رواية بجنون أحبك / الكاتبة ساندرا

السلام عليكم ورحمة الله وبركاتة . .

ها أنا اعود لكم من جديد بروايتي الخامسة " بجنون أحبك "

أكتب للأفادة , فا اطلق العنان لقلمي عن كل ما هو يحزنني ويفرحني بجميع رواياتي , فا أكتب بصدق المشاعر !

وروايتي هذه تميل للواقع ألي نعيشه من عواطف وأهتمامات وأساليب , ونصائح وأرشادات , وكما أن لدي جانب خيالي , ولا عجب بذلك !
فعندما أسرد الواقع دون الخيال ولو قليلا , تكن هذه عيبا للكاتب نفسه . . !

** فا الواقع يذهب بنا من : الألف إلى الياء ..
والخيال يذهب بنا : إلى كل مكان . .

فمزجت بين الواقع والخيال , بطريقة تحتوي كل من قرئها ..
وقد لامستني قبل أن تلامسكم , فا أسال الله العلي العظيم أن تكن روايتي فائدة بالطرح قبل الأستمتاع بالقراءة أو ضياع للوقت !

& أتشرف بنقدكم الراقي , وأرشاداتكم ومشورتكم بعد كل بارت , فا أعتبر هذا طريقا لنجاح , وتنيروني أنار الله دربكم ..



* أحدى تصاميم الغالية " سحر الغروب " , الله يعطيها العافية :

أسعدكم الله |

.. بسم الله الرحمن الرحيم ..
.. توكلت على الحي الذي لا يموت ..

رواية بجنون أحبك / للكاتبة ساندرا

" لا أحلل ولا أستبيح ألي ينقل الرواية دون ذكر أسمي , أو نسبها إليه "


.. البارت الأول ..
على الساعة 5:30
بعد صلاة الفجر , أخذ دوش سريع ..
وقدام المرايه ..
وهو يشيك على شكله ..
لابس ثوبه الأبيض , وشماغة الأحمر , وساعته بجلد بلاك , ولبس الكبك , ورفع طرف شماغه لكتفه , دهنت العود وتسبح بالعطر الملكي ..
التفت لها وشافها غاطه بالنوم , أقترب منها وبهمس:منال , منال , قومي الله يرضى عليك ..
منال التفت للجهة الثانية وبصوت قريب لزمرة:أنزين ..


نزل لتحت , عند طاولة الطعام ..
شاف عمر و يزيد و رائد ..
رفع يده , وهو يناظر بساعته المحددة بالفصوص الفضية اللامعه ..
وبجلد أسود يبرز جمالها بمعصمه , وهي تشير على الساعة 6:00 ..
نزلو البنات , ريفان , وعد و بيسان ..
وباندفاع: اسفين يبه ..
أبو عمر خذ نفس عميق: مرة ثانية لا تتوخرون ..
ريفان:إن شاء الله يبه ..
تجمع الكل بالطاولة , وصاروا يفطرون . .
ودقائق إلا جات أم عمر ..
أم عمر وهي تجلس بالكرسي وهي تشوف الأكل , اللي عبارة عن نواشف , من جبن , من عسل , ومن جام , ومن قشطة ,
وأخباز وبقهر:هالخدامة الغبية , كم مرة أقول لها , تغير هالأصناف ..
أبو عمر بدون ميناظرها:وأنا نفسي يجي يوم تسوين الفطور بنفسك , بس لأن ما عندك وقت , جالسة تدبغين وجهك بالمكياج ..

أم عمر بتأفف: وأنت مصر تعكر مزاجي بكل يوم , ما عندك شغل إلا بمنال يا فواز ..
أبو عمر:كلن بيتغير وينصلح إلا أنتي ..

ريفان تريد تغير الموضوع وباندفاع: إلا ما قلتي لي يمه , وش ألبس مع بنطلوني بلاك الليلة ..؟

أبو عمر قاطعها: وش لزمته هالسؤال ..؟

أم عمر وهي تشرب العصير: لأن صاحباتي بيجون اليوم , عازمتهم على العشاء ..

أبو عمر رفع حاجبه:ومن متى هالكلام إن شاء الله , شاوريني على الأقل ..
وعد و بيسان بصوت واحد:يبه , ترى ريفان لابسة تنورة الربوع أللي طاف لفوق الركبة ..

أبو عمر ألتفت لريفان وبحده:صح كلامهم ..؟

ريفان تناظرهم بمعنى ( الوعد قدام ) وبتمتمه:أن...ا اسفة ..

أبو عمر ناظر بمنال وبنفس حدته: وعاجبك أللي تسويه , تكلمي يا معلمة الدين ..

منال قامت من الطاولة:اووه , فواز اليوم كل شيء تحطها فوق راسي ( والتفتت للعيال) يلا على المدارس ..

حاول يضبط أعصابه رغم أنها تلفانه من حالته وحياته معها ..

قام من الطاولة وكالعادة نسى ما يأخذ مفتاح سيارته:منال جيبي مفتاح سيارتي فوق التسريحة ..
منال وهي تلبس عبايتها وبصوت عالي:يا نانسي , نانسي وطير ..

نانسي الخدامة جات عندها: نعم مدام ..

منال بدون نفس: روحي جيبي مفتاح سيارة بابا فواز فوق التسريحة ..
نانسي هزت راسها بنعم , وصعدت تجيب المفتاح ..

أبو عمر تنهد:أنا لو أبي الخدامة تجيب المفتاح , كان ما تعبت نفسي وطلبت منك هالشيء ..

أم عمر قاطعته بطفش:عارفه أنك تنتظر مني أني أنا اجيبه , بس أنا مشغولة زي منت عارف ,
ولا تنسى أن وراي دوام حالي حالك .. وبعدين وش تفرق لو جابته هي أو أنا .. !!

أبو عمر غمض عينه بقوة:أنتي من متى صرتي فاضية لي أو لعيالك يا هانم , عطيني يوم فضيتي به عشاني أو عشانهم ..

أم عمر التفت له وبحده: أنت اليوم , مدري وش جرى لك , مغير حاط الحره فيني ,
وأنت تدري أن تصرفاتي وأفعالي مو من اليوم , من زمان هالشيء , ( وهي تشوف ساعتها ) ولو تكلمنا أكثر من كذا ,
وبيرن الجرس وأحنا ما خلصنا , وتكون راحت علي الحصة الأولى ..


يتبع |

أم عمر التفت له وبحده: أنت اليوم , مدري وش جرى لك , مغير حاط الحره فيني ,
وأنت تدري أن تصرفاتي وأفعالي مو من اليوم , من زمان هالشيء , ( وهي تشوف ساعتها ) ولو تكلمنا أكثر من كذا ,
وبيرن الجرس وأحنا ما خلصنا , وتكون راحت علي الحصة الأولى ..

أبو عمر مرد عليها , لأنه لو تكلم مهوب موصل لغاية بالأخير ..

صعدت السيارة وهي معه , وعد و بيسان.. لأنهم بنفس مدرسة أمهم ..

أما عمر بالجامعة يدرس , و ريفان كذلك , ويزيد ورائد بالمدرسة يوصلهم معه بطريقة للجامعة ..
.
.
.

على الساعة 9:10 صباحا ..
جلست تفطر مع أمها , ومرت أبوها . .

أم بكر بتردد: أنا وأمك من كم يوم , قلنا أن بدل جلستك بالبيت تشتغلين ..

أم هدى بتأيد: أي يا يمه , وش رايك أنتي ..؟

لين: أنا ......

أم بكر قاطعتها: بنسبة لأبوك أنا بتكلم معه , وشغلتك مابه لا أختلاط ولا حاجة , أنا كلمت أختي أم عبد الاله ,
وقالت أنها تحتاج لعميلة لها , يعني تكونين مديرة أستقبال , وش قلتي يا لين ..؟

لين تنهدت: بس يا خاله ..

أم بكر با أبتسامه: شوفتك وأنتي حزينة , ولا قادرة تنسين كونك مطلقة مهوب عاجبنا ,
عشان كذا أنا كلمت أختي , وبشوف أبوك اليوم ..

أم هدى:بعون الله بيوافق , وحتى نظام شغلك بيعجبه , من الساعة 11 تتواجدين لين الساعة 9 بالليل ..

لين: يعطيك العافية خالتي , ويا يمه , الله لا يحرمني منكم ..

وقامت شالت صحون الأكل ..

أم هدى مسكت يدها: يعطيك العافية يا وصايف .. طول عمرك وأنتي أصيلة ..

أم بكر أبتسمت لها: وش هالكلام يا باسمة , بنتك هي بنتي , وولدي هو ولدك ..

أم هدى تأثرت بكلام صاحبتها: معرف كيف أرد لك جمايلك علي يا وصايف ..

أم بكر بنفس أبتسامتها: أنتي هم ما قصرتي , ولا به لزوم كل وحدة تذكر مزاياها لثانية لأن أحنا عارفين بعض ..

وسكتوا شوي ..
أم بكر تغير الموضوع: إلا دقت عليك أم ياسر ولا ..؟
أم هدى كشرت: جعلها ما تدق , حسبي الله عليها وعلى ولدها فوق وعلى تربيتها ..

أم بكر:خذنا سنه من تطلقت لين , ومهوب مكفيه من شرها ..

أم هدى بقناعة: ربك ميضيع حق أحد أبد يا وصايف , زي مظلموا لين معهم , وهو ما عرف قدرها , مهوب اليوم يعرف ,
بيعرف قدرها لتزوجت , والمثل يقول , ما تعرف قديري إلا لما تجرب غيري ..

أم بكر بكره:الله لا يهنيه , وحسبي الله عليه وعلى أمه ..

أم هدى شافت بنتها من بعيد , وأشرت لأم بكر أنها تسكت ..

عشان ما تتكدر , لين . . .

لين جلست جنب أمها وبحماس: أجل دور مين اليوم ..؟ يا حريم الحج متولي ..

أم هدى وأم بكر: هههههههه ..

أم بكر: دوري اليوم , وعشان أني دورت لك على شغله , وأني بقنع أبوك لزوم تسوين الغداء عني ..

لين بضحكه: أبشري يا خاله , مالك إلا الرضى التام ..

.
.
.

شغله اليوم كان مكثف , وجاء بدري غير عن عادته ..
وعلى الساعة 2:15 ظهرا . .
فتح الباب بمفتاحه , وهو متعب ..

رفع نظره وشاف منال زوجته جالسة بالصالة بروب بيت منتهي الصلاحية , وشعرها به زيت ..

عرف أنها مزيتته عشان العزيمة الليلية , أو بمعنى اصح بعطل الأسبوعية تحط الزيت ..

تلطم على طول , بعد مشم ريحه شعرها اللي تشبة الثوم والبصل المعمر ..!!

منال أول مشافت فواز , قامت شقت الورقة من الدفتر وتوجهت له ..
منال مدت له الورقة ..

فواز مسكها وبتعجب:وش ذه ..؟

منال: طلبات تجيبها على أساس العزيمة ..


يتبع |

منال: طلبات تجيبها على أساس العزيمة ..

فواز ناظر الورقة وفتح فمه للاخر:معجنات من فطائر مشكلة , ورق عنب وكل واحد منهم صحنين بحجم وسط .. حلويات منوعة من سعد الدين ..
(مقدر يكمل وبقهر) كم مرة أنا أقول لك , لما أرجع من دوامي , لا تبدين طلباتك ..

منال: أنا بس حبيت أعطيك خبر ..

فواز خذ نفس عميق وهو يستغفر بداخله: يا الله أن تلهمني الصبر , المهم قولي للخدامة تكب الغداء ترى حدي جوعان ..

منال: طيب ..

توجهه لغرفته ..
شلح شماغة والكبك , فتح أزرار ثوبه , وشلحه ..

فتح الدولاب وطلع له بجامة رمادية با أكمام حاير ..

رجع شعره لورى , تعطر بعطر فورس ..

سكر الباب بشويش ..

توجه لغرفة بناته ( ريفان , وعد , بيسان ) ..
طرق الباب بشويش ..

البنات:ادخل ..

فواز دخل والأبتسامة على وجهه : السلام عليكم والرحمة ..

البنات: وعليكم السلام والرحمة ..

بيسان با أبتسامه: أللي يشوفك يقول أنك أخونا , مهوب أبونا ..

فواز رد لها الابتسامه: أي , أشوف البنات يتحذفون علي ..

وعد باندفاع: لا , أنت لأمي وبس ..

فواز بخاطرة ( يا الله تخلف على أمك بس ): تراي جوعان حيل , ولزوم تتغدون معي ..

بيسان: أي يلا , أنا بنزل ..

ولحقتها وعد ..

وجات بتطلع ريفان بس مسك يدها وبهمس: أبي أكلمك شوي ريف , تسمحين ..؟

ريفان بتردد: أي أكيد يبه , وقتي كله لك ..

فواز جلسها جنبه ومسك يدها: أعرف أنك مخبيه علي شيء , أو أنك مكسوفه بعد مفضحوك خواتك بفطور اليوم ..

ريفان ناظرته وبندم: يبه أنا اسفة , محبيت أخذلك أو أطلع من شورك بس أغلب البنات يلبسون زي الموضة ..

فواز مسح على شعرها:وأنا منيب ضدك , بس ضد أنك تلبسين عند الفخذ ..

ريفان باندفاع:أنا لبست لتحت الركبة ..

فواز بنظرات شك:متوكدة ريفان أنه لتحت الركبة .. !!

ريفان ناظرت أبوها لها فضحتها ونزلتها بخيبه أمل ..

فواز بحنان: عشان هالشيء أنا رفضت أنك تلبسين , والعين لها حق يا بنتي , وأبيك أنك ما تكررينها أبد ..

ريفان تنهد:إن شاء الله يبه ..

فواز باس جبين بنته:الله يرضى عليك يا بنتي , يلا قومي عشان نتغدا ..

ريفان أبتسمت وقامت معه ..

صعد فوق مع ولده عمر ..

وشال أمه ونزل بالدرج ..
وعمر يشيل الكرسي المتحرك لها ..
قربها من طاولة الطعام ..

أم فواز: أجل وين منال ..؟

وعد: زي منتي عارفه يا جده , هي تختار لها لبسه عشان عزيمة ربوع اليوم ..

فواز بدون أهتمام: ووش الجديد , يلا أكلوا ..

وبدأ كل منهم يأكل بصمت..

وبعد الغداء ..
أم فواز نزلت فنجان القهوة وناظرته: عيونك حزينة يا ولدي , عسى خير إن شاء الله ..؟

فواز تنهد: الحمدلله على كل حال يالغالية , بروح أجيب جوالي وأجيك ..

أم فواز:مابه خلاف ..

دخل غرفته , وشافها معفسه الغرفة بملابسها فوق السرير وينزل منه شوي ..

منال ناظرته بحيرة:إلا وش رايك فواز , ألبس ذه ولا ذه ( وهي تأشر عليهم ) ..
فواز ناظرهم: وش الزود فيهم , كل واحد أشلح وأفصخ من الثاني , لبسي حاجة أستر وبتصيرين أحلا ..

منال كشرت بوجها:ذه الموضة , ووش عرفك فيها , أنت من الطراز القديم ..

فواز: أفضل أكون من الطراز القديم على قولتك , على أنك تتشلحين بلا معنى قدام ناس ما يحلون لك ! وتبرزين مفاتنك لهن !

منال تأففت: أنا من أسألك بشيء أتندم , لأن لا أسلوب عندك , ومتعقد بعد ..

فواز: دائم لما أقول الواقع , يكون جوابي بنظرك معقدك ولا به أسلوب ..

منال بزمره:العيشه معك تقصر العمر , وأنا صابرة عليك واجد ترى ..

فواز انصدم من كلامها , وبسخريه: والله ما يندرا من أللي صابر على الثاني ..

منال رفعت من نبره صوتها وبقهر: أنا نفسي أعرف حاجة وحدة بس , وش أللي يعجبك فيني أصلا ! مغير متذمر ولا يرضيك شيء , وهالأيام ذي زدت , مدري وش غيرك كذا ..

فواز ماسك أعصابه: لا يعلى صوتك على صوتي , وقصريه ..

منال كفتت يدها وعطته ظهرها: أنت ما جاوبت لأن ما عندك رد على سؤالي !!
أنت تدور الزله علي عشان تعصب وتتنرفز , ولا أنا نفسي ما تغيرت , زي اليوم الصباح تدري أني أتأخر عند الفطور , وبيوم الربوع بذات ما تواجد على الغداء ,
وتدري أن كل ربوع أسوي عزيمة لصديقاتي , وأحين تجي وتتكلم , وصوتك كان واضح وسمعته وطنشت , فكر شوي وشوف من أللي غلط بحق الثاني ..

فواز بكره ويأس وحزن:صبري عليك فاض , ولا عدت أستحملك ..

منال رفعت حاجبها وبوقاحة: يكفي أني متحملتك وراضيه بالعيشة معك ! حتى مصروف ما تعطيني مثل الخلق , ولا أسلوب ولا تعامل ,
وصديقاتي رجالهن أللي جايب لهم خدامتين , وأللي مسفرها تركيا أسبوع وأللي ماليزيا , وأللي رافع حرمته لفوق , وأنا حظي مالت علي بس ( وهشت على وجها ) ..

فواز هز راسه بقله حيله سحب جواله , وطلع ..

منال بصراخ: وهذا حالتي معك , مغير تطلع ولا ترد علي , حسبي الله عليك من رجال ..

فواز شد على قبضه يده وناظر با امه الجالسة بالصالة وتناظر فيه بحزن ..




انتهى البارت |

سعدت بمشاااركتك المتميزهـ

لله درك جميـــل ما جئت به

لك تقديري

.. البارت الثاني ..

فواز هز راسه بقله حيله سحب جواله , وطلع ..

منال بصراخ: وهذا حالتي معك , مغير تطلع ولا ترد علي , حسبي الله عليك من رجال ..

فواز شد على قبضه يده وناظر با امه الجالسة بالصالة وتناظر فيه بحزن ..

فواز: سمعتي .. ؟

أم فواز بحزن: سمعت , صوتها كان عالي حيل ..

فواز بحزن: وأحين عرفتي ردي على سؤالك من شوي ..؟

أم فواز نزلت راسها لتحت ..

فواز: وش أقول , ووش أتشكى يا يمه , الحل مهوب عند الخلق , عند الخالق ..

أم فواز مسكت يد ولدها: مهوب زين لك يا ولدي , تخلف وراها أمراض , لا تكبد أللي بقلبك ..

فواز جلس جنبها وبحزن نابع من قلبه:ووش أشتكي عنه يالغالية ؟ عن جحدها ونكرانها , ولا عن صوتها العالي , ولا أن ما عندها أسلوب ولا تجلس معي ولا مع العيال ,
وأن تكلمت جابت أهلها يتدخلون ويغثوني , أنا منيب ضعيف شخصية يا يمه , بس أنا صابر عليها عشان العيال , ولا كان من زمان حاطها عند أهلها ..

أم فواز أخنقتها العبرة من كلام ولدها ..

فواز كمل: وأنتي شايفه حياتي معها بكل ظروفها وبكل الأمور الشينة والزينة , على أن حياتي معها ما شفت لا زينة ولا سعادة , صابر عليها وتقول أن هي الصابرة !!
وأعطيها بالشهر 2000 ولا باين بعينها على أنها مدرسة بس هم مغرقها بالفلوس , وكل مطلبت شيء لبيت "نفذت" لها , وأن ما نفذت لها شيء ,
جابت أخوانها وصدعوا راسي , ومضطر أمشي بعض الأمور , عشان متعب أكثر من كذا يا يمه ..

أم فواز مسحت دموعها بطرف شالها: والله أني شايفه , وعارفه أن طبعها قبيح معك , ومع غيرك < كانت تعني نفسها ..

فواز ستغراب: وش تقصدين يالغالية بمع غيري ..؟

أم فوار تغير الموضوع: أجل منت برايح تجيب لها العزبه لحفلتها !

فواز: بعد صلاة العصر بجيب لها ..

أم فواز: أنا أعرفها , وأنت أكثر , مهوب ساكته من الحنه إلا لما تجيب لها العزبة قبل العصر .. !!

فواز:ا ....

منال دوبها داخله وكفتت يدها: ليه مجبت الأغراض ..؟

أم فواز ناظرته وكتمت ضحكتها ..

فواز أبتسم با أبتسامه باهته طافيه: إن شاء الله , أحين ألبس ثوبي وأجيب لك أغراضك ..

وقام باس راس أمه: تبغين شيء يالغالية ..؟

أم فواز با أبتسامه: ما بغى شيء يا ولدي , انتبه لنفسك , ولا تسرع ..

فواز رد لها الأبتسامه: أبشري يالغالية ..

وطلع من الصالة ..

ناظرتها بغرور ووقاحة: زي كل ربوع , ياليت تضفين وجهك من الدور الأرضي , وصعدي فوق , ولا تنزلين وتفشليني ..

أم فواز متعودة على أسلوبها وكلامها الجارح , وهزت راسها با أنكسار: إن شاء الله ..

منال كشرت بوجها: وجع , عجوز قريح ..

وطلعت من الصالة ..

أم فواز بخاطرها ( الله يجيرك يا ولدي على صبرك عليها , حسبي الله عليك من حرمه , حسبي الله عليك .. )

.
.
.

: وأنا مدري وش أسوي يا يمه معه ..

أم ميثاء: أنا أقول لزوم ما تسكتين عن حقك يا بنتي , حيلك بالرجال ..

ميثاء: وأنا منيب ساكته أصلا , بس محتارة معه وش أسوي ..

أم ميثاء: لو بغيتي شوري يا بنتي , زوجك صنفه ردي , ما ينفع معه الهدوء أو السكوت , لزوم تعطينه العين الحمراء من اليوم ..

ميثاء بقهر: تصوري يا يمه, اليوم عصب علي عشان أني بلبس فستان قصير ناعم بلمه اليوم ! مع العلم أني ألبس كذا با أي وقت ..

أم ميثاء بحده: أنا قايله أن زوجك متغير وأكيد أحد حادة عليك , صدقيني ..

ميثاء بحده: أنا أعرف من أللي حادة علي , أحين مقدر أقول لك حاجة لأنه برا ينتظرني , بعطيك العلوم بكره يمه ..

أم ميثاء بحماس: با أنتظارك يا بنتي , أنتبهي على نفسك ..


يتبع |

أم ميثاء بحماس: با أنتظارك يا بنتي , أنتبهي على نفسك ..

مثياء باست راسها: إن شاء الله , فمان الله ..


صعدت بالسيارة وركب العيال ورى ..

وبترحيب: هلا والله بعمري كله , أكيد أشتقتي لي ..

ميثاء بحده: أنت أكيد فيك أنفصام بالشخصية , أللي يشوفك يقول أن ما كنا من وديتني ببيت أهلي معصب , ومقومها حرب علي ..

تنهد بصمت: أعذريني أعصابي تلفت , شغل وضغط وأنتي أدرى ..

ميثاء بنفس حدتها: لا تظن أني بصدقك , أنت كذاب بكل شيء يا هاني ..

هاني ألتزم الصمت , وهو يسمع كلامها أللي كل بعد نقاش معها يسمعه .. !!

نزل من السيارة ..

وهو شال عياله بيده , وهي قدام تمشي ..

دخلت الشقة وتوجهت على طول للغرفة ..

بينما هو , دخل بنته وولده لغرفهم بعد مبدل ملابسهم ولحفهم ..
خفت النور , وطلع ..


دخل الغرفة ..

ميثاء مسكت الوسادة وحذفته بوجهه بقوة :أنقلع برا ..

هاني ماسك اعصابه: ميثاء رجاءا تقي ألفاظك , أحنا حلوين مع بعض أحين , ولا تنسين أني زوجك ..

ميثاء بقهر: قرادة فيني أني خذت واحد زيك ..

هاني:وليه وش أللي مو عاجبك فيني ..؟

ميثاء: خلني ساكته أبرك لي ..

هاني شلح ثوبه وجلس جنبها:أنا اسف حبيبي , ما كان قصدي , وأوعدك أني منيب مكررها أبد ..

ميثاء ناظرته ..

هاني بصدق: أنا وعدتك أحين !!

ميثاء: طيب ..
هاني: يعني رضيتي علي !!

ميثاء أبتسمت على خفيف: برضى بس بشرط ..

هاني مسك يدها وبحماس: تدللي ..

ميثاء : أنك تعشيني بالمطعم ..

هاني بهمس:حياتي أنتي تعرفين , أن اليوم جمعتنا مع الربع بالأستراحة ..

ميثاء بقهر: يعني شلون ..

هاني: يعني أني بروح لهن , منيب مطول حدي ساعة , وبعدها بشري بالخير على الساعة 9 بوديك أفخم وأحسن مطاعم ..

ميثاء بحماس: طيب ..


بالأستراحة ..
جمعه رجال ..

وكل واحد منهم له قصة مختلفة بمجتمعنا هذا ..

وقد تكون جديرة بالطرح , فا أطرحها لكم , لما فيها من الواقعية ..

أول مدخل , الكل رحب به كالعادة ..

وهو منشدهم .. !

الكل: هلا والله با أبو عمر ..

أبو عمر با أبتسامه يصارع بنفسه:هلا بيكم ..

جلس نفس مكانه المعتاد , وسط المجلس ..

جاه أبو بلال , وهو ذو جنسية يمنيه , قايم بالأستراحة وبالضيوف ..

ومد له فنجان القهوة: سم ..

أبو عمر خذ منه الفنجان: تسلم يا أبو بلال ..

أبو بلال با أبتسامه: طولت ..

أبو عمر ( ألبي طلباتها التعجيزية ست منال العالم ):بنتي تعبت ووديتها المشفى ..

أبو بلال: ما تشوف شر , أنا متشوق لصوتك يا أبو عمر ..

أبو عمر : تسلم يا أبو بلال , إن شاء الله بس أنتظر أبو خالد يجي ..

أبو بلال:بعون الله ..

وراح عنه ..
إلا برنه جواله ..
فواز ناظر جواله , وتنهد وعلى طول قصر على الصوت , لأن صوتها يبتخترق الأذن , ويسمع الكل !


يتبع |

إلا برنه جواله ..
فواز ناظر جواله , وتنهد وعلى طول قصر على الصوت , لأن صوتها يبتخترق الأذن , ويسمع الكل !

ورد بهمس: هلا أم عمر ..

منال بحده: وين كيكة باسكن روبنز , مو قلت لك جيبها ..

فواز بنفس همسه:أنا جبتها , توكدي من الأغراض صح ..

منال بعصبيه: يعني أنا مشوف حضرتك ..

نانسي جات: مدام أنا في حطي كيكة داخل ثلاجة ..

منال: حسبي الله عليك من شغاله غبية , وليه ما تكلمتي ..؟

نانسي بخوف:أنتا ما في أسأل أنا ..

منال بصوت عالي: يا جعلك الماحي .. " وبزمرة " وأنت يلا مع السلامة ..

فواز تنهد بضيقة , وسكر السماعة بدون ميقول أي كلمة ..

جلس جنبه من دون حتى مينتبه له ..

وجاء أبو بلال وقام بالواجب تجاهه ألتفت لأبو عمر وباين عليه أنه سرحان:علامك يا أبو عمر ..؟

أبو عمر أنتبه له , وبذهول: أنت متى جيت ..؟

أبو خالد:أنت من تجي بالأستراحة وأنت مهموم حتى لو ضحكت وخذتك السوالف , أنا خويك وأعرفك زين ..

أبو عمر تنهد بصمت: أحاتي بنتي يا هاني ..

أبو خالد: عسى ما شر .. !!

** أبو عمر أتكل هاليوم حجة له , ويمشي عليها:تعبانة ..

أبو خالد بشك:وكل يوم بنتك تتعب ..؟

أبو عمر , كان حاط فرضيات بباله , أن لو شكى لصاحبه عن معاناته , وش بيستفيد بعدها ..؟

ففضل أنه يغير الموضوع:عاد جاني أبو بلال , وقال أنه يريد يسمع صوتي العذب ..

أبو خالد:ههههه أوخص يا واثق .. بس ما تنلام , حنجرتك ذهبية ما شاء الله .. ( وبصوت عالي ) أبو عمر بيسمعنا شيء اليوم ..

الرجال ألتفتوا له وبحماس: أي تكفى يا أبو عمر , من زمان عن صوتك ..

أبو عمر سكت شوي , وبعدين دخل بهالسطر , كنه بهالبيت يشفي أوجاعه .. !!

وبصوت عذب :
العمر ولي البخت طاح ما قام ..
والحظ وقف والليالي عجولة ..
نصبح على هم ونمسى على أوهام ..
ضيم الدهر بالدرب نوح ذلولة ..
با أحلام عشنا , وافترقنا بالأحلام ..
نحلم ونحلم من زمان الطفولة !
يا صاحبي ما فادنا كثر الأحلام ..
حكم القدر فارض علينا ميوله ..

أبو خالد تنهد بحزن: اه بس , أنا أشهد أنك صادق ..

أبو بلال:روحك أللي تتكلم , مهوب أنت يا أبو عمر ..

أبو عمر أكتفى أنه يبتسم له ..

أبو سعد:صوتك غطى على خالد عبد الرحمن ..

أبو عمر:ههههه وش دعوة يا أبو سعد ..

أبو سعد: وأنا صادق ..

أبو عمر , محب يجادلة , لأنه عارف وش يقصد أبو سعد بقوله , لأن الحزن بصوته , يطابق صوت وبحه خالد .. !!

فواز ألتفت له: علامك يا هاني , شكلك ما يسر .. !

هاني تنهد: عصبت عليها , وقومت حرب ..

فواز: اف .. !!

هاني: تقول أن أحد حدك علي .. !

فوار: أي ..

هاني كمل: ولا راح ترضى إلا أوديها مطعم ( وهو يشوف ساعته ) على الساعة 9 أنا مواعدها ..

فواز ( سبحان الله , لو حرمته تصادق الست منال كان صارت علوم ومشاكل بغنى عنها .. ! ) أبتسم: زين ما تسوي , حاول أنك تكسبها وشوف وش أللي مضايقها ..

هاني: قصدك هي أللي مفروض تشوف أللي مضايقني ..

فواز بنفس أبتسامته: معليه يا أبو خالد , حاول مرة مرتين , ترى به غيرك أسوء حياة منك .. !!

هاني تنهد بحزن: الحمدلله على كل حال
وجلس حول نصف ساعة ( وبصوت مسموع ) يلا أنا أترخص ..

الكل: فمان الله ..

شرب بيالتين شاي , وهو يفكر بعمق بحياته مع منال ..


يتبع |

شرب بيالتين شاي , وهو يفكر بعمق بحياته مع منال ..

قال أمكن الغلط مني .. !
عصبي ولا راضي يتقبل تصرفاتها الأخيرة ..
على أنه مابه جديد ..
تعوذ بالله من الشيطان ..
لربما أنه دخل بينهم ..
ظل يستغفر لما حس با أرتياح وتفاؤل أن أمكن تنحل حياته .. !!


على قروب الساعة 10:15..
أستأذن الشباب , صعد سيارته ..
وسرعان ما وصل , وأدخلها للكراج ..
دخل على المطبخ الداخلي ..

شاف نانسي تقطع الحلا , وتقدمه بصحون , من زمان ما شافهم يتقدمون , وولا مرة تقدموا له أصلا , يذكر أن شراهم مع منال بس .. !

والمجلى معبئ بالصحون ..

فوار: ماشاء الله , وش له كل ذه ..؟

نانسي ألتفت له وبخوف : يا الله أنتا في هنا بابا !! أنا ما في شوف أنتا يدخل ..

فواز: دوبني دخلت , راحو الضيوف ولا ..!!

نانسي: لا بابا , أحين في أكل حلا , عشان عشاء خلاص من شوي ..
وأنا في خبي أكل حقت أنتا بابا ..

فواز ( عشان كذا المجلى مليان صحون ): أهم شيء العيال تعشو ..؟

نانسي: أي الحمدلله ..

وبصوت عالي وبقهر: نانسي وطير , ياحقيرة أنا أناديك ..

نانسي بخوف: أنا في جيب مدام ..

وخذت الصحن الحلا , وقدمته لضيوف مدام منال ..

توجه لغرفته , شلح ثوبة وشماغة الأحمر ..

لبس بجامته , عبارة عن بلوزة نصف كم أبيض , وفاتح كم زر من بلوزته القطنية , وسروال فضفاض أبيض ..

تعطر بعطره الهادئ ..
لبس نظارته المخصصة للقارئه ..
وهو يقرأ كتابة المفضل , أللي يختص بمجال علم النفس

رجع شعره لورى ..
أندمج بقرائته ..
وبعد لحظات , إلا بدقه الباب , مئة بالمئة مهوب منال .. !

منال تشرع الباب بس ما تدق ..

فواز ( وكاد أنها تعلمت من عواصف ) : أدخل ..

رائد فتح الباب: أمي تقول راحو الضيوف ..

فواز: يعطيك العافية , روح نادها قول أبوي يريدك ..

رائد:إن شاء الله يبه ..

فواز شاف ساعة الحائط تعلن عن دخول الساعة 12:10
حط كتابة على جنب , ظل يستغفر عشان يتمالك نفسه عند الغضب ..

إلا الباب يتشرع بكل قوته ..
قطت نفسها بالسرير ..

فواز: !!!

منال: يا ربي تعبت حيل ..

فواز: عسى أنتي أللي غسلتي الصحون ولا نظفتي المكان ولا طبختي ..؟

منال بملل: منيب فاضية لمزاجك الثقيل ..

فواز خذ نفس عميق وبود: شكلك تعبانة حيل حياتي .. !

منال طالعته بنصف عين: وش عندك ..؟ ترى والله مهوب لايق عليك ..

فواز ولا كنه يسمعها وهو يحاول يجامل ويمدح شكلها , على الرغم أن لا شكلها ولا لبسها عاجبه , بس النساء تعشق المدح: وبعدين وش هالزين , ووش هالذوق والأناقة , ما شاء الله ..

منال أبتسمت: تسلم فواز , كلك نظر , وطالمة أنت مروق وهادي غيرر عن عادتك , أنا بفاتحك بموضوع , مهم بنسبة لي ..

فواز ( قل أعوذ برب الفلق , من شر ما خلق .. ) وهو يقول الأذكار عشان اعصابه ما تتلف ) : أي تفضلي حياتي ..

منال بحزن: صاحبتي عواطف ..

فواز ( يا الله , عواصف فيها أجل الموضوع مهوب جاي على خير ): علامها ..؟

منال : قهرتني , تصور فواز زوجها واعدها بسفره لاندونيسيا بها العطلة , وأنا جالسة مكاني ..

فواز ( أمنت با الله ) : طيب حياتي , وش رايك نطلع مع أهلك وأمي والعيال لشالية .. ؟

منال بقهر: وهذا أللي عندك أنت ..!!

فواز: يا عمري أنتي , أنتي تدرين طبيعة عملي , ما تسمح لي السفر بكثرة , ولو سافرنا , مهوب عاجبك يومين أو 3 , لزوم أسبوع أو أسبوعين ..



يتبع |

فواز: يا عمري أنتي , أنتي تدرين طبيعة عملي , ما تسمح لي السفر بكثرة , ولو سافرنا , مهوب عاجبك يومين أو 3 , لزوم أسبوع أو أسبوعين ..

منال بعصبيه: وأنت هذا ردك , لوعت كبدي بكلامك وأساليبك البايخه أللي مالها داعي ..

فواز: يا منال , أنا نفسي بحل معك , أن جيتك بالهداوه واللين ما نفع , وأن جيتك بالصراخ هم ما نفع , وش أللي ينفع معك أنتي وقولي لي وأنا بسويه ..

منال تأففت بطفش: أللي ابغيه , أنت مطنشني فيه ..
وقامت من السرير ..
فواز وهو يشوف لبسها الفاصخ أللي لين الفخذ .. !

حاول يكتم اعصابه وغيضه: منال مو قلت لك , لا تلبسين هالملابس الفاصخة ,
أنا قبل أتعمد أني ما أجي من بدري على أساس منقهر أو أعصب عليك ,
على لبسك أو على أنك تخلين التنظيف كله على نانسي ..

منال بقت عينها: لا والله , يعني حضرتك تبغاني أشتغل عنها , وش الفايدة لما تعطيها مصروفها أجل ..

فواز بتفهم: يا منال أنا مو قصدي أنك تشتغلين عنها , أنا قصدي أنك تساعدينها على الأقل ,
أو خفي عليها من هالحمل الثقيل , أرحمو ما في الأرض يرحمكم ما في السماء ..

منال با أنفعال: ادري أنك تحب نانسي أكثر مني ..

فواز بصدمة: هذا هي عقليتك يعني ! للأسف وحدة مثلك تكون معلمة , وبعد معلمة دين على هالعقلية المحدودة ..

منال بكره: أدري أنك تبي تبعد الشبهات عنك , بس أنا كشفتك ..

فواز يدعي الخوف: لا منال تكفين , لا خوفتيني ..

منال بحده: صدقني بتندم , على قد شعر رأسك يا غبي ..

فواز أنسدح ولف للجهة الثانية ..

منال بصراخ: قوم وكلمني ..

فواز ببرود , ونفس حركته: أبغى أنام بيوم الأوف ..

منال شدت اللحاف من جسمه: قوم , قامت عليك حيطه إن شاء الله ..

فواز دفعها عنه بقوة , لما فقدت توازنها وطاحت بالأرض وبصراخ: اه يا كلب ..

فواز بحده: كلب بعينك يا قليلة الأدب ..

وسحب لحافه وجنب الباب ..

منال بصدمة: أنت قد سواتك ذي .. !!

فواز: حمدي ربك أنها جات على كذا , ولا المفروض أخذك وأضربك بالخيزرانه على ظهرك ..

منال بصدمة من سواته , أنه كيف يتجرأ ويدفعها با الأرض ..

فواز طلع من الغرفة وصعد فوق عند أمه ..

شافها جالسة بالصالة , تشوف فلم أكشن ..

أم فواز من عشاق أفلام التحدي والأكشن .. !

حاول أنه يتسحب بشويش على أساس ما تنتبه له ..

أم فواز أستغربت خطوات ولدها الحريصة وبحسن نيه: تعال يا يمه , أنا صاحيه منيب نايمة ..

فواز ألتفت لها بشويش وأبتسم أبتسامه مزيفه: هلا يمه ..

أم فواز با أبتسامه: فديتك , على بالك أني نايمه , وجالس تتسحب زي الحرامي ..

فواز أبتسم على حسن نيه أمه , وأنها ما تدري وش السالفة .. أقترب منها وباس راسها ..

أم فواز بستغراب: ليه اللحاف معك يا ولدي ..؟

فواز:......

أم فواز: من معالم وجهك , تبين أنك متزاعل معها ! ( وتنهدت ) كل يوم شجار يا ولدي ..

فواز :للاسف هذا أللي حاصل ..

ام فواز: تعال أجلس جنبي يا ولدي ..

فواز جلس جنبها ..

أم فواز: وهالمرة الغلط من مين ..؟

فواز بتعب: منيب عارف يا يمه , والله منيب عارف ..

أم فواز: متحس أنك صاير حار معها شوي ..

فواز: مهوب مني يالغالية , تعبت والله أني تعبت , وأنا منيب صغير ..

أم فواز تمسح على شعره: بسم الله عليك , والله أللي يشوفك يعطيك بالعشرين ,
بس الحزن بمحياك واضحة ومكبرتك شوي .. وإلا الكل لما يشوفك مع عيالك يقول أنك أخوهم , مهوب أبوهم .. اللهم صل وسلم عليه ..

فواز: الحمدلله يا الغالية , ربي أنعم علي بالذرية والمال والصحة وكثرة الخير , بس السعادة مهوب لي ..

أم فواز: أذكر الله يا وليدي , وأدعيه ..

فواز: أنا ادعيه أن الله يفكني من النسره أللي عندي ..



يتبع |