أنتي مهرة والمهرة ما تهاب غدر الليالي يا بنت رجال

البارت العشرون
:
اما في بيت اليازي ..
راشد بقهر يقول: مالحقت عليها
مبارك بعصبيه: انته مينون دق للدريول وخله يردها الحين المفروض انك ما ترمس قدامها تعرف انها بتنهار وانته الله يهديك شو يابك اليوم جان اخرت شوي لين ترتب الموضوع في مخك كيف بتفتح الموضوع معاها وبعدين ضروري تكلمني وانته عندها ..
راشد بضيقه وقهر : اسكت الله يخليك محد فاهمني ولحد بيفهمني بعد
شوي ودخلوا حمدان وودوم واليازيه تبتسم وقالت: سلام عليكم
سلموا عليها راشد ومبارك وردوا السلام
حمدان: شفيكم اصواتكم واصله اخر الدنيا...
مبارك بقهر يطالع راشد واتصل لمهره سبع مرات والمره الثامنه ردت وهو يقول: مهره وغلاتي عندج تقولين لدريول يرد ولا والله مادور رمسه بيني وبينج لين يوم الدين..
مهره بانهيار: مابا اشووف ويههه
مبارك وهو يطلع من الباب: مهره تكفين عشاااني ردي او انا بلاقي الدريول وبييبج
مهره تكلم الدريول: ارجع بيت بابا شهاب..
هز راسه بالإيجاب .. اما مبارك قال: تحملي فديتج كل شي له عواقب
طلع راشد وقعد عند مبارك ، ومبارك اشر له ما يتكلم ويسكت وقال: مهره فديتج كل شي لازم تعرفين ان له حل غير جي انسي انج تتخذين قرار وانتى معصبه ..
مهره منهاره تصيح وقالت لمبارك: ماقدر اصدق عيوني واللي تشوفه ..
مبارك : يا بنت الحلال نحن كلنا وياج واعتبريها شده وبتزول ان شاء الله
تنهدت بهدوء وسكتت سمعت صوته: هممم شو اتفقنا عليه ..
مهره بضيق: لين الحين ما اتفـقنـى على شي غير اني مابا اشوفه..
مبارك ياشر لراشد يروح داخل وقاله بهمس: روح لين ماييبها لك داخل
هز راسه راشد بالإيجاب ودخل داخل وسكر من مهره وراح داخل وصل الدريول ونزلت مهره وراحت داخل وسمعت صوت راشد واليازيه عاالي ، دخل مبارگ وهو يقول: خلاص يا جماااعه هدوووا لا حول ولا قوة الا بالله ..
اليازيه تشوف مهره كيف مقهور ومعصبه وقالت: انا ما قلت لك تدارك امورك ..
راشد بقهر: خلاص ماقدر اخسر مهره انا اعترف بشي هذا بس هي ما تعطيني حقوقي ..
لف مبارك عليها وعطاها تظره بمعنى شفتي كيف يكسر الخاطر مهره تجاهلت نظرة مبارك وراشد قرب منها وقال: مهره تكفين سامحيني والله العظيم انها مالها مكان في قلبي ..
مهره تجاهلته وقالت بغيظ: انا اعرف بزواجگ منها من زمان، من يوم سرت لها وجذبت عليه وانا تساومني فيها وتحط لي بديل معناته انته حبگ لذاتك ونفسك ورغباتگ اكبر من حبك لـي .
انصدم راشد وقال: شو تقولين انتي وشو تخربطين أي زواج بيني وبينها ما بيني وبينها زواج ، انا متعرف عليها وبيني وبينها علاقه صداقه وبس اما انا لا احبها ولا هي زوجتي ..
مهره انهارت وهي تقول: مابا اسمع صوتگ انته جذاب .. ياما حاولت اخليگ تقول الصدق واقولگ انا بوقف وياگ وما بخليگ قولي شفيك وشو مستوي فيك ما تطيع تتكلم وكله توهمني انك مشغول وعندك شغل انزين مصاتگ من وين ..
سكت راشد وقال: غلطه
بعدت عنه وهي تشغل كل الفيديوهات اللي طرشتهن ثريا ،وراوتهن اليازيه الـلي انصدمت من جراءة ثريا كيف تصور كل شي وطرش لمهره بس عشان تحرق قلبها وودوم كانت مصدومه من فعايل خالها راشد وقال حمدان: يا جماعه سمحولي انا بسير اريح وراح فوق عقب ماحس بأن مهره تحملت كل شي ولا يريد يدخل في شي بينهم وزقر ودوم اللي راحت وراه بطواعيه دون أي تردد ..
واليازيه طالع كل الفيديوهات والصور وانصدمت من اخر فيديو مطرشتنه ثريا كيف راشد هايم فيها ،ورايح فيها،وغرقان وياها ويسب في مهره انصدم راشد يوم سمع انه يسب مهره وشل تلفون من ايد اليازيه وانصدم بكل شي وانصدم من رقم ثريا وانصدم من صور البوس والمص اللي على رقبتها والفيديو اللي راشد يسب فيه مهره رفع عينه وشاف مهره مغطيه وييهها بيدها وتصيح قرب منها يبا يحضنها بعدته عنها وهي تقول ماباك مابا قربك لو تبقى اخر ريال قربگ خله لها انته جذاب واناني ، انا تحط لي بديل وتساومني فيها يوم هي تسواني وتسوى طوايفيه روح لها شو تتريا ويلست تبكي وتصيح بقهر وقالت بحرقه: توني مكمله شهرين وياك بس الله كشفگ لـي لانگ مب كفو تأخذ قلبي ، قلبي له اللي يستاهله بس انته ما تستاهله..
راشد بعصبيه نط عليها وضربها ،اليازيه انصدمت بردة فعله اما مبارك سار ودفره عنها وقال بعصبيه: مينوووون انته تمد يدك على بنت عمك شفيك
راشد يحاول انه يوصل لها يبا يضربها بالمقابل انه مبارك تصداله ومسك ايده ومهره تعلقت في مبارك تحتمي منه وقال بغيظ: الريال اللي يمد ايده على حرمه تراه مب ريال ونزل ايد راشد بغيظ وحط ايده ورى ظهره وهو يحاوط مهره وقالها: لا تخافين فديتج ما بيقدر يسوي شي وبقهر قال: عز بنت عمك ورزها مب تمد ايدك على حساب هذيج الخامه اللي تبا تخرب بيتك وتهدم حياتگ اثبت لمهره انك تباها مب بايعنها يا غبي .
راشد تنرفز من مهره وقال : والله هي اللي ما تبا تهدأ
اليازية بعصبيه: كيف تهدأ وانته داس عنها موضوع زواجگ والحين يوم ظهر واكتشف قمت تبا تحط الغلط على مهره انها تزعل ترا مالها ذنب يسد انها من رديتوا من شهر العسل وهي عارفه وساكته ولامه ثمها عنك تباك ترمس تقول شي بس طلع ما فيك خير تبا تضارب مهره وثريا اللي يايبه رمسه وهي مخبره مهره بكل شي بينك وبينها، هذا اللي يقول حرمة ابوي ما تروم الا عليه، انته شفيگ تراگ انته اللي ميت على مهره واذا فيگ قوه وشده على المواجهه ظهرها الحين عقب عرس عيال عمگ بشوف انا منو بيوقف وياگ .. وراحت عنه فوق ..
راشد كان بقمه عصبيته ويبا يفرغ غضبه وعصبيته اتجهه لمهره ومسكها من كتوفها وقعد يصارخ عليها : انتتتتي سببب ، انتتتتي اللي حرمتيني من قربج ومن وصلج.
مهره تغطي ويهها بيدها وتحاول انها ما تتاثر بعيونه وقالت بغصه: قوم عن ويهي لاني جازتنگ
راشد بغيظ دفرها بالقو على الأرض وتالمت من طيحه وقالت بالم: حسيبي الله يوم انك تسوي فيني جيه .
قرب منها مبارك وقومها وقال بحنيه: ماعليه فديتج تحملي راشد مينون مب حاسب لتصرفاته حساب ..
تنهد راشد وهو يطالع مهره كيف تتألم من طيحه ، شافها كيف طالع مبارك بمتننان وكيف مبارك كان قريب منها، حاول راشد يقرب صوبها بس ماقدر حس ان نفسه تمنعه منها عقب كلامها له تضايق من الخاطر يوم شافها متكيه على مبارك وقامت وياه من دون إحساس وشعور منه قرب ودفرها بالقووو على مبارك وحضنته من دون احسساس منها وقال لها : انتتتتي اضعف من كل بنت شفتها في حياتي ما تقدرين تواجهين الشيء بعينه يوم عرفتي بالحقيقه .
مبارك اللي تضايق من حركته بعد مهره عنه و تقدم ومسكه من كندورته وقال بقهر: انتتتته حيوان ولالا ، انتهه فيك نخوه ولا ما فيك حد يفر حرمته على حضن غيره وبعصبيه وهو يدفره على ورى : هي مب رخيصصه تفرها عليه يا الحيوان يا النذل تفرها في حضني ، ليش ان شاء الله حد قال لگ انها دوّر على رياييل يا الكلب يا عديم المروءه والنخوه.
راشد بقهر وهو يطالع مبارك كيف يضربه ومستسلم له زفر بقو وطلع من البيت بكبره لف على مهره وشافها متكيه على الكرسي وتصيح نزلت اليازي على أصوات اخوانها وقالت بهمس وهي تحضن مهره: شو استوى بينك وبين اخوگ.
مبارك بعصبيه يزفر قال بغيظ: عق حرمته في حضني ، ليش ان شاء الله شو ناقد عليها يشوفها دوّر رياييل الكلب عديم النخوه والمروءة.
اليازيه تحضن مهره وتهديها وقالت بغصه: حسبي الله عليها هدمت حياتكم.
مهره بغصه: هي مالها ذنب ، الذنب ذنب اخوج اللي قص عليها وعلييّه، اخوج اللي يلعب على الحبلين ، هي حرمته وتحبه ومن حقها تغار عليه لاني انا يايه عليها ، وهو يحبني ويموت عليه وعاشقـني ويخاف يخسرني بسبتها هو اليوم خسرني بلي سواه وياها مصات فيه وفيها ، سب وسبننني عشانها وعشان رغباته الكلب اللي ما سوى حساب لنفسه ولسمعته بين الناس ، كل هذا وراشد يجذب عليه والحين بعد كم شهر بتيب له ولد وبتغلى اكثر في قلبه ، ربج كشفه لي يا اليازي عشان مايقعد يلف ويدور ويجذب عليه ...
تنهدت اليازيه بصمت وهي تمسح على راسها: كنت حاسه انه بيخسرج ولكن هذي سواة ايديه ويتحمل اللي بيييه ، اللي من ايده الله يزيده ..
تنهدت مهره بغصه ورفعت عيونها وهي تشوف مبارك كيف عاقد حيّاته ورافعهن وقال وهو معصب: هذا مب كفو تصيحين عليه خليه يولـي وخذي لج موقف محايد اتجاهه ..
تنهدت بغصه وهي تقول: بروح اريح فوق
اليازيه: تمام فديتج ..
راحت مهره فوق وعيون مبارك تتبعها سمع اليازيه تقول: بنت عمك لا تفرط فيها ان طلقها راشد انتوا لايقين على بعض..
انصدم مبارك منها وحرك عيونه عليها ورفع واحد من حياته وثاني
منزلنه وقال بتنهيده: انتتي صاحيه شو هالرمسه تعرفين ان راشد ما بيفرط فيها .
اليازيه بضيقه: والحب اللي في عيونگ لمنو ؟؟ لا تخسرها رجاءً لا تعيد غلطة اخوگ .
مبارك بهمس: حتى الحب باين في عيوني اسميني مفضوح.
اليازتيه تبتسم : هي نعم انگ مفضوح حبگ لمهره اصدق من حب راشد لها ، قربت من مبارك وقالت له وهي تحط ايديها على كتف اخوها: تقرب من مهره يا مبارگ ، ولا تخليها، حبها، عاملها كانها حبيبتگ ، خل مهره تلتفت لگ ، عشان تسهل عليها عقب موضوع الطلاق، اذا بغت الطلاق من اليوم تعامل مهره بحبگ الحقيقي ، راشد ما يستاهلها سمعتني ، انا اقولك مهره من اليوم لمبارگ فهمت.
ابتسم مبارك وقال: لا توزيني عليها ترا بروحه بليس مينن فيني وانا اعصيه لا تستوين لي انتي المفتاح اللي يفتح القفل.
ضحكت اليازي وهي تقول : والله يا مبارك يا حبيبي في نهايه مهره هي اللي بتقرر بس انا اقولك هي عافته وطلاق بتيييبه وبيفصل بينهم ، فأنته لو صار بينكم شي اعتقد اخرتها انته أبو لعيالها وهي ام لعيالك وانا من دخلتوا عليه اول مره ، والله يا مبارك انكم لايقيين لبعض وشفت فيكم حب ماشفته في حد وخص انته انا أقول ما دام مهره قربي وبتسكن عندي عقب عرس اخوانها بتسكن بيتها رسمي وانا اقولك سير ورد عليها ومنو بيدري بك غير العليم اللي بحبها بلاك .
ضحك براحه وهو يقول: اول مره تشجعيني على الحرام والغلط وانا اللي راد عمري عنها لانها بنت عمي ومرت اخويه ..
اليازيه تبتسم: انته حبيبها وهي حبيبتگ وين المشكله الحب مب حرام ، وتراك بتختمها بزواج ان شاء الله .
ضحك مبارك وسحبته اليازيه بيده وراحوا فوق ..لما وصل عند باب مهروه قال بعصبيه: لالالا يا يزوي عاد مارضاها حالياا الوقت ما يسمح خليها تهدا ونشوف نهايه علاقتها براشد اول لا تيلس نحط أفكار في راسها وبعد ايدها وراح غرفته
تنهدت اليازيه وراحت غرفتها

قالوا علامك كلّ ما حلّ طاريۿ،،تنسى البشر حولك وتذكر خياله ،قلت انشدوا قلب ليّا غاب يرجيه،قلب بعد فرقااااه تايهه ، قالو علام القلب متولعٌ فِيَھ ،دوّر لعلّ القلب يلقى بداله،قلت الغلا ما هو على كيف راعيه،لو الغلا بالكيف قلنا حلالۿ...
مرن الأسبوعين بسرعه وجاء اليوم الموعود اللي هو ارتباط سعيد والريم وعهود ونايف ، اليوم يوم عرسهم وفرحهم .. في الأسبوعين هذيل اللي صار انه راشد بعد عن مهره في الفتره هاي وضرب ثريا ضرب دخلت المستشفى بسببت ضربه وكان عندها طول الأسبوعين لانه حالتها حرجة ونزفت ولكن كان حال الجنين افضل من حال الام وقدروا يسيطرون عليه ،،، خوفه من خسارت مهره وفراقها خلاه يتهور ويضرب ثريا ضرب من دون إحساس ومن دون شعور ،،، مهره راحت العين عشان عرس اخوانها ،، وراشد بعد ما تطمن على عملية ثريا وانها بخير ونجحت تعذر منها واستسمح منها بعد ما قالت لمحقق الشرطي انها تعرضت لهجوم من شخص ما تعرفه حاول يسرق الشقه وحاولت تصارخ فضربها عشان يمنعها من صريخ وسار العين ،،،، لطوف وحمد بدووا يتقربون من بعض من خلال زياره حمد لبيت عمه ويسولف ويا لطوف اللي بدت تنعش قلبها بوصاله ،،، مايد عايش حياته بطول والعرض وخبر سالم ان طلق لطيفه وانه دخل عليها بالقوه وخذا حقه منها بالغصب والاجبار وانصدم سالم وتضارب وياه ومايد ولا على باله ولا فكر بالانسانه اللي يالسه تعاني انقهر سالم من تصرفه الطفولي والغبي واللي قهره اكثر انه موثق الدخله في المحكمه يبا يفضحها السبال ويحاول يدور حل للموضوع من دون ما تضرر لطيفه ،، شهاب وبطي ردوا أسبوع وعقب بيروحون استراليا مره ثانيه ،،، ودوم وحمدان وايد متضايقين من اللي صار لمهره وكل واحد يفكر كيف قدر راشد يأخذ قبل مهره حرمه ويعيش وياها أي حب اللي يتكلم عنه ،، سلامه انشغلت بدراستها وايد ونست مهره ولطووف منً كثر ما تفكر في دراستها ،،، الكل لاهي محد حس بان لطيفه تطلقت لين الحين لطيفة مغطيه الموضوع عشان عرس اخوانها...
في العرس عند الرياييل الحماس كان عندهم الف، ومشغلين العياله( اللي يرزفون او اليوّيله) وبرزفون معاهم بفرحه نايف وسعيد ماسكين بعض ويولون وسالم وعبدالله وحمد ومبارك وراشد ومايد وراهم يوولون ويبسووون والجماعه اللي حاضرين يصووورونهم لان منظرهم كان حلو وملفت ابتسم نايف وهو يقول لسعيد: ههه صراحه اليوم احلى يوم في عمري
سعيد يبتسم : هي والله ، ويشهد الله انه يوم جميل وحلو ، الله يبارگ لنا فيه يارب العالمين...
نايف: امين
قربوا منهم شباب وباركوا لهم ونايف وراشد يردون عليهم... ابتسم راشد ووقف عدال نايف وقال: هالمعرس شو الشعورر ...
نايف يضحك: ههههه لا تخبر مررره فوق النخل ..
راشد: الله يتمم لكم على خير وفرحه وسلامه ...
نايف: امين يارب العالمين ..
... فالقاعه ...
الكل كان مرتبش وكانت عهود قد ظهرت ومهروه انشغلت بترتيب القاعه ووراحت عند العروس تشوفها ولا حسن بالوقت وقربت زفه وانزفت العروس وقعدت تشوفها وشوي ويا نايف وياه عبدالله وسالم ومايد ويابر وحياب وحدروا وسلموا على اختهم وباركوا لها وقعدوا ايوولون ..
لطوف واليازي وسلامه ومهره وشما تلبسن عبيهن وسارن فوق يباركون لهم..
على الكوشه كانوا مرتبشين الشباب كلهم يواله وضحك وسوالف ...
البنات قربن من نايف اول شي خواته شما ومهره ولطوف وسلمن عليه وباركن له وسلمن على حرمته ..
كانت لطوف اخر وحده تسلم على عهود اللي حضنتها وقالت بهمس: ما توقعتج بضحين بنفسج عشانا ..
ابتسمت لطوف وهي تقول: مالكن ذنب وبعدين مابيني وبينيه نصيب لا تفكرين فينا فديتج استانسي الف مبروك حبيبتي
عهود تبتسم وهي بعدها في حضن لطوف قالت: ما يستاهلج خليه يولي عقبالج يارب ...
لطوف تبتسم: امين يارب العالمين ...
بعدت لطوف عن حضن عهود بعد ما سمعت نايف يقول : عيبج حضن لطوف رقدتي فيه اشوفج .
ابتسمت لطوف وهي تقول: الله يسعدكم
نايف ياشر لمايد ايي وصل مايد وهو يقول: تعال بنتصور رباعه وانته ولطوف تصوروا بعد ...
انصدم مايد وقال: اتصووور ويا لطوف وحرك عينه على عهود ولف وشاف لطيفه مب عاطتنه ويهه ، تطالع تلفونها ولفت عطتهم ظهرها من حست بنظراتهم بس نايف زقرها وردها وقال : تعالي هنيه ...
عهود تدارك الوضع وقالت: برايهم حبيبي
بس نايف حلف انها ترقص له عقب ما يطلعون خوان عهود وبعد ما طلعوا وتم مايد قاله نايف: يلا ارقص ويا حرمتك...
لطوف تضايفت ومايد ما نزل عيونه منها يبا يفهم شو سالفه وقال وهو يطالع عهود اللي هزت راسها يقرب صوبها وقالت بهمس: ما خـبـّرتهم ، ما قالت لحد انك طلقتها بس ابوي اللي يدري ونبهت عليه ما يخبر حد حتى امايه لين ما يعدي عرسنا انصدم مايد وحرك عيونه وشاف لطيفة قد نزلت وياها بنات عمها تنهد بضيق وهو يقول في خاطره مب عارف شو اسوي ...اما نايف رد زقر لطوف واجبرها ترقص قالت بغصه: مب قدام مايد يا الغبي استحــي.
نايف: عادي ريلج
لطوف بقهر: يالمينون بتضحك الحريم عليه بيقولن ما تستحي .
نايف تنهد وقال لمايد ينزل ، نزل مايد بس وقف ورى الكوشة من دون محد يشوفه وشاف رقص لطيفه وانصدم انها تعرف ترقص شرقي ، وترقص خليجي ..
اليازيه وسلامه كانن يصورن لطوف وهي ترقص وبالغلط سلامه طرشت لحمد وما انتبهت الا عقب واتصلت لحمد اللي رد عليها وهو يقول: هلا سلامي ..
سلامه بلوم: حمد فديتگ لا تفتح السناب .
حمد باستغراب: ليش ؟؟
سلامه بضيقه: طرشت فيديو للطيفه وهي ترقص بالغلط صوبگ ، تكفى حمد لا تفتحه .
تنهد ببتسامه وهو يقول: ليش انزين انتي زعلانه تراها بنت عمي .
سلامه بغصه: ادري انك ما تحبها،وماخذ موقف منها بس بالغلط والله طرشته لك ...
حمد تنهد وقال: خبرج عتيج الغاليه ، انا هذاك اليوم كنت شوي مضايق من نظرات سعيد وعاد عقيت عصبيتي فيها..
تنهدت براحه وهي تقول: يعني ما تكرهها ..
حمد يضحك: لا ، ويا ويهج محد يكره هله وناسه .
سكرت سلامه من حمد وهي تتنهد براحه ، اما حمد على طول دخل سناب وفتح سناب سلامه وشاف رقص لطيفه وانبهر بجمال فستانها وانبهر اكثر برقصها وتنح ،وهو يقول في خاطره فديت الرقص واللي يرقص ، وابتسم بينه وبين نفسه وبعد ما خلصن الفيديوهات شاف باقي سنابات وشاف اليازيه حاطه لطيفه عام وهي ترقص ثارت باركينه وغيرته واتصل بالطيفه وأول ما ردت قال بعصبيه: يعنننني الحين محد يعرف يرقص الا انتتتي مخلين البنات كلهن ومصورينج وحاطينج على العام .
لطوف تحاول تمتص عصبيته: اهدى فديتك كله من نايف ترا والله هو اللي تسبب علينا بالرقص ولا انا مابا والله.
حمد بعصبيه: وليشششش اليازي تحطج عام هي ضامنه اللي ضايفتنهم ...
لطوف بهمس وهي تنزل من دري وما انتبهت لمايد وقالت: ماعليه برايها تراها في النهايه اختگ ومادور مضره حد فينا ، هن بس فرحانات بالرقص لان انا الوحيده اللي رقصت ،والباقيات رفع عتب محد رقص منهن .
حمد تنهد بضيقه وهو يقول: وهي منو عندها في لستتته عشان ما تضرج .
لطوف بهمس وهي تقعد ع طاولة : مادري بس لو عندها حد غريب بتسوي برايفت ما بتسوي عام..
حمد: تدرين لو طلع عندها إضافات غريبه في سناب ، شو بسوي فيــج.
لطوف تضحگ: وانته كله عندگ اجرام .
حمد بهم وضيق: والله بيصير شي ما يحمد عقباه يا بنت العم .
لطوف تشوف نايف وعهود يروحون صوب الدري بينزلون قالت بهمس: ما بيصير الا كل خير لا تحط في بالگ
حمد بضيقه: مابغي حد يشوفج غيري فهمتي ولالا..
لطوف تتنهد: تراه محد يعرف بطلاقي الا انته لين الحينه يتحسبوني على ذمة اللي ما ينطرى.
ابتسم حمد وهو يقول: الحين اثبتي لي انه ظهر من خاطرج يا الغالية...
لطوف تنهدت وهي تشوف الريم تنزف وقالت بتنهيده: ماعليك من شي يا حمد ، اللي بيبيعني ببيعه لاًتخاف
يتها اليازيه ،وهي تضحك وقالت: مبرروووووك لطوووف يووج معاريسسس .
فتحت عيونها على كبرهن وهي تقولها بهمس: اوووص لا يسمعج مافيني على لسانه، توني مهديه الأمور بيني وبينه..
ضحك حمد وهو يسمع لطووف تكلم اليازيه بس من سمع جملة اليازيه وهي تقول للطوف: ماعليج منه مايد خليه يولي يبت لج معرس من شاف رقصج ين ، لطوف قالت بغصه : يعلج ما عاد ترمسين مابا معاريس من صوبج
عصب حمد وبقهر قال: قسم بالله انا حلفت وتشوفين يا لطوف ..
تنهدت بتعب وهي تقول: والله مالي ذنب ، غمضت عيونها على صريخه وهو يقول: كنت حاسس انه ورى تصويرها بتستوين مشهوره وزفر بغيض وهو يغمض عيونه وقالت لطوف بهمس: والله انـي بين ايديگ .. ومالگ الا اللي يرضيگ يا ولد العم...
تنهد بضيجه وقال: باجر بينا اتصال وبنتخابر الحين برايج عكرتي مزاجي انتي ويزوي ..
لطوف: حتى انا تعكر مزاجي برد البيت ..
حمد: ياويلج تردين قبل ما يخلص العرس تمي لين نهاية العرس ...
لطوف تقول لليازي اللي يالسه عدالها: الله يسامحج
يزوي تضحگ وقالت: والله ربيعتي شافتج قالت ااباها لخويه يعني مب ريال اللي شافج فهمتي ..
تنهدت براحه وهي تقول وايدها على قلبها: الحمدلله ... اشوى .
اليازيه تضحك: الوحيد الريال اللي شافج وانتي ترقصين حمد اخويه وراحت عليه خلاص يعني لا يتامل وايد ..
حمد اللي برد يوفه يوم سمع كلام اليازيه وقال بضحك: هههههههه بلاهم مايدرون انج راده لقلببي وبقوووه بعد مالج منافس فيه ..
ضحكت لطوف وهي تقول: اشوووى سمعنا الضحكه .
حمد بهمس: رضيت فديتج ،خلاص ،عقب كلام اليازي.
لطوف تبتسم وهي تقول: الحمدللهً..
حمد : يلا فديتج برايج سيري سلمي على اخوج .
لطوف تنهدت وهي تقول: تمام ، الله يحفظك.وسكروا الخط
راحت ويا اليازي فوق وسلمت على سعيد والريم وشافت مهره مرتبشه ويا سعيد وترقص وتيووول وتيبس وشالنها الهوى ويا المعرس واليازززي رفعت ضغط مبارك بتصوير وهو مستانس ويضحك على مهره اللي خبلت به برقصها وبيوالتها ،وعشان تحرق قلب راشد طرشت له فيديو واحد بس ، اما مهره داخله جووو بالقوو ويا اخوها سعيد اللي صدق بسط ، والعنود اللي تضحك على وناسه سعيد وهي في خاطرها تقول مادرى باخته المطلقه سارت عند لطوف فوق سلمت على الريم بلا نفس وقالت بضحكة: اطمنج تراج ما بطولين عقب ما يعرفون بسواد ويه اخوج .
عقدت حياتها الريم من كلامها تبا تستفسر عن الموضوع بس لطيفه قالت لريم: ماعليج منها تعرفين العنود ما تثمن كلامها تبا تخرب فرحتج وباستها على خدها ابتسمت الريم على كلامها وعدلت فستانها انتبهت على سعيد يبس قدامها ويضحك هو ومهره اللي تخبلت وقالت : ماتم فيني حييييل كسرررني ريلج .
ضحكت الريم وسعيد ووقف عدالها وهو يضحگ ...
دخلوا الشباب بيولون وبيرزفون ، سعيد يسلم على سالم وقاله: عقبالك
تنهد سالم بضيقه وهو يشوف وودوم اللي يايه تسلم على المعاريس وسكت ...
وودوم واليازي سلمن ونزلن ... وتموا كلهم يولون ... قربت لطيفه من سعيد وحضنته تبارك له ، حضنها بحب اخوي وهو يقول: فديت قلبج عقبال ما نزفج عروس ..
ابتسمت وهي تقول : ان شاء الله ...
بعدت عنه وسلمت على الريم وهي تقول: الله يسعدكم فديتج ..
الريم تبتسم وهي تقول: امين حبيبتي ويسعدكم انتوا بعد واشرت لمايد اللي ورى لطيفه بالضبط ..
ابتسم مايد مايدري ليش بس من تلاقت عيونهم ببعض شاف الحزن اللي في عيونها وانصدم انتبهه على امه وخالته يحطون أيديهم مع بعض ، طالع امه وخالته ، ورد يطالع ايدينهم المشبوكة ببعض ، سحبت يدها بهدوء وتصنعت الابتسامه وكانت تبا تروح بس خالتها مسكتها وهي تقول : وين فديتج يا بنت حمد ، هذا ريلج ..
ابتسمت بهدوء ونزلت بدون تعليق ...
محد علق الكل توقع انها مستحية الا مايد اللي جبرهم يزقرونها ...
وبالفعل زقرتها أمها وما طاعت تسير فوق ...
اتصلت بشما وردوا ويا بطي ( شما ومهره وودوم ولطيفة).
سيارة مبارك( سلامي واليازية) .
والكل رجع البيت ، وراحوا يريحون عقب العرس ...
في قسم راشد مهروه كانت واقفة جدام المرايه تفصخ عقد الذهب والشغاب(اللي هو الحلق) والخاتم والاساور وتحطهن في البوكس ،، سمعت صوت باب الحمام ينفتح بس ما رفعت عيونها تجاهلته ،، وسارت عند الخزنه وفتحتها وحطت الذهب فيها ،، سكرت الخزنه وحست بحضنه وهو يقول: اسسسف والله اسسسسسف ..
تنهدت بتعب وهي تبعد ايديه بس ماقدرت وقالت بغصه: راشد بروحي تعبانه نفسيتى صفررر ابعد تكفى ..
راشد يطالعها بهيام وقال: انتيي جميله واجمل عنها واحلى عنها وارق وانعم عنها ...
مهره بدموع: وهي تسوانى وتسوى طوايفي صح ..
راشد اللي ذاب بعيونها ورموشها الكثاف قال بعشق: اخسسسي والله وتخسسسي هي ، بسس كانت لحظظظة غياب عقل والله ..
مهره بقهر ودموع وتلف صوبه وتضربه على كتفه قالت: لقيت لي بديل ولقيت لي حد يساومني فيك ويساومك فيني ، ما كملت شهرين وياك تصدمنى بزواجك وخبر حمل زوجتگ ، وجذبت عليه وقلت لي انه عندگ شغل ليششش ما تصارحنى من الأول ، ياما قلت لك اذا فيك شي خبرني انا قربك وما بتخلى عنگ لكن كنت تجذب عليه وتقول لي مافيك شي دفرته عنها بعيد وهي تقول : عمررري ما راح اسامحك على استغفالك واستخفافك فيني ، واهانتك لي جدامها وبافعالها لك وهي تاشر على المصات وراحت الحمام تبدل .. اما هو تنهد بضيق واتصل بمبارك اللي عارف انه الاتصال شكوى على مهره ، رد وهو يتنهد: هلاااا بو سنيده..
راشد بضيق: بو سنيده يبا من يسنده يا خويه .
مبارك بضيقه وهو يتنهد : حاضرين امر
راشد: زعلانه ،، شو الحل.؟

البارت الواحد والعشرون:
:
مبارك يضحك: هههه والله عجيب امرررك ، معرس وحرمتك حامل ،وحرمتك ثانيه توها تدري وفي نفس الوقت توها عروس،، اكيد انها بتزعل راشد تباها توقف وتصفق لك ،، وتقول لك مبروك ما دبرت ...
راشد بغصه حطه سبيكر وقال: لا تستهبل مبارك انا محروووق من صد مهره ،، انته لو تجافيگ حبيبتك بطالع غيرها ( طلعت مهره على كلمته وهى لافه الفوطه عليها، وراشد يطالعها ويصرط ريجه سمع مبارك يقول) اخسسسي اطالع غيرها لو تجافيني طول العمر حتى لو ما يصير بيني وبينها نصيب ، لان قلبي ما يلتفت لغيرها ، قلبي ما تعلم يفز الا لها وبسسس..
راشد يتابع مهره بعيونه وقال: انزين غلطان واطلب الصفح
مبارك يتعوذ من ابليس وافكاره وقال بسرعه: طيب خاطرها واكسب قلبها مهره مافي منها اثنين ، تراها نادررره وثمينننه.
راشد يشوف مهره اللي تتلبس ويغمض عيونه بتنهيده وقال لمبارك: الله كريم ..
مبارك يحاول ينهي المكالمه: خلاص تمام فداعه الله وسكر الخط بسرعه...
مهره قعدت على الشبريه تحط كريم على ريولها وحست به يسحبها بقو لدرجة ارتفعت من شبريه على حضنه وهي تتالم من قساوته وما تكلمت بعكسه هو اللي كان يطالع فيها ويتاملها ويبوسها وهي ساكته عنه سمعت نبرة راشد الحاده وهو يقول : مهررره
طالعته برفعة حايب واستنكار،،،اما راشد دفرها عنه وهو يقول: اانتي ليش كله رافضه قربي ، ليش كل ما احن لج واباج تنفريني منج ليشش
مهره بدموع: لانگ جذاب ، انته لاقي لي بديل وبييك ولد يشل اسمك لكن للأسف مب انا امه ،، خليييتها دق لي تلفون وتعرفنى بوجودها في حياتك ، طرش لي صور وفيديوهات وكنت ابلع وأقول بيعترف فيها يحبني ما بيخسرررني،، لكن اكتشفت ان لي بديل وان حتى شهرين ما تحملت تبعد عنها وواقف وياها، وتسير وترد عليها وتعطيها فلوس وتعطيها اللي تباه منك ، واللي يقهر انك نفس اللي تسويه معايه ،تسويه معاها، كيف تبانى ارضى بك وارتاح وياك وانا كاشفه جذبتك من ٣ أسبوع عرسنا يعنى بعدنى عروس ،،، وفوق هذا ما قلت لحد لين اليوم انا موجوده عندك وبين ايديگ بس انته اللي قاعد تخسرني ،.
راشد تقرب منها وقال: تكفين مهره والله مستعد ارضيج بلي تبينه زواجي من ثريا غلطه ..
مهره: زواجك منها بالنسبه لي تافهه ومايهمنى،، اللي كاسرني انى عرفت بموضوع زواجكم منها مب منك ، وانك لين اليوم ما تبا تعترف فيها وبولدگ..
راشد: تكفين مهره لج اللي يرضيج بس لا تخلينى ارجوووج لا تفكرين بالطلاق ..
مهره تبتسم: مب غبيه بس اذا وافقت على شروطي ، اذا ما وافقت بتطلق ...
راشد انصدم وقال: اهم شي انه شرطج مافيه طلاق .
مهره: تطمن مافيه طلاق .
راشد تنهد براحه وقال: تممم موافق على كل شروطج من دون ما اسمعهن بعد ...
مهره عطته نظره وقالت وهى تنسدح : باجر بقولك شروطي لانهن طوال وانا فيني نوم...تصبح على خير
انسدح عدالها وهو متحرقص بس شبه مرتاح انها ما تبا الطلاق منه حط راسه عالمخده بس هيهات هيهات ايييه الرقاد ، غمض عيونه وسحبها بقووو صوووبه وقال بقهر: يا كلبه انا ماقدر على بعدج وانتي تنفرين مني اففففف مهره تكفيييين حسييي فيني .
مهره بضيقه ما قاومته لكن قالت له: عمرررك ما بتتغير، هذا سيفوووه وهذي خلاجينه ، ياربي منك .
دفن راسه في شعرها وباسسس رقبتها بقووو قالت مهره: مشكله رغباتك اللي تحرّگ مب قلبگ ولا عقلگ ..
راشد بضيق: انتتتى ليش تفكيرج منحرف .
مهره بضيقه : لان بصراحه قتلت شعوري تجاهگ ما احس بأي شي تجاهگ للأسف...
انصدم منها راشد اما مهره بعدت عنه وتلحفت ونامت..
مر اليوم بسلام عليهم ... اما في صباح اليوم الثاني ..
سعيد والريم سافروا ،، عهود ونايف حاجزين منتجع في ابوظبي ما يبون سفر الحينه..
في بيت بوحمد كانت يزوي وبنتها وودوم قاعدين يتريقون ، نزل بطي وهو يعقم كندورته وقال : سلام عليكم
الجميع : وعليكم السلام ...
بطي يقعد وهو يحط صبوعه على راسه قالت له اليازي: راسگ يعور
بطي مغمض عيونه وقال: همممم من امس .
اليازيه تامر على ودوم: قومي صبي جاي لأخوج.
ودوم تقوم بصعوبه ونشت تصب له جاي وبطي مسگ الكوب وقالت اليازي : جان رقدت لين العصر ..
بطي يشرب من الكوب وقال: مب من رقاد ، فارق الوقت اللي لاعب فيني وكمل يشرب كوبه ، رفع عيونه وهو يشوف راشد نازل من دري ومعقد حياته، ووراه مهره ، ضحكـ على خاله اللي سلم بلا نفس وقعد ،، مهره تقعد عدال يزوي ، ويزوي همست لها وهي تقول: هممم شو صار ..
مهره تبتسم: ماعليج لا تحاتين بنت عمج ذيبه.
يزوي تضحك: انزين يا ذيبه الحب ما قالج شي
مهره تتنهد: الحب يعترف بغلطته لكن مدري وش بيصير
يزوي تضحك وهي تقول لمهره: الله يعين راشد عليج ويعينج ع راشد تنهدت وكملت كلامها لو انتي ومبارك سامعين كلامي وعشتوا حبايب مب احسن لكم
مهره تبتسم وسكتت
يزوي تبتسم وقالت :ما دريتي امايه شو سويت فيه تبا تخطب له هند بنت خالتي ومبارك سوالهم عرس اليوم الفير حق امايه وابويه وظهر عنهم كل هذا ويقول مابا اورط نفسي في علاقه عارف نتايجها
مهره بصدمه: جذاااابه ،، قولي والله ..
يزوي وهي تهمس لها : والله العظيم وامايه متلومه في خالتيه ودقت لها واستسمحت منهم ،، وابويه عصب على امايه قالها انا ما قتلج مبارك هب تغصبينه على شي .
مهروه تنهدت براحه وهي تقول: ترا محد بيضيعنا الا انتي ياختي اخوج ما يبا يطلق ومبارك صعب اني أكون له عقب هذا كله
يزوي تضحك وتضربها على ايدها: جب انتتتي ، محد بيضيعكم ولا غيره بس سمعيني سويلج مشكله وياه وخلصي ترا طفرتيبي ..
مهروه تهمس لليازي: امس مبارك تحاشى نظر لعيوني وماوده يجتمع معايه في نفس المكان
اليازي : فديت مبارك بس ،، قومي فزي طولج واتصلي به طيبي خاطره ..
مهروه قربت من يزوي زود وهي تقول: عشان يلعني لعان راشد طالعيه من قعدت عدالج وهو ما شل عيونه عنا ،، بيفر ضيقته فيني الحين ، وبنفجر في ويهه ، يزوي تتجاهله وقالت: طببييه خليه يولـي روحي اتصلي بالحب وخليه ايي ،، امايه دقت له عشرين مره مارد عليها ..
تنهدت بضيجه ورفعت عينها على دخلت شهاب ومبارك من الباب سلموا وقعدوا ، مبارك قعد عدال بطي ومحد تكلم كان الصمت سيد المكان ،، مبارك رفع عينه على شهاب وطالعه بحده يعني تكلم ابتسم شهاب وهو يقول : عمتيه فديتج ممكن أتكلم وياج ..
ام حمد بضيقه: ما يحتاي يا بويه ترمس عنه وصلني جوابه ، وانا فسخت الخطبه، وهو بصره اللي يباها ياخذها
تنهد براحة وهو يقول : اشووى الحمدلله ..
حمد نازل بسرعه من دري سلم وطلع ... استغرب راشد وقال: انتوا شفيكم ،، حمد نزل وسلام ما سلم شرات الناس ، وانته ما تبا بنت خالتك ، كل هذا عشان الحب ياويلي منك وضحك ، وبطي ضحك على خواله ،، وشهاب قال: وانته بلاك اليوم مستوي مراقب على الخلق وضحگ..
ام حمد تنهدت بضيق وهي تلف على مهره وهي تقول: وانتي بلاج اليوم تعبانه...
مهره تضحك على عمتها وهي تقول : والله يا عمتيه ما فيني شي انتي من البارحه معلقه عليه..
عمتها: عن طيّحيين ولد ولديه تراني اباه ..
فجت عيونها مهره وهي ترمش على سريع والكل مصدوم وراشد مصدوم اكثر منها وقالت مهره وهي تنهد: عمتيه انا مب حامل بسم الله عليه .
ام حمد بعصبيه: شو بعد بسم الله عليه،، جيه ان شاء الله ما تبين عيال..
مهره تهز ريلها بتوتر وراشد يراقب تصرفاتها بصمت لفت على راشد وهي تقول: انا حامل؟؟ انته قايل لهم اني حامل.
شهاب تنهد بضيقه وقال: يا جماعه استهدوا بالله ،، ما تنحل الأمور بها طريقه وقال بغيظ : راشد انته قلت لحد ان مهره حامل ...
راشد بضيقه: لا ما نطقت..
ام حمد تنهي الموضوع: حرمه ، قالت لي انها حامل بس ليش ما تخبرنا محد بيحسدها على حملها اللي في بطنها ولدنا ونباه.
مهره تضحك: عموووه يعني انا لو حامل برقصصص فالعررررس.
عمتها بقهر تفرها بكلينكس ومهروه تضحك عليها: جببب لا تضحكين تبين تعقييينه..
ضحكت مهروه وهي تتفادى الضربه ومسكت الكلينكس بيدها وهي تقول: انزين يوم اني حامل ترييه يطيح .
لفت على اليازيه تبا تتكلم ، قاطعها راشد وهو يقول:انتي على شو شايفه نفسج بتحملين غصبن عنج تبين ولا ماتبين.
مهروه ابتسمت وهي تقول: ان شاء الله انته بس شد حيلك والله يكتب اللي فيه الخير .
طالعها وهو رافع واحد من حياته وقال: اشد حيلي وضحك وهو يقول انتي شدي حيلج مب انا ...
سكتت عنه مهره وقالت ودوم: خلاص خاالي تكفى لا تسوون مشاكل ورب الكعبه ان نفسيتي تعبت وبالذات منگ انته انصدمت فيگ وايد تكفى اسكت لا تيب العيد ..
طالعها راشد بطرف عينه وقال: لا والله بعد قولي لهم شو مسوي افرديها على بلاطه يا بنت شهاب ..
شهاب طالع بنته وقال: ودوم بابا روحي فوق خلاص فديتج.
:
.
:
ودوم عطت خالها راشد نظره وقالت بغيظ: اسميها بس عليها متحمله نفسيتگ وسواتگ ولا انته منو يتحملك وراحت فوق وراشد يطالعها بغيض ،، انتبه على بطي اللي قام من مكانه وقرب من يدته وحضنها وهو يقول: فديتج يا امايه شو تبينهم معوره راسج فيهم ، وباسها على راسها وهو يقول : يوزززيني ( زوجيني) انا وارتاحي .. ضحكت ام حمد وهي تحضنه وقالت: فديت روحك فالك طيب من ترد من أمريكا متخرج ويايب شهادتك في ايدك ، ذيج ساعه فالك طيب ومن عيوني .
بطي يحضنها: عاااد خلااااص اماااااايه افردييييها ابتسسسسمي فديت ويهج الصبوحي الجميل ..
ضحكت امه وهي تقول: اووووووه يا بطططي يا حبيبي محد هون عليه الا انته ..
مبارك رافع حايبه وقال لامه: افاااااااااااا وانا الحين استوووويت عله يعننني صح ...
ضحكت امه وهي تقول: انته بروحك تبا تختار اللي في خاطرگ ، وانا يا بويه ماباكم تضايقوون اباكم تسعدون في حياتكم مب تشقون وتنهدت بضيقه..
اما حمد دخل عليهم وقعد وقالت امه: وين سرت فديتك .
حمد تنهد: سرت العزبه { اللي ما يعرف العزبه : هو عباره عن مكان في البر يسوروننه بمعنى يحطون عليه شبگ من حديد ويحطون فيه البوش( الجمال او النياق) والبقر والاغنام }وديت حشيش ورديت .
ابوه يبتسم: بعدي فديتتتتك وفديت نفعگ...
حمد السماعه في اذنه نسى لطوف على الخط انتبه يوم قالت: برايكگ عيل اخليگ ويا اهلگ الغالي ..
حمد من دون قصد قال: وين وين تبين لا تسكرين فديتج ، انتبهه على نظراتهم وضحك وهو يصب فنيان قهوه ، وعلق راشد وهو يقول: العايله كلها حبيبه الله بالنصيب العدل ماعرف من وين تضوونهن( تحصلونهن او تيبونهن) انته واخوك .. مبارك وحمد انفجروا: شووو هالرمسه الفارطه بعد( الغير مكترث بها ولا يبالي بما قال) ،، ما نحيد عمارنا ضوايا عشان نضوي ضوايا يا راشد ..
راشد قال بضحكه: ههه شفيكم شبيتوا عليه ما قلت الا صدق مادري من وين تلقطونهن وتحبونهن..
حمد انقهر وقال: نلقطهن ( نحصلهن)، راشد منو اللي ملقط حرمه مب من مواخذينا (من ثوبنا يعني)انا ولا مبارك..
سكت راشد بصدمه ولف على مهره اللي حطت عينها في عينه وقالت ام حمد: يا بويه شو هالرمسه اخوك ماخذ بنت عمك، مب ملقط حريم من شارع رغـّـد( بمعنى ما وراها والي يوقفها عند حدها)
تنهد بصمت راشد وهو مانزل عيونه عن مهره اللي على ويهها شبه ابتسامه..
وحمد قال بقهر: ها بو سنيده ( لقب يطلق على اسم راشد) شو القول..
راشد يضحك وقال لمهره: نشررررتيها بنت العم ...
مهره تضحك وتاشر على رقبته وهي تهز براسها لا، وقالت لحمد: ما يسويها بو سنيده العاقل ،الفاهم ،الحبيب اللي يحب بإخلاص ، ومايخون حبيبه.
حمد ضحك بقهر وقال: بنت العم مافي مثلها ستر وغطى على ولد عمها ، نش واقف وقال: بس مصيره يعرف قدرج وروح عنهم .
ام حمد بضيجه قالت لشهاب: شو هالرمسه اللي يعقونها( يرمونها) عيالي على بعض بالالغاز.
شهاب تنهد وهو يطالع راشد بحده بمعنى تكلم لا افضحك ..
راشد سكت بعدين قال: ماشي امايه هذي كلمه تنقال بس جيه..
رفع مبارك حوايبه ولف لمهره اللى غمزة له وصدت عنه بسرعه وحرك عيونه على راشد وقال: راشد
لف راشد على مبارك بعيون رجاء وقال: همممم
مبارك تنهد بضيقه وقال: قوم نسير العزبه ...
نش بسرررعه كانه يباها من الله وطالع مبارك بعيون امتنان وطلعوا بسرعه...
اليازيه بقهر قالت: ابويه
ابوها اللي كان مندمج في الرجاب ( سباق الهجن) ولا عاطنهم ويهه ولا حتى انتبه لكلامهم ومندمج في تلفزيون مطول عليه على الأخير ويزوي تنرفزت وسارت عنده وقالت لبوها وهي تهز كتفه: ابويه عيالك توهم كانوا بيجاتلون وانته مندمج في رجابگ اندمج ويايه..
ابوها يضحك وهو يقول: هاه شو تبين .
اليازي وهي تلعب بصبوع ابوها قالت :ابويه عيالك يتناقرون( بمعنى محتشرين مسوين ازعاج) شوي وبيجاتلون.
ضحك ابوها وقال: عنبوه يهال هم يذابحون ماعليج منهم اخوان دمهم يحن على بعض..
اليازي تنهدت وهي تقول: الله يستر من عيالگ .
شهاب يضحك: وانتي شو تبينهم واشر لها بعيونه انه ما يخصج فيهم.
تنهدت اليازي وهي تشوف سلامه نازله من دري سلمت وقعدت عدال بطي اللي حضنها بحب وهو يقول لها بهمس: شحال القلب.
سلامه تبتسم وتهمس له: ولهانه عليك وتسلم عليك وااااايد
بطي بفرحه: في ذمتج ..
سلامه: هي والله فديتگ ..
بطي يتنهد: اتصلي بها الحين ...
سلامه تضحك: اكيد تكلم مايد الحين ما بترد علينا...
بطي يضحك: يخسسسسي حظه يوم خذاها دقي لها بس انتي...
دقت سلامه للطيفه اللي كانت توها مخلصه صلاه وردت بلهفه: هلااااا بنت العم...
بطي مكيف على صوت وسلامه قالت: سمحيلي لطفين بس الحب ولهان عليج ...

البارت الثاني والعشرون:
:
ضحكت لطوف وهي تقول: فديتتت روحه والله شحاله وين ماله شوف من يأ من السفر محد شافه.
سلامه تضحك وهي تقول : هذوه يسمعج السماعه الثانيه في اذنه ..
لطيفه بشوق : بطططي شحالك الغاللي..
بطي يبتسم: بخيرررر ونعمه غناتي انتي شحالج ربج بخير.
لطيفه: بخير ونعمه فديت روحك والله اني ولهاننننه عليك .
بطي يضحك ويقول: هيه يحيج يوم ولهتي عليه كان المفروض من زمان تولهين عليه ..
لطيفه بضيقه: والله يا بطي شو اقولك شوي انشغلت بس الحمدلله انته طمني شوالحب وياگ.
بطي بهمس: زينه يسرج حالها بس انتي يا قلبي شو امورج محتايه شي ناقصنج شي مضايقنج مايد .
لطوف بهمس وهي تتنهد: انته الوحيد اللي ماقدر اجذب عليه .
بطي شل سماعه من اذن سلامه ورفع حياته لها وقال: شو غناتي بينكم .
لطوف تتنهد: طلقني .
بطي بصدمه: شوووووووووو ؟؟
لطوف بغصه: خله يولي عنك غناتى ،، طلقني لكن محد
يدري غير خالكك حمد
بطي يبتسم: ايووووا الحب القديم رجعتي له يعني ..
لطوف تبتسم وهي تمسح دموعها: بصدفه درى ،، محد كان فالبيت الا انا ،وهو ياي البيت يبا ابويه ، وعقب عرف يوم شاف مندوب المحكمة..
بطي ببتسامه: الحمدلله فديتج اهم شي تردون لبعض وعرف قدرج.. بس الزفت اللي ما ينطرى ليش سوى جيه .
لطوف خبرته بسالفه سعيد وقال بطي: امحق والله ،، صدق انه ثور انتي شو يخصج بينهم ،، صدق انه غبي انا لو ادري انه بيسسوي جيه جان ما قلت لسالم يكلم سعيد ويقوله..
لطوف تبتسم: بالعكس بطي فديتك اشكرك من كل قلبي لان انته الوحيد اللي تعرف اني احب حمد من زمان ، وماقدرت الا انى اساير مايد لكن الحمدلله خيره...
بطي يشوف تلفونه وقال بتنهيد : الحب متصله خلها تولي..
لطوف: ليش فديتك مضارب وياها..
بطي: هيه ...
لطوف: افا شعنه..(ليش)
بطي: سخيفه كله تغاااار يوم تشوفني انزل صورر في سناب ..
لطووف : بعد بطي ترا الحب عذاب والشوق غلاّب ،،لا تلومها يوم تغار عليك تعال شوف حمد شو سوى فيني البارح يوم امك صورتني وانا ارقص وحطتني عام بهدلني اخر بهدله والله.
ضحك بطي وقال: هيه عاد خالي حمد عصبببي وغيووور نناار الله يعينج عليه.
لطوف وهي تشوف حمد ياي عندها وقعد على الكرسي وقالت ببتسامه: لا فديتك خالك ما يغث حد خفيف على الروح والفواد..
بطي يضحك وسار بعيد عنهم عشان محد يسمعه وقال: ما بتقولين لهم عن طلاقج..
حمد يسحب تلفون وقال: وانته ظاهر لي في كل مكان تنشب حق اللي احبهم.
بطي يضحك: انشب للحلوين بس، اللي شرات السولعيه بو طرف جذاب اللي يالسه حذاك..
حمد يضحك: لو ماعرف ان انتوا اثنينه محبتكم اخويه وعفويه جان قلت عشاق...
بطي يضحك: يصير اخذها منك يعني.
حمد يضحك ويحط ايده على ايد لطيفه: اكييييد لا هذي من ممتلكات خالك وبس ..
بطي يبتسم : فديتكم والله ،، الله يسعدكم يا اغلى اثنين على قلبي ..
حمد : امين هذي لطوف وياك..
بطي يبتسم: لا برايك وياها،، خالي فديتك خذ راحتك الغالي.
حمد يبتسم: سنع ولد اختيه .
بطي يبتسم: من يوم يومي سنع فديتك ، خوالي عاشقين خوات شي حلو
ضحك حمد وقال: عشان تعرف منو هنه بنات حمد..
بطي يبتسم: هيه اعرف منو هنه.. هنه اللي يشلن القلب شل وحبهم يتمركز وسط الصدر ماله بديل ولا شفيع ..واللي يحبهن يبتلي بحبهن طول العمر لا اييبه نسيان ولا اييبه فراق ..
حمد ضحك وقال: صح اللسانك..
بطي : صح بدنك ... يلا الغالي ودعتك الله
حمد: مع سلامه وسكر الفون ...
ابتسم بحب وقال: ليش قاعده فالحديقه بروحج..
لطوف تبتسم: حسيت انى محتاجه خلوه بروحي ويا ربي فيبت سيادتي وييت وصليييت هنيه .
حمد بحب: متتتتى نقولهم..
لطوف بغصه: والله ماعرف .
حمد: لطوف
رفعت عينها عليه وهي تقول بضيقه: لبيه
حمد يمسك ايديها: انتي ليش متردده قتلج سرج في بير..
لطوف بضيقه سحبت يدها منه وبنرفزه تحاول تضبط اعصابها : بس يا حمد اذا صار بينا شي في وقت الملجة لازم نقدم لهم ورقه اثبات الدخول ، لانه هو اوووردي حاط عندهم نسخه في ملفي عشان تكون نقطه ضدي ، وانا ماريد حد يعرف من اخواني بالموضوع هذا .
حمد تضايق من شافها سخبت ايدها وحطتها في حجرها قال بضيق وقهر: صدقيني م بخليج بوقف وياج وانا اعرف اتصرف بها الأمور ما يهمج انتي ، انتي بس قولي لهم عن موضوع طلاقج عشان انا اتحرك.
لطوف تشتت نظرها وهي حاسه بضيق من نظراته: انته ناسي انه دخل عليه ،، يعني لي عده ثلاث شهور فهمت ..
حمد بغصه قال: عادي يردج يعني .
هزت رأسها بالإيجاب بصمت ،، مسگ كف ايدها ورص عليها بقو حاولت تسحب ايدها منه بس ما خلاها رفع حياته( حواجبه) بعمعنى شفيج ،، وقالت بضيق: حمد ما يصير انك تكون قربي وتلمسني ولين الحين محد يدري بلي صار بيني وبين مايد ،، انا بصراحه مب راضيه حتى على مكالماتنا مع بعض أتمنى تفهمني ،، شتت نظرها عنه واردفت كلامها بأتمنى تعدي ثلاث شهور من دون زعل وشوشره عشان ما يضغطون عليه يرجعني فهمت...
هز راسه بصمت وهو مقهور من كلامها طالعها بتوتر وقال : يعني افهم من كلامج انج ما تبين أي تواصل مني وياج الا عقب ،، هزت راسها وهي مقتنعه بلي تسويه ،، قام بقهر من عندها وطلع ازفرت براحه وهي تلعب بتلفونها متجاهله عصبية حمد ..
اما عند مبارك وراشد ..
مبارك يقول: انته شفيگ شوي وبتضارب وي حرمتك مينون .
راشد بعصبيه : هيه مينون ،، اذا فقدتها ،، مهره شي تحت راسها بس ماعرف شو...
مبارك بضيقه وغيره: بس المينون اللي يسوي سواتگ يا خويه وما تحسب حساب العواقب..
راشد بندم: ندمان والله اني ندمان ،، حياتي من دون مهره مالها طعم ،،هي قالت لي امس عندها شروط، بسمع شروطها عشان انفذها لها..
مبارك بضيقه وقهر : كيفك .. سووا اللي تشوفه يناسبگ.
راشد يتنهد: ان طلقتها ، ما برتاح في دنيتيه مهره بالنسبة لي حياه يا مبارك.
مبارك غمض عيونه بالم وتنهد وهو يقول : دامك تعرف هي شو تعني لك ليش تعق عليها كلام يجرحها.
راشد: مقهووووور مهره ترفض قررربي انته تدري انه من شهر الحين وهي نافره مني...
مبارك في خاطره يقول لاقيه غيرگ وتنهد وقال بضيقه : لانها عافتگ
انصدم راشد وطالعه وقال مبارك بتنهيده: ما بجذب عليك الحرمه عايفتنك ومالك مكان في قلبها ،، لانك طعنت فيها ،، كيف تباها تفهمك ..
راشد لف عليه وقال: انته شو تقول مبارك ،، والله انه المووت اهون من اللي قاعد اشوفه واسمعه منگ..
مبارك بغيره قال: يعني ما عندك كرامه تحفظ فيها ماي ويهگ ،، حرمه ما تباني كيف ارخص عمري لها تنفرك وما تبا قربگ وما تحبگ عقب سواتگ تتوقع انها بتلين ( بتخضع) لگ ..
تنهد بضجر وقال: ما بطلق صدقني يا مبارك لو مهره تفكر بطلاق ما بطلقها...
تنهد مبارك بضيقه وقال: راشد اذا ما تبا الأمور تتعسر بينكم لازم تواجه الحقيقه هروبگ منها يعرضك للخطر وعقب عيال عمي بيخلونك طلق غصبن عنك يوم بيعرفون بوجود حرممه ثانيه في حياتگ وعندك ولد منها ،، لا تفتكر ان عمي بيسكت لك اعتقد انته تعرف انه كله ولا مهره عند عمي وعند سعيد لو تقولهم انا راضيه بيسحبونها من بيتك لين بيتهم حتى لو هي راضيه بوجود حرمه ثانيه في حياتك ،، بس عمي وسعيد بيسحبونها لبيتهم مثل العنز ( البهيمه) عشان كرامتها اللي وطيت عليها بريلك وبريل اللي ما تتسمى وانته كيفگ..
راشد تنهد وسكت وبعدين قال: اول بسمع مهره شو تبا من شروط وبعدين بقرر اذا بسوي بشورگ ولالا..
مبارك تنهد فتح الواتس وشاف مهره مطرشه له: انا رديت بوظبي اليوم ، تنهد وكتب لها : يا غبيه انتي مواعده راشد تتكلمين وياه ما تبين تخلصين من الموضوع تراج بارده قهرتيني انا مب عارف انتي شو تبين توصلين له لعبتي فيني وفب اخويه .
ردت عليه مهره بفيس مصدوم وقالت؛ نسييييت والله ، الله يأخذ بليسسسه ياخي مب بالعه اخوگ شو اسوي به يعني .
مبارك بعصبيه طرش لها : هيه هيه روحي بوظبي بتنفعج بوظبي وطلع من الواتس بكبره وقال بعصبيه : يلا يلا راشد نرد البيت ...
راشد يفكر بمهره ،،، ومبارك ركب سيارته وتجاهل مسجات مهره ويوم شافها متصله جلب تلفون على ويهه وتنهد بضيقه ، طالعه راشد بضيقه وقال: زعلان ويا الحب..
مبارك ما رد عليه واكتفى انه يغلق الفون بعد ما سكر في ويهه مهره وردوا البيت.
راشد تنهد بضيق ونزل وقال لمبارك: لا تخسر اللي تحبك وتحبها ..
مبارك مب عاطنه ويهه معصب ما يبا ينفجر في ويهه وقال بغيظ : خلاااص راشد انزل تكفففى خلني في همي ، شال هممك وهمي تكفى خلاصصص مابا افكر في حد روح شوف حل ويا حرمتك .
نزل راشد من سياره وهو يحس انه ضاغط مبارگ وياه ودخل في صاله ، اما مبارك في سياره تنهد وهو يأخذ نفس وقال بعصبيه وهو يرد على مهره: نعم خير .
مهروه وهي تصيح: والله العظيم نسسسسييييت ، مابا قباله ولا اريد اشوووفه كيف تباني افكر فيه ،، تفكيري فيگ..
مبارك بعصبيه وهو مقهور: انتتتتتي ما تفكرين صح تفكيرج بس بنفسسج، اولاً: ما قلتي لي انج بتسيرين بوظبي ، ولا تعرفين اذا انا بروح بوظبي ولا بتم فالعين، ثانياً: ماخذه حياتج ويا راشد لعبه خذي لج موقف محايد اتجاه موضوعج وياه ، ثالثاً : برودج قتلني وايييد وردج سخيف على حمد يوم تكلم بموضوع راشد ..
مهره بغصه: انته شال كل هذا في قلبك وساكت يعني شو تباني اسوي.
مبارك بضيجه: قلت خذي موقف محايد فكري مع نفسج تبيني ولا تبينه وبسسسس ماعندي كلام غيره ،، اعتقد تعرفين انا شو سويت عشان افسخ خطوبتيه من هند ، وسمعيني لا عاد دقيييين لي الا يوم تاخذين موقف وتعرفين انتي شو تبين. انا مب لعبه بين ايديج مره تبيني ومره تبين اخويه ..
مهره بضيقه: انااا...... وقاطعها صوت طوووووووط، صدت صوب اليازيه وقالت: سكر في ويهي اخوج.
اليازيه بضيجة:ياربي منج قتلج اتخذي موقف ، شوفي مبارك عشانج شو سوى ، وانتي شو سويتي يوم حمد كان بيرمس وبيفضح راشد قعدتي ترفّـعين له قدام هليه ،، مينونه انتي والله مب صاحيه ،، مهره لا تخلين مبارك يتهور ويرد على هند ...
مهره بصدمه طالعتها وهي تقول: لا والله ان شاء الله ما يسويها خافي الله ...
اليازيه: ردي العين،، وانهي الموضوع ويا راشد وعقب طيبي خاطر مبارك ..
مهره تافف وهي تمسح دموعها ورن تلفونها وردت بلهفه: الوو
راشد يبتسم: فديت هالصوت ... شو هاللهفه اللي في الصوووت ..
مهره بضيقه: محد ضيعني الا انته وينانكـ ،، حسبي الله على بليسگ ...
راشد : وين انتي فديتج..
مهره بغيظ: عند اليازي بس لاتيني لاني مابا اشوفگ ..
راشد بقهر: ليش ان شاء الله شو مسوي بج انا ..
مهره تشهق: كل هذا وبعدك ما سويت شي يسد انگ جذاب ابتليت فيك...
راشد بعصبيه: مهررررررره سكت عنج وايد الحين بييج وبعرف كيف بتفاهم وياج
سكرت مهره في ويهه وقعدت في صاله وهي تقول: بي الافندي راشد..
اليازيه تنهدت: خذيلج موقف محايد ..
دخل بطي سلم وقعد وقال : شفيج مهره ليش انتي مهمومه..
مهره تمسح دموعها: خالك معرس عنده حرمه ،وحرمته حامل الحين بتربي ويسوي فلم جداممي...
انصدم بطي وقال: خالي راشد اللي كان مينن خلق الله فيج.
اليازيه تنهدت وهي تقول: خوالك مينن وكل واحد عايش لي دور الحبيب .
بطي ضحك: هيه حمد ومبارك وراشد وانا بعد ..
ضحكت اليازيه وهي تقول: مارديت تدق لها.
بطي بضيقه: لا ، امي ماحس انها تناسبني ،،الصراحه انا ساكت بس عشان عمي سهيل ولا هاي ما تعاشر ياهل .
اليازي : اذا ما تباها قول لبوك وافسخ الخطبه ولا تعور راسك الغاالي.
بطي تنهد وقال: ماعرف احس عقليتها ما تناسبني امي ،، بعطي عمري فرصه وعقب برد خبرعليكم.
اليازيه تنهدت وهي تقول: حمد منو يحب..
بطي يضحك: بنت عمج..
اليازيه: شما ما تناسب حمد ...
بطي يضحگ: لا مب.... وبعدين سكت تلاحق عمره وقال: يلا بويه بروح اريح .
دخل شهاب وقال: محلى بيتج يا مهره يجنن ،، وابتسم يوم شاف دموعها وقال: خيييبه ثره مبارك مخشعنج تخشيع ...
انصدمت مهره ورفعت عيونها طالعه وبعدين طالعت اليازيه ابتسم شهاب وقال: ترا مبارك اللي قايل لي تطمني توه داق مشتكي منج وقالها بحده: انتتتي بقره دافعين عن راشد ، قدام مبارك، فيييج برووود مب طبيعي ، سمعي مبارك وراشد يايين فالدرب تتخذين موقف قدام راشد، خليج جديه شويه مب تيلسيين تلعبين بقلوبهم ،ترا مبارك قال انا طفرت من برودها مضايق انج ترفعين لراشد ، وهو زعلان انه امه دور له حرمه وانتي فاجه حلجج ، الولد يباج تتحركين عشان يقدر يأخذ خطوه في حياته..
مهره بقهر: هو ما يبا يطلق راشد عنيد ، عنده حب تملك مب طبيعي ، مينون يقعد يعاند فيني لوع جبدي بعناده...
شهاب بضيقه : مهره اللي يحب يقدم تنازلات لطرف الثاني، لا تفرطين بمبارك دام انه يباج ..
تنهدت بتعب وشوي ودخلوا راشد ومبارك ، مبارك سلم وراح غرفته ، اما راشد اللي شااف مهره راح على طول لها من شاف عيونها ضعف وقال: مهره تكفييييين عشاني لا تسوين جيه في نفسج وتعبيني وياج ..
مهره صارخت في ويهه من دون قصد: لا تلمسننني ، واصلا مالك شان عندي .
راشد اللي انصدم منها ، مهره صدت عنه وهي تقول: طلقني ...
راشد انصدم بعدين قال: شووووو؟؟؟ طلاقق لا تفكرين فيه.
مهره باصرار: لا ، بطلقـني ،، ولا تراني بقول للكل انك معرس ..
راشد بضيقه: مهره انسي الطلاق ،، كل انسان في حياته يغلط..
مهره تنهدت وقالت بغصه: غلطك تحمله بروحگ انا مب مجبورره اتحمل غلطگ ..
راشد قعد حذالها وقال: مهره انا.....
قاطعته مهره وهي تقوم عنه وقالت: شوووف يا راشد ان ما قلت للكل انك معرس وعندك حرمه غيري ،، ترا انا اللي بفضحگ قدامهم كلهم وبقولهم اني ما باك واني متحملتنگ غصباً عني.
تنهد راشد وطالع مبارك اللي ظهر من غرفته متجهه صوب الباب بيطلع بس زقره شهاب : تعال مبارك..
مبارك من دون ما يطالعهم: مب ياي يحلون مشاكلهم بروحهم اللي فيني مكفيني وزود ، وطلع عنهم.
تنهد راشد وقال: امس قلتي عندج شي غير الطلاق.
مهره: بس انا اشوف انگ طلقني وايد احسن..
راشد بضيقه: انتي تعاندين يا مهره ،، والطلاق مب حل..
مهره : بس بالنسبه لي حل .
راشد تنهد : طلاق لا تفكرين فيه رجاءً ..
مهره تنهدت ولتفتت له وهي تقول: انزين ما تبا تطلق ، اهجرني ..
انصدم راشد وقال: مينونه انتي .
تكلم شهاب وهو يقول: راشد ترا الحرمه متحمله منك وايد زين انها صابره لين اليوم وانا اخوگ ما ينفع انته بعد تعاند اذا انته تبا مهره لازم تقدم تنازلات ، هي من حقها انها تأخذ فتره بعيده عنك ترتاح نفسياً ،، وتعيدون حسابات ببعض وانتوا بعاد عن بعض ..
تضايق راشد من كلامه وقال: شههاب انته اكثر واحد تدري انه مستحيل ابعد عن مهره او افكر بالطلاق،، واللي صار بيني وبين ثريا غلطه..
شهاب تنهد: وشو نتيجة الغلطه اللي جنيتها تنتظر طفل منها صح ولاالا؟.
راشد سكت ونزل راسه وقال بعد صمت: خلاص بنت العم لج اللي تبينه .
مهره: مابا اشوووفك لا تيني ابدا ،، ولا تتصل فيني ،، ولاتحاول انگ تذكرني بوجودگ.. أبا أعيش حياتي كإني مب متزوجه فهمت..
راشد بصدمه يسمع الكلام وقاال: مهره كل هذا حرمان منج
عشان اني غلط ما يسوى عليه ..
مهره : بالنسبة لي يسوى واييد لانك ارخصت بي ،، ودام الموضوع يخصني ممكن ما تضغط عليه ، وتبعد عني من هالساعه وتنسسى ان مهره زوجتگ ..
راشد مصدوم ما يبا يخسرها ويدري ان الموضوع لو كبر عيال عمه ما بيسكتون وساعتها بيطلقها غصبن عنه فضل انه ينسحب بهدوء ويشوف حل لموضوعهم طلع عنهم وركب سيارته وروح ... اما داخل البيت ، شهاب تنهد وهو يقول: الله يعينج على رضاوة مبارك اليوم .
مهره بتنهيده: الله كريم ..
اليازيه ببتسامه: ماعليج انا بطيب خاطره لج ..
شهاب : مهره ،، لازم تقووون علاقتكم اكثر من جيه انتى فاهمه قصدي..
تنهدت بضيق وهى تقول: مبارك اللي ما يبا يسوي خطوه الا بعد انفصالي عن اخوه. .
شهاب ببتسامه: بعد صحيح وياه حق ما يبا يسير في درب الحرام .
تنهدت مهره والتزمت الصمت..
مر الوقت سريع وشهاب واليازيه ساروا يريحون ، وبطي يالس في غرفته يرتب اغراضه ،، وديمه وحمدان ردوا وقعدوا في غرفه ودوم ... مهره نقلت اغراضها في بيتها اليديد ويلست ترتب الأغراض وهي مضايقه من الخاطر مب عارفة وين بتلقاها من قلبها اللي تعلق بمبارك ولا راشد اللي عنده حب تملك،، تتهدت بضجر ويلست تكمل ترتيب..
اما في بيت شهاب .. طلعت اليازيه وسارت غرفة بطي وشافته يرتب اغراضه قعدت عنده وهي تقول: ها الغالي شو امووورك..
بطي يبتسم: امي تصدقين انه مافي مثل بنات عمج حمد ،، تصدقين لو لطيفه مب مالجة جان خذيتها ..
اليازيه تبتسم: ادريبك من يومك معجب فيها.
ابتسم بطي وقال: الاعجاب يا الغالية تحول لحب ..
اليازيه تتنهد : ههههههه بتحب حرمتك ان شاء الله ..
بطي يبتسم: أتمنى والله يا امي...
اليازيه: متى بتردون..
بطي: هالايام لازم نرد ...
اليازيه: الله يوفقكم ويسر اموركم...
بطي: امين يارب ....
اليازيه توقف: بطلع عنك الغالي بشوف خالك وين..
بطي هز راسه بصمت وانشغل بترتيب اغراضه...
اما اليازيه طلعت عنه ونزلت تحت دخلت غرفة مبارك وسمعت صوت الماي فالحمام استنته عالشبريه لين ما يطلع ، وطلع وكان لاف الفوطه ع جسمه وقال بخوف: بسم الله انتي شو تسوين هنيه قاعده في غرفتيه.
اليازيه بضيقه: مبارك فديت روحك ما يليق عليك الزعل..
مبارك يطلع له ثياب ويروح يلبس في غرفه الملابس وقال: يعني عايبنج انتي ،، اللي سوته بنت عمج.
اليازيه وهى تشوفه ظاهر قالت بحب: حبيبي مهره ما تبا تخسرك ان تطلقت بسير بيت عمى لا تقدر تشوفك ولا انته بتقدر تشوفها ،، فعشان جيه رقعت الوضع بينهم عشان ما تنحرم منك وانته على طول خذتها بحساسيه فكر في الإيجابيات،، مهره تحبك والله يا مبارك ، بس انته تدري لو تطلقت شو بيصير فيها ، تدري انها بترد بيت عمي ولا ما بتقدر تتواصل وياگ،، مبارك لا تضايق نفسك ..
مبارك بغيرة: انا احبههها وضاربت امايه عشانها ،، تي هي وتقول لحمد لا والله راشد ما يسويها..
اليازيه تمسك ايده : مبارك حبيبي مهره ما تبا تضارب الحين ويا اخوك وهى ما كملت الا شهر وشوي ،، مهره عارفه ان نهاية موضوعها و يا راشد الطلاق، لانك تعرف عمي واخوانها شو بيسون في راشد ، فهي ما بتعب راسها وياه ،، هي الحينه تباك انته مثل ما انته تباها وزود بس انته واقف لها في نص تحرك عبر عن شعورك تقرب منها،، نومها في حضنك ، ليش مستوي رسمي فالموضوع .
مبارك يتنهد: يزوي انا ما تعودت اقرب الحرام ،، ولا اريد اقرب مهره بالحرام،، انا صح احبها ودي بقربها واحضنها وابوسها بس عمري ما افكر اني اقدم نفسي عليها بالحرام لانها عرضي بنت عمي، حرمه اخويه، بس مهره تبا تكرهه قلبي فيها وانا مب مستعد اكرها لانى لو كرهتها بكسرها وبتشوف مني معامله ثانيه وانا ماريد اكسرها وماريد اكرها أبا حبها في قلبي دوم.
اليازيه: انته تحلل على كيفگ الغالي ، حد عيّنك مصلح تربوي ،، ابويه مب عكيفگ تحلل الأمور سالها افهم منها ليش سوت جي لا تبني ضنون على شي من تحليلك.
تنهد مبارك وهو يمدد نفسه عالشبريه: خير ان شاء الله ... بشوف شو يصير ..
اليازي: ما بتروح عند مهره..
مبارك يتلحف ويغمض عيونه: انتي تستهبلين ولا شو موضوعج قتلج ان ما كانت حلالي ولي بشرع الله ماباها بالحرام ..
اليازيه تنهدت وقالت: عنيد، الله يهديك ويصلحك..
مبارك طنشها وبند الابجوره اللي عداله ،، فهمت اليازيه انه ما يبا يتكلم فالموضوع ،، طلعت عنه برى وهي تتنهد،، اما مبارك اول ما حس بان ليت تبند والباب تسكر ،، فر اللحاف وقعد عالشبريه شل تلفونه وانصدم من اتصالات مهره اللي تقريبا فوق ٧ مرات ابتسم بينه وبين نفسه،،، يعرف انه مغربلنها ومعذبنها بس ادب ونكاد لها مطنشنها،، شل فونه وودخل عالواتس انتبه انه فيه محادثه ما قراها استغرب وعقد حياته فتح الواتس وشاف المحادثه ،، من عرف انها هند وانها يالسه تشتكي منه ،، وليش فسخ الخطبه صكها بلوك وديليت على طول ما سوى لها سير وتعال ،، تنهد بضيقه ودخل على حالة مهره دخل على الحاله وشافها كاتبه ("‏يَا مَن زهت بقُربهِ، الأيّامُ"��) ،، حس انها تقصده بس طنشها عشان تتادب ما تتكلم مره ثانيه في شي ما يعنيها،، ولا تقعد تدافع عن راشد وهو موجود ،، شافها مطرشه له شي على الواتس تعمد ما يفتحه عشان ما يحسسسها انه متلهف عليها،، وقعد يرفع ضغطها وما يدخل المحادثه وهو أصلا من برى يشوفها تكتب ويضحك على نفسه وعليها عارف انها تحرقص بس ما يبا يرد عليها ولا يبا يفتح المحادثة ،، انتبه على اتصالها مارد لين قطع ووكتبت له على الواتس رد مادام انك واعي ،، قراه من برى ولا دخل على المحادثه مستانس بتعذيبها ،، اتصلت به ثلاث مرات والمره رابعه سكر في ويهها دخل عالمحادثة وقالها مابا ارد لا تعبين عمرج وطلع من المحادثه وحط تلفون سايلنت ،، مر الوقت سريعا وومر اليوم بسلام ...
في اليوم اللي بعده في بيت بو سعيد الكل يالس يتريا نايف وعهود يوصولون من دبي نزلت لطوف وكانت أمها وحرمة عمها يالسات في صاله سلمت وقعدت طالع تلفزيون سمعت أمها وحرممة عمها يتناقشون بخطوبة حمد وانهم ما خبروه انصدمت لطيفه وسمعت أمها تقول: بس ي ام حمد تراه غلط اللي تسوينه ، شاوري الريال يمكن ما يبا .
ام حمد: ياختي مارمت له مب طايع يقول انا مابا عرس وشوي دخل حمد وابوه وعمه سلموا وقعدوا ..
حمد لف ع لطيفه وابتسم ردت له الابتسامه بهدوء وهي ساكته لفت على تلفزيون وسمعت صوت حمد وهو يقول : عمي أبا اكلمك في موضوع .. لفت عليه لطيفه وقلبها يدق ما تباه يتكلم فالموضوع في هالوقت ،، طالعها بحده بمعنى ان تكلمتي ياويلج ،، خافت من نظرته ونزلت عيونها تحت وقال عمه: لبيه ي بويه اسمعك امر ..
حمد ابتسم وقال: أباك تخطب لي انته وابويه ..
امه فرحت من سمعت هالكلمه وقالت : الحمدلله ،،الله هداگ واخيراً ..
حمد يكمل الكلام: الله هداني صح بس صبروا خلوني اكمل كلامي بعدين على كيفكم احتفلوا وفرحوا..
ابوه: من بنته ي حمد ..
حمد يضحك: ههههههههه انزين تريوا عليه ياينكم بالكلام والله .. الكل يتريا التكمله ،، كمل حمد كلامه وهو يقول: انا من فتره ي عمي كلمتك وقلت لك بخطب بنتك لطيفه صح وقلت لي ان ولد خالتها سبقك وحيرها ،، انزين عمي اليوم لطيفه لي انا، ولد خالتها سرحها .
انصدم الجميع بالكلام ولفوا ع لطيفه اللي منزله راسها ماتبا تشوفهم ،، قالت أمها بصدمه: صدق ي لطيفة هالكلام.

البارت الثالث والعشرون:
:
تنهدت بضيق وهي تهز راسها ،، ابوها بعصبيه: وين يالسين نحن في شارع كيف جي يسرحج على كيفه ،، اظني هو خطبج من هلج فمن باب أولى انه يوم يبا يسرحج المفروض يرجع لهلج.
لطيفه بهدوء وخوف ومب قادره تحط عينها في عينهم قالت: انا ما بغيت اخرب على اخواني فرحتهم ،، وهو اللي استعيل وطلق .
ابوها بحره قال: ليششش؟؟؟ شو سبب الطلاق ؟؟ماحيد يظهر منج العيب...
لطيفه تتنهد : ما صار بينا تفاهم يا الغالي..
ابوها يطالعها وعيونه محمره من العصبيه: في شهر واحد بس ما صار بينكم تفاهم يقوم يطلقج ،، كمل بنبرته الحاده وهو يقول : لطــــــــيفة ،غمضت عيونها بخوف ما تحب الصوت العالي والصريخ ،، حس فيها حمد وقال : عمي ساله انته احسن ،، المهم بغيت اقولكم ان لطيفة لي عشان ما يقعدن عياييزيه يدورن لي حرمه ،، لان الحرمة موجوده .
تضايق ابوها وعمته قالت للطيفه: كيف ؟ خالتج لطيفه تدري!!
لطيفه: لا ما تدري ..
تنهدت أمها وهي تقول: انزين شو السبب!.
لطيفه تبتسم بهدوء وقالت: امايه ماشي نصيب ،، الله مب كاتب انها تم امورونا مع بعض برايه الله يوفجه مع غيري ..
أمها عصبت ومسكت تلفونها ودقت لختها لطيفة وتريتها ترد وبعد السلام قالت للطيفة: لطيفه انتى تدرين ان مايد انفصل عن لطيفه..
ام مايد بصدمه: شووووو ؟؟ في ذمج!! متى صار هالكلام..
أم سعيد: وشدراني ياختيه ،، مادري به،، انزين ليش ما ايي عندنا ونعرف السبب !!
ام مايد تنهدت وقالت: ان شاء الله بنيكم لازم عشان نعرف شو سبب ما ينفع هالكلام ...
ام سعيد تنهدت وهي تقول: ان شاء الله .. وسكروا الموضوع ..

لف بو سعيد على حمد وهو يقول: وانته كيف عرفت .
حمد ضحك: هههه هذاك اليوم كنت ياينكم الصبح وجان اشوف واحد واقف برى ، سالته منو ، قال مندوب المحكمه يبا لطوف توقع على الأوراق .
ساد صمت بينهم ونزلت شما من فوق وقعدت عندهم وهي تقول: شفيكم .. قطع الصمت .. دخول المعاريس من الباب ... سلموا عليهم وقعدوا ... حمد يسولف ويا نايف : شو العرس ...
نايف يضحكـ: حلووو العرس ،،، عقبالك بو شهاب ...
حمد يبتسم: قريب ان شاء الله ..
نايف اللي قام من مكانه وسار قعد عدال لطوف اخته وهو يحضنها وقال: لا صدق ،، بالبركة عيل ..
حمد يضحك وقال: بس لو تقوم من مكانك وتسير عدال حرمتگ وايد احسن لك من الالتصاق بممتلكات الغير .. ضحك نايف وهو يبوس خد لطيفه وقال: وانته شعليك ريلها،، لف للطوف وقال: شبلاه ولد العم داقتنه الحميّة .
ضحكت بإحراج ونزلت راسها تحت وهي في خاطرها تسبببه ،، تنهد نايف وهو يقول : ياويلك من مايد ان درى بك انگ تشاركه في حرمته بيقطع لك ذنيك وحاوطها من كتوفها وقربها صوبه،، ارتبكت عهود بضيقه على حال هالمسكينه لطيفه وقالت امه: مايد طلقها اختكـ يا نايف ونحن ما ندري..
انصدم نايف وقال: شوووووو ؟؟ ولف على لطوف وقال: صدق لطيفه.
هزت راسها بضعف ،، مسگ ايدها بحب وقال: ليش غناتي صار شي بينكم..
نبرة الحنية اللي في صوته خلت جسم لطيفه يقشعر وحست بإحساس غريب اول مره تحس فيه لفت على نايف وقالت ببتسامه: ما بينا نصيب يا الغالي .
نايف بهمس: لطوووف ، ورفع ويهها بكف ايده وقال وعينه في عينها : بس عيونج تقول غير جي ،، مايد كان يحبج ويموووت عليج شو اللي صار لطوف .
تنهدت بتعب وقالت عهود : ما يستاهلها والله ،، هي تستاهل احسن عنه ، طول عمره قراراته متسرعه ...
نايف طنش عهود مايبا يضارب وياها ولف للطوف وهي تقول: والله ي الغالي مقدر ومكتوب ..
نايف ماسك اعصابه وقال للطيفه بغيظ وهو رافع واحد من حياته: لا يكون طلقج عشان حركة سعيد.
امه تنهدت: والله ما نعرف السبب اليوم كلمت خالتك وتقول ما عندها خبر ان مايد طلق لطيفه الا يوم انا دقيت لها ..
نايف يطالع امه:ليش هو من متى مطلقنها.
لطوف: كملت أسبوعين ..
نايف بصدمه: شوووو قولي والله ...
لطوف: والله
نايف بعصبيه يحاول انه ما يصارخ عشان لطوف ماتحب الصوت العالي والصريخ قال وهو كاتم على ضروسه : ليش م رمستي
لطيفه تنهدت: مابغي اخرب فرحتكم.
امه تشوف نايف اللي بدى يعصب وقالت: شو ، سوى سعيد ،عشان مايد يطلق اختك .
نايف بقهر يحاول انه يهدي نفسه وقال : لانه مب ريال ،، اللي يحط راسه في هالمواضيع ، ويقعد يفكر كيف يرد الحركة لنا الخايس، عديم المروه .
امه: شو سوى انزين سعيد ارمس.
نايف بقهر مكتوم قال: لانه سعيد فشله فالمحكمة وقالها ما بيني وبينك سلام ...بسبت حركته هو وعبدالله يوم جبروا العنود على سعيد ،، وسالم خبر سعيد بأن العنود ماًتباه وان عبدالله ومايد هم اللي جبروووها عليه وشكله عاد ضربته الحميّه ومارضى انه ينهان قدام لطيفه فحب انه يرد الحركة فينا وطلق اختنا قسم بالله انه ياهل وتفكيره غبي ولا محد يسوي سواته..
تنهدت ام سعيد وهي تقول : الله كريم
رفع عيونه وناظر عهود بعصبيه وتوتر ، ونقل نظره من عهود لهله وقال نايف بعصبيه: نحن اللي تسرعنا ووافقنا عليه ،، تنهد حمد بضجر وقال: بسس عاااد تراك حشرتنا بزفت هذا ،، انته ليش وايد زعلان عليه خله يولي ..
نايف بقهر: حمد انته مستوعب ان مايد طلق اختى وهو ما كمل وياها الا فتره بسيطه ..
حمد بقهر: طزززز فيه عل العين ما تشوفه ،، والله انه ما يستاهلها ،، وهو ما بيعرف قدرها الا عقب وبيندم ان شاء الله..
نايف: هيه انا بترياه يندم عيل يخسسسي خلنى اشوووفه بسسس ،، لف على عهود بسرعه وهو يقول بحده وعصبيه: انتتتي تعرفين ان اخوج مطلق اختى من فتره ولالا..
عهود من شافت عيونه خافت تنهدت بضيقه وهى تهز براسها بالإيجاب ،، سمعت صرخته وهو يقول: ليششششش ما قلتي لي عن الموضوع..
عهود بخوف: مادري يمكن لانى كنت خايفه اخسرك.
نايف بقهر ماسك نفسه عنها وقال: هيه لانج انانيه ،، تبين الهنا والسعاده لج ، والعثره لها، ليش ما قلتى لي ولا خايفه انى اطلقج ..
رفعت عيونها له بخوف وهي ساكته ، ضحك باستهتزاء وهو يقول: هـــه سبحان الله فرق بينج وبين لطيفه مابغت تخرب فرحتنا عشانا ، وانتي خفتي على نفسج ...
لطيفه بهدوء تمسك يده: نايف فديتك البنات مالهن خص ،، ومن حقهن يحافظن على حياتهن ،، والأفضل انهن ما يدخلن انفسهن في هالموضوع .
سكت نايف وهو يمسح ع راس لطيفه ويقربها من صدره ويحاوطها بيده ،، وقعد يفكر بهدوء عميق ، عكس حمد اللي ميت غيره من قرب نايف لها بس احترم عصبيته وقهره..
ام حمد تنهدت بضيقه وهي تقول لبو حمد: شفت ي بوحمد عيالنا ما نعرف شو ياهم محد مترقع فيهم لا لطيفه ولا مبارك ولا حمد ...
بو حمد: بسم الله عليه مبارك ما فيه شي ،، وحمد تراه يبا
بنت عمه ومب غلط ،، ولطيفه اللي صار لها مقدر ومكتوب .
ام حمد تنهدت بضيقه مب عايبنها ان حمد يأخذ لطيفه ..
اما في بيت بو حمد...
كانت سلامه تدرس وتسوي البحث ع لاب ،، انتبهت ع رنة تلفونها وشلته من دون م تشوف الرقم: الو
الطرف الثاني: السلام عليكم
سلامه: وعليكم السلام
الطرف الثاني: كيف الحال ؟
سلامه: طيبه .. ولله الحمد.. من معاي ...
الطرف الثاني: مب لازم تعرفين ،، بس أبا اخذ من وقتج شوي..
سلامه: كيف اعطيك من وقتي شويه وانا ماعرف انته منو .
الطرف الثاني: أخاف اذا عرفتيني تزعلين مني ..
سلامه تتنهد: تفضل قول ،، منو انته ..
الطرف الثاني: عوض .
سلامه بصدمه: الدكتور عوض قصدك .
عوض يبتسم ع كلمتها وقال: هيه .. نعم الدكتور عوض ..
سلامه تنهدت: مرحبا دكتور امرني بشو اقدر اساعدك ..
عوض : بصراحه سلامه ومن دون لف ودوران .. انا بتقدم لج..
سلامه بصدمه شهقت ،، قاطعها بخوف وهو يقول: بسممم الله عليج .. شفيج !؟
سلامه بعدم استيعاب: تخطبني !!؟
عوض: هيه شفيج ..
سلامه تنهدت: بس دكتور انته متزوج ،، وانا ماقدر ارتبط في انسان متزوج ،، واغث زوجتك..
عوض بضيق: تكفين سلامه فهميني ماطلبت منج شي غير اللي شرعه ربي وبالحلال ..
سلامه: كيف اخرب بيتك..
عوض تنهد بضيق: لو مرتاح ما لتفت لغيرها..
سلامه بضيق: دكتور اننننا.... قاطعها وهو يقول: مابا منج اجابه الحين ،، لا تتسرعين فكري وصددقيني شو ما يكون جوابج ما راح ياثر على مكانتج بقلبي وراح تضلين بعيوني الطالبه المجتهده والمتفوقه دايماً ،، واللي اكثر من جيه اللي دخلت قلبي وحبيتها..
سكتت سلامه وسمعته يقول: الحين ركزي في المشروع وركزي في دراستج وبعد الامتحانات عطيني ردج ،، وبتلقيني انا والاهل عندكم باذن الله..
سلامه تنهدت وبعدها قالت: ان شاء الله ... سكرت الخط وهي تتنهد وكملت بحثها وتحاول انها ما تفكر في كلامه...
اما راشد فكان يالس فالغرفه من يوم ما صار اللي صار بينه وبين مهره تضايق وايد يعرف انه رحلة عذابة بدت ويا مهره وخايف انه يخسرها حتى ما فكر يروح يشوف حرمته ثريا اللي من يوم ما ضربها لين اليوم وهي في دختر بسبب نزول المشيمه عندها وخايفين انه يستوي لها مضاعفات ،، ما اهتم لها كمل فتره ما يطلع من غرفته الا للمسيد ويرجع والكل ملاحظ بس ساكت الا امه وابوه اللي ما انتبهوا له ،، رن فونه وشاف رقم المستشفى رد بتعب : الو
الممرضه: اخ راشد ليت تتفضل معانا بسرررعه الأخت ثريا دخلت السادس ولازم نولدها بسرررعه ومحتاجة لعمليه وبدنا توقيعك.
قام بسرعه وهو يقول: ياي في درب..
طلع من البيت وحرك للمستشفى بسرعه..
كان تعبان وباين عليه التعب ،، ويسوق بسرعه جنونيه ،، اتصل باليازيه عشان تروح وياه وأول ما وصل عند اليازي وركبت عنده في سياره لفت عليه وانصدمت من شكله وويهه التعبان احترمت رغبته بالسكوت ووصلوا المستشفى وساروا عند العمليات دخل راشد وشاف ثريا تعبانه ،، ثريا تبتسم بتعب: الحمدلله اني شفتك كنت بقولك سامحني ي راشد ..
راشد يبتسم بتعب: ي حرمه ما صار الا الخير ،، وهذا مقدر ومكتوب ،، والحمدلله واللهم لا اعتراض على حكمته .
اليازيه وقفت عند الباب وشافت منظر راشد كيف يقطع القلب وشكله التعبان ،، مب راشد اللي عرفته ..
ثريا بتعب : راشد ترا يأ الوقت اللي تعرف فيه صدق ..
اليازيه فضلت تسمعهم بس من دون ما تدخل ،، سمعت ثريا تقول : راشد انا مب حامل منگ ..
الكل انصدم ورفع راشد راسه بصدمه على تكملت ثريا وهي تقول: هذا مب ولدك ،، وصاحت بانهيار وهي تقول هذا ولد حارس البناية اللي انا ساكنه فيها،، اتفقت معاه انه يمثل انه زوجي يروح ويرد عليه لين ما عرف اني حامل منه، ومن بعدها سافر وابعد عني ،، صحيح انك كنت بعيد عني بس لا تلومني كنت أبا شي يربط بيني وبينك حتى لو كان الولد ولدد حرام ،، ومثلت عليك بانه منك اوهمتك بانه ولدك ،، وانا كنت احط لك حبوب في الاكل والعصير عشان تسكر عقلك وتقربني من دون أراده منك ،، كنت اصورر كل شي فيديو صوت وصوره واطرشه لمهره عشان احرق قلبها فيك ،، عشان تكرهك لكن مافي مثلها صبرت عليك عشانها تحبك ،، لا تخسرها يا راشد ولا تخلي حبها لك يذبل ،، انعش قلبها بقربك وحبها لك وابعدها عن كل هالناس عشان ما تحب غيرك ،، ادري انى مجرمه وانى بلاقي عقاب وزياده بس تراه مب ولدك .
انصدم راشد باعترافها وبعد عنها بسرعه وشاف اليازي اللي كانت مصدومه بالكلام وحطت ايدها ع صدر اخوها وهي تقول: استهدى بالله حبيبي ،، عشان مهره انته لازم تطنش كل شي الحين لازم نرد مهره لك ..
راشد بتعب : مهره ،، انا خسرتها يا اليازيه ما اقدر ارد مهره لي ،،لانها كرهتني عقب اللي صار.
اليازيه دموعها تطيح وفي خاطرها تحمدالله الف مره انه مبارك طلع اعقل عنهم كلهم ورفض أي قرب من مهره وانها لازم تعالج غلطها قبل لا يصير بين مهره ومبارك شي رغم رفض مبارك وإصرار اليازيه عليه ..
راشد بندم قال: ليتج معترفه قبل لا اخسر مهره جان طلقتج لكن الحين حتى طلاقج بالنسبه لي ما عاد يفرق لاني رديت عزوبي لف عليها وهو يقول : انتي طالق طالق طالق يا ثريا .. وشكراً على اعترافج المتاخر وايد بالنسبة لي .. وطلع عنهم وطلعت اليازيه وياه وهي تمسح ع صدرها وتتعوذ من بليس..
ركبت السيارة وحطت ايدها على ظهره وقالت: بترد لك ..انسى فديتتك اللي صار..
راشد بتعب يطالعها: تعرفين انه من صار اللي صار بيني وبينها ما طلعت من البيت الا للمسيد بس الكل ملاحظ اني ما اظهر من الغرفه نهائياً يا اليازيه.
اليازيه تنهدت بتعب وهي تقول: الله قادر انه يرد شملكم مع بعض..
تنهد بتعب وبضيق قال: اذا ماخذوا مكاني بقلبها .
انصدمت اليازيه من تفكيره وقال راشد: عمرها ما تغيرت الا هالفتره ، وانا ادري ان عشاقها وايدين واذا عطتهم ويهه تفتكرين انها بتفكر براشد الخاين يا اليازيه.
اليازيه بضيقه قالت: مهره مب جي صدقنى اروحك بتشوف كل شي..
وصلوا بيتها وشاف الملحق اللي عدلته مهره وقال بتنهيده: خلصت اغراضها..
هزت اليازيه راسها ،، ونزلوا من سياره ...ودخلوا داخل والتعب كان باين على ويه راشد ...
اما مهره اتخذت قرار بينها وبين نفسها تبعد عن مبارك خلاص حست نفسها غبيه وهبله تربع وراه ردت لعقلها شويه وفكرت انها ترد تراجع حساباتها مع نفسها.. تسبحت وتلبست وطلعت وسارت بيت اليازيه بطلت الباب وانصدمت بوجود راشد ، بس اللي صدمها اكثر ان راشد مب معبرنها ويلعب بتلفونه تنهد بضيقه وقال لليازي : بروح فوق اريح ..
اليازيه بضيقه: سير فديتك وارتاح ي الغالي ..
قام عنهم وسار الغرفة شغل المكيف وعلق كندورته ع شماعه وانسدح عالشبريه وهو حاس بتعب فضيع بجسمه..
اما تحت اليازيه ومهره يالسين في صاله ،، وشهاب ومبارك توهم داخلين الصاله ومهره طنشت مبارك وهي تقول لليازيه: ليش راشد تعبان شو فيه .
اليازيه بضيقه : سكتي الله يخس اليوم اللي قلت بولف ببن قلوبكم انتوا الاثنين وهي تاشر ع مبارك وعلى مهره ،، مبارك رفع حوايبه وشهاب قال : ليش شو صار ..
اليازيه تقول لمهره: قسم بالله ان ما رديتي لراشد لا اعرفج ولا تعرفيني . انصدم مبارك من جملتها وشهاب قال: انزين شو صار فهمينا..
اليازيه :قالت لهم السالفه كلها ،، مبارك بعصبيه ويرص ع ضروسه قال: لا والله وانتي عكيفج تشرقين وتغربين بمهره ، مره عندي ومره عند اخويه انتي طلعي منها يا اليازيه وفكينا..
اليازيه بعصبيه: لا ما بفكك لاني انا يبت مهره لك ولازم انتوا الاثنين تنسون موضوع ارتباطكم
مهره ببرود: انزين انا ففكرت صراحه فيها وناويه ابعد بصراحه ماودي اخسر راشد ..
مبارك بعصبيه يوقف ويقول وهو رافع واحد من حياته مرفوع وثانى منزلنه: قسسسم بالله ي مهره تسمعين لليازيه شوفي شو بيصير ،، وانتى واشر لليازي طلعي من الموضوع لا والله يستوي شي ما يعيبكم ...
شهاب : اليازيه كيف نقنع مبارك يبعد انتى شفيج ناسيه ان نحن الاثنين اللي زيننا مهره في عينه زود ماهي كانت زاينه في عينه.
اليازي بضيق: بسس خلاص هذاك قبل بس الحين تغير الموضوع وراشد تعبان ومحتاج مهره عنده..
مهره بضيق : والله انا اللي المفروض الوم نفسي مالومكم انا اللي كلمته بالموضوع وقتله أباك ولا هو رافضني بس الحين هو مدخل في راسه موضوع الطلاق عشان يتقدم لي لكن بصراحه طول الفتره اللي طافت راشد ما غاب عن بالي ولا لحظه تولهت عليه اعترف اني غلطانه انا بعد في حقه يوم طلبت من مبارك يحبني عشان اطلق من راشد واخذه ،، لكن ماشوف نفسي في مبارك ابداً احس ان انا وراشد تعادلنا بالخيانه بس اللي يفرق ان مبارك عمره مالمسني ولا قرب مني يباني بالحلال عكس راشد وغلطته اللي ودتنا في داهيه ..
اليازيه تتنهد وبقهر وغصه: ياختي لا تلومين عمرج نحن بعد ملومين لأننا نحن زيناج في عينه لكن طلع اعقل عنا مالومه يوم يرفض كلامنا لانه هو ماخذ الموضوع بجديه يتريا طلاقج ماعمره فكر في وحده غيرج .
مهره بضيقه وقهر قالت: انا الغبيه اللي ربعت وراه ولا هو حليله محترم عمره وصاين حبي له في قلبه ومافضح عمره وفوق هذا وقف ويايه يوم تضاربت ويا راشد.
اليازيه تتنهد: فديته والله مبارك غير والله
مبارك بضيقه وعصبيه وهو يدخل عليهم: لا تينوني انتن اثنتين اللي ربعتن ورايه رغم رفضي للعلاقة هذي بكبرها لاني ادري براشد يحبها وما بيتنازل عنها بسهوله بس انا رفضت ادخل وياكن في العلاقه المشبوهه لين ما توصلون لحل مع راشد والحين كل وحده منكن صحى ضميرها وانبها يا سبحان الله ،وحده تبا ترد لريلها ،،وثانيه تبا تبري ذمتها وتريح ضميرها، ضحك بسخريه وصفق بيديه وهو يقول برافوووو والله اهنيكم على صحوة ضميركم المتاخر ، كمل كلامه بقهر انزين وانا ؟؟؟ كنت احتياط لج ،ورفع عينه وطالع اليازيه وهو يقول: نحن مب يالسين تحت رحمتج ولا يالسين على شورج قصري الشر وبعدي عن الموضوع احسن لج ي اليازيه ،، وانتي ويطالع مهره قومييي فزززي اباج بموضوع شوي .
مهره طالعته وقالت بضيق: انت ليش معصب ممكن تفهمني مبارك انا كنت تحت تاثير صدمه مب مدركة افعالي افهمني ماقدر اخليه اجذب على عمري اذا قلت
بترت جملتها على وقفة مبارك وهو يتقدم منها يمسك زندها وبحده وبغيض قال: لا والله وانا سبيل عندج يعني تمشيني على مزاجج.
مهره بلوم واحساس تانيب ضمير يأنبها على اللي سوته فيهم هو واخوه قالت بغصه: والله كنت هبله واعصابي تلفانه ومالقيت الا انته جدامي يوم شفت اهتمامك فيني وحبگ اللي يضخ من عيونگ ما قدرت انسى نظرتك اندفعت لك في هذاك الوقت لاني كنت محتاجة حد يطبطب عليه كنت في مزاج ما يسمح لي ارفض قربك .
مبارك انصدم من كلامها وتبريرها وقال بقهر وعصبيه : سمعي عاد لا انتي ولا غيرج يمشيني على مزاجه ،، تناقضج على نفسج مب عليه،، مشاعرج المخربطه يمين ويسار اللي مره تبيني انا ومرره تبين راشد ،، وما تعرفين نفسج شو تبين ، وتتبعين هوى نفسج ومشاعرج ظميانه،، من الحين اقولج انا مبارك مب راشد اللي راقد على اذنيه وما يعرف بشيء،، انا يوم تبين تبعدين عني حسبي لنفسسج الف حساب قبل لا تبعدين فهمتي ولالا،، ويوم بتقربين مني تاكدي من خطواتج وانتي تقربين مني ووازني نفسج فهمتي ولالا،، لاتضيعيني وياج وانتى مب عارفه لنفسج شو تبين ،، حددي موقفج ..تترا اذا في حد منا بيخسر انتي اللي بتخسرين مب انا فهمتي ولالا ودفرها على الكرسي ولف عنهم وراح لغرفته
شهاب بضيقه: ماعليه ي مهره تحملي كلنا نعرف مبارك زين ،، وعارفين انه ما بيخلينا في حالنا ،، وبيسوي لنا سالفه الحين اللي لازم تعرفونه ان نحن مجبورين نتحمل كل اللي يصير لانها نتايج غلطتنا نحن بعد اللي شجعناكم على شي هذا ،، ومبارك مب نفس راشد ،، وانتى فاهمه قصدي ،، مبارك ما دام انه قلبه دق واعلن نفسه لج الحين من صعب انج تردين لراشد، اففف ما فكرنا بكل هذا نحن ،، فكرنا بس كيف نولف بين قلوبكم..
مهره تنهدت بضيق وقالت: خلاص برايه لا تفكر في الموضوع وايد عارفه مصيري ويا مبارك صعب ينحل ،، ما توقعته جيه عبالي نفس راشد حبيب ومسالم ما توقعته جيه عصبي وجدي وما يتفاهم والغلطه عنده محسوبه بالعشر ولا يتفاهم.
يزوي : شو يعني افهم من كلامج انه مبارك ما بيخليج..
مهره بضيق تتنهد : انا اللي تسرعت والله وتعلقت في مبارك بس كنت غبيه ما كنت حاسبه ، حساب اللي بيصير ،، تنهدت بضيق مبارك صعب انه يترك علاقه دخلها او بالأحرى حياه هو دخلها وصنعها وأسسها، لكن اللي اقدر أقوله عسى ان راشد يتاكد من كلام ثريا لان كلامها غير منطقي عادي الولد يكون ولد راشد وتفلم عليه ان ولد الحارس الطب تطور اذا كان فعلاً ولده وثريا ما خانته ويا حارس العماره يقدر يعلنها لهلج في هالحاله اللي بيبت في الموضوع هم الاهل محد بيكون له يد وبالتالي لا مبارك بيقدر يتكلم ويعارض لانه ماله خص بالموضوع ولا انا بقرر بمزاجي وان شاء الله راشد يكون لين اليوم يباني
اليازيه بضيقه: الله المستعان
مهره تنهدت بضيق وسكتت ...
اما مبارك كان فالحجره قاعد يطالع تلفزيون ويفكر بكل شي صار اتصل بمهره وقالها تعالي ،، دقت الباب ودخلت يلست ع الكرسي بضيق وقالت : نعم
مبارك تنهد وهو يطالعها ورد يطالع تلفزيون وقال: شو قررتي ..
مهره بضيقه: ماعرف والله .. ودي ارد العين وارتاح عشان اعرف انا منو أبا ..
مبارك: غضنتي على راشد على اللي استواله،، ترا هاي حوباتج ترد عليه ..
مهره تتنهد: أستغفر الله يا مبارك لا تقول جي مب زين هذا اخوك.
مبارك: انا ما يبت شي من عندي، انتي لازم تراجعين حساباتج .
مهره : عطني وقت مبارك انته محد يفهم لك وانا غلطانه انى تسرعت ..
مبارك بعصبيه لف عليها وقال وهو رافع واحد من حياته: شووو ؟؟؟!،،، غلطانه؟!
مهره بتوتر وتسرع قالت: لا ما قصد غلطانه ،، اقصد يعنى تسرعت يوم تكلمت وياك كان المفروض انى احسب لكلامي الف حساب يوم أتكلم معاگ ..
مبارك يضحك وقال: هههه تعجبيني ي مهره ،، احب نظرة الخوف اللي في عيونج واحب نبرة صوتج الخايف.
مهره سكتت وبعد تردد قالت: لو قررت ارد لراشد وابعد عنك شو بتسوي فيني.
مبارك يطالعها ويرد يطالع تلفزيون وقال: بيوصلج الجواب عقب يوم تردين لراشد ..
مهره: ينخاف منك احس اني مب قادره أأمن نفسي وياك
مبارك: يوم تكونين حلالي ي مهره بتامنين على نفسج وزوود.
مهره تهدي نفسها بعدين قالت: كيف بتاخذني وانا يعني كنت حليلة اخوك.
مبارك: شو يعني ؟؟ عيب ولا حرام ؟!! ما شوف فيها شي!!، وايدين سووها خذوا طليقات اخوانهن الا انا يعني. تنهد بعدين طالع مهره وقال: شوفي اذا تحسين الفتره هذي تبين تواسين راشد وتكلمين وياه وتاخذين وتعطين وياه عشان انه كاسر خاطرج ولا لانج حبيتيه وعرفتي قدره.
مهره بضيقه: والله ما عرف يا مبارك انته متغير وايد عليه ، وانا احس اني ( كانت بتقول احب راشد واباه بس تنهدت وهي تقول) : عطني وقت افكر واشوف انا شو أبا راشد انا عنده غير واسوى عيونه وروحه انته يوم تعصب تتجاهلني و تحسسني اني ما اسوى شي عندك،، وغير هذا انا بنت عمك ،، وانته كل شي تزعل منه ،، بس راشد عمره ما زعلني دوم يدور رضايه وين ما يكون عمره ما باعني..
مبارك يتنهد : لازم ارص عليج ي مهره ولا ما بتاخذين موقف محايد بيني وبين اخويه،، وبعدين بقولج شي لف عليها وقال بحده وعينه في عينها: صيغة المقارنة ما حبها فهمتي ولالا ورفع واحد من حوايبه وقالت مهره بخوف : فهمت يا بوك فهمت !!
مبارك لف عنها وهو في ضحكه كاتمنها وقال بعصبيه: مب عايبنج كلامي..
مهره نقزت من الخوف وقالت: والله ي مبارك اني مب ضاريه على هالاسلوب منگ،، تكفى خف عليه شوي حاول تجاهل اللي صار بينا وخلنا نرد عيال عم ..
مبارك بحده: مهره ترا والله ان حسيت انج من ورايه تفكرين تردين لراشد او تحاولين انج تصلحين اللي بينج وبينه، لا تلوميني عقب على اللي بسويه ..
خافت مهره من كلام مبارك اكثر تنهدت بضيق ونزلت راسها وهي تقول: بسير برى ،، وقامت عنه وهي مضايقه من أسلوبه وطلعت من الحجره وهي تلوم نفسها اللي كان عازني ورازني بين ايديه ضيعته مني ،، واللي حبييته او حاولت اني احبه الحين قاعد يادبني ويراويني الويل تنهدت بضيق، وراحت صوب بيتها ..
عالمغرب في بيت بو حمد ..

البارت الرابع والعشرون:
:
شما كانت في بيت عمها يالسه ويا عمتها وامها يسولفون عن مواضيع الخطبه والعرس وغيره ..
ام حمد بضيقه: والله ي ام سعيد ان بغيتي صدق اني مب ناويه حمد يأخذ لطيفه ..
ام سعيد انصدمت وقالت: ليششش!!! عسى ما شر ..
ام حمد بضيقه: ماودي يأخذ مطلقه اباه ياخذًله بنت .
ام سعيد بضيقه بس ما حبت تبين قالت: بس بنتي بنت مب انه دخل عليها الا ملجة كانت بينهم وانفصلوا بس ما صار بينهم شي..
ام حمد بلوم وضيقه: ادري والله ي ختيه لكني ما باهم يقولون اني خذيت لولديه مطلقه
ام سعيد تتنهد: فالج طيب ي ختيه بقول للطيفه ..
ام حمد برتياح: يزاج الله خير انج تفهمتي الموضوع ..
ام سعيد تبتسم مجامله وشما قالت: بس عمتيه انا اسفه على الكلام اللي بقوله بس هذا اختيار حمد ويدري انها مطلقه وهو راضي ليش تدخلون انتوا؟! في حياته!!
ام حمد طالعتها وتوها بتتكلم قطع جوهم حمد داخل سلم وقعد عندهم .. شما طالعت حمد وقالت بغياض: مايد رد لطيفه ي حمد ..
طاح الفنيان من ايد حمد وطالعهم بصدمه وهو يرمش بلا إحساس ،، ام حمد وام سعيد تفاجوا من كلام شما بس ام حمد فهمت الحركة وتنهدت بضيق ،، اما حمد نش وسار فوق من دون تعليق اتصل على نايف وعمه ايوون البيت الحين وياهم لطيفه،، ام سعيد قالت: شو سويتي انتي ،، وشو يخصج بعدين نحن ما نباج تختصين بشي مالج خص فيه قومي من جدامي..
شما بقهر : والله ما حيد خواتي فيهن شي ،، ولا ينعابن والكل يتمناهن..
سكتت ام سعيد وام حمد قالت: الله يهديج ي شما ويصلحج ..
قامت شما عنهم وسارت بيتهم.. اما ام سعيد قالت بلوم وضيقه: م عليه يا ام حمد انا بكلم لطيفه وما يهمج ..
ام حمد تنهدت وسكتت..
بعد صلاة العشا وصلت ام مايد ومايد ولدها وعبدالله سلموا على اهل البيت ويسلوا يسولفون ..
ام مايد : وين ريلج ي عهود .
عهود : بيي الحين في بيت عمه .
نايف ولطيفه وامه وابوه كانوا في بيت عمهم يالسين ويا عمهم يتكلمون بموضوع لطيفه وحمد ..
نايف بقهر يكلم حرمة عمه: والله ي عمتي اختيه مافيها شي والف من يتمناها انتي ليش معارضه رغبه ولدج..
حمد معصب وساكت دخل عليهم راشد وسلم وقعد وقالت امه: والله ي بويه انا مب راضيه على حمد لو خذ لطيفه ،، صح لطيفه بنتنا والف من يتمناها بس ودي افرح بحمد ماخذ له شيخه البنات مب ماخذنها عشان خاطر عمه ولا عشان انها كاسره خاطره ،، اباه يكون راغب في البنت اللي بياخذها مب شفقه انصدمت لطوف من كلمة عمتها شفقه وسكتت ،، نايف بغيض قال: شووو شفقه الحمدلله ماعليها قاصر اختيه والف من يتمناها ،، تراكم خذتوا مهره لراشد ولا لطوف غير عن مهره..
عمته: مهره خذناها وهي راغبه في راشد وهو راغبنها..
نايف يضحك: ههههه راغبه فيه ،، متى مهره كانت راغبه في راشد ،، مهره كانت تضارب ويانا عشان ما نوافق وما نقنعها براشد بس شوفت عينج غصبا عن الكل خذاها راشد ،، حمد ولطوف شو قاصرنهم ما يكملون بعض ،، حمد اذا ماله خاطر في لطيفه يتكلم الحينه وشي هذا ما يزعل نحن نبا نحط النقاط على الحروف ..
ام حمد سكتت وقال حمد: انا ريال واعرف اللي يضرني من اللي يسرني ،، وانا ما يضرني لو اخترت اللي اباها انا بعيش هياها مب انتوا ..
سكتت ام حمد ونايف قال وهو في ضحكه كاتمنها يوم شاف مبارك داخل ،، مبارك سلم وقعد وقال: بلاكم جي طالعوني ..
ضحك راشد وقال نايف : انته من وين ياي ..
مبارك بضيقه: من بوظبي ..
نايف ضحك وقال لراشد: تعال صدق مهره وين ماشفناها..
ارتبك راشد وقال: عند اليازي والله عايبتنها القعده..
وشوي دخلت مهره واليازيه.. مهره سلمت عليهم كلهم وحضنت ابوها وهي ودها تصيح بس مسكت نفسها وقعدت بين ابوها ونايف اخوها وقالت ام حمد: بلاكن شو يايبنكن هالوقت ..
اليازيه بضيقه قالت: شدراني بعد ربج يابنا يا امايه..
أبو حمد: شفيكن ... شو مستوي عليكن ... مهره..
مهره رفعت عيونها لعمها وعمها قال: بلاها عيونج محمره ،، هزت راسها بلا ،، راشد انتبه على المسج اللي ياينه من مهره وفتحه شاف المسج اللي يثبت ان الولد ولده مع تطابق فحص دي ان أي وان ثريا قالت له هالكلام عشان يبعد عنها ويطلقها لانها شافت مافي فايده بقرب راشد منها وحبت تنهي حياتها معاه وتربي الولد بروحها ،، انصدم راشد وفج عيونه على وسعهن وطرش لمهره مسج وكتب: ماتت ولالا؟؟
ردت عليه مهره: لا حيه بس انها تعمدت تقول لك هالكلام لانك جرحتها بمعاملتها لك ،، لكن الولد ماله ذنب يعيش بعيد عنك لازم تعلن ثريا يا راشد ..
تنهد بضيق وقال: ليش تجذب عليه وتتبلى على نفسها..
مهره: لانها مالقت منك اهتمام ولا لقت منك قرب وعافيه..
راشد يكتب : لا حول ولا قوة الا بالله العلي العظييم .. يعني لازم اردها واسجل الولد باسمي ..
مهره حطت فيس متعجب وقالت: شو رايك انته مب ضناك هذا ؟! روح سمه وسجله باسمك..
راشد بضيق كتب: يعني خاسرنج خاسرنج صح ولالا..
مهره بضيق تكتب: م خسرت الجنه ان شاء الله ،، خلنا نشوف راي الاهل وبعدين لكل حادث حديث..
تنهد بضيق وهو يسكر المحادثة اللي بينهم وقال نايف بهمس : ها انتي بعد شو فيج رب ماشر ..
مهره سكتت ومارمست رفعت عيونها لراشد تقوله خلاص تكلم بس راشد ما طاع يتكلم جان تتكلم اليازيه وهي تقول : امايه وابويه بقول لكم شي ..
رفع عينه نايف ع راشد وشافه يطالع اليازي بحده ،، نقل نظره من راشد لين اليازيه وقالت اليازيه: لا تطالعني بتكلم خلاص الموضوع وصل حده لين منى نتم ساكتين ..
راشد بغيض وبصراخ: م يخصصصصج ...
نقزت لطووف من الخوف ومسكت في كندورة نايف وقال نايف: بسسسسس راشد اسكت ولا تتكلم وقال لليازيه: كملي اليازيه شو فخاطرج..
اليازيه من دون م طالع راشد قالت لبوها: راشد قبل ما يأخذ مهره ،، غلط غلطة عمره وعرس بالسر من دون محد يدري وما خبر حد ونحن درينا بصدفة وقال لنا انها غلطه عمره وانه كان مخطي وكان يبا يطلقها بس ما قدر يطلقها لان الحرمه شاله ولده في بطنها واليوم الحرمة ربت ويابت له ولد ..
انصدم الجميع بكلام اليازيه وقال بو سعيد بعصبيه: شوووو هالحاله اللي وصلنا لها هذي تطلق وهذي ريلها معرس قبلها ولا وحرمته يابت له ولد بعد اليوم ،، بناتي لعبه انا عندكم ولا مالي قدر عندكم ..
بو حمد كان مصدوم وقال لراشد : شووووو سوويت انته من صدقك سووييتها وكنت معرس..
راشد : لاااا جذابات انا ما سويها ،، انا ما اخلي مهره ولا اضايق مهره انا أصلا احبها ..
بو سعيد بعصبيه طالع نايف وقال بقهر : شل خواتك وسبقني عالبيت ولف ع ام سعيد وقال : روحي وياهم.. دام صمت بين الجميع لين ما نايف وخواته وامه ظهروا من بيت عمه الى بيتهم ،، بعدها تنهد بو سعيد وقال بعصبيه: راشد طلق مهره وتيييب ورقتها باجر ،، وانته ي حمد مالك بنت عندنا وطلع من بيت اخوه معصب وسار بيته دخل بيته وشاف نايف ومايد يتكلمون عن موضوع لطيفه ونايف كان معصب وقال بو سعيد: وانته بعد شو يايبنك بيتي طلاق وطلقت بنتي شو تبا بعد ..
مايد حس بانهم معصبين موضوع مهره صدم الكل والحين لطيفه حس في عمه وخالته وعيال خالته وقال بضيقه: انا استسمح منك ي عمي ومالي ويهه اقابلكم لكن لحظة شيطان..
عمه بعصبيه: خلاصصص بسسس ماريد اسمع كلام منكم انا حاليا تعبان وأريد ارتاح وسارغرفة النوم عشان يريح ..
اما مهره ولطوف فوق فالحجره وكل وحده في حالها تفكر ،، مهره انصدمت بطلاق لطيفه ،، ولطيفه انصدمت بخيانة راشد،، وكل وحده حاطه همها في قلبها وساكته ..
اما تحت ..
ام سعيد تكلم اختها: وهذا اللي صار ..
ام مايد: لا حول ولا قوة الا بالله العلي العظيم ..
مايد يكلم خالته: خالتي ارتاحي انتي الحين ويا عمي وان شاء الله من اصبح افلح ..
تنهدت بضيق وتعب وهي تقول: مقدر ومكتوب يا بويه الله يسر امورهن ويكتب لهن اللي فيه خير ..
عهود تطالع نايف اللي ضايق وحركت عيونها لاخوها بمعنى حس على دمك ترا اللي فيهم مكفيهم ،، نش نايف واقف وقال: بسير اريح انا تعبان.. وراح فوق وهو مخه شاغلنه على خواته...
دخل غرفته تنهد بعد ماخذ شهييييق طويييل وزفررره ،، دخل الحمام وتسبح وطلع لبس فانيله ووزار وعق عمره على شبريه مدد جسمه وتلحف ،، وتفكيره في خواته لهدرجة رياييلهن باعوهن استرخصوا خواتي وخلوهن ،، حس بالباب انفتح عدل جسمه وانسدح ورقد على ينبه اليمين وغمض عيونه يوهم عهود بانه راقد حس بلمستها على جسمه تجاهلها وبعد ايدها عنه تفاجأ بحضنها من ورى وقال بعصبيه وهو يدفرها: بعدي عني بروحي قرفان من اللي صار ..
مهره بضيقه: وانا من يلمنى
قام بعد ما سمع حس مهره وقال وهو يحضنها : اسسف ي عين اخوج اتحسبتج عهود ..
مهره وهي في حضنه: وشو ذنبها حرمتك ي حبيبي مالها ذنب..
نايف: حتى لو مالها ذنب مب طايقنها الحينه انا قاعد افكر فيكن خليها تووولي ..
مهره بضيقه: نايف تكفى لا تخلي ابويه يتخذ قرار غلط.
نايف يلمها: فديت عينج ي مهره م توقعت راشد يسويها فيج..
مهره تتنهد بضيقه: خلاص برايه اللي صار صار فديتك نحن عيال اليوم بس عمي وابويه لا يتقاطعون طلبتك..
نايف بضيقه يتنهد: صدقيني ي ختيه بحاول اسوي اللي اروم عليه لا تنسين ان انتى ولطوف يعني مب بس انتى ،، فلا تلومينه ابداً على أي قرار يتخذه ابويه تجاه ريالكن..
تنهدت بضيق وعلى ويهها شبه ابتسامه حضنته وقامت وهى تقول برايك نام حبيبي.
رد لها الابتسامه وهو يقول : تصبحين ع خير غناتى .
مهره: وانته من اهل الخير..
طلعت عنه وراحت غرفتها شافت لطيفه قاعده على الشبريه وتقرى قران تمنت لها التوفيق والتيسير واشغلت نفسها بالنوم بعد ما غلقت التلفون ..
اما في بيت بوحمد كانت الصدمه عليهم كبيره مب شويه ولدهم عنده ولد وحرمه ،، مبارك لعن يزوي لعان هو وحمد بسبة الكلام اللي قاله عمهم ،، أبو حمد قال: انته مب ريال ي راشد شو اللي سويته فينا وفي بنت عمك هذي اخرتها ..
راشد بضيق : لا تلومني ي بويه والله غلطه وندمان عليها..
بو حمد بقهر: وانا شو أقول لعمك الحين .
راشد بندم: والله ي بويه انها غلطه وتوبه اني اعيدها بس انا ما بطلق مهره اباها وهي تباني اصلاً.
بو حمد: والله لو ميته! عليگ عمك ما بيردها لك، اخويه واعرفه ما يرضى على بناته .
راشد بثقة: انته شو خسران ! خلنا نسير باجر ونسمع راي مهره ، لو ما تباني يابويه جان من زمان طلبت الطلاق ، من اول عرسنا مهره درت وساكته
بو حمد انصدم من كلام راشد ان مهره تعرف من زمان وساكته قال بقهر وضيقه : يوم هي راضيه شحقه عيل تتكلم اليازيه ومهره شكلها تعبانه...
راشد: لان اليوم ياني ولد ،، وتعرف عاد انته غيرة حريم ومهره خايفه من ردة فعل ابوها.
بو حمد تنهد بضيق وهو يقعد على الكرسي وقال بتعب: باجر بنسير نشوف عمك وبنشوف الوضع عنده كيف ...
اما عند اليازيه ومبارك فالغرفه..
مبارك بعصبيه: تصرفكن غلط انتن الهنتنين شو اللي سويتنه يعني الحين انا خسرت مهره وحمد خسر لطيفه انتن شفيكن ما تفكرن على طول تتكلمن في شي ما يعنيكن ما تحسبن حساب للي بيصير ..
اليازيه بقهر: مقهوووره انته ما شفت مهره كيف انهارت وتمت تصيح وتعبت حتى ما كلت شي عقب ما عرفت ان صدق الولد ولد راشد مب مثل ما قالت ثريا انها متفقه ويا حارس العمارة..
مبارك بقهر: بلعنه تلعنها ،،انا ما همتني ثريا ،، انا تهمني مهره وانتي تعرفين ها شي ،، و مهره تعرف انها حرمته وتعرف انها حامل ليش بعد هالتمثيل شو هالحركة السخيفه منكن..
اليازي بصبر وطولة بال: مبارك الحرمه وصلت حدها ،، لانها تخاف تبدأ تقارن بينك وبينه وهي ما تبا توصل هالمرحلة ، هي فضلت انهم يحسمون الموضوع اليوم ما تبا الموضوع بزيد عن حده
مبارك بضيقة وعصبيه: ويعني الحركة اللي سويتنها فيها فايدة ،، ماشوف منها أي فايده اوووف منكن غبيات تتصرفن بطفوله وطالعها بطرف عينه وفر عليها ريمووت تلفزيون وقال بحده : والله اذا عمي اتخذ قرار وما عيبني قراره شوفي انتي ومهره شو بسوي فيكن وطلع عنها ورقع الباب بقوو ..
اما اليازيه تالمت من ضربته وقالت في خاطرها مجبورين والله لان مهره تبا راشد اليوم قبل باجر كلتها الغيره لكن الخوف من عمي
بعد مرور شهر كامل وهدت الأوضاع بين بو حمد وبو سعيد ،، وعطوا البنات فرصه يفكرن وبو سعيد اللي طلب شهر كامل عشان ما يضغط على بناته ،، اما راشد ياب ثريا وحطها في قسمه وسمى ولده حمد على عمه عشان يرضيه لكن بروده ويا ثريا زرع نوع من الغيره في قلبها ،، اما اليازيه فكانت تتواصل مع مهره وقعدت بيت ابوها ما دام ان بطي وشهاب راحوا أمريكا ووديمه وحمدان ردوا بيتهم،، مهره ما تبا طلاق لانها تحبه مثل ما يحبها لكن ابوها اللي رافض رجعتها لراشد ،، سعيد والريم وصلوا من أسبوع واليوم مسوين لهم عزيمه كبيره على وصولهم ،، عهود ونايف مبتعد عنها هالفتره هو يرقد بغرفه وهي ترقد بغرفه ،، اما لطيفه ومايد حاول انه يرجعها ع ذمته بس هي اللي رفضت وماطاعت ترد له للأسباب خاصه فيها ،، حمد متمسك بالطيفه وقدر يقنع امه عقب اللي صار ويا راشد انهم يخطبون له لطيفه والفرحة مب شالتنه،، سالم بدا يتناسى وديمه وحبه لها ،، عبدالله يفكر بمهره وان اللي صار لها غريب وغير متوقع ،، سلامه خلصت امتحاناتها وعدى الكورس على خير ونست موضوع عوض وخطبته لها،، العنود بدت تغير طلعاتها وتعرفت على بنات في سناب وقامت ترمس معاهم وتكون علاقات معاهن ،، عهود مضايقنها أسلوب نايف بس خلته على كيفه ،، سعيد صحيح انصدم بلي صار واستوى بينه وبين مايد حده فالكلام بس نايف حاول انه يخفف بينهم ...
بعد مرور شهر واسبوعين من الاحداث أعلاه بوسعيد فضل ان مهره تعيش عنده في البيت ورافض رجوعها لراشد باتاتاً ،،، حمد ولطيفه ما زال عمه مب مقتنع بانه يعطيها لحمد وفضل انهم ياجلون الكلام لوقت ثاني رغم صعوبة موافقة عمه ،، مبارك احتار وايد بموضوعه واكثر شي حيره رفض عمه لقربهم ونسبهم سواءً من حمد او راشد اللي لازال يبا مهره ويحارب عشانها ،،، راشد حاول يقرب الولد من اهله لكنهم رافضين مرته والولد الا انه سلامه تمسك الولد وهي مصدومة من فعلت راشد اللي ما حسبة لها حساب وماتوقعت راشد يسويها
:
:
في الحديقه وع جو العصر والسما مغيمه وتراكم السحب يبشر بهطول امطار الخير رفعت عيونها وهي تبتسم للمنظر وكأن ربي يواسيها بضيقتها قطع عليها صوت اخوها نايف : شو عندها الحلوه قاعده بروحها ..
ابتسمت بمتنان وهي تلف صوبه: ولاشي يا الغالي قاعده في هالجو العليل اللي يرد الروح .
تضايق من شاف عيونها مب غتير عنج يا لطيفه اشوف الضيق في عيونج نطق بعد مالمح رجفة يدها : فيج شي ..
ابتسمت بهدوء: لا بس الجو بارد وايد
سكت خايف تنهار صروحه قدام لطيفه وعيونها رفض ابوه ومرة عمه ماتبا حمد يأخذ لطيفه سكت اتعبته الشهور اللي مرت هدوء لطيفه غير وشرود ذهنها وعدم صفاءه غير فيها شي بس ما تبا تتكلم...
دام صمت لين يت مهره وهي تقول لنايف : نايف حد كلمك بخصوص الموضوع ...
نايف رفع عينه وطالعها وقال: بخصوص موضوع طلاقج
تنهدت وازفرت بضيق بنعم رد عليها وهو يهز راسه برفض راحت عنهم وهي متضايقه بعكس لطيفه اللي ملتزمه صمت وخايفه من الحقيقه لو عرفوها بتطيح من عينهم كلهم ...
قطع حبل افكارها نايف بضيق قال: عادي تقومين تبدلين اغراضج أبا اروح وياج شوي ..
طالعته وبعدها شتت نظرها عنه وهي تقول : لا قدبتك مابا اطلع انا ودي اقعد مع نفسي شوي ..
نايف يشل نظارته وسويج السياره وقام واقف وقال: دقيقتين يا لطيفه وانتي عندي في سياره بعد هالدقيقتين راح يصير كلام ثاني اذا ماييتي ...
هزت راسها بقل حيله وتنهدت بضيق وهي تشوف مقفاه يبعد عنها لسياره ودها ترتمي بحضنه وتبكي وتقوله عن كل شي بس ماودها تخرب ع عهود اللي مالها ذنب ومجافنها بلا سبب ...
دخلت داخل الصاله وشافت عهود تطالعهم من دريشه الصاله ابتسمت بضيق وهي تشوفها تروح فوق تنهدت بملل وقعدت مع نفسها نايف هالفتره وايد مطنشنها وهي ما تلومه تعرف لطيفه بالنسبه لنايف شو !!
عند نايف في سيارة لف ع دقت الجامه لف وفتح جامة سياره وهو يقول : مرحبا بولد العم
حمد بضيق وهو يشوف تعب ع عيونه همس بضيق: اللي فيك من لطيفه
هز راسه بضيق وعينه عالباب اللي طلعت منه اخته وقال حمد وهو يركب السياره : انزين اقنع عمي ترا راشد غير وحمد غير
نايف بضيق وهو يشوف لطيفه قربت: يصير خير بس انا ماباك تتكلم بأي شي يخص الموضوع حاليا واشر ع لطيفه شوف حالتها وارحمها لف حمد يطالعها وتنهد بضيق نزل من سياره وتفاجىءً بشهقتها وهي تشوفه نازل من سياره وواقف قدامها بضبط ...
ابتسمت وسلمت: كيف الحال يا ولد العم..
ابتسم بضيق وهو يحس انه مخنوق هز راسه بالإيجاب وهو يشوفها تتجاوزه وتركب عند نايف طلع من بيت عمه وتوجه لبيتهم وهو يزفر بضيق ...
:
:
:
اما عند مهره كانت قاعده خاري وتسولف ويا عهود اللي ابدا مب وياها ومنشغله بريلها وتغيره اتنهدت بضيق مهره وهي تقول: افا يا عهود جي مسوي بج نايف شارده عقلا وقلباً
تنهدت بضيق وبخنقه جاوبت: يا بنت الحلال متى بيفهم ان انا مالي ذنب بلي صار ليش يحملني ذنب لطيفه انا قلت لمايد يطلقها ...
تنهدت مهره بتعب: يعني الحين بذمتج تطلق وهي بنت ابرك من انها تطلق وهي مب بنت وعقب تبتلش بنفسها ...
تنهدت بضيق وصدت عنها وهي تمسح دمعه تسربت من عينها لفت ع صوت المطر اللي انهمر بقوووه وهي تشوف مهره اللي تضحك بوناسه وقالت بقهر وهي طالع مهره: انتي مب ضايقه من موضوعج ويا راشد ....
مهره تتكلم بضيق: اكيد مضايقني بس شو تبيني اسوي مب بيدي الموضوع بيد ابويه حتى ما خلاني اروح بيت اليازي رتبت قسمي ببلاش ضحكت عهود غصبا عنها من تعابير مهره اللي تسوي حركات بوييها بمعنى مالت عليه مالي حظً...
نست شوي او تناست همها وانشغلت بمهره ...
:
:
:
في بيت بو راشد ...
كانوا مجتمعين بو راشد وراشد وبو سعيد وحمد بخصوص موضوع مهره وراشد واحتد الكلام بين راشد وعمه ووانهى النقاش عمه وهو يقول: حرام ماترد لمهره يا راشد ولا تروح ريحتها عقب سواتك طلقها ما دامنا ع بر
ولا تراني بروح المحكمة وبتبدا بينا المحاكم يا ولد اخويه
تنهد بضيق وهو ماله حيله هز راسه بضيق يعلن استسلامه قدام غضب عمه وقال بضيق وقهر: باحر ورقتها عندها وقام واقف وطلع برى البيت ..
اما بو سعيد وقف وهو يقول: عيل ما دام انهينا الموضوع انا اترخص عنكم
بو راشد: سمحلي ياخوي حقك عليه ..
بو سعيد يبتسم بضيق : ماعليه ياخويه طايش باجر يكبر ويعرف كيف يرتب أولوياته...
حمد سحب نفس عميق وقال: عمي انا....
قطع عليه عمه وهو يرفع ايده يسكته: لا تكمل يا حمد انسوا بناتي عشان دوم علاقتي باخويه والسموحه منكم وانا اترخص طلع عنهم ويلس حمد بضيق حس انه مخنوق عبرته وصلت يوفه وده يعبر عن كبته وضيقته ويطلعها لكنه فضل الكتم شاف نظرات ابوه اللي تعبر له عن عجزه وماقدر يسوي له شي طلع وراح غرفته ..
:
عند سعيد والريم كانوا قاعدين ويسولفون بضحك نطق سعيد: تصدقين الريم احس اني مراهق بقربج رغم اني كبرة وايد على المراهقه لكني من أكون عندج اشوف نفسي شخص ثاني ..
ابتسمت بخجل وهي تقول : فديت روحك لا تحرجني
نطق باهتمام وحب: ان يبت ولد بسميه حمد وان يبت بنت بسميها المها ولا الدماني ..
ضحكت باحراج وبعدت عنه وهي تقول: الحمدلله ما تاثرت علاقتنا بلي صار للطوف ومايد ..
سعيد بقهر: مايد مينون حد عنده لطوف ويفرط فيها ..
الريم : هيه والله صدقك ذهبه اختك محد يفرط فيها ...
ابتسم سعيد وحاول يتناسى الموضوع ما يبا يضايق عمره مهما كان الريم مالها ذنب بلي صار ...
:
في البحر وتحديداً ع كراسي شاطيء قاعدين عدال بعض ونظرهم ع البحر وكل واحد تفكيره مشتت لف عليها نايف بعد تنهيده وقال: لطوف حزنج شو بيحل من الموضوع
طالعته وهي تقول: ادري ما بيحل شي بس مب بيدي شي ترا ابويه رفض حمد
نايف كمل وهو يقول: ادري بس انا اقصد ليش لبستي ثوب الحزن ترا ما يليق عليج راح مايد بي غيره حمد مالله كاتب وياه نصيب لاسباب غير معروفه والله لكنه العلم عند الله واكيد فيه خيره لكن بي نصيبج وعند اللي أخير عنهم كلهم لا تزعلين انتي لا بكبيره عشان نقول محد بييج ولا انج انتي عانس او ناقصنج شي ترا ربي كملج بعقل والدين يا لطيفه ...
شاحت بويهها الصوب الثاني ما تبا تطلع ضعفها أي كمال تتكلم عنه يا نايف وفقدت اعز ما تملكه البنت ومحد يعرف بها الموضوع ابدا الا حمد ولكنها خيره صحت ع صوته الحاني : لطيفه يميه خلاص لا تعذبين عمرج واهدي ووعد مني لا ازوجج اللي يسواهم كلهم ...
طالعته بصدمه وهي تقول: نايف شفيك انا مب ميته عالعرس ولا مشفوحه انا مصدومه بس من اللي صار ما توقعت يصير كل هذا ...
ابتسم وهو يلف ايده حول كتوفها ويقربها منه زود : علهم يسدون عوقج باجر ياخذج شيخهم كلهم وتقولين نايف قال....
ضحكت بخجل وهي تتامل السما والبحر والسكوترات المائيه والناس اللي يلعبون بها واللي يمشي ع شاطيء واللي مع زوجته وباين انهم شهر عسل واللي مع عياله وعايلته ...
لطيفه بهدوء غير معتاد : نايف ..
لف عليها بلهفه وهو يقول : لبيه يا عيون نايف ...
لطوف بضيقه: ممكن تنشغل بحياتك وتنسى اللي صار بيني وبين مايد ترا ...
قاطعها بحده وهو يقول: انسسسي هالموضوع تراني مب متقبل فكرة انها تعرف بطلاقج قبلي وماتقولي خايفه ع علاقتنا ماتستمر ليش ما تفكر بردة فعلنا وليش ما تقكر فينا ليش فكرة بنفسها وبس وبحده وغيض قال خلاص لا عاد تفاتحيني بالموضوع ماريد اعكر مزاجي ...
تنهدت بصمت وسكتت وهي تفكر لو يعرفون اني مب بنت وش بيصير ...
:
:
:
بعد مرور يوم من الاحداث أعلاه ،، في بيت بو راشد الصبح الساعه ٩ ونص في صاله كلهم يتريقون مع بعض نزلت سلامه وقعدت عدال حمد اللي ملاحظه انه تعبان ومسودات عيونه من تحت وبدت تاكل بصمت وهي تراقب تحركاته ونطق بو راشد وهو يشوف راشد داخل عليهم قاله: وين من صباح الله خير غابش غريبه ماحيدك تنش الفير ..
بصوت ضايق والمخنوق قال: رحت المحكمة اخلص الموضوع وزفر بضيق ..
عطاه نظره حارقه وقال: تستاهل من سواة ايدك انته حتى من سواتك السودا خربت على اخوك وياشر ع حمد كيف تعبان وهو يقول شوف حالته لا رمنا نلين راس عمك ولا رمنا نشل البنت من راسه ..
قام حمد من مكانه وهو يقول : اكرمكم الله وطلع من البيت ..
ضاق ابوه من هالحالة اللي وصل لها حمد ونطقت ام حمد: عنبوه وهو ما تعلق الا في مطلقه
سلامه: امي حرام عليج مالها ذنب لطيفه تبقى بنت عمنا وتطلقت وهي بنت بعده مادخل عليها مب معرسه يعني مازالت بنت بس مادري وشو اللي مغيرنج عليها...
ام حمد: بنت ولا مب بنت ماباها لولديه يأخذ مطلقه عنبوه يبدا حياته بوحده مطلقه ..
طالعها بو راشد بطرف عينه وقال: تراها بنت اخويه ومارضى عليها ...
سكتت وهي تشوف عيالها واحد ورى ثانى يتدهور حالته راشد ملتزم الصمت وساكت وماعلق ع كلامهم وسلامه قامت من ع ريوق وسارت قعدت عدال أمها تحاول تهدي الوضع اللي بينهم نطق ابوها وهو يقول: سلامه البارحه اتصل بي ريال يباج ع سنة الله ورسوله وبييب هله زهبي عمرج ..
انصدمت سلامه من سرعة عوض وجديته بالموضوع ..
راشد كان يشوف الواتس اب ودخل ع محادثة مهره وشاف ان اخر ظهور لها من كم يوم انصدم توقع ان مهره بتكون اون لاين وبيكلمها وبيسولف وياها يبا يعرف ردة فعلها بعد ما تعرف بموضوع طلاق متالم قلبه وايد صدق يوم قال غلطه وادفع ثمنها ما كان جذب...
:
:
:
اما قدام البيت كان واقف قدام سيارته وعينه على حديقة بيت عمه وده يلمحها او يشوفها من بعيد تنهد بضيق بعد ما شاف نايف يطلع من البيت ويركب سيارته حتى علاقته بعيال عمه تدمرت ًرفع عينه على بلكونة البيت وشاف سعيد قاعد ع الكراسي مع حرمته وفالنها مايدري ليش ضاق صدره اكثر ،، حس بالعجز وده يشرد ويا لطيفه ويعوضها عن كل شي هالرقيقه الناعمه ما تستاهل الا كل خير حس بالقهر بانه واقف عاجز عن كل شي مب قادر يساعد لطيفه حتى في لحظة ضعفها تنهد بتعب وركب سيارته وحركها …
:
بعد مرور أسبوع .. اليوم بيوون اهل عوض يخطبون سلامه رسمي لعوض والخطبه كانت بين الاهل بس وطبعا ام حمد زقرت ام سعيد وبناتها عشان يحضرون الخطبه ..
حضرن مهره وشما اما لطيفه تعذرت بانها تعبانه وحضرن الريم وعهود
في بيت بو حمد
في صاله اللي تحت كانن شما ومهره واليازيه يقربون بالعرب ويحطون من الفواله نزلت ثريا وسلمت عليهم وقعدت وهي طالع شما ومهره ودها تعرف أي وحده مهره لفت على اليازي وهي تقول: أي وحده مهره
تنهدت اليازيه بضيق وهي تقول: هذا اللي يهمج الحين تعرفين منو مهره خلاص شوتبينها راشد الحين لج اشبعي فيه بروحج وراحت عنها صوب شما وكملن ترتيب الفواله اما مهره كانت تلف عليهن بصينية الحلاوه لين وصلت عند ثريا وقالت ببتسامه : تفضلي
ابتسمت ثريا ومدت يدها وخذت حلاوه وهي تقول: مشكوره يا… الا صح شو اسمج
ابتسمت مهره وقالت بشبه ضحكه: مهره طليقة ريلج وراحت عنها حطت صينيه على طاوله واتجهت للحريم وقعدت ..
اما ثريا انجلطت وهي تمسك الحلاوه بقوه والصدمه باينه في ويهها الحين هذي مهره تمت تطالع مهره اللي كانت لابسه دريس ماسك على الجسم بلون البنفسجي فيه كرستالات لؤلؤيه على منطقة الخصرورافعها شعرها النعيم كامل ومنزله خصلات منه على ويهها ولابسه عقدها الألماس اللي على بياضها عاطنها طله جميله والكعب لؤلوي ..
انجلطت بقهر الحين هذي اللي في قلبه تاففت بضجر ومن بعدها حست ان الأنظار توجهت لها فبتسمت مجامله ..
اما اليازيه كانت لابسه مغربي نيلي بحزامه وفاتحه شعرها اللي يوصل لين تحت ظهرها بشوي ..
شما لابسه مخوره فيها فصوص والحلج ٧ ولونها برتقالي مع ابيض خفيفي ومفيره شعرها اللي يوصل لين كتوفها ..
:
ام عوض تبتسم: عيل عروسنا وين ما شفناها
ام راشد تبتسم: الحين بتنزل ولفت ولقت في ويهها مهره وقالت : قومي مهروه فديتج شوفي بنت عمج وخليها تنزل
مهروه وهي توقف وتبتسم لعمتها: ان شاء الله
طلعت مهره ع الدري وام عوض قالت: مهره بنتج ؟
ام راشد تتنهد: كلهن بناتي فديتج ان كانن من بطني ولا من بطن ام سعيد ..
ابتسمت ام عوض: ربي يحفظهن الا مهره مخطوبه ؟!
انصدم الكل من الجمله اللي انطقت ووضح توتر عليهم جاوبت ام حمد: لا مهره مطلقه
انصدمت ام عوض وانخطف ويهها وهي تقول: سبحان الله يوم يقولون الزين ما يكمل الله يعوضها يارب
ردوا الجميع: امين ،، وثريا تفور من الغيضض ..
اما فوق دخلت مهره غرفة سلامه وابتسمت باعجاب: واااو شعليج يا الغاليه طالعه مزيييونه …
سلامه بتوتر: مهروه وايد حريم تحت ؟
مهروه تبتسم وتحط يدها على كتوفها : لا فديتج بس امه وعمته وخواته الكبار ٢ ونحن بس محد غريب …
خذت شهيق عميق وهي تغمض عيونها: حلوه مهروه؟
طالعتها باعجاب وهي تقول: تاخذين العقل يلا قومي وياي لا تاخرينهم زوود..
قامت سلامه وهي تشوف نفسها في المرايه كانت لابسه فستان بيبي بنك ماسك على جسمها وناعم مافيه شغل كثير ومخليه شعرها مبطل وميكبها الهادي والجميل ونزلوا تحت وسلامه خطفت تسلم عليهم وهي متوتره من نظراتهم..
عمة عوض: ما شاء الله ربي يحفظج
ام راشد : امين …
ام عوض شافتها عاديه وناعمه توقعتها بيضا بس طلعت سمرا تبسمت بالغصب وهي تقول: الله يحفظها
ام عوض تطالع بسلامه وترد تطالع مهره ابتسمت وسمعت بنتها الكبيره تقول: حلوه وناعمه وهذا أختياره وتوكلوا على الله ..
ابتسمت أمها وهي تقول: على بركة الله …
ابتسموا الحريم وخلوا باقي الأمور على الرياييل .
: ففي ميلس الرياييل ..
كان عوض يالس يبتسم ومتوتر ضحك عليه هزاع اخوه وهو يقول : هههه بلاك انته تبوسم كل شوي فضحتنا ترا جنك قاعد تسوي دعايا اسنان ..
ابتسم مبارك اللي سمع كلام هزاع وقال: يا ريال خله متوتر ..
ابتسم هزاع وهو ينقل نظره بين الجميع..
نايف وسعيد كانوا قاعدين بين الحضور ويسولفون بخفيف مع حمد اللي حالته الصحية دمرت اكثر من نفسيه ونايف يحاول يقنعه بشتى طرق ان هذا باب وانسد عليهم وان ابوه ما بيغير رايه …
بعد ما تمت الخطبه حمد بضيق: انا بسير ادوخ برى وعقب بيي ..
هز راسه نايف بضيق وهو يشوفه يطلع ..
:
في الحديقة قاعد ع طاوله ويدوخ لفت انتباهه بيت عمه تنهد بضيق وهو يشوف لية الغرفه اللي قباله منور شكلها في البيت وماحضرت الخطبه ماحس بعمره ابدا الا وهو يزفر بضيق شو يسوي كيف يقنع عمه …
:
عند لطوف بعد ما استشورت شعرها طلعت من الغرفه وبندت الليت قعدت في صاله تشوف التلفزيون سمعت صوت الجرس واستغربت من بيي هالوقت نزلت تبا تفتح الباب لقت الخدامه قبلها فاتحه الباب وداخله عليهم خالتها ومايد وسالم انصدمت من وجودهم في هالوقت المتاخر سلمت على خالتها وقربت فيها سلمت على سالم وتجاهلت مايد اللي سلم عليها وردت عليه من دون ما تشوفه وقالت للبشكاره تسوي لهم قهوه ورجعت عندهم الصاله وهي تقول: خالتي فديتج شو يايبكم هالوقت حد فيه شي ..
ضحكت خالتها وهي تقول: لا فديتج بس كنا يايين من دبي لين العين سرنا سووق خذينا اغراضنا وقلنا بنلف نسلم عليكم ..
لطوف تبتسم: مرحبا بكم والله من سرتوا لين وصلتوا ..
خالتها: وين امج؟؟ ماشوفها؟
لطوف تصب لها قهوه وتمد لخالتها: والله بيت عمي عندهم خطوبه ..
خالتها تأخذ الفنيان: ما شاء الله بيخطبون سلامه …
لطوف تبتسم: هيه فديتج …
خالتها: ما شاء الله … منو خاطبنها ..
ضحكت لطوف شو تقول دكتورنا في الجامعه حاولت تمسك ضحكتها بس ما قدرت قالت خالتها: ليش تضحكين ..
جاوبت لطوف البارت الرابع والعشرون:
:
شما كانت في بيت عمها يالسه ويا عمتها وامها يسولفون عن مواضيع الخطبه والعرس وغيره ..
ام حمد بضيقه: والله ي ام سعيد ان بغيتي صدق اني مب ناويه حمد يأخذ لطيفه ..
ام سعيد انصدمت وقالت: ليششش!!! عسى ما شر ..
ام حمد بضيقه: ماودي يأخذ مطلقه اباه ياخذًله بنت .
ام سعيد بضيقه بس ما حبت تبين قالت: بس بنتي بنت مب انه دخل عليها الا ملجة كانت بينهم وانفصلوا بس ما صار بينهم شي..
ام حمد بلوم وضيقه: ادري والله ي ختيه لكني ما باهم يقولون اني خذيت لولديه مطلقه
ام سعيد تتنهد: فالج طيب ي ختيه بقول للطيفه ..
ام حمد برتياح: يزاج الله خير انج تفهمتي الموضوع ..
ام سعيد تبتسم مجامله وشما قالت: بس عمتيه انا اسفه على الكلام اللي بقوله بس هذا اختيار حمد ويدري انها مطلقه وهو راضي ليش تدخلون انتوا؟! في حياته!!
ام حمد طالعتها وتوها بتتكلم قطع جوهم حمد داخل سلم وقعد عندهم .. شما طالعت حمد وقالت بغياض: مايد رد لطيفه ي حمد ..
طاح الفنيان من ايد حمد وطالعهم بصدمه وهو يرمش بلا إحساس ،، ام حمد وام سعيد تفاجوا من كلام شما بس ام حمد فهمت الحركة وتنهدت بضيق ،، اما حمد نش وسار فوق من دون تعليق اتصل على نايف وعمه ايوون البيت الحين وياهم لطيفه،، ام سعيد قالت: شو سويتي انتي ،، وشو يخصج بعدين نحن ما نباج تختصين بشي مالج خص فيه قومي من جدامي..
شما بقهر : والله ما حيد خواتي فيهن شي ،، ولا ينعابن والكل يتمناهن..
سكتت ام سعيد وام حمد قالت: الله يهديج ي شما ويصلحج ..
قامت شما عنهم وسارت بيتهم.. اما ام سعيد قالت بلوم وضيقه: م عليه يا ام حمد انا بكلم لطيفه وما يهمج ..
ام حمد تنهدت وسكتت..
بعد صلاة العشا وصلت ام مايد ومايد ولدها وعبدالله سلموا على اهل البيت ويسلوا يسولفون ..
ام مايد : وين ريلج ي عهود .
عهود : بيي الحين في بيت عمه .
نايف ولطيفه وامه وابوه كانوا في بيت عمهم يالسين ويا عمهم يتكلمون بموضوع لطيفه وحمد ..
نايف بقهر يكلم حرمة عمه: والله ي عمتي اختيه مافيها شي والف من يتمناها انتي ليش معارضه رغبه ولدج..
حمد معصب وساكت دخل عليهم راشد وسلم وقعد وقالت امه: والله ي بويه انا مب راضيه على حمد لو خذ لطيفه ،، صح لطيفه بنتنا والف من يتمناها بس ودي افرح بحمد ماخذ له شيخه البنات مب ماخذنها عشان خاطر عمه ولا عشان انها كاسره خاطره ،، اباه يكون راغب في البنت اللي بياخذها مب شفقه انصدمت لطوف من كلمة عمتها شفقه وسكتت ،، نايف بغيض قال: شووو شفقه الحمدلله ماعليها قاصر اختيه والف من يتمناها ،، تراكم خذتوا مهره لراشد ولا لطوف غير عن مهره..
عمته: مهره خذناها وهي راغبه في راشد وهو راغبنها..
نايف يضحك: ههههه راغبه فيه ،، متى مهره كانت راغبه في راشد ،، مهره كانت تضارب ويانا عشان ما نوافق وما نقنعها براشد بس شوفت عينج غصبا عن الكل خذاها راشد ،، حمد ولطوف شو قاصرنهم ما يكملون بعض ،، حمد اذا ماله خاطر في لطيفه يتكلم الحينه وشي هذا ما يزعل نحن نبا نحط النقاط على الحروف ..
ام حمد سكتت وقال حمد: انا ريال واعرف اللي يضرني من اللي يسرني ،، وانا ما يضرني لو اخترت اللي اباها انا بعيش هياها مب انتوا ..
سكتت ام حمد ونايف قال وهو في ضحكه كاتمنها يوم شاف مبارك داخل ،، مبارك سلم وقعد وقال: بلاكم جي طالعوني ..
ضحك راشد وقال نايف : انته من وين ياي ..
مبارك بضيقه: من بوظبي ..
نايف ضحك وقال لراشد: تعال صدق مهره وين ماشفناها..
ارتبك راشد وقال: عند اليازي والله عايبتنها القعده..
وشوي دخلت مهره واليازيه.. مهره سلمت عليهم كلهم وحضنت ابوها وهي ودها تصيح بس مسكت نفسها وقعدت بين ابوها ونايف اخوها وقالت ام حمد: بلاكن شو يايبنكن هالوقت ..
اليازيه بضيقه قالت: شدراني بعد ربج يابنا يا امايه..
أبو حمد: شفيكن ... شو مستوي عليكن ... مهره..
مهره رفعت عيونها لعمها وعمها قال: بلاها عيونج محمره ،، هزت راسها بلا ،، راشد انتبه على المسج اللي ياينه من مهره وفتحه شاف المسج اللي يثبت ان الولد ولده مع تطابق فحص دي ان أي وان ثريا قالت له هالكلام عشان يبعد عنها ويطلقها لانها شافت مافي فايده بقرب راشد منها وحبت تنهي حياتها معاه وتربي الولد بروحها ،، انصدم راشد وفج عيونه على وسعهن وطرش لمهره مسج وكتب: ماتت ولالا؟؟
ردت عليه مهره: لا حيه بس انها تعمدت تقول لك هالكلام لانك جرحتها بمعاملتها لك ،، لكن الولد ماله ذنب يعيش بعيد عنك لازم تعلن ثريا يا راشد ..
تنهد بضيق وقال: ليش تجذب عليه وتتبلى على نفسها..
مهره: لانها مالقت منك اهتمام ولا لقت منك قرب وعافيه..
راشد يكتب : لا حول ولا قوة الا بالله العلي العظييم .. يعني لازم اردها واسجل الولد باسمي ..
مهره حطت فيس متعجب وقالت: شو رايك انته مب ضناك هذا ؟! روح سمه وسجله باسمك..
راشد بضيق كتب: يعني خاسرنج خاسرنج صح ولالا..
مهره بضيق تكتب: م خسرت الجنه ان شاء الله ،، خلنا نشوف راي الاهل وبعدين لكل حادث حديث..
تنهد بضيق وهو يسكر المحادثة اللي بينهم وقال نايف بهمس : ها انتي بعد شو فيج رب ماشر ..
مهره سكتت ومارمست رفعت عيونها لراشد تقوله خلاص تكلم بس راشد ما طاع يتكلم جان تتكلم اليازيه وهي تقول : امايه وابويه بقول لكم شي ..
رفع عينه نايف ع راشد وشافه يطالع اليازي بحده ،، نقل نظره من راشد لين اليازيه وقالت اليازيه: لا تطالعني بتكلم خلاص الموضوع وصل حده لين منى نتم ساكتين ..
راشد بغيض وبصراخ: م يخصصصصج ...
نقزت لطووف من الخوف ومسكت في كندورة نايف وقال نايف: بسسسسس راشد اسكت ولا تتكلم وقال لليازيه: كملي اليازيه شو فخاطرج..
اليازيه من دون م طالع راشد قالت لبوها: راشد قبل ما يأخذ مهره ،، غلط غلطة عمره وعرس بالسر من دون محد يدري وما خبر حد ونحن درينا بصدفة وقال لنا انها غلطه عمره وانه كان مخطي وكان يبا يطلقها بس ما قدر يطلقها لان الحرمه شاله ولده في بطنها واليوم الحرمة ربت ويابت له ولد ..
انصدم الجميع بكلام اليازيه وقال بو سعيد بعصبيه: شوووو هالحاله اللي وصلنا لها هذي تطلق وهذي ريلها معرس قبلها ولا وحرمته يابت له ولد بعد اليوم ،، بناتي لعبه انا عندكم ولا مالي قدر عندكم ..
بو حمد كان مصدوم وقال لراشد : شووووو سوويت انته من صدقك سووييتها وكنت معرس..
راشد : لاااا جذابات انا ما سويها ،، انا ما اخلي مهره ولا اضايق مهره انا أصلا احبها ..
بو سعيد بعصبيه طالع نايف وقال بقهر : شل خواتك وسبقني عالبيت ولف ع ام سعيد وقال : روحي وياهم.. دام صمت بين الجميع لين ما نايف وخواته وامه ظهروا من بيت عمه الى بيتهم ،، بعدها تنهد بو سعيد وقال بعصبيه: راشد طلق مهره وتيييب ورقتها باجر ،، وانته ي حمد مالك بنت عندنا وطلع من بيت اخوه معصب وسار بيته دخل بيته وشاف نايف ومايد يتكلمون عن موضوع لطيفه ونايف كان معصب وقال بو سعيد: وانته بعد شو يايبنك بيتي طلاق وطلقت بنتي شو تبا بعد ..
مايد حس بانهم معصبين موضوع مهره صدم الكل والحين لطيفه حس في عمه وخالته وعيال خالته وقال بضيقه: انا استسمح منك ي عمي ومالي ويهه اقابلكم لكن لحظة شيطان..
عمه بعصبيه: خلاصصص بسسس ماريد اسمع كلام منكم انا حاليا تعبان وأريد ارتاح وسارغرفة النوم عشان يريح ..
اما مهره ولطوف فوق فالحجره وكل وحده في حالها تفكر ،، مهره انصدمت بطلاق لطيفه ،، ولطيفه انصدمت بخيانة راشد،، وكل وحده حاطه همها في قلبها وساكته ..
اما تحت ..
ام سعيد تكلم اختها: وهذا اللي صار ..
ام مايد: لا حول ولا قوة الا بالله العلي العظيم ..
مايد يكلم خالته: خالتي ارتاحي انتي الحين ويا عمي وان شاء الله من اصبح افلح ..
تنهدت بضيق وتعب وهي تقول: مقدر ومكتوب يا بويه الله يسر امورهن ويكتب لهن اللي فيه خير ..
عهود تطالع نايف اللي ضايق وحركت عيونها لاخوها بمعنى حس على دمك ترا اللي فيهم مكفيهم ،، نش نايف واقف وقال: بسير اريح انا تعبان.. وراح فوق وهو مخه شاغلنه على خواته...
دخل غرفته تنهد بعد ماخذ شهييييق طويييل وزفررره ،، دخل الحمام وتسبح وطلع لبس فانيله ووزار وعق عمره على شبريه مدد جسمه وتلحف ،، وتفكيره في خواته لهدرجة رياييلهن باعوهن استرخصوا خواتي وخلوهن ،، حس بالباب انفتح عدل جسمه وانسدح ورقد على ينبه اليمين وغمض عيونه يوهم عهود بانه راقد حس بلمستها على جسمه تجاهلها وبعد ايدها عنه تفاجأ بحضنها من ورى وقال بعصبيه وهو يدفرها: بعدي عني بروحي قرفان من اللي صار ..
مهره بضيقه: وانا من يلمنى
قام بعد ما سمع حس مهره وقال وهو يحضنها : اسسف ي عين اخوج اتحسبتج عهود ..
مهره وهي في حضنه: وشو ذنبها حرمتك ي حبيبي مالها ذنب..
نايف: حتى لو مالها ذنب مب طايقنها الحينه انا قاعد افكر فيكن خليها تووولي ..
مهره بضيقه: نايف تكفى لا تخلي ابويه يتخذ قرار غلط.
نايف يلمها: فديت عينج ي مهره م توقعت راشد يسويها فيج..
مهره تتنهد بضيقه: خلاص برايه اللي صار صار فديتك نحن عيال اليوم بس عمي وابويه لا يتقاطعون طلبتك..
نايف بضيقه يتنهد: صدقيني ي ختيه بحاول اسوي اللي اروم عليه لا تنسين ان انتى ولطوف يعني مب بس انتى ،، فلا تلومينه ابداً على أي قرار يتخذه ابويه تجاه ريالكن..
تنهدت بضيق وعلى ويهها شبه ابتسامه حضنته وقامت وهى تقول برايك نام حبيبي.
رد لها الابتسامه وهو يقول : تصبحين ع خير غناتى .
مهره: وانته من اهل الخير..
طلعت عنه وراحت غرفتها شافت لطيفه قاعده على الشبريه وتقرى قران تمنت لها التوفيق والتيسير واشغلت نفسها بالنوم بعد ما غلقت التلفون ..
اما في بيت بوحمد كانت الصدمه عليهم كبيره مب شويه ولدهم عنده ولد وحرمه ،، مبارك لعن يزوي لعان هو وحمد بسبة الكلام اللي قاله عمهم ،، أبو حمد قال: انته مب ريال ي راشد شو اللي سويته فينا وفي بنت عمك هذي اخرتها ..
راشد بضيق : لا تلومني ي بويه والله غلطه وندمان عليها..
بو حمد بقهر: وانا شو أقول لعمك الحين .
راشد بندم: والله ي بويه انها غلطه وتوبه اني اعيدها بس انا ما بطلق مهره اباها وهي تباني اصلاً.
بو حمد: والله لو ميته! عليگ عمك ما بيردها لك، اخويه واعرفه ما يرضى على بناته .
راشد بثقة: انته شو خسران ! خلنا نسير باجر ونسمع راي مهره ، لو ما تباني يابويه جان من زمان طلبت الطلاق ، من اول عرسنا مهره درت وساكته
بو حمد انصدم من كلام راشد ان مهره تعرف من زمان وساكته قال بقهر وضيقه : يوم هي راضيه شحقه عيل تتكلم اليازيه ومهره شكلها تعبانه...
راشد: لان اليوم ياني ولد ،، وتعرف عاد انته غيرة حريم ومهره خايفه من ردة فعل ابوها.
بو حمد تنهد بضيق وهو يقعد على الكرسي وقال بتعب: باجر بنسير نشوف عمك وبنشوف الوضع عنده كيف ...
اما عند اليازيه ومبارك فالغرفه..
مبارك بعصبيه: تصرفكن غلط انتن الهنتنين شو اللي سويتنه يعني الحين انا خسرت مهره وحمد خسر لطيفه انتن شفيكن ما تفكرن على طول تتكلمن في شي ما يعنيكن ما تحسبن حساب للي بيصير ..
اليازيه بقهر: مقهوووره انته ما شفت مهره كيف انهارت وتمت تصيح وتعبت حتى ما كلت شي عقب ما عرفت ان صدق الولد ولد راشد مب مثل ما قالت ثريا انها متفقه ويا حارس العمارة..
مبارك بقهر: بلعنه تلعنها ،،انا ما همتني ثريا ،، انا تهمني مهره وانتي تعرفين ها شي ،، و مهره تعرف انها حرمته وتعرف انها حامل ليش بعد هالتمثيل شو هالحركة السخيفه منكن..
اليازي بصبر وطولة بال: مبارك الحرمه وصلت حدها ،، لانها تخاف تبدأ تقارن بينك وبينه وهي ما تبا توصل هالمرحلة ، هي فضلت انهم يحسمون الموضوع اليوم ما تبا الموضوع بزيد عن حده
مبارك بضيقة وعصبيه: ويعني الحركة اللي سويتنها فيها فايدة ،، ماشوف منها أي فايده اوووف منكن غبيات تتصرفن بطفوله وطالعها بطرف عينه وفر عليها ريمووت تلفزيون وقال بحده : والله اذا عمي اتخذ قرار وما عيبني قراره شوفي انتي ومهره شو بسوي فيكن وطلع عنها ورقع الباب بقوو ..
اما اليازيه تالمت من ضربته وقالت في خاطرها مجبورين والله لان مهره تبا راشد اليوم قبل باجر كلتها الغيره لكن الخوف من عمي
بعد مرور شهر كامل وهدت الأوضاع بين بو حمد وبو سعيد ،، وعطوا البنات فرصه يفكرن وبو سعيد اللي طلب شهر كامل عشان ما يضغط على بناته ،، اما راشد ياب ثريا وحطها في قسمه وسمى ولده حمد على عمه عشان يرضيه لكن بروده ويا ثريا زرع نوع من الغيره في قلبها ،، اما اليازيه فكانت تتواصل مع مهره وقعدت بيت ابوها ما دام ان بطي وشهاب راحوا أمريكا ووديمه وحمدان ردوا بيتهم،، مهره ما تبا طلاق لانها تحبه مثل ما يحبها لكن ابوها اللي رافض رجعتها لراشد ،، سعيد والريم وصلوا من أسبوع واليوم مسوين لهم عزيمه كبيره على وصولهم ،، عهود ونايف مبتعد عنها هالفتره هو يرقد بغرفه وهي ترقد بغرفه ،، اما لطيفه ومايد حاول انه يرجعها ع ذمته بس هي اللي رفضت وماطاعت ترد له للأسباب خاصه فيها ،، حمد متمسك بالطيفه وقدر يقنع امه عقب اللي صار ويا راشد انهم يخطبون له لطيفه والفرحة مب شالتنه،، سالم بدا يتناسى وديمه وحبه لها ،، عبدالله يفكر بمهره وان اللي صار لها غريب وغير متوقع ،، سلامه خلصت امتحاناتها وعدى الكورس على خير ونست موضوع عوض وخطبته لها،، العنود بدت تغير طلعاتها وتعرفت على بنات في سناب وقامت ترمس معاهم وتكون علاقات معاهن ،، عهود مضايقنها أسلوب نايف بس خلته على كيفه ،، سعيد صحيح انصدم بلي صار واستوى بينه وبين مايد حده فالكلام بس نايف حاول انه يخفف بينهم ...
بعد مرور شهر واسبوعين من الاحداث أعلاه بوسعيد فضل ان مهره تعيش عنده في البيت ورافض رجوعها لراشد باتاتاً ،،، حمد ولطيفه ما زال عمه مب مقتنع بانه يعطيها لحمد وفضل انهم ياجلون الكلام لوقت ثاني رغم صعوبة موافقة عمه ،، مبارك احتار وايد بموضوعه واكثر شي حيره رفض عمه لقربهم ونسبهم سواءً من حمد او راشد اللي لازال يبا مهره ويحارب عشانها ،،، راشد حاول يقرب الولد من اهله لكنهم رافضين مرته والولد الا انه سلامه تمسك الولد وهي مصدومة من فعلت راشد اللي ما حسبة لها حساب وماتوقعت راشد يسويها
:
:
في الحديقه وع جو العصر والسما مغيمه وتراكم السحب يبشر بهطول امطار الخير رفعت عيونها وهي تبتسم للمنظر وكأن ربي يواسيها بضيقتها قطع عليها صوت اخوها نايف : شو عندها الحلوه قاعده بروحها ..
ابتسمت بمتنان وهي تلف صوبه: ولاشي يا الغالي قاعده في هالجو العليل اللي يرد الروح .
تضايق من شاف عيونها مب غتير عنج يا لطيفه اشوف الضيق في عيونج نطق بعد مالمح رجفة يدها : فيج شي ..
ابتسمت بهدوء: لا بس الجو بارد وايد
سكت خايف تنهار صروحه قدام لطيفه وعيونها رفض ابوه ومرة عمه ماتبا حمد يأخذ لطيفه سكت اتعبته الشهور اللي مرت هدوء لطيفه غير وشرود ذهنها وعدم صفاءه غير فيها شي بس ما تبا تتكلم...
دام صمت لين يت مهره وهي تقول لنايف : نايف حد كلمك بخصوص الموضوع ...
نايف رفع عينه وطالعها وقال: بخصوص موضوع طلاقج
تنهدت وازفرت بضيق بنعم رد عليها وهو يهز راسه برفض راحت عنهم وهي متضايقه بعكس لطيفه اللي ملتزمه صمت وخايفه من الحقيقه لو عرفوها بتطيح من عينهم كلهم ...
قطع حبل افكارها نايف بضيق قال: عادي تقومين تبدلين اغراضج أبا اروح وياج شوي ..
طالعته وبعدها شتت نظرها عنه وهي تقول : لا قدبتك مابا اطلع انا ودي اقعد مع نفسي شوي ..
نايف يشل نظارته وسويج السياره وقام واقف وقال: دقيقتين يا لطيفه وانتي عندي في سياره بعد هالدقيقتين راح يصير كلام ثاني اذا ماييتي ...
هزت راسها بقل حيله وتنهدت بضيق وهي تشوف مقفاه يبعد عنها لسياره ودها ترتمي بحضنه وتبكي وتقوله عن كل شي بس ماودها تخرب ع عهود اللي مالها ذنب ومجافنها بلا سبب ...
دخلت داخل الصاله وشافت عهود تطالعهم من دريشه الصاله ابتسمت بضيق وهي تشوفها تروح فوق تنهدت بملل وقعدت مع نفسها نايف هالفتره وايد مطنشنها وهي ما تلومه تعرف لطيفه بالنسبه لنايف شو !!
عند نايف في سيارة لف ع دقت الجامه لف وفتح جامة سياره وهو يقول : مرحبا بولد العم
حمد بضيق وهو يشوف تعب ع عيونه همس بضيق: اللي فيك من لطيفه
هز راسه بضيق وعينه عالباب اللي طلعت منه اخته وقال حمد وهو يركب السياره : انزين اقنع عمي ترا راشد غير وحمد غير
نايف بضيق وهو يشوف لطيفه قربت: يصير خير بس انا ماباك تتكلم بأي شي يخص الموضوع حاليا واشر ع لطيفه شوف حالتها وارحمها لف حمد يطالعها وتنهد بضيق نزل من سياره وتفاجىءً بشهقتها وهي تشوفه نازل من سياره وواقف قدامها بضبط ...
ابتسمت وسلمت: كيف الحال يا ولد العم..
ابتسم بضيق وهو يحس انه مخنوق هز راسه بالإيجاب وهو يشوفها تتجاوزه وتركب عند نايف طلع من بيت عمه وتوجه لبيتهم وهو يزفر بضيق ...
:
:
:
اما عند مهره كانت قاعده خاري وتسولف ويا عهود اللي ابدا مب وياها ومنشغله بريلها وتغيره اتنهدت بضيق مهره وهي تقول: افا يا عهود جي مسوي بج نايف شارده عقلا وقلباً
تنهدت بضيق وبخنقه جاوبت: يا بنت الحلال متى بيفهم ان انا مالي ذنب بلي صار ليش يحملني ذنب لطيفه انا قلت لمايد يطلقها ...
تنهدت مهره بتعب: يعني الحين بذمتج تطلق وهي بنت ابرك من انها تطلق وهي مب بنت وعقب تبتلش بنفسها ...
تنهدت بضيق وصدت عنها وهي تمسح دمعه تسربت من عينها لفت ع صوت المطر اللي انهمر بقوووه وهي تشوف مهره اللي تضحك بوناسه وقالت بقهر وهي طالع مهره: انتي مب ضايقه من موضوعج ويا راشد ....
مهره تتكلم بضيق: اكيد مضايقني بس شو تبيني اسوي مب بيدي الموضوع بيد ابويه حتى ما خلاني اروح بيت اليازي رتبت قسمي ببلاش ضحكت عهود غصبا عنها من تعابير مهره اللي تسوي حركات بوييها بمعنى مالت عليه مالي حظً...
نست شوي او تناست همها وانشغلت بمهره ...
:
:
:
في بيت بو راشد ...
كانوا مجتمعين بو راشد وراشد وبو سعيد وحمد بخصوص موضوع مهره وراشد واحتد الكلام بين راشد وعمه ووانهى النقاش عمه وهو يقول: حرام ماترد لمهره يا راشد ولا تروح ريحتها عقب سواتك طلقها ما دامنا ع بر
ولا تراني بروح المحكمة وبتبدا بينا المحاكم يا ولد اخويه
تنهد بضيق وهو ماله حيله هز راسه بضيق يعلن استسلامه قدام غضب عمه وقال بضيق وقهر: باحر ورقتها عندها وقام واقف وطلع برى البيت ..
اما بو سعيد وقف وهو يقول: عيل ما دام انهينا الموضوع انا اترخص عنكم
بو راشد: سمحلي ياخوي حقك عليه ..
بو سعيد يبتسم بضيق : ماعليه ياخويه طايش باجر يكبر ويعرف كيف يرتب أولوياته...
حمد سحب نفس عميق وقال: عمي انا....
قطع عليه عمه وهو يرفع ايده يسكته: لا تكمل يا حمد انسوا بناتي عشان دوم علاقتي باخويه والسموحه منكم وانا اترخص طلع عنهم ويلس حمد بضيق حس انه مخنوق عبرته وصلت يوفه وده يعبر عن كبته وضيقته ويطلعها لكنه فضل الكتم شاف نظرات ابوه اللي تعبر له عن عجزه وماقدر يسوي له شي طلع وراح غرفته ..
:
عند سعيد والريم كانوا قاعدين ويسولفون بضحك نطق سعيد: تصدقين الريم احس اني مراهق بقربج رغم اني كبرة وايد على المراهقه لكني من أكون عندج اشوف نفسي شخص ثاني ..
ابتسمت بخجل وهي تقول : فديت روحك لا تحرجني
نطق باهتمام وحب: ان يبت ولد بسميه حمد وان يبت بنت بسميها المها ولا الدماني ..
ضحكت باحراج وبعدت عنه وهي تقول: الحمدلله ما تاثرت علاقتنا بلي صار للطوف ومايد ..
سعيد بقهر: مايد مينون حد عنده لطوف ويفرط فيها ..
الريم : هيه والله صدقك ذهبه اختك محد يفرط فيها ...
ابتسم سعيد وحاول يتناسى الموضوع ما يبا يضايق عمره مهما كان الريم مالها ذنب بلي صار ...
:
في البحر وتحديداً ع كراسي شاطيء قاعدين عدال بعض ونظرهم ع البحر وكل واحد تفكيره مشتت لف عليها نايف بعد تنهيده وقال: لطوف حزنج شو بيحل من الموضوع
طالعته وهي تقول: ادري ما بيحل شي بس مب بيدي شي ترا ابويه رفض حمد
نايف كمل وهو يقول: ادري بس انا اقصد ليش لبستي ثوب الحزن ترا ما يليق عليج راح مايد بي غيره حمد مالله كاتب وياه نصيب لاسباب غير معروفه والله لكنه العلم عند الله واكيد فيه خيره لكن بي نصيبج وعند اللي أخير عنهم كلهم لا تزعلين انتي لا بكبيره عشان نقول محد بييج ولا انج انتي عانس او ناقصنج شي ترا ربي كملج بعقل والدين يا لطيفه ...
شاحت بويهها الصوب الثاني ما تبا تطلع ضعفها أي كمال تتكلم عنه يا نايف وفقدت اعز ما تملكه البنت ومحد يعرف بها الموضوع ابدا الا حمد ولكنها خيره صحت ع صوته الحاني : لطيفه يميه خلاص لا تعذبين عمرج واهدي ووعد مني لا ازوجج اللي يسواهم كلهم ...
طالعته بصدمه وهي تقول: نايف شفيك انا مب ميته عالعرس ولا مشفوحه انا مصدومه بس من اللي صار ما توقعت يصير كل هذا ...
ابتسم وهو يلف ايده حول كتوفها ويقربها منه زود : علهم يسدون عوقج باجر ياخذج شيخهم كلهم وتقولين نايف قال....
ضحكت بخجل وهي تتامل السما والبحر والسكوترات المائيه والناس اللي يلعبون بها واللي يمشي ع شاطيء واللي مع زوجته وباين انهم شهر عسل واللي مع عياله وعايلته ...
لطيفه بهدوء غير معتاد : نايف ..
لف عليها بلهفه وهو يقول : لبيه يا عيون نايف ...
لطوف بضيقه: ممكن تنشغل بحياتك وتنسى اللي صار بيني وبين مايد ترا ...
قاطعها بحده وهو يقول: انسسسي هالموضوع تراني مب متقبل فكرة انها تعرف بطلاقج قبلي وماتقولي خايفه ع علاقتنا ماتستمر ليش ما تفكر بردة فعلنا وليش ما تقكر فينا ليش فكرة بنفسها وبس وبحده وغيض قال خلاص لا عاد تفاتحيني بالموضوع ماريد اعكر مزاجي ...
تنهدت بصمت وسكتت وهي تفكر لو يعرفون اني مب بنت وش بيصير ...
:
:
:
بعد مرور يوم من الاحداث أعلاه ،، في بيت بو راشد الصبح الساعه ٩ ونص في صاله كلهم يتريقون مع بعض نزلت سلامه وقعدت عدال حمد اللي ملاحظه انه تعبان ومسودات عيونه من تحت وبدت تاكل بصمت وهي تراقب تحركاته ونطق بو راشد وهو يشوف راشد داخل عليهم قاله: وين من صباح الله خير غابش غريبه ماحيدك تنش الفير ..
بصوت ضايق والمخنوق قال: رحت المحكمة اخلص الموضوع وزفر بضيق ..
عطاه نظره حارقه وقال: تستاهل من سواة ايدك انته حتى من سواتك السودا خربت على اخوك وياشر ع حمد كيف تعبان وهو يقول شوف حالته لا رمنا نلين راس عمك ولا رمنا نشل البنت من راسه ..
قام حمد من مكانه وهو يقول : اكرمكم الله وطلع من البيت ..
ضاق ابوه من هالحالة اللي وصل لها حمد ونطقت ام حمد: عنبوه وهو ما تعلق الا في مطلقه
سلامه: امي حرام عليج مالها ذنب لطيفه تبقى بنت عمنا وتطلقت وهي بنت بعده مادخل عليها مب معرسه يعني مازالت بنت بس مادري وشو اللي مغيرنج عليها...
ام حمد: بنت ولا مب بنت ماباها لولديه يأخذ مطلقه عنبوه يبدا حياته بوحده مطلقه ..
طالعها بو راشد بطرف عينه وقال: تراها بنت اخويه ومارضى عليها ...
سكتت وهي تشوف عيالها واحد ورى ثانى يتدهور حالته راشد ملتزم الصمت وساكت وماعلق ع كلامهم وسلامه قامت من ع ريوق وسارت قعدت عدال أمها تحاول تهدي الوضع اللي بينهم نطق ابوها وهو يقول: سلامه البارحه اتصل بي ريال يباج ع سنة الله ورسوله وبييب هله زهبي عمرج ..
انصدمت سلامه من سرعة عوض وجديته بالموضوع ..
راشد كان يشوف الواتس اب ودخل ع محادثة مهره وشاف ان اخر ظهور لها من كم يوم انصدم توقع ان مهره بتكون اون لاين وبيكلمها وبيسولف وياها يبا يعرف ردة فعلها بعد ما تعرف بموضوع طلاق متالم قلبه وايد صدق يوم قال غلطه وادفع ثمنها ما كان جذب...
:
:
:
اما قدام البيت كان واقف قدام سيارته وعينه على حديقة بيت عمه وده يلمحها او يشوفها من بعيد تنهد بضيق بعد ما شاف نايف يطلع من البيت ويركب سيارته حتى علاقته بعيال عمه تدمرت ًرفع عينه على بلكونة البيت وشاف سعيد قاعد ع الكراسي مع حرمته وفالنها مايدري ليش ضاق صدره اكثر ،، حس بالعجز وده يشرد ويا لطيفه ويعوضها عن كل شي هالرقيقه الناعمه ما تستاهل الا كل خير حس بالقهر بانه واقف عاجز عن كل شي مب قادر يساعد لطيفه حتى في لحظة ضعفها تنهد بتعب وركب سيارته وحركها …
:
بعد مرور أسبوع .. اليوم بيوون اهل عوض يخطبون سلامه رسمي لعوض والخطبه كانت بين الاهل بس وطبعا ام حمد زقرت ام سعيد وبناتها عشان يحضرون الخطبه ..
حضرن مهره وشما اما لطيفه تعذرت بانها تعبانه وحضرن الريم وعهود
في بيت بو حمد
في صاله اللي تحت كانن شما ومهره واليازيه يقربون بالعرب ويحطون من الفواله نزلت ثريا وسلمت عليهم وقعدت وهي طالع شما ومهره ودها تعرف أي وحده مهره لفت على اليازي وهي تقول: أي وحده مهره
تنهدت اليازيه بضيق وهي تقول: هذا اللي يهمج الحين تعرفين منو مهره خلاص شوتبينها راشد الحين لج اشبعي فيه بروحج وراحت عنها صوب شما وكملن ترتيب الفواله اما مهره كانت تلف عليهن بصينية الحلاوه لين وصلت عند ثريا وقالت ببتسامه : تفضلي
ابتسمت ثريا ومدت يدها وخذت حلاوه وهي تقول: مشكوره يا… الا صح شو اسمج
ابتسمت مهره وقالت بشبه ضحكه: مهره طليقة ريلج وراحت عنها حطت صينيه على طاوله واتجهت للحريم وقعدت ..
اما ثريا انجلطت وهي تمسك الحلاوه بقوه والصدمه باينه في ويهها الحين هذي مهره تمت تطالع مهره اللي كانت لابسه دريس ماسك على الجسم بلون البنفسجي فيه كرستالات لؤلؤيه على منطقة الخصرورافعها شعرها النعيم كامل ومنزله خصلات منه على ويهها ولابسه عقدها الألماس اللي على بياضها عاطنها طله جميله والكعب لؤلوي ..
انجلطت بقهر الحين هذي اللي في قلبه تاففت بضجر ومن بعدها حست ان الأنظار توجهت لها فبتسمت مجامله ..
اما اليازيه كانت لابسه مغربي نيلي بحزامه وفاتحه شعرها اللي يوصل لين تحت ظهرها بشوي ..
شما لابسه مخوره فيها فصوص والحلج ٧ ولونها برتقالي مع ابيض خفيفي ومفيره شعرها اللي يوصل لين كتوفها ..
:
ام عوض تبتسم: عيل عروسنا وين ما شفناها
ام راشد تبتسم: الحين بتنزل ولفت ولقت في ويهها مهره وقالت : قومي مهروه فديتج شوفي بنت عمج وخليها تنزل
مهروه وهي توقف وتبتسم لعمتها: ان شاء الله
طلعت مهره ع الدري وام عوض قالت: مهره بنتج ؟
ام راشد تتنهد: كلهن بناتي فديتج ان كانن من بطني ولا من بطن ام سعيد ..
ابتسمت ام عوض: ربي يحفظهن الا مهره مخطوبه ؟!
انصدم الكل من الجمله اللي انطقت ووضح توتر عليهم جاوبت ام حمد: لا مهره مطلقه
انصدمت ام عوض وانخطف ويهها وهي تقول: سبحان الله يوم يقولون الزين ما يكمل الله يعوضها يارب
ردوا الجميع: امين ،، وثريا تفور من الغيضض ..
اما فوق دخلت مهره غرفة سلامه وابتسمت باعجاب: واااو شعليج يا الغاليه طالعه مزيييونه …
سلامه بتوتر: مهروه وايد حريم تحت ؟
مهروه تبتسم وتحط يدها على كتوفها : لا فديتج بس امه وعمته وخواته الكبار ٢ ونحن بس محد غريب …
خذت شهيق عميق وهي تغمض عيونها: حلوه مهروه؟
طالعتها باعجاب وهي تقول: تاخذين العقل يلا قومي وياي لا تاخرينهم زوود..
قامت سلامه وهي تشوف نفسها في المرايه كانت لابسه فستان بيبي بنك ماسك على جسمها وناعم مافيه شغل كثير ومخليه شعرها مبطل وميكبها الهادي والجميل ونزلوا تحت وسلامه خطفت تسلم عليهم وهي متوتره من نظراتهم..
عمة عوض: ما شاء الله ربي يحفظج
ام راشد : امين …
ام عوض شافتها عاديه وناعمه توقعتها بيضا بس طلعت سمرا تبسمت بالغصب وهي تقول: الله يحفظها
ام عوض تطالع بسلامه وترد تطالع مهره ابتسمت وسمعت بنتها الكبيره تقول: حلوه وناعمه وهذا أختياره وتوكلوا على الله ..
ابتسمت أمها وهي تقول: على بركة الله …
ابتسموا الحريم وخلوا باقي الأمور على الرياييل .
: ففي ميلس الرياييل ..
كان عوض يالس يبتسم ومتوتر ضحك عليه هزاع اخوه وهو يقول : هههه بلاك انته تبوسم كل شوي فضحتنا ترا جنك قاعد تسوي دعايا اسنان ..
ابتسم مبارك اللي سمع كلام هزاع وقال: يا ريال خله متوتر ..
ابتسم هزاع وهو ينقل نظره بين الجميع..
نايف وسعيد كانوا قاعدين بين الحضور ويسولفون بخفيف مع حمد اللي حالته الصحية دمرت اكثر من نفسيه ونايف يحاول يقنعه بشتى طرق ان هذا باب وانسد عليهم وان ابوه ما بيغير رايه …
بعد ما تمت الخطبه حمد بضيق: انا بسير ادوخ برى وعقب بيي ..
هز راسه نايف بضيق وهو يشوفه يطلع ..
:
في الحديقة قاعد ع طاوله ويدوخ لفت انتباهه بيت عمه تنهد بضيق وهو يشوف لية الغرفه اللي قباله منور شكلها في البيت وماحضرت الخطبه ماحس بعمره ابدا الا وهو يزفر بضيق شو يسوي كيف يقنع عمه …
:
عند لطوف بعد ما استشورت شعرها طلعت من الغرفه وبندت الليت قعدت في صاله تشوف التلفزيون سمعت صوت الجرس واستغربت من بيي هالوقت نزلت تبا تفتح الباب لقت الخدامه قبلها فاتحه الباب وداخله عليهم خالتها ومايد وسالم انصدمت من وجودهم في هالوقت المتاخر سلمت على خالتها وقربت فيها سلمت على سالم وتجاهلت مايد اللي سلم عليها وردت عليه من دون ما تشوفه وقالت للبشكاره تسوي لهم قهوه ورجعت عندهم الصاله وهي تقول: خالتي فديتج شو يايبكم هالوقت حد فيه شي ..
ضحكت خالتها وهي تقول: لا فديتج بس كنا يايين من دبي لين العين سرنا سووق خذينا اغراضنا وقلنا بنلف نسلم عليكم ..
لطوف تبتسم: مرحبا بكم والله من سرتوا لين وصلتوا ..
خالتها: وين امج؟؟ ماشوفها؟
لطوف تصب لها قهوه وتمد لخالتها: والله بيت عمي عندهم خطوبه ..
خالتها تأخذ الفنيان: ما شاء الله بيخطبون سلامه …
لطوف تبتسم: هيه فديتج …
خالتها: ما شاء الله … منو خاطبنها ..
ضحكت لطوف شو تقول دكتورنا في الجامعه حاولت تمسك ضحكتها بس ما قدرت قالت خالتها: ليش تضحكين ..
جاوبت لطوف وهي مننحرجه قدام سالم ومايد شو تقول دكتورنا معحب فيها تحمحمت وقالت: دكتورنا في الجامعه ..
انصدم سالم وقال: بعد دكاترتكم عيونهم زايغه ..
ابتسمت بخجل وهي ضاييعه علومها من سالفه أصلا جاوبت بعد ما حاولت تسكت: اخخخ مت من ضحك النصيب ياخوي يا سالم اهم شي انه دق الباب …
سكت سالم وهز راسه وقال بقهر: لا يكون بعد حد منهم حاط عينه عليج …
طالعته لطيفه بطرف عينها ورافعه حايبها دلاله على انه ما عيبها الكلام ردت امه وهي تقول: سالم شو هالرمسه الخامه … اص اص الا يوم هاي رمستك ..
سكت سالم بنرفزه وشوي ودخلوا عهود وريم يايات من الخطبه وسلموا على امهم واخوانهم وقعدوا لفت الريم ع لطيفه وهي تقول: ما شاء الله يا لطوف لو تشوفين ام المعرس شقايل تطالع مهره وترد تطالع سلامه هههه جنها تقارن..
ضحكت لطوف بخفيف ونطقت عهود وهي تقول: والله يا لطوف اني من شفتها تطالع مهره قلت والله انج لو موجوده يتحط عينها عليج فهمتها من عيونها الحرمه ادور الجمال ..
ضحكت لطوف وهي تقول: يا بنت الحلال لا تبالغون سلامه حلوه وهو مختارنها ..
عهود تحط عباتها على الكرسي وقالت: حلوه صح ماختلفنا بس انا ممتاكدة لو شافتج بتخطبج لحد من عيالها وقولي عهود ما قالت ..
وهي مننحرجه قدام سالم ومايد شو تقول دكتورنا معحب فيها تحمحمت وقالت: دكتورنا في الجامعه ..
انصدم سالم وقال: بعد دكاترتكم عيونهم زايغه ..
ابتسمت بخجل وهي ضاييعه علومها من سالفه أصلا جاوبت بعد ما حاولت تسكت: اخخخ مت من ضحك النصيب ياخوي يا سالم اهم شي انه دق الباب …
سكت سالم وهز راسه وقال بقهر: لا يكون بعد حد منهم حاط عينه عليج …
طالعته لطيفه بطرف عينها ورافعه حايبها دلاله على انه ما عيبها الكلام ردت امه وهي تقول: سالم شو هالرمسه الخامه … اص اص الا يوم هاي رمستك ..
سكت سالم بنرفزه وشوي ودخلوا عهود وريم يايات من الخطبه وسلموا على امهم واخوانهم وقعدوا لفت الريم ع لطيفه وهي تقول: ما شاء الله يا لطوف لو تشوفين ام المعرس شقايل تطالع مهره وترد تطالع سلامه هههه جنها تقارن..
ضحكت لطوف بخفيف ونطقت عهود وهي تقول: والله يا لطوف اني من شفتها تطالع مهره قلت والله انج لو موجوده يتحط عينها عليج فهمتها من عيونها الحرمه ادور الجمال ..
ضحكت لطوف وهي تقول: يا بنت الحلال لا تبالغون سلامه حلوه وهو مختارنها ..
عهود تحط عباتها على الكرسي وقالت: حلوه صح ماختلفنا بس انا ممتاكدة لو شافتج بتخطبج لحد من عيالها وقولي عهود ما قالت ..

البارت الخامس والعشرون:
:
ابتسمت وهي تقول في خاطرها شر البلية ما يضحك انتبهت على نظرات مايد اللي فيهن قهر وقالت الريم وهي توجهه كلامها لمايد اخوها : الا صدق مايد متى بتعرس ..
طالعها وجاوب من دون نفس: مادري والله اتريا بنت عمج تخلص تجهيزاتها..
عهود بوزت من طاري العرس وقالت لسالم: يلا شد حيلك وعرس ودوم شافت نصيبها انته متى بتشوف نصيبك ..
طالعها بقهر وهو يتوعد فيها دخل نايف وعقبه سعيد انصدموا من وجود خالتهم قرب سعيد وسلم على مايد وسالم وخالته تنهد نايف بضيق وقرب من خالته سلم عليها وسلم على سالم وتجاهل مايد وقعد عدال لطوف..
عهود اللي لبست عباتها بسرعه من دخل سعيد وتوترت من شافت نايف ..
سالم بقهر قال لعهود: انتي ماتعرفين تثمنين كلامج ممكن ماتدخلين مره ثانيه في شي ما يعنيج ..
سكتت عهود ونطقت لطيفه بقهر: انته شفيك عليها ما قالت لك شي حليلها ترا كل اللي قالته شوف نصيبك ..
طالعها سالم بغيض وقال: انتي موافقه تزوجيني ..
انصدمت لطوف منه وطالعته بقهر: لا انته مب صاحي الله يعين خالتيه على عيالها وقامت وراحت فوق ..
سالم بعصبيه وصوت مرتفع: بنشووف يا لطيفه مردج لي وبذكرج ..
نايف بعصبيه: تخسووون حد منكم يلمس لطيفه ولا يفكر مجرد تفكير انه يتزوجها لطيفه ما تبا عرس ولا نبا نيوزها الا لواحد يستاهلها ..
اردفت الريم وهي تحط ريل ع ريل : اذا وافق عليكم عمي أصلا يوم حمد رده بيقرب فيك انته صخ بس صخ …
عقد حياته مايد وقال: حمد ليش رده خطب شما ولا مهره
ضحكت الريم وهي تطالعه وقالت : خطب لطيفه وانته صادق مايبا لا شما ولا مهره …
انصدم مايد وعقد حياته بضيق وقهر شوي وانفتح الباب ودخل حمد وأبوسعيد وام سعيد سلموا وقعدوا حمد ماسلم الا من بعيد وقعد في صاله والريم شلت عمرها وطلعت فوق عشان لبسها وعهود نفس شي ..
قعدوا كلهم يسولفون ،،، الا مايد اللي يطالع حمد بقهر وغيض وسالم اللي كلم أبو سعيد وهو يقول: عمي أبا اخطب لطيفه
انصدم حمد ولف وهو رافع واحد من حوايبه وسمع عمه يقول: سالم يا ولديه انا بنتي طلقت من اخوك محد يرد ياخذها من نفس العايله ،، راشد طلق مهره عيال اخويه ولا واحد منهم مرحب به ان يأخذ حد من بناتي فمن بابن أولى انك انته بعد واخوانك من ضمنهم ماتاخذون منا ولا عيال خويه ياخذون منا ولف على حمد وهو يشوف تعب فيه وبضيقه قال وهو ياشر على حمد : اكبر مثال جدامكم صار له شهورر وهو يحاول يقنعني انه يخطب لطيفه وواوافق عليه وانا ميبس راسي وشوفوا حالته وين وصلت انا طبعي ما احط بلوك على شخص نفسه وبس انا احط بلوك على العايله الكريمه كلهم اضرب عليهم بلوك نهائي مافيه رجعه يعني مسالة حمد بالنسبة لي في هالحالة مساله حياه او موت ولكنى رافض رفض قطعي أي واحد من عايله اخويه يأخذ من بناتي فعشان جي الكلام وايد ويايه ما ييب نتيجة رايي ما يتغير انا يوم بيوز بناتي بيوزهن من برى العايله ووشخص ثقه يسند بناتي ويكون لهن ظهر وسند وعون وما يخيب فيه الظن ان كانت شما او مهره او حتى لطيفة ماياخذون من العايله ابدا ..
انصدم الكل من كلام أبو سعيد واتضاح رايه بالموضوع وانه مستحيل يحن قلبه على ولد اخوه لذلك عم صمت وحمد تنهد بضيقه وطلع من عندهم ومايد وهله ترخصوا وراحوا دبي ..
:
:
:
بعد مرور أسبوع تحدد ملجة سلامه وعوض يوم الخميس ،، قبل الملجة بيوم في بيت عوض كان الكل قاعد في الصاله .. ام عوض وابوه ويدته ومكتوم ونهيان ، دخلت مريوم عليهم وسلمت وقعدت عدال يدتها وهي تفصخ شيلتها : شو استعداداتكم لباجر
أمها تبتسم: الحمدلله ،، كل شي تمام
مريوم: انتي فيج شي امايه احسج مب على بعضج
تنهدت وهي تقول: لا والله يا بنتي لكن سلامه سمرا وعوض ابيض احس ما يتناسبون..
ابتسمت مريم وهي تقول: الله يهديج يا امايه لا طالعين الشكل هو مختارنها ومرتاح وياها وبعدين يمكن تطلع طيبه وزينه انتي من شفتي بنت عمها وانتي متحسفه ..
ضحكت أمها وهي تتنهد عشان ترتاح اكثر ضحكت و نطقت : بخطب مهره لهزاع شرايج
انصدمت مريم وهي تقول: لا امايه حرام تظلمينه وياها هي مطلقه وهزاع فديته ماسبق له العرس ..
ام عوض: ما تفوت يا بنتي
مريوم: أقول اهدي وصبري لين باجر في الملجة اكيد بتشوفين بنات عايلتهم يمكن تلقين حد احلى
ضحك مكتوم وهو يقول: وانا مالي رب بس هزاع اللي بتخطبون له .
ضحكت امه: ماحيدك توافق على عرس يوم نيب لك طاري تضيقت وطلعت من عقب سالفتك ويا بنت عمك خطبتها وخليتها معلقه انا ما اضمنك صراحه الحين تباني ادور لك حرمه وانته لين الحين معلق بنت عمك ومارديت عليهم
ابتسم وماعلق …
شوي وياهم عوض وشاركهم الجلسة : ها امايه شو تامرون لباجر شي ناقصنكم ولا اموركم طيبه..
امه: كله موجود فديتك ماشي ناقصً..
عوض هز راسه بفرحه ،، دخلت حمده اخته وعيالها سلمت وقعدت وعيالها توجهوا لامها سلموا عليهم وعلى ابوهم ويدتهم وخوالهم وراحوا فوق يلعبون ..
نطقت حمده وهي تقول: ها امايه يقولون يوم سرتي تخطبين سلامه لعوض عيبتج بنت عمها صدق
ضحكت أمها وهي تقول: هذي اكيد صباح قايله لج ..
ضحكت حمده وهي تقول: يعني صدق..
هزت راسها بالإيجاب وهي تبتسم .
سكت عوض وبعدين نطق: شو يعني سلامه ما عيبتكم
امه تتنهد: لا يا بويه حلوه وناعمه بس انا اقصد حبيت بنت عمها اكثر بس مطلقه
عوض يعدل يلسته: قصدج مهره
لفوا عليه بصدمه كلهم وقالت امه : شدراك باسمها .
ضحك بخجل وقال: تراها طليقة راشد اخو سلامه ..
امه انصدمت وهي تقول: في ذمتك ؟؟ من وين يبت الاخبار انته !
عوض: من سلامه بعد من وين!
امه: وليش طلقها ؟
عوض: ابوها طلب منه يطلقها عقب ماعرف ان راشد ماخذ وحده بسر وحامل .
انصدمت امه وقالت: ماعنده ذووق جانه معرس عليها .
ضحك عوض: مب معرس عليها معرس قبلها ويوم خذ مهره عرفت بسالفة ريلها ويوم ربت حرمته واعلنها عمه احتشر وطلب منه يطلق مهره .
سكتت حمدوه وبعدين قالت: بس حرام يظلمها وياه من الأول ما باخذ بنت عمي شو ذنبها الحين هي حليلها مطلقه ..
اردف عوض كلامه: تتحسبونه راشد ساكت احتشر مايبا يطلقها لكن عمه وقف في ويهه وخلاه يطلق غصبا عنه..
مريوم قالت: حرام والله شو ذنبها .
عوض يعدل يلسته : باجر بتشوفون الكثير والكثير وعقب بنتخابر ان شاء الله .
امه : ماعندها خوات مهره ..
ضحك عوض عقب ما فهم نبرة امه وقال : عندها خوات وانا ولدج اقولج ترا باجر بتضربين اكس على مهره ..
امه : لالا ما بضرب اكس بخطبها ان شاء الله ..
عوض بثقه: ورفجه انه باجر بتغيرين رايج وبتقولين عوض ما قال ..
سكتت امه وهي طالعه بطرف عينه وحمده ومريوم يضحكن ومكتوم اللي شده الكلام وقعد يتابع بعيونه حوارات امه مع اخوه ازفر بضيق وسكت …
:
:
البارت المئه والتسعون:
:
في بيت بو سعيد ..
مهره كانت مزهبه لبسها اللي بتلبسه باجر دخلت عليها عهود وهي تقول: مهروه بتسيرين ويايه السوق أبا اخذ لبس حلو حق باجر.
هزت راسها مهره بضيق وهي تقول: تمم فديتج العصر بنسير
عهود: بلاج متضايقه
مهره تيلس على الشبريه: والله ماعرف شو اقولج
عهود: خير مهره فيه شي
مهره بضيق: صراحه يا عهود انا ماحسبت حساب العاده من عرست ما شفتها الا مره ومن عقب ما شفتها لين يومج.
عهود بخوف: تخافين تكونين حامل
مهره بضيق: ما أخاف أكون حامل أخاف أكون صدق حملت وانا مادري وعقب الله يستر من ردة فعل ابويه
عهود بتنهيده وهي تقول بحده: مهره
طالعتها مهره بعدم تركيز واستيعاب لنبرتها وقالت عهود : كيف ما تعررفين اذا انتي حامل او لا وانتي مطلقه من فتره تقريبا من شهرين او اكثر وعلى حسب علمي ماخليتيه يلمسج من بعد ماعرفتي بزواجه ،، كيف ماشفتي العاده الا اول شهر رفعت حاجبها وهي تقول همممم كيف!
انصدمت مهره وتوترت بلعت ريقها بخوف وشتت نظرها بعيد عن عهود تقدمت منها عهود وقعدت عدالها ولفت ويهها مجابل ويه عهود وقالت بحنية يصاحبها خوف: سرج في بير يا بنت خالتيه والله محد يدري بالموضوع هذا ابداً بيني وبينج بس ريحي بالي يا مهره وقولي لي من متى ماشفتي العاده .
بلعت ريقها بخوف وقالت: والله يمكن من شهر الحينه او شهر ونص بصراحه ما ذكر بالضبط متى بس هي متاخره وايد ..
عهود بحنيه وهي تمسك يدها وتشد عليها : انا اعاهدج ما اخذلج ع الأقل نلقى حل مع بعض.
مهره تنهدت بالم وشوق: سمعي السالفة يا بنت الحلال فلاش باك >> لقبل شهرين ..
:
بعد ما طلق راشد مهره رجعها في نفس اليوم وسلم ورقة رجعيه لعمه بما ان عمه لا يعرف يقرى ولا يكتب توقع انها ورقة طلاق مهره ،، دخل البيت ولقى اليازيه قاعده مسك تلفونها واتصل على مهره لقاه مغلق لف على اليازي وقال: اتصلي ع بيت عمي وطلبي مهره
اليازي اللي تعرف بلي سواه راشد وحست ان مهره بتفرح اتصلت وردة عليها شما طلبت مهره وشوي يتها مهره ردت ع تلفون: الو
اليازي عطت راشد التلفون اللي قال بلهفه: عسى ربي ما يكتب لي حياه بدونج
مهره شهقت بخوف وهي تقول :بسم الله عليك يا ق.. وقطعتها يوم تذكرت ورقة طلاقها .
كمل راشد وهو يقول: كمليها وقولي يا قلبي المعم اسمعي عندي كلام ضروري نتفاهم عليه افتحي تلفونج واتصل بي ضروري.
مهره بحب: اوك فديتك وسكرت منه وهي متلهفه على الكلام اللي بيقوله ،، طارت لغرفتها وفتحت الكبت وطلعت تلفونها وفتحته ودقايق وبدت صوت الاشعارات ورى بعض تجاهلت جميع رسايل واتصلت عليه سمعت صوته: هلا وغلا
مهره تحاول تكون طبيعيه تخاف ابوها يسمعها او يدري انها تتواصل وياه قالت: اهلين والله الغالي امر
راشد بحب: مهره وصلتج الورقة
خنقتها العبره وماردت عليه حاولت تضبط صوتها وتبين انه عادي قالت:هيه
راشد: سمعي عادي اليوم الفليل اتلاقى وياج ضروري
مهره بخوف: ليش فيك شي
راشد يبتسم: لا ، بس عندي كلام لازم أقوله وماينفع بتلفون ممكن انا بستاذن من عمتي ..
مههره بخوف: لالا لاتقول لحد راشد بعدين بيقولون لبويه
راشد: انزين والحل انا اباج ضروري ..
مهره تتنهد: اليوم ؟ ولا عادي تاجله !
راشد: اليوم ..
مهره بعدم تفكير: نتلاقى في ملحقنا اللي في بيت يزوي محد بيدري ولا حد بيشك فينا ..
ابتسم بحب : اوك بمرج المغرب وقولي لهم انج بتروحين مع سلامه عشان تتجهز لملجتها.
مهره: ما يحتاي أقول لحد انا بخلي لطيفه تغطي عليه الا كم ساعه محد بيحس فيني
ابتسم وقال: تمام
سكرت مهره وهي الفرحه مب سايعتنها ،، طلعت وراحت عند لطيفه ولقتها تقرى قران سكرت المصحف من شافت مهره وتوترها وقالت: سم الله عليج بلاج مهره..
مهره بخوف: لطوف احتاجج تساعديني .
لطوف تحط المصحف ع الكمدينو: امري فديتج عيوني لج ياختيه.
مهره سكرت الباب وبهمس: أنا بطلع ويا راشد تكفين غطي عليه لا تخلين حد يحس فيني فديتج قفلي غرفتي وخلي المفتاح عندج..
لطوف بصدمه قالت: انزين يا المينونه انتي ناسيه انه اليوم مطلقنج وياب ورقتج .
مهره بغصه : ادري والله ادري بس احبه ماقدر اتحمل اني بعيد عنه الحين مب هذا موضوعنا طلبتج يا بنت ابوي تغطين عليه لين ما ايي .
لطوف تبتسم: فديتج حاضرين والله من عيوني ما بخليهم حتى يحسون بغيابج واذا تبين صدق المفروض اللي بينج وبين راشد يطيح ما دام انه اليوم طلقج ما طلب يشوفج الا انه اكيد ناوي يرجعج.
ابتسمت مهره بفرحه وهي تناقز من الفرحه وقالت بوناسه: يارررب الله يسمعها منج ..ونطت تحضن لطوف
ابتسمت لطوف اللي تفاجأت بحضنها وهي تقول: اه يا لطوف الحب عذاب….
ضحكت لطوف بخجل وهي تقول: الله يقطع بليسج ضيعتيه المستحى منج.
مهره في خاطرها تقول لو تدرين اختج كانت بتحول على اخوه لكن الحمدلله اللي رد لي عقلي بعدت عن لطوف وهي تقول: كله لجل عين بوسنيده يهون تبيني اخليه حق اللي ماتتسمى..
ضحكت لطوف وهي تقول: هههههه حبيبتي انزين يلا طلعي على صالون رتبي نفسج ميكب هادي وخفيف وشلي لج لبس حلو وغمزة لها ��عسى الله يصلح ذات بينكم..
مهروه وخدودها توردن: امين يارب وطلعت عنها ..
سارت تسبحت وتلبست جينز وبدي لين تحت صدر وبطنها ظاهر ولبست عباه مسكره وراحت صالون تسويي لها الترتيبات اللازمه وهي معزمه انها ترد على ذمته حتى لو كان هو رافض اتصلت على اليازيه اللي اكدت لها ان محد في البيت لا بطي ولا شهاب ،، تنهدت براحه سوت شعرها ويفي وسوت بدكير ومناكير وطلعت وهي تشوف ساعه ٣ ونص شهقت بتوتر ماعاد فيه وقت راحت السوق وخذت لها فستان سكري علاق فيه فتحه من نص لين اخر شي وخذت نفسه عنابي بس العنابي أطول وفتحته من عند فوق الركبه لين عند ساقها كامل توردت خدودها وهي تحس بلي قاعده تسويه خايفه ان راشد يرفضها حاسبت وطلعت بسرعه بما انها صرفت دريول وقالت له رد البيت اتصلت لراشد اللي كان في القسم يفكر كيف يقنع مهره وخصوصاً ان مب بالع وجود ثريا ولكن اللي في راسه يبا ينفذه انتبه على تلفونه اللي رن وشاف اسمها يضيء الشاشه( نبض قلبي❤️)رد بحب: لبيه
ابتسمت بحيا على تطفلها واستعجالها للموضوع لعنت نفسها مليون مره بتوتر قالت: فاضي !
راشد يبتسم على توترها: افضى لعيونج !
مهره تنفسها تسارع وبقلق قالت: مصر على اليوم .
راشد طلع من غرفته وقال بهمس: هيه والله مصر ،، وبتنهيده قال: أبا اقولج شي ضروري وما يتاجل .
بلعت ريقها بخوف وبتوتر قالت: اوك انا جاهزه
ابتسم بعدم تصديق وقال في خاطرها معقوله اللي افكر فيه ولا يتهيأ لي قال باستعجال: توها الساعه٤ كيف اقدر أوصل لج واشلج .
مهره بهدوء:انا في السوق ممكن تخطف عليه !
راشد اللي ركب سيارته باستعجال وقال بدون تردد: حاضرين الحين بييج انتي وين!
مهره بتوتر نطقت :،الرمال مول اول ما توصل دق لي .
ابتسم بحب وقال: حاضرين اللي عدال مستشفى كند صح.
مهره بهدوء وتوتر: بالضبط عليك نور .
راشد يحرك السياره : شوي وانا عندج ..
مهره توترت واتصلت على لطيفه وقالت: لطوف اشتريت فساتين اثنينه نفس شي كلهم عيبوني سكري والعنابي أي واحد اختار .
لطوف بحب طرشي لي صورهن، مهره تطرش الصور للطيفه وقالت: بشششري أي واحد عيبج
لطوف بانبهار: بصراحه الماروني يجنن مهروه على بياضج بتخبلين بريال بيردج انا متاكدة على ذمته.
مهره تتنهد وتمتم بأمين وشافت راشد انتظار على الخط الثاني وقالت: لطوف راشد يتصل بس مثل ماوصيتج غطي عليه.
لطوف تضحك: ههههههه خذي لج أغراض ثانيه شكلج مابتردين.
ضحكت بخجل وقالت: انقلعي يا طفسه بروحي متوتره يمكن مايكون في خاطره شي وبعدين اغراضي كلها في بيتي اللي عند اليازيه.
لطوف: زين الله يسعدكم ويصلح ذات بينكم.
مهره : امين يلا باي … سكروا الخط وشافت راشد يتصل مره ثانيه وردت: هلا والله
راشد : وينننج ماتردين !
مهره تمشي نازله من دري المتحرك على البوابه: كنت ارمس لطوف تغطي عليه .
راشد : خايفه من عمي ..
مهره بخوف وقلبها يرقع : انته بس طريته قلبي بيوقف من الخوف ،، والله اني خايفه منه وايد مب شوي…
راشد تنهد: اه يا مهره … وينج انتي الحين !
مهره وصلت عند البوابة الرئيسيه: عند البوابه الرئيسيه انته وين!

البارت الخامس والعشرون:
:
راشد يتلفت يدورها : انا احوط حول المبنى ادور باركن وادورج لكن تعالي الباركنات اللي ورى .
مهره: بعيد راشد والله ماروم امشي لين هناك
راشد ضحك وهو يرد على البوابه الرئيسيه وقال: تعالي شفتج !
مهره اللي انتبهت على سيارته اتجهت صوبه وسكرتت تلفون ركبت وهي تقول بخجل : سلام عليكم .
ضحك راشد عليها وهو يقول: ماعرفتج وانتي تستحين يا بنت عمي .
ضحكت بخجل وهي تحط الكيس ورى ولفت عليه بلهفه وهي تفج شيله عن ويهها وقالت: جب بس جب لا تحرجني ويلا قول شو في خاطرك
بلع ريقه بتوتر وهو يشوفها كل هالزين قدامه ومايضعف مستحيل قرب منها وهو يقول: تسمحيلي احضنج !
ضحكت بخجل وهي تقول: لا والله مب توك اليوم مطلقني في المحكمه .
رمش بعيونه وقال: ارجعج على ذمتي وين المشكله وفتح ايدينه .
تقدمت منه وهي تحضنه بحب بس تحاول ماتبين شد على حضنها وميلت راسها على كتفه وقال بحب : فديت قلبج والله اني احبج واباج.
ابتسمت بحيا وقالت: يلا نحرك على بوظبي وقولي شو فخاطرگ ..
مازال شاد على حضنها له وقال: انزين ليش مستعيله خليني احضنج يمكن بعدين مالاقي حضنج ..
ضربته بخفيفدوهي تقول: بسم الله عليگ ،، حضني دوم بيكون مفتوح لك بس رجاءً لا تقعد تفاول على عمرك عساك سالم بس..
ضحك على غباها وقال: الحين انتي كله تفكرين بشيء سيء انا اقصد ان عقب ما تخلصين عدتج ما بقدر احضنج ..
تضايقت من كلامه وانصدمت منه بعدت عنه وهي تقول بغصه: شو كنت تبا مني قول!
ابتسم يوم لمح ملامح الضيق عليها وقال بتنهيده وهو يشبگ ايده بيدها: بتعرفين بس نوصل ،، ليش مستعيله!
مهره بضيق: بس أبا اعرف الكلام اللي بتقوله لي ..
راشد بحب وهو لازال ماسگ يدها: والله يا مهره انا يوم طلقتج مب برضايه وانتي تعرفين هالشيء رغبة ابوج ، وانتي اكثر وحده عارفه رفضي لوجود ثريا في حياتي وتعرفين اني كنت رافض وبشده اني اطلّعها عند اهلي لكن البركة فيج انتي ويزوي ييتوا وخربتوا كل شي عليه ، مهره لو انتي رخيصه عندي جان من زمان أعلنت ثريا من يوم ما عرفت انها حامل ، لكن انتي تعرفين غلاج عندي وتعرفين اني ماودي اخسرج وخصوصًا في ظل الظروف هذي لف وطالعها وشافها متنّحه وطالعه وكمل كلامه وهو يقول: الحين مايشفع لي شيء عند عمي وانا مالومه والله ضربتين في راس توجع حيل اول شي طلاق لطيفه وعقب استقبلوا صدمتي بثريا وزواجي منها رغم انّ انتى واليازي تعرفون انّ زواج تصحيح غلطه لا اكثر ولا اقل ، لكن ما كنت أتوقع انّ هذي الغلطه بتنهي حياتي وياج بسرعه قبل لا تبتدي انا حتى ما تهنيت وياج كنت خايف حد يعرف ويخبرج وكان خوفي اكثر منها هي انها توصل لعنواني وتيني لين البيت وساعتها صدق بخسرج قلت بروح لها وشوف حل لموضوعي معاها يمكن نجهض الجنين لكن عارضتني اليازيه خوفاً من الله يعاقبني فيج بلع ريقه بخوف وتوتر وهو يقول: كنت أقول كيف صار بيني وبينها حمل ؟ كيف سمحت لها ؟! لكن اعترفت لي في يوم ولادتها بانها كانت تحط لي حبوب مُسّكِره عشان اقرب منها وانساج وتبلت على عمرها عشان اطلقها صحيح باقي لها طلقتين وتطلع من ذمتيه لكن وسكت وهو يمسح على ويهه حس بيدها للي شدت على ايده ويبين انها متوتره بهمس قالت: لكن شو يا راشد. !؟
تفاجأ من نبرة صوتها الهاديه واللي فيها الكثير من الألم وصل بيت اليازيه ووقف قدام ملحقهم وسند راسه على سيت سياره وغمض عيونه وقال: كمية الألم اللي في نبرة صوتج قاعده تأّلم قلبي بشده يا مهره .
لفت عليه وملامح الخوف باينه في ويهها: رد علّيه لكن شو يا راشد ..
بند سياره وهو يلف عليها: يلا ننزل نكمل كلامنا ..
هزت راسها بطواعيه نزلت وشلت الكيس وياها ودخلت لبيتها هي وياه وممسكين ايدين بعض شافت كل شي مرتب ومنظف ومدخن ،شكله بشكارة اليازيه اليوم نظفته ودخنته ( بخرته) وبروده المكيف اللي في صاله تدل على انه حد دخل البيت ونظفه ورتبه وشغل المكيف لفت عليه بعد ما قال: افصخي عباتج وتعالي قعدي عندي
مهره فصخت شيلتها وهي تحطها على العلاقه ( الشماعه) وقربت منه وهي تحرر شعرها وترتبه بما انه ويفي ومثبّت قالت له: قبل لا افصخ عباتي وابدل قولي لكن شو يا راشد ..
راشد اللي يتامل ملامح ويهها ومنفتن فيها زود : لكن ما تقبلوها اهلي ولا تقبلوا ولديه سلامه الوحيدة اللي تقبلت وجودهم وتساعد ثريا بحمد شوي كونه قاصر وانتي تعرفين انه ما كمل شهوره فلازم متابعته والاهتمام به يكون اكثر عن طفل الطبيعي المكتمل شهور مسح على خدها بعذاب واسترسل كلامه بـ ماجمعني معاها غرفه ولا مكان هي في غرفه وانا بغرفه ، مع الأيام انا متاكد بيتقبلون ولديه وما بيتقبلونها لانها سبب في بعدنا عن بعض، وزعل عمي عليه والله مب راضي على الحال اللي وصلنا له انا وانتي وابويه وعمي وحمد ولطيفه لكن حمد اصلاً الوالده رافضه موضوعه نهائياً ما تباه يتزوج لطيفه ماعرف السبب ، لكني متاكد ان حالة ابويه وعمي غير عاديه ابويه متلوم في ابوج وماقدر يحط عينه في عين اخوه بسبب سواتي اللي سويتها إصرار عمي على اني اطلقج او يصير بينا محاكم وقضايا وامور كثيره اضطريت اخضع لرغبة ابوج واطلقج لكن في نفس الوقت قررت اني ارجعج على ذمتيه وطلعت ورقة الرجعية من المحكمة الشرعيه قانونيا احتسبت الطلقه الأولى ولكن شرعياً بعد ماطلبت رجوعج على عصمتيه، ورجعج القاضي على ذمتي طلبت ورقة الرجعيه وخذت نسخه منها وطرشتها حقج على الواتس آب بس اتضح عندي انج مسكره الفون وماشفتيها اضطريت اني اوهم عمي بانها ورقة طلاقج لان عمي لا يعرف يقرى ولا يكتب صّدق انها ورقة طلاقج لكن هي في الحقيقة ورقة الرجعيه مرر اصبوعه على خدها المتورد وهو يشوف كثافة رموشها وخدودها المتورده وعيونها اللي تناظر عيونه وفيها لمعة قالت بخوف: انزين ! كمل كلامگ! وبلعت ريقها بغصه وخوف .
قال وهو يناظر عيونها : رديتج حليله لي ومحد يدري بشيء هذا ماباج تعيشين على وهم طلاقج ،، اموت ولا اطلقج يا مهره ما اتخيل انج في يوم تكونين لغيري او ياخذج غيري انا غلطان وشو ما تبين تسوين فيني سويه! لكن لا تخليني ولا تصرين على موضوع الطلاق ولا تخافين من ابوج انا بس اتريا منج انج تعطيني فرصه اثبت لج فيها اني احبج واموت عليها قاطعته وهي تحط صبوعها على شفاته وشهقت بين دموعها وهي تقول: والله ادري انك تحبني ماله داعي تكرر كلامك وحلفانك انته اعظم نعمه الله عطاني إياها وانا بعد اباك غمضت عيونها من باس صبوعها اللي على شفاته وقال: شو اللي تبينه امري فديتج! شو اللي يرضيج ؟!
تأملت عيونه بحب واضح وقالت بغصه : اللي يرضيني قربگ ..
ابتسم وحاوطها من خصرها وقربها منه وخلل اصبوعه في شعرها وبهمس: يعني الليلة ليلة رضا .
ابتسمت بحب رغم خوفها من ابوها وقالت بحب وهمس اربك راشد واختل توازنه: الليله يا عمري مب ليلة رضا وبس ،، الليله بالذات ليلة ولادتي وبدايه حياتي وعمري اللي ابتدوا فيگ قرب منها بحب وهو يهمس في اذنها: نعلنها صلح بين قلبي وقلبج .
هزت راسها بخجل وهي تعانق رقبته: من قال لك اني برضى ببعدك والله كنت وايد احاتي الموضوع بس كنت خايفه من ابويه ومتردده اني اتصل واعترف لك علشان جي أغلقت تلفوني وحطيته في الكبت خفت يخوني قلبي وادق لك واعترف لك بكل شي .
باسها على شفايفها بحب وبهمس: يعني انتي تحبيني
بعدت عنه وهي تقول : عندگ شگ ..
ضحگ بحب وهو يقول: بصراحه لا ،، بس ممكن انج تراضيني بما انج انتي اللي تسببتي في هذا كله .
حضنته بحب وهي تقول: ما اتحمل حد يشاركني فيگ اغار عليگ انته لي انا وبس..
راشد يبتسم: صدق يالغيوره قولي والله قبل ما تبيني اقرب منج ..
ضحكت بخجل: انته ما تبا تعترف بسواتگ..
قرب منها زود وهو يهمس : يلا انزين راضيني .
ابتسمت بخجل من نظراته الجريئه ودفنت راسها في صدره حواطها بحب وهو يقول: گل عام وانتي بخير يا اغلى البشر .
رفعت راسها ببطء وطالعته طالعها وهو يقول: شوووو ناسيه ان بعد ساعات قليلة يوم ميلادج ..
تنحت وهي تحاول تذكر التاريخ وشافت ساعه اللي صارت ١٠ وقالت: مر الوقت بسرعه والله تحسبته المغرب .
ابتسم وهو يقول: نحن وصلنا بوظبي عقب المغرب، يلا بدلي لبسج عرفتي ليش اخترت اليوم لانه يوم ميلادج فحبيت انه في هاليوم نبتدي صفحة يديده بينا ويبتدي عمرنا مع بعض في هاليوم المميز عشان تعرفين مانسيت يوم ميلادج رغم الظروف اللي نمر بها لكنج مطبوعه ومرسوخه هنيه وهو يأشر على قلبه ابتسمت بحب وهي تقول: وانته بخير يا عمري احرجتني راشد والله ماتوقعتك متذكر يوم ميلادي وانا أصلاً ناستنه والله .
بعد عنها وقال: يلا تجهزي وتعالي بنروح نحتفل وياج بهالمناسبة.
ضحكت بخجل وراحت لغرفتهم وهي شاله الكيس في ايدها دخلت الحمام وشطفت جسمها على سريع ونشفته وحطت كريمات ولبست الفستان الماروني اللي اشترته ورتبت شعرها وطلعت من الحمام وهي تشوفه واقف قدامها مصدوم قرب منها وتسارعت نبضات قلبها وهمس وهو يحاوط خصرها: شو هالزين يا عمري شو رايج نسحب على الحفله ونحتفل باجر حفلتين وغمزلها^_*
استحت من نظراته وهي تقول: لا والله خلك حقاني .
راشد يشد على خصرها ويقربها زود لين اختلطت انفاسهم وقال: اذا على الحق فحقوقي عليج وايد وقبل عليج دين ما اديتيه كنتي تتهربين مني .
ضحكت بخجل وقالت بحب وهي طوق رقبته: لا تقعد تحرجني باسلوبك وكلامك المعسول لكن وعد مني لك اني اوفي كل ديوني اللي طالبني فيهن .
بحب وخبث قال: متى تسددين اللي عليج عشان تبدين في حقوقي وابتسم.
غمضت عيونها باحراج من حست به يمسح على خدها بلحيته ويوزع بوساته الهاديه في كل مكان بعد عنها بعد ما قبّـل نحرها وطلع تكريزاته عليها قال بهيام: يلا نروح قبل لا اييب العيد .
بعدت عنه وهي تشوف نظراته الهايمه فيها وقالت: يلا ثواني ويايه تعطرت ع سريع ورتبت شكللها بسرعه وخذت شنطتها وزادت روجها الأحمر ولبست عباتها وشيلتها وطلعت بسرعه وركبت في سياره بعد ماسكر راشد الباب ..
مر الوقت سريعاً ووصلوا مكانهم المقصود وكان يخت مستأجرنه راشد ليوم ميلاد مهره ومجهز بكل شي من كيك وعصاير وبالونات ورد منثور وشموع واغاني دخلها الحجره داخل ووقفها عند المرايه : الليله يا عمري اجمل ليالي عمري طالعت نفسها بخجل في المراية فصخ عباتها وشيلتها وهو يعلقها وقال: خذي راحتج يا قلب راشد ترا اليخت حاجزنه لنا لمدة يومين .
شهققت بخوف وقالت بصدمه: يومين..
ضحك بنذاله وقال: خلي لطوف تكمل تغطيه عليج لين نرجع .
بخوف جاوبت: متاكد ما بيشكون فينا.
رد عليها وهو يحضنها : لا محد بيشك فينا، لاني متاكد من لطيفه انها بتشغلهم ولحد بيلاحظ غيابج.
حست بيديه طوّق خصرها وقال: نرقصص مع بعض .
شبكوا أيديهم مع بعض وبدوا يتمايلون بجسدهم على لحن الموسيقى الهادي وعيونهم تعانق بعض بحب . مر عليهم الوقت وراحوا برى اليخت ع طاوله وغنى لها راشد واحتفل بها وطفت الشمعه وقرب منها باس شفتها وهو يقول: الله يجعله ميلاد السعاده والحب بينا ابتسمت بحيا وهي تبوسه على شفته وبهمس: امين يا عمري وياگ ..
بعد ما احتفلوا نزلوا مع بعض لغرفتهم في اليخت قرب منها وهو يشلها بين ايديه اسدحها على شبريه وسط ضحكاتها الخفيفه انسدح عدالها وهو يحضنها ويقربها منه زود وبهمس يدغدغها بشعر لحيته قال:فديت ضحكتج عانقت رقبته بيديها وقالت: احبگ
وزع بوساته على رقبتها وخدودها وهو يقول: وانا اموت فيج والله.
ابتسمت وهي تغمض عيونها وتستسلم له بكل طواعيه وهي تقوله بحب: ماعندي شگ في حبگ لي
ورجعت لواقعها وهي تقول بتنهيدة حب : في ذمتي انها كانت من احلى ليالي العمر وياه .
ابتسمت عهود وهي تقول: ثرج مب هينه طلعتي من ورانا ترتبين امورج.
بخجل ضحكت: سكتي بس والله لو تدرين بكمية الرعب اللي انزرعت فيني بس يوم روحت وياه خفت والله لكن الحمدلله الفضل من بعد الله سبحانه يعود الى لطوف فديتها غطت عليه عسى ربي يفرحها ويعوضها
عهود بتنهيده : امين ،، وبضيق قالت: انزين انتي ماتعرفين أي شي يعني!
مهره: عن حملي قصدج!
هزت راسها عهود بالإيجاب وردت مهره بحيره: ماعرف
عهود: طلعتي وياه كم مره ..
ضحكت مهره بخجل وقالت: وايد والله كله بالسر الله يخلي لطوف وتغطياتها .
عهود: انزين فديتج الحين انتي تحسين باعراض الحمل
مهره تهز راسها بالنفي: لا وتنهدت ..
عهود تمسح ع ظهرها: لعله خير فديتج …
مهره تبتسم : ان شاء الله والله محد مرتاح غير لطوف راسها بارد ما تحاتي شي ..
ابتسمت بضيق عهود وهي تقول: الله يكون في عونها مسكينه والله لطوف بروحها في هم ما يعلم فيه الا الله ..
مهره تقوم واقفه وترتب الأغراض: والله مافيها الا العافيه ما دام انها تطلقت وهي بنت ماعليها ملامه ولا عليها خوف ..
هزت راسها عهود وطلعت من غرفة مهره ..
:
اما في حجرة لطوف كانت متضايقه بسبب إصرار الكل انها تروح الملجة وهي مالها بارض على المجاملات طلعت فستان ذهبي وكعب اسود وطلعت اكسسواراتها ورتبتهن وطلعت عباتها اللي بتروح فيها الملجة وشيله دخنتهن وعطرتهن حست بدخول حد عليها لفت وشافت نايف اللي ابتسم وهو يقول: اوب اوب باجر بتنخطبين عيل ..
ابتسمت مجامله وقعدت ع الشبريه وهي تقول: انته لازم تزوجني عشان ترتاح
حواطها من كتوفها بحب وباس راسها: ان ما فرحت لج افرح لمنو يا عين اخوج
ابتسمت بتعب وهي تحط راسها على صدره وتغمض عيونها ..
ادرك حركتها بانها متضايقه وقال: يخسسسي الضيق وانا موجود لج عون وسند امريني الغاليه شو اللي يرضيج ويسعدج ..
ابتسمت بتعب وفي خاطرها تقول ليتني اقولك عن اللي في قلبي شاله هم وحمل يهد جبال وش اقولك ياخوي اني مب بنت وانه انتقم من سعيد فيني اهاني بطريقه اللي يباها طلعت منها تنهيده عميقه رفع راسها بيده وهو يطالعها بعيونها : الغاليه فيها شي مكدر صفو جوها
هزت راسها باعتراض وهي تقول: لا الغالي بس مالي مزاج احضر ملجة سلامي
نايف يرفع حايبه: بحاول اصدق ان هذا عذرج..
شتت نظرها وتوها بتنطق انفتح الباب ودخلت شما وهي تقول: صدق اللي سمعته
نايف : شوو ؟
شما بغيض : حياب خطب لطيفه
نايف بصدمه: شو ؟؟ صاحيه انتي حياب عمره ٤٢ شو يخطب لطيفه
شما بقهر: والله توني اسمع امايه تقول لبويه وقالها حياب زين ما بتحصل لطيفه احسن عنه ..
نايف: شو هالرمسه انتي فكينا من هالرمسه وانا بقول لبويه عنبوه حياب كبير وايد بالنسبة للطيفه حرام …
لطيفه بضيقه: أقول طلعوا برى صدعة والله أبا انام لين المغرب …
طلعوا عنها وهي ازفرت بضيقه هاللي كان ناقصها بعد حياب ..
:
نزل نايف عند ابوه وقال: ابويه لا تقرّب بحياب ما ينفع اول شي اخو مايد من الاب ثاني شي كبير ع بنتك ..
بو سعيد بهدوء: هيه صدقك ثره اخوه وانا اتحسبه نسيبهم ..
ضحك نايف وهو يقول: هههه الكبر عوف يا بويه
ضحك ابوه وهو يقول: والله يا نايف افكر بخواتك مادري كيف بغمضة عين صار لهن جي ..
نايف: الحمدلله يابويه بس مثل ما قلت لك لطوف بعدوها شوي عن مواضيعكم الا اذا كان من برى العايله يكون افضل لها نفسيا.
هز راسه ابوه قام نايف باس راس ابوه وطلع …
في سوق
:
دخلن مهره وعهود واشترت عهود دريس بيجي ومن فوق عليه رفات نازله بداننتيل وماسك على الجسم ..
مهره خذت لها شوز ابيض كعب ..
وخذوا اكسسوارات لهم وطلعوا ..
:
في ليل بعد ماجهزت لطوف لبسها وفستانها الذهبي اللي قصير من قدام ومن ورى فيه ذيل وحلجة سبعه وفيه زمم مع بعض وشوية كسرات وطالع يجنن عليها ..
:
دخلت عهود عليها وقعدوا مع بعض لفت عليها لطوف وهي تقول: امريني !
عهود بضيقه: لطوف انا اليوم سمعت كلام وابا اعرف صدق ولالا!
لطوف بهدوء: موضوع حياب اخوج اللي من ابوج !
عهود تهز راسها بالإيجاب نطقت لطوف: مرفوض فديتج
عهود: ليش !! شو سبب !!
لطوف بضيقه وهي تحط يدها على كتف عهود: ماشي نصيب فديتج .
هزت راسها وطلعت عنها …
:
في بيت عوض ..
كانوا يرتبون اغراضهم لباجر دخل هزاع على امه وقال: ها الغاليه ربج مستانسه
امه: هيه الحمدلله عقبالك
ضحك هزاع وهو يقول: على ايدج دوري لي باجر في الملجة على بنت حلوه وجميله ..
ابتسمت امه وهي تاشر ع عيونها: ان شاء الله فالك طيب من عيوني …
:
عند مكتوم كان حاس بضيق يبا يفسخ خطبته من بنت عمه بس كيف مايعرف راح عند امه ودق الباب ودخل: امي ابويه وين !
امه: الحين بي ليش !
مكتوم: أبا افسخ خطبتي من بنت عمي ..
امه بصدمه: ليش شو ياك
مكتوم بضيقه: مادري احس أبا من نسايب عوض شوفي لي وحده حلوه
تنهدت بضيق وهي تقول: ما بفشل عمري انا خل ابوك يوصل وتكلم وياه والأفضل تتكلم في هالموضوع عقب ملجة اخوك ..
طلع مكتوم وهو يحس بضيقه …
:
اليوم المنتظر يوم الملجة …
:
في بيت بوحمد ..
كانوا حاطين طاولات وكراسي برى في الحوش ومسوين عازل عن ميلس رياييل عشان مايشوفون الحريم في صاله بعد صلاة المغرب اليازيه وبنتها ودوم موجودات عند سلامه فوق وام حمد وام سعيد يشرفن على الترتيبات برى ويطالعن العشا وقفن عند باب صاله يستقبلون الحريم اللي بيين نزلت ثريا وهي لابسه فستان ماسك على جسمها ووقفت ويا عمتها عند الباب تستقبل الحريم ..
:
اما عند بيت بو سعيد كان توتر في لطيفه الف واصل بعد ما حطت ميكب ولبست فستانها وليست كعبها الأسود وساعتها وخواتمها والاسواره والسلسال والحلق كطقم كامل شافت شعرها اللي سوته رفعه بسيطه وخلت الباقي مفتوح وما شاء الله واصل شعرها لين تحت ركبتها حطت عباتها ع كتفها ولبست شيلتها ودخنت وتعطرت ولفت على الكبت تنهدت وهي تطلع تلفونها اللي من يوم طلاقها فرته في الكبت افتحته وانصدمت من كميات الرسايل اللي يايتنها بالهبل مسحت كل رسايل من دون ما تقراهن ومسحت رقم مايد وبلكته حست براحه خفيفه لبست شنطتها ونزلت من ع دري تحت عيون نايف اللي متخبل عليها حضنها بحب وهو يسمي عليها: يابختي يوم انا اخوج حظيظ ولا من عنده لطيفه ويعافها
ابتسمت بحب وهي تقول: محد مرفع معنوياتي الا انته سديت عوقك يا الغلا ..
باس راسها بحب وهو يقول: ودعتج الله ..
طالعته بحب اخوي وهي تقول : فديت الكاشخ انا علني ماخلى منك..
ابتسم بحب : ولا منج
لطوف تشوف مهره والريم وعهود نازلات وقالت : حيهم الشيخات صليت بكن على النبي عن تنخطبن اليوم وحده ورى الثانيه ..
ضحكت الريم وهي تقول: الله يعلم اليوم منو بيغطي علينا وبياكل الجو
استحت لطوف لان صدق احلى وحده في العايلتين كلهن لطوف بياض عيون وساع رموش كثيفه شفايف مليانه شعر ما شاء الله لين تحت ركب وكثيف جسم متناسق وحلو قطع جوها عهود وهي تقول: يلا لطيفه بنسير
تنهدت وهي تشوف نايف يلعب بفونه ومطنش هالمسكينه قلبك حجر ياخوي ..
تقدمت بتطلع مسكها نايف وهو يقول: وين بتروحين
لطوف طالعته وطالعت عهود وقالت بغباء: وين بعد الملجة شفيك
نايف يمسكها من ايدها وقال: الحين توكلنا ما تطلعين من دوني
ابتسمت باحراج وهي تشوف عهود اللي تغشت وطلعت قبلهم وبهمس قالت: تراك بتنسال عنها يوم القيامه ..
نايف بضيق: مودي ما يسمح اني اعكره اليوم انا مستانس وايد وخصوصا اني شفتج طلعتي من البيت .
سكتت لطوف بصمت وصلت السياره وشافت مهره راكبه قدام ركبت ورى وكان الترتيب كالتالي ورى سيت مهره عهود وفي نص الريم ورى نايف لطيفه وصلوا بيت عمهم ونزلوا ..
:
عند باب استقبال الحريم رحبت ام عوض وام حمد فيهن وسلمن على البنات وكانن متغشيات وصلن عند امهن وسلمن عليها ولطيفه حبتها ع راسها وقالت أمها: ابركها ساعه يوم ظهرتي يا بنت حمد ضحكت لطيفه بهدوء وكملت سلمت على حمده ومريم وصباح ولفن يمين ودخلن الغرفه اللي فيها الفلبينيه اللي تحافظ على أغراض الحريم وفجن غشوتهن وعبيهن وشيلهن وعطنها الفلبينيه دخلن الحمام وشيكن على عمارهن سمعت لطيفه مهره تقول: ليش مارفعتي شعرج ياختي بيحسدونج العرب ما تعطي خير ..
لطيفه ببتسامه: الله الحافظ فديتج وانا قريت عليه فضلت اني اخليه مفتوح وايد اريح لي ..
هزت راسها مهره وطلعن برى ،، قبل ما تطلع لطيفه خذت شهيق عميق ومسكت تلفونها عشان توتر يخف ..
طلعت على صوت الأغاني وشافت مهره والريم وعهود يسلمن على اليازي وودوم توهن نازلات من دري سارت لطوف صوبهن وهي تحس بالانظار عليها ..
اليازي ببتسامه: حي الله بنت حمد وحضنتها بقووو اشتقنالج يالخامه عنبو ما تسالين ..
لطوف بلوم : والله سمحي لي فديتج ادري اني مقصره فيكم ،، المهم انتي شحالج غناتي ربج بخير ..
اليازيه تبعد عنها وتتعمق فيها بالنظر: بخير يعلج الخير فديتج حلويتي اكثر يا لطوف وضعفتي وايد مجملج ليت قلب عمي يحن على اللي متعذب بسببج ..
ابتسمت بضيق وهي تقول: يزوي لا تضايقيني دخيلج مابا اسمع طاري عرس ولا اريد اعكر مزاجي تكفين بنت العم
اليازيه بضحك: حاضرين حاضرين ولا يهمج الغاليه
لفت وسلمت على ودوم وهي تقول: حي الله بنت شهاب شحالج
ودوم وهي مفهيه فيها: بخير فديتج انتي شحالج
لطوف تبتسم: بخير ونعمه فديت قلبج
ودوم تمت متنحه فيها ولطوف لفت على اليازيه اللي قالت لها: شو يديدج بنت العم
لطوف ببتسامه: ابدا والله ماشي يديد كله قديم وبايت
ضحكت اليازيه وتنهدت بضيق نطقت بعد فتره وهي تقول: بتسيرين عند سلامه
لطوف وهي تشوف بنات يايات صوبهن :: بعد شوي
هزت راسها اليازي ولفت على البنات اللي سلمن عليها ..
اليازيه ترحب فيهن وبعد ما سلمت عليهن قالت وهي تطالع لطوف: هذي بنت عمي ..
تقربت منهن لطيفه وابتسمت لهن لانها مسلمه عليهن اول مادخلت كانت متغشيه وقالت اليازيه للطيفه: اعرفج هذيل خوات المعرس هذي حمده وهذي مريم وهذي صباح وهذي اخرهن هند
ابتسمت لطيفه وهي تقول: والله ونعم فيكن يا مرحبا الساع مبروك ما دبرتوا ..
حمده اللي متخبله عليها وعلى شعرها الطويل اللي يلفت الانتباه: الله يبارك لج فديتج ..
انحرجت لطيفه من نظراتهن زود وابتسمت باحراج وهي تقول : عن اذنكن..
راحت فوق وتوتر الف فيها دخلت عند سلامي وشافت البنات مسويات لها جووو ضحكت وسلمت عليها وباركت لها ..
تحت عند رياييل حمد وراشد كانوا يبون يدخلون داخل يبدلون ثيابهم راشد اتصل بثريا وقالها سوي لي درب بدخل دخلته من باب المطبخ وراحت تكمل استقبالها للحريم ،، اما حمد كان متحرقص يبا يشوفها وفي نفس الوقت يبا يغير ثيابه اتصل باليازي وقالها بدخل دخلته اليازي من باب المطبخ وسارت وياه لين الغرفه دخل داخل وقالت اليازي: شفت لطيفه يا حمد تبككيييي والله انها حلوت عن قبل زوود
زادت دقات قلبه وقال: لا تعبيني يا اليازي راد نفسي عنها بالقوه عمي امس قال لو انك بين الحياه والموت ماتاخذها لو علاجك واقف عليها ..
اليازيه بضيق: عمي صراحه يقهر بعد المهم انته تسبح وبدل وانا بخليك تشوفها على الأقل تشبع عيونك لو من بعيد …
ضحكت وطلعت …
اما مهره اللي كانت لابسه فستان نيلي وطقم العقد اللولو مع الأسواره والحلق وكعبها االلوليء ورافعه شعرها كامل ومنزله خصل من قدام طلعت من حجرة سلامه على اتصال اليازي وهي تمشي في الممر اليازي بضيق وهي تشوفها: تعالي ياختي أبا حمد يشوف لطوف
شهقت مهره وهي تقول: لا يالهبله لا تسوييينها والله بتزعل نحن ما صدقنا تطلع من جحرها اللي هي فيه..
اليازي بضيقه: يعني اخلي اخويه متضايق
مهره بقهر: يالمينونه انتي مريضه صح!! لا تينين امج ماتباها لحمد وانتى تعرفين بشي هذا وابويه انهى الموضوع من زمان لا تيلسين تخلطين الحابل بنابل الله يرضى عليج توكلللي على الله ووريني عرض اكتافج يلااااا ودزها صوب دري واليازيه تضحك بقهر ..
اما مهره تحرطم: هبله ورب الكعبه تبا تسوي في لطوف نفس ما سوت فيني والله حاله حست بدوخه غمضت وافتحت عيونها بسم الله شفيني انا ،، شوي بتلف صوب غرفه سلامه ولا تشوف راشد اللي واقف ويطالعها بكل شوق تقدم لها بسرررعه وهو يمسكها: بسم الله عليج يا قلبي فيج شي
مهره غمضت عيونها بتعب وقالت بضيق : راسي يعورني ..

البارت السادس والعشرون:
:
شلها بين ايديه وهي من كثر الويع حطت راسها على كتفه وحاوطت رقبته بيديها وارتبك راشد زود بسبب دقات قلبه اللي تزايدت سرعتها من اول ما شافها حطها في غرفة اليازيه وقفل الباب قعد عندها وهو يقول : فديت زول ويهج يا حبيبي من متى ماشفتج
مهره بتعب: عطني بندول
راشد بحب : مهره شي يعورج ! تعرفين منو انا !
مهره بربكه : عنبوه يا راشد ما فقدت ذاكره انا ، الا دوخت شوي فديتگ، شوي تعبانه .
بلعت ريقها مهره وهي تشوفه كيف يتاملها عطاها بندول وشربته رفعت راسها وهي تتمعن في عيونه ونطقت بضيق: راشد
راشد بحب: عيون راشد وقلبه لبيه يا عيوني امري
مهره تبلع ريقها وبضعف: خايفه !!
ابتسم بحب وهو يقول: من شو غناتي!
مهره تتنهد بتعب: من ابويه ! صار لنا فتره نلتقي بسر !
راشد بحب يمسك يدها ومرر اصبعه على كف ايدها وقال: عادي انا ريلج مب واحد غريب عنج ! وبعدين ماله داعي الخوف ابداً انا اللي غلطت في حقج مب انتي وانا اللي لازم اصلح غلطتي ومايرضيني اني اطلقج وانا اللي كنت اترياج بفارغ الصبر بس الموضوع يباله وقت شوي عمي لين الحين ميبس راسه الله يهديه.
ابتسمت بضيق وهي تشووف عيونه وبتنهيده اليمه تحكي وجعها: هيه فديته ابويه مكسور يا راشد من اللي صار لنا انا ولطيفه ،، اذا تبا الصدق يا عيوني كلنا انكسرنا والله انا تطلقت ولطيفه تطلقت ونايف هاجر حرمته وابويه تحسه مصدوم مب مستوعب اللي صار لنا هذا كله ومتضايق مب قادر يتخطى صدمته فيگ انته ومايد ،، وامايه حليلها متحمله كلام االعرب اللي تسمعه عنا ،رفعت عيونها وهي تطالعه بالم وضيق وابويه وايد منكسر من هالموضوع
قال بضيقه: ادري والله عشان جي انا بحاول قريب اني اقولهم اني رجعتج على ذمتيه واطلع لهم ورقة الرجعيه انج على ذمتيه لين اليوم ، مهره انا ما اقدر اشوفج ويا غيري اموت ولا غيري يلمسج باس خدها تحت شهقتها اللي اعتلت صوتها : والله اني تعبااانه من هالموضوع راشد انته كسرررتني وايد كسر ما ييبر( ينجبر)،، انا مب مرتاحه في بعدك …
شهقت بغصه مكبوته وحضنها بحب وبضيق من حالتها : فديت عمرج غناتي والله اني مستعد اجبر كسورج كلها واولها قلبج وقلب عمي فديته ، تراني أحاول اتقرب منه واعتذر له بس في الوقت الحالي ماباه يشوف اصراري .
حست بدفء حضنه حاوطته بيديها وهي تبكي من الغصه ما كان جدامه غير انه يهديها ويخليها تبكي بصمت
مهره تذكرت كيف من فرط المشاعر انجرفت لمبارك كرهت نفسها في هالحظه كييف ارخصت مشاعرها وارخصت نفسها له ، حست براشد اللي يبا يبعدها عنه بس تعلقت فيه زوددد وبحب وهو يحاوطها: فديت روحج يا نظر عيني
مهره تشاهق وهي متعلقه فيه : انا متتتضايقه راشد
حاول يبعدها عنه ماقدر ابتسم بحب: هالكثر متولهها عليه خنقتيني فجي شوي عني أبا اشوف ويهج ..
بعناد وهي تضربه على كتفه: سسسسخخيييف.
بعدها عنه وحضن ويهها بكفوفه مسح دموعها وهو يقول: اليوم فرحة سلامه وانتي خربتي مكياجج وخربتي يومج
بوزت من ياب طاري الميكب اللي اخترب وقالت بغصه: انته ييتني في الوقت اللي محتاجه افضفض فيه ومالقيت غيرك أقوله معاناتي خصوصاً انگ قاطع عني من فتره طويله ،، عقب اخر مره تلاقينا
ضحك بحب وقال: نسيتي ان مواعيدنا الغراميه كلها في ليل وبالسر تحت نور القمر اللي شهد على رجعتنا لبعض
أبتسمت بضيق وقالت:متى تقولهم انك رجعتني!
راشد حضنها ومرر ايده على ظهرها وقال: ان بغيتي اليوم بس لازم افلم عليهم وانتي تأيدين اللي بقوله .
بغيره طالعته وهمست وهي تقرب منه: طالع غير اليوم .
ابتسم بحب بعد مالمس نبرة الغيرة في صوتها وقال: اطمنج ترا قلبي لج مب لها ..
ارتاحت وزفرت براحه بقو وهي تقول: اغار منها!! ومن كل شي يجمعك فيها حتى ولدك!
انصدم من اعترافها وحضنها بحب وهو مستانس وقال: انا بعد اغار من بيتكم اللي يضمج بين يدرانه وانا بعيد عنج .
مهره طالعته وقرب منها وبهمس قال: تدرين ان عمي شگ ان بيني وبينج شي حتى كلم ابويه بخصوص هالموضوع وابويه طبعاً كالعاده في صفنا انا وانتي وقالي خفف طلعاتگ وياها ترا عمك شاك فيكم عشان جي بعدت عنج فتره طويله غناتي من اخر مره تلاقينا فيها.
بعدت عنه بصدمه وقالت : قول والله ان شگ فينا ..
راشد ضحك وقال: والله ؟ ليش ماتدرين!
مهره برعب: لا والله مادري ؟ متى سار عند عمي !
راشد يضحگ: كنا رادين انا وانتي من دبي وكان وقت صلاة الفير انا نزلتج من الباب اللي ورى وروحت هو شاف سيارتي بس ما شافج لانج نزلتي قبل ما يطلع وقال لبويه ان شاف موتريه عند بيتكم وابويه صرفه اهم شي انه بعد ّشگ عنج وعني …
انصدمت مهره وقالت بخوف: انته ينخاف منگ يا راشد بيجتلني ابويه ان شك فيني والله ..
راشد يسحبها لحضنه ويطوقها بيديه: وانا يعني بخليه يشك فينا تراني بعدت عنج كل هالفتره عشان اقطع شكوكه حتى ما اتصل بج محول تلفوناتي مغلقة عشان تفقدين الامل انج تكلميني ورفع حواجبه بترقيص لها.
مهره بضيق وهي تضربه ع صدره: خبرني المفروض يكون عندي علم عشان ما احاتيگ ،، اسميگ انته ما تهتم لمشاعري ..
قرب ويهه منها وهو يقول: اسمع من يتكلم منو كان يتجاهل مشاعري واحاسيسي همممم منو ؟
مهره بغصه تلف عنه: وانته لازم تذكرني بالذي مضى ..
راشد يبوس خدها وبهمس: ذكريات اليمه الله لا يعودها يوم كنتي تصديني .
مهره طالعته بطرف عينه وهي مازالت بين ايديه: كنت اصدگ لانگ كنت … ما كملت جملتها لانه عضها على شفتها بقو وهو من قهر منها قال: خلاااص لا تذكريني بالماضي اللي ما ينطرى.
بعدت عنه وهي تتألم من عضته على شفايفها وبقهر قالت: راشد ترا يعور..
ضحك بخفه وهو يشوف دموعها وقال : شو اسوي يعني أغرني ماقدرت اقاومهن ..
ماعرفت تستحي ولاتبكي ولاتعصب عليه قرب وقال: يلا انا بسير عند رياييل
مهره تغصصت عبالها مل منها والتزمت الصمت وهي ودها تقول كيف بتقنعهم انگ رجعتني لكنها سكتت
راشد يبتسم : شي في خاطرج قبل لا اسير عند رياييل
طالعت كندورته وقالت بهمس: خيستك لمعه وبودره
ابتسم وهو يقول: فدوى عن راسج حبيبي وقام وطلع من االغرفه والفرحه مب سايعتنه اتصل بثريا عشان ينزل قالت له الحريم كلهم في الحوش برى محد في صالة طلع من الباب الوراني ..

اما لطيفة نزلت الصالة وهي تشوفهم كلهم برى في الحوش يرتبون ويشرفون على الترتيب والاغاني قعدت في الصاله وهي تشوف ودوم وعهود يايات صوبها وحمد اللي نزل ووقف على الدري يشوفها تسولف وياهن ابتسم بالم وضيق وهو يقول احبج يا بنت العم لكن عمي وقراراته الله يهديه تحيل بيني وبينج طلع للميلس ..
:
عند رياييل فالميلس ..
بعد ما حضر الشيخ وبدا يجهز اوراقهم لعقد القرآن حط عوض ايده في ايد بو حمد وبدا يردد ما يقوله الشيخ وبعد ما انتهوا وقع عوض وشل راشد الكتاب وداه فوق بطل الباب وشاف سلامه وودوم دخل وهو يقول لسلامي وقعي
ضحكت سلامه بتوتر وهي تشوف توقيع عوض ووقعت عند توقيع الزوجة بارك لها راشد وطلع ..
وهو نازل قابل ثريا قالها: وين حمد
ثريا : راقد
تخطاها راشد وطلع من الباب الوراني ،، اما ثريا تنهدت بضيق وطلعت فوق …
:
عند الحريم برى ام عوض ما شلت عينها من لطيفه بتموت على لطيفه وين ما تسير لطيفه تم تتبعها بعيونها ،، حست لطيفه بنظراتها وابتسمت بخجل وتوتر شوي وأعلنوا ان عوض بيدخل سارن البنات الغرفة لبسن عبيهن وشيلهن وردن ،،قعدن عند الكوشة وشافن دخول عوض مع حمد وراشد ومبارك ، لفت لطيفه وهي تقول لعهود: ماشفتي مهره..
هزت راسها بلا تمعنت فيها لطوف وشافت الدموع في عيونها متحجره تضايقت هي مالها ذنب بعدت عنها وراحت بعيد شوي واتصلت بنايف اول مارد عليها قالت لطوف بضيق: نايييف حرااام عليك والله
نايف بنرفزه : نحن ما نخلص من موالها .
لطوف بقهر: ترا البنت فيها صيحه شوي وبتنهار
نايف بلا اهتمام: برايها خليها تولي اهم شي تحس باحساسج عشان ثاني مره تصطلب وتغدي حرمه …
لطوف بيأس: نايف شو ذنبها ممكن اعرف
نايف بقهر: ذنبها انها تعرف وساكته ، انانيه تفكر بنفسها وبس .
تنهدت بضيق لطيفه وقالت بهدوء: دام هذي نظرتگ لها الله يعينها عيل وانهوا المكالمه بسرعه ، تنهدت بضيج وهي تنزل تلفون من ايدها شافت مهره نازله من فوق وراحت صوبها ، دخلت مهره الغرفه اللي فيها اغراضهم وخذت عباتها وشيلتها وطلعت برى تشوف الجو وكيف مرتبشين راشد وحمد ومبارك وعوض يولون ، تلاقت ويا لطوف وقالت : وين كنتي
مهروه بضيق: فالغرفه فوق
هزت راسها لطيفه وبهمس: شي يعورج ؟ شي فييج؟
مهره تنهدت بضيق وهي تقول وعينها على ثريا وعلى راشد اللي يرزف: شفت راشد فوق وحنيت له يا لطوف وبكيت في حضنه ..
لطوف بضيق: فديت عيونج يا المهر الله يالف بين القلوب
مهره بضيقه: اول مره اضعف قدامه مب طايقه بعده يا لطوف الغيره تاكلني اكل ياختيه .
لطوف تمشي معاها لين قريب الكوشه قالت بهمس محد يسمعه الا مهره: عادي فديتج هذا الامر جدا طبيعي انج تغارين عليه وبعد لانكم رديتوا لبعض ولا تنسين انكم لين الحين ما اعلنتوا ردتكم لبعض قدام الكل فأنتي تحسين انه جنكم ماخذين بعض بالسر ومحد يدري عنكم لذلك طبيعي جدا اللي تحسين فيه



مهره وهي تتامله وتشوفه كيف يرزف ابتسمت بضيق وهي تقول للطيفه: ماعرفت قدره الا الحين ، كنت غبيه يوم كان قدامي صدق يوم قالوا ماتحس بنعمة شي الا يوم تفقده.
ابتسمت لطوف وبضيق قالت: الله يحنن قلب ابويه عليكم وان شاء الله ما تفقدون بعض ..
طالعتها مهره وقالت: امين بس انتي شو شعورج مستانسه ان مايد بيعرس .
ضحكت وهي تقول: هيه والله عادي الله يوفقه مافيه نصيب بيني وبينه يا المهر ..
مهره ردت طالع راشد اللي كان واقف على طرف الكوشه يرمس امه وامها ويضحك قالت: شعورج بكل امانه ؟ ومن دون لف ودوران!
لطوف تتنهد: والله محد كاسر خاطري غير هالمسكينه وهي تاشر على عهود وكملت كلامها نايف هاجرانها بدون سبب محملنها الغلط كله..
قاطعتها مهره وهي تقول: تبين صدق ،، عهود غلطانة من يوم ماعرفت بطلاقج كان المفروض تخبر نايف وتقوله صدق لكنه فضلت تسكت عشان ماتخرب على عمرها وسوت نفسها ماتدري وهي اكثر وحده كانت تشوف الفرحة في عيون نايف يوم انخطبتي وكيف كان فرحان يوم ملجتوا كلهم كسروا فرحتكم وتراه نايف مكسور اكثر منج يا لطوف واللي قاعد يسويه تراه غصبا عنه كسروا فرحته باخته وكسروا قلبه قبل قلبج ..
لطوف تنهد: الحمدلله يا بوج محد يأخذ غير نصيبه انتي طالعي الحب كيف رابشنهم ..
ابتسمت مهره بضيق وبغيره قالت: افففف لطوووف مب مستوعبه ان في وحده في حياته..
لطوف بضيقه: ادري والله حاسه فيج يا مهره لكن ما قول غير الله يمسح على قلبج ..
مهره كانت طالع راشد بغيره وندمانه انها قالت لراشد اعلنها لهلك كان في حياتها مبارك وعبالها بتاخذه الحين حست بغباءها وتسرعها الغبي شافت ثريا تروح فوق تبارك لسلامه وعوض وراحت صوب راشد وعطته حمد ولده ومسكه راشد وقعد يرزف وياه ويبوسه ع خده انهارت مهره بهالحظه حست عمرها صدق ضعيفه وحقيره انها طلبت من راشد يطلقها ليتها حاربت غباها ومشاعرها الغبيه تنهدت بضيق ما ينفع الصوت الحين حست انها مخنوقه والهوى انكتم من حولها مب مصدقه ان من ساعات كان قربها والحين قدام الكل موجود ولكنه بعيد عنها مايحق لها تقترب منه عشان محد يشك فيهم حاولت تشغل نفسها بس ماقدرت وهي تشوف ثريا واقفه عداله وعدال أمها وعمتها ويشوفون راشد اللي ماسك ولده ويرزف وياه ، اما لطيفه كانت محتاره بين مهره وبين عهود كيف تمسح على قلوبهم وتشل ضيقتهم هي بروحها تبا اللي يشل ضيقتها لكنها حامده ربها وشاكرتنه..
بعد فتره نزل راشد وسار عند ثريا عطاها حمد ومسكته من كندورته وقالت بغيره: شو اللي على كتفك هذا
دفر ايدها بقهر ورفع حايبه وبغيظ قال: بكسر ايدج ان عدتي هالحركة وراح عنها صوب امه وعمته ويلس يكلمهم عن مهره وان يبا يردها ما يدري كيف بجذبه نطق وهو يقول: عمتي مهره حامل لازم ترد لي وهي كلمتني اليوم وتقول محد يدري بحمالها لازم اردها لبيتي ومهره محد خذا غلاها فقلبي .
امه وعمته منصدمات: في ذمتك حامل !! وليش ما قالت من قبل عشان نقنع عمك ..
راشد بجذبه: ما كانت متأكده من موضوع حمالها الا بعد ما فحصت ..
تنهدن بضيقه كيف يقنعون ابوها ، وشوي يت مهره صوبهن ودموع في عيونها وبغصه قالت : يلا امايه نرد الوقت تأخر ؟!
راشد اللي شاف ويهها كيف جلب والدموع اللي في عيونها سمع امه تقول: مهره ليش ما قلتي لنا انج حامل!
انصدمت مهره لكن انقذها راشد وهو يقول بجذبه: مهره ما كانت تبا حد يعرف لين ما اردها على ذمتيه وبعدين نخبركم عن حمالها بس الحين انا مضطر اقولكم عشان ترمسون عمي .
مهره اللي بعدها تحت تاثير الصدمه وما استوعبت كلامه الا يوم قال وهو يحاوط كتوفها وبهمس: فديت المتنحين وين وصلتي !
استانست على كلامه وبلا وعي ضحكت وسط دموعها من سمعت كلمة أبا اردها ومن حسته يسحبها لحضنه المفاجئ لها قدام أمها وامه وقال بهمس: تتحسبيني بخليج وانا اللي ميت فييج والله ما اخليج بردج بحول الله قتلج لازم اسوي فلم عشان يقنعون عمي
بهمس نطقت وسط دموعها: عبالي انك تجاملني واخافها تكون سكنت في قلبك في الفتره اللي طافت وخصوصاً اني بعيده عنك مب قربگ .
راشد بحب يحاوطها همس لها: تخسسسي تأخذ مكانج بقلبي هي بس ام ولدي تربيه وتداريه ويكون في علمج انا في غرفة وهي في غرفة من يوم يينا هالبيت لا تفكرين اني جمعني وياها مكان واحد ولا سرير واحد ..
حضنته بحب وسط دموعها وشدت على حضنه اليازي اللي يتهم ومعاها وديمه بنتها ،وامها وعمتها مصدومات من اللي يشوفنه كيف هالاثنين طايحين في حضن بعض ولاجنه حد عدالهم ، قالت بضيقه اليازيه: ها قيس بن الملوح طايح أحضان انته وهي قدام خلق الله
راشد يضحك ويبتسم: حلالي ياويلي من زمان عن مهره واحضانها وطالعها بحب وعيونهم معانقه بعض ، استحت مهره وكمل كلامه رديتها على ذمتيه من هالساعه جان تبون بس المهم تقنعون عمي
انصدمت اليازيه هي تعرف انه رادنها من زمان بس انصدمت من الوقت ابداً مب مناسب في هالوقت يتكلم وقالت: وعمي ؟! درى!!
راشد بتنهيده: يعني اخلي ولدي ولا بنتي يربون بعيد عني ! شاله في بطنها طفل مني وين اوديه ..
ضحكت مهره على جذبته بس عرفت انه هذا الحل الوحيد عشان ابوها يقتنع ويردها له ، انصدمت يزوي وقالت بفرحه: زين والله ،، وصدق مهروه أخيرا حملتي الحمدلله ،،، وااااو احسن شي تردها صراحه واخيررررا الحمدلله جاد يفج الباب لحمد ،، ودور لطيفه بعيونها بس مالقتها بس تفاجأت بنظرة أمها بلعت ريقها يزوي بقهر وسكتت..
اما لطوف كانت برى عند الباب يرمسها نايف: انا برى فديتج طلعي ..
طلعت لطوف من الباب وتغشت قبل لا تطلع ونزلت من دري وانتبهت على حمد ونايف يسولفون عند السياره ركبت سياره من دون ما تطالع نايف اما حمد اللي كان يكلم نايف وعيونه ما نزلت من على لطيفه لف عليه وقال : مزعل لطوف شكلك
نايف يضحك وتنهد بضيقه: هي اللي زعلت ،، متدخله بيني وبين حرمتيه .
تنهد حمد وبضيقه قال: حرام عليك كله ولا لطيفه
ابتسم نايف وقال: واللي يزعل لطيفه يزعلني ومابا أتكلم فيه او حتى حد يناقشني بموضوعي مع زوجتي ..
حمد تنهد وهو يشوف الحريم اللي طلعن قال: زين برايك عيل بينا اتصال الغالي وهالله هالله في قلب اللي راكبين عندك .
ضحك نايف وهو يقول: مشكلتك ما لها حل ابدا ترا ابويه عاطنكم بلوك .
بضيق طلع زقاره من مخباه ولكن تفاجأ من حركة نايف اللي قال بقهر: بسسس عاد ذبحة عمرررك وانته دوخ خلاص يعنيي بتذبح نفسك عشان يوافق ابويه حمد فكر بعقلك ،، وشل الباكيت عنه والولاعه وبقهر قال: ترا لطيفه ما تحب اللي يدوخ وانته عابدنها عباده الدوخه..
حمد بضيجه : عطني إياها يا نايف ارتاح يوم ادوخها
طنشه نايف وركب سيارته وعق الباكيت عداله ولف على لطيفه وهو يشوف حمد اللي وقف مقهور وقال للطيفه ببتسامه: زعلانه يا القلب السموح .
لطوف بقهر جاوبته وهي تقول: حرام اللي تسويه فيها مالها ذنب نايف هي ماضربت مايد على ايده وقالت له تعال طلق لطيفه …
نايف غمض عيونه مايبا يصارخ ولا يبا ينفجر عليها حاول يحكم اعصابه حرك سياره وهو يقول بغضب مكتوم: سكتي لطوف لا تيبين طاريه هالزفت عشان ما اجرم فيه ترا واصلتني علومه كلها وانا من الأخير بطلق .
شهقة لطووف وتوها بتكلم مسكها نايف وهو يلف ويهها عليه وقال: تنكرين انه ما وسم قلبج تنكرين انه سبب في ذبلج تنكرين انه سبب في غياب ضحكتج وغيره وايد من العلوم اللي واصلتني وساكت عنه لاني لو مسكتج وقلتي لي ان فعلا صدق اللي وصلني ما برحمه والله يسجنه لذلك خليني ساكت عشان ما اسحبج بالكلام ..
توترت لطيفه وخافت عن يكون حمد قال لنايف شي مارفعت عينها عليه وعشان تغير الموضوع قالت: طيب ليش دوخ؟ ماتعرف انها مضره! وانها الموت البطيء .
نايف زفر بضيقه وقال: مب انا اللي ادوخ هذا حبيب الغفله كل شوي شافط منها عقولته ارتاح يوم ادوخ.
لطوف بتردد: حمد
نايف زفر بضيقه: هيه محد غيره !
غمضت عيونها وقالت لنايف: اسسسفه اني دخلت بينكم بس كسرت خاطريه.
نايف لف عليها وشاف الألم في ويهها والضيق باين في صوتها المخنوق لف عليها وهو يدخل البيت وقف سيارته عنند مدخل البيت ولف عليها وقال: لطوف
لفت عليه بضيقه وشافته فاتح ايديه ماترددت تحضنه على طول طاحت في حضنه وشدت عليه وبهمس محد يسمعه الا هو: تعرف دوايه محد فاهمني غيرك يا الغالي
شد بحضنه عليها وهو يقول: يخسسي الضيق وانا اخوج فديت روحج بعدها عنه وهو يقول: لطوف لا تدخلين بيني وبينها ترا عهود لو طيبه بس توقف ويا اخوانها على الغلط والدليل على كلامي ما عاتبة مايد يوم طلق ولا قالت لي عن طلاقج رغم انها تعرف من قبل،، سكوتها عن الحق قاهرني وهذا شي ماثر فيني وايد انكسر قلبي قبل قلبج انكسرت فرحتي فيج يا قلب اخوج.
ابتسمت بحنيه ورجعت حضنته: فديتتتك حبيبي لا خلا ولا عدم منك يا اغلى الناس ..
باس يبهتها وبحب قال: توكلي على الله ونزلي وانا متاكد بيي اللي يسعدج وينسيج الزفت .
ابتسمت بحب ونزلت وراحت فوق ..
:
بعد مرور يومين ..
،
في بيت بو حمد
:
ام حمد وابوه وحمد وثريا قاعدين في صاله دخل راشد سلم وقعد عدال امه اللي قالت: وين كنت ؟
راشد ببتسامه: بيت عمي
حمد تنهد بضيجة وسكت ،ام حمد طالعته ولفت لراشد: شو سويت بموضوع مهره كلمة عمك
هز راسه هيه وقال: كلمته بس متردد عمي يقول مايباها ترد لي اونه بيربيه بين عياله..
امه: لالا يا راشد دخيلك الا الموضوع هذا ضروري تردها وتقنع عمك وقوله حط شروطك ..
راشد: حط شروطه وانا موافق عليهن و… قطع عليه اتصال مهره رد عليها وهو يطلع برى ..
اما ام حمد رن تلفونها وشلته وهي تشوف رقم ام عوض :مرحبا السااع بام عوض
ام عوض: المرحب باجي ،، شحالج فديتج ربج بخير ..
ام حمد: بخير ونعمه فديتج يسرج الحال
ام عوض: فديتج ام حمد بغيت اتخبرج منوه البنت ام شعر طوييل ما شاء الله عليها واقفه هيا اليازيه بنتكم
ام حمد تحاول تذكر : أي وحده فديتج
وشوي نازلات سلامه واليازيه من فوق ..
اليازيه يلست عدال حمد وتسولف وياه
ام عوض طالع بنتها حمده وتاشر لها سكتي وقالت : والله ماعرفتها انا ياغير اظني من بنات ام سعيد ..
ام حمد قالت: قصدج مهره اللي شفتيها يوم الخطبه .
ام عوض: لالا مهره اعرفها ما اقصد مهره اقصد اختها اظني حلوه وجميله وشعرها لين ركبتها ولابسه فستان ذهبي ..
ام حمد باستغراب : صبري فديتج وزقرت اليازيه اللي لفت على أمها وهي تقول : اليازية ..
اليازيه حاطه ايدها على ايد حمد اخوها وتسولف لفت عليها وهي تبتسم:لبيه امايه
أمها: منيه البنت اللي وقفتي وياها امس لابسه فستان ذهبي وفاجه شعرها وشعرها طويل لين تحت ركبتها..
يزويً باندفاع: لطوف بنت عمي حمد .. ليششش !
حاست بوزها أمها وردت ع الحرمه وهي تقول: هيه فديتج اخت مهره اسمها لطيفة
ام عوض تبتسم : وربها محد رامس فيها .
ام حمد تضحك: لا ابشرج مطلقه
شهقة ام عوض وهي تقول : في ذمتج ليش !
ام حمد : ماعرف الأسباب والله ياغير انها بس ملجة وتطلقت يعني ما دخل عليها ريلها ولا شافها .
ام عوض تحمد ربها: يعني بنت
ام حمد: هي بنت اقولج مادخل عليها تبين تخطبينها
ام عوض: صراحه هيه البنت عايبتني وجميله وحلوه.
ام حمد في خاطرها افتكينا منها خازت عن درب حمد: الله يكتب اللي فيه خير .
ام عوض بتردد: ومهره ؟
ام حمد تبتسم: لا ابشرج ردها راشد طليقة ولديه تراها وردها فدييته اليوم !
ام عوض: بالبركة عيل .
ام حمد: الله يبارك لج فديتج
ام عوض تنهي المكالمه : زين عيل فداعه الله ..
ام حمد: في حفظ الرحمن
اول ما سكرت قال حمد بعصبيه: يايبه خطاب للطيفه
ام حمد بجذبه: لا تطمن ما تباها كانت تسال عن مهره ما تشوفني قتلها ردها على ذمته راشد
حمد زفر: اشوى
سلامه بزلة اللسان: هيه قالي عوض امه ما تبا مطلقات .
طالعها حمد بطرف عينه واليازيه قالت بقهر: والله مطلقه ولا غيره البارحه الحريم وين ماتسير يطالعنها بعيونهم بياكلنها والله غطت على كل الحضور هذي اللي قال فيها راشد الماجد من هيبتها غطت على كل الحضور …
ضحك حمد وهو يسمع مديح اخته وقال: طبعا مالها شبيه
نطقت ثريا بقهر وهي تقول: انتوا لكم ساعه ترمسون وماعرفت عن منو مهره عرفنا راشد ردها وهذا امر مستحيل الرجوع فيه انفرض عليه فرض لكن لطيفه منو ؟
اليازيه تضحك: والله تضحكين يا ثريا اونه انفرض عليه فرض
حاست بوزها وقالت بقهر: عساس بيسمعني صار لنا فتره منعزلين الله وكيلج
ضحكت يزوي وقالت: المهر ماخذه القلب
ثريا طالعتها وبقهر قالت: ماخذه القلب وبس ماخذه الريل بكبره حتى عقله.

البارت السابع والعشرون:
:
سلامه : كيف تقبلتي الموضوع ثريا
ثريا بقهر وحقد:من راحت مهره استوى اسمي مهره هههههه بس للأسف هي اجمل واحلى ..
ضحكت سلامه وام حمد قالت: حمدي ربج رضينا فيج
سكتت ثريا ونطقت اليازي: وشو قال عمي !؟
ام حمد: والله العلم عند اخوج !
طلع حمد عنهم وراح يركب سيارته ..
:
في بيت بوعوض ..
ام عوض ترمس حمده: انتي شفيج حشرتينا نقولج سكتي نبا نعرفها
حمده: تراني اقولج اعزميهم على عرس نعوم بنتي خل هزاع يشوفها انا برتب له ترتيب طيب منها نظره شرعيه ومنها تلحس عقله ..
ضحكت مريوم وهي تقول: صدقها حمدوه امايه والله بيقتنع فيها ..
ام عوض: زين بنعزمها بس عاد لطيفه بتحضر
حمدوه: بتحضر ان شاء الله انا بعزمها .
شوي نزلت نعوم وهند قعدن في صاله نطقت نعوم وهي تقول: صدق امي شفتن وحده في الملجة جميله
حمده: هيه فديتج ادعي انها تستوي حرمة خالج
ضحكت نعوم: وليش ماخليتوني اروح
حمده: ما ينفع يا اميه عرسج عقب أسبوع مانقدر نخلي العرب تشوفج بتعرسين ان شاء الله وبتحضر وبتشوفينها ..
نعوم تطالع هند وبغيض: لا تضحكين يا سخيفه
هند نطقت ع دخلة هزاع وعوض : تبكككي يا نعوم رحيييمه والله انها غطت على الكل
عوض ضحك وقال : ها منو هاي اللي غطت عليكم كلكم اكيد حرمتيه
هند: ياليت انها حرمتك والله بس للأسف مب حرمتك
ضحك عوض وهو يطالع امه تحرقص وباين عليها توتر ولف على هزاع اللي قعد وقال: شبلاكم متوترين !!
نطقت هند وبدوخه قالت: شفنا غزال البارحه في ملجة اخوگ صوبتنا نظرة من عيونها
هزاع يطالعها وقال وهو يسوي حركة الينان بيده :حمدلله وشكر على نعمة العقل ! انتي صاحيه ولا مينونه
هند بحالميه وهي تقول: والله لو اني ولد ما اخليها طالعته وقالت من شاف حسنها غصباً عنه يلتفت لها ( ع دخلة مكتوم اللي سمع الجمله ونطق وهو يتجه لهم : لا غششش جذيه ترمسون عن بنات ودورون حريم انا بعد أبا أشارك وياكم ويلس عدال امه وقال: منو هذي !
الجميع سكت هند توترت من نظرة هزاع الحاده وقالت تهدي الوضع: بس ماعرف منو هاي ما سالنا عنها ! وتمت تبلع ريقها بخوف من نظرات هزاع اللي ما تطمن .
لف على امه وهو يقول: بنتج صاحيه ولا نعرضها على دكتور نفساني .
هند بتسرع: وربي اني صاحيه واصحى من الدكتور النفساني بس البنت تشلع القلب .
هزاع بعصبيه : اوووصصصصصصص حشمي عمرج حرام توصفين بنت جدام اخوانج وهي ما تحل لواحد فينا
مكتوم تحمس : كملي هنوده ماعليج منه يمكن انا اخذها .
امه يالسه تطالعهم وقالت لمكتوم: قوم فز ابوك في الميلس يباك عشان موضوع بنت عمك تنهد بقهر وقال : اوووف مب وقته والله يا امايه خليني اسمع مواصفات البنت يمكن انعجب بمواصفاتها ووقاطعته امه بعصبيه وهي تضربه على ريله قوم يلااااا شوف ابوك شو بيقولك وخلص موضوعك وياه .
قام وهو مقهور الكل يعرف ان مكتوم عينه زايغه ومب أي وحده تدخل باله كم خطبوا له ويرفضهن عقب شوفه ما يعّيبنه مواصفاته نادره وذوقه صعب فيي اختيار البنات ، لكن بنت عمه لين الحين ماقدر يقول لا عشان ابوه بس مب راضي يتقبلها حاول بس ماقدر لذلك قرر يفسخ الخطبه …
بعد ما راح مكتوم لفت امه على هزاع وقالت: هزاع تراها مطلقه عادي عندك تأخذ مطلقه .
هزاع اللي انصدم من سوال امه وقال بتعجب :افا يا اميه والمطلقه شو فيها حليلها ترا مالها ذنب ، نعم انى موافق وعادي عندي ان كانت بنت ونّعم فيها باخذها وانا مغمض عيوني .
امه تنهدت: بنت بعدها ؟
عقد حوايبه هزاع وقال: شو بنت ما فهمت عليج !
امه: اقصد تطلقت وهي في الملجة يعني بعدها بنت
هزاع: امايه انا مايهمني بنت ولا مب بنت انا يهمني انها تكون زينه وحشيم..
امه: عيل بنتوكل على الله .
نقزت هند وهي تقوله: يحظظظظك بتاخذ الرحيييمه والله يا هزاع انها امس غطت على الكل حتى على عروس اخوك غطت عليها تقول طاووس تمشي وشعرهااا
هزاع بعصبيه: اصصص ولا كلمه انتي شفيجج ولف وشاف كرتون الكلينكس وفرها فيه ، كم مره أقولج البنت ما تحل لي ولا تحل لهذا وهو ياشر على عوض بقهر وعصبيه وزفر يحاول يهدي نفسه عيبب عليج وبصراخ يلا روحي فوووق .
سكتن خواته يعرفن ان هزاع مايحب هالعلوم وخصوصاً انه غيور وما يتحكم بعصبيته وغيرته المفرطه .
امه توترت منه وهي تقول: الحين شو اخطبها
عوض بفضول: منو هاي اللي ترمسون عنها
هزاع رافع حايبه مب عاجبنه الوضع نطق : سكت مالك حايه عيب تدخل في هالامور وانته معرس والموضوع مايخصك..وطالعه بعصبيه وبططرف عينه قال: روح فوق
سكت عوض وهو فيه ضحكه على اخوه وعصبيته وقام واقف يبا يروح فوق بس سمع نعوم تقول: وانته يا خالي مالقيت تملج الا قبل عرسي جان صبرت أبا اشوف منو هاي اللي يتكلمون عنها
عوض يضحك: برايها ماعليج منهم حبيبتي ، بييب لج الاخبار عقب وسار فوق بسرعه وهو يشوف هزاع يطالعه بنظرات غيره وعصبيه ،وعوض يضحك على نظرات هزاع اللي احتدت عليه وكمل دربه ، اما هزاع لف على امه وهو يقول: ولدج صاحي ولا؟
امه تضحك: وانته بلاك شبيت عليهم ترا ما صارت لك حليله ولا شفتها عشان تغار عليها .
هزاع بهدوء: ولو ماحب حد يوصفها جدام اخواني الرسول صلى الله عليه وسلم قال الحمو المووت ، ليش انا اسمع مواصفات انسانه ممكن تكون زوجتي في المستقبل ويقعدون يتخيلونها خواني بالمواصفات اللي تقولونها.
امه: هالاسبوع مكسار نعوم بنت اختك حمده وبعزم البنت وان يت بخليك تشوفها. ( المكسار بمعنى : يعرضون زهاب العروس للمعازيم والمكسار مكون من ذهب ولبس المغربي والمخاوير والنعول والشنط وهدايا العروس سواء منن اهل العروس او اهل المعرس )
هزاع هز راسه وسكت…
:
وقت الليل مكتوم كان راد من عند الشباب وفيه ضيقة الدنيا كلها قعد في الحديقة وهو يسترجع الحوار اللي دار بينه وبين ابوه في الميلس ..
<فلاش باگ>
:
دخل الميلس وحب راس ابوه وهو يقول: امر الغالي يقولون طلبتني!
لف عليه وقال: شو سويت بموضوعك انته وبنت عمك !
مكتوم بضيقه: والله يابويه ماقدرت اتقبلها حاولت ماتجذبني البنت مب قادر افتح لها قلبي .
ابوه بتنهيده وصبر: يعني !
مكتوم: اجذب عليك لو قلت لك راضي وبتقبلها حاولت والله يابويه اني اتقرب منها بس ماحرككت مشاعري ابدا احس اني قاعد ويا خواتي ولا حد من أهلي مافي أي انجذاب صوبها وبعدين هي مب انثويه دفششه في الأسلوب جنها حد من الشباب.
ابوه تنهد وبضيقه قال: سمعني يا مكتوم انته الله بلاك بعيون زايغه وتحب النسوان معقوله مافي حد جذب انتباهگ من كل البنات اللي خطبتهن وشفتهن.
مكتوم بضيقه: والله محد وكل ماشوف وحده قلبي ما يفز لها ومايحركن مشاعري ابدا.
تنهد وهو يقول: سمعني زين هالمره يا مكتوم بعطيك فرصه تختار بروحك لكن والله يا مكتوم ان مالقيت لك وحده تصون نفسك فيها وتحفظ عمرك ، اعتبر ملجتك على بنت عمك متممه وبتممها غصبا عنك .
مكتوم بالم وضيق:لا ما ينفع جذيه يابويه اصبر يمكن الاقي وحده قلبي يفز لها ..
ابوه بقهر وحكمه قال: يابويه انته تخطب وتعلق قلوب البنات فيگ وعقب تفسخ الخطبه وماتراعي قلوبهن اللي تعلقت فيك ،، ترا باجر الله بيبليگ وبيفز قلبگ لوحده وما تقدر تطولها عقب ابداً.
تجاهل كلام ابوه وقال: انا ما قلت لهن حبّني هذي فتره خطبه وتعارف ماشفت قلبي يباهن تراجعت ابويه الله يخليك افهمني ترا قلبي من حقه يختار نصفه ثاني بكل قناعه .
ابوه تنهد وبحزم قال وهو يرفع صبعه في ويهه ولده: عندك شهر بس اذا مافز قلبك لحد، انا بزوجك بنت عمك وخل قلبك يفز لها بعد الزواج وان مابغيتها بتاخذها غصبا عنك ولا تقول ما قلت لك ..
رد على الواقع على صوت هند ونعوم اللي يتكلمن لف عليهن والتزم الصمت وهو يشوفهن يايات صوبه هنوده تبتسم: مرحبا اخوي العزيز
أبتسم بضيق وقال وهو يمسح ويهه بتوتر ويخلل اصبوعه في شعره ويرجع راسه ورى شوي : مرحبتين ، حي الله البنوتات الحلوات.
ضحكت هنوده وقعدت عداله ونعوم اللي قالت: انزين عيل انا بسير ونتلاقى باجر .
هند هزت راسها بإيجاب وقالت نعوم وهي تطالع خالها بضيق قربت منه وحضنته : شو فيگ فديتگ .. عسى ماشر ..
مكتوم لف عليها وهو يحاول يبتسم لكنه فشل في تعبير عن ابتسامته وحلت محلها تنهيده طالعه من القلب وهو يقول: يا بوج مالقيت لي وحده تحرگ هذا واشر على قلبه مسكر على كل البنات مادري متى الله يهديه ويفز لوحده تحرگ مشاعري صوبها .
ضحكت نعوم وهي تقول:وبنت عمگ !
مكتوم عدل قعدته وقال بقهر: الله يغربلها ويغربل اسلوبها جنى قاعد ويا حد من شباب مافي انوثه في الموضوع ياخي أبا وحده كلها انوثه ودلع وغنج ومستحى اووف احب البنت اللي تستحي والهاديه ..
ضحكت نعوم وهنوده يت صورة لطيفه في بالها وهي تقول في خاطرها نفس المواصفات اللي يباها مكتوم بالضبط متوفره فيها تنهدت وترددت تتكلم نظرة هزاع لين الحين في بالها مرتكزه تخاف توصفها لمكتوم وتعلق قلبه فيها وعقب ياخذها هزاع التزمت الصمت وهي تسمع حوارهم لفت على نعوم وهي تقول: والله يا خالي نصيحة محب لا تجبر نفسك عليها وبعدك دور سال خالاتي يمكن يفيدنك ويعرفن حد بالمواصفات اللي انته تباها
مكتوم تنهد بتعب وعدل قعدته وهو يقول: خالاتج مايبن يفشلن اعمارهن ترا قد شعر راسج دور لي ما قصرن بس محد دخل قلبي والله ماقدر اتقبلهن صحيح ان عيني زايغه لكن والله لو قلبي يفز لوحده لاعلنها توبه ماشوف غيرها ، صح اني اخطبهن واتعرف عليهن في الخطبه ويحبني ويتعلقن فيني لكن مب ذنبي والله ذنب هالقلب اللي ماعرف يختار ولا يحب.
ضحكت نعوم على كلامه وقالت : ماعليه فديتگ الا ما تلقى لك بنت تسلب هالقلب وراعيه بس اصبر انته على رزقگ ..
تنهد بضيجه وحس بخنقه وقال: والله العيب مب فيني، انا ماقدر اقرب من وحده قلبي ما يحبها ماعرف اجذب على نفسي والله ، قلبي واعرفه ان ما حب ما يفز لأي وحده ابداً حتى لو كانت ملكة جمال قلبي يبا دلع يبا انوثه همس وهدوء ماحب البنت الدفشه والهبله واللي كله عندها عادي واللي في شرق والغرب يسمع صوتها ، أبا وحده خجوله ماينسمع صوتها الا لي انا وبس حتى خواني مايسمعون صوتها.
انصدمت نعوم وهند ضحكت: خير ان شاء الله هذي غيره يعني ولا شو بالضبط..
ضحك رغم انه متضايق: لان قلبي وقتها ما بيرحمها اللي بتاخذه الله يعينها على تسلطه وتحكمه فيها.
ضحكت نعوم وهي تقول: يارب ارزقنا واوعدنا بالمشاعر اللي نسمع فيها ولا نشوفها.
ابتسم بضيق وهويقول: والله فيه بس لازم هالقلب يتحرك وينبض ، لان يوم ينبض من اعماقه يطلع الحب والاهتمام.
تنهدت بسكات وهي تهز راسها وقالت: الله يرزقگ ويريح قلبگ يا الغالي وحضنته بحب وكملت كلامها بغصه والله يحضها اللي بتاخذك اصلاً يحصل لها غيّره مثل غيرتگ وقلب مثل قلبگ يحبها ويفز لها.
شد على حضنها بقو وهو يتنهد على سبيل الراحه ووبعد عنها وكمل ببتسامه مجامله وهو يقول: الله كريم غناتي.
شافت سياره عمر ابوها وسارت صوبه تركب وقلبها يدعي لخالها.
:
:
هند توترت من نظرات مكتوم وهدوءه الغريب حبت تغير الجو وتلطفه قالت ببتسامه: شو رايگ نطلب عشا من المطعم .
رفع عيونه وهو مصغرنهن وقال بضيقه: مابا عشااا أباج تزوعين الكلام اللي في عيونج ..
توترت من فهمت كلامه وقالت بضيق وهي توقف: انا بروح انام وتوها بتلف سحبها من ايدها بقو وقعدها وقال بعصبيه وقهر: تشوووفين حالتتتتتيه كيف ولا ما تشوفين ، لا تحسبيني غافل عن نظرات هزاع وسكوتج عن وصف البنت يوم دخلت وتصريف امي لي للميلس كل هذا ليش !! عشان منو ؟ عشان هالبنت اللي محد شافها ؟ شو سالفتكم ممكن اعرف!
بخوف وتوتر من نظرة عيونه وحدتهن وعصبيته المفرطه: والله ماعرف اسمها ولا ادري هي منو أصلا غير انها بنت عم سلامه حرمة عوض وبس والله ماعرف أي شي ثاني عنها..
مكتوم غمض عيونه وقال بتنهيده وهو يرخي اعصابه: وصفي لي إياها خليني اتخيل شكلها .
بلعت ريقها بخوف فتحت الواتس بسرعه اول محادثه فتحتها وكتبت اتصلي ضروري …
وحاولت تتهرب من سواله ولما طال سكوتهم قال بقهر: لا تتكلمين اعرف كيف اخليج تنطقين ..
هند بخوف: والله مكتوم ماقدر أقول شي لاني أخاف ثاني شي البنت ماعرفنا عنها شي معرسه ولالا محد يعرف أي شي عنها .
مكتوم بغصه وقهر: لو تبين تعرفين بتعرفين بس….
قطع كلامه اتصال سلامه تنهدت براحه وهي تقول: هذي سلامه متصله برد عليها ..
مكتوم بحده وقهر: حطي سبيكر واساليها عن بنت عمها.
ارتجفت اطراف اصبوعها من عصبيته وشوي وبتبكي قالت: ماقدر اللي تطلبه صعب يا مكتوم .
مكتوم يحاول يهدي نفسه ودقات قلبه تزيد وقال بقهر: طلعيني من هالمصيبه مابا بنت عمج ابويه عاطني مهله شهر بس شهر تفهمين حاولي تساعديني وبغصة قلب انا ما بتيب راسي الا وحده يفز لها قلبي لأقبلت صوبي تمشي هذي الوحيده اللي بتعالجيني من اللي انا فيه أبا وحده اتملكها وتتملكني فهميني انا اخوج مب عدوج واللي فيني مرض بحب النسوان ومالي ذنب فيه وليتني من هالنسوان كلهن لقيت وحده قلبي فز لها ولا يباها ، قلبي عنيد ومسكر بيبانه ماحركن فيه ساكن تكفين هنوده اخوج انا مب واحد غريب ساعديني وصفيها لي يمكن انعجب بوصفها.
بكت هنوده على حالة اخوها هي متاكده انا لطوف تقدر تعالجه من اللي هو فيه بس سبقه هزاع وبخوف انها تعلق قلبه فيها : والله هزاع يذبحني !
مكتوم بقهر: خليه يولي ؟ مايقدر يسوي شي !
هند وهي تشاهق: الا يقدر يسوي أشياء مب شي ، انته اللي ما تقدر تفهمني.
مكتوم حط ايديه على راسه وهو يشد شعره التزم صمت وهو يحس بالقهر ، اما هنوده ردت على اتصال سلامه وراحت تتمشى في الحديقه وصلت عند المسبح وقعدت على الكراسي الجانبيه وهي تشوف اضاءته الخافته بكل الألوان تتغير أوتوماتيكيًا استغربت من سلامه وهي تقول: شوفيج خوفتيني مطرشه لي ع الواتس اب اتصلي ضروري .
بلعت ريقها بصدمه وحاولت ترقع الموضوع قالت: اسسفه والله كنت ناويه اطرش لنعوم بنت اختي حمده وما انتبهت على الرقم السموحه منج
سلامه تتنهد برتياح: خوفتيني يا حرمه قلت صار شي ولافيكم شي..
هنوده بتنهيده: لا والله فديتج مافينا الا العافيه يا قلبي .
سلامه سكتت بعدين قالت: الا صدق بسالج اليوم عمتي داقه تسال عن منو بالضبط من بنات عمي ..
ارتبكت هند وماعرفت شو تقول حاولت تبلع ريجها وقالت : كيف يعني ! مافهمت ! شو يخص بناات عمج !
سلامه بضيق: بصراحه احس عمتيه متصله تبا تخطب حد من بنات عمي لحد من اخوانج بس ..
هنوده اللي حست فيها قالت بملل: بس شو ؟
سلامه سكتت بعدين قالت: خلاص ماشي !
هنوده ماعجبها كلام سلامه حست فيه نوع من الغيره قالت بضيق : عادي قولي !
سلامه: تحسين بنات عمي اللي شفتيهم في الملجة يناسبن حد من اخوانج؟
هند ماعجبها سؤال ابداً فقالت: أخاف الجواب ما يعيبج
انصدمت سلامه من ردها وقالت : كيف يعني ما يعيبني!
هنوده تحاول تتلفت وتشوف حد حولها ولالا نطقت بعد ما تاكدت ان المكان آمن : بصراحه هيه وخصوصًا اللي لابسه ذهبي ام شعر طويل .
انقهرت سلامه لان عوض قالها منو من بنات عمج مستويه ترند في عايلتنا ويطرنها ويصيحن من جمالها ، سلامه طبعاً ماجاوبته بدافع الغيره عليه امما هنوده قالت: وين وصلتي!
سلامه مقهوره معناته لطيفه حدث الكل في عايلتهم نطقت بغيره: بس ام شعر طويل عقولتج معقده، فيها عقده لا تحب ولا تنحب.
انصدمت هند وبربكه وقلبها يرقع من اللي تسمعه: شو يعني ! وضحي كلامج!
سلامه بغل لان عوض كان يتكلم عنها وكأنها عاجبتنه وهو أصلا ماشافها فقالت بعدم مبالاه: دلوعه وحساسه وصياحه وتسوي نفسها مظلومه وهي ظالمه اصلاً ووايد أشياء ماريد اذكرها ..
انصدمت هند وقالت باستعجال : انا بسكر … وسكرت الخط وهي مصدومه مب معقوله اللي شفناها فيها كل هالعقد مستحيل هالبنت فيها هدوء وايمان ونور في ويهها
:
بعد مرور أسبوع واليوم يوم العرس..
:
في بيت بو سعيد ..
مهره تكلم راشد وتلبس ذهبها: هيه حبيبي بروح
راشد: زين عيوني عمي متى يحن ويردج لي
مهره تننهد وببتسامه: يقول والله لو مب حمالج ماتردين له ضحكت بخفه مادري من وين جاذب عليهم انته
راشد: يعني الحين يوم تبيني تحسبيني بعيفج
مهره بحب: فديت روحك يا الغالي انا ماعرفت قدرك الا متأخر
راشد بحب: عادي حبيبي اللي صار خيره لنا عشان نتعلم ونعرف قدر كل واحد فينا
مهره تزفر براحه: اسميه صدق خيره نعم والحمدلله على كل حال …
راشد: سلامه واليازيه بيروحن بعد
مهره تتنهد بضيق: هيه حتى لطيفه امي ملزمة عليها بشكل ما تتصوره .
راشد يزفر بضيق: امي ما تباها لحمد
مهره بضيق: هيه مادري ليش امك تكره لطيفه …
راشد: لان حمد فشلها يوم خطبة له عايشه بنت خالتيه
مهره: لطيفه شو ذنبها يا راشد ما قالت لحمد ارفض خطبتك من بنت خالتك.

ذَائِقةٌ مُترَفَةٌ..بِـ كُلِ جَميلٍ.. متصفَح يقطرُ سحراً يُشدنا فاتنٌ بِ الجمآل لاَعَدمْ وَقَوافِل الجُوريِ تَحتَفيِ بِكم [IMG][/IMG] [IMG][/IMG] [IMG][/IMG]

دجى الليل معجب بهذا