انا براسي اسئلة

[align=center][tabletext="width:80%;background-color:gray;"][cell="filter:;"][align=center]

[align=center][tabletext="width:70%;background-color:black;"][cell="filter:;"][align=center]

انا براسي اسئله مدري خطا مدري صواب
احيان حتى الادمي يجهل صوابه من خطاه

لكن ابطرحها وممكن تنوخذ من أي باب
انتي تشوفيني مثل مااشوفك احساس الحياه

انتي يجيك اللي يجيني كلما يطري غياب
هل تشعرين القلب في صدرك يصعّد في سماه

هل تشعرين لطاري الفرقا بذاتك اضطراب
هل تشعرين بضيق مايعلم سوى ربي مداه

ان كان اجاباتك نعم فانا ترا نفس الجواب
وان كان اجاباتك بلا وانا نعم ويش السواه

قالت تعرف اول علاقة هالصحاري والسحاب
اطرح سؤالك للثرى قل ويش سوا به ضماه

واسأل عروق ٍ كافحت جفافها تحت التراب
كم دار في تفكيرها تصحى وهي بحضن المياه

واسأل غصونٍ ضاميه تفرح ولو شافت سراب
يبست ولو هب الهوا ماعاد تتثنا معاه

نفس الجواب اللي تقوله لك ترا نفس الجواب
عن كل سؤال تسأله هذا الجواب بمحتواه

مدري كذا هي جاوبت والا سألت والا عتاب
لكن ابترك كل واحد يقتنع باللي قراه

[/align][/cell][/tabletext][/align]

[/align][/cell][/tabletext][/align]