خلاص ~أرجوك لوتسمح تراك بدنيتي منفي ... الكاتبه ::: العين غرآمي

وفبيت بو غيث أم فلاح ترخصت وشلت وياها اسوم وروحت .. يوم وصلو ع طول أسوم راحت صوب الريم حجرتها..
سلمن ع بعض ويلسن يسولفن ..

اسوم : حوووه ريمووه ..
الريم: هاا يالدفشه..
اسوم : ههههههههههه حرام عليج..
الريم:هههه حرام فالدرام ..عيل ها شتسمينه يونه حووه ريموه ههه
اسوم : ههه انزين اخبرج ...
الريم : خبريني ..
اسوم : هههه سخيفه..
الريم: توج تعرفين ههه .

اسوم : انزين سمعي ما بتخبرينيه شو كان فيج؟

الريم ابتسمت وتمت ساكته ..

اسوم يودت ايد الريم : ريموه دخيلج قولي شو كان فيج هاك اليوم..
الريم : ماشي أسوم بس تذكرت المكان لي صرخ فيه هادف عليه من زمان ..
اسوم : الريم لا تخرطين عليه .. امبين من عيونج..
الريم: اسوم صدقيني ها اللي صار..
اسوم : ريموه لو انا ماعرفج كنت بصدق..ع العموم براحتج..
الريم: والله اسوم انا ماروم اخش عنج ..خلاص بقولج ..
اسوم :براحتج..
الريم: اسووم عاد.. خلاص لا تزعلين..
اسوم ابتسمت : مازعلت ..يلا قولي..


الريم: اممم هادف!!
اسوم : هادف؟ بلاه ؟
الريم :شفت هادف هاك اليوم ..
اسوم : هاااادف؟؟!!! كيف؟
الريم : اسوم ماعرف والله بس هو كان فالبيت ونحن ما انتبهنا ان حد فالبيت ..
اسوم : هيه صح .. انا انتبهت ان الليت فوق مشغل..بس ماتوقعت حد فالبيت..
الريم: كنت فالحجره ..وهو دخل يتحراني انتي..وصار بينا كلام .. وظهر وهو محرج..
اسوم: وليش؟ شو لي صار..
الريم : ماعرف ريموه ماعرف.. بس هادف يكرهني وهو اعترف بهالشي..
أسوم : يكرهج ؟ وليش يكرهج.. آنا أرمسه.. انا مابسكت ريموه..
الريم: اسوم لا دخيلج لا..مابغي أسبب مشاكل..خليه هب غصب يحبني..
اسوم : هب لازم يحبج بس يكرهج ويعاملج جيه ليش؟ اسوم صدقيني فيه سبب انا اعرفه هادف..


الريم شوي وبتصيح : اسووم بس انا عمري ما توايهت ويا هادف من كبرنا إلا هاك اليوم .. بالله عليج غلطت بشووو ؟؟ قوليلي بشوو<<وتصيح..

اسوم : خلاص ريموه صدقيني انا بشوف حل وياه ..
الريم: اسوم خلاص.. خلاص انا عفت هالطاري.. اسوم أنا ماقدر اتحمل زوود .. خليه بحاله ..
أسوم : فديتج يالريم .. عشانج بسكت ..

الريم مسحت دموعها وتمت ساكته.. واسوم بعد ساكته ..

الريم فجأه تكلمت : أسوم !!
اسوم : عيونها؟
الريم: أسوم خلاص انا موافقه ع هزاع ..

ليــِـهَـ مَآ أنَسَى / جَـــرَحِيَّ /
وأبّـدآ منّ جّدَيـِـــدّ .!
دَآمِنَـيَ ~ حيّـــَهَـ ~
وبَعَروذقـِيَ نَـبـــَــضَّ .!؟
لَيـِــهّـ / أعلّـــــقَ /
نبَضَـيَ بمَآضِـيّ بّعَيـَـــدَ .!
وأنَسَىَ نَفَسِــيَّ |
هَــنَـــآكّ |
والّدّنيّــِآ رَكـَـــــضّ .!؟





البارت _26_




الريم فجأه تكلمت : أسوم !!
اسوم : عيونها؟
الريم: أسوم خلاص انا موافقه ع هزاع ..

ليــِـهَـ مَآ أنَسَى / جَـــرَحِيَّ /
وأبّـدآ منّ جّدَيـِـــدّ .!
دَآمِنَـيَ ~ حيّـــَهَـ ~
وبَعَروذقـِيَ نَـبـــَــضَّ .!؟
لَيـِــهّـ / أعلّـــــقَ /
نبَضَـيَ بمَآضِـيّ بّعَيـَـــدَ .!
وأنَسَىَ نَفَسِــيَّ |
هَــنَـــآكّ |
والّدّنيّــِآ رَكـَـــــضّ .!؟




عند المعاريس [ سويسرا ]

فلاح وغيث شالين حريمهم ويتمشون .. وآيد كانو مستانسين .. عقب راحوا البحر وخذولهم نسكافيه لأن الجو كان وايد بارد . . غيث ورويض كانوو جداام .. فلاح وعليووه ورى ..

فلاح ميود عليوه من ايدها ويتمشون : مستانسه حيآتي؟
عليوه مبتسمه : هييييه وآآآآيد..
فلاح : فديتج ياربي عسى دوم ..
عليوه : آآمين ويآآك حبيبي..

غيث يصد صوبهم .. يصارخ يزقر فلاح : فلآآآآآآآآآآآآآآآح ..
فلاح من بعيد : يآآآ لبييييييييه !! هههههههههههه ليموون نعنااع
غيث: هههه ويا ويهك تعاالو ..
فلاح : يايين يلا..هههه



راحو عليوه وفلاح صوب قم غيث..



غيث : أخبرك بنسوي مسابقه .
فلاح : عاشوو .ههه واللي هي..؟؟
غيث: إسمع الحريم بيتنافسن لي تبني أحلى بيت أو قلعه بالرمله .. ونحن لازم نيمع أكبر عدد من الأصداف .. اوك؟
فلاح : عجيب والله ههه ها شرايكن ؟
عليا وروضه : ههه يلا..
غيث: : الوقت لي عندكم عشر دقايق اووونلي ..
فلاح : هههههههههه اوك يالأونلي هههه
غيث: يلآ وآآآآآآآآآآآحد اثنييييييييييييين ثلآآآآآآث ..


ووووووووركيض كلن صوب شغله ..


عليا ورويض يحفرن وكل وحده تعق رمل ع الثانيه وناقعات ضحك .. بس الصراحه شادات حيلهن هههه ولا غيث يربع ويخش الاصداف فمخاابيه هههههههههه وشكله يفطس ضحك . . وفلاح إيمع الاصداف فيدينه وكل مره شي يطيح وغيث ناقع عليه ضحك .. هههههههه

يوم خلص الوقت .. تيمعوو كلهم وين عليا وروريض..



فلاح خلاص هب قادر يتنفس يا وعق الاصداف فوق عليوه هههه ..
عليووه : هههه طالع شكلك
فلاح : ههههههههههه كله من غياثي هههه
غيث ييلس حذال رويض: هههههههه مايخصنيه ..
فلاح: انزين يلا يلا بنحسب..
غيث: ههههههه المكتوب امبين من عنوانه ..
رويض: هههههه ويييو ..
عليوه : هيييه انتو لا تضحكون ع ريليه ..
غيث: دخيلج انتي وريلج هههههههههههه ..
فلاح : يلا يلا نحسب احسن ..



يلسو يحسبون الاصداف لي يمعها غيث وطلعن وايد أكثر عن أصداف فلاح ههههههه .. ورويض وغيث ناقعين ضحك فرحانين انتصرووا ..



غيث: ها غلبناك تكمل التحدي ولا ؟ ههه
فلاح : هيه نعم اكمل ههههههه
غيث : اوك ..بنزقر حد من هني يحكم .. أي قلعه أحلى ..
فلاح : ههههه علنيه بلاك فضحتنا ..

غيث ناقع ضحك سار ولقاله حرمه وريلها وولدهم الصغير زقرهم وخلاهم يحكمون .. الحرمه قالت مال عليوه احلى والريال قال مال رويض.. هههههه عاد احين الحد الفاصل الياهل الصغير.. والياهل ع طول اختار مال عليوه ..



فلاح : ووووووووووووووويوووو تعادلنا ههههههههههه
غيث: هههههه هب مشكله انزين بنحط آآخر سباق عسب نحسم الموضوع هههه
رويض: هيه ونحن بنفوز بتشوفون ..هههه
عليوه : ههههههههههه يآآالله يالثقه ..
غيث: علنيه فدى حرمتيه اكيد واثقه هههه ..
فلاح : مالت عليكم انزين يلا نتسابق لين هايييج المظله ..
غيث: ههه اوك .. ونرد لحريمنا ..يعني رايح راد ...
فلاح : ههههههههه أوك ..

رويض تعد : وااااااااحد اثنيييييييين ثلااث ..

ودبيييييييييييييييج..


غيث وفلاح يترابعوون .. وروييض وعليوووه حفزاانات كل وحده تصارخ يوونه تشجع ريلها هههههه .. غيث وفلاح فالروحه فلاح كان متجدم .. وغيث يربع يبغي يسبقه .. وهم رادين موووول تحدي كل واااحد يدز الثاني ههههه فاشلين .. يوم اقتربووا صوب حريمهم .. الحريم يصارخن ومحتشرات هههه ..

آآخر شي غيث وصل قبل هههههههههه ... ويناقز وحالته لله ..



فلاح : ههههههههه والله ما إيووز .. غشاش غشاش تدز هههه
عليوه : ههههه هيه والله انتو غشاشين ههههههه
غيث: هههه هاي اعذار الفاشلين .. يلا عليكم العشاا..
عليووه : طااع همه فبطنه ههههه..
غيث: عيل.. يلا يلا ههههه
فلاح : هههه فالكم طيب.. ويومن لك ويومن عليك ههه ..


الشباب كانوو وايد مستانسين .. وانقضى الوقت ولا حسو فيه ..



فلاح : والله ما أصدق إنه صارلنا اسبوعين هني هههه بسرعه خطفن ..
غيث : هيه والله .. عاد سمحلنا حريم تدرون مانقدر نودر الشغل والشباب بيسافرون .. فمانقدر نكمل الشهر هني..
عليا مبتسمه : يلا ماعليه .المهم إإنا وااايد استانسنا ههههه ..
فلاح : هيه والله استانسنا.. هههه شكلنا بنعيدها مره ثانيه ..
رويض: هيييه اكيد .. صح غياثي..؟
غيث: هيه يا عيون غياثي..

رويض استحت ماعرفت وين تودي ويهها ..

فلاح : هههههههههههههه علنيه بلى بروودك نحن هنا ههههههه ..
غيث: ههه انزين ويعني؟ حرمتيه هههه ...





بيت بوهزاع ..

أم هزاع كانت يالسه برويحاتها في الصاله .. شوي إلا وهزاع وبو هزاع داشين : السلام عليكم ..

أم هزاع : وعليكم السلام ورحمة الله وبركاته .. مرحبا مرحبا..
بو هزاع : وبج زوود ..شحالج ؟
أم هزاع : بخير ونعمه ربيه يعافيك ..


بو هزاع ييلس حذال أم هزاع .. وهزاع ياي يوايه أمه وحبها ع راسها : شحالج يا إميه ..
أم هزاع : الحمدلله ..انت شحالك يا وليدي؟
هزاع : الحمدلله يا إميه بخير وسهاله..
أم هزاع : ها شو الشغل ؟
بو هزاع : والله تمام الحمدلله .. كل شي ماشي اوك ..
أم هزاع : يآآالله الحمدلله ..
بو هزاع : عيل حور وين ؟

حور تي من ورى ابوها وتلوي عليه : أنا هني باباتي ..
بو هزاع : مرحبا مرحبا ببنتيه ..تعالي يلسي حذاليه .
حور اتيي وتيلس حذال ابوها : شحالك أبويه ؟
بو هزاع : الحمدلله انتي شو صحتج ؟
حور : الحمدلله ..
هزاع : هههه انتي اصلبي عوودج شو خليتي حق حصوه هههه ..
حو ر : هههه مشكله لي يغارون ..
بو هزاع : ههه علنيه فداكم متى تعقلون ؟
هزاع : هيييها مطولين هههه ..
أم هزاع : واعليه عنكم يوم مطولين .. وانت اونك بتعرس..هههه


بو هزاع : هيه صح شو صار بالجماعه من اسبوعين ماردو علينا خبر..
أم هزاع : والله يا بو هزاع انا رمست أم فلاح وقالت يرقبون فلاح يرد من السفر ..
هزاع : هيه صح فلاح وغيث مسافرين ..
بوهزاع : متى بيرجعون ؟
أم هزاع : ان شالله باجر الساعه 3 الفليل بيوصلون ..
بوهزاع : ربيه يعودهم بالسلامه ..
الكل : آمين يارب..

شوي إلا وتيي حصووه تربع ..وتضرب حوور ..

بو هزاع : باباه ليش تضربين اختج ؟
حصوه تصيح : باباتي هي ليش تيلث حذالك .. مابا مابا ..
بو هزاع : ههههه فديت لي يغارون .

حصوه ولا معبره وتسحب حور من كندورتها : حووووذي حووووذي [ خوزي ] ..
حور: هههه انزين خزنا هههه حشا دلع دلع ..
حصوه مستانسه ..تيلس حذال ابوها : ووووييييو قاميتي ..
حور: هههه انزين ما عليه دواج عقب..
ام هزاع : تعالي يا بنيتي يلسي هني..

حور سارت ويلست حذال أمها .. حصووه ع طول نشت من حضن ابووها وتربع صوب امها تصيح

حصوه : مآآمآآآه خليهااا تحوووذ ..
حور :هههه اسميج دلع ..تبين باباه ولا ماماه اختاري..
حصوه اونها تفكر : أباهم كلهم .. حقي انا بث ..
حور : ههههههه طماعه ..

الكل يلس يضحك ع حصوه ودلعها ..هههههه



شوي إلا يرن تلفون هزاع .. هزاع يرد : مرحبا الساع ..
منصور: مرحبابك زووود ..
هزاع : حي الله منصور.. شحالك ربك بخير؟
منصور: بخير وسهاله ومن جداك؟
هزاع : بخير دامك بخير.. وين ديارك ؟
منصور: والله انا ياي صوبك انت فالبيت ولا ظاهر؟
هزاع : زين تسوي والله من زمان ماريتك.. لا ياخوي فالبيت ههه ..
منصور : حيك والله ..
هزاع : اقرب عندنا..
منصور: جريب ياخوك .. ماعليه بنظهر..
هزاع : ان شالله بس مايصير اقرب عندناقبل..هب مرخصنك
منصور: ههه ان شالله يلا عيل انا ياي. فداعة الله ..
هزاع :ارقبك ..الرب حافظ ..


هزاع : هذا منصور ولد بوفلاح ياي صوبنا..
بو هزاع : حيه والله ..
حصوه : هذا منصووور حبيبي؟
هزاع : هههه هيه منصور حبيبج ..
حصووه : اللآآآآي بروح عنده ..

حصووه تربع برع .. وهزاع يضحك عليها..ههههه


هزاع : إميه خليهم يحطون القهاوي فالميلس الريال ياي.
أم هزاع : ان شالله يا ولديه ..

هزاع راح ويا حصوه شوي إلا منصور ياي . . أول ما نزل من السياره شاف حصووه تربع صوبه ..



منصور يفتح ذراعه يوونه بيشلها وهي تركض صوبه ..

منصووريشلها : هووووباا هههه
حصوه : منصوووري حبيبي..ههه
منصور: فديتج والله . شحالج ؟
حصوه : بخير..
منصور : دوم يارب..ههه ..

منصور يوايه هزاع ..

هزاع : شعليك حبيبها هههههههه
منصور: هههه انت تغار ههههه
هزاع : لا حشا هههههه

حصوه : هييييه انت روح عن حبيبي..
هزاع يتدلع وإيود يدين منصور: لالا هذا حبيبي ..
منصور : ههههههههه احلف انت بس..
حصوه حرجت :رووووووووح روووح ..حبيبي قوله يروح انت مالي ماحبه هجاع ..
منصور يقلد حصوه : هجاااع يلا روووح مانحبك نحن .. صح حصوتي؟
حصوه مستانسه : هيه صح ههههه ..
هزاع : هههههههه ماشي انا احين بسمع رمستكم ...اقرب اقرب منصور..
منصور: ههه جريب..



دشو عربانا الميلس ويلسوو يسولفون وناقعين ضحك ع سوالف حصوه لي ماتخلص..هههه





عند حمدان و هادف [ العين مول ]

حمدان وهادف كانوا يالسين فالمطعم .. يسولفون ..

حمدان : يا حليلك يا مشعل هههه .. والله من راح افتقدناه ههه
هادف: هيه حليله كان مسوي جو..يلا نحن ترانا إلا بنلحقه الاسبوع الياي..
حمدان : هيييهآآ .. بنرد للغربه مره ثانيه ..
هادف : يلا الرب يصبرنا .. ههه

حمدان : هيه والله .. هادف تعتقد بنقدر نوازن بين شغلنا في الشركه لي فلندن والدراسه ..؟
هادف:والله ياخوي انا اول شي ماتشجعت .. لكن عقب ما يلسنا ويا غيث و فلاح وفهمونا أصول الشغل هناك ونمط شغلنا أحس إنآ بإذن الله بنقدر.. ولا تنسى إن نحن عندنا يومين إجازه غير الويكند ..
حمدان : هيه صح .. يلا ان شالله نكون قدها..
هادف :إن شالله .. خاصتن إنه شركتنا لي فلندن بعد ما تقاعد المحامي القبلي وايد امور تخربطت ..لانه ماشالله عليه كان شال حمل كبير فالشركه ..
حمدان: هيه ربيه يذكره بالخير..

هادف يت فباله الريم .. حس بألم وسكت ..حمدان حس إن هادف فيه شي..

حمدان :هادف فيك شي؟
هادف: لالا حمدان ماشي..

حمدان ابتسم وسكت .. وهادف الريم مول ما طاعت تروح عن باله .. شوي وبينفجر وبيقول لحمدان إنه يبا الريم .. آآخ خاطريه أقول له .. بقول له إني أبغي الريم وهب مرخصنها .. آنا لازم ارمس


هادف: حمدان !!
حمدان : يالبيه !
هادف: لبيت في منى .. امممم؟
حمدان :شفيك هادف؟
هادف متردد يبغي يقول بس هب عارف كيف : ماشي ماشي خلاص..
حمدان:هادف ياخي شفيك .. من متى احس شي بخاطرك وهب طايع ترمس..
هادف: علنيه فداك حمدان .. خلاص ماشي..
حمدان تضايج : خلاص براحتك ..

ع العموم الشباب شلو عمارهم وراحو يتمشون ويلعبون بولينج ..حمدان كان يحاول يخفف ضيجة هادف ولو انه مايعرف سببها !!





عند الريم



الريم كانت يالسه بروحها فحجرتها .. يالسه وتفكر بسالفتها ومشكلتها.. وكيف بتحلها ..
آآخ خلاص انا قررت إني أوافق ع هزاع .. صح انا أحب هادف .. لكن هادف يكرهني وهو بنفسه قال !! هادف ياما جرحني وأهاني .. كل شي واضح !! خلاص أنا لازم أشوف نفسي وما أوقف عند إنسان حبه قلبي !! دام حبي من طرف واحد لازم اتحمل النتيجه !! آآآخ صدق الحب سلطان !! هادف بيتم ذكرى طيبه فقلبي وعمري ما بنسى حبي له اللي ترسخ فذاتيه .. !!




الريم حاسه بألم كبير .. منسدحه ع الشبريه وأفكارها توديبها وتييبها .. ودمعتها تنسكب ع خدها بسكات!! والالم يعصر قليبها !!


من يومج يالريم والحزن يستوطن كيانج .. وعمرج ماعرفتي طعم الفرح بصورته الحقيقيه .. فرحج يوم وحزنج أيام .. والبسمه ما تفارق شفاتج ..بسمتج العذبه لي تخفي وراها ألم سنين !! وعيونج اللي ياما فضحتج بالحزن لي منطبع فيها !!

الريم خلاص تحس إنها منهاره .. الريم تعودت كل ما تتضايج تشل او تعد قصيد .. خواطر .. يلست الريم تردد أبيات قصيد وفقلبها حزن كبير :


هــآت { لي شي واحد
واحد يحببني فيگ
بعد اللي سويته
فيني الله يهديگ ..!
انت ما خليت للرجعه عذر
وأنا قلبي ياما سامح واعتذر
أنت قاسي وما تحس ومن حجر
وما اقدر انسى كلمتگ لي أكرهگ
كنت احبگ حب [ نساني الحياه ]
لين حبي لك وصل في منتهاه
لا تجيني مابقيلگ عندي شيء
لا انكسار ولا دموعگ تعني شي ..!



الريم فجأه سكتت ويلست تصيح .. آآخ انا لازم انسى كل شي لازم انسى كل شي ..!! خلاص تعبت أعلق عمريه بآمال تعبت تعبت تعبت !!

الريم مسحت دموعها .. ونزلت تحت صوب أمها ..



الريم : شتسوين يا إميه ؟
أم فلاح : ماشي يا بنيتي .. يالسه أرتب البيت تدرين باجر بيون خوانج ..
الريم : هيه والله .. علنيه فداهم مشتاقتلهم ..تبيني اساعدج يا إميه؟؟ ..
أم فلاح : علنيه فداج يا الريم سيري شوفي قسم أخوج فلاح بخريه ورتبيه شوي.. هاييل معاريس وما أبغي البشاكير يصكون شي موول .. نحن بنرتب..
الريم مبتسمه:فديتج .. يلا عيل انا سايره ..

الريم راحت ترتب قسم اخوها فلاح وبخرت وعطرته .. وغدى غراام صدق.. عاد روحه الديكور والاثاث مسكت!!






عند هادف وحمدان



هادف وحمدان كانو يتمشون إلا ويشوفون هزاع ومنصور وسواف جدامهم يتمشون ..

حمدان : هههه هب جن هاييل الشله الفاسده ههه
هادف: ههههه إلأا ..
حمدان : خل نسير صوبهم ..
هادف: ههه سرينا..

حمدان وهادف سايرين صوب الشباب..: مررحبا الساع ..
الشباب : مراااحب ..

الشباب يتوايهون ..

منصور: هههه انتوو شتسوون هني ؟
حمدان : ههه والله اللي تسوونه ههه ..
هزاع : حيكم والله ..
حمدان : وبك حي..

هادف اول ماشاف هزاع تذكر الريم وتضايج ..

المهم الشباب ساروا ويا بعض ووايد استانسوو .. وهزاع وهادف وحمدان وايد خذو ع بعض .. لانهم بنفس العمر ..





يوم الاحد ..

بيت بو فلاح وبيت بو غيث محتشرين بالقو .. مستانسين إن خوانهم اليوم بيوصلون ..وشالين البيت شل..

أم فلاح يالسه ويا عيالها في الصاله .. يالسين يسولفون ..


منصور يالس يلعب بتلفوونه ويغني :

من زمان وإنت عن العيون غآيب
وبغيابك كم صابتني مصايب

وش يسلي القلب في بعدك حبيبي
كل دقيقه تمر في قلبي لهايب


الريم كانت يالسه حذال منصور .. واندمجت وياه وهو يغني.. عاد منصور ماشالله عليه صوته كان وايد حلو ..

الريم بدون ما تحس دمعت عينها..منصور انتبه صد صوبها

منصور: الريم بلاج ؟
الريم ع طول مسحت دمعتها وابتسمت : شو بلايه ؟
منصور: ليش عيونج دمعت ؟
الريم: هاا ؟ لالا ماشي بس تحرقنيه ..
منصور ابتسم : متأكده ؟
الريم هزت راسها بمعنى هيه ..

منصور ابتسم ومال قال شي لأنه حاس من زمان ان الريم مضايجه من شي

الريم : اممم عن اذنكم انا بسير حجرتيه ..
منصور: اذنج وياج .. ولا تضيجين بعمرج ..
الريم مبتسمه : ان شالله يالدادوه ..
منصور: ههههه إذا انا ودادوووه ..
الريم : ههههه هيه والله انت إلا عواله يابسه ..
منصور: هههههه خليني ساكت عنج احسن ..
الريم : رووعتني ههههه
منصور: هههه برع برع

واونه ينش يربع وراها والريم تربع وتضحك ع منصور..
منصور رد يلس مكانه وهو يحاتي الريم اخته !

عقب شوي كل حد راح يونه عنده شغل .. حد فالصناعيه وحد صوب ربعه وحد وحد .. تعرفون سوالف الشباب..





بيت بو عليا


أم عليا : والله انيه مستانسه لأن بناتي اليوم بيردن ..
بو عليا مبتسم : علنيه فداهن مكانهن خالي..
أم عليا: وأنا اشهد .. ربيه يردهن هن ورياييلهن بالسلامه ..
بو عليا: آآمين يارب..
أم عليا: بنسير نستقبلهم فالمطار ولا؟
بو عليا: لا يا أم عليا بيوصلون الساعه 3 الفير وين فيج تروحين ..
أم عليا: يآآالله يا بو عليا شورك وهداية الله .
بو عليا مبتسم : بارك الله فيج ..





عند هادف

هادف كان يتمشى فالحوي صوب الزراعه .. شوي إلا يرن تلفونه .. ع طول ابتسم ورد

هادف : مرحبا ملايين بشوق..
شوق: وبك زووود ..شحالك هادف؟
هادف: بخير وسهاله ربيه يعافيج . انتي شحالج شو صحتج ؟
شوق: الحمدلله مانشكي باس..
هادف: دوم ياربيه ..
شوق : آآمين .. ها عيبتكم اليلسه متى بتردون ههه ..
هادف: ههه ان شالله هالاسبوع ..
شوق: والله زين .. وشخبار الريم ؟
هأدف : آآخ ياشوق لا تتخبرين ..
شوق خافت : ليش شو استوى ؟

هادف يسمع امه تزقره كانت صوب الزراعه ..

هادف: ماستوى إلا الخير.. ان شالله عقب بخبرج..احين اميه تبغيني..
شوق: اوك عيل.. ولا تنسى أرقبك تدق تطمني..
هادف مبتسم : ان شالله .. يلا عيل فداعة الرب..
شوق : الرب حافظ ..



هادف ساير صوب أمه : ها يا إميه شو بغيتي؟
أم غيث: ماشي يا إميه يا غير الماي منقطع بيموت الزرع ..
هادف: ههه فديتج يالعيوز..احين بشووفه ..
أم غيث: عيز حيلك يالهرمم انا عيووز؟
هادف يبوس امه ع راسها : هههه علنيه فداج شيخة البنات انتي ..
أم غيث: هههه هيه توك ..
هادف : شو توي ؟
أم غيث: توك ريال ههه
هادف: هااا؟؟ عيل شو كنت .. أشهد إن فيها جبايل هاي ههههه ..
أم غيث: هههه سواد ويهك يالهرم .
هادف : علنيه فداج يلا بسير أشوف الماي..
ام غيث مبتسمه : سير بارك الله فيك ..

هادف سار وهو يضحك ع امه وسوالفها.. ربيه يحفظها لهم ..

سويسرا ..



غيث وفلاح وحريمهم فالمطار.. شوي وبتطير طيارتهم .. وايد كانوو مستانسين لانهم بيردون دارهم ..شوي إلأا يزقرون الركاب.. راحوا عربانا .. وطيارتهم طارت صوب الديار !! وكلهم شوق لو صولها بسلام ..



عربانا طول الدرب رقود .. إلا فلاح هب ياينه رقاد .. الاخ يالس ويشوف عليوه وهي راقده .. وابتسم ..


فلاح بدت تشتغل عنده الغلاسه .. ياب ورقه وتم يحركها ع ويه عليوه .. وعليوه كل شوي تجلب ويهها صوب تبغي ترقد حليلها ههه .. آآخر شي طفرت وفجت عيونها ..شافت فلاح يطالعها ويبتسم ..



عليوه مبتسمه : انت ماتخلي حد يرقد ؟..
فلاح يونه زعلان : شسوي حرمتيه مخلتني روحي وراقده ولا تعزم
عليوه : هههه علنيه فداك وشعنه مارقدت؟
فلاح : ههه مايانيه رقااد ..
عليوه : فديتك .. كم باجيلنا ونوصل.. ؟
فلاح : مابقى شي .. لو تدرون كم رقدتو انتوو هههه حشى هب بشر..
عليوه : ههههه اذكر ربك وقول ماشالله ..
فلاح : هههه جيه عينيه هب حاره ..
عليوه : هيه هب حاره إلا ضو هههه
فلاح مبوز :أفاا خلاص ماحبج

ويصد عنها يونه يطالع برع ..عليوه ترمسه : فلاح عااد ..
فلاح : ..................
عليوه : فلاح حبيبي.. انزين شوفني ..
فلاح :مابغي..
عليوه : أفا حبيبي ما تبغي تشوفني .. اوك خلاص..

فلاح تم ساكت ..وعليوه شوي وبتصيح ..



تمو ساكتين عقب شوي عليوه حطت راسها ع جتفه ولوت ع يدينه وتمت ساكته .
فلاح ما هانت عليه عليووه .. صد صوبها وشاف دمعه ع خدها .. !!
جااان يتلوم ..


فلاح يمسح دمعت عليوه : حياتي شفيج ؟
عليوه مبتسمه : ماشي حبيبي..
فلاح : وليش الدموع؟
عليوه وهي تطالع يدين فلاح : اممم ماتخيل حياتيه بدونك ..
فلاح ابتسم : فديتج غناتي..ان شالله بنتم طول العمر ويا بعض..
عليوه مبتسمه : آمين يارب..



عقب مده وصلو عربانا مطار دبي .. كانت الساعه 3 ونص.. لين ماخلصو الاجراءات وجيه .. قبضوا خط ع طول العين ماباتو فدبي..وصلوا عقب صلاة الفير..






بيت بو فلاح ..

فلاح وعليا توهم واصلين البيت .. أول ما دشو ماتوقعوا حد يكون فالصاله .. وتفاجئوا أول مادخلو ولقوا العايله كلها ترقبهم فالصاله ..

فلاح : ههههه أعوذ بالله
منصور : هههه شو شايف ينيتك ..
فلاح : هههههههه

فلاح ساير صوب أمه يسلم عليها : مرحبا الساع بأم فلاح..
أم فلاح : وبك مليار ياوليدي الحمدلله ع سلامتك..
فلاح : الله يسلمج يا إميه تولهت عليج ..
أم فلاح : واعليه عنك .. انا بعد متولهه عليك ..

أم فلاح تسلم ع عليوه .. الكل سلم ع فلاح وعليا .. عليا كانت وايد مستحيه من خوان فلاح .. حمدان ومنصور... اول مره تشوفهم .. بس لازم تتعود عليهم ..


أم فلاح : واعليه عنكم ياعياليه سيروا ارتاحوا..
فلاح:هب مشكله بنيلس وياكم ..
أم فلاح : لالا ياوليدي .. يلا اشوف سيروا وارتاحولكم شوي..
فلاح مبتسم: ان شالله يا إميه .. يلا عليا..عن اذنكم



فلاح وعليا راحوا فوق يرتاحون ..عليا أول مادشت القسم وايد استانست..

عليا : حبيبي والله ..ذوقك طرر ويقول هب شي..
فلاح : ههههه هب زوود..
عليا : ماشالله عليك .. وايد عينيه الاثاث والديكور ..
فلاح : فديتج والله تستاهلين ..

عليا وفلاح بدلو وراحوا يرتاحون شوي .. مستسلمين للرقاد




بيت بوغيث..


غيث وروضه دخلو ومالقو حد . . راحوا حجرتهم .. ودقوها رقده ..
ومن أصبح الصبح .. أسوم توها ناشه .. نزلت تحت لقت امها برويحاتها ..

اسوم سايره صوب امها تحبها ع راسها : صبحج الله بالخير يا ام غيث.
ام غيث: صبحج الرب بالنور والسرور يابنيتي..
أسوم : ها الوالده شو اصبحتي؟؟..
أم غيث: بخير ونعمه ..
أسوم : اميه ماوصلوو قم غيث..؟
أم غيث: الحمدلله وصلو .. شفت سيارة غيث خاري.. ياغير راحو يرتاحون بعدنا ماشفناهم ..
اسوم : بسير أصدعهم ههه متولهه عليهم ..
أم غيث: ههه لالا يا بنيتي خليهم يرتاحون .. متى ضاوين البارحه ..
اسوم : هههه عاد انا شو يصبرنيه ..
ام غيث مبتسمه: يصبرج ربج .. سيري وعي هادف .. معبرنه الرقاد ..
اسوم : هههه ان شالله ..




أسوم سارت توعي هادف .. دقت الباب ع طول فجه ..


أسوم مبطله عيونها ..

هادف مبتسم : بلآج ؟
أسوم : انت هادف؟
هادف: لا اسوم ههه بلاج؟
اسوم : لالا ماصدق.. كيف من اول دقه نشيت .. لالا في شي اكيد ..
هادف: ههه انا هب راقد عسب جيه ..
اسوم : هآآآ؟؟ وشعنه هب راقد لين احين..؟؟
هادف والسواد حول عيونه يتنهد : ماقدرت أرقد يا أسوم ..

دخل هادف حجرته واسوم دخلت وراه ..

اسوم تيلس حذال اخوها: هادف بلاك ؟
هادف: مابلاني شي..بس ماقدرت ارقد ..
اسوم : هادف انت صارلك فتره متضايج .. قولي شو بلاك لا اتم ساكت ومتعذب..
هادف : ولو رمست منوو بيسمعني وبيحس وكل شي ضاع من يدينيه ..
اسوم استغربت : وشو اللي ضاع من يدينك ..شو بلاك هادف؟
هادف : تعباان يالريم تعبااان !!
اسوم : هادف..أي ريم ؟


هادف طالعها وهو مستغرب هب مستوعب هو شو قال: منو ياب طاري الريم؟
اسوم : انت منو يعني ..شو سالفة الريم ؟؟..



هادف نش محررج وراح صوب الدريشه : اسوم قتلج ماشي خلاص..
اسوم:لا انا لازم اعرف.. انت لي متى بتم ساكت .. تجرح الريم وتقولها اكرهج ليش؟ هيه بشوو غلطت ..
هادف: الغلط راكبها من ساسها لراسها ..
اسوم محرجه : هاااادف!! الريم عمرها ماغلطت وياك ولا سوت شي يخليك تعاملها جذا..


هادف يضحك باستهزاء على حزن ع الم : ههههه مووول ما سوت .. بس أنا اللي مقهوور سنين يا اسوم سنين !!


اسوم طبعا الارسال داون هب مستوعبه شي : هادف انت شو تخربط .. ارمس سيده .. أي سنين واي قهر..؟؟؟



هادف: اسووووووم دخييييييييل والديج خلاص صكي ع السالفه مابغي أرد افجها .. خلاص..
أسوم: هادف !!
هادف: اسوم خلاص..
اسوم شوي وبتصيح : خلاص براحتك .. انا ظاهره ..

اسوم ظهرت عن هادف وفخاطرها الف سوال سوال تدور له ع اجابه !! هادف ع طول قفل ع عمره الحجره وغرق بحزنه لي عمره ما نساه !!




بيت بو هزاع

مرن يومين من ردت فلاح و غيث من السفر .. هزاع محتشر يبغي يعرف ردهم..

هزاع : إميه ماردوا عليكم ؟
أم هزاع : لا ياوليدي ولدهم توه من يومين واصل..
بو هزاع : ماعليه ياوليدي انا اليوم بدق حق فلاح وبنشده ..
هزاع : يعيش ابوووي ههههه
حور : ثرك إلا حفزان ع العرس هههههههه
هزاع : هههه انتي مايخصج خليني ههه
حصوه : هجاع انت بتييبلنا عرووثه ؟
هزاع : هيه بييبلكم عرووثه حلووه وايد ..
حصوه : هي هي انا وايد فرحانه هههه
هزاع : هههه فديتج انا..

بو هزاع : بشوف فلاح انا ..



بوهزاع دق حق فلاح وتخبره .. فلاح قالهم بيرد عليهم الليله لانهم وايد تأخروا ..

فلاح من بند عن بو هزاع سار صوب أمه ..

فلاح يدق باب حجرة أمه ..

أم فلاح : قربوو ..
فلاح : جريب يا اميه .. ازعجتج ؟
أ م فلاح : لا ازعجتنيه ولا شياته.. تعال ياوليدي..
فلاح مبتسم : اميه بو هزاع توه داق.. الصراحه وايد تأخرنا عليهم..
ام فلاح : هيه يا وليدي ترانا نرقبك ترد ..
فلاح : انزين ما نشدتي الريم ؟؟.. انا قتله اني برد عليه الليله ..
أم فلاح : زين سويت .. والله الريم ماقالت شي كنا نرقبك .. انت سير احين وشوفها..
فلاح : زين عيل يا اميه انا ساير صوب الريم ..
ام فلاح : الله وياك يا وليدي..





فلاح ظهر عن أمه ساير صوب الريم ..دش عندها


فلاح : اممم الريم ..
الريم حست ان السالفه فيها هزاع : آمر ياخوي؟
فلاح : مايامر عليج عدو ولا ظالم .. اممم الجماعه دقوا اليوم يتخبرونا عن رايج .. نحن وايد تأخرنا عليهم ..


الريم ساكته ما قالت شي..

فلاح : فكرتي بالموضوع .. قررتي ولا بعدج ؟ .. الريم اذا انتي ما تبين الريال قولي.. صدقينيه محد بيغصبج ع شي ما تبينه ..واذا مرتاحه لهالزواج خبرينا عسب نرد ع العرب ..

الريم ساكته .. هب قادره ترمس..هب قادره تنسى هادف .. هب قادره تتصور انها تعيش ويا واحد غيره .. آآآخ ياهادف .. آآآآآخ ليتك تحس فيني ليت !!


الريم تهز راسها بمعنى لا ودموعها تتراقص بعيونها!!..

فلاح منصدم : ماتبينه ؟!!!

الريم : لا .. لا يا فلاح .. أنا..أنا أبغيه ..
فلاح استانس: أكيد ..؟
الريم مبتسمه : هيه اكيد ..
فلاح : علنيه فداج .. ربيه يسعدج ان شالله ..
الريم : اممم بس!!
فلاح : بس شوو؟
الريم : مابغي اسوي حفله ..
فلاح : أفا ليش؟

الريم : بس جيه فلاح مابغي..خل الحفله عائليه ..
فلاح مبتسم : خير ان شالله .. انا احين بخبر اميه وبرد ع الجماعه ..

الريم مبتسمه وما قالت شي..

فلاح ظهر عن الريم وخبر أمه .. ورد ع الجماعه .. هزاع وهله وايد استانسو .. واستغربوا انها ما تبا حفله عوده .. بس ما عارضوا الفكره ان الملجه تكون أهليه ..وحددوا الملجه الخميس هالاسبوع .. !! فلاح خبر الريم انهم ما عارضوا وان الملجه بتكون هالخميس!!



الريم من ظهر عنها فلاح قفلت ع عمرها باب ويلست تصيح .. آآآخ خلاص يا هادف انت انتهيت وحبي انتهى !! آآخ يا دنيا آآآخ !! ياما تمنيت أشوف فيج فرح ولا لقيته !! حتى الانسان لي أحبه حرمتينيه منه !! هادف .. هادف اللي أنا حبيته يمكن فيوم يكون لغيري!! لالا مستحيل .. هادف لي ..!! ليييييش لييييييش انرحم منه ليش؟


الريم يلست تصيح وهب قادره تنسى هادف !!
نشت وتمسحت وصلت لها ركعتين ويلست تقرأ قرآن لي ما هدت !!
آآخ خلاص.. هذا القدر ولازم أرضى به !! وكلن فالدنيا له نصيبه ..

ما عاد باقي ل ] دقة القلب [حاجه
..!مدام .. اللي نعشقه .. فيه ماحس
خلَّه يموت القلب ما أبي علاجه
يمكن
بعد فرقاي..{ يستوعِب }..الدرس

"

"


العايله كلها مستانسه إن الريم بتملج .. الريم خذت لها فستان هادي حق الملجه .. وجهزت عمرها وخلصت بسرعه .. ماكان لها بارض تيلس تتنقى !! محد كان حاس بالريم إلا أسوم !! اللي ما خلت الريم ولا دقيقه ..



باجر ملجة هزاع والريم .. قلوب فرحانه وقلوب تموت !!





عند هادف..

هادف قافل ع عمره الحجره ومنهار !! خلاص هب قادر يتحمل !! هب قادر يستوعب إن باجر ملجة الريم !! لآ لآ !! الريم مستحيل تكون لغيري !!

بس لحظه !!


هزاع !! هزاع مول هب غريب عليه !!
هادف تذكر إن هزاع هو نفسه الريال اللي شافه فالمستشفى ويا الريم !!

معقوله !! معقوله هزاع يطلع حبيب الريم !!

لآآآآ لآآآآ مستحيل !!



هادف ماعرف شو استواله !! ظهر من حجرته مسرع حاط سفرته ع جتفه . يربع صوب سيارته ..ركبها وشخطها ع طول !!

هادف مسررع !! هب مصدق !! أنااا كيف ما انتبهت كيف؟؟!!
هادف يبطل معاقم كندووورته حاس إنه هب قادر يتنفس !! دمووعه ع خده !! خلاص يالريم انتي انتهيتي من حياتي انتهيتي !!



هادف بدون أي تفكير .. راح وحجز سفره للندن باجر الساعه 10 الفليل!! بغى اليوم بس مالقى !! هادف انهار فعلا!! يتصرف تصرفات مول ما يتصرفها عاقل!! هب حاس بولاشي!! ودموعه خرست كندوورته !! مايعرف شو استواله !!



هادف يدق حق غيث : مرحبا..
غيث: مراحب.. شحالك ..؟
هادف: الحمدلله ..غيث!!
غيث: لبيه ؟
هادف:غيث انا باجر مسافر الساعه 10 الفليل..
غيث: شووووووه؟؟ نسيت ان ملجة بنت خالك باجر..
هادف: ادري ادري بس انا لازم اسافر ربيعيه هناك تعبان .. قدرو ظرفي ياخي..
غيث: انزين بلاك محرج ..خلاص عيل يوم جيه السالفه مرخصينك ..
هادف: سلمت..فداعة الله ..


هادف سكر عن غيث بدون ما ينتظر أي رد منه .. ومن بند عن غيث دق حق حمدان وخبره !! حمداان انصدم ماعرف شيقوله .. لكن هادف أقنع حمدان شرى ما اقنع غيث.. واقنع هله !!

لكن حمدان الوحيد اللي كان حاس إن سفرة حمدان لها علاقة بالملجه بس ماعرف شقايل يواجه هادف !!




يوم الخميس [ ملجة هزاع @ الريم ]

الكل مستانس اليوم .. وخاصتن ام فلاح .. مستانسه لشوفة بنتها الوحيده عروس!!

طبعا الملجه ماكان حاضرنها غير الريم وخوانها وعيال عمتها وبوهزاع وعياله ..وبوعليا وحرمته..

توه مأذن المغرب !! واللي كان بيملج هو بو عليا لانه مليج!!

تواعدوا وياه انهم يملجون عقب صلاة المغرب..

الريم يابت وحده تعدلها ع الخفيف !! ولبست فستانها لي اشترته للملجه .. كان لونه ذهبي ووايد كيوت .. بس الريم ماشالله عليها طالعه غرام ..



الريم من درت إن هادف بيسافر وايد حز فخاطرها !! خلاص الريم بدت تفقد اعصابها واسوم حاولت تهديها !! الريم تمت مبتسمه !! تبين للكل إن اليوم يوم فرحها !! وهي تدري إن اليوم موتها !!


مابقى للملجه غير ساعه والكل مرتبش!!


هادف سلم ع هله وراح عسب يلحق ع الطياره .. لان فمطار دبي ووراه درب..!!



هادف يسرع !! كان يحاول يشرد من هالواقع المر ! يشرد ما يبغي يشووف واحد غيره ياخذ الريم منه ويقرب منها !! مايبغي يشوفهم وهم يهنوون غيره بالريم !! هادف يسرع ودمووعه فعينه !! دموعه اللي خانته وماقدر يحبسها اليوم .. !! الحزن شيد فداخله بيووت وبيوووت !!هااادف يسرررع راحل .. هارب من دنيا الريم وأحزانه !!



فرصه سعيده وافترقنا على خير !!
كنت أتمنى تكون قسمة حياتي !!
هذا نصيبي ولي جنته المقادير!!
تبعد وانا أبعد في سكون وسكاتي!!

حاولت أداري وأملك الحب لا يطير !!
لكن جروحه بالصدر دامياتي!!
دون السبب ماتت جميع المعاذير !!
لا حول يا حب غدى بالشتاتي !!

حب(ن) يتيم ذوبته التفاكير !!
ماتت غصونه وانتهى بالفواتي !!
والله لو يشكي الجفن من التعاسير!!
لا كان يشكي دمع جرح شفاتي !!


البارت _27_



هادف يسرع !! كان يحاول يشرد من هالواقع المر ! يشرد ما يبغي يشووف واحد غيره ياخذ الريم منه ويقرب منها !! مايبغي يشوفهم وهم يهنوون غيره بالريم !! هادف يسرع ودمووعه فعينه !! دموعه اللي خانته وماقدر يحبسها اليوم .. !! الحزن شيد فداخله بيووت وبيوووت !! راحل .. هارب من دنيا الريم وأحزانه !!


فرصه سعيده وافترقنا على خير !!
كنت أتمنى تكون قسمة حياتي !!
هذا نصيبي ولي جنته المقادير!!
تبعد وانا أبعد في سكون وسكاتي!!

حاولت أداري وأملك الحب لا يطير !!
لكن جروحه بالصدر دامياتي!!
دون السبب ماتت جميع المعاذير !!
لا حول يا حب غدى بالشتاتي !!

حب(ن) يتيم ذوبته التفاكير !!
ماتت غصونه وانتهى بالفواتي !!
والله لو يشكي الجفن من التعاسير!!
لا كان يشكي دمع جرح شفاتي !!



هادف وهو يمشي واصل الهير !! يتذكر الايام اللي كان يحب فيها الريم !! أحلامه ويا الريم .. مستقبله لي رسمه لجل يعيشه ويا الريم !! يلس يتذكر المهر لي كان إيمعه من عرق يبينه كمهر للريم وبس !! تذكر الدبله لي اشتراها أول ما خلصت الريم من الثنويه العامه .. وخشها عنده كبدايه لمستقبله ويالريم !! هادف ظهر الدبله من سدة سيارته ويلس يطالعها ودمعت عينه !!




معقوله !! معقوله كل اللي بنيته ينهدم في يوم !! معقوله الريم تكون لغيري !! لا !! لا مستحيل !! الريم مستحيل تكون لغيري !! ما اتحمل إن الريم تكون لغيري!! مستحيل مستحييييييل أضيع حب سنين وسنين بنيته !!




هادف ع طول ضرب بريك .. ورد ريوس مسرررع صوب العين !! هادف يسرع يبغي يلحق عليهم !! مستحيل الريم تكون لغيري !! مستحيييييل تاخذ الحب لي بنيته يا هزاع !






بيت بو فلاح



الرياييل توهم رادين من الصلاه !! يالسين في الميالس يرقبون بو عليا إيي عسب يملج .. وعند الحريم ربشه !! والريم فوق محد يدري بحالها غير الله ..وربيعتها اسوم اللي ماقدرت تخليها وماتوقف وياها !!



أم فلاح دشت تشوف بنتها ..



أم فلاح : ها يا اميه شحالج ؟
الريم مبتسمه بحزن : الحمدلله يا إميه ..
أم فلاح : فيج شي يا بنيتي ؟
الريم مبتسمه : لا يا إميه مافيني شي ..
أم فلاح : علنيه فداج يا بنيتي .. جهزي عمرج ترى المليج أحين بيوصل..
الريم وحاسه عمرها خلاص مخنوقه : أن شالله ..



ظهرت أم فلاح .. والريم خلاص حاسه بغصه .. اسوم يلست حذالها ..





اسوم: الريم حبيبتي خلج قوويه .. وإذا حاسه عمرج مب مقتنعه بهالشي خبريهم قبل لا يملجون ..

الريم حطت يدينها ع ويهها ودمعت عيونها !! مهما حاولت تخش دموعها وتحبسهن بس هب قادره !!


اسوم : الريم حبيبتي لا تعذبين عمرج واليوم ملجتج ..
الريم بحزن: أسوم انا ماقدر انسى هادف ماقدر !! قبل حاولت اني اقنع نفسي.. مادري أقص ع عمريه إني بقدر أعيش من دونه.. لكن احين وهاللحظات بالضبط احس إني بمووت اسوم بموووت .بمووووت.



اسوم تلوي ع الريم : خلاص يالريم هدي.. ربيه يهدي سرج ان شالله ويريح بالج ..






عند هـــادف


هادف خطف ع البنك سحب الفلوس لي يمعهن مهر للريم وركب سيارته بسرعه !! هادف كان واايد مسرع .... فجأه بنجرن توايره وهو قرب فلي هزاع !! بس الحمدلله ما ستوى شي.. نزل هادف يشوف السياره !! يا يباا يتصرف حس إنه بيطول لين ما يركب السبير!
أففففف ها وقتج !!



هادف شات السياره بقوو من قهره .. يدور تكسي هب لاقي !! افف خلاص انا جريب من البيت بسير أربع !!



هادف يربع بأسرع ماعنده !! حاس عمره ميهود هب قادر يكمل .. خلاص يا هادف اتحمل !! مابقى شي !! ما بقى شي يا هادف !!


شوي إلا يلاقي تكسي وهو جريب من البيت !!
ركب وع طوول صوب بيت خاله !!







عند الريــــــاييـــــــل (بيت بو فلاح )



المليج توه واصل .. دخل سلم عليهم وعقب يو بيملجون !!

المليج : المعرس ايي عنديه والشهود ..


هزاع سار صوب المليج .. والشهود وياه ..

المليج طلب منهم بطاقاتهم وجيه ..



فلاح : حمدان سير صوب إميه وقولها تخبر الريم إن المليج احين بيي..
حمدان : اوك يلا. .احين بسير..



حمدان توه ظاهر من الميلس إلا يشوف ريال ياي يربع داخل الفيلا !!
حمدان استغرب .. منو هالريال !!



شوي إلا الريال يقترب !! ماكان كان لابس سفره .. شعره شوي طويل ومتببل!! ويهه امبين عليه التعب !! كندوورته البيضا كاسنها السواد !!





حمدان مستغرب : هآآآآآآآدف!!!



هادف وصل عند حمدان .. يحاول يلقط انفاسه .. خلاص هب قادر يتحمل !!

حمدان بخووف: هادف ..انت ماسافرت ؟ شو اللي صاير فيك من وين ياي!!


هادف وعينه غرقانه بدموع مسجونه : حمداان انا من متى ساكت بس حمدان انا اليوم ماقدر!!ماااقدر


حمدان : هادف انت شتقول ..شو فيك؟
هادف : الريـــم !! الريم بنت خالي !! وانا من صغير أبغيها يا حمدان !! ها المهر لي يمعته سنين !! وهالدبله لي حفظتها أمانه !!حمدااان أنا أبغي الريم


وبهالوقت هزاع كان ظاهر اييب هويته من السياره !! وسمع الكلام لي قاله هادف !!



حمدان فاج عييووونه: شووه ؟ وليش مارمست يا هادف ليش؟ والله اني كنت حاس بهالشي..بس احين شو نقدر نسوي !! مابيدنا شي..!!مابيدنا شي يا هادف


هادف يلس ع اركبه وضرب بيده الارض بقهر!!ونزلت دمعته قهرر


هزاع ياي صوبهم مبتسم : لا يا حمدان ..بيدنا أشيا وأشياء..


هادف ع طول رفع راسه ويطالع هزاع منصدم !!
حمدان ع طول صد صوب هزاع : هزآآآع!!!

هزاع سار صوب هادف ومد له ايده عسب ينش ..
هادف تم يطالع هزاع وهو مستغرب!!



هزاع مبتسم: هادف بتم ماد يديني وايد ؟

هادف بعده يطالع هزاع .. مد له يدينه ونش..!!



هزاع : هادف انت تبغي الريم ؟
هادف: انت قلبك كبير .. تستاهل الريم يا هزاع !! أحس إني أناني!! ماستاهلها خلاص !!خلاص!!


هزاع : سئلتك تبغي الريم ؟
هادف وقلبه يتقطع : هيه نعم يا هزاع !!



هزاع : هادف انت تستاهل الريم !! وموقفك ها عمري ما بنساه !! انت ضحيت بكل شي عشان الريم !! واللي سويته من طيب معدنك ياخوي وما سواه حد غيرك !! وفي ذمتيه الشور احين يوصل عند فلاح والريم !! ومن نشوف الرضا بعيونهم !! صدقني محد ياخذ الريم غيرك !!
الريم انا يوم اني خذتها لأن اميه اختارتليه اياها والبنيه ماتنعاب !! وامرره مرخصنها لك !!



هادف يطالع هزاع وهب مصدق !! بس !! الريم مستحيل توافق عليه عقب ما جرحتها هالجرح الكبير !!مابتواافق



هزاع يرمس حمدان : حمدان ازقر ابويه وفلاح وغيث..


حمدان هب عارف شيقول .. راح ع طول وزقر بوهزاع وفلاح وغيث..



الرياييل يو وهم مستغربين !! هزاع فهمهم السالفه بإسلوبه !!


بوهزاع : في ذمتيه انك تستاهل الريم يا هادف..ولا انت شرايك يا فلاح؟

فلاح : الصراحه يا عمي اللي سواه هادف هب شويه !! وهادف ريال والنعم فيه !! بس نحن عطيناكم كلمه !!

هزاع : هيه يا فلاح .. لكن انا اليوم اقولك مرخصنكم .. في ذمتيه ماوديه اليوم اظهر إلا وهادف مالج ع الريم ..


هادف مبتسم راح ويلوي ع هزاع : صدق من قال الحي يبغي ربعة الحي .. عز الله اني أفتخر في مخوتك يا هزاع ..

غيث: ربيه يكتب اللي فيه الخير ان شالله ..

فلاح : عيل انا ساير صوب الوالده اشوف رايهم ..

بوهزاع : خير البر عاجله ياوليدي..



فلاح راح وخبر أمه بالسالفه وبوهزاع فهم حرمته .. أم فلاح استغربت من هالشي.. لكن عقب تفهمت الوضع وام غيث بعد .. والريم واسوم فوق ما يدرون بشي!!



فلاح: عيل انا بسير ارمس الريم !
ام فلاح مبتسمه : زين ما تسوي ياوليدي..



فلاح راح وزقر الريم حجرته ..



الرريم تتحرى زاقرنها عسب يملجون!! راحت وخطواتها متثاقله والالم يعصرها !!
الريم دخلت .. فلاح ابتسم وقالها تيلس ..

فلاح : شخبار العروس ؟
الريم مستحيه : الحمدلله ..
فلاح : امممم موافقه ع المعرس؟

الريم سكتت ما قالت شي ..

فلاح : ها موافقه ؟
الريم والغصه تذبحها: هيه نعم ياخوي..
فلاح : انزين موافقه ع أي واحد فيهم ؟



الريم تطالع فلاح وهي مستغربه .. ها شو يقول : بلاك تتمصخر..؟؟؟
فلاح : هههه والله ما اتمصخر..
الريم فجت عينها : هآآآ؟؟؟
فلاح : الريم هادف خطبج ..موافقه عليه ؟



الريم هب مصدقه .. تطالع فلاح وحاسه انها تحلم ... حاسه ان اخوها يقص عليها .. كيف يعني هادف بيخطبني وهو يكرهني.. كيف وهادف مسافر؟ كيف كيف؟



فلاح : الريم يلا الرياييل يرقبون ..
الريم : فلاح انت شو تقول انا هب مستوعبه ..
فلاح مبتسم : الريم انا مقدر موقفج .. واللي صار الصراحه غريب !! بس هادف أثبت بصدق إنه يبغيج !! الريم هادف كان بيسافر اليوم !! لكن رد لانه يبغيج !! رد والمهر والشبكه بيده يالريم !! واذا تبين رايي الريال ما ينعاب !! وانا ما قولج وافقي ع هادف !! انا أخيرج بين هادف وهزاع وكلهم رياييل والنعم فيهم !!


الريم استغربت من رمسة فلاح .. هادف ليش سوى هالشي اذا هو يكرهني ؟ بس لا!! انا كيف اوافق عليه عقب ماجرحنيه كيف!!


فلاح : الريم خلاص انا حاس فيج .. اليوم بقولهم ما يملجون ويأجلون الملجه لجل تفكرين !! عن اذنج الريم ..


فلاح ظاهر .. الريم فجأه زقرته : فلاح !!
فلاح : آمري..
الريم وهي منزله راسها : أانا !!
فلاح ابتسم : انتي شو؟
الريم :انا موافقه ع هــــــــادف !!
فلاح وايد استانس سار ولوى ع الريم : ربيه يسعدج يالريم ..



فلاح ظهر صوب الرياييل يبشرهم .. والريم واقفه مكانها هب مصدقه !! كيف كل شي انجلب مره وحده !! لحظه انا كيف وافقت ع هادف !!
الريم حاسه انه كل شي متلخبط خلاص !!

أم فلاح وام غيث وام هزاع يدخلن وهن يزغرطن : كلووووووولووووووش ...



الريم تفاجءت تمت تطالعهم وفاجت عيونها هب مستوعيه شي.. اليوم الريم محد يرمسها موول !!

اسوم يت وتلوي ع الريم وصاحت .. لان اسوم الوحيده لي كانت تعيش ويا الريم فرحها وحزنها !!

هادف كان وايد مستانس والشباب كلهم بعد !! ولو ان الملجه غريبه !! هههه بس المهم ان الكل مستانس !!



عربانا ملجوو وخلصوو !!

الشباب يسلموون ع هادف ويباركوله ...



هزاع : مبروووك يا هادف..
هادف: الله يبارك فحياتك ياخوي.. عمريه مابنسالك هالموقف..
هزاع مبتسم : افا عليك بس نحن خواان .. لا تخليني اسدحك احين واخيس كندورتك صح يالمعرس ههههههه
هادف توه انتبه يطالع كندورته وشكله : ههههههههههههههههههه أحلى معرس وربي..

فلاح : هههههههه أقول يالمعرس يلا إدخل سلم ع الحرمه .. ولبسها الدبله ..
حمدان : هههههههههه وين جيه ؟؟

هادف: أغبر أقشر وين ادش ههههه لالا مابدش..

غيث: ههههههه عيل هاي سواه تسويها .. والله بتدش جذا..

الشباب ناقعيين ضحك ههههههههههههههههههههههه




الريم نزلت وكانت وايد حلوه .. قالولها ان هادف بيدخل ..


وقبل لايدخل اسوم راحت يوونه بتباركله .. أول ما شافته : ووووووووووووووووووووككك

هادف : ههههههههه لا تضحكين ..كله من اخوج حلف عليه ما أبدل ههه ..
اسوم : دخيلك هادف بييب الكيمره ..وبخبر الريم عسب ما تنصدم ..هههه..
هادف: ههههههه غربلاتج ..اوك..



اسوم راحت وخبرت الريم .. والريم نقعت ضحك .. شوي إلا المعرس داخل ..
الحريم تمن يطالعنه ومستغربات .. طبعن بس حريم العايله ام غيث وام عليا وام هزاع والبنات .. هههه وهن عارفات السالفه ..



الريم أول ما طالعت هادف وهو داش يتها ضحكه وما قدرت تخشها جان تحط يدينها ع ثمها .. هادف يقترب !! أول ما اقترب هادف !! الريم حست بخوف !! يلستت تتذكر كل المواقف اللي صارت امبينهم !! الريم كانت مستانسه انه استوت حرمة الريال لي حبته !! ولكن فداخلها حاسه بألم كبير !! وجرح غاير ما تعرف وين بيوصلها !! الريم ماتعرف هي كيف وافقت ع هادف !! اول ما اقترب منها حست بألم .. ماتبا تطالع عيونه .. ما تباه يقترب منها !!



وهادف نفس الشي!! يقترب وكل ما يقترب يتذكر كلمات الريم !! كلماتها اللي لي احين تتردد فخاطره !! أحبه أحبه !! صوتها وهي تصيح !! هادف انت تشك فيني ؟ الكف لي انطبع ع خده !! يتذكر كل شي وهو ساير صوبها !! حاس بألم أكبر !! يمشي وبعيونه نظرة حب !! تتخللها جراح وآلام سنين !!




هادف سلم ع الريم من بعيد !! ماقدر يبوسها ع راسها .. ولا حتى يمد يدينه ويسلم !! والريم نفس الشي هب قادره !!



الكل مستانس !! ولحدن داري بعذاب هالقلبين وبنفس الوقت فرحتهم اللي ما بين المد والجزر !!



هادف لبس الريم الدبله وهي بعد لبسته !! وكانت يدينها وايد ترجف والكل لاحظ .. واسوم النذله تصور يدين الريم وهي ترجف بالفيديو .. وتصوور كندوورة هادف من فوق لتحت !! هههه .. وهادف يهددبابيده .. ماعليه ماعليه ههه ...



الملجه انتهت ع خير !! كانت أغرب ملجه تصير فالعايله !! عقب ظهروا المعاريس في الميلس رواحهم ..!




هادف كان يرقب الريم روحه فالميلس.. دخل حمدان ووياه الريم ..

حمدان : ها المعرس شو الهبه ؟ هههه
هادف: ههه عال العال ..
حمدان : انزين هاك حرمتك .. 5 دقايق بالضبط فاهم ..
هادف: ههههه وايد تصدق..
حمدان : اتحرى بعد ههههههههه ..يلا عن اذنكم ..
هادف : اذنك معاك ..



حمدان ظهر .. والريم تمت واقفه مكانها وهادف يالس فمكانه ما تحرك!!
تمو جيه ساكتين ولا واحد فيهم رمس!!



هادف يبغي يرمسها يبغي يشوفها هب قادر .. فجأه رفع عينه .. وشافها منزله راسها تحت بس كانت وايد حلووه.. هادف اول مره يدقق فملامحها جيه .. ابتسم هادف ويلس يطالعها وهي هب حاسه !!



هادف: اممم بتمين واقفه ؟
الريم تمت ساكته ..ماتعرف شتقول!!
هادف: مبرووك يالريم ..
الريم بالزور ترمس: الله يبارك فحياتك..

هادف استانس وايد سمع صوتها آآخ ..

هادف: اممم يلسي هب حلوه وقفتج جيه ..
الريم : آسفه ..

يلست بس بعيد شوي عنه ..


هادف: اممم خايفه مني شوه ؟



الريم فقط ويهها وتمت ساكته ..الريم ايدها كانت وايد ترجف وهادف لاحظ هالشي !!
وبدون ما يحس حط يدينه ع يدين الريم !! الريم استغربت ع طول صدت صوبه !! ويت عينها بعينه !! استحت ع طول نزلت راسها ! تحاول تسحب يدينها بس هو ميودنها حيل !!



هادف: ليش ترجفين؟

الريم تهز راسها بمعنى ماشي..

هادف تم ساكت وهو حاط يدينه ع يدينها . . والريم بعد ..



الريم : هادف!!
هادف:لبيــــــه !!
الريم : انت لي سويت جيه ؟
هادف : شو سويت ؟
الريم: انت .. انت قلتلي انك تكرهني واليوم !!
هادف فهم : تبيني اخليلج كل شي بارد مبرد ..
الريم :شوقصدك؟
هادف يطالعها بنظرة تحدي: انتي فاهمه شقصد زين ..

الريم سحبت يدينها عن ايد هادف ونشت تبغي تظهر !! ليش جيه يرمسنيه ليش؟؟ آآخ


هادف نش ويود يدينها بقو ولفها صوبه ..
الريم ودمعها فعينها: آآي عورتني .. هدني..


هادف يطالع الريم بعين وهي تبادله النظره نفسها !! نظرة تحدي وكبرياء !! تحاول تخفي فيها دموعها !!



هادف: ابغيج تفهمين شي واحد .. بتندمين !!
الريم : اندم ع شو .. انا شسويت لك شسويت شسويييت قول؟



هادف رص ع يدينها و نزلها بقو ..الريم حست بألم فيدينها.. ماقدرت تتحمل هالالم ..خلاص دمعتها بتنزل يدينها وايد تعورها !!


هادف حس إن رقع يدينها بقوو .. وشاف ملامح الريم انها تألمت !! تلوم ماعرف شيسوي..


الريم ع طول شلت عمرها وظهرت تربع بدون محد يشوفها.. دخلت حجرتها وتمت تصيح من الخاطر !! وايدينها كانت وايد تعورها .. تحس هب قادره تحركها !!




الريم راحت بدلت وهي منقهره وحاسه بألم .. راحت تبغي ترقد بس ما قدرت .. غير حزنها ع تصرف هادف وياها .. يدينها وايد كانت تعورها..


هادف ترخص من فلاح انه يرمس الريم بالتلفون !! هب لانه عيب يرمسها ولكن احتراما لهلها!!


عقبها ظهر عنهم وراح البيت !! آآخ يالريم أخيرا صرتي لي !! لي أنا وبس !! بس ..بس ليش انا هب قادر اواجهها ليش؟؟ آآآخ ..آسف يالريم ع معاملتيه وياج لكن غصبن عني غصبن عني يالريم !!




هادف دخل حجرته .. عقب ما اتسبح وخلص..ظهر حط راسه بيرقد .. ماقدر!!يبغي يعتذر من الريم .. يرمسها..يرضي خاطرها بس كبرياءه منعه عن هالشي.. عق تلفونه ع ينب ورقد!! وهب داري بالريم اللي مارقدت من ألمها !!






بيت بو فلاح

الساعه 10 الكل كان تحت في الصاله .. فلاح وحرمته وحمدان ومنصور وأمهم !! إلا الريم ما نزلت لي أحين !




أم فلاح : وينها الريم لي احين راقده ؟
حمدان : هيه يا اميه شكلها راقده ..
أم فلاح :واعليه عنها شكلها تعبت البارحه .,
فلاح : هيه والله .. عاد يسد اللي صار..الصراحه شي غريب صدق !!
حمدان : هيه والله ..أصلن انا امبوني كنت حاس انه هادف يبغي الريم..
منصور : يالدعله وشعنه مارمست هههه ..
حمدان : لاني ماكنت متأكد ..ويوم ان فلاح سئلهم إذا مرخصينها كلهم رخصوها .. حتى هادف..فما توقعت انه يباها بس ساكت..
فلاح : يلا ..المهم ان شالله ربي يوفجهم..
ام فلاح : آمين يآرب..ربيه يسعدهم ان شالله..



يلسو الاهل سوالف وضحك والريم لي احين ما نزلت ..



أم فلاح : يا عياليه واحد فيكم يسير يشوف الريم لا يكون تعبانه ولا شي...قلبيه يعورنيه ..
عليا: انا بسير عموه ..
ام فلاح :سيري بارك الله فيج ..



عليا راحت وتمت تدق الباب والريم ماتفج .. عليا :الريم ..الريم راقده؟
الريم فجأه رمست: لا عليوه دشي..

عليوه دشت وشافت الريم يالسه ع الشبريه ولاويه ع يدينها..
والسواد حول عيونها من التعب ..



عليوه :بسم الله عليج ريموه شفيج؟
الريم مبتسمه :لا مافيني شي.. بس أرق ماقدرت ارقد ...
عليوه : فديتج .. انزين جان نزلتي تتريقين ..
الريم:لآلا مالي خاطر ..


عليا نشت اونها بتقوم الريم ويودتها من ذراعها : يلا نشي نشي خل عنج الدلع..
الريم تألمت : آآآآآي..

عليا فجت يدين الريم بسرعه تروعت : بلاج ريموه..عورتج؟
الريم : لالا بس يدينيه تعورنيه شوي..
عليا: من شوو ؟
الريم : ماشي جيه بس..!!
عليا: انزين اقول حق فلاح يوديج المستشفى..؟؟
الريم:لالا ما يسوى..شوي وبتخف..
عليا : لالا ماشي ..
الريم : والله ما تقوليله برايها..
عليا: اف منج عنيده .. انزين يلا نزلي تريقي..
الريم: والله مالي خاطر..
عليا : هب كيفج انا سايره اييبلج الريوق..
الريم : لالالالا خلاص انا بنزل..عقب اميه بتحاتي..
عليا: ما تيين الا بالعين الحمره ..يلا جدامي..
الريم: ههههه وياويهج ..
عليا: هههههه تتمنينه ..



الريم وعليا نزلن تحت وكانن يسولفن ويضحكن ..



الريم : صبحكم الله بالخير..
الكل:صبحج الله بالنور والسرور...



الريم سلمت ع امها وخوانها ويلست ..عقب عليوووه طفرتها وراحت تتريق وردت يلست وياهم ..


فجأه الريم يودت يدينها وغمضت عيونها ,, تحس الالم زاد .. !!

عليووه : ريموه زاد عليج؟
الريم : لالا عادي عادي .. آآآآآآآي..

فلاح :الريم شفيج ؟

الريم صاحت ماقدرت تتحمل الالم ..

أم فلاح : واعليه عنج يا بنيتي شو بلاج ؟
عليا: عموه يدينها من الصبح تقول تعورها والله يهديها حلفت عليه ماقولكم يونه بتخف..
فلاح : عليا سيري ييبي سويجي بسرعه..

حمدان : انا سيارتيه مشغله خلاص بوديها..يالله الريم..

عليوه راحت تييب عباة الريم .. وحمدان شلها وراحو المستشفى..







عند هـــــــادف ..

هادف كان توه طالع فوق رايح حجرته .. كان قلبه يعوره ما يعرف ليش.. قال بدق حق الريم .. لالا ما بدقلها خلها جيه .. انا براويج يالريم ..!!


هادف يلس ع اللآب وعقب ماقدر يتحمل... اووف بطرشلها مسج..

طرشلها :

[ مرحبا شحالج الشيخه ؟ ]



هادف تريا شوي وماردت .. قال بيتريا بعد .. تم يتريا ربع ساعه وماردت ,, هادف خلاص ماقدر يتحمل تم يحاتي الريم .. راح ودق ع طول ..هادف يدق ويدق والريم ماترد ..هني ماعرف شيسوي.. حرررج خلآص..


راح صوب اسوم يبغيها تدق لقاها راقده ..وعاها وماطاعت تنش.. ظهر وهو محرررج ..

فج اللآب ويلس عليه يضيع وقت .. وكل شوي يطالع الفون !!







عند الريـــم

الدكتور يفحص الريم ..

الدكتور: يا ريم انتي وقعتي ع ايديكي ولا ضربتيها ع حاجه بقوه ؟
الريم ارتبكت : ها؟؟ لالا ماشي منه ..
الدكتور: متــأكده ؟
الريم : هيه صح وانا طالعه الدري تخرطفت وطحت ع يديني .. بس الضربه هب قويه ..
الدكتور : أيووا .. طيب أنا دي الوقت هلفها ليكي .. لأنوو عندك فدع فمفاصل رسغ ايديكي..
حمدان :آها..الحمدلله يعني هب كسر..
الدكتور : أيوا مش كسر الحمدلله ..

الدكتور لف إيد الريم ووصفلهم الدوا..خذوه وراحو البيت ..






بيت بو فلاح

الريم وفلاح توهم واصلين .. أم فلاح يايه صوبهم ..

ام فلاح : وااعليه عنج يا بنيتي ..شقالولج.؟؟
الريم مبتسمه : فديتج لا تخافين ..قالوا عنديه فدع فيدينيه..
ام فلاح : علنيه فداج ..انتبهي ع عمرج يابنيتي ..
الريم :إن شاء الله إميه ..يلا انا بسير حجرتيه ..
ام فلاح: سيري يا إميه ارتاحي..
فلاح : وانا بعد ساير فوق تامريني ع شي يا اميه ؟
ام فلاح : مايامر عليك عدو ولا ظالم سير ياوليدي..



الريم وفلاح راحوا فوق..الريم أول ما دشت حجرتها عقت عباتها وانسدحت فوق الشبريه .. عقب شافت الفون حذالها ..



اووه انا ماشليته والله ولا يا ع باليه .. الريم شلت الفون وهي طبعا هب متوقعه من هادف انه يطرش ولا يدق..أول ماخذت الفون فجت عيونها منصدمه .. لقت 12 مس كول من هادف .. ومسجات .. تروعت ع طول دقت له تحرت فيه شي..



هادف أول ما شاف الرقم ع طول رد : مرحبا..
الريم : مراحب ..
هادف: انتي وينج .. كم مره دقيت لج .؟؟ مووول ما تحاتين ريل ما تحاتين شي.. بس هامنج الرغيد والسوالف..
الريم تبغي ترمس : هادف أنا !
هادف محرج : انتي شوه .. احين انا من متى ادق .. يعني بتفهميني موول ماسمعتي التلفون يرن ولا شي.. ولا انتي بس جيه ع عنادج بعدج .. فهميني..
الريم : هادف انا كنت فالمستشفى!
هادف منصدم : هآآ ؟
الريم شوي وبتصيح : هادف والله آسفه .. بس يدينيه من امس تعورنيه .. ومارمت ارقد لين ساعتك .. ويوم اني نزلت فجأه تمت تعورنيه وايد ماقدرت اتحمل..ع طول يابولي عباتيه وسرت..والله ما كنت قادره ..آسفه هادف..


هادف ما عرف شيقول .. فديتج يالريم ظلمتج !! هزبتج وماخليت كلمه ماقلتها .. اففف ليش انا جيه .. والله من حبي لج يالريم ما عرفت شو استوالي. ماعرفت !!
آآآخ كله مني .. أنا السبب لويت يدينها البارحه ..وكنت حاس بألمها بس ما اهتميت آآخ



الريم تمت ساكته ترقب هادف يرمس..وهادف ساكت !! يفكر بحاله وحال الريم !!



هادف: سمحيلي الريم ..
الريم خلاص بتصيح بس متعوده ع هادف: لا عادي.

.
هادف حس إنه وايد زودها بس مايقدر مايقدر كل مايذكر انها تحب غيره يزيد قساوه !!



هادف: انزين برايج ببند ..
الريم بحزن : اوك خلاص برايك ..
هادف: فداعة الله..
الريم : الرب حافظ ..


هادف بند عن الريم وهو وايد متلوم .. هب عارف شيسوي ! شوي إلا وحمدان داق له ..



حمدان : مرحبا الساع .
هادف:وبك زووود شحالك؟
حمدان : الحمدلله بخير ونعمه ومن جداك.؟
هادف : والله الحمدلله ما نشكي باس..
حمدان : هادف ترى بنأجل السفر اسبوع !
هادف : ليـش؟
حمدان : فلاح اليوم مرمسني قال أجلو لان فيه اجتماع عشان يرتبون امور الشغل فالشركه ..
هادف: اها.. هيه صح يبالنا.. عشان ما تتلخبط الامور هني وهناك ..
حمدان :هيه .. والجامعه بعدها شهر .. ان شالله بنتم هالاسبوع والاسبوع الياي امرره رايحين ..
هادف: خلاص عيل خير ان شالله ..
حمدان : ان شالله ..يلا هادف ربيه يحفظك ..
هادف: الرب حافظ ..




حمدان بند عن هادف وراح صوب أمه يسولفون ..وخبرها انهم بيأجلون السفر اسبوع ووايد استانست وحليلها .. ماتبغي عيالها يبتعدون عنها..


أم فلاح : يا وليدي.. حلمتك معرس هه ..
حمدان : آآخ لا اتيني ع العوق هههه ..
ام فلاح : واعليه أي عوق؟
حمدان :يعني غيث وفلاح عرسو وهدووف بعد وانا محد صد صوبيه ..
أم فلاح :هههه واعليه عنك .. انت أشر بس وعليه اليوم اخطبلك ..!!
حمدان :هآآ؟؟ صدق امييه؟؟
أم فلاح : هيه نعم .. مووول ما امزح ..امبوونيه ابغيك تعرس ..
حمدان : تعيش امييييه هههه ..
ام فلاح : هههه خلاص عيل هونت ..امبوني بخطبلك ..
حمدان :هههه لالا خلاص..منو بتخطبيلي؟؟

إلا وفلاح نازل : اوووه اوووه غرت من هادف هههه ..
حمدان:ههه جب انت ..
فلاح : والله اميه لو تخطبيله احسن عن الرغيد هناك فلندن ههه ..
ام فلاح : وي دي .. وابويه عليك ثرها هاي سوالفك ..هاا
حمدان : هههه والله يخرط عليج ..
فلاح : وووووويوو هههه ..

ام فلاح : حمدان يا وليدي انا من خاطريه ابغي اخطبلك ..
حمدان مبتسم : علنيه فداج يا اميه ..
ام فلاح : والله هالبنيه فخاطريه .. وامررره لو وافقت عليها اليوم بخطبها لك .
فلاح: ههههههه لالا الوالده حفزانه ..
ام فلاح : هيه نعم ههه ..
حمدان :ومنو فخاطرج يا إميه ..
ام فلاح : أسما بنت سلطان ..بنت عمتك ..
حمدان استانس :والله يا إميه البنيه والنعم فيها مول ماتنعاب..
أم فلاح : يعني شرايك ؟
حمدان : من عقب شورج ماليه شور ..
أم فلاح : واعليه عنك يا وليدي .. في ذمتيه يا أخطبها اليوم ..


حمدان وفلاح فاجين عيونهم : هآآ؟؟
أم فلاح : لا ها ولا شياته .. اليوم بخطبها لك ان شالله ..
حمدان طاير من الوناسه : أميه اميه الملجه ورى باجر انزين ؟
فلاح : حووووه انت بلاك حفزان هههه ..
ام فلاح : ههه ياولديه بعدنا بنرقبهم لي يردون علينا .. وخير الملجه لين اسبوع ..
حمدان : لاآآآآ ..عقب بنسافر.. أشهد اني بستخف ههه ..
ام فلاح :واعليه عنك يالبديوي .. امرره فالك طيب بقولهم ..


حمدان وايد مستانس.. ما توقع كل شي يصير جيه بسرعه ..



أم فلاح دقت حق أم غيث..

أم فلاح : مرحبا الساع ..
أم غيث : يا مرحبا يا مرحبا شحالج يا ام فلاح؟
أم فلاح : بخير ونعمه ربي يعافيج ..ومن صوبج ؟
أم غيث: بخير دامكم بخير ..
ام فلاح : دوم ياربي..يا أم غيث انا داقتلج لحايه ؟
أم غيث: خير يا ام غيث.. عسى ماشر؟؟
ام فلاح : ماشر ان شالله .. بس والله حمدان ولديه يبغي نسبكم طالب ايد بنتج اسما..
أم غيث: والنعم فيه .. وهاي الساعه المباركه ..
أم فلاح : نحن يا ام غيث ان شالله بني نخطب رسمي .. ياغير نرقب رايكم قبل..
أم غيث: والله من صوبيه ترى امرره ماعيبه الريال.. وان شالله بخبر اسما وخوانها وبنرد عليكم ..ونحن اهل يا ام فلاح ..
ام فلاح : ان شالله يا ام غيث..وتراه الولد حفزان .. يبغي يملج قبل السفر ههه وحاشرنيه الملجه عقب يومين من ردكم ..
ام غيث: ههه وحليلك يا حمدان ..
ام فلاح : يلا عيل يا ام غيث.. ونرقبكم نحن ..
ام غيث: ان شالله ..فداعة الله ..
ام فلاح : الرب حافظ ..



أم غيث بندت عن ام فلاح وكانت وايد مستانسه .. الحمدلله الاخبار الحلوه بدت تهل عليهم من عقب اللي كان يصير فالعايله .. صدق ما بعد الحزن إلا الفرج !!


شوي إلأا غيث نازل .. سلم ع امه ويلسو يسولفون ..



أم غيث: غيث يا ولديه ..
غيث: لبيــه ؟
أم غيث: لبيت حاي .. يا ولديه ام فلاح توها مبنده عنيه .. وطالبه القرب منا ..!!
غيث : هآآ؟
أم غيث: هيه نعم ..طالبه ايد ختك اسما لولدها حمدان .. انا روحي استغربت بس هم مستعيلين .. حمدان يبغي يملج قبل السفر!!
غيث مستانس : والله يا اميه حمدان موول ما ينعاب.. وانتي اليوم يلسي ويا اسما وخبريها .. وربيه يكتب لي فيه الخير..


غيث خبر اخووه هادف ووايد استانس.. ع طول دق حق حمدان ..



حمدان : مرحباا ..
هااادف :مرااااحب يالغيوووور ههههه
حمدان : هههههه جب جب..
هادف : تخطب من وراايه هااا ؟
حمدان : هههه اسمحلي نسيت ايي صوبك اقولك تراني بخطب اختك..
هادف: ههههه ويا ويهك ..
حمدان : تعرف شو افكر ؟
هادف بعبط : شو تفكر ؟
حمدان :والله افكر ان لو ختك وافقت بملج هالاسبوع وبنشلهم ويانا لندن ..بيكملون دراسه هناك !
هادف جنه عيبته الفكره : تصدق فكره !! بس والعرس؟؟
حمدان : لحوووووول هههه عاد هاي سالفه ..

هادف: لحظه لحظه .. عادي بنعرس عقب شهر !!
حمدان فاج عيونه : حوووه انت تخبلت ؟
هادف :لا ما تخبلت صدق .. شهر يمديهم يخلصون ..

حمدان : هههههه ثرك ما عرفتهم احين .. يبالهم شهوور ولا سنه عسب يرتبون امور العرس..
هادف: خل عنهن هاللعب .. قبل اليوم خاطبنها باجر زافنها..مانبغيه هالمنكر اونه سنه وشهور ..
حمدان : هههههه أشهد انك فنتك .. لحظه لحظه ..جنا وايد مصدقين عمارنا ..بعدنا بنشاورهم .. واهلك لي احين ماردوا علينا ههه..
هادف: هههههه خلنا ياخي نسابق الزمن .. إن لم تكن ذئبا أكلتك الذئاب هههه .. وان شالله اسما بتوافق..
حمدان : هههههههه اسميك ..يلا انزين لا تخبلني انا ببند احين ..
هادف: اوك يلا سير كمل احلامك وانا بكمل احلاميه ههه ..
حمدان : ههه اوك..
هادف : اونه اوك ..يالدعله انا ارمسك صدق والله . . وبتشوف..
حمدان مبتسم : ان شالله يارب يصير لي فبالنا ..
هادف : آآخ ان شالله .. هههه يلا عيل فداعة الله .
حمدان : فداعة الرب ..

جامعـــــــة الامـــــــارات ..

الريم واسوم وحور توهن ظاهرات من الكلاس سايرات الرباعيه يتريقن .. واسوم موول هب داريه باللي صاير فالبيت .. وهي والريم غافلات عن افكار هادف وحمدان !!

يلسن يسوولفن .. شوي إلا يدق تلفون الريم .. حمدان كان داق..



حمدان يغني : يا مرحبا يا مرحبا الساع يا بو عيون سود ووساع ..
الريم : ههه عاشوو عاشوو .. وبك زووود ..
حمدان : ههه شحاااالج ؟
الريم : الحمدلله .. شو عندك مستانس .. ونسنا ويآك ؟
حمدان :ريييييييييييييمووووووه وين اسوم ؟
الريم منصعقه : هآآآ ؟؟ هكي حذاليه شفيك انت ؟


اسوم وحور يطالعون الريم ومستغربين .. واسوم تطالع ريموه تأشرلها شو السالفه ؟
والريم تهز جتفها وتضحك بمعنى ماعرف..



حمدان : علنيه فدااها..
الريم : حوووه انت عيب.. شو عندك هههه ..
حمدان:ريموووه اميه اليوم رمست امها وخطبتلي اياااهاا..
الريم : احللللللللللللف؟
حمدان : هههه والله .. عقب ما ناخذ رايها بنخطب رسمي وبنملج سيده ..
الريم تطالع اسوم ومستانسه : هههههه فديتك والله تستاهل ..
حمدان : ههه والله مستانس ..
الريم يوونه تقهر اسوم : زين والله ..منك المال ومنها العيال..


اسوم ع طول طالعت ريموه .. ومنصدمه !!



حمدان : ههه غربلاتج لا تسوين جيه حرام ..
الريم طاف: لا حمدان لا تحاتي .. البنيه وايد زينه .. و امرره ماعليها رمسه ..



اسوم انقهرت زوود ونشت يوونه بتسير التواليت ..وحوور تهدد ريموه ..



الريم اول ماشافت اسوم روحت صرخت :حمداان حمداان برايك اسوم شكلها تضايجت ههه ..
حمدان : يالخايسه حرام عليج .. سيري بسرعه راضيها ..
الريم : اوووويه توهقت احين كيف بفهمها هب حلوه اقولها انك خطبتها ..
حمدان : ههه تصرفي قوليلها انج بس جيه تقولين تقهرينها ..
الريم : ههه اوك يلا حمدان برايك ..
حمدان :ريمووه سلمي عليهاا..
الريم : الله يعينك يا قيس .. ان شالله يبلغ ..فداعة الله ..
حمدان : ههه الرب حافظ ..




حور : الله يغربل عدووج حرام عليج اسوم تضايجت ..
الريم : ههه فديتها والله ...
حور: هوخطب صدق.؟
الريم : هههه هيه اليوم اميه رمست الحرمه ..
حور: لا حرام ..
الريم : طااع هاي.. بخبرج بس لا تخبرينها..
حور: شوه ؟
الريم : اميه رمست عمووه انها تبغي اسوم لحمدان ..هه
حور : هههههه حلفي.؟؟
الريم : ههه والله .. بس مابنخبرها يوم بترد البيت بيخبرونها ..
حور:ههه فديتها والله بتستانس..
الريم : هيه .. ههه يلا سرنا..



الريم دشت صوب اسوم : اسوم بلاج ..؟؟
اسوم وامبين انها صايحه ..ابتسمت : لا ماشي ..
الريم : عصقوووولتيه اسووولف حمدان ماخطب حد .. بس اوني اطفررج ..
اسوم تطالع الريم بعين : يالنذلـــــــــه ..
الريم : هههههه فديتج والله ..
اسوم : روحي روحي عني لا ترمسينيه ..
الريم : اسووومي عاااد ..
اسوم : جب ..
الريم : انزين آسفه بنجب..




الريم ظهرت صوب حور واسوم وراها .. وحور استغربت ليش ساكتات ..



حور : بلاكن حوووه ..؟؟
اسوم : ماشي ..

والريم ساكته .. عقب سارن شلن قشهن وراحن ..وطول الوقت ساكتات ..


اسوم : ريمووه شفيج ؟
الريم : ماشي عصقولتي..
اسوم : امبلا..
الريم : تلومت فيج ,,ماحس انا ..
اسوم : هههه فديتج والله .. عادي..
الريم مبتسمه : يلا نسير ..



شوي إلا منصور داق .



منصور : ريموه مخلصه انا برع ..
الريم : هيه انا يايه ..
منصور : مافي حد يبانا نوصله شي ههههه ..
الريم : هههه لا محد ..
منصور :افاا هههه انزين يلا ارقبج ..



الريم ترخصت عن البنات و روحت.. شوي إلا وهلهم يايين وظهرن من الجامعه .

.

منصور: شفتي حمدان الخبل شو سوى ههه ..
الريم : هيه هههه فديته مستانس وايد ..عقبااالك يالسلق..ههه
منصور: هههه وياويهج ..








بيت بو غيث

الريم توها داشه .. سلمت على هلها وتشوفهم كلهم يطالعونها ويبتتسمون ..

اسوم بعبط : بلآكم ؟
ام غيث: ماشي يا بنيتي سيري بدلي عسب تتغدين ..
اسوم : اسميكم .. اوك يلا..


اسوم راحت وبدلت ..عقب تغدوو ويلسو يسولفون ..



ام غيث نشت : اسوم يا بنيتي .. تعالي حجرتيه ابغيج ..
اسوم : ان شالله اميه ..



ام غيث روحت .. شوي إلا اسوم داخله صوبها الحجره ..



اسوم : آمري يا اميه .!!
ام غيث: مايامر عليج عدور ولا ظالم .. يابنيتي بدون ما الف وادور.. يا بنيتي في ريال خطبج!!


اسوم فاجه عيونها ..منصدمه .. مستغربه ...


ام غيث: اليوم حرمة خالج دقتلي تبغيج حق ولدها حمدان ..
اسوم ماصدقت ..تحس انها بحلم : هآآ؟؟
ام غيث مبتسمه : يا بنيتي ولد خالج موول ماينعاب .. ريال والنعم فيه .. ونحن مخلين القرار لج .. فكري وردي علينا خبر.. هم مستعيلين لان حمدان بيسافر..

اسوم مستحيه هب عارفه شتقول: ان شالله يا اميه .. عن اذنج ..
ام غيث مبتسمه : اذنج وياج يا بنيتي .. !!



اسوم راحت ع طول حجرتها ... دشت .. حاسه عمرها طايره من الفرح !! هب مصدقه إن الريال لي حبته بيكون من نصيبها !! آآخ أخيرااا أخيرااا يا حمدان بتكون لي !! آآخ وربي مشتاقه لك !!



فجأه اسوم ضحكت .. ههه احين عرفت ليش ريمووه الدبه كانت جيه تقول .. راحت اسوم وددقت حق الريم ..




اسوم : ريموووووه يالنذله هههه
الريم : هههههههههه هلا ..
اسوم :فديتج يالبريييييئه انتي ههه
الريم : هههه مبروووك حوووبي تستاهلين ..
اسوم طايره من الوناسه : صبري بعده ماصار شي ولا ردينا عليكم ..
الريم : نعم نعم نعم وان شالله ناويه ترفضين .؟؟



وبهالوقت دخل حمدان .. سمع الريم يوم تقول جيه ..

حمدان يساسر الريم : رفجه رفجه حطي سبيكر بسمع شو بترد عليج ..

الريم كانت ما بتحط بس كسر خاطرها جان تحط ..وحمدان مستانس..

اسوووم: رووووحي موووتي .. وانا اقدر ارفض حمداني فديته والله..
حمدان تشقق من الوناسه : فديــت حرمتيه والله ..


اسوم تسمع صوته وويهها قافط .. الله يغربل عدوج يا الريم ..



الريم : لا والله .. يلا برع برع ههه ..اسوم !!


اسوم تمت ساكته محرررجه ومستحيه وييها قافط ..


الريم : اسوم رمسي والله بندت هب حاطه سبيكر ..
اسوم : ماعليه ريموه الله يسامحج ..
الريم : فديتج والله.. انا شدراني انج بتقولين جيه .. هو قالي حطي بسمع شو بترد عليج .. رفج عليه كله منه ..
اسوم يونه زعلانه : ماابا لا ترمسينيه .. زعلانه منج ومنه ..
الريم : افااا زعلي منه برايه بس مني حناام ..
اسوم : خلاص سامحتج .. بس هالدب ماسامحه ..
الريم : ههههه فديتج .. ويو حمدان زعلت منك ..
حمدان : افاا والله اسف ..
اسوم : قوليله ماشي زعلانه ومستحيل ارضى..
الريم : تقولك مستحيل ترضى ..


حمدان مجع الفون عن الريم : أسامي !!

اسوم مستحيه تمت ساكته ..

حمدان : رمسي عااد .. لا تزعلين مني ماروم ..

اسوم سآآآآآآآآكته ..


حمدان : اوك عيل انا آسف وربيه يحفظج ..


حمدان عطى الريم التلفون وظهر ..

الريم : الوووووو
اسوم :وين حمدان ؟
الريم : ههه ظهر ..
اسوم : حرااام شكله تضايج ..
الريم ببرود : يب يب
اسوم : كله منج يالدبه .. يلا انزين ببند احين ..وسلمي ع حمداني ..
الريم : ههه اوك .. يلا بآي
اسوم : بيــبآآي ..


اسوم وايد كانت مستانسه .. عقب يومين غيث رد عليهم وخبرهم انهم موافقين .. وحمدان عناد فأسوم أصر ان الملجه عقبها بيومين .. والكل وافق .. واسوم ابتلشت هي والريم ماقروا من محل لمحل ماشي وقت لازم يخلصون بسرعه ..







يوم الأربــــــــعاء [ ملج ـــــــ أسمــ حمدآن ــاء ـــة ]




اليوم الكل مرتبش .. حمدان من الصبح ما قر .. من مكان لمكان .. ومن خلص راح الحلاق تحلق وخلص امووره وغدى غراام ..
والريم غبشت صوب اسوم .. وبتي وحده لبنانيه تعدل اسوم وبالمره بتعدل ريمووه مكياج هادي ..





عقب صلاة المغرب ملجوا عربانا ع خير .. وحمدان كان وايد مستانس .. إلا بيطير من الوناسه .. العروس نزلوها وكانت ماشالله عليها غرام .. يلسوا يتصورون وعقب دخلوو المعرس ..



حمدان يا حب اسوم ع راسها وهمس فإذنها : فديت الزعلانين ..


اسوم استحت تمت ساكته

حمدان لبس اسوم الدبله .. وهي لبسته .. وعقب يابو العصير والكيك .. الكيكه كانت واايد حلوووه عووده .. وحمدان مخلنهم يكتبون بيت من قصيده هو كتبها لهاليوم ..
امعاريسنا قصو الكيك .. والريم إلا تطفرهم ..




الريم : يلا حمدااني لقم حرمتك هههه
حمدان : ههه فالكم طيب ..
الريم :عااش حمداني ..فالك مايخيب ..هههه

واسوم تطالع الريم بعين منقهره من حركاتها .. ودها تصفعها هههه ..



حمداني يلقم اسوم وهي مووول مستحيه وييهها غدى احمر ..


وعقب يا دورها تلقمه .. وهي مستحيه ماتبا .. والريم تصاارخ : لالالا ماشي ماشي يلا مايصير ههه ..

حمدان :تبا تيوعني ترا هههه ..


اسوم اخيرا اقتنعت وويهها خلاص اشارة مروور .. ههه
اسوم لقمت حمدان ..وهو مستانس شعليه ..



الريم :يلا شربها عصير وهي تشربك بنفس الوقت بصوور هههه
حمداني :هههه روحي انتي وكيمرتج يلا ..
الريم : ههههههههه مابا مابا ..
حمدان : اوك يلا ههههه
ويطالع اسوم : بتعطشيني بعد ؟ ههه

اسوم مستحيه نزلت راسها ههه ..

اسوم يودت كوب العصير وحمدان بعد ..

حمداان يشربهاا وهي ماده الكوب صوبه ولا تطالعه ..

الريم : هههه ايه شوفي حمدان شو جيه .. بتجبين العصير فوقه ..

اسوم ابتسمت خلاص بتموت من المستحى ...
الريم :يلا واحد اثنين ثلاثه ..

حمدان يشرب اسوم وهي تمد الكوب تبغي تشربه ويت عينها بعينه ..
اول مايت عينه بعينها قال : أحبــــج



اسوم من المستحى نزلت راسها والكوب نزلته ع تحت وطططططططراااخ ع كندوورة حمدان ..
اسووم استحت .. الكل تم يضح ك واسوووم خلاص شوي وبتصيح ..هههههه


الريم : ههههههههههه احلى معرس..ويت ويت بصور هههه ..
حمداني: هههههههه والله الكندورة استوت احلى دام اسوم جبته ..


اسوم خلاص هب قادره ترفع عيونها ..


حمدان : عمووه كندوورتي بحطها هني بنتج بتغسلها ههه ..
ام غيث: هههه امرره فالك طيب..

الكل تم يضح ك.ههههه

. الملجة كانت وايد حلوه ..



الريم فونها يرن هادف داق : الو
هادف: مرحبا..شحالج ؟
الريم :الحمدلله ..انت شحالك ؟
هادف: الحمدلله . مبرووكين ...
الريم : الله يبارك فحياتك ..
هادف : الريم تعالي شوي أبغيج ..
الريم مستحيه : شو تبغيييني وين ؟
هادف: ههه تعالي هني عند الباب ابغيج ..بسلم بس
الريم : اوك بييب عباتيه ..
هادف: هييي انتي انا ريلج هب غريب..

الريم استحت اول مره يقولها ريلج دوم يعاملها بجفاف : اوك يايه ..



الريم راحت وهي موول مستحيه .. كانت لابسه فستان احمر ومكياجها وايد هادي .. وشعرها فالتنه ماشالله وايد طويل..


الريم شافت هادف واقف يرقبها ..سارت صوبه ..

هادف اول ماشافها تم يطالعها وهو ساكت ..والريم مستحيه بالقوو تمت ساكته .

.
هادف : الريم !!
الريم :لبيـــــــــه !!
هادف : قريتي ع عمرج ؟
الريم استحت : هيه قريت ..

هادف ابتسم .. الريم اول ما شافته مبتسم ماعرفت شو استوالها..هادف من يوم ملج عليها ولا مره ابتسم كله يزاعق عليها . ولا يرمسها بجفاف..

الريم : امممم خلاص بسير ..
هادف بدون مايحس : لآآآ ..

الريم طالعته @@ !!


هادف : أقصد اممم.. خلاص عيل برايج..
الريم :شي فخاطرك ؟
هادف : سلامتج ..
الريم : الله يسلمك فداعة الله ..

الريم توها بتروح هادف زخها من ايدها : الريـــــــم !!


قبل سنين .وبعد سنين يدوم ولا يموت إعجـاب
أعيشك حب ما يفنى ولو كثـروا لـه العـذال

اعيشك حلم للواقع. وعيشك للحيـاه اسبـاب
اعيشك شوق للنظره ولو طيفك غـدا رحـال

البارت _28_



الريم توها بتروح هادف زخها من ايدها : الريـــــــم !!

قبل سنين وبعد سنين يدوم ولا يموت إعجـاب
أعيشك حب ما يفنى ولو كثـروا لـه العـذال

اعيشك حلم للواقع وعيشك للحيـاه اسبـاب
اعيشك شوق للنظره ولو طيفك غـدا رحـال


الريم استغربت من حركة هادف .. وهادف روحه مايعرف هو ليش زقرها وليش سوى جيه .. الريم عينها بعين هادف وهادف نفس الشي.. الصمت يملي جوهم ..


هادف بشوق وحنيه : هله هله بعمرج ..
الريم مستغربه والحيا غطاها :إن شالله .. وانت بعد ..

هادف ابتسم والريم ردت له الابتسامه وروحت..


الريم راحت حجرتها وأفكارها متلخبطه .. تخالط حزنها وقهرها من هادف بحبها وتحوله الدايم من حال لحال !!!

آآخ يا هادف .. يننتنيه وماعرف انت شو تبغي بالضبط .. تلعب بي بين المد والجزر .. وليت أفهم بشو تفكر يا هادف لييييييت !!لييييييت




يوم اليمعه [ بيت بو غيث ]

الشباب كلهم ناشين من غبشه .. اليوم اليمعه ومتعودين انهم ينشون من وقت يذكرون ربهم .. وييلسون ويا بعض.. ويتجهزون عشان يلحقون ع صلاة اليمعه..


غيث راح هو وهادف يصلون وهم رادين شافوا فلاح وخوانه وخبروهم إن الغدا عندهم .. وفلاح ما رفض الفكره .. الحريم في البيت شادين حيلهم ..جهزوا الغدا ورتبوا الامور كلها ..

غيث وهادف توهم داشين البيت لقوا امهم يالسه برويحاتها تقرأ القرآن .. رقبوها تخلص عقب باسوها ع راسها ويلسو حذالها ..



هادف : امممم إميه أنا بسآفر عقب شهر..
أم غيث: انت ماقلتليه هالاسبوع ..
هادف : هههه مليتي منيه ..؟
أم غيث: لالا حشا .. ياغير استغربت ههه ..
غيث: والله يا اميه ولدج ناوي ع شي هب لله .. هههههه
أم غيث: وي دي ع شو ناوي ان شالله؟؟ ..
هادف : احم احم ان شالله عقب بنخبرج انا وحمدان ..عقب الغدا..
أم غيث: هييييييهآآ دام تولفتوو ما قول غير يأآآلله يالستر ..
غيث: ههههههه غاسله يدينها الوالده ..
هادف: ههه أشوووفها..



عقب شوي إلأا قم فلاح وهله واصلين بيت عمتهم .. يلسوا يسولفون عقب حطوا الغدا وراحو يتغدون .. من خلصوا يلسو يشربون شآي ..


أم غيث: يا ام فلاح حمدان ما قال لج شي؟
أم فلاح : هيه يا بوج قال لي ياغير قال ما بخبرج إلا وام غيث وياج !!

أسوم : شوووعندهم هآآآ؟؟

ام غيث: والله ما دريبهم .. ثرهم ناوين ع شي..
الريم : هههه دام تولفو الله يستر منهم ..


شوي إلأا وحمدان داخل .. بالعماله يبغي يفاجئ اسوم ويدخل ..

أسوم كانت عاطيتنه قفاها .. وهب حاسه انه دخل .. يأشر للحريم والريم انهن ما يرمسن .. وهن شوي وبينقعن ضحك .. واسوم ولا ع البال هب منتبهه!!


إيي حمدان من وراها ويبوسها ع خدها !! أسوم ع طول صدت وراها .. إلا وتشوف حمدان !
حست جن حد جب عليها ماي بارد .. نشت وراحت تربع فوق من المستحى .. خلاص حاسه مالها ويه تطالع امها وخالتها ولا حتى الريم .. ويلست تصيح ..

الله يسامحك يا حمدان .. يآآآربي عليك .. انا احين وين اودي ويهي وين ..


والحريم تحت يضحكن ع حمدان ..

حمدان بعبط: بلاها روحت ؟
الريم : مووووول مايخصك انت ههههه صدق ويهك لوح..
حمدان : هههه ماكان قصدي والله ..
االريم : احين تلقاها تصيح ..ههه

حمدان فاج عيونه: تصيييييييييح ؟؟ وانا شو سويت ؟؟
أم غيث: ههه ثرك ما تدريبها اسوم مووول المستحى كاسنها ..
حمدان : اووووــبس !!

شوي إلا اسوم مطرشتله مسج :

[ والله زعلت منك ]

الريم : هاا منووو ؟ هههه
حمدان بحزن: ثرها زعلت.. والله ما كان قصديه ..
ام غيث: ههه زين ياوليدي ماعليك شو كنت تبغي..
حمدان : لحظه لحظه عموه ..عادي اسيرلها ؟
ام غيث: ههه هيه يا وليدي عادي .. ثرها حرمتك ..قومي الريم ويا اخوج ..
حمدان مستانس: اوك .. يلا ريماني..

حمدان والريم سايرين فوق ..



حمدان : حووه انتي دقي الباب وروحي انا بدخل..
الريم : بعد !! يلا يلا ماشي هههه ..
حمدان : ريمووووووه احسلج هههه ترى مابخبرج شو بنقول لإميه وعمتيه انا وهادف..
الريم : لآلآلآلآلآلآلآ خلاص خلاص بروح .. برقبك هني ..
حمدان : هيه توج ههه .. يلا عيل..


الريم تدق الباب واسوم واقفه ع الدريشه ومالها خاطر ترمس .. حمدان يأشر للريم إنها ترمس ..

الريم : اسوم انا الريم عادي ادخل؟
أسوم بحزن: دخلي ريمووه ..


حمدان دخل ورد الباب وراه .. وسار صوب اسوم وتم واقف وراها وهي هب حاسه .. تتحرى الريم كالعاده دومها توقف جيه ..

اسوم : بلاج واقفه تعالي ؟

حمدان يقترب صوبها .. وقف وراها ولوى عليها وهو يغني :

آسف حبيبي جرحتك وانت الغالي
ما كان قصدي ولا ادري تزعل بسرعه

خذ ما تبا من حياتي عمري وحالي ..
أموت [ أموت] لي شفت عينك تذرف الدمعه !!

أسوم نزلت يدينه وصدت صوبه والدموع فعينها : بسم الله عليك .. بعد عمرن طويل..

حمدان ميود يدينها ويتدلع : تخافين عليه ؟؟
اسوم : دب ماحبك روح عني..
حمدان : ههه فديت الجذابه انا .. اوك بروح بس بشرط ..
اسوم بدلع: مآآبآآ روح ..
حمدان : اوك حبيبي بروح بس بشرط اوك ؟

اسوم تهز راسها بمعنى اوك ..

حمدان : حلفي انج ما تحبيني ..
اسوم وهي تطالع تحت من الحيا: هب زين الحلف وايد .. بس ماحبك ..

حمدان رفع راسها عسب تطالعه ويود يدينها : حلفي حبيبي!!

اسوم ماقدرت تتحمل نظراته تمت ساكته ..

حمدان : يلا عاد حلفي..
اسوم : والله ..
حمدان : والله شو ؟

اسوم ويهها حمر : حمداني عاد ..
حمدان : هههه فديتج والله .. اوك انا رايح ..

اسوم ما تبغيه يروح بس هب حلوه يتم وايد..

حمدان : شي فخاطرج غناتي ؟
اسوم بحيا: سلامتك حمداني..
حمدان : الله يسلمج .. هله هله بعمرج حبي..
اسوم : ان شالله.. وانت بعد شيخي ..
حمدان : امممم ماحب تقوليليه هالكلمه .
اسوم : آسفه ما عيدها والله ..
حمدان مبتسم :فديتج انا..أحبج .. فداعة الله ..
اسوم والحيا غطاها: الرب حافظ ..


حمدان رايح صوب الباب بيظهر وقلبه منكسر.. كان خاطره يسمع منها كلمة حبيبي شي !! يسمعها تقول احبك ..!!

فجأه أسوم رمست : حمداااني !!
حمدان صد صوبها وهو ميود الباب بيظهر : لبيـــــــــــــه !!
أسوم وهي مستحيه : أح ـــــــــبك ..

حمدان استاانس .. ماعرف شيسوي .. ما صدق إنها قالتها : هاااا شقلتي ؟؟؟
اسوم : ههه ماشي..
حمدان : رفجه رفجه تعيدينها.. <<وهو ساير صوبها ..
اسوم : هههه حمداني عاد ..
حمدان بدلع: حنآآآم ..
اسوم قربت صوب اذنه وهمستله : أحبك ..

حمدان خلاص هب قادر .. آآآخ حلاتها هاالكلمه منج ..


حمدان باسها ع خدها وراح .. واسوم خلاص محد يرمسها هب قادره ترمس.. وحمدان ولا عليه ظهر وهو شاق الحلج ..الريم اول ما شافته فجت حلجها بلاه هالخبله ..


حمدان خطف حذالها ولا معبرنها .. الريم ع طول ربعت حجرة اسوم تشوف شو بلاه هالخبله اخوها ..

الريم دشت وتشوف اسوم يالسه ع الشبريه وويهها مووووول طماطه خخ ..

الريم : حووه شو قالج ؟
اسوم : اموووووووووووت فيه تدرين ..
الريم : هههه لالا انتي وياه هب طبيعيين ..
اسوم : ريمووه أخيرا قلت له أحبك ههه ماعرف كيف ظهرت..
الريم :ههههه اووووووه شي طيب.. مابغيتي حرام عليج عذبتيه .. اشوفه انا مستانس..
اسوم : ههه فديته والله

الريم واسوم يلسن يسولفن فوق .. وحمدان سار صوب الحريم وزقر هادف عسب يخبرونهم السالفه ..

أم فلاح : يلا سميتونا قولوا شو عندكم ..
هادف: احم احم يلا حمدان إبدأ..
حمدان : سير ول.. انت إبدأ ..
هادف : حمدان عاد يلا..

أم غيث: ان شالله بتيلسون تتعازمون .. يلا رمسووا..
هادف: اف منك .. خلاص انا برمس.. احم احم ..نحن نبغي نعرس..
أم فلاح : انزين ؟
هادف: شو انزين .. سمعوا .. نحن قررنا نسوي عرسنا قبل السفر.. يعني عقب شهر بنعرس وبنشل حريمنا..
أم غيث: بهالسرعه ؟؟
حمدان : هيه عموه .. نحن ندرس هناك وحريمنا هني .. وبعدين احسن نشلهن ويكملن دراسه هناك .. ومنها ترانا نشتغل هناك احين ..
ام فلاح : والله مادري.. شووفوا خوانكم !!
حمدان : اميه نحن خبرنا غيث وفلاح وهم ماعارضو بالعكس شجعونا..
ام غيث: والله اللي تشوفونه ..بس لازم نشوف البنيات مايندرابهن ..
هادف :اوك سيروا شو فوهم ..وينهم ؟
أم غيث: احيدهن فوق فحجرة اسوم .. يسولفن ..
هادف: زقريهن وخبريهن ..
أم غيث: لا بوي مافيني ع حنتهن .. سير انت وحمدان صوبهن وخبروهن ..
هادف : هههه اوك .. يلا حمدان ..
حمدان : هيه عيبتك السالفه .. هههه
هادف: جب جب هههه


حمدان وهادف سايرين فوق..

حمدان : نقولهن ويا بعض ولا ؟
هادف: لالا انت قول لحرمتك وانا بقول لحرمتيه ..
حمدان : والله انك مكاار هههههه
هادف: ههههههههه سير وانت ساكت..بزقرها لك ..
حمدان : ههه اوك

هادف دق باب حجرة اسوم ودخل ..

هادف : السلام عليكم ..
الريم تفاجءت : وعليكم السلام ..
هادف: اسوم حمدان يرقبج فالصاله لي فوق سيري له ..
اسوم : حمدااان ولا تبغي الريم ههههه
هادف: ههه لا والله .سيري هناك يرقبج ..
اسوم : اوك ..

اسوم روحت والريم تمت يالسه مكانها .. ماعرفت شتسوي..

هادف: شحالج الريم ؟
الريم : الحمدلله انت شحالك ؟
هادف : الحمدلله ماشكي باس..

الريم تمت ساكته وهادف بعد...

هادف رمس : الريم !!
الريم :لبيــــــــــــه !!
هادف: لبيتي في منى .. عرسنا عقب شهر .!!
الريم : شووووووووو ؟؟
هادف : شوفي انا مايييت أشاورج .. انا ياي آآمرج .. ومابغي اسمع رمسه زياده .. عندج شهر تتجهزين .. وانا بنقل اوراقج ماليل الجامعه عسب تكملين دراسه هناك فلندن ..
الريم شوي وبتصيح : هادف انا مابغي ماابغي ..
هادف: مب كيفج !!
الريم : انت ليش جيه .. حرام عليك .. ماتعرف تتفاهم ..ليش كله تزاعق عليه ليش ليييييش؟
هادف : لا تعلين صوتج ..صخـــــــــــي !!

الريم نشت وهي محرجه ..سارت صوب الدريشه ..هادف نش وتم واقف وراها ..

هادف: انا قلت اللي عنديه .. ومن باجر تبدين تتجهزين ..

الريم تمت ساكته ولا رمست .. تحس عمرها مخنوقه هب قادره ترمس موول ...

شوي إلا اسوم وحمدان يايين .. بس اسوم كانت عادي هب محرجه ..

حمدان: حووه انتو بلاكم ؟؟
هادف مبتسم : ماشي بس اختك تتدلع ما تبغي..

اسوم سايره صوب الريم : ريمااني فديتج .. خلاص حمدان اقنعني وان شالله بنستانس هناك ..

الريم طالعت اسوم وهي مبتسمه وتقول فخاطرها آآخ يا اسوم لو هادف شرى حمدان ما كنت قلت شي..

الريم تمت ساكته .. وهادف خلاص هب قادر يتحمل..بس غصبن عنه

هادف: ان شالله من باجر تبدون تتجهزون .. يلا حمدان نزلنا..
حمدان مبتسم : يلا .. اسوم تامريني ع شي.؟؟
اسوم : سلامتك حمدان..
حمدان مبتسم : ربيه يسلمج ..فداعة الله ..

هادف طالع الريم بنظررره قويه وهي ردت له نفس النظره وصدت عنه .. وهو ظهر بدون مايرمس..

حمدان واسوم استغربوا من حركات هادف والريم بس مارمسوا !!



البنات بدن يتجهزن للعرس.. حليلهن هب ملحقات .. كل يوم ناقزات المول .. والخياييط .. والصوالين ومادل وين ! يالله يالله يخلصون .. وحور من درت بالسالفه حز فخاطرها .. وايد تعلقت بالريم واسوم وما تتخيل انها تكون بدونهن !! العايله كلها مرتبشه !! حمدان وهادف خلصوا أوراق الريم واسما ... عسب يدرسون فجامعة لندن !!



طول هالشهر .. حمدان واسوم يرمسون بعض ليل نهار ... كل مره يقولون خلاص مابنرمس بعض بس مايرومون ههه .. ولا هادف والريم .. مووول مايرمسون بعض إلا بالمسجات .. واذا رمسها يزاعق عليها ولا يرمسها بجفاف !!وجيه مضت الايام!!




يوم الأحـــــــــد [ عرس هـــ الريم ـآدف @ حمــ أسماء ــدآن ]



الشهر مر بسرعه ! محد حس فيه !! الكل كان مشغول بتجهيزات العرس.. اليوم العرس !! الكل مرتبش من الصبح !! الريم واسوم يتهن حرمه تعدلهن فالبيت .. وحور كانت عندهن ..


الريم : فديتج حواري لا تصيحين ..
حور: والله ريموه ماعرف كيف بكون بدونكن .. مابغيكن تسافرن عنيه ..
اسوم : فديتج حواري .. ان شالله الايام بتمر وبنرد هني ..وبنتم ويا بعض 24 ساعه هههه ..
حور: هههه ان شالله ..



الريم واسوم خلصن .. كانن وايد حلوات .. ويا الوقت اللي يدخلن العرايس فيه !!


تبندت الأضوا .. الكل ملتفت صوب باب القاعه !! يرقب العرايس يدخلن !!


تبطل الباب .. والحمااام يتطاير فكل مكان وملى القاعه !! كان المنظر وايد حلوو .. وصوت الموسيقى الهاديه محليتنه !!يدخلن العرايس والحمام حيالهن !




الكل يناظرهن .. سبحانه أقمار تمشي ع الارض !! الكل يذكر الله ع جمالهن .. ماشالله عليهن طالعات غرام ..!!



يدخلن العرايس على زفة [ خطوة خجل ] !!



الف صلي وسلم عليك يا حبيب الله محمد !!

وش هالنهار اللي طلع والليل توه يا الحضور !!
وش هالصباح اللي بدى بالشمس والدنيا ظلام!!

لالا ابد ماهو نهار ولا صباح (ن) شق نور!!
هذيل عرايسنا أقبلن والليل شام !!

ين بالصباح العذب واهدن ليلهن و ابهى الحضور
ين بالنهار وكنهن يمشن على هام الغمام

خطوة خجل خطوة دلع خطوة ترف خطوة غرور
خطوة تزيد الصمت صمت وتجعل النظره كلام

هذيل عرايسنا اللي تمنت كفهن كل الزهور
اللي خذو كل الجمال وطيبة قلوب الانام !!

من نورهن كن الكواكب حولهن صارت تدور
لا تنظر النجمه ولا تنزل إلى بدر التمام !!


العرآيس يمشن والحيا يكسيهن !! يوم وصلن نص الممر ع الكوشه.. راحت الريم ع صوب واسوم ع صوب .. ودخلو امبينهم حمدان وهادف وهم إيولون .. الكل انبهر !! كانوو ظاهرين غرام صدق !!



عقب كل واحد يود عروسته ووقفوا يتصورون !! وحمدان ماخلى اسوم بحالها .. وويهها غادي اشارة مرور !! الريم كانت مبتسمه لكن بداخلها جرح كبير !! فجأه هادف طالعها وابتسم .. وهي ردت له الابتسامه وتمو ساكتين..



الكل يا يبارك لهم .. الكل كان مستانس.. عقب دشوو خوانهم عسب يسلموون عليهم وكانو وايد مستانسين ..



منصور وقف حذال الريم يونه يغايظ هادف ويود يدينها .. هادف طالع منصور بعين ومنصور ولا عليه يضحك ههه .. هادف سحب يدين منصور وتم ميود يدين الريم .. الريم استغربت وبنفس الوقت استانست !!


منصور كان كاشخ بالقو لي يشوفه يقول المعرس.. طالع طررر صدق.. وغرشووب


يلس إيول والكل يطالعه .. وكان ايول من قلب !! ويأشر وإيبس .. كل حركاته كانت غرام ..
والبنات اللهم لا حسد كلهن يطالعنه ههه . . منصور وهو إيول ما كان يقصد بس يت عينه بعين حور .. حور ع طول تلثمت ومنصور صد .. وحور طول الوقت كانت تطالعه !!



العرس انتهى ع خير .. زفوا المعاريس وكانت الزفه وايد حلوه والشباب ماقصروا .. طبعا أحلى ما فالعرس الزفه .. اليوله والويلات ..شي شي ههه ..



الريم واسوم سلمن ع هلهن وتمن يصيحن .. ورياييلهن مبتلشين .. عقب سرحوا صوب دبي لانهم الفير ع طول بيسافرون لندن !!



معاريسنا وصلو دبي .. طبعا باتو فبرج العرب.. حمدان واسوم دخلوا قسمهم والريم وهادف بعد ..!



الريم دشت وهادف وراها وبند الباب .. الريم تمت واقفه .. يدينها كانت ترتجف .. هب عارفه شستوالها !! وهادف واقف مكانه !!


هادف : مبروك يالريم ..
الريم بصوت مبحوح :الله يبارك فيك ..
هادف : هاي حجرتج وانا هاي حجرتيه إذ بغيتي شي خبريني..


الريم مستغربه وبنفس الوقت حاسه بألم ليش يعاملها جيه ليش ؟؟


الريم هزت راسها بمعنى اوك ودخلت حجرتها ..هادف راح ينزل الاغراض من السياره والريم دشت حجرتها ويلست تصيح !! تبغي تبدل هب عارفه كيف!! صعب تبطل الفستان روحها .. بغت تدق حق اسوم بس استحت ! اسوم كيف بتيها وهي روحها عروس ووياها ريلها .



الريم يلست تفج فستانها .. تحاول وتحاول بس ماقدرت ...يلست ع الشبريه وتمت تصيح !! خلاص حاسه عمرهاا مقهوووره ..


آآخ ليتنيه ماعرست .. ليتنيه تميت عند اميه ولا عشت هالعيشه !! معرسه وهب معرسه !! آآخ يا اميه تعالي شوفي بنتج !!


شوي إلا هادف ياي .. هادف مادق باب حجرة الريم .. ع طول دخل ..شافها يالسه ع الشبريه وتصيح !! الريم ع طول صدت صوب الباب متروعه .. بلاه جيه داخل !!



هادف حط الاغراض ويرمس الريم : بلاج تصيحين ؟
الريم : ماشي..
هادف : انا أسألج عسب تجاوبين هب عشان تقوليلي ماشي..
الريم : كيفي كيفي انت مايخصك فاهم !!
هادف : لا يخصنيه ..


الريم تمت ساكته منقهررره منه..


هادف: انا ظاهر بدلي وتعالي الصاله عسب تتعشين ..

الريم صدت عنه وهي مقهووره تحاول تكتم دموعها ..هادف ظهر راح حجرته بدل ويلس فالصاله يرقب الريم ..



الريم نشت وتحاول تفج فستانها وبهالوقت دخل هادف وشافها ..

ابتسم وسار صوبها : تبين اساعدج ؟


الريم استحت شو يساعدنيه : لا مابغي مشكور...
هادف : اوك كيفج ..


الريم انقهرت اف مافي حل إلا انه يساعدنيه بس مابا مابا ..

هادف توه بيظهر وصد صوبها : اظهر يعني ؟
الريم بقهر ولا معبرتنه: هيه اظهر ببدل روحي..

هادف عناد فيها راح صوبها :هاتي بساعدج ..
الريم : مابغي روح مابغي ..

هادف نزل يدينها وفج لها الفستان .. وهي موول مستحيه شيسوي ها .. هادف سوالها طاف فجلها الفستان وظهر ..



الريم شلت الشنطه الصغيرونه لي كانت حذالها وتفرها صوب الباب من القهر .. الريم بدلت وخلصت ويلست ع الشبريه مستحيه تظهر !!



هادف يزقرها من الصاله : الريـــــــــــــــــــــــــــــم !!
الريم تتحرطم : والله مارد عليك زوول عني .. تببغي ترمس تعال روحك ..
هادف يرد يزقرها : الريييييييييييم ماتسمعين ..


الريم مسوويه طاف وتتحرطم روحها..

شوي إلا وايي هادف وهو محررج .. : انتي ماتسمعييييييييين !!

هادف قفط ويهه يوم شافها .. وهي استحت تمت ساكته ومنزله راسها ..


هادف:تعالي يلا تعشي..
الريم : مابغي..
هادف :بتين ولا لا؟
الريم :مابيي كيفي.

هادف رايح صوبها ويودها من يدينها ويرص ع أسنانه : لآ تقولين كيفي..
الريم تعاند : مابا كيفي كيفي ..
هادف يرص ع يدينها زود : قتلج لا تقولين ..
الريم والالم يعصرھا: بقووووول.. خوز عني.
هادف فر يدينها وهو منقهر : زووولي يعلج ما تعشيتي ..


هادف ظهر والريم تمت يالسه مكانها منقهره .. عقب انسدحت ع الشبريه ورقدت .. وهادف شل عمره تعشى ودخل حجرته يرقد ..




الساعه 3 الفير [ غرفة حمدان واسما ]

حمدان نش راح خذ له شور .. ولبس واسوم بعدها راقده .. شافها وابتسم ..سار ويلس حذالها ..
خذ طرف غترته وتم يمشيها ع ويهها . . واسوم تتجلب تبغي ترقد ..


حمدان : حبيبي يلا نشي نبغي نلحق ع الطياره ..
اسوم : همممم برقد ..

حمدان باسها ع خدها .. جان تستحي وتنش ..

حمدان : ههههه عيل دوم جيه بوعيج ..
اسوم مستحيه : دب انت ..
حمدان : ههه فديتج يلا سيري بدلي..
اسوم مبتسمه : ان شالله حبيبي..



وعند هادف والريم ..

الريم ناشه من وقت بدلت وخلصت وهادف بعده راقد .. كل مره تيي تبغي توعيه وترد .. مستحيه توعيه !

افف خلاص بوعيه واللي فيها فيها ..

الريم سارت حجرته ويلست حذاله : هادف.. هادف نش تاخرنا..

هادف ولا معبر راقد ..

الريم تمت تطالعه بحب .. شكله غرام وهو راقد .. الريم نست عمرها .. يلست حذاله وهي تطالعه .. وكانت وايد قريبه منه !!

فجأه هادف فج عيونه ولقى الريم جدامه .. الريم استحت ع طول نشت تبغي تروح .. هادف يود يدينها ..


الريم : آسفه هادف .. بس كنت أبغي اوعيك ..
هادف مبتسم : توعيني ولا تطالعينيه ؟
الريم : لا ما اطالعك استريح . . يلا نش تأخرنا..
هادف : ههههههههه مشكله انتي .. اوك يلا ..

الريم طالعته بنظرة تحدي وظهرت وهي محرجه ..


هادف بدل وراحوا هو حمدان يشلون الاغراض السياره .. وع طول صوب المطار !!


ع الساعه 4 الطيارة طارت صوب لندن !!



حمدان واسوم تموا يسولفون فالدرب وعقب رقدووا .. والريم وهادف طول الدرب ساكتين ..الريم ملت خاطرها ترمس من الملل.. بس تعرف انهم بيتناقرون .. فتمت ساكته .. وهادف بعد خاطره يسولف ويا الريم !! لكن كبرياءه يمنعه !! يلس يقرآ الجريده والريم وحليلها يالسه برويحاتها ملانه ..آخر شي تعبت واستسلمت للرقاد !!



الريم ردت راسها ع ورى ورقدت .. هادف صد صوبها لقاها راقده !! رحمها شافها راقده جيه بس قال برايها .. يلس يقرآأ جريدته هب ياينه رقاد !! شوي إلا الريم حاطه راسها ع جتف هادف !! طبعا ماحست بعمرها لانها راقده !!

هادف وايد استانس .. يلس يقرأ الجريده عقب مل عقها .. ويلس يطالع الريم .. شكلها وايد حلوو وكيوت وهي راقده .. سبحان الله جنها ياهل مرقده .. ملامحها وايد طفوليه وحلوه !!



هادف كان خاطره إيود يدين الريم .. بس هب قادر !! وبدون ما يحس خذ يدينها ويلس يلعب بها ويطالعها !!


كان يطالعها ويبتسم .. آآآخ لي متى بنتم جيه يالريم !! وانا ادري اني اموت فحبج !! وماتهونين عليه .. لكن ماقدر والله ماقدر !! ياما حاولت اواجهج بس أحس اني بمووت لو رمست ..احس بغصه ماقدر ارمس.. احبج يالريم والله احبج !!






بيت بوفلاح

الشباب يالسين ويا امهم في الصاله .. ومنصور كالعاده يالس يغلس على امه ..

منصور : إميه صدق لي سمعته ؟
أم فلاح : وشو اللي سمعته ؟
منصور : سمعت إن عمرج شي وثلاثين ..
ام فلاح : هيه وحليلي صغيره ..
منصور: اوونه وانا اتحراج تخطيتي الستين ..ههههههههه

عليا : ههه حرام عليك ..
ام فلاح : هب هباك الله .. انا تخطيت الستين يالهرم ..
منصور: هههههههه فديتج والله أسولف..


عليا :عمووه َ!!
ام فلاح : آمري يا بنيتي ..
عليا : عنديه لج بشاره !!
فلاح : لآآآآآآ لا تقولين ياويلج ..
عليا: فلاح حرام خلني انا اقول ..
فلاح : لآ‘ .. انا بقول ..
منصور :هيه يلسو تعازمو .. إميه عليا حامل ..
ام فلاح : صدق!!

عليا وفلاح مستغربين يطالعون منصور : وانت شدراك ..؟؟

منصور: هههههه قول والله صدق..تراني بس جيه قلت ..
فلاح : هههههه أسميك ونحن نتحرى صدق تعرف..هيه يا اميه عليا حامل..

ام فلاح تنش وتلوي ع عليا :مبروووك مبرووووك يا بنيتي ..
عليا مستانسه : الله يبارك فيج عموتي ..
أم فلاح : مبرووك يا فلاح ..
فلاح :الله يبارك فيج إميه ..

منصور: احم احم بستوي عمي منصور هههه ..
فلاح : هااللي هامك ههههه
منصور: عيل شو الفايده هههه ..
عليا : بخليه يقولك منصور حاف..ههه
منصور: ارقبه انا يقوليي جيه .. ان ما نسيته امه وابوه ههههه
فلاح :خيبه خيبه هههه

أم فلاح : خبرتي اهلج ؟
عليا : لا والله بعدنيه .. ان شالله اليوم بسير صوبهم وبخبرهم ..
ام فلاح : حيكم والله ..



عند هادف والريم [ الطياره ]

الريم توها تفج عيونها .. حاسه بتعب .. ع طول انتبهت انها حاطه راسها ع جتف هادف.. وشافته ميود يدينها ويلعب بها .. الريم استغربت .. حست ان هادف يحبها بس يكتم !! بس ليش ؟؟ ليش يا هادف !



الريم يلست وماتحركت ..كان ودها اتم جيه ع طول .. قعدت تناظر هادف والافكار تودي بها وتييب ..
آآخ يا هادف .. مادل ليش احسبك تحبني لكنك مجرووح !! وليتينه اعرف انت من شوه مجروح ليت .. الريم بدون ماتحس دمعت عينها .. هادف صد صوبها وشافها تطالعه .. ماعرف شيسوي ..



هادف مبستم : رقدتي عدل ؟

الريم هزت راسها بمعنى هيه ..

هادف رد لها الابتسامه ولكن ماقدر يهد يدينها بعده ميودنها ..!!


الريم بهدوء:هادف..
هادف: نعم ؟
الريم : انت تكرهني؟

هادف طالعها وتم ساكت ..

الريم : ماجاوبتني؟
هادف: هيه اكرهج ..


هادف نش وحاس قلبه يعصره . حاس بألم .. راح صوب التواليت..مايعرف وين يسير.. يبغي يهرب عن الريم اللي تضعفه بنظراتها .. وبالحزن لي يتخالط ويا الحب فعيونها !! آآخ يالريم ماعرفتلج ماعرفتلج ... وماعرف ابتدي من وين !!


الريم يلست مكانها .. صدت صوب الجامه تطالعها .. شكل هادف لين احين جدام عيونها .. أكرهج !! ليش ليييييييييش يا هادف ليش..


عقب شوي هادف يا ويلس مكانه بدون مايرمس. .تمو ساكتين ولا واحد فيهم رمس الثاني !! عقب ساعه وصلوا المطار . خلصوا اجراءاتهم ولقوا شوق ومشعل يتريونهم ..


حمدان يمشي ويا اسوم وميود يدينها وهادف يمشي والريم وراه .. حمدان ع طول سار صوب مشعل يلوي عليه


حمدان : مررررررحبا السااااااع ..
مشعل: يا مراااحب .. شلوووونك شخبارك ؟
حمدان : الحمدلله بخير وسهاله انت شحالك ؟
مشعل : الحمدلله .


هادف إيي صوب مشعل : مررررررررحبا ملياار والله ..
مشعل : هههه وبك زوود ..شلونكم ؟
هادف: الحمدلله ..انت شحالك ؟
مشعل : تماام والله ..


حمدان يسلم ع شوق .. وهادف بعد ..


حمدان : شوق أعرفج ع أسما حرمتيه .. والريم ختيه وحرمة هادف..
شوق تسلم عليهن : مرحباا والله .. زين ييتو تونسوني هههه ..
اسما: ههه فديتج .. ان شالله بنكون ربع ..
شوق : ان شالله ..




هادف يبغي يقهر الريم : شوآآآقي اشتقتلج ..

أسما طالعت هادف والريم بعد .. وشوق ماعرفت شتقول..

حمدان :يلا حريم بنسير الفندق نرتاح .

حمدان وهادف شلو حريمهم .. وساروا الفندق..


خذولهم شقه عووده فيها صاله عووده ومطبخ وحجرتين كاملات ..يعني بالتواليت وكل شي..

حمدان : ها شرايكم بالشقه ؟
اسوم : اللآآي غرام .. احلى شي إنا بشقه وحده عسب اتم ويا ريموه ..ههه
الريم : ههه فديتج والله ..

حمدان : هههه ونحن طاح كرتنا...
اسوم : هههه لا افا انت بالقلب..
هادف : اوووووووه شعليك ههههه ..
حمدان : احم احم جان اختق هههه ..


الريم : عن اذنكم انا سايره حجرتيه ارتاح ..
هادف: وانا ياي وياج .. يلا عن اذنكم ..
حمدان : اذنكم معاكم ..


الريم دشت الحجره ومالها خاطر تشوف هادف.. هادف حس إنها تضايجت بس قال احسن خل اطفي شوي من القهر لي داخليه !!


الريم راحت وبدلت ويت بترقد بس هب عارفه وين ترقد ..!! ما تبا ترقد حذال هادف .. آآخر شي شلت مخدتها وانسدحت ع الكنبه لي فالحجره .. وهادف رقد ع الشبريه ..





الايأم مرت .. الكل كان مستانس.. طلعات وكشتات .. إلا الريم وهادف.. اللي حياتهم كلها كانت مناقر ومزاعق !! والريم حليلها مستحمله هادف وحركاته المقصوده ويا شوق.. الريم كرهت شوق بسبته .. ما تداني تشوفها !! وهادف كل يوم كان يزيد قساوه ويا الريم ..


الريم كانت تتريا الدوام بفارغ الصبر.. عسب تحصل شي يلهيها وينسيها العذاب لي هادف معيشنها فيه !!

الايـــــــــــــآمـ تمـــر !



بدى الدوام فالجامعه .. الريم واسوم وايد كانن مستانسات .. هادف وحمدان وصلوا الريم واسما وراحو عنهم كلاساتهم ..


الريم واسما عقب ماخصلوا الكلاس راحو الكوفي . ويلسو ضحك وسوالف.. وايد كانن مستانسات .. شوي إلا اتييهن شوق..


شوق : مرحباا بنااات ..
اسوم : مراااحب شحالج شواقي؟
شوق : الحمدلله انتي شحالج ؟
اسوم : الحمدلله ..
شوق: شحالج الريم ؟
الريم بدون نفس : الحمدلله ..


شوق حست ان الريم كرهتها من حركات هادف.. ياما حاولت فيه ان مايسوي جيه بس هو يعاند .. شوق حليلها كانت وايد تنصح هادف.. تحاول فيه إن يواجه الريم بس مارامت عليه !! هادف عنيد وراسه يابس !!


يلسن البنات يسولفن وطبعا الريم طول الوقت ساكته ..


شوق: ريموه بلاج ساكته ؟
الريم مبتسمه : ماشي بس مالي خاطر ارمس..
شوق: فديتج ريموه لا تضيجين بعمرج استانسي..
الريم مبتسمه :ان شالله ..



الريم ارتاحت لشوق.. حست انها وايد طيبه وتحب الريم ... اسوم والريم خذو ع شوق وايد .. صح ان الريم كانت تنقهر من حركات هادف لشوق.. لكن ما خلت هالشي يخرب علاقتها ويا شوق !!


شوق : شرايكن نسير البحر ؟
الريم :اللآآآي وناسه من متى خاطريه اسير البحر ..
شوق: هههه زين عيل .. يلا سرينا ..
اسوم :ويت بنخبر رياييلنا..

الريم : هيه صح ..اسوم انتي دقي حق حمدان وخل يخبر هادف بالمره ..
اسوم : وليش ما ادقيله ..
الريم :مايحتاي اكيد هم ويا بعض..
اسوم : اوك هب مشكله ..


اسوم تدق حق حمدان ..


حمدان :مرحبا الساع ..
اسوم : وبك مليار شحالك حبيبي؟
حمدان : دامنيه اسمع هالحس عال العال هههه
اسوم : هههه وياويهك ..انزين حمداني..
حمدان : عيونه ..
اسوم : احم .. اخبرك بنسير البحر ويا شوق..
حمدان : اها اوك مب مشكله ..

اسوم : حمداني ماترومون تلحقونا .. خاطريه تكون ويايه ..
حمدان : ههه فديتج.. خلاص نحن احين مخلصين بنلاقيكم هناك ..
اسوم : ونااسه .. اوك وخبر هادف ان الريم ويانا..

حمدان : اوك مب مشكله ويايه هو .. هادف الريم بتسير هي واسوم البحر ويا شوق..
هادف انقهر ليش ما دقت له : اوك برايهن..

حمدان :اوك اسوم نلاقيكم عقب..
اسوم : اوك هله هله بعمرك ..
حمدان : من عيوني وانتي بعد ..فداعة الله ..
اسوم : الرب حافظ ..



الريم : ها خبر هادف؟
اسوم : هيه قال هب مشكله ..
شوق: يلا عيل سرينا ..


البنات سارن ويلسن هناك يتمشن .. عقب تربعن ع الارض ويلسن يشلن .. وايد مشتاقات للدار .. شوي إلا الشباب واصلين ..


الشباب : مررررحباا الساع ..
البنات : وبكم زوود ..

حمدان : اسوم تعالي أبغيج ..
اسوم مبتسمه : اوك ..


اسوم سارت صوبه : آآمر حبيبي ؟
حمدان : فديت عمرج .. اشتقتلج تدرين ..
اسوم: هههه حبيبي انت تدري..
حمدان : قلبي انتي تدرين ..
اسوم : هههههه فديتك والله ..انزين شو بغيت ؟
حمدان : ماشي بس جيه اسولف وياج هههه
اسوم : هههه ياحافظ ع اللي يبغي يسولف بس ..
حمدان : ههههههه


مشعل: سمعوا انا بسير أشتري العشا وبيي ..
هادف : اوك اخاويك ؟
شوق تقاطعه : لالا انا بسير وياه .. انت ايلس عند حرمتك ..
هادف فهم قصدها : اوك برايكم ..


شوق ومشعل راحوا يشترون عشا .. واسوم وحمدان يتمشون ويسولفون .. والريم وهادف يالسين مكانهم ..


هادف: الشيخه ماقدرتي ادقين ليه وتخبرينيه ؟
الريم : ترى ادريبك عند حمدان ..
هادف: ولو .. ليش اسوم ما سوت شراتج ؟
الريم : ادري انت ما وراك الا المزاعق وانا مافيني اصدع عمريه..
هادف: هيه ثره صوتي وايد مزعج ..
الريم: انا ماقلت جيه .. خلاص هادف طبها السالفه..
هادف: هيه لازم بطبها.. هب منج من اللي ييلس وياج ..
الريم مبتسمه بحزن : خلاص هادف برايك سير ويا حمدان وانا بزقر اسوم ويايه ..


هادف حس ان جرحها :بتنشين نتمشى؟
الريم : ماعرف كيفك..
هادف: تبين ولا لا ؟
الريم : اوك ..


هادف نش ومشى والريم وراه .. عقب يلسو يتمشون ويا بعض .. والصمت يملي المكان .. ما يسمعون غير صوت البحر !! وع صوت البحر براكين تثور فقلب هادف والريم !! مايعرفون متى بتنطفي !!



هادف : الريم شو تتمنين !!
الريم : وآآيد أشيا يا هادف..
هادف : انا بعد وايد اشيا اتمناها لكن أغلاهم صعبه !
الريم : بين كل هالامنيات عندي امنيه وحده اتمناها !!
هادف: شو هي يالريم !!
الريم :خاطريه اعرف ليش تعاملنيه جيه ؟

هادف وهو يطالع البحر: آآخ يالريم انا مجروح !!
الريم : وانا شو سويت يا هادف بشو جرحتك ..؟
هادف انفعل : انتي السبب فكل شي..انتي السبب فالعيشه اللي نحن عايشينها احين .. عيشتيني بعذاب خليتيني اموت باليوم ألف !!

الريم منصدمه شوي وبتصيح : هـ هـآآدف حرام عليك .. خبرني بس انا شو سويت .. مابغي اكثر.. مابغي !!
هادف: الريم انا كل ماشوفج احس بقهر .. أكرررهج يالريم ..
الريم بقهر: واانا بعد .. اكرررهك يا هادف اكرررهك ..اكرررهك


الريم ربعت ويلست روحها ع السيف وتمت تصيح !! هادف صوت الريم بعده يرن فإذنه !! خلاص هب قادر يتحمل .. شوي إلا واتييه شوق ..


شوق: هادف بلاك ؟
هادف: شوق خلاص انا ماقدر اتحمل الريم ..
شوق: انت واجهتها؟؟
هادف: لآآآ .. ليش اواجهها . كل شي واضح .. وهي روحها احين قالت انها تكرهني ..
شوق: انت غلطان يا هادف.. هادف الريم لو كانت تكرهك او تحب غيرك .. ماكانت وافقت عليك واخوانها مخلين الاختيار لها .. وماغصبوها ع شي..

هادف يسمع شوق وهو ساكت .. صح الريم لو ماتحبني ما سوت جيه !!

هادف: شوووق انا خلاص هب قادر اتحمل شي..
شوق : لا يا هادف. انت بيدك كل شي. صدقني لو واجهت الريم بترتاح ..
هادف: مااقدر مااقدر ياشوق..
شوق: لا تقدر.. سير صوبها وقولهااا ..

وبهالوقت الريم صدت وشافت شوق وهادف واقفين ويا بعض .. حست بقهرر بألم .. راحت صوبهم تبغي تقوله انها بترد الفندق !!

وبهالوقت هادف كان يرمس شوق..

هادف: شوق خااطريه أصرخ وأقولهااا أحبج أحبج ..
شوق: انت تقدر يا هادف تقدر ..
هادف : آآآآه لو تدرين يالريم إني أحبج واموت بثراااج ..


هني الريم سمعت هادف وهو يقول هالجمله من آخرها !! أحبج واموت بثرااج !! الريم وقفت .. تطالع هادف وشوق !! تحبها يا هادف .. تحبهاا !! الريم راحت تربع وهي تصيح ..حاسه ان الكون ضااااج ضاااج ..خلاص مستحيل أرجعلك يا هادف !!مستحييييييييل !!

مابقى بــي ..
غير ..//
" دمعـهـ "
عالقهـ ترفض تطــيح
كـاتمهـ | آهـ | وعبــرهـ ,
, لا أقــول ولا أعــــيد ,,
فاقـده صــدر(ن) حنــون ..
.. أرتمي وســطهـ وأصــــيح ،،
عايشـهـ .. !
عــآلمـ رتـآبهـ
وكــل مــا حــولي بلـــيد ,,
لاعــواصف ..
لا سحــآب ..
ولا مــطر ..
أو صــوت ريــح ..!

البارت _ 29_

( مــآ قبــل الأخـــير )



الريم وقفت .. تطالع هادف وشوق !! تحبها يا هادف .. تحبهاا !! الريم راحت تربع وهي تصيح ..حاسه ان الكون ضااااج ضاااج ..خلاص مستحيل أرجعلك يا هادف !!مستحييييييييل !!



مابقى بــي ..
غير ..//
" دمعـهـ "
عالقهـ ترفض تطــيح
كـاتمهـ | آهـ | وعبــرهـ ,
, لا أقــول ولا أعــــيد ,,
فاقـده صــدر(ن) حنــون ..
.. أرتمي وســطهـ وأصــــيح ،،
عايشـهـ .. !
عــآلمـ رتـآبهـ
وكــل مــا حــولي بلـــيد ,,
لاعــواصف ..
لا سحــآب ..
ولا مــطر ..
أو صــوت ريــح ..!




الريم تربع وتصيح ... خلاص تحس إنها بتموت .. هب قادره تشوف هادف .. آآخ يا هادف .. عذبتني بما فيه الكفايه .. خلاص انا مابغيك مابغيك !! مااااابغيك


اسوم شافت الريم وربعت صوبها ..




اسوم : ريماني شفيج ؟

الريم تصيح هب قادره ترمس .


اسوم : ريمااني دخيلج رمسي شفييييييييج ؟؟
الريم : اسوم خلاص ماقدر اتحمل هادف .. عذبني يالريم خلاص ماباه ماباه ..



وبهالوقت هادف ياي صوب الريم .. ياي وكله شوق يخبرها بإنه يحبها !! يخبرها ويعترف لها بكل شي !! هادف مايقدر يكابر أكثر !! يحس عمره ميهود .. خلاص يالريم انا بكسر هالحاجز لي بينا .. أحبج يالريم احبج !!




هادف يمشي وخطواته متثاقله : الريــــــــم !!



الريم تصد صوبه وهي تصيح وتصرخ : الله ياخذ الريم الله ياآآآآآ خذها ..الله يااااااااااخذهاااااا




هادف حس بألم .. الريم تربع .. وهادف وراااهااا .. الريم تركض.. تحس عمرها هب شايفه شي .. ماقدرت تتحكم بتصرفاتها .. تحس عمرها منهااره ..




اسوم ربعت صوب حمدان تزقره.. حمدان هد لي فيده وربع صوب الريم وهادف.. يبغي يهديهم يبغي يعرف السالفه ..




أسوم هب عارفه شتسوي .. تمت لاويه ع شوق وتصيح .. وشوق نفس الشي كانت تصيح ع حال هادف والريم !!




الريم فحال لا يحسد عليه .. هادف وراها يزقرها وهي ماترد .. وحمدان وراهم .. الريم تخطت الشارع وما انتبهت للإشاره !!



هادف صرخ: الررررررررررررريم انتبهي ..

حمدان : الرررررررررريم لآآآ



لكن الريم ما انتبهت تركض وهب شا يفه شي جدامها . إلا واتيي شاحنه وتشلها!!


"

"

"






بيت بو فلاح



منصور : هيه يا اميه انا متأكد من قراري..
فلاح : وبعدين يا إميه هالناس موول ماينعابون .. ومنصور خلاص شهر وبيشتغل..
أم فلاح : الصراحه حور بنت ما عليها رمسه .. ودام جيه السالفه انا ماعندي مانع وان شالله بخطب لك اياها..

منصور مستانس يحب امه ع راسها : علنيه فداج يا اميه ..
أم فلاح : تستاهل يا وليدي ..
عليا: مبروووك منصور مقدما ... هههه
فلاح: صبري انتي ما صار شي هههه ..
منصور: عيل عنادن فيك .. اميه دخيلج ادقين حق العرب احين تخبرينهم قبل لا نسير نخطب..
ام فلاح : هههه أحين عاد ..
فلاح : حشا حشا مستهوي انت هههه ..
منصور: امييه رفجه ادقيلهم احين ..
ام فلاح : هههه شسوي بعد بدق ..


منصور يعطي امه التلفون : يلا
أم فلاح : هههه واعليه عنك يا وليدي ..لو ادري من زمان خطبتها..
منصور: هههه يلا انزين دقي اميه ..
ام فلاح :هههه ان شالله ..


أم فلاح تدق ويرد عليها هزاع : مرحبا الساع ..
أم فلاح : مرحبتين كبار.. شحالك ياولديه ؟
هزاع : بخير ونعمه ربيه يعافيج ..ومن جداج خالتيه ؟
أم فلاح : الحمدلله ياولديه .. عيل أمك وينها ؟
هزاع : هني موجوده .. احين بزقرها..
أم فلاح : بارك الله فيك ..



هزاع سار يزقر امه .. وحصوه يودت التلفون ..



حصوه : ألووو
ام فلاح : مرحبا الساع ببنتيه ..
حصوه : منوو انتي؟
أم فلاح : انا خالوتج ام فلاح..
حصوه مستانسه : انتي خالوتي ام حبيبي منصور..
أم فلاح : هههه هيه يا اميه ..
حصوه : خالوتي عطيني حبيبي شوي..

ام فلاح : امرره حاظرين .. منصور هاك حصوه تبغيك ..
منصور يضحك : هههه هاتيها..



منصور ياخذ التلفون : مرحباا الساع ..
حصوه : حبيـــــــبي
منصور: عيووونه انتي هههه شحالج ؟


هني حور يت .. ومن سمعت حصوه ترمس منصور حطت اذنها تبغي تسمع حسه ههه



حصوه : ماب بخير..
منصور: افاا ليش؟
حصوه : انت ما تحبني ما ييتني توديني الحديقه نفس كل مره ..
منصور: ههه فديتج انا... اليوم بيي بشلج انزين ..
حصوه مستانسه : هيييييييه حبيبي انته ..
منصور: فديتج انا هههه وين ماماتج ؟
حصوه تفكر: امممم ماعرف.. هني حورووه حاطه اذنها ع السماعه ..اف منها



حور ويهها قافط ع طول شردت .. ومنصور ناقع ضحك وفخاطره آآخ فديت قلبها حور..



منصور: هههه حليلها سلمي عليها..
حصوه : انزين .. هكي ماماتي يت ..
منصور: هاتيها.. يلا بيبآآي
حصوه : بـيبآآي..



منصور عطى امه التلفون ..


أم هزاع : مرحبا الساع ..
ام فلاح : وبج مليار ..شحالج يا ام هزاع ؟
أم هزاع : بخير وسهاله ومن جداج يا ام فلاح ؟
أم فلاح : الحمدلله ما نشكي باس ولا لوعة ياس..
ام هزاع : دوم يا ربيه ..
أم فلاح : يميع ان شالله .. أقول يا أم هزاع ؟
ام هزاع : آآمري..
أم فلاح : مايامر عليج عدو ولا ظالم . ياغير انا اليوم داقتلج بحايه ..
أم هزاع : خير يا ام فلاح ؟
أم فلاح : يا ام هزاع نحن طالبين القرب منكم.. ونبغي نطلب ايد بنتكم حور لولديه منصور..وقلنا نشوف رايكم قبل لا انيي نخطب رسمي..

ام هزاع استانست : هاي الساعه المباركه يا ام فلاح .. أشهد ان منصور نعم الرياييل.. وانا مول ماعنديه مانع .. ياغير تعرفين لازم ناخذ شو بوهزاع والبنيه واخوها..
أم فلاح : معلوم يا ام فلاح .. ونحن نرقب ردكم ان شالله ..
ام هزاع : إن شالله ما يستوي إلا الخير..
ام فلاح : يلا عيل يا ام هزاع .. ودعتج الله ..
ام هزاع : يا مرحبا الساع .. الرب حافظ ..



أم فلاح بندت عن ام هزاع ومنصور ع طول نقز صوبها : ها شو قالت ؟
أم فلاح : شو بعد بتقول.. بتشوف راي البنيه وهلها..
منصور: يعني حسيتي انها موافقه هي؟

فلاح : هيها هههههه الله يعينج يا اميه .

ام فلاح : ههه هيه حسيتها موافقه ..
منصور ينقز فوق: هيآآآآآآآآ خخخخ

عليا: منصور ثرك حفزان للعرس..
منصور: إلا ههههههه



يلسو العيال يسولفون ويا امهم ..فجأه أم فلاح حست قلبها يعورها.. جان تحط يدينها عليه ..


فلاح :إميه بلاج ؟؟
أم فلاح والالم بعده فيها : لالا ماشي يا وليدي بس حاسه شوي بتعب..
منصور: إميه اوديج المستشفى؟
ام فلاح : لالا يا وليدي .. ان شالله بيروح ..
فلاح : إميه اذا تعبانه بنوديج ..
أم فلاح : وليدي يا فلاح .. دق حق حمدان تخبره عن حالهم والله احاتيهم ..
فلاح مبتسم : إميه ان شالله ما عليهم شر لا تحاتين ..
أم فلاح : والله ياوليدي انا حاسه ان شي مستوي عندهم .. دخيلك دق وطمني ..
فلاح : إميه لا تيلسين تحاتين .. قومي احين حطيلنا الغدا نحن يواعه يعني تحاتينهم وماتحاتينا
منصور: هيه والله حليلنا لنا الله .. صبري بصيح هههههه


فلاح : يلا صيح هههههههههه
ام فلاح : ههه علنيه فداكم يا عياليه .. يلا بسير أغرف الغدا..
عليا: يلسي عموه انا بسير..
ام فلاح : لالا ماشي.. جانج بتخاويني يلا..
عليا:ههه فديتج عموه يلا ..



"

"

لنـــــــــدن



الريم طايحه ع الارض.. الدم متناثر في كل مكان .. هادف هب مصدق واقف مكانه ويطالع الريم !! حمدان إيي يربع !! مشعل واسوم وشوق اول ما سمعوو صوت الشاحنه ع طول صدوا صوب الشارع !!




اسوم صرخت : الريـــــــــــــــــم ..





اسوم تربع صوب الحادث.. وشوق ومشعل وراها .. حمدان ع طول دق حق الشرطه والاسعاف ..

هادف يتقدم صوب الريم .. يحس هب قادر يشل عمره !! يلس حذالها .. هادف هب مصدق ان هاي الريم لي جدامه !! الكل تيمع عند الحادث.. هادف يصارخ هب مصدق!!



الررررررررررررريـــم .. الريم دخيلج لا تخليني .. الريم اناا آآآسف.. أناااا آآآسف يالريم .. دخيلج لا تخليني .. انا محتاااااااااااج لج يالريم .. دخيلج لا تخليني ..الريم انا ابغييييييييج الريم دخييييييييلج !!





الاسعاف يت تشل الريم .. هادف هب طايع يودرها.. حمدان ياي صوبه يحاول يشله ويهديه ..


حمدان والدموع بعيونه : هادف.. هادف دخيلك اذكر الله ..

هادف يزخ حمدان من كندورته : هآآآدف والله لو استوى للريم شي ما بسامح عمري ..



هادف ييلس ع الارض ع ركبته ويصيح : مآآآآآآآ بسامح عمريه ما بسامح عمريه ابد ..




أسوم خلاص تحس عمرها منهاااره .. هب قادره تتخيل إن ربيعتها وتوأم روحها ممكن تروح عنها وتخليها..




حمدان ساير صوب اسوم ويلوي عليها: خلاص حبيبي دخيلج لا تصيحين .. دخيلج ..
اسوم بقلة حيله: حمدان ريموه ما بتخليني صح ؟؟ حمدان ريموه ختيه وتوأميه ما بتخليني صح حمدان ؟


حمدان ماقدر يتحمل رمسة اسوم .. لوى عليها بالقو : صح يا اسوم صح ..




مشعل ماطاع يخلي هادف وحمدان يسوقون .. شلهم كلهم بسيارته ولحقوا سيارة الاسعاف..






الريم دخلووها ع طول الانعاش.. حالتها وايد خطره !! الدكاتره والممرضات داشين ظاهرين .. وهادف هب في حاله .. هب قادر يصدق .. واسوم .. وشوق .. الكل حالته ما تسر !!




الدكتور ظاهر ووياه المترجم .. حمدان وهادف يربعون صوبه ..



هادف: دكتووور شخبار الريم ؟؟ دخيلك طمنا ؟؟

الدكتور المترجم : والله ما بعرف شو بدي قول !! بس المريضه دخلت في غيبوبه .. وحالتها خطره كتير !!



هادف واقف .. فاج عيونه .. هب مصدق !! يحس ان ريله هب شايلتنه .. طاح ع الارض.. خلاص هب قادر يتحمل شي .. مول هب قادر ..



الدكتور ع طول زقر الممرضات يشلونه .. اسوم اتيي تربع صوب هادف وهي تصيح ..




هادف شلوه و وركبوله مغذي وخلوه يرتاح .. حمدان هب عارف شيسوي .. حاس عمره منهار .. كان لاوي ع اسوم ودمعه بعيونه !!



مشعل وشوق هب عارفين شيسوون .. هب هاين عليهم يشوفون حال ربعهم وخوانهم جيه !!
اسوم حست بدوخه هب قادره تتحمل ..



اسوم : حمدان أحس عمري بطيح !!
حمدان متروع : حبيبي شفيج .. !!


اسوم ما حست بعمرها وإغمى عليها .. ع طول دخلوها عند الدكتور ..




حمدان خلاص انهار بالقو . اخته وولد عمته وحرمته !! خلاص هب قادر يتحمل !!
أسوم نشت والحمدلله كانت بخير..بس حاسه شوي بتعب !!



حمدان ميود يدين اسوم : غناتي شحالج احين عساج احسن ؟
اسوم مبتسمه بالغصب عشان حمدان : الحمدلله حبيبي لا تحاتي..



شوي إلا والدكتور داش وهو مبتسم ..



الدكتور : انته زوجها؟؟
حمدان :هيه يا دكتور .. عسى ماشر؟؟
الدكتور: مبروووك يا حمدان .. مرتك حامل .-.



حمدان يطالع اسوم ويرد يطالع الدكتور هب مصدق.. مستانس : صدق يا دكتور ؟
الدكتور: أيوا يا حمدان .. بس يا أسما لازم تهتمي بصحتك وما تتعبيش نفسك بالتفكير..
اسوم مستانسه : ان شالله يا دكتور ..



الدكتور ظهر عنهم ..



حمدان يطالع أسما هب مصدق .. واسما دمعت عيونها .. حمدان كان تعبان حيل.. اسما كانت يالسه ع الكرسي.. يا حمدان ويلس تحت وحط راسه ع ثبان أسما !!



أسما حست بتعبه .. حطت يدينها ع شعره وهي تمسح عليه : حبيبي بتصير ابو وانا بصير ام صح؟
حمدان بتعب وبنفس الوقت مستانس: هيه غناتي ..
أسما: مستانس؟


حمدان شل راسه ويود يدين أسما وهو يطالع بعيونها : هيه حبيبي.. وان شالله تكتمل فرحتنا بقومة الريم بالسلامه ..
اسما: الله يسمع منك يارب..


حمدان : يلا نسير نشوف هادف .. ونبشره .. نحاول نخفف من حزنه ونهديه ..
اسوم حاسه بغصه ومبتسمه عشان حمدان : يلا حبيبي..





حمدان ظهر وخبر مشعل وشوق ان اسما حامل.. ووايد استانسوا ..عقب ساروا صوب هادف ..



أول ما دخلو شافو هادف يطالع صوب الدريشه ودمعته ع خده وسرحان ..



حمدان ساير صوب هادف وحط يدينه ع جتفه : خلك قوي يا خوي..

هادف بعده ع هيئته لكن نزلت دموعه ..


حمدان : هادف نبغي نخبرك شي..
هادف وبدون ما يصد صوبهم : شو؟

اسوم يت يودت يدين اخوها : هادف انا حامل..


هادف صد ع طول صوب اخته : صدق؟؟
اسوم مبتسمه بالغصب: هيه يا هادف..
هادف : تستاهلين .. مبروك ..
اسوم :الله يبارك فيك هادف..



هادف رد صد صوب الدريشه وباين عليه التعب والحزن ..


حمدان : خلاص يا هادف .. هونها وتهون .. ادعيلها ما بيفيد إلا الدعاء..


هادف بصوت متقطع: بس يا ح .. حمدان.. انا السبب فكل شي..
حمدان : لا يا هادف لا تقول جيه كل شي بيد الله ..


هادف وهو يصيح منهار : دخيلكم قولولي اني احلم .. دخيلكم قولولي ان الريم بخير دخيلكم ..دخييييييلكم قولوليه ان الريم بخيييييير واني بحلم



اسوم ماقدرت تتحمل شكل اخوها .. ظهرت من الغرفه وهي تصيح من الخاطر .. شوق ع طول ربعت صوب اسوم ..



شوق : اسوم بلاج؟؟ دخيلج لا تصيحين اسوم ..
اسوم : شوق هادف حالته ماتسر.. هادف اخوويه منهاار.. وتوأميه بين الحيا والموت .. آآآآه تعبانه والله تعبانه ..

شوق تلوي ع اسوم : خلاص يا اسوم .. دخيلج لا تسوين جيه ... ان شالله كل شي بيرد شرى قبل واحسن ..



حمدان ظهر من عند هادف .. وامبين إنه صايح !!




اسوم نشت : حمدان شحاله هادف؟
حمدان : آآخ شو بيكون حاله .. ربي يعينا.. الحمدلله هو راقد احين ..



الدكتور توه طالع من عند الريم..



حمدان : ها دكتور طمنا؟؟
الدكتور : والله يا اخويه إحنا عملنا اللي علينا .. ودي الوقت البنت فغيبوبه .. وبحاجة دعواتكم ..

حمدان ساكت هب قادر يرمس .. الدكتور روح عنهم وهم تمو على ما هم عليه !!



مشعل: حمدان يا خوي مرتك حامل ومو زين انها تقعد هني بتتعب .. وانت بعد تعبان سير ارتاح ..
حمدان : لا ياخوي انا بتم هني.. بس طلبتك شل اسوم وشوق وودهم الفندق..
مشعل : ان شالله ياخوي..



حمدان ساير صوب البنات : شوق؟
شوق: آمر ؟
حمدان : شوق دخيلج سيري ويا اسما الفندق عسب ترتاح .. محد هناك ..
اسوم : ومنو قالك انا ابغي ارد ..
شوق: لا يا اسوم .. انتي حامل ولازم ترتاحين ..
اسوم : بس أنا !!
حمدان : حبيبي دخيلج روحي تعبان .. سمعي الرمسه وسيري ارتاحي عشان خاطريه .. وان شالله عقب بييبج هني..

اسوم ماعرفت شتقول: ان شالله حبيبي.. هله هله بعمرك وطمني ..
حمدان مبتسم : ان شالله وانتي بعد .. لا تتعبين عمرج ..
اسوم : ان شالله حبيبي..
حمدان : يلا عيل سيري..
اسوم : اوك فداعة الله ..
حمدان : الرب حافظ ..




اسوم وشوق سارن ويا مشعل عسب يوديهن الفندق.. وحمدان تم فالمستشفى ويا هادف والريم ..

حمدان يلس فغرفة هادف .. وتفكيره مشتت .. حاس انه هب قادر يتحمل خلاص!!
شوي إلا يشوف رقم فلاح يدق له ..




حمدان يرد : ألو مرحبا..
فلاح : مرحبا مليار شحالك ؟
حمدان : بخير وسهاله ومن جداك ؟
فلاح : الحمدلله ..أقول حمدان ؟
حمدان : آآمرني..
فلاح : يابوك الوالده حشرتنا تبغي ترمسكم .. من الصبح حاشرتنيه يونه قلبها يعورها تحاتيكم ..

حمدان وهو حاس بغصه : علنيه فداها .. الحمدلله نحن مابلانا شي..هات برمسها..
فلاح : ههه اوك هاك ..


فلاح يعطي امه الفون ..



أم فلاح : مرحبا الساع !!
حمدان : وبج مليار..شحالج الغلا؟؟
ام فلاح : الحمدلله ياوليدي.. انتو شحالكم شخباركم ؟
حمدان : الحمدلله يا اميه بخير..
ام فلاح : ختك الريم شحالها وريلها شحاله واسوم شحالها؟ كلكم بخير..؟؟
حمدان : ههه فديتج يا اميه كلنا بخير ..

أم فلاح : الحمدلله ياوليدي والله يالسه احاتيكم قلبيه قابضنيه ..
حمدان: علنيه فداج .. لا تحاتين يا اميه نحن بخير.وجان تبينها البشاره تراها عنديه !!
أم فلاح: بشرني يا وليدي ؟
حمدان : اسوم يا إميه حامل ..
أم فلاح : علنيه فداااهاا.. مبرووووك مبروووك ياوليدي تستاهلون ..
حمدان: ههه الله يبارك فيج يا اميه ..
أم فلاح : سلم عليها يا ولديه وباركلها ..
حمدان: ان شالله يا اميه سلامن يبلغ..
أم فلاح : يلا عيل ياوليدي سلم عليهم كلهم .. فداعة الله..
حمدان: يوصل.. الرب حافظ ..




حمدان بند عن امه .. آآخ يا اميه صدق ان قلب الام دليلها !! بس ماقدر ماقدر أخبرج يا اميه بحال الريم !! آآآآخ



"

"



مر أسبوع والريم ع حالها فالغيبوبه .. ماتحرك بها ساكن ..!! كانو كلهم متروعين عليها !! هادف رخصوه لكن ماطاع يخلي الريم روحها .. !!




أم فلاح كل ما تدق تبغي الريم حمدان ييلس يتعذر .. هب عارف لي متى بيتم ع هالحال !! كان خاش عنهم على امل ان الريم تكون بخير !! لكن الخوف بدى يستوطن قلب حمدان وهادف واسوم !!




أم هزاع ردت ع أم فلاح وخبرتهم ان البنيه وهلها موافقين .. حور كانت وايد مستانسه .. ومنصور بعد .. ما كانو يتوقعون ان الايام ممكن تجمعهم فيوم !!




منصور: والله يا إميه حاس إني بطير من الفرحه ههههه
ام فلاح : ههه علنيه فداك عساك دوم مستانس..
ام غيث: والله وكبرت يا منصور وبنشوفك معرس هههه..
منصور: احم احم ههههه ..
فلاح : عموه دخيلج لا تشحنينه روحه خقاق ههههه
عليا: أما بهاي صدقت ..هههه
منصور: لآ والله .. أشوفكم تولفتو عليه انت وحرمتك ههه


ام غيث: انا مارضى ع منصور.. ودامكم تولفتو عليه .. تراني اقولج يا ام فلاح.. منصور تخطبين له هالخميس ويملج..

منصور مستانس: علنييييييه فداج عمتيه ..
ام فلاح : ههه وين وين بهالسرعه .. وخوانه مسافرين ..
أم غيث: يا ام فلاح خير البر عاجله .. وتراها إلا ملجه .. وخوانها مايقدرون يردون عسب الملجه وان شالله فالعرس بيحضرون ..

منصور: هيه والله صدقها عمووه .. هههه
فلاح : هيه لازم صدقها هههه ..
ام فلاح : والله شورج وهداية الله .. خل اخبر حمدان وخوانه احين ..
ام غيث: يلا ومنها نرمسهم ..





ام فلاح دقت حق حمدان وهو كان يالس ويا هادف واسما فالكفتيريا لي فالمستشفى ..



حمدان :اووه اميه داقه .. آآخ لي متى بنخش عنهم ..
هادف: خلها ع ربك .. مانبغي نخوفهم ..
حمدان : ان شالله الريم تقوم بالسلامه يارب..

هادف تم ساكت وحاس بألم ..



حمدان يرد ع الفون : السلام عليكم ..
أم فلاح : وعليكم السلام ورحمة الله ..
حمدان : مرحبا الوالده شحالج ؟
ام فلاح : بخير ونعمه انت شحالك وشحال خوانك ؟
حمدان : الحمدلله يا اميه ما نشكي باس..
أم فلاح : يا وليدي انا داقه وأبغي أخبرك سالفه..
حمدان : ههه سالفه .. شو هي..
أم فلاح : الجماعه ردوا علينا وموافقين ..
حمدان : مبروووك مبرووووك يستاهل منصور والله..
ام فلاح : الله يبارك فيك ياوليدي ..ياغير يبغي الملجه هالخميس.. بس مايصير لازم نشوفكم قبل..
حمدان : لا يا اميه لا تأجلون ولا شياته نحن مرخصينكم كلنا هادف والريم واسوم موول لا تحاتون ..
ام فلاح : علنيه فداك .. وين ختك برمسها..

حمدان : نحن فالمطعم تووها سايره صوب التواليت بخليها ترمسج عقب..
ام فلاح : وينها ما تسأل ولا شي.. لا يكون صاير شي؟
حمدان :لالا يا اميه لا تحاتين .. ماتبين ترمسين اسما وهادف حذاليه ..؟
ام فلاح : هات هادف برمسه ..
حمدان : ان شالله ..




هادف ياخذ التلفون من عند حمدان : مررحبا الساع ..
ام فلاح : وبك مليار ..شحالك ؟
هادف: الحمدلله بخير انتي شحالج؟
ام فلاح : بخير وسهاله.. الريم شخبارها عساكم مرتاحين ويابعض؟

هادف وحاس قلبه يعوره : الحمدلله لا تحاتين كلنا بخير ونعمه ..
ام فلاح : الحمدلله .. هادف حط بالك ع الريم..
هادف: الريم بعيوني عمتيه لا تحاتين ..
ام فلاح :علنيه فداك ..يلا عيل سلم عليهم هناك .. فداعة الله ..
هادف: ان شالله سلامن يبلغ..الرب حافظ ..



هادف بند وهو حاس بضيج .. فر الفون ع الطاوله وراح وهو حاس ان الدنيا به ضايجه ..




اسوم : والله اني خايفه ع الريم وع هادف بعد ..
حمدان : آآخ يا اسوم والله اخاف يستوي ع الريم شي.. هادف بيروح فيها .. اسوم نحن لي احين ماخبرنا حد .. والريم احين بتكمل اسبوعين فالغيبوبه ..



حمدان حط يدينه ع راسه .. اسوم نشت ويلست حذاله


اسوم : حبيبي خلاص لا تضيج بعمرك ان شالله الريم بتنش بالسلامه ..
حمدان: آآخ ان شالله ...

عند هادف..



هادف يطالع الريم من الجامه .. يطالعها ودمعه يذرف .. يالس ويتذكر كل لحظه مرت بحياته ويا الريم .. من يوم هم صغار .. يوم كبروا .. اول مره تلاقى وياها !! دخلتها البيت تخبر أسما بنسبتها والصدفه جمعتها وياه !!

يتذكر يوم ان ساير يشتريلها هديه !! يتذكر صوتها وهي تبوح بحب الريال اللي لي احين هادف ما يعرف هويته ؟ يتذكر شكله وهو يصارخ ع الريم !! يتذكر شكل الريم حزتها !! يتذكر صوت الريم وهي تشل.. الكف لي طبعه ع خد الريم !! شكل الريم يوم تداعمت ويا ريال فالمستشفى وزخها !! الكف لي طبعته الريم ع خده !! الملجه !! العرس !! المناقر .. نظرات الريم .. حبها.. تحديها.. ملاحمها الطفوليه .. بريق الحزن لي بعيونها !!




فجأه تم يصيح بالحيل !! خلاص هب قادر يتحمل !! ضرب بإيده ع الجامه بالقو ..ويربع صوب الدكتور ..



هادف: دكتور ..دكتور دخيلك خلني أشوف الريم دخيلك ..
الدكتور : يا هادف الريم فغيبوبه وانته ماتقدرش تخش عندها..
هادف منفعل: دكتووووور انت ما تحس .. خلني ادش عندها دخيل والديك ..



الدكتور رحم حال هادف وقدر موقفه : خلاص يا هادف..انا دي الوقت هكلم الدكتور المختص وهتفاهم معاه ..



راح الدكتور صوب الدكتور المختص .. ويلس يرطن وياه بالانجليزي .. الدكتور اول شي رفض .. لكن اخر شي اقتنع وسمح لهادف انه يدخل..وقال يمكن هالشي يحسن من حالة الريم !!




هادف يفج الباب.. يمشي بخطوات مجروحه !! يطالع الريم ودموعه ع خده !! ييلس حذالها .. يطالع ملامحها لي تكسيها الحزن .. يمسح ع شعرها .. يود يدينها ..






هادف بألم ودمعه همال: الريم .. الريم حبي.. الريم دخيلج لا تخليني وتروحين !! الريم ..انا ادري انج تسمعيني !! دخيلج الريم ردي عليه !! الريم انا احبج !! لا تخليني روحي دخيلج يالريم لا تذبحيني وتروحين دخييييلج يالريم !!دخيييييلج



هادف انهار صياح ماقدر يتحمل .. لم يدين الريم لصدره وهو يصيح !! كان يصيح بألم ! قلبه يعصره !! ضلوعه تتكسر .. الندم يكسيه .. دمووعه بللت يدين الريم !! هب قادر يتحمل شي خلاص !!




شوي حس إن الريم تحرك يدينها بشويش.. رفع راسه .. يلس يطالع يدينها هب مصدق !! الريم !! الريم حبيبتي !! الريم نشت .. الريم حيه ما ماتت الريم حيه !!




الريم تفج عيونها بشويش.. هادف يطالعها ودموعه فعينه !! الريم مبطله عيونها بس ماتشوف زين !! شوي شوي استوعبت الضوء لي ماشافته من اسبوعين !! تبطل عيونها وماتعرف هي وين !!




تطالع هادف .. انا وين ؟؟ يلست تتذكر كل لحظه مرت عليها !! حاولت تسحب يدينها عن ايد هادف..
هادف يطالعها هب مصدق انها نشت !!!




الريم تمت تطالعه ..وحاسه بألم !! فجأه !!

نبضات قلبها بدت تضعف !! تتنفس بصعووبه .. عيووونها انترست دموع !! هادف ماعرف شيسوي ..الررريم !! الررررررريم لا تخليني .. هادف انهار.. الريم لونها تغير !! والالم امبين ع ويهها ..



هادف يسير يزقر الدكاتره .. الدكاتره دشو.. يحاولون يردون النفس الطبيعي للريم !!




الدكتور : لو سمحت اطلع برع ..
هادف يصارخ ويصيح : لا لادخيلكم خلوني عندها... دخيلكم لا تحرموني منها دخيلكم
الدكتور :لو سمحت !!




الممرضين ايون ويطلعون هادف برع .. سكرووا الباب ..


هادف يصرخ ويصيح من برع وهو يشوفهم متيمعين ع الريم !! صراخه شل المستشفى شل.. اسوم وحمدان إيوون يربعوون صوبه .



حمدان هب قادر يتحمل !! أول ماشاف شكل اخته سكت !! حط يدينه ع حلجه .. يرد ع ورى وهب مصدق !! الريم !! الريم دخيلج لا تخلينا وتروحين !!




الدكاتره يحاولون يردون النفس الطبيعي للريم .. لكن الريم أبد ما تستجيب للعلاج .. جربوا الصعقات الكهربائيه لكن ماشي فايده .. الدكاتره هب عارفين شيسوون .. !! يتشاورون !! والريم حالتها تسوء وتسووء !!





الدكتور طالع .. حمدان رايح صوبه ودموعه ع خده : دكتوور الريم بتعيش صح ؟؟ بتعيش؟؟
الدكتور يهز راسه : خلو ايمانكم بالله قوي.. ولازم تتحملون أي نتيجه بتصير وتتوقعونها !!
هادف: انت شتقوووووول انت خرررفت .. خررررررررفت..
الدكتور: انتو لازم تعرفوا ان الريم حالتها خطره جدا.. ادعولهاا ..



الدكتور راح .. هادف يالس ع ركبته ويصيح .. حمداان حاط راسه ع اليداار ويضرب به بيده بقوو !!


أسوم يالسه ع الزاويه وتطالعهم !! تحس ان الدمع تجمد بعيونها !! والحرف سكن ومات !!



الدكاتره يطلعون من الغرفه .. حمدان وهادف خافوا..



هادف يمشي صوب الدكتور .. يهز راسه بمعنى شووو ؟؟ شو صار بالريم ..



الدكتور منزل راسه: أنآ آسف !!



يامــوت تكـــفى وتكــفى لا تخلينــي

اما تجينـي او انــي جيت لك عانــــي

وش لي انا في زمــانٍ هو يعاديــــني

ماعاد انا ابــغاه ولا هو عاد يبغــانـي


_البآرت 30 _

[ والأخيـــر ]




هادف يمشي صوب الدكتور .. يهز راسه بمعنى شووو ؟؟ شو صار بالريم ..



الدكتور منزل راسه: أنآ آسف !!


يامــوت تكـــفى وتكــفى لا تخلينــي

اما تجينـي او انــي جيت لك عانــــي

وش لي انا في زمــانٍ هو يعاديــــني

ماعاد انا ابــغاه ولا هو عاد يبغــانـي





هآدف يقاطعه ويصرخ : شوووووووووووووووووو تقول انت .. شتقصد ..؟؟



الدكتور ابتسم : أقصد إحنا ماقدرنا نرد وضعها الطبيعي بسرعه لانها كانت ما بتستجيب للعلاج .. لكن هيه دي الوقت الحمدلله احسن.. وتعدت مرحلة الخطر ..



هادف هب مصدق .. يطالع الدكتور ويطالع حمدان ..حمدان مستانس ..



الدكتور: بس !!
هادف وهو خايف: بس شو يا دكتور ؟؟؟



الدكتور: الريم عندها شلل مؤقت فرجليها وما هتقدر تمشي..


حمدان: شوووووووووووو؟؟
هادف: كيييييف يعني مابتمشي.. كييييييف؟

الدكتور: يا خواني هدو بالكو .. ده الشلل مؤقت وبإذن الله هيروح .. بس عاوز فتره .. وإحنا من بكره هنبدأ معاها العلاج الطبيعي.. وإذا ما نفعش هنظطر إنا نعمل لها عمليه ..


هادف ودموعه ع خده : دكتووور دكتوووور دخيلك أنا احبها.. احبها دكتور لا تخليها تروح من بين يدينيه .. دخيلك ..
الدكتور: هادف كل شي بيد الله .. وانا هعمل اللي عليه ..
حمدان ودمعته ع خده : مشكور يا دكتور ماتقصر.. نقدر نشوف الريم ؟
الدكتور: أيوا دي الوقت هننقلها غرفه خاصه .. وتقدروا تشوفوها .. بس لو سمحتوا ما تزعجوها لان حالتها النفسيه تعبانه جدا ودي الحاجه بتأثر على صحتها..
حمدان :ان شالله يا دكتور.. عن اذنك ..يلا هادف..




الدكتور روح .. وهادف بعده واقف ع هيئته هب مصدق !! وحمدان واسوم يحاولون يهدونه بس هو خلاص منهار !!







بيت بو هزاع



بو هزاع : ها يا ابنيتي جهزتي امورج للملجه ولا بعدج ؟؟..
حور مبتسمه : هيه ابويه خلصت .. مابقى إلا أييب الفستان ..
أم هزاع : علنيه فداج يا بنيتيه ربيه يهنيج ..
حور: آمين يآ إميه ..


هزاع أونه يطفر بحور: باجر بتستوين حرم منصور هههههه
حور استحت : ههه لا والله ..
هزاع : هههههههههههههه وحليلج استحيتي..


حصوه : هزاع ريموه بتاخذ منصور ؟
هزاع : هيه حبيبتي ..
حصوه ودمعتها ع خدها : أنا ماحبها حوروه ماحبها ..



وراحت تربع ويلست تحت الدري تصيح ..



بو هزاع : الله يعينج يوم بتعرسين .. ههه وايد متعلقه هالبنيه بمنصور..
هزاع : هههه هيه والله ..
حور: فديتها حصوه ..بسير أشوفها..



حور سارت صوب حصوه ويلست حذالها ..



حور: بلاج حصوتي؟
حصوه : روحي عني ماحبج انتي ماحبج ..
حور: ليش ماتحبيني ؟
حصوه : انتي تاخذين حبيبي منصور ماحبج .. بيوديج الحديقه ومابيوديني احين..
حور: ههه فديتج ..بيوديج كل يوم ..بقووله كل يوم انا وياك بنودي حصووتي الحديقه انزين ؟
حصوه ماده بوزها: مابا مابا..
حور تقرقط حصوه : ماتبين ها ههههه
حصوه تضحك: ههههههههه لا تقرقطيني ههههههههه ..




حور يلست تلاعب حصوه تنسيها .. وعقب راحت ويا هزاع وشلو وياهم حصوه عسب إييبون الفستان ويخلصون باجي الامور ..






لندن [ غرفة الريم ]



هادف وحمدان واسما داشين غرفة الريم ..


هادف أول ماشافها ماقدر يتحمل !! حط راسه ع اليدار ويلس يطالعها من بعيد !! ودموعه ع خده !!




الريم كانت راقده .. حمدان دخل حب اخته ع راسها ..يلس يناظر ملامحها لي تمليها التعب.. واسوم وياه ..زخت يدين الريم ودمعت عينها : ربيه يقومج بالسلامه ريماني..




حمدان : خلاص حبيبتي لا تصيحين ان شالله الريم بتقوم بالسلامه ..
اسوم : ان شالله ..



حمدان يشوف هادف وهو واقف مكانه ويطالع الريم من بعيد ..



حمدان :اسوم !!
اسوم :هلا حبيبي؟
حمدان:خل نظهر ..
اسوم طالعت هادف : اوك يلا..





حمدان واسوم ظهروا ..وهادف بعده ع حالته .. يناظر الريم !! راد راسه ع اليدار ودموعه همايل ع خده !!


الريم فجأه بطلت عيونها !! حاسه بتعب ! راسها يعورها !! صدت صوب الباب شافت هادف واقف !!



الريم أول ما طالعته حست بألم .. ع طول صدت عنه الصوب الثاني .. ماتبغي تشوفه .. ماتبغي أي شي يذكرها فيه !!



هادف حس بضيج يوم الريم صدت عنه !! بدون مايحس إقترب منها .. يلس حذالها .. يود يدينها وهو يهمس بصوته المبحوح لي يمليه الالم : الـــريم !!



الريم تحاول تسحب يدينها .. ماتبغيه يصكها .. ماتبغيه يقرب منها !!



هادف وهو يصيح: الريم دخيلج ارحميني .. شوفيني يالريم دخيلج ..


الريم وبعدها صاده عن هادف ودمعتها بعينها وترمس بصوت مبحوح : أنا انشليت يا هادف.. انت احين اكيد مرتاح صح ؟ صح ياهادف ؟؟




هادف : حرام عليج يالريم .. آآخ انااا اتعذب .. ليتنيه كنت مكانج يالريم ولا اشوفج هالشكل !!


الريم : وانا .. اناا ما تعذبت وياااك .. كل يوم كنت تذوقني سم ورى سم .. ماحسيت فيني .. وتبغيني احس فيك احين .. بعد شوه ؟؟ بعد ما انتهت الريم ؟؟ بعد ماشفتها عاجزه ... قوووولي قوووولي يلا .. <<وتصيح


هادف وخلاص هب قادر يتحمل : الريم .. دخيلج فهميني..


الريم تحس عمرها منهاره ...حطت يدينها ع إذنها وتصارخ : هآآآآدف اطلع .. دخييييييييلك اطلع مآبآ اشووفك مآآآبآآ ..



حمدان واسوم من سمعووا صريخ الريم دشوا ع طول ..



حمدان :خير شصاير؟؟؟



هادف دمووعه صبآآبه يحس عمره مخنووق.. ع طول ظهر وهو يربع .. طلع من المستشفى .. ركب سياارته ولا يدري وين رايح ؟!!



اسوم سارت صوب الريم وتلوي عليها وتصيح : الريم حبيبتي بلاج ؟؟ الريم..



الريم وهي تصيح : حمدان .. اسوم دخيلكم مابغي اشووف هادف.. مآآبغييييي دخيلكم لا تخلووونه ايي ..


حمدان ياي صوب اخته والعبره خانقتنه : الريم خلاص اللي تبينه بيصير بس انتي هدي ..

الريم :آآآخ يا اميييه أبغي إمييييه .. أبغي أبوووويه .. ليتك يآ ابووويه حي وتشوف حال بنتك لي كانت ترقد بحضنك .. صارت ترقد فجحيم أحزانها .. آآآه يا ابويه ..



اسوم هب قادره تتحمل رمسة الريم .. تلوي ع الريم حيل وتصيح : خلاص ريماني.. خلاص حبيبتي هدي هدي..

حمدان: خلاص حبيبتي ارتاحي.. هادف راح خلاص ارتاحي..



النيرس يت عطت الريم إبره مهدئه .. جان ترقد الريم .. حمدان واسوم ساروا صوب الدكتور ..




الدكتور: حمدان اختك بتمر بحاله نفسيه ..لازم تراعو دي الحاجه.. حاولوا تنسوها التجربه لي مرت فيها.. حاولو تجيبولها الحاجات اللي بتفرحها والذكريات الحلوه اللي بتحبها ..


حمدان :ان شالله دكتور بنحاول قد مانقدر..

الدكتور: ولا تنسوش انه دي الحاجه بتخليفا تتعافى بسرعه ..


اسوم : خلاص يادكتور .. ان شالله بنسوي لي قلته لنا ..
الدكتور: اليوم بس ترتاح هنبدأ معاها العلاج الطبيعي ..
حمدان: هي بس الحين هي تعبانه ..
الدكتور: بتشجيعكم ليها هتنفتح نفسها للعلاج .. وبتمدولها امل بالشفا.. الريم بحاجه لمين يعيد لها الثقه فنفسها ..
حمدان :آها.. صح رمستك يادكتور..
الدكتور: يلا يا عيال دي الوقت انا عندي شغل..عن اذنكوو..
حمدان:مشكور يادكتور..اذنك معاك ..



حمدان واسوم راحو عن الدكتور ويلسو فحجرة الريم ..





عند هادف..



هادف يمشي بسررعه .. مالقى عمره إلا عند البحر !! وقف يلس يطالع المكان اللي صار فيه الحادث. . ماقدر يتحمل !! رآح يركض صوب البحر !! يمشي ولا حاس بعمره !! المآي غطى نص جسمه وهو هب حاس !! يمشي ويصيح !! يتذكر كل اللحظات لي مرت به !!يمشي ويرمس بهمس!! بصوت يمليه الحزن !!



آآآخ يالريم .. دخيلج لا تخليني !! الريم انا حبيتج بكلي .!! بس بس ماعرف كيف صار جيه !! كل يوم حبي لج يزيد وقساوتي عليج تزيد وياه !! الريم أنا احببببببببببببببج !! احببببببببببببببببببببببببج يالريم لا تخليني !!




هادف صرخ بصوووت يثوور البحر : لآآآآآآآآآآ تخلييييييييييييييييني !!

يوم الخميس [ ملجة منصــ حور ـــور ]



ع المغرب بيت بو فلاح مرتبشين .. كلهم داشين ظاهرين ..



منصور: يلآآآآآ إمييييييييييه تأخرنا ..
ام فلاح يايه : ها يينا يينا شو عندك ؟
منصور: اميه يلا تأخرنا ع الجماعه ..
ام فلاح : هههه انزين يلا أرقب خويك فلاح ..
منصور : لحوووول وينه هاا ؟






غرقة فلآح



عليوووه مابغت تروح الصالون قالت بتتعدل روحها مافيها تسير .. بس الصراحه مكياجها سكآآتي.. ماشالله عليها تغرم .. لكن فلاح مبتلش ويآآها ..



فلاح : يلآ حبيبي والله حلوه ..
عليا: مآبآ مآبا طالع كرشتيه امبينه ..
فلاح : ههههه فديتج انا .. خلي وليدنا يبين لازم بس انتي تبينين ..
عليا مبوزه : لآ والله ..مابا مابا.. الحريم كاشخات وانا أير كرشتيه مابا..
فلاح يبوسها ع خدها : فديت عمرج .. يلا منصور بيحشرنا ..
عليا مستحيه : انزين انت وحركاتك هههه
فلاح: هههه يلا سرينا..




عليا لبست عباتها ونزلت هي وفلاح .. وهي نازله رويض تدق لها



عليا: اوو ها انتي..
رويض: بسم الله بلااااج حشا دفشه ماطلعتي ع ريلج هههههههه
عليا: فديته ريلي شو عندج ؟
رويض: انتوو وصلتو ولا بعدكم؟
عليا: لالا بعدنا احين ظاهرين ..
رويض: انزين عليووه كرشتيه امبينه ..شو ها..
عليا : هههههههههه صخي توني حاشره فلاح ..انتي يا حيج توج ما يبين وايد .. انا وين كرشتيه واصله اخر الشعبيه هههه ..
رويض: هههه حليلج .. يلآ عيل نتلاقى هناك ..
عليا: اوك ربي يحفظج..



عليا ترمس فلاح : هههه حليلها رويض نفس حالتيه تحاتي كرشتها ما يخلصنا هالحمال..
فلاح : الله يعينا انا وغيث ههههه ..
عليا: لا والله نحن نتعب هب انتوو..
فلاح: هههه فديتج انا..



فلاح وعليا اول ما نزلو قبضهم منصووور ..




منصور: حوووه انتوو حشا معاريس
فلاح: هههه كنا نكشخ الصغيرون ..
منصور: هههه ماشي احين شيخ ..
فلاح: هيه غصبن عن خشمك هاا..
منصور: فديته خشميه سيف هب شراتك .. خخخخخ

عليا: هييييييه انت هب ع ريلي يلا قم لا أكفخ حرمتك هههه
منصور: يآآ ويلج ان ما سدحت ريلج فنص الرياييل ودسته ع بطنه هههه ..
عليا : قصوورك هههه
فلاح : احم احم ههههه يلا سرينا ..






بيت بو هزاع

بيت بو هزاااع ممزووور .. ماشالله وآآيد ناس حاظرين .. خاصتن عند الحريم ماشي بقعه !!

عقب الصلاه يا المليج وملج ع منصور وحور ..



عقب حور نزلت عند الحريم وماشالله عليها كانت صدق حور !! جمالهاا رباني سبحانه ... ومحياها نور من جمالها ..



يلسو يتصورون والبنات يرقصن والكل مستانس.. عقب شوي حدر منصور ..



أول ما اقترب منصور ..حور حست بخوف وكانت ترجف.. وايد كانت مستحيه .. منصور حبها ع راسها ووقف حذالها ..



منصور يطالع حور : بالبركه حور..
حور وهي منزله راسها : الله يبارك فحياتك ..
منصور : حور طالعي الليت جنه محترق..

حور تروعت ع طول طالعت فوق..


منصور: هههه فديتج صدقتي.. احم بس كنت أبغي اشوفج زين . .كله منزله راسج

حور خلاص مستحيه هب قادره ..

منصور صخ عنها حليله رحمها .. عقب دخلو المعاريس رواحهم ..




حور كانت منزله راسها والحيا يكسيها .. ومنصور ماخذ راحته ويطالعها ويهه لوح ههه ..


منصور: حور!!
حور: لبـــيه ..


منصور يشل :

لبيــــــــه ياللي وحدكـ إن قلت لبـــيه
تذبحني لبيـــهك ويذبحني الصــوت !!

وإيود يدين حور :

وإن طــاح قلبي ميت (ن) فيك خليه !!
يا حي قلب (ن) طاح ويآ حيه الموت !!


حور وايد استحت من حركة منصور.. تحاول تسحب يدينها بس هو ميودنها بالحيل..



منصور يرفع راسها بشويش: حور طالعيني!!

حور مستحيه ..

منصور: حواري عاد عشاني!!


حور رفعت راسها ويت عينها بعين منصور.. منصور يلس يطالع عيونها وابتسم بعذوبه !! حور ماقدرت ترد نظرها عن عيون منصور.. ماشالله عليه غرشوب.. وعيونه وساع سود وناعسات ..



منصور يهمس: أح ـــبج ..


حور ع طول نزلت راسها .. ماتوقعتها منه !!


منصور: هههه فديتج والله .. تحبيني؟


حور ساكته فخاطرها:آآخ والله اموت فيك ..



منصور: تدرين إني أحبج من يوم حصوه ضاعت ههههه

حور فاجه عيونها وتطالعه : @@

منصور: ههه فديت عيونج عن تطيح ..
حور: صدق؟
منصورمبتسم :هيه والله ..
حورمتردده : حتى !
منصور: حتى شو ؟؟
حور: منصور..حتى انا..
منصور هب مصدق: انتي شوو ؟ لا يكون ؟
حور تهز راسها بمعنى هيه ..



منصور استانس .. نش وباسها ع خدها .. حووور خلاص استحت .. نشت بتظهر : عن اذنك !
منصور يودها من يدينها : حور ؟


حور صدت صوبه بس ما رمست ..


منصور: قوليها ؟
حور نزلت راسها : شو أقول ؟
منصور: دخيلج حور لا تحرميني منها ..
حور: منصور عاد ..
منصور يونه زعلان: اوك خلاص سيري..



منصور هد يدينها وحور بدون ما تحس يودت يدينه ..منصور استغرب .. وبنفس الوقت استانس وطالعها وابتسم ..يرقبها ترمس .. هز راسه بمعنى شوه ؟

حور وهي مستحيه : أ .. أح ـــبك ..


وع طول ظهرت بدون ما تنتظر منه أي رد .. منصور يلس يطالعها وهوو خلاص مستانس إلا طاير من الوناسه ..






لندن [ غرفة الريم ]



حمدان واسوم كانوا فحجرة الريم .. شوي إلا يشوفونها وعت تفج عيونها بشويش .. حمدان ع طول سار صوبها : شحالج غناتي احين ؟

الريم مبتسمه : الحمدلله حمداني..
حمدان : ريماني بخبرج خبر بيونسج ؟
الريم : شوه ؟
حمدان :اليوم ملجة منصور ع حور..
الريم مستاانسه : اححححححححححححلف؟؟
حمدان: هههه والله ..
الريم : هههههه وايد استانست فديتهم والله ..
حمدان : احم لالا وبعد عنديه لج خبر بتستانسين عليه موووت
الريم بشوق : شو يلا قووول حمدااني
حمدان : امممممم
الريم : حرااام عليك

اسوم : ههههه حمداني شري تراك ..
حمدان : ههه خلاص بقول
الريم : يلآ انزين ..
حمدان : امممم بتستوين عموه ريم ..

الريم هب مصدقه .. تطالع حمدان وترد تطالع أسوم . .

اسوم تقرب صوب الريم وتلوي عليها ..

الريم: فدييييتكم مبرووووكين ..واي فديت ولد اخوويه ولهانه عليه ..
حمدان : ههههه لحقتي تولهين عليه ..
الريم: هيه عيل هههه
اسوم : فديتج ريماني ..

حمدان:اميه تسلم عليج ريماني دوم تسأل عنج


الريم بحزن ورجا:حمداني خلني ارمس اميه خاطريه ارمسها..
حمدان : فديتج احين عندهم ليل باجر بدقلها اوك ؟
الريم مبتسمه : اوك ..



شوي إلا الدكتور داش..

الدكتور: إزيك يا ريم ؟
الريم :الحمدلله دكتور..
الدكتور: اليوم هنبدأ العلاج الطبيعي مستعده ؟


الريم تطالع حمدان واسما .. جنها تدور هادف امبينهم ..وبنفس الوقت ماتبا.. تحس عمرها مستحيل تمشي.. : لالا مابا..


حمدان:الريم حبيبتي لازم تعالجين .. لا تنسين .. أمي .. خوانيه .. اسوم .. هادف .. كلنا محتاجين لج يالريم .

اسوم : هيه يالريم .. دخيلج عشان كل اللي تحبينهم لازم تعالجين ..
الريم مبتسمه بالغصب: خلاص ان شالله ..
حمدان استانس يبوس اخته ع يبينها : علنيه فداج.



الريم سارت ويا الدكتور عسب يبدون العلاج الطبيعي واسوم وياها .. وحمدان ظهر وشاف هادف توه ياي ..راح صوبه ع طول..


حمدان :هادف وين سرت .؟؟
هادف: آآخ يا حمدان وين بسير؟
حمدان :علنيه فداك تعال ارتاح ؟
هادف: اي راحه .. ابغي اشوف الريم يا حمدان بس هي مول ماتبغيني..
حمدان : فتره وبتعدي يا هادف..حاول تتقرب من الريم .. وابشرك؟
هادف: شوه ؟
حمدان:الريم راحت احين ويا الدكتور عسب تبدأ العلاج الطبيعي .. اخيرا اقتنعت ههه
هادف: صدق؟؟ هههه أحلى خبر سمعته ..
حمدان :ان شالله الريم بتمشي وترد لنا شرى قبل.. هادف انا بدق حق فلاح وبخبره ..
هادف: الصراحه لازم نخبرهم ..
حمدان :هيه لازم ..




"
"



الريم بدت العلاج الطبيعي .. كان العلاج وايد صعب !! الريم خلاص حاسه بيأس !! تحس انها هب قادره تكمل !! مرن اسبوعين ع هالحاله .. والريم بعدها ماتمشي !!
واللي مصعب مشيها حالتها النفسيه !! وخاصتن انها مول ماتبغي تتقبل وجود هادف بحياتها!! تكابر وهي تحبه وماتبغي تفارقه !!



هل الريم من دروا بالسالفه حجزوا ع أول طياره ويو كلهم !!





غرفة الريم


الريم ما كانت تدري إن اهلها يايين .. حمدان كان مسوي لها مفاجئه .. الريم كانت يالسه وتطالع الدريشه .. دموعها ع خدها ..حاسه بألم كبير .. آآخ انا مستحيل أرد امشي مستحيل !! اانااا استويت عاجزه عااااجزه !!



ويقطع حبل افكارها دشت حمدان واسما !!


حمدان :ريماااني عندي لج مفاجئه !
اسوم : يس يس هادف يبغيج ..
الريم طالعتهم بعين : أنا قلت مابغي اشوووفه تفهموووون مابغي..
حمدان: الريم لي متى بتمين جيه ؟
الريم : كيفي مايخصكم انا مستحيل اشوفه مستحيل..
حمدان ابتسم : خلاص يالريم اللي يريحج .. بس هب هاي المفاجئه ؟
الريم : عيل؟
حمدان يدق حق هادف: هادف يلآ ..
الريم صرخت : قلت لك مااااااااابغيه ..



هادف من سمعها تقول جيه حز فخاطره وحس بألم ..



هادف: خلاص ياحمدان يلا انا احين بدخلهم وبروح..
حمدان :علنيه فداك .. لا تتضايج ..
هادف مبتسم بالغصب: ان شالله ..





حمدان :الريم غمضي عيونج ..
الريم : اف شوعندك انت ؟
حمدان: هههه انتي غمضي..
اسوم : يلآ ريمووه ..
الريم: انزين اف منكم ..



الريم غمضت عيونها .. وحمدان فج الباب وشاف هادف وياه هله يايين ..


حمدان: هههه يلآ بسرعه دشوو ..



ام فلاح دشت ووياها فلاح ومنصور وعليا وأم غيث ورويض .. وغيث ..كلهم التفو حواليها ..



حمدان : يلآ ريماني فجي عيونج ..


الريم اول مافجت عيونها تمت تطالع ومنصدمه ..



أم فلاح اتيي وتلوي ع بنتها وتصيح : الحمدلله ع سلامتج يا اميه ..
الريم تصيح : إمييييييه .. الله يسلمج .. ولهاانه عليج يا اميه ولهانه عليج ..
ام فلاح : وانا اكثر يالريم .. آآخ يا بنيتي .. والله ماتستاهلين لي صارلج .. ليش ماتنتبهين ع عمرج ليش؟
الريم :آسفه يأ أميه .. اوعدج ماعيدها وانتبه ..



فلاح والكل سلمو ع الريم ويلسو عندها .. الريم طول الوقت لاويه ع امها .. وكل شوي يصيحن ..



يلسوا الكل سوالف وضحك !! ولكن كان ينقصهم وجود هادف !!



أم فلاح : وينه عيل هادف؟
الريم تحاول انها تدارك الوضع: إميه راح الفندق عنده كم شغله بيخلصها ..
ام فلاح حست انه شي مستوي : يا بنيتي فيكم شي انتي وريلج ؟
الريم : لا يا اميه مافينا إلا العافيه ..
أم فلاح :علنيه فداكم يارب..
الريم مبتسمه :فديتج يا اميه ..





الريم وايد استانست بوجود هلها قربها .. وهالشي رفع من معنوياتها للعلاج .. واستوت تتابع العلاج بصوره طيبه .. وكانت وايد متشجعه وعندها امل كبير !!




هل الريم تمو اسبوع .. وملوو عليها المكان.. كل يوم يزورونها ووايد كانت مستانسه .. ومنصور ضاربنه الشوق كل شوي ساير ويرمس حرمته ههه ..




منصور: مرحبآآ مليار..
حور: وبك زووود ..
منصور: شحالج حبي؟
حور: الحمدلله ومن صوبك ؟
منصور: آآخ مشتااق..
حور: هههه فديتك حبيبي ..
منصور: هههه تجهزتي للعرس..
حور: ههههههه تقريبا..
منصور: والله حبيبي هب مصدق ان عقب شهر بنكون تحت سقف واحد ..
حور مستحيه .: فديتك ..
منصور: انزين حبيبي انا ببند عنج تامريني ع شي؟
حور: سلامتك حبيبي.. هله هله بعمرك ..وسلم ع الريم والاهل كلهم ..
منصور: سلامن يبلغ..يلا غناتي ربي يحفظج..
حور: ويحفظك لي...



منصور بند عن حور .. عقب شل هله وراحوا الفندق يرتاحون !!



الكوفــي [ لنــدن ]


مشعل : امممم ها شقلتي ؟
شوق منزله راسها وهب عارفه شو تقول : ماعرف مشعل بس انت فاجئتني بالموضوع ..
مشعل : هههه أدري .. سمحيليه شوق بس تعرفين ماعنديه اسلوب
شوق: هههه لالا أفآ ..
مشعل مبتسم: اممم انا مابغي ردج احين .. ابغيج تفكرين عدل بالسالفه .. واذا موافقه إني أكون زوج لج ع سنة الله ورسوله ترانيه بكون اسعد انسان ..
شوق وهي مستحيه : مشعل !!
مشعل بشووق: آمري!
شوق: أنآآ .. أنآ موافقه







عند الريم ..


الريم عقب ماراحو هلها .. يلست تطالع ريلها وتفكر!!
آآآخ لي متى بتم ع هالحال لي متى !! آآخ يا هادف والله اني مشتاقه لك .. بس هب قادره اسامحك ع اللي سويته ..هب قادره !!

الريم يلست تتذكر كل شي مر بحياتها ويا هادف.. خذت دفتر مذكراتها لي كان حذالها ويلست تكتب عليه قصيد وخواطر وتصيح ..



الريم حاسه عمرها تعبانه من الصياح .. خلاص هب قادره .. ماحست بعمرها إلا هي راقده ..




عند هادف..



هادف كان واقف ع سيف البحر ..!! الافكار توديبه وتييب !! حاس بألم ..هب قادر يتحمل بعده عن الريم .. وده لو بس ان الزمن يرجع ورى ويرجع كل اللي فات !!



يقطع حبل أفكاره صوت يناديه : هآدف..


هادف ع طول صد لقاها شوق: هلآ شوق..
شوق وقفت حذاله وتطالع البحر : تفكر بالريم ؟
هادف: آآآخ يا شوق ومنو غير الريم سكن قلبي وملك تفكيري..
شوق: جداامك وقت يا هادف عسب تردها لك .. لا تخسرها..


هادف يطالع شوق وهو مستغرب!!



شوق: هيه يا هادف .. الريم تحبك .. أسما خبرتنيه بكل شي !!
هادف: تحبني؟؟


شوق ودمعتها ع خدها : اليوم يلست ويا اسما .. اسمحلي خبرتها كل شي.. لاني ادريبها هي والريم روح وحده .. وهي خبرتني كل شي.. انت ظلمت الريم يا هادف !!

هادف: ظلمتها ؟؟ كيف يعني ظلمتها ؟؟
شوق: هادف تذكر اليوم لي سمعت فيه الريم تقول أحبه !!


هادف يصرخ: آآخ لا تذكريني دخييييييلج !!


شوق وهي تصيح بصوت عالي: تدري إن الريم كانت تقصدك انت .. تدرررري ولا لاااا؟؟
هادف منصدم : أناااااااا؟؟




شوق ودمووعها حرقت خدها من حرارتها : هيه يا هادف.. هاك اليوم اسوم كانت حاسه ان الريم تحبك .. لانها يوم خبرتها انك بتسافر تدرس الريم تضايجت .. واسوم بغت الريم تعترف بهالشي.. والريم ماقدرت تتحمل وقالت انها تحبك .. أحبه اللي قالتها الريم يا هادف كانت تقصد به انسان واحد وهو انت ..هو انت يا هادف



هادف فاج عيونه .. هب مصدق .. خلاص حاس انه تايه .. ضايع !!



شوق تطالع هادف وتصيح : هيه يا هادف.. الريم تحبك. من هي صغيره .. وعمرها ما فكرت تخون هالحب !! انت عيشتهااا بعذاب لذنب واحد وهي انها حبتك !! حراام عليك يا هادف حراام عليك ..



هادف يطالع شوق وهب مصدق ..



هادف ودموعه ع خده صرخ : الـــريم !!




هادف ماعرف شو استوى به .. رآآح يربع .. رايح صوب الريم .. كل همه إنه يوصل لها .. ما يبغي شي ثاني !! يركض .. يتخطا الشوارع وهو هب منتبه !! الكون حوله ضاايج .. ضااايج !! آآخ يا الريم .. ظلمتج ََ!! ظلمتج وايد يالريم .. انا ماستاهلج .. ماستاهلج يالريم ..




هادف توه واصل المستشفى.. اول شي ماخلوه يدخل لانه ليل ووقت الزياره انتهى.. بس هو أصر وكلم الدكتور والدكتور سمح له .لانه حس إن هالشي بيساعد الريم ع المشي !!





هادف يوصل حجرة الريم .. فج باب الغرفه .. رد الباب وراه .. كانت ملابسه خرسانه ماي.. الدمووع غطت ملامح ويهه .. يمشي صوب الريم ودموعه همايل .. أول ما وصل حذال شبريتها ..شاف دفتر مذكراتها .. كان مكتوب عليه :



ألآ يآ موت ألا يآ موت دخيل الله تلفيني !!
دخيل الوحشه بأحشآئك دخيل من صوره كونك!!

أنآ من دنيتي برحل !! حيآتي معاد تعنيني!!
أبقتل دنية أحزآني وبصير يآ موت مفتونكـ!!

يآ عشقي يآ دوى حآلي يآ من عن نآسي تغنيني!!
يآ أقرب مآ خلق ربي طلبتك راجيـ(ن) عونكـ !!

خذني حزن مقتول !! ونـــآر الآه تكــويني !!
خذني قلب مشلــول !! يعل هالنآس يفدونكـ !!

نزيف الدمع يآ موت جرّحهآ جفن عيني !!
وفجرهآ جرووح الروح!! وأنآ جيتكـ وممنونكـ !!



[ جميع الحقوق محفوظه للعين غرامي >< ]




هادف يقرأ الابيات اللي كتبتها الريم ويحس قلبه يتقطع .. ودموعه صبابه من زود حزنه !! وتحت كانت كاتبه !!



حبيبي هآدف !!

مهما مضى عليه من العمر !! وكبلتني السنين بأحزانها !! لم أزل أحبك !! لأن قلبي الوآفي قد غسل وتكفن بحبك الذي لا يموت !!

حبيبي !!

منذ أن تعلم قلبي الحب .. كنت أول من ينظر إليه !! داريت ذلك الحب حتى كبر !! حملته معي وأبيت ان اتركه وحيدا رغم ضربات قلبك القاسيه علي !!



حبيبي هادف ..

نعم ما زلت أقف في نفس المكان .. أنتظرك وانتظرك !! ولكن أين انت ؟؟
إنطفأت شمعتي !! وتبلل محجري !! وسكبت أدمعي لتحطم الجليد !!
وها أنا ذي أرى الموت بين اعيني !! فهل كان عذابك لي مبتغاك !!

نعم أنا إنسان فقد روحه !! ولم تبقى سوى أحزانه التي تناثرت ولملها بأحضانه !!
نعم !! فلم يبقى لي سوآها !!





هادف يقرى كلمات الريم حاس عمره منهار !! حاس وكأنه يحتضر !!.. آآآخ يالريم .. ندمااااان !! يالريم انا ندمااااان ودي اموت !!





يلس هادف ع ركبه !! يطالع الريم والندم يكسيه .. يلس تحت عند شبريتها .. يود يدينها ..لمها لصدره وهو يصيح !!


يرمس الريم بصوت مبحوح ودموعه صبابه !!



الريم انا ندمان !! الريم انا كنت ظالمنج !! حبيبي !!
حبيبي تدرين يوم قلتي حق اسوم انج تحبيني !! انا سمعتها أحبه !! انا تخبلت .. ماشفت جدامي !! ماتخيلت انج تحبين غيري وانا احبج من انا صغير !! من يومها وانا ظالمنج ماقدرت اواجهج !!



الريم .. الريم حبي..الريم انتي ما بتخليني صح ؟؟ الريم !! انا محتاجج .. دخيلج خلج ويايه !! الريم انتي لو رحتي عني !! أنا !! انا شو بيستويلي !! لمنوو بروح !! الريم انا تعبآآآآآآن تعبآآآآآن يالريم !!




هادف غرقان بدمووعه .. عيونه انتفخن من الصياح .. حمرن!! هادف هب قادر يتحمل .. يبوس يدين الريم وهو يصيح ..



هادف ع طول نش وراح وقف ع الدريشه .. يطالع هالعالم المظلم ويصيح من خاطره!!




الريم كانت راقده .. بس حست بوجود هادف ..وسمعت كل رمسته ! بس ماكانت قادره تبطل عيونها !! تخاف تبطلها وتنهار بصياحها !!

الريم ماقدرت تتحمل !! بطلت عيونها !! صدت تشوف هادف .. كان واقف عند الدريشه ويصيح من الخاطر !! الريم تبا تزقر ه هب قادره !! تطالعه .. تحاول ترمس .. تفج حلجها..بس الحروف خانتها!! الريم تحاول تحرك ريلها !! تحاول وتحاول !!





فجأه تحركت !! الريم ماصدقت!! تقاوم الالم وتحرك زياده !! أنا .. أنا بمشي .. ريلي تتحرك .. قدرت احركها.. قدرت احركهاا..




الريم تنش بشويش من شبريتها !! تمشي بخطوات ثقيله .. تحاول توصل عند هادف !! كانت تمشي وكأنها توها تتعلم المشي !! بس المهم انها مشت !!




هادف حس بحركه وراه !! أول ماصد.. شاف الريم يايه صوبه وهي تحاول تمشي !! ودموعها ع خدها !! هادف فج عيوونه .. يصيح ويضحك ..الريم تمشي .. تمشي !!



الريم تمشي بسرعه صوبه وهي تبتسم ودموعها ع خدها هماله .. كانت بتطيح هادف يا بسرعه صوبها وزخها !!




يت عينه بعين الريم !! هادف كان وايد قريب منها !!الريم تطالع عيون هادف ودموعها ع خدها !! وهادف بعد نفس الشي !! يحسون انهم من زمان ما شافوا بعض !!





هادف بصوت مبحوح :


قلبي المجروح من بعدك عطيب ...!
ومن عقب فرقاك ... قلبي ما قوى

الجروح اليوم مآظني تطيب ..!
لا غير صرنا آنا وآنت سوى ...

مايطيب آلجرح لو جبت الطبيب ...!
صار شوفك هو الحيآة والدوى

كل همي ما أبيك عني تغيب ..!
كن شوفك صار للخافق دوى ...




الريم بصوت متقطع تخالط وياه الحزن والفرحه :


لا تخاف مني ومن قلبي إذا وني

أكيد مشتاق لك يا غاية مرادي


ما يتعب القلب غير الشوق لكني

أصبره بالقصيد وصوتك الشادي


أنا أحبك وأحبك من صغر سني

ما ابالغ ان قلت لك من يوم ميلادي


أكبر واللي كبر غلاك اللي مجنني

غصبن على عيون حسادك وحسادي




هادف ودموعه تزيد :


وصيت قلبي عليك وقال متجني

احذر غيابك على قلبي ماهو بعادي


لا توصي القلب اللي بالشوق متعني

ما دمت أحبك عتابه ماهو بعادي


عتاب قلبك على حبك يطمني

خله يعاتب أنا سلمته فؤادي


أحبج!




الريم وخلاص انهارت من الصياح : هادف ..

هادف بشووق ودموعه ع خده : عيونه !!



الريم : تدري إني أحبك من صغري .. ومن حسيت انك رحلت كنت دايم اعيش بحزن بحزن ..




هادف:انا حبيتج بكلي يالريم .. ما كنت ابغيج لحد غيري .. ظلمتج ادري.. لكن من حبي لج !! من سمعتج تقولين أحبه انعميت ..انعميت يالريم .. وصرت عايش بحزن .. بحزن جتال..



الريم : انا ماكنت ادري شو هي سبة قساوتك عليه .. بس لي كنت اعرفه اني احبك .. كنت كل ماقسيت عليه .. أقول خلاص انا مستحيل ارجعلك .. لكن قلبي ع حبك مول مايكابر.. ظليت أحبك ..واحبك لكن بحزن !!




هادف خلاص هب قادر يتحمل: وانا كنت كل ماقسى عليج .. أحبج زوود .. كنت اتمنى لو اني اموت ولا اعاملج جيه .. لكن !! لكن كل شي كان غصبن عني !! كان كل شي حولي حزين من دونج يالريم كل شي حزين !! خفت افقدج من عقب الحادث .. وحسيت الحزن يكسيني !!



الريم وهي تصيح: هادف أنا أحبك ..ومابغي أفقدك كرهت الحزن ..كرهته ياهادف


هادف يلوي على الريم حيل: وانا بعد احبج .. احبج يالريم ومابغي أفقدج .. ومن اليوم ورايح مابخليج .. وبننسى الحزن وبنلغيه من حياتنا..خلاص


الريم وهي لاويه ع هادف ويطالعون القمر لي يضوي من بين هالظلام كله : خلاص يالحزن حبيبي رجع لي وماعدت احتاجك..


الريم تطالع عيون هادف وتمسح دمعته : خلاص يالحزن ماعدنا نحتاجك ..خلاص أرجوك لو تسمح !!

هادف يلوي ع الريم أكثر: تراك بدنيتي منفي !!



هادف يطالع الريم:احبج ربيه يحفظج لي..
الريم : ويحفظك لي يا نظر الأعيان..




The end