وان جيتي عالعناد ترى مافيه احد مثلي كامله

<< البــــــــــــــــــــــارت الـ21 >>



نامت جوانا وهي تصيح بحضن ابوها ... وحتى هو نفسه ابوها بدت عيونه تدمع وهو يتذكر :

<< ذكريات قديمة قبل 30 سنة >>

ام طلال : يعني شلوووون ؟؟ انت ليش ماخذني مدامك ما تحبني ؟
ابو طلال : مين قال ما احبك
ام طلال : عبدالعزيز انت عندك قلب واااحد بس .. قلب واحد بس
يا انا يا هي
دخلت جميلة : السلام عليكم
ابو طلال وطى راسه : هلا جميلة
ام طلال واقفة متكتفة وراسها فوق
جميلة مستغربة : ترى رد السلام واجب يا ام طلال
ام طلال : عليك السلام ( بدون نفس ) يا ام فراغ
انجرحت جميلة من الكلمة .. كلمة قوووية , بس ايه هين انا اضعف تبينها مشاكل ولا يهمك
جميلة : هههههه وليه اجيب عيال ؟؟ تاركة هالوظيفة لك .. خليني كذا كأنني توني تزوجت
و زوجي عاجبه هالشي وش تبين انتي ؟ اذا قصدك تعايريني اني ما اجيب عيال عاااادي عايريني
اهم شي انا راضية وزوجي راااضي وش اللي حارق دمك ؟؟
ام طلال : هه ... راضية ؟؟ ههههههههه
ابو طلال : بس ( صرخ فيهم )
ام طلال بحدة : وش اللي بس ؟؟ يوم انها تتكلم ما قلت بس ويومني تكلمت تقول بس ؟؟
ابو طلال : استهدي بالرحمن يا بنت الناس
رمت ام طلال اللي بيدها ومشت بقوووة وطلعت لغرفتها
جميلة قربت لابو طلال بهدووء : اهدى يا عبدالعزيز .. انت تعرفني زين ما اسوي شي
الا بسبب .. وهي غلطت علي وانا رديت .. كلمتها جرحتني
مسح على راسها بحنيته المعتادة واتبسم بهدووء : ما عاش اللي يجرحك مااا عااااش
ضمته بقوووة ودموعها بعيونها .. جميلة قوووية من برة لكنها مرة رقيقة من جوة وتحتاج اللي يساندها
.......... بالوقت الحااالي وهو بادي يبكي
لييييش رحتي كذا فجأة ؟؟ انتي كل شي عندك بسبب وش السبب اللي خلاّك تروحين وتتركيني ؟
ليش ..... دايم توضحين لي اسبابك وش هالسبب ودي اعرررف ؟
دخل طلال البيت ومشى بثقته المعروفة والتفت بهالضوء الخافت وشاف ابوه وعيونه تلمع
طلال : السلام عليكم
مسح ابو طلال دموعه بسرررعة : وعليك السلام .. حياك
جلس قدام ابوه وحط مفاتيحه جنبه
طلال : جوانا صاحية ؟؟
ابو طلال : لا نايمة ... ليش توك تجي البيت يا ابو عبدالعزيز ؟
طلال : ابد .. رحت شوي الف بالسيارة مع عزام
وقف ابو طلال وبدى يشيل جوانا
فز طلال من الكنبة : خليني اشيلها عنك يبة .. روح ارتاح
شال جوانا ووداها لفراشها ...... غطاها ومسح على شعرها وطلع من الغرفة
.................................................. .
في الشارع بالمكان اللي وقف فيه التاكسي نزلت تالا تمشي ورى ابوها واللي معه وهي الف فكرة وفكرة تجي في بالها
: وش صاااير .. ابوي ليه بالسعودية ؟
وش عنده هنا ؟ .... مين هاللي معه ؟ ... اوووف وش هالتبن كله ؟
تخبت بسرعة يوم شافت الرجال جايين وبوسطهم ابوها فتحت جوالها وسجلت الكلام
ماجد : تمام عليكم متى التسليم بيصير ؟
: بكرة الساعة 3 الفجر يا طويل العمر
ماجد : هههااااي تمام عليكم تمام ..... شووف فتّح عيييينك زييين مابي اي شي يخرب
ترى هالطلبية غالية وما تنلقى ... والله اذا انصدتوا ترى انا ما اعرفكم سااامعني ؟
: حاضر يا طويل العمر .. شي ثاني ؟
ماجد : لالا .. انا ماشي , شدد الحراسة الليلة وخلي ناس تراقب من بعيد لبعيد
: حاضر طال عمرك
مشى ماجد وركب السيارة ومشى .. تالا مو عارفة وش تسوي .. شافت فتحة صغيرة على جنب الباب
دخلت منها وهي موطية تخبت ورى التبن ..... لما هدي الوضع بعد ساعتين بدى النور يدخل للمكان
شافت التبن مالي المكان لمست واحد من الرزم وسمعت شي مثل القرطاس تحت التبن عقدت حواجبها
وخرت شوي من التبن وشافت اكياس فيها بودرة بيضاء طلعت الجوال وبدت تصور .... يا رب يا رب ما يكون
هاللي في راسي صدق .. يا رب ... تحس انها بتصيح هجدت وتخبت بسررعة زين لانها سمعت صوت رجال بالمكان داخلين
: اسكت يا كلللللب ... اسكت ,, بيجي بعد 4 ساعات ابو تالا وهو يتصرف معاه
: طيب لين ما يجي ابو تالا .. وش نسوي
: نخليه هنا مربووط .. عشان يتربى , امشي برة خلينا نشوف وش سوى تركي؟
: يللا .. تفوو عليك
ومشوا الكلاب برة
وقفت تالا وقربت لــ,,,,,,,, فواز
تالا : هييه ؟؟ انت وش تسوي هنا ؟
فواز طالعها بتعب وعينه مورمة : انتي اللي شتسوين هنا ؟ مكانك غلط يا بنت
تالا : طيب طيب .. لا يكثر , تبي افكك ولاّ لا ؟
فواز : ههههه وش رااايك ؟
قربت له تالا بدت تفكه بس وقفت : انت شتسوي هنا ؟
فواز : كملي فكيني بسررعة
تالا : خبرني اول عشان افكك
فواز : انا مراقب ماجد اللي اسمه ابو تالا .. اللي كانوا يحكون عنه قبل شوي الكلاب
انا ابي اصيده ,, هذا تاجر مخدرات كبير واكبر دااااشر عرفته بحياتي
تالا رمت الحبل وبطلت تفكه
فواز : وش فيييك ؟؟ كملي فكيني بسرعة ابغى اروح من هنا .. واطلعك معاي انتي مين وش تسوين هنا ؟
تالا : مو لازم تعرف انا مين ,,, ما راح افكك ,
فواز : انتي معهم ؟
تالا : لا
فواز : طيب ؟
تالا : موووو شغلك .... اذا فكيتك بتروح تعلم عليهم
فواز : وانتي وش عليييك ؟
تالا قلبت ظهرها بدى بفك الحبل لنفسه ويحرر نفسه طلع يده ومسك ايد تالا ولواها لظهرها
صرخت : آآآآآآآآآآآه
حط يده على فمها بسرررعة : اسكتي اسكتي لا تفضحيننا
سحبها معاه وطلع من المكان بصعووووبة وهي تحاول تفك نفسها منه بس ما قدرت هي مررة ضعيفة
حطها بالتاكسي معاه وهو لاوي يدها وهي تتالم ... اتصل على راكان
فواز : راكان .... بعد اربع ساعات ماجد بيكون هناك
راكان بقلق : انت وييينك ؟
فواز : جاي للشركة
راكان : زين .. انتظرك لا تتاخر
فواز : اووكي ... قفل الجوال ولف على تالا
فواز : انتي مين ؟ وش كنتي تسوين بذاك المكان ؟
تالا تطالعه باحتقار : ماني بقايلة لك ولا شي
فواز : تكلمي احسن لك ... لا تختبرين صبري
تالا : هههههههه بختبر صبرك .. واعلى مافي خيلك اركبه , تراك ما تعرفني زين
فواز : اهااااا .. يعني انتي منهم
تالا : لا تحاااااول ,, ما راح احكي اللي تبيه
فواز : طيب طيب .. يصير خيير وبتتكلمي غصصصب
تالا : احلم على قدك يا بابا
فواز يهز راسه بتهديد
...............................


نهاااااااااااااااااية هالبارت ؟

<< البـــــــــــــــــــارت الـــ 22 >>



في التاكسي .....
فواز جالس على اعصابه وده يذبح تالا ووده يعرف هي بنت وش كاانت تسوي هناك لا تكون معهم بس
... صرخ بقوووة : هيييه انت اسرع شوي خلينا نوصل
تالا : لا انا اخاف من السرعة امشي على مهلك ههههههههههههههههههههه
لف عليها بنظرة حقد
فواز وهو يهدد بايده : شووووفي انتي وقسم بالله لو مااااتسكتين لا تشووووفين شي ما يعجبك سااااااااامعة ؟
تالا : لا شايفة ههههههههههههههههههههههههههه
خلاص الصبر وصل حده مع فواز بيقتلها وقف التاكسي
: وصلنا
فواز : احمدي ربك .. كنت بوريك الاستهبال شلوون يكون
خذ حسابك وتقلع ... يللا امشي انتي .. قالها وهو ينزل ويسحبها من ايدها
نزلت وياه وهي تستعبط ساعة تمشي بسرعة وهو يهديها وهي تضحك
وساعة تمشي ببطئ وهو يحترق ويسحبها
شكله كان ملفت للنظر .... وقف هو وياها شوي
فواز : وربي العظيم لو ما تمشين بادب لاوريك شغلك فاااهمة؟
تالا : اووووف .. ياخي انت بس تهدد وتهدد ابلشتني ,, اهجد وترى مو انا اللي تمشي بالتهديد موو خايفة منك انا
فواز : طيب تمشين بالذووووق ممكن ؟
تالا : ايه .. كذا امشي , احترم نفسك ولا اورييييك
فواز : ههههههههه وشلون بتوريني ؟
تالا : بخليك تصيييح من القهر , اشوف عيونك بدت تحمّر من الضيق ادري اني طلعت عيوونك وبسوي اكثر اذا ما تتأدب
فواز وهو يعض شفته : طيب .. امشي
تالا : امشي ؟؟؟
فواز : لو سمحتي ؟
تالا : يللا .. مشينا هع
مشى هو وياها للشركة وطلعوا مكتب راكان

راكان : بدررري ؟؟ توك تجي اشغلتني ياخي
فواز وهو يسحب تالا للمكتب : هذااني جيت ...
راكان : مين هذي ؟
فواز : لقيتها هناك بالمخزن تبع ماجد .... بعد ما ربطوني الكلاب جات تفكني ويوم درت اني بعلّم على ماجد بطلت تفكني
بس الغبية
قاطعته تالا بصراخ : الغبي انت واشكاااااااااااااالك
فواز رماها عالارض بقوووة : كلي تبن ...
قرّب راكان لتالا بسررعة وشالها يساعدها عشان تقعد عالكرسي
تالا : وخر انت بعد
راكان : فوااااااااااااز ,, صرخ فيه
فواز : نعم ؟
راكان : ليش رميتها كذا ؟؟؟ هذي بنت يا رجّاااال
فواز : هه ذي بنت ؟؟ تسمي هالمخلووووق بنت
تالا : بنت غصب عن خشمك ذا اللي مدري وش يبغى
فواز وصلت معااااااه قرّب منها بسرعة بس راكان مسكه ووخره عنها
راكان : وش فيييك ياخي اهدى ... تعال رووووق وعلمني وش صار
قفل المكتب بالمفتاح .. وجلس هو وفواز على جنب بعيد عن تالا اللي تتألم من طيحتها نزل دم خفيف من ايدها
.....
راكان : وش صار عليك ؟؟
فواز : مسكووني وانا اراقب ... دخلوني بالمخزن اثنين منهم وهم يقولون بعد اربع ساعات يجي ماجد ويتفاهم معاه
المهم راحوا وخلوني عالارض جاتني هذي الزفت المهايطية وبدت تفكني بعدين وقفت وقالت وش تسوي هنا ؟
قلت لها اراقبهم وبعلّم عليهم لان ماجد هذا تاجر مخدرات بطلت تفكني واعطتني ظهرها قالت اذا فكيتك بتعلم عليهم
راكان : يعني ؟
فواز : اشك انها منهم
راكان : يالخبل .. لو انها منهم ما فكتك ...اكيد عندها قصة امشي بس نكلمها ونسالها
فواز : اسالها .. ما بتستفيد شي ,, قد جربت انا وطلعتني من طوري
راكان : ههههههههه شكلها هبلت بك
فواز : يلعن شكلها ... اقول لك وصلت معاي منها وما تبغى تعلمني وش كانت تسوي هناك
راكان : طيب .. انت اجلس هنا واشرب قهوتك وانا اتصرف
راح راكان لها وهي تشوفه جاي
طالعته كذا بنظرة لا مبالاة
تالا : اشتكااالك ولد امه ؟
ضحك راكان بقوووة ما تحمل : ههههههههههههههههههههههههه
تالا : قلت شي يضحك يالمجنووون ؟
راكان : انا مجنووون يابنت ؟
تالا : ايه مجنوون يا ولد
راكان : طيب ... نقبلها يالمهاايطية ,, انا راكان وانتي ؟
تالا : هههههههههههه قديمة ... انا فراااغ
راكان : اووووه اسمك مميز ,, اول مررة اقابل انسان اسمه فراغ
تالا : اييييه,, عشان كذا انا مميزة
راكان : ههههههههه .. طيب ,, وش كنتي تسوين هناك بالمخزن ؟
تالا : مووو شغلك
راكان : علميني عشان اساعدك ؟
تالا : مو محتاجة مساعدة لا منك ولا من العبيط صديقك
راكان بيمووت من الضحك هالبنت مو صاحية
راكان : فوااااااااااااااز ههههههههههههههههههه فواز عبيط ؟؟
تالا كشرت : وعععع اسمه فواز ؟؟ هيييييه انت فواز .. اسمك غبي زي وجهك
راكان هنا انفجر من الضحك وفواز جاي بيقتلها
دفه راكان وهو ميت من الضحك وماسك بطنه وعيونه تدمع
فواز بضيق : على تبن ... اضحك اضحك ,, هين انا اورييييك
والتفت على تالا : انتي طيب .. ان ما ربيتك ما اكوون فواز
تالا : لا تعيد اسمك تراه يقرفني
عصب فواز وراكان خلاص ميييت من الضحك
اخذ فواز المفتاح وطلع من المكتب وصك الباب بقووة
جلس راكان وهو لسة يضحك
ركان : ههههههههههههه انتي فظييييعة .. اول هههه اول مرة ههههههه احد بهالطريقة ينرفز فواز هههههههههههه
تالا : بطل ضحك ... انا قلت الصدق
راكان : ااااااااااااااه يا قلبي .. ههههههههههههههههههههه الصدق بعد ؟؟ ههههههههه
......................................

في بيت جميلة الرائد .............
جميلة بغرفتها تتفرج بالاوراق والصور
لمحت صورة بنت صغيرة عمرها سنتين تهبببل هالبنت
دمعت عيون جميلة وهي تتذكر ذاك اليوم ..........

<< ذكريات الم قبل 22 سنة>>

طلعت جميلة لغرفتها كالعااااادة بعد مشكلة مع ام طلال
جلست تبكي بقهرررر ... جات بنتها الصغيرة جوانا
جوانا : ماما .. مــا مـــ...ا
ضمتها جميلة وهي تبكي ااااااااااخ يا يمة وش اسوووي
خلاص احس اني ضااايقة وينك يا عبدالعزيز متى بترجع من سفرك وتشووفني
محتاااجة لحضنك ...... رن التلفون
ردت عليه .. جميلة : الوو ؟
: جميلة ؟ اخباارك يا عمري ؟
جميلة ما نست هالصووت ولا بتنساااه ....
جميلة : وش تبي يا ماجد ؟
ماجد : ابيك انتي
جميلة : ماني حوووولك .. انا مرة متزوجة وعندي بنت
ماجد : اضمك انتي وبنتك يا عمري ... ليه مو فاااهمتني لييه
جميلة : ماااجد انا ما احبك ,, انا متزوجة استحي على وجهك ورووح عني شوف حياتك
انت بعد متزوج انت كذا تخووون زوجتك
ماجد : بالطقااااق اللي يطقها .. انا احبك انتي
جميلة : لا حول ولا قووة الا بالله ,, اذا كلمتني مررة ثانية بعلم عبدالعزيز
ماجد : اسمعيييني زين ,,, انتي لي .. فهمتي ؟
ولا عبدالعزيز ولا غييييره يقدر ياخذك مني .... اجيبك يعني اجيبك برضااك ولاّ غصب عنك
وترى قرييييب قرييب بيندم عبدالعزيز لانه اخذك مني وهووو داري انك لولد عمك
جميلة : انا موو لك انا له هو .. واحبه هوووو فاااهم ؟؟ احب عبدالعزيز واعشقه وما راح اخوونه وياك ابدا
انت فااهم قصدي زيييين .. طلبك مرفوووض انت واحد وقح ولا تحلم اني بكوون لك في يوم من الايام


.................. انتبهت جميلة لصوت الخدامة : مدام .. الفطور جاهز
جميلة : اوكي .. جاية
.................................................. ........

عند طلال بالشركة
طلال وهو يطقطق اصابعه : ما علي منها ... انا بس كذا لعااااانة بعذبها اخليها تفكر بالكلام اللي قلته لها

وهي مو قادرة تسوي شي هههههههههه هي بدت عنااااد انا بعاااند بعد اخليها تندم عاليوم اللي قابلتني فيه
عزام : ياخي هدّي الوضع .. تراك مووو ناقصها ,, اتركها بحااالها طلال
طلال وهو يأشر لراسه : ماااااااااااااااااابي .. انا اورييها هي وشوووفة نفسها هذي انا اربيييها
عزام وهو يصفق ايديه ببعض : مااا منك فااايدة
طلال : هههههههههه ..... فتح جواله واتصل على جوال ابو راكان
...........................

ابو راكان بمكتبه كان بتناقش هو وتوليب على سفرها وهي مسوية مواعيد للناس
طفش منها ومن حركااااتها ناشبة له بكل حركة ماقدر فيها ,, هو شخصيته قوية ايه ... لكن هالبنت غيييير ما قدر علييها

رن جواله ...
ابو راكان : الوو
طلال : الو السلام عليكم
ابو راكان : هلا والله وعليك السلام .. هلا بولد الراسي
ارتبكت توليب من طاري اسمه لا يارب ما يكون اللي في بالي يااا رب لا

ابو راكان : خلاص .. ولا يهمك ,, متى بتجي؟
خلاص طيب .. تم ولا يهمك افاا عليك بس
مع السلامة
.........................
توليب : مين ؟
ابو راكان : طلال ولد الراسي
توليب : انا هالولد ما اطيقه
ابو راكان : بالعكس ... مافي منه هالرجّال ابد
بس انتي مدري كيف تفكرين دايم عكسس الناااس
توليب : يبة لو سمحت
ابو راكان : بس استحي على وجهك .. تراك تحاكين ابووك وتراني للحين صاابر عليك ما ودي اغلط
احتراما لامك ,, ولا انا اعرف كيف اربيك
توليب : ما شاء الله على احتراااامك .. يومك تتزوج عذاااااري ما تذكرتها
وقف ابوها وجاء لها وطرااااااااااااااااخ كف ..
توليب : تضربني يبة ؟
ابو راكان : انقلعي برررررررة لا تخليني اوريك الشغل صح
وقفت توليب : طيب ...... وطلعت برررة وهي مصدووومة انا انضربت كف ومن مييييين ؟؟ من ابوووووي

...........................................

عالعصر ..... سعود مع خالد يدورون حل

خالد : طيب قووول لي السالفة يا سعود
سعود : انا اللي عزني وخلاني اصير فوووق .. ماجد .. عمي اخو ابوووي
وكنت اشتغل عنده اول شي بالشركة .... يوم من الايام عطاني عصير
هالعصير يا خاااااااالد هووو سبة عذابي لليوم
حاط لي فيه مخدر .... ومن يووومها انا مدمن واتاجر مع ماجد
وااذي بنات خلق الله ... هالبنات كل وحدة لها قصة
كل بنت فيهم ابوها او اخوووها او هي مأذي ماجد ومتمشكل معاه
هنا يجي دووري عشان اهين كرامته ... ببنته او اخته
وبعدها خلاص يجي دور ماجد يهده بالسووق ..... وننتهي منه
كنت انا الولد المفضل عند ماجد لاني ما فشلت باي تحدي او مهمة اعطاني اياها
وكنت اجيب راااس البنت اللي يعطيني اسمها ,, خزامى عجزت فيها
خالد : وش دخل خزااامى ؟
سعود : في بين ابوها وعمي ماجد قصة طويييلة ... وانهان ماجد بسبة اخوها وعبدالعزيز الراسي
اخوها انقتل من رجال ماجد ... اما عبدالعزيز عجزنا نهده بالسوق بس انتقم ماجد ببنته
وانا وسيلة الانتقام ... يوم قلت لي انها خزامى حبيبتك ... انا تحطمت شلوون اسوي كذا باللي يحبها صديقي واخوووي
رحت لماجد وحاكيته يعطيني مهمة ثانية
صرخ فيني وقال : هذي بالذاااااااات ما راح ابدّل فيها ... هذي بنت عبد العزيييز .... وبتسوي اللي اتفقنا عليه
ولاّ بتشوووف شغلك زييين وانت تعرفني ما اهدد عالفاضي
..... وصدق يا خااالد ماجد ما يهدد كذا عالفاضي ,,,, خفت منه وسويت اللي علي
ومن يوومها انا مو عارف انام .. مو عارف اعييش حياتي
افترقت عنك وعن الشباب ... عن البنت اللي تعلقت فيها
عن صحتي ............. هنا بدت تنزل دوعه وغطّى وجهه بايده
خالد : صحتك ؟؟؟ وش صاير يا سعووود
سعود مسح دموعه : صحتي ... ههههههههههه انا مريض بسرطان الرئة
من اربع سنين .. من بعد اللي صار مع خزوم
انا كنت اكذب عليها واقول انا معي السرطان ومحد يحبني وكذا
وهي صدقتني وقالت انها بتساعدني وبتوقف معي .... كانت على نياتها المسكينة
وانا لعبت عليها ... ويوم اللي صار .. قلت لها اني لعبت عليها وانا مافيني شي
بعد اللي صار وانا طاالع قالت لي وهي تبكي : الله لا يساامحك يا سعوود .. الله يبليك بمرض تتعذب فيه مثل ما عذبتني
..... اييييه يا خااالد استجيبت دعوتها وهذاااني قدامك متعذب مو ملاقي دواء يريحني .... مافي امل خلاص بموووت
وقف خالد وقرب من سعود وضمه وهو يهديه ....




...................................
نهاية البارت

<< البـــــــــــــــــــــارت الــ 23 >>



جلس خالد جنب سعود
خالد : سعود .. انت صاحبي ,, مهما يكووووون بالاول والاخير مالنا بد من بعض
لكنك قهرتني كثيير يا اخوووي .... انت عااارف كان ودي اذبحك ؟
سعود وهو يمسح دموعه : ايه دااري .. انا كنت بقتل نفسي يا خالد
كنت بنتحر .... مو بس انت في غيرك كثير ودهم يقتلووني .. خالد طلبتك سامحني سامحني يرحم اممك
ما غيرك يهمني يا خالد الحين ... تكفى سامحني
خالد ابتسم بحنان : انا جنبك فور ايفر .. ومسامحك , لازم تعتذر من الشباب وانا بوقف معاك
... سعود .. اذا تبغاني اطلّق خزوم لعيوونك اطلقها الله لا يفرقنا يا شيخ مرت علي ايام صعبة احتجتك فيها
>> قالها وهو منقهر .. خزوم حبيبتي وحلمي قالها بكل الم وقهرررر جاء على نفسه لعيوون صاحبه
................ يا نااااس قد شفتوا صاحب مثل كذا ؟؟ قد شفتوا ؟؟ بذمتكم يا عااالم
آآآآآآآآآآآآآخ بس .. الصداقة هاليومين صايرة للمصااالح ,, مصلحة وبس يا هوووه صاير صعب تلقى تلقى صاحب وفي لك وللأبد صعب تلقى صاحب مثل خاالد والله صعبة >> نرجع للرواية اااخ بس
ابتسم سعود وضم خالد بقووووة وهو ضامه : خالد الله لا يفرقنا .. الله لا يفرقنا ,, طلبتك طلب ..............................


.............
عند بيت الراسي في غرفة جوانا ....
جوانا وخزوم جالسين سوا
خزامى : ههههه ياحليله .. تدرين امس وش راسل لي ؟
جوانا : يااااااااااااااااااا ليل هالخالد ... باليوم ولا يجي الف رساااالة
رصيده كله يروح فيك حشى كل هذا حب ؟؟ ول عليكم
خزامى وهي تنقز : جوااااااااااااااااانا وجع ... غيراانة اشوووف ؟
جوانا : لا عيووني ما غرت ولا شي .... خزوم ... ودي اقول لك شي
خزامى : امري ؟؟
جوانا : ما يامر عليك عدو .. بس تعرفين وحدة اسمها جميلة الرائد ؟
خزامى : مين هذي ؟
جوانا : مدري .. انا اسألك انتي ؟
خزامى : مدري .. بس كني اذكر وحدة بهالاسم
جوانا بترجي وهي تقرب لخزوم : تكفين تكفين ميين ؟
خزامى : وش فيك انتي ؟؟ قوليلي وش القصة ؟
جوانا رجعت على ورى بضيق ونطّت عالسرير
جوانا : ابي اعرف مييين هذي ؟؟ ... هذي بسببها امي تكرهني وتبعدني عنها
امس ابوي رفض يخبرني .... ترجيته قال هذي وحدة ما ودك تعرفينها احسن لك ولي اني ما اعلمك
بس الا بعرفها وبعرف قصتها .. مين هذي ؟؟ مين هالزفتة ميييين ؟
خزامى : الظاهر اني اعرفها .... مدري والله ,, بس اذكرها بقوول لك
دخلت الجوري بسرعة عليهم صكت الباب وراها ونطت جنب جوانا بالسرير
خزامى : وش غندك جاية فازعة ؟
جوري بوجه مصدوووم : مدري
جوانا : وش فيك الجوووري احكي ؟
جوري : سمعت شي غريييب
خزامى : وش هووو ؟
جوري : ابوي كان يتكلم مع عمي راشد بالمكتب تحت
جوانا وخزامى : اييووووة ؟
جوري : سمعت ابوي يسأل عن وحدة ... انا موو مصدقة , لا يكون بيتزوج بس
جوانا : قال اسمها ؟
خزامى : اهدي يا جوري .. يمكن القصة شي ثاني
جوري : ليش يسأل عن حرمة طيب ؟
جوانا وقفت وصرخت فيهم : هيييييييييه انطمي انتي وياها ... جوري
قال اسمها ولاّ لا ؟
جوري : الا
جوانا : وشو ؟
جوري : الظاهر جميلة
جوانا بحماس وهي تهز اكتاف جوري : كملي كملي لا تسكتين وش قال عنها ؟
خزامى وخرت جوانا عن جوري : بس يا جوانا ... هاه الجووري وش قالوا بعد ؟
جوري : يقول لازم ترجع .. لازم القاها ... بنااات انا مو فاهمة شي
جوانا : انا بس ابغى اعرررررف مين هي بس مييين هي ؟ اوووف
طلعت جوانا من الغرفة ونزلت المكتب وهي تركض بالدرج
دقت الباب بسررررعة ودخلت : يبة ... السلام عليكم
انصدمت ........ شافت قدامها اللي ما كان ودها تشوفه
يـــــــــــــــــــاسر ,,,,,,,
رجعت على ورى بسرعة وصكت الباب ..... جلست عالارض وضمت رجولها لصدرها وبكت
ليش دااايم تطلع لي ... كل ما ابدى انساك تجيني .. يا بحلم يا قدامي
انقلع خلاااااص يرحم امك اطلع من حيااااااتي .... جاء فيصل وهو شايل معاذ ويمزح معاه
لمح جوانا عند باب المكتب جاها معصب بيهزأها لانها عند باب المكتب وتتسمع مثل ما كان متوقع
فيصل وهو معقد حواجبه : جوانا ؟ وش تسوين هنا ؟
رفعت راسها وركضت له وضمته : فيصل .. اكرهه ,, انا اكرهه
فيصل : مين هو ؟
طالعت بوجه فيصل : ولا احد .. مسحت دموعها بسررعة توّها تنتبه لمعاذ
جوانا : الله .. مين هالحلووو ,, يا قلبي عليييك تدنن
وتمسك خدوده وتقرصها وهي تضحك
فيصل : هذا معاذ
كشرت جوانا وفكت خدود معاذ
جوانا : انا طالعة غرفتي .........................
دخل فيصل المكتب وحط معاذ عند ابوه وطلع من البيت

عند راكان بالمكتب ..............................................
راكان وصلت معاه يبي يخلص
راكان : يا بنت احكي وش كنتي تسوين هناك ... تراها قفلت معاااااي والله
تالا : افتحها .. هههههههههه ,, شسويلك ؟؟ شسويييلك ؟؟
راكان : بتتكلمين ولاّ كيف ؟
تالا : كيف ؟؟ هههههههههههههههههههههه
مسكها من ايدها وسحبها وجاه كف طاااااااااااااااااااااير من تالا
تالا : شيل يدك عني يا كللللللللللللللللب
فتح راكان عيونه بقوووووووة تجمد ..... انا انصكيت كف ؟؟؟ جاني كف ؟؟ انا انــــــــــــــــــــــــا ؟؟؟
لف عليها بوجهه مصدووم : انتي طقيتيني كف ؟
تالا بعصبية : ايه ... صكيتك كف يا بزر
راكان : انا بزر ؟
تالا : كبيرة عليك بعد
سحبها راكان وهو ضاااغط على اسنانه بقووووة معصصصصصصصب للاخير
اول ما طلع من المكتب .... قابله فواز
فواز وهو يطالع بوجه راكان اللي مبين معصصصصب
فواز : هههههههههههههههههههههه ما قلت لك ؟؟ تستااااهل لانك ضحكت علي
راكان : وقسما باللله يا فواااز موو خلقك ,
وتالا تحاول تحرر نفسها من ايديه وهو يرجع يمسكها لكنه يحس انها بتنحاش منه
فواز : هههههههههااااااااااي .. ادري ,,, هاتها عنك انا امسكها انا اعرف لها
عطاه راكان تالا
ضغط فواز على يدها مكان ما طاحت تألمت تالا بقووة : آآآآآآآآه
فواز : اذا ما هجدتي بضغط اكثر وبعلمك كيف تلعبين معاي
هدت تالا لانها متعورة
اول ما نزلوا من الشركة ...
تالا : وخر عني بس .. وش عليك مني كنت هناك ولاّ لا
وقف راكان قدام وجهها : اهجدي اصرف لك .. تكلمي لانك اذا تكلمتي راح يكون بمصلحتك
تالا : كل تبن يا حقييييير
رفع يده بيمدها عليها بس مسك اعصابه وهو ينزل يده بالقووووووة
راكان : آآآآخ بس لو منتي بنت كان ورييييتك
لمحت تالا واحد كانها تعرفه.....
صرخت تالا : فييييييييييييييصل
مسك راكان فمها يسكتها
عند شلة فيصل ..
فهد : هيه فيصل .. في احد يناديك
التفت فيصل وشافها ..
جاها ركض
فيصل وهو يتنفس بسررعة : هيييه يالاخوو .. وش عندك ماسكها كذا ؟
فواز : وانت مين تكوون ؟
شال راكان ايده عن فمها ...
تالا : فيصل .. آآه ساعدني
فيصل : اتركها
راكان : مييين انت ؟
تالا : خطيبي
انفجعوا كلهم وطالعووها بصدمة اولهم فيصل
طالعته تالا بعين حاااارة يعني قوول ايه
فواز : الحين هذا شكل خطيبتك ؟
راكان : متأكد انت ؟
فيصل بحدة : عند امك شي انت ويّااه ؟؟ ايه خطيبتي
شيل يدك عنها اشوووف
وسحبها من راكان
راكان : لقيناها بمخزن حق تاجر مخدرات
طالعها فيصل بقووووة : وشو ؟؟
تالا : بعدين اقول ك السالفة فصوول ,, الحين خلينا نمشي طلبتك
راكان : عباااطة الشغلة ؟؟ منتي رااايحة لين ما تقووولين لنا وش كنتي تسوين هناك ؟
تالا : اراقب .. مثلي مثلكم
فواز بنظرة شك : كذاابة
تالا : مو لازم تصدق .... اخر همي انت ووجهك الغبي
ضحك راكان وفيصل بقووووة
فواز : هين راكان انا اوريييك بعدين ... وانت على ايش تضحك ؟
فيصل : اقوول عن الهياااط ,, اعرف مع مين قاعد تتكلم انت
يللا مشينا يا ......... مسكت فمه بسرعة
تالا : لا تقوول اسمي
مشى فيصل على جنب هو وياها

فيصل : صدق الكلام اللي قالوه ؟
تالا : ... ايه ,, بس كنت هناك ابي اتأكد من شغلة
فيصل : وش هي هالشغلة يا بنت ؟
تالا بدت تبكي : ابووووي ... ابوي يا فيصل
انهارت بالبكاء مسكها يهديها دفنت راسها بصدره وهي تبكي
اخذها على سيارته وجلسوا سوا .....
هدت شوي من البكاء
فيصل : وش القصة ؟
تالا : موضوع خاص .. ارجوك لا تسأل اكثر
اعتذر ازعجتك .. بس مابي احد يعرف اللي صار ,,
فيصل بحيرة : براحتك .. بس حبيت اساعدك
تالا : ما تقدر .. الموضوع كبير ,, مشكور للمرة الثالثة
ضحك فيصل : هههههه العفو
.......................................

هنا نوقف

<< البـــــــــــــــــــارت الــ 24 >>



توليب الصقر .... بمكتبها
رن تلفون المكتب
توليب : ألو ؟
: الو ... مرحبا توليب ؟
توليب : ايه نعم توليب ,, مين معي ؟
: ابغى اقابلك ضروري ... عند مدخل الشركة الساعة 6 المغرب
كوني هناك ترى الموضوع ضروري ,
توليب تحاول تقاطعه : عفووا بس مين انت ؟ هيييه
: لا تتاخري لاني بمشي بسررعة , باي
طوووووووووط طوووووووووووط انقطع الخط
طالعت توليب بالسماعة .... بحييرة وقلق ,, يا ربي وش هذا ؟ وش صاير
.....................
تولين الصقر توّها نازلة بعد الشور من دورة المياه الله يكرمكم
وقفت قدام المرايا ... التفتت على يمينها شافت صورة توليب عالتسريحة
صارت تلف عيونها بين المرايا وصورة توليب
قربت من المرايا مرة .. : اووووه .. توليب وانا في بيننا شبه مو طبيعي وما نشبه ابوي
طيب شلوون كذا نتشابه ؟؟ وامهاتنا غير ... سبحانك يا ربي تخلق من الشبه اربعين >> وه فديتني غيرت كثير ولاّ ؟ بس يعطيك العافية
..............................
سعود وخالد بالمول مواعدين الشباب ولسة محد جاهم
سعود : خالد .. لا تنسى الطلب يرحم والديك
ابتسم خالد : و لايهمك ... كم سعود عندي انا ؟
سعود : انا والجاي هع
ضحك خالد بقووووة : الله يرجك اصبر شوي ليه مستعجل ؟
سعود تنهد بالم : ودي قبل لا اموت ...
خالد : بس .. لا تكمل ,, ان شاء الله ربي يعافيك
طالع سعود بقهوته : هه ... مو فاقد الامل .. لكن تتوقع ربي يعافي واحد مثلي ؟
خالد : استغفر ربك
جو الشباب ...
فهد : سعووووووووود ؟؟ >> مصدوم
محمد : وخااالد ؟؟ سعود وخالد سوا ؟ وش صار بالدنيا
وقف سعود وضمهم بقوووة
سعود : وحشتني يا ابو الشباب
محمد : وانت اكثر
فهد شايل على سعود : خير ؟؟ وش صاير ؟
التفت لخالد ينتظر جواب
خالد : سلّم عليه اول .. واجلسوا ولما يجي فيصل نتفاهم ونقولكم ايش صار
رن جوال محمد >> الحمااار
محمد : الووو .. هلا فيصل ؟؟ ايه .... ايه كلنا مجتمعين ومعنا سعود وخالد بعد معانا
صك فيصل الخط بوجه محمد .....
...............................
طلال : وش صاير يا فيصل ؟
فيصل : ما ادري ... محمد يقول انهم مجتمعين ومعهم خالد و .... سكت ما يبغى يكمل
طلال : و ميين ؟؟ .... فيصل اكلمك
فيصل : سعود
طلال بضيق : سعود مين ؟
فيصل : وش فيك انت ؟؟ فاااقد الذاكرة ولاّ مسوي غبي ؟ سعود الرائد ما غيره
وقف طلال وراح للمكتب ...... جلس يدور ويدور اخر شي فتح الدرج وطلّع المسدس الصغير حقه
تأكد من انه مليان رصاص ... طلع من المكتب وقف فوق راس فيصل
طلال : بأي مكان هم ؟
وقف فيصل : طلال ... اذكر ربك واجلس , اختك خلاص بتتزوج وش تبي اكثر ؟
طلال بتهديد : فيصل اخلص وقووول وينهم ؟؟
فيصل : ماني بقااايل لك
رفع طلال المسدس بعصبية وحطه براس فيصل : فيييييصل احكي لا تطلعني عن طوووري اصرف لك
فيصل : وصلت معك تهددني بسلاح ؟؟
طلال : هذا اهاااانني .. واهان ابووووي ,, اهان اختي والله لأجيبه وطوول ما راسي يشم الهوااااء ما راح اسيبه
فيصل : طلال خلاص ما صااارت ... اصلا كله مني علمتك
نزلت خزامى من الدرج هي والجوري وجوانا
جوانا : بس انتي وياها تناقزون مثل الاغبياء
الجوري شافت المسدس مع طلال وموجه لراس فيصل
الجوري : آآآآآآآآه > صرخت
التفت لها طلال بعيونه الحمر : اطلعي فووووق انتي وياها
صرخ بقوووة
خزامى مسكت في الجوري : امشي معاي فووق ... جوانا يللا نطلع فوق
جوانا بحزم : اطلعي انتي وياها واتركوني
خزامى : بس يا جوانا
جوانا : قلت اطلعي فوووق خزوم ,, ما عليك
نزلت جوانا ووقفت جنب طلال : وش هذا اللي انت مسويه ؟

طلال بضيق : انا قلت اطلعي فوووق مع اخواتك
جوانا : ما راح اطلع .. استحي على وجهك ونزّل المسدس من راس اخووووك يا طلال ,, فصول وش صاير؟
فيصل : جوانا .. اطلعي فوق واسمعي الكلام .. ما عليك انا وياه بنتفاهم >> قالها بهدووووء غريب
طلال : سمعتي ؟
جوانا : تتفاهم معاه بمسدس ؟؟ >>> قالتها معصبة
طلال : جوانا لا تخليني اسوي شي ما يعجبك .. اطلعي فووووق وخلّي العناد على جنب
جوانا : وايش بتسوي ؟؟؟ على بالك خايفة منك انا ؟؟ نزّل المسدس واعقل
طلال : جوانا ... وبعدين ؟
جوانا : نزّل المسدس >> تقولها باصرار
نزّل طلال المسدس ...
طلال : نزلته .. يللا اطلعي فوق
جوانا : لا والله ؟؟؟ ما راح اطلع
صرخ فيصل بملل : جوااااااااااااانا
رن الجرس ...
شوي وجات الخدامة : فور يو ميس جوانا >> لك يا آنسة جوانا
كانت شايلة ظرف ... اخذته جوانا وهي مستغربة وتقلّب الظرف بين يدها
جات الجوري تركض بالدرج : جوااانا جوالك يرن
طلعت جوانا تركض
طلال : فيصل ... وينهم ؟
فيصل : يللا امشي معاي وانا اوريك
راحوا سوا بالسيارة
بعد ما خلصت مكالمتها جوانا ... جلست على سريرها وفتحت الظرف
: بسم الله الرحمن الرحيم ....
الى جوانا عبدالعزيز الراسي
اظن انك الان قد تخطيتي الصدمة ... مر وقت طويل منذ ان كنتي بالثانية من عمرك
اي منذ اخبرك ابوك .. ان امك جميلة الرائد توفت ......
هنا جوانا فتحت عيونها بقووووة ووقفت قراءة .... رجعت تقرأ الاسم مرة ثانية
امك جميلة الرائد .... : وش هالعبااااااطة ؟؟... مين هالحمار اللي ارسل لي هالرسالة ؟؟؟
نطّت من السرير وهي منصدمة ومو مصدقة فتحت باب غرفتها ونادت سوزي الخدامة
نزلت تركض بالدرج وشافت سوزي بالصالة ترفع صحن الفشار
جاتها تركض ....
جوانا : مين اعطاك الرسالة ؟
سوزي : واحد رجّال
جوانا : ما قلّك مين هو ؟ وش اسمه ؟
سوزي : هو يقول .. ان اسم هو موجود داخل هدا زرف >> داخل الظرف
ورقم كمان
جوانا : ايه طيب طيب .. طلعت غرفتها تركض وجلست عالسرير
تكمل قراءة :
جوانا ... امك ما زالت حية ,, وتتمنى رؤيتك بأسرع وقت
عندما هربت كانت لديها اسبابها اللتي ستعرفينها عندما تقابلينها ....
اوهمك اباك انها توفت لانه لا يعلم اين هي ... هي تترجاك ان لا تخبري احدا بمضمون هذه الرسالة
لأمان امك وحفظ حياتها ,, لا احد يعلم اين هي الا انا ... والان انتي وهي فقط
هناك العديد من الاشياء اللتي ستهدد حياة امك وحياتي وحياتك على ما اعتقد اذا علم اي شخص بمضمون هذه الرسالة
...... اخوك .
قلبت الظرف طاحت منه بطاقة مكتوب عليها
راكان عبدالرحمن الصقر
رقم جوال : .....................
,,,,, اتصلت عليه .......
راكان كان جالس بالمطعم لحاله ينتظر فواز يجي
راكان : الو ؟
جوانا وهي معصبة : انت مسوي تستخف دمك مثلا ؟؟؟
راكان : عفوا بس مين انتي ؟
جوانا : انا جوانا يا كلللب
راكان : لاحول ولا قوة الا بالله .. ممكن تهدي عشان افهمك
جوانا : انت واحد حيواااااااااان وكلب وزفت وكل شي خاااايس ... وش عندك ترسل لي هالرساالة اللي مثل وجهك
وجالس تتفلسف علي وتسوي حركات بايخة ,,, مسوي تضحك ؟؟ هاااه ؟ مسوي تضحك انت وهالكلام الغبي
اللي حتى المجنووووون ما راح يصدقه ,,
وقفت كلام وهي تتنفس بسرررعة
راكان : خلصتي كلامك ؟ الحين عادي اتكلم انا ؟
جوانا : وش عندك ؟
راكان : جوانا ..
جوانا : لاتقوووول اسمي
راكان : طيب ... شوفي ,, الحين انتي ابوك قال لك من زمان ان امك ماتت
جوانا : لا ما قال لي ... امي توها متوفية قريب
راكان : انتي تقصدين مرة ابووك ,, اللي هي ام طلال وباقي اخوانك
جوانا : انت وش قاعد تخبص ؟؟ لا عيوووني امي هي امهم ابوي مو متزوج غيرها
راكان : الا ... اول زوجة له كانت امك جميلة الرائد يا جوانا , بعدين تزوج ام طلال اللي تصير بنت عمه
جوانا : انت تستعبط علي ؟؟؟ والله لو ادري وينك لأجيك والعن خاااامسك
راكان : انا بمطعم ............ ,
جوانا : طيب .... قفلت الجوال بوجهه لبست عبايتها اللي عالكتف وعدّلت طرحتها ونزلت من البيت
ركبت مع السواق ........................
,,,,,,,,,,,,,,,,,,,,,,,,,,,,,,,,,,,,,,,
الساعة 6 المغرب نزلت توليب عند باب الشركة
فواز : مرحبا انسة توليب
توليب : انت اللي متصل ؟
فواز : لا .... اللي متصل صاحبي وارسلني اخبرك هالكلام
توليب : وشو الكلام ؟
فواز : فتشي بسجلات ابوك القديمة واوراق الاثباتات عشان تتاكدين من كلامي ....
ترى عذاري ما تجيب عيال وتولين اختك من امك وابوك ...... عذاري كل ما جابت ولد تسقطه
او يتوفى عند الولادة ,,, يوم امك جابت تولين بنفس اليوم عذاري توفى ولدها اللي توها والدته
ابوك اخذ تولين واعطاها عذاري عأساس انها بنتها وامك قال لها ان البنت توفت ,,, عشان لا يصير شي في عذاري
اللي كانت مررة متعلقة بالولد هذا وكان ممكن يصير فيها شي اذا الولد صار فيه شي , المهم راكان اخوك يسلم عليك ويقوول لك
تراه حي وبخير ويوصيك تنتبهي لاختك لانها ما تدري عن شي
توليب هنا هديت شوي
توليب : راكان ؟؟ راكان حي ؟
فواز : ايه راكان بخير ... ويوصيك على اختك
توليب : بس ... بس ابوي قال
فواز : ابوك كذب عليك .... هو طرده من البيت
هنا توليب وصلت معاها بس ابوها الحين مسافر وما بيرجع الا بعد يومين ...
توليب : طيب ... يعطيك العافية
طلعت توليب لمكتبها تاخذ شنطتها واغراضها ونزلت مع السواق رايحة للبيت
.................................................. .

وصلت جوانا المطعم ونزلت من السيارة ..... دخلت للمطعم
اتصلت عليه : الووو وينك باي مكان ؟... وين جالس
راكان عيونه عالطاولة : ههههههه جيتي يعني ؟ انا لابس تي شيرت اخضر غامق وكاب اسود
طالعته : ايه ايه شفتك
صكت الجوال وجات له
جوانا : هيييه انت يالعبيط,, جيتك على بالك خااايفة منك ؟
رفع راسه وشال الكاب
انصدم : انتي ؟
جوانا عقدت حواجبها : انا شفتك من قبل صح ؟
راكان وهو منفجع : ايه .... انا اللي وديتك المستشفى يوم ضربك ريان الرائد
جوانا : ايه .. مشكور ,, وش عندك تقول هالكلام ؟
راكان : اجلسي .
جلست جوانا : نعم ؟
راكان : امك جميلة الرائد
جوانا : لا تقوووول امك .. امي ماتت
راكان : طيب .. جميلة الرائد لسة حية ,, ومحد يدري وينها لأنها منحاشة منهم
جوانا : مين هم ؟
راكان : ابوك ... و... ماجد الرائد
جوانا : وش مسوي لها ابوي ؟
راكان : ابوك ما سوى شي .. ابوك يحبها وهي تحبه ,, لكن ماجد ناوي يخطفها قدام عيون ابوك عشان يقهره
وانتي عارفة الباقي ما يحتاج اشرح وش بيسوي فيها يا جوانا , وقدام ابوك اللي بيكون عاجز يساعدها
ماجد وصخ واساليبه في الانتقام وصخة مثله .. انتقم في خزامى وبينتقم في امك بعد
جوانا : لحظة لحظة .... ليش ينتقم ؟
راكان : ابوك تزوج جميلة .. وجميلة هي البنت اللي يحبها ماجد
خالك جاسم كان رافض ماجد ياخذ اخته وخالتك عذاري بعد رافضة هالشي
لانهم عارفين ان ماجد تاجر مخدرات وانسان عقليته مريضة .. ماجد قتل خالك جاسم
بعد ما ملّك ابوك على جميلة ... عذاري تزوجت ابوي وجميلة تزوجها ابوك
من يومها ماجد ما خلاّهم بحالهم .... اخر شي هدد امك بتعذيب ابوك مثل ما خبرتك
هربت امك من البيت عشان لاحد يلقاها وتركتك عند ابوك وكان عمرك سنتين وقتها .
الحين انا رجعت من السفر ...وجيت عشان اساعد امك واخليها تقابلك لانها ما كانت تقدر تسوي شي بالسنين اللي راحت
امك ما تقدر ترجع لابوك حاليا .. لين ما انا انهي ماجد , واذا صار اللي براسي يومها ترجع امك لابووك




.................................................. ...


انتى البااااااااارت

<< البـــــــــــــــــــارت الــ25 >>



راكان : امك جميلة الرائد
جوانا : لا تقوووول امك .. امي ماتت
راكان : طيب .. جميلة الرائد لسة حية ,, ومحد يدري وينها لأنها منحاشة منهم
جوانا : مين هم ؟
راكان : ابوك ... و... ماجد الرائد
جوانا : وش مسوي لها ابوي ؟
راكان : ابوك ما سوى شي .. ابوك يحبها وهي تحبه ,, لكن ماجد ناوي يخطفها قدام عيون ابوك عشان يقهره
وانتي عارفة الباقي ما يحتاج اشرح وش بيسوي فيها يا جوانا , وقدام ابوك اللي بيكون عاجز يساعدها
ماجد وصخ واساليبه في الانتقام وصخة مثله .. انتقم في خزامى وبينتقم في امك بعد
جوانا : لحظة لحظة .... ليش ينتقم ؟
راكان : ابوك تزوج جميلة .. وجميلة هي البنت اللي يحبها ماجد
خالك جاسم كان رافض ماجد ياخذ اخته وخالتك عذاري بعد رافضة هالشي
لانهم عارفين ان ماجد تاجر مخدرات وانسان عقليته مريضة .. ماجد قتل خالك جاسم
بعد ما ملّك ابوك على جميلة ... عذاري تزوجت ابوي وجميلة تزوجها ابوك
من يومها ماجد ما خلاّهم بحالهم .... اخر شي هدد امك بتعذيب ابوك مثل ما خبرتك
هربت امك من البيت عشان لاحد يلقاها وتركتك عند ابوك وكان عمرك سنتين وقتها .
الحين انا رجعت من السفر ...وجيت عشان اساعد امك واخليها تقابلك لانها ما كانت تقدر تسوي شي بالسنين اللي راحت
امك ما تقدر ترجع لابوك حاليا .. لين ما انا انهي ماجد , واذا صار اللي براسي يومها ترجع امك لابووك

كل هالكلام كان كثير على جوانا ..... سكت راكان بانتظارها تسأل او تعصب او تسوي شي لكنها كانت ساكتة
كانت جوة نفسها تردد : ما راح أبكي .. ما راح أبكي انا اقوى من كذا
رفعت راسها له ... شاف عيونها تلمع
راكان : جوانا ... انا قلت هالحكي عأساس انك عارفة سابقا ان امك ماتت من زمان وتوقعت راح يكون الموضوع اسهل من كذا
انا منصدم ان ابوك ما خبرك عن امك للآن
جوانا تلقائيا ودموعها تنزل : انا سألته ... سألته ورفض يجاوبني
راكان : عن ايش سألتيه ؟
جوانا : عن جميلة ... لقيت اوراق بالغرفة واثباتاتي مع هالأوراق استغربت وسألته قال احسن لك ولي انك ما تعرفينها
راكان : ابوك ما يدري عن اسبابها بالهرب .. اكيد انه شايل بقلبه عليها لأنها تركته

جوانا باصرار وبكاء : بس انا بنتها شلووووون ما اعرف هالشي ؟؟؟ مسكت راسها وبدت تبكي قدام راكان وهي اللي عمرها ما بكت قدام احد بس الموضوع فوق طاقتها بالتحمل

راكان : بس خلاص اهدي .. هذاني خبرتك بالقصة ,,

على طاولة قريبة كانت جميلة تطالع بنتها وهي تبكي ,, هي مو مصدقة المنظر ابدا يوووووه كبرتي يا جوانا
وقفت جميلة وقربت من الطاولة صارت جنب راكان
جميلة : شكرا يا راكان .... ما قصرت
وقف راكان : العفو .. هذا واجبي يا خالة
جميلة : تقدر تنتظرني قريب من هنا ..
راكان :طيب .. اخليكم براحتكم الحين
جوانا بسررعة : لا لا ترووح ,, مين هذي ؟
راكان بابتسامة : طالعي ملامحها بتعرفين ,, انا هناك يا خالة
جميلة : طيب
جلست جميلة بكل هيبة قدام جوانا
جميلة : هاه ؟؟ عرفتيني ؟
جوانا : لا وحطت عينها عالطاولة
جميلة : طالعيني
جوانا مو راضية تسمح لتفكيرها انه يقول هذي جميلة او هذي امي
طالعتها جوانا بثقة بعد ما مسحت دموعها

جوانا : مين تكونين ؟
جميلة : يعني ما راح تقولين احتمالات ؟
جوانا : اخلصي ... لاني بمشي لبيتنا
جميلة وهي تأشر بصبعها السبابة : لازم نحط ببالنا انك محتاجة تتعلمي الذووق مع اللي اكبر منك يا ماما
جوانا وهي تطالعها من فوق لتحت : ومين تكووونين يا ماما >> قالتها باستهزاء , عشان تعلميني الذوق
وشلون اللي اكبر مني يعني ؟
جميلة : اللي اكبر منك بالسن يا عمري ... وانا جميلة الرائد .. امك يا جوانا
اخذت جوانا نفس ورجعت تدقق بملامح جميلة
رجعت على الكرسي باسترخاء وصدمة ... جوانا : ليه من اول ما طلعتي ؟
جميلة : ما كان عندي من يساعدني , خفت انكشف عند ماجد ويأذيكم بعدين
جوانا : يأذي مين ؟
جميلة : يأذيك انتي وابوك
جوانا : اصلا هو أذى اختي خزامى ... وزوجها ولد اخوه الكلللللللب الـ........ >> شتمته بقوووة بكلمة وصخة
جميلة حطت ايدها على فمها وفتحت عيونها بقوووووة
جوانا بعصبية : وش فيك ؟
جميلة وهي منصدمة : شتمتي بوصاخة ؟؟؟
جوانا : يستاهلها ... لا تجلسين تسوين لي فيها كأنك الجوري
جميلة باستغراب : مين الجوري ؟
جوانا : اختي
جميلة : من ابوك ؟
جوانا : ايه
جميلة : انتي عندك اخوان غير طلال وفيصل وخزامى ؟
جوانا : قلت لك الجوري
جميلة : طيب هدّي اعصابك ... جوانا .. من زمان كان ودي اشوفك واحضنك كأم
قاطعتها جوانا : لو كنتي ام كان اخذتيني معااااااااك يوم هربتي .. بس انا ما اعني لك شي عشان كذا هربتي تركتيني
جميلة بدفاع : لا يا جوانا .. انا احبك ,,, انتي بنتي
جوانا : لا انا بنت ابوووووي ,, مع السلامة قامت بسرعة ومشت
لحقها راكان : هييييه .. جواااانا
وقف قدام وجهها : هالموضوع ما ابي احد يدري عنه ولا احد يا جوانا ,, لسلامتك وسلامة .....
توه بيكمل قاطعته : ايه ادري .. لسلامة جميلة وسلامتي طيب باااي
انصدم من ردة فعلها الغير متوقعة ..... رجع للمطعم وشاف جميلة وعيونها مليانة دموووع تطلع من المطعم
راكان : معليش يا خالة .. هي اساسا ما تدري انها بنتك
جميلة : شلون يعني ؟
راكان : عبدالعزيز ما علمها انك امها
جميلة : وشووو ؟؟
راكان : هذا اللي صار
جميلة : طيب طيب ... انا رايحة للبيت ,, انتبه لنفسك
طلعت وركبت السيارة ومشت لبيتها وبالطريق للبيت كانت تبكي وتبكي بقهررر ,,
ليش كذا يا عبدالعزيز ليييش ؟؟؟ خليتها تظن اني تركتها وتخليت عنها ... آآآآخ لو بس ارجع شوي لورى كان اقتلك يا ماجد
كااااان اقتلك واقطعك الف قطعة عاللي سويته فيني ,, انت سبب هروبي من هالعاااالم
.................................
في بيت عبدالرحمن الصقر .....
تولين تنتظر اختها بالصالة
دخلت توليب .....مشت باتجاه تولين ووقفت قدامها بصمت غريب
وقفت توليب وعيونها مركزة بوجه تولين تطالع عيونها وشفايفها وتدقق في كل تفاصيل وجهها
تشبهني كثير ... صحيح في اختلافات لكن تشابهنا اكثر من هالاختلافات .... يعني تولين اختي .. اختي
تولين : توليب وش فيك تطالعين بوجهي كذا ؟؟ مضيعة شي مثلا ؟
توليب صحت من افكارها : هاه ؟؟ لا ههههه ابدا بس كنت افكر بتشابهنا كذا
تولين تقاطعها بسرعة : ايييه .. هع توقعتك ما لاحظتي هالشي ..
توليب : ليش ؟
تولين : لانك دايما مشغولة ,, وما تحبين تسولفين معاي كثير
توليب تركت شنطتها عالارض وضمت تولين بقوووة
توليب : انتي غلطانة ,, انا صح مشغولة لكني احبك
استغربت تولين من هالرد ... بالعادة ردود توليب قاسية ومو كذا بس عليها طلعات غريبة
جلست توليب عالكنبة وجلست معها تولين وهي تفكر ليش كذا ردت علي ؟؟
توليب تطالع بالارض : تولين ... انتي عارفة ان عندنا اخو اسمه راكان ؟
تولين : لا ... ومين امه هذا ؟
ضحكت توليب بقوووة : ههههههههههههههه ... لالا هذا اخونا
تولين : ادري .. اخوي من ابوي صح ؟
توليب : لا اخوك من امك وابوووك يالدلخة
تولين : مستحيل .. امي ما جابت غيري
توليب : لحظة ... انتي مو بنت عذاري >> جوة نفسها : اووووووف مافي غير هالطريقة اخبرها
تولين ناظرتها ببلاهة : نعم ؟
عدلت توليب جلستها وصارت مقابل وجه تولين رفعت يدها وهي تحاول تشرح بس الكلام مو طالع معها
وتولين تنتظر كلام توليب : يووووه وش صااااير توليب ؟
توليب : شوفي .. انتي اختي
تولين بملل : قديمة
توليب :ههههههه .. طيب شوووفي
تولين : هاااااااااه ؟؟ مليت وانا اشووف
توليب : يا بنت طيب اسمعي .. انتي اختي من امي وابوووووي يعني انا وانتي مو اخوات من الاب
تولين : توليب بلا عباااااطة
توليب : انا ما استعبط يا تولين >> قالتها بجدية
تولين : اجل وش هالسخافة اللي قاعدة تقوولينها ؟؟ انا من يوم وعيت عالدنيا ما شفت غير امي اللي هي عذاري
وقفت وهي تبكي وتكمل : توووليب ما يحق لك تقولين هالكلام عنها حتى لو كنتي تكرهينها عشانها تزوجت ابوووك فهمتي ؟؟
انا طيبة ايه واتغاضى عن اسلوووبك معي بعد ايييه لكن كله ولا امي ياااتوليب سمعتي ؟؟ كله ولا امي
قالتها وهي تضرب بايديها على رجولها
وقفت توليب بسرعة وضمتها وهي تقول : وربي انا ماقلت كذا عشان اقهرك .. تولين هذا الصدق
انتي بنتها من الرضاعة بس امك الصدقية هي امي .. امنا هي المها ,, شووفي انا بثبت لك هالشي امشي معاااااي
سحبتها من يدها وهي تركض .. فتحت باب غرفتها ووقفت قدام المرايا
توليب : شووووفي >> تأشر على انعكاس صورهم
توليب : هذا مو شبه طبيعي يا تووولين طالعي زين
تولين : هذا موو اثبات
توليب : طيب .. تبغين اوراااااق يعني ؟؟ حاااضر يا انسة توولين
رفعت مخدتها واخذت مفتاح
تولين باستغراب : هذا مفتاح ايش ؟
توليب وهي تتخصر وترفع حاجب : هذا مفتاح مكتب الاستاااااذ عبدالرحمن الصقر اللي هو بابا
تولين : وشلووون جبتيه ؟
توليب وهي تضحك : هههههههاااااااي طرقي الخااااصة
مشت بسرررعة وسحبت تولين وراها وراحت للمكتب وفتحته .. ولعت النور وراحت للمكتب وبدت تدور بالادراج
................................................
طلال و فيصل وصلوا المول من فترة لكنهم عند الباب يتجادلون
طلال : انا اليوم بفجرر رااااااااسه ومحد بيمنعني فااااهم ياااا فيصل >> قالها بجدية وعصبية
فيصل بجدية اكبر : طلال اهجد ,, مو ناااقصنا وربي ... خليه الحين اختك بتتزوج ريحنا وارتاااااااح يرحم امك
طلال : مااااااالك دخل .. بعدين تعاااال انت تقول خالد وياه ؟
فيصل وهو يحط ايديه على خصره بملل : ياخي ايييييه محمد يقول انهم سوا
طلال : طيب ... يصير خييييييييير
مشى وتركه وراه ... فيصل ركض ورى طلال
وصل طلال للمكان اللي اتفقوا يتلاقو فيه
جلس يتلفت ويتلفت .... وصل فيصل
فيصل : ما شااااااء الله عليك سريع يومك بغيت ؟؟
طلال وهو يطالعه بطفش : لا تغير الموضوع وين الكلللب ؟
فيصل : ياخي شايفني معهم مثلا ؟ مدري هم قالولي هنا يمكن انهم راحوا لبيوتهم >> كذااااب
طلال ضرب بايده على رجله بقهرررر : طيب .. والله اجيبه وان موووو اليوم بس بجييييبه
رجع طلال البيت بس فيصل ركب التاكسي وراح للمكان اللي اتفق مع الشباب عليه
قرّب للطاولة بهدوووء : سلام
وقف سعود وتقدم لفيصل ومد يده : اهلين يا فيصل
طالع فيصل بيده بقررررف ورجع يطالع الشباب : وش السالفة ؟
خالد : سلّم عليه واجلس واخبركم وش السالفة
فيصل : ما راح اسلم .. السلام على اللي مثله حرااااام ,, طالع بوجه سعود اللي نزل يده
فيصل : احمد ربك اني ضيعت طلال وما خبرته وينك .. لانه ناوي يفجر رااااسك يا ولد الرائد
سعود بعصبية: وييينه ؟؟ وينه خليه يجي الحين ويفجر راااااسي يا فيصل ابي ارتااااااااح خلووووه يفجر رااااسي
طلع الجوال من جيبه ومده لفيصل : اتصل عليه وخبره احنا وين .. خليه يجي الحين ويفجرني يللا .. امسك
فيصل : هالحركات ما بتفيدك لا تسوي طيب ومظلووووم وين طيبتك يوم .......... سكت وهو يطالع بوجه سعود الاحمر
سعود : انا بجد مظلوووم يا فيصل وان ما بغيت تصدق بكيفك .. ربي شاهد علي وخالد مصدقني
هذا اللي يهمني الحين .... مدام خالد درى انا مرتاح وانتوا يا شباب فقدتكم كثير ... لكن ربي ما كتب نرجع زي ما كنا
لاني مسافر ولا عاد بتشوفوني
وقف خالد وقرب لسعود بسررعة : وش قااعد تقول يا سعود؟
سعود وهو يمسك كتف خالد : اقول الصدق ... انا خلاص ما بقى بعمري شي المرض هدني
امسي بدواء واصبح بدواء تعبت خلاص ابي ارتاااااح ابي اريح هذا وهذا >> يأِشر على راسه وقلبه
خالد انت مصدقني ومسامحني وربي هذا يكفي .. خزامى انتبه عليها تراها غااااالية ولا تضيعها لو وش ما صار
ولا تنسى وعدك والطلب
ضمه خالد بقوووة : لا تقوووول كذا ,, لا تقوووولها يرحم والديك سعود لا ترووح خليك معاي
وخره سعود عنه : شوووف .. انت بتكمل حياتك بدوني لان ما بقى فيني امل يا خالد بروح اكمل علاجي اللي انا عااارف انه ما منه فاااايدة
وانت بتتزوج مع اللي تحبها وبتعيش يا ابو سعووود بس لا تنساااني ابد وادعي لي ربي يرحمني ويغفرلي
فيصل قرب منهم : وش السالفة ؟؟ وش هاللي تقووولونه ؟
سعود : هذا اللي انا كنت ابي اقوووله وانت رفضت تسمعه ...
ارتاح يا فيصل ربي عاقبني .. خذيت جزاي كاااامل انا مريض بالسرطان .. سرطان الرئة
دعوة خزامى استجيبت .... من اربع سنين من صار اللي صار بيننا
سكت بألم يمنع دموعه تنزل ... وطى راسه وفرك عيونه
فيصل لسة مصدوووم من الكلام اللي سمعه
حتى محمد وفهد ... فهد حاط راسه عالطاولة ومحمد مفهي ويطالع بسعود

فيصل حط يده على كتف سعود : ما كنت ادري بهذا كله
مو عارف وش اقوووول ... سعود صح كنت اقول لو اشوفك بقتلك ,, لكن بعد هالكلام ما راح اسوي لك شي
روح بطريقك ... الله يعينك ويساعدك ويشفيك لكن لا تتوقع نرجع مثل اول اصحاب انت غدرتني وطعنتني بظهري
مستحيل انسى اللي صار والم خزامى قدام عيوني وانا عاجز اساعدها او اجيب لها راااااس اللي اذاها
لكن خلاص ... روح ولا عاد ترجع لا تحاول ترمم صداقتنا ... اللي بيننا انتهى يا سعود
الله يسامحك
مشى وتركهم وسعود ما حاول اكثر فيصل لما يتكلم بجدية كلمته ما تتغير خلاص حفظتك وحفظتني يا فيصل
انتهينا ... وماجد السبب لكن قررريب نهايته وعلى يدي ان شاااء الله قبل لا اموت بيموت ماجد
ضمهم سعود بوداع ومشى عنهم ..............
راح للمطار بعد ساعتين رحلتي لألمانيا .... اااخ اكره ريحة ذاك المستشفى بس ايش بايدي اسوي
طلال بالسيارة مر على بيت عبدالرحمن الصقر التفت عالبيت وهو يسوق ... اوووف هالبنت مو فاضي لها الحين
بس اتوقع انها استهانت فيني لان الى الان ما حصل شي اتوقع نست السالفة ... بس هع هين ان تركتك يالمغرووورة مدام حطيتك براااسي
ما راح تطلعين منه .... ابتسم بطريقته المعتادة بالتحدي ابتسامة مايلة >> تخقق ههههههههه






...........................

هنا يوقف البارت اعذرووني لكن الاسبوع كان مررة مزحوم وحوسة ... وايضا البارت ما شفت فيه احداث قوية كثيرة
لكن اوعدكم البارت الجاي ان شااااء الله راح يكون احلى وقوووي راح يصير اكشن بين اثنين عاد توقعوا انتوا مين هههههههه
هالبارت اهديه ل: دلع والحلوات اللي طلوا علينا سي يووو
ايه صح ىالتوقعات :

<< البـــــــــــــارت الــ 26 >>




جوانا بغرفتها تبكي .... تطالع بالرسالة والاثباتات واسم جميلة الرائد
آآآآخ ... ليش صار كذا ؟؟... ليش رحتي يمة ؟؟ كان اخذتيني معك طيب
تأخرتي كثير ... صح عندك ظروف ومدري كيف بس كنتي تقدرين تاخذيني معاك عالاقل
رمت نفسها عالمخدة وهي توعد نفسها انها ما تسامح جميلة ولا تعتبرها موجودة من تخلى عني اقدر اعيش بدووونه
كانت تردد هالكلمة الى ان غفت عينها ......
.........................
راكان وفواز بالمطعم ......
راكان سرحان وماسك جواله ويقلبه بين يده
فواز : هيييه يا ابو الشباب وين مخك ؟؟
انتبه راكان وعقد حواجبه : لا ابدا ... بس كنت افكر
فواز وهو يضحك : ادري انك تفكر .. بس بايش هذا اللي ابي اعرفه
راكان : ههههه ملقوووف ... بوحدة
فواز وهو يصفق : ياهووووه صرنا عشاق
راكان : ههههههه عن السخافة ,, لا مو كذا
فواز وهو يناظره ومقرب منه : اجل كيف ؟
راكان : اول شي تعدّل بجلستك ,,
تعدّل فواز وكتّف ايدينه : هااااه ؟؟ وش القصة
راكان : ابد .. بس استغربت انها طلعت هي بنت خالتي جميلة
فواز : مين هي ؟
راكان : جوانا
فواز : ياااااااااااليل .. ياخي انا ماا اعرفها
راكان : ههههههههههه طيب طيب .. تذكر البنت اللي شفناها بالمول اول ماجينا السعودية ؟؟
فواز : اي وحدة ؟
راكان : تكفى من كثر اللي شفناهم ؟؟؟ اللي وديتها المستشفى يوم طقها الكلب ريان
فواز : اووووه ايه ذيك .. اشوووة
راكان : ليه اشوة ؟
فواز : على بالي ذيك الزفت المهايطية اللي مسكناها بمخزن ماجد
راكان : هههههههههههههه ... تصدق هالبنت هذي طلعتني من طوري اخر مرة
فواز : هههههههه احسسسسسن .. تستااااهل انا قايل لك بس انت مسوي فيها ابو الاسلووب اللي كل العالم تمشي معاه
راكان : هههههههههههه ياخي كل الناس تجي بالذوق والاسلوب الحلو
فواز وهو يهز راسه بالنفي : لالالا الا هذيك البنت
شوي الا ودخلت تالا المطعم لمحها راكان وهي داخلة لحالها بس الغريب انها لابسة الطرحة ومضبطتها والعباية مسكرة ازرارها
كانت مرتبة وطالعة بنت عن جد
راكان : ذكرنا القط جاء ينط
فواز : لا تقوووووول .. لف راسه وشافها طق وجهه بايده .. اوووووف يا كرهي لها
جلست عالطاولة لحالها وجلست تشوف قائمة الطعام وتختار لها وجبة تاكلها
دخل فيصل للمطعم وجلس على جنب لحاله وهو ضااااااااايق ......
يوه يا سعود ايااااااااااام كثيرة راحت .. انت ضيعتها ما تهمني زيك زي اي واحد عرفته وراح
بس السرطان هذي قووووية وقوية مررة بعد ,, الله يشفيه ويشفي جميع المرضى يا الله صعبة تحس انك باقي
لك كم يوم وتودع الدنيا ..... حط راسه عالطاولة بضيق يحاول يوقف افكاره
شافته تالا وشالت عيونها عنه .... لفت بعيونها للوجيه الموجودة ولفتها وجه راكان كشرت بقووووة
وشالت عيونها بسررعة وقامت بتطلع
وفيصل بعد وقف بيطلع من المكان بيروح البيت عند البوابة التفت لتالا وعرفها
التفتت له وابتسمت
فيصل بابتسامة مصطنعة : اهلا
تالا : هلا فيك
فيصل انتبه للبسها وكيف لافة الطرحة ع راسها : هههه حلو عرفتي كيف تضبطين شكلك
الحين اللي بيشوفك بيحترمك كثير و..... مبين على وجهك بالك مشغول ولاّ ؟
تالا : ههههه ايه ,, انت مبين على وجهك ضايق ومحتار بنفس الوقت
ابتسم بهدوء فيصل : والله باين ؟
تالا : بعيونك باين وبقوووة كأن ودك تصارخ او شي زي كذا
فيصل : ههههههه ايه ودي اذبح واحد بس خلاص ربي عاقبه
تالا : هههههههه يعني اخذ لك حقك
فيصل باختفاء ابتسامته : ايه واكثر من حقي يا بنت رحمته
تالا : قايلة لك اسمي تالا لا تقول يا بنت
فيصل : هههههههه ليش انتي ولد ؟
تالا : اهم شي لا تقول بنت
فيصل : طيب يا آنسة تالا ....
تالا : شكرا يا استاذ فيصل
فيصل : ما شاء الله حافظة اسمي
تالا : انا ذاكرتي قوية ما شاء الله علي هع ,, طالعت ساعتها
يللا انا ماشية .. سلام
فيصل : الله معاك
.............
وصل طلال البيت دخل وصك الباب وتوسط الصالة ورمى مفتاحه وجواله عالكنب ...
جلس وتنهد بتعب وضيق .. طلع المسدس من جيبه جلس شوي يتأمل فيه ... كنت مخطط نهايتك اليوم يا سعوووود
وعلى يدي وبهالفرد وقدام اختي .... لكن آآآآخ رحت وربي سلمك , لكن مووو كل مرة بتهرب جايك جايك لو طلعت لساااابع
سماء بطلع وراك واجيبك رمى المسدس جنبه وتأفف رجع راسه على ورى يحاول يرتب افكاره في باله الف شغلة وشغلة
( سعود هذا خليه على جنب موو فاضي له الحين انتظرت اربع سنين خليني انتظر زيادة شوي بس بالاخير مصيره
يطيح بايدي ويشووف مين يطلعه ,, بس يقول فيصل ان خالد كان جالس معاه ... يعني الزفت متصالح مع ولد الرائد
.. اذا طلع هالكلام حقيقة زواجه من خزوم ما راح يتم يعني ماااا راح يتم ,, حرك راسه بايه وبدى يفرك ذقنه بايده
رجع مرة ثانية استرخى .... هالبنت توليب ... مغرووورة ضحك شوي مع نفسه وارتفع صوت ضحكته
والله جبت شي جديد يا طلال انا من اول اقول عنها كذا ... ههههه بس هين طحتي معاااي يا بنت ابوك
ههههههههه شوفة نفسك بتنتهي على ايدي ....جلس يتذكر طلعتها من مكتبه اخر مرة وهي معصبة بعد ما نرفزها
ضحك مرة ثانية ... وبتعصبين اكثر والايام قداااااام هههههههه
اخذ جواله واتصل على ابو راكان ..
طلال : الوو .. هلا والله ابو راكان شخبارك ؟
ابو راكان : هلا فيك ابو عبدالعزيز .. انا تمام وانت ؟
طلال : مدام سمعنا صوتك احنا بخير ... ايه .. اممم بغيتك بموضوع ضروري شوي
ابو راكان : امر ؟
طلال : ما يامر عليك عدو ... بس الموضوع ما ينفع ينقال بالجوال
ابو راكان : خلاص .. بس اجي الرياض بكرة نتقابل .. بس انت حدد المكان
طلال : اوووكي .. بجيك بالبيت بس متى الوقت اللي يناسبك ؟
ابو راكان : امممم طيب .. الساعة 7 المغرب اكون ارتحت وروقت وش رايك ؟
طلال : على امرك ... يللا ما اطول عليك , توصل بالسلامة
ابو راكان : الله يسلمك ... مع السلامة
قفل الخط وجلس يطالع بالجوال مبتسم بتحدي .. هذا اول الطريق يا آنسة توووووليب هع
دخل فيصل وشاف طلال يضحك لحاله ..
رفع حاجبه بضيق : خير ؟؟ وش عندك انهبلت ؟
طلال : ههههههههههه ... مو شغلك ,, تعال اجلس
فيصل : لالا انا تعبان بروح انام .. تصبح ع خير
طلال : وانت من اهله
.............
عند تالا بالفندق ...........
جالسة بجناحها عالسرير .....
كانت تفكر شلوون يصير ابوي تاجر مخدرات وشلووووون لازم ادري بالقصة لازم هوووو يعرف اني دارية
لازم يوضح لي .... مسكت جوالها واتصلت عليه
تالا ببرودها الدائم : الو؟
ماجد : الوووووو ... هلا ببنتي
Willkommen zu meinem Herzen >> جملة المانية تعني اهلا بقلبي يعرف ان تالا تحب الالمانية وبما انها عايشة بسويسرا
فان هذي اللغة اللي يتكلم فيها الاغلبية ,
رفعت تالا حاجبها وتنهدت : اهلين ... ماجد ابي اقابلك ضروري >> ما في عندها ابوي او كذا لا تستغربون
ماجد : انا مشغول Meine Augen >> عيوني , لكن اتفضالك اكيد
بوزت تالا وزمت شفايفها : لازم تفضى الموضوع ضرووري اقووول لك ,
ماجد : عن ايش ؟
تالا : اذا تقابلنا بتعرف ... خلاص نتقابل بكرة
ماجد : اماا انتي طايرة .. اصبري , ما يمديني اجي سويسرا بهالسرعة
تالا : مو لازم تروح سويسرا .. انا عندك بالرياض
انفجع ماجد : وشووو ؟؟ .. بالرياض ؟ بس انتي ما تحبينها
تالا : ايه بس هذا ما يعني اني ما اجيها وبعدين انا جيتها من قبل ... الحين هذي مو مشكلة
نتقابل بكرة بنفس الحديقة هذيك اللي كنا نروحها زمان وانا صغيرة , باي
صكت الجوال بعد ما ودعته .......
في بيت الراسي ...
طلع فيصل لغرفته .. حط جواله ومفاتيحه عالطاولة ... شال بلوزته وعلقها وانسدح عالسرير
بدأت افكاره عن سعود ترجع له ...غمض عيونه يبي ينسى سالفة سعود
طلعت في باله تالا والتغير اللي حاصل على شكلها ابتسم ع خفيف .. وش جابها هالبنت على بالي
ضحك شوي يوم تذكر انها ما تحب يناديها يا بنت ضحك عليها وبدأ يتثاوب ... ونام على طووول



اليوم الثاني الساعة 7 الصباح .....

صحى طلال من النوم وخذا له شاور ولبس ثيابه وقف قدام المرايا يمشط شعره ويضبط شماغه
ابتسم لشكله ولقط جواله عالسريع ونزل ....
وهو بآخر الدرج شاف طاولة الفطور وجاته سوزي
سوزي : قود مورنينق مستر طلال .. فطور حق انت جاهز
عقد طلال حواجبه : فطوري انا بس ؟؟؟ والباقيين ؟
سوزي : مس جوانا قالت ما يبغى شي , مستر فيصل بعد ما يبغى شي .. مس خزامى ومس جوري نوم
طلال : اممم ,, طيب روحي جهزي السفرة لنا كلنا .. وانا بصحيهم
راح طلال لغرفة فيصل ودق الباب ...
دق الباب كثييير وفيصل ما رد عليه ,, فتح الباب لقاه توه طالع من الحمام ( الله يكرمكم ) ولاف المنشفة على خصره
فيصل وهو معصب : خير ؟؟ ليش مقتحم غرفتي وانا ما سمحتلك ؟
طلال وهو يهز راسه : لا حول ولا قوة الا بالله ... دقيت لين انكسرت ايدي , المهم البس وانزل بسرعة انتظرك تحت
طلع قبل لا يقول فيصل اي كلمة
راح لغرفة خزامى ودق الباب .. شوي وبدى يتأفف نووومها ثقيييل هالبنت ..
فتحت الباب ..
خزامى وهي تفرك عيونها : هاه ؟
طلال : البسي بسرعة وانزلي تحت ابيك
خزامى : يااااااااالله صباح خير .. وش السالفة ؟
طلال وهو يضحك : البسي بسرررعة لا تتاخرين وروحي صحّي جوري وتعالي انتي وياها
راح لغرفة جوانا ... دق الباب
نقزت جوانا وفتحت الباب
جوانا باستغراب ووجه كئيب : صباح الخير طلال ؟
طلال : صباح النووور ,, يللا اذا انتي جاهزة تعالي معي تحت
جوانا : وش فيه تحت ؟؟ يا رب استر
طلال : هههههههه وش فيكم كلكم تتعوذون من الشيطان وتفكرون بالمصايب ؟؟... يللا يللا قدااامي اشوف على تحت
جوانا : بس لييييه ؟؟ قول لي السبب ولاّ ما راح انزل معك
طلال : عيووووني برضاك ولاّ غصب عنك بتنزلين .. مسوووووية قوية علينا .. اقول يللا امشي بس
بين على وجهه معصب ..
جوانا بملل : اووووف .. طيييييييب >> وهي تمطها
مشت وهي مكتفة ايديها وبشووووويش مرررة
طلال : تحركي يا بنت سريييع
مشت اسرع شوي ونزلت معاه وفيصل واقف بالصالة
خزامى والجوري نازلين ورى جوانا وطلال
فيصل : عسى ما شر ؟؟ وش عندك
طلال وهو يأشر لهم وعلى طاولة الفطور
طلال : يللا اشووف كل واحد يجلس مكانه
جوانا وهي تتأفف : مابي فطور
طلال : مووو على كيفك ,, يللا اجلسي ,,, التفت على الباقيين ,,, وانتوا وش تنتظرووووون ؟
جلسوا كلهم وهم مستغربين وش اللي جايه هذا ؟؟!!!!
جلست جوانا وهي مكتئبة وحالتها حااالة
فيصل : وش اللي جايك اليوم انت ؟؟
طلال : ابدا ... من زمان ما فطرنا سوا ,, اشوف كل واحد فيكم صار مسوي له قوانين خاصة
الجوري : انا مالي دخل .. بس شفتكم ما تفطرون سوا قلت ليه اجلس لحالي هنا واجي عالوقت وكذا ؟؟
طلال وهو يتنهد : موو مشكلة من اليوم ورااااايح الكل يرجع لنفس النظام اللي تعودنا عليه ولا اشووف واحد فيكم يخالف
خزامى : حاضر
جوانا : ليه ما رحت الشركة ؟
طلال : لسة باقي على الدوام يمكن نص ساعة او زيادة شوي ,, التفت على فيصل .. وانت متى ناوي تداوم زي العالم ؟
فيصل : طلال لا تجيب طاري الشغل يرحم امك .. ما ودي
طلال وهو يرفع حاجبه بضيق : لا والله ؟؟ اشوووف طالت وشمخت .. استااااذ فيصل ناوي تجلس حاط رجل على رجل والراتب يجيك لين عندك؟؟
فيصل : لا تستهبل ,,, انا بجد مابي اداوم اليوم
طلال : مووو على كيفك الشغلة ... اسمع عاد وانا طالع بتطلع معي وبتشتغل بالشركة مثلك مثل اي موظف فاااااهم ولاّ لا ؟
فيصل : قلت ماااابي يعني مابي .. طلال مالك دخل فيني ,, تبي تشتغل اشتغل لا تدخلني وياك
طلال : وانا قلت بتجي معاي رجلي على رجلك بتطلع معااااي اليوم للشركة وبتستلم شغلك والنقاش انتهى
فيصل : ما بروح واعلى ما في خيلك اركبه
طلال وهو يفتح عيووونه بقوووة : نعم ؟؟
فيصل : اللي سمعته
طلال : عيده لو انت رجّال ؟ عيييد اللي قلته يا فيصل
فيصل : انا رجّال من فووووق خشمك وقلت اعلى مافي خيلك اركبه ماااااا بروح
خزامى : جوانا تدخلي
جوانا قامت بهدوء من السفرة وضربت بايديها الطاولة : الحمد لله
التفتوا كلهم عليها ,,,,, استغربت خزامى من اسلوب جوانا الجديد بالعادة تسكتهم وتفرع بينهم هالمرة مطنشة عالآخر
مشت جوانا للدرج ....
عقد طلال حواجبه : وش فيها ؟
جوري تهز كتوفها بما ادري
خزامى : مو طبيعية صح ؟
فيصل لسة معصب : مدري
طلال لخزامى : لا مو طبيعية ,, مو عادتها هذي تسكت وتمشي
شوي ورااااجع لكم ... راح بيلحق وراها والتفت على فيصل : اليوم انت بترووووح جهز نفسك
فيصل توّه بيرد عليه سكتته خزامى
خزامى : اذا تعزني اسكت
سكت فيصل كله ولا خزوم
فيصل : شفتي شلوون يتحكم ؟
خزامى : عشاني فصووول اذا لي خاطر عندك روح معاه وان ما اعجبك الوضع قول للوالد وشوف لك حل معه
فيصل وهو ماسك ذقنه : فكرة مش بطّااالة ... طيب لعيوونك انسة خزامى وش بعد تامرين ؟
قالها بطريقة مزح
خزامى : سلامتك هههههه

<< البــــــــــــــــــــــــارت الــ 27 >>




طلال وخر جوانا عنه : جوانا ؟؟... انتي تعرفين وين جميلة ؟ اقصد امك ؟؟؟ كلمتيها ؟ هي بخير
ما شرحت لك اسباب اختفائها ؟؟.. جوانا شلون عرفتي انها بخير ؟

جوانا بغت تتكلم وتطلع كل اللي في قلبها ...
تذكرت كلام راكان لسلامتك وسلامة امك وسلامتي لا تعلمين احد عن اللي صار ,,,
طلال بضيق : جوانا اكلمك ... تعرفين وينها جميلة ؟؟
وطت راسها بالارض وبهدوء : لا
طلال : جوانا ,, لا تخبين علي انا اخوووك ,, علميني جوانا شلون عرفتي انها بخير ؟
جوانا بصراخ : مدري ... كلمة وطلعت بتحاسبني عالكلام بعد ؟؟؟
طلال : جوااانا احترمي نفسك .. انتي مخبية شي واااضح انك مخبية شي ,, عالعموم انا ما سألتك عشاني ,, انا سألتك عشانها امك وعشان ابوي
هي مختفية من زمان الكل يدور عنها ,, خايفين يكون صار فيها شي
جوانا : وانا ايش يدخلني فيها ؟؟ بكيفها يصير اللي يصير هي تركتني وراااحت وانا مااااااااااااا ابيها
طلال اطلع برررررة ابي ارتاح وانخمد
سكت طلال شوي وبضيق : طيب .. انا رايح للشركة مع السلامة ,,
طلع وصك الباب جلست جوانا عالارض ودخلت في نوبة بكاء قوووية ..............
راح فيصل مع طلال للشركة
فيصل : طلال تراني رايح معاك بكيفي وعشان خاطر خزوم بس ... يعني مو خايف من تهديدك
ضحك طلال : ههههه طيب
فيصل : شوف ,, بجرّب اليوم وان ما عجبني الوضع بتفاهم مع ابوي لما يجي من السفر
طلال يهز راسه بالايجاب


في بيت الصقر توليب وتولين جالسين سوا على سفرة الفطور
تولين : يعني للحين تذكرين شكله هذا راكان ؟
توليب : ههههههه اكيد مووو مرة ,, لكن اذكره بس اكيد انه تغير مرت سنين من كان عمري 16 سنة ,
وسكتت شوي ووطت راسها بحزن ,, اقصد من يوم طرده ابوي من البيت ولعب علينا وقال انه مات بحادث
تولين : وليش طرده ابوي ؟
توليب : مدري ,, كملت بنبرة تحدي ,, لكن بعرف ,, اكيد فيه شي والله لا اعرفه ليش يطرده ؟؟ راكان طول عمره كان حبوب وطيب ابوي هذا مدري شلوون يفكر
تولين : اكيد عنده سبب يا توليب ,, اللي انا محيرني اسلوووبك مع ابوي .. وهو ساكت لك
توليب : لانه ما قدر علي .. انا مثل امنا يا تولين , امي كانت كذا لكن كانت اهدى مني شوي ولأنها تحب ابوي ما كانت مستقعدة له بهالشكل مثلي
كانت دايم تطيعه وتسمع كلامه ما تقوى على زعله ... تولين انا ما اخاف من ابوي وتعودت اناقشه بكل شي واعرف اسبابه يمكن صار فيه نوع من الميانة
تولين : يمكن ؟؟؟؟ هههههههه الا اكيد صايرة ميااااانة ,,, بس لازم تعرفين حدودك يا توليب
توليب : طيب طيب .. كلي وغيري الموضوع
انفتح الباب ودخل ابوهم بهدوء ............
تولين : اسمع صوت
توليب : يتهيأ لك
تولين : لا .. فيه احد يا توليب انا متأكدة
وقفت توليب ومشت بشويش لجهة الباب ... شافت ابوها
توليب : حمدالله عالسلامة ابو راكان
انفجع ابو راكان ولف عليها بسررعة
ابو راكان : بسم الله الرحمن الرحيم ... الله يسلمك ,, فجعتيني يا بنت , اشوفك صاحية بدري وما رحتي الشركة ؟
توليب : ايه اليوم ما بداوم ... باخذ تولين وبنطلع نغيّر جو
ابتسم ابو راكان وترك شنطته على جنب : اشوف علاقتكم في تحسن مستمر ما شاء الله
توليب : اكيد .. لازم نعوّض حق السنين اللي راحت وهي بعيدة عني قالتها بمكر ونبرة غموووض
ضوّق ابوراكان عيونه : تعوضون ؟؟ هههههه الغريب انك تحبينها وتكرهين امها
توليب : انا ما اكره عذاري .. خصوصا ان مالها يد بزواجك منها .. وما اكره تولين لأنها اختي مثل ما راكان اخوووي
ابو راكان بضيق : وش جاب طاري راكان الحين ؟
توليب : ليه طردته من البيت يبة ؟
انصدم بقوووووة
ابو راكان : انتي مافي شي يتخبى عنك ؟
توليب : لا .... علمني ليه طردته ؟؟
قرّب منها بسرررعة وعصبية .
ابو راكان : انتي لين متى بقعدين تحاسبيني بكل شي اسويه كأني اصغر عيالك هاااااه ؟؟؟
الظاهر اني عطيتك وجه وتماديتي ... شووووووفي يا توليب هذي آخر مرة بحيااااااااااااااااتك تكلميني او تناقشيني بشي سويته فااااااااااهمة ؟؟
ولا أشوفك تدورين وراي وتحاولين تشوفين وتكتشفين انا ايش سويت وايش ما سويت .. انتي مو زوجتي عشان تسوين كذا ولا أمي انتي بنتي انا اللي مفروض يعاملك كذا مو انتي
توليب : لا ترفع صوتك علي يبة ... انا دريت ان تولين اختي ومن امي بعد يعني هي مو بنت عذاري ليش كذبت علينا ؟
مسكها من كتفها بقووووة
ابو راكان : انقلعي من قدام وجهي لا تخليني اغلط عليك .. صرخ .. بسررررررررررعة
ودفها بعيد عنه ....
جات تولين تركض وسحبت توليب ومشت معها لفوق
جلست توليب عالسرير وصاحت : ليش يعاملني كذا ؟؟ انا ما قلت شي غلط والله لا اورييييه شلون الاستقعاد الحقيقي
تولين : استهدي بالله يا بنت ... لا تتهورين بعدين هذا ابوك ,,صدق في اللي قاله انتي مستقعدة له بكل شي
توليب : بيشووووف اكثر وهذا وجهي يا تولين



.................................
فواز توّه واصل لشركة راكان ........
دخل للمكتب : سلام
راكان كان سرحان وما رد عليه
قرّب لعنده ووقف وراه وصرخ : سلااااااااااام
انفجع راكان ونقز
راكان شاف وجه فواز : وجععععع ,,, ليه تصارخ ؟؟ اليوم يوم سماجتك العالمي مثلا ؟؟
فواز : هههههههههههههههههه شكلك خطير وانت تنقز ,,, وش اللي كنت سرحان فيه ؟؟
راكان : فواز ... ورانا شغل كثير اليوم
فواز وهو يقلده : راكان ... يا حظ امممممم جلس يتذكر شوي وهو يحك راسه بصبعه ,, ايه تذكرت
يا حظ جوانا يومك سرحان فيها
وقف راكان بعصبية : كل تبن ,, فواز يالسااااااااامج يللا على شغلك واتركني اشتغل
فواز : خخخخخ شغلك اجل هاه ؟؟؟ واااااضح
ايه صح انت تشتغل بتفكيرك بس شويات بعدين ينحرف تفكيرك لمسار بنت جميلة صح ؟؟ ههههههه
راكان : انقلع برررررة
فواز : ههههههههههااااااااااي وش فيك عصبت ؟؟ ادري فيك انا ادري فيك يالعااااشق من شفتها بالمول وهي عاجبتك
راكان بملل وهو يكتف ايدينه : ياااااااااااااااااااااااااااا لـــــــــيــــــــــــل
فواز : ماااااااااااااا أطولك
راكان : الظاهر بجد يوم السماجة العالمي عندك
فواز وهو طالع : هههههههه خلاص خلاص بطلع ارجع فكر شلون بتقابلها مرة ثانية
سكر الباب بسرررعة عشان لا تجي فيه علبة الفاين اللي رماها راكان
سكت راكان بضيق ورجع يفكر بالكلام اللي قاله فواز وضحك شوي ورجع يطالع الملفات الموجودة على مكتبه
.....................
عالعصر تالا بالحديقة تنتظر ابوها
شافت بنت صغيرة تركض وابوها يلحق وراها بمزح وشالها وجلس يدور فيها وهي تضحك طول ما عيونها تراقب هالمنظر
وهي مبتسمة كأنها هي هالبنت .... دمعت عينها بسرررعة مسحت الدمعة وتمنت لو حياتها كانت طبيعية مثل هالبنت وعاشت بين ام وأب يحبوها ويرعوها
تنهدت بألم ... الله يرحمك يمة .. رحتي وما عرفتك بس ابوي ضيعني ,, راح وانشغل بحياته هو ضااااع وضيعني يمة

.......... عند ماجد
منصور وهو يركض : هلا ؟؟ آمر يا طويل العمر ؟
ماجد : أنا رايح لشغلة ضرورية ,, الشغل تحت ايدك الحين وعلمني باللي يصير معك اول بأول فاهم ؟
منصور : حاضر يا طويل العمر
مشى عنه ماجد وركب سيارته رايح للحديقة ...............
عند تالا ... بدت تاملل .. تأخر ابوها كثير
< يا ترى هل هو الحين بالمخزن زي ذيك المرة ؟؟ اووووف لازم ينشاف حل للموضوع >
وصل ابوها من وراها ومعه علبة الشكولاتة اللي تحبها
ماجد : احم احم
التفتت تالا ببرود
ماجد بابتسامة : جيت
تالا ببرودها : شفتك .. ادري انك جيت ما اشوفك يعني ؟؟ تفضل اجلس خلينا نتفاهم ؟
ماجد وهو يجلس ويحط علبة الشكولاتة بينه وبين تالا : هذا احنا جلسنا ؟ آمري وش تبغين ؟
تالا : وش سالفة المخزن يا ماجد ؟
انصدم بالبداية بس هو عارف انه يقدر يضيعها يعرف نقاط ضعفها لو تمادت
بابتسامته اللي ما بينت صدمته
ماجد : طيب بالاول مافي سلام ؟ شخبارك ماجد ؟ وحشتني فقدتك ؟ اي شي
تالا بوجه جامد خالي من الملامح : اوووووكي ,, خذت نفس وتنهدت بقوووة وقالت بسرررعة ورى بعض : سلام شخبارك ماجد وحشتني فقدتك ؟!!!!! ارتحت ؟
ماجد ما مسك نفسه : ههههههههههههههههههه طيب براحتك ,, وش كنتي تبين ؟
تالا : وش سالفة المخزن ؟
ماجد : وش سالفته بتكون ؟؟ مجرد شغل .... اذا كان قصدك المخزن اللي هنا بالرياض
تالا : اي نوع من الاشغال يحتوي ؟
ماجد بنبرة باردة : شغلي شي ما يخصك يا بنت ,,, وبعدين انتي غارفة مجالي مسبقا عقارات وتجارتي الحرة
تالا : تقصد بالحرة مخدرات ؟
هنا بجد انصدم وبان عليه
ماجد بسررعة : شلووون ... مسك نفسه بقوووة ... اقصد ليه قلتي كذا ؟
تالا بابتسامة ماكرة : لا .. لاتقول ليه قلتي كذا .. قول شلون عرفتي ... جملتك اللي كنت بتقولها كمّلها
كنت بمخزنك قبل فترة ومحد انتبه لي ... سمعتك وانت تعلمهم شلون يشتغلون بدون ما احد يحس فيهم
ماجد من اليوم ورايح راح تنقطع علاقتنا ببعض .. انا مو محتاجتك بحياتي وانا ما اعرفك
وقفت بتروح
ماجد : ما تعرفيني ؟؟ هه ... بس انا اعرف عنك كثير
اكيد مو محتاجتني سند لك ,, لأنك ببساطة بوية فما راح احد يفكر فيك او يأذيك
انجرحت تالا من الكلمة << تناسيت يبة اني بنت .. ولي مشاعر >>
كمل بصوته الساخر
ماجد : طيب .. اذا هذا اللي تبينه , ما عندي مشكلة
تكلم بحدة ونبرة تهديد .. لكن ان درى احد عن سالفة المخزن لا تلومين الا نفسك
تالا : مو خاااايفة منك انا .. ابتسمت بتحدي ومكر ولفّت عليه .. لكن طالع حوووولك زين ترى فيه ناس تدري عنك يا ماجد
وعن أشغالك الوصخة هذي
ضحك بقووووة قبل لا تكمّل كلامها
ماجد : اشغالي الوصخة اجل هااه ؟؟ هههههههههههه وانتي ايش تكونين يا تالا ؟ غير انك بنت الوصخ يا نظيفة
طالعته باستحقار .. تالا : زين ... اضحك زي ما تبي الحين بيجيك يوم تندم فيه يا ماجد وتشوووف بعيونك وين انت ووين انا
مشت عنه وهي ضايقة ودموعها بعيونها
بعدت عنه شوي ونزلت دموعها وصارت تبكي بصوت مسموع وواضح لكل اللي حولها وكانت تمشي بسررعة
ضربت بواحد قدامها بدون ما تنتبه
: هيييييييييييه وجع شوفي قدامك
تالا : انت اللي احول مدري وين تطالع
فواز بتكشير : هذي انتي ؟؟ يالبووووية
مدت يدها وبغى يجيه كف مسك يدها ورماها بالارض
فواز : يدك يالبووووية ما تنمد علي
تالا : كل تبن يا حقيييييييير .. صاحت بزيادة وانهارت
انا مووو بوية يا كلاب انا موووو بوووووووووية انا اشرف منكم كلكم
كلكم حقيرين وما عندكم احساس اكرهكم واكره مااااااااااجد ما اطيقكم حتى نفسي موووو طايقتها كانت تضرب بنفسها وهي تصارخ
وتتكلم وتمسك عبايتها بضيق ...... انتوا عاااااااااااااالم حقير كل اللي فيه كذابين اكرهكم انا موووو بوية يا كلاب انا مووو بوية
فهد كان قريب هو والشباب
محمد : يؤ وش فيها هذي انهبلت ؟
فهد : مسكينة .. ههههه بس شكلها خطير
جاء فيصل يعطيهم العصيرات
فيصل : وش صاير ؟؟ ليه الناس متجمعة ؟
فهد : وحدة مهبووولة
قرّب فيصل من المكان وشاف تالا وهي منهارة وتصارخ : انا مو بوية
وفواز يستهبل عليها
فواز : درينا يالمهبووولة ,, ما يصيح الا الكذاب
تالا : انا مو كذابة مثلك يا كللللب ,, وانا مو بوية
تدخل فيصل وهو معصب : هيه انت ما تشوف حالة البنت وجالس تزودها معاها ؟
فواز : ههههههههههه جاء الفارس على الحصان الابيض لينقذ اميرته ,, الحق على البوية جايتها حالة هستيرية اليوم
ما يشوف الا البووووكس اللي جايه على وجهه
سحب تالا لجهته
فيصل : اهدي يا تالا انا عندك اهدي
تالا : وخر عني انت بعد وكملت بكاها ومشت عنه
وقف فواز بيرد البوكس تجمعو اصحاب فيصل فهد ومحمد يفزعون له
ومسكوا فواز وبدأوا يتطاقون معاه
وفيصل لحق تالا .............
فيصل : تااااااااااااالا ,, تالا وقفي اسمعيني
تالا وهي تمسح دموعها : اسفة انت مالك دخل .. انت الوحيد اللي ما كذب علي
نصحتني بدون سبب وانت ما تعرفني ,, ارشدتني لشي صح عمري ما سألني احد فيه .. فيصل انت طيب وكملت تبكي وتمسح دموعها
قرّب منها فيصل : تالا اهدي .. ودك تحكين وش صاير ولاّ ما ودك
تالا : بيقتلني ماجد ,, مالي مهرب منه ادري فيه بيقتلني
فيصل باستغراب : بيقتلك يعني بيطقك ؟؟ ولاّ بيقتلك يعني بيذبحك ؟
تالا : بيقتلني ... بيعدمني .. بيذبحني مالي احد احتمي فيه من ماجد ,, انا كشفت سره وما بيرتاح لين يقتلني هالكللللب
فيصل : وانا وين رحت يا تالا ؟؟ ماحد بيقرب منك ,, انتي بحمايتي الحين
تالا : وبصفتك مين تحميني ؟
فيصل وهو يضحك ويحك راسه : هههه خطيبك ؟؟!!!
تالا : نعم ؟؟
فيصل : ههههههههههههه مو انتي قايلة قدام ذوليك الاثنين اني خطيبك ؟
تالا : هههههههههههه كنت امزح ابي اهرب
فيصل : يعني هذا رفض لي ولاّ ايش ؟
تالا : انت من جدك ؟
فيصل : لا من عمي .. ايه اتكلم جد يا بنت ,, اوووووه اقصد يا تالا سوري نسيت
تالا : ههههههههههههه عادي .. سكتت بحزن ,, من جدك تفكر بوحدة مثلي ؟
فيصل : ليه ؟؟ انتي وش فيك ؟ توك قايلة انك مو بوية هذا يعني انك بنت ,, وما ينقصك عن باقي البنات شي
تالا : الا ينقصني كثير ,, فيصل امي ماتت وابوي يكرهني وما يدري عني شي انا متطاقة مع ابوي ومتقاطعة معه ما بيني وبينه ولا شي
تربيت وحيدة مالي احد .. عشان كذا صرت بهالشكل ,, على بالك لو كنت بنت طبيعية بصير بهالشكل ؟
فيصل بضحك : انتي بنت طبيعية .. وعشان كذا ابغى اتقدم لك يا تالا ,,
تالا : حسبتك تستهبل .. وقلت كذا تخفف عني
فيصل بجدية : لا ما استهبل ,, انا جاد
الا اذا ما كنتي تبيني هذا شي ثاني
استحت تالا ووطت راسها : يصير خير
مشت عنه بعد ما انطفى غضبها .......................
برب .......

عند خزامى في بيت الراسي
جالسة تسولف مع خالد بالجوال
خالد : ههههههههههههه .. تصدقين ,, مشتاق اشوفك خزوم
استحت خزامى وما ردّت عليه
خالد : الوووو يا خوووخة اكلمك
خزامى : معك
خالد : لا .. راح مخك لمكان ثاني عشان كذا ما رديتي علي
خزامى : لا والله معك
خالد : طيب ليه ما رديتي ؟
خزامى : هههههههه وش تبيني اقول ؟ خلودي باي طلال جاء
خالد : طيب ؟ واذا جاء وش بيصير ؟ انا زوجك الحين
خزامى : خااااالد بليز .. يللا باي
خالد : اوكي يا قلب خالد .. باي حبيبتي
قفلت الخط .. ولفّت بوجهها للتسريحة
شافت علبة الورد المجفف الاحمر
تنهدت ورجعت راسها بقوووة لورى ... اخر ما تبقى من ذكرياتنا يا سعود
هذي العلبة .... وقفت واخذت العلبة من التسريحة ومشت وبنيتها انها ترمي هالعلبة عشان لا تصير خاينة لخالد اللي يعشقها
كل ما تذكرت نظرات خالد لها وطيبته تقارنها بنظرات سعود وخداعه لها واستغلال مشاعرها لتكون وسيلة للانتقام يا رب هل فيه ناس الى الان كذا ؟
طلعت للحديقة سمعت صوت يتكلم
شافت فيصل وهو يتكلم بالجوال
فيصل : لا يا فهد.. ما ينفع ,, ادري
ايه ادري ان سعود مريض لكن قلبي مو راضي عليه لسة قلت لكم وله الله يسامحه ويشفيه لكني عشان اختي ما راح ارجع اصاحبه
مستحيل نرجع مثل اول ... اللي صار باقي اثره بقلب الكل ,, الله يشفيه ويسامحه
... عند خزامى ,, يا رب .. مريض ؟ طيب بايش ؟ وش فيه ؟
سكتت وهي تستوعب شكلها وهي تسأل عن اللي جرحها وطعنها بظهرها ..الله يسامحك يا سعود الله يسامحك شوف وش سويت فيني
رمت العلبة ومشت لغرفتها وهي تفكر
دخل طلال البيت
طلال : خزووووم تعالي
خزامى : هلا طلال ؟
طلال : نويت اسوي شي وبغيت اعلمكم
خزامى : وشو ؟
طلال : نادي اخواتك وفيصل وتعالوا للصالة
جمعتهم خزامى وجات معهم
جوانا باستهبال : عساك جمعتنا عشان وجبة ثانية ؟
طلال : عن السخافة .. اجلسوا ليه واقفين ؟
جلسوا كلهم ..
فيصل : عسى ما شر ؟
طلال : ابد .. بس بخطب الليلة
كلهم انصدموا ....
فيصل : وشو ؟
طلال : ههههههههههه وش فيكم ؟؟ اشكالكم تضحك .. وش قلت انا الحين ؟؟
جوري : قلت بتخطب
طلال : حلو .. يعني ما قلت بنتحر
جوانا : هههههه طيب .. الله يوفقك مع السلامة
اعطتهم ظهرها ومشت
طلال : جواااااانا .. تعالي لسة ما خلصت كلامي
رجعت جوانا وجلست بملل على الكنبة
خزامى : مين هالبنت ؟
طلال : بنت الصقر ... حضرت ملكتك .. جوانا تذكرين البنت تبع الريسبشن صديقتك ؟
وقفت جوانا بصدمة : تولين ؟
طلال : ايه
توه بيكمل كلامه
جوانا : من جدك انت ؟؟؟؟ تولين ما غيرها هي خطيبتك؟
طلال : اركدي يا بنت .. لا مو هي اختها هذيك
جوانا بتكشير : المغرورة ؟
طلال : ايه
جوانا : تستهبل ؟
طلال : لا انكّت ,,, ما امزح باخذها
جوانا : طيب .. الله يوفقك معها هالخايسة
طلال : ههههههههه وش فيك عالبنت وش سوّت لك ؟
جوانا : ابدا بس ما احبها ... مو مشكلة تبي شي ثاني ؟ وراي رواية بكملها
طلال : لا سلامتك ما عندي شي ثاني خلصت .. وخبرت ابوي بس لسة هو مطول بجدة عنده شغل كثير هناك بروح اخطبها اليوم من ابوها
وقفت جوانا بتمشي...
فيصل : انا عندي شي بقوله
طالعته جوانا : خير اللهم اجعله خير ؟
فيصل : ههههههههه وش فيك متشائمة .. بخطب وحدة
جوري : يالغيييييييييييييرة
خزامى : هههههههههه عالبركة اثنين في واحد
طلال : لا مو شغلي .... ابي عرسي لحالي
فيصل : اهجدوا ... تراني بخطبها بس مو محدد متى ,, لما هي تعطيني خبر اول اذا موافقة او لا
جوانا : ما شاء الله .. طيب الف مبروووك اسمحوولي بطلع غرفتي باااااااي

راح طلال عالساعة 7 لبيت ابو راكان مثل ما كانوا متفقين
بعد الاستقبال وكذا
طلال : بصراحة يا ابو راكان ... انا جاي اخطب بنتك توليب
انبسط ابو توليب وتشقق من الوناسة
ابو راكان : لنا الشرف يا ابو عبدالعزيز والله ,,, موافقين افا عليك ما تنرد يا ولد الراسي
ابتسم طلال ومسوي برئ : ما ودك تسأل البنت اول ؟
ابو راكان : اللي مثلك ما ينرد واذا عالبنت بتقتنع ان مافي مثلك ابد ماعليك كل شي بيصير حلو
طلال بابتسامة رضا : يعطيك العافية يا ابو راكان ,, هذا اللي كان متوقع منك بالاساس
الحين اعذرني عندي الف شغلة وشغلة
ابو راكان : والله ما تروووح ,,, لما تتعشى عندي بالاول
طلال : يا ابو راكان ما يحتاج والله
ابو راكان : لا افا عليك ؟ تجي بيتي وما تتعشى ؟
طلال : الجايات افضل ...
ابو راكان : لا .. اليوم عشاك عندي يا ابو عبدالعزيز ما تردني
طلال بالقووة : طيب .. لعيونك بس
ابو راكان باستهبال : قصدك لعيون العرووس ؟؟ هههههههه لحظة رايح شوي وراجع

.................................
بعد ما راح طلال ....
دخل ابو راكان للبيت وشاف البنات يتفرجون عالتلفزيون
جلس يفكر بنفسه ,, الحين بياخذها طلال وبيفكني من شرها ,, وطلال رجّال بيصونها وبيحميها وبيربيها
ما يبغالها الا هو ,,, خليني اقول لها وما علي من شي وبتوافق غصب عن خشمها
جلس جنبهم ..
ابو راكان اخذ الريموت وطفّى التي في
توليب : ليه طفيته ؟
ابو راكان : عندي خبر مهم
توليب : وش هو ؟
ابو راكان : شفتوا الرجّال اللي جاني قبل شوي ؟
تولين وتوليب : ايوة ؟
ابو راكان : جاي يخطبك يا توليب
توليب بزمة شفايف مغرورة : ومين يكون ؟
ابو راكان : طلال الراسي
وقفت توليب بعصبية : وشووو ؟ الراسي ؟
ابو راكان : ايه الرااااسي ...
توليب : ....................................
اشوفكم بالبارت الجاي

<< البــــــــــــــارت الــ28 >>


ابو راكان : شفتوا الرجّال اللي جاني قبل شوي ؟
تولين وتوليب : ايوة ؟
ابو راكان : جاي يخطبك يا توليب
توليب بزمة شفايف مغرورة : ومين يكون ؟
ابو راكان : طلال الراسي
وقفت توليب بعصبية : وشووو ؟ الراسي ؟
ابو راكان : ايه الرااااسي ...
وقفت توليب شوي وسكتت ( اها ... فهمت حركتك يا ذكي ,, تبي تنرفزني مثلا ؟؟ ههههههه طحت ومحد سمّى عليك
انا بنت الصقر يالمغرور ... طيب مو مشكلة انا ادري اذا رفضت ابوي ما بيسكت وهو بيستانس خليني اقلب المقلب عليه ههههه )
ابتسمت بغرابة وابوها ضحك عليها ...
تولين : توليب وش فيك ؟
انتبهت توليب وابتسمت و سوّت نفسها مستحية ,,
رفعت تولين حاجبها بس هي عارفة توليب تكره طلال ... وراك شي يالمهوووية ادري فيك انا ...
توليب بصوت واطي : انا رايحة لغرفتي يبة
ومشت وهي مستحية ومتبسمة ..
ابو راكان : الله يوفقها ويتمم لها على خير مع طلال الراسي .. وعقبالك يا تولين
تولين بصوت عتبان على ابوها : يعطيك العافية يبة ... انا رايحة لغرفتي
... عند توليب بالغرفة جالسة تدور رايحة جاية وماسكة خصلة من شعرها وتلف فيها بصبعها
تزم بشفايفها ... تدوّر حل تكرّه فيه طلال بعيشته لازم القى حل اهبل فيه لين يعرف ان الله حق ,,,
على بالك مخفة انا ..... طيب ,, طيب مو مشكلة اعطيك على كيفك بالاول بس بالتالي بتصيح دم لانك عرفتني
دخلت تولين : وش عندك ؟؟ ليه وافقتي ؟؟؟ ادري ناوية على شي يا توليب
ضحكت توليب بقوووة
توليب : انتي الوحيدة اللي تفهمني
تولين وهي تصك الباب : لأني اختك
ضمتها توليب : الله لا يحرمني منك ... تعالي نجلس ..
جلسوا سوا جنب بعض
توليب : ناوية اهبل فيه ..
تولين : بس يا توليب انتي كذا تبلشين نفسك
توليب : انا مبتلشة فيه برضاي ولاّ غصب عني .. لكن هو تقدم لي عناد فيني بس هين انا غير عن باقي البنات
................................
بالشاليه ...
الشباب جالسين سوا ,,, ريان وناصر وزياد وماهر
ناصر وهو يشرب بربيكان توت >> ادمانه : اقول ريانوه .. وش سالفة سعود كل شوي طاير لألمانيا ؟
ريان وهو منسدح ومغمض عيونه : مدري .. سألته قال اغير جو
زياد : وراه سالفة
ماهر : انا بعد اقول كذا
زياد شغل السي دي على اغنية مجنونة ديانا حداد يحب الطق اللي فيها
وبدى يهز راسه والشباب يضحكون عليه
وقف ريان وشات برجله الجهاز وطفاه
ماهر : وش عندك انت ؟
ريان قام يتأفف بصوت مسموع : ياخي راااافع ضغطي ماجد ,, ما علي منه
بطنشه وبنت الراسي بتشووووف شغلها
ماهر وقف مصدوم : وش قاعد تقووول انت ؟؟؟ بتتحدى ماجد ؟
ريان : ياخي وش علي منه ؟؟؟ وش تفرق اذا الجوري ولاّ جوانا ؟ كلهم اخوات وبنات عبدالعزيز الراسي
زياد : لا تحط نفسك بورطة ما راح تطلع منها يا ريان .. وانت ادرى بعمك ماجد
ناصر يشرب ويضحك عليهم : ههههههه خلوووووه براحته هالحلووو ,, مصدق نفسه اقوى من ماجد
ضرب صدره بايده بقوووة .. وانا معاك يالحبيب هههههههههههههههه اشووووف وش بتسوي
ريان بابتسامة على جنب : ايه .. بتشوووفون وش بسوي
............................................

تالا ركبت التاكسي وراحت لبيت عبدالرحمن الصقر لتوليب
................
تولين : حياك تالا ... نورتي من زمان عنك
تالا وهي تعدل جلستها : الله يحييك تولين ,, النور نوركم وين توليب ؟
تولين : ليه ما مليت عينك ؟ ههههه عالعموم قايمة اناديها
شوي الا وجات توليب
توليب بمشيتها المغرورة : يا هلا ياهلا ... تالوووه الدبة من زمان عنك
ضمتها تالا بقوووووووة : وحشتيني توليب
توليب : هههههههه ادري انتي بعد ,, اصلا انا محد يقدر يستغني عني ههههههههه
طقتها تالا وبعدتها عنها : وخري بس .. ام الثقة الزااااااااااايدة يا شيخ ... شفتي اختك المغرورة يا تولين ؟
ضحكت تولين بقوووة هي وتالا وحتى توليب
الخدامة جابت العصير ..
توليب وهي تجلس : دريتي بآخر خبر ؟
تالا : وشو ؟
توليب : ولد الراسي خطبني
تالا : وشووووووو ؟؟ قالتها بعصبية
توليب : هههههههه هدّي اعصااااابك .. هو على باله بيقهرني كذا لأن ابوي بيغصبني
وما راح يرفض طلال الراسي وبعد انا رفعت ضغط ابوي بالفترة الاخيرة يبي يفتك مني ههههههههه
ضحكت تالا بقووة : انا بعد ... بس خلاص انا وابوي علاقتنا ببعض انقطعت .. انتي يا توليب ابوك يغليك عكسي انا ما اطيقه ولا هو يحبني
تولين : الطيوور على اشكالها تقع ... ههههههه انتوا عمري ما شفت مثلكم
تالا : ههههههههه بتتعودين ... وبتتعلمين بعد
تولين : لا شكرا راضية بنفسي كذا
توليب : هههههههههههههه تولين خايفة تصير مثلنا ,, عقدت حواجبها ... تعالي وش سالفة الطرحة اللي انتي لافتها ؟؟ غريبة مو عوايدك
ابتسمت تالا بحياء وهي تتذكر سواليف فيصل
تالا بصوت ناعم ببحة رجالية مميزة : هذي تالا الجديدة ,, انا بنت محترمة يا توليب
توليب وهي تصفق : ياهوووه .. عشنا وشفنا والله موووو معقولة مين اللي غير مخك ؟
تالا : فيصل
توليب وتولين ابتسموا لبعض وضحكوا على خفيف
تولين : من متى ؟؟
تالا : تذكرون ليلة ملكة بنت الراسي يوم طلعت معصبة ؟
توليب : ايه صدق وش سويتي ؟ فجعتينا على بالي بتفجرين المكان
سرحت تالا وهي تتذكر صوت فيصل الحلو وهو يغني ومقابلته لها والحوار اللي دار بينهم
تعدلت بجلستها وقامت تحكي لهم وش صار بينها وبين فيصل
توليب : لا صراحة انا مقدررررررر ,,, يا بنت حبيتي .. وانا اللي اخر شي توقعته بحياتي انك تحبين
تالا وهي تضحك بخفيف : ليه وش فيني ناقص ؟؟؟ عندي قلب وعندي مشاعر
توليب : يمكن مشاعر مدفونة هههههههه طلعت بس شفتي فصيييل
تالا : اسمه فيصل
تولين : ههههههههههههههههه حركات والله
توليب : هو ولد مين ؟
ضربت تالا جبهتها : يؤ ؟؟!!! مدري
تولين : يا سلام سلّم
توليب : خخخخخخ الحب اعمى ولاّ ؟
تالا : ههههههههههههه اعمى وعماني معه خخخخخ
..............................................
في مكان بعيد ..........
بألمانيا ... في مسجد ( عباد الرحمن ) في مدينة فرايبورغ
سعود كان جالس يقرأ قرآن >> سبحان من يبدل من حال الى حال
جاه واحد مبين على شكله ملتزم وجهه ابيض منوّر ومبتسم
ابو احمد : مرحبا
قفل سعود المصحف وبابتسامة تعب : مرحبتين
جلس ابو احمد جنب سعود
ابو احمد : انت اول مرة اشوفك هنا
ابتسم سعود بوجهه الشاحب : لا انا اجي اصلي وامشي هالمرة ما عندي شي جلست اقرأ قرآن
ابو احمد وهو يضحك : مبين عليك رجل اعمال ومشغول مرة
ضحك سعود : لا والله ... انشغل بس بمواعيد المستشفى ولاّ ما عندي شي ثاني
ابو احمد : اها .. الأخ دكتور ؟
وطى سعود راسه بحزن وألم وسكت لفترة ورفع راسه : لا والله .. مريض
اختفت الابتسامة عن وجه ابو احمد وبعدها حط ايده على كتف سعود وضغط عليه
ابو احمد ابتسم مرة ثانية بمواساة : لا تخاف ... ربك يحبك عشان كذا ابتلاك
سعود وهو يضحك بسخرية : لا والله يا عم .. ربي ابتلاني عقاب لي عالاذى اللي سببته للناس
فرك ايديه ببعض ونظراته جدية .. بس قريب الناس بتفتك من اللي أذّاهم
ابو احمد حسبه يتكلم عن نفسه : لا يا ابني لا تقول كذا ... الله كريم ويسامح اهم شي تتوب
مدامك تبت بصدق ربي ان شاء الله بيسامحك وبيغفر لك ربي غفور كريم ولازم انت ما ترجع للأشياء الغلط بس
ابتسم سعود برضا وتعب : مشكور يا عم ما تقصر .. رفعت معنوياتي ههههه الله يخليك لعيالك
ابو احمد ابتسم بضيق : كان عندي ولدين بس ربي اخذ امانته
ضاق وجه سعود ودمعت عينه : انا اسف يا عم ما كنت اقصد
ابو احمد ضحك على خفيف : هههههه ايش فيك ؟ انا راضي بقضاء ربي وقدره ومعليش انا انبسط لما اتذكرهم
لاني ببساطة ما نسيتهم ,, باقي عندي بنت عمرها 24 سنة هي اللي تهتم فيني بعد وفاة امها بالسرطان
سعود : الباقي بعمرك يا عم ,, الله يخلي بنتك لك
ابو احمد : ويخليك لاهلك وحبايبك
سعود : هههه ما عندي اهل ... ابوي ما ادري عنه وامي عند اهلها مع اخواتي الثنتين ومقاطعيني واخوي يشتغل مع عمي في اشغاله الوسخة
مالي الا صاحب واحد اعزه كثير لكني جرحته واذيته .... ااااخ يا عمي حياتي بلاوي الله لا يوريك منها شي
ابو احمد : معليش يا ابني ... الله اذا احب عبد ابتلاه ,, لازم تصبر وتحتسب وحاول ترجع علاقتك مع امك لانها جنتك ونارك
سعود ودموعه تتجمع : ما اقدر احط عيني بعينها يا عمي بعد ما خذلتها وضيعت تعبها ,,, بعد ما انكشفت باللي اسويه قدامها وهي اللي كانت تشوفني غير
حتى اخواتي يكرهوني .... وريان منشغل ما يدري عني ولا ايش فيني ,,, حتى البنت اللي عشقتها الحين بتصير لاعز اصحابي وانا بقيت وحيد
بعد ما جرحتها وغدرتها ,,, بعد ما خنت ثقة صاحبي فيني ... بعد ما اذيت بنات خلق الله وضيعت تعب رجال وهم يدورون عن لقمة عيشهم
انا مصيبة ... ما انصحك تعرفني يا عمي
ضحك ابو احمد : اهدى ... انت شوقتني اعرف عنك اكثر... وبنجلس سوا اكثر ان شاء الله الحين قوم نطلع مع بعض نتعشى برة وانا اللي عازمك لا تقول لا
سعود : ما اقدر يا عم عندي موعد .. كيماوي بالمستشفى الحين ... والله اني تعبت منه لكن امري لله
ابو احمد كشّر : سرطان ؟
بدى سعود يكح وطلّع منديله وحطه على فمه .. طوّل يكح بعدين شال المنديل اللي صار فيه دم
سعود وهو يتألم : ايه .. سرطان الرئة
ابو احمد : اعوذ بالله .. الله يكفيك شره ويعافيك
سعود : الدكتور قال مافي امل
ابو احمد يبتسم : خلي املك بالله كبير ... ياما قالوا هالكلام وبعدين تلقى المريض تعافى .. ولاّ ؟
سعود ابتسم على اسلوب ابو احمد الراقي بالتعامل : صح ... الله يسمع منك ,,, يللا بالاذن انا ماشي
ابو احمد : الله معك ..
....................
طلع سعود من المسجد وركب سيارته ... ومشى باتجاه المستشفى
رن جواله لقى رقم ماجد
سعود : الو ؟
ماجد : هلا بحبيب قلبي ... الولد المفضل هههههه
سعود : ايه ايه .. وش تبي ؟
ماجد : وش فيك سعووود ؟ صاير عليك شي ولا هبلت بك بنوتة ؟
سعود وهو يصارخ : انت عاااااااااارف ما بعد خزامى بنات بحياتي
ماجد : طيب طيب ... اهدى ,, ايه على فكرة خزومتك قريب عرسها على خالد
سعود وهو شوي ويبكي : ادري ... وباركت له سابقا
ماجد : اووووهو تطوراااات .. هههههههه صاير ذوق وش عندك ؟
سعود بضيق : اخلص ليه متصل وراي شغلات اهم من السواليف الفاضية
وقف سعود السيارة عند باب المستشفى ونزل
ماجد : عندي لك مهمة جديدة وعلى كيف كيفك .. بنت ولا البدر بنوره لكن ابوها تحداني وانت عارف وش مصير اللي يتحداني
سعود وهو يفرك ذقنه : ايه طيب يصير خير ... لما ارجع الرياض اشوف صرفة للموضوع
ماجد : لا تتاخر اهم شي ...
سعود : طيب طيب ,, يللا مع السلامة
ماجد : الا تعال وش عندك بألمانيا ؟؟ اشوف طوّلت
سعود : اغيّر جو لا اكثر ,, يللا باي
ماجد : طيب طيب .. باي حبيبي
قفل الخط وقام يشتم ماجد جوة نفسه بقهررررر

دخل للمستشفى بممراتها البيضاء والناس اللي تتألم واصوات ونّاتهم
بدى يكح وغطّى فمه بالمنديل تنهد بألم وهو يتخيل منظر خزامى بالفستان الابيض مع خالد
وطى عيونه بالارض كله منك يا ماجد ...................................
........................................
عند طلال الراسي بالمكتب
عزام جالس يتفرج بالملفات ومتملل
طلال قفل الجوال وهو يضحك من قلب
عزام : وش عندك ؟
طلال : هههههههههههههه بتزوجها ههههههههههههههههههه
عزام : مين هي ؟
طلال هدى شوي : توليب بنت عبدالرحمن
عزام : قصدك هذيك صديقة تالا ؟
طلال برفعة حاجب : ايه ... هههههه بتشووووف شغلها قريب ,, تصدق انا اساسا ما ابيها
لكن باخذها عشان اعلمها الادب بس
عزام : يااااخي سيبها بحالها وعيش حياتك ... ان كانت مؤدبة لنفسها وان كانت العكس الله يخلف ع ابوها
طلال : هههههههههههههههه تدري شلون ؟ انت بااااارد جدا لكن انا عكسك انت تعرف تطنش
لكن انا ما اعرف .... وهي بدت عناد وبالعناد محد مثلي

................................................



البارت هنا يوقف