07-31-2011
|
#21
|
عبد الرحمن بن عمير
العواذل
لالا ماعاد فيكم يالعواذل حسوفه
شبت النار تأخذ من ضلوعي حطبها
من سببكم غدا العاشق يصفق كفوفه
حسبي الله على اللي زاد فيني لهبها
جعل من لامني نور الضحي مايشوفه
يقضي العمر وعيونه تزايم سببها
يالله انك تعين اللي يجاهد ظروفه
كل يوم تجي له حسبت ماحسبها
والله اني لسوق النفس لو هي كلوفه
وآتعلا دروب الكايده مع صعبها
صاحبي لاوقف يازين حتى وقوفه
وقفه الفارس اللي غزوته قد كسبها
لو رسمته تضيع المحبره في طيوفه
ولو كتبته قصيده عاذلي مالعبها
mp3
|
|
|
07-31-2011
|
#22
|
صوت الغرام
mp3
خذها كاش
لابوك حبٍ مايجي فيه تقدير
ولا بو غرامٍ ينتهي في ثواني
عليت شانك لين حد المشاهير
لين اصبح اسمك بين قاصي وداني
لاتحسبني بنكر الحب تنكير
اغليت حبك لين عشقك خذاني
والحب مثل النفط يحتاج تكرير
لابد يصفي من شوايب زماني
حبك خيانه مايبي فك تشفير
خنت الامانه والعهد يا أناني
اسقيتني مرك بشين التدابير
اكبر مصيبه تنكتب في كياني
لاتذرف الدمعه علشان تبرير
اقُسم بربي ماتثنى بثاني
mp3
|
|
|
07-31-2011
|
#23
|
عبد الرحمن بن مازن العطاوي
قصيده قويه
جيت تسأل
جيت تسأل ياحبيبي بذمتك منهو تكون.؟
وقمت أضحك من سؤالك مبتسم يومك لفيت
قلت أسمع ياوليفي خابرك شخصٍٍ تمون
أنت فرحي وأنت حزني وانت دمعي لابكيت
وأنت في جمله قصيره\\\"رمش عيني والعيون\\\"
وأنت في كل الدقايق فكري لامني سهيت
وإنت شعري والقصايد وأنت عزفي والفنون
وانت حظي وأمنياتي يومي أتمنى وجيت
وأنت لي نظرة وبسمه بإنطواءات الجفون
وإنت لي خدٍ تطوى بإبتساماته حييت
وأنت جوّي لاستوالي بالسحايب والمزون
وأنت قطرة فوق صدري منها مره مارتويت
خذني الطفل المدلّع وسط حضنك يالحنون
وأخذك دربٍ طويل ماأتعبه مهما مشيت
من غرامك ياغرامي أصل لحد الجنون
وأنت تسأل إب/براءه مادريت إلا دريت
تدري إني في غيابك أفقد أعصابي وأكون
من غيابك ياأميري قد تكلمت وشكيت
دمعتي سالت عشانك كني باأوساط السجون
ناحلٍٍ جسمي بحبك فوق هذا ماأكتفيت
لو يهون الكل عندي إنت شخصك مايهون
لانك أغلا ماملكته في حياتي واحتويت
ياسبب دائي /ودوايه /ياعلاجي /والطعون
ياسبب شفة طعوني إبعلاجاتك شفيت
البشر عندي ظلامٍ وأنت عندي نور كون
والبعض عندي صباحٍ وأنت ليلٍ به سريت
إنت عندي نبع صافي وغيرك نبوعه بدون
وأنت عندي حكيي شيخٍ مانطق كلمة \\\"ياليت\\\"
كل هذا ياحبيبي وجاي تسأل من تكون.؟
أنت فرحي وانت حزني وأنت دمعي لابكيت
mp3
|
|
|
07-31-2011
|
#24
|
عبدالله البكر التميمي
أحيان
احيان احسن انى وسط خافقت دبت
واحيان اجى بالبال لو صرت فاضى
يا صاحبى ليه اكره الناس اذا غبت
واقول اخد قلبى معاك مانت راضى
كم ضاقت الدنيا على.. وتعدبت
وكم جيتلك قاضى وعودت قاضى
لانت الى قدرت حالى وقربت
وللا نت الى خليتنى لاافتراضى
داخل عليك ان شفتنى ليلة السبت
خليك عن الوجه الشحوب والتغاضى
ولا تسال شلونى ترانى تقلبت
حتى بياض الوجه ماهو بياضى
لا تلوم كم شفت ناس وتغربت
وكم دست باحساسى ديار وارضى
وان كان حسيت انك بوصلك ادنبت
فالله ولا حب شقوقه اعرضى
وان سالوك اهل الشماته وجاوبت
قول سيرته ما يسمعها غيرواضى
بغيب احبك واذكرك وانت لا غبت
غيب بسلامه رب العباد راضى
mp3
|
|
|
07-31-2011
|
#25
|
بــرد السـفــر !!
ليت نار المحبة .. بالمحانـي تشـب
دام حزني نسيـم .. وذكرياتـي جمـر
وليت كل الخلايق لا تمـادت .. تحـب
كان شفت المساء ساجد سجود الشكـر
وليت نور المدينـة مـا درى وإكتـأب
وما طفى .. يوم قرب موعدك يالسفـر
كن الأيـام طفلـة .. تستحـق العتـب
تركض ولا درت باللـي وقـف منقهـر
غابت من السماء شمس .. وبدا ينكتب
عالصدر .. وش كثر حبيتها .. وش كثر
داخل القلب بنـت ٍ .. غارقـة بـالأدب
ما تساوت مـع باقـي بنـات البشـر
طيبـة .. ماتعـرف إن المحبـة تعـب
ناعمة .. ما تعرف إن الغصن ينكسـر
تلمس الأرض .. تتحول مناجـم ذهـب
تدعي الغيم .. يحضر في يديها البحـر
تبتسم .. تضحـك الدنيـا بليـا سبـب
كنهـا مابغـت تلقـى وسيعـة صـدر
غيـرت طعـم هالدنيـا بطعـم العنـب
صار كل الكلام اللـي تقولـه .. عِبـر
كل الأسماء .. وكل ما سمّي و ما إنكتب
زخرفه .. لإسمها الجالس بعرش السطر
كنت أحبه وأحب الماء وأحب السحـب
وصرت احبه وأحب إسمه وأحب السهر
لي متى ..والزمن قاسي وطبعه صعب
لي متى .. والفراق أردى رفيق ٍ حضر
لي متى .. أنتظر ريح التلاقـي تهـب
وتنقشع غيمة الغيبة .. وبـرد السفـر
mp3
|
|
|
07-31-2011
|
#26
|
تلاحقني ذنوبي ,,
تلاحقنـي ذنوبـي فـي طريـق العمـر
ولا آعـرف السنيـن اللـي بتبقالـي !!
يدينـي غارقـة بأشيـاء غيـر الحبـر
وأبأكتب .. عل يبقى لـي صـدر خالـي
كأن الأرض تحتي من لضاها .. جمـر !
عجزت أوقف أشوف شصار في حالـي
وأنا .. عبد ٍ ضعيف إحتاج يبكي .. كثـر
هواجيـس الغيـاب لصاحـب ٍ غالـي !
ولا اجمل من حنين القلب .. غير الصبـر
يعيشنـي " أمـل " لـو مـا تهيـالـي
يحاصرني الشتاء .. وأرجي بصيص الفجر
أبطرد وحدتـي .. وأبقـى مـع ظلالـي
تذكرت الحنين .. وفاض صدري شعـر !!
تفقـدت المكـان .. إلا أنــا لحـالـي
بقى عندي " قلم " .. بيني وبينـه شبـر
وأنا عم المسافـة وقـت يطـرى لـي !
تجر إيدي قصيدة .. ليـن بـاب السطـر
وأنا أوراقـي قصـور ٍ صرحهـا عالـي
وأهيجن .. بالزمان الممتلـي بالطهـر
وأسمّـع صوتـي المبحـوح .. عذالـي
على .. من ودعتني .. وإتركت لي عطر !
أشمّـه لا طـرى موتـي علـى بالـي
mp3
|
|
|
| | | | | |