12-07-2010
|
#31
|
ليل الكآبه
ياخافقي..قل للهواجيس....يكفي
ولاعاد تسهرني...بليل الكآبة
متى يفك الياس قيدي ...ويعفي
متي يحن لقلب..طاغي عذابة
ظالم زماني..مانفع فيه..عطفي
خاويت حرمانه..وعشت اغترابة
أكيد ابلقى بآخر الدرب..حتفي
دام الليالي كل ابوها تشابة
مايستحي جرح بالأضلاع..مخفي
متعزب روحي ..ولاله قرابة
مابين دمع ونزف..أصبحت منفي
ومثلي أنا ياصاح محد درابه
أشعل طموحي وحترق فيه..واطفي
مجنون..أطلب من هجيري...سحابة
إن جيت ابقبل شفتني غصب أقفي
وإن طال نوحي..مالقيت استجابة
والجفن..ماوالله..نوى اليوم يغفي
مادام صارت له..لياليه..غابة
ياخافقي..يكفي هواجيس....يكفي
خلقة انا...دنياي..هم وكآبة
|
|
|
12-07-2010
|
#32
|
يكون بعلمكم
لعنبو وقت حدانا يمكم
قام يشمت كل نكار وجحود
مالوم اللي مشى في دربكم
لو غدى كذاب..او حتى حسود
سلمكم الله يلعن...سلمكم
مايشابة سلمكم..الا اليهود
مننا هالمجد..ماهو...منكم
معتلينه من قبل صر الجدود
لابتي عند الوغا...ترثعبكم
لابتي..لاثارت الهيجا...اسود
الاصل..حنا.....ويكون بعلمكم
الطنايا.لابتي..اصل الوجود
|
|
|
12-07-2010
|
#33
|
يا بنت .. كفي؟؟
يابنت كفي واعرفي وش تقولين
من عاب شمر فوق علباه ينداس
حنا الكرم وشيوخنا دوم وافين
هم فزعة اللي غارق في دجى الياس
صولتنا تشهدفعلها الميادين
والطيب روحي اسالي عنة الناس
رجالنا يسوى من الناس تسعين
وافعالنا في عالم الطيب نبراس
حنا سحايب سود تمطر سكاكين
على الذي من عابنا وانكر الساس
وحنا دلال وجود نكرم عزيزين
اللي يصونون الوفا وقت الاتعاس
وحنا ترى اسيادكم..يامساكين
من قبل لاينبت لكم سن واضراس
منهو نخانا يبشر بقلة البين
منهو نخانا لايفكر بوهوجاس
قلتة وانا من لابة توفي الدين
قلتة وانا من لابة ترفع الراس
من شمر اللي مجدها اليوم مجدين
شاعر فخور وممتلي صدق واحساس
|
|
|
12-07-2010
|
#34
|
يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدلي .. اهدومي !!؟
يمه بدري .. والله بدري ! آتهجاها اهمومي !
يمه مات !
كل شي كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي كنت أحبه ..
مر ..
ودعني ..
وفات !
طفلتك ماعاشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطوله !
............. وازفرت .. ونه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
ماستحى منها الحزن .... هاك الخجولة
............ ولاطرى يرحل ويبعد ... ياسها !
فيه شي لو قدرت إني ....... أقوله !
............ كان شفت الناس ... حبت ناسها !
يمه ضميني بنام !
خايفة أبقى لحالي عايشه وسط الظلام !
عام مر ..
ومر عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟
|
|
|
12-07-2010
|
#35
|
مع السلامه .. احباب !!
مع السلامه .. احباب ..رايح أنا ... / ألحين ..
رايح ! / مع الغياب ..رايح .. ولادري .. وين ..
هنا / لقيت اصحاب ..من عافهم ... / مسكين ..
فدوه لهم ... / أرقاب !وعيوني .. / الثنتين !
هنا ضحك لي .. ناب !هنا بكت لي .... عين !
هنا نفيت ../. اغراب !في ريشة .. التلوين !!
هنا نفاني .. ااآب !يمكن على .. / تشرين !!
يعني بلاش .. / اعتاب !يعني بلا .. / تخمين !!
مع السلامه / احباب !رايح أنا .. / ألحين !
|
|
|
12-07-2010
|
#36
|
وحنا صغار ..
وحنا صغار .. !
وحنا صغار ..
زرعنا في تراب الحلم ... حلم ويشبه العصفور ..!
لكن طار !!
وكنا صغار ..
ويتفتح صباح غارق بغيه مثل تفتيحة الازهار
ولاندري متى نمنا !؟
وكم نمنا ..!
وش اللي صار !!
وصوت الوالد المرحوم : يالله قوم !
أمان ودمعة استغفار !!
وريحك يارغيف امي ..
سوالف هادئه واشعار !!
وأتريق مع اخواني ..
وتتريق عيوني وجه ابوي الدافي الحاني ..
واصك زرار !!
وآخذ ( حبه ) من أمي ..
وفي يدي " ربع دينار " !!
وآخذ شنطة أحلامي على اكتافي ..
واصحي بخطوتي درب طويل ومظلم وغافي !!
وتصحى اشجار !!
واروح امشي ل مدرستي ..
واناديها :
يامدرستي ..!
علامك ماتنفستي !؟
سوالف طفل ضحكاته أناشيد وغنا وامطار!
متى نرحل عن اسوارك ..
بعد ماكنا شطارك ..
نبي مره ولو مره نحس إنا غدينا كبار !!
هنا كانوا لي اصحابي ..
هنا ضاعوا مع العابي ..!
هنا ياكم نخبي من براءة ف علبة الأسرار !
وصرنا مثل ماكنا إنتمنى !!
والغريب اش صار !!
رجعنا كبار تنمنى لو إنا بس بقينا صغار !!
شاعر أنا ياحنين الأمس محتاجك
....................... أبغاك لامن طرقت الباب .. تفتح لي !
مشتاق والله كثير لراحة إزعاجك
....................... مشتاق أحسك مثل ماكنت تفرح لي
ماتذكر الحلم يوم ينام ب ادراجك
....................... تعال فسر غيابه ليه !؟ واشرح لي !
مشتاق أداعب بحرك وألمس امواجك
...................... مشتاق ألامس عميقك وانت تسبح لي
تعال واشعل بصمتي كلمة سراجك
..................... تعال لكن إذا ماجيت لك ... رح لي !!
ماجيت أجمع جروحي قاصد احراجك
..................... جيتك أببكي وابيك الحين تسمح لي !!
ب بكي على الناس والإحساس لاماجك
.................... ب بكي على الموت يوم إنه يلمح لي !!
ب بكي على الجوع والموجوع لاداجك
................... ب بكي على الكون والمدفون في وحلي !!
ب بكي على الروح والمجروح لا هاجك
.................. ب بكي على الحب يوم الحب يلوح لي !!
ياخطوة الحلم نامي وسط ديباجك !
.................. وإلا اتركيني .. وخلي الدرب .. وارتحلي !!
الموت لامن بكيت وجيت .. محتاجك !
................. وطرقت بابك .. ولابه ناس .. تفتح لي !!
واروح اشرب .!
هوى ذيك البراءة .. وابكي ..
و .. أهرب !
|
|
|
12-07-2010
|
#37
|
عين المواجع ..!
و..الملم ما بقالي من أحاسيس وأجي مكسور
وحيد ولا على بالي سوى إنسان ناسيني!
وأطيح ويذبل بعيني صباح ما يفز بنور
وأنادي يا عناويني وأنادي يا عنا... ويني!؟
ثلاث سنين من عتمة ظلامك.. يا ضيا الديجور
يموتك حلم وتموتك سحايب من ورى عيني!
وبيدي حلم غناه الزمان وطار به عصفور
يزفه للغمام اللي تهجا رحلته فيني!
واتمتم "هي هنا كانت" وينبت للحنين شعور
وأتمتم "ليت ما كانت" وأضيع ولا ألاقيني!
وادورني ورى جرحي وتزهر في حشاي قبور
وأكفن عورة همومي وأدور منهو يرثيني!
هنا كان المسا بارد حزين ومكتئب مقهور
هنا! والا هنا! والا هنيا صرت مابيني!
أنا ما طحت من عين المواجع يوم أنا مكسور
أنا من كثر ما فيني مواجع.."طحت من عيني
|
|
|
| | | | | | |