 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
|
|
#1
06-19-2011
|
||||||||||||||||||||||||||||||||
|
||||||||||||||||||||||||||||||||
البارت الثاني والثلاثين
جواد خلص شور فلبس روب الحمام وطلع ... ولقى ليان جالسه في الصاله تقراء في مجله ... مو منتبها عليه . جواد : شنو هالموضوع اللي شادك كذا . ليان ارتاعت : الله ياخــ ...... وفتحت فمها لما شافته ... سرعان ما رتفع الدم لوجهها وصار وجها أحمر ورتفعت حرارتها وقلبها من كثر ما نبض حست أنه بيطلع من مكانه ... كل هذا بس لانها شافته لابس روب الحمام ولسى شعره مانشف عدل من الماي ومن خلال الروب قدرت تشوف صدره العريض ... قام جسمها يرتجف من الخجل ... والزاد من اضطرابها لما تقدم لها وجلس على الارض يم ارجولها ... توها بتقوم من يمه سمعته يقول ... جواد : أميرتي مشطي شعري " ومدلها فرشة الشعر ". ماتدري ليه خذته من يده وبدأت تمشطه ... هو عجبه الوضع ورتاح لملمس يدها . ليان : تدري ان عندك شعر مره حلو لو تطوله اكثر يطلع احلى . جواد : والله ماني عارف لك ان طولته قلتي مو حلو وان قصيته قلتي لو طولته احلى . ليان تذكرت انها أول ما تعرفت عليه قالت له قص شعرك . ليان : مو تطوله كثير بس اشوي . جواد : ليان . ليان : نعم . جواد : تحبيني . ليان نصدمت وبسرعه قالت : لا . جواد : لك ساعه وأنتي تتغزلين في شعري وفي النهايه تقولين لي ما تحبيني ... أنا ادري انك تحبيني بس تكابرين صح يا اميرتي الصغيره . ليان اضربته على راسه : اقول قوم عني بس . جواد لف عليها وتوه بيصارخ عليها تراجع لما شاف وجهها انقلب للون الاحمر فبتسم لها وقام يلبس ملابسه علشان يمشون . --------------------- ((في اليوم الثاني ))* دلال بياخذها حسن بيت بو فهد بس ستحت تروح لوحدها علشان كذا قالت لليان تروح معاها ... ليان في البدايه ما وافقت بس مع الحاح دلال عليها رضت ... وراحوا بيت بو فهد ... اول ما وصلوا جلست ليان جنب دلال وهي حاسه اها مضايقه حسن فستجمعت شجاعتها وسألت عن جواد . مي : اعتقد جواد فوق في الصاله . ليان : روحي ناديه . مي : أنا مالي دخل تبغين اوديك له اوديك بس اناديه لا . ليان حتارت : اممممممم مي : شنو قلتي . ليان : خلاص وديني له . ويصعدون فوق ودخلتها مي الصاله ... تفاجئت ان جواد نايم على الكنبه . مي : يلا أنا بروح . ليان : وين بتروحين . مي : هذا زوجك روحي له بااااي "وتطلع " ليان لفت على جواد اللي شكله مره رهيب . ليان في نفسها : بصراحه ما عمري شفت واحد بجماله ووسلمته .. بس للاسف امثاله من الرجال مالهم امان و راحت اجلست على الكنب اللي يمه و سرحت فيه ... بعد ربع ساعه لاحظت حركه غريبه بعدها شافت بندر يدخل بسرعه يلحق نجود وماسك عصا بيضربها ... و يرميها عليها بس بالغلط طاحت على جواد .. اللي قام من الازعاج كأنه كأنه ثور هايج .. خلا نجود و بندر يتنافضون في مكانهم جواد : مين الغبي المتخلف اللي بيموت على يديني الحين اللي ضربني و جلسني من النوم . نجود : بندر بندر : والله ما كنت اقصد جواد : ما كنت تقصد هااا وتوه بيلحقه الا تمسكه ليان ليان : شفيك عليهم قالك ما يدري هدي . جواد تفاجئ من وجود ليان .. بس ماهمه جى لها و قرص خدها ... جواد : ليكون انتي معاهم . ليان : ااااي تركتي يا موحش ... جواد : مين اللي جابك ... ليان : جيت مع حسن ودلال .. جواد : و ليه ما جلستيني .. ليان : ما حبيت ازعجك و كان شكلك تعبان .. جواد : هذا اخر مره تطلعين مع احد غيري فاهمه ... ليان : فاهمه " تركها " اااي حشا مو يد ... جواد : تعالي .. ليان : وين .. جواد : نطلع مكان .. ليان : ما حبت تعارضه و طلعت معاه .. _____________________________ بعد كذا ولدت جود و جابت بنت سموها قمر كانت اسم على مسمى .. محمد سلمان كان طاير من الفرح و الكل مبسوط لهم ... وبعدها بشهر جا يوم زواج ليان و جواد ... الكل فرحان ومستنانس الا ليان كان عندها هذا اليوم مو يوم زواجها يوم موتها .. كانت الكوشه عباره عن قمر ينزل منه سلسله ورد والكرسي كان عباره عن غيمه وكانت الخلفيه لونها اسود متشره عليها النجوم باحجوم مختلفه .. وعلى يسار كان مسوينها على شكل بحيره فيها بجعتين وكأن ضوء القمر هو الي يضياء البحيره ويبرز البجعتين ..وعلى اليمين كان في عامود عليه عصفورين ونازل من العامود ورد على الارض ونتشر بطريقه مررره حلوه .. وليان كانت جالسه على الغيمه كانها اميره من اميرات الحكايات الخرافيه .. وحولها البنات الصغار كانهم فراشات ..وبعدها دخل عليها جواد بكل هيبته المعتاده كل الي في القاعه حسدوها عليه ..بعد ماطلعوا راحوا الشقه على طول لان ليان ارفضت تسافر او تروح اي مكان .. جواد : اخيرا صرتي لي يا اميرتي .. ليان : ...... جواد : غريبه ساكته ... ليان : انا تعبانه وين انام .. جواد : شنو قصدك وين تنامين .. ليان : قصدي اني ماراح انام معاك ... جواد : شنو حلفي بس ليه فيني جرب علشان ما تنامين معي .. ليان : يا اخي افهم ما ابغيك .. جواد مسكها : انا مو اخوك فاهمه و لا تبغيني افهمك على طريقتي ... ليان : يا اخي افهم ما ابغيك .. جواد : طيب يا ثعلبتي بخليك على راحتك .. " و تركها " ... تقدرين تنامين في هذه الغررفه .. وبكذا صاروا يعيشون تحت سقف واحد بس في غرف مختلفه ... __________________________________ ((بعد شهر في بيت بو فهد ))* جواد : جود سكتي بنتك لا أخذها و ارميها في الشارع الحين ... جود : انت بس المسها و شوف شنو راح يصير لك .. اقول ليان مسكي زوجك لا اذبحه الحين ... ليان : و الله بنتك مزعجه ما وقفت صياح من جينا .. جود : لا و توقف معاه بعد ... جواد : اكيد بتوقف معي مو هي زوجتي حبيبتي .. الا يرن تلفون البيت .. جواد : خلوه انا ارد ... الوو .. : هلا عمري جواد : نعم .. : حياتي موجوده نونو .. جواد : الرقم غلط .. : سوري ازعجتك .. " و تسكر " .. جود : مين .. جواد : وحده تبغى نونو قلت لها غلطانه .. الا يرن التلفون مره ثانيه ورد جواد ... جواد : الوو : هلا نونو جواد : يا بنت الحلال اقولك الرقم غلط .. : يؤيؤيؤ اسفه ... طيب ممكن سؤال .. جواد : خلصي شنو تبغين ... : انت متزوج ... جواد قرر يزعج ليان : لا مو متزوج ليه .. : حابه اتعرف عليه انا اسمي لميس و انت .. جواد : انا يحيى .. : ياااي انت حلو ... جواد :اكيد ... : طيب اوصف لي شكلك .. جواد : انا طويل بس مو طويل طويل بس طويل اشوي مو حيل طويل ... شعري اشقر في النهار و اسود في الليل .. : كيف هذي تجي .. جواد : رقعي لي ... : طيب كمل ... جواد : عيوني خضر مايلين للون الاحمر اشبه توم كروز . : ياربي شكلك جنان حبيبي . جواد : اكيد عمري . ليان هنا عصبت حيل : اقول ترى انا سكت لك كثير . جواد : هههههه تغارين علي يااميرتي الصغيره . ليان : لا . جواد : أجل خليني اكلم على كيفي . جود : والله انك ماتستحي على وجهك . : حبيبي مين يمك . جواد : بجنبي أختي وزوجتي . : مو قلت انك مو متزوج أكيد تمزح معاي . لا تاخذ ليان السماعه من عند جواد : أنتي ماتستحي على وجهك مو متربيه " طوطوطو " السخيفه سكرت السماعه في وجهي . جواد : هههههههه ... والله انك جنان وانتي معصبه . ليان : وخر عني بس . --------------------- ((في اليوم الثاني ))* جلس جواد كل عادة علشان يروح الدوام بس ستغرب أن ليان ماجلست الي الحين بس ماحب يزعجها ... بس حتى لما رجع من الدوام ما شافها راح يشوف شفيها ضرب الباب ماردت فتحه شافها منبطحه .. جواد : على الاقل قومي شوفي زوجك اليوم لا فطرتيه ولا بتغدينه . ليان : ...... جواد قرب منها بس ماتحركة ... الا بدت تكح قرب منها وحط يده على راسها ... شاف حرارتها مرتفعه .. ليان : جواد . جواد : تعبانه ياقلبي . ليان : بعد عني ماابغيك . جواد عصب : حتى وانتي مريضه وحرارتك مرتفعه تقولين هلكلام أجل ضلي مريضه . وتوه بيمشي الا مسكته ليان وحضنت يده . ليان : لا تتركني ارجوك ماابي اضل لوحدي " وغمى عليها " . جواد : ليان .. شكلها تهلوس من الحراره . رجعها لسريرها ... وستدعى طبيب لها . ------------------- ((بعد ساعه ))* جلست ليان وشافت جواد جالس على حافت السرير ويشتغل على الابتوب ... لا شعورين مسكته . جواد لف عليها : ليان صحيتي شفيك ماسكتني ماراح اروح مكان .. ليان انتبهت انها في الغرفه اللي ينام فيها جواد . ليان : أنا احلم . جواد : مااستغرب انك ماتميزين بين الحقيقه والحلم حرارتك كانت مرتفعه حيل . ليان : جواد لا تتركني ... مااقدر اتحمل اعيش من دونك بس مع هذا ماابي اتعلق ابك اكثر . جواد : ليه . ليان : أنت تذكرني لما كنت صغيره كنت اول مره اروح عيد ميلاد وحده من صحباتي وكانت في الحفله كيكة بالكاكاو شكلها مره مغري ... تمنيت اعرف طعمها فلما شفت أن الكل مشغول ولا في احد منتبه خذت لي قطعه من الكيكه وضميتها بين يديني وصرت اجري بكل قوتي علشان اتخبى واكلها طبعا الكيكه انعفست وختربت وصار شكلها مو حلو ولا قدرت اكلها من بعد ذاك اليوم مااكلت كيكة شوكلاه اخاف اذا جيت اكلها تخترب ... أت مثل هالكيكه شكلك حلو ويغريني اني اخذك لي بس أخاف اذا لمستك وحبيتك افقدك وبعدها مااقدر اعيش ... جواد بتسم لها : تقدرين تجربين كيكة الشكلاه واضمن لك انها همره ماراح تخترب . ليان : أنا اتكلم جد . جواد : وأنا ماامزح تقدرين تلمسيني وتحبيني لاني لك انت وبس ولا راح اتخلى عتك ابداً . ليان : وخر عني ولا راح اعاديك من مرضي . جواد : ما يهمني " وباسها " تصدقين أنت كذا احلى وانتي مريضه ماتقدرين تقولين لي الكلام السم اللي دايم تقولينه ... ليان : جواااااد . جواد : ههههههههههه ------------------ ((بعد ثلاث أيام ))* جواد : ليان جلسي ... ليان قلتلك جلسي ... لا تخليني اعصب عليك جلسي بطيب احسن ... لياااااان قلتلك : ويرميها من على السرير " جلسي . ليان : آآآآآآآآآي ... شفيك أنت يا وحش كيف تضرب وحده مريضه ماتقدر تتحرك . جواد بستهزاء وهو يطالعها توقف : صحيح . ليان : دقيقه اقدر اتحرك ... أنا طبت . جواد : ادكتور قال اذا ماجلستي اليوم وتحركتي يمكن تصيرين في حاله خطره ... حمدي ربك اني خليتك تجلسين ولا كان علوم . ليان : شكراً ... دقيقه هذي مو الملابس اللي كنت لابستهم ليكون انت اللي غيرت ملابسي . " وحمر وجها " . جواد : أجل في غيري بيغير لك . ليان ماتذكر اي شي صار وهي مريضه : لا تقول انك ؟؟ جواد : اني شنو . ليان ك ولا شي . جواد : يلا غيري ملابسك عندنا ضيوف . " وطلع وخلاها " اما غيرت ملابسها وطلعت الصاله شافت جود والجوري ومشاعل مع عيالهم .. ليان : ياهلا بلي جانا " وتوها بتروح تحضنهم مسكها جواد " . جواد : اقول سلمي عليهم من بعيد أنتي مريضه . جود : هااااا ... ماراح ناكلها ترى احنا . جواد : زوجتي وكيفي . جود تلف على ليان : الحين أنتي احسن . مشاعل : امس لما جينا كنتي مثل الميتين . ليان : الحمد لله الحين أنا احسن ... وبعدين ليه كل هالكيك عيد ميلاد أحد اليوم . الجوري : جواد قال انك طول منتي مريضه وأنتي تصيحين تبغين كيكه . ليان انحرجة : جوااااد . جود : ما عليكي منه واكلي على كيفك . ليان خذت وحده : شكراً . قالتها بطريقه خلت جواد يتمني انه يقدر يضمها لصدره بكل حب وحنان . بعد ما طلعوا البنات ... جلس جواد مع ليان . ليان : بروح انام . جواد : جلسي توك صاحيه من النوم وبعدين ترى أنا نقلت كل اغراضك الي الغرفه الرئيسيه . ليان : شنو . جواد : أنا احذرك من اليوم ورايح راح تسمعين كلمتي عدل فاهمه . ليان : مين تعتقد نفسك علشان تتأمر علي كذا . جواد جواد : مين اعتقد نفسي أنا زوجك ولا تبغين الملائكه تلعنك . ليان : شنو . جواد : ليكون ماتدرين أن الملائكه تلعنك إذا عصيتي زوجك . ليان : طي مثل ماتبغي من اليوم ورايح بنام معاك بس بشرط ماتلميني الا اذا خلصت اختبارات . جواد : ومتى أن شالله بتخلصين اختباراتك . ليان : بعد اسبوعين . جواد : اسبوعين مستحيل . ليان : هذا شرطي . جواد : طيب امرنا لله نصبر ونشوف اخرتها معاكي . ---------------- ((في الليل ))* ليان : أنام بنام على الارض . جواد : شنو ليه ان شاالله . ليان : بس جواد : ليكون فيني جرب وانا مدري ... ليان تعالي نامي على السرير لا تخليني أنام هليله في الارض .. ولا تبغيني اجي لك واحملك واحطك على السرير بنفسي . توها بتنبطح على السرير الا يفصخ جواد الفانيله جقته ... ويصير وجها احمر وتبتعد عنه ... جواد : شفيك أنا ما انام تلا وانا فاصخ ملابسي بس احتراماً لرغبتك اليوم بس بفصخ الفانيله . وفي النهايه انبطحت ةفتحت كتهابها وجلست تذاكر مامرت دقيقه الا وجواد يلمها ... ليان : جواااد لو سمحت ابغي اذاكر بكره عندي امتحان . جواد : ذاكري وانا مانعك . ليان : مااعرف اذاكر كذا . ودفته عنها وقامت من على السرير . ليان : انا بروح الغرفه الثانيه لانك ماتعرف تحتفظ بوعدك . جواد : خلاص ماراح المسك . ليان : وعد . جواد بعصبيه : ليان تعالي هنا ولا راح تشوفين شي ما يسرك . ليان : طيب . توها بتجلس على السرير الا يسحبها ويضمها ويبوسها ... بسرعه دفعته عنها وسرعه تطلع من الغرفه ودخلت الغرفه الثانيه وقفلت عليها الباب .. لحقها جواد وصار يضرب على الباب . جواد : فتحي الباب . ليان : ماابي مانرت خمس ثواني من وعدتني انك ماراح تلمسني الا وانت تخلف وعدك لي . جواد : فتحي الباب لا تخلين اكسره الحين . وبعد ذاك اليوم صار كل يوم يذكرها كم يوم باقي لها وتخلص اختبار وهي تحس اها عايشه في جحيم . قبل ثلاثة ايام من نهايه المده نامت ليان بدري اما جواد فكان جالس لان عنده شغل .. الا يرن التلفون ويرد . جواد : الوووو . : السلام عليكم . جواد : وعليكم السلام . : موجوده ليان . جواد : ليان نايمه . : ممكن تجلسها ابغيها في شي ضروري . جواد : لا مااقدر لان بكره عليها اختبار . : بس احنا خلصنا من الاختبارات من اربع ايام . جواد : شنووووو "ويسكر السماعه في وجهها " . ويروح يسرع لعند ليان . جواد : ليان جلسي بسرعه . ليان : شفيك . جواد : شفيني هااااا . ليان بخوف : شنو صار . جواد : متى خلصتي اختبارات . ليان : هااااااا . جواد : ردي . ليان : خلنا نتفاهم . جواد : مافي شي اسمه تفاهم انتي الحين تسكتين ولا تتكلمين . ليان : انت وعدتني انك ماراح تلكسني الا بعد سبوعين ولسى باقي ثلاث ايام . جواد : لالا انا وعدتك اني ماراح المسك الا بعد ماتخلصين اختبار " ويمسكها وضمها لصدره وأخيراً صار زواجهم مو على ورق بس " . -------------------- ((في اليوم الي بعده ))* جواد : من اليوم ورايح أنا الي راح اخذك من الكليه . ليان : نعم شنو قلت ترى عندي سواق . جواد : لالا ماينفع معي هالكلام وعطيني جدول محاضراتك وعندك بعد انتهاء محاضرتك 10 دقايق بس علشان تطلعين لي . ليان : واذا ما طلعت بعد 10 دقايق شنو راح يصير . جواد : طلعي متاخره وشوفي شنو راح يصير . ------------------- ((في الكليه ))* نوره : شفيك . ليان : ابي افهم ليه الناس لازم يتزوجون . نوره : هذي سنة الحياه ... بس غريبه تقولين هالكلام . ليان : ليه غريبه . نوره : وحده متزوجه واحد وسيم وكل بنات الكليه ميتين عليه وفوق هذا غني وشنو تبغي اكثر من كذا . وتخلص المحاضره . نوره : يلا نروح نشرب لنا شي قبل مانمشي . ليان : اسفه لازم اروح الحين . نوره : ليه . ليان : الوسيم الغني اكيد يستناني على الباب الحين . نوره : بس كاس عصير . ليان : اسفه مااقدر اخاف اتأخر عليه بااااي . وتروح تلبس عبايتها وتتعدل وتطلع على طول شافته في وجهها بكامل هيبته يستناها .. اول ماركبت السياره ... جلس يطالع فيها . ليان : ماراح تمشي . جواد : تأخرتي دقيقه وعشرين ثانيه . ليان : لا اكيد انت تمزح معي كلها دقيقه وعشرين ثانيه . جواد : عقابك في البيت . ليان : جواااد مستحـ... جواد : في البيت . ----------------- اول ماوصلوا فصخت عباتها . ليان : اسمع لازم تعطين وقت اكثر علشان اشيل أغراضي وتعدل واللبس وعلى مااوصل لسياره ويمكن احتاج اكلم وحده . الا يلمها جواد من ورى ويعض اذنها . ليان : آآآآآآآآآه ... ياوحش اتركني اذني ..... آآآآآآآى اذني . جواد : علشان المره الثانيه تجين على الوقت . ليان وهي ماسكه اذنها : قطعت اذني يامتوحش . جواد : تبغيني اعالجها ببوسه . ليان : لا مشكور ما تقصر ... الا جواد متى بجيب محمد يعيش معانا . جواد : الوقت اللي يريحك . ليان : ليه ما تجيبه اليوم . جواد : اليوم اليوم . ------------------- ((في بيت بو فهد ))* حمودي مموت عمره من الصياح أم محمد : شفيك . حمودي : مي . أم محمد : شفيها . حمودي : ادلوبتني . أم محمد : خلاص حبيبي الحين اضربها لك بس أنت اسكت . حمودي : لا انا ابغي بابا هو يدلوبها . الا يرن الجرس ويدخل جواد وليان .. حمودي يزيد صياحه : بابا ادلوبتني . جواد حمله : مين الي ضربك . حمودي : مي . جواد : خلاص بابا لا تصيح وانا راح اضربها . حمودي : بابا حدني معاك انا ماابي هنا . جواد : حاضر اليوم اخذك . ام محمد : لا تكذب على الولد . جواد : لا من جد باخذه حلاص المفروض يتعود على ليان الحين صح ليان . ليان تاخذ محمد من عنده : صح . ---------------- ((في اليوم الثاني ))*. ليان تسرع في الكليه علشان تطلع قبل ما تخلص العشر دقايق . ليان : جيت قبل العشر دقايق . جواد : هههه .. اليوم جيتي على الوقت ... حمودي شرايك نكافئ ماما ليان اليوم . حمودي : نكافئ ماما ليان . جواد : نروح المطعم . حمودي : مطعم .... مطعم . جواد : اسكت فشلتنا اول مره تسمع بكلمت مطعم ... هااا ليان نروح المطعم . حمودي : ماما ليان نلوح ... دولي نلوح . ليان : هههههههههه ... علشان حمودي نروح . ---------------- ((بعد اسبوع ))* ليان وجواد يتخانقون مثل العاده بس هلمره خناقهم كان قوي حيل . ليان : انت واحد منحط متحكم متخلف . جواد : ليان ثمني كلامك ... وبعدين شنو تبغين اسوي لك علشان ارضيك ... كل اللي اسويه لك مو عاجبك ولا تحبين نطلع ولا تحبين نتكلم قولي ردي شنو تبغين واسوي لك . ليان : خلاص انسى الموضوع ... اللي يشوفنا نتخانق يقول هذولي يحبون بعض . جواد : شنو قصدك . ليان : اقصد خلنا نعقد هدنا ان نستمتع بحياتنا مع بعض اللي ان تمل مني وتتركني مثل ما تركت اللي قبلي . جواد : شنو شنو تقولين " ويمسك وجها بيده " الحين فهمت كل هالوقت اللي قضيناه مع بعض كنتي تنوين تهربين مني " ويمسك رقبتها " . ليان : شنو بتسوي بتضربني ... اذا ضربتني اعرف ان هذا اخر يوم تشوفني فيه . جواد حس ان دمه يثور وكان عنده رغبه يضربها علشان يصحيها من غبائها الي فيها ... بس كل اللي سواه انه سحبها معاه للغرفه ورماها على السرير وضمها على صدره . جواد : ابي اسئلك سؤال وجاوبيني ليه تزوجتيني ؟؟ ليان : وط صوتك محمد نايم . جواد : ما عليك من محمد الحين وجاوبني ليه ما رفضتيني لما تقدمت لك ليه وافقتي علي جاوبيني ردي علي .. ليان : تزوجتك علشان فلوسك ارتحت الحين ؟؟ جواد جمد في مكانه : شنو ؟؟ ---------------- نهاية البارت 
   
|
|
06-19-2011
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
البارت الثالث والثلاثون
جواد : ما عليك من محمد الحين وجاوبني ليه ما رفضتيني لما تقدمت لك ليه وافقتي علي جاوبيني ردي علي .. ليان : تزوجتك علشان فلوسك . جواد جمد في مكانه : شنو . ليان : سمعتني . جواد : وتقولينها لي بكل وقاحه " ويمسك يدينها ويثنيها " ليان : اتركني يامتخلف . جواد : مستحيل اتركك انتي تحلمين . ليان : لا لا لااااااااااااااااااااااااااااااااا . -------------------- ((بعد 4 ساعات ))* ليان جلست من النوم وهي تحس ان كل جسمها يألمها لفت على جهت جواد ما شافته ... حاولت تقوم من على السرير بس حست بدوخه . جواد : لا تتحركين ضلي منبطحه . لفت لمكان الصوت شافت جواد جالس على الكرسي ويراقبها وعلامات التعب والارهاق باينه على وجهه ... قرب منها ... جواد : ثعلبتي ... صحيح اللي قلتيه لي صحيح ان السبب اللي تزوجتيني علشانه هو الفلوس .. ليان لما شافته وجهه ونظرات اليأس والحزن باينه على ملامحه نزلت راسها ما قدرت تشوفه بهذا الشكل هي متعوده عليه انه شامخ ماحد يقدر يخليه يخضع .. مع هذا ماقدر تعطيه اللي هو يبغيه ماتقدر تتعلق في احد ماتبغي تخسر اكثر من اللي خسرت . جواد : ليه ما تجاوبين علي ... " ومسك راسها ورفعه " ليان : اذا جاوبتك على سؤالك راح تطلقني . جواد وهو الى الحين ماسك وجهها ويناظر في ملامحها : اذا كانت هذي رغبتك اي راح اطلقك . ليان حست ان هذي فرصتها الوحيده علشان ترتاح وتريح جواد بس ... ليان : لا بس ماقدرت .. خافت انه يروح عنها ... ماحبت تنهي الموضوع الحين . ليان : انت تعتقد ان ممكن اني اهتم للفلوس ... انا نتعوده على وضعي الحالي لو اموت من الجوع مايهم عندي ... ليه انا غبيه علشان اروح اتزوج من واحد بس علشان فلوسه . جواد وهو يصر على اسنانه : اجل ليه ... ليه تزوجتيني ... قوليلي ليه ولا تستمتعين بتعذيبي ... تشوفين ان الموضوع حلو اني اعصب كذا تبغين تجننيني " ويمسكها ويحضنها " حرام عليك ياليان حرام . ليان : آآآآآآآآآآى . جواد : اميرتي ... مستحيل راح اخليك تروحين مني فلا تفكرين انك تهربين ... ولا تخليني اعصب عليك كذا ترى ان سويتي كذا مره ثانيه ممكن ادمرك وانا مو حاس . ليان : بس انت قلت اذا جاوبت عن سؤالك راح تطلقني . جواد : ليه شايفتني مجنون اطلقك اصلا حتى لو قلت ان تزوجتيني علشان فلوسي وانك ماتبغيني وانك تبغين تتركيني .. كان حبستك في قفص .. ليان وهي تبغي تهرب الحين بعد اللي قاله : أنت . جواد : لا تفكرين أنك تهربين مني فاهمه . وبعدها لمها ونبطح عليها . ليان : جوااد قوم . جواد : فهمي ياليان ترى الحين انا اعاملك بلين ترى انتي ما شفتيني اذا عصبت عن جد . ليان : طيب قوم عني . جواد : ابغي انام " ونام عليها " ليان : جوااااد مااسرع مانام " ووخرته عنها وحطت يدها في شعره " أنت غلطان ياجواد أنا اللي اعاملك بلين مو أنت . --------------------- ((يوم زواج حسن ودلال ))* جواد يحاول يجلس ليان بس هي مو راضيه . جواد : ليان قومي قبل ما اعصب . ليان : ......... جواد : حبيبتي ليان . الا جلست وهي مصدومه من اللي سمعته . جواد : ههههههههه ... لو ادري ان لو قلت لك حبيبتي راح تجلسين بسرعه شان قلتها من زمان . وقام وبعدها لف عليها وحط يده على شعرها وبدأ يلعب فيه . جواد : يلا بسرعه قومي وأخذي شور وتجهزي علشان نفطر ... ونطلع ولا انتي ناسيه ان اليوم زواج حسن ودلال . ليان : وين حمودي ؟؟ جواد : انا غيرت له وهو الحين جالس في الصاله يطالع توم وجيري ... يلا انتي قومي بسرعه . ليان : حاضر . ------------------ ((بعد العرس ))* لما وصوا البيت راحت ليان تاخذ لها شور ام جواد جلس يشتغل على الابتوب ... وحمودي يمه نايم ... لما خلصت ليان راحت تشيل حمودي علشان تحطى في سريره . جواد : اميرتي ... الي الحين ماتبغين تقولين لي ؟؟ ليان بستغراب : اقولك شنو ... جواد : تقولين انك تحبيني . ليان ارتبكت من كلامه المفاجئ : وليه اقولك . جواد : انتي بتقولينها لي في كل الاحوال ليه ما تقولينها الحين ونخلص ... ليان : قلتلك ماراح اقولها يعني ماراح اقولها . ---------------- ((في اليوم الثاني ))* جواد : حتى اليوم ماراح تقولينها لي ؟؟ ليان : مااقدر اكل من غير ماتسد نفسي بهلكلام . -------------- ((بعد اسبوع ))* جواد حاضن ليان . جواد : حتى لو اقولك اني احبك مووووووت هذا الشي ماراح يخليك تقولينها .. ليان : خلاص حرام عليك اسكت قلتلك فوق المليون نره لالالالالالالا ماراح اقولك افهم , ---------------------- ((بعد شهر ))* ليان جالسه تذاكر وجواد منبطح على رجولها ونايم بعد ما سئلها كل عاده متى راح تقولين لي انك تحبيني ؟ وكان جواب ليان مثل المعتاد ماراح اقولك ... بعدها نام وهو جالسين الا يرن الجرس ويروح حمودي يفتح الباب الا يدخلون جود والجوري ومشاعل وشجون وريم ومي . مشاعل : السلام عليكم يااهل البيت .. ليان : وعليكم السلام تفضلوا .. مي : يؤيؤيؤيؤ غمضوا عيونكم شكلنا جينا في وقت غير مناسب . ليان : ههههههههههه الجوري : يعني ماتبغونا . ليان : شلون مانبغيكم بس جواد انبطح يستناني اخلص بس شكل النوم اغلبه . ريم : اجل جلسيه . جواد : مايحتاج جلست من ازعاجكم . شجون : يؤيؤ جلسنا الامير النائم . جواد : ابغي افهم ليه جاين اليوم . جود : بكره عيد ميلادي بس مااقدر احتفل معاك لان محمد عازمني على مطعم ... واكيد انت بتحتفل بعيد ميلادك بكره مع ليان لذا قررنا نحتفل اليوم جماعي ... الجوري : طبعا هذي فكرتي أنا . جود : يلا استح على وجهك وقوم وقولي كل عام وانتي بخير جواد قام وحضن اخته : كل عام وانتي بالف خير . جود : وانت بعد . جواد : دقيقه بس " وراح الغرفه ولما طلع كان ماسك في يده علبه مربعه الشكل قدمها لجود " وهذي على شانك . لما فتحتها جود كان فيها ساعه مرصعه بالالماس شكلها مرره كيوت وناعمه ... جود : هههههههههههههههه جواد : ليكون ماعجبتك . جود : تفكيرنا يتشابه " وطلعت علبه هي بعد وقدمتها له " لما فتحها شاف ساعه رجاليه جود : شرايك جواد : كل شي من عندك حلو . مشاعل : وهذا من عندي " قدمت لهم عطور " وبعدها كل بنت قدمت هديتها لهم جود : ام هذي فمن ابوي " وطلعت مفاتيح سياره " وكملوا حفلتهم . ---------------------- ((في اليوم الثاني ))* ليان حبت تشتري هديه لجواد لان هي الوحيده اللي ماقدمت له شي فقالت لاخوها عبد الله يوديها .. بعد ما ستأذنه من عند جواد .. حتارت شنو تقدم له خواته ماخلو شي ما عطاه .. في النهايه شافت خاتم رجالي مره حلو شرته له .. بعد ماشرته وخلصت ارجعت البيت شافت جواد جالس يطالع تلفزيون ... بعد ماغيرت ملابسها راحت بتعطيه الهديه بس ما عرفت كيف فصارت تروح وتجي .. وهذا الشي عصب جواد ووتره . جواد : ليان اذا تبغين تروحين دورة المياه روحي ماحد ماسكك . ليان في هلحظه طلعت العلبه وعطته اياها . جواد : شنو هذا . ليان : ماتضحك مو اليوم عيد ميلادك . جواد : علشان كذا رحتى وشريتي لي هديه .. ما كان في داعي تتعبين نفسك لو كانت تبغين تقدمين لي هديه يكفي تقولين لي احبك . ليان : اقول اسكت وافتح العلبه . جواد وهو يفتحها : خاتم .. من ثعلبتي الصغيره . ليان : شفته في المحل تخيلت انه راح يكون حلو عليك فشتريته . جواد : مسكي حطيه لي " واشر على صبعه البنصر " ليان : بس انا شاريته لصبعك الخنصر . جواد : مايهم انا اصابعي ضعيفه . لبسته الخاتم جواد : الحين عندي خاتم زواج . ليان : زواج جواد : هذا احلى هديه تلقيتها السنه . وراح وحضنها وعطاها بوسه . ---------------- ((في اليوم الثاني ))* وهم نايمين على السرير حضنها جواد من ورى هذا الشي جلسها من النوم .. ليان : اااااوووووف جواد وخر عني ابغي انام . جواد : لا تتحركين ابغي نضل كذا على طول . ليان : طيب . ضمها اكثر وخذ يدها وفصخها دبلتها وحط لها بدالها دبله تشبه الخاتم اللي شرته له . ليان : متى شريته . جواد : اليوم .. امس لما عطيتيني الخاتم كنت اسعد شخص على وجه الارض .. هذا الخاتم اللي عطيتيني ايها كانك تقولين لي احبك مليون مره وانك مستحيل تتركيني .. ليان احبك احبك والله احبببببببببببببببك . --------------- ((في اليوم الي بعده ))* راح جواد الشركه وهو شاق الضحكه . محمد عبد العزيز : شفيك اليوم ؟؟ جواد : مستانس مستانس .. " ويرفع يده اللي فيها الخاتم " أحمد : ياسلام شريت لك دبله . ريان : الحين انت قلت ماراح تشتري دبله مالك خلق . جواد : ومين قالكم اني انا اللي شاريها . أحمد : اجل مين شاريها ؟؟ جواد : حبيبت قلبي ؟ ريان : ياسلام جواد : مستحيل تشوفون احد يحبكم مثل ما تحبني اميرتي الصغيره . محمد عبد العزيز : الله يخلي لي أم جواد تسوى الكل . أحمد : ولا كوثر مافي احسن منها . جواد : ولا اطول من لسانها . أحمد : احترم نفسك . ريان : يارا تسواهم كلهم . جواد وأحمد ومحمد : ابلع لسانك . ---------------- ((بعد شهر ))* ليان : جواد لو سمحت روح عني عندي مذاكره . جواد : مليت وأنا جالس لوحدي . ليان : اسكت . جواد : ليان حبيبتي " وجلس يمها وحط يده على كتبفها " خلينا نطلع . ليان : لا .. اذا طلعت معاك معناتها ماراح انام الليله وبكره عندي كليه . جواد : تكفين بس اشوي ماراح نتأخر . ليان : ااااوووووف . طيب قوم خلنا نطلع بس ترى بس اشوي ونرجع . جواد : يس . -------------- على البحر في نص الليل .. جواد حاط راسه في حضن ليان ويطالع فيها .. وليان تطالع في البحر .. السكون يلف المكان .. كانوا جالسين في مكان بعيد عن الناس علشان ياخذون راحتهم . جواد : تصدقين اول مره شفتك فيها كنتي جالسه على البحر ومن ذاك اليوم وكل مره اشوفك فيها اعشقك مره ثانيه . ليان : رجولي تعبوا لو سمحت قوم . جواد : متى متحنين علي وتحبيني ؟؟ ليان : .......... جواد : والله إني استاهل اشقى واتعب واسهر واستاهل إني اعاني من بلاويها غلطان ادري انا ندمان ماانكر والنار ماتحرق الا رجل واطيها مدري إنا ليش إذا حبيت ماافكر معقوله يعني المحبه تذل راعيها مدري وش بلااني ومدري ليش مااصبر اتسرع احيان واعشق وابتلي فيها وشي الحكايه نسيت أصلن وماأذكر ولكني وإن كنت ناسيها بحكيها ايوا تذكرت شفتها وصرت متخدر ومن دون مااشعر فؤادي صرت معطيها بينت لها إني معاها صرت أتبعثر وانسى إذا جتني الدنيا ومن فيها وإني اذا شفتها في عيونها ابحر وارفع شراعي ولا القى موانيها وإنها حياتي وعمري وكل مايخطر في بالها بس تتمنى وأعطيها وإن جيت أعبر لها عن حبي مااقدر اخاف لااجي اكحلها واعميها إلين عرفت نقاط الضعف والا أخطر عرفت بعد إني لايمكن أخليها عاشق متيم وهايم ومبعثر ياليتها مادرت إني ميت فيها إغترت البنت وصارت دوم تتكبر واشوفها غيرت حتى مباديها لما أنادي احسها تبتعد اكثر عني تباعد ولاكني أناديها ماتدري إني في لحظه ممكن اتغير واقول بكل سهوله بس مابيها والعب على اعصابها اهجر او مااهجر واقلبها في ثانيه عاليها واطيها هذي اللي ناقص تقدم فيني وتأخر ماتدري إني ناويها ناويها عطيتها إحساس ماظني عليه تقدر وإن قلت والله بنسيها بنسيها وهي تعرفني وتدري زين وتتذكر هالمره بصبر وبعدها ماظني اصبر وإن شفتها تكبرت والله لاراويها قولو لها وإنصحوها خلها تتحذر والا أنا الف وحده منعجب فيها كل العذاار تمنو بس لمن أنظر وانا اطنش واقول فلانه اغليها انا تسرعت والله ولاقدرت اصبر لو إني تغليت كان شفتو رجاويها بينت لها إني حبها صرت متبعثر وانسى إذا جتني الدنيا ومن فيها والله إني استاهل اشقى واتعب واسهر قال المثل والمثل يذكر وماينسى النار ماتحرق الا رجل واطيها وانا وطت رجلي جمر مشتعل احمر رغم إني ناوي اطفيها لكني على فراقها مقدر معقوله يعني المحبه تذل راعيها والله لاهي ولا اللي منها اشطر تذل قلب على الدنيا يبديها ليان : خلصت . جواد : لا ليان : متى بتخلص تراني بردانه ابغي اروح البيت . جواد : بردانه ادفيك تعالي في حضني علشان تدفين . ليان بلا سخافه ابي اروح البيت . جواد : دقيقه " ويقوم " ليان : وين بتروح ؟؟ جواد : دقيقه بروح اجيب شي من السياره وجاي . ليان : لا تروح . جواد : اذا رحت بتشتاقين لي . ليان لا ... بس اخاف اجلس لوحدي هنا وسياره اشوي بعيده . جواد : ههههههه تحملي فراقي بس اشوي " وراح " ليان حاسه بخوف مو طبيعي وهي تسمع صوت ضحك يقترب منها .. طالعت لمصدر الصوت واذا بخمسة شباب جاين صوبها .. قامت تناظر المكان اللي راح منه جواد بس ما شافته .. بدل منه شافت الشباب حاوطوها .. كل واحد منهم يطالعها بنظرات قذره وهم سكرانين . : غريبه اليوم القمر نازل على الارض . : لا هذي مو قمر هذي حورية بحر ما تشوفها جالسه على البحر لحالها . : يا حلو ممكن بوسه " ويمسها ويقربها منه " . ليان تصارخ : اتركني . : ياقلبي على هصوت " ويشيل غطى شعرها " ليان : لاااااااااا جواااااااد . جواد سمعها من بعيد وجى يسرع لها .. لما شاف اللي حولها تحولت الدنيا سوده في وجهه وجى يسرع لها .. جواد : يا #### اتركها " ويسحبها لعنده ويغطيها " : يالحبيب احنا جينا قبلك . : بتروح عن وجهنا ولا نوريك شغلك " ويطلع سكينه " ليان بخوف : جواد . : يا مجتون ليه جايب سكينه معاك . : علشان اخلى الناس اللي مثلهم يخضعون لي . : لا تصير مجنون وخلنا نروح . : مو قبل مااخذ الحلوه معي " ويرجع يمسك ليان " . جواد ماتحمل مسكه وبعده عن ليان وعطه ضربه خلت الدم يطلع من انفه . : أنا راح اعلمك كيف الضرب يكون شباب مسكوه . قاومهم في البدايه جواد .. بس الكثره تغلب الشجاعه فمسكوه وبدأ يضربرن فيه بين صرخات ليان اللي تستنجد بااحد .. : ابي افهم شنو شايفه فيه زياده علشان تطلعين معاه وتسوين نفسك عفيفه علينا .. " ويمسك شعر جواد " اعتقد عندك وجهت نظر .. لانه وسيم حتى مع ان وجها صار مشوه من كثر الضرب .. شنو رايك اوريك شنو بسوي فيك " وجرح وجه جواد بسكينه " حتى امثالك ينزفون .. بشوه هلوجه اللي علشان امحي هنظرات المتعاليه .. جواد بنظرات الغرور والاشمئزاز : اذا كنت تعتقد اني بنحني لامثالك واطلب الرحمه فانت غلطان .. : راح نشوف " ويحط السكينه على رقبة جواد ويبدأ يجرحه " راح نشوف اللي متى بتظل هنظرات مرومه على وجههك ؟؟ ليان ماتحملت تشوفهم يسون في جواد كذا وتسكت .ز استجمعت قوتها وبعدت يده عن جواد . : يا بنت #### تدافعين عن عشيقك هاااااا . ليان : هذا زوجي . : خلص يااخي خلنا نمشي عنهم شفيك انت اليوم . : خلني ابرد حرتي فيهم . : انا ماشي وانتوا بكيفكم . : اقولك ارجع " وينتبه ان باقي ربعه تركوا جواد ومشوا مع اللي مشى " وين بتروحون رجعوا . : والله احنا جاين نعدل مزاجنا وانت عكرته لنا . : : اذا تبغي تقتله فقتله بروحك والله فاضي . : امشوا ياشباب . جواد هو يبتسم بسخريه عليه : يلا بابا روح مع القذاره حقتك روح قبل مااطلب لك الشرطه . : تهددني " ويجي يسرع لليان ويطلع السكينه بس جواد اعترض طريقه ويبعد ليان " ليان ما كانت منتبهى فما بعدها جواد طاحت على الارض ورفعت عيونها شافت دم ينقط من السكينه .. ----------------------------- نهاية البارت
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
