|
[ابكتب من قصيدي الوزن وغيرهـ من شعر منثور] { .. هنا يطرح كل ما يتعلق بالشعر من قصائد مكتوبة او منقولة مع الاشارة الى اسم كاتب القصيدة .. } |
|
أدوات الموضوع | انواع عرض الموضوع |
11-01-2020 | #5901 |
|
جيتك مثل طفلن له أيام محروم
عن حضن أمه أبعدته المقادير وجيتك مثل عودن له أيام مهموم وده يلاقي بأخر الوقت تقديــر وجيتك حضن عاشق وهايم ومغروم وده يضمك لين تصبح على خير متى تحس إن الهوى شي مقسوم من قسمة الخالق على خلقه يصير ومتى تحس إني لك أطيح وأقوم وأتعب على شانك وأقدرك وآغير لي في هواك أحلام وأمال وعلوم وأحزاب وأصحاب وقصيد وجماهير وهموم وأفكار وهواجيس وحلوم ودروب وأخطار وعذاب ومشاوير وحب وغلا وإخلاص ومعاند ولوم وإحساس وإلهام وشعور وتفاكير وصحبة سهر ومقاطعة لذة النوم وأشواق جياشه وعشق وتعابير في ذمتك مابان لك شي مكتوم من بعد ماصورت الأوضاع تصوير لاتحسب إنك شي عابر ومعدوم وتاريخ حبك فاق كل الأساطير في كل شي أتخيلك وأسمعك دوم وأتأملك في الوقت الأول والآخير من ماضي الأيام لايومك اليوم وغلاك عندي ماحصل فيه تغيير وأنا لك الله ماأقبل البيع والسوم ولا أرضى علي ولاعليك المخاسير لاْني الوحيد إللي على بحرك يعوم وإللي عرف مرساه في رحلة السير |
|
11-01-2020 | #5902 |
|
قل للدروب غيـآب .. ياللي حضورك
أن صار او ماصار .. شفته تساوى وقل للحنين اللي بغفله .. يزورك مهما ضعف قلبي معك بٓـ اتقآوى |
|
11-01-2020 | #5903 |
|
ㅤㅤ
أنت وصفك في نظر عيني قصيد يوم غيرك محتوى أوصافة شطر |
!!! أقف على خاصرة الدهشة بثلاث نقاط... |
11-02-2020 | #5904 |
|
الظروف تفرّ راسي وانا بالي طويل
ما ذبلت عزوم نفسي . . ولا ذليتها ㅤㅤㅤㅤㅤ اللّيالي ما عطتني سوىٰ الشي القليل بس روحي من قليل العطا اغنيتها |
|
11-02-2020 | #5905 |
|
التغابي حيلة الشخص الفطين
والتذاكي ،، للضعيف وللغبي لو كشفنا أسرارنا ،،، للغافلـين ما رحمنا لا صديق ولا أجنبي |
|
11-03-2020 | #5906 |
|
أحاول أمشي خاطري بين حين وحين
وأمشي حياتي لين ... ربي يفرجها أجامل على عيون العرب كل شيء زين و دون الضلوع هروج ماني بهارجها |
|
11-03-2020 | #5907 |
|
يبقى الوفاء فينا لو الناس خانت
فطره من المولى وصبرٍ على سكات نذكر لهم من بيننا ايام..زانت وحنا على درب الوفاء..للنهايات |
|
11-05-2020 | #5908 |
|
البرد يستوطن ظلوع العاشقين ،
والليل : موحش لاونيس ولا دفا ! يا شينها ، لاهبت رياح . . الحنين ، على نهاية ( صيف ) وبداية / شتا |
|
11-05-2020 | #5909 |
|
حبي لك أكبر من حنان المحبين
وأقرب بوااجد من خفوقي لذاتي أنا الجسد وأنت لي الروح والعين وأنا ضرير الشوف وأنت عصاتي |
|
11-05-2020 | #5910 |
|
تـعـال ماغـيرك اللي في حــياتي فـقــيـد
خلـينـي احــس بـك لو كــان رشــة عطر وصلك ليا جيت ينعش لي عروق الوريد مثـل الصحاري ليا جـاها هـطـول الـمطر |
|
مواقع النشر (المفضلة) |
الكلمات الدلالية (Tags) |
حضورك ، شعر |
الذين يشاهدون محتوى الموضوع الآن : 18 ( الأعضاء 1 والزوار 17) | |
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الديوان المكتوب للشاعر / محمد بن فطيس المري "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 23 | 07-03-2011 11:22 PM |
كل مايختص بالشعر ( ملف كامل ) روعه للبنات !!! | ضحكة خجوله | …»●[غروركــ مصدرهـ روعة جمــالكــ]●«… | 7 | 04-08-2009 12:02 AM |
ااسماء الله الحسنى | ضحكة خجوله | …»●[ أرواح أيمـــانيـــه ]●«… | 8 | 01-22-2009 08:13 PM |
موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
ღღسلـــــةفواكـــــــه والخضـــرواتღღ | نادر الوجود | …»●[لكل داء دواء ولبــدنكـ عليكـ حق]●«… | 6 | 12-13-2008 01:43 AM |