08-13-2016 | #61 |
|
حياتي والجروح الي من اسبابك لها افواه
تنادي ذمتك خافت تروح الروح باسبابك تصيح بعالي اصوات الغرام الي نزف شكواه لعلك تسمعي قلب وقف يبكي على بابك تعالي عانقي حزني وضمي بالكفوف الآه تعالي والهموم الي تغشتني من غيابك عذاب البعد يااكبر معاناتي عجزت اقواه الا يامطول الغيبة تعال وريح احبابك بوحي |
]
|
08-13-2016 | #62 |
|
على نزف المشاعروالغلا والشوق ياقلبي
تحمل بعدهم واصبر وسامحهم على الغيبه وانا ادري كل ماغابوا لهيب الشوق يلعبي واسلي خاطري يمكن يزين الوقت ويجبه بوحي |
|
08-14-2016 | #63 |
|
البارحة في ليلة الشوق غنيت
غنيت موال التوجد لحالي ينده عليك غناي واردد البيت والي يجاوبني طوال الجبالي على الوعد وش فيك ياشوق ماجيت وش فيك ماجاوبت صوت الليالي ياليتني عن طاري الشوق صديت وياليت ماجت صورتك في خيالي خليني مابين يمكن وياليت حيرتني واحتار فيني سؤالي عذب |
|
08-14-2016 | #64 |
|
فصل على الواقع مقاسات حلمك
مايتعبك بالضيق والا اتساعه واقطع من قماش الرضا مايلمك حتى يجي قدك لباس القناعه بوحي |
|
08-14-2016 | #65 |
|
وش فيك حاير وعينك تنثر الدمعه
ماتدري انه تعبك مأثر فيني خذ من حياتي فرحك وخلني شمعه اضوي دروب الفرح لك باقي سنيني بوحي |
|
08-16-2016 | #66 |
|
ياخيالي تب من الرسم في لوح الخيال
كل حلم في خيالك يمر تلونه لا تلون بعض الاحلام مافيها جمال لو براويزه من اغلى الذهب مازينه ارسم الواقع على ممكنات الاحتمال كان تبغى رسمتك ثابته في الأمكنه بوحي |
|
08-16-2016 | #67 |
|
انت الوحيد الي له القلب يشتاق
ياواحـد تملـك حيــاتي يدينــه شــلال حـبك بالشرايين ينسـاق والروح يالمجمول عندك رهينه خذني على كف الغلا حب واشواق ابيـك للــغربة حيـــــاة ومـدينــه لاتتعب الخــفاق في بـعـد وافــراق خــلك مع المشــتاق باقي ســنيـنـه بوحي |
|
08-17-2016 | #68 |
|
يحل بناالمسا من يوم شمس المغيب تميل
وتبدا رحلة الليل الطويله من المغرب وتبدا للألم قصة يرددها ظلام الليل سواليف من الضيقة ومالي عنها مهرب احد هاليل يجلب له هواجيس الغثا والويل واحد خالي من همومه بليله يسهرويطرب بوحي |
|
08-18-2016 | #69 |
|
انا ونجم الليل وعيون واهداب
نرقب على حد السما وانتحرا وينك ملل هالوقت ياسيد الأحباب قفى هزيع الليل مابان قمرا لالاتغيبي طاري الشوق ماغاب لاتتركي في كف الأشواق جمرا عذب |
|
08-18-2016 | #70 |
|
يساورني وجع خوفي
والملم وحدتي فيني وارد اتناثر بهذا المكان الموحش لحالي .! واسولفني على حالي هنا كم إنكسر رجّال واتبهذل على الفاضي .!! واسولفني واخاف احكي من غيابي.! على غيابك أو غيابي ملا هذا المكان بزحمة احبابي .!! |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|