سجل حضورك في بيت من الشعر

‏اللي قهرني و خلاني .. على بابك
وشلون صديت عني و انت تبغيني

واللي ذبحني و زاد الجور فغيابك
انك حلفت .. بـ غلاتـي م تخليني

رسمت لك صورة على قطعة الجوخ
وخلدت ذكرك فوق لوحة حياتي
كني برسمك صرت لك فان بن جوخ
وابدعت في رسمك من الوان ذاتي
كنك بساح القلب مملي ومنسوخ
تعكس ملامح صورتك لي مرآتي
بوحي

‏عزفت لك حبي وجيتك من اقصاي
على نغم : لبيه .. و امر فديتك
ٰ
ياسلوة الخاطر .. و ياكل دنياي ؟!
مع الاسف محتاج لك .. مالقيتك.

ابغاك من بد الخيالات واقع
وابغى اعيشك في حياتي حقيقة
يمكن خيالي بعض الأحيان واسع
لكن لقيته للتلاقي طريقة
بوحي

لا تسالين الناس عن مغرمن هام
في غبة اوهام بعيد مدها
تلوح له شمس الهناء بعض الايام
لكن ظلام الياس يسرق ضياها
يمكن بعد يومين بمكن بعد عام
نفسه تحقق هواها رجاها
او يمكن تضيع الحقايق بالاوهام
وتبيعه ايام بعمره شراها

عسى الله يجملنا مـع اصحابنا الغالين
وعسى من هقى فينا نجي فوق هقواته
عسى علومنا بالطيب تذكر مع الوافين
وعسى الله يرزقنـــا بـ عفوه وجناته

.
.


‏جعلني لا تبت عن شي وخسرته
يرزق الله خاطري في شي غيره .

لكل حاجه في الزمن تلقى بديل
اصبر ولو صبرك على الجمره وطا
اعط السماح وخذا من العفو القليل
ترى الحيـــاه بكبرها اخذ وعطــــــا

و بعد مده ،
‏جاي تسألني عن الأحوال ؟
‏وش عقبه ؟
‏عقب ما ماتت الأمال ؟
‏و الأحلام ؟
‏اللي بنيتها ثم خابت !
‏أصبحت مجرد إوهام ،
‏و عقب ما إنتظرتك شهور !
‏و الشهور إصبحت أعوام ،
‏جاي تضحك كن ما همتك الأيام ؟
‏اللي راحت و أنت غايب !
‏و اللي قلت لي فيها :
‏باغيب دقايق و برجع لك ،
‏لكن غيابك طال ..

يالله في هاليوم حنا طلبناك
تحفظ وطنا عن جميع الفسادي
انت الولي والكون كله بيمناك
تحمي بلدنا عن حسود ومعادي
وبرحمتك يارب حنا رجيناك
تحقق لمنهو سألك المرادي
وتشافي المرضى بعطفك وحسناك
وتصلح لنا الأحوال ياخير هادي
ويالله ذاك اليوم لامن وردناك
انك تنجينا بيوم المعادي
في ساعة الرحمة الهي دعيناك
تقبل دعاء اللي خضع لك ينادي
وازكى الصلاة لمن يبشر بجناك
اللي بعثته هادي للعبادي
بوحي