تمخطر بالحشا ( لبّى ) حشاي وكل مافينـي

[ALIGN=CENTER][TABLETEXT="width:80%;background-color:indigo;"][CELL="filter:;"][ALIGN=center]
[ALIGN=CENTER][TABLETEXT="width:70%;background-color:white;"][CELL="filter:;"][ALIGN=center]

كثر ماضاقت الدنيا عليّ وصـرت مجنونـك
تعلّقـت بهـواك وجيـت هايـم لاتخلينـي

ليا ناديتك اقرب .. لا تزوّد غـلّ مفتونـك
تعال ولمّنـي وان نمـت تكفـى لاتصحيني

تفنّنت بغرامك والغلا هـو سيّـد فنونـك
تمكّنت بغلاك وصرت تمشي فـي شراييني

وش اللي صار فالدنيا ليا ناظـرت بعيونـك
انا في حلم ولا علم!!.. ياللي شافتك عينـي

غرقت فـموج بحرك ما وصلت لسر مكنونك
تساهلتك مع انك صعب وانت اللي معنّينـي

عشقتك من ضمير ٍ ما يساوم فيك ويخونـك
رغم كل الظروف اللي تجي مابينـك وبينـي

وعاهدتك عهد ماغيرك احدٍ يقرب حصونك
معك طال الزمن والاّ قصر ياشمعـة سنينـي

عسى الله مايوريني فراقك واعطش مزونـك
تحريتك تجي فـي يـوم تنعشنـي وتروينـي

عليك الله وأمانه كيف اعيش العمر من دونك
وانا اللي لا تذكرتك نسيت اللـي يحاكينـي

( أحبّك ) كلمةٍ تكشف غلاك وتطرد ظنونك
وترضي خاطرك واللي يجيني منـك يرضينـي

تقرّب من حبيبـك والعـواذل لا يهمّونـك
وانا لا همني غيـرك ,, ولا غيـرك بيعنينـي

مدام انّك ملكت القلب وعروقـه يلبّونـك
تمخطر بالحشا ( لبّى ) حشاي وكل مافينـي

[/ALIGN][/CELL][/TABLETEXT][/ALIGN]
[/ALIGN][/CELL][/TABLETEXT][/ALIGN]