رواية/انا بطبعي الوفاء بس في الحب خواندج

السلام عليكم وش اخباركم وحشوتني بالحيل اول شيء جبت لكم رواية طبعنا ان الكاتبة هي ان وعوذ بالله من كلمة انا الثاني شيء كنت خايفة انزل الرواية بس قلت ي بنت تشجعي ونزليها تخيلوا كتبتها من سبع سنوات وهي حبيسة الادراج كتب 15 البارت وان شاء الله أكمل الباقي معكم طبعنا بتشجيعكم هو اللي يحمسني اكتب وان شاء الله تعجبكم وتليق بمستواكم روايتي فيها من الواقع والخيال لا تلهيكم الرواية عن الصلاة ولأشغالكم متى ما كنتم فاضين ادخلوا وقرواها نبدأ بسم الله عنوان رواية هو انا بطبعي الوفاء بس في الحب خوان البارت الأول ساعة تاسعه صباحا كانت على سرير تتذكر ذكريات الخيانة المرة اللي مرت عليها شهرين الدموع ع خدها كانت سرحانه ’ ما حست ان أمها دخلت الغرفة قالت لها : يا بنتي حرام عليك اللي تسوينه في نفسك رحمي حالك اشوي شوفيه عايش حياته ولأفكر فيك وأنت ي معذبه حالك علشانه يا لله يا بنتي انزلي افطري لك لقمة على الأقل واخوانك تحت وابوك ينتظرك قالت : ان شاء الله يا يمه بنزل واسمع كلامك بس بغير ملابسي وأغسل وجهي وانزل لكم تحت راحت تأخذ شاور أمها نزلت تحت وهي تقول (الله يعينك يا بنتي الي صار موسهل ) راحت غرفة الطعام والكل قام يطالعها يتسألون بتنزل قالت أم ياسر: وش فيكم تطالعوني كذا أبو ياسر : ها يا أم ياسر بتنزل لمياء أم ياسر: أي بتنزل لو تشوف حالتها كان بتبكي عليها قطعت قلبي من البكاء أبو ياسر: الله يسامح من كان السبب في بتغير الموضوع: يالله بأكل انا ميتة جوع ياسر: انتي بس همك بطنك في بقهر: انت وش دخلك أم ياسر: وانتو وش كبركم وتتهاوشون في: هو اللي بدء والبادي أظلم لمياء ء تدخل غرفة الطعام’ ياسر جلس يناظر في الباب وكلهم التفتوا العيون تحكي ما يجول في الخاطر ياسر ولمياء ’(( لمياء عطت ياسر نظره كنها تقول له اللي انا فيه انت سببه)9 ’ ياسر بحزن ع هالنظرة ويقول ((لأخته لية يا ختي ليه)) لمياء (بدون ما تسأل)) لمياء: السلام عليكم الكل : وعليكم السلام ’ قال أبو ياسر : تعالي يابنتي جلسي جنبي لمياء: ان شاء الله يبه ’ جلست جنب ابوها قالت في: لنا الله كل الدلع للمياء وانا بنت البطة السودة ام ياسر بعصبيه: انا بطة سوده أن ماسكتي يافي بقوم عليك اللحين في: اسفة يمه ما قصد بس مثل ينقال والله ما دري ان كانه مثل ههههه ياسر يرد عليها: وانتي وش حارق دممك في بقهر كلهم عليها: انت بالذات اسكت عينتك محامي لها ياسر يقهره اكثرر: اذا ماصرت محامي للمياء اجل من له اصير ام ياسر بعصبيه: خلاص صدعتوا روسنا بسوالفكم ياسر يبوس راس امه : اسف يمه اذ عصبتك بهمس علشان ما تسمع كل من في هههه ام ياسر: خلاص سمحتك وبهمس بس انت طنشها لا تعطيها وجهه في بقهر: ترى سمعت بس بطنش موب رايقة لك ’ ياسر يحرك حواجبه علشان يقهر في ’ بس في موب معطته وجهه لمياء جالسه معهم بس في عالم ثاني عن عالمهم جالسه تحرك الاكل بالملعقة أبو ياسر : يابنتي اكلي شوفي جسمك ضعفان ’ الكل التلفت الى لمياء لمياء: يبه هذا انا جالسه اكل ام ياسر: ترى موزين لك اللي جالسه تسوينه في نفسك لمياء: الحمدلله شبعت في توجهه الكلام للمياء: انا بروح الجامعة تروحين معي نغير جو لمياء: لا مالي خلق اروح في تترجاها: يالله الله يخليك البنات يبغون يشوفونك من كثر ما تكلم عنك خاصة نوف أم ياسر: روحي يابنتي يمكن ترتاح نفسيتك انتي كله حابسه نفسك روحي شوفي العالم وش صار فيهم توه بتتكلم لمياء لا أبو ياسر قاطع كلامها بأمر: يالله يأبوك روحي مع اختك وانت يا ياسر وصلهم وتعال لي الشركة قبل ما تروح شغلك لمياء ما ترفض لأبوها أي طلب: ان شاء الله يبه بروح ياسر: ان شاء الله يبه أبو ياسر : الحمدلله ’وقام من السفره : يالله مـــــع السلامه الكل: الله يسلمك ياسرقام : يالله يابنات انا استناكم في السياره في ولمياء: ان شاءالله ياسر ابتسم للمياء. لمياء طنشت ياسر في تلبس عبايتها: ليه سويتي كذا في ياسر لمياء: ذنبه انه ناصر صديقه ياسر كان واقف يسمع كلامها يتنهد وضيقه ع كلامها وطلع في : الحكي معك ضايع لمياء طنشت كلام في وصعدت فوق تجيب العباية حقتها نزلت وهي تلبسها في ولمياء: يالله يمه بنروح مع السلامه ام ياسر : الله يحفظكم ويهديك يالمياء في السيارة الله يسامحك ياناصر بسببك خسرت اختي قطع سرحانه صرخت في: انا بركب قدام وانتي اركبي وراء مو كل يوم يوصلني ياسر لمياء: ما هو مشكله ركبي وفكيني من صراخك اعوذ بالله وش هالصوت عليك ياسر(لهالدرجه ما تطيق تركب جنبي مو مشكله بعدين لي جلسه معك) في : وقولي ماشاء لله لا يروح صوتي عاد اتخيل نفسي في صامته ما يصير ما يصير ياسر ولمياء يضحكون عليها هههههههههههههههههههههههههههههههه لمياء: ما شاء الله أخاف يصير فيك شيء وتحطينه في راسي اعرفك في : انا في موب حيا الله ’ يالحبيب وين سرحان وقولي من تفكر فيه اكيد مايبغى لها كلام اكيد تفكر في اختك في المزيونة ياسر: واثقة الأخت انتي اخر وحدة افكر فيها تبغين عقلي يوقف في: أصلا يحصلك وحدة مثلي ياسر: من هي اللي داعيه لها أمها علشان تأخذني في تقهر: الا داعيه عليها ’ ياسر يضحك ع في وهي تحاول تقهره: ههههههههههههههههههههههههههههه لمياء تفكر بكلام جواهر ليش تخاصمين ياسر ماله ذنب بس ذنبه انه صديقه تقومي تخاصمينه لمياء طفشت منهم: خـــــــــــــلاص اكرموني بسكوتكم طول اليوم تتشاجرون ياسر: ان شاء الله تامر امر الأميرة لمياء(كل اذ علشان يقهر في) في : أي كل الكلام الحلو للمياء ’وبتمثل وانا الكلام شين لي تسوي حالها تبكي اهي اهي اهي ولمياء وياسر يضحكون عليها ههههههههههههههههههههههههههههههههه ياسر : انتي صيري ربع لمياء واقولك كلام الحلو مو بس الحلو الا اجيب لك هديه بعد في : الله الغني عنك وعن كلامك وهداياك ما حد فاهمني غير خالد اه وينك ياخوي ياسر يضحك: هههههه خلي خالد ينفعك يوديك ويجيبك وانا ماراح اوديك ولا اجيبك زين لمياء تضحك: خههخخخخخخ يالله وصلنا عاد دوري احد يرجعك اما انا ضامنه ارجع ياسر: صح انا برجع لمياء وانتي خلي خالد يرجعك خخخخخ في: اذ جات ساعه 11 واتصلت عليك ذاك الوقت يصير خير ياسر : يالله انزلوا وانتي يافي انتظر اتصالك هههه في : نشوف ’ في ولمياء : يالله مــــــــــــع سلامه ياسر: فامان الله في الجامعة جالسين في الكافتيريا ينتظرون في تأخرت عليهم نوف: وش فيها في ادق ع جوالها ما ترد جمان بهدوء: الغايب عذره معه مها: انا بروح عند البوابة أشوف كان وصلت ولا لا جمان ونوف بصوت واحد: روحي حنا ننتظرك وكل وحده جالسه ولهت بجوالها عند البوابة في : يالله حر حر الشرقية مرره مرتفعة درجة حرارتها يالله يالمياء خلينا ندخل داخل الجامعة بمووت من الحر توها بتدخل في لمياء : في ’ في : هلا ’ لمياء : شكلي مرتب (لمياء كانت لابسه تنوره سوده وبلوزه مشجره نص كم ) في: الا قولي اليوم بتنخطبين لمياء بعصبيه: إذا سمعتك مرة ثانيه تقولين هالكلام ماتلومين الا نفسك في بتنهيده: خلاص خلاص سحبناها من كلمه يمه ماينقال لك شيء تعصبي ع طول ما صدق النعومه كلها تختفي اذ عصبتي لمياء : بنات ما يجون الا بالعين الحمراء في تضحك: ههههخخخخ مها تقطع كلام في ولمياء وتنادي ع في: في في في: نعم هلا مهوي مها : هلا وسهلا تو ما نورت الجامعة وش عندك غايبه ياالظالمه ثلاث أيام في: شفت نفسي تعبانة ومحتاجه ارتاح قلت يابنت كملي غيابك بالنوم مها: لا والله حلفي بس ’ مها باستغراب من البنت الواقفه جنب في: من اللي معك في بابتسامه عريضة: هذي اختي لمياء مها😊:وأخيرا شفناك يالمياء من كثر ماتحكي عنك اختك تمنينا نشوفك نورت الجامعة لمياء بنعومة: الجامعة منوره باهلها مها : والله انك قمر تهبلي ماشاءالله عليك لمياء : تسلمين يالغلا هذا من ذوقك في تقاطع كلامهم: اختي في الله أين نوفه وجمان’ مها: الأخت قلبت بالفصحة العربية نوف وجمان ينتظرونا في الكافيتريا في : والله لي الشرف اتعلم الفصحى مفروض حافظينها اب عن جد مها : المفروض ’ في ولمياء : خلينا نروح لهم مها: يالله (يالله كيف ناصر فرط بهالدره ان شاءالله الله يعوضها احسن منه) ’ وصلوا الكافتيريا جمان: نوف شوفي وصلت في ومها ومعهم وحدة نوف بصراخ : لميــــــــــــــاء واخير جيتي يالحلوه لمياء بضحكة: هلا نوف وش اخبارك لا كيف عرفتي انه انا لمياء نوف : الحمدلله يوم شفتك صرت بخير مجرد إحساس قال لي انك لمياء وش اخبارك عسا زانت ايامك لمياء: تسلمين يالغلا الحمدلله بحزن :الحمدلله ع كل حال في تسوي حالها تبكي :اهي اهي لا اليوم انا الكل سحب علي وانا صفر في شمال اهي اهي جمان تسلم ع في: ما عاش من ينساك ’لفت لمياء هلا لمياء شلونك واخبارك لمياء : الحمدلله تمام’’ نوف وجمان بعصبيه مصطنعه: وش عندك ياست في ع الغياب لا ياليت يوم الاثلاث أيام يالخاينه في تسوي حالها زعلانه ماترد عليهم مطنشتهم: نوف: يالله يافيونه الحلوه كله ولازعلك جمان : صح كلام نوف حنا مانقدر ع زعلك صح مها ’مها سرحانه في عالم ثاني تجاوب ع سؤال جمان وهي تسلك: صح صح ’ في: توكم تفكرون فيني من شفتوا اختي سحبتوا علي ’’ بعصبيه’’ وانتي ياست نوف لاتقولين اسمي مرة ثانيه كذا فاهمه ماتلومين الانفسك زين انتي ياست مها وش عندك سرحانه واللي مأخذ عقلك يتهنى به نوف: يمه كلتيني بقشوري خلاص مارح نقول اسمك كذا وبهمس أي معليه بناديك كذا وكيفي مها بصراحة: محد خذ عقلي بس افكر كيف ناصر طلق اختك وهي ماشاءالله عليها جميله وادب واخلاق والله وسؤال حيرني مرة الكل انصدم من الكلام اللي قالته مها نوف تعطي مها نظره (يعني شوفي وش سويتي بالمياء ) لمياء تغير وجهها 180 درجه قامت: عن اذنكم بروح الحمام (وانتو بكرامه) في بعصبيه خفيفة: وش سويتي يامها هي بالموت طلعت من البيت انا جبتها هنا تغير جو وانتي الله يهديك تروحين تسالينها هالسؤال تلقينها متضايقة يمكن بعد تبغى تروح البيت جمان : انا بروح اشوفها واهديها لا ان شاء الله ما تروح بيتكم في: خلاص روحي لها انتي وتكفين انصحيها مها بعتذار : ماكان قصدي اضايقها في : ادري انك تتمنين لها الخير بس هي متضايقة من سالفة ولا بعد مسكره عليها الغرفة ماتنزل تحت الاعلشان امي وابوي تخيلي تجلس معنا بجسد بس بدون روح تعرفين الخيانة مُره والطلاق امر منه مها بأسف ع حال لمياء : الله يعينها ويعوضها نوف وفي: امــــــــــــــــين في الشركه ابوياسر اسمع يازياد الغي كل المواعيد حتى لو فيه اجتماع الغيه ولاتخلي احد يدخل علي واي مكالمة لاتحولها علي وإذا جاء ياسر دخله ع طول زياد: سم طال عمرك ’تامر بشي ثاني ابوياسر: لا رح مكتبك ولأتنسى دخل ياسر ع طول زياد: ان شاءالله ’’ طلع زياد وسكر الباب معه ابوياسروهو يفكر ((الله يعين لوتدري لمياء انها اليوم جاها عريس وش راح تسوي لمياء راح ترفض زي كل مره اللي صار لك موسهل الله يسامحك ياناصر عطيناك وردة ورديتها لنا ذبلانه بس أتمنى اعرف سبب اللي خلاك تسوي كذا)) ياسر دخل مكتب ابوه يناديه : يبه يبه يبه ابوياسر انتبه ان ياسر يناديه: هلا والله وانت من متى وانت هنا ياسر : من طلع زياد ’ ياسر بخبث: قول يبه من تفكر فيه غير امي لايكون جايبني هنا علشان تقنعني اوافق تتزوج على امي ترى من الحين أقول لك انا مع امي لاتحاول تقنعني انا رافض وبشده بروح أقول لها انك تخون فيها ابوياسريضحك: ههههههههى اه ينذل توقف مع امك ضد ابوك وإذا بفكر اتزوج مافكرت فيك أصلا بس امك مافي مثلها ’ تكذب الكذبة وتصدقهها ههه ما فكر الا فيكم وخاصه لمياء وش راح يصير فيكم من بعدي اذا مت ياسر : ياسلام الوالد عاشق امي فديتك يبه الله يحفظكم لبعض بسم الله عليك الله يطول عمرك بطاعته يارب ابوياسروهويوقف يناظر النافذه معطي ياسر ظهره : الموت حق علينا كلنا ياسر حس بضيقة من كلام ابوه كأنه بيودع خاف وغير الموضوع: الا يبه وش بغيت مني انت ما تقول تعال في المكتب الا في موضوع كبير ابوياسر يحك لحيته: وانا ابوك اليوم كلمني بوسعد يبغى اختك لمياء حق ولده سعد والله هو قالي يبغى يناسبنا حتى طلب في بس قلت له محجوزة لولد عمتها قال خلاص ابغى الكبيره قلت ابشر ان شاءالله أن كان لك نصيب تأخذه انت وش رايك في الموضوع ياسر بضيقة: يبه انت عارف راي لمياء بهذا الموضوع وهي ماتجاوزت الصدمه الى الحين وانت عارف بعد ان لمياء للحين متعلقه في ناصر الى الحين انت ماشفت نظراتها لي اليوم الصبح كأنها تقولي يا ياسر اللي صارلي منك انت ابوياسر يتنهد: انا عارف كل اللي قللته بس موكل مرة برفض علشانها ولا كل مرة راح يجيها خاطب علشان ارفض سعد خوش رجال وان شاءالله راح يصونها والكل يمدح فيه ويصلي وبار بأمه وبوه ياسر: انا أفضل انك ماتقول لها وترفض من الحين مادامك استشرتني هذا رائي ايوياسر بصرامه يلتفت الى ياسر : الا بقول لها واشوف وش تقول وبعد بغصبها عليه اذ رفضت ياسر بضيقة يتنهد ووقف : اللي تشوفه يبه سووه بس انا قلت رائي وانت ادرى أبو ياسر: هذا في مصلحتها الأعلى وين اشوفك قمت ياسر يبوس راس ابوه: بروح الدوام تأخرت ابوياسر: اليوم بتاخر ع الغداء’ ياسر :يمكن اترخص من العمل علشان اخذ اختي لمياء وتغداء معكم ورجع العمل مرة ثاني ابوياسر: الله يحفظك وين ماتروح ياسر: امين يالله اخليك السلام عليكم طلع ياسر من مكتب ابوه ابوياسر : الله يسلمك من كل شر كــــــــــــــــــــــــــــــــــت انتهى البارت الأول : وش رايكم اكمل ولا أوقف الكتابه عطوني رأيكم بكل صراحة وأتقبل النقد برحابة صدر بس ما يكون جارح

اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد.

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

’..
آختيَآرَ جَميلَ جِدآ
سَلمتِ علىَ هذهِ الآطَروحهَ الآنيقَهَ
وَسَلِمتَ يُمنَآك المُخمليِهَ لِ جلبهآ المُتميز
جَزيَلِ شُكِريَ لَروحكُ آلوَرد ..

تَحية طيبة ونقٌية
أقدمٌ لكـ بآقـة وردْ ومحبـة
ودوٍمآ أترٍقبٌ آلمَزٍيدْ من مواضيعكـ الراقية

شكرا على طرررح المووضووع
وعلى اختياااره
شي رووووووعه وذوووق
يعطيك العااافيه

حضوركي شرف لي
نورتي عزيزتي
ارتواء نبض

حضورك شرف لي
نورت أخي الكريم
مجنون قصايد

حضوركي شرف لي
نورتي عزيزتي
ملاك

حضوركي شرف لي
نورتي عزيزتي
أطلال