 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
11-06-2021
|
||||||||||||||||||||||||||||||
|
||||||||||||||||||||||||||||||
رواية وجهان العمله واحدة البارت الثالث عشر
Prt " 13"
فتحت عينها بأنزعاج بسبب أشعـة الـشـمس اللي أخترقت رقـادهـا بدون سابق أنـذار شـافـتـه يقترب صوبهـا ويقـعـد على طرف سريرهـا ويرجع خصلات شعرها الناعمه اللي تعانق خدهـا بلطف لورى : بسج نوم ,,!! آمنه تعطيـه ظهرها وتتغطى عدل : يبه والله تعبانه ,, أبي أنـام شوي !!! سالم يطالع ساعته بستغراب : ماتلاحظيـن أنج نمتي وايد اليوم ,, آمنه بخمول : مانمت أمس ألا متأخرهـ ,,, سالم : وشعندج متاخرهـ ,,, زادت من الضغط على عيونها المغمضه بخفـه ودفنت ويها بالمخده علشان مايقدر يقرى أبوهـا تعابير ويـهـا ويعرف السبب ,, قالت بصوت شبه مفهوم : يبـه حبيبي بقوم اللحيـن ,, صدقني ! سالم يطبع بوسـه حنونه على راسـهـا ويقول وهو يوقف : آوكي ,, بنصدقج ,, بس لا تتأخريـ،ـن .. آمنه هزت راسها بدون لا ترد ,, وأول ماحست بخروجه وسمعت تسكيرت الباب ,, رفعت ويها من ع المـخـده ,, قعدت وهي متربعه ع السرير ومسحـت على ويـهـا الـبـارد بسبب التكيف العالي بخمـول أأكبر ,, ألتفتت بسرعه على جوالـهـا يمكن تلاقي أتصال أو مسج من زايد وأرتسمت أبتسامه عريضـه على ويـهـا لما لقـت مسج ,, فتحتهـ بلهفه وهي تحس روحها مستانسـه لكن اللي كـدرهـا ,, آنـه الـمـسـج من كـيـوتل !!! قالتهـا من قلبها وهي ودها ترجع تصيح مثل ماسوت آمس " والله قلبك حجر !! " رجعت جوالها لمكانه ,, وقامت للحمام وقفت جدام المغسله وهي تشوف ويـهـا وشعرها المبعثر تنظيمه ,, أبـعـدت هالخصلات المتناثره على ويها بشقاوهـ وفتحت الماي رشـت على ويها كم رشـه علشان تصحصح وبـعـدهـا غسلت أسـنـانهـا وهي تطالع ويـهـا بالمنظرهـ أول ماخلصـت طلعت ونشفـت ويـهـا ... وسـيـده نزلت من غرفتها لـعـنـد أبوهـا وهي تحاتيـه آكيد ماتريق ؟!! دورته بالصاله مالقـتـه ,, لمـحـتـه من بعيد قاعد على طاولـة الطعام وماسك جريدهـ يتصفحهـا ,, ومجـهز الفـطور أقتربت منه وباست راسه وهي تقول : صباح الخير ,, سالم وهو يقلب الصفحه قال ببتسامه : هلا ,, صباح النور ,,, آمنه بخجل من نفسها : سوري يبـه ماسويت لك الريوق ,,! سالم يطالعها بنص عيـن : عــآآآدي ! شصار يعني ؟؟ أأدري أنج كنتي نايمه ...لأنج آآكيد ماراح تهملين أبوج حبيبج لو كنتي قاعدهـ ,, أرتاحت من كلامه قـعـدت وصبت الجاي لها ولـه ,, بـعـدها ألتفتت عليـه لقته للحيـن غارق بالجريدهـ ,, آمنه وهي تسحب الجريده من يد أبوهـا وتسكرهـا بعد ماحطتهـا ع الكرسي اللي أحذاها : ببببببسك قرايـه ,, تريق !! سالم أستغرب من حركتها قال : قــاعد أقــرى ,,!!!! آمنه : ادري أنك تقرى عيل تتصور معاهـا ,,,؟؟ من زيـن الأخبار اللي فيـهـا اللحيـن كلها تغث وتضيق الصدر .. أكل بعدهـا لو تبي تجابل الجريده ليـن باجر كيفك ... سالم : أنتي جفتي بالأول الجريده اللي قاعد أقراهـا !!,, هذي الرياضيــه ,,, عطيني خل أشوووف شسالفـة اللاعـ...... قاطعته آمنه بعناد محليها : لا يعني لا ,,, أكل بعدهـا يصير خير ,,, يلا أشوف بلا عنــاد .. سالم أبتسم على طريقـة كلامها قال وهو يزفر : عنيييييييييييييده ! آمنه : طالعه على أبوي حبيبي ,, " بتسائل " ألا ماقلت لي يبــه .. ليش مارحت الدوام اليوم ؟! سالم : رحت بس أستأذنت ورجـعـت ,, لآنـه بنروح ليــدج بعد شوي آمنه بأهتمام بعد ماتذكرت يدهـا اللي ماعرفت أخبارهـ آمس ,, بما أنـه أبوهـأ أول مارجع راح نام على طول وماعطاهـا فرصه تسائل : آآي ! شلـونه يدي ؟؟! بيطول بالمستشفى ,,, سالم : أي مستشفى ؟؟ يدج مارضـى يقعد دقيقه زيادهـ هـنـاك ... شال عمرهـ وطلــع .. آمنه أبتسمت على تصرفات يدها اللي حافظتها قالت : فديت يدي والله ,,, أصلا لو رضى يقعد عندهم ماراح يكون هـو ! آكيد مبدل ..!!! " بأهتمام ممتزج ببتسامتها " أهم شي شلونه اللحيـن ؟؟ سالم : الحمدالله بخير ,," قال بلمحة غضب لما تذكر اللي صار آمس " تدريـن أنـه سليـنـا وبشييرر هم سبب اللي صار بيدج !!! آمنه أنصدمت !!: سلينا وبشير ؟؟ سالم : آآي هم ! ,, سليـنـا خاشـه الدوى .. ويدج صار له كم أسبوع ماطب بطنه شي ,, والثور بشـيــرر أبوي يدق لـه مطنشـه !!! آمنه عقدت ملامحها بغضب : شهلـ قلوب اللي عليهم ؟؟ سالم : والله آمس ماقصرنا فيهم لا أنا ولا عمتج ,,, ماارتحنا ألا لما سلمناهم للأبعاد ... أمنه أرتخت ملامحها : ويــدي !! سالم : ماهدينـه ألا لما رضـى يسكن عند عمـتـج ,, بعد طلعت الروح رضـى ... آمنه بتردد قالت : يعني ! ..... يدي ببيت عمتي اللحيـن ,,؟؟ سالم : آيــه ,, اللحيـن لما تخلصيـن اكل بنمر بيت يدج نجيب له ثيابـه وأغراضه المهمه ..... أمس ماقدرت أأمر وأجيبهم .. كنت حدي متسندر وأبي أنـآآم !!! آمنه نزلت نظرها لصحنـهـا بدون ماتعلق ... روحتها لبيت عمتها بتخليـهـا تشوف زاايييد !! وهي ماتبي تشوفـه ,, شايله بخاطرهـا منه ... شلون يطنشها جذي ولا يعبرهـا ... ولا حتى يدز مسسج ع الأقل يستسمح منها على تطنيشه المحترم أمس ,, الظـاهـر الاخ مسوي ثقيل من أولـهـا ,,؟؟ آو يمكن ماعرفتي تختاريـن اللي تحبيـنـه يـاآمـنـه ! , , دقـايق وخلصـوا من الريوق شالت الصحون وودتهـا المطبخ بمساعدة أبوهـا غسلتهم ع السريع ورجعت كل شي بمكانه وطلعت من المطبخ متجهه لغرفتهـا فوق ,, سكرت باب غرفتهـا ,, فتحت الكبـت علشان تطلع لـهـا شي تلبســه ,, وبـعـد دقايق من البـحـث بين الثياب ... طاحت عينها على ثـيـابـ حلوهـ ,, طلعتهم وحطتهم ع السرير ,, كانت بتطلع الأكسسوارات من اللحيـن بس غيرت رايـهـا على طول بتسبح ولما تطلع يصير خير ,, دشت سبحـت وأول مالامست قطرات الماي جسمها حسـت براحــه ,,, وآنـه الهموم اللي بقلبهـا أبـتـدت تنـزل مع كل قطرة ماي تـعـانـق جسدها طولت شوي وهي بالحمام ( الله يعزكم ) وبعدها طلعت ولـبسـت ثـيـابـهـا ... وآبـتـدت رحلـة التكشـخ ... , , , دخل الـحـوش وسكر وراهـ البـاب وقال ببتسامه : هلا غـآنم غانم : هلا .." يحاول يتذكر أسمه " ممممم زيـد صح ؟؟ زايد : زايد وأنت الصاج .. غانم يطق على يبهته علامه على النسيان : آوه ! نسيييـت !!! سلم عليـه بعدها قال وعيـنـه ع البطبطـه : شـقـاعد تسوي ؟؟ غانم : ولا شي ,, آآسـتـعـررض بالـحــوووش .. زايد : تـعــرف تستعرررض ؟؟! غانم ينفخ عمرهـ : آكييد أفـا عليييك ؟!! زايد : ورني !! غـانـم أستانس من أهتمام زايد قال : ولا يهمك ,, أبـتـعـد شوي عـن زايـد وأبـتــدى يوري زايد مـهـاراتــه ,,, ويستعرض حـركـاتـه الجـنـونيـه وزايـــد يراقبـه !! !! . . داخل كانت نازلـه من الدري وهي واصل حـدهـا الواحد مايعرف يـنـام بـهـلـ بييييت ,,, من صلح هالبطبطـه وهو مسـنـدرهم وحــآآشررررهم فيـهـا وصوتــهـا المــزعـــــــــــــــج واصل لعنـد غرفتــهـا ,, فتحت باب الـصـالـه وهي معصبــه والنوم لاعب بحسبتهـا ,, شـعـرهـا معفس وببجامـة نومـهـا توهـا بتــصرررخ من قمة راسـهـا وتــدعي عليييـه من كل كل كل كل قلبـهـا ,, ألا تلمح واحد واقف مع غانم بالحوش وشكله ماأنتبـه على خروجهـا ,, دخلت ركض داااخل وسكرت الباب بسرعه حطت يدها على قلبـهـا وحمـــدت ربـهـا أنـه ماشــآآفـها نوره بتنرفز : يووووووووووووووهـ ,, على حظي الخايس ,,,!!! وقسماً بالله مليييييييت من هالمواقف الزفته ... صكـهـا فضول تبي تعرف من هاللي واقف مع غانم وبايـن عليـه آآكبر منـه بوايد !! وأأكيد ماراح يكون وااحد من ربعه ؟؟؟؟! ألا أذا غنييم طاق صحبـه مع عيال العشريـنـات هذا شي ثاني راحت صوب الدريشـه وفتحـت الستـأرهـ ,, وهي تـقــز اللي وااقف برى ملامحه مب غريبببـه ولا حتى هيئته ,,,, شكلـه مألوف لـهـا !! " يــآآربي ويـن شــايفته ؟؟...." . . ثواني بس وتذكرت ,, حطت يدها على حلـجـهـا ,,!!!! " آمبيه !!,, هذا اللي ....... " شب ويـهـا احمر من الأحــرآآج ونبض قلبـهـا تـســآآرع ,, هذا هو نفسـه اللي مسكته بالمستشفـى !! نوره من قلبها : أشووووووووووه ماجااااااافني والله كنت بطيح من عينه زود,, تذكرت نظرات الأحتقار اللي شافـتـهـا بعيونـه لما ألتفت عليـهـا تذكرت صوته الـحـاد لنواف ( ,, نواف أنـا رايح ,, ) للحيـن نبرة صوته ترن بأذنـهـا ,, شكلـه أخذ فكره عـنـهـأ ,,,, وصج صج طــآآحـت من عيـنـه وبقوه بعد ..! مـاتـدري ليش عيونهـا لآزقـه عليييـه .. ومب قـادرهـ تبتعد عن الدريشــه .. كـان يراقب أخوهـا اللي قاعد يستعرض جدامــه وهو مسـتـانـس ,, وبـعـدهـا توقف غانم جدامه وأبـتـدى يكلمه ... ماتدري شقالوا لآنـه مكانهـا بدون أدنى شك مايساعد أنـهـا تسمع ولا حتى ثلث كلمه !!! وسط أنـدماجهـا سمعت صوت جاي من وراهـا : شتسويـن ؟؟ ألتفتت بسرعه .. الا بنواف .. بـغـى يوقف قلبهـا ,, قالت بسرعه حتى بدون تفكير : غنووم مادري مع من واقف !!! أقترب نواف وطل من الدريشـه وقـال بعد ماشـآآف الشخص وعرفـه من أول نظرهـ ,, بصوت هامس مسموع : زايد !! .. " طالع نوره " ماعليج أمر سوي لـنـا جاااي ...! نوره : أوكيـه .. أبـتـعــد عـنـهـا وطلع من الصاله ,, بينما رجعت تطل من الدريشـه بلقافتهـا المعتاده ,, شافت نواف يسلم علييـه نوره بقلبها " عيل أسمه زايد ؟! " , , بيت سالم آول ماخلصت لبسـهـا وحطت اللمسات الأخيره على كشخـتـهـا ,, سـحـبـت عبايتهـا ولـبـسـتـهـا على طول ولـفـت شيـلـتـهـا بأهتمام طلعت من غرفتهـا وسيده لغرفـة أبوهـا اللي كان بابها مفتوح لقـت أبوهـا يضبط الغتره أبتسمت وهي تقول : يـه يـه ياحظي فيييك بس ,, سالم أبـتـسم وقال : هـا خلصتي ؟؟ آمنه وهي متسنده ع الباب بخفه : آآيــه ,,, سالم بعد ماجيك على عمرهـ : أوكي عيل ,, مشيـنـا ... طلعوا من غرفة أبوهـا وسيده لسـيـارته ركبـوهـا وأتجـهـوا أول شي بيـت بو سالم علشان يجيبون لـه ثـيــابه وأغراضه اللي راح يحتاجها وأول ماحطـوا ريلهم داخل الصـالـه داهمهم شعور غريب من هالهدوء اللي مـحـتـل الـمــكــان بطريقـه ماأعـتـادوا عليييـها الـعـاده من يدشون هني على طول يتسلل لمسامعهم صوت التلفزيون ولـه الراديو ,,, أو حتى صوت بو سالم وهو يــصــآآرخ على سـليـنـا علشان تجيب لـه وتودي ! آمنه : البيت مب شي بدون يدي !!!! سالم هز راسه بالأيجاب وقال بهدوء : صاجه !,, ماحب يتعمق بالذكريات القديمه ,, اللي عاشـهـا وسط هالبيت من يومه يــاهل ... على طول أتجهه هو وبـنــتـه لغرفـة أبوهـ طلـع شـنـطه وأبـتـدوا يحطون الأشيـاء المهمه ,,, وبـعـد تقريباً نص سـاعـه ,, كانت الشنطه متروسـه وماتستحمل أغراض زيـادهـ ,,, سالم وهو يسكر الشنطه : أظـن هذول كل اللي بيحتاجهم يدج ,,,؟! آمـنـه : ممم ,, مادري ,,؟؟ " تنقل نظرهـا بالغرفه " زيـن في أغراض بالدروج ؟؟ يمكن فيهم شي بيحتاجه ؟؟ سالم بعد تفكير قصير : لا لا ماأظــن ,,, ولو في شي ناقصـه راح نرجع نجيبـه لــه .... الشـنـطه خلاص أنتـرسـت مااافيـهـا سـعـه ... آمنه : آوكي ! اللي تشوفـه ... طلعوا من البيت وركبت آمنه على طول السياره بينما أبوهـا راح يحط أغراض أبوهـ بشنطة السيـارهـ ,,, وأول ماسكرهـا ألا بـواحد شيـبـه تقريباً بعمر بو سالم أقترب منه وبعد الـسـلام سـألـه عن أبوهـ لآنـه جالـه ثلاث مرات أمس ومالقـه ,, وكلـه باب الحوش مسكر ,, وهالشي مب من عـآآدة بو سـالم طـمـنـه سالم أنـه أبوهـ خلاص أنتقل وبيعيش عند بنـتـه ولو يبي يزورهـ يـقـدر يروح لـه هـنــاك ,,, أرتاح نسبيـاً الريــال وشـكـر سـالم اللي أبتسم لـه ,, ركب سيـارته وحرك لـبيـت آخـتـه بعد ماغرقته آمنه أسئلـه عن هالشـايب اللي كان واقف يكلمه ..... مـسـافـة الطريج ووصلوا نزلوا سالم وبنــتـه ,, سالم راح ينزل الأغراض ... بينما آمنه راحت ترن الجرس وهي بينهـا وبيـن نفسـهـا تحس روحها بتموت من كثر ماترجف من داخلهـا .. ماتدري ليش يمكن علشانهـا خايفـه يفتح زايد وتضطر تشوفـه ,, وخايفـه تسامحهـ ...!! " لا .. لا ياأمنه أثقلي شوي .... لا تصيريـن خفيفـه !!!!! وبـعـديـن ماراح يفتح زايد الباب ,, هو بدوامه اللحيــن ,,؟؟ عبالج متفرغ لج " أنفتح الباب وفز قلب آمنه أول ماحست بالباب أنفتح لـكـنـهـا أرتاحت أول ماشافت عمتهـا دخلت وسلمت عليـهـا ودش بعدهـا سالم وبيده الشنطه وسلم ,, توجهوا لداخل البيـت وأول ماجافهم اليد هلل ورحب فيهم ... سالم لأبوهـ : هذاهي أغراضك كلهـا جبــتـهـا لك ... بو سالم بأمتعاض : يعني ماني راجع بيتي خلاص ؟؟؟ آم زايد بوي بشوش : شدعوهـ يبـه ,,! مليت مني ... بو سالم بحزن خفيف : لا يابنتي ... بس ......... ذاك البيت فيه ريحة أمـج الله يرحمهـا .. أم زايد وسالم : الله يرحمهـا .. أم زايد : ولا تزعل ... وقـت ماتحب بنوديك هنـاك وبنقعد معاااك بعد ,, شتبي أكثر !! بو سالم هز راسـه بتفهم رغم أنه بينه وبيـن نفسـه ودهـ يرجع بيـتـه .... سالم لأخته : ألا أقول مـهـا ,, غرفـة أبوي ويـنـها ... " يأشر ع الشنطه " كسسسسرررت يدي !! تراهـا ثقيلـه .. آم زايد وهي توقف : عنك عنك ,, أنـا بوديـهـا ,, سالم : لا لا لا !! شـنو شايفتني غريييب ..؟! أنـا بوديـهـا بس قولي لي ويـنـهـا ... أم زايد : ودهـا غرفـة الضيوف,,, " تطالع أبوهـا " خلاص صــآآرت حق أبوي اللحيـن ... سالم بتسائل : اللي تحت صح ؟؟ آم زايد : آآيــه اللي تحت ,, أبوي مب راضي ياخذ الغرفـه اللي أحذى غرفـة زااايييد ,,, يقول مافيـه حييل على الدري بو سالم : آآي والله مافيني حييييل ,, زيـن مني قادر أمشي خطوتيـن واصلب طولي ..... " يهمز ركبته " ركبتي ماعادت مثل أول وأنـا أبووك سالم : ألا شزينك !!! جنك البخت ,,,, بروح أودي أغراضك ورااجع ... عن أذنكم ترك لهم الصاله وسيده راح لغرفـة الضيوف علشان يحط أغراض أبوهـ بينما بالصاله ألتفت بو سالم على آمنه وهو يقول : شعندج قاعدهـ بأخر الدنيـا ,, تعـالي جنب يدج .... آمنه قامت بطاعه وجات قعدت أحذاهـ : هذاني جيييـت .. بو سالم بأهتمام : هـا ,, شلون عروسـتـنـا !! آمنه أنحرجت من كلمة عروستنا قالت : بخير الحمدالله ,, بو سالم : وشخبـار زيووود معاج ..... آمنه أنقرص قلبـهـا ,, لو عليـهـا جان قالت لـه عن تعامل زايد المتحرم معاهـا وخلـتـه يتوطى ببطنه ,,, بس لا !! كفايـة يدها حاقد عليـه قالت : الحمممدالله .. بو سالم بضحكه خفيفه : والله وكبرتي ياأموووون وبتصيريـن مرررهـ ... أم زايد : من زمــان بنيتي مررررهـ ,,, ومرهـ سنعه بعد .. " ببتسامه حلوهـ نابعه من قلبها " الله يوفقج مع زاايد ويهنيييكم يارب ... آمنه أستحت من قلب ماتحب حد يطري هالسيره جدامهـا تحس روحها تنقلب طماطه بو سالم بعد مالمح لونهـا المنقلب أحمر قال : وتستحيين بعد ,, ههههههه ياحليلج يأأمــنـــه .... هذا حجي عادي وجذي صار فيج .. باجر لا خذتي زيوود شبيصير فيج آمنه فهمت قصده طالعته وقالت بأحراج كبير: يووووووووهـ ييييدي ! خلاص عــآآآآآآآآآد ... بو سالم : لا مب خلاص ... " يكلم آم زايد " متى عرسهم !؟ أم زايد : بعد شـهـريييـن ... أن شالله .. بو سالم : آآن شالله ,, عـاد هاا ماأوصيييكم ... أبي أشوف ولد حفييدتي قبل لا أودع أم زايد عقدت ملامحها : يبــه ! شهلـ كلام ,, لك طولت العمر أن شالله بو سالم : مابقـى بالعمر يابنتي كثر مامضـى ,,, أهم شي أني جفتكم وأنتوا كبار وشفت عيالكم .... " يطالع آمنه " وطمعان بشوفـة ولد حفيدتي .. آم زايد : أن شالله بتشوفـه ,, وبتزوجه بــعـــد بو سالم : أزوووجــه !!! ,, شقالولج بعمرر آنــا ,, ؟!!! لا بعد خل أزوووج عيالـه شرايج ضحكت آم زايد وشاركتها آمنه بالضحك وبعدها قالت : لا أن شالله بتشوفـه ,, وبتزووجه مثل ماقالت عمتي بو سالم بخبث : عــآآد أذا تبيني أشووفـه وأزووجه على قولتج أنتي وعمتج ,,, شدي الهمه ,,, آمنه ولع ويـهـا : يــــــــــــــــدي !! أم زايد ضحكت : هههههههههـ يبـه شوي شوي ع البــنــت ,, ذبحتهـا نغزات ,,, بو سالم ضحك بطيبـه وقال : ههههههـ,, ماعليج منـهـا .. بنات هالأيام يعرفون كللللللللل شي ..... وأولـهـم بنت سلوووم هذي .. دخل سالم الصاله وهو يقول : شفيـهـا بـنـت سلووووم !! أم زايد : مافيـهـا ألا الـعـافيـه ,, تـعـال أقـعـد بــس .... ههههههـ... أنـظــم سالم لهم وكمـلـت السوالف ,, والضـحـك هو سيـد القـعـده .. كان بو سالم مستانس من كل قلبـه لآنه عياله حولـه ,, رغم أنـه تمنـى شوفـة شمس وأسماء ... عـلـشـان صج صج تكمل فرحته .... بس ويــن ....!!! ماراح يشوفهم ألا بمناسبـه ,,؟؟؟؟؟؟ . . بـالـمـيـلـس كـانـوا نواف وزايد قاعديـن يسولفون وغانم غصب طيب يدخل روحه بسوالفهم ويفتح أي نـقــاش معـاهـم ,, لحد ماطفش منه نواف اللي قال : أنـت شمقعدك معانـا هني !! قوم روح دااخل ,,, خلنا نتنفسس شوي .. غانم : ماني قايم ألا لما يطردني زاايييد !!! ,, هو الضييف ولو تضايق مني بيقول ,, " يطالع زايد " صح زيوود ,, نواف فتح عينه على وسعها : بـــعـــــد ! .. زيــوود ... أصغر عيالكم هو ؟؟؟؟؟ زايد ببتسامه عريضه : شدعوهـ نوااف خلـه خلـه والله أنه يونسسس .. غانم لأخوه : شــفـــــت !! كاهو رفيييجك قال لك أني أوونس ,,, وسحب عليييييك ! ... " يوجه الكلام لزايد " .. ألا ماقلت لي زايد متى بنرووح ؟؟ زايد : أنت متى تبي تروح ,,!! نواف دش عرض : ويـن ؟؟؟؟؟ غانم : مالك شغل ,, كلام بيني وبيــن زاااييييد !!!... شهـلـ لقـافـه.. نواف طالعه بنظرات توعد ,, ومعناهـا واااضح جدااا ... بينما غانم كان عارف أنـه أول مايروح زايد بيتوطى ببطنه نواف .. بس السالفه فيـهـا بطبطـه وملزوم يضحي : أنـا لو علي ودي نروح اللحيــن ,, زايد بتفهم ورضى : اللحيـن ,,,, اللحيـن أفـآ علييييك ,,,!! غانم قام وقف بحماس : عيل بروح أبــدل .. زايد : خذ راحتك ,,, طلع غانم من الميلس ونواف يلحقه بعيونه بغرابـه وأول ماطلع وسكر الباب وراهـ ألتفت على زايد : ويــن بتـاخذه !! زايد : بوديـه السيليييــن ...,,, نواف بستغراب وهو رافع واحد من حواجبه : وليش أن شالله ؟؟؟؟ شالمناسبـه ... زايد : ولا شي ,, جـفـتتــه وهو يستعرررض بـ بطبطـتـه بالـحـوش وعجبتني حركـآآتــه .... قـلـت أوديـه هنااك ياخذ راااحـتــه وماتعييق حركته الطوووف اللي هـنــي ..!! نواف بتردد : بــس .... زايد قاطعه : بس شنو ؟؟.. ولـه ماتأمن على اخوووك معاااي !... أذا ماتبيني أوديـه ماني موديــه خلاااص ..... نواف بسرعه : لا شدخل ماأمـن علييـه !! بـــسس .... " كان يدور الكلمات " .. مم ... السموحه زاايييد ,, أدري أنــك مهتم فيـه واايد بس ماظـن الوالد بيرضى أنـه غانم يروح السيليــن بروحه ... زايد : بسيطه ! ,, تقــدر تجي أنت مـعـاهـ ..!!!! نواف : بس أنـا مالي خلق أروح اليوم !! ,, زايد : عشان خاطر اخووك ع الأقــل ,,, والله حراام تذبح فرحته جذيي ... ماشفته شلون فززز من شوي ؟؟,, الولد متحمسس ويحب هالهوايـه ... وأذا قعدتوا صاكيـن عليـه جذي مب بعيده يخالف شوركم ويطلع من وراااكم ..... " بجديه " نواف .. ترى أخووك مراهق ,, نواف بعد تفكير قصير : ,,,, زيـن خلـهـا بــآآجررر ... لآني جد جد اليووم مالي خلللللللـ......... " قطع كلامه صوت باب الميلس,, اللي يدخل ع البيت ,, وبسهولـه قدر يــعـرف من عند الـبـآب " نواف وهو يقوم : وصل الجــآآي ,, راح لصوب الباب وأخذ الصينيه اللي بها قلاصات الجاي وسكر الباب وراهـ ,, حط الصينيـه ع الطاولـه ومد الـقلاص لـزايد : تـفـضـل ,, زايد : دام فضلك .... " بأهتمام " عييييل بــآآجرر أمر عليكم ونطــلع !! نواف وهو ياخذ قلاصـه ويقـعـد بمكانه : آآي !! ,, تمرنـا باجر أأحســـن ,,,, ع الأقل أكوون متجههز نفسياً ... زايد : داااش حررررب !! ضحك نواف ,, وأبتسم زااايد ... آبتسامه أعتبرهـا نواف مشاركه لــه لـضـحـكــه .... لكـنهـا بالوااقــع العكس تماماً ! , , دقايق ودش عليهم غانم بلبسـه السبورتي وكــآآب يخفي شـعــرهـ ,,, : يلا خلللصــتت ...!! نواف : خلـهـا بــآآجرر ,,, غانم : ليييييييييييييش !! زايد تعمد يدش بالسالفه : نواااف يقول أأنـه أبوك ماراح يــررضـى تطلـع معاي بروووحك غانم عقد ملامحه بطريقه خفيفه وقال : عــآآدي شفيـهـا ؟.. نواف : أنت عارف شفيـهـا ,,, أبوي يخااف علييييك ... غانم بستنكـــآآآر : يــآآهـل أنـا علشـان يخاااف علييي ,,,, وبـعـديــن زايد معــآآآآي ؟ شللي يخووووف بالموضوع .. زايد : جووف أنـا أقول نمشي على حجي اخووك ,,, وبــآآجر نطلع ثلاثتنــا ونرووح السيليــن شرايك ,,!! غانم بعصبيه خفيفه : بس أنت قلت لي اليووووم ؟؟! زايد : وأخوووك قال بــآآجر ,,, غانم لنواف : نواااافوه لا تصييير نحيييس عــآآد ,,, نواف : لا صرت نحيس ولا غيرهـ ,, لا رجع أبوي فاتحه بالموضوع وأأنــت تدري شراح يكون رده ,,,, غانم : زيـن مب لازم يدرررري ,,, مااتعرررف تغطي علي يعني !! نواف : آآآسســـف .. مو ناقص أتحمللل زف أبوووك لا دررررى ... غانم : ومن بيقووووووووول لــه !!!! ,, " برجى " تكــفــىىىى نوووووووووااااااااف طلبببببببببببتتتتتك .... نواف : عطيتك ,, " توهـ بيتشقق من الوناسـه غانم الا نواف يكمل كلامه " بس مب اليوم ,,, بــآآآآجـــررر ,,, غانم بعصبيه : يووووووووووووووووووووهـ ,,!! ماأبي اروح زيييـن لا اليوم ولا بــآآآجر الله لا يحوووجني لك,,, طلع من الميلس ورضخ الـبــآآب ورررراهـ بعصبيـــه ,,,, زايد : لا حول ولا قوة ألا بالله ,,, نواف : ماعليييك ,, ماراح يطول بالــزعـــل ... بيزعل ساعه ساعتيـن ثلاث بالكثييير وبيرضـــى .... آخوي وأعرفـه زيييــن ..!!!! ’ ’ بينما دااخل دش الصـالـه وهو مـعـصـــب ومحترق دمــه ,, سمع نوره تناديـه لكـنـه طنشـهـا ركب الدري وسكر الباب وراهـ وقفلـه ,, فصخ الكاب وحذفـه بعشوائيــه وهو يقول بغضب : مادري متى بـعـرفون أنــي كبرررررررررررررت !! . . بيت وضحى وبالأخص بغرفـتـهـا كانت منسدحه على الكرسي اللي بصالتـهـا وبيدهـا قلم ودفـتـر صـغـيـر وقـاعدهـ تكتب الأشيـاء اللي تبي تغيرهـا بعمرهـا ,, ووسط أنـدمـاجهـا أقـتـحـمـت عليـهـا الغرفـه سـاره آخـتـهـا وضحى نزلت الدفتر وطالعتهـا بستغراب : خيير !؟ ساره تطالعهـا بنظرات تحر : آمي تقول لج قومي جهزي لج ثـيـاب ,, بنروح الـشـاليــه !! وضحى تقعد على حيلها بتسائل : آي شاليـه ؟؟؟ ساره بنفس النظرات وهي تحط يدها على خصرها : شالـيـهـي !! بعد أي شاليييـه ,, شاليييه خالتي فوزيـه ,, وضحى أعتفس ويـهـا على هالطاري قالت بدون تفكير : قولي لـهـا ماني رايحـه ,, ساره : روحي أنتي قولي لها هالحجي !!! ,, طلعت وسكرت الباب وراهـا ببرود يحررر وضحى من بين ضروسها : ماللللللللللللللللــت !!!! أزفرت بقوه وهي تقوم وتطلع من جناحها نزلت الصاله لقـت آمـهـا حاطه ريل على ريل وتـفـرفـر بالتلفـزيـون وضحى بدون مقدمات : ماأبي أروح ,, أم وضحى طالعتهـا لفتره مب طويله بنظرات تعل القلب بعدها قالت : ماطلبت رايييج ..! وضحى تزفر بصوت مسموع : روحوا أنتوا ... أنـا مب راييحــه ,,, خالتي فوزيـه ذي ماأواطنهـأ خييييييررر شرررر ,, لا هي ولا بناتهـا العلل أم وضحى بملامح حاده : والله تواطنينهـا ولـه غيررهـ ,, خالاتج وخوالج كلهم بيتجمعون عندهـا ومب حلوهـ بحقي بنتي العودهـ ماتجي معاي ,,,, شبيقولون عني ؟! وضحى : وأنتي بس هذا اللي هامج ..؟ شبيقولون عنج !!! زيـن وأنـا ؟؟,, أم وضحى ترجع لتلفزيون : بتستانسيـن مع البـنـات ,,, وضحى : يمه قلت لج ماأبي أرووح خلااصص عااد ! .. بقـعـد مع أبووووي ,, أم وضحى : أبوووج سافر اليوم الفييير ... وضحى بصدمه خفيفه : سااافررر ؟؟؟؟؟ آم وضحى : آيـه ســآآفــر ,, " بأمر " روحي جهزي عمرج وبلا عـنـاد ... لآنج بتروحيـن يعني بتروحيــن .. توهـا بترد وبتعترض طالعتهـا آمـهـا بنظرات ماتبشر بخير : قلت لج روحي !! وضحى ضمت شفايفها بقـهـر وتركت لـهـا الـصـالـه ,, ركبت الدري وسيـده لـجـنـاحـهـا ,, رضخت البـاب وراهـا بحرهـ وهي تقول : مستقويييــه علي ,, لآنـه أبوي محححددد ... " ترجع شعرها لورى بقهر وتنرفز " ماأبي أرووووح غصب !! .. أأأففففف ! ع الساعه 1 وشوي.. كانوا كل اللي بالبيت جاهزيـن بستثناء وضحى اللي معاندهـ وقاعدهـ للحيـن ببجامتـهـا ومتربعه فوق سريرهـا وتلاعب فلافي ... لحد ماسمعت ضربات خفيفه على باب غرفتـهـا ,, وبعدهـا دشت مايا تقول لـهـا آنـه آمهـا تستعجلـهـا علشان تخلللص ... وضحى : قولي لـهـا أنـي نــايــمــه ,, وأنج قومتيني ومارديت علييج .... مايا هزت راسها بطاعه وطلـعـت ,, بينما وضحى خذت فلافي وحظنته لصدرها بحنان وهي توجه له الكلام : ماني رايحه وخل تحـترررررق بنارهـا ... دقايق بس من طلعت مايا وأنفتح الباب بقوهـ وكانت آمها واقفه جدامهـا وغضب الدنيا بويـهـا : أنتي متى بتسمعيييـن الكلام !!!!!! وضحى طالعتها وهي عاقده ملامحها : قايلتلج أني ماأبي أروووح ,,,! أم وضحى بصوت غاضب حاد : وأنا قلت لج بتروحيـن يعني بتروحيـن ,, " تأشر لها بسبابتهـا " قومي بدلي هدوومج ولبسي عباتج ونزلي تحت بالزيييـن ,, ولا تخليني أضطر أستخدم معاج أسلوب ثــاانـي ... وضحى بنفس العناد : شبتسويـن يعني !!! ,, بتضربيـني ؟ أم وضحى قربت صوبها : شكلي راح أستعمل معاج أسلوب الضرب علشان تتعلميـن شلون تحاجيني !!!! وضحى ترفع واحد من حواجبها بغرور : وي !! و ويـن راح البرستييج والمستوى الأجتماعي " بستهزاء وسخريه " تبين الناس تقول عنج متخلللفه وماتعرف تتعامل مع بناتهـا بأسلوب حضاري ,,, أم وضحى وصل الدم لراسـهـا من الغضب قالت بنبرة تحسر ممزوجه بغضب عارم : صج ماعرفت أربي ,, وضحى وهي تقوم توقف ومازال فلافي بيدها : قلتهـا لج من قبل ,, ماربيتي أصلا .... أم وضحى بغـت تعطيهـا طرااق يسكتـهـا لكنهـا مسكت عمرها : ماني راده على كلامج !! ,, بس جوفي ,, تبيـن تقعديـن بالبيت قعدي .... بس ماراح تشبريييـن بررررىى ,,, " بأسلوب يستفز رغم غضبها " وأنـا طالعه بقفل بيبـان البيت كلـهـا وأنتي خلللج هني بيـن أربع طووووف ليــن عـقـب أسبوووع أو أسبوعيـن ,,, على حسب مزاجنا أنا وخواتج ... أذا بتستحمليـن تنحكريـن هني كل هالمده تمي !! وضحى عقدت ملامحها بقوه من كلام أمـهـا : شـــنـــووو !!! ســـجــن هــووو ؟؟ أم وضحى : والله حبيبتي أذا ماتبيـن تنحبسييييــن ... عندج خمس دقايق تبدليـن فيـهـا وتلميـن لج كم بدلـه وتنزليييـن ,,, !! وضحى : غصصصصصصصصب ! أم وضحى : آآيـه غصصصب ,, يلا أشوف بسرعه خلصيني ... مااالي خللقققج !! عطتهـا ظهرهـا وطلعت وخلت وضحى شوي وتنتحر من القـهـرررررر .... نفذت كلام أمـهـا مجبورهـ ,, علـشـان بس ماتنحبس هـنــي ,,, وبـعـد أكثر من 5 دقايق بشوي كانت مخلصـه شالت شنطـتـهـا ,, وخذت معاهـا فلافي ... من كلام أمها شكلهم بيطولون هنـآآك ولو تم بروحه هني بدون لا أكل ولا شررررب يمكن يموت !! تخيلت شكل بنات خالتها فوزيـه لما يشوفون فلافي معاهـا بيوقف شعر راسهم من الخرررعـه وخااصه عبيير لآنـه عندها حساسيـه من القطاوه ,,, أبتسمت بدون لا تحسس ,, " آآحسسسسسسسسسسسن ,,, عساهم مايتهنون بهلـ طلـعـه! " طلعت من غرفتهـا بعد ماسكرتهـا وراهـا ,, نزلت الصاله اللي كانت هاديـه تماماً وخاليـه حتى من صوت التكييف ,, جات بتفتح الباب لقته مقفول ,,, فتحت عيـنـهـا على كبرهـا " سووووتــهـا !! " طلعت جوالها وأتصلت على آمهـا شوي وردت : هلا وضحى ! بغيتي شي !!! وضحى : شنو بغيت شي ؟؟؟ شبلاج قفلتي علي البـآآآب !! أم وضحى : شفتج تأخرتي قلت آآكيييد للحيـن راكبه راسج ... وضحى : والله أظــن أنـي على ماأبدل وأحط لي ثيــآآآب بالشنطه يـبيلي وقققتتت ! ولـه على بــآآللللج ثيابي قطعتييـن وبس !!! أم وضحى ببرود: آهاا !! ... زيـن اللحيـن بطرش مايا تفتح لج الباب سكرت من أمهـا وحطت جوالها بشنطتهـا : أستغفر الله العظييم يــآآآرررررررب !! أأستغفررررررررررررررر الله !! دقايق من الأنتظــآر وأنفتح لـهـا الباب طلعت من البيت وهي معععععصبببببه وودهـا تثور بأول واااحد يطلع بويـهـا فتحت باب السيـاره اللي ورى وركبـت ,, وسكرت الباب بقوهـ مي لزقت بالباب أول ماركبت وضحى : يااااااااااااااي !! شحقه جبتتتيييـه ,, وضحى طالعتهـا بقـهـر وصدت عنهـا ,, مي لأمها : ييمــه !! خلي وضوووووح تنزل القطووووو .... بيلعوزنـا هـنـآآآك ,, آم وضحى لوضحى : وضييح ,, نزلي القطوو ,, جايبته معااج شله ,,,,,؟؟ وضحى بنحاسه : والله أذا تبوني أجي معاكم أستحملوه ! ماراح اخليه برووحه بالبييييت كل هالمده .. ساره : بس عبووور عندهـا حساسيـه منه وضحى : بالطقاق شسوي لـهـا !!!!,, أم وضحى عرفت أنـه وضحى مستقصده هالحركه .. علشان بس تقول لـهـا خلاص نزلي مانبيج تروحيـن ... بس عناد فيـهـا ماكلمتهـا وطلبت من السايق يحرك أول ماركبت مايا ... . . دش البيت ع الساعه 1 ونص,,, مع أنه طالع من عند نواف من الساعه 11 .. بس زحمة الشارع أأخررتــه فتح باب الصاله ودش .. و سكر الباب وراهـ .. خطوتيـن بس وشاف خاله مع يده بالصـالـه زايد : السلام عليكم أثنينهم : وعليكم السلام بو سالم : جااان تأخررت بعد !!!! زايد مارد عليـه أقترب من خاله وسلم بالخد : شلونك خالي ! سالم : الحمدالله ...,, أنت شـلـوونك ؟؟ زايد : الحمدالله تمام ,,,عن أذنكم بروح أبــدل .. سالم : آآوووكيي ,, بس لا تتأخر ..... متنـا من اليوووع زايد أبتسم : أن شالله عطاهم ظهره وتحركت خطواته مبتعده عـنـهم ... دخل المطبخ قبل لا يروح فوق علشان يعطي أمه خبر أنـه وصـل شافـهـا وااقـفـه عند الفـرن ومعطته ظهرها شكـلـهـا تجيك ع الأكل ,, بيـنـمـا آمـنـه قـاعـده على الطاولـه تسوي السلطـه .. كانت بدون شيـلـه أو عـبـايـه وطالعـه تيـنن .. رغم أندماجهـا باللي بيـدهـا ...! أول مررره من كبروا يشوفهـا بهلـ منظرررر !!!!!!! متعود عليـهـا كل ماشافهـا تكون الشيلـه مغطيـه شعرهـا كلــه ,, والـيـوم يشوفها و خصل شعرهـا منسدله برقه على كتفـهـا ,,, وقذلتهـا الطويلـه تزين ملامحها وتزيدهـا جمال فوق جمالها الهادي !!؟,,,, رفـعـت ويـهـا لـه وتوقفت عن التقطيـع ... حسـهـا أنـحـرجت بقوهـ من وجودهـ الغير متوقـع !! ,, سوى روحه مب مهتم وصد عنهـا صوب أمه : السلام علييكم .. أم زايد ألتفتت وراهـا وشافتـه .. أبتسمت بحب : جييت ؟؟.. من مساع ننطررك .... زايد : السموحه يمه .. بس كنت عند وااحد من الرربــع ,, وزحمة الشوارع آآخرتني أم زايد بتفهم : ماعليييـه !! .. المهم يـمه روح غسل أيدك وأنزل .. بحط الغدى اللحيـن .. زايد هز راسه بأيجاب : أن شالله ,, طلع من المطبخ بدون لا يـعـبـر آمنه اللي ولـعـت من الغضب " ليييييش يتجاهلني جذي ؟؟ شسويت لـه أنـا !!!! مب معقولـه كل هذا ثقللل ؟! ع الأقل يسلم علي .. يسأل عن آخبااررري ,,, مب يصد عني أول ماتلتقي عيني بعيـنـه ..... " نزلت نظرهـا للي بيدهـا وحاولت تلهي عمرهـا فيــه .. لو تقعد تفكر بزايد وتصرفـاآتـه بتنفجر من الحرهـ ,,, خلصت من السلطه .. وقامت تساعد خالتهـا بتجهيز طاولـة الطعام للـغـدى لـكـن اليد رفض أنـه يـتـغـدى على طاولـة طـعـآآم وخلاهم يحطون الغـدى ع الأرض بالصـالـه ... ومحد عاررض ... نفذوا كلامه وحطوا الـغـدى ع الأرض وقـعـدوا كلهم حول السـفـر ينتظرون نزول زايد بو سالم بعصبيـه لأم زايد : ولدج هذا ويـنـه فييــه !!! سـنـه ليـن ينزززل ... آم زايد : أأكييد اللحيـن بينـنزل ,, أكل أنت يبــه ,,,, مايمديهـا تكمل جملتـهـا ألا زايد داش عليهم وعلامات الأستغراب على ويـهـا ..... راح غرفـة الطعام مالـقـى الـغـدى ,, ولما وصل هني تفاجأ فيهم وهم قاعديـن ع الأرض حول الأكل ...!!. بس نظرات يـده فسرت لـه كل شي ,, أقترب صوبهم وقـعــد ,,, سـمـوا وأبـتـدوا ياكلـون ,,, والجو هـأدي مافي غير صوت الـقـفـآآش ,, ماكانت عارفـه تاكل عدل بسبب وجود زايد ... منـحـرجه مووت وماتاكل ألا بطرف القفشــه من زود الحيـا .. رغم أنـهـا ميـتـه يووع والود ودهـا تاخذ راحتهـا بالأكل .. بس الحيـا مقييدهـا ,, كل اللي قـدرت تسويه بهلـ قـعـده _غير الأكل اللي يدش بحلجهـا بالقـطارهـ _ آنـهـا تسـتـرق الـنـظر لزايد بخفـه بدون ماينتبـه لـهـا تبي تشـوف نظراته لـهـا ... هي نفسـهـا اللي شافتهـا بالمطعم ذاك اليـوم ؟؟ هي نفسـهـا نظرات الأعجاب والأندهــاش اللي لمحتهم بعيـنـه هـنـاك !!! ولـه مسويـه لـه آآآآكبررررر طــآآآف ومـتـجاهل وجودهـا مثل حركته البايخه من شوي ,, وللأسف أنـه الأحتمال الثاني هو اللي قدرت تلمـحـه ,,, كل مارفعت نظرهـا لـه ,,, لـقتـه مندمج بالأكل ولا عليـه منـهـا ... بينما من الصوب الثاني وعـنـد زايد كان حاس بنظراتهـا لـه ... لكـنـه مسوي عمرهـ مب حاااس !! سوى روحه مندمج بالأكل وهو أساساً مايحس بطعمه .. اللهم يدخلـه بحلجه ... يمضغه شوي ويبلعععه على طوووول ,,, من زود التوتر .. وهذي حالتـه ......! لــحــد ماغص بالأكل والسبب أنـه يبلعه بدون لا يمضغه عـــــدل ,,!!!!! أم زايد فزت على صوت كحـته الخفيفه المتواصـله : صصصحه !! صحههه !!!! ,, " صبت لـه مااي ومدتـه لــهـ " هــآآك يمــه ,,, هــآآك ... أخذ منهـا القلاص وشــررب شوي ,,,, سمعهـا تقول : بـالـعـافييـه .. زايد وهو يحط القلاص بعد ماتوقفت نوبـة الكح ! ,, : الله يـعـافيــج ,, آمنه رغم غضبهـا وتنرفزهـا ألا أنـهـا أبتسمت داخلهـا على شكله وهو يكح ,,, ودهـا تقول لـه أسم الله عليييييك !! بس مب قــادرهـ ,, وأساساً ماراح تقول حتى لو كانت تقـــدر ... أأحســن ,, عــســااااهـ ...!! هذي حوبـتـهـــــــــــــــا .... آمنه بصوت واطي جداً : الحمدالله ,,, بو سالم طالعهـا بتعجب : هـا !!!! كلتي شي اللحيـــن ,,,؟ آمنه ببتسامه خفيفه : بسي يدي .. شبعـتت ... بو سالم : آآآي شبعــتـي !!! وأنــتـي تاكلين من طررررف القفشششـه ,,,,؟ حششششى طييرررر .. طييييرررر !! مب آدمييييـه ؟؟ ..." بـنـغزه قويـه " ولـه علشــآن زايد هنـي .. ؟ آمنه ولـع ويـهـا صار أشــآآرة مرور من قوة الأحراج وزايد قاعد ياكل وهو ســآآكت يعني أنـه مب مهتم وهو بيـن وبيـن نفسسـه قــآعد يـنـطر جوابـهـا ,,, رغم أنـه يـعـرفـه ومتأكد منه بـعـد ,, ,, طالعت آمـنـه يدها باحراج وماعرفت ترد عليييـه حست الكلام تلاشـى !!... شالت عمرهـا وراحت تغسل يـدهـا ,, سالم لأبوه : شدعوه يبـه ,, شوي شوي على بـنـتـي !!!!!! قلبت لونـهـا .. بو سالم : وأأنـا شقلت !!! سألـتـهـا سؤال عـآآدي وهي أنحررجت .... " يكمل أكله " بنتك دلوعـه !!.. . . بالمطبخ غسلت يدها وأحبست عمرها دااخل لآنـهـا لو تطلع بتروح الصالـه وهم قاعديـن ياكلون هـنـاك .. وتحس مالهـا لزمه تقعد ع الكرسي وتجابلهم أو حتى تجابل التلفزيون وهم يـآكلون شكلهـا بيكون غلللللللللط ..... تكتفت وهي تسند ظهرها بحافة المغسلــه تنطرهم يخلصـون علشان تلزق بعمتهـا أو أبوهـأ آو حتى يدها ,, !!... وتحاول تلهي عمرهـا بأي شي يخصهم وآهم شي تبيـن لزايد ,,, أنــه مثل ماهو ثقيييييييل ومايعطي وي !!!! هم هي ثقييلــه,,, وأأثقل منه بعد ... وبتوريـه التطنيش على أصولــه ..... , , وقـفـت الـسيـاره بالـشـاليـــه ونزلوا منهـا البـنـات ... الجو هـنـي رووووعه ويونس بـعـد .. سمعت آمها تعطي أوامرهـا لمايا ومحمود أنهم ينزلون الشنط وتتكفل مايا بأنـهـا ترتبهم بالغرف ... مي وساره أول مانزلوا ,, ركيييض دشوا داخل ,, بينما وضحى عطـت فلافي لمـايا وطلبت منها تجيبـه فوق لغرفتهـا ... وآبـتـعـدت عنـهـا و أبـتـدت تتمشي ع الحبه ونــص ورى آمـهـا ..لحد ما دشوا الـشـالـيـه ماأستغربت الجو اللي داخل .. كان صوت السوالف والضحك مالي المـكـان ... سلمت آمـهـا على خواتـهـا وسلمت بعدهـا وضحـى ... كانت مكشره بوي الكل ... لكـنـهـا أبتسمت لا شعورياً بوي آم راشد .. يمكن لآنـهـا تحبـهـا وتحسـهـا مثل آمـهـا وآآكثــر ... أم راشد : وآخيراً جفنــآآج !! شـهـل قطااعه ؟؟ وضحى ببتسامه حلوه : أسـفـه خالـتــي .... أم راشد بعتب : آي أســفــه ,,,!!,, صار لج شهور ماطبيتي بيـتــي ... ولا حتى رفعتي لي السماعه تسأليـن عن أخباررري .. عنبووو مزعليـنج آحنا ؟؟!!!! وضحى تبوس راس خالتها : خلاص أأسسسسفــه .. ولج مني أملـلج بأتصالاتي وشوفتي ,, شتبيـن بــعد ؟؟ آم راشد أبتسمت : بنشوووف ! نطت أم سعيد " فوزيه " : هوو ياحافظ !!... لابسيـن طااقيـة الأخفـاء أحــنأ ؟؟ ماتشوفييـنـا !!! ولـه الغلا والمعزهـ كلهـا لـ منى " آم راشد " ,,! وضحى بلعانه وهي تلزق بخالتهـا آم راشد : مـنـى غــيييير ! آم سعيد :,, أكيد بتكوون غييرررر وكل شي يخصـهـا ويتعلق فيـهـا غيير ,,, " بنغزهـ " وآي شي يقررربج للي تعزهم هم غيير .. وضحى رفعت واحد من حواجبها بغرور لآنها فهمت قصدها لكـنـهـا حبت تثير غيضهـا : فديتـهـا وفديت كل اللي تعزهم واحد واحد ,, ! الله لا يخليني لا منـهـا ولا من اللي تعزهم ...." تغير الموضوع لآنـهـأ عارفـه أنـهـ ماراح يتسكرر " .. المهم برووح غرفتي أحط أغراااضي ... وأرتـآآح لي شوي ,, " تطالع أم سعيد من فوق لتحت " توصوني على شي ! أم راشد : لا سلامتج يمه ,, بس نزلي ... مو تنحبسيـن فوق .... ترى أغلب البـنـآت برىى .. وضحى : من عيوووونـي .. " طالعت أم سعيد اللي كانت تغلي من الغييض وقالت " عن أذنكم .. تركت لهم الصاله ورااحت فوق .. أستانست شوي لما حرقت أعصااب خالتـهـا .... رغم أنـهـا عارفـه ماراح تخليـهـا بحالـهـا بتقعد لـهـا بالطالعه والـنـازلـه ولا بعد اللحيـن أهل أمها كلهم متجمعيـن هــنــي عزت الله بيقعد يتنطط لـهـا هالسعييدوووه بكل مكان " ماأقول ألا الله يخلف على عقلك أنت وآمك ! " فتحت باب الغرفه اللي أعـتـادت تقعد فيـهـا لما تجي شاليـه خالتـهـا فوزيـه .. وأنصــدمـت باللي شـآآآآفــته !!!!!!!!!!!!!!!!!! , , وضحى بنرفزه : خييييييييير أن شالله محتله غرفتي !! ألتفتت عليـهـا بدلع يحرر ومصطنع : آآووه ! جيتي !!!! وضحى ردت عادت سؤالها : شمدخلج غرفتي ؟؟ رجعت تكمل الميك أب مالها جدام المنظره : كانت غرفتج ... اللحيـن هالغرفه صارت لي ولــج !! وضحى : ولييش أن شالله ,, مافيي غرررف يـعـنــي ,,؟؟؟؟؟؟ -: الغرررف مليــآآآنـه .. ماتدريـن يعني أنـه خالاتج وخوالج كلهم جو ... " ببساطه تقهر " كل الغرف أنتررست ..... وضحى بدون تفـاآهم : قومي شيلي خرابيطج وروحي غرفتج ,,,, تراني جايه من بيتنا نفسي بخشمي .. رجعت ألتفتت عليها وقالت بتسائل : ماتفهميـن عربي آنـتي !!,, غرفتي أحتلوهـا ,, وبعـديـن ماما قالت كل أثنيـن بغرفــه ,,,, ومن قرادتي جيت معاااج .." بنبرة تحسر تعمدهـا علشان تغييض وضحى ".. قايلـه لأيماني تـبـدل معاي بس مارضـــت ..من يستحملج أنتي " بدلع " آآييييييف الله يعيني .. وضحى أانقـهـرت ,, لـكـنـهـا ماحبت تبيـن لـهـا ,, لآنـه بايـن وواضح بعد أأنــها متعمده تسوي هالحركات علشان تغيضـهـا ... تقدمت بخطواتهـا لعند سريرهـا شالت الدباديب والبدلـه الحلوهـ اللي حاطتهـا " عبير " على هالسرير وحذفتهم على السرير الثاني المجاور لـهـا ومايفصل بينهم ألا كومدينه ... ألتفتت عبير مفجووعه : لييييييييييييييييييييييييييييييييش !! وضحى : والله حبيبتي هذا سريري ,, والعفن ذااااك سريرج .... " تتكتف " ودامج بتشاركيني الغرفـه أستحمليني !!! عبير قامت وقفت وقالت بغضب : قسم بالله أنـــج همجيييييييييه ! وضحى قـعـدت برقـه على طرف سريرهـا وفصخت شيلتهـا ,, حركت شعرهـا شوي وحطت الشيله أحذاهـا وهي تقول : طالعه علييج بعد عمري ,, عبير تحذف علبـة البودره بخفه على التسريحه : آآنــا آآعلمممممج !.. طلعت من الغرفــه ورضخت الباب وراهـا ,,, وضحى بصوت واطي : باللي مايحفظظظظظج ..! ,, بخطوااات سريـعـه نزلت الدري وهي تصارخ : مــــآآآآآآآمـــآآآآآآآآآآآ ,, مــآآآآآآآآآآآمــآآآآآآآآآآآآآ !! أم سعيد : هــآآآ يــمــه ,, تعـالي آحـنـا بـالـصـالـه ,,,! دخلت عليهم الصاله متنرفزهـ تكتفت بحره وقالت : وضيح الدفشه الهمجيه الغجرييييه هذي مااتقعد معاي بغرفـه وحدهـ شوفي لهـا صرررفــه ,,, أم راشد : هو !! آمداهـا سوت لج شي ,,؟؟؟ توهـا راكبـه وعلياً عليـهـا ... عبير بحررره : بنت أختج ذي العقربـه تسوي تفجراااات وهي بأخر الـدنــيـــــااااااا !!! ,, " تطالع آمها " ماااأقعد معاهـا بغرفـه وحده ,,, ياررربي لا تطااااااااااق أم سعيد : شوفت عيـنـج ,, ماافي غرررررف فــأأضيييـه ,,, !! أذا كلش كلش تبادلي مع وحدهـ من البنات عبير : لاااااااا ,, ماراح أطلع من الغرررفـه ..... خل وضييييح هي اللي تطــلـــع ,,!!!! أم راشد : أذا تبين الصراحه ,, الغرفـه غررفــة وضـحـى من الأساس,,,!! عبير بغرور وتعجررف وهي تتخصرر: والشاليـه شاليهنـا ,,, أم سعيد بحده : عبييييييييييييير !! عبير : ماما هذا الصصصج بعد ,,, الشاليـه شاليهـنـــا ,, ومن حق أهل الشاليه يخلون به اللي يبونه ويطردون اللي مايبونه !! أم وضحى عقدت ملامحها ووجهة الكلام لأختهـا : فوزيـه شهلـ كلام !! سامعه بنتج شتقول ؟؟؟؟ أم سعيد بحزم : عبور بلا طوالـت لسـان ,, وأذا مب عاجبتج القعده مع وضحى بدلي مع وحدهـ من البـنـات !!!!! عبير : وشمعنى أنـا اللي أبـدل ,, والله ظلللم ! أم سعيد : خلاص عبور ,, كبري عقلللج ,,, خلج أحسـن منـهـا نطــت أم وضحى من يديد : ليش أشفيـهـا بنتي ؟؟؟ أم سعيد تحاول تنهي السالفـه : مافيـهـا ألا كل خيررررر .. " تطالع بنتها " سكري الموضوع عبير : يــآآآررربيييي !!! ,, " بحره " تدرون شلون ماني طالعه .. وأنـا أعرف شلون أطفششش هالهمجيييه من الغرررفــه ..... رجعت ركبت الدررري تاركه وراهـا أمها وخالاتهـا فتحت باب الغرفـه ودشت لـقـت وضحى تعلق عبايتهـا بالكبـت ,, عبير ترضخ الباب وراها وتتكتف : هالصووب مــآآلي !! وضحى وهي تسكر الكبت : والله ياحبيبتي الكبت بكبرهـ مالي .. والمفروض أطلع خلاجينج كلهم وأحطهم فوق سريرج علشان تردينهم بشنطتج ... بس من كرررمي وطييب أصلي .. خليييتلج الصوووب الثــآآنـي ,,, " تـقـرب صوبـهـا وتقول بغرور متصنعته وهي تأشر لها بسبابتهـا " وبليييز يعني ماأبي أأجوووفج ماسكـه شي من أغراااضي .. آو حتى مقرربـه صووووبـهـآآ " بدلع مبالغ فيـه علشان تنرفز عبير " لآلآلآلآلآنــي أأنــقـــررررررررررررررف بسرررررعــآآآآآآآهـ ! عبير عقدت ملامحها : ويــعــآآآآآآهـ !!! وضحى من قلبـهـا قالـت : تويع اللي يكرهوووني يــآآآآررررب .. عبير بصوت واطي قدرت تسمعه وضحى : حقيييره ! أبتـعـدت عـنـهـا لكن وضحى مسكتهـا من ذراعهـا : نععععم !!!! عبير تسحب ذراعهـا منهـا : نعاااااامه ترفسج .. !! شتبيييـن ؟؟ وضحى رفعت واحد من حواجبها وبراسها شـــــــــر : شقلتي من شوي ؟؟ عبير : أقول اللي أقولـه مالج شغل .. الشاليـه شاليهيي !!!! .." تطالعهـا بأحتقار " صج لا قالوا البيت بيت أبونـآآ والقووووم حـآآربونـا !! وضحى : جوفي عــآآآآد أنــااا اليوم غاويـه مشأآآكل وعــآآآدي أأنظف بشعرج الغرفــه ,, فأحسـن لج لمي نفسج وقصري الشر ترى واالللللللللله ماأأطيييييييييقج خلقــه .. عبير : لا آآنــآ اللي ميته بـ دباديب غرآآآآآآآآآآآآآآمج تصدقيـن !! ,,, " تطوفـهـا وهي ترجع للمنظرهـ " قطـــــــــيــــــــــعه ! وضحى : تقطعج يــآآآآرررب ,,, ولا يقدروووووووون يجمعونج على بعضج من يديد قولي آميــن ,, عبير طنشتها وكملـت ميك أبـهـا .. فمـكـان ثـآني من هالشـاليـه ع البـحـر كـآنت قـأعده من عـيـالـهـا وتـلاعـبـهم .. وتـسـاعدهم أنهم يبنون بيـت من الطيــن .. بينما هو قـآعد شوي بعيد عنهم ويتأملهم من بعيد ...وبالأخص يتأمل هـيــآآ .. مايدري ليش مب قــآآدر يحبـهـا !! هاليوميـن اللي طـآآفوا حس قلبـه نبض لـهـا .. يمكن علشــآن النيو لوك ....؟؟ .... لكـنـه أول مادرى بهلـ عزيمه اللي بتجمع كل أأهـــل أأمــه بهـلـ شـاليـه,,, حس هالنبض توقف !!! لآنـه واثق ومتأكد أنـه راح يشوف وضـحـى . . " وضـــحـــى !؟؟ " . . يـآآآآآآآآآآآهـ ! من زمــآآآن عــنـــهـــا .... مـآشـآآفــهـا ولا حتى لمحهـا من زمــآآآآآن .. حتى صوتـهـا اللي تـعــود على سماعه بكل وقـت ..... حرمتـه منـهـ ..!!!! كــآن ناوي بالبدايـه آآنــه يتجاهلهـا ويطردهـا من حياتهـ مثل ماسوت فييـه ... بس المشكله مايقدر ,, وبهلـ لحظة بس تأكد أنه مايـقـــدر ... ولا راح يـقــدر ... هذاهي الأيام جمعتهم مع بعض من يديد .. يمكن علشـآن تـهـديـه فرصـه آخيرهـ لأسترداد وضـحـى ..!؟ رفـع راسـه لفوق وزفر بقووووهـ ... لكـن الفكره اللي طرت على بالـه.. بـغـت تحطمه .... !! " يمــكــن ماتـكــوون جــآآآآت من الأســــاس !!!! " تنهد بصوت مسموع وقال بصوت هـآآمس : لا !!! آآكيييد جــآآآت ... آآكيييد ,, على كلام خالتي كل الأهل معزوميـن وماظنتي أمها بـتخليـهـا بروحها بالبيت ,, لمح ظــل جداامــه ,, قطع عليـه حبــل أفــكــآآرهـ ,, رفع راسـه لـهـا لـقـاهـا مبتسمه : من مساع عيالك ينادونك وأنـت سافهم؟ أشـ سرحان فيـه ! راشد يطالع جدامه : لا ولا شي !! هيا بنفس الأبتسامه اللي مافارقتهـا من غيرت شكلهـا : زيـن يلا قووم ... عيالك يبونك .. قام وقف وهو ينفض ثيـآآبـه متجاهل طلبـهـا : دشوا دآآخل .. الـجــو مب شششي هالحزهـ ... أبـتـعـد عنهـا وهو معطيـهـا ظهرهـ وراايح ... هيـا أستغربت من حركتــه !! نـآدتـه لـكـنـه مارد عليييـهـا ... ألتفتت على عيالـهـا اللي كانوا بأنتظــآر أبوهم ...ورجعـت تطالع زوجـهـا اللي أبـتـعــد وآآآيــــــــــــــد !.. سمعت ولدها يصرخ بصوت طفولي من بعيد : ماما ,, بابا ويـن رااح !؟ هيا بصوت واطي مب مسموع : مـآدري ! . . بيت بو نواف وبـغـرفـة فـآيز بالــتـحـديد المفروض بعد الـغـدى يحط راســه ويـنـآآم .. لكـنـه من لـمـح زايـد يطـلـع من بيـتـهم مـسـآع وهو أفكارهـ توديـه وتجييبــه ... بو نواف وهو يمسح على ويهـا ويزفر .. قال بصوت واطي : بـــس يـآآفـآآيز !! بس ,,,, بسسسسسسك تفكييير بزايد وسـعـوود .. خلآآآآص !!!! اللي صـآر صــآآآآر .. وأنتـهـى خلااااااص ,, سـعـود أخذ جزاااااهـ وآآقل من جــزاااهـ بـعــد .. وزايد كرهـ سـعـوود مثل ماكنت متوقـــع .... شبي أكثر من جذذذذذي بـعـد !!؟ ,,,,, سكت وهو يغمض عيــنـه تـآآآرك المجــآآل للأفكــآر اللي فقد السيطرهـ عليـهـا تتصــآآآرع براســه ! مايدري ليش مب مرتآآآآآآآآآآآح ولا هو بــقــآآدر حتى يرتآآآآآح شي دااخلـه مبهدل أبو عيشـتـه ولا هو مخليـه حــتـى يعيش حياته مثل قبــل لكـنـه يـجــهـل شنهو هالشي !! كل مامر عليـه أسم زآآآيـــد ... آبـتــدى شبـــح سـعـوود يحوووم حووولـــــه ... ويـحــآآصرهـ من كل الـجــهــآآآآت وتتنـاثر جدامه ذكريـآت قديمه .. قديمــــــــــــــــــــــه وآآيييييييييد خايف على ولدهـ من زآآيد أو بالأحرى .. خايف من اللي صــآآر يرجع يتكرر ... رغم أنــه كل شي حولـــه هــآآدي بطريقــه تثير مخاوفـــه !!!! ألا آنــه حــآآس بأأعصــآآآآآآآآر داااخلـــه .... تصرفــآآت زاايييييد تدل على كرهه لأبوهـ ,, وهو متآكد أو خل نقول شبـه متأكد بنسبـة 80% ,, آنه صــآآدق لآنـه كل شي يقول آنـه صــآآآآآآآدق .. لــكـــن ..........لـــكــــن ! ....... توقفت أفكــآآره أول ماسمع صوت باب الغرفـه يـنـفــح وشـآآف أم نواف دااشــه,, عقدت ملامحها بستغراب : آنـت للحيـن قــآآعد ..!؟ بو نواف : مب جايني نووم ,,, ام نواف بأهتمام : خير أن شالله ؟؟!!! تـعـبــآآن ! بو نواف وهو يوقف : لا .. لا تشغليـن بالج أنتي ..... فتح درج الكومديـنـه دور على شي وبـعـد مالـقـآهـ سكر الدرج وتوجه صوب باب الغررفـه بيطلع لكن صوت مرته وقفـه : ويـن رايح !؟ بو نواف : بشم هـوى ,, حــآآآس روحي مخـتـنــــــــــــــــــــق .. ما سمع صوتهـا والأكيد أنـهـا قـدرت ضيقـتـه وماحبت تزيدهـ .... تحركـت خطواته ونزل من الدري وسيده طلع من البيـت ... أول مالفحه الـهـوى المـايل للبـآآرد حس روحه أنتعش شوي ... توجه لصوب غرفـه محد من عيالـه دخلـهـا .. غـرفـه كانت مجهولـه تماماً بالنسبـه لهم ... وبروحه بو نواف يعرف محتواهـا .. وشلي فيـهـا !! دخل المفتاح ببابـهـا وبأدارهـ خفيفـه أنفتح الـبــآب دخــــل وسكرهـ وراهـ ... كـآنـت الـدنـيــآ ظلمه حولـه ... مد يدهـ للأضـآءهـ وولـع الـنـور ...!! 
 
|
|
11-06-2021
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
بـنـفس البيـت بس بـغـرفـة نـوره
كـآنـت طالعه من الحمام " الله يعزكم " بعد ماخذت لها دش دافي وغسلـت شـعـرهـا ... نشفـتـه بالفوطهـ ليـن ضـمـنـت أنـه نشـف ... وعلى طول لـفـتـه بعضاضـه رصـآصيـه .. تنـآسـب البرمودآ اللي لابسـتـه .. طلعت من غرفتـهـا وراحت صوب غرف أخوانـهـا .. تبي حد تسولف معاهـ متملله من قــلـب كانت أقرب غرفـه لـهـا غرفـة نواف ,, طقت الباب بالخفيف وبعدهـا فتحت الباب ودشت ... ليتات الغرفـه كانت مبندهـ اللهم نور الشمس منورهـا شوي ,, والجو بــآآرررد ... ونـوآف نــآآيــم ,, أقتربـت منه وهزته بالخفيف : نووفي ! ... نووووووففي ؟؟ نواف فتح عينه على طول شكله ماكان راقد : نـعــم ؟!! شمدخلج الغرفـه ,, ؟ ماتشوفيني أبي أنــآآم ,, نوره بتملل : قوم أقـعـد معاي ... متملله والله .. نواف بستغراب : أقولج أبي آنـآآم !! نوره تقعد على طرف سريره : زيـن آآدررررري ,, شنو عبالك ماأسمع .... " أبتسمت أبتسامه عريضه وقالت " شرايك تقوم تودي أختك حبيبتك السينمــآآ ... نواف طالعهـا بنظرات كآنـه وده يقوم يعطيهـا كم سطـآآآررر يفهمها : شكلج ماتستوعبيـن من أول كلمــة !! أو ماتفهميـن عرررررربي ؟؟؟ نوره تلعب بطرف اللحاف بدلع مصطنع : بلا أستوعب وأفهم ,, بس قسم بالله طفششششششت .... وآكيد أنـت ماتهون عليك أختك حبيبتك بعد جبدك وطوايف أهلك تتملل ,, صوووح !! .. نواف يسحب اللحاف منهـا ويقول وهو لايعه جبده من دلـعـهـا : ترى والله مب لايييييييق ,,, قومي طلعي وخليني أنـآآآآآم .. تـــرررى كلللللللش مالي خلللللقج .. يلالالا بررررى ..!!!!! نوره لوت بوزهـأ بـحرره : زييييييييييييـن !! صج ماعندك قلببببببب ... آنـا لو عندي أخت عـودهـ جـآآآن ماذليت نفسي لك مالت عليك زيـن .... نواف وهو يتلحف عدل : زيـن زيـن بس طلعي ! نوره طلعت من الغرفـه ركض بعد ماشغلت الليت وراهـا ,,, سمـعـتـه يصرخ من قمـة راســه دخلت غرفـة غـآنم على طول ,, علشان حتى لو قام لهـا نواف مايلقـآهـا بسرعه ,, لقـت غـانم قـاعـد على كرسيـه ويلعب بطرف الكــآآب ...وأول ماجافهـا ألتفت عليها بستغراب نوره ببتسامه حلوه : هلا والله بأخوي حبيبي ... " بتمصلح " شلوونك غــنـوووومييي ... غانم طالعها بغرابه من فوق لتحت وقال : بخير ! راحت قعدت أحذاهـ وهي تلعب بشعره : دوووووووم أن شالله مب يوووم ,, غانم يلتفت عليها : من ويـن نازلـه عليج هالذرآآآبــه ,, نوره تمسكه من خدودهـ وتهز راسه بالخفيف : يأأأختي عليييك والله ,, فاهمني فديت قلبك .. غانم : الزززززززبـــــــــــده ! نوره بنفس الدلع اللي لوعت به جبد نواف : حبيبي غوغووو ,, قووووم تعال معاي السينمــآآ ... والله والله والله والله متملله ... غانم يحرك لها حواجبه : آآآسسسسسسسسف ! نوره تزيد جرعت الدلع : وآآآآآآي !؟ غانم : بس جذي مزااااج ... نوره تحظنه بقوووه بغت تفعصه : بليييييييييييييييييييييييييييييييييييييييييييييييي ز ,, غانم دفعهـا بعد ماخنقته : يووووه !!!!!! لا تأذيني .. قلت لج ماااني طاااااااااااااااااالع .. نوره : زيـن ليشششششششششششششش ! غانم : بس جذي مزاجي زففت ومالي لا خلقج ولا خلق حححدددد .... نوره يبلفيت تعرض عليـه عررررض مغررري ,, : زيـن واللي يقول لك .. بكلم السـآآآيق يخلييك تسووووق ...! غانم وهو يلبس الكآآب قال بلعانه : مــأأبي أسووووق ,, توني تحت السن القـآنوني ... نوره تدفعه بدفاشه : ترااااااااااك نحيسسسس أنحس من الزززززززززززفت أخووووك ,, غانم : شسوي ! النحآآآآسه طبع متوارث بعيلتنـآآ الكررييييمـــه ,, نوره تتعلق بـكم قميصـه : تكفى غنوووم والله بسوي لك أي شي تبيييـــــــــــــــــه ,,, غانم وهو يتسند ببرود : مآآبي شي ,,, نوره دفعـته بدفاشه آآكبررر بغت تطيحه من الكرسي وهي تقول : بالطقــآآآآآآآآآق زييييـن ,,,, قامت وطلعت من غرفته ورضخت بالباب وراهـا نزلت من الدري بخطوات سريـعـه وهي طالعه من باب الصاله .. على الحوش تبي تشم هوى لمحـت الـنـور بالغرفـه اللي بـرى مولــع .. والأكييد أن أبوهـا دآآآخـــل ,, صكها فضول تروح تشوف شفيييـهـا هالغرفـه اللي محرمهـا عليهم !!... وبالمرهـ تنشب به علشـآآن يطلـعـهـا يمشيـهـا .. أول ماوصلـت عـنـد الباب فتحتـه بهدوء ودفـعـتـه بخفـه ,, كان الـنـور خاافـت والغرفــه كــتـــــــــــــــــــمــه !! الظاهـر مافيـهـا تكيييف ,,؟ ومليـآآنـه آغرااااض ..؟؟؟ حشىىى مخزززززن ,,, كـآن قـآعد على كرسي وبيدهـ أوراق وبحظنـه بــعــد .. ومندمج بقرايتـهم لدرجـة أنـه ماحس ببنـتـه اللي واقفـه بكل فضول الدنيا عند البــآآب نزلت عيـنـهـا ع الأرض جاافـت صـنــدوق متوسسط لا هو كبييييييير ولا هو صـغــيررر .. ماقدرت تشوف اللي فيييـه ,, لآنـه كآن مسكررر .... ألـتـفـتت على يسـآآرهـا تكمل الأستكشاف بصمت ,, كل شي حولـهـا طبيعي ومافي شي غريب !!! عيل ليش أبوهـا كان يمنعهم يدخلونـهـا ,,؟؟؟ رجعت طالعـت أبوهـا اللي سكر الورقـه اللي بيدهـ ورامها بخفه بحظـنـه غطـى ويـهـا بيدهـ الثنتيــن ونفففخ من أعماااق أعماااااق قلبببـه تم مغطي ويـهـا فترة قصيره جدااا ماتتعدى حدود الثواني ,, وأزآآح يدهـ ,, فتح الصندوق ونطت عيون نوره فييـه ,,,, حذف ورقـه دااخل ,, كان بيفتح ورقـه ثانيـه لولا أنـه ألتفت وراهـ لما حس بنسييم هـوى غريب مخترق عليـه الغرفـه ,, أول ماجافهـا عقد حواجبه : نوير !! شتسويـن هني ,,؟ نوره أرتبكت حسته بيهزئها قالت : آ .... آ!!.. جفـت باب الغرفه مفتوح توقعتك هـنـي !!!! صد عنهـا ودخل الأوراق كلهم داخل الصندوق وقفلـه ,, ورجعه مكانـه ... قام وتوجه صوبـهـا وهو يقول : طلعي ,, طلعي ...! طلعت وطلع وراهـا سكر الباب وقفلـه وأول ماألتفت عليـهـا داهمته بسؤال : آقول يبـه ,,, شللي فيـهـا زووود هالغرفـه علشآآن ماتخلينـآآ ندخلـهـا ..... شكلـهـا مخزززن أذا ماخاب ظني !! بو نواف : ودام أنـهـا مخزن .. ليش تبين تدخليـنـهـا ..... نوره : لا بس ,, " بعد تفكير قصير شقت الحلج" تصدق ... قبل وأنـا صغيره كل مامريت صوب هالغرفـه أتسائل شفيـهـا .... كنت أتوقعك خاااش كنننز داخلـهـا ,, ولـه أنــهـا ممررر لـعـآآلم ثــآآنـي ,, بو نواف أبتسم : عالم ثاني ها !!!! ,, خيالج واسسسع .. نوره توقف جدامه وتوقف معاهـا خطوات أبوها : لا صج صج,, شفيـهـا هالغرررفـه ؟؟؟؟ بو نواف : اللي شفتيييـه ! نوره : يبـه مب معقولـه ,,, تكون مـجـرد مخزن !!!! بو نواف رفع واحد من حواجبه : شتلمحيـن لـه ؟؟ نوره : ماألمح لشيي ,, بس ....... قطع كلامهـا وهو يقول : هالغرفـه بـهـا أأغرراااض قديمه تخصني .... وماحبيتكم تدخلونـهـا علشان لا تتعبثون بالأغراض ولـه تكسرون لي شغلـه أو تضيعون شي مهم ,, نوره : زيـن اللحيـن كبرنآآآ ,,, بو نواف : حتى لو صكيتوا المليون ... أأغراضي ماأحب حد يجييسهـا .. حتى أمج مادخلتـهـا من زمــآآن ,,,, نوره بشبه تصديق : يمككن ! ,,, " تغير الموضوع " زيـن يبـه أطلبك طلبـه ماتردني ولا تبهدل أبو عيشتي مثل ماسووا عيالك ,,, بو نواف : على حسب الطلب ! ,, لو أقدر عليـه من عيوني ,, نوره : تقققدررر عليه وننننص بـعـد ,, " بتدلع خفيف " يبه حبيبي طلعني مشني ! ,,, بو نواف وقف وجاف ساعتــه لأقل من ثانيـه ,, بعدها طالعهـا وقال : ولا يـهــمــج ,, بس ترى عندي موعد مهم المغرب ... نوره توسعت أبتسامتهـا : ولا يهمكككككك بس أأشممممم هوى وعلى طول نرجع ,,, بو نواف : عيل روحي بدللييي ,, نوره تطبع بوسـه على خده : تسلللللللللم لي ,, دشت تركض دااااخل وسيــده ركبت الدري وراحت لغرفتـهـا ,, فتحت الكبـت وطلعت لـهـا لبس ع السريـع حلوو ولبستـه على طولـ ,,,, رفـعـت شـعـرهـا بشباصـه كيوت عـوودهـ شوي ,, وخلـت باقي خصل شعـرهـا تتناثر بشقـآآوهـ على رقـبـتــهـا وتلامس طرف كتفـهـا ,, وحتى قذلتـهـا رفـعـتـهـا على ورى بشباصه صغنونـه ,, وبـآنـت ملامح ويـهـا اللي كانت دووم منخشـه تحت خصل شعرهـا ,,,, وأبـتـدت تلبس أكسسوارات بسيطه تناسب لبسـهـا وبـعـد ماخلصـت حطت لـهـا قلوس شـفـآآف وكحلـت عيونــهـا فحمتهم ,, سحـبـت عبـايتـهـا لبسـتـهـا ,, ومسكت شيلتهـا وخذت شنطة اليد مالتـهـا وطلعت بخطوات سريعه من الغرفـه حطت الشيله على راسـهـا بأهمال وسيده نزلت تحت تنطر أبوهـا دقايق طواال عفنت فيهم تحت وهي تنطر ونزل أبوهـا وهو كاشخ ,, نوره : حشششششششى ! لو أنك معررررس جان خلصت من زمااااااااااان ,, بو نواف ماعلق على كلامهـا : يلا أأمششي خل نطلــع ... ترى كل دقيقه نتأخر فيـهـا بتقصصر الطلـعـه ,, نوره وهي تلف الشيلـه عدل على راسـهـا : لا لا لا ,, كاآآني بطـــلع ,, سبقـت ابوهـا اللي هز راسـه على حركاتـهـا ,, , , , بالشاليـه حزت الـغـدى كلهم تجمـعـوا على طـاولـة الطـعـآم الموجودهـ بــرى وسط الحديقـه كـــآنـت عــوودهـ وبـايـن الـعـز عليـهـا ,,, العيله كلهم موجوديـن الخوال والخالات وعيالهم سواء شباب أو بـنـآآت .. كبار أو صـغـآآر بستثنـآء وضـحـى اللي ماطلعت تتغـدى معاهم على قولتـهـا مالـهـا خللللللق ,, قـفـلـت باب الغرفـه عليـهـا تخسيس بعبيييررر !,, وراحت أندعسـت بسريرهـا علشـآآن تنـآآم وفلافي نآآيم فوق اللحآآف معاهـا للحيـن ماجافتـه عبيييير ,, لأنـهـا لو تلمحه من بعد مييييييييل بتهز الشاليـه بصرآآخـهـا ,, وضحى بقلبها " آآآفففف ياربي ... شلون بستحمل أقـعـد بغرفـه وحدهـ مع أأم الملاغه هذذذيي ,,,, لو عليا تجي عندي أأبررررك ... ع الأقل علاوي أمووت عليـهـا ..... آآآآآآآآآآآآآآآآآآآآآففف الصبر يارب ! " تغــطـت عدل علـشــآآن تنــآآم مايمديـهـا ترتآآح بالـنـوومه أو تتعمق فيـهـا ,, ألا جوالـهـا يـرن .. فــز قلبـهـا من الرنـه ,, قامت قـعـدت على طول ,,, وقلبـهـا ينبض ألف بالثـآآنيــه ,, رآآآشـــد !! شيبي متصصصللل ... رجعت شعرها لورى بقـهـر وحزن خفيف : كللللللل ماقربت أنســآآهـ يطلع بحياتي من ييييييييدييييييييييد ! ,,, لليييييييييييييييييييييش !!! خذت الجوال وضغطت ع الزر الأحمر ,,, وتوقفـت الرنــه اللي هزززت كيانـهـا وأثــآآرت مشـاعرهـا تجااهـ هالمخلوووق ,, رجعت الجوال مكانه ورجعت أنسدحت وغطت ويـهـا باللحاف ,, وهي مغمضه عيونها بقوهـ تحاول تشل حركـت الذكريـآآت اللي تتراكض بسرعه جنونيه براسـهـا ,,, ثواني قليله من أنسدحت ووصلـهـا مســج ,, فزت على طول تجوفـه ,, لآنـهـا متأكده بيكون منـه .. فتحته ,,, وأنصــعـقــت بالمكتووووب ,, " ليييش مانزلتي تتغديـن !!؟ .. آبي أشوفج ,, " حطت يدها على قلبـهـا اللي شكله قريب بيتوقف عن ضخ الدم !! راشد موجود تحت !! راااااشد معاي بمكان وآآآآحد ,,, وضحى من كل قلبها : آآآآآآآآآآآففف يارررررررربي لالالالالا ,,!! ,, مااااأبي أأأشوووووفـه .... كل اللي بنييته بينهدم لو أأألمحه من يديد .. مآآآبي أشووووووفه ,, مااااااابي ! . . . بـعـد الـغـدى تجمعوا كلهم بالـصـالـه ,, وبما أنه المعاريس موجوديـن فأكيد السالفـه تحوم حولهم وحول تجهيزات الـعـرس ,, آم زايد تخطط وتقول شتبي تسوي ,, وسالم واليد مستمعيـن ,, بينما زايد وآمنه كل واحد فيهم متوتر بطريقته الخاصــه .. زايد يخفي هالشي ببراعه يبلفيـت أنــهـ يستمع لكلام آمه وآآمـنـه عيـنـهـا بالأرض من أنفتحت هالسيرهـ ,, لو تسألونـهـا كم مربـع بالزوليـه بتقول لكم كم وهي مغمضه بعد ! آم زايد بعد ماأنتهت من تخطيطاتهـا ألتفتت لولدهـا اللي قاعد أحذاهـا وحطت يدها على فخذه بحنان : الله يبلغني فيك وأأشووووفك ع الكووشــه ,, وأأشييييل عيالك بأيدي زايد أمتعض من أمنيتـهـا لكنه هم مابيـن مسك يدهـا وباسـهـا وهو يقول : آآميييـن ,, ربي يسمع منج يالغاليـه ... آمنه بهلـ لحظة دوروهـا ماتلقونهـا من زوود الحيــآآ ,, تحس ودهـا تنخش داااخل ثياابـهـا ولا عــآآد تطلع .... " قال آميييـن !! ,, معـنـاتـه أنــه يبيني ويبي هالزوآآج يتم ,,,,؟؟؟؟ عيل لييييش هالجفاف والتعامل الزفت والتطنيش المحتررم ! شدعوهـ لهدرجه مايعرف يتعامل مع بنت ؟؟ " أم زايد لآمنه : عقبـآآل ماأشوفج عرروس يابنتي ,,, آمنه طالعت عمتهـا وأبتسمت بخجل ,, سالم تنهد بطيبه وقال : والله وكبروا العيال يامـهـا وبيتزوجووون ,,, وبيكبرونـــا أكثرر من جذي بعيالهم ,, آم زايد : عيل ليـن متى تبي تتم صغيييررر ,, الأيام تركض ... من يصدق أنــه زايد وآآمـنـه اللي كانوا يـهـال آآآمسسسس ,, اليوم كبـآر وصـاروا لبعض بو سالم : الله يوفقهم آن شالله ,, " تسند على عصـاته ووقف وهو يقول " بروح أريح بدااررري ... " يكلم بنته " أقول يامها ماعليج آمر يابنيتي تعالي عطيني دواااااي .. مافيني شدهـ أدورهـ ,, قـآمت أم زايد وراحت صوبه : من عيوني يبـه ,, أبـتـعـدوا بو سالم وأم زايد عـن الصاله لحد ماأختفوا عن الأنظــآآر وأول مافضى المكان منهم ,, نطق سالم وهو يطالع المعاريس : وبــعـــد !! ماسمعنا رايكم باللي أنقال ؟؟ زايد : والله ياخالي أنتوا تفصلون وأحنا نلبببسس !,, قصد بكلامه هذا أشياء وأشياء ماكانت أبداً واضحه لسالم اللي قال : آن شالله مرتاحيـن لبـعــض .. زايد : عن نفسسسي الحمدالله ,, " يطالع آمنه " الدور والباقي على آمــنــه ! .. أن شالله تكون مرتاحه لي ! آمنه أنربط لسـآآنــهـا ,, سمعت أبوهـا يسألـهـا نفس السؤال لكنـهـا ماقدرت ترد ,,, هالقعدهـ هذي خربت عليـهـا الثقل اللي كانت ناويـه تتصنعه ... كل ماأنقالت كلمه ويـهـا يزيد أحمـرارهـ مليون مرهـ ,,, والمشكله أنه هالبــآرد زااييييد يتكلم بثققققـه ..... بتيـننهـا ... داامه مرتاااح لـهـا ليييييييش سافـهـهـا ! بتموت وتلاقي جوآآآآآآآآآب هالسؤال ... زايد : السكوت علامة الرضــى ,, ! رفعـت نظرهـا لزايد أول ماسمعته يتكلم ,,وأنتفض قلبها لما عانقت عينهـا عينه وعلى طول نزلت نظرهـا لزوليـه من يديد تقعد تعد المربعات أأبرررررررك بمليون مرهـ من أنـهـا تبيـن لزايد أنـهـا ميته بغرامه ! كفايه أنه شايف روحه عليـهـا بدوووون شي !!! سمعته يتنحنح ,, لكنهـا مارفـعـت راسـهـا ,, رجع تنحنح بصوت أعلى ,, وهم مارفعت راسـهـا ,,, زايد : شـلـوووونج !؟ أستغربت من السؤال رفعت راسـهـا وأأنصعقت بالصاله الفاضيـه اللي مافيـهـا حد غيرهـا هي وزايد ويـن رااح أبوهـا ! وشلون ماحست فيييـه ,, قالت بأرتباك : بخيييير .. زايد هز راسه بتفهم : الحمدالله ,,," ماكان عارف شيقول لـهـا لآنـه أساساً مايعرررف شيقول ! بعد تفكير قصير قال " آمنه بصراحه ... أنتي مقتنعه فيني ..!! آمنه رجعت طالعته من يديد وهالمرهـ بستغراااااااااااااب أكبر " شــهـلـ سؤال !! " بعد تردد وصراع مع عمرهـا لحد ماقدرت تنطق قالت : وليش هالسؤال ,,؟ زايد : ,, أذا حسيتي بأي تقصييرر مـن ناحيتي أتجاهج ,,, تأكدي أنــه مب قصصصدي ولا هو بييدي !! ... آمنه نزلت نظرها لحظـنـهـا قعدت تلعب بأصابعهـا بتوتر بايـن لزايد ,, زايد " شبلاهـا هذي ماتنطق ألا بحررف حرفيـن وتنطممم !! " : داامج سكتي معناته أني صج مقصصصر ...!!!,, آمنه ماردت ,, زايد كان ودهـ يقوم يطلع الحجي بالغصب منـهـا كان ينطرهـا تقول أنـهـا مللللت من تطنيشه لـهـا وتبيهم ينفصلون لكنهـا مخيييطه حلجهـا ولا تنطق ألا بكلام قليل مااااايفيدهـ بشي ! زايد : أذا كنتي حاسـه أأني مب الزووج اللي تحلميـن فيييـه ... قولي .. وأنـا أوعدج أسوي اللي يريحج ,,, هالمرهـ طالعته بصدمه ! شقاعد يخرربط ذيييي يستهبل ولــه هو هببببببل أساساً لا لا أأكيييد يستهبببببببببببببببل ... المشكله تبي تتكلم تبي تقول لـه وتفهمه أنـها ماحلمت بزوووووج غييررررررهـ !! بس الحيـآ ماسك لسانهـا ومقيييد الأحررااااااف كلهـا ومانعهـا من الخروج ! قدر يستشف زايد من ملامحها اللي أحلوت أكثر وأكثر وأكثر لما أنصدمت آآنــهـا راضيـه فييـه ومتمسكه بـه بــعــد وتأكد بـعـد ,,, آنـه ماراح يقدر يطفرهـا ويخليـهـا هي بنفسهـا تطلب منه أنهم ينفصلون بسهولــه !!! شكلـه كلام آآمـــه صصصج الظاهـر البـنـت تحبببـه وهو ماااايدري ,,, زيـن هي شذنبـهـا تاخذ وااحد ماعندهـ وقت للحب وللخرابيط هذي شذنبها تاخذ وااحد متعقققد من يومهـ صغييررر وتفكيره كله منحصرر تجاهـ هدف وآآآحد بببسس !! أهــوو مـآآيـنــفـع يـكـوون زووج ,, ومستحييل يحسسـهـا أنـهـأ زووجته وهو زووجهـا ! مستحيل يعاملهـا بالطريقـه اللي تتمناهـا كل وحدهـ على وي زوآآآج ,,!! شلون بيقدر يفهمها كل هذا ,, ! شلـ,,ـوون ؟؟ شكلك يازايد تدبسـت بالـهلـ,,ـزوآآآج وماراح تتخلص منه بهلـ سهولـه اللي كنت متوقعهـا !!! , , قـعـدت تحـن عليـه طول الطريج يوديهـا السيـنـمـا حاول يغير رايـهـا بأي طرريقـه لكن مافي ! أذن من طيييـن وأذن من عجيييـن ,, وبــعد ماطلع روحها وافق ووداهـا السيـنـمـا مثل ماطلبت ... خلاهـا هي تختار الفلللم ..وتمنـى أنه ماخلاهـا بو نواف بصدمه : هندي !! نوره شاقه الحلج : آآيـه يبــه ... هالفلللممممم قصـته واووو ,,, قالت لي عنه وضوووح بببس للحيـن ماجفـتتـه ,, بو نواف : جوفي أنا بالغصب جااي السينما عشان خااطرج ,, بس أنــج تدخليني فلم هـنـدي آآسسسسف .... أختاري فلم عدل مثل الناس وله خل نرجع السيـآآرهـ ,, نوره ألتفتت عليه وقالت بهمس : يييببه !! لا تفشلني جدااام الريـآآآآآللل ,,, اللحيـن شبيقول عنـآآآ ... يلا عــآآآد بلييز عشـآآن خااطررررري .. بو نواف طالعها بنظرات ..وبعد مااستسلم طلع بوكه وهو يوجه السؤال لريال : بكم التذكرهـ !! أتسعت أبتـسـآآمة نوره زووود ولو أنهم مب بمكان عام جدام أمة محمد جاان تعلقت برقبته من الونـآآســه ,,, دفع الفلوس ودشوا بو نواف ونوره وقـعـدوا آخر شي نوره ماسكه البوب كورن بيدها وتاكل وهي مندمج بيـنـمـا بو نواف يشررب من العصير اللي شـرآآهـ بضجررررر وتملل .. , , بــآلـشـاليــه كـآنـوا متوزعيــن على الشاليـه بكبرهـ اللي قاعديـن حول البرجه أو ع الكراسي اللي عندهـآآ ,,, واللي قـآآعديـن عـنـد البــحـــر... والبعض يتمشون بهلـ جو الحلو ,, وبعضهم متسدحيـن دااخل ع الكرسي من بعد هالغــدى الدسسم ... ركبت الدري متجهه لغرفتها علـشـآن تريح .. جات بتفتح الباب لقته مقفووول : آآييييف !,,," طقت الباب ونطرت جووااب بس ماجاها " رجعت طقت بطريقه أقوى : وضييييححح !!! فجي الباب أحسن لج ,, بعد ماجالها جواااب طقت الباب بقوووه : وضحىىىىىىىىى !,, وضوووووووووووووح ويــهــــد يهددددددددددج أن شالللله ,,, سمعت صوت المفتاح بعدها طلعت لها وضحى اللي متخصره : نـعععم !! عبير : شللي نعععم !! ,, أبي أأأدش أريييح !! وضحى ببرود يقهر ويستفز : آوه ! نسيت أنج مشاركتني غرفتي ... عبير طالعتها من فوق لتحت ودفعتها عن طريجها وهي داشـه ,, خطوتيـن بس ماكثرت وطلعت ركض وهي تصـآآرررررررررررخ وضحى أتسعـت أبتسامتهـا على شكل عبيييييير ,, بـغـت تضحك بس مسكت روحها عبير بخوف : في قطووووهـ دااااخللل !!! وضحى تتخصرر : زيـن !؟؟؟؟ عبير : شلللي زييييييييييـن ,, طلعيييـهـآآ بررررىىى عندي حساسيـه منـهـآآ ,,,,, وضحى ترفع واحد من حواجبها : مب أنتي بتشاركيني غرفتي ,,, المفروض تدريـن أأنـه فلافي معااي عبير بتنرفز: صكيتي راسي غرفتي وغرفتي حبيبتي الشاليه بكبرهـ شاليهي ,,, ولو أقول لماما أنج حااطه قطوووه معفنننه معاي بغرفه وحدهـ والله تطردج أنتي وخلاجينج من البيييت ,, وأولهـم فلافل هذا ,, وضحى بدلع مصطنع : وآآآييي يـآآرربي ع التخلللف ,, قالت فلافل قالت ...." بجديه وهي رافعه واحد من حواجبها " حبيبتي هذا الحجي اللي عندي ... مب عاجبج غيري غرفتج ,,, عبير : هيين ,, هيـن ياوضحىى ,, عطتها ظهرها ورااحت عند أمها تشتكي كالعادهـ ,, بينما عند وضحى سكرت الباب وراحت تطلع لها ثيـآآب تكشخ فيهم علشانهـا بتنزل تحت ,, وبـعـد 5 دقايق من البحث أستقرت على ثـيـآآب بدلت وألبستهم ,, كحلت عيونها وحطت قلوس شفاف ,, ألقت نظره على شكلهـا وتقبلته ,,, يلا ,,, لآزم تبتدي تخفف شوي من الميك أب اللي كانت كل مرهـ تحطـه ,, بما أنه شباب العيله كلهم موجوديـن سحـبـت عبايتهـا اليديدهـ ولبسـتـه لآنه لبسها مب ساتر ,, جافت نفسها بالمنظره ,,,بببسس ماتقبلت عمرهـا ,,, " مستحييييييل أنزززل فيـهـآآ جداامهم ,,, بيمصخروووني ,, وأولهم عبيروووهـ " فصختهـا وبدلتهـا بعبايتهـا القديمه الضييقــه ,, الشي اليديد اللي سوتـه هالمرهـ أنـهـا لبست شيله مب شفافه وغطت شعرها عــدل ,, جاافت شكلهـا وأبتسمت : آآي جذي أأحسـن ,,, بحاول بعديـن أعوود روحي على اليديدهـ ,, طلعت من الغرفـة ونزلت الدري بخطوات موزونــه ,, كانت تسمع صوت صرااخ عبير وااصصصلها وهي ع الدري دخلت الصاله اللي كاانت مكس مابيـن شباب وبنات العيله بالأضافه لخالاتهـا وكم واحد من خوالـهـا ,, وضحى : السلام عليييكم ,, كلهم : وعليكم السلام عبير ألتفتت على وضحى وطالعتها بأحتقار رجعت تكلم أمها : ماأبي أقعد معاهـا بغرررفـه وحدددده ,, بلييز ماما ,, أم سعيد لوضحى : شبلاج ع البـنـت ,, حاطه دوبج ودووبــهـا ,,,, يعني تدريـن أأنــه عندها حساسيه من القطاوهـ تقوميـن تجيبيـن لها قطوو بغرفتـهـا ,, وضحى : أولاً هذي غرفتي مب غرفتها ألا أذا بتسويـن نفس بنتج وبتمسكيـن علي شاليهنـا وشاليـهـنـا ,, وبـعـديـن أذا مب قادرهـ تقعد معااي بالغرفـه بسبب فلافي ,,, خلاص تبدل مع علآآوي ,, آآدري بها ماراح تمانـع ,, أم سعيد : زيـن اخذي القـطو حطيه تحت بالحديقـه ,, ياوضحى مايصير جذي ,, وضحى : خالتي رجاءاً ,, فلافي بيتم معاي بالغرفـه ,, وخلي عبيير ترجع غرفتهـا القبليييــه .... عبير وهي تتكتف : بس لا سـهـى ولا روضــه يبـوون يـبـآدلون معاي والسبـه حضرتج ,, وضحى أحترت جات بترد ألا صوت رجولي يخترق هالمناقشـه : أذا السالفه وااقفه عننند هالقطوو ,, خلاص أنـا بخليـه عندي وتنحلل المشكله ألتفتت وضحى لصاحب هالصوت اللي تكرهه كرهـ مايتصور وقالت : مشكور ع الأقترآآح الفضيييع ! ,, مافهم قصدها : يـعـنـي شنو !!! أخذذهـ وأخليه عندي ؟؟؟؟ وضحى : يعني بخليه عندي ,, وخل أختتتتك هي اللي تغير الغرفـه هذا أخر كلام عندي ,, " تطالع خالتها " وأذا أنـا مضيقه عليكم جذي خلاااص أرجع بـيـتـنـا ولا هالمذلللــه .... -: آآفاا شدعووهـ !! ماعاش من يذلللج والله ,,, نطت عبيير : سعييييييييييييييييد !! سعيد طالع أخته : ترى والله الموضوع تافه وأنتي مكبرته ,,, أم سعيد : آي تافه !! ,, أختك عندها حساسيه !! ماتفههم ,, وضحى بنفاذ صبر : خلاص خلاص ,, أنـا ببدل مع وحدهـ من البـنـآآت ,, واالللله مايسوووووى علي ... حتى غرفتي منـاشبيني عليـهـآآآ .. طلعت من الصاله وهي معصصصببببـه من قلللببب شوي وتنفجررررررر .. عبير أرتاحت نـفـسيـتـهـا تكتفت وهي تقول : فكـــــــــــــــــــــــــــــه ! ,, سعيد : حرااام عليييج يمه ,,, هي ضيفتنـآآ المفروض نسوي اللي يريحهـا مب العكسسس ,, نط واحد من شباب العيله بصوت هامس : مسكييييييييييييييين يالعااشق ! سعيد طالعه : كل تـبـن ..! . . برى أول ماطلـعـت أتجهـت صوب البحـر كــآآنوا بعض عيال خالاتهـا وخوالها من الشباب والبنات موجوديـن هنـآآك ماحبت تحتك فيهم اللحيـن لآنه مزاجها مب أوكييييـه ,, تمت تمشي لحد ماخذت لـهـا مكان بعيييد عـنـهم شوي .. وقفـت مجـآبلـه البـحـر وهي عـآقـده ملامحهـآآ وتتكلم بحررررررررهـ ونررفزهـ وآآضحــه على محياهـا ,, : الله يسااامحج يايمــه .. تدريـن أني ماأواطنها لا هي ولا بنتهـأ العووويـه ,, تقوميـن تصريييـن علي أأجيييي مـعـآآج .... هذاني جييت شستفددددت !! ماغير حارقه دمي ويــآآ هالدلوعه الماصخه عبيررروووووووهـ ,,,,, والله لو تتحرررش فيني مرهـ ثانيـه لا أأكلللللللللللللللللـهـا بلسـآآنـي ,, ولو تزودهـا أأصفقهـا سطـآآآررررررر يطيييررر عـدسـآآتــهـا الملووونــه ,,, كل كلمه والثانيـه قالت لي شاليهنـآآ وشاليهـنـا مالت عليج وعلى شاليهكم فووقج ... جنه محد بالكره الأرضيـه عندهـ شاليـه غييرهـا ..... " تطالع السـمــآ " الصببببببببببببببببببببببر يآآآآررب ,, تقدمت خطوه لجدام وصــآآر الماي يرتطم بخفه بريلـهـا وبلل أطراف عبايتهـا .. ماأهتمت ولا فكرة ترفعها شوي عن المــآآي تكتفـت وهي تطالع بالفرآآآغ جدامــهـا ,,, يعني شمعنى حطوا عبير معاهـا !! وهم يدرون أنه لا عبير تواطنهـا ولا حتى هي ! الظـآهر الحركه هذي مقصووودهـ .... و...... " مــســآآء الخيررر " ألتفتت وراهـا وأرتجف قلبـهـا أول ماجافتـه ... مد لـهـا يده ببتسامه عذبه وهو يقول : شـلـووونج ! نزلت عيـنـهـا ليده ورجعت طالعته : بخيير !!! طالع يده ورجع طالعهـا : شــدعووه ! وضحى تحاول تتماسك رغم أنـه قلبـهـا قام يرقص من كثر ماهو يررجف : نعم راشد بغييت شي ؟؟ راشد وهو ينزل يدهـ : لا مو من صجج !!!! تغشمريـن آكييييد ,,, وضحى : رجاءاً راشد أبي أقعد بروووحي ... راشد : آآسسف ,, ماراح أأنفذ هالطلب .... " بصوت هامس " آآشـتــقـت لللج ..! وضحى بلعت ريجـهـا وبـآن الأرتباك عليـهـا .. راشد قدر يلمح هالشي بسهوله قال وهو يتفحصها من راسها لصبع ريلها : فيييج شي متغييير ؟؟ وضحى ضمت شفايفـهـا لبعض وتحركت خطواتهـا تبي تطووفـه وتـنـهـي هالحوآآآرررر تحسسس نبض قلبها المتســآآرع صـآآر مسموووع لراششششد .. لكـن يده اللي مسكـتـهـا من ذراعهـا وقفت خطواتها سحبت ذراعها منه بقوه وقالت بحده : رااااااااشد ! راشد : زيـن زيـن لا تعصبييين ..!!! ,, ترااج أأحلى وأنتي تضحكيييـن .. وضحى تلللببس قـنـآع القوه : ماطلبت رايييك !! ,, ولو سمحت هذي أخر مرهـ تقرب فيـهـا صوبي لا جفتني بروووحي .... " بنظره سريعه من فوق لتحت " لا تـتـعدى حدودك ! راشد : ومن متى بيـنـي وبينج حدود !! .. وضحى : أنت تتتدري من متى ,, ومالـه دااعي أذكرك بحقـآرتك ! راشد أنصدم من كلمتـهـا الأخيره : نــعـــم ؟؟ وضحى : اللي سمـعـتــه ..... عن أذنــك .. طافـتـه وتركـتـه وراهـا مصدووم من اللي سمـعـه ومسـتـوى الغـضب أبـتـدى يرتفع تدريجيـاً لحد ماصك راسسسـه .. " حقــآآرتك !! ,,, آنــآآ حققييييييييييير ؟؟؟ " ألتفـت وراهـا لـقـآهـا شبـه مبتعدهـ عنــه .. كان بيلحقهـا ويوقفـهـا عند حدهـا ,, لكـنـه مسك عمرهـ كور قبضـة يدهـ وزاااد بالضغغغغط عليـهـا وهو يقول فـ نفسـه بعد ماتأكد أنـهـا خلاص طوت صفحـتــه ونستـه خلااااص ومافي آمل ترجع لــه " هيييييــن ياووضضضحى ! أنــآآ أعللللمممج الحقـآآآآرهـ على أصووولــهـا وشلووون صــآآيررررهـ ,, " . . بيـت أم زايد ع الساعه 5 طلعوا آمـنـه وسالم رايحيـن بيـتـهم .. بـعـد مالمح زايد لآمنه أنـه راح يتصل لـهـا اليوم .... طلعت من بيت عمتها وهي تجاهد علشـآن تخفي فرحتهـا ,,, سامحـتـه حتى بدون ماينطق كلمة " أســف " كفـايـة أهتمامه فيـهـا وشعورهـ أنه مقصصر بحقـهـا آآكيييد دامه جاب هالطـآآري معناته انه حاس أنــهـا متضايقـه وحآآب يستسمح منـهـا بطريقة الخاصـه !!! شكلها اليوم بتلزق بالجوال وماراح تـنـآم ألا على صووتــه .. طول الطريج وهي سـآكتـه وتطالع الدريشــه سرحــآنه بزاايييد وتمر عليـهـا كل المواقف اللي جمعتهـا فيـه من صغرهم ليـن كبروا ,, تـــحببببـه من كلل قلبـهـا وآآكيد هو بعد يحبـهـا ... بس مب عـآآرف يعبر أو يبيـن هالشي ,,, كل اللي قدرت تعرفـه هالفترهـ عن زايد أنـه مب رومنسي ولا يعررف درب الرومنسيـه عكسـهـا تماماً ..... آمنه بقلبـهـا " عـآدي !! يتـعـلــــم ,,! وعلى آيدي أن شالله " آول مارجعوا البيـت نزلت هي وأبوهـا ودشت بسرعه دااخل ,, لحقـهـا بخطوات بطيئـه وأول مادش وسكر الباب وراهـ نـآداهـا .. جافـهـا تطل عليـه من فوق : هلا يبــه ! سالم : شبلاج أندعستي فوق .. تعــآآل أبي بشغلـه .. آمنه برجى : يبـه تـعـبـآآنه شووووي ,, بروح أأررييييح ,, أجل هالشغله لباجر ,,! سالم كــآن عــآآرفـهـا عدل وفاااهم سبب حركتهـا ذي ,, قال بخبث خفيف : تـعـبـانه ,,!!!؟؟,, آآهـآآآ ,,, آوووكيه ..!! ... أرتاحي عدل ماأوصييييج ضحكت برقـه على طريقـة كلام أبوهـا اللي كـآآشفـهـا ,, طرشت له بوسـه خفيفـه وهي مختفيـه عن نظرهـ ,, سالم ببتسامه : الله يوفقج يابنتي ! بينما عند آمنه دخلت غرفتهـا وقفلت الباب عدل وراحت قعدت فوق سريرهـا والجوال بيدهـا : يلا أأتصصصل ! . . من الصوب الثاني كان تـوه دااش غرفـتـه ومسكر الـبـاب وراهـ طلع جوالــه وتــم يـطـالـعه .. وهو يصفصف حجي برااســه .. يحاول يجهز الكلام اللي بيقولـه وبعد أقل من دقيقـه أتصل عليـهـا وقـعد على الكرسي بأنتظـآر ردهـا مايدري ليش قلبـه نببببض ...! يمكن علشـآن أول مرهـ يكللمهـا على التلفون !! . . عند آمنه أول مارن جوالـهـا بأسم زاايد ... حست الهوى نقص بالمكــآن ترد ولـه ماترد !! ماقدرت تاخذ وقت بالتفكير ,, لآنه صوت الرنيـن كان يلح عليـهـا آنـه تررد آمنه : ألو زايد : هلا آمنه ,, والله عبالي ماراح ترديـن .. آمنه أبتسمت بدون ماترد .. زايد بعد ماتنحنح بالخفيف قال بصوت هـآدي : في وايد شغلات أبي أقولـهـا لج .. بس مب عـآرف شلون أأقولـهـا آمنه ذاابـت ,,,آكيد يبي يوصل لـهـا انه يحبـهـا بس الكلمات خاايـنـتـه ومب عارف شلون يقولـهـا : .. مثل شـنـو ؟ زايد تنهد بالخفيف وقـآل : آآمــنه .. بصراحه وبدون لف ولا دوران ... ليييش رضيتي مانسوي ملجه !!!! آمنه: لآنه وضع عمتي مايسمح ... زايد : كنتي تقدريـن تطلبيـن منهم يأجلون ليــن يسمح الوضـع .. آمنه : ممم .. آدرري .... بــس ... " سكتت .." زايد : بس شـنـو ؟؟ آمنه بصوت واطي اكثر من زود الأحراج : مادري ,, زايد فهم من " مادري " السبب قـآل : تـدريـن أنه العرس بعد كم شـهـر ..؟ آمنه صار صوتـهـا أوطى من قبل بالغصب يطلع : آيـ..ـه ! زايد : مقتـنعه فيني ! آمنه : زايد شـهـلـ الأسئـلـه !! أسمه كان طالع أيـنن منـهـا .. ومااقدر يتـغـاضـى عن هالشــي !... بس حاول يخفيـه : حـآآب أتأكد أأنــج مب مجبورهـ علي .. آمنه : لا مب مجبورهـ,, وافقـت عليك بقناعه ! زايد : آهـا !! آمنه بعد سكوت بسيط : زايد ممكن أسئل سؤال ,,! زايد : آمرري .. آمنه : مايامر عليك عدو ... " تلعب بطرف بجامتهـا " ,, ليش تتجاهلني !! زايد بـغـى يتشقق من الوناســه لما درى أنـهـا حااسـه بتجاهله لـهـا .. تعدل بقعدته وهو مازال يتكلم بنفس نبرة الصوت السابقه : أأنــآآ طبعي جذذي !! .. آمنه : بــس ... أأحسسك متعممد .. زايد : مب متعمد .. آآنـآآ جذي وأنتي تعرفيني من صغررري .. آمنه : عبالي تغيرت .. زايد : ماتغيرت ... وشكلج أنتي بعد ماتغيرتي .. للحيـن مثل ماانتي !!! آمنه أبتسمت : شقصدك ! زايد طنش سؤالها : جهزتي حق الـعـررس ...؟ آمنه : ببتدي من بـآآجر ,,, زايد : آآهــــا ,, ســــآد الصـمـت بيـنــهم .. محد فيهم نــطــق لحد ماتكلم زايد : آوكي أخليييج ! .. آمنه : آوكي .. زايد : فمان الله آمنه : فمان الكريم سكر منـهـا وطالع جوالـه .. أطلق زفيرررر : مب عــآرف شلون أتعامل معاهـا !!!!! أتصل على فـهـد رن شوي وجالـه صوته بعد ثاني رنه : والله جنك حاااس فيني زايد أبتسم : أولاً السلاااام عليييكم ,, ثانياً ... شفييك ؟ فهد : وعليكم السلام ,, زيووود وااصل الأرتباك عندي التوووووووووووب ,, بــآآجرر عررسي زايد : خلللك كووووول !! ,, فهد : آي كوووول أي خرابيييط !! ... مب مصصدق !!! بـآآجر بصير مسؤول عن مرهـ وبعد فتره بصيييرون عندي عـيــآآآل ,,,,, ! بــآآآآآآآآآآل ياريال .. ماأتخييييل حتى ,, زايد ضحك بالخفيف : كل اللي تزوجوا قالوا جذذيي ,, فهد : بذمتك أنت مب متوترررر !!!! لو تقول لا تراك جذآآآآآآآآآآآب ,, زايد بـتـردد خفيف : مب متوتر متوتر !!!! .. بس متوتر شوي ,,, فهد : شلون مب متوتر بس متوتر !!! لا تتكلم لي باألغـآآزززززز ,, زايد بتسائل : فهوود ,, أذاا ودك تراضي مرتك .... شتهديـهـا ,,! فهد : وشله هالسؤؤال ... زايد : جوواابني وبس ,,, بلا لقـآآفـه .. فهد بنذاله : والله أنا ومرتي ننياااز ,,, مالك شغل شلون أراضيـهـا ,,, زايد : صج أنك نذلللل !.. فهد ضحك : تلميذذذك ... زايد : لا جد جد ,, شتهديـهـا ... ورد !!!! فـهـد : آي شي تهديـهـ،ـآ بيفرحـهـا ,,,, مب شرط شنو هو .. المهم أنه مــنـــك .. زايد هز راسـه بتفهم : تـهـقـى ! فهد : حبيبي أنا خبرهـ ,,, زايد : آدري أنك خبرهـ ,, عيل شله متصل لك .. أنت وويـهـك ... " بتسائل " باجر عقب العرس على طول بتسافرون ..؟؟ فهد : لا طيارتنـا 6 الصبببح ,, زايد حس بشعور ماقدر يترجم معناه : 6 الصبح ! فهد : آيييــه ,, زايد : ومتى بترجعون ,, فهد : بعد شـهـر أن شالله ,, أذا ماأصرت الحب نطول المدهـ ,, زايد من قلبه قال بصوت جاد هادي : لا تـنـســآنـآآ ,,! فهد : ماعاش والله من ينـسـآآآك ,, وأبشررر بهـديــه تـيـننك ! زايد : سلامتك تكفي ! فهد أبتسم : شعندك اليييوم !!!! زايد : عندي اللي عندك ,, سكر سكر ... بروح أأغفي لي شوي ... فهد : آآووكيييـه ... خل الجوال حولك يمكن يصك التوتر عندي الـبليووون ... زايد أبتسم : آآآن شالله !! .. يلا عطني مقفااك فهد : سلام زايد : مع السلامه سكر منه وهـو حاس بضيقه أقتحمت صدرهـ من تذكر أنـه بـآآآجر راح يودع فهد العزوبيييـه ويطلقـهـا بالثلاث !! باجر عرسسســه وعقب بــآآجر بيسـآآفررر .. رفيجه الوحيييد رااح يفارقه شــهـررر .. شــهـر كامل راح يعيشـه بدون فــهــد صحيح هو مايبيـن لــه معزته الكبييييرهـ بس هو يـعـززززهـ .. ويعزهـ وااااااااااايد بــعــد ويعتبره اخوووهـ اللي ماجابته آمـه ... وهالسـفـرهـ ... راح تـخلللق فرآآآآغ كبييير بصــدرهـ ,, !! الله يعيـنـه على مجاااابل نــوآآآف وسخافات نووآآآف !!!! , , عـنـد نوره كانت قاعده بالسياره أحذى أبوهـا وهي تمسح بقـآيـآ دموعهـا ..: والله أنـها حقييييره .... وماااتسـتــآآهـل هالحب اللي عطاها آيـآآهـ ,, قدرهـا هالزبالـه ريلـهـا ...... بو نواف صدع منهـا : نوير ... واللي يرحم والديييج فكيـنـي .. لا تخليني أتحسسسف أني طاوعتج ودخلت معاج هالمصخرررهـ ,,, نوره : مب مصخررهـ ,,, !!بس أنتوا ماتفهمون بالحب والرومنسيــه ,, عــيـــل هالمزيون هذا تــهـده وتااخذ الجييكرررررر أبو الخلاجيييـن ذاااك ... واااااااااي ودي أمجعع شعرهـآآآ ,,,, بو نواف : تراهـ فلم ! نوره : بس موجود بالواااقــع .. بو نواف طالعهـا وصد عنـهـا : خلللف الله على عقلج بس ... هذول لاعبيـن على عقولكم وأأنتوا مصدقيييــن ,,,, عيل عطـآآهـ سطــآآر طيــرررررهـ لسـآآبـع سمــآهـ ,,, حششششى !! مب ادمي ! ,, نوره : يبـه بلييز ,,, أنــت ماتفهم بالأفلاااام ... بو نواف : مخليـهـا للج ! ,, المهم شتبون عشــى ,,؟ نوره أتسعت فتحت عيـنـهـا : عشى اللحييييييييييييـن !! بو نواف : آيـه عشى من اللحيـن ,, وأذا ماتبيـن تاكليـن ... خليـه ليـن 10 .. 11 ,, وأاكليـه .. نوره : لا ,, ردني البيت اللحيـن ... وع التسع نطلع نجيب عشى ,, بو نواف : قايل لج عندي موعد مهم اللحيييـن ,, ويمكن أتأخر ليـن 1 !! نوره : شهلـ موعد يبـه ؟؟ بو نواف : سوالف شركات ماتفهميـن فيـهـا ,, نوره : أذا جذي ,, مرني ماكدونالز ... خل أطخ لي كم وجبـه لي وللغجر عيالك اللي بالبيـت ,, بستثنـاء ريماني طبعاً .... بو نواف : آووكيييـه .. بس بسرعه مو تقعديـن على مهلللج .... نوره : أن شالله ,,, بو نواف : أقول مسسسحي كحلج بس ,, وصل ليـن حنجج ,,! نوره بصدمه وهي تطـلع المنظره من شنطتهـا : أاحللللف ! ,, . . الـسـاعـه 8 ونص بـالـشـاليـهـآت أم وضحى وخواتهـا كانوا بكامل أناقتـهم ,, لآنـهم معزوميـن على عــررس ... ولآزم يروحون خذوا معاهم كم وحده من البـنـآآت ومن بينهم عبييير .. اللي أفتكت منهـا وضحى .... وتـقـريبـاً فـضـى الشاليـه مال البـنـآآت ,, وبـآآقي البـنـآآت ,,, متجمعيـن بشاليه الـشـبـآآب " الخوااال وعيالهم وعيال خواتهم " وقاعديـن يسوون باربيكيو .. حول الـبـررجــه كان الجو أنواع الوناســه والضــحــك وسـعـت الصــدر .. حتى وضحى اللي طول الوقـت مكشرهـ كانت مطلعه طقم ضروسها كلـه من كثر ماهي مستانســه ... وتـحــط اللحم بالأصيااخ ,, علـشــآن يحطونـهـ ع الـنــآآر ... كانت عليـا مشاركتهـا تجهيز اللحم ... وطول الوقت تسولف مـعـاهـا وتضحك ... ومب حــآآسـه بـنـظــرآآت بتــآآكلـهـا من طبـت هالمكــآآآن مــحــتترررررر منـهـا ومن كلمـتـهـا اللي للحيـن ترن بأذنـــه وحالف ماتمر هالليلـه ألا وهو موقفـهـا عـنـد حدهـا ..... " آآنــآآ حقييييررر ياوضييييح !! ,,, واللللللــــــــــــــــــــــه مااأأطوفـهـا لج ! " أول ماخلصـت غـسـلـت يـدهـا بجدر المــآي المحطوط بالقرب منهم شمت يدهـا وهي تقول : ريييحـت يدي تتتتتجيب المرررررررررض عليا وهي تضحك : هههههههـ أستغفري ربج ,, وضحى وهي توقف : أستغفررر الله ,, بروووح أأغسسسل يدي وبرجع ,, عليـا : جيبي معاج جووااللللج ,, خل نصور الجلسسسـه ... جوالي ناسيته بشاليهنا .. وضحى : حتى أنـآآ ,, تدريـن شلون بروح أغسل يدي بشاليهنا وبالمرهـ أجيب جوالي وجوالج .. أبي أصوووور هالقــعده حق نورووووهـ ..." بترجي خفيف " عفيييه علووي .. كلمي أيمانوه القشرهـ خل ترووح تنخمد مع أختهـا .... بجي معاج .. عليا : من عيوني ... بكلمهـا اليووم ,, وضحى تطرش لها بوسه خفيفه بالهوى : فديييتج .. أستدارت وأبـتـعدت عنـهـا وراحت مشي لصوب شاليهم اللي مايبعد عن شاليه الشباب واايد ومن طلعت فز راشد ولحقـهـا ... . . دشـت الشاليـه وسيده راحت الحمام اللي تحت غسلـت يدهـا بالماي والصابون .. وركبت الدرري راحت غرفـة عليا ودورت جوالـهـا لقـته ع التسريحه خذتـه ,, وطلعت لغرفتهـا اللي تبعد وايد عن غرفـة علــيــآ دشـت وخذت جوالـهـا اللي على سريرهـا ... كان فيـه مكالمه وحدهـ من نورهـ أبتسسسمــت .. " فديـتـهـا نويييرررر ... " راحت لقائمة الأسامي بتتصل على نورهـ ... سـمــعـت صوب بـاب الغررفـه يتسكررر وراهـا .. ألتفتت بسرررعه جاافت راشد وويـهـا مايبشررر بخييير : أأنـآآ حققييييير هــآآ ! وضحى قلبـهـا طب بريلـهـا : شتسوووي هـنــي ؟؟؟... أأطلللع بررررررى ,, ترااك وايد مطييح الميــآآنـه .. راشد : وراح أطيييحـهـا زيااادهـ ,, وأنـا بعلللمج الحقـآآرهـ على أصولـهـا .... أذا أنتي مفكره أنج خلاص تخلصتي مني وطلعت من حياتج بهلـ سهولـه فأنتي غلطااانـــه .... وشكلي هالمرهـ رااح أنفذذذذ اللي كنت بسويـه قبل ... علــشـــآآن لا أنتي ولا أبوووج تـقــدرون تبعدوني ! وضحى طااح جوالـهـا من يدهـا من الخرعه : رااششد حرااام عليييييك ,, آآنــا بنت خالتك مب وحدهـ غرريييبببببـه !!!! ... تتتعوووذ من أبليييييس .. راشد : ماراح أتعوذ منـه ! . . . بشاليـه الشـبـاب كان قـآعد وهو يتصنع الأنصـآت لسوالف اللي حولـه رغم أنه باله مع وضحى اللي قامت من شوي ومايدري ويـن راحت المشكله أنه لمح راشد يقوم ويطلع من عندهم بــعـد ... قام وراح صوب عليـا سألـهـا بفضول : علوي ,,! وضحى ويـن راحت ؟؟؟ عليا وهي مشغوله باللي بيدها : راحت شاليـهـنــا !! .. تجيب جوالي وجوالـهـا ... سعيد : كل هذا تجييب جوااال !!! عليا تطالعه : ليش هي تأخرت !؟؟.. سعيد :,,, آحسـهـا طوولـت ,, عليا تطالعه بخبث : وأنت تراقبـهـا ... سعيد أبتسسم : خلصي اللي بيدج ... أبتـعد عنـهـا وسمعـهـا تسألـه : على وييييـن !! سعيد : بشششم هـوى ورااجــع ,, عليا : آهـآآ ,, زيييـن ! . . طلع من شاليـهـ الشباب وتوجه لشاليـه البـنـات قلبـه قارررصـه مايدري لييييش دخل الشاليـه كان الوضع تحت عــآآدي ,, نـآدى بصوته على وضحى ماجالـه جوآآب ,,, ركب الدري وراح فووق ,, صوب الغررف ,,, وهو يدري لو تشوفـه وضحى بتهزئــه .... بس يلا .. بيسوي نفسـه جااي ياخذ شغللـه لوحدهـ من خواتـه .. أول ماأقترب من غرررفــة وضحى سمع صوت صرآآآآآآآآآخــهـآآآآآآآآآآ هـآآآآآآآآآز المكـــآآآآن فتح بـــآآآب الـغرررفـه بسرعه وجآآآآآآآآآآف اللي مااااطرى على بالـه أنه يشــووووووفـه هــآآآآآآآآآجت أعصـآآآآآآآآآآآآآآآآبـه وثــــــآآآآآآآآآآآآآآآر الدمممممم بعرووووووووووق وأشتـعـللللللللللت غيييييييييرته ومــآآآآآآآآعــآآآد يشوف شي جدااامـه من الغضضضضب سسسسحببببب رااشد وهو يصرخ فييييـهـ بصوته الرجوووووولي : آيـآآآآآآآآآآآآآآ الخسييييييييييييييييييس ! دفعـه بقووووووه على التسريييحــه وطييييييييييح كللللل العطووررررااات والأغراض اللي عليـهـا ,, طـــآآآآآآآآآح فييييـه طققققققققق وغرررقـه بدمــه ,, كــآآآن يييطق رراااسـه بالمنظرهـ بقوه فضيييييييييعــه لييييييـن مااكسرررررهـآآآ و..وضحى ماغير تصييييييييح بصوت عــآآآلي وتــصــآآآآآآآررخ .. الــ.. كم بـنـت اللي كانوا نايميـن بسبات عميق قااموا على صوت الصراااااخ والصيـآآآآآح والتكسيييييييير وأول ماجافوا المنظررر صرخووا .. وزااااغــت قلووووووبهم كــان راشد يحاول يدافع عن نفسـه بدون جــــــدوى ,, جسسم سعيييد وتكووويـنـه أقوى من راااشششد اللي غرقان بدمــــه ,, طلعت وحدهـ من البنـات اللي ماقدرت تستحمل تشوف هالمنظرررر ,,وخذت شيلتهـا وراحت ركض لشاليه الشباب وبلغت الشــعــب اللي هنــآآآك هدوا كل اللي بيدهم وجو رككككككض لشاليـه البـنــآآت مسكوا الشباب سعيد اللي ذبح راشد طقققق ,, وماخلا كلمة سب ألا وقاااللــهـا ,,,, بينما وضحى طايحه بأحضـآن وحدهـ من بنات خالاتهـا وتصيييييح من قلببب قـال أكبر خوالهم وهو معصصصصب : شســآآآآآآآآآلـــــــــــــفــــــــــــــــــه !!! شفييييييييييييييكم !! سعيييد وهو يصررررررررخ : هالخسيييييس متهجممممممم على وضــحــــــــــــــــى ,,, أنصـعـقوا البـنـآآآت وثــآر الدم بعروق الخوآآآآل .... منصور " أكبر الخوال " : شــنــوووووووو !! سعييييد : اللي سمعتوووووووهـ ,, هدووووووووني خل أدوووووس ببطـنـــــــــــــــه اللي مايستحيييييي ,, رااشد كان وااقف على طولـه ومب قـآآآدر يـتـواازن ...الصورهـ جدامه ماعادت وااضحــه ..... ررااااسه كان ينززززززف دمممم بالـهــبــل والسبب القزاز اللي دش فيييـه من المنظرهـ أختلطت عليـه الأصوآآآآآآآآآت ,,وماقدر يميز شي كان يسمع صراخ وصيـآآح ماحس بعمرهـ ألا وهو طااايييييييح من طوووووووولـه جثــه على الأررررررض ,,, . . . الـيــوم الـتـالي راح الدوام اليوم ... داااوم نص اليووم وبـعـدهـا أستأذن لظرروف خااصـه وطــلــع وتوجه لبيـت بو نـواف ,, علشـآآن ينفذ وعدهـ لغـآنم ,,,, لآزم يكسب ثقـتـه ... واليوم أحتمال ينفذ فكرهـ مجنونه كــآنت تحوم براسـه من آآمسس وقف سيارته عند باب بيت بو نواف ومانزل ,, أتصل على نواف وعطاهـ خبر أنـه برى ,,, وتم يـنـطر يشوف سيارتهم تطلع من البيييـت .... علشـآن يحرررك ويتجه لسيليـن وبـعـد دقايق معدودهـ شاف غانم طالع مشتط وركب معاهـ جدام لا أحم ولا دستور قال وهو يسكر الباب : السلام علييييكم ! زايد : وعليكم السلام ,,, شلووونك ! غانم : تماااام ,, واللله ماكنت متوقع أنك بتنفذ كلامك وبتجيي عبااالي تاخذني على قد عقلي ,, زايد : آفـآآ عليييك ,, دامني وعدتك ملزوم أنفذ وعدي ,, غانم يطالعهـ : ويني عنك أنا من زمــآآن ,, أنت من متى مرافج نوااافووهـ !!! زايد وهو يمسك السكان : مممممم !! تقريباً صار لي كم شـهـر ,,, غانم : وأنـا أقوووووووول !!! ,,, أهم شي أنك مب وااحد من ربعه القبليـن ثقااال الدم زايد ضحك : شكلك ماتواطنهم غانم : ولا أأطيييق ألمحهم حتى ,, ياهم ملغييييييييييين بشكل ولا وشايفيـن روحهم مادري على شـنـووو ,,,,!! زايد : ألا اخووك ويـنـه ! غانم : اللحيـن بيطلع ,, كان يـبيني أجي معاهـ بس قلت لا ... أجي معاك أأحسسسـن .... أووسع صدري شوي ,, زايد أبتسم بدون مايعلق ,, " شكلـه هذا بسرعه يتعلللللق بالواااحد مثل المدمغ أخوووهـ !!! ,, هه !! والله وسهلتوا علي أشياء وأشيــاء ! ... " أول مالمح سيارة نواف تطلع سلم عليـه بالأشارهـ وحركوا متجهيـن السيليييـن ... وطول الطريج وزايد يسحب الحجي منــه ... بطريقـه غير مباشرهـ الطريييييج كان طوووووووييييـــل ,,, وماوصلوا ألا ع الـ 2 ونص ,, بـعـــززز الظــهــرررر ... صفوا سيايرهم أحذى بعض ,, ونزلوا .. نــوواف تم بسيـارته اللهم فتح البــآب وتم يراقبهم ... نززل غـآآنم بطبطتـه من سيارة أخووهـ بمساعدة زايد وأول مالامست الأرض ركبـهـاآ ,, وهو يقول : يــآآســلآآآآآآآآآآآآم !.. زايد : أأمشش بوريك خوووش مـكــآآآن حق الأسـتـعــرآآآآآآآض ,, يخليك تحس روحك تطييييييييير ! غانم يطالعهـ بثقـه وسذاجه مراهق : صج والله ! ويييـن ,,؟؟؟؟؟ زايد : آآمش خل أوريييك ,, غانم : بتمشي على ريولللك ,,,!!! زايد : آكيد لا ,, بالسيـأرهـ ,,,,, غانم : ونواف ! زايد : بعطييـه خبببر اللحيـن ,, غانم : أوكييييـه ,, راح زايد لنواف وعطاهـ خبر أنهم بيبتعدون شووووي ,, مامانــع نــواف ... بس طلب منه أنهم مايبتعدووون وآآآيييييد .. ركب سيـارته زايد وهو ناوي نيييـة قششششررره على غــآآآنــم يحس أبليييس عشعش برااسسسسسـه ,, حرك سيـآآرتــه ومشــى مع غــآآنم اللي يسوق بأقصى سرعته ومستانس ,,, وصلوا لمكــآن معروف أنـه شبـه خطررر ... ووآآآيييييد اللي سسوا حوداااااث هني... البعض انشلــت حركتهم والبعض الآخر روحهم فارق اجسـآآدهم ,, واللي الله حااافظهم مازالوا عايشيـن ولله الحمد !! والظـآهـر أنه غــآآنم ماايدري عن هالشي ! وقف سيـآرته زايد ونزل راح صوب غـآآنم وقـال وهو يأشر لـه على تـــل بعيد شوي: جااايف ذاااك الـتــل اللي هـنـآآآك !! ,, كل ماجيت السيليـن لآزم أأأستعرض هـنــآآك ,,,, والله الجو هناك يونس غــآنم أشتط : عيييل بروح أخذ لي كم لفــه ,, وراجع ,,, زايد : ماأوصييك زيييد السررعــه ,, غانم يغمز لـه : أفا عليك ,, حرك من عند زايد اللي أتبـعـه بـنـظــرآآآتــه ,, وبأبتسامه عريضــه !!!! كل ماأبـتـعد عنه خطوهـ كان نبض قلبـه يزييييد وأبتسامته تتلاشـــى شي دااخلـه يصررررررررررررخ فييييـه يحاول يبـعـد عـنـه هالفكره المجنونـــه " لو يمووووووووووت ذنببببـه برقبببببببببببتـــك يازااييد ! " " لو يموووووووووووووت ذنبه برقبتك يازايد !" " لو يمووووووت ذنبـه برقبتك يازاييييد !" " لو يمووت ذنبـــه برقبتك يازاييييد !" مايدري لييش فجأه حس بالخوف على غـآآآنم ,,, نــآآدآآآهــ بأعلى حسسسـه : غــآآآآآآآآآآآآآآنم ووووووووقــــــــــــــــــــــف ! وقف غــآآنم وألتفت عليييـه بستغراب ,, مشـى بخطوات سريعه أتجااه غانم وقال : تعال نروح مكان ثاني ,,, غانم بتسائل : ليييش ! زايد : بسسس ,, تذكرت أنــه هالمكــآآن ماينفع اللحيـن حق الأستعراضات .... غانم : بس أنت قلت لي أنك كنت تجيي هني !! زايد : كنت ,, بس بعدهـا صار هالمكان خطرر ,, وزيـن أني تذكرت .... غانم : آوكيـه !! نروح مكان ثـآآنـي ولا تززززعل ! ,, زايد : آآمششش ! غيروا المكان ووداهـ مكان أأمن من هذا ,, وتم بسيـارته يـراقب غــآآنم المسـتانس وهو يستعرررض على كيف كيفـه وبحريـه مطلقـه ,, زايد بقلبـه " آآنــآآ شلووون فكرررة مجرد تفكييير بأني أضررررهـ !!! ,, لو اللحيــن مستعررض هناك ومننقللللللب ومييييـت .... بيتم ذنبه معلللق برقبتي ليوم القيااامـــه ,,, هو ماله ذنب باللي سوااهـ أبوهـ .... شراح أستفيد لو ذبحـتـه !! " رد عليـه قلبـه " راح تستفيييد أشيــآآآء وأأشيـــآآء ,,, نسييييت أبووووك يازاييييد ... نسسسيت طفولتك ... نسيييت مراهقتتتتتك .... نسييت شبابك ... نسيت زواجك اللي منت قادر تتهنى فيـه والسبب فايز اللي ملاحقك من مكان لمكان ...... لو مات غـآآنم بتشووووف فايز مكسووووووور !! .. بتشوفــــه يصيييييح الدددددددم اللي صييحك أيــآآهـ ,, لو مــآت غــآآنم .... بتنفذ آمـنيييـه ياما تمنتـهـا آآآمــكـ ,,!!!!! آمك ودهـا تشفي غليلهـا بفـآآيز .. ولو جافته منهاااررر بتفررررح !!! بتفرح واايييد ,, " جاوب عقله " أمك ماراح تفرررح يازايد !! ,,, كذا مرهـ قالت لك ماتبي منه شي ... ماتبي ألا راحـة البــآآل والله بينتقم لك ولـهـا ولأبوك بــعــد ..... لو ضريت غانم ... بطّييح من عيـن نفسسسك قبل لا تطييح من عيـن آآمـــك ,," رجع صوت قلبـه يـنـطق بكل قسوه " لا تخليي هالكلام الفااضي يسييطرر عليييييك !!! ,, فـآآيز ذببببح أبووووووك ... وأحرمك منــه ... عــآآدي لو ذبحـت ولدهـ ورديييت لـه الصاع صاعيييـن ... لا تخــلــي هالأفكــآآآر تضيع اللي بنيته من سنيييـن ,,,,, لا تهدم اللي بنـيـتـه يازايد !! " صرخ فيـه عقلـهـا " لااااا تتجررررد من الأنسـآآنييييـه اللي تجرررررررررررد منــهـا فــآآيييز ... لا تصيييييييييييييير نسسسسخــه مــنـــه!! لا تصييييير الويييييـه الـثــآآني لــــــه يازاايييييييييييد ! لا تصيييير فــآآآآآآيييييز وآآآنــت ماااتدررررررري ! " حط راسـه ع الســكــآآآآآآآآن وهو مغمض عيـنـه بقوهـ من هالصرآآآآآع اللي عاش فييييـــه ,, . . بـمـكـآن ثـآنـي من دخل راشد المستشفـى أمس وعرفت السبب وهي بصدمه ..!! مب مصدقـه آآنــه رااشششد بهلـ دنائــه .. كـآنـت تدري أنـهـا يحب وضحى ... بس ماخطر ببالـهـا ولا للحظـه أنه ممكن يعـتـدي عليـهـا ... لحظه !! ... آي حب اللي قاعدهـ تتكلم عليييـه ... اللي سواهـ راشد مستحيييييييل يسويـه واااحد يييحببب !!!!! منظر وضحى أأمس وهي ترجف من شعرة راسـهـا لصبع ريلـهـا معووووور قلبـهـا تكـرهـا موووووووت لكـن ماتمنت تشوفهـا بهلـ منظر ... البـنـت قربت تنـهـببببببل من اللي صــآآآآآآآآر آآمس من آمس وهي ماتنطققققققق .. ماغيرر تصيييييييح ....وتصييييييح وتصييييح .. بدون ماتسكــت ..!!!!! ماسكـتت ألا لما رقـدت من التعب على ويـه الفييييرررر ... راشد مايستحققق يـعـيييييش ... رآآآششششد لآزم يعدمووووونـــــه ... توقـعـت الأنانيـه اللي تسري بدمه خففففـت بعد مااغيرت بشكلـهـا ... وصــآآر مايشوف غيرهـا وغير عيالهـا وبس !!!! لكـن الظاهـر أنـهــا مهما سوت .. ماراح تقدر تسسسد عيوونــهـ ... طلعت من غرفتـهـا وراحت بخطوات خفيفـه لغرفـة وضحى فتحتـهـا ... لقـتـهـا قـآآعـده على السرير وضامه ريلهـا لصدرهـا ودافنه ويـهـا فيـه وتصييييح بصمــتت .. وأول ماسمعت صوت الـبــآآب رفعت راسـهـا بسررررعه ... جــآآفـت هـيـآآ زاادت بذرف الدموع ,, وماقدرت تتكلم .. أصلا من أمس وهي مب قادرهـ تتكلللللم .... هـيـا بغصه أقتربت مـنـهـا وقـعـدت على طرف السرير حاولت تلمس وضحـى لكنهـا كانت تلزق بالسرير كل ماقربت يدهـا مـنـهـا ,,قالت بألم : وضــحــى ,, والله حااسـه فييج !!! وضحى بصعوبـه تكلمت من بيـن دموعهـا : طلعي بررى الله يخلييج .. هيا بعد ماذرفت دمعه على خدهـا : راشد ظـ... وضحى صرخت فيـهـا : لا تنطقييييييييييييييييييييييييييييين آآسسسسسمــــــــــــــــــه ,,,!! هيا نزلت نظرهـا لتحت ورجعت طالعتـهـا بألم أكبر ودموع أكثرر: تراهـ قبل لا يدمرج .. دمررررنـييي !!!!.. هو دمرنا أحنا الأثنييييــن .... آحنا الأثنيـن ياوضــحــى وضحى من كل قلبـهـا ومن بيـن دموعهـا : اااللللله ياااخذهـ ياااررررررررررب ,,, يعللللللللللله ماايفــآآرق السرير الأبيض ألا ع المشررررررررحــه ,,, " ضاعت الكلمات وسط صياحهـا وماعادت مفهومه " الله لا يووووووفققققققــه ,,,,, اللللللله لا يووووووووفقققققققققــه .. هيا حظـنـتـهـا بقوه .. كأنـهـا تحاول تخفف علييـهـا شوووي ,,, وضحى مامانعت .... دفـنـت ويـهـا بصصصدر هيــآآآ ورجعت تصييح بصوت مسموووع آمـهـا اللي هي آمهـا ,, جاااتهـا وهزئتهـا وشرشحـتـهـا وبـغــت تطققققـهـا لو مامسكووهـا والسبب أنـهـا وووطـت رراااســهههههم وماهي قادرهـ ترفع ويـهـا جدام آخوانهـا وخواتهـا ,,, آمهـا اللي هي آمهـا ,, فهمت السالفه بالمقلووووووب رغم أنه الكل فاهمـهـا ععدللللل .... بس هي رافضـه تفهههم ... ومصررررهـ على أأنــه وضحى لـهـا يد باللي صــآآآآآآآر مااالقــت صدر حنون ترتمي عليييـه وعمرهـا مااالقـتــه أصلا !!!! وآبداً ماتوقـعـت أنـهـا بيوووم بتحظن هيــآآ بهلـ طريقـه وبتصيييييح على صدرهـا ,, حتى هيا ماتخيلت انه هاللحظة بتجي بيووووم ,,, كانت تشارك وضحى الصيـآآآح بس هي بدون ماتصدر أي صوووووووت ,, كانوا يشـآآركوون بعض الدمووووووع اللي سـآآهم في ذرفـهـا أنســآآآن مرققققد بالمسـتـشــفـى أنسان رغم أنـه اللحين مـنـهـــــد ... ألا أنـــه كــآآن الســــبب بــتدمييير ثـنتـيييــن ,,, والله العـآآلم أذا راااح يعيييييش ولـــه ........... !! . . . نــهــآآيــة الـجــزء الـثـالث عـشــر
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.gif "3 Z T (37)")
العرض العادي
