــتيه رضــت فيـه من كثــر ماكــان ابوي يمدحــه جدامنا..امــي كانت معــارضه انها تاخذ واحد مب من البــلااد..بس قــدر ابــوي يقـــنعها..فتم كــل شـــي على خيــر واتزوجــوا..وفي هالوقت كان يــدج متوفي..ابــــوج انقهــــر من الخــــاطر هاك الوقــت..ليـــش اختي رفضـــت اخوه ورضـــت بالكويتي!!!. حــلف مااسيــــر بيتهم واقطــع علاقــتي ويــاها وانســـى انه عندي اخــــت..عــاد انا الصراحه مارمــت..قلت اشقايل مااسير بيــت اخــتي الوحيــده مايصير!!!..كـنت اسير من غيـر لاا هـو يعـرف..وفي هالوقت انا كــنت حامل في جــاسم..شــافني مره وانا طــالعه من بيـــتهم..اهــــني غيـــض من الخـــاطر لدرجــة انه هــددني بالطـــــــلاق (دمعت)..في هالوقت ابوي وامي كانوا متوفيين واحــس انه مالي حــد..فقاطعـــت اخــتيه خلااص ما قمت اروح لها..بس كـــنت اتصـــل فيها انا يوم ابوج يروح الدوام..ليـــن ما ســـافرت هي وريــلها وانا اتصــل فيها بس كــله من دوون لاا ابووج يـعرف وليــن يومج هذا ونحن على هالحال..(وهي تمسح دموعها)..وبس يا عـــوشه هـاي كل السالفه..
عوشه تمــــت ســـاكته فــتره منصـــدمه من اللي ســـــمعته وتبغي تستـــوعب الســالفه..
عــوشه وهي مبطــله عيــونها: خيــــــــبه!!..معقووله ابـــوي ليــن الحين شــايل في خـــاطره من هالسالفه!!!..
فاطمه وهي تتنهـــد: هييه يـــابنتي ليـــن الحيــن..هذا طــبعه ابــوج..مــاينسى شــي بسهــوله..
عوشه: ادري يــاامي بس عاد مــب جيــه..مااتوقعـــته يكون قــاسي لهالدرجه..لدرجــة انه يحــرم خــوات من بعــض..!!!
فاطمه: لاا يـــا عووشه لااا اتقولين جــيه عن ابـــووج..انا ماابغــي اشوه صورته يـدامج يــاامي.. هـاي سالفه جــديمه وخــلااص الحيـــن ..تعــودنا على جيــه..
عوشه: امي مايصير جيـــه خوات وماتشوفون بعـض كل هالسنيين.. رمسيـــه..قوليله حرام اللي تســـويه حــرام..امي شو رايج انا ارمسه..
فاطمه: لااااااا يا عووشه لااااا..لا تخــليني اندم اني قلتلج..يــاامي مافينا عالمشــاكل خلاااص..ابــوج حالف علي مااقــولكم الســالفه..مب بس مااقــولكم الســالفه ..هو مــايباكم اتعرفون حتى انه عندكم خــاله في الكويت..
عوشه: حــرام عليييه ابـــوي ليش جيـه يســـوي..الزواج قسمه ونصيــــب..
فاطمــه: خــليها على الله يـــابنتي..بس دخيــلج يا عوشه لا تبينين شـي يـدام ابوج وماابغيج تتغيرين عــليه حــتى..فاهمتني..ترى ابوج طيــب ويحبكم وايد..
عوشه: ادري امــي بس انا مااتوقعــته يسـوي جيــه..والله خـاطري اشوفهم..
فاطمه: ما عليـه فـديتج..اذا الله كاتبـلنا نشوفهم بنشوفهم..وانا بين فتره وفتره تراني اقوله عسـى بس قــلبه يحـــن..
عوشه: ان شـــاء الله اميـــه يرضى عليهم ..
........................
في بيــت سلطان,,كانت شيــخه يالسه ويــا ام حــارب في الصــاله..
شيخــه: هييه يا ام حــارب..قبل دوم اتيــن عندي تونسيني بسوالفج..قطعتينيه مره وحده ..
ام حارب: والله انا ودي اييج دوم فديتج بس تــدرين انتي الظــروف كيف تشغل الواحــد
شيــخه: هييــه ماعليه زيــن ان شفناج اليـوم..وشخباركم بعد
ام حـارب: والله الحمـــدالله ..وشخــباركم انتوا وشخــبار العيال؟
شيخـه: والله الحمدالله كلهم بخيــر ربي يسلمج..
يدشــون عليهم حمـده واميــره..حمد وصـلهم وراح عـنهم..ساروا صـوب ام حـارب وسلموا عــليها ويـلسوا ويــاهم..حمـده مستغـربه وايد من نظـرات ام حـارب لها ..كـانت نظـرات اعجـاب وكل شوي تبتسم لها وهي ترد لها الابتسـامه..
ام حـارب: ماشاءالله عليج يا حمـده كـبرتي واحـلويتي بزيــاده..
حمده: وييي خالوو تسلميـــــن والله انتي الاحــلى..خالوو شخبــار شمــا..ليش مايت وياج؟؟
ام حـارب: الحمدالله بخيــر ربي يسلمج..قلتلها اتي فديتج بس قالتلي تستحــي..
حمده: ههه هييه اعرفها وايد خجـــوله..
ام حارب: هييه وايد...شخبــارج اميــره ان شاء الله بخيـر..
اميـره: تمام الله يسلمج خالووو..وانتو شخباركم..
ام حارب: الحمدالله فديتج..
استأذنت عنهم حمده وراحت فــوق..اما اميـره فتمت يالسه وياهم..
ام حـارب: بتخبــرج ام حـمد..حمــده مخطــوبه والا محيــره لحد؟؟
استغـربت ام حمد من سـؤالها ونفس الشي اميـره..: لا والله يا ام حارب..
ام حـارب: هــييه زين عيل..شـوفي يا ام حمـد..انا الصراحه يايتنج اليوم ابغي اخـطب حمده حق ولـديه حـارب..حمده ماشاءالله عليها ماعليها قصور ويكـفي انها بنتكم ونحن مب من اليوم والا امس انعرف بعـض..من سنين ونحـن يران..فشـو رايج يا ام حمد..
شــيخه: والله فــاجئتيني ياام حــارب..انتــو ناس ماتنعابون..والله شــاهد عــلى كــلامي..ماادري انا بكــلم ابــوها وان شـاء الله خيـر..
ام حـارب: خــذي راحتج فديتج والله يــكتب اللي فيــه الخيــر ان شاء الله..
شيـخه: ان شــــاء الله..
..........................
اليـــوم هـــو اخــس يــوم بالنســباله..مع انه المفروض ايكــون احــلى يــــوم في حيــــاته..مــنو مــايستـــانس في يـــوم ملجـــته؟!!!..لكــن هذا اذ كــانت وحــده هــو مقتنع فيها ويـــباها..بس مــايد مــب قادر يتقبل الوضــع لين الحيــن..مع انه مــلج عــليها وخــلااص..والحيـن مسوين حفـله في بيت نــوال..هــو ملج عليها العصر وعقبها طـلع من بيتهم وهو يحــوط في السـياره من هاك الوقت مب عارف ويـن يسير..مـاحس بعمره الا وهو ماخذ درب بيت شـما..وسـاير اهنــاك..وقف شـوي بعيــد من البيــت وهــو ويشــوفه ..في خــاطره يـنزل بس يبــا يطــمن عـلى شمــا ويشوفها حـتى لو نظــره وحده بـــس..بس حــاس انه خـلااص مــاشي امــل..حـرك مــوتره وبغــى يــــرووح..بــــس فجـــأه جـــان يشــــوف حــارب طــالع من البيــت..ويركــب سـيارته لان كان موقفنها بـرع..نــزل من ســيارته وقـال بيسير يسلم عــليه..لكـــــن انصـــــدم ورد عــــلى ورى وهـــــو يشـــوف شـــما طــالعه من البيــت وشـكلها مسـتانسه وتضحـــك وتســوي حــركات بيدها حق حارب..وشــافها ركــبت عـنده جــدام..ســـار وركــب هو موتــره وحــرك بسرعه عن يشــوفه حـارب..عـــوره قـــلبه وااايد هالوقـــت ومـا قــــدر يمـــنع دمعــــته من انها تــنزل..وحــس بحــرارتها عــلى خـــده.. حاس انه عــذب عمـره يوم شـافها ااااه..ليـــــتني ما شـــفتها ليــــتني..الحيــن كيــف بسير اهــناك وانا بهالحــــاله..!!!..اه شــما شــو بتســوين اذا عـرفتي انه اليــوم ملجـــتي..بتضــايجين ولا بتســتانسيـــن؟!!!..ســمع صــوت تــلفونه يـــرن..خــوله اللي كــانت تتصــل..مــارد عليها لانه مــاكان له بارض وهــو حــده مضــايج..الحين اكيـد متصـله تبـاه يروح اهنـاك..ردت اتصـلت مــره ثانيه بعـد مارد عــليها..بس في الثـالثه غصبن عنه رد..
مـايد: هلا خـوله..
خوله: مايد انت وييينك..يالله تعـــال..
مـايد: مــب يــاي انا..بس خــلااص ملجه وملجت عليها بعـد ليش اييي؟!!!...
خوله تشــهق: مــايد دخيلك لا تفشــلنا تعااال..لاازم اتــي اتشــوفها تلبسها الطـقم الي اشترينالها ايـــاه..!!!!!
مـايد: اوهووو مـب متفيج انا حق هالســوالف..
خوله: شـــو مب متفيـــج؟!!!!..يعـــني ماتبـــا تشوفها..تيلس ويـــاها..تتعرفون على بعض اكثر ؟!!!
مـايد: شــفتها بعد كم مره بشـوفها..ومب لاازم ايلس وياها ..
انصــــدمت خوله من كــلامه ودمـــعت: مـــــــــايد؟!!!!!!!!!!..الله يــخليك لا تفشــلنا وتعـــال..شو تباني اقول حق اهــلها..اخـــوي ما يبا يشوف بنتكم ولايبا ييلس وياها ؟!!!!
مــايد: خلااص خلااص بيي الحين..يالله باي
وسكــر عنها مــايد وغصـــبن عنه راح صــوب بيتهم ..اول ما وصـل اتصـل في خوله وقال انه هـو واقف الحيـن..قـالتله يـدخل الخيــمه وسـارت هـيه عــنده ويودت ايده وودته ليـن الكــوشه ..نـــوال كــانت واقفه وهــي تبتسم له بخجـــل لكــن هو قفطــها واطـالعها بعصـبيه..اصلا من اول مادخـل كان مبين عليه انه معصـب..مع انه نــوال كــانت حلوه واااايد بمكيــاجها النــاعم..وفستــانها الفــوشي اللي متناسق ويــا جســمها..حــز في خــاطرها واتضيــجت..ليــــش؟!!..انا شـــو سويــــتله؟!!!..مــايد حـس انه الحـركه اللي سواها كانت قويه شـوي بس يحــس انه غصـــبن عنه ومب بكيـــفه..مــب قادر يتخيــل انه هو الحيـن واقف عند وحـده غيـــر شمــــا..!!..يابت له خـوله الـطقم ويا الخـاتم..وتـم مايد يلبسها بمسـاعدة خوله وكــان مبتسم بويهها من ورى خاطره عشان بس مااتحس انه فيه شـي..بعـد ماخـلصوا..يلسـوا اشويه..وعقـبها خوله قالت حق ام نوال انه مايـد يبا ييلس ويـاها مع انه هــو ماكان يــبا..ام نوال رمست ابوها وقـالوا عادي ييلس وياها هي الحيـن حليلته..دخـلوا الميلس ويـا المصـوره عشان اتصـورهم اول..مـايد لو كـان يــقدر يــزغدها جــان سواها..كــان مقهوور منها واايــد..مول مب عايبتنه الحـركات اللي تقولهم سووها..بس غصـبن عنه مــبتسم بويه نوال وهــي مستحيــه من الخــاطر..خــلصوا تصوير وطـلعت عنهم المصـوره..وعقـبها كـل حد منهم يـلس بصوب..مــايد مــب عارف شـو يــقولها..ونوال تترياه يرمــس لاانها قافطه ومستحيه وايد..

مـايد: احم..اشحالج؟
نوال وهي مـوخيه راسـها: الحمدالله شحالك انته؟
مايد: الحمدالله..امم..(وهـو يطـالع عاليدار فوق كان شي صورة وحـده صغيــره.. )..هاي انتي؟!!
نوال وهي تشـوف الصـوره: ههه هيــه..
مايد: اهاا..حلوه حلوه ماشاءالله هههه
نــوال انصـــدمت وقفطــت بنفس الوقت: ههههه شكــرا..!
مايد: العفــو,,انـــزين وبعــد شخبارج؟
نوال: الحمــدالله..
مايد: انزين ارمســي كله انا ارمس..!!
نوال: اممم..كلــمني عن نفسـك..
مايد: ههههه يعني بعــد انا اللي برمس..امم شو تبين تعـرفين؟
نوال: كـــل شـــــي..
مــره وحــده اتطــب عليهم منـــى..
منــى: هااا,,شو تقولووووووون؟!!!
مــايد: شووو تبــــين انتي هااا؟؟
منى: اوييي ليش جيــه يالسين بعاد عـــن بعـــض جــنكم متضاربيين!!!..
مايد: كيــفنا وانتي اشـــلج..
منى: لاا لاا مـايصيــر جيـــه..نوالووو...بسرعه تعالي ايلسي عند اخـــوي يالله...
نوال ويههـــا محمـــــر وبصوت واطـــي: براويج..
منى: هااا ..شو قــلتي ...ما سمـــعت ههههه
مـايد يـوقف: يالله عيــل بنسير الحيــن..
نوال: وين تو النــاس..
مـنى: اوووووب اووووب ما يبونك تسير ..ماشــبعوا منك بعــدهم..امنوا قــدك..
نـــــوال فرت قوطــي الكلينكس عليها من كثــر ماهي مستحيـه وقافطه..
منى: هههههههه ما علييه ما علييه..مــرت اخـوي ومااقــدر اقولج شـــي..
مـايد: بييج يوم ثـاني ان شـاءالله..(وهــو يطـالع منى)..الحين مانروم ناخذ راحـتنا..
منى: ههههه لاا لاا ايلس انا بطــلع الحيــن..
مـايد: لا خـلااص بنسير ..سيري قولي حق خـوله..
منى: لاااا مايد حـرام ايلس بعـدنا نحن يالسيين..بعدين مافينا نوالو تحـــرج عليه واتقول انتي ماخليتيه ييلس..ههههه
مايد: بييها يوم ثاني ان شاء الله..يالله نــوال..مع السلامه..
نـوال: مع الســلامه..

دش حمــد البيــت وشاف ابوه وامه واميره وحمده يـالسيـن في الصــاله..سار ويلس وياهم..
أميــره: والله انا اشــوف ان بعدها صــغييييره..حمدووه انتي شو رايج؟
شيـخه: لااا فــديتها لا صغيـره ولا شــي ..كــبرت الحيــن بنتي ماشاءالله عــليها..
حمــد: شـــــو السالفه؟؟!!!
شيـخه: حمــده خطــــبوها الــــيوووم..

حمــد: هههه ومنــــو اللي خطــبها؟؟
شيـخه: ام حـارب يــرانا خطـبتها حق ولـدها حــارب..
حمــد: صـح انهم على قـد حالهم بس حــارب ريــال زيـــن ومــاينعاب الصــراحه اعــرفه عــدل انا.. انته شـو رايك ابــوي؟
بو حمد: والله انا بعــد اقول شرات رمســتك يا حمــد
حمـد: انــزين ودراستــها؟!!!
شيخـه: عادي مافي شـي بيمنعها من انها تكـمل دراستها ..
بو حمد: ها حمــده ابوي ما سمعــنا رايج؟؟
حمــده: ماادري ابويه كيـفكم..انتو شو تشوفون؟
بو حمـد: والله انا اللي اشوفه انه حـارب ريـال والنعم فيه..طالع على ابــوه الله يرحمه..صح ان حالتهم الماديه اقل منا بس ترى مب كـل شي في هالدنيا فلوس ..اهم شي الاخلااق الزينه.. يكفي اني خمس مرات في اليوم اشوفه في المسيـد..وانا ان شاء الله بسأل عنه مع اني متأكد انه محد بيذمه..
حمـد: هي ابويه وانا بعـد بسأل عنه..
..............................
اميـره وعوشه يـالسين في حجـرة مـريم ويسولفون..
مــريم: اهــم شـــي هي شــو رايها؟؟
عوشه: ههههه خس الله ابليسـها مستانسه مو مصـدقه..
اميـره: هههه لا اونها تســتحي يوم نرمس جدامها..هي عادي رايها من راي ابـوي ..وابوي وايد يمـدح الولـد بس قال بيسأل عنه..ولــو اني ليـن الحيـن اقول انه حمدووه بعدها صـغيره ..
مـريم: مــب انه صـغيره لااا..كــبرت الحيـن خـلااص..بس انا احــاتي دراستها..
عوشه: هيييه انتي بس ها اللي يهــمج..الدراسه..حق شـو تـدرس بعـد خــلااص..اتعرس احسن لها..(وهــي تشـق حـلجها)..شـرات ماانا بسـوي ان شاء الله..
مريم: هيييه قصوورج ..تدرسيـن انتي ويــاها ..جي عكيــفكم هو ماتدرسون..
اميـره: امـي قـالت عادي مافي شـي بيمنعها من انها تكمل دراستها..
عوشه: يالله عقــــــــــبالي ان شاء الله...
اميره: ههههههههه حسـبي الله على ابليسج يا عوشوو..استحــي على ويــهج عيب البــنات جي يـقولون..
مـريم: ههه شـو بتقولين بعــد..بنات آخر زمــن..
عوشه: عدااااااااااال..اللي يقول الحيــن انتــوا موول ماقلتوها..لا تخلوني افضحكم الحيــن..
مريم & اميـره: ههههههه
يدش عليهم راشــد فجـــأه وشــكله معصــب وواصــل حــده..
راشـد وهـو يأشر على اميـره و يصارخ: انتي ماتستحيـــن على ويهج.. يـــالستلي اهـــني وانا يــالس ادور عليج ..انتي تعــرفين الساعه كم الحين؟؟
اميــــــره اهـــني انصـــدمت واحمــــر ويهها..وقفطــت من الخاطر ..لانه هذا اول مره يصارخ عليها جـدام خواته..وابدا ماتوقعــت ييــته بهالطريقه..: اشفيك تراني يالسه عند مريم وعوشه..
مريم: راشــــد!!!..اشفيك معصــــب عليها انته..؟؟
راشـــد: مـــــريم الساعه 2 الحيـــن وانا باجر وراي دوام ومــب راقد اترياها اتي البيــت وهي يالستـــــلي اهــني ويـــــاكم !!!!!!!
مريم: وشــو استــوى الحيــن تراها يــت عــنا مافيها شــي جان رقــدت انته..
راشــد: عالاقــــل خل اتقــولي مب تطــلع وتدخل علــى كيفها..شو عبالها مـــاوراها حـــد!!!!
عــوشه كــانت زايغـــه ومتيبسه في مكـانها واتحـس انه في اي لحـظه راشـد بيصارخ عليها فطــلعت من الحجره وسارت حجرتها..
مريم: وليـــش تقــولك اذا هي يــايه عــنا نحـــن؟؟
راشـد: وانا اشـــدراني انها يــايه عـــندكم حضرتها مخــليه موبايلها في البيــت عســب محد يزعجــها.. قــلت الحيــن مستــوي فيها شـــي طــالعتلي ليــن انصاف الليــالي برع..(وهـــو يطـالع اميـره).. انتي ليــــن الحيــن يالسه..بســــرعه اشوووف ردي البــــيت ..ويـــويلج مني ان عــدتيها مره ثانيه..
قـامت اميره من مكــانها وطـلعت من الحجـره وهــــي تصيح..
مـريم: اميــــره..اميـــره..(مــاردت عليها اميـره في هالوقت كانت مروحه)..راشــــد مـــب حـــرام عليك اللي ســويته!!
راشــد: انتي راضـــيه من اللي ســوته هي؟؟!
مريم: كــنت تقــدر تتفاهم معاها بالهداوه.. مـــــب اتي اتصارخ عليها جــدامنا..راشــد هذا مب اسلوب تتعامل فيه ويا مرتك..!!..كـل شي ينحل بالتفاهم مب بالصراخ..
راشـد: شو اســوي مريم مقهوووور منهـــــا..
مريم: حــتى ولو..هذا مب معناته اتصارخ يويهها..راشــد دخيلك..لا تعـيدها مره ثانيه..وروح الحين وراضـها انزين فديتك..
راشـد بابتســـامه: ان شاء الله..تصبحين على خير..
مريم ردت له الابتسامه: وانت من اهلــــه..
....................
مر عليهم اسبوعين ومافي شـي اتغـــير في عـلاقـة راشــد واميــره..مـريم انشغــلت بالســوق الايام اللي طافت تطــلع اتسير ويـا حمــد..وبنفس الوقــت اتحـاتي نتيــجتها ..وبـــو حمــد سئـــل عن حــارب ونفس الشــي حمــد ومحــد قـال عنه شـي مب زيــن..الكــل يمــدح فيــه..فيــا حارب يوم ويــا امه وتشاوفوا هــو وحمــده..عقــبها عطــوا المجـال حق حمــده انها اتفكــر على راحــتها ..صــلت صلاة الاسـتخاره وحسـت بـــراحه..فردت ام حمد على ام حارب انهم موافقيـن..صـح انه علي ماشجـع اخـوه انه يـعطيـها حق حـارب لاانه يقول انه مب من مستواهم ومابيعيــش حمده شـرات العيشه اللي هي عايشتنها الحين..بس قاله انه هـو مايهمــه المسـتوى..اهم شــي في الــريال اخــلاقه وديــنه واخر شي قـدر يقـنعه.. حـارب من كــثر مامســتعيل يبا يملج بها اليوم قـبل باجر..بس بو حمــد قال بعـد عـرس حمد ومريم بتكون الملجه ان شاء الله....
.
.
مــايد من يوم ملجــته وهــو مااتصــــل في نوال الا مرتيــن او ثـلاث مرات تقريبا اكثــر شي هي تتصــل فيه..اهل نــوال من النوع اللي متشددين شـويه فمتفقين ويا مايد انه في الاسـبوع يوم يقـدر يزورها عـندهم في البيـت بس وما يطـلع وياها..يعني يــومين لين الحين سـارلها..يـــوم ســارلها جــيه من ورى خـاطره عســب مايقولون انه مااييها ومـاطول عندها بعـد..واليـوم الثـاني نوال هي اللي قـالتلها اييهــا..فغصـبن عـنه ســـار..يعــني ليـن الحيــن مب قــادر يتقــبلها وخصــوصا يــوم شــما اتــــي في بـــاله..اهــني يحــس انه خـلااص مول مــب طــايقنها ويبغــي شمــا هي اللي تــاخذ مكـــانها..
.
.
نــوال: يعــني شــو اذا انا مااتصــلت انته ماتتصــل فيني ؟!!
مــايد: كــنت مشغوول..
نــوال: لا والله وشــو هالشغـــل اللي مـــاخــلااك تتصل عالاقــل تســئل عن حــالي!!!..مايــد انت اتعــرف اني انا من امــس ميـــهووده من الخــاطر و محمووومه!!
مــايد: والله؟!!!..ماكــنت ادري..
نوال: يعــــني ماتروم تســـئل؟!!!..
مـايد: اقولج كنت مشغول..رحتي المستشفى والا لا؟
نوال: لا مــارحت..
مــايد: ليــش؟َ!!
نــوال: مالي خــلق والله..امــي كـل شوي تحـن علي وانا ماابي اسيــر..مااحــب اروح مستشفيات
مايـد: ليـــش نــــوال!!!..مــب زين اتميـــن جيه..يالله سيري سيري خله يودونج
نــوال: ليـــــش يهــمك؟!!..
مــايد: طــبعا يـــهمني..
نوال: هـــيه بـــاين..من اتصـالاتك اللي مقطعه تلفوني..
مـايد: نـــوال انا آسف وحقج عــلي..يالله روحي الحين عشان خاطري..
نـوال: مــايد مالي خــلق والله..تعال بيــتنا الحيــن حاسه اني محتاجتلك..
مـايد: لا الحيــن سيري المسـتشفى وانا بـاجر بييج اوكي..
نوال: خــلااص اوكي
.
.
بــــاجر نتـــــايج الثــنويه العــامه,,والكـــــل علـــى اعصـــابه..حمده وعوشه ويــــــوسف وكــل طـلاب وطـالبات الثنويه ..يبـــون يعـــرفون شو نتيـــجة التعــــب اللي تعـــبوه...!
.
.
فـــــزت مره وحـــده من نومــــها وتمـــت تصيـــح وتشــاهق..سمـــعتها مـــريم لاانها كـانت راقــده عندها اليــوم..بطــلت عيــونها بصــعوبه وعــدلت يــلستها وانصــدمت يوم شـافتها اتصيــح..
مــريم وهـي لاويه على جـتفها: بسم الله عــليج عوشه اشفيج حــبيبتي؟؟
عوشه: انــ ــ ـا بــــ ـــ ــرســ ــب..
مـريم: عـــــوشه!!..انتي شو تقولين فـــديتج اتعـوذي من ابــليس..انتي اكيــد حــلمانه..
عوشه: حــ ــ ــلمت انـ ـ ـي راسـ ـ ـبه ويـ ـ ـايبه اربــ ـ ـع دواويـ ـ ـر
مـريم: لاااااااا ان شـــــــاء الله حبيبتي انتي نـــــاجحه وانا متأكــــده من هالشـــي..اتعــوذي من ابليـــس بس (صــبت لها مــاي وعطــــتها تشــربه)اندوج فــديتج اشـــربي وارتاحي..
خــذت عـــوشه الكوب عـنها وشـربته..
عوشه: مــاوصــلج مســج؟!!
مريم: لاا حبيبتي الساعه 3 الحيـــنه..ارتــاحي فــديتج وانا ان شــاء الله ببشـــرج اول مابيطــرشون لـــي المســج..
عوشه: خـلااص طار النوم من عيني ..
مريم: لااااا فــديتج حــاولي ترقــدين وان شاء الله بييلج ارقــاد..يالله عاد عشــان تصحصحيــن باجر وتستوعبيــن الخــبر الحلوو ههه..
عـوشه: ان شـــــــــاء الله يكون خــبر حلوو..
مــريم: ان شـــاء الله فــديتج لا تحــاتين انتي ..علــى قــد التعب اللي تعبتيه بتيــبين ان شاء الله..
عوشه: ان شـــاء الله..
.
.
دش يوسف البيــــت وكـــان ويـــاه حمـــدان..مســـتانسيين من الخـــــاطر ويوسف يـــزاعج..
يـوسف: امـــــــــــــي ,,امـــــــــــــــي..
طـــلعت عـــايشـــه على صـــوته وسارت صوبهم على طووول لاانها كــانت تتـــرياهم
عــــايشـــه: هاااا ..بشــــــــروااا؟!!!
حمـــدان: خـــالووو الحمـــدالله انا نــــــجحت ونســـبتي 82 بس يـــوسف ...........نــزل راســـه..
انصــدمت عايــشه وتمت تطــالع يوسف والدموع محــبوسه في عيــونها: يـــــوسف شوووووو.....قــــــولي شــــو مســــوي ؟!!..ليــكون .........
يــوسف كمـــل ويــا حمـــدان واتظـاهر بالحزن: امـــي انا ســويت اللي عــليه ..انا روحــــي منصــــدم..مــب قــادر مــب قادر اصــدق..
عــايشـه مــاقــدرت تحـــبس دموعها وتمـــت اتصيــح..
يــوسف حــبها عــلى راسها : فــــــــــــــديتج والله يـــــامي..لاا دخييييلج ماابغي اشـــوف هالدمـــــوع ..(وهـــو يبتســـم)..معقـــوله اشــوف هالدمــوع وانا يــاي ابشــرج اني نــاجح ونســـبتي 90..
اتفـــاجأت عـــــايشــــه وبطـــــلت عيـــــونها وتعــابير الفــرح امبين على ويههـــا..لـــــوت عـــــليه وتمــــت تصيـــــح من الفــرحه: الف الف مبرووووووك حــــــبيبي..والله هــــذا احلى خــــبر سمـــــعته..فــديتك والله ورفــــــعت راســـي يا يوســـف..
يوسف: الله يــــبارك فيييج يـــا اغــــلى ام في الدنيـــا..هههه الحين انا ابي اعـــرف امــي انتي ليش يالسه تصيحيـــن..دخيييلج ماابغي اشوف دمـــوعج تراها غــاليه عــلي..
حمــدان: هههه هـا يسمـــونه دمـــوع الفــرح..اشعرفك انته..
عايشه وهي تمســح دموعها وتبتسم بويه حمـدان: الف الـــف مبروووك ولـــدي يــا حمــــدان.. والله انــــي فرحــــتلكم واااايد..تمـــت اتيبب من الفـــرحه..مــروه اول مــاسمعت صوت اليبــــاب حطت شيلتها و طـــلعت وهي تــــربع صوب يـــوسف و مب منتبهه لوجود حمــدان..بــس حمـــدان اول مــاشــافها استــانس من خــاطره ..من اول مادش ويا يوسف البيت وهو يتمـنى يشوفها..
مــروه: هاااا شوووو بشــــــر
يــوسف:هههاااي 90,7 طـــــال عمرج
مـــروه: يـــــــــــــــــاي والله وطـــلعت قـــد كــلمتك اتقــول مابتيـــب اقل من 90..ماشاءالله عــليك الف الف مبروووووووك يااخـــــوي تســـتااااهل..
يـــوسف: هههه الله يــبارك فييييج..يــــــالله عقباااااالج..
مــروه وهي تــرفع كفيــن ايدينها : ان شـــــــــــــاء الله..وفجـــأه تطيــح عيــونها عـــلى حمــدان اللي كــان طول الوقت منزل راسـه بس مبتســـم ومســـتانس وهــو يسمــع صوتها وهـــي ترمس يـــوسف..ويقــول في خــاطره فــديت هالصـــوت انا..انصــــدمت مــــــروه واحمـــرن خدودها من الخــاطر وقفطــت وسارت وقفت ورا امهــــا..
حمــدان: يالله عيــل بخــليكم انا..
عــايشه: ويـــن يا حمــدان ويــن بتروح..
حمــدان: ههه خــالتي بسير ابشــر االاهـــل..
عايشـه: ويييي ليــــــش انت ماســرت اتبشــرهم!!!!
حمــدان: هههه لا خــالتي جي ولــدج خــلااني اسيـــر!!!..يالله يالله مع الســـلامه..
يوسف: ههههه مع الســــلامه ,,
عايشــه: ربــــي يحفــظك يا حمـــدان...
.................
كــلهم كــانوا متيمعيـن في الصــاله في هالوقــت..عـــــوشه بيدها موبايل مريم تتريــا المسج وهــي رايــحه وراده..ودقـــــات قـــلبها تتــــزايد في كـل ثــانيه..انتبـــهت مره وحـــده عالبـــاب اللي اتبـــطل..حمـــده كـــانت داشه ووياها حمـــد وهي مســــتانســـــه من الخاطر..
حمـــده: بــــــــــــااااركوووولي بـــــاركووووولي..
ســارت عـــوشه صـــوبها وعقــبها نشـــوا كـــلهم ..
اميـــره: حمدوووووه بشـــــري..
حمـــده: هههههه نجحـــــت نجحــــــت..بس مابقووول كم اخاف مريوم اتحــرج علي..ههه
عوشه: حمدوووووه قـــولي كم يـــايبه..
حمـده: احم احم..84,5 ..
عــلي: الف مبـــــرووووك حمـــده تســتاهلين تستاهلين..
حمـده: الله يــبارك فييييك عمـــي..
ســارت اميــره صــوبها وحبــتها وباركت لها وعقـبها سـارت مريم وفاطمه..
مريم: الف مبرووك فــديتج ..ههههه يعني مارمــتي اتيبين اكثـــر..
حمــده: ههههه اسكتي الحيــن زيــن مني يــبت هالنســبه والله اني فــرحانه من الخاطر لااني يبتها..
فاطمه وهــي تحـبها: الف مبروووك حبيبتي تستاهلين
عــوشــه والدمــوع نــازله على خـدها: مبروووك مبروووك..
حمــده: ايييييييييه ليـــــش اتصيحيـــن انتي !!!..طرشولج والا بعـــدهم..
عوشه: بعــدهم بــعدهم..انا راســبه خــلااص اعـرف عمــري راســبه..
عــلي: عـــوشه!!..شو هالكــلام بعــد؟!!..ان شاء الله ناحجه
فاطمه: يــــاربييي واااايد اتأخـــــروا..يعــني اشمعـــنى طرشوا حق حمده وماطرشوا لهــا..
مريم: ما عليه عمتي لا تـحاتيين مب كـل حد يطرشون له بنفس الوقت..
اول مـــاخلصت مريم كـــلامها يسمعـــون صوت المســـج..اهـــني عوشه انقبـــــض قـــلبها وحســت برجــفه في جســـمها كــله والكــل يترياها تفتح المسج..طـــاح التلفــون من ايــدها وطـاح صوب راشـد وهــو اللي شــلاه وفــتح المســـج..وعيــون الكــل مصوبه صــوبه يتريــونه يقــولهم..شــافوه مبطـــــل عيــونه وهو يــطالع المسج وعقــبها عقــد حيــــاته..حمـد كان واقف عــنده وشـاف المســج شــهق..وتم يــهز راســه ويقول(لا حول ولا قوة الا بالله)..اهــني عوشه خــلااص اتأكــدت انها راســبه وتمــت اتصيح من الخــاطر وهي في حضـن امها اللي غصبن عنها دمعت..(قــلتلكم ..قلتلكم انا راســبه)..ومــريم يوم شافتهم مارامت تحبــس دموعها ونفس الشي حمده واميره..
راشـــد: عوشوووه!!!..انتي كـــــنتي تذاكـــرين والا كــنتي تلعــــبين؟!!!..
عـلي: قوووول يــا راشــــد قووول كم يــايبه؟؟!!
راشـد: ههههههه ناجحــــه نــــاجحه..مبرووك..
حمــد: هههههه مبروووك مبروووك ..ماشاءالله عليج 87,6 بعــد شــــو تبين..
عــلي: الله يبشــركم بالخيـــر..مبروووك يا عــوشه مبرووك..
عـــــوشه وهي مبــطله عيـــونها: هااااا!!!!..كم؟؟!!!..لاا ابــوي مااصــدقهم...
حمده وهي تضربها على جتفها عالخفيف: هههههههه ويا راسج راسبه وراسبه..وآخر شي يايبه اكـــثر عني..عوشووووه مبرووووك...
فاطمه: اففففف زيغـــتوناااا..فـــــديتج والله الف مبرررووووك حبيبتي..اصلا انا كــنت عارفه انـــــج ناجحه..
عوشه: لاا لاا انا مـــــب مصـــدقه!!!!..عطــني عطـــني التلفووون..
خذت مريم التلفــون من راشــد وشـــافت المســـج..
مريم: ههههه الف مبروووك فــديتج..هاا شوووفي..
خــذت عوشه التلفــون من مـــريم وشــافت المســــج ,,اهـــني بـــس حســـــت انه كـــل شـــي فيها رد طـــبيعي واستــــانست وقــــتها من الخــــاطر..
اميــره: ههههه مبروووك عوشووووه..
عوشه: يــــــــــــــااااااي انا مب مصــدقه..الله يبارك فيــــكم..حمدووووووه افتكييييييييييينا..
حمده: هههههههههه هيييييييييه والله كششخه ..اففففف مابغيـــــنا..
عــلي: يالله الحيــنه لاازم تقـرروون وين بتدرسون ان شاء الله..
عوشه: ابــويه ما عــليك بنقعــد قعــده انا وحمدووه وبنقرر..
فاطــمه: ربـــي يوفقكــــم ان شـــاء الله..
.
.
بــعد يــوميـن..مــريم كــانت ويــا حمــد ســايره تشــوف نتيجـتها..كــانت خــايفه واايد وطــول الدرب وهــي تــدعي في خــاطرها..ليــن مـاوصل حمــد..
حمـد: يالله فــديتج..
مريم: حمــد رد خلااص مابسييير..!!
حمـد: يالله عاااد مريــــم..سيــري ابا البشـــاره انا..
مريم: اللــــه يســـتر..نــزلت مـريم من الســياره ودشــت..وحمــد كان على اعصـابه يـترياها..وكــان يــالس يدعيــلها من كــل قلبه..لمحــها طــالعه ..وعــلى طوول نــزل من المــوتر وسـار صــوبها حـتى مااتــرياها هي اللي اتــــي..مــريم في هاللحـــظه الدنيـــا مب واسعــتنها من الفـــرحه
حمــد: هاااا ..بشــــري...!!
مريم: هههههه حمـــد..حمـــــد انا مـــــب مصــــدقه..امتيــــــاز يا حمـــــد امتــــياااااز..
حمــــد: فديييييييييت روووحج انا..اصلا ها اللي انا كنت متوقعنه ..قلتلج انا مابتيبين اقل من امتيـــاز...الف الف مبروووووك دكـــــتورتــي..
مريم: ههههه دكـــتوووورتك !!..الله يـــبارك فيييييك حبيبي..هههه واخيــــــــــــرااااا..هــــذا احــلى يووووم في حيــــــاااتي...يالله يالله انسييييير خلني ابشــــرهم..
حمــد: ويـــن تسيـــرين !!!!..لاا لاا عازمــج انا عالغـــدا في بـــرج العــــرب..عقب عقب بنسير لهم..الحيــن من فــرحتي ابي ايـــلس ويــاج في مكان راقي..
مريم: هههههه برج العرب مره وحــده!!!..لاا لاا خلها عشــا عيــل..يالله انسيــــــر حمــــــد مـــب قــادره اصـــبر من فــرحتــــي ابغــــي ابشــرهم..
حمــد:.يعــل هالضحـــكه اتدووم يـــارب.. ان شـــــاء الله حيــاتنا كــلها اتكون افـــراح في افــراح..
مـــريم وابتسامه كـبيره مرسومه على ويهها: آآآآميييييين..

ركــبوا المــوتر وحــرك حمـــد ليـن ماوصــلوا البيــت..عاد مـريم من فــرحتها مااتريت حمــد ينزل ..نــزلت هــي على طــول ودشــت داخـــل..اول مادشــت شافت فاطــمه بـــــويهها..
مــريم: عمــــــتي ..عمـــــتي باركييييلي نجحت نجحــــت ويـــبت امتيــــاز..
فاطمه: مــبروك..وراحـــت عنهــا..انصـعقـــت مريم من حـــركتها ..يـــايه اتبشــرها انها يــابت امتيـــــاز واتوقعــــت انها بتاخذها في حضــــنها من فـــرحتها..لكــن هي بــدون اهتمـــام راحــت عــنها حتى ابتسامه ماابتســمت في ويهها..في هاللحظـــه دمعـــت عيونها وحســـت انها محــــتاجه وااايد لأم تفـــرح فيــــها وهـــي متخــرجه بتـــفوق..صــح فــرحانه من كــل قــلبها بس هاي الفــرحه ما تكتمـــل الا بفــرحة امهـــا لهـــا..اااه يــــا امـــــي..لــو كنتي موجــوده اكيــد بتفــرحين لـــي ومــا بتقــدرين توصفيـــن فرحــتج لـــي حـــتى..امـــي انا محــتاجتنـــج
محــتاجتنج..مسحــت دموعها لاانها شــافت حمــد يـــاي صــوبها..وانصــدم يوم شافها تصيــح..
حمــد: مــــريم حـــــبيبتي اشفييييج؟!!!!
مريم: مافيني شـــي حمد..ههههه من الفــرحه ..
حمــد: لااااا دخيـــلج مااتحمـــل اشــوف دمـــــوعج هـــاي..استـــانســي اليـــوم فـــديتج ..انتي متخـــرجـه بامتيـــاز وطـــب بعـــد..ماشاءالله عليج والله اني فخوور فيج..
مريم: ههههههه حمــد انا ليـن الحين مب قادره استوعب..
حمـد: لا استــوعبي..المفروض اتكونين ضامنه الامتياز على التعــب اللي تعبتيــه..
مريم: الحمــدالله يــاربي الحمـــدالله..
وفجــأه يسمــعون صــوت صريـــخ فوق ..يرفعــون راسـهم ويشوفون حمده وعوشه
عــوشه وحمده وهم نازليـــن عالدري : مريوووووووووووووووم..بشـــــري
مريم: هههههه فدييييتكم والله باركوولي ..نجحــــــــــت..
حمــد: بامتيـــــاز بعـــــد..
ربعــت عوشه صوب مريم ولـــــوت عليها: صــــــــــــدق والله؟!!!..الف الف مبروووووك مريوووووم والله اني فرحانه لج لج من خــاطريييه..
مريم: ههههه حبيبتي الله يبــارك فيج..
حمــده: يالله خوووووزي دووري الحيـــــن..فدييييت مـــرت اخـــويه انا..يا سلااااام مرت اخــوي دكـــتوره الحين امنو قــــدي..ماشاءالله عليييج مريووم الف مبرووك تستاهليين والله
مريم: هههههههه الله يبــارك فيج حيـــاتي تسلمييين والله..
يــدخل ابـــوها وعــلى طووول اتسيـــر صوبه..
عــلي: هااا يا مــريم بشـــري ؟؟
مــريم: ابـــووووي الحمدالله الحمدالله نجحـــــت ويبت امتيــــاااز..
علي: كفــــــو يا مــــريم كـــفوو..(وهو يحـبها على راســها)..والله ورفعــتي راســـي يا بنـــتــي..مبروووك فدييييتج الف مبروووك..
مــريم والدمــوع تسيل على خدها من دون لا تحـس: الله يــبارك فيـــك ابــــويه..
عــلي: ليش ليش الصيـــاح يا مـــريم..
مــريم: هههه مب قادره اصــدق..من الفـــرحه ابوي..
دــدش راشـــــد عليهم وانقبض قـــلبه وهو يشوف دمــوع مـــريم وتم وااقف يــطالعها وهــو منصـدم..مسحت مريم دموعها وسارت صوبه وهـــــي مبتســمه..
مريم: يــعني بتوقف تطــالعني جــــيه!!..
راشــد: مريـــــــم بشــــــري !
مريم: ههه الحمــدالله الحمدالله نجحـــت فديتك لا تحـــاتي ويبـــت امتيااز بعـــد..
راشــد: واللـــــــه كــــنت متوقع..الف مبرووووك مريم فــديتج من امـــس وانا احـــاتي..
مريم: الله يـــــبارك فييييك حبيبي..
دخــلت اميــره عــليهم وسارت صوب مريم عــلى طول ووبشــرتها مـريم..استــانست اميره لهـــا من الخـــاطر وباركت لها..وبهالمنــاسبه الحــلوه..عــزمهم ابوها كــلهم على الغــدا بــرع..
...............
طــلع من غــرفة الاداري وهــــــو منصــــعق من اللي سمعـــه..طـــلع وكـأنه صــحــى من الحــلم اللي كان معيــش نفســه فيه..يـــذرف دموعه من دون لا يــــحس..شـــاف واحد يــاي صوبه فمسحها..
سعيــد: ههههه ..طــرده محــترمه هااا !!!
شــافه يوسف وهــو معصـــب وصـد عــنه..
سـعيد: هههه اوووه اووه..ما قلت شي انا عشان تطـالعني جيه..وانا الصاج عطوك كرت احمر هههه..ياخي قلتلك في الاحــلام ياخذونك وياهم لااعــب فريق اول ماصـدقتني ..
يوسف: المدرب كــان مســتانس مني ويمــدح لعـــبي واااايد وقالولي اتريا لين شهر 7 عشان التسجييل واترييت وانا واثق انهم بياخذوني وآخـــر شي..........
سعيــد يقاطعه: واخر شــي قالولك مـايستوي يسجلونك اذا انته ماعندك جنسيــه لاانه يعطون الاوليه حق اللي عـندهم..ههه عادي يا ريــال انا بعــد قالولي نفس الشـي..
يوسف: يعــــــــني نحن ليـــن بنتم جيـــــه لين متـــــــى!!!!
ســعيد: شـــكلنا للابـــد..خيولوون لااا اشعــليك منهم..خلااص اللي مايبــانا مانباه..تعال بس ويــاي خل اوصـلك وابيك في ســالفه بعــد..
مشــى يوسف ويـاه لين المـوتر ..
سعيـد: هااا سمعــت انك يايب 90 ..
يوسف: ههه شو الفايــده..!!!
سعيـد: هههههه هي والله..كـل هالتعــب راح عالفاضــي..شوف يوسف,,انت الحين لا شـغل تقدر تشتغل ولا نادي تقــدر اتسير..وانا بعـد شــراتك..فعسب جيـه في شـغله في بالي وابغي حـد يكون ويــاي..وانا قــلت ما بحـــصل حــد احسـن من يوسف حق هالشغــله..لاانك محـــتاجنها..
يوسف: وشــو هالشغــله؟؟
سعيــد: اسمعــني..وتــــم يـرمـــس عن الشغــله اللي نـــاوي عــليها..ويــوسف يسمــع وهـــو مبــطل عيــــونه منصــدم..
يوسف: لاا لاا لاا يابوي شوفلــك غيري..تبا توهقنا انته!!!
سعيـد: صــدقني يــا يوسف صــدقني بنكــسب من وراها ذهـــــب..لا تســتعيل وفكــر فيها يا يوسف وفكــر في حالتك وحـالة اهــلك وبتشوف انك محـتاج لهالشغــله..
يوسف: ...............
..........................
مــريم اول مــاردت ســارت صـوب غرفة عـايشه على طــول عشـــان اتبشــرها بس ماحصــلتها طــلعت وشــافتها بويهها..
عايشه: هــــلاا مــريم هـــلاا امي اشحـــالج
مريم: اهليين ..خالوووو انا اليـــــوم فـــرحانه فــرحاااانه وااااايد..
عايشه: عســــــى دووووم يـــارب..فرحيني ويـــاج فــديتج
مريم: وانا يــــايه عســب افـــرحج ..خالوووه باركييييلي نجحـــــت واتخــــرجت بامتيــــــــاز..
تمـــــت تطــــالع مــــريم لفـــتره تـــبا تستوعب الخـــبر..خــــذتها في حــــضنها وتمــــت اتصيـــح..الف مبرووووك ياامــــي الف مبرووووك..فـــرحتيني واااااايد الله يـــفرحج دنيا واخــره يـــابنتـــي ..
مــريم مــارامت تستحمل وتمت اتصيـح ويــاها وهي في حضــنها ..الله يــــبارك فيــج فــديتج..في هاللحظـــه حســت بحــــنان الامومــــه اللي فـــقدته من ســـنيييين..ومـــا اتمــنت اتنش من حضـــنها..حـــبتها اكثـــر في هاللحظـــه وحســت انه هـــا اللي تتمـــناه من زماااان..بـــــس فجــــــأه يسمعـــون صوت وهــم في هالحــــاله..زاغـــت منه مريم ونفـــس الشي عايشه..
عــلي وبعصبيــه : مــــــــــــــــــــــريم!!!!!!!!
مــريم ســـارت عــنده وعــايشه في هاللحظـــــه كــــانت ترتجف من الخووف..
عـــلي: دشـــــــــــي داخل بســــــرعه !!
مريم: ليـــش ابوي؟!!
عـــلي: من غيــــــــــــر ليــــــش..اقولج دشــــــي داخل
مريم: ان شاء الله ان شاء الله..
دشــــت مريم وهــو كان ســاير صــوبها والشـــراره طالعه من عيــونه معصــــب وكــان بيهــزبها بس سمـــع صوت مــرته تـــزقره ..
عــلي: حســـــابي ويــــاج بعـــدين..وراح عــــنها..
ودشـــت هي داخــــل زايغـــــه واتصيـــح..
................
في غــرفة حمــده..كــانت واقفه مجــابله الدريشــه..فجـــأه تدش عـــوشه عــليها ..
عــــوشه وبصـــوت عالي: شـــــو تســــــــــــوين!!!
تفــز حمـــــده مره وحــده وهي حــاطه ايدها على قــلبها: بــــــــــسم الله..ســـــــــــباله وحــــده..
عوشه: ههههههههههه..انزيـــن اذا انا ســباله حتى انتي بعـد ســـباله تراج بنت عمي..
حمـده: ابتليييت فيـــــج انا..
عوشه تشـــهق وتسير صوبها: ياللي ماتستــحين على ويهــج.. الا اخــــــــــــبر عليج عمـــــــي..هيييه ادريبج دوم توقفين اهـــني واتســوون حـــركات حق بعــض شرات الافــلاام المصــريه..لكــن انا براويييج..
حمــده: هههههههههههه خطيبي انزين خطــــيبي..
عوشه: مالت عليج وعــلى خطيـــبج..قومــي قومي خل اشــوفه..
حمــده: ههههههههه نحـــــس..اول ماييتي دش داخل..كان يحوط ويـرمس في التلفون..اه يــاقلبي..
عوشه: هههههههه ومســتانسه بعــد يرمس في التلفون!!..يغـــازل يـــاحظي يغــــازل وانتي ماتــدرين..
حمــده: لاا حــــــبيبتي اصلا انا واثقه فيــه..دام انه شــــافني مابيشوف غيري احـــم..
عوشه: ماااالت عـــليج ماادري شــو شــايف فيييج..انا كاسر خــاطري والله ..الله يعيـــنه الصــراحه..
حمــده: هههههههه لا ماعليج بعقل بعقل عقــب..
عوشه: ههههه اشــك..
حمــده: ههههههه عوشوووه عقـــــباااالج..
عوشه: ويييه ان شـــــــاء الله..ما علييه يالخــاينه بتسوينها قبلي هاا..الحين نحن مب متفقين ناخذ اخوان وانسوي عرسنا بنفس الليله..!!
حمده: ههههه شو اسوي..والله لو كـان عنده اخوو كــنت بطــرشه صوبــج ههههه..
عوشه: جــب انزين ماابي..اصــلا انا فــارس احــلامــي بعــده يــالس يــدور بيتنا..
حمــده: ههههه ويـــنه يا حظــي وينه خل انــدليه ..
عوشه: هههه لااا بعــدني انا مب مستعيله شرات بعض الناس..
حمده: ههههه لاا موووول مب مستعــــيله انتي..خليني ساتره عليج بس ياام نصووووور
عوشه: اخييييييييييييي على هالطااااري
حمده: ههههههه عوشوووه اتخــيلي اييج واااحد اسمــه ناصر وهو ريال زين والكل يمدح فيه..
عوشه: مـــــــــــابوااااافق الا يوم بيغير اسمــــه...
حمده: ههههههههه
..................
جـــاسم ..الحمـــدالله نجـــح واتخـــرج بعد والكــل استــانس على هالشــي وكان قــايلهم انه بيي قبل عــرس حمد ومـريم بيــوم..يعــني اليـــوم هــو اليــوم اللي بيــرد فيه البـــلاد ومســتانس من كــل قلبه انه بيفتــك من الغــربه وبيعيــش ويا اهــله عــلى طوول..وبعــد في شــي ثاني في بــاله يــبا يســويه وهــاللي مخــلنه متحمس اكثر ويتمــنى من كــل قــلبه انه يســتوي عشــان تكتمـــل فرحــته..

في هالوقــت كــلهم كــانوا في المطــار يتـــريونه وكــلهم شــوق حق جـــاسم..كــلهم مســتانسين من الخــاطر انه بيـــرد وويـــاه الشهــاده..وخصــوصا عوشه اللي من فــرحتها مانامت امــس..وامــه بعد اللي كــل شــوي تدمع من الفــرحه...
حمــد: وصــلت وصــلت الطيــاره..
فاطــمه: صـــج!..الله يبشــرك بالخيــر يا ولدي ..
عوشه: يالله الحييين مـــتى بيي؟!!!..اففف
عــلي: يالله خــل ننـــزل تحــت عيــل..
نــزلوا كــلهم تحـــت وتمــوا يتـــريونه..اتصــلت فيــه عــوشه..
جـاسم: فديييت هالحـــس انا ..هلا هلا
عوشه: اهليييييييييييين..انت ويييينك يالله عاد تعااااال..والله اني متولهـــه عليييك..
جاسم: ههههه الحيــن الحيــن بييكم..انتوا كــلكم اهــني؟
عوشه: هيييه كــــل العايله الكــريمه في انتظــــارك بعــد شو تبـــا..بسك تغــلي..
جاسم: ههههه اوكيييك خلااص انا الحيــن بييكم خلصـت كل شي..
عوشه: اووكي باااي..
جاسم: باااي..
فواز ربيعه كــان وياه بعــد لاانه اهــله في هالوقت كانوا في الامــارات ..
فواز: هاااا..القـــلب ويــاهم والا ؟!!!
جــاسم: هههه طــبعا..هييه ويــا الرضيــعه دوم لاا اتحــاتي..
فواز: ههههه اوكي خـلااص ريحــتني..
جــاسم: ههههههه وانت اشــلك؟؟
فواز: الحــين هذا يــزاي اني احـــاتي قــلبك لا ينكســـر اذا ماشفتها..ما عليه ماعليه..ان شاء الله ماتكون ويـاهم..
جاسم: ههههاي لاا متأكد انها ويــاهم..
فواز: ومتــى ان شاء الله نــاوي تخطــبها!!
جـاسم:هههه والله لو الود ودي اليوم بس مايصير.. عقــب العــرس ان شاء الله برمسهم..
وصــــلوا جاسم وفواز عــــندهم..فواز شــاف اهــله وســار عــندهم عــلى طول..ونفس الشـــــي جاسم..اول شـــي سلموا عــليه ابــوه وامـــه اللي كانت اتصيــح من فــرحتها وهــو غصبن عــنه دمعت عيــونه من شــافهم..وعقــبها ســلم على عمه وراشـد وحمد..ووعقب سـار عند البــنات مريم وعوشه..عوشه سـارت عــنده على طــول وخــذاها في حضــنه لاانه كــان متوله عــليها وااايد وهي بعــد نفس الشـــي..وعقـبها مــريم اللي استــانس عــليها واايد يوم درى انها متخــرجه بامتيـــاز وبــاركلها..ام حمــد واميره وحمــده اتحمدوله بالسلامه وبــاركوا له من بعيد..وعقـبها ردوا كــلهم البيــت والكــل كان مســـتانس من الخـاطر في هاللحظـــه..
.
.
.
اليـــوم الثـاني..كـان اول يــوم عــرس مــريم وحمـــد..حمـــد كـــان اســعد انســـان اليـــوم لاانــه كان يــترياه من زمــــان..ويــنتظــر اليــوم الثـــاني بفارغ الصــبر..لــدرجة ان قــبل يومين كــان يالس يحســب كم باجي على هاليومين بالساعات والدقايق والثــواني..
.
.
كــانوا ناصبين خيمــه في بيـت مــريم ..كــان ديكــورها من الداخــل شــرات الفــنادق واايد حلوو..والكــوشه كــانت بسيــطه وحـــلوه بــعد..واللي كــانت محــليه الكوشه اكثـر في هالليله هي مــــريم اللي كــانت يــالسه وفــاله شــعرها الطــويل والكثيف وحــاطه الطــاسه عــليه..
طــبعا مــريم كــانت متحنيــه وماحــبت انه يحنونها جــدام النـــاس..عوشه وحمــده مـرتبشــات من الخــاطر ويـرقصون..اميـره كانت يـالسه عند مــريم..
اميره: صج صــج محلوه واايد اليوم مريووم..مااقول الا يــابخت حمد فيج..
مريم: ههههه قصيتوا عــــلي..والله راســي يعـــورني بالزور احــركه..
اميـره: هههههه يالله الحيـن ماباجي شـي وبيدخل حمد..مريووووم ابغي ارقـــص...
مريم: طــاعوا هاي..اتخــــبلتي انتي!!!..
اميره: يعـــني ما رمتـــوا تتريون ليــن مااربي!!
مريم: ههههه والله قولي حق اخــوج..يالله ماعليه بترقصين في عرس حمدووه ان شاء الله..
.
.
حمـد: ههههه خلااص خلااص مــب لاازم ..
جــاسم: لاا حمــــد الحين نحــن متفقيين..شوف انت اركــب الحين وانا بكون ويــاك..وانت ماشاءالله عليك عندك خبره اتعرف تتحكم في الخيـــل والمسـافه مب طويله..بس توصل عــند الكـوشه انزل وانا برده..
راشــد: هــيه يالله حمــد..بس تعــال انت قلتلها؟؟
حمــد: لاا لاا اصلا محــد يــعرف الا انتو..
راشـد: اوكي توكــل على الله..
ركــــب حمد عالخيــــل واتلثــــم ..ودش داخـــل الخيـــــمه وكــان مرتبك اشويه لاان عيــون الكـل عليه.. ووراه جــاسم..كــلهم يطـــالعون حمـــد ومندهشـــين من اللي يشـــوفونه وخصوصا مــــــريم اللي كـــــانت مبــطله عيـــونها ومتــــفاجئه من اللي تشـــوفه..هــو قالها انه بيــسويلها مـــفاجـــئه بس موووول مااتوقعـــت انه اييها وهو راكــب خيــل ابــــيض..استـــانست وااايد عالمفــاجئـــه..محـــد اتوقــعها اصــلاا والكــل تم يقــول في خــاطره ياسلاام عالرومنسيــه شــكله يحـبها واايد..الله يهينهم.. وصـــل عند الكــوشه ونـــزل عقــبها عــدل الســفره وركــب الكوشه وســار وقــف عــــندها وهــو منبـــهر في جمالها..
.
.
بعــد مــاخلصوا تصــوير وراح عــنها حمــد دشــت حجــرتها واول شـي ســوته شــلت الطـاسه من راســها لاانه واايد مضــايقنها..وعقــبها بـدلت واسبحت واتــزهبت حق النــوم..اول ماتــبي ترقد تسمع تلفونها يـــرن..اول ماشافت الرقم زاغت لاانه مب من عوايده يـتصل لها هالوقــت..ردت عـــليه بس سمـــعت صـــــوت اتحــب تسمعــه وايد ..
.....: يـــــا طيب القـــلب حكــــم قــلبك الطـــيب..أخـــرت غيرك وبعــدته وقــربته..ليـــه التبــاعد مع انك..دايم قــريّب..من ويـــن مااصــد بعيـــوني تخـــيلتك..
مــريم: ههههه يـــاسلااااااام ..امنوا قــــدي..
راشـــد: احم..ممكن نتعــرف..
مــريم: هههه لاا الشيــخ انا مــرتبطه وباجــر عرسي لا توهقــني..
راشــد: ههههه شو تســوين؟
مــريم: مـــاشي والله توني برقــد..استغربت وايد يوم شفتك متصل مب من عــوايدك..
راشــد: شــو اســوي اشتقــتلج..
مريم: هههه توك شــايفني..
راشـد: ماادري مــريم احــس اني بفتقــدج واايد..
مـريم: وانا بعــد والله ..بس ماعليه فديتك انا دوم بييكم وانتــوا بعد بتوني..
راشـد: ان شــاء الله..هههه شو رايــج في مفاجـئة ريلج؟؟
مريم: ههههه عجيـــــبه والله ابــدا مااتوقعـــتها..استانســت واايد لاان العــرس استــوى فيه شــي غريب وحلوو
راشـد: هههه بعــدج ماشفتي شــي..اتريي مفاجــئااتي باجر..
مــريم: واللــــــــــــه؟!!..يـــــاسلاااااااام..عـــرسي انا اسبشــــل عيل..
راشــد: طـــبعا عــرس مــريم مـــب اي حــد..ههههه الحيـــن مــب عارف شــقايل بســويها ..الاولــى عادي مقــدور عليها..لكــــن الثانيه ..متردد فيـــها..لكـــن من فـــرحتي والله بســويه..
مــريم: يا سلاااااام حمســـتني ..يالله قووول قوول شو ناوي اتســوي..
راشــد: ههههه لاااا اذا قــلتلج مابتستوي مفاجــئه..يالله يالله ارقـــدي عروووس وراج نشــه باجر..
مريم: الحيــن شو بيرقــدني انا..بتم طــول الليل افكــر..
راشـــد: هههههه لاااا لو ادري جان ماقلتلج عيــل..يالله يالله ارقــدي ترراج بتعرفين باجر..
مريم: هههه اوكــي فديتك ..تعااال اميــره شو تسـوي؟؟
راشــد: منخمــــده..
مريم: ههههه حـــليييلها ..يالله تصــبح على خيــر..
راشــد: وانتي من اهله..
.
.
في حجــرة جــاسم..كــانت عــوشه يــالسه عــنده..
عوشه: انـــزين عيل يالله انا بســـير ارقــد الحيــن..
جاسم: تعااالي انا ماقــلتلج الســالفه اللي كــنت ابغيج فيــها..
عوشه: هييييه صح انت قلت تبا اتقولي شــي..يالله قوول..
جــاسم: شو اســوي فيج تــراج مااتخليني ارمــس...هههه سالفه ورى سالفه..
عوشه: ههههه اووو اتــذكــرت شــي ما قلتلك..الله يخــليك خــلني اقوله وعقب قول اللي عــندك..
جاسم: اوهووو مابنخـلص احــنا اليــوم..لا لاا خــليني انا اقــول اول..
عوشه: لاا لاا ما بطــول انا حــدث مهم هــذا انا ماادري كيف نسيت اقولك.. خــلني اقوله عقب انت ارمـــــــس ليـــن ما رقــدت انا..
جاسم: ههههه ويا ويهج..انزين يالله قوولي..
عوشه: حمدوووووووه..
جـــاسم اول مـــاسمع اســــمها فـــز قــلبه وتم يــتفداها في خاطره: شــو بــلاها؟؟
عوشه: هههه ويـــا راســـها انخطــــبت..
انصـــــــــــــق جــــاسم ونــش من مكــانه مـــره وحده..وتم يطــــالع عــــوشه بصــــدمه وفاج عيـــونه عالاخــر: شوووووووووو؟!!!..انتي شو تقوليييين!!1
عوشه: اشفييك جاسم..اقولك حمدووه انخطــبت والملجـه الاسبوع الياي ..
جـــاسم اهــــني مـــايحـــس بعمــــره ويــحس بســــواد على عيـــونه وعـــوشه بدت تخـتفي شوي شــوي من انظــــاره وعقـــبها يطــــــيح عالارض من دوووون لاا يحـــــس..!!!
عــــــوشه تمــــت اتصـــارخ في هاللحظـــــه..جـــــــــــــاسم..جـــــــــاسم..ات حــس انه جســمها كله يــرتجف من الزيـــغه مــب عارفه شــو تســـوي..ركــــضت صوب البـــاب وســارت صـوب حجــرة مــــريم..بطـلت البــاب ودشت على طــول وتمـــت تزقــــرها..بطـلت مريم عيــونها بصــعوبه لانها كانت راقده وهــي تطــالع عوشه ومــــندهشه..
عوشه وهـــي تصيــح وتصــارخ: مــــــــــــريم..مـــــــــريم قووومي بســـرعه دخييييلج..
تنـــش مــريم لها بصــعوبه: شووو شوو مســـتوي..
عوشه: جـــاسم يــا مريم جـــاسم ماادري اشفيـــه طاح غشيــــــان..
اول ماقالت جيــه ربعـت مريم صوب حجـرة جــاسم وســــارت يلست عـــنده وشــلته على ايـدها وتمت تهـــزه .. وهي تصــارخ جـــــــــاسم ..جــــــاسم قووووم جـــاسم..عوشـــه سيري ييبي ماي بسررعه..ركـــضت عــــوشه وســـارت يـــابت مـــاي وعطـــته حق مــريم ..وتمــت مريم ترش عــليه ليــن مـــابــدا يــفتح عيـــونه شــوي شــوي..اتفــاجأ جــاسم يــوم لقــى عمــره عالارض لاانه ماحس بالطيــحه..وحــس بعــوار في ظــهره..تــم يمرر عيــونه عــلى عوشه ومــريم وهو مستغـــرب..
مــريم خــذت نفس عمييق: الحمــدالله..جاسم حبيبي شــو ياك؟؟!!..انت كــلت شــي اليوم والا لا؟؟
عــدل يــــلسته واتذكــــر شو آخــــر شـــي قالته عــــوشه وعـــرف عقبها انه اغمـــى عليه ..في هاللحظــــه حــــس بسجاجين يطعــنون قــــلبه وبــــوده يـــــصيح من خــــاطره..
جــاسم: مافيني شــي..مافيني شــي لا تحاتون..
عوشه: والله روعــــتني..متأكد مافيك شـــي؟؟
جــاسم: مافيني شي سيرو ارقــدو انتو وراكم نشـه باجر..
مريم: قولي قــبل انت كـلت شي اليوم والا لا؟
جـاسم: هي الحمــدالله مــريم كـلت..
مريم: عيــل لــــيش جــيه اسـتـوى فيك؟؟؟
جـاسم: عادي عادي تسـتوي مــرات..
مــريم: لاا والله!!..وليـــــش ساكــــت عن هالشـــي؟؟!!!..لاااا انته لاازم اتسيــر المسـتشفــى..
جـاسم: ان شـاء الله بسيــر بس انتو سيرو ارقدو الحيـن ولا تحاتون شـي..
طـلعوا مــريم وعـوشه من عــنده واهـــني عاد انســــــابت دموعه ماقــدر يحبسها اكثـر عن جيــه..كيـــف جيــه..كيـــف مخطـــوبه!!!..وانا صــابر كــل هالمــده عســب اخلص وايي اخطــبها على طــــول..ليــــش وافقـــــوا لييييش!!..ااااه يــاقلــبي..ااااه..وتم على هالحــــاله ليـن ماســـمع اذان الفــــير..انصــدم يـوم شاف انه هــو يالس ليــن هالوقــت..نــش وتيــدد وصــلى الفير وعقـبها حـط راسه على امــل انه يــرقد بس مــــب قادر..كـــلام عــــوشه يتردد في ذهــنه ومب قــادر يـــنساااه..وحـــاس بألم فضييع في قـــلبه..صــــدمه كـــــبيره بالنســباله ابــدا مااتوقعهـــــا..!!!
.
.
.
اليــوم الثــاني..الكــــل انشـــغل بتجهيــــزات العـــرس..عوشه وحمده واميــره ســاروا الفــندق ويــا مـــريم يتزهبون اهناك لاان بتيهم حــرمه اتسويلهم شعورهم ووحده ثانيه حق المكيــاج وكــلهم كانوا مستـــانسين في هاللحظــه..
.
.
**العـــرس**
عـــند الريـــــايييل ..الكــــــل مــرتبش وشـــالنهم الهـــوى..حـــتى حمـــد من فــــرحته بهالليله مارام يتم واقف..ســار ورزف عـــن خاطره..راشـــد كــان فرحـــان وااااايـــد لاخـــــته وحمـــد مســتغرب من تعامل راشـد وياه..يعني راشــد من عادته انه نادر مايســولف ويضــحك ويــا حمد بس يشــوفه اليــوم غييير..يســـولف ويتمصــخر ويـــاه وكــل شــوي يوصيــها عـــلى مـريم حتى ابــوها ماوصــى عليها هالكـــثر...!!..جـــــاسم في هالليــــله الابتســـامه بالزور يبتســمها.. الكــل مســتانس ومــرتبــش الا هــــو واقف مكـــانه ومبيــن عـــليه الحـــزن..فــواز ربيــعه كــان ياااي وخــبره الســالفه وانصــــدم وايد من هالشــي لاانه هــو الوحيــد اللي يــعرف كيــف جاسم كان متحمس انه يــخطبها يــوم بيــرد ..وتم يــخفف عــنه بس مـــاشي فايده..يــا صــوبه حــارب اللي اســتغرب يوم شــاف جاسم واتـــوايهـــوا..
حــارب: جسووووم انت متـــى راد؟؟؟
جــاسم: قـــبل امـــس
حارب: زيــــن الحمدالله عالســلامه عيل افتكيييت هااا..
جاسم: الله يسلمــك..هي والله افتكيييت..انت شخبارك شو دنياك؟
حارب: والله الحمدالله عـــايشيين..شــكلك مااتعــرف انــــي بناسبكم..
جــاسم: بتنـــاسبنا؟؟!!!!
حــارب: هههه هيـــه ان شـــاء الله..
تـــم فتــره ساكــت عنه جــاسم ويفكـــر ليـــن مافهــم الســالفه وقــدر يربط خطوبه حمــده بكــلاام حــــارب..وتحــولت نظــــراته له الـــى نظـــرات احتقــــار وشـــــر انصــدم منه حـــارب..
حــارب: جاسم اشفييك؟؟
جـاسم: انتـــــــــه؟!!!!
حارب: شــــو اللي انا؟!!!
جــاسم في هاللحـــظه مـــاعــرف شـــو يســـوي خلااص حاس انه قــلبه يتقـــطع ..اول صــدمه خطــوبة حمــده والصــدمه الثــانيه انه حــارب ربيعه هــو اللي يبــا يــاخذها منه..حقـــد عـــليه جــاسم وهــويشـــوفه واقف جدامه..بس مــابيـــن له هالــــشي وابتســم في ويهه غــصبن عــــنه ..لاانه خــلااص مابيـده شــي يــسويه..
جاسم: مبروك مبروك حارب..سوري بس لااني مااستوعبت الخـبر..انا قالولي عن الخطوبه بس ماكنت ادري انه انته..
حارب: هههه الله يــبارك فييك..
.
.
مــــريم في هالليـــله كـــــانت احـــلى عـــروس..من دشـــت الكــل انبهـــر في جــــمالها ..متغيــــره وااايد عن قـــبل..حــركه الرسم البسيــط اللي نازل من عيــونها محــلتنها وااايد..عـــايشه كانت يــايه العرس ويــالسه على اخر طـاوله وكانت ..مــريم اصـرت عــليها اتــي..هي قالتلها اتي الليله الاولـى بعد بس مارامــت..كــل شوي تدمع عيــونها وهي تشـــوفها..كـــانت تتمـــنى تكون يـــمها في هالليـــــله..في كــل خطوه كانت تخطيــها صوب الكــوشه تقــرا عــليها في قــلبها وتــدعي ان الله يــحفظها من كــــل شـــر..

اميــره كــانت يــالسه عــند مريم عالكوشه وسـارت عوشه عــندهم..
عوشه: مريووووم اقرصيني..
مريم: ههههه ليــش اقرصج!!!
عوشه: عســب اعرس بسرعه يالله اقرصيني..
اميره: ههههههه الله يــخس ابليسج..شــو رايــج في قرصــتي انا؟!!
عوشه: حشااا..انتي يوم عرسج ماقــرصتيني..انتي جـــلعتي جــلدي..وجان زيـــن يــاب نتيجه عاااد...
اميــره: ههههههه,,انا بقولج شـو تسـوين..اي عيـوز تشوفينها سيري حـبي راسها..اشدراج يمــكن وحده يايه تشوف عروس حق ولــدها..
عوشه: ههههه اييه اسكــــتي بسويها تراني..
مريم: هههه هي والله عادي اتســويها هاي في سبيل الزواج..
اميـره: ههههه لاا بس انا حاسه انه بيخطــبونها..محــلوه وااااايد عوشووه..ويــاهالبــرتقالي..يالبرتقـــاله عــذبتي حاله ههههه
عوشه: ههههه وينه وينه اللي بعــذب حاله ..
اميره: ههههه بيي بي ان شاء الله..
مريم: هههه حمدووه ويــنها عيل؟؟؟
عوشه: حمدوووه خلااص الحيــن خقاقه مستــويه يالسه عند اخت ريــلها مــاتســولي ســالفه..حليلها هالبــنت احس طــفرانه من حمدووه وايد ترمس اففف..
اميره: ههههه هي عاد حمدووه اذا رمست منو بيسـكتها..
عوشه: ايوااااا..عـــاشوا..يالله يالله عن اذنكم انا سايره ارقـص..
مريم: ههههه سيــــري..
اميره: مريوووم هديني بنش بنش..
مريم: هههه ويــن تنشيــن انتي ويا هالكـــرشه..
اميره: ماعلييييه ..بيييج الدووور..
مريم: هههه..
ايــون ربيــعات مــريم يسلمون عــليها..فتنزل اميــره من عندها ..شــوي ويتصــل فيها راشـد ويقول انه حمـد بيدخــل..

يتغطــون كلهم واتسيــر هي عــند مـريم عشان اتسـاعدها في الوقفــه وعقــبها تنــزل من عــندها ويــدخل حمد ووياه ابوه وعمه وجــاسم..حمــد كــان مـــبين عــليه انه فـــرحان ..لو الود وده جــان ركــض لين الكوشه عشــان يوصل بسرعه يحــس انه المسـافه وايد طــويله ماياس يوصل بســرعه..وصــل الكوشه واتخــــــبل على جمـــــالها اليــــوم ..حـــبها على راســها ووقــف عندها..سـلم عليهم جــاسم ونــزل بسرعه لاانه حــاس بضيـج ..وهــو نازل طــاحت عيونه على حمـــده واهــني اتعــذب زيــاده والدمعــه محبوسه في عيــــونه..شـال عيونه وطـلع بســرعه ..وشــــي في بـــاله يـــبا يســويه لاان اذا تــم جيييه بيتعــذب اكثــر..بو حمد وبو راشـد سـلموا عليهم ونثـروا وعقبها نــزلوا..مــريم منصـــدمه لاانها مــاشافت راشـــد..!!
مـريم: حمــــــــد!!
حمــد: عيـــوون حمـــد..
مريم: حمــــد ويـــن راشــــد؟!!!
حمــد: ماادريبه..طــلع من العــرس ماادري وين سـار..
مريم: كيــف يعني ماتدري ويـــن ســــار؟!!!!..ماسئــلتوه مااتصـــلتوله؟!!
حمــد: محد كان فاضــي..
مــريم شــويه وبتصيــح: يا برووووودكم..كانت تبــا اميره اتشــوفها عشان اتأشر لها واتقول تتصل فييه..بس اميــره مـاياسه اتشــوف..وحمــد في خــاطره يــبا ينقــع من الضــحك لاانه عارف ويــن راشــد بس ما يبــا يقولها ويخرب المفــاجئـــه..
فجــــأه انتبــــهت مــريم لصــوت راشــــد من ورا الحــــاجز عـــند الفــــرقه..
راشــد: مســــاكم الله بالخيـــر,,..(الكـــل اتفاجأ من ســـمع صــــوته..)..اول شــي حــاب اهــني اخــــتي الغــــاليه العــزيزه عــلى قـــلبي مــــريم وحمـــــد بهالمنــــاسبه..وثاني شــي حاب اهــديلهــم هالقصيــــده..اهــديلهم من كــل قــلبي واتمـــنى يــعيبهم..(كــلهم ســـكتـــوا في هاللحظــه ويتريــون القصيــده..)..

القمر منور في السما..ماخذ نوره من مريم عروسنا

وهذي فرحة العمر المسا...زانها حمد الاصيل بدارنا

وتكمل الفرحه بحضوركم ويا هلا....وياحي من اقبل ويا مرحبا

يافرحة هلي بمن لفانا...وارسمي البسمة بشفهنا

يانجوم الليل المعي وضوينا...وارسلي سناها بنور كل من زارنا

وســـــلامتكم..

((من تأليف همــس الليــــالي ..اشكـــرها من قـــــلبي ^_^))..

اســــتانست مـــريم من الخـــاطر ومن الفــرحه دمعــت عيــونها..واول ماخــلص راشــد كلامه سمع الكــل يصفق..استانس على هالشــي واتحمــس حق المفاجــئه الثــانيه ..اتفق ويــا الفــرقه يدقــون له الاغــنيه اللي بيــول عــليها..وعقــبها دش القــــاعه وهـــــو ايـــــول والعيـــــون كـــــلها عــــــليه..عاد البـــــنات اتخــــبلن عـــليــه وعــلى يـــولته..نــوره كانت يــالسه عــند اميــره اللي اصــرت على نوره اتي.. حست نوره بشـي ينغـزها في قـلبها يوم سمعــت صوته وتشوفه وهو ايـول..اما اميره لااحــظت عيــون البــنات كيف كــانت مصوبه صــوبه وحســت بغصه وغيره في داخــلها وحســت انه هــو متعمــد يسوي جيــه عسب يــعذبها اكثــر..صــعد عالكـــوشه وتم ايـــول جــدام حمد ومـــريم..مـــــريم مستـــانسه وااااااايد وحمـــد من فرحته في خــاطره يـــنش ايــول ويـــاه بس المشكــله مايــروم..نـــزل راشـــد من الكــــوشه ولحــظتها خـــلصت الاغــنيه وحـــس باحراج يوم سـمع الكل يصفق..تم يـــدور بعيـــونه عالطــاولاات ليـــن ماشــافها..انصـــدمت اميــــره يوم شـــافته يـأشـــر عليها اتـــي صـــوبه..نشـــت من مكــانها وســارت عــــنده ابتســم لها وردت له الابتســامه وهي ليــن الحيــن منصــدمه من هالتغيير..قبــض ايــدها وســار ويــاها فوق عالكــوشه ..ســلم راشـــد على مــريم اللي مــارامت تحــبس دموعها وهــي في حضــن راشـــد وتمــت اتصيــح..حــبها راشــد على راســها ..وعقب سـارت اميــره صوبـها..
امــيره: مريووم فديتج لا تصيحين مب حلوه الكـل يتطــالع..طلعت اميـره كلينكس وتمت تمسح دموعها وعقبها سـلمت عليها ..وراشـد سار سلم على حمد وعقب اميـره سلمت عــليه..اتصــوروا راشــد واميــره ويــاهم وعقــبها نــزلوا..وكـــل البــنات تموا يقولون في خـاطرهم يابخــت اميره فييه..ونـــوره مااتعــرف شــو اللي خلااها تدمع بس حمـدت ربها انه راشــد زين ويـــااميـــره..
.
.

الجزء الثامن عشر

الفصل الاول

في هالليـــلة حمـد كـان حـاجز غـرفة في الفـندق بيبـاتون فيها هو ومـريم وبـاجر بيردون لبيـتهم وفي الاسبوع الياي مقررين انهم يجهـزون حق سـفرتهم الــــى استــراليــا الي بتكـون في نهـاية الاسبوع الياي يعني عقب مـلجة حمـدة بيـوم ان شــاء الله..خـلوهم كـلهم بعد ماسلموا عـليهم وبـاركوا لهـم.. في هالوقــت كانوا راشــد وأميــرة في السيـارة راديـن البيــت..راشــد طـول الدرب وهـو يسـولف ويضحـك ويـا أميــرة ولا جـنة شـي صاير من بينهم..واميــــرة مستغــربة وايد من تعـامله وهـي تحاول تاخذ وتعطـي وياه بس مب رايمــة اترمسه شرات قـبل..ليــن الحين ماخذه في خاطرها وفيـــها غصــــة من الطـــريج الي هو ماشي فيه ومن الي سواه فيها..مستحيــل بتصـرفاته هـاي تقـدر تنســـى..بس في نفس الوقـت اتقـول في خـاطرها ان شـــاء الله يتم متغيـــر جيه على طــــول..وعســبت هالتغيــير فكــرت اترد اترمسـه مرة ثـانيه انه يــودر سـوالفه..وعـندها احسـاس انه هــو يبا يودر من طـريقة كـلامه ويــاها وسـوالفه..عسـب جيـه اتشجعت ترمسه بس بنفس الوقت مـترددة..وصـلوا البيت ودشـوا داخــل..وأميـــرة في خـاطرها الكلام وتبا اتقوله بس مب عارفة كيــف تبدأ خـايفة ومتـرددة..دشــوا الحجـرة وأميــره اول شـي سوته فصخـت الشيلة والعبـاة ويـلست عالكنبـة اتـريح لاانها حـاسه بعوار في ظـهرها..
راشـد وقف مجـابلنها وهـو يطـالعها ورافع واحد من حيــّاته..: غـريبــة ..ماسئـلتيني شـو رايــك فيني اليــوم؟!!..
استــغربت أميـــرة من سـؤاله: لااني اعـرفك شـو بتقــولي..خســـفة
راشـد وهو يغمـز لها: هههه لاا بالعكــس اليوم مســكته..
أميــرة: واللــــــــــــــــه؟!!!
راشـد وهـو يطـالع بطــنها ويبتسم: هييه.. اقول.. انتي في الشهر السادس الحين صح؟
أميـرة وهي مبتسمه تنزل راسـها واتحط ايدها على بطـنها: هييه ,,اشدراك؟
راشـد: ههه تراني حـــاسب من اليوم الي عرفت فيه انج حامل لين الحيـن..امم يعني باقـي ثلاث شهور
اميـره: مستعيــل؟
راشـد: وااااايد..امم,,ما سـئلتي اذا بنت والا ولـد؟
أميـره: ههه مـاسئلت هم خبروني بس لا تحاول مابقولك..
راشـد: انا روحـي ماابغــي أعــرف..احـلى يــوم مفاجأة..
أميـرة: هي وانا بعـد اقول جيـه احــلى..بس عاد انا اتعرفـني فيه فضووول..
راشـد: هي عاد الحريم معروفات ..كـــل شي يبـــون يعــرفونه مــافيهـن صــبر مووليه..
أميـرة: هههه بطـــــوفها هالمــــرة..
راشـــد: ههه اووه من زمااان ماســمعتها..
اميـرة: راشـــــد..
راشــد: عــــــونج
أميـرة وهي تنش من مكانها وتوقف عنده وبعد تردد قررت انها اتطلع الي في خاطرها : امممم راشــد,, انا قــلته قــبل وبرد اقــوله.. هالمــرة انا أترجاك يا راشد..دخيـلك ابغيــك تودر السهرات والشــرب عـــنك ترى والله الطريج الي ماشي فيه غـلط ويضـرك..دخيـلك يا راشـد اسمع كـلامي هالمــرة و خلنا انعيش ويـا بعـض متفاهميـن ومستانسين ومايكون بيـنا اي اخــلااف..انت مااتعرف كيف بعـدي عنك الايـام الي طـافت كان مضـايجني..عشان خـاطري يا راشـد وعشان خاطر الياهل الي ياي بالطريج..
اتغيــــر شكــــل راشـد بعد الكــلام الي ســمعه وهـو يطـالعها بعصــبية: اوهوووو,,رديـــــنا!!..انا شـــو قلتلج؟!!..ما قلتلج انه هــاي خصـوصيـاتي ومااحب حد يدخـل فيهم!..انتي شـــو ماتفهــــمين؟!!.
أميــرة: راشـــــد والله حــرام عـــــليك انا اتعــذب من الداخــل خلااااص كم بتحمــــل!
راشـد وهــو معصب ومقهور : اووه..انتــــي محد يـــعطيج ويــــه..خــلااص عاد كم مره بيلس اقولج ماابغيج اترمســيني عـــن هالشــي ..انتي مايخصـــج في الي انا اســـويه..انا حـــــــر كم مره بقولج يعني خلااص عاد افـــهمي
أميـــره وهي تذرف دموعها سكتت عنه
في هاللحظه رن تلفون راشد
راشــد: الوو..هلا هلا بو جسووم..والله الحمدالله تمــام اشحالك انته..انا اهـــني في البيـــت..ههههه السهـرة على كيــف كيـــفي!!..خلااص دقـــايق وانا في المزرعة..ههه اوكي الحين بيي ..
ســكر عــنه راشـــد وأميــرة تطــالعه وهي منصــدمه
راشــد: انا طـــالع..
أميــرة من الغصــة تصـارخ: تطـــــــلع ويـــــن اتسير هالوقــــــت!!!!!
راشـــد: اعتقــــد سمعــــتيني وانا اقــــول المـــزرعة
أميــرة وهي تصيــح : حــــــــرام عليييييك!!..وتبـــا اتخليني انام بـــروحي!!
راشــد: وليـــش ماتناميـــن بروحج!!!..غاديـــة حــرمة الحين استحـــي عـــويهج تخــافين وجــنج يـــاهل...
يمشـي راشــد جـدا البــاب ويطــلع من عــندها وهــــي تصيــح من الخــاطر ..آه خـــــايس..حقيييييير..عمـــــره مابيتغيـــر هذا..انا غبـــية يوم فكــرت انه يبا يتغير..انســــان مــاعنده ضميــر ما يحـــس..يــباني اسولف ويــاه وارمســه عادي وهـــو يســوي الي يبيــــه..ايـــهبي والله..آه آه..اكـــرهك راشــــد اكـــــــــرهك..هالكــلام طــالع من قــلبها من الغصــة الي فيها..شـلت تــلفونها ودقت على رقـم حمـدة تبا تسألها اذا عـوشه بايته عندها والا ..لاانه تبــاها اتي عندها اليــوم..
حمـدة: هــــلا والله..
أميـرة: أهـــلين..شو تسوين؟
حمـدة: مـــاشي والله يــالسه ويــا عوشوووه ..انتوا توكم وصـلتوا البيت؟
اميره: هي من شـوي..يعني عوشوه بتبـات عندج؟!
حمـده: هـــــيه..ليـــش؟!!
أميــره: ماشي خلااص يالله باي
حمــدة: لحـــــــــظه!!..قولييلي ليــش تبين عوشووه..
عــوشه: شــو تبا مــرت اخوي عطيني التلفون..
حمـدة: يالله يالله منـــاك ..اميرووه قوليلي شو تبين منها؟
أميــرة: اوهوووو ماابي شـــي خلااص يـــالله باااااي..وسكـرت التلفون ..وتمـــت اتصيـــح بحــــرقة..
حمــدة: خيــبه!..بلااها محــرجة هـــاي؟!!!
عــوشه: جـــيه شــــو قـــــالتلج؟!!..
حمــدة: مــــاشي سكــرت التلفون عـــويهي..
عوشه: ههههههههه انتي تستاااهلييين..ماقالتلج شو تبـــا مني؟؟
حمدة: هيهيهي ويا راسج لاا ماقالتلي..بس سـئلتني اذا بتباتين عندي والا
عوشة: انزين عطيني تلفونج بدقـــلها بشـوف شو تبغي..
حمـدة: لو تبـا شـي كانت بتقوول يالله يالله انخــمدي..
عوشه: ان شاء الله بترقـــدين الحيـــــن؟!!!
حمــدة: هـــا عيل شو بنـــسوي؟!!
عوشــة: بنـــــرمس..بنســولف..الحين انا ياية عندج اليـوم مضــايجة واباج اتخففين عني وانتي تبين ترقـــدين!
حمـــدة: شـــو فيج انتي؟!!!
عوشه بحـــزن: حمدوووه والله فراق مريوووم صـــعب..
حمـدة: جي مريوم ويــن بتــكون؟!!..بتــكون اهني وتقـدرين اتينها بأي وقــت..
عوشـة: امم لا أطــري يوم بيســافرون..
حمـدة: هــي صــدقج والله يوم بيـسافرون مب شــي..
عوشه: لاا امــــي انتي مــايهــمج عقــب بيكون عــندج حــروبج..انا حــليلي الي مــاعندي حد..
حمـدة: حــــروبي!!!..ههههه احم,,جان اســــتحي..عـــندج جــاسم تــرى خــلااص يــالس عندج عـلى طوول..ههه اســتغليييه ..
عوشـة: وانا هــذا الي مخـفف عني اشـويه انه جـاسم بييلس عنا على طول..
حمـدة: انزين يالله عوشووه انا فييه ارقـــاد تعبــانة ناشه من صـباح الله خير اليـوم..يالله بنـرقد..
عوشه: انــزين انا بعــد بس مافيه ارقــاد..قومي خل انشوف التلفزيون يمكن حاطين شي حلوو..
حمده: متفيـــــــــجة انتي!!..اقولها فيني ارقاد اتقولي انشوف التلفزيون..
عوشه: افففف ما منج فايدة انتي..هاتي هاتي لااب توبج خل ادش النت.. وانتي انخــــمدي ..
حمــدة: اتــدشيـن النت شـــو تســـوين هالوقت؟؟؟
عــوشه: بشــــوف الردوود عالقصـــه..
حمــدة: هههههههههه ترى انتي وايـد مصــدقة عمرج ويـــا هالقصــة الفــاشلة الي تكتبينها..
عوشه: حـــبيبتي اذا كــانت فاشــلة ماكنت بشــوف هالكثر ردود ولا كــنت بشوفج متخــبله عــليها ولا كانت بتوصلــي رســايل خاصه من البنات يبن يتعرفن علي ..احــــم..
حمـدة: هههههههه..ماعندهن سـالفة والله..يمكن وحده والا هنتين طرشن لها وهي مصــدقة عمرها..ايجاملونج يا حظـــي وانا بعد شــراتهم..
عوشه: جــب جـــب انــزين ..اتــريي عــلي بس ان ماألفت فيــج قصــه انتي وحرووووبج هذا وخليت نهــايتكم تعييييسة..
حمده: هههه ايييه اســتحي يـــوم اسمــع اسمــه..فال الله ولا فـالج ويـــا هالويه..ليش ماتكتبين قصـتج انتي ويا نصووووور عشان تكون عبره للغيـــر..
عـــوشه من ســمعت هالاســـــم الي تكــرهه تمت تطــالع يميــن ويســار تبــغي شــي تفلع فيــه حمــدة..وحمـدة من شــافتها جــيه انســدحت على طــول وغطــت عمرها باللحــاف وهي تضـحك..
شــلت عوشــه مخــده وفــرتها عــــليها..
عوشه: مـــــااحبـــــج انزييييييين..انا كــم مره قــــلتلج لا اتيبييين طاري هالانســــان خلااااااااص ابغي انسااااه افففففف..
حمدة: هههههههههه انزيييين ماقلت شـــي غــلط انا ..
عـوشه: سخيييييييفه والله...انصــدمت حمــدة وهــي تشوف دموعها نــــازلة..نشت من مكــانها على طــول و سارت قعدت حذالهاا..
حمـدة بنــبرة حـزينة: عوشوووه فــديتج اشفيج شــو يـــاج؟؟!!
عوشــة: انتــي مااتعــرفين شــو يســتوي فيني يـــوم تذكــريني فيـــه..اتذكــر كل الي اسـتوالي بســبته..عمـــري ما بنســى الي صـــارلي..شي عمــري مااتوقعـــته يستويلي ..حمدووه انا كــنت بروح فيها اتعــرفين..تخــيلي لـــو مــاكنت مخــبرة حــد..اتخيــلي لو كـنت طـالعه ويـاه مرة ثــانيه
حمــدة: انتي الحيـــن لا تيلسين اتقــولين لــو ولـــو..انتي قــولي الحمدالله انها يــت على جيـــه..فــديتج والله انا آســفه..بس والله قصــدي اســولف ويـــاج..
عوشـة: ســــوالفج شــرات ويــهج انـــزين..
حمــدة: فـــديت الي الزعـــلانين انا
عــوشه وهي تصــد عــنها: لاا تحــاولين ما بــرضــى..
حمـدة: سيييييري لاااا انا روحي فيــه رقــــاد مب متفيــجه ايلس اتـــرجاج..يالله يالله تصبحين على خيــر..
عـوشه: اففففف,,انـــزين انا شــو اســـوي مافيه ارقــاد..
حمــدة: والله عاد هــاي مشــكلتج هب مشــكلتي انا..
عـوشه: انزييين سيري ييبيلي الاب توب
حمـدة: والله عندج ريلين وعندج ايدين سيري خذي محطـاي اهناكي..
عوشه: امممم خــلااص هــونت بــرقد..
حمـدة: هههه ليش غيرتي رايــج؟!!
عوشه: ويــا هالويـــه..اخــاف ايلس بروحي..
حمدة: ههههه اتخافين من شو؟!!..من قــوم بو حـــرفين الي مايطـلعون الا فليل.!!! ههه
عوشه:ههههه اونج تشفرين.. ويييي بسم الله الرحمن الرحيم..خسج الله حمدووه اســـكتي لا اتيبين طاريهم..
حمـدة: ههههه يالخــوافه..
عوشه: طــــــاعو امنو الي يــــرمــس؟!! سكــتي سكتي انتي أكــبر خوافــة
حمـدة: انزين انا اكبـر خـوافة..ممكن ارقد الحيــن؟!!
عوشه: اففف ارقــدي..وانا بـعد بحاول ارقد
حمدة: عادي اشوفج راقــده قـبلي
عوشه: هههههه عادي اتوقعــي هالشــي..
حمــدة: هي ادري فيــــج..
عوشه: ههههه
.........................
اليـوم الثـاني ,, نــش جـاسم من الرقــاد من وقــت مع انه راقـد متأخر البارحه ..حـاول يــرقد بس مايـاله ارقــاد من التفكيــر..يفكــر في نفــسه وفي الي اســتواله..كـان مســافر بـرع وهـو متهــني وباله مــرتاح كــل الي كان يفكــر فيه دراســته وبــس..رد وهـو ناجح والحمدالله بس مـاحس بطـعم هالنجـاح ولا اتهـنى فيه مع انه الكل فرحان فيه..كان اهـناك وهو ضـامن انه حمـدة تكــون من نصيــبه وعـباله انه اهـله بعد حاطين في بالهم هالشـي لاانه هــو ولد عمهــا..شـرات ماحيـروا اميره حق راشــد..مـا يــا عبـــاله ولا اتــوقع في لحــظه انه بيـرد وبيلقـاها مخطــوبه لغيــره..والمشكـــله انه الي خـاطبنها هــو ربيعــه وهذا الي معذبنه زود..نـش من مكانه وسـار يتسبح وعقبها طلع من حجـرته ونـزل الصـاله ولقـى امــه يــالسه روحها..شــاف انه هذا انسـب وقـت يـقدر يـرمسها عن الي ناوي يسـويه..سـار صوبها وحبـها على راسـها ويـلس عـندها..
فاطـمة: اشفيــك فــديتك شــكلك تعــبان؟؟
جـاسم: لا امـي مافيني شـي..بس راسي يعـورني..
فاطـمة: فـــديتك والله الحيـن بسير اييبلك الريوق وعقبها خذلك حبتين بندول..
جـاسم: لاا لاا ماابغي شــي مب مشـتهي آكـل..عادي امي عـوار خفيف وبيخـوز عقب..ابوي ويـنه؟
فاطـمة: ابـوك سـار العــزبة..
ســكت جــاسم فــترة وعقب قرر انه يرمس..
جـاسم: امــــي..
فاطــمه: خيـــر فــديتك..
جــاسم: بســـافر..
فاطمة وهي تطــالعه بصــدمه: شوووووووه!!..بتســــافر؟!!..تســـافر ويـــن تروح بعــد؟!!..انت امسات راد لـي وبعــد تبــا اتروح عــني!!
جـاسم يــنزل راســه وبحــزن: أمــي غصــبن عــني..
فـاطمة: شقـــايل بعــد غصـــــبن عنــــك؟!!!
جــاسم: انا هــب قادر اتــم في البــلااد هالفتــرة مــب قادر ابغي اسافر ..
فاطـمة: معقــوله يــا جاسم معقــولـه ماحــنيت لبــلاادك ولا حـــنيت لااهـــلك يا يما؟!!..
جـاسم: آه ياامــي الله يعــلم اشــكثر متـوله عــليكم وعلى هالارض الطيــبه بس والله ياامي هب قـادر يمكن اذا قلتلج السالفة بتحسيـن فيه..
فاطـمة: شو الســالفه فــديتك شــو فيــك حد مضيــج بك؟؟!!..
جـاسم: لاا امـي اسمـعي......وقـال لها جــاسم انه كان حاط حمدة في باله ويوم رد لقاها مخطوبة ..وهو يرمس بكـل ما يـخفيه من مشــاعر الحزن الي في قلبه, غصبن عنه نزلت دموعه وهو يـرمس ما قــدرايود عمره..آه..ليــش امــي..ليــش محد رمــس ؟!!..محــد قال ان ولــد عمها اولـى فيها ليييش؟!!
فـاطمة والدموع في عيونها ومنصـدمه: ونحن شــو عرفــــنا انك حـاط عينك عليها يا امي جــان خـــبرتني انا جان رمســـت وقلت اباها والا الحين انا من زمان خاطبتنها لك..
جاسم: امـــي اقولج ماكــنت متوقع اني برد وبلقــاها مخطووبه..قلت في خاطري بسكــت لين مااتخرج وعقب برمسكم..(يتنهد)..امـايه خــلااص الي صار صار ..
فاطمة: ما علييه فــديتك الله ماكتبلك نصيب فيها..انا من اليــوم ان شاء الله بـدورلك عـــلى بــنت الحلال الي اتنــاسبك..
جاسم: اميييييييي!!!..ماابغـــي حد انا ..ابغـــي اسافر..
فاطمة: لاا يــاجاســـــم ســفر مابتسافر انا من الحينه اقــولك..وشـيــل هالفكــرة من راسـك...عيل تبا اتســافر عسبت خطوبة بنت عمك؟!!
جاسم: دخييلج افهميييني..بنت عمي هاي انا مب من سنه والا سنتين حاطنها في بــاااالي..من زمااااان ياامي..شقايـل تبيني اتحمـــل اكون من بينهم وهــم يملجووون..مااقدر والله مااقدر..
فاطمـة: مب لاازم اتكــون من بينهم..خلك في البلاد سيـــر اي مكــان تباه بس ســفر لاااا..
جاسم: امـــي مااقدر اتم في البـــلااد صــدقيني ..
فاطــمة نزلت راســها وهي تذرف دموعها ..تقرب منها جـاسم ولوى على جتفها وحبها على راســها..: والله يــــاامي غصــبن عـــني..
فاطمـة: يا ولــدي انا ماصـدقت رديت لي بالسلامه وماوحالي افـرح بنجاحك وتبا اتروح عني مره ثانيه؟!!!
جاسم: صــدقيني فديتج انا هــب مطول..فتــرة قصيــرة عالاقــل بس عشـان يخف الضيـج عــني وبــرد لكم لااني اعرف عمـري مااتحمل فـراقكم..
فاطمة تتنهــد: ووين تبــا تروح؟؟
جاسم: بروح الكويت ويا ربيعي الكويتي الاسبوع الياي اذا الله اراد..
فاطمــة: الكويـــــت!!!
جاسم: هي امــي..
فاطمة: والله زيـــن مااخترت يـــاجــاسم..انا من متى وخــاطري حد يروح لهالمكـــان..يعني بتشــوف خالتك وعيــالها ان شاء الله..
جاسم: هي ان شاء الله امي انا فكـرت فيها بعد..بس كيف بعرف مكانهم؟
فاطـمة: انا بتصل في خالتك وبييبلك العـنوان..والله كــنت احلم باليـوم الي تشوفون فيه خالتكم وعيالها دام اني انا محرومة من شوفتها طول حيــاتي..واخيــرا بتحقق حـلمي يا جاسم..
جاسم: ان شاء الله بتشوفينهم ياامي لا تقولين محرومة..وانا قلتلج برمس الوالد بس انتي هب راضيـة..
فاطمة: لااا جاسم ومستحيــل ارضـى طول ماانا عايشه..بس انت ناسي انه ابوك مستحيل يرضـى تسيــر الكويــــت!..يمكن رضــى انك تســافر وانت توك راد بس اتسيــر الكويــت هذا الي من سابع المستحيلاات عند ابوك!!..
جاسم: امــي ما عليج انتي انا بقنعه..بس لاا اتيبين له طــاري الســفرة الحيــن..ماابغي اي حد يعــرف عنها خصوصا ابــويه وعووشه..
فاطــمه: الي اتشــوفه ياامــي..والله يــحفظك ويخــليك لي يـــاجاسم ويوفقــك في كــل خطوة تخطيــها يـــارب..
جــاسم: آميـــــن..

أميــرة طــول الليل وهي تتجــلب مـايـالها ارقــاد من القهــر والضيــج الي اتحــس فيه.. تصيـح وهي تتعــذب من الداخل وخصوصا انها عـارفه بالي يســويه راشــد في هاللحظات..اتمــنت انها ماتكون عــارفه ولا شي من الي يسـويه يـمكن هالشي كان بيخليها ترتاح..تمت على هالحاله ليـن مااذن الفير..نشت من مكانها وصلت الفيروعقبها غفـت من دون لا تحــس..لكـن ماطــولت..ماوحــالها ترقـد الا واتحــس بــدخلته عليها الحجــرة وهـــو رايــح فيهـــا..مااتحمــلت اتشــوف هالمنظــر ..قــامت بتطلع من الحجــرة..وهي ماشية جدى البـاب ماحسـت الا بايـد تقبض ايــدها من ورا وتســحبها صـــوبه بكــل حقــارة وهو يطــالعها بخــبث ويبتســـم مب حاس بعمــره..ســحبت اميــره ايــدها بالقــو وهي تربع برع الحجــرة وصكت البـاب وراها وهــي متـــروعه واتصيــح نزلت تحـت ويــلست في الصـاله وتمــت يـالسه اهــناك على هالحــال..اتسـاندت عالكنبه وغمضت عيونها ونامت من التعب والضيج بس نشـت بسـرعة لاانه المكان مب مريح..شافت الساعه الحين 9 ونص الصبح وهي لازالت اتحس بتعــب..خلااص مب رايمه تستحمل اكثـر..مب طــايقة اتم اهـني حـاسه بخــنقة....سارت صوب التلفون واتصـلت بيت ابـوها..وامها الي ردت..
شيخـة: هلا فديتج جيف حالج؟
اميره: الحمدالله امي شحالج انتي
شيـخه: تمام ربي يسـلمج..ياامي شو مقومنج من صباح الله خير
اميرة: شو اسـوي مايالي رقاد..امي ابغي اييكم البيــت..قولي حق ابـويه ايمر عليه..
شيخه: ابوج محد ساير العزبة ويا عمج..راشـد وينه؟
اميرة: راقــد..انزين طرشي الدريول امي دخيلج ماابغي ايلس في هالبيـــت..
شيخـة: ليش امــي شو فييه بيتكم؟؟!!
اميرة: مافييه شي بس انا ملييت ابغي اطلع..
شيخة: خلااص فـديتج الحين بطرش الدريول صوبكم..
اميرة: تسلمين امايه..مع السلامه
شيخه: ربي يحــفظج..
صعدت اميره فـوق ودشـت الحجرة وهي تشـوف راشــد باحتقار وهـو راقـد..اتزهـبت ولبست شيلتها وعبايتها ونـزلت تحت وطـلعت بــرع..وهي في الحــوي شـافت جــاسم سـاير صوب مـوتره..نادت عــليه....
جاسم وهو سـاير صوبها ومبتسم: هلا هلا مرت اخوي
أميـرة: اهليين,,شحالك جاسم؟
جاسم: الحمدالله بخير اشحالج انتي
اميره: بخير الحمدالله..شكلك بتظـهر
جاسم: هي تامرينا بشـي..
اميره: اذا ماعليك كلافة بغيتك اتوصلني بيت ابويه..انا اتصلت في امي عشان اتطرشلي الدريول بس شكـله بيتأخر
جاسم ارتـبك في هاللحظـه: هااا اوكي اوكي بوصلج ما عليه..بس يبالج تتريين لين مااسخن السيارة
اميره: اوكي مب مشكله سير انته سخن السيارة وانا بلحقك..لااني ناسية موبايلي فوق وبسير اييبه..
جاسم اهـــني بس ارتاح وابتسم براحة: اووووكيي..
سارت عنه اميرة وسـار هو صـوب مـوترة على طول وشغـله ..اول ماركــب.. حمد ربـه يوم لقـى العطــر في السيـارة..شله وتــم يرشــه عشان اتخـوز الريحـة الي كانت فايحة في السيـارة وكان خايف انه اميـره اتشــمها!!..
وصـلت اميـرة صوب السيـارة وركـبت ورى..
أميـرة: اللــــــه واايد حــلوة ريحـــة موتــرك..هالريـحة مب غريبة عليه شامتنها مكان
جاسم: هههه هي تراني يايب هالعطر نفسه حق ريلج من هناك..
اميره: هييه وانا اقول مب غريبه علي..انزين جاسم الحمدالله اتخــرجت الحيــنه..شـو ناوي تسـوي؟!
جاسم: قـايل ان شاء الله بقـدم في الاتصـالاات على حسب تخصصي هندسة اتصالاات..
اميرة: هييه زيـــن تسـوي..ومــتى ناوي اتكمــل نص دينك..
جاســم وهـو يبتسم بضيـج: لاااا مرت اخـــوي بعده وقــت..
اميــرة: لاااا شووو بعــده وقــت!!..يالله عاد نبــا نفرح فييك
جاسم:..لاااا انا مقرر اول شــي أيــوز سنيـــدة وعقب انا..
اميرة: منو سنيـدة؟!!!
جاسم: هههههه ولدج الي بيشـرف عقب كمن شهر..
اميرة: ههههههه عقب منو هاي الي بتــرضى فيـــك قولي!!..بتنتهي صلاحيتك خلااااص هههه..وبعدين تعال اشدراك انه ولد يمكن بـنت..
جاسم: ههه مب مشكله عادي بتــرياها لين ما تعرس..
اميرة: ههههه اندووكم هذا من صـجه..
جاسم: ههههه لاا لاا اسولف..
اميرة: انــزين قولي مب حاط عينك على حد؟!!..ماتباني ادورلك !!..قولي ترى هاي فــرصتك ..البنت الي بتي من صـوبي مابتحـصل شراتها..
جاسم: هههه اونه..لا ماعليج انا روحي بدور..بسوي سيرج في قوقل..
اميرة: هههههه الله يقطع سوالفك يا جسووم مااتيوز..الحين انا ياسه ارمسك جد وانت تقولي سيرج في قوقل!!!
جاسم: ههههه شو اسوي فيج تراني اقولج بعدني هب مفكر..
اميرة: انزين انت وين ساير وقف بس هذو بيتنا..
جاسم: اووه صـح هذا بيت عمي.ههه شو اسوي من زمان هب يااي نااسي..
اميرة: لا ماااعليه معذور..حيــاك انزل..
جاسم: لاااا بنت عمي بروح امر على ربيعي..
اميـرة: هييه خلااص اوكــي بس تعال فليل يوم بييون المعاريس..
جاسم: هييه ان شاء الله أكيــد بيي..
اميـرة وهـي تفتح البـاب: خلااص جـاسم..اسمحلي تعــبتك ويـــاي..
جاسم: لا افاا عليج..كم مــرت اخــو عــندي انا؟!!..وحــده بــس..
اميـره: هههه تســلم والله..يالله مع السلامه..
جاسم: مع السلامه..
نزلت اميـرة من السيـارة ودشــت داخل وحدرت الصالة وكانت فاضـية مافيها حــد..صـعدت فوق بالدري وشـافت امها يالسه في الصالة الي فوق ,,سارت عندها يلست وياها شـويه وعقبها دشـت حجــرتها وهـــي حددها تعــــبانة ..عقت الشيلة والعباة وانسدحـت عالسرير ..ماحسـت بعمرها الا وهي في ســـابع نومــها..

الظــهر ,,يوســف وحمـدان في هالوقـت كانــوا يحوطون في السيـارة..
حمــدان: لاا يـــــا يـــووسف لااااا..عن تســـمع كــلامه وتســايره ترى هــذا واحــد مااييي من وراه الا المشــاكل دير بالك..
يوسف: جــي شو قالولك اتخــبلت انا؟!!..انا يــوم قـالي شــغلة عبالي الحيـن شــغله محترمة مب هالي يقــول عنه استغفر الله..
حمـدان: هذا معروف في هالســوالف..واحــد خربان ورايح فيها..بس شــوف ترى هذا عـنده وايد اسـاليب يـقدر يقنعك فيــهم..عــن يقـــص عــليك بـــس..!
يوسف: لا حمــدان انت اتعـرفني زين انا واحد خـايف ربي والحمدالله مستحيل ارضـى بالي يقوله لو شو مايسـوي..
حمــدان: هييه جيــه ابغيــك..تربيتي ههههه
يوسف: هههه هي والله تربيــتك..لولااك يـاحمدان ماادري شـو بســوي او شـو كان بيستوي فيــني..جمــايلك عــلي وااايد ومستحيـــل انســاهم..وان شاء الله اذا الله قـدرني بردهم..
حمـدان: افاا عليك يوسف ماسـويت الا الواجــب..انا الله مـارزقــني باخــو وانا اعــتبرك اخــوي قــبل لا تكون ربيــعي..ولا تنــسى انه انت كان لك الفضـل في اني اودر الشـله الي كنت مرابعنهم..
يوسف: ههه بس خـلااص الحيــن بتسيـر الكــليه وبتنسـاني..
حمـدان: لاا والله ماعاش الي ينسـاك....يمكن انشــغل عنك شـويه بس اني انســـاك نوو ويييي..انا وياك وياك لييين مااعرس هههه..
يوسف: ههه ويــا راســك..يعني يوم بتعــرس خلااص بتنســــاني..!!..افااا,, وعشـــرة العمــر الي بيــنا بتبيعها بسهــــوله!!
حمــدان: هههههه اشــدراك يمــكن انت الي تنساني واتبيع العشــرة هب انا..
يوسف: هههه انا؟!!!...لاااااا مستحيييل انســـــى..
حمــدان: ليــــش ان شاءا لله؟!!!
يوسف وهــو يبتسم وملامح الحزن على ويهه: الله يـهديك يا حمـدان الي شـراتي مب مال زواج..الي شـراتي محكوم عليهم يقـعدون فالبيت من دون زواج و بلاا شـغل ولا مشــغله..اتصـدق,,على كثــر ماكـنت فــرحان اني يايب 90 عـلى كثـر مااانا محــبط الحين ومتحسـف على هالتعب الي تعـبته من دون فايدة..
حمـدان: يــوسف انت شو تقـــول!!..المفروض تفتخــر بنفســك انك يـايب هالنسـبة .. يكــفي انك قــدرت تدخل الفــرحة في قــلب انســانه تشتغل وتكــرف علشانكم وعشان تسعدكم وهي امــك يا يوسف..يعــني هي ماتستــاهل هالهــدية!!..وبعدين انت ليـش فاقـد الامل موليــه..اصــبر وان شاء الله الله بيفــرجها..وابشــرك تراني مرمس الوالد يدورلك على شـغل وهو قال بيشوف ..وان شاء الله خير لا تحاتي..
يوسف: تسلم حمدان ما تقصر بس قوله لا يتعب عمــره ولا يضيع وقتـه عالفاضي..انا متأكد انهم مابيقـبلوني..
حمـدان: لاااا يوسف خل املك بالله قـوي..
يوسف: ان شــاء الله خير..
حمـدان: انزين الحين انا مطلعنك اليـوم عشـان تستــانس قولي وين تبانا نسير.؟
يوسف: ههه الله يـهديك حد يــطـلع هالوقـــت..انا احيد الطلعات من عقب صلاة المغرب..
حمـدان: هههه ما عليك انزين انا مب رادنك البيت اليوم لين نص الليل بعد شو تبي؟؟
يوسف: ههه لاا دخيلك ماابغي اخـترب..ردني ردني البيت ههه
حمـدان: هههه تخــترب وانا ويــــاك؟!!..قصوووورك
يوسف: ههه انــزين انت وين سـاير الحيــن
حمـدان: انا ســاير صوب امارات مول عازمنك عالغــدا هنــاك..
يوسف: لااااا حمدان ماله داعي مانبـا نكلف عليك..
حمـدان: هييه اوكي خلااص عيل مب لاازم نسير..وفـرنا
يوسف: ههههه بل..ماصـــدق..!!..سيــر سيــر يالله..ويا راســـك..بعــد عيب عليك ماتعــزمني عالغــدا..
حمـدان: هههه عيل تيلس اتســولي هالحــركات..لاااا وماله داعي ومانبا نكلف عليك..!!
يوسف: هههه ياخي اجاملك انــزين لاازم اول شي جي يقولون عقب انت اتقـولي لاااا افااا علييك لاا بتكــلف عليه ولا شــي انت تستاهل اكثــر..
حمــدان: سييير لاااا هب متفيــج حق هالرسميات انا..
يوسف: هههه اصلا بين الاخوان مافي رسميــات صـــح والا
حمــدان: اكييييييد..بس انته ويــاراسك..
يوسف: هههه خلااص ولا يهــمك مــرة ثـــانيه بخــلي ويهـــي لووح وبعطي كل شي كاش
حمـدان: هيييه جيييه ابغيــــك..لووووح ههه
يوسف: ههههه ويا ويهك..
....................
نشــوا حمــده وعــوشه من الرقـاد وخـبرتهم ام حمد انه اميـره اهني..وأميــرة في هالوقت كـانت بعدها راقــدة..فدشـوا عليها الحجــرة واتقــربــوا منهــا..وهم يـطالعون بعض ويضحكون على شـكلها بصوت خفيف..سـارواالصوب الثاني و يـلسوا حـذالها عالســرير وتمــوا يلعـوزونها..عوشه ميودة خصـله من شعراميرة وتحـركها على خدودها وتحت اذنيها..وحمــدة تزاعــــج.. بطـلت عيــونها بصـعوبـــة وهي تطـالعهـم وعـاقده حيــاتها..
حمـدة: هههههههه يالله يالله قــومي بسج ارقـــاد..عــنبووو كــل هــذا رقــاد!!..
اميـره بصوت خشن ومبحوح: طـلعوا برع خلوني ارقد انا امس موول مب راقـده..
عوشه: ههههههههه ويي بسم الله صوتج يـخوف اميرووه..نشــي نشــي يالله عبالج بعـده وقــت!!..مـاباجي شي ويأذن العصـر..
أميــرة: واللـــــــــــه؟!!...(وهي تنش وتعدل يلسـتها) معقوله انا راقـدة لين الحين!!
حمــدة: هي حبيــبتي راقـدة لين الحيــن..ماادري شو جايسنج اليوم..
اميـرة وهــي تتثــاوب: تعــبانة شــو اســوي..
عوشه: هههه شــكلج بعــدج ماشـبعتي ارقاد..
اميـرة: لا بــس بقوم الحيــن..وانتــو ليـش ماييتوا تقوموني من قـبل.
حمـدة: نحــن رواحــنا تونـا ناشيــــن..
اميـرة: ويـــــا ويــــهج تــوكم ناشيــن ومحتشرين عليه انا..اتحـرا الحيـن من الصـبح واعيـات..
عوشه: تعالي انتي جي يــايه اهـــني ترقــدين؟!!..
اميــرة: لا واللــــه؟!!!..انا جــي يايه والا انتــــي؟!!..والله حاله..البيت بيت ابونا والقوم حاربونا..
عوشه: ههههههههه,,والله بيـــت عمــــي كيــــفي..(وهي تحــرك حواجــبها) وبعدين انا مــاوراي ريــل اودره روحـــه وايي..
اميــرة: انــــزين بنشـــوف الي مابتــودر ريــلها..
حمــدة: ههههه هي هاي عــادي تراها مب شـايفة خيـــر..اخاف الريــال روحه يقولها سيــري بس خـلااص ملييت منج..
عوشه: هيهيهيهي..ســخيفه ماتضحكيين..
أميــرة: بســكم بســكم..اممم تدرون في شــو يالسه افكـــر..
عوشه & حمدة: في شووو؟!
أميـرة: انه انسيـر بيت حمــد الحين..نشـوفه كيف من بعد التعديلاات ونبخــره والعشــا نحــن نسـويه..شو رايكم؟
حمـدة: يـــاسلاااام كشـــخه والله..يــبالنا انسـوي شــي اســبشل اليــوم..والله انا مســتعدة..خــلوا الحـلويات عليه انا..
عـوشه: يــاااي ونــاسه والله,,..والمقــبلاات علي..
أميــرة: فــديتكم والله اتعيــبوني..وانا بسـوي الاكــلاات الرئيسيـة..
حمـدة: اونــج عاد اميرووو قــمتي اتحــبين الطــباخ اشوفج..
اميـرة: هيه والله قمــت احـب اطــبخ..شـاريـه هالكــثر كتب مال الطــبخ واي وقـت اتفيـجت اخـتارلي اكـله واسير اسـويها..حــلاته اصلا يـوم تاكلين شـي انتي مسـويتنه..تتلذذيــن فيه..
عـوشه: يــاسلااااام عــليج مـــرت اخــوي عاد انتي طـــباخج مــافي شــراته..كــل الي ذقــته من ايــدج عيبني وااايد..
حمـدة: هييه شــو تتحــرين عيــل؟!!..الشــيف رمــزي هب احسـن عن اختيه..
عوشه: ههههه اصلا هــذا كــله بفضـــل اخــوي..
أميــرة: لاا حبيبتي انا امبوني احــب الطــبخ بس قــبل ماكـنت اتفيــج..المهم يالله يا طباخات المستقبل هــلموا الى المطــبخ..
حمـده: ههههه هـــلمـــــوا!!..من ويـــن يبتيها هاي ههههه..
اميـره: هههه ماادري روحــها طــلعت..انـزين يالله سيروا انتوا الحينه اتجـدموني وانا بلحقكم..
عوشه: بس تعـالي بنلحــق انخـلص والا لا ؟!!..
اميره: ان شـاء الله بنلحــق ..
حمـدة: انزين لا تتحــيرين انتي بنترياج احـنا..
اميـرة: ان شــــاء الله عمــتي..
حمــدة: احـــم..وقــفت وهي رافعـه راســها وتمشـــي بغرور صوب البــاب ونشـت عوشه وراها وقـلدتها..ضـحكـت اميـره على حــركاتهم..طـاحت عيـونها على تلفـونها وشـلته لقت 10 مس كولاات من راشـــد..اكيــد الحيــن ميــت من الغيـــض..احســـن..مب راده عــليك يا راشـــد تســتاهل..حــس شــوي بالعــذاب شــرات مااتعــذبني كـل يوم..غلقـت تلفــونها بدون اهتمام وسـارت صوب الحمام..
.................
راشــد نــازل عالــدري وهو خــلااص واصـــل حـــدده ومــفول عالاخر..شـاف جاسم يالس في الصـاله وسـار صـوبه..
جـاسم: هلا والله بو ســنيدة..
راشــد: اهـــليين..من متى وانت اهـني..ماشـفتك يوم رحت فوق..
جاسم: انا تــوني راد من بــرع..
راشـد: انزين اخبرك..عوشووه وينها
جاسم: بـايــته امس بيت عمي..ليــش؟!!
راشـد: سرت اشوفها اتحـرى اميره عندها..
جـاسم: لا اميـره انا الصــبح موصلنهـــا بيـت عمــي..
يـوقف راشــد مره وحــده وهو فاج عيونه: شــــووووه!!..موصــلنها بيـــت عمي !!!..وبصفتـــك شـــووو اتــوصلها؟!!!
يوقف جـاسم وهو منصـدم: اشفيك راشــد..هي قالتلي اوصـلها وانا وصــلتها شو فيها يعني..
راشــد وبصـوت عالي: شووو شو فيـــها؟!!..تستعــبط حضــرتك؟!!. امـــوصـلنها من غيـر ماانا اعــرف واتقولي شو فيها؟!!..شو تتحــرى انته ماوراها ريــل..!!!
جــاسم يطــالعه وهو مبــهت منصـدم من الكلام الي يالس يقوله: انته اشـــفيك!!!..شو يالس اتقـــول!!!...بنت عمــي هاي شو فيها لو وصــلتها انا!..
راشــد: شــــو شـــو فيها!!..كل كلــمه والثانيه قــالي شــو فيها ..جي امنــوه انته عســب اتــوصلها اخــوها والا ابـــوها!!!!
جاسم بــدا يفقد اعصـابه: راشــــد انته اشفيك عليه اليـوم ..شــافتنـــي طـــالع نادت عليه وقالتلي اوصــلها لاان الدريـول بيتأخر عــليها..يعــني اتروح ويـا الدريـول والا ويـايه انا !..
راشــد انــربط لسـانه ومــاعرف شـو يقــول وراح عـنه جاسم.. صــح ويــاه حق..بس من زود ماهو مغـيض على اميـره مـاقــدر يمسـك اعصـابه والا جـاسم ماله خــص..انا بــراويــج اميـــرووه بــراويــج..ان مــاشــرشــحتج صــبري عليه بــس..قـمتي تمصــخينها تطـلعين وتـدخلين على كيـفج ها..لكــن ويــن بتروحيــن منــي..اراويـج..
....................
مــنى اتــرمس نوال في التلفون وهي منــصدمه..
مـنى: نـــوالووو اشــفيــج؟!!!..بــلااج تصيحيـــــن!!!
نـوال: ............
مـنى: دخيييييلج نـــــوال ارمســــي فهميني شـــو الســالفه..شــو فيج حبيبتي ليش يالسه اتصيحين
نـوال: الله يـخليج تـعالي عـندي مب قادره ارمس في التلفون..
منى: خلااص فـديتج ولا يـهمج بييج الحيـن ..
سـكرت عنها مـنى وسـارت اتشـوف اذا مايد يالس والا عشان يوصلها بس مالقته في الحجره ..نزلت تحت وشـافت خوله يـالسه في الصـاله..
مـنى: اقـــولج خولوه ترومين اتــوصليني بيـت نـــــوال!!..
خوله: السيـارة عـند عبدالرحمـن الحين ..
منـى: لااااا مــتى بيي هوو ..ابغي اســيير عــندها ضرووووري..
خــوله: ليــش؟َ!!
مـنى: نوال ماادري بلااها متصـله فيه اتصـيح اتقولي تعالي عندي..من جي ابغي اسير لها الحين..
خوله: تصــيح!!!..ليش ماعرفتي شـو بلااها؟
منى: لاا والله ماطاعت اتخبرني تباني اسير عندها..
خوله: بتصل في عبدالرحمن الحين وبشوفه وين..اتصـلت فيه خوله وقال انه هو جـريب البيت..بعـد ما وصـل سـارت خوله اتوصل مـنى ..
خولـه: يالله سـيري وطــمنيني عليها عقــب..
مـنى: ان شـاء الله بدق لج يوم ابي ارد..
خوله: خلااص اوكي..
اتصـلت منى في نـوال وقالت انها وصـلت بيتهم..طـلعت لها ودخـلتها الحجـرة بعـد ماسلمـت منى على ام نـوال وخواتها..
مـنى: يــالله نوالووو ارمســي قولي اشفيــج خوفتيني عليج تــراج..
نوال ودمـوعها تـنزل من الحـزن والضيـج الي تحس فيه: منووه بســألج سؤال وابغيـج اتجـاوبيني بكــل صــراحه..
مـنى: اسئــلي فــديتج..
نـوال: انتو غـاصبيـن مــايد عــليه؟!!!!!
انصــدمت مــنى من ســـؤالها مااتــوقعته: نـوال شـو هالسـؤال الله يـهداج..محد يغصـب حد على الزواج..ليـش هالسؤال !!
نوال وهي تصيـح: مــايد ماايحـــبني منوووه انا حـاسه انه مغصوب عــليه..مـلييت وانا اذل عمـري علشـانه وهو ولا مهـتم..اتصـل فيه مــايرد عــليه..ويـوم يــبا يــفتك من اتصـالااتي يغلق تلفونه عشان ماازعجـه..ومـرات بعــد مااحــرق تلفونه من كثـر مااتصــل يــرد عليه وهــو محــرج وييلس يصـارخ علي..عــايبنج هالوضــع؟!!!
معقــــــوله!!..معقــوله مايد ليـن الحين مانســـاها...معقــوله لين الحين مـب قادر يتقـبل نــوال..هـزت منى راسـها بأسـف وتقـربت من نوال ولوت على جـتفها..
منى: بس حبيبتي بـس لا تسـوين في نفسـج جيه..شـوفي نوال انا بقـولج ليش مـايد جي يعاملج بس اوعــديني انج ماتاخذين في خـاطرج ولا تزعلين من الكلام الي بقوله..
نوال: قــــــولي ليــــــش!!!
مـنى: الصـراحه مــايد كـان يحــب وحــده قـبل ويـرمسـها..ويـوم سـرنا عشان نخـطبها طـاحت علينا واكتشـفنا انه البـنت فيــها الصـرع..خـوله مارضـت مايد تاخذه ..اول شـي لاانه البنـت مـريضه وثاني شـي لاانه كان يرمسها من قـبل..طـبعا هو كان معـارض ومصـر انه يـاخذها بس عقب محـاولاتنا انا وخوله ويـاه اقتنع في كــلامنا..بس شكــله ليــن الحيـــن مانســـاها..(انصــــعقـت نوال من الكــلام الي ســمعته..نزلت راسـها وتمـت اتصيح بحـرقه)..انا آسـفه نوال المفروض اقولج هالكـلام من قـبل بس قـلت في خـاطري ماله داعـي اكيـد بينســاها..بس فــديتج دخيلج اهــدي ..
نوال: حــرام عــليكم..يـــوم الـــريال مايبــاني ليش غصــبتوه عليه ليييش
منى: حبيبتي محــد غصـبه عــليج هو قال انه يــباج..ترى اقـولج اقتنع في كـلامنا بس صـعب عليه ينسـاها بسهـوله..نوال انتي تحبينه صح؟؟
نـوال نزلت راسـها من غير لا تقـول شي..
مـنى: دخيـــلج نــوال لو تعـــزيني صــدق وتعتبريني اخـتج وربيعـتج لا تخــلينه..استحمـــليه وحــاولي ويــاه قــد مااتروميــن..صـدقيني مــايد ســهل انج تمتلكيـن قـلبه..بس يبـالج اتكونين قـويه شـويه ..لااني شرات ماقلتلج صـعب عليه ان ينساها بسـهوله..
نوال: كيــــف وهو حـتى مايعطيني مجــال ارمس ويـــاه!!..حــتى يوم اييني البيـت حــده ربــع ســـاعه ييلس عندي وعقبها يــروح جـنه يـاي غصـــب عــنه..!!
مـنى: شـوفي انا بقـولج شو تسـوين..انتي هاليـومين لا تدقيـن له حتى لو اتطـولين اسـبوع عـادي..صـدقيني عقـبها هو الي بيتصـل بج وبيسئل عنج..يمكن الحين لاانه ضـامن انج انتي كـله تتصــلين من جيـه مايهـتم..بس يوم انتي ماتتصـلين بيستهـم عليج وبيســتغرب من هالشــي..يعـني خليه عـلى راحـته..واذا اتصـل لا اتعاتبينه عن غيـابه رمسيـه عادي وعطيـه من هالكـلام المعـسول (وهي تغــمز لها)..عاد انتي خــــبره في هالسوالف..
ابتسمت نوال بس الحزن مازال امغطي على ملامح ويهها: ويا ويهج.. بجــرب نصيحتـج وبشوف ليـن ويــن بــوصل..
منى: هههه ان شاء الله بتوصــلين للدرب الي بيقــول فيه مـــايد اقــربي تفضــلي في وســط قــلبي..لج في ســـويد القــلب مــرباع..
نوال:ههه ان شاء الله..بس ماادري ليش حاسه انه مابيتغيـــــر..
مـنى: لا ان شاء الله بيتغير بس انتي ماعليج الا انج تستحــملين شـويه..
نوال: بستحمــل وامــري لــ الله..
...............
بيـــت حمــد..كــــان البيــــت روووعه بديكــوراته الي كـانت من تصميــم حمــد نفسه..هــو الي صمــم ديكــور بيــته لاان متخصص هــندسـة ديكــور (اسمحولي ماذكـرت هالشــي من قـبل)..كــان فخــم وكـــبير ..الي يــدشــه ينبــهر في جــماله كــل شــي فيه متنــاسق وحـــلووو..حمــد بــذل كــل طــاقته عشـان يظـهر بيــته بهالجمــال ويـفاجــئ فيه مــريم..عند مـدخل البيــت كان شـي ممــر يودي لــداخل البيــت صوب الصاله..وفي هالمــمر حمــد كان راسـم منظـر طبيـعــــي رووووعه..
وكــان موزع اللــوحات الي هــو راســمنها في كــل ارجــاء البيـــت..اميـره وحمده وعوشه اول مـادخـلوا البيـــت اتخــبلوا على جمــاله..آخـر مره شـافوه كان بعده مب مكتمـل..متخــبــلاات على كـل شـي فيه ..وخصـوصا الرسمـه الي شـافوها اول مادخـلوا....
أميــره: ماشاءالله عـــليه اخـــويه ..فنـــــان..ربي يحفـــظه من كــل شــر..
عــوشه: هييه والله صـــــدقج..يــاحظـــها مريـــوووم..
حمـده: فديييته ..هي طــبعا يــاحظـــها في اخــــوي..
عوشه وهي تطـالع اميـره: شــوفيها..شــوفيها شقــايل تبــانا نضـارب..انا مــاقـلت شي هاا..
اميـره: حمدووه بــــس!..انزين يالله ماشي وقـت لين متى بنتم اندور في البيـت..يالله عالمطـبخ..
عوشه وهي تحـايس بشفايفها: يعـني لاازم!!..
اميـره: هااا اشــوفكم بـديتوا تغيــرون رايــكم؟!!
حمـده: لاا انا عـادي عنــدي يالله انسيــر..بس بعـض النـاس مب قـد كلمتهم..عاد الي يقول الحين بيســوون شــــي..الا تقطيــع خضـــرة بس..
عوشه: جب جب انزين ويــا راســج..مب بس جي حبيبتي قـايله بسـاعد مـرت اخـويه بعـد..
حمـده: وايد عــليج..
عوشه: يـــــالله عااد الي يقول الحين انتي الي بتسوين غووزي..
أميــره وبصوت عالي: اوهوووو يعــــني ليــن متى!!!....يــلسو انتوا مب ويـه حد يعتمد عليكم..انا روحــي بسـوي كــل شي..مشكورين وماقصـرتوا..وراحت عنهم..
حمده وعـوشه لحقـوها وهـم يضـحكون بصـوت خفيف ..سمعتهم اميـره وصـدت وراها..تطـالعهم وهي معـصبه بس ماقدرت تستمر يوم شافتهم يضحكون ضـحكت وياهم..
حمـده: هههههه اونها معصــبه..المشكــله انه مايليق عليج..
اميره: هههه خيـــاس انزين اخر مره اعتمد عليكم..اففف ذليتوني من كثر مااقولكم يالله عالمطــبخ..يالله عاد نبـا انخلص يــالله يمدينا..
عوشه: ههههه بنخلص بنخلص انتي بس اهــم شــي تهـــدين ومااتعــــصبين عشان راحتج وراحـت الجنيين فــديته..بس تعالي ماقــلتيلنا بنت والا ولــد؟!!..
حمـده: ههههههه الله يـخليج عوشووه اسكـتي روحها مـحرجه علينا بعـد تسئـلينها هالسـؤال..
عوشه: هههه انزين انا في خــاطري اعــرف ليش مـــاتبين اتخــبرينا ليييييش...يعني شوفيها لو عـرفنا
اميـره وهي خـلااص وصـلت حــددها: لو المـــــوت مابقــــولكم..خلااص عاد كم مرت بتســـئلوني ماابغي اخــبركم ..لكــن مــب منكم مني انــا الي ســاحبه يـــهال ويــــاي..
عوشه: انزين خلااص خلااص مانـبا انعرف انتي بس لاا تعصــبين..
اتجدمتـهم اميــره وهــم وراها مب قـادرين ايـودون نفسـهم من الضـحك واميـره تسمعهم وودها تضـحك بس مطـنشتنهم..
عوشه وهي تصاصر حمده بطريقه تسمعها اميره: هههه المصيـبه انه غصـب تبا اتخلي عمرها معــصبه..
حمـده: هييه تتحــرى الحين بيليق عليها..
صــدت عليهم اميـــره ومــارامت اتيـود عمرها وتمت تضـحك..
اميـره: هههههه انتوا وبــعدين ويــاكم..
حمده: هههههههههااااي شــفتي كيف خليناج تضحكيـن..
اميـره: يالله عاد دخيلكم امشـوا وانتوا سـاكتين نبا نخــلص..
عوشه: هههه ان شاء الله انتي تامرين مرت اخوي..
ومشـت اميره وتمــوا وراها..
حمده: اقوووول اميرووووه..
اميـره: شووو بعــد قوولي..
حمده: بنت والا ولد ههههههههه
تمـــت اميــره تطــالعهم والشرار طــالع من عيونها..
عوشه: ههههه انزين قوليلنــا اول حــرف بس ..بــاء والا وااو..
سـارت اميـره صــوبهم وســحبتهم من جــتفهم وتمـت تسحبهم ويـاها لين المطــبخ وهم يــضحكوون وهي بعد تضحك وياهم..
.
.
عقــب صـلاة العشــا وصـلوا بو حمد وام حمد والبنات بعـدهم في المـطبخ..سـارت ام حمـد عـندهم..كـل وحده منهن في صـوب ..اميـره موقفه عــند الطباخه..وحمده واقفه واتحط الكريمه فوق الكيـكه وعوشه مـريحه عمرها يـالسه واتقـلب السـلطه بعد ماحطت عليها زيت زيتون و ملح وليمون وفلفل اسود
ام حمـد:..عفيـــه على بـــناتي بارك الله فيـــكن..خلصــتوا والا بـعدكن؟
اميـره: هلا هلا امـــي ,,الحين باجــيلنا اشـوي وانخلص..
حمــده: امييي تعالي تعالي ذوقــي الكيـكه الي ســويتها..
ام حمد: لاااا فــديتج مب نــاقصه ســكر انا..روحه مرتفع عـندي ..أميـره امي سيري ارتاحي انا بكمل عنج..
اميـره: لاا فـديتج امخـلصه انا الحين ماباجي شــي..
عوشه: وبــــــس انا خــلصت...
ام حمـد: الله يــعافيج يا يمــا ..اكيــد تعبتي..
حمده: ههههه ضــحكتيني امي..ليـــش هاي شــو ســوت عشـان تتعــب!!..غشــاشه قصـت علينا..ميمعـه البشاكيـر حوالينها وتتأمــر عليهن سـوا وسـوا..وهي روحــها يــالسه وحاطه ريـل على ريـل..
عوشه تشــهق: جـــــذابه والله انه التبـوله انا روحي مسـويتنها محد منهن جـاسها..وبعـد كنت اسـاعد اميــره..صــح اميرووو؟
اميـره: هي هي صــح..فكونــا بس انتوا من حشــرتكم..من اول مابـدينا وانتو حاشريني..اقول امـي..شو محد ياا لين الحين؟
ام حمد: لاا ياامي بعـدهم ..بس اكيد يـايين في الدرب..انتو خلصو بسرعه عشان يكون كل شي زاهـب يـوم بييون..
اميـره: ان شاء الله امـــي..
.
.
وبعــد ماخــلصوا وزهــبوا كــل شـي..كـل وحده منهن خــذت دوش عالسريع وعقبها اتـزهـبوا واتعـدلوا ونـزلوا تحت ..في هاللحظــه كانوا كلهم موجودين بس باجي حمد ومريم اييون..جــاسم اول ماشاف حمــده انقــبض قــلبه وحــس بضيج مو طــبيعي..حاس انه مب رايـم يــتم بس مجبوور..مــب عارف كيـف بيستحمـل يتم كل هالوقـت وهي جـدام عيونه..بعـد ماسـلموا عليهم..اميـره اتغصصـت ماحصـلت مكان فاضـي الا عـند راشـد..وغصـبن عنها سارت يلست عنده..وراشـد من اول ماشافها وهـو يطـالعها بعصــبيه واميـره ملاحظه نـظراته وبــاديـه اتخاف منه..شـوي ويــدشون عليهم حمــد ومـــريم..في هاللحـظه كلهم وقفــوا واسـتانســوا يـوم شـافوهم وسـاروا صـوبهم وسـلموا عليهم ..وهــم بعـــد فرحوا وايد يـوم شــافوا هاللمه في بيتهم وخصوصا مــريم..اتجـدمت مريم وسـلمت على ابوها اول شـي وعقب على عمها وعقـبها حمد سلم عليهم.. وعقب مريم سلمت على راشـد الي فرح من الخاطر يوم شـافها وعقب على جاسم وبعدين سارت صـوب مرت عمها ومرت ابوها وسـلمت عليهم.. وعقـب سلمت على اميره وحمده وعوشه..
اميــره: مريووووم شــو هالجمــــال شــو هالحــلااه..ماادري احســج محــلوه بــزياده اليــوم..
مريم: هههه واللـــه؟!!..الجمــال مــاخذتنه منج حبيبتي..
عوشه الي كانت واقفه عند مريم وقابضـه ايدها: ومـــني انا بعـــد..
مريم: ههه فــديتج والله انتي الجمال كــله..
حمـده: اذا هــاي الجمال كــله عيل انا شووو
مــريم: انتي عاد الغـــاليه..انتي الي يوم تنحـطين عاليـــرح يــبرى..
حمد: اندووكم..طــايحتلي غــزل في هاييله وناسـيه ريـلها..
مريم: ههههه شو اسـوي فيهم بعد لاازم نـرضـي كل الاطـراف..
ام حمـد: انــزين فــديتكم يــالله انسيـر نيــلس..
اميـره: لاا امي مافي داعي ييــلسوون..خل انسيــر نتعشــا وعقـب بنيــلس ..شو رايــكم..
بو حمد: هــــيه انا بعــد جيه اقـول..نسير نتعـشى اول اخيــر..
حمـده: احــم احــم..بس شـوي شـوي يوم بتاكلون الحلويـات عن تاكلـون اصابعكم وراااهم..
اميـره: هههه لاا حبيبتي اصلا مابيتم فيهم صــبع عقب.. بياكلونه ويــا الاكـلات الي انا مسـويتنها..
مـــريم: احــــــــلفوا؟!!..انتو الي طــابخين؟!!
اميــره: هــــيه نعم طــال عمــرج..
حمــد: آآآآخ بــــــطني من الحيـــن قام يعــورني ..الحمدالله اني ماخذ دكــتوره تعرف كيـف تتصــرف..
الكــل: ههههههههه
راشـد: هههه يبالنا نوقــف ســيارة الاســعاف بــرع ..
اميــره في خـاطرها..هيهيهي ســخييييف..
مريم: ههههه لاا لاا اليــوم عشـــانا بيكـــون صــدق صــدق اسبشـــل..يالله خلونا انســير..
وسـاروا كــلهم صـوب غرفـة الطــعام..اميـره كـانت آخــر وحــده وراشـــد كان وراها بس هي ماتــدري..يـوم سـاروا كلهم اسـتغل راشـد الفـرصه ومن كثــر ماهو مغيـص منها سـار وقبـضها من ايـدها بالقــو ..شــهقـت اميـره وفــزت مــره وحــده وجـــان اتشـــوفه ..في هاللحظــه ماتت من الزيــغه..
راشـد وهـو صــاك على اســنانه ومقهووور منها ونظــرات التهــديد في عيونه: يــــويلج منــي بس خــلينا انــرد البيــت وشـوفي شو بيستــوي بج..ودرها وراح عـــنها..
وتمــت هي واقفــه في مكـــانها تتنـــافض من الخـــوف والدمــعه في عيـــونها..نـزلت غصــبن عنـــها بس على طـول مسـحتها وسـارت عـندهم وخــلت نفــسها عــاديه ولا جـنه شـي صـاير عشان مايشـكون في شـي..والا هي من الداخــل تتألم و حـاسه بضيـج وموول مـب مرتاحه من وجود راشــد..في خـاطرها تنفجـر من الصيـاح وتصـرخ وتقول انا ماابا هالانسـان خلااااص عفته فكووني منه..حتى الاكــل مااتهــنت فيه وتبلعه غصـب..اول شـي نـش هو جـاسم لاانه ماكـــان له نفـس حق الاكـل وهو يشـوف حمده ويتـذكر انها مابتكون من نصـيبه..استغربوا كلهم لاانه نـش بسرعه بس قـالهم انه ماكان يـوعان..امه الوحيــده الي عورها قـلبها وحـســت فيه بس مابيـدها شـي تســويه..
.
.

الجزء الثامن عشر
الفصـل الثاني
......................
............
....
.
مــل وطـلع من المحــل وتـم واقف برع ..وهــو واقف فجــأه انتبــه للمحــل الي مجابل المحل الي واقف عـنده..تــم فـــاج عيــــونه وهــو يطـــالع مب مصـدق الي يشــوفه منصــدم..معقــــوله الي يشــــوفه!!!..مـــره وحــده عقـــد حيـــاته وهو يشـــوف هالموقف...كــــانت واقفـــه عـند باب المحل واثنـــينه من الشـــباب ســايرين وراديــن جـدامها ويبتســمون لــــها ويرمســـــون..وشكـلهم كانوا يلعوزونها وهي طـفرانه منهم ومتوهقه..دخــلت داخــل ودخلوا وراها..مــارام يـــتم واقـــف جيــه..مــــاعرف كيــف وصـــل المحــل من ســـرعته وهو يمشــــي.. دش داااخـــــل وتـــم وراهـــــم..يـــراقــب الوضــع وهـــومشـتــــط ومغيــــض من الخااااطر..
.....: عطيــنا ويــه عاااد..الحين نهون عليج نلاحقج وانتي لابســتنا!!..
كــــانت تمشــــي وهي تتنــافض من الزيـــــغه مــب عارفه ويــن اتسير او شـــو تســوي..خــايفه ترمس او تــقول اي شـــي تحس انه لسـانها مربووط وريـــولها مــب شايلتنها..من زوود ماهي خـــايفه ومتــروعه ذرفــــت دمـــوعها..مـــره وحــده اييها صــوت من ورا خلااها تفــز مره وحــده في مكانها..
.
......
............
......................
اميـره كـرهت حــياتها يـوم اطـالعها وقـام من مكـانه يعــني بيـروح..مـاكان بيدها شـي تسويه الا انها اتقـوم هي بعــد..غصــبن عنـها قامت وسلمت عليهم والدموع محبوسه في عيونها من الضيـج والخوف منـــه..كــانت حــاسه بتوتر مــب طــبيعي..وهــم طـالعين مـاقدرت تحـبس دموعها اكــثر ..كانت تمشـي وراه صـوب السيـارة وهي تذرف دموعها وتحاول تخـفي صوت انفاسها عشان مايسمعها راشـد..سـار ركـب الموتر وهـي ركبت عقـبه ..اول مـاركبت صـدت عالصـوب الثـاني ولصـقت عالبـاب وهي تمسـح دموعهــا بس مــب قــادره تــوقفهم من الزيــــغه..قــلبها تزيد نبضـاته وهي في كـل ثـانيه اتقـول في خـاطرها الحيـن بتسمــع صــوت صــراخ راشــد عــليها..شـافها راشـد وقـبضــها من ايـــدها اهـني فجـت عيونها وشـهقت و انقــبض قـلبها وحسـت انه كـل شـي فيها يـرتجف..لفــها راشــد صـوبه وهـو يطـالعها بنظـرة غضــب لكـن مااسرع مااتغيــرت هـاي النظــرة بعـد مـاشاف دموعها وسمع صـوت انفاسها الرقيقة وهي تصيح بهدوء وحــس برجفت ايــدها.. غمضـــــته واايد وهو يتذكر كيف كانت تضحك وتسولف قبل شـوي داخل.. وماقـدر يقولها شـي..ودر ايدها وحـرك المـوتر وتم سـاكت عنـها..بس لين الحين يحـس انه النار الي في قلبه ماانطــفى..حـاس بالاهـانه من الحركة الي سـوتها اميره فيه اليـوم..تطــلع من الصبـح ولا تقوله ويتصل فيها كمن مره ومااترد عليه..وعقب تغلق تلفونها وراشــد اخـس شـي عنده هالحــركات..من جيـه بعـده حـاس بغيض منها..طـول الدرب وهـم سـاكتين ليـن ماوصـلوا البيــت..نـزلت اميـره قـبل راشـد ودشـت داخل وهي تمشـي بخطـوات سـريعه من الخـوف..وهــي سـايره بتركـب الدري مــره وحــده وقفت تتنافض وهي تسـمع صـوت البـاب يتســكر صــدت صوبــه وهي حـاسه ان ريولها مب شـايلتنها.. شــافته وهــو يــاي صــوبها وهـي متيبسـه في مكانها اتصيـح..
أميـره: راشـــد ممكن تسمعـني قبل لاا اتـمد ايدك علــيه؟!!!!!
انصــــدم راشـــــد منـــــها..اول مــره يشــوف اميــره زايغــــه منه بهالطريقه..رفع حيـاته وتم يــطالعها وهو فاج عيـــونه مستغـــرب..
أميـره وهي تتقـرب صوبه بخطوات متثــاقله وبطـيئه: راشـد البارحه من اول مـاودرتنــي انا مــارقــدت كـنت يالسه اصيح روحي شرات الميـانين..صليت الفير وغفيت شـويه..ماوحالي والا اشوفك داش عـليه وانت ســكران يـاراشد ســكران!..شو تباني اسـوي ؟!!..اتم عندك وانت بهالحـاله!!..كيـف تباني استحمـل وانا اشوفك جيه..طـلعت من الحجره بسرعه ونـزلت الصاله الي تحت ومن التعب الي فيني ماحسيت بعمري ورقـدت بس بعد حسيت ان المكان مب مريح ونشـيت..اتصـلت في اميـه وقـلت اني ابغي اسير لهم البيت..خلااص انا مب طـايقه ايـلس اهـني..جاسم يزاه الله خير ماقصـر..وصـلني بيتنا وانا خلااص منهـد حيلي و تعــبانه..رقـدت على طوول..يوم نشيت شـفتك متصل فيني..تبـاني ارد واتصـل فيك بعـــد كـل ها!!..طـلعت وخليتني بروحي..وعقب اتيـني وانت سـكران..وتبـاني اكون راضــية عــنك..قـــــولي كيـــــف كيـــف..منو هاي الي تــرضى عن هالشي!!!..عقب ماخلصـت كلامها تمت واقفه مجـابلتنه ومـنزله راســها اتصيــح من الخاطر..راشــــد تم مـــــتلوم منهــا واااايد..عــــوره قـــلبه شكــلها وايد كان يغمــــض..واتأثــر في كلامها وهالمـــره حــس انه هوو غــلطان ومـاكان المفروض يسـوي جيــه..مهمــا تكون تراها هـاي مــرته ام عيــاله..حـس انه وااايد يزودها ويــاها وحـس انه هالانسـانه وايد تتعــذب ويــاه وهــو مـاكان حــاس بهالشي..
بكــل هــدوء ومن غيـر ما يقولها شـي حــبها على راســها ولــوى عــــليها..انصـــدمت اميــره من حـــركته وتمـــت اتصيـــح شــرات اليـــهال وهي في حضـنه..حســت عمــرها صــدق يــاهل وكـــانت محتاجه لهالشــــي..
راشـد وهو يبتسم ابتسامه خفيفه ويـبا يـلطف الجــو: بس انــزين خيــستي كندورتي ..تراني مابطوفها لج..
قـامت أميـره وابتسـمت من بيـن دموعها وراحـت عـنه فــوق وهو لحقـها.. اول مادشـت الحجـرة بـدلت وارتمــت عالسـرير على طـول من التعـب وماحسـت بعمرها الا وهي في سـابع نومها..امـا راشــد فكـان حـاس بضـيج في داخـله مب قـادر يعرف شـو السبب..يمــكن من كــلام أميــره او يـمكن من تصـرفـاته!!..حـاس انه محتـاج يقعـد مع نفســه شــوي..تــم متســاند عالســرير حـاس انه مـب قـادر يـرقد..كـل شـوي يلتفت صـوب أميـره ويشـوفها كيـف كـانت مغطيـه عمـرها باللحــاف وشكـلها صـدق كـانت تعـبانه وماصـدقت تشوف السـرير عشـان بس تـرقد من التعــب..مسكيــنه والله..حتى الرقـاد مااخليها تتهــنى فيه..وبعــدين يعــني..انا ليـن متـى بتـم جيـــه!!..ليـن متى بتم في مشـاكــل ويــاها..ليــن متى بتم مـاشي في طــريج الخــرابه هــذا..!!..المشكــله اني مااقــدر اودر مــااقدر..حــاولت كمــن مــره ومانفــع..الصـراحه شــي ممتــع وحـلو..ااه..بس ليــن متــى ليــن متى.. رد راســه عـورى وهــو ياخذ نفـــس عميــق..يحــس انه افكــاره متشــتته مــب عارف شــو يســـوي..وهــو في هالحــاله يــرن تلفــونه..ِشـله وشــاف الي يتصـل ربيعـه محمـــد..هـو عارف ليـش يالس يتـصل فيه..عسب جيـه قــاوم قــد مــايقـدر انه مـايرد عــليه..وفعــلاا ســكر ولا رد عـــليه..تـم يتطـالع شـاشة الموبـايل وهو بايـده..وحــاس انه مـب قادر يقاوم اكــثر..يبغــي يـتصل فييه..دق اول رقميــن..بس مسحهم على طــول وحط تلفونه عند المخده وحـط راسـه وقـال انه بيـرقد عشان هالليله عالاقـل مايـطلع ويــودرها..ومقــرر انه حــتى في الايـام اليــايه بيحــــاول..بس روحه مـب عـارف هل محـاولتـه هاي بتيب نتيـجه والا لا..غمـــض عيـــونه عــلى امــل انه يــرقـــد لكــــن ماوحـاله والا يســمع صوت تلفونه يـرن مره ثـانيه..شــلاه وتـــم في ايـــده وهــو خــلااص مــب قادر يـقاوم رغــبته في الرد اكــثر..جـــان يــرد عـــليه ..
راشــد: مـــرحبا الساع
محمـد: مرحبااا ملاايييين..ويـــن انته..؟
راشـد: انا في البيــت..
محمــد: في البيــت!!..ليـــش هب ناوي اتي؟؟
راشــد: لاا والله اليــوم مالي بـارض..
محمـد: افااااا!!!..ليـــش عاده..اليــوم بالذات بيطوفك نص عمرك اذا ماييت..
راشــد: ليـــــش اليــوم بالــذات..
محمد: شو نسييييت!!..اليـــــوم بتكون احـــلى ســــهره..مســوين حفــــله كبييره ..كل الي تبـــاهن موجودات وعــلى حســب الطــلب بعد..والسهــره صــباحيه اليـــــوم..
راشـــد: احــــلف!!!..ما خــبرتني عيـــــل..
محمد: معقــوله مب مخــبرنك !!..يالله ما عليه عرفت الحيـنه..شو بتي والا
صــد راشــد صــوب أميــره وشــاف شــكلها وهــي راقــده...كـــانت تغمض وايد..بس بعــد كــلام محمــد مغــري وااايد..تــم فــتره سـاكت مــب عارف شـــو يقــوله..يطـالع اميـره يـهون يتذكـر كـلام محمد يبغـــي يودرها ويـــروووح..
محمد: الووووو
راشــد: هلا هلا..
محمد: ويــن رحـت انته..ماقلتلي شو الحينه بتي والا لا..
راشـد بعــد تــردد وبـعد ماضغــط على نفســه: لااا محمد اليـــوم مااروم ..يوم ثـــاني ان شاء الله..
محمـد: خلااص بــرايـــك..
سكــر عنه راشـــد وغــلق موبايــله بعـــد..بس بعـده مــب مرتاح..لاان الشيـطان يـوسوسـله ومب مخـلنه في حـاله..هــاي الســـهره ماتتعـــوض..شــقايل ابغي افــــوتها!!!..لاا انا اكيــد اتخـــبلت!!..الحيــن انا مب مخــلي ســهره و مارحــتها..وهاي الســهره بفـــوتها!!..فــز من مكانه مره وحــده ومشــى عالســريع صوب الكــبت عشــان يطـلع له كندوره..بس وقـــف وصــد صوب أميــره..سـار اتقــرب منها وتـم يطــالعها ويتأمـل في شـكلها..والله تغمـض ومااتهون عليه اخليها..اووه..خلااص مـب لاازم اسيــر اليــوم..لااحــق لااحــق عالســهرات..واتشـجع اكــثر انه مــايسير يـوم حــس انه فيــه ارقــاد..سـار الصـوب الثـاني من السـرير وانســدح..تم شـويه يـتجلب وهو ليـن الحين مابيــن يسير ومــايسير بـــــس ماطـول وايد لاانه عقـبها ماحـس بعمـره الا وهو في سـابع نومه..
................................
اليــوم الثـاني ..عقـب مـانش من الرقـاد طـلع من حجـرته ودش الصـاله..شـاف اخـته خـوله يـالسه..سـار قعـد وياها..خـوله استغـلت الفـرصه وقـالت لاازم اتـرمسه عن السالفه الي في بالها..
مـايد: شو من متى واعيه؟
خوله: انا من سيفوو نــش..جي من شــوي يعني..اقول مايد..
مـايد: خير قولي..
خوله: مـايد انت وبـعدين ويــاك يعــني..متى نـاوي تشيلها من بـالك..؟!!
مـايد: اشيـل امنوا..عن شـو ترمسيــن؟؟؟
خـوله: انت تعرف انا عن شـو ارمــس..مـايد حـرام عليــك الي تسـويه في نـوال..انت ماخـذنها عشان اتذلــها؟!!!..بس خلااص عـاد شــيل هاي الي تفكــر فيها من راســـك ليــن متى بتم اتفكـر فيها يعــني..!!
مـايد: ليـــــش ؟!!!..هي اشتكــــت لكـــم؟!!
خوله: الحين مب مهم هي اشتكت لنا والا مااشتكـت ..اهــم شــي انت يـــامـــايد دخيلك نــوال مــالها ذنـــب..هي بــنت حالها حـال اي بــنت محتاجه اتكون قــريب منها وخصوصا في هاي الفتــره عشـان تتعرفون على بعـض اكـثـر واتكونون متفاهميين ويــابعـض..اذا من الحيـن بديتوها بخـلاافات عيل عقـب شـو بتســـوون؟!!
مـايد وهو يهـز راسـه بأسف: الحيــــــن يـــاخــوله..الحيــن يــايه اتقــولين لي هالكــلام؟!!..يــوم اقــولج انا ماابغـــيها..انا بعــذب بنت النــاس ويــايه قلتيلي لاااااا خــذها..هالحــل الوحيــد الي تنســى فيه شــمـــــا..بــس طــرى اســـمه عــوره قــلبه وحــس انه متـــوله عـــــليها واااايد..
خـوله: لاا والله؟!!..وانت متى ناوي تنســاها ان شـــاء الله خلااص عـــاد الله مـــاكتب لك نصيــب فيها..وبعــدين انت بنفســك رضيــت انك تـاخذها واقتنعت بكلامنا..
مـايد رد راسـه عورى واتسـاند عالكنبه وحــس بضيج مب طبيعي في هاللحظه واتنهــد تنهيده قـــويه وسكـــت..
خـوله: مــايد والله مااتهـون عليه اشـوفك جيـه..انت يـالس تعذب نفسك من دون فايـده..حـاول تتقـرب من نــوال..ايلس ويـاها ســـولف معــاها صـدقـني بتنســى شـــما..ادري انه صـعب عليك بس حـــاول..يعـني الحين لو كنـت ماخذ شـما..هالفتـره كـنت بتكون عايش وياها احـلى ايام عمـرك بس عقــب..!!..انت روحـك مارضيـت تاخذها لاانه اســاس علاقــتكم كـان غـــلط..يـا مايد اذا بيــت بانيينه على اسـاس غــلط بعد سـنه او بالكـثير سنتين بينـــهدم..فكــر فيها انته..
اطـالعها مــايد بنظــره تبيـن الحـزن الي في داخله..وعقـبها نـش من مكـانه وطـلع من عندها من غير ما يقـولها شـي..
.
.
في الســيارة..كــان يســوق وهو حــده مضــايج..مرات يحـس انه هو مقتنع في كلام خـوله ومــرات لاااا..كــلما يتذكـر ايامه الحلوه ويـا شـما يحـس انه مشـتاق لها وايد..حـاس بصــداع مــب طــبيعي وعــوار في القـلب..لاا ليـله ليـــل ولا نهـاره نهــار..كـله متكـدر ومضــيج بعمره..آه متى بـرتاح بــــس متى!!..اتذكــر نــوال لحــظتها وكان مغيــض عليها ليش انها سـارت واشتكـت عليه ..وقـال لاازم يتصـل فيها يــهزبها عشان اتعـرف انه هوو ماايحب هالحــركااات..اتصــل فيها ونــوال استانست واايد من شــافت رقمه..
نــوال: هــــــلا والله..
مـايد: اهـــلين
نوال: شحاااالك شخباااارك ان شاء الله مرتاح
مـايد: زين الحمدالله
نوال: شـــو من متـــى وااااعي؟!!
مــايد وهو يرمسها من ورى خاطره ومغيض: مــــــااعرف,,اقووول
نـوال حسـت انه فيه شــي والا مب لــ الله يتصل فيها: خيــر قوول..
مــايد بعصــبيه: شــــوفي انا هالحــركات السخييفه مااحبــها!!..مااحــــب الي يسيرون من ورايــه يتشكون عليه فاهمه!!
انصــــدمت نــوال لحظتها وماعــرفت شو تقـــول..تمـت فتره سـاكته..وبـدت تدمع..
مــايد: هااا اشــــوفج سكـــتي!!
نــوال وهي تصيــح: مــايد كــم بستحمـــل يعـــني!!..انا اتعــذب من الداخل وانته مـب حاس فيني..اضطريت اقول حق منــى عــنك ما قـدرت اخــبي اكثــر..
اتـلوم منها مايد يوم سـمع صوتها وهي تصيـح..كانت تكسر الخاطر...
مـايد: وليــش ماخبرتينيي انا؟!!
نوال: متى اخـــبرك؟!!..اذا كــلماا اتصــل يا مااترد عليه وياا مغــلق..وييتك عدنا في البيت بس ربع سـاعه وتطـلع قولي متى اقــدر اقــولك الي في خاطري..!!
مـايد حـس انه وايد مقصر في حقـها وهو الغلطان..: خلااص نوال انا بييج اليوم..
نـوال: حيـــــاك الله..بس دخييلك مب ربع ساعه وتطلع..
مـايد: لاا ماعليج هالمره بطـول لين ماابوج يروغني..
نوال: هههه محد بيروغك انت بس تعال..
مايد: خلااص اليـوم ان شاء الله عقب صلاة العشا بيي..
نوال: اووكي وانا بترياك..
مايد: يالله مع السلامه..
نوال: مع السلامه..
....................
بطـلت عيـونها بصــعوبه شـافت الســاعه..انصـــدمت يوم شافت الساعه 1 ونص..فـــزت مــره وحــده وحطــت ايــدها عـلى قــلبها وحــست بنبضـاته ..يــاربييي انا شــو مرقــدني ليين الحيين..مــاطــبخت له الغــدا الحيــن اكييد بنهــزب..افففف والله مـالي خــلق حق صــراخه..صــدت الصـوب الثـاني شـافته مب راقــد عندها..هــذا وييين!!..ليــكون ليــن الحيــنه ما رد من هالمكـان الخــايس الي يرووحه..!!..اااه يــــاربييي متى بيحـــس هــذا متــى..متى بيقــتنع انه الي قاعد يسـويه حـــــراااااام..الله يـــهدييه بس..الله يــهديييه..بس احسـن لين الحيـنه ما رد..ليـن ماهوو ايي انا بكــون في بيــت ابويه وبفــتك من حشــرته..نشـت من مكانها بـتدخـل الحمـام بس انتبــهت لبــاب الحجــره ينفـــتح وانصــدمت يـوم شـافت راشــــد داخــل..يعــني هو في البيــــت مــب اهنــاك!!..بــس غــــريبـــــه اليــوم نــاش قــبلي شــو الســـالفه!!!..حســت لحظتــها بخوف وهي تشوف نظـراته الحــاده صـوبها..واتقـول في خـاطرها الحيـن بيهزبها على سـالفة الغــدا..
راشــد: خيييبه كـــل هــذا رقــــاد!!
اميـره في خــاطرها خيييبه اتخيــــب العدووو ان شاء الله عنبوووو قـول ماشاءالله..الحين اسبوعين مابرقـد..: لاا بس كنــت تعبانه شــوي..انت من متى واعـي؟
راشــد: انا من الساعه 11..
اميــره اســــــتغربت وايد..شو الســالفه!!..معقـوله راشــد نـاش من هالوقـــت !!..: اهاا زيـن زيـن ناش من وقـت اليـوم..
راشـد: هييه مع اني راقــد وياج امـــس..بس نشــيت قــبلج!!..
اميــره انصـــــدمت يوم قــالها راقــد ويـــاج!!!..يعـــني امــس مــاطلع!!..معقـــــوله؟!!!..معقــوله حــس فيني واتأثــر في كــــلامي الي قــلته امــس!!..هي يمــكن ليــش لااا...انا حســيته اتأثــر وحــن قــلبه..يــارب ان شـــاء الله يتم عــلى طوول جيـــــه يـــارب..
اميـره وبـتردد: انزين راشـد...امممم
راشــد: شو فيــج قوولي!!
أميــره بخـــوف: راشـد مثل ماانت شايف انا توني نـاشه ومـب مسـويه الغـدا..بس..شو رايــك انسيـر نتغـدا بيت ابوك او بيـت ابـويه اليـوم؟!!
راشـد: وامنو قـال اني ابغــي غــداج اليـوم؟!!!..او ابغي غــدا بيت ابويه او بيت ابوج
اميـره وهي تحايس بشفايفها بس بنفس الوقت ارتاحت: ها عيـل شو تبغي؟!
راشـد: ابغيــج اتسيرين تتـــزهبييين بســــرعه اترياج في الســياره
اميــره: ليـــــــش؟!!!..وين بنسيـــر!!..
راشــد: تستعــبطين حضــرتج؟!!!..يعـــني هالوقـــت وين بنسيــر..؟!!..الســوق مثـلاا!!..اوني قــايل بعــزمج عالغــدا برع..بس شـكلي بهــون..
اميــره تمــت فاجــه عيــونه تتطــالعه..: شووووه!!..غــدا بـــرع؟!!..ليييش لييش اتهــون...دقــــايق وانا في الســـياره..وهي تمشي عنه عالســريع وتتصــدد..الحمااام وييين الحمااااام..
راشــد: ههههههههه خـــبله!..
أميــره صـدت صوبه و اطـالعته وغمــزت: بطـــوفها هالمــــره بس مب كـــل مره..
راشد: ههههههه اووو مغيــرتنها اشوفج..(عقــد حيــاته وتم يــطالعها بعصــبيه)..يــــالله بســـرعه اتحـــركي والا تـــــراني بروح بــروحي..
أميــره.: لاا لاا ..الحيــن الحيـــن بخـــلص..وراحــت عنه..
راشـد: حــريم ماايون الا بالعيـن الحمــــرا..
....................
عقب صلاة المغـرب.. دشـوا حمده وعـوشه بيـــت حمد..وشــافوا مــريم بعباتها وشـيلتها نـازله عالدري..
عوشه: هااااا على ويـــــن ان شاء الله؟!!
مـريـم: احــــــم بطـــلع ويـــاريـــلي..
حمـده: وطبعا مـــرت اخــــوي الحــلوه ما تطــلع بدونــا صــح؟!!
مريـم: هههه لاا تطــلع..
عوشه: هي خــلااص الحيــن مابتسـويلنا سـالفه..بتنســانا خــلااص..
مــريم تشــهق: الحيــن نسيتوا كــل شــي هاا؟!!..انا حــليلي ايام الملجـه كـنت اخذكم ويــايه ..بس ماعليــه..بشـوف منو بيطـلعكم اليـوم
حمـده: انا مــايخصـني هاي عوشووه الي قـالت..
عوشه: فــديتج والله يااختييه سامحيني تدرين فيني انا كل شـي اقوول..زلة لســـان زلـة لسان
مريم: هييه زلـة لسـان..انزين مب مشكـله بسامحج هالمـره..
حمـده: يعـــني انسيــر نتزهـــب!!
مـريم: امممم بشــوف بقـول حق حمد اول..
حمـده: يالله عاااد مرت اخــوووي مااحيـدج جييه..
مريم: هههه خلااص سيــرووا..حمد في الدرب ياي الحيـنه..
عوشه: بس تعااالي ويـن تبون اتسيرون انتو؟
مريم: نحن بنسير نتـشرى اغراض حق السـفر..
حمـده: يـــاحظكــــم والله بتساافروون...
عوشه: هي والله مــب شـــي يوم بتسافرووون..افف ليــش نحن ماانسافر هالســنه..والله قهـــــر
مريم: ماعــليه السنه اليـايه ان شاء الله كـلنا بنسافر ويا بعـض..مثل مااتعرفون هالسنه ابوي وعمي وايد مشغولين..
عوشه: انـزين انتو بعـد خلكم ويانا مب لاازم اتسافرووون..اقضـوا شهر عسلكم اهـــني في البــلااد ..يا حــلاات بــلاادنا ويـــازيـــنها..
مريم: فــديتها والله..بس شــو نسـوي هههه اونه تونا معاريس نبا نغير جـو...الحين انتي روحج مقهوره ليش مابتسافرين هالسنه..
عوشه: لاا لاا عااادي اصـلاا انا مليت من كثر مااسافر..هالمره ابغي اصيـف في بلاااادي..
حمـده: هيييه وانا ويــــــاج طبجتيييه..
مريم: ههههه يا حيكم والله..انزين الحيـن بتسيرون بتتزهـبون والا!!!
حمـده: لاا بنسير بنسيـــر..(وهي تتطــالع عوشه)..يالله يــاحظــي امشـــي عن يروحووون عنا..
عوشه: انــــزين يــــا حظـــــي يلا نسيييير..
مريم: هههه ..
راحـوا حمده وعوشه يتـزهبـون ومـريم تمت تتـريا اتصـال حمد عشان يخبرها يوم بيوصـل..شـوي واتصـل فيها عشان تظــهر..وهي ظـاهره من البيـت شـافت حمده وعوشه بعـد توهم ظــاهرين..راحــت صـوبهم..
مريم: لحــظه اشوف شو مسـوين في ويــوهكم اول..
عوشه: مــــاشي بس جحال وجلووز شفاف بعد...
مريم: انــزين والقصــه لو سمحتو ماابغيها تطــلع فاهمييين!..
حمده: الله يـهديج مريوووم انتي لاازم قبل كـل طلعه تعيدين نفس الرمسـه..خلااص يا ابــله حافظيـن الدرس عــدل..وبعدين نحن دومـنا حاشمات عمارنا اصلا نحن شطار
مريم: ههههه حبايبي والله من جيه انا دوم اخذكم ويايه ..يالله يا شطــااااااار نسييير ترى حمد واقف...
عوشه: ههههههه والله حاله..اتقولين نحن اليهال مال الروضــه ومريووم ابــلـتنا..
حمده: ههههه هي والله صـــدقج..
مريم: يـــــــلا بسرعه اتحركوا ماتسمعووون صوت الهـــرن انتوو..
سـاروا كلهم جــدا البـاب اول مابغـوا يفـتحـونه دشـت اميــره..
اميـره: هاااا طالعييين اشوفكم..
حمــده: ويييييييو هيييه نحــــن طـــالعيييين ..انتي سيـــري يلسي بروووحج..
اميـره: ههههه عادي حــبيبتي انا شـــبعانه من الحــواطه والـــدواره من الظــهر طــالعه لييين الحيينه..بسير ايـلس عند امــي وابــوي شــو ابا فيييكم..
مــريم: هيييييه من جييه مب هامنها..
عوشه: هههههه اصـــلاا الحيــنه وقــت الطــلعات مب من فير الله..
اميره:هههه ويا راسج قــلت الظــهر انا ماقـلت من فير الله انزين..(وهي تأشر على مريم)..وبعـدين انتي مااتقوليلي ليش ماخذه هالحشـاكـل ويـــاج..توكم معاريس يــداد لاازم تظهروون رواحكم..
مريم: هههههه يختييه يغمضووون..
حمـده: فـــــديت مرت اخـــوويه انا فيها الخير احســن من غيرها ..دووم يظــهرووون من غير ماايقــولون عنا اخــت حليلها يـالسه روحها في البيت ملانه بنظــهرها..
اميـره: هههه انا وييين اظــهر يا حســره كــله اييكم البيــت..بس اليـــوم كـــان العيــــــد عـــندي امظـــهريني ههههه
مــريم: انزييين اميروووو ترانا مستعيليين حمد واقــــف..وانتو جيه واقفين يــلاااا سيروا اركــبوو
امييره: هييه شـــفته توني قـبل لاا ادش قــالي اقولكم تظهروون بسرعه ...
مريم: يا وييييلي... يلا يلا انسيييير..اميروووه مع السلاااامه..

حمـده: لحظه لحــظه...اميرووه بتخــبرج عشان المصممه الي قلتيلي انها ربيعتج وبتسويلي فسـتان الملجه..متى بتخـــلصه؟!!..
عوشه: طاعووو هاي الحين روحنا مستعيليين وهاي اتفكـر في الملجه
أميــره: شووو هالعــبط يعني اكييد بتخـلصه قـبل الملجه..انا قـايلتلها الملجه الاسبوع اليااي وهي قالت عادي بتخـلصه..يلا سيروووو..
حمده: بل كلتوووووني.. انزييييين يلااااا جو جااااااااااااو
اميــره: جو جوااااااات هههه
ســـارت عــنهم وهــم بعــد سـاروا ركــبوا موتــر حمد الي كـــان واااصل حده من كــثر مااتــرياهم وتــم يطــلع حرته في مــريم..
مـريم: انـزين شو نسـوي ترى شـفنا اميره وتمينا نسولف وياها شـوي..
حمد: لا واللــــه!!..يعني جنكم الحين من عشر سنيين مب شايفين اميـره.. عالاقــل خبريــــني انج بتتأخـــرين مب مخليتني ســاعه وااقف ..
حمده: خلاااااااص عااد اخــوووويه ماصــار شـــي..نحــن طالعيين نستـــانس وانت محـرج ماايصير
عوشه: كــله منج انزين..الحين نحن نبا نظـهر تقولين فسـتان الملجه!!..
حمد: انا ابا اعرف انتو منو عزمــــكم اتووون..؟!!
حمده وعوشه اطـالعوا بعـض قافطـــات ويحايسون بشفايفهم.: افااا..
حمده: مقــبووله مقــبوووله منــك يااخـــوي..نحــن الله يســلمك مريووم شــفقت علينا وقالتلنــا تعالوو ويـانا..
في هاللحــظه كان موقف عند الاشـاره لاانها كانت حمـرا..صـد صوب مــريم وفــج عيــونه مصدوم لاان شــافها تمســح دمـــوعهـــــا..لف ويهها بيـــــده صوبه وانقـــــبض قــلبه يــوم شــافها بهالحــــــاله..مــريم كــانت قــافطه في هاللحظــه ماعرفت شو تسوي حاولت قـد ماتقـدر انها تخـفي دموعها بس شافها حمد..
مريم: ماادري شــي طـاح في عيــوني والحين تحــرقــني..
ااااه فـــــديتج والله دخيييلج مااتحمـــــل اشـــوف هالدموووع..
حمــد ما حب يحـرجها جدام حمده وعوشه..: هيييه انزيين خذي كليــنكس فــديتج ..
و خذت حبة كلينكس وتمت تمسح دموعها..حمــد حس بغـــلطته وتــم متـــــلوم..هــاي مــريم عمــري وحيــاتي شقــايل جــي ارمســها..فــديت قــلبها انا رهييف بسـرعه يـتأثــر ..اطـالعها بعــد مــره وكــانت تغمــــض..وكــره اللحــظه الي عصـــب عــــليها..تم ســـاكت ويســـوق بضــيج..الود ودده يــوقف المــوتر ويـــنزل يضــمها ويــقولها ســـــامحيييني حــبيبتي ترى والله مااقصــــد..
..............
راشـد بعـد ماوصـل اميـره بيت ابوها..تـم يحوط روحه في السـياره متـحرقص يبغي يعرف كيـف كانت سـهرت البـارحه..شـل تلفـونه واتصـل في محمد..
محمــد: هـــلاا والله..
راشــد: هلااا فيــــك ,, شحااالك
محمـد: تمااااام شحاالك انته
راشـد: والله الحمـــدالله..هااا ويــــنك؟
محـمد: انا اهــني في المـوتر عند بيـت ناس اتـريا الوالده تظـهر من عندهم..
راشـد: هييه انـــزين قوووولي شــو سويتو امـس بدووني..
محمد: اففف والله فــــاتك فــــاتك..احـــلى ليـــلة في المــزرعة ليــن الحيــــنه..غـــبي والله فــوتها على عمــرك ..انا ابغي اعرف انت اشـحقه ماييت!!..
راشـد: قوول والله...يااخـــي مااتفيــجت ايي امــس..
محمد: مااتفيــجت والا الجماعه كانوا قافلين عليك البااب هههه يحلييلكم يالمتزوجيين..
راشـد: تتطــنز ويا راســك..لاا الغــالي انا لو ابغي ايي بيي محد يرووم عليه..عدااال يالعزووبي ان شاء الله انته الي بيقفلون عليك البـاب..ههه عقب ماشي مزرعه..
محمد: هههه لاااااا انا بعــــدني ابغـــي اتهــنى بشـــبابي...
راشــد: ليــش شو تـتريا ليــكون تتحــرى عمرك صغيييير يالشييبه..يلا مب ناقصنك شي انته..
محمد: هههه اسكــت لاااا استويتلي شــرات الوالده انته..الحيـن بخبرك انت شو تبـا..
راشــد: ايااالهـــــرم..انا ابغي اعــرف البــارحه شو استـــوى بالتفصيييل بس والا انت مب ويــه حد يتصل فييك..
محمد: ههههههه والله انك بتتحســـف قــد شعر راســك انك ماييت لو اقــولك شو استــوى..انزين اسـمع الرمسـه في التلفون ماتنفع..انا بوصل الوالده البيـت وبخبرك يوم بوصل وانت تعال مر عليه اوكي..
راشــد: خــلااص اوكــــي..
سكــر عنه راشـــد ونــدم لحظـتها ليــش ماســـــار امــس..(وهـو يــدق عالسكـــان بالقوو)..اخ يالقهــر انا شــو الي خــلااني مااسيـــر وافــوت ليله مثـل هـــاي..صــدق اني غـــبي والا في حد يفــوت على نفســه هالســهره!!
...................
في ميـركاتوو..بالتحديد في محل من المحـلاات الي هناك ..كانوا شـما وحـارب داخل..
شمـا: افف انا مـليت الصـراحه ..خلااص خلااص انسيير..
حارب: وييييين بتسيرين ماخــذتيلج شي!!
شـما: انا مااعــرف اخــتار روووحي لاازم اميي اتكوون ويــايه..جان اترييناها انزين..
حارب: انزين شـو اسـوي اتراها هي قـالت روحوا عـني هي بتتأخر في العزيـمه..الحيــن كل هاللبس تشوفينهم ماعيـبج ولا واحد منهم؟!!!
شمـا: اممم لااا تعال انسير محل ثـاني بس تراه آخـر محل انسير له اذا ماحصلت خلاااص..
حارب: انزين يلا انسير..
مشـوا صـوب محـل ثاني ودشـوا داخل..شمـا وهي تحـوط في المحل تتطـالع الي عندهم يـت صوبها الحـرمة الي تشتغل في المحل وتمـت اترمسها عن كل قطــعه فيه ويلســت تمدح فيهم..حـارب مــل وطـلع من المحــل وتـم واقف برع ..وهــو واقف فجــأه انتبــه للمحــل المجــابل للمحل الي واقف عـنده..تــم فـــاج عيــــونه وهــو يطـــالع مب مصـدق الي يشــوفه منصــدم..معقــــوله الي يشــــوفه!!!..مـــره وحــده عقـــد حيـــاته وهو يشـــوف هالموقف...كــــانت واقفـــه عـند باب المحل واثنـــينه من الشـــباب ســايرين وراديــن جـدامها ويبتســمون لــــها ويرمســـــون..وشكـلهم كانوا يلعوزونها وهي طـفرانه منهم ومتوهقه..دخــلت داخــل ودخلوا وراها..مــارام يـــتم واقـــف جيــه..مــــاعرف كيــف وصـــل المحــل من ســـرعته وهو يمشــــي.. دش داااخـــــل وتـــم وراهـــــم..يـــراقــب الوضــع وهـــومشـتــــط ومغيــــض من الخااااطر..
.....: عطيــنا ويــه عاااد..الحين نهون عليج نلاحقج وانتي لابســتنا!!..
كــــانت تمشــــي وهي تتنــافض من الزيـــــغه مــب عارفه ويــن اتسير او شـــو تســوي..خــايفه ترمس او تــقول اي شـــي تحس انه لسـانها مربووط وريـــولها مــب شايلتنها..من زوود ماهي خـــايفه ومتــروعه ذرفــــت دمـــوعها..مـــره وحــده اييها صــوت من ورا خلااها تفــز مره وحــده في مكانها..
حـارب وهو يصـارخ: انتووو اييييييييه..!!..صــدت عليه وصــدوا الشــباب صــوب الصـــوت بعــد..انصــــعقت حمــده يــوم شـافت حـــــارب..واتيــــــبســــت في مكـــانها .. ســار صـــوب الشــباب وهـــو مفووول ..من كثــــر ماهوو مغيـــــض قبض الاثـــنييين من صـــدرهم وتــم يــطالعهم بحقـــد..
حارب وبصـوت عااالي..: ماتستحوون على ويووهكم يالجـــــــــــــلاااااااااااب..شــفتوها بــــــروحها خلاااااص ييتوا صووبها..
حمــده واقفــه بعيييد تتنــــافض من الزيـــغه واتصييييح..زيــن انه المحـل ماكان فيه حــد الا الي يشتغلون وكـانوا واقفيين مبهــتين وخايفين هم بعد مب عارفيـن شو السـالفه..
بعـــدوا الشبــاب حــارب عـــنهم بالقــــووو...: شـــــو يخصـــــك انته ..ههه يااخي معروفه هالحركات..نــدري انك حــاط عينك علييها ومســوي رووحك محــترم وراعي فــزعه جــدامها عشان اتيــرها صــــوبك..
قبضــهم حــارب مــره ثــانيه بكــــل قــــوته وهــو راص على اســـنانه..: هـــاي مـــــرتي يالحمييييييير..تعرفون شـــو يعـــني مـــــرتي..
فجـــوا عيوونهم منصـدميين..زاغــــوا وقفــــــطوا في هاللحظـه ..ســحبــوا عمـــارهم وطــلعوا من المحـــل..حـــــارب وهــو يهــز راســه خــذ نفــس عميييق..شــاف حمـــده حـاطه ايـدينها على ويهها وتصييييح..عــوره قــلبه ومــاقـدر يتم واقف جــي يتطـالعها..سـار اتقــرب صــوبها واســــئله اتدووور في بــاله..شــو يايبنها اهـــني..وليـــش يــاييه بروحهـــا؟!!..يــايه شـــو تســـــوي؟!!..شـلت حمــده ايـدينها يـوم حســت انه حد واقف مجـابلنها ..شــافت حــــارب جـــدامها والدموع مـاليه ويهها..انحـــــرجت وااايد ماعــرفت شـــو تســوي ..نــزلت راســـها..اتخــبل حــارب وهــو يسـمع صـوتها النــاعم وهي اتصيــح وتشـاهق..طـلع لها كمن حبـة كلينكس من جيـبه ..ومــد لها ايــده عشـان تـاخذهم..خــذتهم وهـي منزله راســها مــب قادره اتحـط عيونها في عيــونه...تمـت تمسحهم على خـدودها وحارب واقف يـطـالعها مب عارف شـو يسـوي هو بعد قـافط..بس متـــحرقص يبغـــي يعـــرف هي لييييش اهــني رووحها..!!!!
حـارب: ويـــا امنــوا يـايه؟!!!...ليــــش مخلينج رووحج اهنيي؟!!!
حمده رفــعت راسـها شـوي وهي تصيـــح مب رايــمه ترمس وردت ونـزلته..
ااه يــــاقلبي والله مـــب قادر اشوف هالدمووع ..
حارب: انـزين اقولج.. تمـي وراي..لحقيني ويـن مااروح..اوكيه
حمده هـزت راسـها بمعــنى انــــزين..اتجــدم حــارب وتمـــت هي وراه تمشـــــي وبعـــد اتحــس بخووووف بس بنفــس الوقــت تحمد ربـــها ان الله طـرش لها حــارب في ذيج اللحـــظه والا الله يـعلم شـو كان بيستــــوي..كــبر في عيــنها واااايد لاانه عـرف كيف يتصرف ويفكــها..حـارب وهو يمشـي كـل شـوي يـصد وراه يــشوفها..وصـل المحــل الي كانت فيييه شـــما..شمــا اول مـاشافته سـارت صــوبه..
شـما: حااااارب انت ويييينك سرت وخليتني بـــروووحي...
انتبــهت على حمــده اتــدش المحــــل..تمــت تتطــالعها باستــغراب وحمــده اول ماشــافتها ســارت عــندها وماحســت الا وهــي في حضــنها واتصيييح بحـرقه وبهـدوء عشان محد يسـمعها..حــارب قــلبه كان يتقـــطع وهــو يشـوفها بهالحـــاله..وشمــــا منصـــــدمه..
شمــا: حمده حبيبتي اشفييييج ليـــش اتصيــحييين..اهــــدي فــديتج اهــدي..(سـارت ويـلستها عالكــرسي ويـلست وياها وتمــت اتهـــديها وهي مستـغربه من وجودها روحها اهني..بعــد ماهــدت شـويه)..حمــده فديتج قوليلي الحيـن ليش يالسه تصيحين؟؟
حمـده: مــاشي..مــاشي..
شـما: انزين قوليلي انتي ويـا امنو يــايه اهـــني؟!!..
حمـده: انا يـايه ويا اخويه ومرته وعوشووه..كــنا في محــل نتــمشــى والمحـل كان عوود..انا كـنت واقفه بعيـد عنهم واطـالع اشيـاء ثـانيه..فجــأه جان يختفون وماشـفت حد منهم..شكـلهم ماعرفوا وظـهروا من المحـل يتحرون انا وياهم..طـلعت بسرعه وسـرت المحـل الثاني الي حذاله بعد ماحصـلتهم..وانا ناسيـه تلفوني في البيـت مايبته ويـايه..الحيـنه ماادريبهم وييين..اكيد راحوا عـني وخلووني اكيييد..
حـارب كان واقف شـويه جريب منهم بـس صاد عنهم..وسـمع كل الي قــالته حمـده.. فــديت رووحج ماتستاهلين الي صابج ..كـان مـركز في صـوتها وهي تـرمس ويتفــداه في خـاطره....اه متى بـس بيمر هالاسبوع وتستوين حلييلتي مـــتى!!..
شمـا: لاااا لاااا شـقايل يروحوون ويخلووونج..(طـلعت موبايلها من شنطـتها وعطتها اياه)..يودي اتصـلي فيهم وشوفيهم ويين؟
اتصـلت حمــده في حمـــد..ورد عـليها..
حمـده وهي تمسـح دموعها: الوو حمـــد ..انتووو وييييينكم
حمــد وهــو معصـــــب: نحــــن الي ويــــن والا انتي؟!!..لفيــــنا المـــركز بكــبره وماحصــــلناج..ويــــــــــنج انتي؟!!!
حمـده مـــاتت من الزيغــــه يوم سـمعت صـوت حمد معصـــب..قـالت له اسم المحــل الي هي فيــه..دقــايق ووصـــلوا المحــل لاانهم كانوا جريب منه..مريم وعووشه اول مـاشافوا حمــده ساروا صـوبها اما حــمد استغــرب يوم شاف حارب ..ســار صوبه وســلم علييه..
حمــد: هاا شـــو تســوي اهـــني؟
حـارب: انا مــاشي بس الرضيـعه يـايه تتشـرى..وانته ؟
حمـد: انا يااي اتشـرى اغراض حق الســفر..
حـــارب: هيييه مــاشاءالله متى مســافريين؟
حمد: الاسبوع اليـاي عقب الملجـة ان شاااء الله..
حـارب: هيييه زيــن الحمدالله ..قلت بعـد اخافك ماتكون موجود في الملجه..
حمد: هههه لااا افااا شقايل مااكون موجوود في ملجتك انته ويا اختييه الي بهــدلتنا اليووووم..
حـارب: يااخي والله حــرااام عليييكم ودرتوها روووحها.. يااايه اهـني اتصييح زين انها شـافت اختيه ويــت عندها..
حمـد: نحــن الي ودرناها روحــها والا هــيه الي مااتقــر مكان واااحد..قـايلها انا بعـد ماتتحــرك من مكانها اتم ويااانا..وبعد مافاد وياها الرمسـه..
حـارب: يــالله ما علييه حصــل خييير..وشـخبارك بعـد..؟
.
.
حمــده: خياااااااس انزين مااحــبكم ..الحين بعد ليش ياييين عندي..جان ودرتوني ورحتوا ..عادي اتسوونها انتو..
عوشه: جااان زييين سوييناها عشان مره ثـانيه تتأدبييين واتمين ويااانا..اتعرفين انه نحن ثواني بس طـلعنا من المحل وشفناج مب ويـانا..ردينا مره ثانيه والا انتي مب هــناك..عنبووو متى لحقـتي تطــلعيين وووين سرتي..
حمده: ههه سرت المحـل الي حــذاله..وانا اشدراني انكم بتردوون..
مريم: المفرووض تتوقعين هالشــي يعني اكيــد يوم بنعرف انج مب ويانا بنرد المحل نفسه وبندور علييج..
حمده: وانا اشدراني من الزيغـه طـلعت بســرعه ادوركم اقول ويــن اختفوا هاذيـله..
مريم: يـالله مب مشكـله الحمدالله حصــلناج..يـزاها الله خير شـما ماقصـرت..
حمده: هي والله ماادري شو كنت بسـوي لولااها..زيين اني شفتها..
شـما: افا عليج الغـــاليه ماسـويت الا الواجـــب..
مريم: يــايه اهــني تتشـرين والا بس حواطه؟
شمـا: لاا يايه اخــذلي شـي حق الملجـه بس ماادري شو آخــذ انا روحي مااعرف..يالييت لو تساعدووني..
حمـده: مــلجه؟!!..ملجـــة امنوووو؟؟
عوشه: يــــــــــاربي اشقــد تستعبــــط!!..الحين اونها يعني مااتعــرف ملجـة امنوا..
شمــا: هههههه يقولون ملجـــة اخــوي ويا بنت يــرانا..
حمـده: ههههه منوو هااااااي بنــت ييرانكم..اعرفها انا !هههه
مريم: هههههه افا عليج شمــا..تعالي انا بختار لج احس هالمحل فيه اشـياء حــلوه..
شمـا: اتســـوين خيــر والله..
نقــت لها مــريم تنــورة فــوشيـه حـــلوه على اطـرافها من تحـت خــرز اخــضر ..وكــانت قصــيره..وشـافت حمده قميـص قصيـر كــت.. حلوو واايد ولايق عالتنـورة من نـاحية الالوان.. لونه اخــضــر غامج وعليه خرز باللون الفــوشي ويـا بودي هـاي نك بــلون اخضـــر..وحصـلت عوشه بنطــلون لـونه اخضـــر على لون القميــص عشـان تلبـسه تحــت التنــوره..حطـوا القميـص وفوقه البنطلون وفوقه التنوره طــلع كـله على بعـــضه رووووعه..
حمـده: هااا شـــو رايج؟
شمــا: خباااااااااال والله انــكم ذويقـــــــاات..انا ساعه ادور في هالمحــل وماشـفت شــي يجــذبني لــكن انتــوا ماشاءالله عليكم عـرفتو تختااروون..
مـريم: افااا عليج حبيبتي هو يبالج اتدورين عـدل.. اتيبين قطعه من اهني وقطعه من اهناك لين ما تكتمــل..خلااص اذا عايبنج خــذييه..
عوشه: بس تــدريين..لو تاخذيــن عليه حــزام بيطـــلع احـــلى بوااايد..
شمـا: ان شـاء الله بـدور حـزام بعد..
حمـد اشـر على مـريم انه يبـا يسير..سلموا على شمــا وطـلعوا ويـا حمد..يــا حـارب صـوب شــما..
حـارب: خلااص خــذتي الي تبينه؟؟
شمـا: هي خــذت يزاهم الله خيــر مــاقصـروا ويـاي اخـتارولي هالاشــياء..
حارب: وخطيـــبتي شــو اختارتلج؟؟
شمـا: هههه اختارتلي هالقميــــص ,,شو رايك فيه حلوو؟؟
خــذ عـنها حـارب القميــص: اللــــه واايد حلووو فديت القميص انا..اصلا انا اول مادشيت حطيت عيوني على هالقميص ياي اقولج خذييه بس نسييت..
شمـا: هههههههه هي صح صح صــدقتك..
حارب: هههه انزين يالله عطيني الي خذتيه خليني اسير احاسب..