علمني كيف أترك يدك في عز حبي لك كاملة

البارت الحادي و الثلاثين



وصلت للرياض بالسلامه و الحمد لله
رحله مكهربه تتخللها النظرات بيني و بين جواد و بعض المواقف الطريفه اللي ممكن تسوي فواصل بين وقت و الثاني !!
أولها لما دخلنا المطار جا الحمال بيكلمني عشان يشيل الشنط طبعا جواد كان يطلع الشنط من السياره أول ما شاف الحمال يكلمني جن جنونه و رمى الشنط اللي بيده و مسك الحمال و شده من صدره و هو مسكين مفزوع و خايف
أميره : جواد اتركه الله يخليك بس قالي انه يبي يشيل الشنط بربع دولار
طالعني معصصصصصصصصصصب
تركه بعنف .... الحمال مسكين دف عربته و مشى و هو يرتجف
جواد: انقلع لا ردك الله
التفت طالعني و ربي انتفضت بخوف
جواد: غطي عيونك و امشي قدامي
للعلم هو من الأساس مب راضي على سالفة النقاب نهائيا !!

بس كذا اقتنع فيها بعد محاولات مضنيه من سلطانه
الله يجزاها بالخير و يرفع قدرها المنقذه وقت الشدائد !!
و لما دخلنا المطار تجمعوا عليه المعجبين من محبي الملاكمه على قوله
تدرون أنا متأكده انهم معجبين في شكله و وسامته أكثر من انهم محبين للملاكمه
و طبعا لا أذكركم من اللي تجمعوا حوله ......معجبات !!
عارفين هالكلمه تفرسني تفتت قلبي و تحرقه
طبعا هو ارتبك و هو يطالعني
جلست بروقان عالكرسي في الإنتظار و قمت أطالعه كأي انسانه ثانيه لنقل معجبه من معجباته !!
يوقع في الأوتوغرافات و الأشرطه و يصور مع الكل قصدي البنات اللي يتلصقن فيه حيل
و مدري وش يصيبهن لا شافوه هذا غير السلامات اللي مالها داعي طبعا كل هذا على مرمى من عين أميره ....... و القهر قاهرني ... ليه تنقهري مب انتوا أصدقاء خلاص ليه الغيره
ردينا على طير يلي .... أي غيره الله يصلحك يا نفسي ..... أجل قالوا يا جحا من وين اذنك قال من هنا .... قولي كلام ينفهم يا أميره !
و طبعا حراس الأمن بعدوا المعجبين لأن رحلتنا نادوا عليها
جاني مسك يدي و ركبنا طبعا و أنا لا تعليق علي !!
و في الطياره ضرب المضيف عشانه دخل علينا بالدرجه الأولى كنت كاشفه فشافني !
و لما وصلنا الرياض اضطرينا نركب تاكسي لأن ما في أحد استقبلنا أو بالأصح ما في سياره
يا الله وش بقولكم ..... كان يقول للسواق شوف دربك طول الوقت و ما خلاني أجلس الا وراه لأنه كان جالس جنب السواق و يحذر السواق انه ما يطالع للمرايه العاكسه !!
و في الأخير ساق بدل سواق التاكسي و خلاني أجلس وراه هههههههههه
وصلنا لقصر كبير أنواره والعه بشكل هندسي
دخلنا القصر و أنا أطالع كل شبر يمر قدامي لين شفتهم عايلة جواد الجديده
ما شا الله عليه أهله كثير بدبي و ماليزيا و أخيرا بالرياض عاد مدري بالديره أكيد عنده قبيله كامله سلمت عالحريم اللي كلهم تقريبا يكشفون عليه
بعد ما عرفني عليهم طلعت بالآتي :
خاله خيريه خالته أرمله و عندها بنت وحده و طبعا البنت ما كانت موجوده بالجمعه هاذي !اسمها هديل
جوري : أخت جواد من أمه باقي لها ترم و تخلص من الجامعه
استغربت ان خالتي بدريه تزوجت قبل خالي عبد الكريم
رجاوي : نفس الشي بس ملسونه حبتين
ساميه : أخت جواد من امه مطلقه
و أخيرا عزه انسانه مثقفه و متخصصه في العلوم الإنسانيه
بعد العشا الهادئ و الممل
صدمني جواد لما قال انه بيرجع لماليزيا اللحين
جواد: تامرين على شي
آمر على شي !!
طبعا لاء و لأنه راح يرتاح مني و راح أرتاح منه ليه انصدمت يوم قالي بسافر ؟!
أميره : لاء شكرا
كانت اللحظه اللي أشوف فيها قفاه لحظة تحطيم صحيح أكرهه و حيل بعد بس أحس بالأمان و هو قريب مني أحس بالدفا و الكهربا و المغناطيسيه و الشعور اللي دايم أحسه لما يقرب مني ......
رجع و هو يطالعني كأنه نسى شي
جواد: أوه نسيت
دخل يده بجيب بنطلونه السكري
جواد: الجوال
أخذته منه بعد فتره من الزمن
جواد: جوال جديد بشريحه جديده بتلقين رقمي مسجل عندك لو بتحتاجين شي !
جوال جديد شريحه جديده رقم جديد و ما فيه غير رقم جواد للحظات أحس اني أسيرته و فجأه أحس اني مب أسيره بس إلا انه مالكني بعنف و لحد يقرب مني يمكن لهالسبب كرهته عمره ما راح يعرف يملك مشاعري بهالطريقه الظالمه !
كنت في ذيك اللحظات أتجنب أطالعه أو بالأصح أتجنب أطالع عيونه عشان ما أضعف و لو ضعفت دوروني ما تلاقوني !!
قال بلهجه آمره تعودتها لما يكون مضايق من شي
جواد: طالعيني !!
طالعته بتمرد ...... أحتفظ بمشاعري لنفسي في ذيك اللحظات
راح أشتاق ...... لا ما راح أشتاق ......... إلا راح أشتاق مب له لعيونه الناعسات اللي تحتضن هالرموش برقه راح أشتاق لكل رمشه و لكل لمعه تلمعها هالعيون الذباحه
صحيح عبدالله عيونه حلوه بس مب بحجم الحلاوه اللي تملكها عيون جواد أحب العيون السود أكثر من العسليات بس ......
ارتجفت للحظه عبدالله !!
وش جابه على بالك اللحين يا أميره ؟؟
طارت خصلات من شعري مع الهوا و أنا بالحديقه
بسرعه رفعتها بيد مرتجفه و أنا أدور أي شي يثبتها
ابتسم وهو ينزل يدي عن راسي و يسحب الربطه اللي كانت رابطه شعري و يفك الشباصات الصغيره اللي مثبته بإحكام على كل خصله من شعري
لا تلمسني كنت أقولها بصمت في داخلي ..... ارحمني من هالعذاب اللي أحسه بقربك !!
كله مقاومه لجاذبيه قويه تضعفني و تحطم كل ذراتي لا تقربني لأني تعبت من عذاب المشاعر لا تقربني لأنك جرحت احساسي و كبريائي و تقريبا كرامتي !
جرحت انوثتي و حطمتها لا تقربني لأن ما في القلب أي قطرة حب لك هزيت كياني بهالقرب ابعد .....!!
و لا تقربني
كنت أحتفظ بدموعي داخل عيوني ما أبيه يحس بالضعف اللي فيني لاء
جواد: وش انتي حاطه في هالشعر ؟؟
ما حسيت و هو يطلع آخر شباصه من شعري و يناولني العشر شباصات اللي حطيتهم مع ربطه مطاط ....
مر الهوا بقوه بين خصلات شعري كأنه يمر في غابه من الأشجار المتشابكه ممكن يهز أوراقها بس يهز جذورها أو حتى سيقانها مستحيل !!
بعدت شعري و رى اذني
جواد: خليه يتنفس .... يالله تمسين على خير
مشى من قدامي و أنا واقفه أطالعه مدري ليه حسيته انتشل من داخلي شي بروحته !
التفت يطالعني من بعيد رفعت يدي مؤشره بإبتسامه هادئه
و فجأه اختفى من صفحة ذاك اليوم ....
تنحت في مكاني تذكرت وجهه اللي يطالعني ببراءه و حنا في المستشفى تذكرت وقوفه و هو يتأمل الطبيعه بعمق و كأنه عالم يهتم بكل شي يمر قدامه !
تذكرت مضارباتنا و الضحك القليل اللي كان يتخلل حياتنا قصدي الشهر تذكرت لهفته و خوفه و لمعة عيونه اللي كان يحاول يخبيهم في داخله و ما يطلعهم و يبدلهم بنظرات وحشيه قاسيه جامده خاليه من أي مشاعر الا من مشاعر الكره ....
انتبهت لواقعي على لمسة يد ... التفت أطالع
جوري : يا ويل قلبي ما مداك تتركين الغالي أكيد القلب بينشغل عليه
ابتسمت بهدوء
أميره : أكيد هذا زوجي العزيز
جوري : طيب تعالي عن الهوا بوريك غرفتك ؟؟!!
طلعنا لغرفتي .... قصدي لجناحي الكبير مره اللي مفترض يكون لي و لجواد لأن فيه سرير مزدوج .... صاله بتلفزيون ... حمام كبير .... غرفة ملابس ... غرفة النوم أشياء تعودت أشوفها بكثرة و بشكل متكرر تقريبا صار روتيني في أي قصر ....
كان الجناح فخم جدا يعني بتصوري ان صاحب هالتصميم قاسي شوي
مدري خمنته من الأسد اللي محفور على مقابض الأبواب بعبقرية محترف !!جلسنا بالصاله ...
جوري : وش تحبين من زيوت ؟
أميره : زيوت !
جوري : ايه للإستحمام !!
ابتسمت ببلاهه شوي توني أستوعب
أميره : بالفواكه
جوري : وش فيك !
أميره : أبد سلامتك و لا شي ...
جوري : طيب كلميني عن أميره ... أحسك انسانه عجيبه
ابتسمت بمرح
أميره : ليه ؟!
جوري : يبان من رسمة وجهك و عيونك انك متمرده و راعية مغامرات و جموح
ضحكت عالكلمه الأخيره
جوري : ايه و الله من جد أتكلم !
أميره : كيف !
جوري : عيونك واسعه لا إله الا الله بس حاده شوي من الأطراف
أميره : فخمنتي اني متمرده و عندي جموح !
جوري : في هالبيت راح تخمنين على كيفك مع عزه !!
و قمنا نضحك
جوري : في أي تخصص ؟
أميره : فيزيا و علوم فلك
جوري : خلصتي الجامعه ؟
أميره : الحمد لله
سكتنا شوي بعدين قلت بتردد
أميره : لا تآخذيني على هالسؤال بس ليه انتي و خواتك عايشين عند خالتك مب عند أمكم!
ابتسمت بتفهم و هي تمسك يدي !!
جوري : بالعكس ما في أي احراج لأن هالقصر اللي انتي شايفته ملك لجواد شراه لنا عشان نعيش فيه !! و أمنا الله يجزاها خير من خوفها علينا رمتنا عند أبوي و راحت تتزوج
قلت بإستغراب
أميره : معقول خالتي بدريه !!!!!؟؟
جوري : و ليه مب معقول ! عموما في هالحياه اذا انزعت الرحمه من قلوب الناس عوضك فيهم على الله !! أبوي كل مشاعر الحياه فيه من الرحمه اللي في قلبه كان دايم يضربنا أنا و أخواتي و أخوي بندر .... ما كان يخلينا ننام قسى علينا زياده على قسوة الأيام زوج ساميه من مدمن مخدرات عشان ياخذ مهرها و بحكم ان أبوي فقير و مدمن مخدرات و امي غنيه فالوضع ما يحتاج شرح عشنا الفقر اللي ما تحملته امي بنت العز و هربت منه بكل أنواعه ....
في الأخير أصدقائه قتلوه حطوا له بدل إبرة المخدر اللي دايم ياخذها إبرة سم و بهالطريقه مات .... تبيني أقولك مشاعري كنت مبسوطه كنت أناظره و هو ميت بتشفي ..... ارتاحت الحياه من وحش ما يرحم .... بعدين بكيت عليه فتره من الوقت يمكن عشانه أبوي و دمه يجري في كل عرق من عروقي عشنا عند خالتي نويره عاملتنا بكل الحب اللي تتوقعينه رفعتنا فوق راسها و راعتنا لين كبرنا و هي تحاول في أمي تاخذنا أمي ترفض و تقول أنا متبريه منهم "" أما زوج خالتي فكان ما يدانينا نهائيا و كان دايم يتحرش في رجاوي حمد لله ان خالتي تخلصت منه لما مات جواد زارنا مره عند خالتي و عرف بالسالفه حن علينا و وعدنا اننا راح نعيش أحسن عيشه و فعلا نفذ وعده فتح لنا هالقصر اللي حتى ما كنا نحلم فيه أرصده كبيره بالبنوك غير الخدم و الحشم و السيارات سوى اللي ما يسويه ولد لإبنه !
أو حتى أخ لأخوه أما خالتي خيريه اللي شفتيها مات زوجها فبدل ما تعيش بروحها هي و بنتها جت تعيش هنا !!
دمعت عيونها و هي تقول
جوري : جواد رفعنا فوق عطانا كل اللي نبي و نتمنى ما يرفض لنا طلب حنون و ربي في حياتي ما شفت أحن منه
بكت و انهارت في حضني أنا تأثرت و بكيت و ضميتها بقوه و أنا منهاره أكثر منها
______________
الساعه :10:00 صباحا
صحيت من النوم على صوت الجوال اللي يرن بإلحاح شديد رديت بإعياء
جواد: يالله اصحي يكفيك نوم
قلت بتعب
أميره : ليه كم الساعه اللحين ؟؟
جواد: حول الخمس
صرخت في الجوال بعصبيه
أميره : حول الخمس و مصحينيييييييييييي !!!!!!!!!
ضحك بسخريه
جواد: قوانين القصر اللي انتي فيه كذا خمس و نص ست بالكثير و انتي لازم تكونين على طاولة السفره ....
تذكرت صوفي و أنا أحاول أطرد النوم من عيوني بس غصب عني عيوني تغمض
أميره : طيب اسمع بنام شوي .... تعبانه حيييييييييييييييل دايخه نوم
أما جواد
سكت حول الخمس دقايق
جواد: ها يالله نمتي خلاص قومي ....
أميره : باقي ما نمت الله يرحمك بلييييييييييييز جواد أبي أنام
جواد: ما أبيهم يقولون عن حرمتي نوامه و بعدين أنا اللي علمتهم النظام وش تبيهم يقولون عني !!! من ست و الناس تقوم تشوف أشغالها ....
تمططت بكسل
أميره : طيب شوفني قمت ؟!!
جواد: واحشتني
اهتز الجوال في يدي و أنا أسمع هالكلمه
جواد: ما قدرت أنام .... مشتاق أتهاوش معاك لو دقيقه وحده
ضحكت ....
أميره : الله يرحم والديك روح مع الكشافه راح تتهاوش في اليوم أكثر من مية مره
جواد: بس الهواش معاك له طعم ثاني
مدري ليه تخيلته يحك راسه و هو يقولها ؟
أميره : أعتقد انك ما تبيهم يقولون عن حرمتك نوامه قفل لو سمحت عشان أروح أتسبح !
بعد هوشه صغيره معاه سكر السماعه و رحت أتسبح صليت و لبست لي بدي حرير ليموني
و بلوزه جبنيز سماوي و تنوره بيضا طويله غجريه لبست جزمه ليموني بفينكه سماوي
لفيت شعري بالسيشوار طالع شي اللحين أقدر أخلي شعري يتنفس فعلا ...
مع جواد كل شي محظور و فيه شبهات !!
لبست اكسسوار نعوم ... سويت مكياجي بعنايه و في الأخير
تنقعت بالعطر شلت جوالي و نزلت ....
لقيتهم فعلا حول السفره كلهم يفطرون أول ما دخلت
أميره : السلام عليكم
خيريه : تعالي جلسي يا بنيتي لا سلام على الطعام
جوري : غريبه صاحيه بدري و لا انتي مثل زوجك ما شالله عالوقت
ساميه : يا هلا باللي لفى
أميره : هلا فيك
رجاوي : هلا بمرت الغالي كيفك اليوم ؟
أميره : بخير و نعمه بوجودكم
قلتها و أنا أسحب كرسي و أجلس
هديل : بلا كذب و افترا ما أحب صيغ المجاملات اللي بهالنفاق
صدمتني لا من جد فجعتني لهجتها و أسلوبها و حدتها و نظرتها
صوت الملعقه رن في الغرفه
خيريه: هديل ؟!!!!!!!
صوت كان قاطع و منهي لكل شي
قالت بضجر
هديل : طيب يا يمه بظف وجهي عالجامعه !
قامت تسلم على راس أمها و تمشي ...
وحشني زي الجامعه مره حلو و هي أنيقه مره و جسمها ما شاالله ما عليه كلام
طلعت من الغرفه و هي تدبج الباب
عزه : أسلوب غير حضاري !
رجاوي : متخلفه و مغروره و شايفه نفسها و انتي يا خالتي بصراحه دلعتيها
صبيت من الشاهي في كوبي و أنا أشوف ردت فعلها
خيريه : وش عليكم منها خلوها تتدلع ؟!
عزه : التربيه من الأولويات الأساسيه و انتي عارفه ان الأساس اذا تصدعت أعمدته ما أعتقد أبدا ان بتكون النتائج مرضيه ...
مدري ليه هيأتها ذكرتني بأصاله لما تلبس النظاره!!
انسانه أنيقه بملابسها الرسميه شعرها مقصوص كاريه بشكل مدقن نظارات بعدسات تلمع لدرجة انه من قوة لمعانها و انعكاس الأنوار عليها ما أشوف عيونها
كلامها المرتب ذكرني برنا لما تمسك واحد من كتبها و تتفلسف تطالع الساعه بفخامه بين وقت و الثاني من قوة حرصها عالوقت !
رجاوي : بكره بتطلع على راسك و تدلدل رجليها
جوري : يا بنت عيب
أما ساميه فكانت تاكل بهدوء و كأنها ما سمعت أي كلمه تنقال !!
عجبني احتفاظها بهدوئها مع ان كلام رجاوي صحيح بس فيه سخريه و عيب ينقال لوحده كبيره و في مقام أمها ...
رديت أطالع صحني بعيدا عن الجدالات اللي يا خوفي تتحول لمضارب أو شي قوي
الأفضل اني أكون حره في عالمي ...
كوني نادره " كلمه اتردد صداها في داخلي بعنف
رجاوي : يالله عن اذنكم
و طلعت بكل هدوء
أنا ليه كذا !!!
قطعت المرتديلا ....
ليه أتخيل نفسي نادره و مميزه مع ان الواقع يقول غير كذا !!
نرجع من الأول من بداية الفلم ...
بداية قصتي مع ناصر ليه حبيته و كيف كانت شخصيتي في ذاك الوقت هل المتمرده اللي اللحين و لا الخاضعه بكاملها للحب ....
تذكرت رنا و هي تقرى بصوت عالي
( ان الحب من أقوى المشاعر في الحياه و لعلها مثيرة للرعب )
( لا تكن خاضعا للحب بل تحكم بعقلك قبل أن تأتيك قاصمة الظهر )
( اذا أردت شيئا بشده فأطلق صراحه فإنه حتما سيعود اليك )
( القشه التي قصمة ظهر البعير اثنان لا يفترقان الحب و الألم )
( لا تقل لي كيف أحببتك و لكن قل لي و ماذا بعد الحب )
( الحب .... الحب دكتاتوريه صامته تحكي الرعب الذي يعانيه القلب )
( لا تبحر بشعورك كثيرا فلربما تغرق و لا تلقى منقذا )
عزه : أميره !!
انتبهت لها بصعوبه
أميره : هلاااااا
ابتسمت لي بنعومه
عزه : بروح لشغلي تامرين على شي
طالعتها بخجل و ربي استحيت منها
أميره : تسلمين أبي سلامتك
أنهيت فطوري بسرعه و طلعت لغرفتي بعد ما الكل راحوا لدواماتهم و خاله خيريه تركتها في الصاله تتفرج عالتلفزيون ...
جوري راحت لجامعتها و ساميه دخلت لغرفتها
حسيت بطفش و أيام مبشره بالخير من الوضعيه اللي شفتها عالفطور ....
ليه الحريم كذا ما يدانون بعض و يا ويل وحده تصير أحسن منك لازم تشنين عليها الحملات و الحروب و مصطلحات لازم تتكرر بإنتظام .. غيره ... حقد ... حسد ... كره ...الخ الخ !!
ما تعودت هالحياه ... أحب الإنطلاق الحريه المغامرات النشاط و الحيويه أما سيرة الناس ما تخلص و كلام الناس و بالأخص الحريم ما ينتهي لأن الحرمه طول وقتها و لسانها بره فمها .....مدري ليه تذكرت وحده من القبائل اللي قريت عنهم مره انهم ما يزوجون البنت الا و هم شابكين حلقه من الحديد في لسانها هالحلقه مربوطه بخيط و طرف الخيط مربوط بخاتم في اصبع الزوج وقت ما تكلمت كلام ما يعجبه سحب الخيط و طبعا أنواع الألم اللي تحس فيه و تعانيه حتى لو من سحبه خفيفه على قول جدة جواد.... "المره ما تتكلم الا اذا اذن لها زوجها و لا تنطم و تبلع لسانها في حلقها "
جلست عالأريكه المريحه اللي بالصاله و أنا أفتح على صفحه من مذكرات جواد
وين وصلت وين أيه هنا !!
_______________
" ما أنسى ليلتها كيف جفاني النوم و عجزت عن التفكير .... احتلت تفكيري
.... قلبي ... حياتي ......من نظره !!
كنت عزوف عن الزواج عزوف عن البنات عزوف عن أي شي يتصل بالحريم يعني حياتي كلها لأهلي و للملاكمه و الشركه ...
خلبتني ابتسامتها غرت من حب الناس لها لأنها علمتني الغيره علمتني كيف أحب علمتني معنى الألم و بالذات لما تحب .....
غرت عليها لما شفتها تسلم عالخدم حتى الخدم نالوا شرف السلام على الأميره و أنا ألمحها من بعيد و الحزن يفتتني بمراره ....
غرت من الورد اللي تغني له و من النجوم اللي تكلمها غرت من فرسها و غرت حتى من شعرها اللي يداعب وجهها و يدلع عليه حبيت رقصها نعومتها تمردها و أنوثتها حبيت صمتها حبيت نبرة صوتها حبيت تأملها و حبيت لمعة عيونها مافي اختصار لهالإنسانه لأنها بكل بساطه شالت قلبي و اركزت مكانه ....
_____________________
مدري ليه حسيت برجفه في يديني و أنا أرد الدفتر للشنطه ؟
خنقتني العبره هزني كلامه حسسني اني مجرمه و معذبه للمشاعر هالإحساس حسيته أول ما شفت رسومات فيصل لي حسيتها خنجر يطعني كل ورقه من هالدفتر عباره عن جرح
جرح صعب اني أداويه .....
انتبهت على رنة الجوال
جواد: تبكين صح ؟؟!!
زاد ارتجافي و ارتباكي و خوفي
صرخت فيه
أميره : انت مركب كاميرات مراقبه و تجسس بهالغرفه
سمعت صوت ضحكته اللي حبيتها
جواد: طبعا لا ما وصلت لهالدرجه احسني الظن في جواد يا أميره حتى لو كانت فكرتك عنه بشعه !
مسحت دموعي بسرعه
أميره : مب قصدي بس ......
قاطعني

جواد: تبكين ؟
قلت بمنتهى البلاهه
أميره : أبكي مين قال بالعكس أنا في منتهى الوناسه
جواد: تكذبين على العالم هذول كلهم و لا تكذبين على جواد ما تقدرين العبي غيرها
أميره : يعني ايش ألعب غيرها ..... جواد روح لتدريباتك و ارحمني !
قام يقلدني
جواد: انتي مركبه كاميرات مراقبه و تجسس في الصاله الرياضيه .... كيف عرفتي ؟
أميره : من صوتك اللاهث
جواد: لاهث في خطاك أمشي وراك أعمى العيون
غصب نزلت دموعي مدري ليه حسيت اني ما أستاهل و لا كلمه من اللي قالهم
أميره : ممكن تعطيني رقم سلطانه...
جواد: توعديني ما تبكين أعطيك الرقم ؟!

أميره : بصراحه ما أقدر أوعدك بشي أنا ما أقدر أتحكم فيه صار جزء مني و من حياتي !
جواد: طيب يالله خذي الرقم ........
أخذت الرقم سكرت منه و دقيت على سلطانه
جلست فتره مب قصيره بعدين ردت
أنا لا سلام و لا كلام قلت بحده
أميره : من وين جبتي الدفتر ؟!
ردت بنفس لهجتي مع اني متأكده انها مهي مصدقه طريقتي معاها
سلطانه : في المستودع
قلت و أنا أبكي
أميره : معقوله أكون ظلمته !
سلطانه : أعتقد
أميره : طيب و كلام شيخه عنه
سلطانه : و هو أي كلام شيخه تقوله بيكون صحيح شيخه انسانه حقوده من عرفتها
أميره : طيب وش مصلحتها في هذا كله ؟
سلطانه : هي كانت من أول حاطه عينها عليه بس كان يصدها و يقولها انه لا دينه و لا أخلاقه يسمحون له باللي تسويه و طبعا جن جنونها لما شافته يكسر لك المرسم عرفت انه يحبك فإخترعت هالسالفه عشان تخدعك مثلت عليك صح !!
أميره : أنا شفت خالي مطلق لما ضربها و هي قالت لي لأنها ضربت جواد
سلطانه : قصدك لأنها طلبت من جواد يتزوجها فرفض !!
بعدت السماعه عن اذني بذهول ..... في ناس بهالخسه و الحقاره !!
سلطانه : جواد من أطهر الناس اللي عايشين عالأرض حنا اللي كنا نلح عليه بالزواج بس كان يرفض الحريم و المعجبات يتمنون النظره من عيونه و مب لاقيينها فأعتقد انك لازم تعيدين نظر في كل شي بينك و بينه لأنه ما يستاهل مهما قسى عليك فهو بدافع الغيره أوكي جواد شكاك و أكبر شكاك و إذا غار فلازم تتحملين غيرته و جنونه ...
لأنك يا أميره و لا مؤاخذه تاريخك حافل و تخيلي لو كان هالتاريخ على مرأى من عين جواد ما أعتقد ان أي رجال شرقي راح يرضى انه يتزوج انسانه ماضيها مثل ماضي أميره
آل ......... حاولي تكسبينه لأنه مجنون أميره الحقيقي !!
سكرت منها و أنا متسمره في مكاني من الذهول و جملتين من هالكلام كله تتردد فيني تخنقني تألمني و تجرحني ببطء تكويني بدون رحمه و حقيقه كنت أهرب منها دايم
( ما في أي رجال شرقي راح يرضى انه يتزوج انسانه ماضيها مثل ماضي أميره آل .....
ماضيها مثل ماضي أميره آل .....
ماضيها مثل ماضي أميره آل .....
ماضيها مثل ماضي أميره آل .....
______________
مرت ثلاث أيام بروتينيه قاتله
لدرجة اني التهيت بالرسم و تصومعت في جناحي أرسم بأدوات الرسم اللي ارسلتلي اياها سلطانه ......
البنات في جامعاتهم ما نتقابل الا وقت الوجبات ...
ساميه في غرفتها
و خاله خيريه عند التلفزيون
ذكروني بحياتي أول ما سكنا دبي يا الله كانت فظيعه عانيت رتابه خانقه !!
جوري الوحيده اللي كانت تجلس دوم معاي يا تناديني لغرفتها أو أناديها لغرفتي
أحيانا ننام و حنا ما كملنا سالفتنا قويت علاقتي فيها حيل و صرنا بس نسولف عن كل شي معدا جواد لما تجيب سيرته أقفل موضوعه بأي سالفه ثانيه !!
جواد كان دايم يكلمني و كنت أكره مكالماته لأنها تذبحني و لأني بصراحه ما أستاهلها تحسسني بالذنب تدرون ليته يرد و يضربني من جديد و يقسى على من ثاني ليته يكرهني و يطلقني لأني ما أستاهله و لأني تفكيري مثلي فكنت أعتقد انه راعي بنات ياااااه عالتفاهه كل يشوف الناس بعين طبعه طبعا .......
كنت أبكي و أنا نايمه أصرخ في الحمام و أنا في البانيو و أصرخ بألواني و أنا أمرر الفرشه و أرسم ملامحه بكيت كثير و أنا ألمس الدفتر الجلد و أضمه لصدري بكيت و أنا أتفرج على ألبومات الصور مرات و مرات بكيت على بلوزته السماويه و أنا أضمها آلاف المرات عرفت اني انسانه بماضي لا يغتفر و نسيت اني مسلمه و غير كذا تجاوزت الحدود
ما تتخيلوا قديش كنت أتجنب أفتح الدفتر الجلد عشان ما أقراه قديش حسيت بحنين لصاحب الدفتر و شوق يدفعني اني أطلبه يرد للرياض إحساس يبحر في داخلي بإني ما أستاهله و راح أعيش عذاب لايطاق كل ما يقرب مني أو يلمسني لأني بكل بساطه نجسه و قذره و أقرف ... متأكده انه لما جواد قالها لي قالها و هي طالعه من قلبه ...
تذكرت لما مسكني فيصل في الحديقه و أنا أتمشى بفستان خالع و كيف تميت معاه و خليته يلمسني و يرفع شعري عن وجهي كل هذا و أكيد جواد شايف و كل ما يشوفني يلعني ألف مره لأني ما احترمت حتى اسم العايله ....؟
انسانه بماضي مثلي وش تتوقعون منها تسوي غير انها تطلب الطلاق و لا تتم تتألم بصمت و في داخلي نار والعه تحرقني بقسوه حتى غيره المفروض ما أغار عليه هو أشرف من انه يلمسني لازم نتطلق و يتزوج له وحده بدون تاريخ مجيد و حافل بالإبداعات مثلي تجيب له عيال لهم عزوه و أهل مب خوال الله المستعان يكفيهم أحمد هذا الإنسان حطم الأرقام القياسيه في الجشع و الفجعه على الفلوس ...
كنت أرسم لوحه تعبر عن ألمي بطريقتي ....
سمعت طق عالباب
أميره : هلااااااا
جوري : يا هوووووووو يا الرسامه وش ترسمين ؟
طالعت للوحه بتمعن
جوري : وااااااااااااااااو ما توقعت جواد حلو للدرجه هاذي
ابتسمت بمرح
أميره : جواد طول عمره حلو ويجنن سواء باللوحه أو بغير اللوحه
جوري : يا عيني يا عيني عالحب .... اشتقتي له
حطيت الفرشه بالكوب و قلت بحزن
أميره : مشتاقه بس أشوف عيونه !!
جوري : بس !!
أميره : بس لأني أشوف جواد من عيونه
جوري : يوه يبي لي كورس عندك اتعلم هالكلام الحلو عشان أقوله لقرادة حظي ؟؟
ضحكت عليها و قلت
أميره : ليه مخطوبه ؟!
جوري : ايه و مع الأسف ملكتي الأسبوع الجاي ؟!
أميره : ما شا الله و لا تقولين لي ........ طيب جهزتي شي للعرس ؟؟
جوري : و لا شي
أميره : أوف ليه !
جوري : مالي خلق !........ أوف نسيت تروحين معانا
أميره : وين ؟
جوري : عرس فيه البدع ؟ راح يعجبك لأنه لوحده قصه تسطرينها في لوحتك !
أميره : هاللحين !
جوري : طبعا أنا جيت أقولك خذتيني بالسواليف يالله أنا بروح ألبس
اتصلت على جواد أبي أستأذن منه ترددت بس بالأخير لما سمعت صوته
انثبرت !!
جواد: يا فدى هالقلب و لأول مره في تاريخ هالجوال تدقين منه علي
ضحكني أسلوبه
أميره : دقيت أبي أقولك اني بروح مع أهلك لعرس !
جواد: عرس !!
أميره : عرس لمين مدري بس تو جوري قالت لي و .......
جواد: جوري هذي بروحها عرس
ضحكت من قلب هالمره
جواد: فديت هالضحكه و صاحبتها
قلت بجديه لأني مستحيل أسيح بمشاعري عليه أحتفظ فيه بعيد عن قلبي أفضل لي و له
أميره : أروح !!
جواد: روحي بس لبس خالع ما أبي و تتغطين زين مثل ما علمتك عيونك لا تكشفينها
و لفي العباه حولك زين لا تبعدين عن .........
قاطعته و قلت بتريقه
أميره : طيب يا سي السيد أمرك و لا تزعل كله راح يتنفذ بالحرف
جواد: لما تردين كلميني طيب
خفت من اللهجه الجاده اللي كلمني فيها
أميره : ان شالله
رحت تسبحت و تمكيجت صح يعني مب مكياج صارخ لاء يعني متناسب مع طبيعة فستاني اللي كان بني جبنيز ضيق بس واسع من الأرداف طويل بدون فتحات " لا يفوتكم تنفيذ دقيق للأوامر " خليت شعري على طبيعته مفلول استشورته على تحت و لبست مجوهرات بسيطه و ساعه ذهبيه خلصت من دنيتي كلها على دقت جوال من جوري !
نزلت تحت لقيتهم كلهم لابسين معادا عزه اللي اعتذرت عن الروحه لأنها مشغوله
خالة خيريه كانت تجنن بالفستان العودي و الذهبي مع الذهب اللي لابسته بتناسق
جوري لابسه فستان أحمر شوي عاري و روج أحمر يفقع العين بس بصراحه تجنن هي و عدساتها العسليه اللي مركبتها !!
هديل كان فستانها سكري و جاي مره قصير على جسمها اللي صدق عجبني ما شاالله
شعرها كان حلو رافعته بشكل مرتب ببكله من الماس
رجاوي لبست فستان فيروزي مره حلو بس خالع مره تسريحتها كانت مره كيوت
بس ما عجبني الخاتم الكبير اللي في اصبعها !!
ساميه مره نعومه بفستانها اللي مزخرف بالورود الزرقا متناسب مع بشرتها البيضا و ورده سكريه حلوه تلمع ورى اذنها
طبعا ما سلمت من التعليقات بس كلهم قالوا اني مره حلوه مع تلميحات بسيطه من هديل بس ما علقت عليها !

البارت الثاني و الثلاثين


وصلنا القصر أو بالأصح فندق !
جلسنا حول طاوله مرتبه بدقه و نظام و قهوجيات رايحات جايات طبعا و سلمت عالحريم اللي يسلمون عليهم ... جوري كانت تعرفني على الحريم بهمس هذي مرت فلان بن فلان و ذيك بنت مدري مين !!
أما رجاوي فإكتفت بالنظر و التأفف من لحظه للحظه و خصوصا ان الأجواء بينها و بين هديل مكهربه جدا و حاميه أما خاله خيريه فجلست مع مجموعه من الحريم اللي من جيلها !
ساميه هادئه بدون أي انطباعات على أي شي
هديل : بتمون تهامسون قدامنا
جوري : يعني و مين حضرت جنابك ....الملكه لا تكونينها و أنا ما أدري !
قالتها بمصخره تقهر
رجاوي : يااااااااااي الدلوعه كيف تتهامسون عندها بهالبلديه !!
و قامت تقلدها ( بتمون تهامسون قدامنا )

غصبن علي ضحكت .....هديل طالعتني و حقدت علي زياده
هديل : انتي انثبري و انطمي
قلت بسخريه و ربي ما كنت كذا بس جواد أعطاني كورس مدته شهر و كم يوم لتعليم أساليب السخريه و الإستهزاء
أميره : وش اللي انثبري هو أنا كلمتك أصلا ؟؟
جوري سوت نفسها مالها دخل .
جوري : بس يا بنات خلاص جت أخت العريس
رجاوي : قصدك زوجة العريس !!
سلمت علينا انسانه حلوه حيل بس جسمها شوي مليان وجهها سموح يحكي الطيبه و السماحه و الحنان ...
أخت العريس : مين الأخت ؟
جوري : بنت مساعد آل ....
أخت العريس : أها زوجة جواد
رجاوي : اييييييييه
قالتها و هي تضغط على ايه بقصد تبي تقهر هديل .... آه منكم يالحريم !!
أخت العريس : مبروك
أميره : الله يبارك فيك
أخت العريس : يالله عن أذنكم
و راحت !!
التفت لجوري
أميره : انتي تقولين أخت العريس .... و رجاوي تقول زوجة العريس وش السالفه !
هديل : أنا قايمه أرقص
قالت رجاوي و هي ترفع حواجبها بتريقه
رجاوي : و أنا بعد
هديل : بوتكس أوف !!
رجاوي : هالبوتكس تحطينه في حلقك و تنكتمين فيه !!
راحوا شنقل و منقل يرقصون هههههههه
العجيب ان ساميه مثل ما هي جماد
جوري : تدرين أخت العريس اللي قبل شوي اسمها دانه زوجوها أهلها من واحد من جماعتها حبته و حبها و عاشوا اسعد أيام حياتهم جابوا ولدين و بنت بعد خمس سنين زواج نطت خالته و قالت انها رضعتهم مع بعض و حلفت بالأيمان المغلظه انها رضعتهم تخيلي يا أميره بعد خمس سنين زواج يكتشفون انهم أخوان آآآآه
فتحت فمي حتى ما قدرت أتكلم من الصدمه
جوري : و طبعا اهلها فرقوهم عن بعض و شوفيه هاللحين زواجه ؟!!و صارت بحكم الشرع أخته لا لا هي من زمان أخته على كلام خالتهم !!
أميره : يا قوي قلبها و اليوم جايه لعرسه
انطفت الأنوار فجأه و أعلنوا عن دخول العريس بعد خمس دقايق
عالسريع جبنا عبينا و تغطينا جت رجاوي و بعدها هديل و تمينا نتفرج عالمنظر الحافل
طلعوا العروسين ماسكين بعض بسعاده بس العريس فيه لمحه من الحزن مرتسمه على وجهه كانت أخته اللي كانت زوجته تنتظره عالكوشه بسله كبيره كريستالاتها تلمع من بعيد مليانه ورد لحظه حاسمه بين العريس و أخته .......
هو شوق و لا حقد عالقدر أو الخاله اللي تمنوا انها تكتم سالفتهم في قلبها و تخليهم يعيشون حياتهم مع عيالهم و لا رضى بالأمر الواقع اللي وصلهم لهالمأساه !!
للحظات غبطتها على قوة قلبها و صبرها و تحملها في نفس الوقت حزنت عليها و وش نظرت أولادها لها و لأبوهم ...
جلسوا العروسين عالكوشه رشتهم بالورد و رقصت شوي نزلت بدون ما ينهز فيها شعره أو بيتهيأ لي ....!!
سكتت القاعه كلها فجأه على صوت ولد صغير طالع عالكوشه و ينادي بلهفه بابا .. بابا
و هو يجري لأبوه طاح بسبب اسلاك المايكرفونات اللي يغنون فيها الطقاقات...
قام الأب من جنب عروسته و راح لولده اللي طاح و الشوق و الحزن و الأبوه كل هالمشاعر تضم الولد ...... ناس بكت و ناس تأثرت و ناس مثل هديل تنرفزت و قالت بتحمس
هديل : و العروسه حسبي الله عليك
و ناس مثل العروسه الدهشه و الذهول منع تفكيرهم عن ردت الفعل اللي ممكن تصدر منهم
و ناس مثلي قاموا يتأملون بصمت !!

دينا للبيت و كن على رؤوسنا الطير كل وحده راحت لغرفتها و أولنا جوري اللي كانت طول الوقت تبكي بتأثر ..!
طلعت لغرفتي خذت لي دوش لبست ملابس قطنيه مره قصيره ماخذه راحتي و تمددت عالسرير و أنا أفكر ....
مدري ليه خفت أتصل على جواد هو طلبني بس ما لي وجه أتصل عليه أقوله وش تبي !
حسيت بحنين لا يقاوم للدفتر الجلد .. فتحته غصب عني لأني ما قدرت أقاوم جاذبيته قصدي جاذبية اللي كتبه

__________________
عندما حطمتني ....
بللتني بشوق
و أحرقتني بنهم
و لكن حطمتني ..
بقسوه
عودة الى الوراء الي حيث
الشوق و الحنين
أتراها تفهمني و تفهم غيرتي و جنوني
لا أدري و لكن ربما ؟؟
" عجزت أشيلها من تفكيري لما شفتها مع عبدالله تقريبا جنيت كرهتها في لحظتها و رديت للبيت أوعد نفسي اني أشيلها من بالي ....... بس للأسف ما قدرت سحرتني مثل ما سحرت كل الرجال اللي قابلوها جننتني شعللت البركان في قلبي ما نومتني الليالي طيب ليش !!
سألت هالسؤال لنفسي بإلحاح لقيت الجواب
اني أحبها مجنون فيها عاشقها لا إلا وصلت لهالدرجه من عشقها أهواها
للحظه صرخت أكرهك لكن ما لقلبي وجهين هو وجه واحد....هو الوجه اللي يقول أحبك ؟!!
شهقت بكيت ضميت الدفتر و أنا أبكي
أميره : و الله يا جواد غصب عني ....... ما ... ما .... لااااااااااااااااااء
رن الجوال .... هذا جواد
ما رديت ...... رد رن مره ثانيه
أميره : ألو
قال بعصبيه
جواد : وينك انتي خوفتيني عليك ليه ما تردين علي !
أميره :................
جواد : و أعتقد اني قلت لك اتصلي علي لما تردين من العرس
أميره :...............
جواد : أميره ردي عليييييييييييييييي
عصب مره
أميره : جواد معليش تعبانه ممكن أكلمك بعدين !
هدى صوته شوي
جواد : على راحتك
___________________
مرت الأيام سريعه و حنا من سوق لسوق عشان الأخت جوري قال ايش ما عجبها الفستان اللي فصلته تبي واحد غيره !
أميره : و الله دلع بنات
جوري : لا تقنعوني ما أبيه
رجاوي : تعالوا نشوف هالمحل ........
أميره : حلو باين عليه من بره
دخلنا و حنا نتفرج عالفساتين
جوري : مهي حلوه مب عاجبني شي خلاص تعبت من الدواره
رجاوي : حنا اللي يحق لنا نقول هالكلام لنا خمس أيام و حنا ندور بالأسواق الا حضرت جنابك ما أبي ذا و أبي ذاك !!
تنهدت و أنا أتهالك على واحد من الكراسي بتعب
أميره : خلاااااااااااااص رجووووووووولي الرحمه يا جوري
تقريبا بدون مبالغه سوينا كل شي و جبنا كل شي و شرينا فساتينا و أغراضنا بس باقي العروسه ست الحسن باقي على ملكتها يوم و قاعده تدلع
ردينا البيت نشوف فستانها اللي مب عاجبها و مدري شالسبب و تعطينا أعذار غير مقنعه !!مره ان الورده مهي متناسقه مع الفستان و مره ان الإكسسوار مب لايق ...
فإقترحت حل يرضي جميع الأطراف
أميره : وش رايك أكون المليكان ...
درت حول نفسي و كملت
أميره : ..... الموديلز يعني ؟
رجاوي : كيف ؟؟
أميره : يعني ألبسه و تشوفينه علي بما انك حتى رافضة تلبسينه ؟
جوري : لا يا أميره ما راح أقتنع
رحت لبسته و طلعت لها و الحمد لله جواد مب هنا لأنه الفستان خالع بمعنى الكلمه مع ان فستان عرسي كان شوي بس مب لهالدرجه !
رجاوي : بصراحه منتهى الروعه جسم فتان
جوري : تتوقعين بيطلع علي كذا حلو
أميره : طبعا يا حلوه أكيد يالله بجيبه لك تجربينه
دخلت علينا عزه اللي صايره مختفيه ما تبان الا في المناسبات
عزه : واو شي فوق الوصف رائع و حلو
قلت و خدودي تحمر
أميره : عيونك الحلويين
رحت فصخت الفستان و عطيته لجوري اللي لبسته و طلع عليها مره يجنن
أقنعناها في الأخير انها تنام و تستريح و ربي معذبه نفسها خايفه من يوم ملكتها اللي تقريبا بعد يوم رحت لجناحي أفرك في رجليني ياااااااااه جوري فصلت عظامي من الدوران في السوق اليوم جواد ما اتصل بالمره ما قلت لكم عن أيامي اللي راحت قديش انشغلت مع جوري و قديش فرحت اني نسيت آلامي شوي أو تناسيتها كل ما اشتاق لجواد أطالع لصورته مع المعجبين ... ليتني وحده منهم أشوفه في أحلامي و بس !!
مب انسانه عايشه في حياته متعذبه أو مالها أي معنى مثل المويه اللي تنصب في جره مشطوبه .....

________________
و تحب ........
أحبته بصمتها و دموعها
عادت تعود كالنسور
تنظر بنصر
آلمته !! حطمته !! مزقته
و تعود لتحب من جديد
كلمة أحبك قالتها و شفايفها ترتجف سمعتها من ورى الباب و هي تقولها
خنقتني هالكلمه ... ما تدرين قديش مزقتني هالكلمه لأشلاء !!
اصطدمت مشاعري لما شفتها تحب واحد معاق قلت يمكن شفقه بس رديت انصدمت
بإنها تحبه و راسمته بيدها في لوحه من لوحها
ما أعتقد ان هذا حب ؟ الا حب لأنها تتأمل صورته كل وقت و بكل الحب
لآخر لحظه عطيتها الأعذار بس في النهايه ما لقيت لها أي عذر غير انها انسانه كريهه نجسه أحقد عليها !
دخلت في الصورة شيخه أغرتني بجمالها بس للأسف ما انغريت ليه أقول للأسف لأني في لحظه تمنيت اني غلطت مع شيخه أو حتى ألمسها عشان يصير تاريخنا الشريف واحد !!!
كل ما أشوف شيخه تقتحمني صورة حبيبتي خايف أخونها كيف أخونها و هي ساكنتني بس هي عاشت في ضلالاتها مع واحد معاق آلمتني صورتها و هي تنضرب من ناصر بس للحظات كنت ابتسم مستانس و فرحان و أنا أتشفى فيها ....
دخلت الدفتر بهدوء تحت المخده انخشيت زين تحت البطانيه و بكيت بمراره
لا.... أكتشفت ان أحبك اللي قلتها لعبدالله ما كانت صدق كانت مجرد أحاسيس مختلطه أحاسيس ما قدرت أصرفها أو ألقى لها نتيجه لا يا جواد أنا ما حبيت عبدالله أبد أبد
كرهته بعد ما كذب علي و خدعني لأنه كذاب
قمت أبكي طول الليل و أنا أردد أنا ما حبيت عبدالله .... أنا ما حبيت عبدالله
_____________
و كالعاده قمت على رنت الجوال
أميره : هلا
جواد : يالله قومي الساعه صارت ست !
أميره : ان شا الله
كان ودي أسأله ليه ما اتصلت أمس بس رديت بطلت مب من حقي أسأله و أنا راح أطلب الطلاق منه !
جواد : غريبه ما سألتيني ليه ما اتصلت أمس !
أميره: أكيد مشغول
جواد : و الله ما يشغلني عنك شي لو عندي .........
قاطعته
أميره : جواد لا تكمل يا ليت تقفل عشان بروح أتسبح ما أبي أتأخر عالفطور يالله باي
ياالله قديش كنت قاسيه عليه !
صرخت و أنا أروح الحمام
أميره : ما أستاهله ما أستاهله هديل أحق مني فيه
و كالعاده رحت فطرت بنفس الملل كان اليوم أربعاء
جوري ما حضرت الفطور طلعوا لها اياه الخدم فوق ...
طلعت عزه للحديقه اللي من دخلت هالبيت ما طبيتها خلاص صار عندي مناعه من الحدايق
و خصوصا ان بندر أخوهم موجود لا الله يرحمكم أكتفي بنظره بريئه من غرفتي عليها
دخلت غرفة جوري لقيتها بس تصيح رحت و ضميتها خايفه عليها
جوري : خايفه من بكره يا أميره
أميره : يوه الله يهداك هي مجرد ملكه يعني تشوفينه و السلام مب زواج أو ليلة دخله
جوري : ما أبي أشوفه بقول لجواد يقوله يأجل الشوفه ليوم العرس
أميره : ليه انتي ما شفتيه أو شافك ؟
جوري : لا أنا رفضت .......
شهقت بمراره
جوري : و أجلتها للملكه
أميره : هذا اسمه لعب عيال يعني وش بيصير لو شفتيه ؟
جوري : أخاف و أستحي
هزتني كلمة أستحي ...
وين الحيا راح لما شفت عبدالله يوم زارني بالمستشفى و مسكت يده بلهفه !
أميره : هي كم دقيقه تشوفينه فيها و تطلعين لا تخافين و الله سهله بتشوفينها بعدين مره سهله !
مسحت دموعها و قلت :
أميره : يالله يا قمر قومي غسلي وجهك و افطري فطورك ما أبي المعرس يشوفك مصفره و حزينه أبي هالوجه مشرق و مبتهج
ابتسمت لي بنعومه و هي تبوسني على خدي
جوري : شكرا يا أميره
أميره : على وش ما سويت شي يا قلبي يا الله عن الدلع
قمت بمشي و أروح لغرفتي
جوري : لأنك ملاك انتي غير كل الناس
طلعت من غرفتها و الدمعه حاره في عيني تحرقني بألم
وصلت بعد تفكير اني أكمل الرسمه أضفت لها بعض الرتوش و بعدتها بعيد
نزلت تحت أجلس مع عزه في ........... الحديقه
عزه : اضفاءات ساهره على لوحه مستميته
أميره : ما فهمت ..
عزه: يعني مثل قصة الصقر المشوي ؟؟
أميره : بس أعتقد ان الحياه أكبر من انها تنوصف في كتب الفلاسفه القدماء أو المعاصرين
عزه : صح بس من خلال دراستي للماجستير عرفت عكس هالكلام اللي تقولينه
أميره : المساحه اللي تشوفيها حولك مليانه بالحياه أو تنبض بالحياه على قولك ما تعبر عنها الرسوم أو الأقلام .... على فكره وش هي قصة الصقر المشوي !
ابتسمت و هي تعدل نظارتها بحركه خفيفه
عزه : هذا يا طويله العمر فارس من فرسان بلده و قائد من قوادها .......
جوري : ممكن نقط معاكم بالسالفه ؟
أميره : بسم الله علينا وش فيك !
رجاوي : بوووووووووووم
فجرت كيس مليان هوا
نطيت بروعه و أنا أضربها
أميره : لا حووووووول شغالين لي فزيعه !!
جوري : عزوزه حبيبي كملي السالفه اللي أكيد وحده من قصصك الحلوه
قامت عزه بدون كلام قفتنا و راحت
أميره : شفتوا كيف !!!!!!زعلتوها
رجاوي : يا شيخها خلها تولي أستاذة الجامعه
أميره : يا بنت عيب هذي أختك مب وحده من الشارع
جوري : هي كذا لسانها متبري منها ؟!
رجاوي حطت يدها على خصرها و قالت و هي شايله الكيس و تدوره في الهوا
رجاوي : عروسه مثلك ملكتها بكره وش مجلسها هنا قومي روحي شوفيلك مرطبات
كريمات سويلك مساج صدق قلبك بارد
طالعت في أختها بقهررررررررر
جوري : أقول انثبري ما بقى الا المعص........
رجاوي : حدك عاد يا ممشوقة القوام !!
قالتها بتريقه
قمت أبي أصرخ صدعوني بهواشهم
أميره : أنا بطلع لغرفتي أبرك
مشيت لغرفتي رغم النداءات المتكرره من جوري و رجاوي
في مساحه مؤلمه من التفكير رديت أكمل الرسمه اللي تمثل وجه جواد و أشواك كثيره حوله و دم و حبل مقطوع احساس عميق بالفجوه اللي بينا ياه تعودت أسامح تعودت أغفر تعودت أتغاضى بس محتاجه انه يسامحني !!
رديت اللوحه لمكانها و رحت أغسل يدي في الحمام و أنا أطالع المويه و هي تزيل الألوان بهدوء و انسيابيه طالعت المرايه أشوف وجهي شفت وجهه في المرايه
لفيت بسرعه أبي أشوفه
سحبني بره الحمام و قال و هو يبتسم
جواد : واحشاااااااني
استغربت هالتبدل الفظيع معقوله سامحني حتى بدون ما أدافع عن نفسي أو يكون بينا جلسة مصارحه !!
وجوده المفاجئ زاد أربكني ..... شلت المنشفه من على الكرسي أنشف يدي
مسكني و شدني قباله
جواد : أقلك واحشاني تقومين تمسكين لي المنشفه ؟!
كان ودي أقوله افتقدك أقلها وحشتني عيونه الناعسه وحشني و أنا أشعر بالدفا هو نايم قربي حتى و هو مجافيني و يصد عني طالعت لعيونه و عيوني تدمع و هو الفرحه متشققه في عيونه ..... رفعت يدي أبي ألمس شعره ما قدرت صديت عنه و بعدت يدي عنه !!
جا وراي ...
جواد : وش فيك يا أميره ليه هالصد لهالدرجه ....
قاطعته و أنا أحط اصبعي على شفايفه
أميره : لاء بس لا تكمل عشان خاطري لا تكمل و ربي تحطمني نظراتك !!
جلست عالكرسي جلس جنبي و هو مره مستغرب مني هزني من كتوفي
جواد : وش فيك ؟
انهرت و أنا أبكي على فخده بمراره
أميره : جواد سامحني الله يخليك سامحني ما يسوى علي أشوفك متعذب فيصل و ربي هو اللي حبني أنا ما عطيته وجه !!
رفعت راسي و طالعته
كان يطالعني بعدم تصديق و كأني أكذب عليه
و هالشي حز في نفسي و خلاني أبكي زياده
أميره : جواد و ربي هو اللي كان يرسل مسجات بس ما أرد عليه صدقني
جواد : و يوم شفتك معاه هذا وش كان ؟!
و ولع سيجارته
بعدت عنه و قلت ...
أميره : هربت منه مسكني غصب عني وقفت ..... أنا يا جواد لا ء ما أقدر أقولها
مو مصدقني صح .. لا ء لاء لا تقول مو مصدقني حرام عليك يا جواد
جواد : طيب فسري لي كذا وش سالفة عبدالله يمكن أكون ظلمتك ؟
أميره : عبدالله انرمى في طريق أقداري أول ما وصلت دبي
عصب من كلامي و قام يهزني
جواد : أنا اللي انرميت في طريق أقدارك صح و شتيني بالجزمه و لااا
قلت بتوسل

أميره : لا مب صح جواد لا تناظرني كذا لا تكون انت و الزمن علي !
طالعته برجاء و أنا أرخي راسي
رفع راسي بيده و قال بحنان
جواد : أطوي صفحة الماضي و انسي
قومني و هو يطفي سيجارته
جواد : أميره أنا أعرفك أنا ساكن جواتك بس انتي مب حاسه فيني ماضيك انسيه و طالعيني أنا المستقبل أنا جواد مستقبلك !!
_________________

الساعه : 02:20 بعد الظهر
جواد : عارفه انك مجنناني بشعرك
أميره : يوه يا جواد يعني أربطه !
جواد : و تسأليني ليه ؟؟ بس يجنن و هو كذا
أميره : طيب أكمل .....
جواد : كملي ..
كنت حاطه راسي على صدر جواد و متمدد و أقرى له رواية ( روميو و جولييت )
أميره : بكى الحب من أجل من صنع الحب و كانت أسطورة روميو و جولييت
هي من أروع ما حفظ الزمن في سطوره
جواد : عيديها مره ثانيه
قالها بتنهيده حالمه ...
قمت جلست و أنا متربعه أطالعه و هو متمدد قدامي
أميره : تفضل يا الشيخ اقراها لي انت ؟
لمس خدودي بيده
جواد : لا حبيبتي أحب أسمع صوتك ؟؟
استحيت و خجلت مره و يده تمر على شعري
جواد : انتبهي لا تحرقين أصبعي
دقيت أنفه بأصبعي
أميره : لا يا شيخ كيف بحرقه !!
جواد : بقطعتين الجمر اللي مركبه في وجهك
ضحكت عليه و قلت
أميره : لا يا شيخ
قام يقلدني
جواد : لا يا شيخ "
أميره : اذا بتم تتريق علي بقوم أختك أولى بي منك
قام جلس قدامي و مسك يدي بحنان خجلني و طبعا حررررررررني
جواد : قوليلي تتوقعين اننا ممكن نكون روميو و جولييت
طالعت لعيونه بخجل
أميره : طبعا نقدر أمممممممم
قام يقلدني
جواد : امممممممممم
قمت وقفت قدامه بدلع
أميره : بروح لأختك أحسن لي
جيت بروح مسك يدي
جواد : بأفرج عنك للحظات بس اسمعي .... تردين لي بسرعه
أميره : هالعيون تحرقني نظراتهم ....
حطيت أصبعي بين عيونه
جواد : يعني .....
أميره : لا تطالعني كذا
رحت لجوري و أنا سعيده طايره من السعاده جواد و ربي في لحظات بس غير كل شي كان في داخلي الحمد لله
و كالعاده جوري تبكي ....
أميره : وليه يعني كل هالبكا اللي مقطعك تقطيع ؟
ناديت الشغالات يجون يرتبون الغرفه اللي حيل حوسه
جوري : أميره من جد خايفه ؟ أخاف يغمى علي قدامه
أميره : يا بنت وش هالفال الشين بسم الله عليك ما راح يصير لك شي !!
جوري : .................
أميره : وين رجاوي ؟
جوري : راحت تخلص طلبيات الحلى و تجيب الكوافيرات في طريقها ؟!!
مسكت يدها
أميره : قومي يالغلا خذي لك دوش روقي أعصابك يالله
رحت للصاله كل شي تمام الكوشه و الكراسي و كل شي تقريبا
رديت للغرفه
أميره : على وين !!
شكله يجنن بالزي السعودي تعودت أشوفه بالقميص و البنطلون
كان يصلح شماغه في المرايه بإدقان عضيت على شفايفي و أنا أتأمله
جواد : أينن صح بسم الله علي خقاق !!
أميره : أينن يقولونها الإماراتيين !!
كان بيركب الكبك في الكم شلته من يده و أنا أركبه له
أميره : تدري !
جواد : أدري
طالعته أرفع حواجبي
أميره : جواد !!! وش اللي تدريه ؟
جواد : مو ساكنك خلاص فأكيد اني أدري
طالعت لأزرار الكم خجلانه
جواد : خافي على خدودك أخاف أجي ألقاها قابه
مسكت العطر و قمت أعطره و هو يرفع الشماغ
جواد : معشوقتي !
جنني في هالكلمه من أمس و هو يقولها أحس بسعاده لما أسمعها منه و بصوته العذاااااااااااااااااااااااااب !!
أميره : أمرك
قلتها و أنا أقربع عالتسريحه رفع يديني و باسها
جواد : أنا اللي أمرك .... لا تقولين أمرك
قلبي تفجر بنبضاته ذيك اللحظه
جواد : أبيك بخير دايما خلي الجوال معاك بخلص بعض الشغلات طبعا طلبتهم الأخت جوري
مسك يدي و حطها على صدره
جواد : تامرين بشي
أميره : سلامتك يالغال.......
نزلت راسي مره مستحيه
رفع راسي بيده
جواد : راسك دايم فوق يالغاليه
صرخت بعصبيه مصطنعه
أميره : جواد يالله بسرعه روح

سحبني من يدي
جواد : بتسوين مثل المره اللي تحب زوجها ..... توصل زوجها للباب
أميره : هذا لو كانوا في بيت مب قصر و بعدين أخوك موجود ما يصير
ضرب على جبينه
جواد : أوووووف بندر نسيته
رن جواله
أشرت على الجوال
أميره : خذ الموشحات من أخوك و قابلني ؟؟

البيت تملى بالناس و العالم كلهم جايين يشوفون جوري .... البنت اللي كلها ملح و نعومه و حيا زايد عن اللزوم ...
كانت طول الوقت تبكي و الكوافير مسكينه ودها تصرخ من القهر لأنها كل شوي تعيد تحط الكحل و العدسه الخضرا اللي حطتها في عينها تتحرك ...
أميره : جوري معليش يعني مب هالشكل الله يهديك كل هذا خوف ارحمي نفسك
الكوافير : أوللها دنا تعبت
رجاوي : و الله ..........
قاطعتها بمزح
أميره : تبين تفجرين علينا قنابلك اطلعي بره يالله شوفي المعازيم !!
رجاوي : قنابل !! ليه وش قالوا لك بوش على غفله !!
أميره : رجاوي يا حبيبي لسانك بروحه قنبله تفجر دوله بحالها !!
قامت جوري تضحك و تمسح دموعها
ياااااااااااه أخيرا مسكت دموعها و بكاها
دخلت هديل
فستانها مره رواق صراحه حتى شعرها الأحمر لايق عليها أمس صبغته و طبعا ما سلمت من تعليقات رجاوي اللاذعه فستانها كان أسود حرير طالع على بشرتها البيضا خيال
هديل : ما خلصت العروسه
رجاوي : تنتظر اذنك !
هديل : انتي محد كلمك !!
رجاوي : يعني .............
قاطعتها بطفش
أميره : بس خلااااااااااااااص كفايه
رجاوي كانت لابسه فستان نمري هاي نك بدون أكمام
و رافعه شعرها كله على فوق و هي ما شاء الله ملامحها حاده فصاير شكلها قمه في الشياكه و الجمود و اللي يشوفها يقول متسلطه مدري ليه حسيت انه يليق عليها هالوصف ( المرأه المتنمره )
أنا كنت لابسه فستان جامع اللونين الأبيض و الأسود من الخصر مره ضيق بشريطه حمرا نعومه و روج أحمر قاتل ههههههه تركت شعري على راحته بعد ما استشورته زين !!
خلصت العروسه بعد معاناه لبست الفستان اللي جامع اللونين الأخضر الدافي مع الأزرق الخفيف بعد ما لبست مجوهراتها طلعت ما شا الله لا إله الا الله
جو صاحباتها يسلمون عليها و عزه طبعا جات تشوف أختها كانت لابسه فستان وردي مره لايق على شخصيتها المحافظه
ساميه مختفيه عن الوجود ..!!
انزفت العروسه على أغنية أخت القمر بكل الخجل و الحيا اللي فيها
أخت القمر فوق الثرااا .. قااالت تبي تغيض القمر ... مااا مثلهااا بين الورى ... تمشي البيدااااا دجر
خفت لا يغمى عليها فعلا من قوة حياها كانت ترجف و مرت بسلام جلست عالكوشه اللي كلها ريش و فراشات بنفس لون فستانها !!
طلعت أم العريس عالكوشه تبيها ترقص طبعا أنقذت الموقف و أنا أهمس لجوري تقوم بأرقص معاها أم العريس مسكتها من يد و أنا من يد و قامنا نرقص و صاحباتها سووا حولنا حلقه و هم يصفقون و يرقصون ... يمكن وجود صاحباتها خفف من خوفها فصارت تبتسم عالأقل و تسولف ... يوم نادوا العشا و قالوا العريس بيدخل !!
دوروا جوري ما بتلقونها مسكت يدي بخوف و الدموع تجمعت في عيونها
أميره : يا بنت ارحمي نفسك بس وش بيصير يعني ؟
جوري : تمي معاي الله يخليك
أميره : معليش ما أقدر يمكن الرجال يبي يقولك شي و لا شي
جوري : باقي راح يقول و أقول ......
ابتسمت بتريقه
أميره : طبعا
تركت يدها و مشيت !
دخل العريس جلس جنبها ما أقولكم عن الرومنسيه اللي كان يكلمها فيها طبعا أكيد ما صدق يوم شاف القمر طبعا لبسها الشبكه و الدبله و هي لما لبسته الدبله كانت ترتجف
المهم لما جا بيروح باس يدها هي تقريبا ذابت !!
الحمد لله ما صار شي مخيف مثل ما توقعت انتهت الملكه و خلصت رحت أشوف العروس لقيتها مغمى عليها و طايحه عالأرض !!
زين ان الإغماءه جت بعد ما راحوا الناس و قابلت العريس
قمنا نفوقها بالعطور ما قامت نهزها ما تتحرك قلت بس !!! ما لنا غير البصل و جابت لنا وحده من الشغالات البصل !!
أول ما قربته من أنفها مسكت يدي و قامت ......
فجعتني !! و قامت تبكي على صدري
__________________
تمددت عالسرير بتعب حتى مب قادره أفصخ فستاني و أمسح مكياجي
رن جوالي
أميره : هلاااااااااااا
جواد : أهلين و ألفين هلا
أميره : وينك يالغلا ؟!
جواد : أكيد وحشتك
ضحكت و قلت
أميره : يعجبني الإنسان الواثق
جواد : طبعا لازم يكون واحد مشهور مثلي واثق
أميره : يا ربي لا تذبحني بس بالثقه الزايده يا روميو
قلتها بدلع و كملت
أميره : ماذا تريد !!
ضحك و قال
جواد : أبي أشوفك بالفستان
نزلت الجوال عن اذني لأنه كان واقف قدامي بالغرفه أحرجني حيل قفلت الجوال و طالعت للكرسي مستحيه جواد يقدر يجمدني مثل كره من الثلج يقدر يحطمني مثل الحجر لا تفتت و صار تراب و في لحظه يقدر يحولني لقطعة جمر ساخنه تحرق نفسها بكل هدوء

لين تصير رماد طالعت عيونه اللي كانت ذهول و لنقل من زمان ما شافني كذا فـ قام يتأملني بطريقه حررتني بصراحه أبي أغير الموقف !!
أميره : بس خلاص كفايه احترق الفستان و احترقت بكبري
مسك يدي اللي كانت مثل الثلج مو قلت لكم يحولني لجليد ثواني و يرد يحرقني
جواد : فاتنه ....... مثل جولييت في القصه ... الأحمر على شفايفها مثل قطعة جمر ..
أكيد طبعا لأن الأحمر صارخ معليش قصدي قاتل !!
أميره : جواد بس يكفي
جواد : لا مو يكفي ... و بعدين انتي ليه يدك كل ما أمسكها بارده
حسيت بحرارة يده تخترق طبقات جليدي و تذيبه بحنان
أميره : كيف الملكه ؟!
جواد : و الله تمام الحمد لله
فصخ شماغه و عقاله و طاقيته و ناولني هم
أميره : جوري سوت العجب ... داخت علينا
جواد : قالت لي رجاوي
فصخ ثوبه و علقه
رن جوالي طبعا نظرات سريعه مستفسره من جواد حبيت أحرق أعصابه و أنا أطالع شاشة الجوال و أرد
أميره : هلا بالعروسه كيفك اللحين ؟!
جوري : أميره تعالي بسرعه بسرعه أبيك
أميره : ليه وش صاير ؟
قامت تشاهق و تبكي
أميره : خلاص يا جوري اهدي بجيك
جواد : وش فيها جوري ؟
أميره : تقول انها تبيني و قايمه تبكي و تصيح بروح لها
جواد : و لو قلت لك ان أنا اللي أبيك
طالعته بخجل
أميره : أنا أنفذ الطلبات الأولى و عندي بقائمتي جوري بالأول
قام من عالسرير بيجيني بسرعه هربت منه و طلعت من الغرفه و رحت لجوري
دخلت غرفة جوري لقيتها ميته صياح و تبكي بحرراه و رجاوي عندها
رجاوي : انتي بعدك ما فصختي فستانك
أميره : جا جواد فما قدرت أسوي شي
رجاوي : أها أقنعتيني !!
أميره : جوري وش فيك !!
جوري : اتصل علي
أميره : مين !
جوري : زوج المستقبل
تنهدت بملل
أميره : طيب يا جوريتي اللحين دق عليك أكيد يبي يسولف و يطمن عليك
جوري : سبيته و قلت له لا عاد يتصل مره ثانيه و بيشبع مني و يمكن يطفش بعد الزواج و حذرته من انه يتصل مره ثانيه .... و سكرت بوجهه
أنا و رجاوي فهينا و طالعنا في بعض من الصدمه معقوله جوري الضعيفه الخوافه اللي الحيا مقطعها تصلح كذا أوف !! قويه!!!بصراحه غبطتها على قوة وجهها .... رائعه
رجاوي : اللحين تبين تفهميني انك قلتي له هالكلام كله و سكرتي بوجهه السماعه ؟؟
جوري : ايه
قربت كرتون المناديل و قامت تمسح دموعها و أنفها
جوري : رد أرسل لي مسج " انتي الخسرانه "
و انهارت البنت صياح
قمنا نحاول فيها أنا و رجاوي يا بنت يا جوري ما تتاخذ الأمور بهالشكل
بس تسمعنا و تصيح في الأخير هديناها و نامت ...
طلعنا من غرفتها أنا و رجاوي ندور الهوا
أميره : أختك هذي .......
رجاوي : حاله مستعصيه الله يهديها
وقفنا عند أول الدرج
أميره : بروح أبدل ملابسي
رجاوي : مع ان ما بقت فيني قطعه سليمه بس ما فيني نوم
نطت لنا هديل ببيجاما مره قصيره و صدرها مفتوح
هديل : شوي لو سمحتوا بروح أجيب كوب قهوه
طالعتها رجاوي بإستغراب و تقزز
رجاوي : بتنزلين قدام الشغالات بهاللبس العاري
و قامت تأشر عليها من فوق لتحت و كملت
رجاوي : عيب تمشين بالبيت كذا فيه رجال هنا
هديل : مب شغلك يا الله عن اذنكم
قالتها بدلع و جت مقفيتنا تبي تقهرنا
أميره : و الله ما يصير يا هديل خافي على نفسك عالأقل
طالعتني بشراسه و جت هجمت علي
هديل : أنا ألف مره قلت لك لا تتكلمين معاي أبد
و قامت تشد شعري
مسكتها رجاوي من شعرها و ضربتها و دخلنا كلنا في عراك كله ترفيس و ضرب
و لا ننسى التكمله لهذا كله ... السب و رمي الكلام بس أنا ما شاركت في هالنقطه
طلعت من المعركه و صرت أفرع بينهم و بما ان رجاوي مقفيه الدرج فهديل دفتها بكل قوه
بسرعه مسكت رجاوي اللي فقدت توازنها و خلاص بطيح بس عزه أنقذت الموقف و هي طالعه من الدرج سندتها ....
أول شي لفت نظرها منظر هديل
عزه : أعوذ بالله وش ذا نعنبو شيطانك وش ذا اللبس !!!
قالتها بعصبيه أول مره أشوفها بهالحده
رجاوي : الخالعه قليلة الأدب بنت الـ.............
قالتها و هي حاطه يدها على خصرها و تمسح الدم من أنفها
أنا حطيت يدي على فمي من قوة الكلمه اللي قالتها وااااااااو يا رجاوي قويه ؟؟
عزه التفتت لها من قوة الكلمه و عطتها كف طبعا هديل شافت عزه مره معصبه فهجت لغرفتها بكرامتها !!
عزه : حنا ناس محترمين و عيال ناس وش هالكلام مالقيتي من الكلام كله الا هالكلمه عيب انتي بنت متعلمه و بالجامعه وش فادك التعليم دام هاللسان هاذي قوايله ..
أنا انسحبت بهدوء عالغرفه سمعت صوت المويه بالحمام فـ جلست عالسرير متأثره من جراحي و ضاق صدري عالكف اللي خذته رجاوي الحمد لله بعد ما طاحت من ذاك الدرج كان أقلها انشلت ....!!!!
طبعا هديل ما قصرت مخشتني على ذراعي شدت شعري بقوه لدرجة اني حسيت بالصداع و الألم و ضربتني على وجهي ...
بس طبعا ما خليتها رفستها في بطنها لين بردت ناري منها
طلع من الحمام و قام ينشف شعره ... طالعني متفاجأ جا و جلس جنبي
جواد : وش هذا مين اللي عورك بهالشكل ؟
سحب مناديل و قام يمسح الدم اللي بذراعي ....
أميره : تضاربت مع هديل
نط من مكانه مثل المذعور
جواد : هديل !! أنا أوريك فيها
مسكت يده بتوسل
أميره : جواد الله يخليك ما أبي مشاكل
جواد : زوجتي ما أرضى أبدا أحد يطقها بهالشكل
جلس جنبي و قام يمسح لي جروحي
جواد : وش هالجرح شكله قديم !
طالعني ينتظر الإجابه
أميره :و أنا نايمه ما انتبهت اني نايمه على قطعة حديد حاده مع الضغط انجرحت
مسح الدم عن أنفي و قال بإستغراب
جواد : ليه وين كنتي نايمه !!
دمعة عيوني
أميره : بالغرفه اللي تحت الأرض
انهرت في حضنه و قمت أبكي قام يمسح على شعري و يهديني

تمددت على بطني و أنا أتفرج معاه على ألبوم العائله
جواد : هذا أنا لما كنت صغير .... شكلي مبهدل
أميره : بسم الله عليه يزنن بالعكس شكلك معبر
صوره له و هو صغير عمره سبع سنوات شعره مغبر و شايل وحده من قفازات الملاكمه
جواد : و هذي صورة سلطانه ..... و شايفه هذي جدتي
قربت من الصوره أتفحصها صحيح الصوره مره نادره و قديمه بس اللي في الصوره تجنن
أميره : جميله .....
كملت و أنا في قمة ذهولي
أميره : ما شاء الله عليها حلوه ..... معقوله ؟
جواد : ايه ما شا الله عليها الكل كان يبيها لأنها دره
رن جوالي في هاللحظه
أميره : هلا رجاوي
رجاوي : هلا فيك ... تمريني
أميره : وين ؟!
رجاوي : بالفيصليه
أميره : وش عندك مسرحه هناك ؟!
رجاوي : طفشانه
جواد : قولي لها ترجع من هناك اللحين ؟؟
أميره : سمعتي وش قالك جواد ؟
رجاوي : قولي له مب راجعه
سحب من يدي الجوال بعصبيه و قام يهزأها روعني بصراحه
رمى الجوال عالسرير بعنف
جواد : أنا ما علمتهم عصيان الأوامر
أميره : هدي نفسك شوي و بتلقاها ردت .... رجاوي مهي متهوره لهالدرجه
رن الجوال معلن عن وصول مسج
شلت الجوال و طالعت المسج المجنون طبعا من رجاوي
( راح أقتل نفسي بتشوفون ... برمي نفسي قدام سياره مسرعه عشان ترتاحون من خشتي و تبطلون تسوون معاي هالحركات و عالأقل الدنيا ما تسوى أني أعيش عشانها )

قفلت المسج و أنا حاطه يدي على فمي مستحيل جواد يشوف المسج هذا مسكين مدري وش يصير فيه لو شافه بيذبح أخته ..... فحذفته !
حاولت أخفي ردت فعلي بإبتسامه مموهه !!
طالعني بشك
جواد : مسج منها سويدة الوجه
أميره : ها لا مسج إعلاني من الشركه
و في نفس اللحظه جا فعلا مسج سحب الجوال من يدي قمت أطالعه بخوف لا يكون مسج ثاني من رجاوي المجنونه آه بتوديني في داهيه حسيت برجفه خياليه في جسمي !
أكيد مرسله مسج مجنون تهددنا فيه بالإنتحار يا ويلي على عقليتها الإجراميه من كف خلاص بتنتحر أجل أنا وش بقول يبيلي أنتحر ألف مره لو على البلى اللي شفته
سمعت صوت الجوال ..... مسج
جواد : هههههههههههههه
طالعته بإستغراب من ضحكته
جواد : مسج من الشركه ارسل اسمك على الرقم .... و نرسل لك معنى اسمك مع بيت شعري ........ و لما أرسلت اسمي ارسلوا لي غير موجود في القائمه
و قمنا نضحك نسينا الأخت رجاوي اللي ما أعتقد أبدا انها راح تنتحر مثل ما قالت اذا الحياه حلوه عند المجانين أكيد راح تكون حلوه عند وحده مثل رجاوي !!!
جواد : لهالدرجه اسمي نادر
أميره : طبعا لأنك نادر في كل شي
جواد : أصحابي أيام المتوسط و الإبتدائي يتريقون على اسمي قال ايش مب حلو
قلت و أنا أوخر خصله من شعره عن جبهته
أميره : طبعا لاء يكفيني ان اسمك بالنسبه لي في القمه و " سخي وسريع الجري معناه الجواد الحصان الأصيل الكريم "
جواد : طبعا لأني متزوج وحده في القمه فأكيد راح ترفعني للقمه
حمرت خدودي من الخجل
جواد : مسوي لك مفاجأه .....
أميره : لي أنا
جواد : طبعا ... بنساااااااااااااااااااااااااااافر
أميره : وين !!
قال و هو يمرر أصابعه بين خصلات شعري
جواد : ايطاليا ... و اليوم
قلت متفاجأه
أميره : اليوم !!
جواد : طبعا اليوم حجزت و رتبت كل شي ما أبيك بعيده عني ... طول الوقت مع الناس و مب معاي !!
بعدت يده عن خصري و قلت
أميره : جواد ... أنا ما رتبت أغراضي و لا شي
جواد : بشتري لك اللي تبين مب لازم حتى تاخذين شنطه أهم شي تجين و بس
أميره : .....................
رفع وجهي تجاهه
جواد : أنا مجنونك و بطق أكثر من كذا لو جلسنا هنا
ابتسمت له بمرح
أميره : اللي تشوفه
تدرون وش سوى !!
شالني و هو مستانس و يضحك و أنا أصرخ بدلع بين ذراعينه أبيه ينزلني ... أدلع
لو علي أبي أتم في حضنه على طول ...!!
(دااائمااا لحظااات السعاااده وقتيه تنتهي بسرعه لكنهااا تحيك خيوطهااا في الذاااكره للأبد )
________________

البارت الثالث و الثلاثين


جواد : انتبهي
شالني بصوره سريعه و جرى فيني عالشاطئ بشكل خلى كل اللي عالشاطئ يطالعونا ... نسيت أقولكم اني في ايطاليا بلد الرومانسيه !!
أميره : وش فيك ؟!
جواد : خفت عليك من العقرب لا يلدغك
حرقتني جبهته اللي صارت على جبهتي و نظراته اللي يتحاوطني من كل مكان
و تصفيق حار من كل اللي كانوا موجودين
قلت و الخجل ذابحني حيل
و هو يطالعني ذايب
أميره : ممكن تنزلني !!
جواد : لا ما راح أنزلك لين نوصل الفندق
قمت أدلع
أميره : نزلني نزلني
شهر لي هنا غايصه في السعاده أو بمعنى أصح صرت جزء منها جواد قالي هو المستقبل بس طلع فعلا هو المستقبل في هالشهر علمني كيف أحب و كيف تكون رعشة الحب علمني ان الحياه بحر مفتوح لازم يكون في جنبك اللي ينقذك لاجيت تغرق علمني كيف تكون لمسة اليدين كيف تكون ساخنه من اللي تحبه علمني ان الحب مب كلام ينقال الحب شعور و احساس .... كان يعلمني ان كلمة أحبك كلمه صغيره تتكون من أربع حروف بس معناها فوق ما نتصور أكبر من حجمها بكثير لأنه اللي يحب يكون صادق وفي مخلص و لأنه اذا اختلت فيه صفه وحده تروح قيمة الحب و تتشوه صورته
كنت أتأمل أتأمل كل شعره في ذقنه شفايفه أنفه الحاد و عيونه اللي أبحر بعالمها أدور على مرسى ما ألقى لأنه ما لبحاره شواطي عشقت عيونه و لا نقول صارت جزء مني حبيت غموضها و سحرها حبيت حتى قسوتها حبيت تأملها و نظراتها اللي تحضني بشوق
حبيت حواجبه بكل شعره فيها حبيت شعره العربي الأصيل الأسود حبيت ثقله و هو يطيح متهالك على جبهته حبيت أنفاسه حبيت غيرته لهفته جنونه علي و غير هذا كله حبه لي ............
كنت أتأمله في لوحتي بهدوء أعيش كل دقيقه معاها ....
أميره : تعال ممكن !!
جاني و هو شايل الكاميرا
كان في رسام يكمل لوحه عالبحر اللوحه روعه بس تدرون عاد ما أحب أي رسمه تكون بين يديني مو كامله ...
طالعت في الرسام اللي كان عجوز , طبعا نظرات لاهبه تخترقني من عين جواد
أخذت الفرشه من الرسام و قمت أضيف بعض الأشياء عالوحه و أمزجها بالألوان
طالعني العجوز بوناسه و قام يبربر بسعاده بلغته ناولته الفرشه و هذيت راسي بخفه
أميره : جواد
صد عني و لا رد علي
أميره : زعلان مو ....
جواد : مو و نص
أميره : و الله انه عجوز و بعدين يا جواد مدري حسيت اني لازم أكمله اللوحه
و لاحظ انه عجوز !!
لف علي و مسكني من كتوفي بقوه
جواد : أنا أغار عليك مجنون فيك ما أبي أحد يقربك و انتي عارفه ان سالفة كشفك لوجهك ..............
حطيت يدي على شفايفه مقاطعه
أميره : آسفه ما راح أعيدها ممكن ترد السيجاره في جيبك
لأنه كان مطلعها و ناوي يولعها
جواد : مشكلتي ما أقاومك
سافرنا من الرياض على هنا بالسر حب جواد يسوي لهم مفاجأه أول ما نوصل !
انتظرناهم لين ناموا كلهم و سافرنا و لما استقرينا بالسويت دقينا على عزه اللي ما صدقت و تقول انها راحت لجناحنا تتأكد بنفسها من وجودنا جوري استانست مره و قال ايش حركات أخوي الرومانسيه ....!!
لا أنسى سالفة رجاوي اللي تبي تنتحر عشان انقل من قيمتها و هي عارفه ان كلامها غلط و ان الكلمه اللي قالتها لهديل قويه يعني تستاهل اللي صار لها رجعت للبيت بنفسها و قفلت على نفسها باب غرفتها رافضه تكلم أحد خاله خيريه كانت مره زعلانه من حركة جواد بس بعدين رضت ...
ساميه مره مالها حس !!!
و هديل كتخمين مني أحس انها مولعه !!
__________________
الساعه : 05:30 صباحا
صحيت من النوم بدري على غير العاده
لقيت جواد نايم
قمت أتأمله قديش انت وسيم و خصوصا لما صار على طبيعته زادت وسامته و البنات في ايطاليا و خصوصا موظفة الروم سيرفس اللي تجيب لنا الطلبات تفرسني لما تتمايع في كلامها و تطالعه بطريقه تقهرني ...
بسته على خده و غطيته زين و رحت أتسبح لبست لي بنطلون أسود ضيق و بدي أحمر عليه جكيت سكري صليت و قمت أمشط شعري عند المرايه ودي أقصه طال و صار عاجبني مع اني مو راضيه على لونه ودي أصبغه بني أو بندقي فاتح صاير مموج و غره كبيره مقصوصه على جنب لمسة مكياج هادئه جدا و بخت عطر نعومه
جبت كرسي و حطيته قبال السرير و قمت أتأمله ما ودي أزعجه بس أكتفي بتأمله
مع بعض الذكريات الجميله معاه
جواد : مدينة القوارب
أميره : ياااااااااااااااه روعه ... مع اني تقريبا لفيت العالم بس ما فكرت في ايطاليا !
جواد : مثلي مستحيل
تكتفت و طالعته
أميره : تفضل اطربني وين رحت ؟!
جواد : رحت أمريكا فرنسا بلجيكا المكسيك و ألاسكا في الجنوب الشمالي و .........

أميره : ما شا الله و مع مين رحلاتك ؟
جواد : مرات بروحي و مرات مع أخوياي تبين الصراحه وحده من رحلاتي بس اللي ممتعه و فوق الوصف
قلت ببرود
أميره : رحلتك لما جيت تروح ماليزيا أول مره
طالعني و هو يجدف بالمجداف
جواد : رحلتي معك
قمت وقفت و جلست جنبه
أميره : يا بكاش لأن أحلى رحله رحتها في حياتي
رفعت حواجبي بمرح
أميره : معك
قالي بقهر
جواد : طيب امسكي جدفي معاي
يا ربي ما توقعت ان التجديف صعب بهالطريقه
أميره : لا لا خلاص تعبت
حطيت راسي على كتفه بتعب
جواد : اللحين لي ساعه أجدف بروحي و انتي خمس دقايق تعبتي
أميره : يا قلبي الله يخلي العضلات انت انسان رياضي ما شا الله و أنا الله يخلف علي !!
انتشلني من الذكرى منظر المطر و هو يهطل بشده
لحظتها تذكرته أول ما جينا
جواد : أبيك تكشخين آخر كشخه
قلت و أنا أقفيه
أميره : جواد كل يوم و أنا أكشخ يا قلبي
جواد : بوديك مكان خيالي
و فعلا كشخت بفستان أحمر نعوم و روج أحمر و خليت شعري على طبيعته مموج
دخلنا لمكان مقسم و كل ركن فيه منعزل كان المطر ينزل بخفه أيامها كنت لابسه الجاكيت السكري الطويل و الإيشارب البني .....
دخلني في مكان يجنن طاوله و كرسيين و الأرض بكاملها منثوره بالورد الأحمر الشموع منوره بشكل رائع و حتى كاسات العصير جواها ورد أحمر
جلست عالكرسي و المطر يجنن كان مره خفيف
مسك الإيشارب و سحبه
شعري طار مع الهوا ...
أميره : جواد !!!!
جواد : محد بيشوفك هنا تقدرين تفصخين الجاكيت
طبعا سوا لي فيها من الطبقه الأرستقراطيه جا أخذ الجاكيت و حطه تحت الطاوله عشان المطر و جلس قبالي يتأملني
جواد : حتى هالكرسي اللي جالسه عليه أغار منه
ابتسمت بخجل
حط يده على يدي اللي كانت عالطاوله
جواد : ممكن أشوفهم
قلت بتساؤل
أميره : مين !!
قال بصوت هامس يرعش قلبي
جواد : عيونك
طالعت لعيونه بخجل ذبت فيها كنا نتأمل بعض و ما حسينا بالمطر اللي صار يهطل بشده و يغرقنا انطفت الشموع و بد الورد يطير مع الهوا بشكل مره خيالي
قمت أدور بالمكان و أجمع الورد و أنثره بالهوا و أرد أجمعه من جديد و أنثره بفرح
جواد تم يطالعني بشكل مره أحرجني رحت له مسكت يده و قومته
قمنا نلعب في المطر و نرمي الورد على بعض
أميره : أعتقد انك بتلغي الطلب نتعشى بالبيت
جواد : ناخذه سفري معانا و حنا رايحين
وصلنا البيت أول ما شفته مقفي يصك الباب دخلت له هديه بالأكل
طبعا تفاجأ بالهديه اللي كانت عباره عن ميداليه ذهب عليها حرفه و من الجهه الثانيه اسمه !!
أهداني ساعه فخمه حيل و طقم ذهب
انتبهت من ذكراي على صوته و هو يطالعني
جواد : حبيبتي ليه ما صحيتيني ؟!
أميره : ما حبيت أزعجك تو الوقت بدري
جواد : يعني أنام مره ثانيه
ابتسمت بمرح
أميره : ياليت
جواد : ليه ان شا الله
أميره : عشان أتأملك و أسبح في بحارك
رد نام على المخده و تغطى بالبطانيه بشكل مضحك و ابتسم لي
جواد : طيب انتبهي لا تغرقين بس
قمت أضحك و أضحك على شكله
جواد : فديتها هالضحكه عسى عمرك طويل
أميره : لا تفغر كثير حياتي ترى ورانا سفره للرياض .....
جواد : لماليزيا !!
________________

أميره : حياتي !
جواد : عمره آمريني
مسكت يده و ضميتها بين يديني
أميره : رغم انك قربي بس أحس انك ............
دمعت عيوني و قلت
أميره : بتتخلى عني !!
ضمني بحب و شوق
جواد : وش هالإحساس الشين !!؟؟ مستحيل نفترق أو أتخلى عنك يالغلا !!
وصلنا ماليزيا و رحنا للشاليه طبعا لأن الجده كانت تقريبا بروحها و تبي مين يسليها ؟
سلطانه ردت لدبي و شيخه سافرت لبريطانيا كالعاده عملية تجميل جديده مدري هالبنت وش فيها شين عشان تسوي عمليات تجميل الله المستعان !!
خلقت ربي شريفه و حلوه مهما كانت !
و الكشافه رد كل واحد منهم لديرته عشان المدارس
الكل استانسوا برجعتنا و أكثرهم شمس و ملك
الجده مره كانت مبسوطه و سوت لنا ذبيحه على طريقتها الخاصه ذبحت لنا خروف بنفسها و طبخته و حنا يالبنات علينا السلطات و الأشياء الثانيه
و حنا بالمطبخ ....
ريانه : ليتهم خلو الشغالات يسوون السلطات
شمس : جده تقول لاء
ملك : يالله وش ورانا خلنا نسوي شي أحسن من جلستنا كذا
كنت أتأمل الخياره اللي أقطعها و أسهى من لحظه للحظه
ملك : جدتي قالت تبي تقضي رمضان بالرياض و تبي تسوي عمره بمكه
ريانه : ودي أسافر لأستراليا أقضي العيد فيها
ملك : أي عيد الله يرحم حالك في أماكن مثل هذي عندك جده أو أبها و ان مره مب عاجبك عندك دول الخليج وش كبرها و ش زينها تعيدين فيها !! و لا لاء يا أميره
أميره : هااااا معاكم
ريانه : ايه واضح !
تغدينا من أكل الجده مره خطير و طعمه حلو
جلسنا شوي بالخيمه نتقهوى و الجده تسولف لنا
بعدها رحت لغرفتي أبي أجيب أغراض الرسم و أركب اللوحه على الحامل اللي شريته
لقيت جواد يكلم بالتلفون و مره معصب عيونه حمر و باين انه يرتجف
بعد ما خلص مكالمته مسكت ذراعه و قلت بخوف
أميره : جواد وش فيك صاير شي ؟!
وخر يده عني بعنف و دفني بقوه و صرخ في وجهي
جواد : وخري عني يا بنت مساعد الساعه
طلع من الغرفه بسرعه و صفق الباب بقوه
لحظة صمت أذهلني شكله و حركته و عيونه و عنفه معاي جرحتني كلمة يا بنت مساعد اللي أحسها خناجر مغروسه في قلبي ....
ليه يا جواد وش سويت لك عشان تعاملني بهالطريقه ...!!
بكيت بحراره و حتى اللوحه غيرت رأيي ما بكملها
دقيت على جواله يعطيني مشغول أربع مرات و أنا أدق يعطيني مشغول و آخر مره لما دقيت جواله مقفل أكيد طفش مني وش السالفه !!
ليه احتد بهالطريقه و طلع قفلت جوالي و رميته بالدرج ماله أي داعي دام جواد ما يبي حتى يسمع صوتي !
رحت أتسبح بالحمام طلعت نشفت شعري و لبست لي فستان نعوم و تمددت عالسرير
أبغض كلمه على قلبي ينطقها جواد " يا بنت مساعد " أحسه يقولها بإستخفاف بقرف بتشفي !!
بكيت ساعه كامله انتظره يجي ما جا قهرني لو انه سمع شي يخصني كان قتلني و هذي ما فيها كلام أكيد الموضوع يخصه أو يخص شركته أو .....
يمكن الموضوع يخص الملاكمه ...!!يمكن !!
طلعت من غرفتي و رحت لغرفة ملك
كانت تقرى كتاب لأرسطو
ملك : وش فيك يالغلا !!
أميره : جواد مدري وش فيه كان موصل حده و معصب مدري وش فيه ؟!
ملك : أكيد في سالفه قويه في شغله
أميره : بس هذا ما يعطيه الحق يجرحني
و انهرت في حضنها و قمت أبكي
ملك : طيب انتظري شوي بس أدق عليه
دقت عليه مقفل جواله
ملك : أكيد بيرد بعد شوي اذكري الله
أميره : لا إله الا الله بس خايفه عليه لا يصير له شي
تأخر الوقت و أنا أنتظره ما رد في الأخير نمت عند ملك و أنا أفكر فيه
_______________________
11:30 صباحا
صحيت لقيت ملك مب موجوده حتى ما انتظرت أغسل وجهي و بسرعه على غرفتي أشوف جواد جا و لا لاء ...........
و للأسف طلع لاء و شكله أصلا ما نام بالغرفه لأنه كل شي على حاله
انهرت عالسرير بحاله فظيعه و قمت أبكي تسحبت تسحب عالحمام عشان أتوضى و أصلي
بكيت على سجادتي و قمت أدعي انه يرجع و يكون بخير كنت سعيده بلحظه حطمني و اختفى !
استعذت بالله و قمت أعشم نفسي خير أكيد بيرجع وين بيروح يعني !؟
مع انه جرحني بس قلبي الطيب يسأل عليه مهما سوى ؟؟
قمت بدلت ملابسي و زبطت مكياجي كأنه ما صار شي
بعد ساعه تقريبا جلسنا نتغدى بعدها قمت أتمشى في الشاليه بطوله و عرضه ملك و ريانه طلعوا يشترون أغراض شمس التهت في غرفتها تبي تغيرها الجده راحت تسوي قيلوله
أما خاله مزنه و خاله نويره فطلعوا مع السواق مدري على وين !
جلست قبال البحر و هواه يهفني بقوه
وش فيك انلهفتي عليه ؟؟!!
بدا الحديث الأليم مع النفس !!
زمان كنتي تتمنيه بقول بدون مبالغه انه يموت ... و اللحين انلهفتي عليه و انتي كنتي ما تدانينه و تنتظرين اللحظه اللي يطلع فيها من البيت و لنقل من حياتك ككل !!
جايه اللحين تبينه يرد يا شيخه قلعته .... لاء مو قلعته ليه قلعته و هو اللي سوى الكثير عشاني .... بس مب مثل فيصل ...... فيصل هذا نسيته اقتحم حياتي بالغلط و خلا نفسه جزء منها غصب احساسي بالذنب قاتلني و شعوري بإن جواد سامحني و نسى الماضي هذي من أروع الأشياء اللي سواها عشاني حبني بجنون .... اللي يحب بجنون يعايرك بأبوك اللي مدري شالذنب اللي سواه عشان يقول كذا و لو مهب هو غيره كثيرين يعايرونك بأبوك و أولهم أخوك أحمد ...
ارتعشت و أنا أتذكر شكل أحمد و هو يقول أبوك .. أبوك و ليه مهو بأبوك انت بعد و لا عشانه غلط مع أمك خلاص صار أبوي بروحي و ليه العار انرمى علي أنا وش ذنبي !!؟؟
أساسا لما انولد أنا ما كنت موجوده في الحياه أصلا وش هالعقل اللي مخليني جزء من ماضي ما كان لي ذنب فيه .. و من الأساس حبست أحمد لي في ذيك الغرفه المشؤومه مالها أي مبرر ... آه صح نسيت انه ميت على الفلوس الا مذبوح عليها ... المفجوع !!
رديت لصورة جواد اللي محفوره في داخلي أتخيله يحط يده على كتفي و يفاجئني بوجوده
يضمني و يقولي آسف ....
أوهام أتوهمها و أنا أتخيله ........... قطع علي تأملاتي جلوس ملك
أميره : متى رجعتي !!
ملك : زوجك نايم بالملحق عند الرجال
أميره : من صدقك !!!!؟
ملك : ايه و الله
جيت بقوم مسكت يدي بقوه فجلست
ملك : لا تنلهفي عليه خليك زعلانه منه لو هو من جد يخاف على زعلك ما كان أصلا قدر ينام ليله وحده بعيد عنك طنشك و لا قال لي زوجه خايفه علي أشوف وش صار عليها مو جرحك قبل لا يروح أجلسي خليه صدي عنه أعطيه أشكل عشان يصير لك قيمه عنده !!

أميره : صعب ...
ملك : بالعكس من أسهل الأمور انك تطنشين
أميره : ما أقدر
ملك : الا تقدرين
انهرت و أنا أبكي و أقول
أميره : أحبه يا ملك أحبه ما أقدر على بعده أحبه حتى لو جفاني
نمت عند ملك و مشيت على شورها لأن جواد ما شرف و لا فكر حتى يدق علي و عشان ما أظلمه رحت لغرفتي و شغلت جوالي أشوف يمكن أرسل لو مسج واحد طبعا لاء !!
انهرت عالسرير أبكي و أضم مخدته أشم ريحته حتى ريحة سيجارته عشقتها و تخيلته متمدد جنبي و يسولف احساس قوي بالشوق اللي في داخلي وش ذنبي أنا لو صار له ايش مع الشركه ما يسوي معاي كذا ...
__________________
الساعه : 03:20 عصرا
يومين مااا اسولف معاااه
أغنية لراشد الماجد شغلتها ريانه و قامت ترقص قدامنا و تتمايل برشاقه و نعومه
كنت أصطنع الإبتسامه و أنا أشوفها و أسمع كلمات الأغنيه اللي جت عالجرح !!
مااا شفت أغلى من غــــلاااك
و مااا شفت أقسى من قساااك
سواااها قلبك يااا عنيــــــد
يومين مااا سولف معــــــاااه
ملك : قومي نرقص
قلت بدون نفس
أميره : مالي نفس يا ملك قومي انتي و شمس
تنهدت بحزن و قالت
ملك : بعدين معاك باقي حزينه يالله قومي بترقصين معاي يالله بسرعه
و غصب علي قمت أرقص ما حبيت أكسر بخاطرها
بس ما قدرت أكمل جلست
مااا دمت أنااا متهني فيك
و انت تبيني و أنااا بيك
ليه تتعمد تغيــــــــــــب
و أنااا اللي قلبي بين ايديك
مااا ادري تغلي أو زعــــــل
و لا قلبك مني مـــــــــــل
اذا انتى تقوى عااالغياب
علمني وش لون أحتمــــــل
زودتهااا مره معاااي
همك بهااالدنيا عناااي
و انااا ترى مااا ابي كثيـــــر
أبي أحس ان هنــــــــــااااي
و انااا ترى مااا ابي كثيـــــر
أبي أحس ان هنــــــــــااااي
أبي أحس ان هنــــــــــااااي
طلعت من الغرفه و قمت أصيح رحت للبحر أشكي له
للحظات تذكرت رنا ....
رنا : وحده حبت واحد تركها و سافر سنين و سنين رد لقاها منتظرته
أميره : مجنونه و غبيه لو انها تزوجت و عاشت حياتها مب أحسن
رنا : ليه مجنونه بالعكس دام صلة الحب قويه خلاص وش اللي يمنعها انها ما تنتظره
أميره : أي صلة حب قويه و هو تاركها و مسافر الله أعلم وش مسوي يوم سافر !!
رنا : الله يا أميره ما توقعتك شرانيه لهالدرجه وش عليك فيها خليها تنتظره ان شا الله مية سنه ... قومي سوي لنا عصير
أميره : أوف منك و ليه ما تقومين تسوين لنا العصير ؟؟
رديت للبحر اللي قدامي قديش تلاطم أمواجه قوي و يخلب الألباب أحيانا يكون هادي و حنون يتأملنا بصدر رحب و أحيانا يصير شرير و مخيف يآلمنا و يكوينا ...
يمكن هو واحد من الكائنات اللي لما تقهرنا نرجع لها بخضوع يدفعنا الشوق اننا نتم نتأمله بلا نهايه ....
قمت أجري عالشاطئ و أنثر الرمل و أبكي و أصرخ
أميره : أحبك يالغلا ليه تجفاني ليه كيف جالك قلب يومين حتى ما تطل علي تشوفني
اشتقت لك و الله اشتقت لعيونك اللي اقتلتني و خلت الشوق يذبحني اشتقت للمسة يدك و رعشة قلبك اشتقت أحس نبضاتك و يدي على صدرك اشتقت أحط راسي على صدرك و اسمع نبضات قلبك ... تقول انك ساكني انت ساكني بجنون طبعا بل أكيد لأني شلت قلبي و حطيتك مكانه !!
دخلت للمطبخ أصلح عصير ليمون يمكن الفكره المجنونه اللي أفكر فيها تطير
كنت أفكر أروح له الملحق و أصالحه بس رديت للعصاره أطلع حرتي فيها
دخلت ملك و هي شايله أكياس
ملك : خذي هالأغراض رتبيها
قالت للشغاله و جت تطالعني
ملك : أتمنى تحسبين حسابي لأني بعد شوي بنفجر من خالتي نويره
أميره : ليه وش صار ؟!
قمت أصفي الليمون اللي عصرته
ملك : قال ايش تبي تتزوج ؟!
رحت أجيب مويه
أميره : طيب حلو خليها تعيش حياتها ما شا الله توها في عز شبابها
قالت و هي مره منفعله
ملك : بدل ما تجلس في بيتها تربي بناتها
أميره : و راح تربي في بناتها لين متى !!
ملك : لما يتزوجون !!
حطيت السكر و الليمون و المويه في الخلاط
أميره : و بعدين
ملك : بصراحه الجواب صعب يعني وش تسوي غير انها تجلس بالبيت مع جدتي
شغلت الخلاط
أميره : دام لها قدره على تحمل أعباء الزواج مرة ثانيه خليها تتزوج و بناتها بيعيشن حياتهن عادي يعني وش بيصير لهن !
انطفى الخلاط بيده بيد حبيبي اللي بحركه مباغته حاوطني بنعومه خلتني أرتعش
جواد : بحبك وحشتيني وحشتيني يالغلا و بحبك مووووووووووووت
ملك ابتسمت و لمت الكم شغاله اللي كانوا بالمطبخ و طلعت
قلبي طلع من مكانه و تجمد
طالعته و عيوني تدمع و جسمي يرتجف كان شايل كيس أحمر بيده و يطالعني بشوق و لهفه .... و حب
بعدته عني و طلعت بسرعه من المطبخ حسيت بإحساسين متعاكسين بإحساس القلب و قوة العقل عالقلب القلب يقول روحي له ... و العقل يقول خليه يلحقك ولد عبدالكريم !!
لحقني و شدني له و ضمني
جواد : ما تدرين قديش واحشتني ؟!
قلت ببرود و أنا أصد بوجهي عنه
أميره : أميره تعطيها مشغول و تقفل في وجهها عادي
بعد شعري عن وجهي
جواد : أدري اني زودتها حبيبتي و ما فكرت وقتها فيك كنت عصبي شوي ؟!
طالعته و قلت بسخريه
أميره : شوي !!! هالشوي اللي مستسخفها دمرتني عارف كيف !!
شلت تفكيري يومين و أنا أتعذب و لا فكرت حتى ترفع الجوال و ترسل لي لو كلمه وحده تطمني عليك تقول انك ساكني و تعذبني ليه ليه ليه !!
و قمت أبكي
أميره : تدري وش صرت بالنسبه لي !! كل شي عارف انك تذبحني و تشرحني بسكين بارد و لا أقولك انك تقتلني بغيابك و صدك و جفاك ... تغلى علي !! قولي يا أخي عالأقل علمني كيف أتحمل لا صديت عني و حبيت تبعد و تتغلى
طالعني بحزن أول مره أشوفه في عيونه أو لنقل ندم
بعدت يده عني و قفيته بمشي
جواد : انتظري
التفت له ببطء و طالعته شفت عيونه تدمع تدرون اني خفت على عيونه من حرارة الدموع
جريت له و ضميته بقوه مسكت وجهه و مسحت دموعه اللي أحرقت قلبي
أميره : لا الا هالدموع احبسها حبيبي الله يخليك
جواد : آسف
ضميته و قلت
أميره : ما في آسف في الحب
جواد : أحبك
و بكل بساطه سامحته لأني أحبه
كان سبب زعلته انه انحرم من بطولة الملاكمه بسبب ضعف في جسمه و ان الفحوصات و كلام الدكاتره يحرمه من بطولة هالسنه خوفا على صحته و جواد طبعا مره زعل و راح لهم و طلب اعادة الفحوصات و قالهم انه تدرب زين و صحته ممتازه و طبعا النتيجه نفس الأولى انه لا مشاركه في بطولة العام !!
زعل و تأزمت نفسيته و تم في غرفه في ملحق الرجال مقفل على نفسه
ما أخبي عليكم كنت مستانسه بكلام الدكاتره انه محروم من البطوله و هذا شي يفرح
لأنه الملاكمه مهما يكون رياضه خطره و ممكن تتسبب في عاهات لا قدر الله بسم الله عليه حبيبي !!
و أتوقع بما انه شره جدا في التدخين فمن الطبيعي انه يضعف حتى لو حرص على التمرين
مبسوطه ياااااه !!
جواد : و كأن الوئت في بعدك وائف ما بيمشيش ....
كان يغنيها لي و هو منسجم
أميره : لا تتحمس
جواد : بحبك وحشتيني بحبك و انتي نور عيني لو انتي مطلعه عيني بحبك مووووووت
أميره : حبيبي المفروض أنا اللي أقول المقطع الأخير لأن انت اللي مطلع عيني
بحبك موت
جواد : كنت مراقبك خطوه بخطوه اليومين اللي راحوا كنتي تحت عيني
أميره : عشان كذا كنت مكبر المخده و نايم في العسل .... ياه الله لا يعيدها منت متخيل كيف اني لجأت و نمت عند ملك لا تكررها نهائيا و لا عاد تعيدها
ضمني و قال
جواد : حاضر طال عمرك !
أميره : و لا تعصب علي ترى أخاف منك لما تعصب
جواد : ما راح أعصب عليك وعد بس لا تعصبين علي !!
بشوفته تضحك دنياي و تغرد العصافير و تغني الورود أحبك
كان الكيس الأحمر هديه منه لي ..
عباره عن دفتر مره ظريف أكتب فيه كل اللي أبيه و يقراه بين فتره و فتره اكتب كل اللي في خاطري يااااااااااااه فله بأكتب كل شي
تقترحه أفكاري علي


بقرب رمضان ردينا للرياض و طبعا ردت الجده معانا و ملك بعد اللي حبت تغير جو
استقرينا في القصر الكبير و اللي بالنسبه لي صار جنه بوجود جواد الله لا يخليني منه
كنت سعيده حيل بوجود الكل و خصوصا جوري اللي طول الوقت و حنا نسولف ما نطفش أبدا مع بعض ....
و نقعد نشرب قهوه تركي طول الوقت عشان ما نام و تكمل السالفه و طبعا يجي جواد يهزأنا " يالله كل وحده على غرفتها "
الجده مو كثير مرتاحه في البيت كرست وقتها كله للصلاه و العباده رجاوي سالفه ثانيه جالها عريس فمسويه زحمه و بما انه غني و من عايله واصله فطال لسانها أكثر و صار قنبله نوويه ...ساميه مثل ما هي مع تغيرات مريعه في شكلها مدري وش سببها و ودي أعرف سالفتها اللي مخليتها كذا و دايم سهدانه !!
هديل اللي طلعاتها و دخلاتها ما تخلص و على عين أمها اللي شايفتها و هي بعبارتها الدائمه اللي ترددها ( صغيره خلوها تعيش حياتها ... خلوها تدلع )
عزه في صومعتها تقرى كتب أو تحضر محاضرات أول تجلس بالحديقه !!
ملك تأقلمت مع الوضع عادي و خصوصا انها قد جربت تعيش معاهم كم مره بإختصار شديد البيت يجنن بوجود جواد جنبي ... مهما يصير
أميره : الله الله وش انتي تسوين !!
جوري : أكتب طلبات عشان رمضان
أميره : الشيف يتصرف
جوري : لا هذي طلبات زياده على طلبات الشيف
أميره : أها
كانت رجاوي تاكل على طاولة المطبخ
رجاوي : دايم الناس تروح تقضي لرمضان بفجعه كنهم طول السنه ما ياكلون الا في رمضان
مثل أختنا في الله
رمتها جوري بالقلم
جوري : انثبري بس لا تغصين علينا
أميره : ههههههههه أختك هذي عجيبه مدري كيف زوجها بيحتمل وحده مثلها
رجاوي : يا حبيبتي يحمد ربه اني رضيت فيه و أنا بنت العز
أميره : اذا هو عليه هو بعد ولد عز فما أتوقع انك تقدرين تغترين عليه
جوري : من أول ليله مطلقه مطلقه ما فيها كلام
رجاوي : أعوذ بالله من هالفال
قامت بإنفعال و هي ترمي الصحن بالمغسله
رجاوي : لا و مسويتلي النعومه
طلعت من المطبخ لأني خفت لا يتراشقون بالصحون و ينكسر لي ضلع هم كذا من عرفتهم دايم مخاصم و مضارب و سب الله يهديهم
مدري ليه طلعت أبي أشوف ساميه ودي أفهمها أو أساعدها بشكل أو بآخر
وصلت عند باب غرفتها لقيته مفتوح شوي يعني أقدر أشوفها منه كنت بطق الباب بس شي بشع وقفني و خلاني أبهت في مكاني !!!

البارت الرابع و الثلاثين


معقوله ... ساميه !!!!!!!!!!!!!
كانت تشم تدرون وش تشم ؟؟!!
مخدرات !!!
من شدة ذهولي ما انتبهت عليها و هي تشدني بقوه لغرفتها
دفتني بقوه عالجدار و تطالعتني بشر و عيونها الغايره المخيفه ترعبني
ساميه : و الله لو أسمع انك قلتي أي شي على اللي شفتيه بأدمرك فاهمه
فتحت الباب و دفتني برى غرفتها و ردت سكرت الباب لحظة صمت
أدورها في عقلي مع نفسي هذي مدمنه و راح تدمر نفسها بهالشكل المرعب
بقيت في مكان ما دفتني
ملك : وش فيك جالسه هنا ؟!!
قلت بذهول
أميره : ساميه
و أشرت على الغرفه اللي بوجهي
ملك : وش فيها
أميره : ها و لا شي
مر قدامي شريط لذكريات مرعبه لما كنت مشاركه بلوحات في مستشفى لعلاج الإدمان بمصر
منظر البنت المدمنه اللي هربت من المستشفى و صدمتها سياره مسرعه قتلتها مروع!!
هزتني ملك من كتفي
ملك : أميره !!
قمت بسرعه فتحت باب غرفتها عليها و شفتها بنفس الوضعيه تشم المخدرات ملك انشلت حركتها لما شافت المنظر ساميه هجمت علي بعنف و ضربتني قمت دفيتها بقوه و طلعت من الغرفه من الروعه و قوة الصدمه نزلت من الدرج وقف قبالي جواد أول ما شفته خفت مدري ليه تخيلت ان أنا المدمنه مب ساميه خريت عالأرض بدون ما أحس بشي

________________
الساعه : 10:00 صباحا
فتحت عيوني ببطء و كأني في حلم
جواد : سلامتك يالغلا ما تشوفين شر
جوري : سلامتك يا اموره
طالعته بإستغراب
شكله ما عرف ان أخته مدمنه لازم يعرف معقول ملك ما قالت له
أميره : أأ ...........
قاطعني و قال :
جواد : ارتاحي و لا تقولين شي راح أعاقب ولدي عالعذاب اللي قاعد يسويه فيك
قلت بتساؤل
أميره : أي ولد !!
جوري : اللي في بطنك ........ انتي حامل يا أميره مبروك
فهيت من الصدمه حامل !! طيب بس ساميه دمرت كل حس فيني فقدت التركيز
غمضت عيوني بتعب و كأني طالعه من عالم مرعب طالعت جواد اللي شوفته بالدنيا
بس رديت غمضت عيوني سمعت صوت فتح الباب فتحت عيوني أطالع
ساميه : مبروك
سحبت نفس قوي يوم شفتها حطيت يدي على فمي من الروعه بشوفتها سحقتني مثل البودره اللي تشمها و هفتني مع الهوا
جواد شاف تأثري العنيف فطالعني متسائل
أميره : أبي .... أبي
جت جنبي و همست في اذني
ساميه : ملك تقريبا ميته لأنها كانت بتفتح فمها فإبلعي لسانك أفضل رحمتك ترى لأنك حامل !!!
غصب عني حطيت يدي على بطني و طالعت اللي حولي بفجعه
جواد : وش فيك !! وش قلتي لها
ردت بإبتسامه كذابه
ساميه : سر بينا لا تهتم !!
وش ماسكه علي عشان أخاف منها ليه ما قلت لجواد ليه خفت و ارتعبت و هي تهددني ملك وش ذنبها المسكينه !! لازم أقول و أتكلم
مسكت يد جواد و شديت عليها بقوه ... هو مره كان مستغرب انتهت الزياره و أنا شاده على يده طلعوا البنات و راحو
جواد : أكيد تبين تقولين شي و شي مهم بعد
قلت و أنا أبكي
أميره : الحق على ملك أختك ترى ترى ساميه .....
حسيت بدوخه مب طبيعيه يمكن من الرعب اللي سوته لي ساميه أو من خوفي
مسكني من كتوفي بعنف و خوف
جواد : وش فيها ساميه ؟
أميره : مدمنه مخدرات
___________________________

مرت الأيام بطيئه هذي عادتها لما يخيم الألم و يجرحنا بقوته !
تعودت ان الألم يكون طويل و لحظات الفرح و السعاده تطير بسرعه نلحق وراها ندورها عشان ما نتألم أو اننا نألم اللي نحبهم حقدت على السعاده و كرهت الألم اللي انكتب علي أعيشه بصمت يمكن أقاومه للحظات بس أرد أنهار باكيه لأني تعبت من مقاومته
كنت أراقب بطني و هي تكبر في البدايه تضايقت بس حبي زاد لها لأنها تشيل قطعه من جواد اللي انشغل بأخته و أنا قدرت هالشي بكل رحابة صدر !
مر رمضان عالجميع بألم يعني بدون أي وجه للإبتسام كان بالنسبه لي جميل لأني أروح أصلي بالمسجد الكبير صلاة التراويح أنا و الجده اللي كانت ساكته على طول و ما تتكلم الا اذا شافتني ما كان لها أي تفاعل مع سالفة ساميه لأنها كانت ساكته مفضله الصمت على الكلام و البوح ....
ساميه اللي هي محور سالفتنا جواد دخلها مستشفى متطور لعلاج الإدمان و الكارثه انها كانت مدمنه من خمس سنوات و السواق هو اللي يجيب لها الجرعات كل ما احتاجت لهالسبب أدمنت عليه بدون ما يحس احد فيها كيف أدمنت هذي سالفتها هي أكيد راح تحكيها للجميع .... أو فضلت انها تكون سر مدري عنها !!
انمنعنا من زيارتها أول اسبوعين بعدها انسمح لنا نزورها كم من المرات اللي زرتها فيها كانت تطردني أنا و ملك اللي الحمد لله طابت من الجرعه القاتله اللي حقنتها لها ساميه لأنها خايفه انها تتكلم و تفضحها عند جواد التهيت مع ملك لين الحمد لله طابت و صارت تروح تصلي معانا التراويح رجاوي كانت الصدمه عليها عنيفه جدا بدت تتسخط و تلعن في ساميه اللي اكتشفنا ان عندها حاله نفسيه مزمنه و لازم تاخذ فترة نقاهه الأطباء و الدكاتره تعبوا معاها من ناحية العلاج النفسي بعد ما تأكدوا ان جسمها خالي من المخدرات بس بعد قالوا تستكمل علاجها بره أفضل لها !!
جوري كانت بس تبكي كعادتها لما تتأثر من شي عزه طول الوقت متصومعه في غرفتها و ما نشوفها الا لما تمر و تروح لمكتبها الخاله خيريه و بنتها هديل كانوا من أسعد الناس ذيك الأيام ما في عندهم غير التلفزيون و ملاحقة مسلسلات و برامج رمضان اللي تخليهم يسهرون للفجر و ما يصحون الا العصر و أحيانا قريب المغرب ....
جواد حالته جدا منهاره صار يدخن بشراهه أكبر و ما يجي الا متأخر البيت قال ايش يكون دايم عند أخته فطور ما يفطر معانا و دايم يكون عند أخته يدخل يلبس أي لبس و يطلع بسرعه عند أخته اللي أول ما عرف سالفتها دخل غرفتها و قفل الباب و قام يضربها بقسوه !!! بدت حجوزاته لسويسرا عشان ساميه تتعالج ... نفسيا !!
و أنا مثل الأطرش في الزفه و ربي لو ما في أهله كان انذبحت من زمان هو مهو مطنشني هو منشغل مع اخته !!أعذار أعطيها له عشان ما تصير مشاكل بينا !!
يحرقني شوقي لجواد فصرت أنلهي برسم اللوحات أو اني أقعد أسولف مع البيبي اللي في بطني و أغني له عالأقل انشغل بشوقي بعيد عن جواد كنت أخاف أبين له مشاعري بس خفت يفهمني غلط و يقول اني ما أبيه يساعد أخته اللي ما تدانيني و دايم تطردني و قال ايش ادهور حالتها النفسيه أكثر و أكثر فإنثبرت في البيت لأني أعيد و أكرر سو خير و ارميه البحر كانت الأيام صعبه و أيام فراقي مع جواد تقترب و كل ما أحط له قطعه من ملابسه بالشنطه أبوسها و أنا أبكي كان ودي نعيد سوى بس الأقدار تحكم و على هالأساس كنت أسلم أمري لله دايما و أمسح دموعي و أنا سعيده بولد جواد أو بنته عالأقل شي يخفف الشوق اللي ذابحني حطيت الدفتر اللي أهداني اياه و أنا كاتبه فيه كل شي من أول ما حبيت ناصر لآخر ما تزوجت جواد و عيشني في النعيم و الحب
و جا يوم الوداع لأن الوداع صعب و لأني من الألم مب قادره حتى أصيح !!
ودعت جواد بكل الحب و الشوق اللي فيني بكل قوة العالم اللي ضمته بكل دقائي و ذراتي
و هو يبوس يدي و يوعدني بمكالمه سريعه أول ما يوصلون و يوصيني على صحتي و عالبيبي و على جواد اللي ساكني ..... ترك قلبه بين يديني و راح !!
شوفته و هو يقفيني خلتني أرتجف بس رد التفت لي و جا ضمني بقوه و هو يبوس راسي و يشم شعري و يبكي
كأنه حاس أو غير متيقن برجعته احساس داهمني للحظه و هو يضمني بس احتفظت فيه لنفسي حط يدي على صدره مثل ما تعود يسوي دايم بس للحظات حسيت يدي ترتعش و هي تحس نبضاته بكيت لسبب واحد انه راح يوحشني أو هو من زمان واحشني بس ما أظهرت له هالشي لأنه هو نفسه مب متحمل حتى بعدي ...
مدري ليه حسيتها لحظات الوداع الأخيره لمست فيها شعره و أنفه و عيونه و شفايفه لأني من الأساس ما أبي أودعهم ....
( الفراق .... الفراق صعب قاتل و خصوصا مع من أحببت يلقيك الشوق في صمت السكون و يدفعك الحنين للعوده من جديد )
أحبك قالها لي و الدمعه تسيل على خده لمست حتى الدمعه اللي هي بعد تقولي أحبك
كانت في يدي تعليقه طويله من المعدن مكتوب عليها أحبك و اسمي و اسمه في الأخير منقوش عليها صورة الأسد اللي يحبها حطيتها في يده على وعد قريب بالرجعه اللي خفت مصيرها الأقدار لين يجي يومها !!
________________
الساعه : 10:30 مساءا
أميره : يالغلا يكفيك يالله نام انت حيل تعبان من السفر
جواد : خليني أكلمك مدري كيف راح أنام و منتي بجنبي
أميره : يالغلا قلبي بين يديك على طول
جواد : كيف ولدي ؟!
أميره : يسلم على أبوه مشتاق
جواد : و الله أبوه اللي مشتاق و ذابحه الشوق
أميره : شخبار ساميه
جواد : أول ما وصلنا استقبلها الطبيب الألماني في المطار و رحنا للمستشفى و طبعا هي بالمستشفى تسوي التحاليل و الفحوصات اللازمه تصدقين استغربوا انها تعالجت من الإدمان في أقل من شهر مع العلم ان مدة ادمانها كانت خمس سنوات شاكين في الموضوع !!
أميره : سبحان الله ...... الله يشفيها و يساعدها يا قلبي
جواد : أدري انها قست عليك بس .......
أميره : حبيبي لا تقول بس غلاها من غلاك حياتي تدري عاد هذا أول عيد يمر بينا و لا تكون موجود فيه معاي
جواد : معشوقتي
قالها بهمس يرعشني أحب صوته الهامس
أميره : هلا يا روميو
جواد : غني لي !!
أميره : غالي و الطلب رخيص .....امممممممم وش بغنيلك !!
جواد : اللي تبينه !
أميره :
غبت يوم و عذرناااك
و بولهنا انتظرناااك
يالله ارجع كفااايه
ابصراحه فقدناااك
يعني مااا صاااحت اذنك
مااا بكى الشوق منك
مااا صرخ يوم حزنك
لحظة اللي طريناااك
في غيابك نسينااا
وش لنااا وش علينااا
شاااغل البال فينااا
ليتنااا ما تركناااك
انجبرنااا نخليك
تبتعد عن مراااسيك
بس و اللي يخليك
حتى في الحلم شفناااك
غبت يوم و عذرناااك
و بولهنا انتظرناااك
يالله ارجع كفااايه
ابصراحه فقدناااك
يعني مااا صاااحت اذنك
مااا بكى الشوق منك
مااا صرخ يوم حزنك
لحظة اللي طريناااك
اليوم آخر يوم في رمضان و الحمد لله ختمت قرآني في رمضان مرتين صليت التراويح مع الجده اللي أول ما رجعنا للبيت قومت البيت كله بأهله و خدمه و شغالاته تنظيف كامل للبيت تبي كل شي يبرق و البنات بالمطبخ يساعدونها في تسويت الكعك و حلوى العيد
و بما اني حامل فمنعتني من تسوية الكعك معاهم بس و الله هالأجواء ما تتفوت و أصريت اني أصلح معاهم ... بعد الحاح مني فوافقت !!
لبست جلابيه مره نعومه لونها مشمشي رفعت شعري بالشباصه و صلحت غرتي و نزلت لهم بالمطبخ ... جلست معاهم حول الطاوله و هم يسوون المعمول و يشكلونه في القوالب ...
جوري : مره شكلك يجنن و انتي حامل
رجاوي : هذا دليل على ان اللي في بطنها بيطلع مثل القمر
طالعتها و قلت بتريقه
أميره : طيب خليك من تخميناتك الزايده لأنه التمره طالعه برى العجين
ملك : وش تتمنين ولد و لا بنت ؟!!
أميره : اللي يجي من الله حياه الله
هديل بتأفف و هي تمسك العجين بقرف
هديل : كارثه لو جا ولد و عيونه رصاصيه
رجاوي : مسكينه انتي بالعكس بيطلع يجنن مثل توم كروز و الحلوين اللي عيونهم ملونه
جوري : تدرين عاد زوجي عيونه عسليه
انا و رجاوي طالعناها و قلنا في وقت واحد
رجاوي + أميره : يا هووووووووووووووو
البنت حمرت و خضرت و صفرت
جوري : بس خلاص ما قلت شي
قامت رجاوي تقلدها
رجاوي : "" تدرين عاد زوجي عيونه عسليه ""
جوري شالت قالب المعمول و رمته عليها
و قمنا نضحك
هديل : تدرون اني جالسه مع شلة بنات سخيفات
سحبت الكرسي و قامت تبي تطلع من المطبخ رجاوي غليت وصلت درجتها فوق الميه كسرت مؤشر الحراره مسكت يدها أهديها عشان ما تقوم تسوي كارثه الحلو في الموضوع ان الجده وقفت لها عند باب المطبخ و ضربتها بالعصا
الجده : بتنثبرين في مكانك تكملين الشغل و لا بكسر هالعصا على راسك
ردت جلست في مكانها بكل خضوع
رجاوي انفجرت بالضحك تبي تقهر هديل
ملك : تدرين عاد ان انتي السخافه بعينها يا شيخه استحي بلا دلع
قالت رجاوي بدلع
رجاوي : يا لوحي خايف على اصابعها الصغنطوطيه لا تتجلح و تنخدش
و انفجرنا بالضحك و خصوصا ان رجاوي تعرف ترفع الضغط صح بشكل مره مضحك
هديل : أحسن منك دايم دفشه عفشه مدري عريس الغفله وش يبي في وحده مثلك لسانها مثل ...........
قاطعتها رجاوي بصرامه
رجاوي : انطمي أحس ما أبكس هالوجه أغير معالمه لا تنسين يوم انبكستي في هالوجه العيد اللي فات و ما قدرتي تورين لنا وجهك ... سكري حلقك أفضل لك
قامت هديل
هديل : تهدديني طيب أنا أوريك
و طلعت من المطبخ و حنا فاطسين ضحك عليها لأنها بكل تأكيد راحت تشكي لأمها مثل البزران ....
عزه راحت تشتري بعض الأغراض من ضمنها عطور للفواحات و عود و حلاوات للعيد
يوم حلو يتخلله الضحك و الوناسه و الكل مغير جو الجده صحيح أجبرتنا جميع على شي يمكن بعضنا ما كان يبيه بس في صالحنا و صحيح انها طول و قتها ساكته بس تحس فينا بقلبها الطيب بصمتها تعرف كيف اني متعذبه بسبب فراق زوجي و تعرف خوف جوري من زواجها اللي قرب موعده و معاناة رجاوي مع نفسها و صمت عزه اللي تفرج عنه لما تجلس معانا تعرف معاناة ملك مع الماضي و تعلقها بزوجها الله يرحمه يزداد يوم بعد يوم
تحس فينا بس تسكت و هي تعرف ان بعض الأحيان الصمت ما يكون له مكان ابدا
سهرنا للفجر ما فينا نوم فرحانين بالعيد كل وحده راحت لغرفتها تشيك على لبسها و تتسبح و تسشور و خلافه أما أنا رحت أبكي على أطلال الحبيب و ألمس مكانه و أصيح
رن جوالي بنغمتي المفضله اللي حطيتها خصيصا له
و الله واااحشني موت
آخف بعدك أمـــوت
أميره : يالغلا واااحشني
جواد : يا حياتي لا تبكين
أميره : ارجع الله يخليك يكفيك بعاد يا روحي أبيك محتاجه لك حتى ولدنا ينتظر رجعتك رد لي خلاااااص حبي أنا بعد لي حق عليك تعاال أبيك
جواد : يالغلا يا قلب جواد و عينه لا تبكين تخلص ساميه العلاج و الله بنرجع شوقي لك أكبر يالغلا مب عارف كيف مشتاق لك كيف بيمر هالعيد بدون الأميره ....
أميره : حياتي طيب احجز لي أجيك الله يخليك
جواد : بتتعبين و بعدين انتي حامل و السفر بالطياره خطر عليك
أميره : طيب اوعدني ترجع الله يخليك !!
جواد : معشوقتي
أميره : .................
جواد : معشوقتي
أميره : جواد ... أحبك يالغلا أحبك لا يطول غيابك
جواد : أكيد يا قلب جواد برجع كوني واثقه من هالشي كلها كم شهر بتشوفيني عندك !
_________________
العيد هل و طلت تراحيبه
طبعا العيد يوم خيالي مع انه بالنسبه لي كان كئيب بدون جواد !!
كشخنا و تزينا رجاوي و جوري و هديل راحوا للكوافير يقصون و يصبغون
أنا و ملك جلسنا بالبيت نباشر الضيوف و نرحب باللي جايين يعايدونا
طبعا رحنا للمسجد صلينا و ردينا نعايد بعض و نستقبل المعايدين
عيدي بدون حبيبي مهو عيد و كل ما اشتقت و حرقني الشوق أكلمه أو أتصل عليه
أرسل لي صوره كانت مره تجنن بسويسرا و الأكثر اثاره في الموضوع انه كان لابس التعليقه اللي عطيته اياها كان شكله مره يجنن و هو لابس الكاب و راكب السياره سيارته البانوراما السودا هههههههه
جاني بوكيه ورد كبير و ساعه ألماس من جواد كان موصي عليها في واحد من المحلات و ربي كانت فرحتي غير تقليديه صرخت من الفرحه و الوناسه يعني وااااااااااااااااااااااو
حتى شي ما قدرت أوصف سعادتي لما شفت الهديه
ملك : أموره في ضيوف بالمجلس يبونك
أميره : غريبه مين يعني ؟!
ملك : جيبي الورد بخلي الشغالات يطلعونه لغرفتك و انتي شوفي ضيوفك
رحت أشوف ضيوفي اللي من شفتهم حسيت بالأكسجين يخنقني أكثر من انه يدخل لصدري
و يساعدني على التنفس !

ابتسمت ببلاهه ردت فعلي المعتاده و الغير متوقعه !!
أميره : أهلين تور ما نور المكان
سلمت عليهم ببرود شديد و اللي ما تتوقعونهم ........أخواني ....!!
وينهم من زمان !!
أخيرا استجابوا لنداءاتي لما قطعت الأمل في اني أشوفهم أو بالأصح نسيت ان لي أخوان !
ما قلت لكم اني دقيت على أخواني من باب صلة الرحم و طبعا محاولاتي باءت بالفشل الذريع ... أحمد الكلام بيني و بينه صار مستحيل بس أشكره على شي واحد انه زوجني جواد غصبن علي ... عبدالهادي كأنه ما صدق يتخلص مني أو لنقل انه اتقاسم الورث مع أحمد عشان كذا تخلصوا مني و أنا اللي كنت متوقعه ان الفلوس هي آخر اهتماماته !!
مسكينه أنا قلبي حنون حيل أمير سمعت من الناس تدرون يعني وش سمعت من الناس يعني أخوي اللي من لحمي و دمي أسمع أخباره من الناس و أنا اللي هريت جواله اتصالات و مسجات و لا جا فكر حتى يرد علي و من الأول يقول اني توأمه !!
ثامر لاهي مع مرته و عياله و شغله بالشركه قصدي شغله بالفلوس !!
ياه من كثر ما هم أوفياء معاي و قلبهم علي جو يعايدوني ههههههههه !!!!
سبحانه من علا شانه
أميره : وش اخبارك يا أحمد عساك متهني بس و مرتاح !!
طالعني برفعة راس و شوفة نفس
أحمد : بخير ....... تمام و من الأحسن الى الأحسن
طالعته بإبتسامه استغراب تعبر عن مقتي لهالأحمد بشده
أميره : شخبارك يا عبدالهادي طلعت مرتك أحسن منك تسأل و تتصل ؟
عبدالهادي : و الله يا وخيتي أشغال
قلت بدون تصديق
أميره : لااااااا تدري عاد علمتني مرتك مره ان كلمة أشغال ملغيه من قاموسها يعني ما تنفع حتى تصريفه تتصدق !!
طالعني بإرتباك و رد طالع الأرض ما عاد مثل عبادي اللي أخبره هزل جسمه و صارت عيونه غايره الفلوس وش يجي من ورى حبها غير الهم و الغم !!
أميره : هلا بتوأمي يا هلا بالبرنس شرفت و آنست متى الوصول من بريطانيا
قال و هو يتجنب يطالع عيوني
أمير : أمس !!
أميره : آهاا لا فيك الخير و الله جاي تعيد علي .... وش أخبار ثمور مضيع الأخبار و العلوم ؟؟
ثامر : ................
قلت بطفش
أميره : تدرون عاد حريمكم فيهم الخير أحسن منكم يثمر فيهم الخير لو قطره
قلتها و أنا أرفع شعري
أميره : ..... و أعتقد ان البيت بيتكم ما قلتوا لي وش تشربون ؟!
قام أحمد و قال بعصبيه
أحمد : جيناك نعايدك و تركنا أشغالنا تعاملينا بهالمعامله طلعتي ما تستاهلين مجينا لك
ضحكت بتريقه
أميره : رد لورى لبعيد قبل خمس شهور أو ست شهور و تذكر كيف رميتني أربع أيام تحت الأرض مع جيف متعفه و دواب الأرض تنهشني .... بصراحه برافو أحسنت معاملتي !!
طالعوني أخواني و بعدين طالعوه من كثر ما هم مفهيين .... هو طالع الأرض بإرتباك
أميره : أها طلعتوا ما تعرفون ما سألتوه مين حرق البيت و خلاني أتشوه و أنحرق ..
ما قالكم كيف صارت عنده هالشركه العملاقه و الفروع الكبيره في دول الخليج ما قالكم وش سوى على قطعة الأرض في أبو ظبي ما قالكم كيف زوجني بهالسرعه و بدون تأخير
معقوله كنتم عمي ما تشوفون كل اللي كان يصير و لااا تتعامون عشان تاخذون الفلوس و الحمد لله ان الفلوس عندي تراب الدنيا ما راح أسألكم و لا أقولكم أبي فلوسي اللي اختلستوها و لا حسابي اللي لقيته مجمد في البنك هههههههههه عادي خذوه
وقفت قدام أحمد
أميره : وش فيك خافض الراس .... وش فيكم سكتوا ؟؟!! و الله الحمد لله طلعت أحسن منكم فيني خير بعد ما رميتوني في النعيم عند جواد الله يطول عمره و بعد ما ظلمتوني و خدعتوني و خنتوني .... اتصلت عليكم و سألت عنكم أرسلت المسجات و اتصلت بس و لا واحد فيكم رد علي .... وش تنتظرون مني بعد كذا آخذكم بالأحضان و أطبطب عليكم ؟
و لا أرفعكم فوق و أفتخر فيكم .... ما راح أتبرى منكم بالعكس بتظلون أخواني غصبن علي
حبيت و لا ما حبيت لأننا نحمل اسم واحد مساعد آل ....
أنا لقيت أهلي اللي أحبهم و اللي يحبوني يخافون علي و أخاف عليهم أهل زوجي اللي رميتوني لهم محسبين انكم رميتوني لجهنم .... و طلع أطيب من الطيبه نفسها !!
عمر الفلوس ما جابت الحب و لا السعاده ..... انتم عار على الحياه ...
طلعت من المجلس و أنا أرتجف طلعت لغرفتي أبكي أبكي حيل
مب قادره أستوعب أنا وش قلت !!
_____________________
الساعه : 07:20 مساءا
ثاني يوم العيد رحنا الملاهي و بحكم اني حامل ما قدرت ألعب و لأن بطني كبرت شوي
أو بيتهيأ لي و ...دايم أحس بالألم بسبب بعده ياااااااااااه يا جواد ...
قمت أتأمل البنات و هم ينططون و يلعبون و يجرون جلست بروحي أتذكر لما رحت أنا و جواد الملاهي في ايطاليا ... ركبنا كل الألعاب و من ضمنها لعبه عباره عن كره تدخل جواها فتدفع الهوا بقوه من الأرض ياه قديش صرخت لما طار شعري لفوق و طارالإيشارب مع الأوراق اللي لازم نجمعها و نحطها بالصندوق !!
دخلنا غرفة المتاهه اللي كلها أبواب شفافه تدور على نهايه عشان تطلع و المضحك ان جواد تسلق واحد من الأبواب لما تهنا و عرفنا طريق الخروج ... غشاش بإمتياز لا يفوتكم !!
ملك : أميره أميره
أميره : هلا ااا
ملك : أكيد سرحانه في حبيب الألب
قالت و هي تناولني الأيسكريم
أميره : اذا ما سرحت في جواد بسرح في مين ؟ واحشني وربي
ملك : يا هوووو وينك يا جواد تسمع زوجتك وش تقول عنك !!
ابتسمت بمرح و قمت آكل الإيسكريم
ملك : تلعبين معانا
أميره : كيف ألعب و أنا بهالوضعيه
و أشرت على بطني
ملك : معليش نسيت أموره و ربي مقدره وضعك انك تعبانه بس
أميره : بس غير الغالي ما عندي أحد أتعب عشانه
ملك : طيب قومي نتمشى !!
قمنا نتمشى و نسولف في كل شي و الأهم اننا كنا نسولف عن عزه
ملك : تدرين حالة عزه محزنه !!
أميره : ليه هي ليه كذا دايم منطويه و تفكر و تتفلسف في كل شي ؟!
ملك : اسمعي قبل ما أقولك على سالفة عزه بقولك شي بس ما تزعلين !
جوري : بوم بوم بووووووووووووووووم
أميره : يا ويل قلبي !!
ملك : بسم الله الرحمن الرحيم جوري و وجع
هي فطست ضحك و طبعا بسبب حركتها الرهيبه توصخت ملابسي بالإيسكريم
ملك : روعتينا حسبي الله على عدوينك وش ذا !!
جوري : فقره من فقرات العيد هههههههههههه
أميره : أنا متأكده اني بسقط على يدك انتي و رجاوي
و قمت أدلع و أسوي نفسي تعبانه
أميره : آه لحقوا علي بطني سويتيها فيني يا جوري
طبعا خافوا علي و جوري تروعت مسكينه و كانت بتبكي كالعاده
أميره : هههههههههه الكاميرا الخفيه
جوري : و ربي سخيفه
ضربتني على كتفي بقوه و راحت !

رجعنا البيت و قمت أسولف أنا و ملك في غرفتي
أميره : وش الشي اللي خايفه يزعلني ؟!!
قالت و هي مستحيه
ملك : سمعت كلامك مع أخوانك أمس
ابتسمت ببرود
أميره : خذي راحتك
ملك : طلعوا زعلانين مره
أميره : الله يهديهم و اللي سووه معاي مب هين ؟؟
ملك : تدرين محد يستاهل الخير هالأيام الا الناس الطيبين تدرين و عزه كانت من هالطيبين و تحولت للي انتي شايفته !
تعدلت في جلستي و طالعتها
ملك : يا قلبي عزه تزوجت بعد ما خلصت الثانوي سافرت بحكم عمل زوجها الى ألمانيا و سجلت بالجامعه و تخصصت في قسم العلوم الإنسانيه طبعا كانت حياتها على ما تحكي لنا فوق فوق الوصف التهت في دراستها و زوجها في شغله ....

و مرت الأيام و خلصت عزه دراستها و عجبتها العيشه هناك فكملت الماجستير بإمتياز
في مره من المرات قالت لزوجها تبي تتأخر عندها عمل بعد الظهر فلما راحت لعملها ما لقت الدكتور لأنه اعتذر فرجعت لبيتها و دخلت لغرفتها لقت زوجها مع وحده في وضع لا يحسدون عليه !!
المسكينه جتها حاله نفسيه و رجعت للرياض و طبعا طلبت الطلاق و صارت بس تمسك كتب الفلسفه و تتفلسف صارت استاذه في الجامعه لأنها على درجه عاليه من العلم و الثقافه و مع ذلك عايشه حياتها !!! مشروخة القلب !!
( الخيانه عباره مستهلكه تتداولها الأجيال ... لا تحقرن صغرها لأنها هادمة لأكبر الدول )

البارت الأخيـــــــــــــــــــــــــــــــــــــــــــــ ــر

________________________________










تبيه !!
تحت الليل و سياااط النظر و الخوف
تبيه و الميعاااد عيااا ينتظر ملهوف
تبيه و الساااعه دهر مااا مر مااا أرسل خبر
تبيه ... تبيه .... تبيه ...
تبيه مااا ملت و ظلت تحتريه
تبيه ... تبيه .... تبيه ... تبيه
كل الوفااا شفته على ذاااك الرصيف
ذاك المسااا
كل الجفااا شفته على نفس الرصيف
نفس المسااا
كااانت تعض ابهااامها حيره
و كااانت تشب و تنطفي غيره
كااانت تموت و تحتضر
و كااانت أبد مااا تتنتظر
مااا تتنظر غيره !!
يا قلبهااا مسكين ما تدري
ان الهوى سكين يجرح و لا يبري
وان الوهم أحلى حقيقه في الغرااام
و ان الحبيب الي تبيه أحلااام
يا قلبهااا هذااا زمااان صعب يموت فيه الصدق
و يعيش فيه الكذب
يا قلبهااا لا تنتظر
يا قلبهااا لا تنتظر
لا تنتظر !!!
دور على غيـــــــره

لقيت نفسي مرميه في الشارع بشنطه صغيره كانت في يدي !!
مشيت مسافه و قدرها لين لقيت تاكسي يوصلني لشقتي أنا و رنا يااااااااااااااااه كأننا حسينا بكل هاللي صار و شرينا الشقه و اثثناها ....
طلبت من أبو عبده يرسل لي زوجته عشان ترتب البيت و تبات معاي صحيح دايم أجي هنا بس عمري مانمت في هالمكان و لا تجرأت أنام فيه كنت خايفه من رنا لما تقتحمني ذكراها
جلست عالاريكه ألتقط أنفاسي و أتذكر كيف جواد طردني من البيت بكل وحشيه و رماني في الشارع كيف ذلني قدامهم كلهم لما طلبت منه و ترجيته انه ما ياخذ ولدي أبدا بس ما رضى بل بالعكس دفني برجله و رماني برى البيت !!
أما بندر أخوه فكان يطالعني بتشفي و كأنه مستانس من شي أو عارف شي و ساكت !!
فصخت عباتي و طرحتي !!
و قمت أرتب البيت على ما تجي ام عبده !!
البكى تلاشى من أميره الدموع جفت في عيون أميره رغم الإهانه القويه اللي تعرضت لها من اللي أحبه ... أحبه .. هل باقي أحبه رغم وحشيته معاي و لا أكرهه ؟!
( في قصور الشوق ... تلتهب الكلمات معبره عن الحب و من صنع الحب قصور شوقي بناها مستعمر ذلك القلب )
( من يعيد بناء القصر اذا حطمه بانيه بيديه .... و ينتهي الحب )
رنا : سمعتي هالكلام أحسه صحيح رغم اني ما جربته أبدا
أميره : وحده مثلك عمرها ما راح تجربه صدقيني
رنا : ( من يعيد بناء القصر اذا حطمه بانيه بيديه) ياه كلام خيالي
أميره : طيب اشربي حليبك و انتي ساكته !
قطعني من الذكرى طق عالباب
طالعت من العين السحريه و فتحت الباب
أميره : هلا و الله
أم عبده : اذيك يا ست أميره عمله ايه
سلمت عليها و قلت
أميره : تمام الحمد لله
دخلتها و جلستها في الصاله جبت لها كوب عصير و قلت
أميره : لو ما عليك كلافه أبيك تتمين معاي هنا كم يوم لين الله يفرجها
أم عبده : من عنيا و احنا كم أميره عندنا مش بتأولوا عندكم غالي و الطلب رخيص
أميره : تسلمين يا قلبي
رحت تسبحت و نعنشت لبست واحد من بجايم رنا و تمددت عالسرير أقرى دفتر مذكراتها ...
( ايمانا مني بقيمة الحب أرفع راياتي مستسلمه أمام ما اجتاحني لحظتها .. هل أنا أحببت أم ما أحسسته في داخلي كان احساسا آخر لا ينتمي للحب ؟!!
كوني نادره أحببت هذه الحكمه التي تعني الكثير رغم أنها صعبة التنفيذ )
تنهدت بقوه و أنا أسكر الدفتر و أفتح شنطتي أدور عالفلوس عشان أقول لأبو عبده يجيب أغراض للمطبخ لأنه الثلاجه بإختصار شديد مصفره !!
مالقيت بالشنطه غير دفتر و بطاقة الفيزا اللي حسابي فيها مجمد و محفظه ما فيها الا مية ريال و الدفتر اللي عشقته بكل صفحاته دفتر جواد !!
تذكرت العلبه الخشب اللي في الدولاب رحت أدورها ما لقيتها ؟!!
آه تذكرت !!
رحت لمراية الحمام بعدتها و طلعت من وراها صندوق فيه بطاقاتين صراف و بطاقة فيزا الذهبيه و بعض الأوراق اللي تثبت ملكية الشقه و خمس مية ريال أتذكر ان رنا حطتها و هي تقول بتريقه
رنا : مصيرك تدورين عالخمسمية الريال اللي ما تعتبر عندك شي و تحتاجينها !!
رحت لأم عبده أعطيتها الفلوس عشان تجيب أغراض للبيت !!
فكرت في كل شي و كيف راح تكون حياتي بعد جواد أحبه يا ناس و للحين أحبه !!
قمت بدلت ملابسي و لبست عباتي شلت كل بطايق الصراف و طلعت ...
لما رحت للصراف اكتشفت ان حسابي اللي في البطاقه حقتي ما صار مجمد بل زاد أضعاف أما البطايق الباقيه فيها مبالغ ضخمه ... في البدايه احترت وش أسوي فيها !!؟؟

بس لقيت الحل !!
________________
مرت أيامي عال العال من أحسن لأحسن و الحمد لله
كل يوم أزور سلطان بالمستشفى و أتجنب دايم اني أشوف جواد اللي أبدا ما فكرت حتى أشوفه أحبه و الله أحبه و كل ما يحرقني الشوق أبوس صورته و أضم دفتره بقوه و أقرى كل كلمه فيه كم مره و أعيدها دايم أحط نفسي مكانه و أعطيه الأعذار رغم انه في الحقيقه ماله أي عذر رديت مثل أول أميره الحره المنطلقه أميره المبتسمه للحياه مهما حصل رديت أكتب الخواطر و أرسم اللوحات و كل يوم يزداد شوقي لولدي الغالي اللي قرب يطلع من المستشفى
رديت أهتم بنفسي و أكشخ مثل ما أبي ركبت انترنت و رديت لمنتداي و لمعجبيني و المهتمين برسمي رديت لزياراتي للجمعيات الخيريه و رديت عضويتي في منتدى الرسامين اللي رحبوا كثير بعودتي و احتفلوا بهالشي ردت الحياه لأميره رغم ما في حياه بدون جواد أرد و أقول هو الخسران مب أنا !!
شريت فيلا كبيره و طبعا باقي ما انتقلت فيها ما خلصت باقي مهندس الديكور يقولي كمان كم يوم !!
سمعت من الناس ان جواد تزوج هديل ... تقبلت الخبر بإبتسامه هادئه و عادي كأنه ما سمعت شي رغم انه بدون مبالغه كوتني في داخلي و رحت أبكي يوم كامل على جواد !!
حاولت أكون صامده و ما أعيش في الماضي لأني راح أتعب و راح أتعذب صرت أقاوم الماضي بكل تفاصيله و أنا أشوف سلطان بين يديني !!
صرت أزور أحمد اللي مهو مستجيب للعلاج مع ان الدكاتره استغربوا تمسكه في الحياه و نضاله عشان يعيش لما يشوفني يرتجف و يتحرك بشكل غريب و يرد يغمض عيونه ناديه تعبت مسكينه و صارت نحيفه بعد ما كانت مورده و مشرقه بالحياه !!
عرفت سالفتي فزادت آلامها مع اني بينت لها اني مبسوطه و مرتاحه و بسكن في فيلا جديده و عطيتها العنوان .... دايم أزور أولادها في البيت أسولف معاهم و ألعبهم و أحيانا نطلع للملاهي انقطعت عني أخبار اللي أعرفهم كلهم معدا ناديه اللي صارت محور حياتي هي و زوجها و عيالها !!
________________

رحت آخذ سلطان من المستشفى و ما كنت مصدقه ان جواد ما أخذه مثل ما تهدد و توعد
نور البيت بسلطان ولدي حبيبي و خصوصا ان الفيلا خلصت في نفس اليوم انتقلنا للفيلا بعد وداع ساخن مع أم عبده اللي بجد كانت أمينه و حنونه و صادقه معاي !!
الفيلا مب حلوه بدون خدم !!
مدري ليه تذكرت صوفي و حنيت لها و تخيلتها في الفيلا معاي .... كلمت ناديه و سألتها
بس للاسف صوفي سافرت بعد زواجي من جواد بيوم و لا عاد بان لها أثر !!

( رائع عندما يكبر من تحب و يترعرع في احضانك ... بذرة الشوق هنا في قلب من تحب )
سكرت الدفتر على صوت صياح سلطان ...
أميره : يا روح ماما شوفني هنا
و قمت ألاعبه و أغني له
أميره : تدري يا قلب ماما ان بابا واحشني رغم انه كان قاسي علي بس يالله الحمد لله اني باقي أحبه !!
مدري ليه قلتها هالكلمه و ربي اشتقت لجواد اشتقت أشوفه ودي أشوفه و لو من بعيد
هل هو سعيد !!؟؟ و لا مب سعيد هل راح تقدر هديل تتحمله محد راح يتحمله غيري لأنه ساكني و أنا ساكنته !
_________________
الساعه : 05:00 عصرا
اليوم وقعت عقد مع شركه من الشركات انها تنفذ لي مشروعي الصغير اللي هو عباره عن شركة ديكور و في نفس الوقت معهد لتعليم الرسم كان هالمشروع في بالي من زمان بس ما قدرت أنفذه الا بعد ما تحررت من جواد !!
ليه أقول تحررت ؟!!
كنت أتأمل الناس و هم يبعدون عن نظري و أنا أطلع باللفت في المملكه ....
رنا : تذكرين أحلام تقابلت مع زوجها بعد واحد و عشرين سنه و ضمته و ضمها مع انه هو اللي كان السبب في فراقهم
أميره : غبيه المفروض تعطيه كف
ضحكت بمرح
رنا : تفكير غريب الحب يا ماما قوي و قوته صعب تتخيلينها اعترفي انك ما نسيتي ناصر


........ : لو سمحتي
أميره : هلا
....... : اللفت طلع و نزل أربع مرات
طالعت لرجل الأمن بذهول
أميره : معليش آسفه
رحت للكوفي شوب أطلب كابتشينو و دونات بالسكر
جلست عالطاوله أنتظر طلبي حطيت يدي على خدي و أنا أقلب المنيو بملل
رفعت راسي و انصدمت
أميره : جواد !!
تنحت في مكاني أطالعه حتى من الصدمه ما انتبهت ان الرجال حط لي الطلب و راح
ساهي و هو يقلب الكوب اللي قدامه للحظه ارتعشت و حسيت بمغناطيسيته تجذبني بس رديت اعتدلت بجلستي و غطيت عيوني و أنا أطالعه ....
خلاص هو مهو زوجك أكيد انه مثله مثل أي انسان غريب عنك اعقلي يا أميره اشربي قهوتك و كلي دوناتك و قومي !!
فديت هالوجه المليح و العيون الناعسه طالعته بتأمل ... أكيد مهو مرتاح مع هديل !!
يكفيني اني أحبه ما تدرون كيف قلبي ارتعش يوم شفته دمعت عيني و أنا أشوفه ياااااااااه يا جواد مرت بينا تسع شهور ما أشوفك الا في أحلامي و ذكرياتي معاك أكيد هديل حامل و بتولد قريب أكيد هو شايل هم هالولد اللي بيجي و سعيد فيه سلطان اللحين عمره 8 شهور صاير يشبهك يا روح هالقلب ........... أحبك
حياتي صايره حلوه بس بدونك صايره مره يمكن الحلى اللي أشوفه فيها بسلطان اللي يسأل عليك ... كنت أشكر جواد من كل قلبي على انه حتى ما فكر يسأل على سلطان !!
لأنه لو يبيه كان دور عليه و لقاه و جواد لو يبي الشي بيوصل له !!
نسيت نفسي و أنا أتأمله لدرجة انه التفت يطالعني بحزن و تأمل للحظات تخيلت انه عرفني رغم اني متغطيه عدل بس لا شكله ما عرفني لأنه رد يطالع كوبه !!!




قمت بسرعه حتى ما أكلت الدونات و لا شربت الكابتشينو
مريت من جنب طاولته لأنها قريبه من ممر خروجي .... زادت المغناطيسيه يوم مريت جنبه ارتجفت و أنا أمشي ببطء من جنبه رفعت راسي أستنشق أكبر كميه من الهوا بس في لحظه حبست أنفاسي و هو يمسك يدي و يضغطها برقه و يرفع راسه و يطالعني
عرفني !!!
(( اتصال روحي ))
جواد : أميره
قالها بحزن و أنا أطالعه كهربني بقربه اللي ياما كرهته و يا ما حبيته لا تقربني تنسفني بهالقرب تذبحني و تفتتني .... رفع يده يبي يكشف غطاي
منعته !!!
رغم حبي منعته لأنه خلاص انتهى .... انتهى من حياااااااااااااااااااااتي !!!
لا تقربني أرجوك تدمرني يكفيني عذاااااااااااااااب
أميره : رد يدك لمكانها ما عاد صرت لك !!
طالعني بحزن و ندم و ألم و دموع !!
قديش كنت آخاف على هالعيون من الدموع !!
كنت آخاف تجرحها أو تألمها و اليوم حسيت هالدموع تستاهلها هالعيون !!
اجتاحتني رغبه آسره اني أمسح دموعه و أرفع شعره مثل ما تعودت ما هان علي مثل ما هنت عليه بس !!! للحظه فكرت أكون نادره و أضبط مشاعري بعقلي فرق الإنسان عن الحيوان العقل مب معقول راح أمشي ورى غرائزي طيب و عقلي وين راح !!!
طول عمري كنت أمشي و راى قلبي لين ضعت !!!...
طالعته بإبتسامه صامته و قلت :
أميره : جواد طالعني لا لاتنزل راسك و أبي أطلبك طلب طلب أخير أتمنى تلبيه !!
طالعني بإبتسامه صفرا و قال
جواد : اللي تبينه بيتنفذ بس ..........
رفعت يدي في وجهه وقلت :
أميره : لا تكمل .......
جواد : اطلبي !!
أميره : (( ما دمت قادر بالجفا تاخذني بيديني علمني كيف أترك يدك في عز حبي لك ))
نزل راسه بذهول تركته و مشيت و أنا سعيده ما تتخيلون قديش و السبب غير معروف
كتير بنعشق و لا بنطول
و كتير بنعشق و لا بنقول
و مااا فيش حكااايه بتستمر
زي مااا بدأت ليه على طول !
في عشق بيستنااانااا
و عشق بنستناااه
و عشق بينسينااا
العشق اللي عشقناااه
القلب اللي بيجرحنااا
في حاااجه أكيد جرحاااه
و جرحنااا بتفكرنااا
كتير بنعشق و لا بنطول
و كتير بنعشق و لا بنقول
و مااا فيش حكااايه بتستمر

زي مااا بدأت ليه على طول !
رديت للبيت بسرعه و طلبت من الطباخه تسوي لي الكابتشينو و الدونات !!
طلعت لولدي اللي كان مع أم عبده شكرتها و أعطيتها فلوس و راحت
اميره : اشتقت لك يا روح ماما
و قام يسوي حركات بيده و شفايفه مبسوط
أميره : ههههه أكيد راح تنبسط بشوفة ماما ........ تدري يا نور عيني شفت بابا اليوم شكله يجنن وسيم مثل ما هو فديته جلست سلطان في جلاسته و تمددت عالسرير
أتأمل صورة جواد ..

و قمت أغني للصوره


اتعبتني في البعد أحبك .. و انت جااافيني
و تعبت أبي أجفاااك أنااا في عز حبي لك
تخطي علي لين أحسك طحت من عيني
و يرفعك دمع من السمااا اختااار منديلك
ازعل و شف قلب الرضااا جااا بينك و بيني
ماااشفت أغرب من خطاااك يرد قلبي لك
تغيب و أسأل وين أنااا مدري أنااا ويني
اثري من الحزن اكثري بااالوهم ماااشي لك
غصب علي ما هو رضااا ناااهت عناااويني
مني و كلي هااارب برضاااي مني لك
أسألك باللي تعتذر فيني و انااا الغيني
ماودي اشكي منك لكن ودي اشكي لك
معقوله انك انت يا الطف من رأت عيني
قااادر تفرقني شتااات و لا اقدر امشي لك
مااادمت قااادر بااالجفا تاااخذني بيدينـــــي
علمني كيف اترك يدك في عز حبي لك
علمني كيف اترك يدك في عز حبي لك
علمني كيف اترك يدك في عز حبي لك

تنهدت و قمت أبكي مهما سويت أحبك أهنتني و ذليتني و شكيت في شرفي و أخلاقي أهنتني قدام أهلك و شتني برجلك رميتني بالشارع و سبيتني أهنتني حتى قدام أخوك اللي نظرات التشفي أشوفها فعينه !!
محتاجه لك أبيك يا بعد عمري أحبك أحبك و ربي أحبك
_______________
بعد مرور سبع سنوات

مس أميره مس أسيل آل..... طالبه مقابلتك
أميره : خليها تتفضل
دخلت أسيل و على وجهها ابتسامه حلوه
قمت من قدام مكتبي أسلم عليها
أسيل : ياه يا أميره من زمان ما شفتك
أميره : من أيام المعرض
أسيل : كان معرض رائع
أميره : وش أخبار فيصل بشريني عنه
أسيل : تمام ما شا الله مرته حامل
أميره : مبروك ما شا الله
أسيل : الله يبارك فيك ..... ها وش صار على لوحات المسرح !!
أميره : ان شا الله بعد يومين بتكون جاهزه و بروح أسوي البروفه
أسيل : بإذن الله ....
سلمت علي و قامت بتروح
أسيل : ممكن طلب !!
أميره : تفضلي آمري
أسيل : تحكي لي قصتك !!
استغربت طلبها
أسيل : طلبي غريب بس أتمنى تلبينه لأني متأكده انها قصه و لا في الخيال
أميره : بإذن الله اللحين ما راح أوعدك بشي بس كوني واثقه من اني راح أحاول بإذن الله
رديت البيت أوف تعبانه حيل من الشغل
استقبلني سلطان عند الباب و نط في حضني
أميره : هلا بالغالي ولد الغالي ... ذاكرت دروسك
سلطان : ايه يا ماما
أميره : فرشت أسنانك
نزلته عالأرض و هو يمشي جنبي
سلطان : طبعا يا ماما
أميره : تعشيت
سلطان : أكلت سمك
أميره : ممتاز يالله نروح ننام
سلطان : ماما !!!
قالها بطفش و عصبيه
أميره : يا روح ماما
سلطان : أبي أشوف بابا
أميره : بتشوفه يا قلب ماما قريب !! أرسلت له كرت الدعوه مع السواق و أكيد راح يحضر الحفله !!
سلطان : بابا بيمشيني !!و وعدني نسافر مع بعض بروحنا هالصيفيه
أميره : كيفكم
جلست عالسرير بعد ما فصخت العبايه
سلطان : ماما
أميره : عيون ماما
سلطان : ما بتتمشين معانا
طالعته بحده
أميره : حنا ألف مره تكلمنا في هالموضوع صح
قال بحزن
سلطان : صح ياماما
أميره : طيب يالله على غرفتك اتفضل روح نام و الإتفاقيات اللي بينا نلتزم فيها
أول ما راح تمددت عالسرير و الحزن يغطيني
غمضت عيوني و قمت أتذكر كيف وصلت لهاللي أنا فيه اللحين !!
________________
فتحت شركتي أو بالأصح المعهد اللي يهتم بالرسم و الرسامين
و انشغلت فيه عن كل شي و خصوصا بعد ما توفى أحمد الله يرحمه
مع كل يوم كنت أتذكره و مع كل يوم يزداد شوقي لأخواني اللي مدري عنهم و ما يدرون عني !!
ناديه تدهورت حالتها بعد موت أحمد و صارت بس تبكي و تصيح كانت أيام جدا صعبه علي و عليها !!
بس قدرت تسند نفسها و تمسك عيالها و تشتغل معاي بالشركه اللي مع الأيام ازدادت شهرتها و كبرت .........
تقابلت مره أنا و رجاوي بالصدفه في الفيصليه عرفت منها انها تزوجت هي و جوري
جواد طلق هديل لأنه اكتشف خيانتها له و ان الأصوات اللي سمعناها أنا و هي ذاك اليوم كانت لها و لخويها بس قدرت تخدعنا ....عزه صار مصيرها مستشفى المجانين ....
أما المفاجأه الكبيره لي ان فيصل راح لجواد و حكى له القصه بالكامل لأنه خرب بيتي !!للحظات عرفت قديش فيصل يحبني و لأنه مب قادر ينساني حتى لما صديت عنه و رفضته تم يحبني بمعنى الحب الحقيقي اللي ما يشوبه غل أو حقد !!
تقابلت أنا و فيصل مره على شاطئ جميرا و تأسف لي على اللي سواه فيني و كان متحسف على انه دمرني و هو مب قصده بإرسال بوكيه الورد شي طلبت منه انه يتزوج و وافق طبعا بشرط اني أخطب له و فعلا خطبت له وحده ممكن تسعده و يسعدها (( سلطانه )) و لأنها في البدايه رفضت بس وافقت و تزوجوا !!
جواد مرض بعد ما سمع الحقيقه من فيصل ههههههه توه الأخ يحس و صار يبكي ليله مع نهاره و احساسه بالذنب ما يفارقه و من توتر أعصابه صار شره عالتدخين زياده و خربت كليته !!
تنوم في المستشفى يحس بالألم و العذاب و هو بكليه معطوبه !!
كنت دايم أروح أزوره في غير أوقات الزياره لأني ما أبيه يحس فيني كنت أسأل عن حاله و أحواله من الدكاتره اللي قالوا انهم مالقوا متبرع و لما لقوا طلع غير مناسب ....
كنت لذيك اللحظه أحبه و حبي له دفعني أتبرع بكليتي يالله عالأقل يسكن شي مني في داخله بحق و حقيقي سويت التحاليل و الفحوصات اللي أثبتت اني مناسبه تماما
و صلحت العمليه و وقعت على الأوراق بإسم .... فاعل خير
ناديه الوحيده اللي كانت تعرف بكل شي و مع هذا ترجيتها تكتم السر في نفسها !!
بس لما شافت جواد يطلب سلطان و يبيه في حضانته فجرت القنبله و حكت السالفه للجميع بحضور العائله كلها اللي جمعتهم بطريقه من الطرق !!
جاني جواد يعتذر يبي يرجع لي ترجاني و حاول معي بكافة الطرق بس أميره دايم أميره ما وافقت ... خلا سلطان في حضانتي بس يجي و يشوفه كل بعد كم يوم و أحيانا يخليه يوم كامل معاه بعدين يرده !!
تصدقون اني باقي أحبه و مشتاقه بس ألمس وجهه و أحضن يديه مشتاقه أحس بنبض قلبه
محتاجه أقوله أحبك و بس !!

لكن من يعيد بناء القصر اذا حطمه بانيه بيديه !!
كل ما اشتاق أحضن الصورة ... و أرجع اصيح
كل هالناس اللي مروا في حياتي و هالعالم اللي شفته و استكشفته من بحور و شواطي من مباني و جسور من أنفاق و صحاري علمني معنى الحياه و كيف تكون الحياه ؟؟
( كلما عشت كثير كلما تعمقت في الحياه أكثر و أكثر )
و ش هي الحياه اللي معقدينها و مسويين لها سالفه قويه و هي مجرد شي مسخر لنا مثل الهوا و الموج الحياه مالها أي ذنب أبدا الذنب يقع علينا حنا رغم ان الناس
يعذبونها بأنفسهم ...
_________________

رغم توسلات سلطان اني أتم معاه هالصيفيه الا اني رفضت لأن جواد يبيه هالصيفيه و أنا ما عارضت أبدا انه ياخذه لأنه من حقه كأب يشوف ولده بس للأسف جواد صار صفحه عاديه من حياتي أحبه صح بس ما أقدر ارجع له خليني أحبه من بعيد أحسن تذكرت كلام سلطانه لما كنت أقنعها ترد لمشاري ...
أما أنا فكل صيفيه أسافر أنا و سلطان لمدينه مره سافرت لماليزيا عشان أسلم عالناس اللي أحبهم !!هناك و أولهم شمس كلهم كانوا سعيدين بوجودي رغم الحزن اللي في عيونهم لأني طليقة جواد !!
سافرت للديره أشوف الجده اللي سوت الذبايح و عزمت العزايم و سوت الحفلات عشان أميره الأميره و السلطان سلطان على قولها !!
سافرت لدبي أشوف أخواني و أهلي اللي كانوا بعد سعيدين فيني و اخيرا سافرت لبريطانيا أشوف أمير اللي فضل حياة العزوبيه على الزواج لأني اكتشفت من مذكرات رنا انها كانت تعشق أمير .... و أمير اعترف لي بهالشي و صار عايش على ذكرى رنا اللي سكنت القلوب !
و هالصيفيه بسافر لدبي لأن قصتي بدأت من هناك و راح تنتهي هنا في سما دبي اللي أشوف نفسي مع كل غيمه حكايه من حكاياتها !!
اللي يدهشني فعلا في الحياه انه كيف انسان طيب في لحظه يتحول لوحش !!
الذكريات تغيب و ترد ترجع مره ثانيه تحضنا بلهفه و ترد ترمينا بقسوه
حقيقه وحده عرفتها في حياتي انه ما في حب كل شي دخلوه في الحب !!!
خربوا صورة الحب و شوهوها ....
الحب مهو مجرد كهربا أحس فيها أو هزة مشاعر الحب إخلاص و تفاني الحب كلمات صادقه و مشاعر نابضه بالعطاء الحب روعه من روائع الدنيا و نقمه اذا انفهم غلط
صحيح اتعذبت صحيح اتألمت صحيح و أنا الغنيه بنت العز و الجاه انرميت في غرفه حقيره
بس الطيبه ما زالت تسكن قلبي ما زالت تحضنه لأني مستحيل أغير طبعي ...
تحتاج الحياه كل ما تغيرت نتغير و مع ذلك نظلمها ....
موت الأهل صعب قاسي و مؤلم مع ذلك نعيش على ذكراهم عالأقل أو نعيش نتمنى نروح لهم ... باقي الحياه تضحك لأنه مالها أي ذنب
جواد حبيب القلب و عمري ما راح أتزوجه أو أتزوج غيره لأني أحبه !!
زرع فيني الحب بصدق و دفن فيني حبه بقسوه علمني كيف أجفاه و علمني كيف يجفاني حتى و أنا معاه للحظات أفكر و أقول عشان خاطر سلطان برجع لجواد بس ....!
طول عمري أميره و أكيد سلطان لما يكبر راح يتفهم الوضع و لأني أحب جواد فخليه بعيد
أحضن ذكراه بشوق كل ما حرقني هالشوق !!
( ان الحب كلمه رهيبه بل لعلها من أشد الكلمات رهبة في هذه الدنيا )
أتذكر انه الحياه ممتعه رغم مرارتها و ألمها الا انها جميله بجمال قلوبنا اللي تحضنها بحب لأن الحياه مالها ذنب ...
_________________
مذكرات أميره
أهدت أميره مذكراتها لأسيل بعد ما حذفت بعض الأحداث أسيل نشرت هالمذكرات في المنتديات عالنت و في بعض المجلات بعد ما أخذت اذن أميره !!
ودعت أميره ولدها اللي بيسافر مع أبوه لليابان هالصيفيه و هي اختارت دبي مثل ما قالت تصيف فيها ...

تعلمت أميره السواقه و أدقنتها مع انها كانت رافضه الفكره !!

في دبي
ركنت أميره سيارتها و وقفت قبال البحر تستنشق هواه و تتأمل الحياه من خلاله
لأنه حتى البحر ينبض بالحياه مشت عالشاطئ تايهه سرحانه في عالمها تتأمل الناس كيف منتشرين على طول الشاطئ يغيرون أجواء الرتابه عن يومهم
وقفت قدامها بنت صغيره تبكي
أميره : وش فيك يا حلوه ؟؟
...... : كسرتي الكايت مالتي
أميره : آسفه يا حلوه معليش
التفتت لصوت ينادي بإلحاح
....... : أميره أميره
جرت البنت الصغيره تجاه الصوت و هي تبكي و تأشر على أميره
جا صاحب الصوت تجاه أميره و ابتسم
أميره : مب قصدي .......آسفه
عبدالله : حصل خير اختي
أميره : بنتك !
عبدالله : ايه سميتها أميره على اسم انسانه كانت ملاك و ما زالت
أميره : الله يخليها لك
مشت أميره تكمل دربها يهفها هوا الخليج
و هي تبتسم للحياه بصفاء ..........لأن الحياه مالها أي ذنب "
فعلا مالها أي ذنب !!

امبارح و النهارده و بكره و كل يوم
هيا اإيه الحياه ..
حبة أمل .. حبة جنون
امبارح و النهارده و بكره و كل يوم
هيا اإيه الحياه ..
حبة أمل .. حبة جنون
يوم مليان فرح
و يوم مليان دموع
و يوم فوق القمر
و يوم تحت الشموع


moon lover

تم بعون الله

تمت وبحمد الله

اتمنى ان تنال اعجااااابكم