@~آحاسيس عذبة ~@

صارح الي تحبه بالغلا والمحبه
وارسل الشوق يمه يخبره بالغرام
حالي العشق صبه وسط روحه وقلبه
داخل الروح ضمه دلعه بالكلام

بوحي

للمسا في عينها قصة حنين
سالفة مابين نجمات وقمر
الضيا من خدها نوره يبين
والشفايف ماخذه لون الجمر
بوحها يفرح به القلب الحزين
غنوة يحيا بها ليل السمر
ياحكاية ضمها حضن السنين
ما أمل فصولها طول العمر

بوحي

للعبد مقسومه وللرزق بيبان
ولوقفت الدنيا فلاني حزيني
ماني على رزقي طفوق وعجلان
باكر مع الأيام رزقي يجيني
وان فاتت الفرصة فلانيب زعلان
خيرة وغيبات الليالي تبيني
بصبر على المكتوب لوكان ماكان
عل العوض في مقبلات السنيني
بوحي

ذكرى الغلا تجتاحني لاقبل الليل
للي خـــياله داخــل الروح يختــال
واسرج لشوقي صادق العاطفة خيل
دام الخــيال لطـاري الشــوق خيال
واسري مع الهوجاس مشتاق بالحيل
للي غــيابه عن مدى ناظـري طـال
لو بالخيـــال اعــيش ليــل التـعاليل
واسامر المحـبوب ويروق البــال

بوحي

• 
  

جيت اعبر عن شعوري ماقويت
ماقدرت احكي واقول احبها
خبروني دامني فيها ابتليت
كيف ابطلب في المحبة ودها
خايف لامن تجرات وحكيت
اتفاجأ من قساوة ردها

بوحي

بقى هالصمت ياروح تذوب وتمتلي بالآه
وسط ليل تعزوا بالظلام وفل جنحانه
عجزيحكي عن همومه ومن حوله ضجيج افواه
دفن شكواه في صدره وخلا الصمت بيبانه
كذا اريح من صدور تبوح ويختلف معناه
وشخص يحترم ذاته يخلي الصمت عنوانه

بوحي

الليل طال وضاق صدر المواعيد
يالي مواعدني بليل التعاليل
خليتني محتار يابن الأجاويد
بين الرجا واليأس ومساهر الليل
والحين وجه الليل كله تجاعيد
شاب وتغير مابقى لآخره حيل
لملم ظلامه والبقايا تناهيد
واقفى وخلاني مع الهم والويل

بوحي

في لمة الأحباب تطري فبالي
واكتم شعور الشوق خوفي يحسون

واتذكرك واقول ياعزتا لي
وابكي وغيري في هواهم يغنون

معهم وانا كني وحيد لحالي
اجامل الجلاس والقلب مغبون

بوحي

اسهر واداري دمعة الشوق بالعين
خايف تطيح وتفضح الشوق فيني
واقول ياعيني رجيتك وتكفين
كفي دموع الشوق لا تفضحيني

بوحي