سجل حضورك في بيت من الشعر

الصبر كاس نشربه حتى اذا كان مر

أكيد مع الأيام يحلى مذاقه

بين السهر والنوم في مرقدي حرب
حرب على العينين محد خسرها
من ثورة الهوجاس في البعد والقرب
خلت عيون السلم يكثر سهرها
تبدا غياب الشمس لاميلت غرب
الين يطلع للعوالم سفرها


بوحي

لك القلب والنبض والعمر كله
وب هديك عمري وباقي امنياتي
ابيك تصون القلب في ترحله وحله
وترفق ب الروح وتسعدني بحياتي

ب \ ق \ غزلان

هذا المسا زود على القلب حيره
انطر وانا في هالمسا حيل حيران
حاير وشوقي هالمسا وش مصيره
بدرالدجى نوره على القلب مابان
اسأل نجوم الليل وتقول خيره
حنا نعوض غيبته وانت سهران
قلت القمر ماني معوض بغيره
والي فقد نور القمر حيل خسران
يالشاهدات اللامعات السهيره
خفوا علينا والقمر ماله اخوان
بوحي

لبيه ياصوت تغلغل بالاســماع
واخذ صداه بوسط الاسماع ساعه
صوت سكن راعيه من بين الاضلاع
واسدل على عرش المحبه شــراعه

الا يازاير عيون المسا والليل له جذاب
انا مثلك تراني اعشقه هالليل واحيا به
اسامر نجمة تسهرواحاتي غيبة الأحباب
اسلي خاطر يسهر حزين وفاقد احبابه

بوحي

يوم جتني من اقرب صاحبٍ تلتوي
كل شيء تحطم في عيوني وهان

مآ يهز آلصآدق ألآ نبض وجعه
لآ عطى من كل قلبه و أنخذل ..

يامنادي بالمحبة لايجي فيها برود
كان حبه ياعظيم الشوق في قلبك سطا
وش يردك عن مواصلنا وتجديد العهود
كان لك شف وتبينا لاتردد بالعطا
المواصل للحبايب يجعل الألفة تزود
والقطاعة والتغلي بينهم اكبرخطا
الحبايب للحبايب في مواصلها تجود
والمحبة ياكبيرالشوق يقتلها البطا

بوحي

عن كل نجم ظهر بسدل أجفاني
لعل ما عيش حزني لحظة غروبه
وعن كل خلٍِ طويل الصمت كفاني
الصاحب اللي قليل الهرج عذروبه
وعن كل ثوبٍ جديد باالبس أكفاني
وأدله ولا ألقى رسايل هم في جيوبه
أنا الجفا ليه أخاف الناس تجفاني
وأنا الحبيب الذي من يعشق عيوبه
راعي الوعد وأن صدق مرة ولاقاني
يحتار بين السراب وقلب محبوبه
يامن عذابه يشققني ويرفاني
فرقاك غصب علي بالحيل مكتوبه
خبرت نصف تعب من نصفه الثاني
بعضي الرماد وبعضي نار مشبوبه