تكفين لاتخليني

....
نوره رجعت راحت لشقه شجون شافتها مقفله .. وقلبها نغمت .. عرفت انها طلعت ..وراحت شقتها وفتحت الباب ودخلت غرفتها
دقت ع شجون
نوره وهي تبكي/ شجون من جد ع طول حسيت بقيمتج جالسه لوحدي وماكو احد معاي وخايفه
شجون : ههههه ايه احسن علشان تحسين فيني ... انتي صج تبكين الحين
نوره : يالبايخه بدل ماتواسيني ..
شجون : اوه كلها كم يوم وترجعين بعد انتي
نوره : هههه طيب يلا باي يادوووبه توصلين بالسلامه
يلا باي
ابو محمد : تكلمين منو؟
شجون: نوره تكلمني وتقول وحشتها ..
ابو محمد : لسسه من شوي معاها .. صج انكم يالبنات مالكم حل
شجون: يبا خالد وش كان يبي منك ؟
ابو محمد : خالد !! كان يبيني بكلمه راس ..لاتدخلين بين رجاليل عييب
شجون تفشلت وسكتت : طيب يبا متى طيراتنا ؟
ابو محمد : حوالي ساعه وربع
شجون : اف باقي وايد .. حطت راسها ع كتف ابوها
ابو محمد : ايش تبين تنامين؟
شجون حركت راسها بأيه ..
محمد طيب نامي ..
اوتعت بعد ساعه شافت ابوها جنبها ويكلم ام محمد..
يبا تكلم منو ؟؟
ابو محمد: كهي صحيت .|هاك امك تبيك
اخذت الجوال من امها .. : هلا يما ..
ام محمد : وينج ياياما ماتتصلين ولا شي
شجون : يما لسه مكلمتج اول امس
ام محمد : طيب شخبارك انتي؟
شجون : يمه وحشتيني حيييل اول مأرجع بدون ماقول لك ابيك تضميني ذاك الحظن الدافي الى عشر سنوات قدام
ام محمد : هههه الله يرجعك بالسلامه يمه
شجون : طيب يلا باي
نادو ع رحلتهم .. وقطعو التيكيت وركبوا لطياره ..
...
خالد جالس بغرفته وماسك الورد الي ذبل الي جابته اله شجون .. وع انه كل يوم يسقيهم بس الورد دايم يذبل
تنهد وحطه ع جنب ..الحين ركبت الطياره خلني ادق واشوف
دق عليها بس (the number u calling….
سكر وتنهد وعرف انها بالطياره ..
اتصل ع اخته يطمن عليها لوحدها بالبيت
خالد: الو
نور بصوت مخنوق : الو
خالد : نوره وش فيج؟
نوره : خايفه جالسه لوحدي بالشقه خالد متى رح تطلع .. انا بجد خايفه شجون كانت معاي فماكنت احس بس الحين الشقه مره تخوف ..
تنهد خالد خلاص انا اكلم الدكتور اخليه يعمل لي خروج ع ضمانتي مالي الاكذا
نوره : ايه تكفى ياخوي ..
خالد طيب.. يلا باي
..
خالد ضغط ع الجرس اجت النيرس
الممرضه : ماذا تريد ؟
خالد: اريد الدكتور وحالا
الممرضه : ان الدكتور مشغول الان
خالد: اف ماتسمعين انتي !!
الممرضه : ماذا تقول انا لافهم
خالد: دعي الدكتور يأتي
اللمرضه : لاأستطيع انه مشغول ماذا تريد سوف اخبره
خالد: اريد ان اخرج من المشفى
الممرضه بفرح: حقا حسنا حسنا سوف اخبره حالا
خالد ايه الحين هاه من شويي اقولك لك مافي دكتور .. الله يلعن شكلج
الممرضه : انتظر لحظه من فضلك
اجا الدكتور فرحان ومتشقق : مرحبا ياخالد سمعت انك تريد الخروج ع ضمانتك انه لشيء جيد
خالد: ايه اريد الجروج وبسرعه ايضا
الدكتور : حااالا ياخالد ..
عمل له خرووج وبنفس الوقت قدر يطلع .. .. شاف الطريق تنفس بقووه وركب التاكسي
بس ماخبر اخته يبي يعمل لها مفاجأه

وصل الفندق وركب فوق .. ودق الجرس وبعد عن الكيمرا علشان اخته لاتشوفه
نوره :من هناك؟؟
خالد وهو يغير صوته : هاوس كيبينق
نوره : شكرا انا لاريد
خالد : افتحي الباب
نوره : منو !!
خالد قرب راسه : انا
نوره شافته وفتحت الباب وضمته خلوووووووود الحمد لله ع سلامتك ياخوي حياك المكان مكانك
خالد : الله لو ادري كان من زمان جييت ها وش خبارك ..
نوره : الحمد لله مشغله تلفزيونات كل الغرف علشان احس بألامان هههههههه
خالد : ههه الله يغربلك روحي طفيهم
دخل وجلس ع الكنبه ..
نوره : خالد ترى اختباري بعد 4ايام نزلو للمعيدات بالنت
خالد : طيب شفتي الجدول حقي انا !! ؟
نوره : لا
خالد دخل غرفته وطلع الاب توب وشاف جدول عليه اختبارين واحد بعد 4 ايا والثاني بعد اسبوع
حط يده ع راسه : اوللله ليه بعد اسبووع ..
نوره : هاه متى .؟؟
خالد : بعد اسبوع
نوره تنهدت طيب خلصنا بسرعه ..
خالد : اف يالله وش نسوي بعد ..سكر الاب وقام برا يشاهدد تلفيزيون
اجت نوره وجلست جنبه
ناظر فيها خالد مستغرب..
نوره : وش فيك
خالد : هاه !! لا بس شميت ريحة شجون ..
نوره ناظرت في ثيابها :ههه ايه ..
خالد : وش فيج
نوره : هاذي ملابسها لبستهم من عندها
خالد : اوه يعني وناضر في ثيابها :طيبنوره روحي سوي لنا كوفي الله لايهينج..
نوره : طيب أأمر ياخوي ..
قامت وجاكيت شجون خلته ع الكنبه
مسكه خالد وشمه .. تذكر كل شي تذكر ضحكتها بكيها زعلاها فرحها كلامها عصبيتها .. ناظر في وابتسم ..
وحطه ع جنب
اجت نوره معاها الكوفي هاك
خالد: مشكووره .. واخذالكوفي وجلس يناظر في الفيلم..
نوره : تهقي الحين وين وصلو ؟
خالد: لسه ماطلعو من كندا
نوره:كيف مرت 3 ساعات الحين
لحين ماطلعو
خالد: مادري شايفتني عالم جغرافي او طيار انا ..
نوره : ههه طيب وش فيك عصبت ..
شجون : مليييييييت يبا قول لي نكته
ابو محمد: يمه مو ناقصك الحين
كان مطلع اوراق وجالس يعفس .. طبعا حاجز لهم في درجه رجال اعمال لانه يبي يشتغل حتى بالطياره
تذكرت خالد.... لما جلس جنبها ..

تذكرت كيف ماكانت تشتهيه وتتنرفز منه
تمنت يعود بها الزمن علشان تجلس جنبه و معاه ..تنهدت
..
محمد: يما بكرا جايه شجون طيب متى بتخطبون نوف لي .. خلاص اختك تجي وانا اكملهم ع طول طيب
محمد: صج يا الله يخليج ليان شاء الله وباس راسها وركب فوق غرفته مع قيتاره\اخذ جواله..
اتصل ع فهد: هاه وش خبار معرسنا
فهد: هلا ولله .. الحمد لله .. لسه ماصرت معرس باقي 4 ايام ..
محمد: انا بعد بعد قريب بصير معرس
فهد: جد!! لسسه مقرر .. يالله الله يوفقك !! بس في بنت في بالك ولا الاهل بخطبون لك
ولله في بنت في بالي ..بس مفاجأة
فهد: الله عليك يابو المفاجأت
محمد: خلاص امي باجر بتكلم اهلهم وسألنا عنهم قالو خوش ناس والبنت بنت ناس واخلاق واخوها قمه بالروعه شكلي بطلقك وبصير معاه
فهد: أي يالخاين انا رفيق الدرب تطلقني علشان واحد مايستاهل .. افا بس
محمد: مأسمح لك الرجال يستاهل ومحترم ..
فهد: طيب عايشين ونشووو ف. مالت عليك وعليه هههههه
محمد: ايه ولله مالت علييه
فهد ..شلون توك تدافع عنه .. ?
محمد:ايه لانه غبي
فهد : ماينعرف لك ولله
محمد : يالغبي انا جاي اخطب اختك
فهد : جد اختي انا ههههههههه مادورت الا ام الكشه هاذي
محمد : احترم حالك من بكرا بتصير خطيبتي
فهد : مالت عليك .. وانا اقول من هاذا المحترم ولي جالس تنفخ فيه .. الا هو انا ولله مشكوور يالغالي
محمد: علشان تعرف .. انك غبي هههههه
فهد : ومتى ان شاء الله جاين ..؟
محمد : ولله مدري ع حسب ع العله الثانيه الي عندي متى ترجع من كندا
فهد : اها حيااكوم بأي وقت..
مرت 12 ساعه ..
وصلت شجون السعوديه
تنهدت اه ياوطططن J يالباااه ..وحشتني وحشني هذا العلم الي يرفرف وحشني شعبك
ابو محمد : خلي هاذي الوطنيات للبيت مشينا .. المهم سيارة ابو محمد كانت بالمواقف .. راحوعندها
شجون : وااي سيارتنا وحشتيني..
ابو محمد : اركبي اركبي ..
ركبت شجون وهي متحمسسه وكأنها تجي ع السعودية لاول مره بحياتها ..
فتحت جوالها .. مرحبا بك بشبكه ****** .. هههههه .. بس انا موب ***** انا زين>منالحين احترقت شريحتها بس هي ماتدري>
ابو محمد : بس شريحتك هاذي كنديه مو شريحه زين علشان كذا تحولت *****
شجون الله كاهو بيتنا وصلنا ..
ايه وصلنا .. فتحت باب الفيلا لسياره ووقف عند باب البيت .. نزلت شجون تركض
فتحت الباب بقوه : هيلوووووو ايفري ون شافت امها نازله من الدرج ... مامييي راحت له ترككككض
ضمتها ضمه قوووووويه يما حيل حيل حيل حيل اشتقت لحظنك
ام محمد اخذت راسها وباست راسها : يالبه هل بنت وحشتيني ..بس وش فيج ضعفتي كذا يما !!
شجون : شلون ماضعف يما من المصايب
ام محمد: ماعلينا اهم شي رجعتي لنا بالسلامه
شجون ايه ويين حموود !!
محمد : حمود منو اصغر عيالك انا
راحت اله: حمووود اخوي وحشتني وراحت له وضمته يالدب من اوولها نجره تبيها
محمد: ههههه وانتي اكثر ياقمر ..ولله البيت من دونك فااضي
ام محمد: ايه ولله وهو صادق ..
راحو جلسو
وجلسو يتكلمو ..
شجون : طيب انا بركب فوق اغير هدومي وعفستي واشووف غرفتي وحشتني
ركبت فوق وتوجهت لغرفتها ..فتحتها وراحت عند السرير وضمته اه وحشتني
فتحت النافده الي تطل ع النافور ه الي ع برا ..
راحت نادت ع ميري تحط اغراضها بمكانها وهي دخلت الحمام تاخذ شاور
..
محمد: يما ككاهي اججت متى بتروحون ؟
ام محمد : لحظه .. يابو محمد !!
ابو محمد : هلا يالغاليه وش بغيتي !!
ام محمد :ولدك ناوي يخطب
ابو محمد .: جد هاذي الساعه المباركه ولله من يبي يخطب
ام محمد : روح كلمه كاهو ينتظر بالصاله
طلعو اله
ابو محمد : تعال ياوليدي خبرني
محمد: هلا يبا
ابو محمد: سمعت من امك ناوي تخطب ومعزم !!
محمد: ايه يبا انا اعرف البنت بنت ناس وكذا وقل اخطبها
ابو محمد: مين هاذي؟
محمد: اخت فهد صاحبي
ابو محمد : اييه بنت الفلان الفلاني الله يرحمه .. ايه ولله ناس ونعمخلاص ان شاء الله بكرا نروح ..
محمد: ان شاء الله
ركب فوق وشاف اخته لسسه طالعه من غرفتها
شجون : وش فيك شاق الحلق صحيح تعال .. انت صج بتخطب ولا امي كانت تكذب علي؟
محمد: لا بخطب وباجر بعد
شجون : جد!! باجر . الله وناااسه يعني برك بنروح كلنا وكذا ونتقدم ..الله ونااسه
محمد : يالله عقبالك ..
شجون :هههه ان شاء الله .. ونزلت تحت
محمد: دخل غرفته .. واخذ جواله ودق عليها يستهبل
نوف بأرتباك اخذت جوالها وراحت غرفتها .. :آلو
محمد: هلا ولله
نوف: هلا وش تبي
محمد: وين اخوك !!
نوف: اخوي .. دق عليه وش دراني انا
محمد: لا بس فكرته اجا وخبرك
نوف: خبرني بشنو؟؟
محمد: ههه لا ولا شي باي
نوف: هي انت وش قلت لأخوي ؟
محمد: ولا شي بيجي وتعرفي منه ..يلا باي حبيبتي وسكر
نوف: شوف الي مايستحي سماني حبيبته
رسلت له رساله ياقليل الادب احترم الفاظك مأسمح لك ..
محمد : ههههههه اهم شي هل رساله رح احتفظ فيها ..
اجا فهد: السلام عليكم .. ودخل وجلس معاهم

نوف جالسه ولابسه بلوزهدكبيره مكتوب ماركة كابا حمره ورافعه شعره فوق وتعضض بأظافرها .. وتناظر في اخوها .. الي يناظر فيها ويضحك
نوف : يما شوفي ولدك من اول ماأجا يناظر فيني ويضحك انا مو نكته علشان يضحك علي
ام فهد :ليه يناظر فيك ويضحك .. فهد وش فيك ع اختك
فهد: مدري بس كذا ودي اضحك ..
نوف: اف منك قامت وركبت غرفتها وسكرت الباب
اخذت جوالها ودقت ع محمد وهي معصبه : هي انت وش قايل لاخوي هاه !!
محمد : ههههههه ليه لسه مأجا ..؟
نوف: الا اجا بس وش عندكم جالسين تضحكون اسمع ولله ولله سوي حركه بايخه وراح تشوف وش بسوي لك
محمد: ههه وش بتسوين يعني
نوف: انت الاول وش قايل لاخوي؟
محمد: تبين تعرفين وش قلت له
نوف : ايه
محمد: قلت له طالب يد اختك .. وبكرا جاي مع الاهل ..
نوف: استحت !! : جد
محمد: ماشاء الله تحولتي انثى مره وحده اشوف
نوف: هي وش قصدك انت هاه
محمد: هههههه يلا اجهزي بكرا وراك زحمه البسي احلا ماعندك
نوف: بكيفي لو البس خيشه اطلع حلوه..
محمد: عيب استحي تكلمين رجال يلا بكرا بتصيرين في دمتي يلا لاتكلمين رجاجيل
نوف : انت مصدق نفسك اني بوافق عليك ؟؟
محمد : وليه ان شاء الله متوافقين ؟ وسيم وحلو وغني وش تبين اكثر من كذا
نوف : بكيفي انا الي بتزوج .. انا الي بختار حياتي .. افكر بالموضووع
وسكرت
نوف مسكت بطنها من الضحك ويلي احسسن اجل يتفخفخ علي اوريك منو انا
فهد طق باب غرفتها
نوف: منو ؟؟
فهد : انا
نوف : هاه وش تبي
فهد : اسمعيني زين ..محمد صاحبي
نوف : وش فيه
فهد: خلال هل اسبوع جاين يتقدمو لك
نوف بصوت خفيف قصدك بكرا..
فهد : ايش قلتي
نوف : هاه لا ولا شي ا.. ايه وش اسوي يعني ؟
فهد : لا بس اقول لك
نوف: يصير خير انا بعدي صغيره وابي اكمل دراستي
فهد : لاحووول عدنا لسالفه الدراسه !!
نوف: وش فيك تبي تزوجني غصب انت .. وثانيا هم مأجو رسمي علشان تتكلم ..
فهد: بيجون قرريب خلبك جاهزه ..
نوف ممكن تطلع ابي انام نعسانه ..
فهد : طيب والكلام الي قلته خليه فيبالك..وطلع وسكر الباب
نوف حطت راسها ع السرير ونامت..
..
شجون ع سريرها تحاول تنام.. اخذت جوالها .. كل ماتدق عليه .. يطلع لها الرقم المطلوب خارج عن الخدمه
نامت وما صحت الا ساعه باليوم الثاني ساعه 6 المغرب من التعب ..قامت وصلت الصلوات الي فاتتها ..
ونزلت تحت
ام محمد : يايما البسي الناس تنتظرنا
شجون : أي ناس .. وي بنروح
ام محمد : بنخطب لاخوك محمد .. اليوم
شجوون : اوووف نسيييت .. طيب طيب ركبت فوق وجهزت وتكششخت ونزلت
هاه يما انا جاهزة
ام محمد : عقبال مايجون ناس لك يخطبونك يارب
شجون : امين ..
راحت لمحمد كان كاشخ ورزه مع انه راح يقابل صاحبه فهدوه يعني مراح يقابل غريب
..
ابو محمد : ها يمحمد خلصت !!
محمد : أي يبا
ابو محمد : شف امك واختك ..
محمد: ان شاء الله
راح لهم .. هاه خلصتو ؟؟
ام محمد :بخرت ولدها ايه خلصنا ..
محمد: طيب يلا ابوي يستنى برا..
ام محمد: شجوون شجوون يلا يابنتي ابوك يستنى برا
شجون :" طيب يما بجيب شنطي وبجي أخذت شنطتها , ونزلت
ركبو السياره ومشو ..
...
ام فهد لنوف : هاه يما ماوصيك هذا صاحب اخوك وتعرفينه بعد .. ولاتفشلينا قدامهم وترفضين
نوف: يما مو لازم يشوفوني .. مابي اطلع لهم فششله
ام فهد : عييب استحي ..
دق الجرس
ام فهد كاهم اجو .. مثل ماقلت لك هاه
نوف قلبها قام يرقع ويرقص من الخوف والربكه ..فهد دخل الحريم للصاله و الرجال للمجلس
ام فهد: يحيا الله من جانا .. وسلمت ع ام محمد وشجون تفضلو حياكم البيت بيتكم
طلعت نوف وسلمت ع ام محمد وشجون بخجل وجلست جنب امها
شجون قامت تناظر فيها وتبتسم ..
نوف ابتسمت لشجون
ام محمد : شلونج بنتي
نوف: الحمد لله تمام
ام محمد : بأي صف انتي الحين
نوف/ انا بصف ثاني ثانوي ..
ام محمد : اها الله يوفقك شدي حيلك ثاني صعب ..
نوف: ان شاء الله خالتي
ام محمد:ام فهد احنا طالبين القرب منكم
ام فهد : هاذي الساعه المباركه ولله
ام محمد : طالبه يد بنتك لولدي محمد .. وسألو عنه اذا تبون
ام فهد : لا محمد مايحتاج نسأل عنه اعرفه مثل ولدي
ام محمد : مشكوره ولله ..
جلسو شوي وقربت شجون من نوف تسولف معاها ..
واخذو وعطو مع بعض ونوف ارتاحت كثير الى شجون ..
ام محمد : الو .. هاه ايه طيب لا .. ايه احنا طالعين الحين مع سلامه..
يلا اجل يم فهد احنا نستأذن
ام فهد : اذنك معك حياكم بأي وقت ايه بعد حياكم ع عرس وليدي
ام محمد: ايه قال لنا محمد انك عزمتينا ان شاء الله جاين ماتقصرين يلا مع سلامه
شجون: يلا مع سلامه ياخاله مع سلامه نوف..
وطلعو..
......
بعد يومين اجت الموافقه من نوف لهم .. وحددوا لملكه بعد زواج فهد..
وشجون لسسه موب قادره توصل لخالد .. ولا لنوره
مرت اليومين دي بسرعه اليوم عرس فهد وفرح ..
واختبار خالد ونوره ,,
خالد: شجون مالها حس الحين اسبوع وهي ماترد ع مكالماتي
نوره : ايه وانا بعد كل مادق عليها ماترفع مادري وش فيها
خالد يلا امشي ..لانتأخر ع الجامعه ..
راحو واختبرو ..
خخالد بعد ماخلص بدون وعي راح لقاعة شجون .. لان كان متعود بعد مايخلص ع طول يمر ويطلع فيها
شافها فاضيه ومافيها احد
دخل القاعه وجلس ع الطاوله الي كانت دايم تجلس عليها وتنهد وشال عنها الغبار
وشاف ايش كاتبه .. وابتسم لما لقى اسمه وجنبه قلوب.. بس بنفس الوقت حط راسه ع لطاوله وجلس يفكر ليه تسوي فيه كذا .هل هي تعمده او تبي تقهره مو فاهم حركاتها ليه تسوي كذا.
طلع من القاعه وراح لعند اخته لقاها لسسه طالعه من القاعه ..
خالد : هاه خلصتي!
نوره: ايه خلصت
خالد: يلامشينا .. طلعو وركبو السياره ورجعوا لشقه
نوره : اه يلا كلها 3 ايام ونرجع ..
خالد ايه ولله .. الله يعديها بسرعه
....
بعرس فهد ..
شجون : يماشفتين نوف كيف طالعه خيااااااااال
ام محمد وينها ؟؟
شجون : كاهي ام الفستان الاحمر ..
ام محمد : ايه طالعه حلوه مشاء الله عليها
شافتهم نوف واجت له وسلمت عليهم: شلونك خالتي شلونك شجون ..
شجون : لسسه اقول لامي انك طالعه تهبلين
نوف: صج !! من ذوقك ياقمر وانتي بعد طالعه احلا
شجون : تسلمين .. اقول يابخت اخوي فيك
نوف استحت وسكتت
شجون: ههههههه .. شويو تجي عمة شجون ام نايف الي كانت بتخطبه لها ..
عمة شجون : هلا هلا مرت اخوي
ام محمد : هلا ولله ..
عمة شجون : هاه وش لونك شجون وشخبارك ؟؟
شجون بدون نفس : الحمد لله بخير ..
عمة شجون : متى رجعتي
شجون : قبل اسبوع تقريبا
عمة شجون : اهاا الحمد لله ع سلامتك
....
المهم خلص العرس والكل تعب ورجع البيت
بعد 3 ايام
خالد ونوره برجعون الكويت
واليوم عقد نوف ومحمد
شجون جالسه مثل كل يوم ضامة مخدتها ودمعتها ع خدها وجوالها ع صوره خالد .. معقوله يخالد حتى ماتفكر تتصل فيني او تحس فيني وين وعودك لي هاه وينها
ام محمد دقت باب شجون : يمه شجون جهزتي !!
شجون : فتحت الباب . يمه انا تعبانه .. مأقدر اروح معكم ..
ام محمد : وش فيك يايما !! وش راح يقولون الناس علينا بنات خالتك راح ييروحون وانتي لا ؟؟
شجون : طيب طيب خلاص 10 دقايق واجهز
راحت الحمام غسلت وجهها بمويه بارده وطلعتت فستانها ولبسته وشعره استشورتها بسرعه مع انه مايحتاج استشوار اساسا .. وحطت مبك اب نااعم ولبست جزمتها وعبايتها واخذت شنطتها ونزلت
ام محمد : خلصتي
نوف: ايه يلا اجل اخوك وابوج من زمان يستنون
طلعو وركبو السياره
شجون ابدا بالها مو معاها وطول الوقت تناظر بجوالها اذا خالد دق او اتصل عليها ..
دخلت بيت نوف وجلست .. واجو الاهل .. وشجون ابدا ملها خلق ..
...: شجون وش فيك مب ع بعضك
شجون: لا بس تعبانه شوي
...: اها ماتشوفين شر ..
نزلت نوف بفستان وردي الناعم والميك اب الناعم والشعر المرول طلعت جناان
حتى شجون لما شافتها ابتسمت وراحت لها اول وحده وباركت لها
جلست نوف ع الكنبه ومتوتره حيل ويدها ترتجف
اجو جنبها فرح وشجون وجابو الكتاب
ووقعت واخذو الكتاب وودوه للرجال
فررح ا:شوفك ترتجفين ذكرتيني بيوم ملكتيي هههه
شجون : خايفه من محمد !! مالت علييه لاتخافين منه تره حده مينون
نوف: هههههه تصدقين ان هذا نفس الكلام الي قلته الى فرح يوم ملكتها ع فهد
فرح : ايييه اذكر يالبايخه بس صج الكلام الي قلتيه مدري ع ايش كنت خايفه من ههههه
شجون دق جوالها ..: هلا محمد ملكتو خلاص .. ايه .. اوك
شجون : يما محمد بيدخل ..
ام محمد: طيب .. ياجماعة تغطو المعرس بيدخل
نوف قلبها راح يطيرمن مكانه ..
دخل والزغاريط والحلاوه والفلوس ع راسه .. دخل بالبشت وكان العواين كلها عليهم
سلم عليها وحب جبينها وجلس جنبها
نوف منزله راسها وموب قادره تناظر في أي احد
محمد بصوت خفيف: اشوف الحيا متفجر منك ..
نوف ناظرت فيه بحقد
محمد: خلاص تكفين بلا هل نظرات تراك تخوفيني
ام محمد هاتو الشبكه .. وجابو الشبكه
وهو يلبسها العقد ... ارفعي شعر زين تراه يلتلزق بيدي ..
نوف: اف منك محمد خلاص لبسني وانت ساكت
واجا دور التراكي
حب يقهرها اكثر ..التراكي موب راضيه تدخل !!
نوف بعصبيه : هات هات اخذتهم من يده ولبستهم .. ولكل قم يضحك ع حركتها ..
والحين الدبل
محمد: هاتي يدك ..
نوف: لا.. اعرف البسها انا
محمد اخذ يدها ولبسها
ناظرت فيه نوف وحست بشي غريب وجسمها صار حار مره وحده
امها مدت لها دبلة محمد اخذت الدبلة وناظرت في محمد مد أيده ويناظر فيها ومبتسم
حاولت تلبسه الدبله دون ماتمسك يده بس ماعرفت مسكت اصبعه ولبسته
.. راحو ودوهم بالمجلس
جلسو شوي ساكتين
محمد ناظر فيها : تدرين
نوف بدييينا أي ايش فيه بعد
محمد : شكلك بالحجاب احلى
نوف ناظرت فيها : وش اسوي لك اتحجب لك يعني
محمد قام يضحك ومسك يدها وباسها : من جد احب اشوفك معصبه
نوف شالت يدها : لاتمسك يدي
محمد: وش دخلك انتي.. هاذي يد زوجتي
نوف : ياسلام ..
محمد: اول مره اشوف وحه تحب واحد تكلمه كذا
نوف: هاهاهاي ومين قالك اني احبك؟ مصدق حاله الاخ هه
محمد : اجل ليه وافقتين علي
نوف: اشفقت عليك
محمد: ههههههه وانا بعد اشفقت عليك شفتك مجنونه وماحد يبيك وحالتك حاله وقلت خليني اخذ هاذي اليتيمه..
نوف حست بأن كلامه دخل داخل قلبها وقطع قلبها سكتت شوي ..ودمعت عينها لما تذكرت ابوها ..
محمد بخوف!!: نوف انتي تبجين ..!! انا كنت امزح معك وش فيك ؟؟
نوف بعد عني لاتقرب
محمد: طيب انا اسف ماكان ودي اكدر خاطرك في احلا يوم بحياتك .. نوف انا جد اسف
نوف: انت اصلا قلت الكلمه ومو مقدر معناتها عندي انا .. ماحسيت فيني انا ايش الي صار فيني ..وقامت تبكي
راح لها وضمها : خلاص هدي حياتي . انا اسف وأوعدك انها اخر مره تطلعع من لساني
نوف ضلت حاضنته وتبكي
محمد: طيب يانوف هدي اشوف خليني اشوف رفع راسها ومسح دموعها وباس جبينها .. خلاص رضيتي الحين
.......
رجعت ام محمد وابو محمد وشجون البيت
شجون ركبت غرفتها ع طول وحطت راسها ع المخده ونامت
....
وصلو نوره وخالد الكويت
بس لسه شجون ماتعرف عنهم أي شي
...
ام محمد : ايه حياك .. ايه ايه تذكرتك ياحيالله ايه هاذي الساعه المباركه ولله ان شاء الله ان شاءالله رح نعطيكم خبر يللله مع السلامه ..

ابو محمد: خير وش صاير
ام محمد : ناس متقدمين لشجون ..
ابو محمد : ايييه عرفتهم عطوني خبر انا بعد .. بس مادري هي بتوافق ولا لا
ام محمد : خلاص انا بكلم شجون بالموضوع ..
الو محمد: طيب بس بكرا اليوم البنت تعبانه .. خليها لبكرا احسن
.....
صحت من النوم كلها امل تلاقي مكالمه او ايش شي.. بس مافي شي
اوتعت من النوم اخذت شاور .. وطلعت ونزلت تحت لامها
هلا يما صباح الخير
ام محمد : هلا يبنيتي تعالي ابك بموضوع
شجون : انا !!
ام محمد : ايه
جلست شجون جنبها خير يما
ام محمد: في ناس متقدمين لك ناس تعرفينهم
شجون تنهدت : ايه عرفتهم..
ام محمد : طيب انتي ايش ردك ..
تنهدت شجون ..: مادري يما خليني افكر ..
ام محمد خذي وقتك يما وضمتها الله يوفقك ويسهل عليك يايما
شجون قامت وركبت غرفتها وسكرت الباب .. معقوله ياخالد رح اصير لغيرك مثل ماقلت لك ..
خالد انت قلت لي مراح تخليني لغيرك يعني اذا وافقت رح تجي وتكلمني هاذا الحل الوحيد الي اقددر اجيبك فيه واعرفك ع حقيقتك ..
بس انا ماحب ولد عمتي هذا نايف ياربي ليه لازق فيني اناماحبه ...
بصير لنايف ياخالد ترضاها علي ؟؟ بس ياخالد بعطيك مهله لاسبوع!! ولا تارا رح اوافق ..
.......
فعند بيت ابوخالد
اجو اهل تركي علشان يخطبون نوره
ام تركي : ياهلا ولله شلونكم وشخبارك
ام خالد: ياهلا حياكم
ام تركي / ياهلا فيكم دخلت وجلست اما وينها نوره
ام خالد يانوره : تعالي
نوره طلعت لهم بفستان ابيض قصير وشعرها كيرلي مرفوع .. : شلونك خالتي وسلمت عليها وجلست
ام تركي : شلونك شخبارك
نوره : الحمد لله
ام تركي لو تعرفين كيف تركي ألم راسي من كثر مايتكلم عليج كان تموتين ضحك
ام خالد : ليه هو يعرف نوره ..؟؟
ام تركي : ايه صار معاهم بكندا ونعجب فيها ..
ام خالد : اها .. هههه وانا اقول ايش عرفك فينا ..
ام تركي :تشرفنا ولله بمعرفتكم .. بس يانوره بحابه ان الملكه تكون بعد اسويوع يناسبك الموضوه
نور ابتسمت وسكتت
ام تركي : ع البركه مقدما .. يلا اجل انا أستأذن يلا مع السلامه
وطلعت ..
ام خالد : يعني تعرفينه انتي من قبل ..؟؟
نور : سكتت .. : ايه يمه هو نفسه الي كان معانا بالمصعد لما تسكر
ام خالد: ياسبحان الله هذا نصيبك ههههه ..
نوره : ههههه شفتي كيف .. اف الفستان حرني بقوم ابدل يلا جاوو
وركبت وبدلت ثيابها ...
......
مر اسبوع كلمح البصر ..
....
ملكت نوره ع تركي
اجو الاهل وتجمعو نوره كانت لابسه ثوب احمر وشعرها مستشورته وطلعت كأنها باربي
المهم ملكو ..
دخل تركي بعد ماناس تحجبو
شاف قدامه ملاك ماتوقع شكلها بيكون كذا ..
سلم عليها وباس جبينها وجلس جنبها وهو منصدم ..
لبسها الشبكه والخواتم
وقامو ودوهم للمجلس
تركي: نوره طالع حيل حلوه
نوره بدلع: من زمان بس انت عمي ماتشوف
تركي :ههه لا بس ماتوقعت شكلك كذا بيكون حلو
نوره ايش قصدك يعني انا ماكنت حلوه
تركي: لا احلا من خلق ربي..
نوره طيب افكر بعد .. امم لحظه شوي قامت وطلعت
راحت غرفتها واخذت صورها وهي صغيره
مرت ع خالد وشافته جالس وماسك جواله كسر خاطرها
دخلت له وجلست جنبه

نوره : لسه ماترد !!
ناظر خالد فيها .. وحط جواله ع جنب ونحط راسه ع لمخده وهو يفكر ..
نوره : تهقي ليه تسوي كذا ؟؟ متقصده ولا فيها شي
خالد: نوره موب ناقصك انا اطلع برا وسكري الباب
.....
شجون صارت حالتها حاله وماتبي تاكل شي كأنها مومياء متحرك بالبيت وحالتها حاله
ام محمد : يما وش فيك مو ع بعضك اذا ماتبين الولد خلاص يابنتي لاتتعبين روحك .. مراح نجبرك ع شي ماتبيه
شجون : لا يما انا موافقه
ام محمد : موافقه !!! متأكده يمه
شجون : ايه
بس يمه بشرط انا ماتكون ملكة كبيره بس احنا وهو مابي اشوف أي احد من اهله مالي خلق يما
ام محمد : ليه يابنتي .. اذا مو موافقه خلاص ..
شجون : لا يما انا موافقه خلاص اتصلي لهم وعطيهم خبر
دمعت عينا وركبت فوق تبكي وقتلت روحها من البكا ..
ام محمد راحت لابو محمد ..
ابو محمد : وش فيك
ام محمد: مادري عن بنتك موافقه بس احس ان كأنا جابرينها ع الزواج منه
ابو محمد: خلصا دام هي قالت موافقه هي الي تتحمل .. خلاص عطيهم خبر انها وافقت
ام محمد تنهدت وتصلت عليهم ..: هلا ايه لا لا .. وافقت .. الله يبارك فيك ايه خلاص الملكه بعد يومين ؟؟
اها اوك خلاص طيب يلا مع السلامه
ام محمد : يقولون الملكه بعد يومين في بيتنا بتكون ..بس يابو محمد انا قلبي مو مطمن ع بنتي
ام محمد : لا خليها براحتها ..
....
صحت شجون من النوم ونفس الشي جوالها مافي ولا مكالمه ..
تنهدت ونزلت تحت ..
ام محمد : يما شجون انا عطيت الناس خبر انك موافقه ةوملكتك بعد يومين !!
شجون : يومييين!! يما بس يومين قريب كثير .. لا مابي
ام محمد : يايما انا اتفشل اتشرط ع الناس وهذولي مو غرب انتي تعرفينهم كلميهم انتي طيب
شجون نتهدت : خلاص خلاص وركبت فوق وسكرت الباب بقوه ورمت موبايلها ع السرير وحطت يدها ع راسها
معقووله بس يومين .. خالد وينك فيه !! لييه ماتتصل .. يومين واكون لواحد غيرك .. وين وعودك يخالد ..
وجلست ع سريرها تبكي ..
....
يوم ملكتها ساعه 4 العصر وهي لسه ع فراشها وتبكي وماتبي تشوف احد ومقفله ع روحها الباب
ام محمد : يما شجون افتحي الباب لاتسوين في روحك كذا اذا ماتبينه خلاص انا الحين اتصل واقول لهم لايجون
مسحت دموعها وقررت تنسى خالد مثل ماسوى فيها فتحت شجون الباب بأصرار : لا خليهم يجو
ام محمد بخوف: طيب ..!!
شجون راحت تاخذ شاور ..
طلعت من الحمام ساعه 5 ونص جلست ع السرير وهي تناظر في موبايلها ورمته بقوه بالجدار
لبست ثوبها الازرق الكحلي مفتوح لاخر الضهر وفوق الركبه وجزمه بوت سوده وشعرها رفعنه ع خفيف وحطت كحله وروج احمر وطلعت من جد شي خياااال ورهيييييب ..
اجت امها مراح تنزلين يما الكل تحت يستناك
شجون : لا يما مراح انزل انا قلت لك مابي اشوف احد .. هاتي المكتوب لي فوق
ام محمد: يابنتي ليه تحطيني انا بهاذي المواقف حرام عليك يايما ..
شجون: يما انا اسفه بس من جد مابي اشوف احد اذا نزلت رح اعفس المكان
ام محمد : طيب طيب خلاص بجيبه لك اه منك ومن عيارتك
نزلت
ام محمد اسفه بس تقول تعبانه وماتقدر تنزل فبركب لها المكتوب فوق
كلهم استغربو من حركتها ..
جابت امها المكتوب
شجون اخذت القلم .. ووقعت و ضمتها امها ع البركه يبنيتي
شجون : وهي تبكي الله يبارك فيك ..نزلت ام محمد المكتوب والكل قام يزغرط
شجون ضلت بغرفتها وتسمع صوت الزغاريط والفرح تحت .. وقامت تبكي ع ايش فرحانين ع الهم الي باعيش فيه .. وقفت من مكانها وفتحت النافده شافت سيارات كثير تحت وزحمه ..
شافت نايف بس الي استغربت منه انه مو لابس شماغ ولا بشت لابس جينز و تيشيرت !!
شجون : شكلك حتى انت موب متحمس لهاذي الزواج
سمعت طق الباب ..
شجون وهي مالها خلق منو ..
...: انا
.شجون: منو انتي.. فتحت الباب شافت وحده تضمها بقوه وتقول لها ع البركه ياقمر
شجون بعدتها وشافت وجهها عدل !! انتي ؟؟؟ وش جابك
....: ايش وش جابني؟؟ ابوي جابني
شجون : لا جد وش جابك هنا ؟
....: اخوي يبي يشوفك اشرت ع الباب شافته واقف ومبتسم لها وسرح بجمالها
شجون : ناظرت فيه نوره !!! ليه تخليه يشوفني .. كذا سكري الباب!!.. وتخبت ورا الباب
نوره بأستغراب: شجون وش فيج صار زوجج !!
شجون : شنو !! زوجي؟
نوره : يالدبه ليه مانزلتي تحت من زمان انتظرك .. ولا كمان تسوي روحها عدله وماترفع ع موبايلها وماتعطينا خبرالا بعد اسبوع .. حرام عليج الي سويته في اخوي .شوي وكان يموت علينا منك
خالد واقف عند الباب ويناظر بالملاك الي قدامه وماوده يشيل عينه عليها
شجون راسها المها وجلست ع السرير
خالد قرب منها وباس يدها : شجون .. ليه سويتي في كذا هاه؟ اشتقت لك
نوره اوك اجل اخليكم براحتكم .. جاااو طلعت وسكرت الباب
شجون تناظر في خالد الي جالس قدامها ومش مستوعبه الي جالس يصير قدامها خالد زوجها بدل نايف
نزلت دموعها تبي تخبره بالي هي فيه بس موب عارفه مو مصدقه الي صاير لها .. ماكانت تدري ان خالد هو الي متقدم لها ماعطت امها فرصه تقول لها اسم المعرس عرفت ان كل شي منها وابتسمت وقامت تضحك
ابتسم خالد وجلس جنبها : هه ليه تضحكين وانتي لسه تبجين .؟
شجون : ولا شي .. بس الي اعرفه اني حياتي من دونك ماتسوى ياخالد
خالد ضمها وباس جبينها .. عسى ربي لايحرمني منك ..
شجون : خالد لاتتكلم ولا شي بس ضمني لصدرك وحسسني بوجودك معي ..
خالد : وانتي تكفين لاتخليني مره ثانيه كذا ..
خالد بصوت هادي: شجون !
شجون ناظرت فيه بعيون مليانه دموع: هاه
خالد بصدق: احبك
شجون حطت راسها بحظنه : وانا اعشققك
خالد رفع راس شجون وناظر بعيونها الكلها البرائه وخجل وناظرت فيه وابتسم ابتسامة الي تدوخ و تقرب من شفايفها الورديه وغمض عينه وباسها بكل شوقه لها ..

..
..
..

آآنتهــــــــــــــــــــت

موضوع رائع
يعطيك العافية

.... ودي

شاكره مرورك العطر

٥٠٠

شاكره مرورك العطر