رواية وإذا رأيت حُسنها وهي تبتسم أتمتم ربي إغفر لِعيني أن ثملت/البارت الثاني

البارت الثاني: عُمر استغرب سكوتها ولف عليها عقد حواجبه واهو يشوفها تبكي استغرب اكثر وبدا الفضول يشتغل عنده والى يعرف قصتها قال بهدوء ؛ ليش تبكين ؟ جاوبيني تدرين انك متعديه على ممتلكاتي ولو اكلم الشرطه بتجي تاخذك !. ريُوف شهقت برعُب واهي تهز راسها بخوف من طاري الشرطه ؛ لا شـءءـرطــءءــه لا والله مـءءـا سـءءـويـءءـت شـءءــي !!. عُمر لف بكل جسمه لها وجلس قدامها باستغراب من خوفها ؛ طيب قولي لي وش تسوي هنا ؟. ريُوف هزت راسها بالنفي ؛ ماقدر اقول لك اخاف . عُمر عقد حواجبه باستغراب اكثر وفضول اكثر ويبي يعرف قصتها ؛ قولي لي من وش خايفه ؟ اوعدك ماراح اسوي شي ياذيك بس تكلمي . ريُوف سكتت لدقايق واهي منزله راسها وتحس بنظرات عُمر عليها بعد سكوت دام لكم دقيقه نطقت برجفه صوتها الى بان الخوف فيه ؛ انـءءــا كـءءـنـءءـت ! اشـءءـتـءء..!! ' سكتت لما قطع عليها صوت جوال عُمر'. عُمر تافف بقهر من الى اتصل لما كانت بتقول له خرب عليه , طلع جواله وقام ؛ هلا عزام شتبي ؟. عزام ببتسامه ؛ يقولون انك بالمزرعه ؟. عُمر كشر ؛ اعوذ بالله امدى الخبر يوصل لـ المانيا . عزام كشر بضيق من طاريها ؛ انا قدام باب المزرعه مو في المانيا اخلص افتح البوابه بتجمد من البرد . عُمر ضحك ؛ الله متى وصلتوا لـرياض ؟. عزام تافف ؛ ياخي اخلص علي مطول بالسوالف . عُمر ابتسم ؛ خلاص طيب جايك ' سكر منه ولف لـ ريُوف وجلس يطالع فيها بهدوء,كانت نايمه واهي جالسه وبيدها الكوب!قرب منها بهدوء وخذا الكوب ومددها وسحب شرشف كان على الكنب وغطاها فيه وطلع رايحه لـ عزام '. \\ برا المزرعه وعند البوابه حقتها //. عزام كان موقف سيارته قدامها واهو متكي علي سيارته ويطقيق بـ جواله , لما سمع صوت عُمر ابتسم وضمه بفرحه ؛ واخيراً والله اشقت لك ياشيخ . عُمر ابتسم وبعد عن عزام ؛ والله مو كثري,بس قولي شخبار الزواج معاك . عزام كشر وقال واهو مايخفي شي عن عُمر ؛ تاركها من شهرين بالشقه الى بالمانيا ولا ادري عنها بشي وبس حاط حارس عند الشقه عشان لا تطلع وكل يوم تجيها حرمه تسنعها وتشوف اذا محتاجه شي . عُمر طالع فيه بصدمه ؛ صاحي انت !! شلون تخليها بروحها مجنون والله لو صار فيها شي برقبتك انت . عزام تافف من طاريها ؛ ياخي وش تبين اسوي مثلاً ! اقولك ماحبها ماطيقها وخاصه بعد ماعرفت حقيقتها زاد كرهي لها . عُمر بضيق من صديقه هز راسه ؛ اقول لك روح لزوجتك بس وخل عنك ذا الكلام وترا جدك يوم انه عطاك ايها كان واثق انك بتحافظ عليها , بالله عليك لو عرفه انك تاركها كذا وش بيسوي فيك !. عزام هز راسه بعدم مبالاهه ؛ اي طيب نقدر ندخل الحين ترا بموت من البرد . عُمر تنهد واهو يعرف عزام لو تكلم لي الف سنه قدام ماراح يسوي الى الي براسه ؛ طيب سؤال وبعدها بندخل !. عزام بقله صبر ؛ اذا ذا سؤال بشي يخصها لا تسال . عُمر سحب على كلامه ؛ ليش تكرها ؟ يعني شسوت لك حتى تكرها كذا . عزام تافف بملل ؛ عُمر يرحم امك خلاص ترا ماجيت الى لك ولا ابي اذكرها ولا تجيب طاريها , واذا على ليش اكرها جدي اهو الى كرهني فيها لما زوجني اياها نقطه انتهى وبدخلني ولا ارجع . عُمر هز راسه بهدوء ؛ خلاص طيب بسكت امش ادخل . عزام راح يركب سيارته عشان يدخلها ؛ اخيراً يعني مابغيب تدخلني . عُمر ركب معاه وضحك ؛ ادخل بس لا اغير رايي الحين . عزام هز راسه ودخل ولما وقف سيارته عند الغرفه الزجاجيه وكان بيوقفها . عُمر تذكر البنت الى داخل وقال بسرعه ؛ لاا ماراح نجلس هنا امش بنروح للفله . عزام لف عليه ؛ لا وش نروح للفله مابي بنجلس هنا لما الفجر وبعدها بروح عاد للفله وننام . عُمر هز راسه بالرفض ؛ اقول لك امش مافي جلسه هنا يلا على الفله . عزام تافف ؛ يحول يعني انها مزرعتي وانا الى بتحكم فيها تراك تقهر . عُمر ضحك ؛ اقول حرك بس بلا هذره زايده . عزام ؛ طيب خلاص ' حرك سيارته للفله الى كانت بوسط المزرعه ونزلوا من السياره ودخلو لها '. عُمر لما دخل الفله لف لـ عزام وضرب جبينه بتمثيل ؛ يوهه نسيت اغراضي بالغرفه الى هناك بروح اجيبها واجي طيب وانت خلك هنا . عزام رمى نفسه على الكنبه وسحب جهاز التحكم حق Tv ؛ اوك . عُمر هز راسه وطلع من الفله رايح للغرفه للزجاجيه الى فيها ريُوف . \\ في برلين ، المانيا //. صمود صحت وراسها مصدع وتسحب رجولها بالقوه وصلت للغرفه خذت لها مسكن وبعدها رمت نفسها على السرير كلها دقايق وقامت من جديد بعد ماحست ان الم راسها خف بدلت ملابسها واهي مقرره تسوي الى خططت عليه راحت عند باب الشقه فتحت الباب بهدوء طلعت براسها وشافت الحارس يكلم بجواله ومشغوله عنها ومعطي الباب ظهره فتحت الباب وسحبت معاه شنطتها كانت حاطه فيها اهم اغراضها الى بتحتاجها , سمت بالله وطلعت تتسحب لحتى وصلت للمصعد ولما دخلت فيه سمعت صرخت الحارس باسمها لما قرب من المصعد تسكر حمدت ربها ان ماقدر يوقفها قررت تررح لاخر دور لان اكيد الحارس بينزل تحت يدورها تحت . , \\بالرياض||و في مزرعه عُمر//. , عُمر هز راسه وطلع من الفله رايح للغرفه الزجاجيه الى فيها ريُوف . لبعد ماوصل فتح الباب بهدوء وشافها جالسه وطالع بزاويه الغرفه وغارقه بافكارها بعيونها الدامعه تقدم لها بهدوء وقال بصوت هادي عشان لا يخوفها لانها سرحانه ؛ بنت !. ريُوف صحت من سرحانها وقبل لا تلف له مسحت دموعها بشكل عشوائي وقامت واهي منزله راسها وبصوت وضح البكي فيه وبحت صوتها نطقت ؛ ابي اطلع تكفى والله ماسويت بمزرعتك شي خلني اروح . عُمر جلس على الكرسي الى كان قريب من الباب ورفع انظارهه لها ؛ قولي قصتك ماكملتيها ؟ وبعدها بقرر اذا اخليك تررحين او اوقف معاك واساعدك . ريُوف هزت راسها واهي تحاول تخفي نبره البكي بصوتها ؛ ماراح تقدر تساعدني ؟ لان ماتقدر تساعد مُجرمه !. عُمر عقد حواجبه بصدمه ممزوجه بخوف وقف واهو يطالع فيها ؛ شلون يعني مُجرمه !. ريُوف بهمس وتحس روحها مخنوقه ؛ مافيني حيل اتكلم,بعد عني خلني اروح. عُمر حط يده على الباب يمنعها من انها تمُر وتطلع ؛ مو قبل لا تقولين لي قصتك الى انقطعت !. ريُوف بهمس واهي تقاوم دموعها ؛ ماراح تستفيد شي اذا قلت لك . عُمر بهدوء ؛ ابي اعرف طيب !. ريُوف تنهد وراحت واهي تجلس على الارض بجنب الباب وسانده ظهرها على الجدار ؛ بقول لك بس توعدني اذا ماراح تساعدني ؟ ماتسوي لي شي وتتركني اروح . عُمر جلس قدامها وهز راسه ؛ اوعدك . ريُوف خذت لها نفس عمق تهدي فيه دقات قلبها ماتدري ليش خايفه لـ هالدرجه,خايفه يفهمها خطأ و يظلمها مثل ماظلموها الباقين قالت بهدوء واهي تلعب باصابعها بتوتر وبرجفت صوتها تكلمت ؛ انا كنت اشتغل بفله لرجل اعمال سعُودي,كنت اشتغل خادمه لان هذا اهو الشي الوحيد الى لقيته وبنفس الوقت يأمنون لي مكان اعيش فيه بدال ماكنت ضايعه ساعدتني عشان احصل هالعمل عجوز اهي الى وفرت لي هالعمل لما طلبت منها,مرت سنه وانا اشتغل والوضع عادي جداً مثل اي خادمه,ولا كنا نشوف هالرجل الى بالشهر مره او مرتين بحكم انه مايجلس بالرياض كثير,في هاليوم الى اعطتنا فيه المسؤله عنا الاوامر لنظف الفله ونستعد لاستقبال هالرجل ' مسحت دموعها وبعد سكوت دام لثواني رجعت تتكلم '. ' \\ في برلين || المانيا عند صمود //. ' صار لها ساعتين من طلعت ولين الحينها بسطح العمارهه الى ساكنه فيها تنهدت واهي تسحب لها نفس عميق تهدي في نفسها , لازم تنزل من هنا بس شلون ؟ صارت توزع انظارها بالسطح اتسعت ابتسامتها وركضت لسلم مثبت من اعلى السطح لى اخر شي كان شكله يخوف بحديد مصدي و شكله يوحي ان مستحيل يتحمل اي ثقل بس هذي طريقتها الوحيده بانها تطلع,سكرت عيونها بخوف واهي تثبت شنطتها على ظهرها سمت بالله واهي تحط يدينها المرتجفه على السلم واهي تخطو خطواتها برجفه وخوف طالعت لتحت وشهقت برعُب وبسرعه طالعت لفوق وسكرت عيونها واهي تشد بيدنها على السلم وقفت لثواني واهي مسكرهه عيونها وتحاول تهدي دقات قلبها وتهدي نفسها عشان تنزل لان العمارهه كانت من خمس طوابق وكانت الارض حيل بعيده عنها,لبعد ماهدت وخذت لها نفس عميق كملت واهي تنزل وتحاول ماتشوف لتحت عشان لا تخاف,وصلت لي النص وتعبت وقفت لثواني بخوف وتحس يدها باي لحظه بتفلت لانها بدت تعرق نزلت بسرعه واهي تستعجل بخطواتها اقل شي اذا طاحت تكون قريبه من الارض,طالعت تحتها وكانت الارض قريبه منها رمت نفسها على الارض وقفت على رجولها وركضت مبعدهه عن العمارهه وصارت تركض بشوارع ماتدري وين تروح بس اهم شي تبعد عن العمارهه,سحبت الشمسيه بعد مابدا المطر ينزل بغزارهه وبهواء بارد قوي وكانها علامات عاصفه قريبه منها,طالعت بالطروقات كانت فاضيه من اي بشر شدت على الجاكيت الى لابسته و بهواء بارد هُب بقوه لي درجه طارت الشمسيه من يدها ركضت بتمسكها ولما قربت منها الى بنور قوي يطلع بوجهها !!. , \\ بالرياض || بمزرعه عُمر //. , ريُوف ؛ في هاليوم الى اعطتنا فيه المسؤله عنا الاوامر لنظف الفله ونستعد لاستقبال هالرجل ' مسحت دموعها وبعد سكوت دام لثواني رجعت تتكلم ' وانا رحت لجناحه بنظف الغرفه واغير اغطيه السرير لما رحت اجيب المنظفات من الحمام الى اسمع صوت طلق نار , مُت من خوفي ولما طلعت انصدمت بالرجال الى طايح على السرير وغارق بدمه ورجال ثاني يطلع من الشباك هارب,طلع هالرجال الميت اهو رجل الاعمال السّعودي الى اشتغل عنده صمنت بخوف ورعُب وعيوني على هالرجل , لفيت الى على صراخ المسوؤله عنا وحده من العاملات وكانو يتهموني باني انا الى ذبحته , شفت الرجال الى اطلق عليه شلون هَرب وسويت نفسه ورحت مبعده عن الفله قبل لا الكل يعرف وصار لي خمس ايام هاربه ومتخبيه بهالمزرعه ' قامت واهي تمسح دموعها وتصد عنه وبهمس ' والحين بعد عني بطلع . عُمر منصدم بالي جالس يسمعه وقبل لا تطلع مسك يدها ؛ اسمعـ..!!. عزام فتح الباب بسرعه بخوف و اهو منفجع و ركض لـ عُمر ولا انتبه للبنت الى معاه ؛ عُمر تكفى انقذني يـ رجال ! صمود هُربت وش اسوي والله لو يصير فيها شي جدي بيعدمني . عُمر لف لـ عزام بسرعه وترك يد ريُوف ؛ شلون يعني هربت ؟ وين راحت . عزام ضرب راسه بقهر ؛ مادري مادري كلمني الحارس ويقول انها هربت بدون لا ينتبه عليها . عُمر تافف واهو يحط يده على عيونه وبعدها بعدها ؛ طيب وانت وش بتسوي الحين ؟. عزام هز كتوفه وبخوف ؛ مادري ياخي دبرني ؟ وش اسوي . عُمر هز راسه بتوتر ؛ طيب انت اطلع روح لسياره وانا لاحقك الحين برروح المطار يمكن نلاقي رحله قريبه لـ برلين . عزام هز راسه بسرعه وركض طالع يجيب سيارته . عُمر تاففف ولف بيكلم ريُوف الى فتح عيونه بصدمه لما مالقها ضرب رجله بالارض بقهر لما طرا في باله انها هربت طلع بسرعه من الغرفه يدورها لان مستحيل تكون بعدت بس وين بيلاقيها في كل هالمزرعه وغير كذا سالفه عزام و صمود وفوق ذا حتى اسمها مايعرفه حط يده على راسه وسكر عيونه بقوهه فز لما سمع صراخ عزام باسمه وبداخله"ياربي وش اسوي ؟ لازم ادورها انا قلت لها باساعدها ليش تهرب الحين وعزام ماقدر اتركهه لازم اساعدهه"تافف وراح للجهه الى جا منها صراخ عزام وقف بصدمهه وركض بسرعه لـ ريُوف المرميه على الارض وصرخ ؛ عزام شفيها!!. عزام جلس جنبه بصدمه وعيونه على البنت الى بين يدين عُمر وهمس بصدمه ؛ ذذبـءءــحـءءٓـتـءءــها !!. عُمر صرخ عليه بخوف على ريُوف ؛ كلتبن وقول لي وش صار ؟. عزام سكت لثواني بعدها تكلم ؛ مادري لما نزلت من السياره لقيتها كذا طايحه . عُمر حس براحه ؛ يعني ماصدمتها !. عزام هز راسه ؛ لا ماذكر اني صدمتها والله نزلت لقيتها طايحه . عُمر ضرب خدها بخفيف ؛ بنت اصحي !! هيه ' لف لـ عزام بسرعه ' جيب لي مويه او عطر . عزام ركض بسرعه لسيارته وطلع من الدرج الى فيها عطر وراح بسرعه ومده لـ عُمر . عُمر خذاه ورش على يدهه واهو يقربه من انفها ولا فاد رش بقوه وقربه من انفها اكثر لثواني بس بدت تتحرك بنزعاج,خذا نفس براحه وببتسامه واهو يحضن وجهها بكفوفه ؛ بنت تشوفيني؟شصار لك وش فيك. ريُوف حطت يدها على راسها الى كان بينفجر من الصُداع الى داهمها فجاءهه ولا قوت تتكلم سكرت عيونها بهدوء . عُمر خاف عليها وتوهه يستوعب حرارة جسمها حط يدهه على جبينها وبصدمه ؛ البنت حارهه شلون مانتبهت!!اكيد لما كانت بتروح فقدت وعيها . عزام وكانهه توهه يبدا يستوعب وجلس بجنب عُمر ؛ ولد من ذي؟. عُمر لف عليه وبتصريف ؛ عزام روح شوف صمود انا متى ماقدرت لحقتك زين . عزام تذكر صمود من خوفهه ان ممكن ان اهو الى صدمها مع انه متاكد انه ماشافها حتى,قام بسرعه وهز راسه ؛ طيب طيب بكلمك واعطيك خبر باي شي يصير ' وراح بسرعه وركب سيارته توجهه للمطار '. عُمر تنهد وضرب خدها بخفيف يبيها تصحى ؛ اصحي يلااا بنت ' قام وحاوط خصرها ومشى فيها للغرفه الزجاجيه واهو يمددها على الكنب طالع فيها لثواني يحس نفيه مُقيد مو قادر يسوي لها شي تافف وسحب جواله وكلم الخدامه الى بالفله وطلبها تجي له عشان تساعد ريُوف لانه مو قادر يسوي لها شي . بعد دقايق جات الخدامه عُمر لما شاف الخدامه ومعاها فوطه صغيره و مويه لف عليها ؛ سوي لها كمادات لحتى تخف حرارتها وشيلي عبايتها و حجابها خليها ترتاح وانا بطلع وبجلس عند الباب حق الغرفه اذا صار شي قولي لي . الخدامه هزت راسها واهي تنزل الى بيدها على الطاوله وتتوجه لـ ريُوف . عُمر لما شافها قربت بتفك حجابها صد عنهم بسرعه وطلع من الغرفه وجلس على الكرسي المقابل للباب وعيونه على الجوال بس تفكيرهه مع ريُوف وقصتها !! شلون يساعدها السالفه كبيرهه واكبر منه شلون يوضح لهم انها مظلومه , ويمكن من هُربها اثبتت التهُمه عليها تافف بضيق واهو يسكر عيونه بهدوء فتح عيونه بسرعه لما تذكر امه واخته وطالع بساعته كانت 4 الفجر , وقرر ينظر كم ساعه يطمنى فيها على ريُوف وبعدها يروح لهم . بعد فتره من الانتظار حتى يطمن عليها. عُمر واهو يكلم الخدامه و عيونه على الغرفه الزجاجيه الى فيها ريُوف بس كانت الخدامه ساحبه الستاير الداخليه على الجدران ولا كان بين من الغرفه شي وهذا بامر من عُمر لان عمَّال المزرعه بدو يصحون وكل واحد يمسك اشغاله المكلف فيها ولا كان يبيهم يدرون عنها,لف انظارهه للخدامه وقال بهدوء ؛ انا طالع الحين وبعد كم ساعه راجع , اذا صار اي شي عندك الجوال كلميني واذا كانت بتروح حاولي تمنعينها وقولي لها عُمر بيسعادك ويبيك تجلسين لحد مايرجع اوك !. الخدامه هزت راسها ونطقت ؛ اوك . عُمر القى نظرهه اخيراً على الغرفه وتنهد واهو عاجز ان يلاقي حلّ لمشكلتها,بعد ثواني بس راح لسيارته وحرك طالع من المزرعه رايح للفله ليطمن امه وأخته بوصوله لهم سَّالم بعد غياب دام الثلاث سنوات قضت كلها بدراسته ليرجع لرياض و يستلم عيادهه ابوهه . , \\ في برلين || المانيا عند صمود //. , شدت على الجاكيت الى لابسته و بهواء بارد هُب بقوه لي درجه طارت الشمسيه من يدها ركضت بتمسكها ولما قربت منها الى بنور قوي يطلع بوجهها لفت بصدمه وصنمت واهي تشوف سيارهه كبيرهه متجهه لها حطت يدها قدام عيونها بخوف ولاهي قادره تتحرك سكرت عيونها واهي تحس نفسها طير بالهواء وفجاءه يضرب راسها بقوه على الارض , جلست لثواني مسكرهه عيونها لما ادركت انها تقدر تفتح عيونها " هذا معاناهه اني بخير ولا مت " فتحت عيونها بسرعه واهي تحط يدها على راسها صرخت لما شافت يدها الى كلها دمّ , لفت بسرعه وطاحت عيونها بعيون ذاك الشخص الى جالس قدامها ويطالع فيها بخوف . آدم تعدل بجلسته وقرب منها ؛ انتي بخير ؟. صمود بعيونها المتغارقه دموع هزت راسها في " اي " بدون لا تنطق . آدم قام واهو ينفض ملابسه الى استخت من التراب ومد يده وساعد صمود تقوم ؛ باخذك للمستشفى الى اشتغل فيه هنا قريب بعقم الجرح الى براسك و الجروح الى بيدينه من الطيحه . صمود مسحت دموعها بعشوائيه وهزت راسها بصوتها الباكي من الم الطيحه ؛ لا مابي مايحتاج . آدم نزل واهو ياخد شنطه صمود المرميه على الارض وطالع فيها . صمود مسحت دموعها بعشوائيه وهزت راسها بصوتها الباكي من الم الطيحه ؛ لا مابي مايحتاج . آدم نزل واهو ياخد شنطه صمود المرميه على الارض وطالع فيها ؛ لا تناقشيني بتروحين ؟ ومع الاسف ماقدرت اخذ رقم السيارهه ولا كان ببلغ عليها . صمود بهدوء واهي تمسح الدم الى نزل على وجهها من الجرح الى براسها ؛ شكراً لك لو مابعدتني عن السياره كان مادري وش بيصير فيني . آدم سحب من جيبه منديل ومده لها ببتسامه ؛ حطي ذا على راسك عشان يوقف من نزف الدم , وامشي معاي خليني اكمل معروفي . صمود استسلمت لانها صدق معاد فيها تتحمل الم راسها و الجروح الى بيدها و رجولها ومشت معاهه . آدم وقف عند سيارته و صمود كملت مشي بدون لا تحس انه وقف , تنهد وراح وقف قدامها وببتسامه ؛ وين وصلتي ؟ امشي سيارتي وراك . صمود صحت من سرحانها على صوته وتفشلت منه ؛ معليش بس كنت سرحانه ولا انتبهت . آدم ابتسم وفتح باب السياره ؛ حصل خير والحين يلا اركبي . صمود تنهد واهي تدعي بقلبها على عزام الى بسبب طاحت في كُل هالمشاكل , وبعدها ركبت وكان السكوت و الهدوء مالي اجوائهم . لبعد ماوصلوا عند المستشفى وقف آدم سيارته بالمواقف الخاصه للمستشفى ولف لـ صمود . آدم بهدوء ؛ وصلنا يلاا انزلي ' فتح بابه ونزل ولما صارت صمود بجنبه مشى لداخل المستشفى , وسحب وحده من الكراسي المُتحركه ولف لـ صمود ' اجلسي فيه . صمود رجولها من جد كانت تعورها بس ماكانت تبي تركب تحس انها زودتها فهزت راسها بالرفض ؛ لا مو لازم اقد امشي . آدم تنهد من عناد صمود و رفضها لكل شي ؛ طيب بكيفك . صمود بدون لا تتكلم مشت معاهه لما وصلو لغرفه وفتح الباب ودخل ودخلت معاه . الممرضه لفت بستغراب ؛ دكتور آدم , مو كنت طالع ؟. آدم تنهد واهو يطالع بصمود الى جلست على السرير ؛ شفت هالبنت بالشارع وانا طالع من المسشفى وكان في شخص بيصدمها وانا بعدها من السياره بس لما دفيتها عشان ابعدها طاحت وضرب راسها بالارض و مثل ما انتي شايفه في حرج براسها و جروح بسيطه بيديها و رجولها , ياليت تحضرين لي الادوات الازمه عشان ابدا اعقم جروحها . الممرضه ببتسامه هاديه هزت راسها ؛ اوك ' وراحت تجهز الادوات '. صمود كانت متمدد على السرير و تسمع كلامهم ولا فهمت شي لانهم يتكلمون بالامانيه ولا عطت الموضوع اهميه سكرت عيونها بتعب واهي تحس بـ آدم يعقم الجرح الى براسها . آدم بعد ماخلص من تعقيم الجرح الى براسها لفه لها بشاش ابيض ومسك يدها وكانت فيها جروح خفيفه عقمها هي بعد ولما خلص قال ببتسامه ؛ وخلصنا والحمدلله على سلامتك ' عقد حواجبه لما ماسمع ردها واستعت ابتسامته واهو يشوفها نايمه بهدوء لف للمرضه وقال بنبره هاديه لجل مايزعجها ' خلوها هنا تنام لا تنقلونها لغرفه ثانيه وابيك انتي بنفسك تهتمين فيها لان خلص دوامي بروح ارتاح ثلاث ساعات او ساعتين وراجع اطمن عليها , واذا كانت بتررح او شي بس ارسلي رساله وخبريني . الممرضه هزت راسها ؛ اوك . آدم طلع وراح لبيته يرتاح بعد دوام طويل و متعب . ' \\ بالمطار || عند عزام //. , من حُسن حظه ان حصَّل له تذكرهه لرحله بعد ساعتين , كان رايح راجع بالمطار بتوتر وخوف , خايف على نفسه من جدهه لو عرف وش بيسوي فيه ويفكر بصمود الى ماتعرف شي في المانيا وحس نفسه غبي شلون تركها تافف وكانها اطول ساعتين مرت عليه بحياته . بعد مامرت هالساعتين فز بسرعه لما سمع نداء رحلته واهو يمشي متوجهه للبوابه الى بصوت جواله طلعه وبخوف واهو يشوف الشاشه تنور باسم " جدي " تنهد وخذا له نفس وقال ببتسامه ياحاول فيها يكون طبيعي ؛ هلا جدي . الجد بقلق ؛ اقول عزام صمود قريبه منك عطني اكلمها صار لي يومين اكلمها ولا ترد . عزام تورط وقال بهدوء ؛ جدي انا طالع مو في الشقه وجوال صمود خربان , اذا جيت لشقه عطيتها جوالي تكلم تمام . الجد تنهد براحه ؛ زين والله خفت يكون فيها شي . عزام واهو مستعجل يبي يسكر عشان الطيارهه ؛ يلا جدي انا الحين مشغول لازم اسكر تامرني بشي؟. الجد ابتسم ؛ سلامتك يلا بحفظ الله ' وسكر منه '. عزام دخل جواله بجيبه وركض بسرعه يكمل باقي الإجراءات عشان يركب الطيارهه لانه سمع النداء الاخير لرحله. , \\ برلين,المانيا || وتحديداً بالمستشفى عند صمود //. , بعد فتره مرت ثلاث ساعات و صمود من تعبها غارقه بنوم عميق ولا حاسه بالى حولها . آدم رجع للمستشفى بعد مانتهت فترت راحتهه رجع ليقابل مرضاهه ببتسامته المعهودهه,دخل مكتبه واهو يسكر الباب بهدوء ولف شاف صمود على حالها تنهد وسحب السماعات حقته واهو يحطها على رقبته ويستعد لتفقد المرضى الى كان ماسكهم,قبل لا يطلع ويسكر الباب حس فيها تتحرك لف بسرعه لها ولما شافها صحت راح لها ببتسامه هاديه ؛ الحمدلله على السلامه . صمود ببتسامه هاديه طلعت كـ رد لمعروف هالشخص الى واقف قدامها ؛ الله يسلمك . آدم بنفس ابتسامته ؛ تحسين باي تعب او وجع من الجرح الى براسك ؟ ولا اسوي لك كشف من جديد لحتى نتاكد انك بخير . صمود واهي تنزل رجولها من على السرير و تستعدل بجلستها هزت راسها بالنفي ؛ لا الحمدلله مافيني شي " بعد ثواني رفعت راسها ببتسامه " دقيقه انت دكتور هنا ؟. آدم ضحك بخفيف ؛ بدري ؟ شكل الطيحه ماثرهه عليك الحين من هالى جلس يعالج فيك . صمود ابتسنت باحراج ؛ لا بس لما جيت معاك ماكنت بوعيي ولا احس باي شي,ولا توقعت ان انت دكتور " ابتسمت ابتسامه وضح الالم فيها والضيق " عاد انا مفروض اكون مثلك دكتورهه بس لا الزمن ولا ظروفي ساعدتني احقق حُلم الطفولّه . آدم جلس على الكرسي بجنبها بهتمام لهالانسانه الى جالسه قباله واضح انها تعبت من الحياهه ؛ ليش وش صار وتخليتي عن حلمك ؟. صمود لمعت عيونها بدموع حاجزتها بعيونها وقالت بنبرهه هاديه ؛ اشياء كثير صارت بس الحمدلله على كل حال وراضيه بالى كتبه ربي ويمكن ذي خيرهه لي . آدم لما لاحظ لمعت عيونها ندم ان سالها وقال بهدوء ؛ اقدر اساعدك بشي؟واضح انك جديدهه على هالبلد. صمود رفعت راسها بسرعه وقالت بامل ؛ تقدر تساعدني احصل لي شقه صغيرهه اسكن فيها لان مثل ماقلت ماعرف شي في هالبلد . آدم ابتسم وهز راسه ؛ اذا بس كذا امري ماطلبتي شي,عندي وحده معاي بنفس العمارهه الى ساكن فيها هي طالبه تدرس هنا و سعوديه بعد و دور لها على بنت تكون معاها بنفس الشقه منها تساعدها على الاجار و منها تونسها بدل لا تكون جالسه بروحها بين اربع جدران . صمود اتسعت ابتسامتها بفرح ؛ طيب يصير تكلمها وتقول لها عني ؟ يمكن تقبل اكون معاها . آدم هز راسه ببتسامه ؛ ان شاءالله ' سكت لثواني وبعدها تكلم ' بسالك ؟ انتي معاك اوراقك وشهاداتك . صمود هزت راسها واهي تتلف وقالت بخوف ؛ شنطتي ؟ انا جايه واهي معاي ياربي لا تكون ضاعت فيها كل اوراقي و كل شي يخصني . آدم قام وراح لدرج وسحب منه الشنطه ومدها لها ؛ قصدك هذي ؟. صمود سحبت الشنطع منه وتنهد براحه ؛ يوهه الحمدلله والله خفت تكون ضاعت . آدم تقدم وجلس من جديد على كرسيه ؛ يعني هالشنطه فيها اوراقك و شهاداتك الجامعه. صمود هزت راسها واهي تفتش بشنطتها وتتاكد ان كل شي فيها,طلعت جوالها وكان فيه ولا مليون اتصال من الجد والجدهه و من عزام سكرت الجوال ورمته بضيق بالشنطه من جديد . آدم قام بهدوء ؛ اسمعي انا بروح الحين عندي كم مريض بروح اشوفهم ! وانتي خليك هنا لما اخلص راح اجي واخذك للبنت الى قلت لك عليها . صمود هزت راسها ؛ اوك . آدم ابتسم بهدوء وطلع يتفقد مرضاهه وصمود تمددت بتعب على السرير ونامت بدون لا تحس بنفسها . , \\ بمجمع عبدالعزيز || تحديداً بفله ابو غسان //. , كان الكُل مجتمعين بالصاله الكبيره وانواع الضحك و سوالف ماليه المكان. الجد ببتسامه هاديه ؛ عندي لكم خبر بيفرحكم,بما ان مابقي اسبوعين وتقضي المدارس و الجامعات اول ماتخلصون بنسافر للمانيا عند عزام و صمود . سديم صرخت بحماس واهي تبوس راس الجد ؛ يزينك بس والله انك فاهمني,قسم بالله اشتقت لـ عزام . الجد ضحك واهو يعدل نظارته الى كانت بطيح من سديم ؛ طيب يابنت اعصابك . غسان دخل وكان معاهه شنطته السوداء الجلد و الى تحمل اوراق بعض القضايا الى ماسكها,نزلها على الطاوله وراح يسلم على جدانه و عمامه وبعدها جلس . ام غسان ببتسامه واهق توقف ؛ اجل دام الكل اجتمع والسفرهه جهزت امشو نفطر . الكل قام وبدوا يفطرون بهدوء وبعدها كل واحد فيهم بعد ماخلص راح الى للجامعه و الى للمدارس والى راح لدوامه و شغله وتفرقوا . يتتبع بقلم: Saiirah

يعطيك العافيه لا عدمنا هالتميز والابداع ...

سلمت انآملك على الطرح المميز
ويعطيك الف عافيه على المجهود المبذول
ماننحرم من فيض عطائك وإبداعك
فائق شكري وتقديري
كل الود

يعطيك العافيه

يسعدك ربي

ما أجمل صفحاااتك وروعتها

طرح رااقي وممتع

سلمت أنااملك

يعطيك العااافيه

*،




آنتقاء مميز .. مَ ننحرم من جديدك

يعطيك العافية على اختيار الموضوع
وحرصك على اختيارك مادة مفيدة

الله يكثر من أمثالك
وشكرا

نجم

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

حضوركي شرف لي
نورتي عزيزتي
دلع

حضورك شرف لي
نورت أخي الكريم
الأمير