 |
|
|
|
|
|
#1
10-11-2010
|
||||||||||||||||||||||||||||||||
|
||||||||||||||||||||||||||||||||
التكمله للجزء 38
حمدان :إنزين وبعدين (يسايرة باكلام .....وايد طفرة....ويبا يعرف شو يسوون في المستشفى).. سعيد: إنزين ....سرنا ....المسيد ......تصدق يالس يركضني..تقول في كلية..تذكر يوم يخبرونا عن الكلية من غبشة يركضونهم..هههههههههه ..حليلهم ؟؟؟؟ حمدان :يا من عافك كمل ..وبعدين ؟؟؟؟؟؟؟؟ سعيد:.....(يثاوب)وبعدين ..إستوا حادث... حمدان:حادث!!!!!!!!!!!!!..لا يكون حد تعور منكم؟؟؟؟؟؟؟؟ سعيد:لالالالالالالالالالالا........ما تعورنا.. حمدان :عيل شو؟؟؟؟؟؟؟؟؟ سعيد:واحد سكران يسوق السيارة ..ودعم عيوز ..كانت تمشي في الشارع ... حمدان :شو سوي في الشوارع من غبشة ؟؟ سعيد:بعد شو ؟؟ متشردة..ودعمها..وعاد تعرف ولد عمك ..قلبة طيب..ما رام يشوفها ويخليها جيه ..سار ودق للأسعاف والحين ساحبنا المستشفا ..ويالس وياها .. حمدان :أهاااااااااااااااا..أشوة ..زيغتني ..الله ينطبك..إنزين والحين شو صحتها؟؟؟؟؟؟؟ سعيد:مادري...حمد وياها ......أنا ماروم أتحرك..من الكرسي تعبان أريد أرقد ....لو تشوفني ساحب كرسي وماغط ريولي علية ....وأوني برقد..بس ما روم أرقد كل شوي تخطف علية وحدة من هالغراشيب .. حمدان :ههههههههههههههه..والله متفيج .. أصبحنا وأصبح الملك لله .. سعيد:أنا شو أسوي هن كل شوي وخطفن عدالي..ما زقرهن.. حمدان :أنت ؟؟؟؟؟؟؟أشك فيك .. سعيد:شو أسوي يوم أني جذاب وكل البنات يحبني ...هن يربعن وراي انا ما سوي شىء. حمدان:بسنا من هاللواتة..وين حمد؟؟؟؟؟ سعيد:أحيدة ويا هاي العيوز..مادري كيف يروم يشوف شكلها...تزيغ..بسم الله ..الناس يصبحون على حد حلو ...مب عيايز عفانا الله... حمدان:أسميه لسانك متبري منك .. سعيد:أحم أحم..شو الجو عندك؟؟؟ حمدان :بعد شو ؟؟(يشوف الدريشة ) مطر اليوم .. سعيد: سمعو إنتو ؟؟؟؟.....قصدي شحال الأهل ؟؟؟..وأبويا وأمايا شيخة وأمايا ..وسلامي . حمدان :قطعة في الرمسة ..ومى..؟؟ سعيد:آآآآآآآآآه ..يعلني فداها...........علومها شحالها ؟؟؟؟؟؟؟ حمدان :أنت ما تستحي على ويهك؟؟؟؟؟؟؟؟؟ سعيد:بسم الله .......شو سويت ؟؟؟ حمدان :ما مخلي حد ما غازلتة وتقول شحال بنت عمي؟؟؟.... سعيد:تعرف لازم أجحل عيوني .......بس عاد القلب ما حب غيرها.. حيث ماتسري بفكرك تسري افكاري وراك ... ياغرامي ياوجـودي ياحياتـي والنظيـر... لا وحق اللي خلقنـي ان قلبـي مانسـاك ... وان بعدت شوي عني جيتك بروحي اطير... انت نبض القلب فيني تجري بعروقي دماك ... باختصار..البعد عنك شي لايمكن يصيـر حمدان :يصير.....أصبحنا وأصبح الملك لله ....صليت أنت؟.. سعيد: الصلاه على النبي .. حمدان: تحسبت بعد.. سعيد:شو كافر قالولك ؟؟؟إنزين سلم عليهاوايد حمدان: بتبطي سعيد: إيه سلم عليها ..والحين جلب ويهك .........خسرتني... حمدان: ههههههههههه.....والله أنا خسرتك ولا من كثرما تثاوب؟؟؟؟...إنزين سلم على حمد وااااااااااااااااااايد .. وديرو بالكم على عماركم ..وبسك من المغازل ولا بخبر عليك ناس... سعيد:لااااااااا إلا هذا ما روم على زعلها..خلاص فالك طيب..... حمدان :عيل فمان الله سعيد:فمان الله . سار عند الرسبشن ..يسأل عن العيوز وحمد...الحين الريال تفيج..وبعدين سار غرفة العيوز لأن حمد هناك..بس لقا حمد برى الغرفة .....وشكلة تعباااااان ..وزعلان .. سعيد:هاااااااااا ؟؟؟بشر ؟؟؟..شحالها العيوز خيبر؟؟؟ حمد..كان تعبان وويه أحمر: سعيد ..شفتها يوم تظهر روحها....سعيد... سعيد:لا إله إلا الله ....هذا المكتوب... حمد:.................................كان فيها نزيف في الرئة... سعيد: ...................... حمد:تخيل ماتت وماحد كان عندها لا اهل ولا ولد ولا حد...سعيد تخيل ؟..... سعيد فهم قصد حمد: .................... حمد ساند على اليدار..ورفع شعرة بإيدة ومسح ويه بيدينه.....وبعدين فضخ جاكيتة..ومسكة في إيدة ......وسار عند الرسبشن عشان يوقع على كم من ورقة..ودفع فلوس الجنازة.. وبعدين ظهر برى وسعيد ساكت ولاكلمة .....وكان جدامة قوطي ويالس يشوتة بريولة ..وقف حمد..عدال الشيرة ....وطالع شروق الشمس....حتى لو ما ظاهرة الشمس ..لأن السحاب مغطنها...ومنظر السحاب روعه.. وسعيد سار يشتري جاي من الثلاجة ورد عند حمد..وعطاه الجاي.....وبعد شوي نزل المطر ...وهم تحت الشيرة .....وماسكين كوب الجاي..ويطالعون المطر.. نزلت دمعة من حمد ...........دمعة قهر ..ودمعة شوق..دمعة ضعف...دمعة ندم ..تنفس بقو.. حمد:تخيل سعيد...كانت تقولي أنها تتمنى بس تشوف ولدها..قبل لا تموت ....سعيد ..والله يوم تقولي جيه قلبي عورني..كيف أنا بسوي عملية وماحد يدري ..سعيد لو..(سكت)... سعيد:حمد فال الله ولا فالك..إن شاء الله ما يصير إلا الخير .. حمد:سعيد تخيل ما سلمت عليهم ظهرت فليل ما سلمت على حد ..سعيد صدق والله مشتاقلهم ..واللله مشتاقتلهم....سعيد على الأقل أريد أسلم عليهم ....مادري بعمري اموت ولا لا....أريد أسلم عليهم ...أريد أستسمح منهم..سعيد ...أخاف يصيرلي مثل ما صارلها.. سعيد.. سعيد: حمد .............حمد بس.....الله يهديييييييييييك..مابصير إلا الخير ..لا تفكر جيه دخيلك.. والله تقطعلي قلبي ...حمد أنا أعرف حمد القوي وحمد إلى ما يخاف شىء ..حمد إلى يسوي كل شىء وواثق من عمرة....حمد توكل على الله..وخل إيمانك بالله قوي لا تخلي الشيطان يلعب براسك.. حمد:سعيد ورفجة أريد اشوفهم لو مرة....أريد أسلم عليهم...طلبتك ..قبل العملية.. سعيد: فالك طيب....بس لا تتكدر...... حمد:بس أخاف ..... سعيد:من شو؟؟؟؟؟؟ حمد:أخاف كيف بقولهم؟؟؟؟؟؟..وكيف برد مرة ثانية ؟؟؟؟ سعيد:خل كل شىء علية .......ولا تحاتي شىء... (ويلس يهديه)... حمد إنسان ضعيف وكل واحد في مكانه بيضعف وبيحزن ..العملية مب شىء سهل ..وخصيصا لو كان المرض عوف..حمد مرضة الذبحة الصدرية..وبتكون العملية في القلب....سببها إنسداد في الشريان بسبب زيادة الكولسترول في الدم وإرتفاع ضغط الشرياني ...والدور الثانوي لسبب هالمرض الإجهاد الذهني و الحالة النفسية هي إلى تلعب دور في كل شىء ..وكان يحس بألم في صدرة بس إهمالة هو سببلة لتطورة ....بس يوم تكون بخير وآخر شىء يصعقك خبر انك فيك مرض خطير ماحد يتحمل هالصدمة.. حمد يوم تمسك في الحياه وعرف على الاقل شىء في هاي الدنيا يخليه يعيش ويعيش عشانها..إيي هذا المرض؟..عرف في فترة بسيطة معناه الأهل ولا بلأصح عرف معنات العايلة وأهميتها عرف معناة حب االعايلة والأمان والحنان وعرف كل شىء وتعرف على شىء غير من حياتة إللى هو حبة لموزه.. تعرف على أهلة أكثر..سوالفهم ظحكاتهم مواقفهم ...أشكالهم كل دقيقة وكل ثانية تدور بين عيونة .....أشتاق لهم ...أشتاق لهم....وين كنتو ؟؟؟..وين كنتو عني من زمان؟؟..ليش أنا ما عرفتكم ؟؟؟...هذا منى ولا منكم ؟؟؟؟؟؟؟...ذنبي ولا ذنبكم ؟؟؟... الساعة 7:32...تسبح ويوم خلص سار وصلى..وظهر من الغرفة ..وشاف سلامي دور شىء في الصالة ..وتمسح دموعها ...وقف عند باب غرفتة..ويشوفها..حز في خاطرة ....الله ينطب سلطان شو مسوي بالبنية.. حمدان :صباح الخير... سلامي ..يوم سمعت صوتة مسحت دموعها: هلا ...شحالك حمدان؟؟ربك بخير؟؟؟ حمدان:الحلوة شو سوي ؟؟؟ سلامي:أدور تيلفون محمد..مادري وين خلاه.. حمدان :أهاااااا....التيلفون جدامج فوق الطاولة .. سلامي.:أووه ما شفتة ....مشكور... (وسارت بسير تودي التيلفون). حمدان:سلامي... سلامي:هلا .. حمدان:سلامي ..لا تفكرين وإن شاء الله ما يصير إلا الخير.. سلامي..نزلت راسها: ...................................وسارت .. ما علية يا سلطان ما خليتك تندم على إلى سوي فيها..والله ما تستاهلها..ولا تستاهل دمعة من دموعها عنبوه بعد لو عدوة ما بسويلها جيه..وسار عند الشماعة وشل وشاحة والطاقية الشتوية وجاكيته ولبس جوتيه وظهر من القسم ويوم سار الصالة الرئيسية كان كلهم متولفين .. حمدان :سلام عليكم ...مشاء الله كلهم واعدين ؟؟؟؟ أم سالم:شحالك أبوي؟؟؟؟؟؟شخبارك؟؟؟ محمد:أمايا شمعنا حمدان ما هديتي علية ونحن حلينا من سلمنا سيدة طحتيبنا؟؟؟ أم سالم:فديتة حمدان عاد حمدان غير.. حمدان:هههههههههه..يا الغيرة ..عاد أنت تروز غلاي عندها؟؟؟لا تحاول.. منصور:حمدان وين بها؟؟؟؟ حمدان:ليش؟عمي؟؟؟؟ منصور:أشوفك كاشخ حمدان:عادي ..كل يوم أكشخ.. موزه ..ترفع إيدها..عشان يشوفها لانها كانت يالسة عدال عمها علي: فديت أخوي ..أنا هنيه.. حمدان:هلا بنانتي ..شحالج؟؟؟؟ موزه:حمداااااااااان..أنا موزه مب بنانة؟.. حمدان:هههههههه..إختصار.... علي:يالله ويهنا... كلهم: يالله.. حمدان:وين؟؟؟؟؟؟ منصور:منسير نحوط العيال بسير ويانا؟؟ حمدان:أمممممممممممم....بتبطون؟ علي:لا وين نبطي أمايا ويانا ما بتخلينا.. حمدان:أووووه يسلم عليكم سعيد ..وحمد... كلهم عيونهم عند حمدان..من الصبح يدورون على الرقم .. أم سالم:الله يسلمهم من الشر..شحالهم؟؟؟؟؟؟....شو مسوين؟؟ حمدان:بخير...الحمد لله أم حمد:شحالة حمد؟؟؟؟؟..وليش مغلق تيلفونة ؟؟؟؟؟ حمدان:بخير وعافية ما يشكي باس... أم محمد:متى بردون؟؟؟؟ حمدان:والله ما دري عمتية ..ما قالو ....ما عليج عايبنهم الوضع هناك.. منصور:يالله نحن منترياكم في السيارة .. أم منصور: سارة وهند ما وعيناهن... موزه:أنا بسير لهن ....يالله سلامي قومي وياي.. وكلهم قامو .. إلى سار إييب عباتة وإلى يلبس جوتيه وإلى سار المطبخ يشرب جاي..وإلى يتريا في السيارة .... وفي الطابق الثاني سلامي وموزه سارن يسبحن سارة وشمة ..ويوم خلصن نزلن تحت .. ولقوهم قوم عمهم روحو عنهم وحمدان بوصلهن .. ومى ونورة ما سارت عنهم يبن يسيرن وياهن... حمدان:يالله خلصتن؟؟؟؟.. موزه:هيه يالله... ركبو السيارة ...وكان مى وموزه ونورة وسلامي وسارة وشمة.. أول شىء سارو يحوطون ويراوونهم المزارع..عيبهم كل شىء ..بيوتهم والمزارع والمكان كان روعة..والمطر يظرب عليهم ..وعاد هم ما يسرعون يمشون شوي شوي..ويدتهم محتشره عليهم .. أم سالم:مش منكم منى إلى يسير وياكم ماحد يظهر في المطر .. منصور:أمايا والله الجو حلو ..شوفي محلاه المطر .. أم سالم:الله يهديكم يا عيالي..مطر وثلج بعدة ما خاز شو مسيرنا ...ردوني البيت ....ماريد أنفد عمري..أريد أموت في بلادي ...مش عند الكفرة أكفاني الله شرهم.. منصور:أمايا وين نردج الحين بوقف.. أم سالم:حرام إن مارديتين الحين بنزل.. منصور يحاول يفهمها بس ما قادر عليها...وقال برد ...وعمهم علي بعد قال برد ..إلا مى وسلامي إحتشرن وما طاعن يردن..وقالهن حمدان عادي جان ما تبن تردن ما برد..فكلهم ردو إلا حمدان وموزه ومى وسلامي ونورة وشمة وسارة ..إلى كانو في سيارة بروحهم ....شمة يالسة عند حمدان ..متمسكة فيه وخايفة من المطر ..وحمدان يظحك عليها ..ويالسة في ثبانة حمدان :شمة حبيبتي لا تخافين ... شمة :ماريد أريد أمايا ..وصيح.. حمدان:لا صيحين الحين بوديج مكان وايد حلو ..لا صيحين.. شمة :ماريد... 
|
|
10-11-2010
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
حمدان:شو رايج الحين بشتريلج أرنب.
شمة ..مستانسة :والله ! حمدان:هيه ....بس خلي المطر يوقف وننزل... بعد ربع ساعة خف المطر.....وكانو خاطفين على قلعة ..متكسرة بس عاد روعة شكلها..كانت مش بعدية عن البحر.. سلامي:حمدان... حمدان:هلا.. سلامي:حمدان في خاطري ادخل القلعة خلنا ندخلها.....عن خاطري. حمدان:ههههه فالج طيب.. سلامي:فالك ما يخيب.... موزه..ونورة:حتى نحن في خاطرنا.. حمدان:ما فيها شىء حلو كلها متكسرة بس جيه مخلينها ذكرا .. ..عادية .. موزه:أوكية نبا نشوفها.... الساعة 8:09.. وقف حمدان السيارة ... يوم نزلو الللللللللله ريحة المطر حلوة ...والجو بارد..وكانت القلعة على يبل بس مش عالي ...وحذالها الشير ..موقعها أحلى شىء .. حمدان:يالله فيكن هبة تركبن سلامي:هيه نعم..... موزه ربطت عباتها على خصرها عشان ما تخيس ماي وتتخرطف فيها ..وكلهن سون مثلها ...وبعدين فصخت جوتيها وخلتة في السيارة عشان ما يخيس تراب وما تنزلق وطيح .. موزه ..يوم خلت ريولها في الأرض:آآآآآآآىىىي بارد.. حمدان:ههههههههه موزوه ليش فصختي جوتيج بتبردين موزه:جوتية شمواه ...بعدين كيف بمشيفيه لو خاس طين ؟؟؟ حمدان:بعدين لو إييج شىء ما يخصني........<br>موزه:هههه عادي... وسارو عند القلعة ...وموزه مستانسة تمشي حافية ..وحمدان يقولها بطيحين شوي شوي ..وهي تظحك عايبنها على قولتها جيه أحلى تحس بالمغامرة..وشمة كل شوي تصيح.. وتقول حمدان ماروم أمشي وشلني ..وحمدان شلها على جتفة..وسارو القلعة..أول مادشوها صدقة حمدان كانت متكسرة ومصنوعة من الطين بس شكلها حلو دخلن داخلها ....وكل وحدة سارت مكان فيها .. وماحد فيها غيرهم.. حمدان :عن ظيعن ما فيني أيلس أدوركن.. سلامي:وووااااااااااااو حلوة عيبتني..لو يبت كمرا وياي..والله حرام ... نورة:تخيلتها غير عن جيه .....موزه سارت فوق .......لين ما وصلت السطح موزه.....تزاعج: تعااااااالو ...اللللللللللللللللللله محلاة الجو يخبل..الله البحر محلاتة .... كلهم سارو عندها .. حمدان :موزه نزلي عن طيحين .. موزه:لا ما بطيح حمدان:موزه نزلي المطر توه موقف بتنزلقين وبطيحين نزلي أقولج..... موزه ..رافعه إيدينا فوق:الللللللللللله ....ما بطيح لا تخاف.. حمدان..معصب: مووووووزه نزلي أقولج موزه:إنزين ..... حمدان :نزلن يالله تحت موزه:سلامي تعالي شوفي ....الجو خباااااااااااااال نورة:اللللللللللله شوفن البيوت والبحر.. سلامي:أكيه أمايا شيخة يالسة تربع ورى سلطان موزه:ههههههههههههه دواه مسود الوية ..هههههههههههه حليله طاح .. سلامي:هههههههههههه ....ههههههههههه ياليت لو صدق أباها تأدبة مسود ويه... حمدان..عند الباب:يالله نسير.... نزلن تحت .....وظهرن برى القلعة وكانت جدام القلعة مثل الحديقة الصغيرة فيها ورود ..يلسن يتمشن شوي..وبعدين مشو عدال القلعة ...وردو السيارة . حمدان :كل وحدة تنظف جوتيها قبل لا تدخل ..لا توصخن السيارة .. مى:لا والله ..فدوة عن روسنا..<br>حمدان:لا مب فدوة نظفن جواتيكن موزه:أوكية ماي براذر....دخلن ماعليكن منه..بعد لو فراري.. حمدان: أم لسانين لا تخليني أودرج هنيه ....سيارتي وعايبتني .. سلامي:أونة الخقة ..إلا إكس فايف مب فراري على قولك موزوه. حمدان:إنزين شو ما عايبنكن إكس فايف؟؟؟ نورة:أنا أحبه.. سلامي:نرضا بالموجود ...لا تزعل.. حمدان:مش منكن منىأنا إلى مركبنكن .. موزه:فديت حمداني لا تزعل..حلوة سيارتك ..بس عاد يوم نرد دبي إشتر فراري بس حقي.. حمدان:إن شاء الله الشيخة موزه...عاد تبينها بيضة ولا حمرة ؟؟ موزه:أباااااااا ...أمممممممممممم... حمدان:ركبي يالله ..يصير خير ..طويلة العمر .إنتى بس آمري موزه:هيه جيه أباك .. حمدان:أنا قلت نظفن ولا ما بردكن البيت بتيلسن هنيه نورة :أنا أسمع الكلام خلصت.. حمدان:يالله دخلي...إنتن الثنتين أدب فيكن ما بسيرين وياي يلسن هنيه. موزه:بخبر عليك أمايا .. حمدان:برايج..وركب السيارة ... مى..تنظف جوتيها ...:إيييييه يالله نظفي والله شكلة صدق بسويها بخلينا رواحنا.. موزه:لا ما بخلينا رواحنا .... مى : أنا ماريد أيلس هنيه اخاف صبر..صبر....الحين ياية سلامي:الله ينطب الخوافات ...وركبن حمدان:ههههههههههه..هالبني ما يبهن غير العين الحمرا موزه:ما حبك .. حمدان:أحسن . شمة:حمدان ...صبر...صبر.... حمدان:شو ؟ شمة:الأرنب حمدان:أوووه ..ورد ريوس ....ونزل وشترا أرنب لشمة حمدان:سارة ما تبين شىء؟ موزه:أنا أريد ..بطة حمدان:شووو؟؟؟؟بتبطين ...<br>موزه:أريد بطة... حمدان:يعني ما تبين شىء......؟ سارة :أريد..أمممممم ..أمممممممم ماشىء..<br>حمدان:عيل يالله خلاص نرد البيت. مى:لالالالالالالالالالالااااااااااااا..شو نرد البيت ..بعدنا ما تحوطنا.. حمدان:وين تبين ؟؟؟؟؟ نورة:حمدان ودنا السوق..... حمدان:السوق!!!!!!! موزه.سارت وحبت نورة: حبيبتي إنتى صدق أريد السوق.. سلامي:وأنا بعد... شمة وسارة:ونحن بعد.. حمدان:شو هي لعبة قطاو؟؟ موزه:حبيبي أخوي ...يعلني ما اخلا منك ..فديتك..والله أحبكككككك...ودني السوق ..فديتك..وغلات الغالي عندك...وغلات أمايا وأبويا .. حمدان:بسسسسسسس ..حشة ...خلاص بوديكن.. كلهن :هييييييييييييييييييه <br>حمدان:بس على شرط.... مى:شو ؟؟؟؟؟؟؟ حمدان:ما تبطن ..بسرعة ..أوكيه؟؟؟؟؟؟؟ موزه:فالك طيب.....هههههههههه حمدان:أتكلم جد..ماحب اليلسة وايد في السوق نورة:فالك طيب... الساعة 9:59... السوق شوي بعيد عنهم .....وطول الدرب يالسات يغايضنة...أول مرة يشلهن كلهن..وشمة وسارة بعد تخبلن مثلهن بس موزه وسلامي جرعتهن زايدة... حمدان:الحمد لله وصلنا يالله نزلن ... ومستانسات ....وفرحانات من بعيد يشوفن الملابس.. موزه:سلامي الللللللللللله طالعي ملابسه ..موديلات يديه.. حمدان:ههههههههه عنبوه ما واحيتي ..دخلي أول موزه:هههههههه ..يالله دخلن ... دخلون ......هوانم قاردن ستي مستانسات..ماحد بيحشرهن ولا بقولهن شىء حمدان عطاهن الخيط ومخيط حمدان:موزه.. موزه:هلا.. جمدان:أنا ماروم أمشي وايد ..حوطن بس المحلات إلى جدام ..فهمتن أنا بيلس في الكوفي بشرب نسكافيه ...وما سيرن مكان غير إلي جدام .....فهمتن أنا براقبكن .. موزه:أوكية ..حمدان ... حمدان كانت سارة وشمة عنده .....سارت بعدين ردت موزه... موزه:حمدان حمدان:هلا.. موزه:عندك فيزا كارد؟؟؟ حمدان:هيه ..ظهرها وعطاهن إياها. موزه:شكرا حمدان :بسرعة ......لا تبطن ... وسارن كل المحلات ..وما خلن شىء ما إشترنة ..ملابس وشنط وجواتي..وكل وحدة محمل خمس وست قراطيس.....وبعدين دخلن محل بس لجاكيتات..وهذا المحل يخبل وايد حلو كل انواع الجاكيتات مجوده فيه..نسائية ورجالية..وفي هذا المحل إستوة العفسة..موزه ونورة ..تهدي ما بينهم وهن ولا على الخاطر..يظارب.. سلامي..... تمطة:ولا بتشوفينة ..أنا أول وحدة لقيتة .. مى:لاااااااااااااا..أنا لقيتة.. سلامي:خليه ..والله إن ياه شىء بدوس في بطنج ..مسودة ويه .. مى :ماااالي..خليه ... موزه:سلامي ..في لون بني خذيه . سلامي:ماريد أريد السماوي... نورة:مى ..خليها ..الحين حمدان بشوفها وبهد عليكن ..شو يهال فظحتنا..الله ينطبكن سلامي:خليه ...الله ينطبج... موزه:والله إن ما صطلبتن الحين بزقر حمدان وهن ولا على الخاطر تقول يهال يظاربن عشان جاكيت لونة سماوي جلد ..وآخر سايز ...ما شىء غيرة..بس شىء بس لون ثاني..سارت موزه تقول لحمدان لأنهن ما يتفاهمن ..وهن من بونهن ما يتواسن وسلامي فضوحية بسوي أي شىء.. موزه:حمدان ..حمدان... حمدان:هاه شو خلصتن؟؟؟؟ موزه:حمدان تعال سلامي ومى يظارب ...... حمدان:إنتى بعقلج؟؟؟؟؟؟؟ موزه:والله حمدان:وابويا عليهن ؟....شو يهال الله ينطب هالحالة..مب منكن مني أنا إلى مهظلنكن ولا أنتن مش ويه حد يظهركن وسار .......عندهن .....ولقاهن بعدهن يتهادن حمدان:إيه عنبوه ما تستحن ؟؟؟؟؟؟؟...شو هالمذهب ؟؟؟عنبوه يهال ما يسون جيه..يالله .. شغلكن عند أمايا شيخة..بتشوفن جان ما خبرتها .. سلامي:حمدان والله أنا أول وحدة شايفتنه وهي سارت وشلتة .. حمدان:أصصصصصص قطعي ولا كلمة إنتى وهي..يالله جدامي.... مى:لااااااااااااا ماريد أريدة حمدان:والله ولاوحدة منكن بتشتريه ..خلنة ..يالله السيارة موزه:لاااااااااااا أنا شو ذنبي؟؟؟ حمدان:ولا وحدة منكن بتيلس يالله... وسار جدامهن وهن وراه سلامي:عنلاتج يا الرويتر ليش تسيرين تخبرينة؟؟؟؟؟؟ موزه:حلفي أنتي بس؟؟؟؟من الصبح يالسة أسكت فيكن وما سمعن الكلام شو تبين أسوي ؟؟؟؟ مى:ماريد أريد أشتريه سلامي:إنتى دواج عندي بعدين ..عنلاتج ....يوم شافتني ساريرة عنده...أونها هي شافتة قبلي ... (تقلد صوت مى)أريد مثلة..عنلاتج يا الهرمة يعني كل المحل ما عيبج إلا مالي..عنبوه في حياتي ما خذت إلى في خاطري ليش أنتو جيه تعاملوني ؟؟؟..حرام عليكم والله حرام أنا ما غلطت على حد أنا والله ما أقصد شىء يوم أسوي جيه ..أنا جيه طبعي ليش تفهموني غلط .... وصاحت ...من القهر إلى فيها..الكل يفهمها غلط وأولهم سلطان..وكانت تتحسب هو الوحيد إلى يفهمها..وظهر هو إلى ما يفهمها ....وهي ما كانت تقصد شىء وكل شىء يفهمونة على هواهم ...وكل شىء سويه ينقدونه ..سلامي صح أنها من النوع إلى تمزح وسوالف بس قلبها طيبة وشفاف وما يتحمل الكلام إلى يقولونة بس ما تتكلم ولا مرة زعلت حد ولا جرحت حد ..لو شافت حد زعل منها تروح وتراضيه ومستحيل تخلية زعلان منها بس هم ليش ما يراضونها ومخلينها الدفشة وعادي يوم يجرحونها وما يهتمون ما يعرفون أنها طيبة ..تعبت من كثر ما تيود في قلبها..لين متى؟؟..من الضيجة والقهر ..صاحت.. إنتبهت لها موزه موزه...خافت :سلامي حبيبتي شو فيج؟؟؟؟؟ سلامي..بعدتها بإيدها ومشت بسرعة :......... موزه..تكلم قوم مى ونورة ..وخايفة عليها :سلامي تصيح .... مى ..علامات إستفهام على ويها: صيح!!!!!!!!!!! نورة:الله ينطبج يا مى كلة منج .....يعني إنتي شفتيها تبا تشتريه ليش تسيرين وضاربين عشانة ...؟؟؟..في لون ثاني ونفس الموديل ..ليش يعني تحبين تغايضين؟؟؟...حرام إلى سوينة فيها ..إلى فيها يكفيها لازم يعني تخلينهم يهدون عليها ؟؟؟..ما فيج قلب ؟؟؟...ما تحسين إنتي ؟؟؟؟؟..... تلومت مى..وتمنت أنها ما قالت شىء ولا أنها تظاربت وياها وخلت سلامي تشلة..الله ينطب هالحالة ....صدق أنا ليش سويت جيه ؟؟؟..أمس كانت طول الليل تصيح عشان سلطان والحين سرت وزدتها ؟؟..شو أسوي الحين ؟؟... كان حمدان شال شمة ماسك سارة من إيدها وهو جدام ..وسلامي وراه وبعدين قوم موزه ..سلامي تمشي وعيونها في الأرض وصيح..وتمشي..ولا حاسة بالدنيا ..ضايجة من هاي الدنيا إلى كل إلى سويه ينجلب ضدها ...حتى حمدان إلى توقعتة غير عن خوانها..ظهر مثلهم.. ويوم تذكرت سلطان وكلامة يوم قالها هو في درب وهي في درب زاد صايحها..ليش جيه قالي؟...شو عايفني والله مب قصدي..ليش ما يفهمني..انا ليش كل الناس فاهميني غلط ؟؟..وفجأه ولد صغير يربع ودعم سلامي وهي طاحت..وولد ربع عنها ويلس يظحك عشان طاحت..الولد صغير جيه عمرة أربع سنين..ويوم لفت تبا تشوف شو مستوي ..لقت واحد جدامها يتأسف لها بالعربي..رفعت ويها.....يوم شافتة ...تذكرت رويضي يوم قالتلها عن الريال إلى شافتة في شيشة البترول (رويضي ربيعتها) وقالت أول ما شفتة كان ويه رحيم وعلى قولتها حبتة من أول نظرة..من شافتة إنصدمت أول مرة تشوف حد رحيم مثلة من شكلة غيييير ريال ولا مرة شافت هالوية في حد شكلة يبث الراحة في النفس وودج ما تلفين عيونج عنة.. أونة معصب بس فيه إبتسامة عذاب إبتسامة ترسم الحياه والسعادة والتفائل ..ويه جذااااااااااب.. :…. آسفة ..هذا أخوية .. سلامي: ................ شفيها طالعني جيه وشكلها صايحة ..والخيبية يمكن صاحت يوم طرحها الشردة ..لا الحين تزقر حد من إخوانها شكلها خليجية ما فيني على المشاكل: السموحة مرة ثانية .. وبعدين يوم شافها ساكتة ولا ردت عليه سار يربع ورى الولد..وبعدين شافت قوم موزه ياياتنها.. موزه ..تمسكها من جتفها:سلامي حبيبتي ....شو ياج؟؟؟...تعورتي؟؟؟؟؟؟ سلامي....ما تتكلم ...شكلها كانت دايخة من الصياح ومالها بارض تتكلم: ........ موزه..معصبة :الله ينطبة ما يشوف ....؟ نورة :الله ينطبة ..يالله قبل لا يشوفنا حمدان ..ويسويلنا سالفة.. (وسارن) ويوم لفت لورى شافت الريال ماسك الولد ومخلنة على جتفة والولد يصيح ويضارب يبا ينزل..ويالسة تشوف شو يسوي الولد ..وما منتبة لقوم نورة وموزه شو يقولن..بعد شوي شافن حمدان عنده ريال وواحد جيه عمرة في الأربعين..بعدين إنتبهت لقوم موزه.. يوم قالت .. موزه..:الله ينطبكن تغشن تعرفون منو إلى عند حمدان ؟؟؟؟ نورة:منو؟؟؟؟؟؟ موزه....:ما عرفتي السماوي (السماوي حميد..إلى يقربولهم من طرف يدتهم..وباتو عندهم في المزرعة وعنده أخو أسمة ذياب ..وكانو يلعبون بالثلج ويا شمة وسارة ..ونورة حبت السماوي ..وسمتة السماوي لأنة كان لابس قميص سماوي عذااااب علية)؟؟؟ نورة ..تقول حد صب عليها ماي بارد :جذاااابة ؟!!!!!! مى ظحكت :.........يحيهم ...وين السماوي ما شوفة ...شو لابس بعد اليوم ؟؟؟؟؟؟؟ موزه:عند حمدان ...جنة هذاك أبوهم .. لفت سلامي صوب الريال إلى عند الولد ..(فخاطرها)هذا منو ؟؟؟..عيونها ما خازن عنة ..يوم يظحك ويشل الولد والولد يصيح ما يريد يسير وياه ..وهو يهديه وشال البقعة بصريخة ...قطعة أفكارها .....صوت موزه.. موزه:هذا ذياب شفيه ..منو هالولد إلى ماسكنة ؟؟ إنصدمت سلامي..كيف نست شكل ذياب ..ولا كيف ما عرفتة ؟؟...معقولة أول مرة تشوف شكلة؟؟...لا هي شافتة يوم كان يلعب بالثلج ..معقولة هذا ذياب؟؟؟...معقولة ؟؟؟؟....جيه شكلة ؟؟..أنا شوفيني ليش جيه عفسني ؟؟..شو يعني؟؟؟....بس شكلة غير أول مرة أشوف حد جيه شكلة وعيونة ..آآآآآآآه عيونة ...موزه مسكتها من إيدها.. موزه:سلامي حبيبتي شفيج؟؟؟؟؟؟؟..ليش ساكتة ولا تتكلمين ؟؟؟؟؟؟؟؟؟إنسى ..ولا تخلين فخاطرج... مى ..متلومة :سلامي أنا آسفة ...والله ما كان قصدي أسوي جيه ..آآسفة ..لا زعلين منى ... سلامي..ودموعها تنزل من تحت الشيلة إلى متغشيه بها :عادي ..أنا مب زعلانة .. مى...باستها على خدها:حبيبتي ... نورة :الله ينطبكن ..شو سون ؟؟؟؟؟؟ مى:حرام أبوس بنت عمي؟؟؟؟ نورة:مب وقتة ......... موزه ...ماسكة إيد سلامي:سلاااااااااامي..سلاااااااااامي....قوم الريم ....... سلامي ..إبتسمت :وينهن؟؟؟؟؟؟؟؟ نورة:والله!!!!!!!!!!!!! مى:ما شوفهن... موزه:في محل مال الحديقة ..ويا أمهن ....شفتيهن؟؟؟؟ نورة:تعالي نسير نسلم عليهن ......
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
