ديوان الشاعر/فهدالشهراني

على الله وابتدا نظم القصيـد ودنـدن الرعـاد سحايب فكرتي لاحت بوارقهـا وتومـي لـه
تزبر في سمـا نجـد العذيـه وانثنـى وانقـاد جنوب وجاوبه صوتي والبي لـه وانـادي لـه
تقدم ثم تقدم في السمـاء عالـي بـدون عمـاد تقدم بأمـر ربـي خالـق الكـون ومحاصيلـه
توقف ثم تجمع وامتزج لـون البيـاض سـواد تجمع في سماء ابهـا البهيـه ليـن تاتـي لـه
اريد امطر شعـر يـا سيـدي ماطالنـي نقـاد واسيل كـل وادي مبطـي ماسـال بـه سيلـه
نعم ياسيدي وارض الجزيـره تشتكـي لبعـاد ضناها الشوق من بعد الفـراق ومالهـا حيلـه
نعم ياسيـدي كـل القلـوب وشوقهـا يـزداا د تنمى رجعتك وتشاهـدك فـي محفـل الليلـه
لسـان احوالهـم يقـول بصـدق واستـعـداد عسى ضيـم يجـي سلطـان واقـدر اشيلـه
هلا ياسيـد السـادات سيـد كـل سيـد سـاد سموك سيـدي فيـه القصايـد شـح وبخيلـه
تراحيب المطر ياسيدي فـي القـوم والمقعـاد تراحيب الاميـر وكـل شيـخ وفـرد وقبيلـه
تراحيـب تهـز اجبالنـا وتفكـك الاصـفـاد هلابك وارحبـوا مليـون ترحيبـه وتسهيلـه
تراحيـب علـى قـد المقـام محملـه بالكـاد وعبيـر وقحويـان وزعفـران وحبـة الهيلـه
تجمع كل ابوها سيدي فـي الوقـت والميعـاد تناثـر فـي دروبـك علهـا تضفـر بتقبيلـه
هنا سلطان سلطان الكرم سلطـان كـالمعتـاد سلاطين الشعـوب تقـوم لـه وتزيـد تبجيلـه
هنا ابن المليك اخو الملـوك معـرب الاجـداد ولد صقر الجزيـره تعجـز العالـم تفاصيلـه
هنا هـداج تيمـا مـروي الظاميـن والـوراد الا ياكـم يتيـم قـام لـه بالليـل يدعـي لـه
هنا رمز الوطن ضد الفتـن لاكثـروا الحسـاد مكانه في القـوب الوافيـه ياصعـب تحويلـه
هنا اطهـر مكـان تسكنـه ياسيـدي وشعـاد جعل يفداك قلب مايحبـك وانـت راعـي لـه
وزير دفاعنـا حامـي وطنـا حـزة المجهـاد فعولك وافيـه مايلحـق مـن يسـرج بخيلـه
ولي للعهد وافـي الوعـد ياحضـرة الشهـاد منـار للعـرب والاولـة تبغيـه وتجـي لـه
تبون اقـول زيـدة هالكـلام بكلمتيـن وكـاد انا ماشوف مثله في العرب من جيلـي لجيلـه
ابد يكفيه من كـل الخصـال و كثـرة التعـداد اخو صقر العروبه يابيوت الشعر قومـي لـه
نعم صقر العروبه عالـي الهمـه ذرى وسنـاد مليك من ملوك المجد نفخـر بـه ونعنـي لـه
خدم بيت الله وبيـت الرسـول وهمتـه بغـداد ولبنـان وفلسطيـن العزيـزه عـدل الميـلـه
سكن في قلب شعبه واعلتى عرش القلوب وساد نوره كـل قلـب يشتكـي مـن نـور قنديلـه
حنان الاب طيـب الاخ رايـد يحكـم الـرواد شعوب ماتهاب الموت تاقـف لـه وتثنـي لـه
جنودك ياوطن حنا علـى الطاغيـن والاوغـاد نعـدل كـل فكـر منحـرف ويزيـن تعديلـه
نوقف مانخاف الا مـن الله والـدروع اجسـاد سعاطيـر الحميـا تعمـي الرجـال وتكيـلـه
ونروي مـن دمانـا ارضنـا ونقطـع الاكبـاد على اطراف الوطـن مابيـن تكبيـره وتهليلـه
فداك المال راس المال فـداك الشيـخ والاولاد فداك اللي تبي ياموطنـي والعـز تمشـي لـه
مدام الخير من داخل عروقك شربنـا والـزاد اكلنـا مـن ثنايـاه وشربنـا مـن هماليـلـه
اجل نذرا علينا سيـدي نحمـاه مـن الافسـاد ولانرضالـه الا مايـسـره فــي مقابيـلـه
بحق اللي خلقنـا نعبـدة مهلـك ثمـود وعـاد مانرضـى غيركـم لـو زود القايـل اقاويلـه
بحق اللي جعل في حكمكم هيبه وفـا وامجـاد بأن الحب في الشعب السعودي صعب تحويلـه
نعم ياسيدي وارض الجزيـره تشتكـي لبعـاد ضناه الشوق من بعـد الفـراق ومالهـا حيلـه
تخيل سيـدي كـل القلـوب وشوقهـا يـزداد تمنى رجعتك وتشاهـدك فـي محفـل الليلـه

لسان احوالهم كنه يقول بصدق واستعداد عسى ضيم يجي سلطان فيني واقدر اشيله