بقايا انثى مجروحه

بقـــايــــــا أنثــى مجــروحــة للكاتبه سحر الإحساس;







%%البارت الأول%%

-بالبداية راح أعطيكم نبذة عني أنا مشاعل..عمري١٩..أدرس في جامعة الملك سعود قسم علم نفس..الكل يقول أني حلوة خاصة"عيوني يقولون فيها جاذبية يمكن بسبب لونها..حبي فارس ولد عمي فواز..وهو عمره ٢٩دكتور في الجامعة.. وعماني دائما"يقولون أنتوا لبعض..بس أنا دائماً أقول أني أعتبره شخص عادي مو حبيب لأني استحي أصرح بحبي له لهم..بس اللي يعرف هالشيء عبير بنت خالي عبد الله ومرام صديقتي..
في قصر عمي فواز العصر..وبالتحديد في الصالة..
أم فارس:كيف حالكم يا أم خالد
أمي:والله الحمد لله بخير أنتم كيفكم
أم فارس:بخير الحمد لله بصراحة من زمان عنكم والله اشتقنا لكم
أمي:حتى أحنا..بس تعرفين مشاغل الدنيا كثيرة..الله لا يشغلنا ألا بطاعته..وعاد الواحد يا لله يلقى وقت عشان يرتاح
أم فارس:أيه والله صادقة
أم فارس لفت علي وقالت:أنتي كيفك يا بنيتي مشاعل وكيف أحولك مع الدراسة
:الحمد لله طيبة ودراستي كويسة
أم فارس:الحمد لله
رجعت أم فارس تكلم أمي:صحيح خالد ولدك ناوي يتزوج
أمي:أيه خالد ما عاد هو بصغير ألحين اللي بعمره عنده عيال
أم فارس:وأن شاء الله بيأخذ الهنوف بنت عمه منصور
أمي:أكيد..عيالي ما راح يأخذون غير بنات عمانهم أن شاء الله
أم فارس وهي تناظرني
مبتسمة:أيه يا أم خالد البنات أصلن مالهن ألا عيال عمانهم
استحيت من نظرات أم فارس ونزلت رأسي لاحظت هالشيء
نهاد وحاولت تنقذني من
هالاحراج قالت:تعالي يا مشاعل نطلع لغرفتي عشان تشوفين اللي اشتريته من السوق أمس
ما صدقت خبر وقمت على طول:يله
شفت الملابس اللي أشترتها نهاد لجهازها وجلسنا نتكلم شوي ألا وجات مشرفة البيت وقالت أن أمي تقول يله مشينا ولما جيت أطلع من الغرفة أنا ونهاد رن جوال نهاد رجعت هي لجوالها ونزلت أنا لحالي وكانت غرفة فارس أقرب غرفة للأصنصير وأنا متوجه له بعد ما غطيت وجهي سمعته يقول بصوت عالي:بس أنا أحبها يا سعود أحبها
ذبحني الفضول أني أسمع وكنت أقول بقلبي أكيد أنا مو أحنا لبعض..قربت شوي للباب وسمعته يقول:بس يا سعود أبوي ما هو راضي أخذ غادة بنت خالتي حبي الأول والأخير يبيني أخذ مشاعل وأنا أعتبرها مثل أختي لا أكثر ولا أقل..
كان قلبي بتوقف عند هالكلمة..عند كلمة أختي نزلت بسرعة ما كنت أبي أسمع أكثر من اللي سمعته..حاولت أحبس دموعي والحمد لله ما فضحت روحي عند أمي وخالتي أم فارس..رجعنا للبيت وحصلت أختي شجون في ثاني ثانوي علمي قدامي..وكانت جالسة في البيت لأن عندها اختبار أحياء..جلست معها أتكلم وأقولها أخبار نهاد عشان ما تحس فيني وأمي دخلت لغرفتها ترتاح
شجون:وش أخبار خالتي أم فارس ونهاد..
:كلهم بخير ونهاد تسلم عليك
شجون:الله يسلمها..ما جات خالتي أم سالم وبناتها..
:أم الحبيب نواف
شجون استحت وقالت:يوه يا مشاعل وش جاب طاري نواف..
ضحكت بس مو من قلب كانت محاولة عشان أنسى اللي
سمعته:لا ارتاحي ما جوا..أنا
أستأذن ألحين بروح أرتاح..
شجون:أذنك معاك

..================================================ =======

دخلت غرفتي وجلست أبكي حسيت أني أكره حبي لفارس..دفنت رأسي في المخدة..وجلست أبكي ألين ابتلت مخدتي بدموعي
...تدري وش العذاب على أصوله أنك تحب إنسان ما يعرف غلاتك...
قمت من سريري وطلعت دفتري اللي كنت أكتب فيه قصائد وخواطر من حبيت فارس..وأخذت أقلب فيه وقريت وحدة من الصفحات وكان مكتوب فيها
...العين عافت نظرة الغير لأرضاك
كله عشان أحتري نظرتي فيك
دامنك سكنت بداخل القلب يرعاك
هذا خفوقي وانشده كيف يغليك
قلبي واعرفه بالغلا كم تمناك
مدري على كثر الغلا وين أوديك...
..أنزلت دموعي أكثر وأخذت أقطع الدفتر بدون شعور
..قطعت الدفتر اللي دونت وكتبت أجمل القصائد والخواطر في فارس
..قطعت الدفتر اللي احتفظت فيه ست سنوات
..الدفتر اللي كنت أعبر عن اللي في قلبي فيه قطعته

===================================


سمعت ضرب باب غرفتي..ومسحت دموعي وخذيت الأوراق المتقطعة ورميتها في السلة وقلت:مين
أمي:أنا أمك يا مشاعل
:تفضلي ماماي
دخلت أمي وجلست على السرير..وانتبهت لعيوني الحمراء
أمي:وش فيك مشاعل ليه عيونك حمراء أنتي تبكين
:لا بس عيوني تعبانه...كنت متأكدة أنا أمي ما راح تقتنع بهالعذر بس شسوي ما لقيت ألا هو وعلى فكرة أنا ما أعرف أصرف في بعض الأحيان يعني أجيب العيد...
أمي قالت بشك:يمه مشاعل أنا أعرفك أذا تضايقتي وأنا لاحظت عليك من نزلتي من عند نهاد بنت عمك وأنتي متضايقة أنا قلت أتركك ترتاحين بس ما قدرت أرتاح وأنتي متضايقة والدليل عيونك
تغير لون وجهي وتلعثمت..وما كنت عارفة وش أقول بس ما في مجال أني أكذب وأقول أني مو متضايقة:لابس يا ماماي نهاد زواجها قريب ما باقي ألا شهرين وبتروح تسكن في جدة راح أفقدها يا ماماي مرة
أمي:هذا نصيبها وبعدين مو معنى أنها راحت بعيد عنا ما راح نشوفها والحين الجوال قرب البعيد ونهاد بين كل فترة وفترة بتشوفينها
:أن شاء الله ماماي
أمي:خلاص يا بعد قلبي لا تضيق عمرك
طلعت أمي من الغرفة..وكان ودي أفضفض لأحد..أقوله اللي في قلبي..رفعت جوالي عشان أتصل على عبير..بس تراجعت في الأخير..لأني أذا كلمتها وش أقولها..أقول الإنسان اللي أحبه والكل عارف أن لبعض طلع يحب غيري وأنه راح ينجبر من الزواج فيني..أنا اللي أعرفه أن البنت هي اللي تنجبر..آه جلست أبكي أكثر وأكثر..كنت محتاجة أحد يوقف جنبي يواااسيني..
وأنا جالسة أفكر ضربت مشرفة القصر روزي الباب
:مين
روزي:آنسة يله العشى كاهز تعي أنزلي
:مالي نفس أبي أنام
دخلت باللحاف..وتغطيت آه..كان ودي أصرخ أشكي..أقول بأعلى صوتي يا ناس أنا أعشق شخص غارق في هواء غيري..وش أسوي

====================

مر على اللي صار يومين..
المغرب في الصالة في بيتنا
طلعت من الأصنصير تحت عند أهلي وحصلت أبوي وأمي وخالد ٢٧وشجون وخلدون ١٢وأختي نورة٢٣ جالسين وأول ما شفت أختي نورة..
صرخت باسمها:نووووورة
ووقفت عشان تسلم علي..وأول ما وصلت لها ضميتها ودمعت عيوني:اشتقت لك يا نورة ليه ما قلتي أنك بتجينا
نورة:حبيت أخليها مفأجاة
:والله أنها أحلى مفأجاة
خالد:ألحين نفسي أعرف ليه حتى وقت الفرح تبكون
أمي:هذا دلع بنات
جلسنا نتكلم ونضحك..ولأول مرة أضحك وانبسط بالشكل هذا من سمعت اللي قاله فارس ..وأنا حتى البسمة ما عاد لها ملامح في وجهي بس الليلة بوصول نورة ذقت طعم الفرح اللي صار لي يومين فاقدتها..جلسنا إلى أن آذن العشاء وراح أبوي وخالد وخلدون للمسجد وامي طلعت لغرفتها تصلي
أنا ونورة طلعنا لفوق في غرفتي
نورة:مبروك على الخطبة مقدما"
استغربت:أي خطبة
نورة:خطبتك من فارس
:أنا خاطبني فارس وشلون ومتى
نورة:أمي ما قالت لك شيء
:لا
نورة:يمكن ما حصلت وقت تكلمك..المهم أقول لك أنا..اليوم العصر جاء عمي فواز وولده فارس عشان يخطبونك
نورة وهي تبتسم:والحين أفرحي من قدك خذيتي حبيب القلب
عصبت من أخر جملتها:بس أنا ما أفكر في الزواج ألحين أبي أكمل دراستي
نورة:طيب خلاص وش فيك عصبتي علي ما قلت شيء غلط
:آسفة نورة ما هو قصدي بس كلامك نرفزني
نورة:وليه وش فيه كلامي أنا متأكدة أنك تحبين فارس
ما قدرت أمسك دموعي..وأخذت أبكي
قربت مني نورة..وحطت رأسي على صدرها..وصارت تمسح على شعري
نورة:ليه تبكين يا مشاعل ليه يا عيوني
قلت بصوت متقطع:فا..ر..س ما يحبـ..ني
نورة:وش هالكلام اللي تقولينه مين اللي قال لك..الكل عارف أنك لفارس وفارس يحبك ولو ما يحبك كان ما حيرك
كان نفسي أقول لها اللي سمعته بس لساني خاني..
وقلت عشان أبرر كلامي:أحس أنه ما يحبني لو يبيني كان خطبني أول متخرج مثل ما خطبك أخوه سعود أول ما تخرج ما جلس ست سنين
نورة:طريقة تفكير فارس غير عن سعود فارس يبي يعتمد على نفسه ويبني مستقبله قبل ما يتزوج وهذا هو ما شاء الله عليه دكتور ومن أنجح رجال الأعمال من دون ما يعتمد على عمي..وبعدين لما تخرج كان عمرك١٤ يعني لسى صغيرة
هديت أشوي..
نورة:على فكرة الدراسة ما هو عذر.. شوفي أنا تزوجت وأنا كنت أدرس وشوفي نهاد في عمرك وتملكت وزواجها بعد شهرين أن شاء الله..صدقيني ما راح تلاقين أحسن من فارس
قلت بقلبي..بس أنتي عارفة ان سعود يحبك من لما كنتي صغيرة بس انا آآآآآآه..
ثم رفعت نورة رأسي عن صدرها وقالت:مشاعل فارس ألف بنت وبنت تتمناه لا تضعينه من أيدك
وإستاذنت عشان ترتاح لأنها تعبانه من السفر
نورة:مشاعل قبل ما أطلع أوعديني ما تفكرين بهالخرابيط فارس ما في مثله
:أن شاء الله
ثم طلعت من الغرفة وأنا مقهورة ليه ما قلت كل شيء
بس يمكن لأني خايفة على كرامتي....تخيلوا أنكم تحبون شخص وأنتم حاطين بالكم أنا هذا راح يكون شريك حياتكم وكل أهلكم عارفين بهالشيء وفجأة تكتشفون أنه ما يحبكم وأنه أنجبر....

================================================== ======

أندق الباب
:مين
روزي:آنسة يله أنزلي العشى كاهز
:طيب ألحين جاية
نزلت وجلست مع هلي على طاولة الأكل
كان أول من قام من الأكل أنا قمت وغسلت أيدي وطلعت للصالة وشغلت على التلفزيون وجلست أتنقل بين القنوات
جاء أبوي وقصرت في صوت التلفزيون
وقال أبوي:مشاعل ليه ما كلتي زين
قلت على دخلت أمي:لا يباه مسوية دايت
أمي:وليش الدايت هذا وأنتي نحيفة تبين تختفين
:لا ماماي أحس أني زايدة أشوي
قام أبوي وقال:مشاعل روحي جيب لي كأس شاي أنتظرك في مكتبي..هذي عادة في أبوي لازم يشرب شاي بعد الأكل..
:أن شاء الله
جبت كوب شاي وبعدها رحت للمكتب وعطيته أبوي يوم جيت أطلع
قال أبوي:مشاعل
التفت وقلت:لبيه
أبوي:تعالي أجلسي
جلست وجلس أبوي في الكرسي اللي قدامي
أبوي:جاك خبر أن عمك خطبك لفارس
نزلت رأسي وهزيته بالإيجاب وأنا مرررة مستحية من طاري الزواج....بس قلت
:يباه أنا ما أفكر في الزواج حاليا..أبي أكمل دراستي
أبوي:كمليها وأنتي متزوجة..فارس ما راح يمنعك..
يارب شاقول ألحين..تنهدت وقلت:بس يبه أنا ما أبي أتزوج
أبوي:كيف ما تبين..ألحين ولد عمك محيرك ست سنين ولما نوى يتزوجك أقول خلاص البنت ما تبيك..
سكت ولا تكلمت..ما عندي كلام أقوله..
أبوي:شوفي مالك ألا ولد عمك..رضيت وألا ما رضيت وأنا حبيت بس أبلغك ما بي رأيك
قلت من دون تفكير ودموعي متجمعة بعيوني:بس يبه فارس يبي بنت خالته وعمي جابره علي..
عقد أبوي حواجبه:وأنتي من وين جايبها هالكلام
تلعثمت وأنا أحاول ألقى جواب لأبوي صعب أقول أني سمعت فارس بأذني بيقول تتجسسين عالرجل:أي..نهاد زلة مرة وقالت أن أخوها يحب بنت خالتها قلت وأنا أحاول أقنع أبوي..ولو كان يبيني ما جلس ست سنين..أكيد يا يباه مجبور من عمي..
.. وقبل ما أكمل كلامي قاطعني أبوي وقال:وش حب وخرابيط..
فارس مو مراهق عشان يفكر بهالخرابيط..وإذا كان في حب الحب ما يجي ألا مع الزواج والعشرة..وولد عمك بتأخذين والحين يله طلعي لغرفتك..
:بس يا....
أبوي:لا تبسبسين ولا شيء يله طلعي لغرفتك..
طلعت لغرفتي ورميت نفسي عالسرير وأنا أبكي..يا يباه حرام عليك تجبرني على شيء ما أبيه..

================================================== =

الساعة ١ الظهر..
كنت جالسة أتكلم مع شجون
أمي:مشاعل أختك نورة وينها..
:نايمة..
أمي:غريبة للحين نايمة مو من عادتها ليكون تعبانه..
:لا ماماي بس عشانها أمس سهرانة..
أمي:طيب هي صلت الظهر في وقتها وألا للحين ما صلتها..
:لا صلتها في وقتها..
أمي:الحمد لله..روزي
جت روزي:نعم مدام
أمي:روحي صحي نورة..
روزي:حاضر مدام..
بعدها بدقايق جت روزي وقالت:مدام نورة ما عم بترد..
وقفت وأنا مستغربة نورة نومها خفيف:أنا بروح أصحيها..
طلعت أنا بنفسي لغرفة نورة وضربت الباب بس ما في أحد يرد علي وضربت ولا ردت
خفت على نورة ودخلت غرفتها وجلست بجنبها على السرير وهزيتها عشان تحس فيني وتصحى..
فتحت عيونها بصعوبة..
نورة:يوووه يا مشاعل أتركني أنام
حسيت أنها تعبانه:نوري أنتي تعبانه..
نورة:بس صداع خفيف عطيني أنتي حبة بناد ول وبخف أن شاء الله..
قربت من عندها وقلت
:لا أنتي شكلك مرة تعبانه قومي قومي خلينا نأخذك المستشفى..
قامت باستسلام لأنها مرة تعبانه ولما وقفت من السرير حست بدوخة ورجعت جلست على السرير
:وش فيك نورة بسم الله عليك
نورة:بأستفرغ يا مشاعل
جبت لها السلة الصغيرة والمنديل ورجعت في مكانها لأنها ما قدرت تقوم..
جات أمي لأني تأخرت عليهم وشكلها كانت مستغربة مثلي
ودخلت وشافت نورة وهي تستفرغ وجلست جنبها وهي خايفة..
أمي:وش فيك يا بنيتي بسم الله عليك..
نورة:ما أدري يمه بس دائما"أحس بدوخة واستفرغ كثير بس اليوم بزيادة..
مسحت أمي رأسها وقالت وهي تبتسم:يا رب يكون اللي في بالي صحيح..
:وش اللي بالك ماماي
ناظرت أمي نورة:شكلك يا يمه حامل..
:صحيح ماماي..
أمي:أن شاء الله..
نورة:لا ما أتوقع يمه أنا أخذ حبوب منع حمل..
أمي:طيب نروح نكشف عشان نتأكد..
طلعت أمي ونورة للمستشفى وفعلا"كانت حامل وكنت مرررة فرحانة خاصة"أني أحب الأطفال مرررررررررررة
في غرفة نورة
شجون:وااااو وأخيرا"بصير خالة
نورة: ألحين أنا وشلون أقول لسعود..
:عادية قولي له أنك حامل ما شوف فيها صعوبة..
نورة:بس سعود ما يبي عيال ألحين أخاف يزعل أذا عارف أني حامل..
:أستغفر الله في أحد ما يبي عيال بعدين هالشيء ما هو بيدك هذا بيد الله..
شجون:يله اتصلي علي سعود وحطي على السبيكر خلينا نشوف ردة فعله..
:أيه أرجوك بسرعة..
اتصلت نورة على سعود
سعود:هلا بالنوري..
نورة:هلا حبيبي كيفك..
سعود:الحمد لله بخير أنتي وش أخبارك وأخبار النونو
شهقت نورة وقالت له:وشلون عرفت
سعود قال بصوت كله زعل:أبدا" خالتي اتصلت تباركلي.. تظنك قلت لي ما درت أن بنتها نست أن من حقي أني أعرف هالخبر..
نورة:كنت خايفة تزعل لما تدري أني حامل..
سعود:وفي أحد يزعل من زوجته وحبيبته لما يعرف أنها حامل..
نورة:بس أنت مرة قلت لي أنك ما تبي العيال ألحين..
سعود:بس ما هو معناه أني ما أبي عيال أبدا"..
نورة:يعني أنت فرحان
سعود:وحاس أنا ما في أحد أسعد مني..
ارتاحت نورة لردة فعله وطلعت أنا وشجون عشان نتركها على راحتها..

================================================== ==

الساعة ثمان بالليل..
رن رن رن
:ألو
....:السلام عليكم
:وعليكم السلام نعم
....:عمي سلطان موجود
:أيه بس من أقوله
....:قولي له فارس
:لحظة أقوله
كان أبوي يتفرج على القناة الاقتصادية
:يباه واحد يبيك في التلفون
..استحيت أقول فارس وقلت واحد..
أبوي:مين
:ها..أيه..ما أدري
أبوي:عطيني السماعة
طلعت لغرفتي فوق جلست أفكر في فارس وفي المستقبل اللي ينتظرني معه
سمعت ضرب عالباب
:مين
أبوي:أنا يا مشاعل
فتحت الباب وقلت:تفضل يباه
دخل أبوي وجلس على الكرسي اللي جنب السرير
أبوي:تعالي أجلسي
جلست على طرف السرير
أبوي:أنا جاي أقولك أني بلغت فارس عن الموافقة والملكة راح تكون بعد أسبوع أن شاء الله..
رفعت رأسي وأنا مصدومة بهالسرعة تحددت الملكة ومن دون رأيي....
بعدها نزلت عيوني وأنا حاول أني ما أنزل دمعة مني.. أبوي وهو يبتسم:عالعموم الله يوفقكم..
وطلع أبوي من الغرفة ورميت نفسي عالسرير وجلست أبكي قهر..وشلون أفرح وأنا عارفة أن اللي بأخذه مجبور علي..

================================================== ====

الساعة عشر بالليل في بيتنا وبالتحديد في غرفتي كنت لابسة فستان الملكة..
:وش رأيكم يا بنات بهالفستان
عبير:بسم الله عليك تجننين بالفستان..
نورة:ما شاء الله مضبوط على جسمك
شجون:بصراحة ما عجبني لأنه ناعم مرة..
في وهي ترفع يده:وأنا كذلك أوافقها الرأي..
نورة:ما عليك يا مشاعل من هالبزارين والله يجنن الفستان..
شجون:أنا بزر ..
رن جوال نورة وكان المتصل سعود..
طلعت نورة عشان تكلمه
:بصراحة يا شجون أنا عاجبني لأنه ناعم..
شجون:المهم وين بتسوين مكياجك وتسريحتك فيه..
:أنا اللي بحط لنفسي
شهقنا البنات..
عبير:وش جالسة تقولين أنتي يا هو ترى هذي ملكتك مو حفلة عادية عشان أنتي اللي تحطين لعمرك
:بصراحة ما يعجبني شغل الكوافيرات مكياجهم صارخ
شجون:أقول بلا دلع بقول لروزي تتصل عالكوافيرة ليندا عشان تجي
:أنا قلت لا يعني لا
دخلت علينا نورة
نورة:وش اللي لا
في:الأخت مشاعل تقول ما راح أحط مكياج عند الكوافيرة هي اللي بتحط لنفسها
طالعتني نورة وقالت:صحيح
:أيه
نورة:يالحبيبة تراها ملكتك ما هي ملكة بنت الجيران
:بس أنا ما أبي كوافيرة
..ما كنت متحمسة للملكة ما حسيت بالفرح مثل خواتي وبنات خالي وأنا اللي المفروض أفرح..
حاولت نورة والبنات فيني.. ووافقت بس أسوي تسريحة بوف لشعري..أما المكياج أنا اللي أحطه


================================================== =

</b></i>

منورين القصه حبااايبي

%%البارت الثاني%%


الساعة تسع بالليل
كنت أتقلب على السرير أبي أنام مو قادرة بكرة ملكتي وهذا الشيء موترني..
رن جوالي..
:هلا عبوري
عبير وبصوت باكي:مشاعل أنا تعبانة تعبانة
جلست بسرعة وبخوف:بسم الله عليك وشفيك
عبير وبكاها يزيد:سامي خطب وملكته بعد أسبوعين
قلت بصدمة:إيش
عبير بين كل كلمة وكلمة تشهق:والمشكلة بيأخذ هند أغلى وحدة عندي من بنات خالتي الجوهرة
حطيت إيدي من الصدمة على فمي:..........
عبير وصوتها منخفض من كثر ما تبكي:مشاعل أحس أني ضايعة وتايهة
تنهدت بتعب:عبير عمري الزواج قسمة ونصيب..وسامي مو نصيبك خلاص حاولي تنسيه..الله يرزقك باللي أحسن منه
عبير:بس أنا ما أبي ألا سامي..سامي يامشاعل مو حب سنة أو سنتين..سامي حب الطفولة والمراهقة وما زال
تنهدت بأسى:حاسة فيك يا عبير بس مع الأيام بتنسينه أذا حاولتي بأن شاء الله..
عبير:وتعتقدين بسهولة أقدر أنساه..صعب صعب يامشاعل
:عبير هدي وصدقيني مع الايام بتنسينه
وبعد ما هديت عبير أو بالأصح عزيتها بأحلامها الوردية اللي انهارت سكرت منها..غمضت عيوني عشان أمنع دموعي تنزل..
آآآآآآه ياعبير على حظنا..أنا صحيح أخذت اللي أحبه بس للأسف مجبور ويحب غيري..وأنتي ولد خالتك اللي حبيته من طفولتك أخذ غيرك..لكن الحمد الله على كل حال..

==============================

اليوم الثاني الساعة ثمان......
كنت لابسة فستان ذهبي حريرتصميمه ضيق من فوق ألين خصري ومن تحت مكسر ووسيع وماسك من عند الصدر.. وكنت مسوية بوف لشعري.. ومكياجي كان ناعم الوحيد الصارخ في مكياجي هو القلوس الأحمر الصارخ..واكسسوراتي ناعمة..
جابت نورة من عند خالد الكتاب عشان أوقع مسكت القلم بأيد
مرتجفة ووقعت..ومن هالتوقيع راح تبدأ معاناتي..باركت لي نورة ونزلت..
كنت محتاجة للبكى بس مسكت نفسي وباركولي شجون وعبير وفي..
رن جوالي..فرررحت لما شفت المتصل..
:هلا والله حبيبي بندر كيفك..
شجون:بندر عطيني الجوال بأكلمه..أشرت لها بأنها تنتظر..
بندر:هلا فيك أنا الحمد لله بخير..أنتي كيفك يا ميشو وكيف أهلي
:كلنا بخير الحمد لله ومو ناقصنا غير شوفتك..
بندر:أن شاء الله قريب تفرحون برجعتي..عالعموم أنا متصل.. أبركلك عالملكة مبروك ياحياتو..
:الله يبارك فيك..
بندر:تصدقين ما تخيلك متزوجة..أجل انتي يالبزر بتتزوجين
تنرفزت:لا أنت يالكبير..على فكرة ترى مابين ألا سنتين
ضحك بندر وبعدها قال:ترى سنتين فرق كبير..
:لا والله
شجون وبضيق وهي تهز أيدي:يووووه يا مشاعل عطيني بكلمه..
عصبت:أوف أقول بندر خذا المزعجة اللي جنبي..
بعد ما انتهت شجون من مكالمة بندر جت نورة عشان الزفة..
انزفيت..وفرحت لما شفت صديقاتي مرام وسجى حاضرات ما عدا صديقتي رغد اللي اعتذرت ولمى اللي ممنوع عندها تزور صحباتها لأن أبوها شديد وابتسمت لما رمت لي مرام بوسة..
انزفيت وبدأ سلام الحاضرات علي ومن بينهن غادة اللي كانت مررررة كشخة ولابسة تركواز وكانت جميلة بملامحها البريئة والناعمة..
مرام وبصوت منخفض بعد ما باركت لي:من قدك ألحين خذيتي حبيب القلب وبتنسينا
قلت بابتسامة:لا تخافين ما راح ينسيني فارس أغلى وأعز صديقة عندي..
مرام:ياقلبي أنتي والله..
جتني نهاد وقالت فارس يبي يشوفك..
..بدت نبضات قلبي تزيد..
وطلعت للمجلس..ودخل علي فارس وأبوي وعماني وخالد وخلدون
ومد فارس أيده يسلم سلمت عليه وانا منزلة رأسي وخجلانة
قال:هلا مشاعل كيفك
قلت وصوتي رايح من الحيا:الحمد لله بخير
ثم وقف جنبي..وكان يوصل رأسي لكتفه من طوله ما شاء الله..
سلموا أبوي وعماني وأخواني ثم طلعوا...
جت بعدها أمي وأم فارس وأمها وخواتها وعماتي ونهاد وباركوا لنا..وجاء وقت الشبكة وجابتها نهاد كانت شبكة ولا أروع.. لابسنيه فارس وأنا مارفعت عيوني ومتوترة بسبب قربه..
بعد دقايق الكل طلع..
واااااااااااااو ما بقى أحد عندنا..
أنا وفارس لوحدنا..
فارس بدون نفس:مبروك..
:الله يبارك فيك..وأنا بقلبي ..بدري..
فارس:مشاعل..
:هلا..
فارس:ممكن ترفعين رأسك عشان أعرف أتكلم معك..
..أوف وشهالأسلوب اللي عنده..رفعت رأسي بشويش..وطحت عيوني بعيونه..ماقدرت أنزل عيوني من وسامته..ونسيت نفسي..وجلست أطالع فيه..
..أخر مرة شفته قبل مايسافر عشان دراسته بصراحة أوسم من قبل..يجنن وهو قريب..
جلست أتأمل ملاحمه ....
..عيون وساع حرة..ورموش كحيلة..وحاجبه اليمين فيها شرخ..وحنك بارزوخشمه حاد..
فارس وبنبرة جدية:مشاعل ترى زواجنا راح يكون أن شاء الله بعد أسبوعين من بداية الإجازة الصيفية..
من نطق باسمي انتبهت لحالي كيف اطالعه استحيت ونزلت عيوني..
ولكن لما قال موعد الزواج رفعت رأسي مستغربة...يكفي الملكة تحددت من دن رأيي..بعد الزواج..
ابتسم فارس لكن برود:أنا بصراحة كنت ناوي اخذ رأيك في تحديد زواجنا بس االيوم تفأجات أن أبوي وأبوك حدووا وانتهوا ....
مرت لحظة صمت..وأنا أحاول أمسك دموعي..آآآآآآآآآه يايباه..جبرتني وحددت الملكة والزواج من دون رأيي..وأنت ما تدري أنك بكذا تستعجل على جروحي آآآآآآآآه..
قطع فارس هالصمت وهو يوقف:مشاعل ممكن تعطيني رقمك عشان أكلمك
:رقمي####
فارس:طيب أستأذن..وطلع بسرعة..وكأنه مو مصدق انه طلع..
وقفت وأنا أضم أيديني لصدري ودموعي متجمعة بعيوني واطالع الباب اللي طلع معه فارس..وكأني خايفة..وأنا فعلاً خايفة..خايفة من الحياة اللي راح أعيشها مع فارس..تنهدت بعمق..ومسحت بظهر كفي دموعي..وطلعت عند البنات

================================================== ====

الساعة ثنتين..بعد ما انتهنت الملكة..طلعت لغرفتي بسرعة..أبي أفرغ دموعي المحبوسة..
..رميت نفسي على السرير..وجلست أبكي على حبي وعلى حالي وعلى مستقبلي المجهول مع فارس..
لما نمت بعد صراع مع دموعي وأفكاري....


================================================== ======
الساعة ٤العصر....
امي :يمه نورة انتبهي على نفسك واهتمي بأكلك عشان صحتك وصحة اللي بطنك..
نورة:أن شاء الله يالغالية
أمي:واتصلي علي أذا وصلتوا الخبر..
نورة:ان شاء الله..
قلت وأنا اضمها:راح اشتاق لك لا تطول علينا..
نورة بعد ما بعدت عنها:أن شاء الله راح أجيكم قبل ملكة خالد بيومين..بس انتبهي مو تشغلك مكالمات فارس وتقطعين..
اغتصبت لي ابتسامة:أن شاء الله..
نورة:يله مع السلامة..
..مع السلامة..
بعد ما جلسنا..شجون:ميشو..وش رأيك تخلون زواجك أنتي وفارس وخالد والهنوف مع بعض..
:لا حبيبتي أنا ما تعجبني الزواجات اللي كذا..وكملت بحالمية..تصدقين أتمنى يطلع زواحي شيء والكل يمدح فيه ويأخذون سنين يمدحون فيه..
أمي:أكيد بيطلع شيء دام العروس أنتي..
ابتسمت لكن تلاشت هالابتسامة بسرعة لما تذكرت..
(((((أخذ مشاعل وأنا أعتبرها مثل أختي لا أكثر ولا أقل..)))))
وش الفايدة أذا كانت حفلة الزواج روعة والفرحة معدومة عند العروس والعريس..
شجون:ياحلو وين سرحت..
أمي وبابتسامة:ما يبيلها سؤال..
واااااااااااااااااو انحرجت..

======================================

الساعة٩مريت بنات خالي عشان نطلع يمكن أقدر أغير نفسية عبير اللي كان باين عليها بحفلة الملكة متضايقة وحزينة..
في مطعم الريف الإيطالي:
في واللي بعمر شجون:كل وحدة منا تقول وش تتمنى..وش طموحها بالمستقبل أنا عن
نفسي أتمنى أني أكون مديرة مدرسة
شجون:عز الله دجوا طالباتك
الكل ضحك..ماعاد عبير اللي اكتفت بابتسامة
في:لا عاد في ذاك الوقت قد كبرت وعقلت أن شاء الله..
شجون:طيب وأنتي يا حرم الدكتور فارس
:بصراحة أتمنى أني أذا خلصت البكالوريس أخذ الماجستير والدكتوارة والكل يقولي د/جواهر
في:ماشاءالله عليك ياجواهر طموحة مثل زوجك الله يحققلك اللي تبينه
شجون:وأنت عبوري
في وبضحكة:أكيد بتقول مثل العادة أني أتزوج بشخص يحبني ويموت فيني..البنت طايرة على رزقها
عبير وبصوت بلا مبالاة:لا ارتاحي ماراح أقول..
شجون وبضيق:عبير وش فيك..
من جلسنا وأنتي باين عليك أنك مو مرتاحة..في شيء مضايقك
عبير واللا مبالة لازال مغطي ملامحها وصوتها:مافيني شيء بس أحس بصداع..وقفت ومسكت شنطتها..يله خلينا نمشي..
ياعمري ياعبير مو أنا الوحيدة اللي أعاني..
وقفت:يله أجل مشينا

================================================== ===

اليوم الثاني الصباح الساعة سبع وثلث..
صحيت متأخرة خذيت شور ولبست تنورة سوداء وقميص رمادي وشعري الناعم اللي يوصل لتحت أكتافي تركته على طبيعته بعدما جففته بالمجفف..وحطيت ميك أب صباحي وناعم..وخذيت شنطتي وعبايتي..ونزلت..وحصلت أمي وخالد..
:السلام عليكم..
أمي وخالد:وعليكم السلام..
بستها أمي على خدها:كيف صباحك يالغالية..
أمي:زين الحمدلله..
خالد:أقول ميشو اليوم أبيك تروحين معاي للسوق عشان تختارين شبكة الهنوف لأني ما أعرف ذوقكم يالبنات..
:من عيوني أنت تأمر..
خالد:تسلم لي عيونك..وقف وكمل..يله أنا طالع للشركة..
أمي:درب السلامة يايمه
باس رأسي أمي وطلع..
لبست النقاب وأنا أقول:يله مامي مع السلامة
أمي:وين يمه ما أفطرتي..
:لا مامي متأخرة..بستها وطلعت

==============================

دخلت بوابة٢ونزلت عبايتي بسرعة لأني تأخرت عالمحاضرة وعطتيها الخدامة ستي عشان تطبقها وأخذت شنطتي منها..وطلعت للقاعة..
فتحت الباب..
:ممكن أدخل..
الدكتورة طالعت ساعتها:ادخلي بس ماراح احضرك..لأنك متأخرة ربع ساعة
أوف قهر يعني احضر ويتصلب ظهري من الجلسة ساعتين وفي الأخير..ماراح تحضريني..دخلت وأشرت لي لمى..جلست جنبها..
قلت بصوت واطي:صباح الخير..
لمى وبنفس درجة صوتي:صباح النور..وش فيك تأخرتي
:ماصحيت ألا متأخ..
الدكتورة:لو سمحتنا اللي جالسات ورى ممكن تسكتون..وطالعتني..أنتي مو كافي متأخرة وتتكلمي..
سكت وعلى شفاتي مرسومة شبه ابتسامة متفشلة..
الدكتورة:وين وصلنا بنات
البنات:أسباب الإعاقة العقلية
الدكتورة:أيوه..هناك ثلاث أسباب للأعاقة العقلية..أولها أسباب ماقبل الولادة وتنقسم........
بعدها بساعة ونص انتهت الدكتورة من المحاضرة خذت الحضور وطلعت وطبعا ماحضرتني..
لمى وهي توقف:أقول ياحلو أكيد أمس سهرانة على صوت الحبيب مادامك ماصحتي ألا متأخر..
تنهدت بداخلي ووقفت: لا مو عشان كذا بس لأني أمس طلعت مع بنات خالي نتعشا برى وماردينا ألا متأخر..
لمى:طيب كيف كانت الملكة يوم الخميس..
:حلوة ومرتبة..بس بغى يوقف قلبي لما دخل فارس..
لمى:يوووه ذكرتيني بحالي يوم دخل فيصل علي..كنت بموت..
:ألا صح كيفك معاه..
لمى وبابتسامة:مزعجني ليلة نهار..بس ياحلاته من إزعاج..
فهاللحظة رن جوالها..
لمى:الطيب عند ذكره هذا هو اتصل..استأذن منك بكلمه
قلت بابتسامة:أذنك معك حبيبتي
طلعت للكافتيريا اللي دايمن أجلس فيها مع صديقاتي وحصلت مرام وسجى..
:السلام عليكم
مرام وسجى:وعليكم السلام..
:كيفكم..
مرام وسجى:بخير الحمد لله
مرام:أنتي كيفك..وغمزت بعينها..وكيف حبيب القلب معك..
ابتسمت بألم:أنا بخير وحالي مع حبيب قلبي زينة..
مرام:الله يسعدكم يارب
:آمين
سجى:ألا وين لمى ..ما داومت
:ألا..بس تكلم خطيبها..
رغد:هااي صبايا..
الكل:هايات..
رغد:كيفكو ياحلوات..
سجى:كلنا بخير ولله الحمد..أنت اللي كيفك ماعاد صرنا نشوفك وحتى ملكة ميشو ماحضرتيها..
رغد:سوري حبيبتي بس كنا طالعة مع الماما لجدة عشان جدو
مسوي عملية..
سجى:لا..سلمته..
رغد:الله يسلمك..
جت لمى بعد ما انهت مكالمتها..وأكتملت الجلسة..وخذتنا السوالف والضحك متناسين همومنا اللي تهد الحيل..
بعطيكم نبذة عن صديقات:::::
مرام هي أقرب أنسانة لقلبي وأغلى صديقة..صداقتنا ابتدت من المرحلة المتوسطة كن على طول جنب بعض..وما افترقنا ألا لما دخلنا الجامعة..هي دخلت إدارة أعمال وأنا علم نفس..أنا وهي أسرارنا ومشاعرنا مانخبيها عن بعض..باستثناء اللي سمعته من فارس..مرام حبوبة كثير..وطيبة..حياتها مآسات.. انصدمت صدمت حياتها لما توفى أبوها اللي كانت متعلقة فيه كثير بحادث سيارة وهي عمرها١٧..وأمها معها مرض السكري وهي كبيرة السن..ولها أخ أكبر منها جاسم ومتزوج وعنده ولد..وزوجته دائما تسبب المشاكل بينها وبين جاسم ..وهي كل مرة تحاول تسكت عن أخوها عشان أمها المريضة..
لمى..هادية وناعمة..وكلها طيبة وحنية ..وهي من الطبقات المتوسطة..تعرفت عليها بالجامعة..توفت أمها وهي تولدها..وتعيش مع مرة أبوها وثلاث من أخوانها وأخت من أبوها..متملكة من فيصل ولد زوجة أبوها من زوجها الأولي..وبصراحة هالبنت أحس أحيانا فيها غموض..بس أن شاء الله مع الأيام بيوضح لي هالغموض..
سجى..ملامحها تركية لأن جدتها تركية عيونها رمادية وشعرها بني<ولا تقولون بعد أبالغ أنا ثنتين من صديقاتي فيهم عرق تركي وحدة أمها تركية والثانية جدة أمها..
متزوجة وعندها توأم يأخذون العقل أياد وريان وعمرهم سنتين وهي صديقتي من الصف ثاني ثانوي..وقسمها دراسات اجتماعية..
رغد..صحيح مغرورة كثير..بس في الحقيقة قلبها طيبة..عايشة حياتها بكل حرية..يعني فرري..
تزعل بسرعة بس ترضى على طول..تعرفت عليها عن طريق مرام بالجامعة..وهي من الطبقات المخملية..وله أخ زياد يدرس خارج الملكة يكمل الماجستير..ومن كلام رغد عنه أحس أنه هو بعد مغرور..
احنا يالخمسة تربطنا علاقة صداقة قووية..وصحيح رغد
ولمى ماتعرفت عليهم ألا من سنة بس مع ذلك كأن نعرف بعضنا من سنين..
وأن شاء الله من خلال سياق روايتي راح تتعرفرن على صديقاتي أكثر..

==============================================

%%البارت الثالث%%

العصر..صحيت من النوم..توضيت..وبدلت وصليت ولما انتهيت قريت قرآن..وبعد ما خلصت نزلت تحت وحصلت أمي وخالد وشجون
:السلام عليكم..
الكل:وعليكم السلام..
خالد:جاهزة يامشيو عشان نمشي للسوق..
:أيه جاهزة..
شجون:بتطلعون السوق بطلع معاكم..
خالد وهو يوقف:أوكي يله انتظركم..لا تتأخرون..

============================================

وصلنا السوق..واخترت شبكة الهنوف..وبدينا أنا وشجون نتسوق لأنفسن..
خالد:أقول أنتوا شكلكن بطولون بالسوق..أنا بروح للشباب معزوم عندهم..وارجعوا مع السواق..
:أوكي..
طلع خالد للشباب..وأنا وشجون أخذنا نتسوق لملكة خالد ولزواجي اللي بيكون بعد شهر ونص بالضبط ..
شجون:ميشو..هذي مو كأنها زينات<مربية جمانة‎ ‎بنت عمي سالم..
طالعت في الاتجاه اللي أشرت عليها شجون وشفتها:وأنتي وش عليك فيها..امشي ندخل هالمحل..
شجون:وش اللي ما علي منها..أكيد جمانة معاها..بتصل بشوف وينها..
:لا أرجوك لا تتصلي عليها..ما أطيقها هالبنت..
شجون:أنتي ليه ماتطقين هالبنت..نفسي أعرف..
:مغرورة ونفسها بخشمها..أمشي بس أمشي لاعت كبدي من طاريها..
..دخلنا المحل وكنت أتفرج في الملابس..
شجون:ميشو..وش رأيك بالتي شيرت الوردي..
:أممممم حلو..
جمانة:سلام ياحلوات..
التفتنا على جمانة..
شجون:هلا والله بالحلو..كيفك
جمانة وبمياعة:أنا الحمد لله بخير..أنتوا كيفكو..
شجون:بخير الحمد لله..
جمانة وبنفس المياعة:وأنتي ميشو
ابتسمت مجاملة وأنا أرفع جوالي:طيبة..أنا أستأذن باتصل بالسواق يجي..
شجون:لا ميشو لسى ما خلصت..
:بس أنا تعبانة رجولي..من العصر وأحنا بالسوق..
جمانة:طيب أنتي أرجعي مع السواق وشجون ترجع معاي..أبي حد يتسوق معاي مليت وأنا أتسوق لحالي
:كيفها..بس تتصل بمامي قبل..
اتصلت شجون بأمي ووافقت..وأما أنا رجعت..

=============================

دخلت البيت على الساعة تسع..والخادمة زوجة السواق وراي ومعها الأكياس..
:السلام عليكم..
أمي:وعليكم السلام..ما شاء الله وش هالأكياس..شكلك أشتريتي السوق كله
ابتسمت بحياء:بعضها لتجهيزاتي..
ردت لي أمي الابتسامة:أن شاء الله من بكرة أبدأ أجهز معك..عشان لاجاء وقت الاختبارات قد انتهيتي من تجهيزاتك..
:أن شاء الله..

===========================

مر الأسبوع بسرعة وكنت مشغولة فيها بالتجهيزات لملكة خالد ولزواجي مع أمي ونورة اللي جات..والليلة ملكة خالد والهنوف..
بهالليلة شفت السعادة بعيون خالد اللي ماشفته بعيون فارس بملكتنا..وشفت الابتسامة الجذابة بشفاة الهنوف عكس ابتسامتي المتصنعة الذابلة..
شفت كيف كانت نظرات خالد للهنوف وكأنه ما يبيها تغيب عن عيونه لحظة..وأنا فارس ماعبرني بنظرة..عيني عليهم باردة..
بعد ما لبس خالد الهنوف الشبكة طلعنا من عندهم..عشان نتركهم على راحتهم..
شفت عبير جالس تتكلم مع نهاد..وكان باين عليها كيف أنها ذبلانة..

ليت (نا) لم نعرف الحب وجنونه..
ولم نكتب ونخطي أجمل عباراته..
بأسباب(ه) سهرنا الليل بسكونه..
بأسباب(ه) تألمنا بجروحه..بأسباب(ه)
عانينا بعذابه..وكم وكم سنعانين فمازلنا في بداية متاهاته..

جلست معاهم أسولف..
نهاد وبابتسامة مكر:أقول ميشو..
:هلا
نهاد وبنفس الابتسامة:وش مسوية في أخوي..من بعد الملكة ما صار يجلسنا معانا كثير..شكله مطيح عالجوال يكلمك..لا وأذا جلس كله سرحان..
عبير وأخيرا انرسمت الابتسامة:ما ألومه شايف له قمر..
نهاد:كنت حاسة أنه لا شاف هالعيون بيضع..
ضحكت بداخلي..وكان ودي أضحك بصوت عالي على أفكارهم البريئة..باين أن نهاد مو عارفة أن أخوها مجبور علي..
نهاد:ميشو..ميشو..
انتبهت:هلا..
نهاد:لا أنتي وأخوي حالتكم صعبة لازم نزوجكم ألحين..
ابتسمت بحياء..
عبير:نهاد أحرجنا البنت شوفي خدودها كيف صارت وردية..
انحرجت أكثر:عبير..
ضحكن نهاد وعبير..
نهاد:ألا صح تعالي..ليه تحددون زواجكم بعد زواجي بأسبوع..وسوت نفسها معصبة..خربتوا علي أنا وسالم مخططاً لشهر العسل..
ضحكت على ملاحمها المتصنعة للعصبية:ياقمراي مو أنا وفارس اللي حددنا..أبوي وعمي هم اللي حدوده..
عقدت نهاد حواجبه وبوزت:والله أني مقهورة حتى سلومتي مقهور..
عبير ضربت بخفيف على كتف نهاد:أنا أعرف اللي توها متملكة تستحي تجيب سيرة زواجه وحتى اسم زوجها وأنتي تدلعينه..
نهاد:أقول بلا تعقيد..كافي علي أمي اللي أذا سمعتني أدلعه هاوشت..
:نهودي كيف بتقضون شهر عسلكم..
نهاد:بنسافر جدة ومكة أول أسبوع وبعدها بنرجع للرياض عشان زواجك أنتي وفارس..وبعدها بنطلع لباريس أن شاء الله..ألا أنتي وفارس كيف تخطيطكم..
ارتبكت..:أيه..لحد الآن ما أتفاقنا..

===============================

اليوم الثاني..نزلت تحت وحصلت أمي تبخر أبوي لصلاة الجمعة..صبحتهم وحبيت كل واحد على رأسه..وجلست وبعدها جلست أمي بعد ماطلع أبوي..
أمي:روزي..روزي..
جات روزي:نعم مدام وفاء..
أمي:أخذي المدخنة..
خذت روزي المدخنة..والتفت علي:يمه مشاعل اليوم أنتي عارفة أنا جمعت عمانك عندنا..فتجهزي يمكن يطلب يشوفك فارس..
:أن شاء الله يالغالية..
ياعمري يامامي ما اتصل..عشان يطلب يشوفني..بس أمي متعودة أول ما تملكت نورة كان يطلب سعود يشوفها كلما جت جمعة عماني عندنا طبعا هذا غير الأيام الباقية..
لبست بنطلون جينز كحلي وفستان فوشي لفوق الركبة ناعم..وعملت لي ميكآب ناعم جدا وهادي..وشعري رفعته بشباصة بحيث أني نزلت منه خصلات بطريقة حلوة..كنت أتجهز وأنا متأكدة أنو فارس ماراح يطلبني..
الساعة ثنتين كنت بغرفتي وأقرأ سورة الكهف وكنت في الآيات الأخيرة..انضرب الباب..سكرت القرآن بعد ماانتهيت من سورة الكهف..
:تفضل..
فتحت روزي الباب ودخلت:مشاعل..فارس عم بينتظرك بالصالة..بيريدك..
انصدمت ماتوقعت هالشيء وبنفس الوقت ارتكبت..ياربي أحس بموت من التوتر:أوكي ألحين نازلة..
وقفت قدام المراية..ورتبت نفسي وتعطرت وطلعت وأنا أسمي بالله بداخلي من الخوف..
انفتح الإصنصير..كنت مترددة أطلع وألا لا..ياربي شسوي..اعتذر وأقول أني مشغولة..لا لا صعبة عشان تذبحني أمي..في الأخير طلعت..شفت أمي وفارس بالصالة الرئيسية..
نزلت عيوني وأنا أخطي باتجاهم..
:السلام عليكم..
أمي وفارس:وعليكم السلام..
فارس وقف ومد أيده..مديت أيدي وسلمت..
فارس وبنفس النبرة اللي كانت بالملكة:كيفك مشاعل..
جلست جنب أمي بعد ما سحبت أيدي:بخير الحمد لله..
أمي وقفت:أتركم براحتك..
فارس:كيف الدراسة معاك مشاعل..
:الحمد لله كويسة..
فارس:متى أول أختبار لك أن شاء الله..
:بعد أسبوع..
فارس:بديتي بالمراجعة..وألا لسى..
:لا الحمد لله بديت من زمان..
فارس:مشاعل..أكيد أنتي مستغربة أني ما أتصلت عليك..بس اعذريني كنت مشغول بالشغل..
قلت بنبرة شبه استهزاء..ما أدري لاحظها أو لا:لا معذور من دون ماتقول..دوام بالجامعة وبالشركة أكيد ماراح تكون فاضي..
وقف وقال:أوكي أنا طالع..ما أبي أتأخر عالرجال..
أول ماطلع صعدت لغرفتي..ولما دخلتها أطلقت العنان لدموعي..ياربي وأنا كلما شفته ببكي..طيب أذا تزوجنا وش أسوي..

====================================

مرت الأيام ودخلنا الاختبارات..وفارس ما اتصل ألا مرتين وكان كلامنا رسمي عن دراستي وشغله..واتفقنا يكون شهر العسل بماليزيا وأذا رجعنا طلعنا لمكة..واعتذر كالعادة عن قلة اتصالاته وعدم زيارته غير الزيارة الأولى..بانشغاله بالعمل..وأنو ما يبي يشغلني عن اختباراتي
..طلعت من سرحاني لما سمعت صوت جوالي..رفعت الكتاب من على حضني وأخذت الجوال..وفتحت الرسالة واستغربت أنو فارس راسل لي..

<لا تسأل المشتاق ليه أرسل اليوم
ولا تعذل القلب لو باح بأسراره
يالله عسى الخير يدوم ويدوم
والغالي لازم نتطمن على أخباره
وجعل السعادة تضمك في كل يوم
ودوم قلبك بالفرح مشتعل أنواره>

ترددت أرسل بالبداية..لكن بالأخير حبيت أجاريه بهالتمثيل اللي يسويه

<أفرح أذا شفت الفرح في محياك
وتضيق بي الدنيا إذا شان بالك
أعطيك عمري ياعسى من فداياك
وش هي حياتي ماتساوي رضالك
جعل الولي ياصاحبي دوم يرعاك
وجعل الفرح في كل الأيام فالك>
بعده رن جوالي..وكانت نورة..
:هلا والله بالنوري..
نورة:هلا فيك..
:وش أخبارك..
نورة:الحمدلله بخير..أنتي وش أخبارك وأخبار استعدادات الزواج
: أنا الحمدلله والاستعدادت ماباقي ألا أشياء بسيطة والفستان وصل أمس بصراحة روعة..
نورة:الحمد لله..وألحين شوفي أنا راح أجي عندكم هالأسبوع عشان زواج نهاد وأن شاء الله أجهزلك الباقي وأنتي أرتاحي وريح نفسك وجسمك قبل الزواج..
:ما تقصرين ياعمري الله لا يحرمني منك يا أغلى أخت..
نورة:ولا منك

==========================================

نهاد وبصوت متوتر:بنات أنا خايفة كثير..
نورة:عادي شعور طبيعي لكل عروس..
:وين اللي تقول سلومتي وسلومتي وبلا تعقيد أشوفها خايفة اليوم..
ن
هاد وهي تفرك أيديها بقوة:الله يهديك يا مشاعل هذا بدل ماتهديني..
جلست أنا ونورة والهنوف والمها<صديقة نهاد..نحاول نخفف من توترها..وخالتي أم فارس بين كل فترة وفترة تطل علينا..وبعدها نزلت عند مرام اللي حضرت..وشفت غادة..واعتصر قلبي قهر وألم وجرح..
الساعة وحدة..بدأت الزفة..
وطلعت نهاد وكانت تمشي بنعومة ورقة كان كل شيء فيها متناسق الفستان والطرحة والتسريحة..
جلست أتأمل فيها كانت مأخذة من ملامح فارس كثير....
وصلت للكوشة وجلست..
والكل سلم عليها..بعدها دخل سالم ومعه عماني وأبوي وفارس وسعود..
في بصوت واطي:ميشو زوجك يأخذ العقل وطالع أحلى من قبل..
ضربت أيديها بكوعي:حبيبتي ترى أغار عليه
مرام:مشاعل أذا كان نوى يأخذ الثانية ترى أنا مستعدة
بمزح:ترى بقوم ألحين وارتكب فيك جريمة
مرام:لا لا خلاص..مادام فيها قتل مانبيه..
نورة:بنات شوفوا شوفوا وشلون المعاريس يتكلمون
مرام:عيني عليهم باردة..بصراحة يجنون
طلعوا الرجال ومابقى ألا المعاريس بعدها بنص ساعة طلعوا لجناحهم....

==================================

بعد مامرت الأيام وما باقي ألا يومين على زواجي..
العصر بغرفتي..
عبير:ميشو وشلون النفسية ألحين مستعدة للدخول في القفص الذهبي
:حبيبتي أكيد النفسية تمام مو اللي بنزف له حبيب القلب
عبير:الله يوفقكم..بس ماأتفاقتوا أنت وفارس وين تقضون شهر العسل
:ألا أتفقنا نسافر لماليزيا شهر وبعدها نطلع لمكة يومين ثم نرجع للرياض خلينا من فارس وسفرنا..وقول لي ليه الحزن اللي مرسوم بوجهك..وين عبير المرحة..عبير اللي دايما مبتسمة وينها..
عبير وبحزن:تسألين يامشاعل وكأنك مو عارفة وش فيني
:عبير خلاص الرجل قريب بيتزوج أنسيه..صدقيني ماراح يفيدك الحزن ألا التعب والهم..ولمست طرف خدها..عبير تري والله اشتقت لابتسامتك وغميزاتك الحلوة اللي ماتبان ألا أذا ابتسمتي أو ضحكتي
ابتسمت عبير ابتسامة خفيفة..
كشرت وبوزت:لا ابتسمي أكثر أبي أشوفها
بعدها ابتسمت عبير ابتسامة ولا أروع..لكن عيونها بدت تتجمع فيها الدموع..
:عبير حبيبتي ليه هالدموع
عبير وهي تضمني:مشاعل تصدقين ماأدري شلون بستغنى عنك شهر أنتي الوحيدة اللي من البشر يقدر يطلعني من هالحزن
:ياعمري ياعبير
نزلت دمعة مني وعلى طولت مسحتها
وقلت بمزح:عبوري خلاص بختنق
ابتسمت عبير وبعدت عني..انفتح الباب بقوة..
.... وبصوته العالي:السلام عليكم..انتبه لعبير اللي صرخت وغطت وجهها بأيديها..وسكر الباب..
نقزت من السرير..وطلعت بسرعة متناسية عبير..:بندر
بندر التفت علي وابتسم وفتح أيديه..ضميته:اشتقت لك يابندر والله اشتقت لك..
بندر:وأنا أكثر..
بعدت عنه:ليه ما قلت أنك جاي للسعودية..
بندر وبفرحة:حبيت تكون مفآجاة..ألا أهلي يقولون الخدامات أنهم طالعين وما فيه ألا أنتي..وين راحوا..
:أمي وشجون طلعوا لسوق مع نورة..وخلدون بالتحفيظ وأبوي وخالد ما أدري عنهم..
بندر:نورة هنا بالرياض..
:أيه من زواج نهاد وهي عندنا..
بندر:كيفها مع الحمل..
:ماعليها بخير..أنت قولي كيفك..
بندر:الحمد لله أنا بخير لما افتكيت من الدراسة والغربة بلندن وتخرجت..
:الحمد لله..تذكرت عبير..وااااو نسيت عبير ياعمري تلقاها ميتة من الخرعة..
بندر:اللي قبل شوي عبير بنت خالي عبد الله..
غمزت بعيني وبابتسامة:عجبتك..
بندر وبتصريفة:أقول روحي لها أحسن لك..
ضحكت ودخلت لغرفتي..
عبير:هذا بندر صح..
:
أيه هو..
عبير وهي تحط أيديها على قلبها:خرعني الله يهديه..
:وأنتي بعد ما قصرتي بصراخك..
وقفت عبير:لا تلوميني خفت..المهم قولي لروزي تجيب عباتي..بطلع للبيت..
:لا أجلسي لسى جاية..
عبير:لا حبيبتي أتركك براحتك مع أخوك..
طلعت عبير..وجلست مع بندر اللي سهرت معاه أنا وأهلي أحلى سهرة..

================================================== ===

الساعة١2في فندق فورسيزونز....
نورة:مشاعل يله قومي ألحين زفتك..
مرام:بس قبل ماتطلعين قلتي أذكارك الناس ما تعطي خير وأنتي بسم الله عليك قمر
عبير:أيه والله يا مرام
:لا تخافن أنا الحمدلله محافظة على أذكاري
طلعت والأنظار والانوار متجهها لي..ومشيت على كلمات القصيدة..وصلت لكوشتي..
..وجتني أمي وخواتي وكل قريباتي وصديقاتي وسلمن علي..بعدهادخل فارس مع أبوي وأخواني وعماني فواز ومنصور وسالم وخوالي عبد الله وحمد..
باس فارس رأسي ثم جلس جنبي..واااااااو حسيت أن الخجل بيقتلني..
وقفت لأبوي وسلمت عليه وعلى الباقيين ثم طلعوا بعد ماصوروا..
وجت أمي وخالتي أم فارس وجدة فارس ونهاد وعماتي سهام وسمر وخالات فارس وسلموا على فارس..
وبعدها أخذنا أنا وفارس السيف وقصينا كيكة الزواج..وبعدها أخذ قطعة وذوقنيها وأنا نفس الشي..وبعدها خذت نهاد العصير وقدمته لفارس لف فارس علي وعطاني العصير وأخذ عصيره وكل واحد شرب الثاني..
ثم طلعنا لحالنا بعد ماصورونا مع أهلنا..وجت المصورة وطلبت أننا نقرب من بعض..
..حاولت أني أحفظ على توازني..قربت المصورة مني ورفعت راسي
وقالت:لك ممكن تناظري في زوكك يامشاعل
طاحت عيني فعينه..نزلت نظري وشفت ابتسامة جامدة مالها معنى..
..آآآه ياليتني ماعرفت عن حبك وعن شعورك أتجاهي آآآه..
انتهت المصورة بعد ماخذت كم صورة ثم طلعنا..



=================================

من هنا تبدأ مآساتي
من هنا تبدأ أحزاني
من هنا تبدأ نزف كرامتي
من هنا تبدأ جروحي
من هنا تبدأ معاناتي..
والبقية..قادمة بأذن الله بالبارت الرابع..
</b></i>

منورين القصه حباايبي
%%البارت الرابع%%


صحيت من النوم وكان جسمي مرررة بارد..طالعة في الساعة كانت تسع..
واااااااااو ماصليت الفجر..استغفر الله من كل ذنب عظيم..خذيت شاور ولبست..لفيت علي شرشف الصلاة وفرشت سجادتي وصليت الفجر والضحى..ودعيت ربي يزيل همي ويفرج علي وأنا دمعاتي تتسقط مع كل دعوة وبعدما خلصت قريت قرآن و قلت أذكاري..وتمددت على السرير..وجلست أفكر باللي صار أمس..
دخلنا الجناح..
جلست على الكنبه وتوتري يزيد ونزلت طرحتي..نزل فارس البشت الأسود وحطه على الكنبه وجلس..
نفسي أوقف هالتمثيل..حده فارس لهنا وبس..بس ما أبي أبين لفارس أني مجروحة متألمة..
لكن لما قال فارس:شوفي غادة قصدي مشا....
انقهرت..وقمت من مكاني وأنا معصبة..وقطعت كلامه وقلت بعصبية..ما كنت حاسة باللي أقوله من القهر..:ما دام أنك تحبها ليه ما أخذتها ليه ليه خذتني وأنت تعتبرني أختك..
كان يطالعني وشكله مصدوم صديت عنه وانتبهت لباب قدامي دخلته وشفت السرير..
رميت نفسي عليه..
وأخذت أبكي....
دخل فارس....
فارس:مشاعل أنتي وش جالسة تخربطين..
جلست وقلت:فارس أنا عارفة قبل ماتتقدم لخطبتي أنك تحب غادة وأنك مجبور تتزوجني..
حبيت أقهره..وقلت بسخرية:بس أنا أعرف أن البنت هي اللي تنغصب مو الرجل..وين الرجولة ما دام أنك تحبها..
مسك فارس شعري بقوة
قال وبعصبية:وما دامك عارفة ليش وافقتي علي ليش وافقتي وابلشتيني..
زادت شهقاتي كان ودي أتكلم بس ماقدرت من العبرة اللي خنقتني..حاولت أبعد أيده عن شعري..
وترك شعري بعد مارماني على السرير..
تكلم فارس بهدوء:بس الحمدلله أنك عرفت من نفسك لأني ماأحب المجاملات وتمثيل دور الزوج العاشق الهايم..
وطلع من الغرفة..جلست أبكي وبكيت وبكيت لما نمت..كانت الغرفة باردة بس ماحسيت بالبرودة لأن شعوري بالقهر والحزن أكبر من شعوري باللي حولي..
نزلت دموعي على ذكرى البارحة..بس مسحتها لأن فارس مايستاهل هالدموع..رن جوالي بنغمة رسالة..
جلست وطلعت الجوال من شنطتي لما فتحت المسج كان من فارس مكتوب<ترى فطورك على الطاولة>
طلعت للصالة ماحصلته شفت الفطور..كنت مررررة جيعانة بس اللي صار أمس ترك نفسي مسدودة..كيلت لقمتين بس عشان بطني مايوصوص..وبعد ماخلصت وقفت وسمعت
الباب ينفتح شفت فارس داخل واتجه الغرفة من دون مايطالعني رجعت جلست بمكاني..
بعد نص ساعة تقريبا"طلع فارس وكان مرررة كشخة..يخبل ياعالم..
نزلت عيوني..وقف عندي
فارس:بعد الظهر أبيك تكوني جاهزة عشان نمر نسلم على أهلي قبل نسافر أن شاء الله..
ثم طلع..

====================================


بعد الصلاة تجهزت ولبست فستان ناعم مررة ليلكي غامق..وعملت ميك آب يبرز ملامحي..وبعدها لبست عبايتي..
دخل فارس وقال:انتهيتي..
هزت رأسي بالإيجاب..
فارس:أجل يله طلعنا..
ركبت‏ السيارة..وكنا ساكتين..شغل المسجل..
التفت عليه:فارس..
فارس وهو يقصر بصوت
المسجل وبجدية:نعم..
:ممكن تسكر المسجل..
عقد حواجبه مستغرب..
:أنا ما أسمع أغاني..
سكر المسجل وكأنه مفتشل..صديت عنه للجهة الثانية..أنا ألحين متضايقة ونفسيتي تعبانة وهو يبي يزيد علي بهالأغاني اللي ما تجيب ألا الهم..
بالصالة الرئيسية..
عمي فواز:حيا الله عيالي وش أخباركم
فارس:الحمدلله بخير
أم فارس:أنتي وش أخبارك يامشاعل أن شاء الله مرتاحة
:الحمدلله مبسوطة ومرتاحة..وكملت بقلبي..وين بس أحصل الراحة وبداية حياتنا كذا..


====================================

بعد ماانتهينا من الغداء طلعنا أنا وفارس لجناحنا..
فارس:مشاعل تعالي اجلسي أبي أكلمك..
جلست بعيد عنه..
فارس:شوفي مشاعل أنا خذتك عشان الوالد وأنتي عارفة هالشيء وأنا راح أعيشك معززة ومكرمة بس حطي بالك بعد سنة بأذن الله راح أتزوج غادة وأنتي عاد أذا كنتي تبين بعد هالسنة تكملين حياتك معي فأهلا"وسهلا أما أذا كنتي تبين الطلاق فأنا ماعندي مانع بس قبل كذا مافي طلاق..
انقهرررت من كلامه..في حد يقول هالكلام لعروسه..نزلت رأسي أداري دمعتي:وأنا ماعندي استعداد أكمل حياتي مع واحد مجبور علي..
تنهد وقال:أجل اصبري سنة..
وطلع.. دخلت لغرفة النوم
وشفت المفتاح في الباب وعلى طول قفلت الباب واتكيت عليه ثم جلست عالأرض أبكي..
طولت على هالحال ماأدري ربع ساعة نص ساعة أوساعة..

====================================


صحيت من النوم على صوت ضرب الباب..
فارس:مشاعل مشاعل ردي
قلت وبانفعال:نعم
فارس:قومي صلي العصر..وجهزي عمرك عشان نمشي للمطار..
وقفت ودخلت الحمام..ووقفت عند المغسلة عشان أغسل وجهي شفت وجهي في المراية
كانت عيوني وأنفي أحمر..
جلست أتأمل وجهي..وتأملت عيوني العسلية الفاتحة....آآآآه أنا وش ناقصني عن غادة يافارس عشان ما تحبني..
سمعت صوت الأمام وهو يكبر توضيت وصليت وتجهزت وكان لبسي توب أورنج وتنورة بيج قصيرة وشعري لاففته من تحت بطريقة كلاسيكية وكحلت عيوني وعملت شدو وحطيت حمر خدود أورنج وختمتها بقلوس سايح مرة أورنجي..
ولبست عبايتي وطلعت للصالة..وشفت فارس..
وقام عشان يدخل الغرفة..
جلست على الكنبة انتظره عشان نزلنا مع بعض صعبة أنزل بروحي..
..قلت في نفسي فرصة أني أتصل على أهلي..
....:ألو
:أهلين مامي كيفك
أمي:هلا والله بالغلا أنتي للحين ماكبرتي على كلمتي مامي
قلت بدلع:مامي أموت فيك مشتاق لك كثير..
أمي:وأنا ياعمري قوليلي وش أخبارك
:الحمدلله بخير
أمي:وعساك أن شاء الله مرتاحة مع فارس
:كثير الله لايحرمني منه
جلسنا تقريبا خمس دقايق واحنا نتكلم..
شفت فارس طالع من الغرفة وكان لابس بنلطون أسود وقميص أبيض
:طيب مامي ماطول عليك بنمشي ألحين أنا وفارس للمطار ..
أمي:توصلون بالسلامة
:آمين..سلميلي على أبوي وأخواني يالغالية
أمي:يوصل يماه يله مع السلامة
:مع السلامة

===============================================

بماليزيا كوالالمبور..
لما وصلنا طلعنا للفندق وأول مادخلنا لجناحنا..عطاني فارس أوقات الصلاة هنا..
ثم دخل غرفة النوم.. وقبل مايدخل قال:شوفي مشاعل لا تصدقين أنك في شهر العسل أوكي..يعني مافي طلعات وروحات..
ودخل الغرفة..
انقهرت ليه يعاملني كذا..أنا شسويت له..


======================================
نمت بعبايتي عالصوفا..
صحيت على الساعة ست..وحلصت نفسي مغطية بالبطانية..
وجلست أتمدد ثم مسكت شعري ألمه..
طلع فارس من غرفة النوم
نزلت عيوني وأنا جالسة ألم شعري..
جلس وشغل التلفزيون بدون مايقول أي كلمة..
دخلت الحمام وخذيت شور و جففت شعري ولبست بنطلون أسود وتوب ساتان لونه بينك ضيقة من عند الصدر وممسكومة من عند الرقبة ومعطيتني وجه طفولي..وتعطرت بعطري المفضل ديور ادكت..وماحطيت ميك آب وشعري الناعم نثرته على أكتافي بطبيعته بعدما جففته وصليت....
بعدها طلعت للصالة..وجلست أتابع التفي..لحظة سكوت قطعها فارس بسؤاله
فارس:مشاعل
:هلا
فارس:أبي أسألك بس أبيك تجاوبين بكل صراحة..
استغربت:تفضل..
فارس:كيف عرفتي أني كنت أبي غادة..كمل وبحدة..وليه وافقتي علي وأنتي عارفة أني أحبها وماأبيك..
انصدمت من سؤاله وبنفس الوقت انجرحت من كلمة..ماأبيك..كنت بقول نفس ماقلت لأبوي..بس خفت أن نهاد ماتعرف عن حبه لغادة شيء وأن عمه جابره علي..لأنو باين أنها ماتعرف ودائما تقول فارس غامض ومايطلع اللي بقلبه أبدا..وكانت دايما تنغزني بسيرة فارس..يعني مافيني أقول ألا اللي سمعته..
وجاوبت بنبرة حزن..
:مرة وأنا مارة من غرفتك لما طلعت من غرفة نهاد سمعتك تكلم سعود وتقوله أنك تبي غادة..قلت بغصة..حبك الأول والأخير وأن عمي يبي يزوجك مني وأنت تعتبرني أختك
نزلت رأسي وماقدرت أكمل لأني حاسة أي كلمة ثانية بقولها راح أبكي..
فارس:طيب كملي ليه وافقتي علي..
كنت أحاول أني أخفي عبرتي ودموعي..مابي أضعف قدامها..كافي أني بكيت قدامه بليلة العمر..
فارس وهو شاد على أسنانه:مشاعل ليه ماتجاوبيني ليه وافقتي وابلشتي عمري..
قطعت كلامه لأني ماأقدر أستحمل جروح قلت ودموعي
تنزل بهدوء:أنا كنت رافضة..بس أبوي هو اللي جبرني عليك..مثل ماجبرك عمي علي..
جلس فارس يطالعني وبعدها بثواني..
فارس:طيب ليه ما حاولتي في عمي وإصرتي على رفضك..
نزلت رأسي:بصراحة أنا قلت له عن حبك..بس أبوي مايعترف بشيء اسمه حب قبل الزواج ويقول هذه خرابيط مراهقين..رفعت رأسي..وبعدين أذا كنت أنت يالرجل ماقدرت..تبيني أنا يالبنت أقدر..
حط فارس رأسه بين يدينه:هذي غلطة الكبار لاتدخلوا بشيء مايخصهم..
ثم تنهد وطلع..

====================

مر أسبوع وكل واحد عايش بعالمه الخاص..فارس ماكنت أشوفه ألا ماقل"وندر
كان يطلع الصباح ومايرجع ألا في وقت نومي..
والأكل كنت أكل لحالي أما هو كان يأكل بره..وما كان بين أي احتكاك..
الساعة ثمان....
....:هلا والله بميشو أسفرت وانورت واستهلت وامطرت
:ههههه هلا فيك شخبارك عبور
عبير:أنتي شخبار حبيب القلب معك..
:طيبين الحمدلله..
عبير:ها حلو الزواج..
ضحكت:تونا ماصار لنا ألا أسبوع يعني ما شفت خيره من شره..وأنا بقلبي ألا شفت اللي يذبح ويجرح شفت الشر بعينه..
عبير:اشتقت لك ياميشو والله كأنه شهر هالأسبوع بدونك
:حتى أنا موت أشتقت لكم..قوليلي كيفك أنتي وكيف الأهل
عبير:الحمد لله كلنا بخير..
قلت بهمس:وأخبار قلبك..أن شاء الله بدأ ينسى..
تنهدت عبير:ما اعتقد أني بنساه..تدرين أن زواجه تتحدد بشهر سبعة..
:وبتحضرين الزواج..
عبير:أكيد لا..كافي أني حضرت الملكة وكنت بموت فيها..
شفت فارس داخل..
:أوكي عبير أكلمك بعدين أن شاء الله ألحين فارس عندي
عبير وتغير صوتها:من شاف أحبابه نسى أصحابه..
:عبير مع السلامة..
عبير:هههه مع السلامة..

=====================================
جلس فارس بعد ماشغل التلفزيون..وجلس ينتقل بين القنوات..
استغربت جاي بدري..
ثبت على برنامج وجلسنا نتابع..
كان البرنامج مررة ممتع..
لكني جلست أنعس فيني نوم
..بس كنت أنتظر متى يقوم فارس عشان أنام..
لاحظ هالشيء فارس وقال:مشاعل البرنامج مطول وأنتي شكلك فيك نوم روحي نامي بغرفة النوم..
تكلمت بسرعة:وأنت وين بتنام ..
فارس:بنام هنيا..
وقفت وأنا فرحانة أني بنام في السرير تعبت وأنا أنام على الكنبة دخلت الغرفة..ولبست بجامة وردية بنوووتية كتير
وتمددت على السرير.. وماصدقت أني تمددت ألا على طول نمت..


======================================

سمعت صوت المنبه..صحيت ودخلت الحمام وغسلت وجهي وتوضيت ثم طلعت للغرفة..وصليت وقريت قرآن ثم تمددت على السرير شفت نور الصالة مفتوح من تحت الباب عرفت أنه صاحي ورجعت نمت..
الصباح وأنا أتقلب على السرير وأبعد شعري المتناثر على وجهي شفت فارس نايم جنبي..
استوعبت أنه نايم جنبي وقمت مفزوعة ودخلت الحمام..هذا وش جايبه عندي..
خذيت شور ثم طلعت للغرفة وخذيت لي ملابس ودخلت الحمام ونشفت شعري بالمنشفة ما قدرت أنشفه بالمجفف لأن فارس نايم..ولبست..
وبعدها طلعت للصالة وجلست قدام التلفزيون ومرت الدقايق..
وسمعت باب الغرفة ينفتح..لفيت صوبه شفت فارس ونزلت عيوني جلس على الكنبة..
فارس:أفطرتي..
:لا..
خذ فارس التلفون وطلب لنا..
..كنت أقول في نفسي شكله بيفطر معي غريبة..
:فارس ممكن تفسرلي وجودك في السرير مو أنت قلت بتنام في الصالة..
فارس:بصراحة البارحة نومة الكنبة مرة أتعبتني ماعرفت أنام عليها..وشلون كنتي مستحملتها أسبوع وأنتي نايمة عليها..
:على الأقل النومة على الكنبة أريح من النومة بجنب واحد مجبور علي..
ما جاوب علي فارس لأن الفطور وصل..
افطرنا بس أنا ما أفطرت زين لأني ماعرفت أكل وهو عندي..

======================================

انتهيت من فطوري وطلعت أغسل ثم رجعت أجلس بالصالة..
وجلس فارس جنبي بعد ما انتهى من فطوره وغسل..
فارس:مشاعل وش رأيك اليوم نتغدى برى ونتشمى..
فتحت فمي وقلت مستغربة فارس يبي يطلعني:ها..
ضحك فارس:وش اللي ها..
:حبيبي أنت جاد ولا تمزح..
فارس:وش قلتي..
:أقول أنت جاد ولا تمزح
فارس:لا في كلمة قبل أنت..
انتبهت لعمري واستحيت:طلعت عفوية..
قام فارس وقال:المهم الظهر أبيك تكونين جاهزة عشان نطلع..وطلع


======================================

الساعة ثنتين ونص ..
كنت جاهزة وجالسة انتظر فارس ..
دخل فارس وشافني جاهزة ..
فارس:يله مشاعل طلعنا
وقفت ولما طلعنا من الفندق مسك أيدي..
حسيت برود في أطراف أيدي سحبت أيدي..بس ما قدرت لأنه كان ماسكني بقوة..
وصلنا للمطعم كانت ديكوراته مرة حلوة وأجواه من داخل أجواء رومانسية من ناحية الألوان والأضاءات جلسنا في طاولة بالزواية..
فارس:وش تبيني تتغدي يامشاعل..
كنت محتارة وش أطلب في الأخير قررت أقوله:أطلب على ذوقك
فارس:أوكي
نادى الجرسون وطلب..
جلست أطالع بالناس حولي
شفت وحده محجبة..
اللي لفتني لها أن في واحد جالس قبالها وشكله زوجها ألا أكيد لأنه ماسك أيديها برومانسية وجالس يتكلم وهي منزلة رأسها وبس تبتسم..بصراحة كان منظرهم مررة رومانسي..
وصل الغداء ..
وأكلنا بهدوء ..بعد ما انتهيت..سرحت..
فارس:مشاعل..مشاعل وين رحتي..
انتهبت له وجلست أتكلم لا شعوريا":فارس شوف اللي جالسين على الطاولة اللي على يمينك..
لف فارس:أي طاولة..
:اللي جالسة فيها المرأة المتحجبة..
فارس انتبه لهم:وش فيهم
رديت وأنا لازالت أتكلم من غير شعور:أشكالهم مرة رومانسي
..شكلهم توهم متزوجين مثلنا
ما رد علي فارس وتعابير وجهه
تغيرت..ونادى الجرسون..
فارس:The bill please
وبعد مادفع فارس الحساب..وقف وقال:يله قومي نتمشى..
حسيت أني متضايقة ووقفت:لا فارس نرجع للفندق..
وقف فارس جنبي ومسك أيدي وابتسم:أقول أنتي شكلك تعودي على العزلة..
..مو أنت اللي معودني يالحبيب..
طلعنا من المطعم..
لفيت عليه وسحبت أيدي بقوة من وسط أيده:فارس أرجوك خلينا نرجع للفندق..
فارس:مشاعل وش فيك
صديت عنه:ما فيني شيء

======================================

دخلنا جناحنا....
رميت شنطتي على الكنبة.. وجلست وحطيت أيدي عرأسي
جلس فارس جنبي..
فارس وهو معصب:مشاعل أنتي وش فيك
:قلت لك ما فيني شيء
فارس مازال بعصبيته:وش ما فيك شيء أحنا يوم دخلنا المطعم كنت هادية وش حلاتك وش اللي أقلبك فجأة..
نزلت رأسي عشان مايشوف دموعي:يهمك تعرف وش اللي مضايقني
تنهد فارس:أكيد يهمني
طالعت فيه..
فارس:مشاعل قولي وش اللي ضايقك ونزل دموعك..ومسح دموعي بأيده..
..آآه يافارس وش أقول..أقول أني متضايقة من حياتي معك..من تعاملك وبرودك من حبك لغيري..وألا الرومانسية اللي شفتها اليوم بين البنت المتحجبة واللي معها هيضت فيني مشاعر كانت خامدة بسبب البرود اللي عايشينه..
فارس:مشاعل ماتبين تتكلمين تقولين وش مضايقك
لازمت السكوت..
فارس:كيفك لا تتكلمين بس تصدقين الشرهة مو عليك الشرهة علي أنا اللي مضيق روحي علشان وحدة ماتستاهل
قام فارس ودخل غرفة النوم
..حسيت بحرارة على خدي..وكانت دموعي..ومسحتها وحاولت أحبسها لأنو خسارة دموعي تنزل عشان أنسان مايستاهلها..

======================================

مر الشهر ولا كلمة ولا نظرة بين قلبين ..قلبين ماجمعهم الحب من ناحية طرفين..
رجعنا للسعودية..
ووصلنا مطار الملك عبدالعزيز بجدة الساعة ثمان..
وقرر فارس نرتاح واليوم الثاني نطلع لمكة عشان نأخذ عمرة..
أول مادخلت الجناح جلست على الكنبة ولماشفت فارس راح لغرفة النوم..
على طول نمت من تعب السفر..
الساعة عشر الصبح طلعنا لمكة واعتمرنا ثم رجعنا للفندق اللي في جدة..
كانت نفسيتي بعد العمرة متحسنة كثيررر..
أول مادخلنا الفندق..
اتصل فارس على أهله..
فارس:هلا والله بالغالية..أيه الحمدلله خلصنا عمرتنا..هههه لامدامني اللي مأخذها مشاعل لاتشيلني هم..أيه عندي
فارس لف صوبي:مشاعل أمي تبي تكلمك..
خذيت الجوال:هلا خالتي
أم فارس بفرح:هلا والله بمرة الغالي..كيفك وكيف فارس معك
:بخير..ناظرت في فارس.. وفارس مو مقصر معي في شيء
أم فارس:الحمدلله..
:خالتي أنتي كيف حالك وحال عمي
أم فارس:الحمدلله كلنا بخير يالغالية..متى عاد بتجون الرياض..
:ما أدري والله عن فارس ياخالتي..
أم فارس:أجل عطيني أساله..
مديت الجوال لفارس..
فارس:هلا يالغالية..الساعة تسع أن شاء الله..ولا يهمك..يله مع السلامة
..سكر فارس الجوال ودخل لغرفة النوم..
....:ألو
:أهلين مامي
أمي بفرح:هلا هلا والله ببنيتي كيفك..
:بخير الحمدلله أنتوا كيفكم
أمي:كلنا الحمدلله بخير أنتوا وش أخبار عمرتكم خلصتوا وألا توكم باقي..
:لا الحمدلله انتهينا وألحين أحنا في جدة..
أمي:طيب طيب أزعجتيني
باستغرب:أنا مامي أزعجتك
أمي:هههه لاياقلب أمها هذي شجون أزعجتني تبي تكلمك..
:عطينها مامي اشتقت لها..
أمي:ها أخذيها..
شجون وهي شوية وتبكي:هلا بميشو اشتقت لك..
:حتى أنا مشتاقة لك..
شجون:متى تجون للرياض تراي كثير مشتاقة..
:الليلة أن شاء الله الساعة٩..
شجون:طيب الليلة بتجينا
:ما أدري عن فارس بس يمكن بكرة أن شاء الله..
..جلسنا نسولف حوالي ربع ساعة ثم سكرت..
رحت أصلي المغرب بعد ماخلصت تمددت على الكنبة
طلع فارس وهو كاشخ عالأخير..وطلع من الجناح بدون مايتكلم..غريبة وين رايح..وأنا وش علي منه..أخذت شاور ولبست برومودا جينز رمادي وبلوزة سماوية طايحة من عند الأكتاف وحطيت ميك أب خفيف..وبعدها بساعة رجع فارس..تعشينا ثم طلعنا للمطار وصلنا الرياض تقريبا الساعة ١١ ..
دخلنا بيت عمي فواز وسلمنا عليهم وجلسنا نسولف شوي
ثم طلعت أنا وفارس لجناحنا..نمت في الصالة بعد ماخذيت لحاف ووسادة..

======================================


المغرب..
جات الكوافيرة ليندا لأنو عمي فواز مسوي حفلة لفارس ولي..
وعملت الكوافيرة لي تسريحة كيرلي..وعملت ميك أب صارخ مع اني رفضت بس نهاد أقنعتني..ولبست فستان أسود حرير مع فضي مخصر لما خلصت من اللبس طلعت من غرفة التبديل..
الكوافيرة ليندا:ماشاءالله ياميشو دانتي حلوة كثير..
ابتسمت:عيونك الحلوة..
نهاد وهي داخلة:قمر قمر يابنت عمي بسم الله عليك
الكوافيرة ليندا وهي تشيل أدواتها:يله ياصبايا مع السلامة
:مع السلامة
طلعت الكوافيرة ليندا مع مشرفة القصر نوريهان عشان توصلها لتحت..
:نهود كيفك مع سالم..
نهاد:بصراحة مرة طيب وحبوب وفوق هذا رومانسي لدرجة ماتتصورينها..بس أذا زعل وااو ما يرضى بسرعة..
:الله يعينك عليه هذا زعله كايد..
نهاد:أيه والله..أنتي كيفك مع فارس..
:لا الحمد لله مرتاحة معه كثير..
سمعنا آذان العشاء..وأستأذنت نهاد تصلي..صليت وبعد ما انتهيت نزلت عند خالتي..
وصلت أختي نورة وزوجها سعود..
أول ما شفتها ضميتها ثم بعدها سلمت على خالتي ونهاد..جلست بالصالة الثانية عشان سعود بيدخل بيسلم على أهله وكانت معاي نورة..
:كيفك النوري..
نورة:الحمدلله بخير أنتي اللي كيفك وكيف أمورك مع فارس
:الحمدلله أنا بخير ومرتاحة مع فارس..ألا تعالي أشوف بطنك..
نورة:هههههه توو مو واضح..
:وقفي أبي أشوف..
وقفت نورة وكان بطنها شوي بارز..
:تصدقين أني فرحانة لأني بصير خالة..
جلست نورة:أنتي مافيك شيء..
قلت بغباء:فيني أيش..
نورة وهي تبتسم:يعني مافي حمل..
عقدت حواجبي:حبيتي لا تفاؤلين علي لسى على الحمل ومتاعبه وبعدين ما صار لنا ألا شهر..
دخلت نهاد وقالت أن سعود طلع وطلعنا عند خالتي أم فارس..
الساعة تسع الكل اجتمع أهلي وأهل عمي منصور وعماتي وخالات فارس وجدته وصديقاتي وطبعا"غادة جاية كانت كالعادة مبهرة بجمالها الناعم..
كنت جالسة مع البنات..وبين لحظة ولحظة تطيح عيني على غادة اللي كلما لي أحاول أتجنب اطالعه لأنها تذكرني بآلمي وجرحي وهمي..ماكنت أبي أحقد عليها أو أكره لأنها مالها ذنب بحب فارس لها..
الساعة١٢راحوا الضيوف وما عاد باقي ألا أم عساف وبناتها غادة وغلا..
وبعدها بفترة دخلوا فارس وسعود عشان يسلمون على خالتهم..
دخلنا أنا وبنات أم عساف ومعانا نورة ونهاد المجلس..بعد دقايق دخلوا علينا خالتي أم فارس وأختها أم عساف وجلسوا معانا..
رن جوالي..
طالعت الرقم وحلصته فارس يتصل..
:هلا
فارس:مشاعل تعالي فوق أبيك
:أن شاء الله
سكرت الجوال واستأدنت..
وطلعت لفارس..
وأول مادخلت الجناح شفته واقف في الصالة..
:ها فارس وش كنت تبي..
فارس:الملف اللي العصر كان على الكمودنية وينه..
:حطيته على مكتبك..
راح للمكتب..
وبعدها بثواني..
دخلت عليه:وش تبي فيه بهالوقت..
فارس وهو يطلع من المكتب وبيده الملف:بعطيه سعود بيمشي ألحين..
:بيمشون ألحين للخبر..
فارس:أيه بكره عنده شغل ضروري..
قرب مني ومسك خصلات من شعري المنثورة على كتفي
فارس:تصدقين أنك اليوم بدر..
استحيت بس طنشته..وفتحت الباب وطلعنا من الجناح..وسمعنا صوت ضحك وشفنا نهاد وغادة..وكانت نهاد متجهة لغرفتها مع غادة..
وأول ما شافتنا غادة على طول ركضت لغرفة نهاد..
لفيت أنا على طول لفارس اللي وقف يطالع في غادة لما دخلت الغرفة..
تجمعت الدموع بعيني..عالأقل يحترم وقفتي جنبه..
أما نهاد طلعت ورى غادة..
وفارس اللي ما أحترم وقفتي جنبه بعد ما دخلت الحبيبة دخل الاصنصير..

=====================================
دخلت الجناح وأنا منهارة وجلست على الكنبة ورفعت رجلي لصدري ولميت أيدي على رجولي ورأسي عليه..وبكيت بصمت..مرت الثواني والدقايق..
سمعت ضرب عالباب..مسحت دموعي ونزلت رجولي..وخذيت نفس قبل مافتح الباب..
فتحته وشفت نورة..
نورة:وينك..انتبهت لعيوني..مشاعل وش في شكلك وعيونك كذا..
:لا تخافين بس تعبانة شوي..
نورة وبخوف:تبين نأخذك المستشفى..
:لا لا ما يحتاج أخذت حبة بنادول..
نورة:أوكي حبيبتي أنا جاية أسلم عليك قبل ما أمشي للخبر..
:ليه ماتجلسين لبكرة عشان تحضرين زوارتي<حفلة يعملونها الأهل أذا جت بنتهم من شهر العسل..
نورة:بصراحة نفسي أحضر..بس سعود عندي شغل ضروري..
سلمت عليها:طيب طمنيني أذا وصلتوا..
نورة:أن شاء الله..

======================================


صحيت على الساعة ٣ الفجر..
صحيت من البرد كانت الصالة مرة باردة كثير كثير..
وكنت أحس بصداع قمت من مكاني ودخلت غرفة النوم ماحصلت حد..خذيت شور دافيء
ثم طلعت ولبست وصليت الفجر وقريت قرآن وبعدما خلصت خذيت اللحاف وطلعت للصالة وشفت فارس داخل وشكله مهموم وتعبان عالآخر وشماغه راميه على كتفه وعقاله وطاقيته في يديه وكأنه في مصيبة..
بصراحة خفت ونسيت زعلي ورميت اللي بيدي وقربت منه ومسكت يده..
:فارس وش فيك..في شيء صاير..
بعد فارس أيدي..
فارس وبحقد:روحي وراك مو رايق لك..تنهد وكمل..ياليت غادة أهي اللي بمكانك بس..
..عرفت أنه متضايق عشان غادة..وسحبت أيدي..ونزلت رأسي ونزلت دمعة ألم وجرح..
تركني ودخل الغرفة..جلست على الكنبة وحضنت وسادتي بقوة..وكأني أبي أفرغ شحنات القهر فيها..
وبعدها نمت بصعوبة بالغة..

======================================

صحيت على الساعة٩ غسلت ولبست جلابية فخمة باللونين الفوشي والعشبي وحطيت ميك آب خفيف وتعطرت ولبست اكسسورات مناسبة للجلابية..
نزلت للصالة وحصلت عمي فواز وخالتي أم فارس وفارس ونهاد
:السلام عليكم
الكل:وعليكم السلام
حبيت رأس عمي وخالتي
أم فارس:مشاعل وش في شكلك أنتي تعبانة
ابتسمت:لا يا خالتي مافيني شيء..
عمي:يا مشاعل والله أن شكلك يقول أنك تعبانة قولي لي وش فيك..
..ماكنت عارفة وش أقول مع أني جسمي مرة حار وأحس بصداع..بس قلت:عمي صدقيني مافيني شيء
أم فارس وهي تبتسم:فارس بعد الفطور خذ زوجتك للمستشفى يمكن تكون حامل..
على طول طالعت في فارس اللي كانت ملامحه باردة..
فارس:أن شاء الله يماه

======================================

أفطرنا وبعدها خذيت عباتي عشان أطلع المستشفى تحت ضغوط خالتي..
ركبنا السيارة أنا وفارس..
وأخذني فارس للمستشفى
قاسوا حرارتي وكانت مرتفعة..وكانوا بياخذوا مني تحاليل عشان يشوفوا أنا حامل والأ لا بس أنا رفضت وقلت لهم أني متأكدة أني مب حامل..
المهم عطوني مغذي وطلعنا من المستشفى تقريبا الساعة١١ونص..
أول مادخلنا البيت شافتنا خالتي
أم فارس:ها بشروا
فارس:بس معها حرارة والحمدلله بعد ماعطوها مغذي تحسنت..
أم فارس بضيقة:يعني ماهي بحامل..
فارس برود:لا تونا على العيال
أم فارس:وش اللي تونا..أنت مانت بصغير..
فارس بنفس البرود:يماه أنا تعبان بروح أرتاح فوق
أم فارس بحنان الأم:روح ياولدي ارتاح وأنتي بعد يامشاعل ارتاحي
صعدنا لجناحنا..
دخل فارس غرفة النوم وأنا رميت الطرحة والعباية على الصوفا..وسحبت الشباصة من شعري وتمددت وجلست أفكر بس ماطولت في التفكير لأن النعاس داعب جفوني


======================================
حسيت أنا حد جالس يهزني..فتحت عيوني ببطء وبعدت شعري عن وجهي..
فارس:مشاعل قومي صلي الظهر الساعة وحدة..
:طيب ألحين بصحى..
صحيت وخذيت شور وتوضيت وصليت الظهر ثم نزلت تحت عند خالتي أم فارس ونهاد
أم فارس:هلا بالغالية شخبارك ألحين
:الحمدلله بخير..أقول نهاد متى بتطلعون لجدة..
نهاد وبمزح:ليه تسألين شكلك تبين الفكة مني..
:لا والله مو قصدي..بس مجرد سؤال..
نهاد:بكرة أن شاء الله..
:حلو يعني بتحضرين الحفلة اليوم..
:أن شاء الله..

======================================

</B></I>

%%الباارت الخامس%%

نزل فارس اللي كان مشغول في مكتبه..
فارس:السلام عليكم..
الكل:وعليكم السلام..
أم فارس:فارس..
جلس فارس:هلا..
أم فارس:بكرة العصر أن شاء الله جدتك وخوالك وخالاتك بيجتمعون بالمزرعة..وبنطلع أنا وأبوك أن شاء الله لها..وش رأيك تطلع معانا أنت وزوجتك..
فارس:ماعندي مانع يالغالية..
قلت بنفسي<..أكيد ماعندك مانع مادامك بتكون قريب من حبيبتك..
نهاد وبصوت مقهور:قهر بتجتمعون..وأنا بكون جالسة لحالي بجدة..
فارس وهو يبتسم:عندك سلومتك يكفي..
نهاد:المشكلة سلومتي ماراح يفضى لي طول الوقت..أكيد بينشغل بالعمل..
طالعت نهاد بصدمة..معقولة ما استحت..عجيبة هالبنت..
أم فارس:وأنتي نازعة الحياء..استحي..
نهاد وبزعل:ماما عادي..إيزي زوجي وحلالي..
عصبت أم فارس..
وضحك فارس على نهاد اللي بوزت..وابتسمت لضحكته..ياحلاته وهو يضحك..التفت لي..وعلى طول نزلت عيوني بحضني وأنا منحرجة..
جت نوريهان المشرفة:الغداء جاهز..
فارس:بس الوالد توى ماجاء..
أم فارس:أبوك ماراح يتغدى هنا مشغول..على ما اعتقد عنده اجتماع..
وبعد ما انتهيت من الغداء طلعت لجناحي اجهز شنطتي أنا وفارس عشان طلعتنا بكرة للمزرعة..


==================

المغرب..تجهزت للحفلة اللي عند أهلي..
وعملت الكوافيرة لي ميك أب ناعم وشعري عملت فيه تسريحة بسيطة ثم طلعت بعد ما انتهت لبست فستان ليموني ولبست طقم ألماس راقي مرة كنت هالمرة راضية على نفسي لأن اللون طالع جنان ومناسب لبشرتي البيضاء..دخل فارس وأنا جالسة قدام المراية وألبس ساعتي..
ولما كان بيدخل غرفة التبديل..ناديته:فارس..التفت..
:متى بنطلع لأهلي..
فارس:الساعة ثمان أن شاء الله..
:اممم ليه مانمشي ألحين أنا أبي أجلس مع أهلي قبل مايجون الضيوف..
فارس وهو يدخل الغرفة:أنا ألحين مشغول..
وقفت لعند باب الغرفة:طيب بروح مع سواق خالتي..
فارس وهو يفتح الدولاب وبلامبالاة:كيفك..
ما صدقت خبر ألا على طول لبست عبايتي..ونزلت وحصلت خالتي ونهاد أستأذنت منهم وطلعت..

=========================================

كنت مستمتعة بجلستي مع أمي وشجون وأخواني لولا أن في الجلسة شوية رسمية لوجود أبوي..
الساعة ثمان..
بدوا الناس يجون..
وبالصالة الجانبية مع البنات..
كنت جالسة مع رفيقة دربي مرام..
مرام:ميشو..
:عيونها..
مرام:تسلم لي عيونك..اممم ممكن اسالك..
:تفضلي قلبي..
مرام:أنتي مرتاحة مع فارس..
عقدت حواجبي مستغربة:أيه الحمد لله..بس ليه تسألين..
مرام:ما أدري أحس أنك مو مرتاحة..يعني ما أشوفك تتكلمي كثير عن شهر العسل..وعن حياتك مع فارس..مثل سجى أول ماتزوجت وأي زوجة لسى متزوجة..ألا أذا حد سألك..وحتى في الملكة ما تكلمي عن مكالماتك معاه..
تنهدت بداخلي وقلت وبابتسامة أجبرت نفسي فيها:مرومي أنتي تعرفيني طبعي خجول كثير..وبصراحة استحي أتكلم عن فارس..
مرام:طيب ليكون زعلتي على لقافتي وسؤالي..
:لا عادي حبيبتي..ألا تعالي لمى ما تحدد زواجها..
مرام:لا أخر مرة كلمتها تقول لسى ما تتحدد..يمكن بعد رمضان أن شاء الله
:غريبة هي تقول احتمال كبير يكون بالعطلة..
مرام:تصدقين أنا مستغربة صارلهم سنتين متملكين ولحد الآن ماتزوجوا هي وفيصل مع أنو بيحبون بعض كثير..
:يمكن الرجل عنده مشاكل مادية..
مرام:يمكن..الله يعينها ويوفقها بس..
:آمين..
الساعة ١٢ونص..
اتصل فارس علي
:هلا فارس
فارس وبصوت أمر:يله طلعي انتظرك..وشوفي أمي ونهاد بيرجعون معانا وألا لا..
:فارس أنا أبي أنام عند أهلي الليلة..
فارس بدون نفس:أوكي..بس أسألي أهلي بيرجعوا معي..
:لسى الساعة١٢ونص خلهم يجلسون..
فارس:اجل يله مع السلامة..
ثم سكر الخط..

===========================
طلعت غرفتي بعد ماراح الكل..ورميت نفسي عالسرير بالعرض بتعب..أحس جسمي كله متكسر..سمعت ضرب عالباب..وقفت وفتحته..
:هلا بندر..
بندر:ليكون بتنامين وأنا أزعجتك..
:لا أصلا مافيني نوم..
بندر:أوكي أنا جاي اسهر معك لأني أنا بعد مافيني نوم..
فتحت الباب:حياك تفضل..
ابتسم بندر ودخل وجلس عالكرسي..وجلست قدامه عطرف السرير وأنا متربعة..
وأخذنا نسولف..
بندر:ألا صحيح عارفة أن الوالد يفكر زوجوني..
قلت متفجأة:صدق..
بندر:آيه..
:أجل العروس علي..
بندر:ومين أن شاء الله العروس..
:وفي غيرها عبير بنت خالي..وغمزة بعيني..أكيد عجبتك..عبير عيني عليها باردة جمالها آسر..ومو بعيدة أنها ألحين محتلة جزء من تفكيرك بعد ما شفتها..
ضحك بندر:وش إعجاب ومحتلة تفكيري شكلك تقرين روايات كثير..
عقدت حواجبي مستغربة:ألحين وش دخل الروايات بعبير..
بندر:حبيبتي أولا أنا في لندن شفت بنات أحلى منها ولا هموني أو حركوا فيني شعرة..ثانيا مافي إعجاب أو حب من نظرة ألا في القصص والروايات..وثالثا والأهم العروس خلاص اختارها الوالد..
قلت وبخوف أنها تكون اللي في بالي:ومين هي..
بندر:جمانة بنت عمي سالم..
قلت بقرف:جمانة..
بندر:أيه..وش فيك تقولينها وكأنك متقرفة..
:بندر جمانة ماتصلحك..
بندر:ليه وش فيها..
:البنت حلوة وكيوت بس مغرور بقوة..وثقيلة طينة..وأنت ما شاء الله خفيف دم ومتواضع..بصراحة ماتليقون لبعض..
بندر وقف:والله أذا كانت كذا أنا أعرف شلون أكسر هالغرور..يله أنا بطلع ألحين أنام تصبحين على خير..
:وأنت من أهله..
طلع بندر وأنا مقهورة ليش أنه بيأخذ جمانة..يارب أن جمانة ما تكون من نصيبه يارب..
رحت بدلت فستاني وخذيت شاور ولبست بيجامة و نمت

========================================


العصر..نزلت تحت ولا حصلت حد..ناديت روزي وسألتها وقالت ان امي طلعت تزور صاحبتها بالمستشفى مسوية عملية زايدة وشجون لسى نايمة..
دخل خلدون اللي جاء من التحفيظ:السلام عليكم..
:وعليكم السلام..هلا خلدون كيفك في التحفيظ..
خلدون وبراءة طفولة:الحمد لله حفظت الجزء الثلاثون كله..
ونزلت لمستواه..وبسته:ما شاء الله..بهالمناسبة راح أجيب لك هدية..اطلب واتدلل وش تبي هديتك..
خلدون:كيفك أنتي..
:اوكي راح اجيب لك أحلى هدية أن شاء الله..
باسني خلدون:مشكورة ميشو
ابتسمت:العفو..
وطلع خلدون لغرفته يبدل..وجلست أنا بالصالة..
دخل بندر اللي جاي من برى:سلام عليكم
:وعليكم السلام..
بندر :مشاعل أنا بطلع لغرفتي أريح وأنام صحيني المغرب خلاص..
:وين تنام اجلس معي شوي أنا طفشانة لحالي..
بندر وهو يتثاوب ويحط يده على فمه:تعبان والله..روحي اجلسي مع خالد اعتقد أنه في بيت الشعر لأني شفت أنواره مشغلة وسيارته هينا..يله بطلع أنام..
طلعت من الباب الرئيسي وطالعت بالسيارات من بعيد وماحصلت غير سيارة خالد وسيارة بندر يعني مافي حد من أصحاب خالد في بيت الشعر..لأن أخواني مايجلسون كثير في بيت الشعر ألا أذا كانو أصحابهم عندهم وحبيت أتاكد..
مشيت لبيت الشعر..ودخلته وقلت بصوت عالي وأنا أدخل عشان أخوف خالد:أااااهلين خلوددددي..
وقفت مصدومة لما شفت شاب جالس قدامي ولابس سبورت..سبحان اللي
خلقه..عمري ماشفت رجل بهالوسامة..وكان يطالع بعيوني وكأنه يتأملها..وماقدرت أتحرك<لا يروح بالكم بعيد وتعتقدون عشان جماله..لأنو ما اعتقد يجذبني حد غير فارس..بس من صدمتي ماقدرت أتحرك..
استوعبت لحالي لما نزل عيونه..
شهقت وأنا أحط يدي على فمي..وعلى أطول رجعت بأدراجي لورى..وما كنت أدري أنا رؤيتي لهالشاب بتبدأ لي معأناة ثانية..
دخلت القصر وسكرت الباب وتسندت عليه..وأنا أحاول أهدي من توتري..نظراته تحسسني بالارتباك والتوتر..خذيت كذا نفس حتى هديت..وطلعت لغرفتي..
وأنا متجهة لغرفتي شفت خالد طالع من غرفته وهو بعد لابس سبورت ومعه شنطته الرياضية..
وقال بحنانه المعروف:ميشو أنا طالع للنادي..توصيني على شيء قبل أطلع..
ابتسم:لا سلامتك..
خالد:يله مع السلامة..
:مع السلامة..
دخلت غرفتي وجلست عالسرير..أفكر بالموقف اللي حصل قبل شوي..رن جوالي..
ما أدري ليه ارتبكت لما شفت اسم فارس بهاللحظة..
حاولت أحفظ على توازن صوتي ورديت:ألو..
فارس:هلا مشاعل يله طلعي أنا تحت انتظرك عشان نمشي للمزرعة..
:أن شاء الله..
وسكرت من فارس وأخذت عبايتي ونزلت..

================================

طلعت لفارس..وحصلته واقف يسولف مع خالد وصديقه..توترت كثيرر..وركبت السيارة..وبعد ثواني ركب فارس السيارة وركبوا خالد وصديقه سيارتهم..
فارس وبرود:السلام عليكم
:وعليكم السلام
حرك فارس السيارة..وكنا ساكتين طول الطريق..وما بين أي كلام..
وحسيت بملل فظيع بعد ماقطعنا مشوار ساعة..
التفت على فارس:فارس متى بنوصل أن شاء الله..
فارس:باقي نص ساعة ونوصل أن شاء الله..
آووف..نص ساعة كثير..يارب تصبرني..
اسندت رأسي وجلست اطالع بالطريق..ولا شعوريا نمت..
حسيت بأيد كبيرة تلمس أيدي..فزيت من نومي..
فارس:بسم الله عليك وش فيك..
سحبت أيدي من تحت أيده..ونزلت عيوني من دون أي كلمة ومستحية من تصرفي..
فارس:عالعموم أنا حبيبت أصحيك لأنا وصلنا..
رفعت رأسي وكنا لسى داخلين المزرعة وكان فيه خمس فلل روعة جنب بعض..ووقف فارس عند وحدة منهم..
فارس:يله نزلي..
شبكت ايدي متوترة..وطالعة الفلة بخوف..
فارس:وش فيك ما تنزلين..
:ما أدري أحس أني متوترة ومستحية منهم..
ابتسم فارس ابتسامة يطمني فيه..وحط ايده على أيدي المشبكة بعض:تطمنيني أمي موجودة داخل..
ابتسمت..وعدلت طرحتي ونقابي..ونزلت..
دخلت وأنا أحس نفسي غريبة..سلمت وأنا ابحث بعيوني عن خالتي..ردوا السلام علي ووقفوا يسلمو سلمت وجلست بعدها جنب خالتي..

====================

طلعت مع خالتي أصلي المغرب..وبعد ماخلصت كنت بدخل مجلس الحريم الكبار..بس شافتني غلا اللي كانت نازلة من فوق وهي بعمري ومعها أماني..
غلا:مشاعل..
ابتسمت:هلا..
غلا:تعالي معانا نجلس مع البنات..
:أوكي يله..
كانوا البنات جالسات بمجلس ثاني أكبر من المجلس الأول..
جلست معهم وكانوا ثمان بنات غادة وغلا..وريما وأماني بنات خالتهم أم ماجد..وندى بنت خالهم أبو يوسف..والبندري والعنود والجوهرة بنات خالهم أبو الوليد..والمتزوجات اللي فيهم هم ندى وريما..
وبصراحة كانوا فلة..وبعد ما تعشينا طلعنا نتمشى بالمزرعة..
وكان الجو حلو بالليل..
وبعدها بنص ساعة رجعنا..ورجعت مع خالتي لفلتنا..
وأول ما دخلنا الفلة طلعنا لفوق..ودلتني خالتي على غرفة فارس..ثم راحت تنام وأنا دخلت الغرفة..وحصلت شناطنا..أخذت لي بيجامة وخذيت شور ولبست وطلعت أرتب ملابسنا بالدولاب..
دخل فارس وسلم..ورديت السلام..ثم تمدد عالسرير من دون مايقول أي كلمة بعد ما اخذ له بيجامة وبدلها بالحمام..وأنا انشغلت بترتيب ملابسه..
فارس:مشاعل..وش رأيك بأهل أمي..
التفت وابتسمت:بصراحة ما توقعت أنهم كذا حبوبين كثير..خاصةً البنات فلة..
ابتسم فارس وقال:يعني أن شاء الله أنك انبسطتي اليوم..
:الحمدلله كثير..
استغربت من فارس هادي كثير..
فارس:طيب ماراح تنامين..
:بعد ماخلص اللي بيدي أن شاء الله..
فارس:طيب كمليه بكرة..لأني ما أعرف أنام والأنوار مشغلة..
:أن شاء الله..
سكرت الدولاب..وأنا متضايقة ما أبي أنام معه في نفس الغرفة..تنهدت وأنا اطلع السرير..
انتبهت لفارس لما قال:لا تخافي ماراح أقربك..لأن هذا أخر شيء أفكر فيه..
وعطاني ظهره..انقهرت مرة من غروره وحسيت برغبة مجنونة أني أمشخ وجهه بأظافري ونتف شعر رأسه..
تعوذت بالله من الشيطان ثم دخلت تحت اللحاف على الطرف بعد ما سكرت الأنوار..

===========================================

صحيت الساعة تسع الصباح..وخذيت شاور ولبست وبعدها صحيت فارس..وبعد ماجهزنا طلعت أنا وهو لفلة خاله أبو الوليد عشان يصبح على جدته..ودخلنا في المجلس وماكان في ألا الجدة وخالتي وخواتها وزوجات أخوانها اللي تغطوا لما دخل فارس..
فارس وهو يحب رأس جدته:صبحك الله بالخير يالغالية..
الجدة حصة:هلا والله اجلس ياوليدي اجلس..
جلس فارس جنب جدته..
الجدة:أم الوليد يابنيتي صبي لفارس ولزوجته القهوة..
أخذت الدلة قبل أم الوليد:اصب عنك ياخالتي..
مديت للجدة فنجال قهوة وبعدها فارس..وجلست..
الجدة:ورى ماصبيت لعمرك..
:لا ياجدة ماحب أشربها بالصبح..
وجلس فارس يسولف مع جدته..وكان باين على الجدة أنها تغليه كثيررر..
وبعدها وقف فارس وأستأذن..تبعته بعيني حتى وصل الباب..لكن بغت تتطلع من مكانها بعد ماشفتها طايحة بين أيدين فارس..

==================

</b></i>

%%البارت السادس%%


وبعدها وقف فارس وأستأذن..تبعته عيني حتى وصل الباب..لكن بغت تتطلع من مكانها بعد ماشفتها طايحة بين أيدي فارس..

رجعت غادة لورى اللي طاحت بين أيدين فارس عند الباب لكن مازال فارس ماسكها..حسيت أن فارس مو حاس باللي حوله.. لكنه وأخيرا"نزل أيده وطلعت غادة بسرعة..وطلع هو بعدها بثواني.. التفت للي مو جودين وأنا أحاول أحبس دمعتي..لقيت الكل يطالعني..انحرجت من نظراتهم..

الجدة:الله يهديهن هالبنات المفروض يتأكدن أن مافي حد بالمجلس قبل مايدخلن..هم يعرفون أن العيال كل صبح يمرون علي..



أم فارس واللي أحس لون وجهها متغير:أيه والله..الله يهديهن بس..



مر الوقت وأنا أحاول أن تصرفاتي تكون طبيعية..حسيت أني كارهة هالمزرعة وهالطلعة بكبرها..بس اللي مريحني أن الليلة بنرجع للرياض أن شاء الله..لأنو فارس راح يبدأ دوامه بشركته بكرة..

المهم لما جاء الظهر صحوا البنات..وخذوا كم تهزيئة من الجدة لأنهم ماصحوا ألا متأخر..وكنت ألاحظ طول الوقت أن غادة مو على بعضها..يمكن من الموقف اللي حصلها الصباح بصراحة ماألومها موقف قو,ي..

================================




العصر..

بالمسبح اللي مغطى بالزجاجات العاكسة..كنت جالسة على طرف المسبح وألعب برجولي بالموية وبجنبي ندى..ونعلق على أشكال البنات وهم يسبحون..حسيت أن نفسيتي نوعا ما تحسنت..

رن جوالي..طالعت المتصل..

:هلا والله بمروم..



مرام:هلا فيك كيفك..



:بخير الحمد لله أنت اللي كيفك وش أخبارك..



مرام وبنبرة حزينة:حالي يامشاعل حتى العدو ما تسره..



وقفت وبعدت عن البنات:بسم الله عليك وش فيك..



مرام:تخيلي هالشايب أبو مضاوي زوجة جاسم متقدم لي..والملكة يوم الخميس والزواج بعدها بأسبوعين..



شهقت من الصدمة:أنتي وش جالسة تقولين يامرام جد اللي اسمعه..مرام وش اللي حادك تأخذين واحد كبير بالسن..



مرام:مشاعل مو بأيدي..والله مو بأيدي..



تنرفزت:كيف مو بأيديك..



مرام:جاسم أخوي ماهان عليه يرفض أبو حبيبته وقلبه..وأعطاه الموافقة وحدودا الملكة والزواج..



:وأخوك جاسم الحقير كيف يزوجك منه..



مرام:قلت لك ما هان عليه يرفض أبو حبيبته..ما يدري أن مضاوي وأبوها باين عليهم طمعانين بفلوسنا وحلالنا..مشاعل أنا ألحين شسوي..راح أنجن أذا أخذته..



:طيب خالتي ماتقدر تسوى شيء..



مرام:أمي مافيها شدة على جاسم..كافي المرض اللي هادها بالفراش..وأنتي تعرفين أن جاسم ماعنده احترم لأمي..يعني ماأظن بيهتم برأيها..



:مرام ما في ألا أنك تلجأي لله..وادعي أنه يكتبلك الخيرة..ماتدري يمكن زواجك من هالشايب خيرة لك..على الأقل بتفتكين من أخوك جاسم وتسلطه وشره..



مرام:وعاد أخذ شايب وداخل على طمع ولا أبو العقربة مضيوي..



:مرام استغفري ربك الواحد مايدري وين الخيرة فيه..وألحين قومي اقري لك قرآن حتى تهدى نفسيتك..



مرام:أن شاء الله..وأسفة أني أزعجتك بمشاكلي..



:أفا والله يامرام وشهالكلام.. أحنا أكثر من صديقات أذا ماشتكين لبعض لمين نشكي..ولا عاد تقولين هالكلام مرة ثانية وألا زعلت..



:أن شاء الله..يله ما أطول عليك مع السلامة..



:مع السلامة..

آآآه مافي حد مرتاح بهالدنيا..

=========================================





انسحبت من عند البنات بعد ماقلت أني بروح أرتاح لأني من الصبح صاحية..دخلت غرفتي وهنا اطلقت نهر دموعي اللي أصبحت لي مثل الصديق اللي يواسي..

جلست عالسرير وأنا احس أني متضايقة كثيررررر..موقف فارس وغادة كان متعبني واللي زاد علي موضوع مرام..رفيقة دربي وتوأم حياتي تعاني..

ركضت للحمام أرجع..أنا لما أتضايق كثير وتتعب نفسيتي مررة أحس أن معدتي تعصرني وتألمني..وبعد ماغسلت فمي..تسندت عالمغسلة وأنا أبكي..حسيت أني كارهة الدنيا ومافيها ومو طايقة شيء..

مشيت بخطوات متثاقلة للسرير..أبي أنام عالأقل الهروب للحل هذا ألقى الراحة..رميت نفسي عالسرير..

وفعلا"مابين أفكاري ودموعي نمت..

=======================================




فتحت عيوني بكسل..لما سمعت صوت الباب يتسكر..جلست وشفت فارس داخل..

فارس:السلام



وقفت وأنا اتجاه الحمام:وعليكم

السلام..



دخلت الحمام وغسلت وتوضيت استعداد لصلاة المغرب..

طلعت وشفت فارس مبدل ثوبه ولابس بنطلون وكت زيتي..وكان مبين جسمه الرياضي المعضل..

وكان واقف قدام المراية يمشط شعره لورى..

ما أدري ليه حبيت أتمشكل معه..يمكن لأني لحد الآن مقهورة من حركته الصبح..

وعلى فكرة مرات أذا كنت مقهورة أقول كلام مش حاسة فيه:فارس وش قلت الأدب هذي اللي سويته اليوم..كان ضميتها وبستها بعد..ليه ما أحترمت وجودي قدام أهلك..أصلن لو كنت محترم كان على طول ابتعد..بس شأقول غير أنك حقير..وما عندك احترام لغيرك

وما حسيت ألا وأنا طايحة عالأرض..بسبب الصفعة اللي أخذتها من فارس..حطيت يدي على خدي..وحبست دموعي بعيوني اللي ماقدرت أشوف بوضوح منها..

نزل فارس لمستواي وجلس على رجل واحدة وقرب من وجهي..وشد شعري وبصراخ:أنا محترم غصب عنك ياقليلة الحياء..وأن سمعتك تقولين هالكلام مرة ثانية ماراح تلومين نفسك..

ورماني ودزني برجله وطلع وسكر الباب بقوووة..



حسيت هالمرة بأهانة وذل عمري ماحسيت فيهم..وقفت وأنا أهدد وأتوعد:والله والله يافارس لأهنيك وأذلك والله لأبهذلك مثل ما أنت مسوي فيني..

======================================


بعد صلاة المغرب تجهزت..ولبست عبايتي..وصلني مسج من فارس(أطلعي انتظرك بره)

طلعت له وركبت السيارة من دون ما أقول شيء..

وشغل فارس سيارته ومشينا..

كان طريق المزرعة مزدوج لرايح والجاي وكان شوي مزوح طلع قدامنا جيب..

صرخت بكل قوتي وأنا أضم نفسي من الخوف:فـــــــــــاااااارس انــــــــتبه..



نزل فارس عن الطريق عالرمل وهو حده معصب على صاحب الجيب ويسب فيه..وبعد ماتأكدت أننا في آمان بكيت..

التفت علي فارس:مشاعل خلاص هدي..الحمدلله عدينا بسلامة وما صار شيء..



أخذت أبكي أكثر..لا تلوموني..اليوم تعرضت لضغوطات..الحبيبة اللي طاحت بحضن فارس قدام عيوني وصديقتي اللي تعاني وضرب فارس اللي تعرضت لها قبل ساعات واللي صار قبل شوي وكنا لولا رحمة الله بنكون بإعداد الموتى..



سحبني فارس لحضنه..وهو يمسح على شعري ويقرأ علي..كان صوته جنان وهو يقرأ..حسيت بالارتياح لما سمعت ترتيله..وبعد ماهديت رفع فارس رأسي وقال:ها كيفك ألحين..



استحيت من حالي..وعدلت جلستي:لا الحمد لله أحسن ألحين..



رفعت نقابي أمسح دموعي بالمنديل..لمس فارس خدي اللي أصفعه..طالعته وأنا مصدومة من حركته..

فارس:مشاعل أعذرني ماكان ودي أضربك بس أنتي الله يهداك نرفزتيني بكلامك..



نزلت رأسي:أنا آسفة ماكنت أدري وش أقول من قهري..



فارس:تغارين..



انصدمت من كلمته وقلت بتصريفه:المسألة مسألة احترام لا أكثر ولا أقل ومو غيرة..

حرك فارس من دون مايقول شيءومشينا..

====================================





مرت الأيام..وعلاقتي بفارس مافيه أي تطور..وكان كله مشغول بشغله..

فتحت الخدامة الباب..

دخلت:وين رغد..



رغد وهي جاية:هلا والله بميشو..



حبيتها بخدها:هلا فيك كيفك..



رغد:الحمد لله بخير أنتي اللي كيفك..



:بخير ولله الحمد..



رغد:تفضلي تفضلي



مشيت للصالة الرئيسية..وجلسنا نسولف..وجابت ريتا العصير ولما جات بتقدم لرغد بعد ما أخذت أنا..تعرقلت برجلها وطاحت وانكب العصير على بنطلون رغد..

رغد وهي معصبة:يالعمياء يالـثور ماتشوفـــــين..



ريتا:أنا آسفـ..



رغد وهي تقاطعها:خلاص انقلعي وراك..وخلي حد يجي يمسح اللي انكب..أنا بطلع أغير..أستأذن مشاعل



:أذنك معك..



..جت وحدة من الخدامات ومسحت العصير وبعد ما طلعت..رن جوالي بمسج من لمى..ياعمري اشتقت لها ..جلست أقرأ وسمعت خطوات تقترب وكنت أعتقد أنو رغد عشان كذا مارفعت رأسي..لكن سمعت صوت رجولي مبحوح..

:رغد أنا طالـــــ..



رفعت رأسي مصدومة..

هو..أيه..أيه نفسه اللي شفته في بيت الشعر..

قال وهو مازال يطالعني وكأنه مصدوم:أنتي..



سمعنا ضرب عالباب الرئيسي..وعلى طول طلع من الباب الثاني..

طلعت ريتا تفتح الباب وكانت مرام..سلمت عليها..ولاحظت أني متوترة..

مرام:ميشو وش فيك..ليه لونك مخطوف..



:ها لا مافيني شيء..



مرام:علي أنا ياميشو..



:صدقيني مافيني شيء..شكلك تتوهمين..



جت رغد وهي تقول:أهلين مرام..

ارتاحت أنا رغد جت بالوقت المناسب..

جت سجى وجلسنا لحد الساعة ١١..

رغد وبحزن:مرام حبيبتي خلاص ما في أمل إنك توقفين هالخطبة..

مرام وبصوت باين قد أيش مهموم:لا خلاص أنا رضيت بنصيبي اللي كتبه لي ربي..وتغير لصوتها لنبرة استهزاء..وبعدين في وحدة ترفض شايب وسيم مثل راجح اللي مافيه حتى شعرة وحدة سوداء..

دمعت عيوني من كلام مرام..

وقفت مرام:بنات انا أستأذن بمشي تأخرت على أمي مع السلامة..

رغد:لسى بدري..

مرام:عارفة بس ماقدر أترك أمي لحالها أكثر من كذا..

رغد:أوكي..بس لا تضيقن خلقك..أن شاء الله مايتم هالزواج..

مرام ومن كل قلبها:آآمين..

===================



اليوم الثاني....

نزلت تحت وحصلت خالتي وفارس..

:السلام عليكم



خالتي أم فارس وفارس:وعليكم السلام



بست رأسي خالتي أم فارس وجلست..



رن التلفون..وردت نوريهان..

نوريهان:مدام في ست عالتلفون بتريديك



ردت خالتي أم فارس:ألو..هلا بأم عساف..وشخبارك وأخبار عيالك..أنا الحمدلله بخير..ماشاءالله متى ..وهي وش رأيها..الله يكتب لها اللي فيه الخير..طيب سلميني عليها..يله مع السلامة..



أم فارس:أبشركم غادة خطبها طلال ولدعمتها وملكتهم أن شاء نهاية هالشهر..



فارس وملامح وجهه مصدومة:يماه غادة بنت خالتي بدرية



أم فارس:أيه

ناظرت في فارس اللي جد بدأوجهه يتلون..ثم طلع برى البيت بدون كلمة ثانية..

وبان خالتي أم فارس أنها تضايقت..



==============================




على الساعة١١ جا عمي اللي كان معزوم..

عمي فواز:السلام عليكم



..وعليكم السلام



جلس عمي فواز وقال:فارس وينه اتصلت عليه ثلاث مرات العشاء مايرد وش فيه..



:عمي جواله في غرفته مومعاه..



أم فارس بدأت تخاف على فارس:هو العصر طلع وهو زعلان ليكون صار فيه شيء..



عمي فواز:وش زعله



أم فارس:عشان غادة خطبها طلال ولد أ..أم فارس حست أنه جابت العيد عندي ولا كملت..



عمي فواز وهو يطالعني:وش هالكلام يانوال الله يهديك..بعدين فارس رجال مو بصغير تخافين عليه..أنا طالع أنام..

طلع عمي لغرفته

..ياحليلة خالتي وعمي مايعرفون أني عارفة بقصة حب فارس لغادة..

جلسنا أنا وخالتي نتنظر فارس بصراحة بديت أخاف

الساعة وحدة..

بدأ توتري يزيد

خاصة يوم خالتي جلست تبكي بصمت..



ام فارس:أنا بروح أقوم أبو فارس عشان يشوف وين راح ولدي..



جلست جنب خالتي:خالة أكيد ألحين فارس بيرجع..فارس رجال ياخالة لا تخافين عليه..حسيت بصداع..أنا بروح ياخالتي لغرفتي أبي أخذلي بندول أحس أن رأسي مصدع



أم فارس:بسم الله عليك

طلعت للجناح

وخذيت حبة بنادول وشربت كأسة موية..

انفتح الباب وشفت فارس داخل..

دخل وسكر الباب..

قلت من خوفي عليه:فــارس قلبي وين كنت..قلقتك عليك والله..



كان يطالعني بحقد..

قرب مني ومسكني من ذراعي بقوووووة وقال:لا تسوين نفسك خايفة..هذا أولاً وثانياً مالك دخل فيني وين كنت وين رحت..لاتدخلين فيني..فاهمة..

ثم دفني بعيد عنه..وعطاني ظهره..



نزلت دموعي بحرقة..أنا وش ذنبي أذا تزوجت حبيبته..قلت وبعصبية:فارس ترى مليت من حياتي معك طلقني طلقني..



التفت فارس:أوكي بس ماراح أطلقك ألحين



طالعته بعصبية:وليه مو انت ما تبيني..



فارس برود:وش يقول أهلنا والناس أذا طلقتك وأحنا ماصار لنا ألا شهر..

قلت وبحدة:أنا ما يهمني كلام حد..



فارس طنشني ودخل الغرفة وقبل مايدخل..طعني وزاد رصيد جروحه بقلبي..:لو علي أنا كان ماتزوجتك من البداية..ولا ضيعت غادة مابين أيدي

انهرت على الكنبة وأنا أضم نفسي وكانت دموعي تواسي جروحي اللي كل يوم تتجدد وتكبر..ياناس أحس أني مليت من دموعي..أبي أشكي لحد مليت وأنا أكتم بقلبي..لكن مافي غيره..هو الوحيد اللي راح يفرج عني..اتجهت لربي بصلاتي ..وبعدما خلصت قرت قرآن حتى حسيت بطمأنية..ماتدرون قد أيش ارتحت جبل وانزاح من صدري..

========================================

من بعد خطبة غادة وفارس مررررة متغير..عايش حياته بعيد عني ولا كأني زوجته..

واليوم ملكة غادة حبيبة حبيبي حسيت بأن من بعد خطبة غادة أن المسافات بيني أنا وفارس طالت أميال وأميال..

عرفت فيها أشكثر فارس يحبها واني المفروض اشيل حبه من قلبي حتى لو كان صعب..

العشاء....

كنت أجهز نفسي..سمعت ضرب عالباب..

فحته وحصلت نوريهان.كانت تبلغني انو خالتي راح تمشي للحفلة وتنتظرني..بس لسى ما انتهيت وقلت راح أجي مع فارس..

الساعة٩ تأخر فارس اتصلت ماكان يرد واتصلت ثانية مرة

بعد ماكان يرد..

خفت ليكون صار فيه شيء..جاني مسج..إلى أجمل أمرأة رأيتها~~إلى أجمل عيون تأملتها~~أهديك أجمل شعور أحمله لك~~ألا وهو الحب~~أحبك..

استغربت الرقم غريب يمكن غلطان..

بس ما اهتميت واتصلت على فارس مادري أربع خمس ست مرات..

رد..

فارس وبعصبية:نعم



قلت بخوف:فارس وينك



فارس:وش دخلك..أنتي وش تبين ألحين



:أبيك تأخذني عشان نحضر ملكة غادة



فارس:ماني بجايك ولا راح أحضر الملكة فهمتي ولا عاد تزعجيني

وسكر الخط بوجهي

طلعت لجناحي..وأنا كارهة نفسي وحياتي..الساعة 12 جاني مسج من فارس<أنا ألحين في جدة وياليتك تتطمني هلي وبكرة أن شاء الله بدق عليهم>

استغربت وش مسفرة جدة ..كيفه يروح للمريخ ماعاد يهمني..

=======================================




الصباح....

نزلت تحت عند عمي فواز وخالتي أم فارس



:السلام عليكم



عمي وخالتي:وعليكم السلام



عمي فواز:وراكم ماجيتوا أمس أنتي وزوجك



جلست:عمي أمس فارس راح لجدة



ام فارس:جدة وش عنده هناك



:والله ما أدري عنه ياخالة بس هو ارسل لي أمس ويقول طمني هلي أني في جدة



توه بيتكلم عمي رن جواله

عمي وبصوته الرجالي المريع:هلا بفارس..وينك..وأنت وش عندك بجدة..الله يشفيه..طيب متى بترجع..يوصل أن شاء الله..مع السلامة



عمي:فارس يسلم عليكم



أنا وخالتي:الله يسلمه



أم فارس:هو ليه مسافر لجدة



عمي:يقول أنه يبي يطمن على واحد من أصحابه في جدة متنوم بالمستشفى



أم فارس:الله يشفيه..طيب متى بيجي



عمي:يقول كله يومين وراجع أن شاء الله



وقف عمي وقال:يله أنا طالع للشركة

====================================== </B></I>

%%البارت السابع%%


العصر..في جناحي..
اتصلت على مرام..اللي كانت ملكتها قبل أيام..وكانت جداً بسيطة ما في غيري وصديقاتي اللي حضرنا..
مرام:هلا مشاعل..
:هلا فيك كيفك..
مرام وبتنهيده:ما أدري وش أقولك بس تعبانه بالحيل..
:سلامتك وش متعبك..
مرام:زواجي اللي من أبو مضاوي ألا بعد أيام متعبني..
:مرام كم مرة وأنا أقول لك الواحد ما يدري وين الخيرة فيه..يمكن زواجـ..
قاطعتني مرام بعصبية:مشاعل وش هالبرود كلما فتحت معك هالموضوع قلت لي يمكن خيرة وما أدري وش..وكملت بصوت باكي..بس ما تنلامين عايشه مع حبيب القلب بسعادة ومو حاسة باللي فيني..
قلت بصدمة:مــر..
لكن قاطعتني للمرة الثانية:أصلاً أنا الغبية اللي أشكي لك..
وسكرت الخط بوجهي..
دمعت عيوني أول مرة مرام تكلمي بهالأسلوب..آآآآآآه يا مرام أنا مو حاسة فيك وأنا قلبي يتقطع عليك..وتعتقدين بعد أني سعيدة مع فارس وأنا ما في زوجة أتعس مني..
بس ما راح ألومها اللي تمر فيه مو سهل..وصلني مسج ~~لو تمطر الدنيا نسيان ما أنساك
وكل قطرة من مطرها تجبرني بذكراك~~
وكان الرقم الغريب..هذا وش قصته..رميت الجوال وأنا حدي متضايقة من تصرف مرام ومو رايقة لأي شيء..

=============================


سمعت ضرب عالباب.فتحته وفرحت لما شفت نورة ..
:هلا والله بالغلا..
نورة:هلا فيك شخبارك..
:أنا الحمد لله بخير..أنتي كيف صحتك وصحة النونو..
نورة:لا الحمد لله صحتنا كويسة..ألا تعالي أيش في لونك شاحب كذا وذبلانة ..وابتسمت بمكر..كل هذا عشان الحبيب اللي ما صار له ألا يوم مسافر..
وقلت ومن صادق شعوري:أتصدقين عاد مشتاقة له كثير..
نورة:يا عيني على الحب..وينك يا فارس تجي تسمع وتشوف..
استحيت وقلت بحياء:نـــــورة خـلاص..
ضحكت نورة وقالت:خلاص بنسكت بس أمشي ننزل عند خالتي..


=======================================

المغرب طلعنا لسوق أنا ونورة عشان نتجهز لزواج خالد اللي بعد كم أسبوع..
ورجعنا الساعة11وأول ما دخلت الجناح خذيت شاور أريح جسمي..وبعدها تمددت على السرير..هاجمتني ريحة عطره القوية من كل مكان..يا لله اشتقت له..أعرف بتقول غبية مجنونة ما عندها كرامة لحد الآن تحبه..بس لا تلوموني الحب مو بأيدينا..غطيت وجهي في وسادته..استنشق عطره أكثر..


~~أبسالك ليه الهوى منك وفيك~~
~~ليه المشاعر ما تعيش ألا بساعة شوفتك~~
~~ليه المحبة والوفا وأبيات شعري تهتويك~~
~~ليه أنت وبس اللي أموت بسمتك~~
~~تدري لو مرة أقول إني كرهتك ما أبيك~~
~~يرجع صدى صوتي يقول الله ما أكبر كذبتك~~


نمت بوسط ريحة حبيبي وكلي أمل أنو بيوم راح يبادلني نفس المشاعر بأذن الله..

=========================================

صحيت الساعة وحدة على صوت الموبايل..
سحبت جوالي من تحت اللحاف وطالعت المتصل وكانت مرام..بعدت اللحاف عني وجلست..
رديت بصوت كله زعل:ألو..
مرام:هلا مشاعل..زعلانة مني..
وبنفس الصوت قلت:بصراحــة أيه..
مرام:أنا آسفة مشاعل والله ما كنت بوعيي لما قلت هالكلام..ميشو حبيبتي سامحيني والله ما عرفت أنام وأنا مزعلتك..
:أوكي مسموحة يالغلا..بس أذا كررتيها مرة ثانية راح أزعل بجد ولا راح أرضى..
مرام:الله لا يحرمني منك ولا من طيبة قلبك..وتوبة أزعلك مرة ثانية..
نمت وأنا مرتاحة بعدما سكرت من مرام....

=========================================


اليوم الثاني طلعت لأهلي..
وبالصالة الجانبية معهم..
:خالد انتهيت من أثاث بيتك وألا لسى ..
خالد:لا الحمد لله انتهيت وش رأيك أخذك تشوفينه أنتي ونورة وتعطوني رأيكم..
:أوكي يله..
..في قصر خالد..
:بصراحة غرفة النوم مرة ذووووووق..
نورة:اللون جنان..منو اختياره..
خالد:الهنوف..
:ما شاء الله اختيارها روعة..
رن جوال خالد..ورد..
خالد:هلا زياد..بخير الحمد لله أنت شخبارك..
ما أدري ليه توترت لما سمعت اسمه وتذكرت نظراته..
نورة:مشاعل..مشـــــــاعل..
انتبهت لنورة:هلا..
نورة:يله مشينا خالد طلع..

====================================

بغرفتي عند أهلي..
نورة:مشاعل زوجك متى بيرجع أن شاء الله..
:ما أدري..
نورة وباستغراب:معقولة ما تعرفين..
:هو ما أكد لي متى راح يجي يقول يمكن اليوم أو بكرة..
نورة وبابتسامة لها معنى:طيب شوفي أذا جاء أن شاء الله أكشخي له والبسي أحلى ما عندك..ألا صح الفستان البيج اللي اشتريته لك من ضمن تجهيزاتك لبسيته وألا لحد الآن..
:لا ما لبسته..
نورة:حلو ألبسيه أذا جاء وسوي جو رومانسي بغرفتك مثلاً الشموع وورود منثورة وزي هالحركات..
قلت وعيوني بتطلع من مكانها:وش تقولين تبيني ألبس هذاك الفستان لو على موتـــي ما لبسته عند فارس..
نورة:وليه أن شاء الله عادي زوجك..
:حبيبتي أنا من البداية مو راضية عالفستان..أخذته بس عشانك..
رمت علي نورة المخدة وقالت:أقول أنا الخبلة اللي جالسة أعلمك الرومانسية وأنتي مو وجهه رومانسية..وكملت وهي طالعة..لا ويبون أزواجهم يكونون رومانسيون..
ضحكت عليها وأنا أقول بصوت عالي عشان أحرها:تاركة الرومانسية لك يا أم الرومانسية..
حطيت رأسي عالمخدة وغمضت عيوني..وأنا أتخيل لو أسوي اللي قالت لي عليه نورة..ابتسمت بسخرية..أكيد بيطنشني أو بيجرحني بكلامه السم..ولا كأني إنسانة لها مشاعر..

====================================


العشاء..جت زوجة خالي عبد الله أم ثامر وعبير وفي..وسارا زوجة خالي حمد اللي بعمر أختي نورة..وبصراحة انبسطت
وأكثر شيء فرحني أنو عبير محلوة ونفسيتها تمام..عكس الأيام اللي طافت..
الساعة عشر..دخلت قصر عمي ولا حصلت حد ..وطلعت لجناحي..وبدلت ملابسي ونمت وأنا حاضنة المخدة اللي تحمل عطر فارس..على ما هو جارحني هالإنسان ألا أني أعشقه بجنون..

==========================================


حسيت بحركة جنبي فتحت عيوني وأنا خايفة..وعلى طول فتحت نور الأبجوارة..وكان فارس..تنهدت بارتياح..ثم رجعت رأسي عالمخدة وأنا أتامله وجهه وهو نايم ..كانت لحيته بادية تطلع..وحول عيونه هالات سوداء..كان شكله كأنه تعبان..مديت أيدي برفع الخصل القصيرة اللي طايحة على وجهه..لكن وقفت يدي ما عندي الجراءة..رفعت اللحاف بخفة عشان ما يحس..ونزلت رجولي ومشيت بهدوء..وطلعت للصالة وتمددت عالصوفا..
الصباح نزلت تحت عند خالتي وفارس لسى نايم..
:صباح الخير خالتي..
أم فارس:هلا صباح النور..
بست رأس خالتي وجلست..
أم فارس:أقول يا الغالية ما تعرفين متى راح يجي فارس من جدة..
:خالتي فارس وصل أمس وألحين هو نايم..
أم فارس:طيب ما راح يروح لشركة اليوم..
:ما ادري عنه يا خالة..ما تلاحظون أني ما أعرف شيء عن فارس ولا كأن عايشين مع بعض..
أم فارس:طيب طلعي صحيه وشوفي بيداوم وخليه ينزل يفطر معانا..
:أن شاء الله خالتي..
طلعت فوق ودخلت غرفة النوم وحصلت فارس واقف قدام المراية ويلبس شماغه..
انتبه فارس لي..والتفت وابتسم وهو يقول:مشاعل كيفك..
صحيح ابتسامته باردة ألا أنها فرحتني كثيررر..
رديت له الابتسامة:الحمد لله بخير..أنت كيفك وكيف حال صاحبك اللي بالمستشفى..
فارس وبابتسامة حزينة فيها شيء من السخرية:أنا أصلاً طالع لجدة عشان أهرب من واقعي اللي ضاعت مني فيه غادة..مشاعل ضاعت مني حياتي وعمري وحبي وتقولين لي كيفك..
..حطوا أنفسكم في مكاني وتخيلوا أن أزواجكم يقولون لكم كذا وش راح تكون ردة فعلكم..
قلت وأنا أحاول أجرحه من القهر..أنا الشوق كان بيذبحني لك وأنت تذبحني بكلامك اللي يجرح..حبست دمعتي:لو أنك رجال وتأخذ قراراتك بنفسك كان ما غصبوك أهلك مثل البنت وضيعوا منك حبك..
جلس فارس وطالعني بنظرات حادة يتطاير منها الشرار..ومشى ناحيتي..بصراحة خفت وسبيت عمري ألف مرة..وللمرة الثانية يصفعني فارس..صفعة رمتني عالأرض..
نزل فارس عندي وشد شعري بقوة..
فارس وهو يهز رأسي بشعري من كل جهة:أنا رجال وغصبا"عنك رجال..
ونزل علي ضرب عمري كله ما شفته..كنت أحاول أبعد يديه وأترجاه يبعد يده وأنا أبكي بحرارة وبصوت مجروح صوت متألم صوت مذلول..
دخلت علينا خالتي اللي سمعت صرخاتي..ومسكت فارس اللي نازل ضرب فيني..
أم فارس وهي تحاول تبعد فارس عني: فــــارس أترك البنت بتذبحها..
فارس:اتركيني يماه أأدبها وأأدب لسانها..
أم فارس وهي توقف بينا:خلاص عشاني يا فــــــارس أتركها..فــــــارس
تركني فارس وهو يتنفس بسرعة وطلع..
جلست أبكي بحضن خالتي كان كل قطعة فيني تتألم..ما كفاك جروح قلبي يا فــارس..

==================================


فتحت روزي الباب ودخلت..
وحصلت أمي وخلدون جالسين في الصالة ركضت مثل الطفل وارتميت في حضنها..
أمي وبخوف:مشاعل وش فيك..
قلت مابين شهقاتي:فــــارس..فــــارس..
أمي:وش فيه فارس وش صار له..
رفعت رأسي لفوق لوجه أمي:ضربني يماه ضربني..
ضمتني أمي لصدرها..
أمي:خلاص يا بنيتي خلاص هدي..
:يماه أبي الطلاق تعبت من فارس تعبت

===========================================
</B></I>

%%البارت الثامن%%

~~متى يصير القلب قلبي وينساه~~
~~متى تصير العين عيني وتجفي~~
~~دامه خذا ليته خذا الدمع والاه~~
~~ولا تركني بين الاثنين منفي~~


بغرفتي غطتني أمي وجلست جنبي وهي تمسح على شعري وأنا منهارة بكي..رفعت رأسي وتسندت على رجولها..أبي أحس بالأمان والحنان اللي افتقدها عند فارس..ونمت بحضن أحن حضن بالعالم..

======================================

فتحت عيوني ولا حصلت عندي حد وحسيت بالآلام بجسمي ودمعت عيوني..انفتح باب الغرفة وجلست..
جلس خلدون جنبي ومسح دمعتي..
خلدون بصوته الطفولي اللي على وشك يبكي:أنا أحبك يا ميشو وما أسمح لأحد يضربك وفارس راح أخذ حقك منه لا تبكين
ضميته وجلست أبكي أكثر..
خلدون وبدأ يبكي معي:مشاعل أرجوك أنا أكره دموعك لا تبكين..
ابتعدت عنه ومسحت دموعي
:خلاص بمسحها أذا بتأخذ حقي من هالفارس..
ابتسم خلدون:فارس شكله ما يدري أن وراك رجال..ورفع صدره وضربه بيده..
:ههههههه..ضحكت مع أنه مو وقت ضحك..
خلدون وهو ماد البوز:ليه تضحكين علي يعني مو رجال..
:أنا ما ضحك عليك يا خلدون..
خلدون:طيب ليه تضحكين..
:أضحك من فرحتي أن وراي رجال مثلك..كنت أصلاً أضحك على طريقته وهو يمثل أنه رجال بس ما حبيت أقوله عشان ما يزعل..
دخلت أمي:خلدون اطلع أترك أختك ترتاح..
طلع خلدون بعدما طبع بوسة على خدي..
أمي وهي تجلس عندي..
أمي:مشاعل الحين ممكن تقولين لي وش اللي صار بينك وبين فارس
..آسفة يماه ما أقدر أقول أن فارس مجبور علي وقلت أنك مو رجال لما أجبروك أهلك أنا سكت من البداية عشان كرامتي وألحين بعد الجروح والآلام أقول..لا وألف لا..
نزلت رأسي بدون ما أتكلم..
احترمت أمي سكوتي ووقفت..
أمي:أنا بتركك ترتاحين بس فكري زين قبل ما تتأخذين أي قرار بحياتك مع فارس
طلعت أمي وحطيت رأسي على المخدة وأنا ما في حل برأسي غير الطلاق حبي هذا ما جاب لي ألا المآسي..
بعدها وقفت بصعوبة ودخلت الحمام ثم طالعت نفسي بالمراية كان وجهي كله كدمات وضربات تنهدت وأخذت أتوضأ ثم طلعت وصليت بعدها رحت انسدح على السرير أحس أني جسمي متكسر..
سمعت ضرب بابي..
:تفضل
دخل أبوي وعلى طول جلست
أبوي:كيفك ألحين..
:بخير الحمد لله..
أبوي وهو يطالع وجهي والكدمات اللي فيه:مشاعل وش اللي صار اليوم بينك وبين فارس..
نزلت رأسي:....
أبوي:فارس تحت طالب يشوفك
رفعت رأسي:يباه ما أبي أشوفه قولوا له يطلقني..وبديت ابكي..
أبوي:وش طلاقه..فارس اعتذر ووعدني ما يمد أيده عليك
:يباه أرجوك ما أبي أشوفه
أبوي:وليه أن شاء الله ما تبين تشوفينه..يله قدامي
:يباه أبوس أيدك..
أبوي وبعصبية وهو معصب:أقول قدامي بسرعة..
بلعت غصتي ووقفت..

==========================================

دخلت للمجلس اللي فيه فارس
أبوي:هذه مشاعل يا فارس عندك تفاهموا بهدوء وبعقلانية يا عيالي
ثم طلع أبوي وجلست وحطيت رجل على رجل..
وقلت:نعم وش تبي
فارس وهو يجلس:جاي أرجعك معي..
ضحكت بسخرية:ههههههههه بهالسهولة تقولها..أنا لو شو ما صار ما راح أرجعلك..وقلت من ورى قلبي..طلقني
فارس:مشاعل اكسري الشر ورجعي عشان الناس ما تكلم..
..وشلون ارجع له وهو ما يحبني..:ما همني كلام الناس
وقف فارس:شوفي طلاق ما في قبل سنة وإذا أنتي راح ترضين كلام الناس عليك أنا يهمني لأنك قبل ما تكونين زوجتي أنتي بنت عمي يعني سمعتك من سمعتي..وطلع وقبل ما يطلع قال..ومتى ما طاح اللي برأسك رجعي..
طلعت لغرفتي أركض ما كنت أبي أشوف حد قدامي كنت منقهرة من فارس..يعني لو أني أهمه كان ما طلع ألا وهو مراضيني بس للأسف الإنسان هذا مو طايقني..
وأول ما دخلت غرفتي قفلت الباب..

=======================================

ضربت نورة وبندر الباب بس ما فتحت..
وأما هالمرة أمي ولا قدرت اطنشها..
مسحت دموعي وفتحت الباب وأنا ماسكة الدمعة تنزل مرة ثانية..
أمي:ليه ما تفتحين لإخوانك
ما قدرت أمسك نفسي وهلت عبرتي:يماه فارس ما أبيه خلوه يا طلقني
أمي:لا حول ولا قوة ألا بالله العلي العظيم
مسكتني وجلستني على طرف السرير:مشاعل وش هالكلام أنتوا ما صار لكم ألا شهرين
دخلت نورة ومعاها بندر وشكله معصب عالأخير جلس جنبي:مشاعل ليه هالحقير سوى فيك كذا..
نورة:ليه يضربك اللي ما يستحيه..
نزلت رأسي:....
بندر:وش فيك ما تردين يا قلب أخوها
أمي:بندر خلاص أتركها
بندر:مو مصدق فارس اللي الكل يحترمه بسبب عقله واتزانه يسوي كذا الحقير أما ذوقته الضرب على أصوله ما أكون بندر..
أمي:بندر وش هالكلام هذا ولد عمك..
بندر:ما تشوفين وش سوى بمشاعل..
أمي:يا بندر أول سنة من الزواج دايما تصير مشاكل فيها لأنهم ما بعد تأقلموا على بعض وبعدين فارس جاء واعتذر لأبوك عن اللي سواه في أختك..
طلعت أمي وعند الباب:بندر وأنتي يا نورة عقلوا أختكم تراها طالبة الطلاق وأنا راح أقول لأبوك يتفاهم معها..
التفتت علي نورة:مشاعل أنتي تبيني الطلاق
هزيت رأسي بأيه..
بندر:مشاعل صحيح أني مقهور ومحتر من اللي سواه فارس فيك بس ما أتمنى أن الأمور توصل للطلاق مشاعل فكري زين ترى<أبغض الحلال عند الله الطلاق>
فجأة دخلت شجون اللي عيونها حمراء..
شجون وهي تحضني:حسبي الله على اللي سوى فيك كذا..أرجوك يا بندر لا تترك حق أختي يروح..
بندر:آخ ليته بس مو ولدي عمي وألا كان وريته شغله عدل..المهم أنا رايح للشركة توصين شيء يا مشاعل..
:سلامتك..
بندر:الله يسلمك..
جت أمي ووراها روزي ومعها صينية الأكل..
أمي:يا يماه هذا غداك يله أكلي..
:مالي نفس..
نورة:وش لون مالك نفس أنتي من الصبح ما كلتي شيء..
:صدقوني نفسي مسدودة..
أمي:يا بنيتي أكلي عشاني..
:أن شاء الله..


========================================
المغرب...كنت جالسة على سجادتي وبيدي قرآن..
اندق بابي..
....:مشاعل ممكن أدخل
:أدخل يا خلدون
جلس خلدون جنبي عند السجادة..
خلدون:تعالي أنزلي تحت عندنا..
:لا خلدون أبي أجلس لحالي..
خلدون:تكفين يا ميشو نزلي..
:خلدون والله مو برايقة لأحد..
خلدون باسني:خلاص أخليك على راحتك..
طلع خلدون وتمددت على سجادتي ونزلت دموعي
..فارس أنا مستعدة أستحمل جروحك وقسوتك بس أرفق بحالي..يا فارس مهما كابرت راح أفضل أحبك..
وقفت بصعوبة من سجادتي وجلست على سريري..


=======================================

الساعة٩ بالليل..
دخل خالد عندي عشان أنزل..
نزلت معه وجلست بجنب أمي..
أبوي وهو ينزل فنجاله:مشاعل..
:هلا
أبوي:صحيح أنتي طلبتي من فارس الطلاق
نزلت رأسي وقلت بصوت خافت:أيه
أبوي وحواجبه معقودة:أنتي ناسية أنكم ما صار ألا لكم شهرين..وش تبين الناس تقول علينا..
قلت بصوت مكسور:يباه فارس ضربني وذلني
أبوي:فارس اعتذر وهو عطاني وعد أنه ما يمد أيده عليك..كمل وهو يناظرني بنص عين..وهو قبل دقايق اتصل يطلب مني أني أحاول فيك أنك ترجعين له وتبطلين فكرة الطلاق وأنا لزمت أعرف ليه أضربك وقال لي أني ما ضربتها ألا عشانها مدت لسانها علي وقالت لي كلام ما ينقال..يعني مو قصده يذلك ولا عاش من يذل مشاعل وأنا حي..
نزلت رأسي ما أدري وش أقول وبنفس الوقت متفشلة منه لأن فارس قاله سبب ضربه:....
أبوي وهو يوقف:هذا أنا أقولك لك يا مشاعل أن طلبتي الطلاق مرة ثانية ما راح تلومين ألا نفسك..
قلت وصوتي بيختفي من كثر ما العبرة خانقتني:يباه حياتي مع فارس صعبة و..
أبوي وبحدة:هي كلمة وحدة بس طلاق ما في وبترجعين لزوجك وأذا مو برضاك رجعتك أنا غصب....
نزلت رأسي وباستسلام قلت:أن شاء الله ما يصير خاطرك ألا طيب يا يباه..برجع

==============================================


اليوم الثاني الصبح..
نزلت بعد ما كشخت وتمكيجت عشان الكدمات..
حصلت أبوي وأمي وبندر مجتمعين على طاولة الفطور..
:السلام عليكم
الكل:وعليكم السلام
حبيت رأس أبوي
:كيفك يباه..
أبوي:بخير الحمد لله..
وقربت من أمي وبست رأسها
:وأنت يا الغالية كيفك..
أمي:ما راح أكون بخير ألا لما أشوفك بيتك ومتصالحة مع زوجك..
أبوي:مشاعل متى بترجعين لزوجك..
قلت بهدوء مكسو بالحزن:لما يجي مرة ثانية يراضيني وألا تبيني يباه أتنزل عن كرامتي وأروح له بنفسي
أبوي:لا ما أرضى..وقف أبوي..يله أنا طالع للشركة ولا تنسون تصحون خالد لا يتأخر عالشركة كالعادة..
وطلع أبوي للشركة ومعه بندر..


==========================================


الساعة ١٢بالليل....
جتني رسالة وكانت من الرقم المجهول..

~~أنا قلبي من كثر شوقي ملا صدري
وأنا صدري من كبر قلبي نفذ صبره
من صباح الخير لين الشمس ما تسري
ومن مساء الخير لين نصير في بكره
الغلا في داخلي مثل النهر يجري
ليتك تدري بغلاك داخلي وش كثره~~

مسحت الرسالة..
وتمددت على السرير أفكر بحالي..ذابحة عمري عشان واحد كارهني..
حسيت أني بختنق وطلعت للحديقة الخلفية وصرت أمشي وأنا سرحانة
....:بووووووووه
صرخت من الخوف وسمعت ضحك شجون ولفيت عليها..
:حرام عليك يا شجون خوفتني قلبي طاح
شجون:بسم الله على قلبك..قوليلي وش عندك تمشين لحالك
:حسيت أني مخنوقة قلت خليني أخذلي شمة هواء..
شجون:أقول تعالي ننجلس من زمان ما جلسنا مع بعض..
جلسنا عند المبسح..وكانت أغلب كلام شجون عن المدرسة ومعلماتها..يالله أشكثر اشتقت ترجع أيام المدرسة وشقاوتها..

==========================================


الساعة عشر الصباح..
أمي:جواهر حبيبتي يله قومي..
:مامي أرجوك أتركيني أنام شوي ما نمت ألا الفجر..
أمي:يمه قلبي قومي زوجك موجود تحت..
فتحت عيوني بسرعة:فارس هينا..
أمي:أيه ويله بسرعة غسلي ولبسي تراه يتنظرك في الصالة..
قمت وغسلت وجهي ولبست وحطيت ميك أب خفيف عشان تختفي الكدمات اللي بوجهي..
ونزلت وقلبي تزداد نبضاته..
وصلت الصالة وطاحت عيني بعينه وعلى طول نزلتها..
:السلام عليكم
أمي وفارس:وعليكم السلام
جلست جنب أمي..
فارس:كيف حالك مشاعل..
:بخير الحمد لله
فارس:ها بعدك مصرة عالطلاق
أمي:وش طلاقه يا ولدي..مشاعل رضت وبترجع
فارس وهو يناظرني مبتسم:يعني طاح الحطب
هزيت رأسي بأيه وأنا مقهورة..
وقف فارس:أجل يله لبسي عبايتك انتظرك في السيارة..


==========================================


نزلت من السيارة وقبل ما أنزل..
فارس:مشاعل..
ا
لتفت عليه من دون ما أتكلم
مد علي فارس كيس..
فارس:خذي هذي هدية بسيط مني بسبب اللي صار..
أخذت الكيسة وأنا مستغربة..وش عنده يراضيني بهدية..
المهم نزلت وما حصلت خالتي أم فارس في الصالة..قلت أكيد تصلي الضحى لأن هذا وقتها اللي تصلي فيه الضحى..طلعت لجناحي وأول ما دخلتها على طول نزلت عباتي وفتحت الكيسة..
حصلت فيها علبة مخملية فتحتها وشفت طقم لولو يأخذ العقل وخاصة العقد..
دخلت غرفة النوم ووقفت قدام المراية عشان أشوف العقد علي..
انفتح الباب وشفت فارس يدخل..وقلت برسمية:مشكور..
فارس ببرود:أعجبك
هزيت رأسي..وقرب مني وفي عيونه نظرة غريبة..رجعت لورى..
رن جواله..ورد:هلا يباه..أيه رجعتها..خلاص مسافة الطريق وأكون عندك أن شاء الله..مع السلامة..وطلع بعد ما سكر..
أما كنت متوترة من اللي صار قبل شوي..تعوذت من الشيطان ونزلت الصالة وحصلت خالتي وأول ما شافتني قالت وهي توقف:هلا والله بالغالية
سلمت عليها:هلا فيك..
أم فارس:كيفك وكيف حال أهلك..
:الحمد لله بخير..أنتي كيفك ياخالة..
أم فارس:يسرك الحال..والله أني مستحية من اللي سواه ولدي فيك يا مشاعل..
:أنتي مالك ذنب ياخالة باللي سواه فيني فارس بعدين خلاص أنا وفارس تصالحنا..
أم فارس:والله أنك بنت عاقلة يا مشاعل..عز الله وفاء وسلطان عرفوا يربون..
ما عرفت وش أقول بس اكتفيت بابتسامة..


========================================
حسيت بشخص يمسح عخدي..
أول مافتحت عيوني بعد فارس أيده وقام من السرير..
فارس:قومي صلي الظهر ألحين الساعة وحدة..
بعدها طلع..
رفعت نفسي وسندت ظهري على وراء وأنا مستغربة من حركته هذي..
مالقيت تفسير له هالحركة..
وقمت أتوضأ ثم طلعت من الحمام..
وصليت بعدها دخلت غرفة التبديل ولبست وحطيت ميك أب خفيف..
نزلت تحت بعدما صليت وحصلت عمي وخالتي وفارس
:السلام عليكم
الكل:وعليكم السلام
سلمت على عمي فواز وحبيته على رأسه..
:شخبارك عمي..
عمي فواز:بخير الحمدلله..أنتي وش أخبارك..
جلست:زينه الحمدلله..
عمي فواز بصوت رجولي ياما خوفني:يامشاعل اسمعني زين ترى المرأة العاقلة هي اللي تحافظ على زوجها وتحترمه وماهي مع مشكلة بسيطة على طول تشيل ملابسها وتطلع من البيت وأنتي يامشاعل ما أنتي بصغيرة لازم تكبرين عقلك مو أول ماتهاوشون أنتي وفارس على طول تروحين لأهلك..
انقهرت من أسلوب عمي وكأنه يقول حتى لو يذبحك لاتروحين لهلك بس قلت أدافع عن نفسي وأنا أناظر فارس:بس ياعمي فارس ضربني
فارس ناظرني بحدة بس طنشته..
عمي فواز بنفس الصوت:بس أنتي الغلطانة والمفروض أنتي اللي تستسمحين منه..
قلت براءة غير مصطنعة:أنا الغلطانة ياعمي..
عمي فواز:أيه فارس قال أنك مطول لسانك عليه والمرأة اللي تطول لسانها ماتنضرب وبس ألا ينقص لسانها..
حسيت بدموعي تتجمع بعيوني خاصة يوم شفت فارس يبتسم ابتسامة نصر..
خالتي أم فارس قالت وشكلها تبديء تهدي الجو المتوتر:خلاص يابوفارس ألحين هم تصالحوا ومافي داعي لهالكلام..
ناظر عمي خالتي بنظرة سكتتها..ياناس أكررره هالشخصية..
وقفت عشان مايشوفون دموعي اللي على وشك تنزل:بروح أقول لنوريهان تجهز الغداء..
دخلت المطبخ الداخلي وأنا أمسح دموعي..

==========================================
</b></i>

%%البارت التاسع%%

ما بي جرح..ولا ابي خوف..ولا أحزان..أبي موقف..أبي كلمة..تهز أوطان..دخيل الله أبي إنسان..أذا طحت من طولي يفز ويسند حمولي..يحس فيني قبل لا أبكي..يواسيني قبل لا أشكي..ومن قلبه إذا حنيت ألاقي بداخله أحضان..دخيل الله أبي إنسان!!
بعد الغداء طلعت لجناحي..وأطلقت العنان لدموعي الكل يلوموني ويرمي الغلط علي ولا هم حاسين بجرحي ومعاناتي..
انفتح الباب ومسحت دموعي بسرعة..ودخل فارس واتجه لغرفة النوم من دون ما يعبرني..
..رح الله يسامحك ما عاد باقي وقت للتفكير..
يجي لك يوم تعرف فيه من يندم على الثاني؟؟؟
..شغلت التلفزيون على قناة المجد للقرآن الكريم ونزلت رأسي عالكنبة ودموعي مازالت على خدي..وأخذت استمع للقارئ سعود الشريم حتى هديت ونمت..
قال تعالى((ألا بِذِكْرِ اللَّهِ تَطْمَئِنُّ الْقُلُوبُ))


===========================

صحيت على صوت المسج..وطالعت الساعة وكانت أربع العصر..
فتحت المسج~~سأظل احبك وأن طال إنتظاري...فإن لم تكن قدري فقد كنت إختياري~~
أوووف وش قصة هالرقم كل يوم والثاني يرسل لي مسجات حب وغرام..شكله غلطان أو أنو واحد فاضي..
مسحت الرسالة ودخلت الغرفة ولا حصلت فارس..توضيت وصليت..وبعدها اتصلت علي سجى عشان نجتمع عندها..بس اعتذرت عشان ما يشوفون علامات الضرب اللي بوجهي..نزلت تحت لكن رجعت لفوق ألبس شالي بعدما سمعت صوت سعود بالصالة وبعده نزلت تحت وحصلت الكل مجتمع عمي وخالتي وفارس وسعود ونورة..
جلسنا لحد المغرب وبعدها طلعت فوق أصلي..

=================================..

وأنا ألف سجادتي وشرشف صلاتي بعد ما انتهيت من صلاتي سمعت ضرب عالباب..
فتحت وكانت نورة..
نورة:ممكن أدخل..
:أيه..حياك تفضلي ..
جلست نورة:مشاعل أنا بصراحة ما كان ودي أدخل في حياتك مع فارس..بس أنها توصل للضرب أكيد في بينكم شيء كايد..مسكت يدي وبحنان..مشاعل أنا مو قادرة أسكت أكثر من كذا وأنا أشوفك كلما لك وتضعفين وتذبلين..أنا حاسة من البداية أنك مو مرتاحة مع فارس..مشاعل افتحي قلبك لي..يمكن أقدر أساعدك..
دمعت عيوني ..
مليت أجامل وأكتم الجرح بسكات!
وأنا هواجيسي تروح وتجي!
إلى متى عايش أسير المعاناة؟؟
إلى متى الشقاء تحتوني؟؟
مسحت نورة دمعة تمردت على خدي:وهالدموع دليل أن اللي بينكم مو شيء عادي..
:راح أقولك يا نورة بس لا يطلع هالكلام لحد..
نورة:ولا يهمك..وعد ما قول لحد..
:فارس يا نورة ما تزوجني ألا لأن عمي جابره علي ..
نورة وهي مصدومة:وأنتي كيف عرفتي..
قلت لنورة اللي سمعته من مكالمة فارس مع سعود..
نورة وهي متنرفزة:وما دام أنك عارفة من البداية ليه ما رفضتيه..
تقوس فمي معلن بداية انحدار دموعي من جديد:أبوي أهو اللي جبرني مع أني قلت له أنو فارس يحب بنت خالته..وكملت بألم..نورة أنا أحب فارس وحبه لغيري متعبني ومعذبني كثيـــــر..
وبديت ابكي..
خذتني نورة لحضنها:خلاص يا قلبي هدي..كل مشكلة ولها حل..
وبعدها بفترة هديت..ورفعت نورة رأسي عنها:أقدر أتكلم معك ألحين..
هزيت رأسي بالموافقة..
نورة:مشاعل أنا عارفة أن هالشيء صعب..والطلاق وأنتوا لسى ما صار لكم ألا شهرين أصعب..مشاعل ما في ألا أنك تحاولين تجذبني قلب فارس لك بأسلوبك وتصرفاتك بكل شيء..ولا تنسين أن غادة خلاص تزوجت..يعني فرصتك ذهبية في أنك تخلين فارس ينسى حب غادة..بس يبيلك تتحملين وتصبرين
طالعت نورة بعيون حايرة ويأسة:ما أعتقد أن فارس بيوم راح ينساها..
نورة:أنتي سوي اللي قلت لك وصدقيني راح ينساها وينسى اللي جابوها بعد..
ومن كل قلبي قلت:يــــــــــــا رب..


=============================================
الساعة11بالليل..
بعد ما لبست لي بيجامة طلعت من غرفة التبديل..ولما جيت أفتح باب غرفة النوم فتح فارس الباب بسرعة وكنت راح أطيح لكن فارس مسكني ورفعني له..ولما وقفت سحبت أيدي منه وابتعدت..وكنت راح أطلع لكنه وقف قدامي وسد علي الطريق..رفعت رأسي وطالعته..
شفته يطالعني بتمعن..
:ممكن تبعد..
رفع يديه لخدي اليسار وأخذ يتلمس العلامة الخضراء اللي فيه..
صديت بوجهي عنه وأنا أحاول ابعد عن يده..وكررت وأنا فيني غصة:فارس ممكن تبعد..
مسكني فارس مع ذراعي ولفني له:مشاعل أنا إنسان عصبي جــداً لا تحاولني تنرفزيني بكلامك مرة ثانية عشان ما أمد أيدي عليك..
نزلت رأسي وأنا أقول بنفسي بالأول طالع كلامك اللي يجرح..
رفعت رأسي:إن شاء الله..بس ممكن تبعد ألحين..
ابتعد وعلى طول طلعت..


~~لا تجبر الناس ينسون أخطائك~~
~~علم نفسك وشلون ما تخطي عليهم~~

==============================..

مر أسبوع وأنا وفارس ما بين أي احتكاك يذكر..
المغرب..
كنت أتجهز لحفلة زواج مرام..اللي رفضت أنها تكون كبيرة وعملتها بقصرهم..وكنت جالسة قدام المراية وأحط اللمسات الأخيرة لمكياجي..وكانت مسوية مكياج سموك ومكثرة من البودرة على وجهي عشان تخفي الآثار البسيطة اللي بوجهي..
دخل فارس:على وين أن شاء الله..
وقفت:بروح لزواج وحدة من صديقاتي..
فارس وهو يتكف:يا ســلام كاشخة وجاهزة من دون ما تأخذين الأذن مني قبل..
:وليه أستأذن..
فارس:ناسية أنك متزوجة..والزوجة ما تطلع من بيتها ألا بأذن زوجها..
قلت بضحكة استخفاف:مصدق روحك أنك زوجي بالفعل..حبيبي أحنا متزوجين بالاسم وبس..وكلها بالكثير عشر شهور ونتطلق..
فارس وهو يشد ع أسنانه:عناد فيك ما راح أخليك تحضرين..
قلت بعناد أكبر:مو بكيفك تمنعني..وغصب عنك راح أحضر..
مسكني مع أيدي وبهاللحظة رن جواله وطلع من جيبه ورد: ألو..هلا..أنا بالبيت..أوكي جايكم ألحين..مع السلامة..
سكر الجوال وطالعني بملامح معصبة:شوفي مشاعل أنا اطالع ألحين وأذا عرفت أنك حاضرة وربي ما تلومين ألا نفسك أنتي جربي وشوفي وش راح أسوي..
رماني بعيد عنه وطلع..صحيح خفت من تهديده بس بروح للزواج..مو كافي يجرح فيني ولا يهتم بمشاعري..بيتحكم فيني هذا اللي ناقص..

==================================

أول ما سلمت على خالتي أم جاسم طلعت لفوق عند مرام..
ضربت باب غرفتها..
مرام:مين..
:مشاعل..
فتحت مرام الباب..وعلى طول طاحت بحضني وهي تبكي..سحبتها لداخل الغرفة..وجلستها ع السرير..
مسحت دموعها والكحل السايح ع خدها:مرام حبيبتي خلاص كافي بكي عشاني أمسحي دموعك..
مرام وبصياح يقطع القلب:آآآآآه يا مشاعل يا ليتني أموت قبل ما أنزف لراجح يا رب أموت..
ضميتها ودموعي تنزل بهدوء:بس يا مرام لا تدعين على نفسك..استغفري ربك..
مسحت دموعي..ورفعتها من على حضني ومسكت وجهها:مرام خلاص البكاء ما راح يجيب نتيجة ألحين..قومي خليني أعدل كحلك اللي اخترب..عشان ننزل وحاولي تكوني طبيعية عالأقل عشان خاطر أمك..باين عليها متضايقة..
مسحت مرام دموعها وعدلت لها الكحل والشدو..ونزلنا وسلمت مرام ع الحاضرات اللي كانوا عمات مضاوي وبناتهم وخالتها الوحيدة هناء.. والساعة تسع وصلت سجى ورغد..وبعد ما جت الساعة11طلعت مرام مع زوجها..وكان شكلها يحزن كثيــر وهي تودع أمها..


===============================


دخلت الغرفة وأنا متضايقة كثيــر عشان مرام وبنفس الوقت متندمة أني حضرت..لأني طلعت وزوجي مو راضي..والزوجة ما يجوز تطلع من دون أذن زوجها..أنا الغبية لو ما عاندته..حسبي الله عليك يا إبليس..دخلت وأنا أنزل نقابي وطرحتي حصلت فارس جالس بالصالة وملامحه غاضبة..
مسكني من شعري وسحبني معه لغرفة النوم وحاولت أسحب أيدي بس ما قدرت..
رماني على السرير
فارس:أنا مو محذرك أنك ما تروحين..
قلت بسرعة وبعصبية ودموعي على وشك تنحدر:أنت وش يخصك فيني أنت زوج بالاسم ما تفهم..مالك دخل بحياتي
قرب مني ومسكني مع شعري:ألا لي دخل ونص..وأذا مديت لسانك مرة ثانية قصتيه لك..بس والله لأخليك تندمين..وشد شعري بقوة..ونومة في الصالة ما فيه

==========================================

~~أنا عمري بقايا شمع~~
احرقني الاسى والدمع~~
~~إذا ما فيك ترحمني~~
~~احرق ما بقى مني~~


اليوم الثاني الساعة تسع الصبح كنت فاتحة الشنطة وأرمي ملابسي بشكل عشوائي فيها..ما أبي أشوف فارس بعد اللي حصل أحس بجواتي نار تحرقني..بعدها انهارت جنب الشنطة أبكي..
سكرت الشنطة وأرسلت لفارس..أنا طالعة لأهلي أجلس عندهم كم يوم..وطلعت لأهلي..


=======================================

مر اليوم علي كئيب وكنت أحاول أني ما أبين لأهلي شيء..وأما فارس لا اتصل ولا أرسل..
دخل علينا خالد وما كان بالصالة معي ألا أمي وشجون..
خالد:السلام عليكم..
..وعليكم السلام..
خالد:كيفك ميشو..
:الحمدلله بخير أنت كيفك..
خالد:أنا تمام الحمد لله..والتفت على أمي..أقول يالغالية صديقي زياد طالع اليوم مع أهله لجدة وعزمني أجي بالشاليهات عندهم وأخذكم معي..وأنا بصراحة ودي أطلع لجدة من زمان عن البحر..وش رأيكم نطلع بكرة..
أمي:كيفك ياولدي..
شجون:أيه ماما خلينا نطلع لجدة أنا مشتاقة للبحر..
أمي:خلاص بس شوفوا أبوكم أذا وافق طلعنا..
شجون:أوكي اتركوا دادي علي..
خال:طيب أنا أستأذن بطلع فوق أرتاح..
أمي:أذنك معك..
كنت أطالع أهلي وهم يتكلمون وأنا عقلي سارح في نظرات زياد..
قطع علي سرحاني صوت امي:مشاعل يماه بتطلعين معانا أذا وافق أبوك..
:ان شاء الله اذا كان فارس ما عنده مانع..
وبصراحة أنا نفسي بالسفرة هذي..منها أكون بعيدة عن فارس..ومنها أفأجى رغد بجيتي






تحس او ما تحس فيني
ترى صار الامر عادي
صدى صوتك يبكيني
ويملي حزني فؤادي

كان الكل يتجهز عشان السفر بكرة أن شاء الله لجدة..
أرسلت لفارس وأنا أدعي ربي انو ما يعاند ويرفض(فارس بكرة أهلي طالعين لجدة أقدر أطلع معهم)..
أرسل بعدها بثواني(بكيفك)..واااااااااو مو مصدقة..نقزت من السرير فرحانة وفتحت الشنطة وبديت أرتب ملابسي فيها..
طرى في بالي نظرات زياد..نظراته يا ناس مو طبيعية تسبب لي التوتر أذا طرت ع بالي..
سمت ضرب عالباب..
:أدخل..
دخلت شجون وقالت:اتصلتي ع فارس عشان السفر..
:أرسلت له..
شجون:وأن شاء الله وافق..
:أيه ما تشوفيني جالسة أرتب شنطتي..
شجون:قلت يمكن عشانك بترجعين..
:المهم ما تدرين منى راح نمشي بكرة أن شاء الله..
شجون:خالد يقول بأذن الله ع العصر بنسافر بالسيارة..
تنهدت:تعب بالسيارة..
شجون:أنتي تعرفين خالد يحب السفر بالسيارة..
وفعلاً أخوي خالد دائماَ يحب سفرياته داخل السعودية تكون بالسيارة..


=========================

اليوم الثاني بعدما جهزنا طلعنا متوجهين لمكة قاصدين العمرة وبعدها بنطلع جدة..
وكنت راكبة بسيارة بندر..وأما المامي وشجون وخلدون والخدامة مع خالد..وأبوي ما رضى يروح لأنو مشغول..
:بندوري..
بندر:هلا..
:وش صار على موضوع زواجك من جمانة..
بندر:الوالد يقول بعد زواج خالد راح نخطب جمانة من عمي سالم رسمي أن شاء الله..وتنهدت تنهيدة تعب..
:سلامتك وش فيك تتنهد..
بندر وهو يأشر على قلبه:اللي هنا متعبني..
عقدت حواجبي:ليكون تحبها..
التفت علي بندر:قصدك جمانة..
هزيت رأسي بالأيجاب..
صد عني يطالع الطريق..وقال:لا..
عقدت حواجبي أكثر:أجل مين..
بندر:عبير..
ابتسمت بمكر:وين اللي ين يقول شكلك متأثرة بالقصص والروايات..وما في حب من مجرد نظرة..
بندر:مشاعل لما قلت لك هالكلام كنت اعتقد أنو بس أعجاب ولكن اكتشفت مع الأيام أني أحبها..خاصة بعد ما شفت أبوي جاد بموضوع زواجي من جمانة..مشاعل جمانة ما أحس بناحيتها أي حب أو مشاعر مثل عبير..
:طيب ليه ما تقول لأبوي أنك ما تبي جمانة وتبي تخطب عبير..
بندر:قلت له يا مشاعل..لكنه عصب وقال ما راح تأخذ غير بنت عمك سالم..
:طيب حاول مرة ثانية وثالثة لحد ما يوافق..
بندر:حاولت أكثر من مرة لكن من دون فايدة..
:لا تيأس يا بندر..باقي على زواج خالد ثلاث أسابيع..يعني راح تقدر فيها انك تقنع أبوي..وان شاء الله يوافق..
بندر:يـــــا رب يوافق..بس مشاعل..
:هلا..
بندر:أتمنى هالكلام ما يطلع لحد..
:لا توصي حريص..
يالله ليه أبوي يجبرنا علي شيء ما نبياه ويتحكم بحياتنا..
كنت طول الطريق سرحانة بحالي وحال أخوي..بصراحة أتمنى يأخذ عبير..وأنا متأكدة بأذن الله راح يسعدها بندر ويقدر ينسيها سامي..
قطع سرحاني صوت بندر اللي وقف عند محطة عشان البنزين..
بندر:أنا نازل السوبر ماركت وش تبين أجيب لك..
:اممم على ذوقك بس أهم شيء ما تجيب لي مشروب غازي..تعرفني ما أحبها..
:أوكي..
نزل بندر وما اخذ ألا دقايق ورجع..ركب السيارة وعطاني الكيسة..
فتحتها ومديت لبندر فطيرة وعصير وأخذها وأخذت لي بالمثل وجلست أكل فيها..
بعدها بفترة التفت ع بندر:بندر..كم باقي ونوصل أن شاء الله..
بندر:باقي خمس مية كيلو..
:وااااو تعب..الله يهديك بس يا خالد لو حجزنا بالطيارة كان أحسن..
بندر:أيه والله..بس شنسوي بأخوك دامه يحب السفر بالسيارة..
مر الوقت وحسيت فيها بالنوم..
رفعت رجولي لحضني وسندت رأسي ع ورى ونمت..

=======================================

انتيهنا من عمرتنا الساعة وحدة ونص وحجزنا في فندق قريب من الحرم عشان نستريح..وجلست لحد الفجر قضيتها ما بين صلاة وقرأت قرآن..وبعدها نمت..
شجون وهي تهز كتوفي:مشاعل ميشو بسك نوم أصحي..
صديت بوجهي للجهة الثانية عنها:يووووه شجون أتركيني أنام بس شوي..
شجون:وش شوي..أحنا ألحين بنطلع لجدة يله أصحي..
:طيب الساعة كم..
شجون:سبع الصبح..
:يووووه في حد يمشي بهالوقت..
شجون:وش أسوي عاد أنا بأخوك خالد هو اللي قال نمشي ألحين..
صحيت وأنا أتأفف من زمان ما نمت بارتياح مثل كذا وهذي خربت علي نومتي..خذيت شاور ع السريع ولبست وبعدما انتهيت..شفت شجون تلبس عبايتها:بنمشي ألحين..
شجون:أيه خالد وأمي وخلدون مشوا قبلنا من زمان..وبندر يتنظرنا ألحين..
لبست عبايتي وأنا أحس أني لسى ما شبعت نوم..

===================================

وصلنا للشهاليات..واتصل بندر على خالد يسأل عن مكان الشاليهات..
وأول ما وصلت جلست مع أمي وخالد..
خالد وهو يوقف:أنا طالع أمشي شوي ع البحر مين راح يمشي..
بندر:أنا ما فيني حيل بنام..
شجون:وأنا بعد..
:أنا بطلع معك..
خالد:أوكي يله لبسي عبايتك..
طلعت مع خالد أمشي وأخذنا نمشي بهدوء..

~~أبعرف يا بحر وش اللي بس سويته !
أنا لا عمري جرحت إنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني~~

..رن جواله وقف لما رن جواله ورد..
خالد:هلا زياد..لا الحمد لله وصلنا جدة وعلى فكرة أخذت شاليه قريب منكم..
ما أدري ليه توترت وارتعبت لما قال خالد أننا قريب منكم..
خالد:لا على البحر..أوكي انتظرك..
وبعدما سكر خالد التفت علي:ميشو رجعي..زياد راح يجي ألحين عندي..


=====================================

العصر..اتصلت على رغد اللي فرحت كثير لما قلت لها أني جاية جدة عشان أخوها اللي مقترح ع أخوي نطلع معهم الشهاليات..
واتفقنا نطلع مع بعض..وفعلاً طلعنا نتمشى وما كان معاهم ألا عمتها وبنتها سوسن بعمري أنا ورغد..
وكنت أمشي مع رغد وسوسن وشجون وداخلين جو ضحك وسوالف..رن جوالي وكانت نورة وابتعدت..
:هلا النوري..
نورة:هلا فيك كيفك..
:الحمد لله بخير..أنتي كيفك وكيف سعود..
نورة:كلنا بخير ولله الحمد..ألا أقول ما شاء الله عليك قبل أيام أعطيك نصايح كيف تجذبين قلب فارس وما مر يومين ألا تركتيه وسافرتي..
:نورة قلت لك فارس صعب ينسى حبه لغادة..وبعدين أنا ما عاد أبي حبه بعد اللي حصلي معاه..خسارة بس حبي فيه..
نورة:ليش وش اللي حصل..
ارتبكت:هــا أيــه تصرفاته هالأيام وكيف أنه يحقرني ومطنشني يقهر..
نورة وبعدم تصديق:أكــــيد..
:أيــه أكيــد..
نورة:طيب مشاعل أكلمك بعدين سعود جاء..
سكرت من نورة..وسمعت صوت من وراي..
:دام أنه ما يحبك ليه ما تطلقين منه..ترى في ناس غيره يحبونك..
التفت عليه وكانت صدمتي لما شفته,,,,,,,,,,,
</b></i>

%%البارت العاشر%%

الا يا عيني لا تبكين عيشي نعمة النسيان
خسارة دمعتك تنزل على من لا يراعيها

التفت وانصدمت لما شفته زياد..
شهقت وعلى طول ابتعدت..
ودخلت الشاليه وجلست عالكنبة..وكلماته ترن بأذني..وش يقصد في ناس غيره يحبونك..معقولة يكون يحبني لا لا مو قصده كذا..ألا كلامه واضح..
تذكرت شكله كان لابس شورت بيج وكت زيتي ولابس نظارات شمسية وشعره اللي يوصل لتحت أذنه يتطاير مع نسمات الهواء..كان جذاب بكل ما تحمله الكلمة من معنى.. وتذكرت صوته الهامس المبحوح..
مسكت رأسي ما أبي أفكر فيه أكثر من كذا..أحس أني أخون فارس لما أفكر فيه..بس غصب أفكر فيه..
قررت أريح عمري وأنام
==============================

صحيت ع صوت الجوال وكان واصلني مسج..
طالعت الساعة وكانت تسع وفتحت المسج..
<أحبك
أقول أني أحبك
أرددها بكل ما فيني
بنظراتي،،،
بهمساتي،،،
بكلماتي،،،
بدمعاتي،،،
بخطواتي،،،
ارددها ...
ومع هذا أحس إن اللي لك بداخلي يكبر
وأحس الكلمة
ما توفي ولا تكفي
ولا توصف مدى حب لك بقلبي
أحبك .. ويايايايايااااااااااااااااا
ياااااكبر حبي
ياااااكثر حبي
أحبك كثر محكي
وكثر مشكي
وكثر ما افرح
وكثر ما ازعل
وكثر ما اضحك
‏ وكثر ما ابكي


أحبك..كثر ما حسيت
أحبك..كثر ما حبيت
وكثر ما حب البشر أحباب
أحبك لو يصد عني جميع الناس وينسوني


أحبك لو بعدت وصرت
أنا في الكون وحداني
أحبك
يا'أروع'من مشى
بالأرض
و'أطيب'من سكن
بالقلب
أنا لامن طرى أسمك
انسى الناس والأجناس
وانسى الهم والأفراح
واعيش بعالم احلامي
أدور لك ولا ألقاك
((تدري وش مصبرني))
طيفك ما يفارقني
تعال.. تعال.. تعال
تعال

ووعدك اني بحبك مثل ودك
وودي
_،_،_،_،_،_،_،_،_،_،_،_،_،_،_،_،_،_،_،_،_،_،_،_،_، >

مسحت المسج اللي كان من الرقم الغريب وخذيت شاور ولبست وبعدما انتهيت من صلاتي طلعت للصالة..
وحصلت بندر يكلم وملامحه مو عاجبتني..
قلت بعد ما سكر:خير أن شاء الله وشفيك معصب

بندر ومن دون نفس:الوالد اتصل يقول لازم ترجع بكرة..

:ليه وش يبي منك

بندر:أكيد السالفة فيها شغل

:طيب برجع معك الرياض بكرة..

بندر:ليه تبين ترجعين مو عاجبتك الطلعة..وغمز بعينه..وألا اشتقتي لبعض الناس..

ضربته بخفة ع كتفه:يالدب ما تستحي

ضحك بندر:طيب ليه تبين ترجعين معي

ما أدري وشأقول أقول لأن زياد ضايقني وكرهني هالطلعة من بدايتها..تنهدت وقلت:لابس أمي تقول اليوم أن بنجلس بجدة أسبوع..وبما أنك راجع بكرة برجع معك..صعب أترك زوجي أسبوع وش يقول عني عمي فواز وزوجته..

كنت أدعي ربي أنو بندر يقتنع بهالعذر وتمشي عليه..
ابتسم بندر:ياعمري ع اللي يعرفون السنع..ولو أني أشك أنك مشتاقة لبعض الناس..

ضربته هالمرت بقوة:سخيف..
وضحك بصوت عالي..

======================================


نفس العذر اللي قلته لبندر قلته لأهلي..
ورجعت مع بندر اليوم الثاني..
أول ما دخلت القصر سلمت على أبوي وطلعت لغرفتي..وأول ما رميت نفسي على سريري..غصب عني راح تفكيري لعند زياد..وسرحت بشكله طوله صوته همسه والأهم كلمة في غيره يحبونك..وغفت عيني على صورته..

سمعت صوت عالباب
فتحت عيوني بكسل:مين

روزي:تعي أنزلي العشاء كاهز والأستاز سلطان وبندر عم بيتزرونك..

قمت وغسلت وبعدها نزلت وتعيشت مع أبوي وبندر..
وبعدما خلصت تجهزت..وكنت لابسة بنطلون جينز وقميص أخضر طويل لفوق الركبة ومفتوح من الجوانب وعلى وسطي حزام بني على شكل دوائر مفتوحة..ورولت شعري من تحت ورفعت قصتي(الغرة)بربطة عريضة لونها أخضر..وعملت لي ميك آب فرنسي..وبعدما خلصت أخذت عبايتي وطلعت من غرفتي:روزي..روزي..

روزي:نعم مدام..

:قولي لوحدة من الخادمات تنزل شنطتي..

روزي:حاضر..

نزلت وحصلت بندر بالصالة يتفرج ع التلفزيون..
أول ما شافني صفر:الله الله كل هالشياكة عشان الحبيب..

قلت بدلع:أيه أجل عشانك..

بندر وبمزح:طيب روحي ما نبي نأخرك أخاف تموتين علي من الشوق..

ضحكت وأنا طالعة:أوكي مع السلامة..


=====================================




دخلت قصر عمي ولا حصلت حد وكان الوقت عشر ونص..نزلت عبايتي وأنا طالعة للإصنصير..
سمعت صوت الباب الرئيسي ينفتح والتفت..شفت فارس داخل وزادت دقات قلبي..
انتبه لي وقال:السلام عليكم

:وعليكم السلام

فارس وهو يقرب مسك رأسي وباسني ما بين عيوني:كيفك

استغربت حركته وهالشيء زاد من دقات قلبي قلت بتوتر:الحمد لله بخير..أنت كيف حالك..

فارس:بخير ونعمة الحمد لله..ألا أشوفكم ماطولتوا بجدة

:اهلي لسى بجدة بس أنا وبندر اللي رجعنا

مسك يدي:وأن شاء الله انبسطتي اليومين اللي قضيتها في جدة

:الحمد لله انبسطت فيها وكملت بقلبي لأني بعيدة عنك..وبعدها طلعنا لفوق..


=======================================



اليوم الثاني
كنت جالسة بالصالة مع خالتي وفارس اللي يتفرج ع التلفزيون..رن جوالي وطالعت المتصل..وقفت وأستأذنت..
:هلا مرام..

مرام:هلا فيك شخبارك..

:طيبه الحمد لله أنتي كيفك مع زوجك..

مرام وبنرة حزن:بصراحة أبدا مو مرتاحه معاه..

:حبيبتي أنتي لسى في بداية زواجك وهذا شيء طبيعي..

مرام:حسبي الله على جاسم والعقربه زوجته هم السبب..الله لا يبارك فيهم..

:مرام حبيبتي هذا أخوك لا تدعين عليه..

مرا:مشاعل يرميني وأنا ما كملت19على واحد عمره خمس وستين وما تبيني أدعي عليه..

:ادعي له أن الله يهديه ويصلحه مو تدعين عليه..

تنهدت مرام:لا تلوميني يا مشاعل أذا دعيت عليه..والله من قهري من اللي سواه فيني..بس اللي مقهورة منه جد موضوع أمي..
:ليه وش فيها خالتي..

مرام وبصوت مبحوح:جاسم رافض أنها تعيش عندي..والله خايفة عليها من مضاوي..

:وجاسم ليه يرفض..

مرام:ما أدري ليه..بس الله يستر على أمي منها..

بعد مدة قصيرة سكرت من مرام..طلعت لجناحي أصلي المغرب وحصلت فارس واقف قدام المراية يعدل شماغه..ورن جواله ورد..وكنت أنا أفرش سجادتي..
فارس:هلا ندوش..كيفك..أنا بخير الحمدلله..وكمل وهو متجه للباب..ؤلا يهمك بس وش صار بالموضوع اللي قلت لك عليه..وبصوت عالي شوي..أيش نست..

عقدت حواجبي مستغربة وش فيه منفعل..على فكرة اللي يكلمها ندى بنت خاله وأخته من الرضاعة والكل من زمان عارف هالشيء..

============================================



اليوم زواج أخوي خالد..
بعدما انتهت الكوافيرة مني طلعت..ودخلت أنا غرفة التبديل ألبس فستاني..مسكت ظهري اللي يالمني من الجلسة ساعة أول مرة أحس بمثل هالآلآم هذا غير الألم اللي بطني..
طلعت فستاني من الدولاب ولبسته وكان لونه أبيض سترتش أبيض وعلى الخصر حزام فضي وكان على جسمي روعــــــة..طلعت لغرفة النوم وجلست قدام المراية ألبس حلقي وكان طويل من الذهب الأبيض ومرصع بالألماس..
دخل فارس..على فكرة العلاقة لحد الآن سطحية معاه..
فارس:خلصتي مشاعل عشان نمشي..

وقفت والتفت عليه:ايه خلاص انتهيت..

فارس طالعني بنظرات تفحصية:تصدقين مشاعل كل يوم أشوفك أحلى من قبل..

صحيح مصدومة من كلامه بس بنفس الوقت كنت حدي خجلانة وقلت بسرعة:فارس ترى تأخرنا..

وصلت الفندق ولما دخلت حصلت أمي اللي كانت لابسة جلابية فخمة لونها دمي ومطرزة بالذهبي وشعرها الأسود الطويل مسيحته وحاطة مكياج خليجي..
وأختي نورة لابسة فستان حمل ليموني فيه حزام من تحت الصدر باللون العنابي وشعري جايبته على جنب وحاطة وردة صغيرة عنابية والميك آب خليجي..
شجون لبست فستان بني متداخل عليه اللون السماوي بطريقة خيالية وشعرها الغزالي قاصته الفروالة والميك أب لبناني..
الكل كان مبسوط وفرحان..
وخاصةً أمي وخالتي أم سالم عشان عصافير الحب خالد والهنوف اللي الكل عارف عن حبهم من لما كانوا صغار..
وبعدما انتهيت من الاستقبال طالعت المنصة عشان الرقص ومن أول رقصة حسيت بدوخة ولا كملت..
والساعة وحدة انزفت الهنوف اللي ابهرت الكل بطلتها كان فستانها ناعم مرة وفيه شك بسيط والطرحة كانت طووويلة وشعرها الباذنجي رافعته بطريقة ناعم والتاج كان ناعم وراقي مرة والميك آب كان أنعم وبارز ملامحها الناعمة ..
بعد ماوصلت للكوشة سلمنا عليها..
وبعد ماتغطينا دخل المعرس خالد أخوي وكان كاشخ بالبشت الأسود ودخل أبوي وأعمامي وسالم ونواف..
سلموا أبوي وعماني والعيال على الهنوف وطلعوا..
وماعاد باقي ألا خالد
نزلت عباتي وطلعت أنا وأمي وخالتي أم سالم وخواتي نبارك لخالد والهنوف..


===========================================





الساعة وحدة في الجناح..
كنت جالسة قدام المراية انزل حلقي..
دخل فارس ورمى شماغه وعقاله على السرير وتمدد عليه..
وحسيت أنه يناظرني نزلت بقية أكسسوراتي ولميت شعري ورفعته
وأنا مرتبكة..ودخلت الحمام وخذيت شاور وطلعت ألبس بيجامة وجففت شعري..
وتمددت على السرير وتغطيت..
فارس:مشاعل
لفيت عليه:هلا
فارس وهو يسند رأسه على المخدة:تصدقين أغبط أخوك خالد
:وليه تغبطه
فارس وهو يغمض عيونه:لأنه أخذ الأنسانة اللي يحبها مو مثلي الأنسانة اللي أحبها ضاعت من ايدي
انقهرت من كلامه وصديت عنه وغطيت وجهي باللحاف وأنا أبكي لكن من دون صوت..
بعدها بنص ساعة تقريباً..
حسيب بصداع من كثر البكى نزلت من السرير وخذيت حبة بنادول وشربت موية
جلست قدام التلفزيون
وشغلته ماكان فيني نوم
جلست أتفرج..طفشت
ودخلت غرفة النوم..
ودخلت تحت اللحاف..وحسيت بخوف من حياتي مع فارس
..آآه أبي أحس بالأمان المفروض أحصل الأمان عند فارس بس للأسف هو أصلا"سبب خوفي خوف من المجهول خوف من كل شيء.


=================================


الساعة تسع الصباح نزلت تحت..
حصلت خالتي ونورة ونهاد تحت جلست معهم بعدها بساعة نزل فارس وهو يعدل شماغه ابتسم لخالتي..
فارس:هلا بأم فارس الغالية..

أم فارس:هلا فيك..

جلس بعد ما باس رأسها وقالت أم فارس:فارس جدتك تسأل عنك صار لها يومين من جت الرياض ولا مريتها روح أنت وزوجتك اليوم العصر سلموا عليها..

فارس:أن شاء الله يالغالية بنروح نسلم عليها..بس أنا كنت مشغول الايام اللي طافت..

نورة:خالتي ليه ما جت جدتي أمس الزواج دامها موجودة بالرياض..

أم فارس:كان نفسها تروح بس أمس كان راسها يعورها..

نورة:سلمتها والله..

بعدها وقف فارس..
أم فارس:وين رايح يا وليدي..أجلس أفطر..

وقف فارس:أنا بروح الشركة تأخرت..يله أستأذن..

أم فارس:اذنك معاك..


============================================



العصر تجهزت وطلعت مع فارس..

دخلتنا أم عساف بعد ماسلمت علينا المجلس عند الجدة وأم الوليد..
الجدة وهي تهلي وفرحانة:هلا والله بالغالي هلا بفارس..

فارس حب رأس جدته:شخبارك ياجدة

الجدة:أنا بخير ولله الحمد..أنت وراك ماجيت أول ماجيت هنا

فارس:والله مشغول بهالشركة

الجدة:أجل مادامه كذا معذور ياوليدي..

بعدها طالعتني وقربت من عندها وحبيت رأسها..
الجدة:وشخبارك يا مشاعل..

:بخير الحمد لله..

سلمت على أم الوليد وجلست والجدة تطالع فارس:أن شاء الله يا وليدي مرتاح أنت وزوجتك

فارس:الحمد لله مرتاحين..ثم لف علي وابتسم..في حد مأخذ مثل هالزين وما يرتاح

استحيت مرة ونزلت رأسي من الحيا..
أم عساف:يا ولدي تراك أحرجت البنية..
واااااااو أحس أن وجهي صار أحمر..

دخلت غادة وكانت ماسكة جوالها وتضغط فيه وشكلها ما تدري عن وجودي أنا وفارس..وكانت لابسة برمودا أسود وكت زيتي ورافعة شعرها البني وما حطت ميك أب بصراحة كان شكله مرررة ناعم ..
أنا على طول طالعت في فارس اللي طارت عيونه فيها..انقهرت وكان نفسي أبكي ما حترم وجودي عالأقل يحترم وجود جدته وخالته..

أم عساف انتبهت على بنتها اللي دخلت علينا:غادة ارجعي وراك فارس هنا

رفعت غادة رأسها وشهقت أول ما شفت فارس وطلعت بسرعة..
حسيت أني بختنق من كلامها ومن نظرات فارس لغادة..ليه ما تنساها هي خلاص راحت بطريق وأنت بطريق..تجمعت الدموع في عيوني اللي حاولت أنها ما تنزل..
وقف فارس والضيق باين في وجهه:نستأذن يا لغالية بنمشي
الجدة:توك جاي يا وليدي أجلس شوي

فارس:وراي شغل يا جدتي..لكن أن شاء الله بجيك مرة ثانية...

الجدة:طيب سلم لي على أمك وأختك..

باس فارس رأسه:أن شاء الله..

أول ما ركبت السيارة أنزلت دموعي اللي ما عاد فيني أمنعها بكيت بصمت ولكن كانت تظهر مني شهقات..

فارس ببرود:وش فيك

لفيت عليه وقلت بعصبية:أنت ليه ما احترمت وجودي جنبك لما دخلت غادة علينا..

فارس وبحدة:لا ترفعين صوتك علي..وبعدين مالك خص فيني أطالع اللي أبي بكيفي وأنتي أخر شخص يدخل بحياتي فاهمة..
حطيت يدي على فمي عشان أمنع آهاتي وشهقاتي تطلع
رن جوال فارس طالع في المتصل ثم رماه وطاح عند رجولي..عرفت أنه واصل حده..

فارس وبعصبية:هذا رايق يوم يتصل ألحين
بعدها بفترة وصلنا ونزلت بسرعة وأنا أمسح دموعي دخلت البيت وشفت نوريهان تشرف على الخادمات اللي يرتبون الصالة..
سألتها عن خالتي والبنات وقالت أنهم في غرفتهم طلعت لجناحي
جلست في الصالة وأنا أفكر في اللي صار مسكت رأسي..خلاص تعبت من التفكير تعبت..
سمعت صوت آذان المغرب قمت ودخلت الحمام وتوضيت ثم طلعت ولماخلصت من الصلاة رحت أبدل الجلابية لأني أحس أنها ثقيلة..
ثم طلعت من الجناح بدون شال..نسيت أن سعود موجود مو متعودة..
مشيت وفي نص طريقي..
طلع سعود ونورة اللي حاطة شالها ع رأسها من جناحهم..
تجمدت في مكاني وفارس كان طالع من الأصنصير..
سعود على طول رجع لجناحه
فارس بغيض:مشاعل وين شالك أنتي ما تستحين يوم أنك طالعة من جناحك بهالشكل وسعود هنا..
قلت بخوف:والله نسيت أن سعود هنا..
فارس بعصبية:أقول دخلي غرفتك بسرعة
تغرقت عيوني بالدموع ودخلت لجناحي..
سمعت نورة تقول بصوت هادئ:أن شاء الله ما صار ألا الخير يا فارس
فارس:أي خير وهي طالعة بهاللبس من دون شال قدام سعود
...................................
</b></i>