ديوان الشاعر بركات الشمري

صح أنا أحبك كثير

" صح أنا أحبك كثير " !!؟

هذا أنتي ..!
ماتغيرتي كثير ..!!
تاخذين " الصبح " من كفه !
ومن كفه أطير !
وتقلبين الريح مشهد : من مواويل وعبير !
وهذا أنتي تسأليني : صح أنا وحدي الأميرة ..!
وانت لي وحدي .. الأمير !!؟
ماتغير أي شي !
" بس أنا أحبك كثير " !!!
كثر ماهي سورت هاك المواني
.. / هالأماني !
كثر ماغنت بك اعروق ومحاني !
كثر ماقلت لغيابك ..
" بس ثواني " !
كثر ماناحت على الأغصان .. ورقا !
وكثر ماقلت بخفوقك :
" لازم ابقى " !
كثر دمعي
كثر جرحي..
../ كثر ماني فيك أشقى !
كثر ماحسك وانا غايب .. معايا !
كثر مانمتي ..
ورى هاك الحنايا ...!
كثر ماني أنكسر عند ... الزوايا !
كثر ماني أبتسم !
لاجيت اضمك ..!!
وكثر ماني أنطوي .. لاعشت همك !!
وكثر ماني آتشتت ..!
لاجل ألمك ..!
كثر ماغنيت لك .. " يالله تعالي " ..!
نوريني .. سود بعدك .. !
هالليالي ..!
كثر ماهزيت لك غصن الشعور ..!
كثر ليل ..!
وكثر نور ..!
وكثر ماقلتي : " تجي مره نطير " !
نرسم الدنيا مواويل وعبير ..
وآنا بس وحدي " الأميرة " !!
وأنت وحدك لي " أمير " ..!
وكثر ! .................. ما "احبك كثير " ..!!!



.
.
.





صح أنا احبك كثير !!؟

ضوى !

طفلة تغار منها نساء الدنيا !!




ماضواك الشعر ... ياقلب الخيال
..!ولانصيتك ...... قاصد منك .... دوى !

شاعرك مجنون ... لاميل اعقال
..!كيف أجل ..... ( لاحب) واغواه الهوى !؟

جيت أذوق حضرتك شعر زلال
..واسمعه لاجيت أغنى في ...... " ضوى "

غادة لامن مشت شارع ... تعال
!شوف وشلون " الزهر " ! يقلب هوى !!!!

كل هذا لاجل ..... لاجاها مجال
..وشمت انفاسه يجي " معهن " سوى !

والشجر لاميلت من صوب ... مال
!ولابعدت عنه ... تنهد ! ....... ثم ذوى !

وحبتين التوت ... بين .. / البرتقال
!أذكر إن الغيم .... سماها .. / الدوى !!

وأذكر إنه دار .... في ذهني سؤال
!؟( أرتوى !؟ يمكن ! ... لا لا ! مارتوى ) !!

ثوبها اللي ينعم ! بعز ... ودلال
!!واهنيه بس ! ...... ملعون الثوى !

ولاحكت .. ( هذي ولا فيها جدال )
!تطبخ اعصابك على..... جمر النوى !!

أصعب من السهل .. في كف المحال
وأسهل من الصعب .. في قلب هوى !

كل شي لامشت .. تمتم ! وقال !
( ودك إن كل النسا ...... تشبه ضوى ) !!