رواية/انا بطبعي الوفاء بس في الحب خواندج

&البارت السابع &
مـي بإرتباك : لا جدتي لاتفهميني غلط بس ماأبغى اضايق ع احد بس كذا
ام عبدالرحمن تحشرها في الزوايه: علي انا هالكلام شمعنى ياسر تروحين معهم عادي وخالد لا هذي بحد ذاته فيها أنّ لاتضيقين ولاشي هو ولد عمك
مي توهقت وش تقول تقول ولد ولدك كل مايشوفني يتهاوش معي او يقط علي كلام يجرح
لمياء ترد ع جدتها: لانه ياجدتي العزيزه خالد مايحب احد يتاخر عليه علشان كذا مي ماتبغى تروح معه بس صح يا مي ولا انا غلطانه
مي فرحت انقذتها لمياء: صح كلامها لمياء ي جدتي حتى انه كل ماروح معهم يهاوش اخواته يقول لهم لاعاد تأخرني بنتك عمك
ام عبدالرحمن بارتياح: اذا كذا معه حق ليش تأخرون عليه مفروض تلبسون عباياتكم قبل لايجي يالله الحين قوموا البسوا عباياتكم قبل لايجي ياسر
لمياء : ان شاءالله جدتي وهذا انا بلبس الحين
في الشارع قدام بيت ام عبدالرحمن
خالد وياسر وصلوا نزل ياسرمن السيارة يسال خالد : بتنزل ولا تجلس تنتظر في السياره
خالد بكسل : لا مو نازل بنتظركم وإذا بتتاخرون عطني رنه بروح اتمشى وأرجع لكم
ياسر : خلاص صار
ياسر يطق الجرس الباب ، رحيمه : مين انت
ياسر : انا ياسر
رحميه: جين ، فتحت الباب له: ادكل بابا
ياسر يسالها: وين ماما كبير
رحميه: هذا ماما كلو في الصاله تحت
ياسر : طيب ،يدخل عند باب الصاله يتنحنح : احم احم ترى بدخل
مي بسرعه طلعت من الصاله راحت المطبخ وهي تلبس عبايتها
في: شرايك ي مي نروح ننتظرهم في السيارة ع مايسلم ع جدتي
مي : أي طيب مو مشكله
في الصاله
ياسر: جدتي ادخل ولا لا
ام عبدالرحمن وجنبها لمياءوهي لابسه عبايتها ام عبدالرحمن : ادخل مافيه احد بنت عمك راحت المطبخ
ياسر وهو يدخل( عط خالد رنه لانه شكلهم بيتاخرون) : السلام عليكم قرب من جدته يبوس راسها ورجولها وشلونك يمه عساك تمام
ام عبدالرحمن بحب لـ هالولد: الحمدلله بشوفتك صرت زينه جعلك تحب الكعبه ، بس زعلانه منك صاير تقاطعني مثل اخوك خالد مايجلس الا دقايق وهو منحاش
ياسر يضحك : والله اسف اذا صار من تقصير في حقك تعرفين الشغل كثير مايخلص أما خالد هو دوم ينحاش شيء جديد انتي بس لاتجييبن له طاري الزواج يقعد عندك بس اذا فتحتي ذا الموضوع ماتشوفين الاغبرته ههههههه
ام عبدالرحمن ولمياء يضحكون ع خالد ام عبدالرحمن : هههههههه لهالدرجه سببت له رعب مسكين ي خالد بس معليه انا وراه الى يتزوج وانت بعد جايك الدور
ياسر يبتسم : شوفي جدتي انا الحين مومفكر حاليا في الزوج بس اذا بغيتي اتزوج انا حاضر الي تبغينه اسوي علشان عيونك يالغاليه مو الحين اجليها لشوي
ام عبدالرحمن تبتسم :أي هذا الكلام الصح مو اخوك خالد ينحاش هههههههه
ياسر : هههههههههههههههههه الله يعينك ع خالد راسه يابس
لمياء: ههههههه جدتي خفي عليه شوي هو بنفسه بيجيك ويقولك زوجيني
ام عبدالرحمن : انا الين له اذا راسه يابس و انا اعند منه . خلاص علشان لمياء بسكت بس شوفوا مو على طول بسكت اذا شفته كلمته مره ثاني
لمياء: ههههههههههههه اهم شي تخفين عليه
ياسر بهمس ل لمياء: الله يعين خالد ع جدتي ، لمياء بس ابتسمت ماردت عليه
ام عبدالرحمن : الله يوفقكن انت واخوانك وعيال عمامك
ياسر : أي يمه تكفين كثري من هالدعوات
ام عبدالرحمن : مايحتاج توصيني ان مانسيتكم من دعائي
مـي وفي طلعو من المطبخ في: ياسر شكلك بطول في الجلسه حنا بننتظرك في السيارة هاه لمياء تقومين معنا
ياسر: خلاص أيه روحي ،ياسر إتصل ع خالد وخلاه يرجع
لمياء: أي يالله اكيد بجي معكم ، سلموا ع راس جدتهم
في ومي و لمياء طلعوا من بيت جدتهم ،برا عند الباب
مي تكلمهم: الحين هذي مو كانها سيارة اخوكم خالد
لمياء: أي هي يالله خليني نروح نركب ترى انا مت حر
في : وإذ سيارة خالد وش فيها ، تراك هبله اذا فكرتي ترجعين البيت وجدتي ماراح تطوفه لك تراها شاكه انه بينك وبين خالد شيء
لمياء: ترى ي مي صح كلام في كيفك بتشك زود المهم انا بروح اركب
مي بضيقه: عادي خليها تشك مردي بقول لها مابي اروح مع اخوكم برجع داخل
في تجرها من يدها /يأكل هوا
لمياء ركبت وراء جلست في نص :هلا خالد وش اخبارك
خالد بابتسامه: هلا لمياء عسى نفسيتك زانت بس في بيت جدتي
لمياء تبتسم: الحمدلله أصلا من مايستانس يجلس عند جدتي فديتها
خالد بيرد عليها بس شاف في تجر مي من يدها. عرف انه ماتبغى تركب معه فتح نافذه بإتسامه سخريه: أقول وش رايك ي ست مي اشيلك بعد علشان تركبين السياره
لمياء : خالد وبعدين معك اترك البنت في حالها، توها جدتي تقولها ليش ماتبغين تروحين مع خالد
خالد بصدمه انه كرهت تروح معه: بسرعه قولي وشقالت حق جدتي
لمياء بخبث: قالت ولد ولدك قليل ادب جلس يزعجني بكلامه كل يهاوشني
خالد بضيقة: صدق قالت كذا احلفي الحين جدتي بتقعد تهاوشني يالله
لمياء: مدامك تخاف جدتي تهاوشك اترك البنت في حالها ،أي ع الفكره مي ماقلت شيء بس حبيت اخوفك ههههههههههه بس قلنا لها انك ماتحب احد يتاخر عليك
خالد بارتياح: حسبي الله ع ابليسك طيحتي قلبي من مكانه بحاول اني مكلمها ، أي صدق ماحب أي احد يتاخر علي وهذا اخوك ياسر تاخر
لمياء : الله يهديك بس
خالد : امين اجمعين
مي تعطيه نظره انك مالك دخل فيني ، خالد بعد كلام لمياء طنشها، بضيقه بهمس ل في: والله انه اخوك وقح و قليل ادب
في: ي مي قصري الشر وصيري انتي عاقله واحسن منه تراه يسوي لنا فضيحة هنا تعرفين انتي خالد مايعرف امه من ابوه اذا عصب
مي :انزين بركب انتي اركبي وراه وانا بركب من الباب ثاني
في : خلاص صار المهم تركبين معنا
بفعل في ركبت وراء خالد ومي ركبت وراء ياسر ولمياء في نص بينهم
خالد جن جنونه ليه تركب وراء ياسر يحاول يضبط اعصابه
......................................
ياسر : يالله يمه انا إستاذن منك الحين تلقين خالد معصب اني تاخرت عليه والله ودي اجلس معك اكثر بعد انتي وراك نومه، ياليت ي جدتي تجين تنامين عندنا أسبوع على مايرجع فهد
ام عبدالرحمن : خالد كل شيء يعصب عليه الله يهديه وانت لاتحاول فيني ابوك قبلك حاول وأنا طلعه من بيتي مو طالعه فهمت
ياسر يضحك : خلاص ولايهمك بس حبيت تجين عندنا وإذا بغيتي شيء لايردك الاللسانك
ام عبدالرحمن : ماتقصر ياولدي الله يرزقك من حيث لاتتحسب
ياسر يوقف ويوبس راسها: امين ياالله اخليك بحفظ الرحمن ورعايته
ام عبدالرحمن : الله يحفظك روح لاتتاخر ع اخوك لايشب حريقه الحين علينا
ياسر :هههههه أي والله تلقينه معصب الحين والله الجلسه معك ماتنمل بس تعرفين وراي دوام
ام عبدالرحمن: الله يوفقكم
ياسر : امين ،يالله قفلوا الأبواب عليكم أي جدتي اذا بغيتي أي شيء دقي علي حتى لو نايم اجي لك
ام عبدالرحمن : تسلم جعلك ان شاءالله تخدمك عيالك
ياسر : امين ،مع السلامه
ام عبدالرحمن : الله يسلمك ،
.................……………………
ياسر بسرعه طلع من بيت جدته ركب السياره :عسى بس متأخرت
خالد بحده: لا كان نمت احسن لك
مي( حتى اخوه ماسلم من لسانه صراحه وقح وقليل ادب )
ياسر يضحككك: ترى جدتي تقول لك وش حقه تعصب ترى مال امه داعي روق روق
خالد يحرك السيارة:ان شاءالله أحاول اروق علشان جدتي والله اني بغيت امشي واخليك
ياسر يضحك : عادي كان خليتني انام عند جدتي وأصحى الصباح وادق ع خويي ويجي ياخذني مومتعطل عليك
خالد بقهر:اخ بس ركب سيارتي ولا بعد ياليتك تشكرني لاوتقول ماتعطل عليك كثر منها أصلا انت تحتاجني
ياسريضحككك ويسلك له:صح عليك انا احتاجك من هو مايحتاج لأ اخوه
خالد عرف انه يسلك له بس سكت مايبغى يجادل اخوه اكثر من كذا لازم يحترم اخوه حتى لو يمزح معه لازم الاحترام بينهم بعده ساد الصمت في السياره
**********************************************
ام عبدالرحمن تنادي رحيمه: رحيمه وينك
رحيمه جات بسرعه : نعم ماما شنو يبقى
ام عبدالرحمن : سكري كل الأبواب لاتخلينها مفتوحه وقفليها
رحميه : ان شاءالله ماما
ام عبدالرحمن /سكري كل الأبواب وقفليها
رحميه /جين ماما
أم عبدالرحمن توها بتقوم الا تلفون يرن / ياحافظ من يتصل في هالوقت ترد ع متصل /الووو
فهد بلهفه وإشتياق لجدته/السلام عليكم ورحمة الله وبركاته شلونك عساك تمام
ام عبدالرحمن استغربت من هو ذي اللي يسال عن احوالي/ وعليكم السلام ورحمة الله وبركاته من معي
يبتسم فهد / افا بس معرفتيني خلاص زعلت عليك
ام عبدالرحمن تبكي/فهد ولدي وشلونك عساك تمام
فهد تضايق من بكاء جدته/لايمه تكفين كلش ولادموعك امسحيها علشاني ترى دموعك تحرق قلبي
ام عبدالرحمن /بسم الله ع قلبك ي الغالي ان شاءالله ياوليدي بس وش اسوي من شوقي لك
فهد/تشتاق لك الجنه ان شاءالله هانت يمه راح الكثير وماباقي الا القليل
وتشوفيني منهدس اد الدنيا ع قول اخوانا المصريين
أم عبدالرحمن تضحكك /ان شاءالله اشوفك مهندس الله يعطيك ع قد نيتك بعد تتكلم مصري خلك ع سعودي احسن لك انا مافهم الا اللهجه السعوديه
فهد يبتسم /فديتك يمه أي الحين وش زينك مو قبل شوي
ام عبدالرحمن بخبث وهي تبتسم /يعني انا شينه في نظرك يالي ماتستحي تقول عن امك كذا
ضحكك فهد (والله ي فهد لويدري خالد انك ضحكت كان سجلك فيديو لانه فهد بارد نادر مايضحكك الا مع جدته ههههه)/ لا يمه لاتفهميني غلط بس ماحب اشوفك حزينه او ماتضايقة
ام عبدالرحمن تضحكك/ لا ي وليدي امزح معك
فهد ابتسم / ي زينك وي زين مزحك يمه
ام عبدالرحمن /الا بسالك كم باقي لك علشان ترجع تستقر في السعوديه
فهد /والله اشوف يمه بس مادري عنهم متى يعطوني الشهاد(باقي أسبوع ويرجع بس حب يسويها مفأجاه لجدته )
ام عبدالرحمن /الله يوفقك ويسهل عليك دربك وين ماتكون والله البيت من دونك موحش
فهد /امين ان شاءالله راح ارجع قريب وتفرحين فيني
ام عبدالرحمن/امين واشوفك عريس يارب
فهد بضيقه وبرود /ان شاءالله ي الله اخليك الحين بس حبيت اطمن عليك وسلمي عليهم كلهم فمان الله
ام عبدالرحمن/ان شاءالله يوصل فمان الكريم مع السلامه
فهد /الله يسلمك
ام عبدالرحمن بعد ماسكرت التلفون من فهد(أي هين ي فهد بس تتهرب علشان ماتتزوج انا وراك وراك الله يهديك بس طالع ع ولد خالك خالد(
ام عبدالرحمن وهي تقوم علشان تصلي الوتر وتنام تنادي رحيمه/رحيمه وينك
رحيمه/ يس ماما
ام عبدالرحمن/سكرتي الأبواب
رحيمه/ايوا ماما
ام عبدالرحمن /يالله خليني أروح أصلي وأنام
رحميه/جين ماما
ام عبدالرحمن راحت تتوضى وتصلي ورحيمه راحت تنام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،
*
*
*
*
في بيت أبو ياسر بعد يوم من زيارة لجدتهم جالسين يتقهون بعد الغداء
في الصاله ام ياسر وبو ياسر وفي ولمياء ام ياسر /ي بنات وش اخبار جدتكم عساها طيبه ان شاءالله
في بنبره شريره /أي يمه هي طيبه ان شاءالله بس هي تشره عليك وتقول الكل يروح لها الا انتي وتقول بعد اكيد ماتبغاني شتبغى فيني
ام ياسر بضيقة/صدق قالت هالكلام الله يستر أكيد متضايقه مني
ابوياسر يبتسم فاهم بنته عدل انها تعلب على أمها
لمياء تضحكك وتهاوش/في وش هالكلام .لايمه انتي ماتعرفين في وش كثر تبالغ
ام ياسر بحده وهي تهاوش في/انتي متى بتعقلين ها الله يقطع شيطانك من بنت دومك مروعتيني ماتحترمين احد كلش ،بس بعد معك حق انا مقصره في حق امي نوره قريب بروح لها
في باسف/اسفه يمه ماراح اعيدها مره ثانيه ،وبمزحه يمه تكفين لا تدعين ع شيطاني مسكين ماسوى شي هو
كلهم يضحكون ع في /هههههههههههههههههههه
في عصبت وقفت /وش فيكم تضحكون ماقلت شي يضحكك ان تكلمت جد قلتوا وش فيها جديه ماعندها مزح وان مزحت قلتوا مرجوجه وشوفوا لكم حل وسط بروح غرفتي ابرك لي من مقابل وجيهكم
أبو ياسر هو يصرخ على في / بنت من تقصدين بكلامك ها
في بضيقة/السموحه يبه ويمه انا قصد المهرجين ياسر ولمياء وين خلودي بس هو اللي يدافع عني بس
في هاللحظه يقطع حوارهم رنين التلفون وفي هي اللي كانت اقرب له رفعت السماعه /الو
فهد/السلام عليكم
في بإستغرب من هو ذه/ وعليكم السلام
فهد /من معي
في بعصبيه خفيفه/ موانت اللي متصل مفروض انا اسال مو انت
فهد ببرود عرف انها في/هذي انتي ماراح تغيري اسلوبك مفروض تكلمين المتصل باحترام مو قلت ادب المهم روحي نادي خالد ضروي ابغاه
في بحده ودها تصرخ/من انت علشان أغير سلوبي معك ماراح انادي احد فاهم عندك جواله دق عليه
في هاللحظه في سكرت التلفون ع وجههه / صدق ناس فاضيه ماعندها احترام
فهد كان اعصابه بارده صارت حريقهه تولع في اللي حولينه هين يا ست في ان ماعلمتك من هو فهد وخليتك تمشين ع الصراط المستقيم ماأكون انا فهد
أبو ياسر/من هو اللي على التلفون
في مومهتمه/ مادري واحد غلطان (استغفرالله والله عارفه من هو بس مابغى أقول والله اني يذبحني ابوي علشان واحد اسمه فهد)
ام ياسر ماعجبها تصرف بنتها/بس انتي طولتي معه فــ لكلام مو المفروض تختصرين وتسكرين مو تسولفين معه
في بضيقه ان امهاهاوشتها/وش اسوي اذا كان دلخ عن اذنكم بروح غرفتي
الكل/اذنك معك
في راحت غرفتها وفي هاللحظه ياسر جاته رساله من الواتس جلس يقراها تضايق من اخته في / عن اذنكم انا بعد بروح اريح لي شوي
الكل /اذنك معك
ياسر طلع فوق ويمشي بخطوات واسعه متجه لغرفة في طق الباب
في /من
ياسر /انا ياسر
في /تفضل ياسر امر
ياسر يفتح الباب /في ممكن تجين في الصاله اللي هنا ابغاك شوي
في اول مره اخوها يكلمها بجديه وبعد يبغاها هي وش السالفه الله يستر/طيب انت رح وانا بجي وراك
ياسر /طيب انا بنتظرك،ياسر جلس ع الكنبه ينتظر في عيونه مركزه ع شاشة الجوال
في طلعت من غرفتها متوجههاالصاله /هلا ياسر امرني
ياسر /مايامر عليك عدو
في/صراحة خوفتني فيه شيء
ياسر يلعب باعصابها يحب يشوفها معصبه /لا ولاشيء بس فيه واحد متقدم لك وعطيته الموافقه
في بصدمه /وش تقول انت مجنون موعليك كيفك وتصرخ عليه كيف تسوي كذا مالي شغل فيك روح قول له ماعندنا بنت تتزوج هونت كيفك تصرف فاهم
ياسر ماقدر يمسك نفسه اكثر مات ضحكك هههههههههههههههههه في هدي ترى امزح معك مافيه احد خطبك ولاشيء كل السالفة مزح والله انك فله وانتي معصبه للأسف ماصورتك علشان اوري امي ولمياء وخالد ههههههههه
في والدموع في عيونها/ تصدق انك سخيف ومقلبك مايضحك تدري ولا ماتدري
ياسر يبتسم /هذا بعض ماعندك شفتي كيف لما تسوين مقلب في احد ينزعج جربتي الشعور الحين, المهم مو هذا موضوعنا اللي ابغى أكلمك فيه بس حبيت اعصبك شوي ارتاحي لاتخافين ماراح نزوجك غصب عنك اكيد برضاك
في ارتاحت ملامح وجههها /اوف الحمدلله احسب بعد ترى موناقصه انا تجي انت تكمل علي كافي جدتي
ياسر/ايوا وصلت اللي ابغاه
في بإستغراب/ شنو اللي تبغاه مني لاتلعب بإعصابي اكثر من كذا
ياسر/لا تخافين ،بس بغيت اسالك من هو اللي اتصل وسكرتي تلفون في وجهه من شوي هو قالك عطيني خالد
في بصدمه استغربت تكلم نفسها/(ساحر انت كيف عرفت)
ياسر /في وين رحتي مو هو قالك عطيني خالد ليه تسكرين في وجهه كان المفروض تنادينه او تعطيني إياه او تقولين له انه نايم بسيطة ترى انتي اللي طولتي السالفه
في بعصبيه خفيفه/معك مارحت ولامكان،بس هو ماعنده أسلوب علشان كذا سكرت التلفون في وجههه ويستاهل بعد
ياسر عصب اول مره تشوفه كذا/في لاتجننيني المفروض رديتي بإدب مو ترفعين صوتك عليه حتى لوكان نعرف ترى هو رجال اولبنت ماترفع صوتها ع رجال مايحل لها مره ثانيه اذ رديتي ع التلفون يإنك تردين عدل او ماله داعي انك تردين واكيد الحين بيقول ماعرفت امي تربيك عدل عطيتيه عنك فكره غلط
فــي عيونها مغرقه بالدموع/أصلا انت ماتعرف الرجال علشان تهاوشني علشانه
ياسر /أي اعرف وانتي تعرفينه ولاتستهبيلن تقولين ماتدري انا حاس انك قاصده تسكرين في وجهه وأزيدك من الشعر بيت هو راح يصير زوجك في المستقبل
في تضايقت وعرفت انه يقصد فهد /أصلاً مستحيل اتزوج فهد راح أحاول قد ماأقدر ماتتم الملكه لو ان شاءالله أسوي حالي مريضة ماراح اخذه
ياسر /ليش ان شاءالله وش فيه فهد رجال مصلي ويخاف الله مو ناقصه شيءعلشان ترفضينه
في/ادري انه رجال ماشاءالله عليه بس انا مابغاه الله يوفقه مع غيري
ياسر /في مو على كيفك تقررين فاهمه هذا زواج مو لعبه بيدك
في /تبغى تغصبني ع شيء ماأبغاه مثل ماغصبت لمياء ع ناصر
ياسر جاء بيتكلم
في قاطعت /لاتتكلم ولاتبرر لنفسك أصلا انت اللي غصبتها وبعتها برخيص على ناصر ماحست بنفسها الا كـــف ع وجهههه
ياسر (يالله انا وش سويت بدال ماكحلها عميتها)جلس يناظرها
في /مشكور ماتقصر ياخوي عرفت غلاي عندك كله علشان اللي مايتسمى فهد
طلعت جري من الصاله راحت غرفتها رمت حالها ع السرير تبكي ليش يا ياسر تسوي فيني كذا علشان واحد مثل فهد تراه مايستاهل انكم تدافعون عنه هو مايبغاني جلست تفكر ودموعها ع خدها اللي ماحست بنفسها الا وهي نايمه
في الصاله
ياسر يلوم نفسه انه مامسك اعصابه اكثر من كذا (انا وش سويتأ كيد الحين تكرهني بس هي خلتني امد يدي عليها ليش مايفهمون اني مابعت لمياء ع خويي حاولت فيها اقنعها انها ترفض ناصر بس هي تمسكت فيه اكيد بتقولون كيف يقول عن صاحبه كذا صاحبي طيب وخلوق ومطيع وفي حاله بس المشكلة انه مايرفض رأي لـ ابوه ابداً هذ السبب الرئيسى اللي دمار حياتهم اه ي لمياء الى الحين تكرهيني تقول انا ملوم في السالفه الله يهديك ي لمياء والحين جايين بسالفة في لازم اعتذر منها لالا هي اللي غلطانه تجي تعتذر لي )
.............................................
في بيت ابوعامر ساعة3:15
*
*
*
في غرفة عامر
عامر رجع من الدوم الساعه ال1ظهر ونام ووصى اخته منيرة تصحيه لصلاة العصر
منيره تدخل غرفة اخوها/عامر يالله قوم صل
عامر ع طول صحى ع صوت اخته منيره عامر بصوت ثقيل من النوم/نعم
منيره /يالله قوم صل قبل لاتقام الصلاه
عامر بكسل :زين بس كم الساعه الحين
منيرة وهي بتمشي بتطلع من غرفته/3:15 يالله انا بروح قوم زين
عامر /انزين روحي خلاص الحين بقوم باخذ لي شاور سريع بعدها بروح المسجد اصلي
منيره وهي تطلع /طيب
.................................................. .
عامر قام من السرير واخذ شاور صل العصر في المسجد بعد الصلاه شاف الاهل مجتمعين
عامرابتسم /مساء الخير ع جميع تصدقون هذي احسن شي يسعدني لما اشوفكم مجتمعين الله لايفرقنا
الجميع بصوت متفرقه/مساء النور
ام عامر /اللهم امين الله لايفرق عن بعض تكون دوم هالجمعه
بوعامر /اللهم امين
ام عامر ملاحظه شيء في ولدها متغير بس الى احسن وهي مبتسمه /ماشاءالله الوجه منور وش عندك اكيد عندك شيء انت مو خالي
عامر يبتسم/ان شاءالله كل خير راح تسمعون الخبر الجميل
منيره تطنز ع اخوها/من يشوف وجههك يقول خير أسكت بس
عامر يخزها بعينه خلاها تسكت/ ها يبه وش قلت في الموضوع اللي فتحته معك امس
ابوعامر يستهبل ع ولده/أي موضوع امس كثير مواضيع تكلمنا فيها ماأذكر وش تقصد
عامر/يبه أنا أتكلم جد
ابوعامر بجديه /ليه انا امزح معك أي صدق انا ماأتذكر أي موضوع كلمتني فيه ذكرني
عامر يبتسم/ قلت لك اني ابغى أتزوج
ابوعامريبتسم /أي انا حسبتك تمزح طلعت جاد ي ولد من هي سعيدة هالحظ
عامر /لا يبه ماامزح أتكلم جد وبابتسامه كبيره ع وجهه سعاد بنت عمي فهد
منيرة جلست تسمع لهم بصمت وهم يتكلمون كانّ اخوها بياخذ اميره ع هالفرحه تكلمت بحقد/مابغيت تأخذ الاسعاد ماعندك ذوق
أبو عامر ماعجبه كلام بنته/وش فيها سعاد ي منيره ليه شايفه عليها شيء تكلمي من الحين لانها بتصير زوجة اخوك
منيرة/لا والله ماشفت عليها شيء بس مابغى اخوي ياخذها بس
عامر/ انا ماشاورتك علشان تعطيني رايك انا باخذها ان شاءالله بعد موافقة امي وابوي
ام عامر/انا موافقه وين نلقى احسن من سعاد ادب وأخلاق ماشاءالله عليها الكل محترمها
ابوعامر/ ماشاءالله ونعم ماخترت
عامر بارتياح/الحمدلله اجل
ابوعامر بإستغراب/وش فيك ياولدي ليكون هونت
عامريعدل جلسته وبحذر ينقي كلامه/ مافيه الاكل خير لالالا موهونت ولاشيء انا مابغى الا هي ،بس حبيت اقولكم اني خطبتها من عمي قبل يومين
ابو عامر بصدمه من تصرفات ولده /اجل وش له جاي تقول لنا كان كملت مع عمك انا مالي داعي اجل
عامر بسرعه يجاوب ابوه ويقوم يبوسه ع راسه/يبه انت الخير والبركه انا من دونك ماأسوى شيء انا بس مهدت الموضوع لــ عمي قال لي جيب ابوك وامك خليهم يكملون باقي أمور الخطبه
ابوعامر/ ان شاءالله نروح لهم بكره الله يتمم ع خير
عامر بفرحه يبوس راس ابوه /الله يحفظك لنا يبه ولا يحرمنا منك الله ياطول بعمرك ع طاعته
ام عامر تمزح معه/الله يحفظه علشان يزوجك إياها افا بس افا
عامر/لايمه الله يحفظكم لنا مو علشان حاجة ولاشيء انتو نور البيت الله يحفظكم وفرحتي ماتكتمل الابوجودكم
ام عامر/الله يوفقك ي وليدي ويسعدك وين ماتروح ويكتب لك السعادة مع سعاد
عامرمن قلبه /امين أيه تكفين يمه كثري من هالدعوات ،وقف/ يالله انا استأذن
ام عامر /لاتوصي حريص انا ادعي لكم كل يوم ،اذنك معك
ام عامر بعد ماطلع عامر من الصاله تسأل ابوعامر/ي بوعامر انت تبغى ولدك يأخذ سعاد
أبو عامر مستغرب /ليه تسالين ليكون ماتبغينه ياخذها
ام عامر/بس اسال أشوفك راضي ولا ،لا اكيد بكون راضيه علشان ولدي
بوعامر/شوفي سواءٍ انا قلت أي او لا بياخذها يعني بياخذها انتي ماشفتي فرحته يوم وافقنا فأحسن نوافق عليها واصلآ وين يلقي احسن من سعاد اكررها اكثر من مره هذي بنت اخوي حبيبت عمها وانا ابغى سعاد لولدي فاهمه ي ام عامر
ام عامر/أي فاهمه ان شاءالله ،الله يتمم على خير
أبو عامر/عن اذنكم بروح اشوف شغلي
ام عامرومنيره/اذنك معك
بوعامر طلع من البيت متوجهه الى شغله
منيره تعدل جلستها/يمه من صدقكم تبغون سعاد لـ عامر يمه ليه ماقلتي
لا ،هذي ماتناسب اخوي
ام عامر/شوفي انا احبها سعاد يمكن مافكرت اخذهاالولدي بس اذا كان ولدي يحبها ويبغاها لازم ادور سعادته وليه أسوي حالي لا ياوليدي لاتاخذها وانا مابغاها لك ترى موحلوه اني أكون سبب في تعاست ولدي الله يوفقه ويسعده وانتي بعد ماتدرين يمكن محمد يخطبك ،ياويلك ان ضايقتيها بالكلام احترميها علشان اخوكك
منيرة ابتسمت لان أمها جابت طاري محمد بس/صح كلامك يمه خلاص راح احترمها علشانك بس بعد وش تبغين اكثر من كذا
ام عامر / ابغى اشوفك سعيده يابنتي الله يوفقك ويسعدك انتي واخوك
منيرة تحضن أمها/ انا أحبك يااحلى ام في الدنيا مومهم أكون سعيده اهم شيء رضاك يالغاليه تبوس راس أمها
ام عامر تبتسم لــ بنتها وهي تبتعد عن حضن بنتها تقوم / الله يرضى عليك ي بنتي ،ي الله انا بروح اشوف جارتنا ام عبدالله اذ جاء ابوك قولي له اني رحت ازور جارتي
منيره/ان شاءالله
طلعت ام عامر تركت بنتها مع أحلامها الورديه تفكر في محمد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،
في بيت أبو محمد بعد يومين
مجتميعن ع طاولة الطعام ع الغداء سعاد محمد وفرح ام محمد ابومحمد
سعاد لها يومين حارمه نفسها من الاكل جالسه تأكل بنفس شهيه
ام محمد / سعاد يابنتي بشويش مارح يطير الاكل
سعاد وفي فمها لقمه /ان شاءالله يمه
ابومحمد /خليها ع كيفها
سعاد ماردت على ابوها زعلانه منه لانه غصبها ع عامر
فرح /يمه الحين عمر ماقال بيجي اليوم وش عنده ماجاء
ام محمد /الا قال بس اتصل من شوي قال بكره بيجي
سعاد تصرخ/ليه يارب الحين انا جالسه انتظره يقولي بكره اف منه
ابومحمد بحده /وش له هالصراخ صمخان حنا من نسمع علشان تصرخين
سعاد سكتت بعد كلام ابوها
محمد /يبه
ابومحمد /نعم وش بغيت
محمد يناظر سعاد /ترى عامر قال لي اليوم انه الملف خلص منه يقول اسأل عمي يبغى اليوم بجيبه له
سعاد عطته نظره مو مهتمه
ابومحمد /أي ابغاه هذا الملف مهم خله يمرني المكتب اليوم
محمد /خلاص صار بقول له
ابومحمد /ذكرتني الله يذكرك بالشهاده
محمد /امين وش هو اللي ذكرتك فيه ان شاءالله خير
ابومحمد / كل خير ان شاءالله اسمعوا ترى اخوي كلمني يبغى سعاد لولده خلاص جهزوا أنفسكم علشان نحدد موعد الملكه وعلشان تسوون التحاليل بعد طلع البطاقه من جيبه وهذا مهر سعاد يمد يده يابنتي خذي البطاقه ترى فيها80 الف
سعاد تقوم :الحمدلله انسدت نفسي بعد هالكلام الاي قلتوه عن اذنكم وطنشت يد ابوها المدوده توها بتروح فوق الا ابوها وقفها
ابومحمد بعصبيه غير معهوده منه /
كـــــــــــــــــــت
بقلم :
هايدي فتاة صحراء

*،




آنتقاء مميز .. مَ ننحرم من جديدك

يعطيك العافية

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

يعطيك الف الف عافيه
موضوع رااائع وجهود أروع
ننتظر مزيدكم بشوووق

يااملا العااافيه

ابداااع وتميز لله درك ما أجملك
سلمت يابعد حيي

شكرا لك وتقديري لسموووك

سلمت أنــآآملكـ ع الطرح الرائع.........

حضوركي شرف لي
نورتي عزيزتي
أول أطيافي

حضوركي شرف لي
نورتي عزيزتي
الجود العنزي

حضوركي شرف لي
نورتي عزيزتي
الجود العنزي