~||طفولتك||~ تحت المجهر

شكراً من الأعمآآآق لتلبة الدعوه
استمتعت بطفولتك
لقلبك السعاده يَ طُهر

آختآر ولد شيوخ ,
حيآك آلله لـ نستمتع بـ طفولتك :)

كل الشكر للاخت جمانه ع التوهيقه ومردوده باذن الله
نشيد كنت/ تحب أيام الطفوله ؟؟
كرتي كرتي ما أحلاها
ما أحسنها ما أبهاها
كرتي تعلوا حتى السقف
وانا أجري وأخي خلفي
::::
شخصيه كرتونيه كنت تحبها ؟؟
كنا بالجنوب ولم يكن هناك بث لتلفزيون للاسف ؟؟
::::
كيف كانت ايام طفولتك شيطأإنه وإلإ مؤدب والعكس للشباب ؟؟
والله كانت شقيه جداومتعبه وعناد بس الله يتجاوز عما سلف وكان.
::::
ماهي المواقف اللي عرضت فيها اهلك للاحراج؟؟
عدواغلط ياكثر ماصار من مضاربات وشقاوة اطفال
اذكر ان رجل ضيف جاء الى بيتنا وكان عمي موجود واخذ يتحدث
بكلام عن شجاعته وبطولاته المهم عرفت انه يكذب فقلت والمجلس مليان
حتى الشيبان صاروا يكذبون بصوت عالي واكلت عليه بعد ذلك ضرب الله لايوريكم

::::
هل كنت ذأإت شخصيه قويه أم مغلوب عليهأإ؟؟
كانت شخصيتي عنيده لابعد حد بل كانت قمة الشقاوة
::::
اكبر عيديه جمعتهأإ ؟؟ ومن مين ؟؟
والله ما اذكر لكن كانت من ابن عمي الاكبر جزاه الله خير
::::
من كـان يدلعك أكثر أبوك او أمك ؟
ااااه الوالد توفي وعمري 3 سنوات اسال الله تعالى ان يتغمده بواسع رحمته
وكانت الوالده عليها رحمة الله حريصه ان تربينا تربية رجال فقدكان شديده علينا حريصه لكن
كل طلباتنا مجابه لكن الدلع للبنات وعيب الولد يتدلع حتى يصبح رجل يعتمد عليه
اسال الله ان يسكنهم فسيح الجنان وان يجمعنا بهم في مستقر رحمته
::::
اســم دلعك بالطفوله لحد الان ينادونك فيه ؟؟ وماهو ؟؟
ليس هناك اسم دلع فانا انادى باسمي من الصغر
::::
كنت دب وانتي صغير او نحيف..؟؟
طنت نحيف جدا وطويل
::::
ما اكـثـر حلاوة كنـت تحبها ..؟؟
حلقوم
::::
آكله تحبها كثير ...وآكله تكرهها (الله يكرم النعمه) ..؟؟
كنت احب الرز بالتونه وما احب الخبزه
::::
ما اسم اول مـدرسه درستك ..؟
مدرسة عبدالله بن عباس
::::
لما احد يكفخك في الشارع لمين كنت/تشتكي..! والا تاخذحقكـ بنفسكـ .. ؟؟
والله كنت احب شيء فيه مضاربات وتستهويني جيدا لذا لايمكن يمر يوم مانتضارب حتى لو مع اخي
او مع عيال عمي لابد.
:::
وش كانت عيارتك!!
ههههه لازم من الكلام؟!!
طيب بقول كانت عيارتي (الصُـــــغَــــــيـــــر) بضم الصاد وتشديد الياء بس الشده ماتعمل بجهازي مادري يمكن مو راضيه تنكتب لاجل ما تعروفون العيره ولعلمك اصبحت الان لقب للعائله وقد اطلق اللقب احد الشباب بذلك الوقت حين كانوا يلعبون الكره وهم كبار ولا يلعبونا ونحن صغار فكنت انزل اللعب معهم او اخرب لذا اشاهدني وانا قادم مره فقال جاكم الصغير بيخرب وركب اللقب او العيره في حين الصغار الي بمثل سني ما يلعبون وانا اللعب لاني اتضارب معهم واتمشكل ..
::
كنت تنآم لحآلك ولاعند المآمآ ..؟؟
كنت انام انا وخي الاكبر
:::::
اجمل موقف صار لك بطفولتك ..ومازال عالق في ذاكرتك؟؟
كنت ابيع حلاوى حلقوم وكانت مغريه جدا وانا من الناس الذين يهوسون بها المهم
اني كنت الحس السكر الي عليها واروح البيت واطحن سكر جديد واضعه عليها ثم اعيد ابيعها ههههه
كذلك لعبنا مباراة مع منطقه ثانيه وسجلت هدف وفزنا بالبطوله فما كان من المدير الله يذكره بالخير سو ان اهداني ساعته وكدت اجن من الفرح ههههه اااه لو تدرون وش الساعه بس خلوها ع الله
:::::
وش الالعاب اللي كنت تلعبها بطفولتك ووش اكثر لعبه تحب ؟ومع من تحب تلعب اكثر شيء ؟؟
ههههه كنت احب كرة القدم في هوس بالنسبه لي حتى الان ولا زلت اشترك في رمضان بالدوراة الرمضانيه
وانا من اشد الناس متمسك بهذه الدوراة وقبل العام كنت ريئس الدوره الرمضانيه ع مستوى القبيله التي اقيمت بمحافظة جده ولا يمكن تفوتني هذه الدورات لانها ملتقى لي بزملاء الطفوله والدراسه وشباب المستقبل


:::::
هل مر عليك موقف بطفولتك خلاك تكره شخص معين واذكر الموقف ؟؟
اكيد كثيرا كنت ذات مره نلعب كره المهم تعودنا قبل الصلاه ننهي اللعب والا نتعاقب من الاهل
المهم في يوم كان هناك شايب قبل المغرب يعلم الله مااذن بعد لصلاه المهم انه ذهب الى عمي وابلغه اني
رفضت اطلع جلسنا نلعب بعد الاذان المهم انجلدت عليها وكرهت ذلك الرجل لكن اسال الله ان يتجاوز عنه فقد توفي عليه رحمة الله
:::::
انضربت مره وانت صغير وللحين مانسيت؟ وليه انضربت؟
انضربت وانا سنه ثانيه من مدير المدرسه كنا نلعب بملعب ترابي في حصة الرياضه المهم كان احد الاولاد وكان جسمه صغير وهو معي بنفس الفصل يشوت فيني من الخلف ودائما يكسر المهم كان حول الملعب شجره صغيره تسمىالسمره وبها شوك وتركته حتى وصل بجوارها ودفيته ع الشجره وطاح بها وجلس يبكي والدم منه تسيل
فجاء فراش المدرسه عليه رحمة الله ووداني المدير وجلدني جلد مانساه طول حياتي الله يسامحه
:::::
كيف مستواك الدراسي ممتاز..ولا كسلان ..ولا نص ونص ..؟؟
رغم الشقاوه واللعب لكن كنت مميز ودائما من السنه الاولى حتى ثاني متوسط انا الاول والسب يمكن
العناد فقد كان معي ولد خالتي وكنا نتنافس ع الاول لاجل وكان الطالب الجيد يوضع عريف الفصل
فكنت حريص ع ان اكون الاول واكون عريف ههههههههه كان العريف له كل مميزه زينه الان راحت المميزات
::::
واخيراً ..ماهو الحلم البريء ..حلم طفولتك ..كنت تتمنى انه يتحقق..!
كنت اتمنى ان اصبح ضابط لكن بكل اسف ضيعت بالاخير وبعد انتقالي لرياض
::::
كلمه اخيره تهدينها لطفولتك..!!
كانت طفولة شقاوه والم وحرمان من عطف الابوه ورغم ذلك كنت سعيدا جدا واقول
الا ما اجملك طفوله بريئه رحمك الله يامي فقد تعبتي وربيتي كنتي كل شيء لي بحياتي فكنتي الام والاب
فاسال الله ان يتغمد روحك في جنته وان يجمعني بك في الفردوس الاعلى من الجنان
كل الشكر والتقدير لكم جميعا واتمنى ان اكون ضيف خفيف عليكم
اترك الاختيار لصاحبة الموضوع
لكم مني ارق واعطر التحايا...
اخوكم/ ولـــــد شــــيـــووووخ

ولد شيوخ

آلله يرحم آلوآلد وَ الوآلده ويسكنهم فسيح جنآته يَ رب وَ جميع آموآت آلمسلمممين
وآلله طلعت مآنت بسهل طفولتك شقيه ورآعي مضآرب :191: , عسآك هجدت يوم كبرت :p
شكراً لـ تلبيتك آلدعوه , آستمتعت بـ قرآءة طفولتك
لقلبك السعآده :004: