رواية روان .. خيااال لاتفوتكم

كانت نايمة بغرفتها .. مغطية وجهها بشرشف النوم .. وحولها مخدات صغار ملونة تعطي راحة لكل شخص ينام عليها


جنبها كانت طاولة صغيرة عليها صورها هي وصديقتها مرام .. وجوالها اللي دايما مليان رسائل حلوة من صديقاتها .. حياتها كانت مثالية بنظر كل بنت مراهقة ..


صحت بصعوبة على صوت امها وهي تقومها : روان قومي راح تتاخرين على مدرستك ..


روان : ماما خليني انام شوي ..


الام : راح تاخرين اخوك مشاري على مدرسته


روان : خليه يروح وانا بيوصلني السواق


ام مشاري : حبيبتي مايصير تروحون بمشوارين ..
مدارسكم قريبة من بعض


روان : اووووف خلاص قايمة


وهي مغمضة عيونها صارت تتلمس طاولتها وتدور الجوال ..


روان : ياربيييه .. ثلاث مكالمات من مرام وخمس رسايل ..
كل هذا مستعجلة على المدرسة


صحت روان اخيرا وراحت لدورة المياه ..
غسلت وجهها ونظفت اسنانها .. وصارت تطالع نفسها بالمراية ..


" اخيرا صرت بالثانوي .. الحين انا مو بنت صغيرة بالمتوسط .. هذا اول يوم لي .. لازم اصير كشخة بهالمدرسة "


توضت وصلت .. دعت ربها ييسر لها دراستها بهالمرحلة الجديدة .. وبعدين اخذت الجيل ووقفت شعرها سبايكي


ام مشاري : يلا روان اخوك تحت يستناك


روان : طيب ماما جاية


ام مشاري : روان ايش هذي التسريحة اللي مسويتها ؟؟ احد يروح للمدرسة وهو بهالشكل ؟


روان : ماما هذي الموضة .. السبايكي


ام مشاري : انتي رايحة مدرسة والا دي جي ؟؟ بسرعة نزلي شعرك واربطيه زي الناس


روان : يوووه ماما مافيه احد يربط شعره .. هذا كان زمانكم لما كانت البنت تسوي شعرها جديلة


ام مشاري : على الاقل الجديلة احلى من السبايسي هذا


روان : ههههههه ماما هذا سبايكي مو سبايسي ..


ام مشاري : اقول انزلي تحت بسرعة بلا سبايسي بلا بطيخ


روان : ههههههههههه طيب ماما خلصت


نزلت روان وامها للمطبخ عشان تفطر قبل تروح لاول يوم لها بالمدرسة


مشاري : صباح الخير روني


روان : صباح النوم


مشاري : هي صباح النور مو صباح النوم


روان : ادري بس لاني داااايخة ابغا انام


مشاري : ههههههه طيب صباحك نوم


روان : ياربييييه الشغالة هذي ماتعرف اني اكره البيض ..
ليش لازم تسوي ساندويتش بيض ؟؟


ام مشاري : معليش انتي افطري بيض اليوم .. وبكرا يصير خير


روان : لا ماما مستحيل اكل بيض .
. قولي للشغالة تغيره لي


مشاري : اوووف روني ماعندنا وقت


روان : طبعا الاستاذ مشاري ما يبغا يتاخر ..
انت كلها بثالث ثانوي ايش فيها لو تاخرت شوي ؟؟


مشاري : انتي بس وصلي لثالث ثانوي وبعدين نتفاهم


روان : ماما شوفي مشاري يضايقني من الصباح .. الوحدة ما يصير تاكل فطورها على كيفها .. اوف منكم


مشاري : ماما بنتك دلوعة وتبغا كل شي على كيفها .. كيف بتنجح من الثانوي الحين ؟


روان : ثانوي ثانوي ثانوي .. طفشتوني من الثانوي ..


ام مشاري : خلاص انت وياها .. روحوا لمدارسكم لا تتاخرون من اولها


ركب مشاري السيارة وركبت جنبه روان .
. مشاري اغلى شي عنده اخته روان ..
اخته اغلى من عيونه ومايحب ابدا يزعلها ..
روان عموما عايشة حياة حلوة مع ابوها ( ابو مشاري ) وامها ( ام مشاري ) .. واخوها الكبير مشاري اللي يسوى الدنيا ومافيها بالنسبة لروان ..


حب مشاري يغير جو يمكن ترضا روان عليه .. وشغل اغنية rock اجنبية


مشاري : روني الى الان زعلانة .. حتى بعد ما شغلت لك اغنيتك المفضلة


روان : وانا اقدر ازعل على اخوي مشاري ؟؟


روان علت الصوت اعلا شي وصارت ترقص على خفيف وهي جالسة .. ومع الحماس رمت غطا وجهها


مشاري : روني انتي ايش تسوين ؟


روان : مثل ما انت شايف .. اطرب نفسي


مشاري : ايوه اطربي نفسك بس لا تشيلين الغطا


روان : لييش .. انا دايما اشيل الغطا عند اصدقاك ولاتقولي شي


مشاري : أي روني بس هذا لما كنتي بالمتوسط .. الحين انتي بالثانوي


روان : اوووف انت وماما ازعجتوني بالثانوي


مشاري : روني لا تزعليني منك .. البسي الغطا ومن اليوم ورايح ما تشيلينه عند أي احد


روان بملل : اوكي


مشاري : روني زعلتي


روان : ....................


مشاري : روني اذا قلتلك انك معزومة بكرا ع العشا بترضين ؟


روان وهي متحمسة : احلف


مشاري : والله ... بس ماراح اعزمك على العشا لما توعديني تغطين وجهك ولا تسولفين مع اصحابي بعد اليوم


روان وهي محتارة : اممممممممم


مشاري : راح ناكل باستا و فاهيتا وسباغيتي ..


روان : خلاص خلاص موافقة 100% .. بس العشا يكون اليوم .. وراح اعزم صاحبتي مرام معي


مشاري : بس العشا المفروض يكون لك انتي


روان : مو مشكلة ابغا مرام نتسلى مع بعض


مشاري : هههههههه اوكي .. يلا انزلي وصلنا مدرستك


روان : وععععع هذي مدرستي .. شكلها خايس


مشاري يمزح : خلاص عمتي روني راح نغير ديكور المدرسة لعيونك .. أي طلبات ثانية ؟؟ تبغين نغير المناهج بعد ؟؟


روان : هههههههههه يا سخفك


نزلت روان من السيارة وهي متحمسة ليومها الاول بالمدرسة الثانوية





دخلت روان مدرستها .. طالعت اول شي للبنات .. تبغا تشوف مستواهم .. " امممممم اشكالهم حلوة وباين انهم كشخة "


كانت تدور وجوه مألوفة عشان تسلم عليهم ... " يااااي هذي عبير .. "


ركضت روان لعبير وضمتها


عبير اكثر بنت بالشلة مهتمة بالدراسة .. وماتهتم بالموضة والتسريحات ولابالفنانين .. بس حبوبة وطيبة واللي بقلبها على لسانها ..


روان : عبورة كيفك ؟ وحشتيني


عبير : اهلييين روني .. وربي مشتاقة للشلة كلهم


روان : طبعا الدوافير ما يخلون طبعهم .. جاية اول بنت بالمدرسة


عبير : اوووف خايفة وربي خايفة من المناهج .. روني تتوقعين دروسنا سهلة ؟؟ .. اعرف وحدة العام كانت بأول ثانوي وتقول صعب مرة ..


قاطعتها روان : بس بس بس .. هذا اخر همي .. انتي طبعا دافورتنا اللي تحفظ الكتاب صم .. بس انا غير .. اهم شي عندي اكون مع مرمر والشلة بنفس المدرسة .. تدرون ما اقدر ابعد عنكم


عبير : ولا حنا


فجاة غطت مرام عيون روان


مرام : تتوقعين مين انا


صرخت روان باعلا صوت من الفرحة : مرااااااااااااااااااام


مرام اعز صديقة عند روان .. من أيام الابتدائي وهم مع بعض ومستحيل يتفرقون .. وجودهم مع بعض هو احلى شي بحياتهم ..


مرام وهي فرحانة وشوي وتصيح من الفرح : ما اصدق اننا راجعين للمدرسة وراجعين لهبالنا مع بعض


روان : مرمر وربي وحشتيني


مرام : وانا اكثر يا اغلى روني بالدنيا


عبير : اهلين مرمر .. كيفك حبيبتي ؟


مرام : هلا والله بعبورة الدافورة .. انا بخير


وما مرت خمس دقايق الا وسام جاية


وسام : hey girls .. whats up


وسام بنت بالاسم بس خخخخ .. مهسترة بشكل فضيع ورااايقة وكل حياتها هبال .. وشكلها واسلوبها كلها بوي


روان : هاي وسام كيفك


( وسام تكره احد يدلعها سوسو .. لانها ماتحب الدلع وتبغا يقولون لها وسام وبس )


وسام : اهلين روني .. شكلك خطير بالسبايكي ..


روان : thanx


وسام : ايش رايك تصيرين boy مثلي .. والله نفلها


روان : سوري انا ما احب اثبت على ستايل واحد بس .. وبعدين ماما ومشاري راح يذبحوني اذا عرفوا اني عربجت


الكل : ههه


بدت وسام هسترتها .. والكل ميتين ضحك عليها .. وبعد وقت طويل دخلت العنود


العنود : هاي بنات .. كالعادة جاية متاخرة


مرام : هههههههههه انتي اصلا ولا مرة بحياتي شفتك جاية بدري


وسام وعبير وروان : ههه


روان : كيفك نودي ؟


العنود : بخير بس مو طايقة المدرسة .. احس انسدت نفسي من شفت شكل المدرسة


عبير : مستحيل تغيرين طبعك .. مافيه احد يكره المدرسة زيك

العنود : ههههه اكيييد


وبوسط ضحكات البنات رن جرس الطابور الصباحي