ديوان حمدان المري

يابـري حـااالـي


ياوقت وش ذنبـي وانـا مديـت لـك ماقلـت هـات
خسرتـنـي رحـلـة عـمـر مـرتـاح مـــن يتعـبًـهـا
تعبـت واحلامـي علـى بـاب الامــل والامنـيـات
ارضابها وقـت الرضـى واذا زعلـت اذنـب بهـا
احيان ياخذني الحزن وتضيق بي الاربع جهـات
واعـاتــب حـظــوظ الـدهــر واذمًـهــا واسـبًـهـا
ياليل وش حدك على صدري وانا صدري شتات
كـنـك تـنـاول طــارف ضـلـوع الشـقـا وتشـبـهـا
خليتـنـي مـاعـاد امـيًـز شالحـيـاه مــن الـمـمـات
ياجعـل نفسـي ماتحـوش الا الرضـا مــن ربـهـا
يابـري حااالـي كـل مادنقـت وازرانـي السكـات
اجمًع هجـوس الشعـر واشمـل بهـا واجنـب بهـا
كثـرت سكاكيـن الجمـل وانـا اســأل الله الثـبـات
تخـالـف ضـلـوعـي سكـاكـيـن الـجـفـا وتجـبًـهـا
معـادنـي بـإيًـاااي الــى مـنـي بـغـيـت النـايـفـات
مـــن عـقــب مـانــا لابـغـيـت النـايـفـات آذبًـهــا
قولـو لهـا قولـوا لهـا وان عـوًدت مافـات فـااات
اربــهــا لاشــافـــت ديـــــار الـخـلـيــل تـنـبًـهــا
وان كانـهـا بتـطـوًل الغيـبـه وانــا مـالـي غـنـات
فـي ذمتـي ان آمـوت ويمكـن موتتـي مـن حبـهـا
كن الزمان يشب في صدري وانـا مالـي سـوات
الا انـــي اشـــرًع ضـلـوعـي للهبـــوب تهـبًـهـا
والغيبـة اللـي خلـت عروقـي مثـل جـف النبـات
ياليـتـهـا مـاتـحـرق اعـصـابـي ولاتـلـعـب بــهــا
اسرح مـع نفسـي وانـادي بإسمهـا واقـول جـات
وافـــز ياقـلـبـي لامـنـهـا دعــــت قــــوم لـبًـهــا
والله لولا الخوف من ربي ومـن هـرج الشمـات
لاحــط صورتـهـا عـلـى راحــة يــدي واحـبًـهـا
واذا بغـيـت اراجــع ايــام الـعـمـر والـذكـريـات
ابطـيـت ولسـانـي عـلـى عــل وعـسـى واربًـهـا
عــزي لقـلـبٍ لابـغـا يـرتـاح مـاحـصًـل مـبــات
وعــزي لعـيـنٍ لابـغـت حـلـو الـكـرى ماطـبًـهـا
كلـه سبايـب جـادلٍ ماهيـب مـثـل بـاقـي البـنـات
نــذرٍ عـلــي ان احـيــا وامـــوت وآنـــا احـبـهـا

الذنب العظيــم


يالله انـي طالبـك وانــت الكـريـم
لادعـاك العبـد اتجيـب لـه دعـاه
رحمتـك يـااارب جـنـات النعـيـم
الغـنـاه ان قـيـل يـاويـش الـغـنـاه
جعـل دمعـي لاحـدر مثـل اليتيـم
مايهـل الا علـى شــان الـصـلاه
جعل موتي بين زمـزم والحطيـم
ساجدٍ وجهي علـى حـد الصفـاه
في ذرى اللي يحيي العظم الـرميم
واحدٍ ماخـاب منهـو فـي ذراه
يـاالله انـك تغفـر الذنـب العظـيـم
ذنــب عـبـدٍ ماقـتـلـه الا خـطــاه
يــوم ذنـبـي كـنـه اللـيـل العتـيـم
ويوم نفسـي تتبـع ابليـس وهـواه
احـداهــا لـلـصـراط المسـتـقـيـم
وتحدانـي لأكبـر ذنـوب الطـغـاه
الطغـاة الـلـي معيشتـهـم جحـيـم
لاصـــلاة ولاصـيــام ولازكـــاه
ويـن انـا بـاروح مـن ذنـبٍ قديـم
لا التقيـنـا الـــرب اذلالٍ عـــراه
يـاكـريــم يــــاودود ويـارحــيــم
لادعـاك العبـد اتجيـب لـه دعـاه
جعـل دمعـي لاحـدر مثـل اليتيـم
مايهـل الا علـى شــان الـصـلاه
وجعل موتي بين زمزم والحطيم
ساجدٍ وجهي علـى حـد الصفـاه

الكِـبــــر ...


ياصاحبي ... ابشرك عقب البطا قدنـي بخيـر
اتابـع اخـبـار العـصـر .. واسـايـره واواكـبـه
خليتنـي وانــا رفيـقـك والرفـيـق الـلـي يغير
الصده اخير مـن العتـب لاتنشغـل بحكـاك بـه
الوقـت علمـك الكبـر .. ماتـدري ان الله كبيـر
وان التواضـع مـن سمـة نبيـك ووصــاك بــه
والرزق ماهو في يدين النـاس واكثرهـم فقيـر
لو ان رزقك في يدين اغنى غني .. ماجاك به
بالشـان وفعـل ايماننَـا والعـز والمـال الوفـيـر
اوضاعـنـا متخالـفـه .. واحظوظـنـا متراكـبـه
مالك رفيق الا رفيق"ٍ ذاخرك وانـت الخشيـر
لـو لحـم كتفينـه عشـاك وتطلـبـه عـشـاك بــه
كم واحدٍ مافي يـده مايشتـري كـوب العصيـر
مغنـيـه نـفـس والقـنـاعـه والـمـراجـل تـاكـبـه
وكم واحـد تكاثـر فلوسـه لكـن .. مافيـه خيـر
عليـه ظـل" مـن ظـلال اهـل الوجيـه الساكبـه
اللي تعلمك بفضـل قـدر الحشيـم مـن الحقيـر
مخوتـه مثـل المـرض لـو طولـت اعـداك بـه
خلك علـى سجيِتـك .. والعـز فـال المستشيـر
الطيب بشتٍ من لحقك من العرب غطـاك بـه
واكبر دليل .. ان الامير اللي بما معنـى اميـر
يمـكـن يشلَـونـه لــو أن بشـتـه عـلـى مناكـبـه
لاتتبع اهواءك ولو طـال الزمـن يبقـى قصيـر
ماينكب نفوس الضعوف الا الشفـوف الناكبـه
الوقـت علمـك الكبـر .. ماتـدري ان الله كبيـر
وان التواضـع مـن سمـة نبيـك ووصــاك بــه
والرزق ماهو في يدين النـاس واكثرهـم فقيـر
لو ان رزقك في يدين اغنى غني .. ماجاك به

طويق...


غصبٍ عـن اهـل الحقـد واهـل الظليمـه
بـــاذب راس طـويــق واشـــب نـــاري
ياللـي صـعـودي فــي نظـركـم جريـمـه
سهـلٍ صعـودي بـس صعـب انـحـداري
اهــل الـنـفـوس المبـغـضـات السقـيـمـه
مـاتــدري ان الــــذم يــرفــع وقــــاري
اذا لـحـقـنـي مــــن بـعـضـكـم نـمـيـمـه
بــقــول داري لــــو مــانــي بـــــداري
كـثـر الـحـكـي غـيـمـه وبـتـمـر غـيـمـه
والا عـسـاه يـطــول وقـــت انـتـظـاري
واعــلــم الــعــذال مـعـنــى الـهـزيـمــه
لان اهـزمـان اعــداي عــز انـتـصـاري
تــدرون مـتــى اشـــوف لـلـعـز قـيـمـه
لا شـفـت بـعـيـون الحـقـيـر احـتـقـاري
ادري الصحـاري ترتجـي غـيـث ديـمـه
وانتوا اعرفوا الديمه و منهو الصحاري
مــا يـهـز بـاسـي كــود دمـــع اليتـيـمـه
ولاهـــو يـقــوي عـزمــي الا قـــراري
ومــا للخـصـيـم الا مـلاقــى خصـيـمـه
خصـم وخصيـم وواحـد يــروح بــاري
دام الـخـسـايـر مـاتـحـســب جـسـيـمــه
واغـلـى مــن بـنـود السـجـل التـجـاري
خــســارة الــعــذال عــنــدي غـنـيـمــه
يــوم استـشـار الــراي راي استـشـاري
اصـغـر بـنـي عـمـي عـيـوبـه عظـيـمـه
اصــون عيـبـه مـثـل صـونـي لـجـاري
سـلــم لـنــا مـنــذ الـعـصـور الـقـديـمـه
وللطيـب فـي وجيـه النشـامـى مــواري
مـاهـمـنـي كــيــد الـنــفــوس الـلـئـيـمـه
لانـــي بـــلا بـايــع ولانــــي بــشــاري
الــــراس طــيــب والـنـوايــا سـلـيـمــه
ومــا مـدتــه يـمـنـاي يـجـهـل يـســاري
والله يـــمــــد ومـــــــدة الله كــريــمـــه
ومــن مـدتـه بـامــد حـســب اقـتــداري
واهــل الحشـيـمـه تسـتـحـق الحشـيـمـه
والا انت مـا جالـك علـى البـال طـاري
لا فـيــك مـعــروفٍ ولا فـيــك شـيـمــه
ولا انت بعلى بعض المواجيـب ظـاري
ان طعـتـنـي خــــل الـنـهــر لا تـقـيـمـه
يصعب عبـوره لا غـدى السيـل جـاري
وســوس لــك الشيـطـان نـفـسٍ وهيـمـه
تـامـرك بأشـيـن مــا نــوى الانتـحـاري
غـريـمـي الـشـيـطـان وانــــا غـريـمــه
مـا اجـي علـى رايـه وعـذري اجبـاري
امـشـي عـلــى درب الـنـقـا واستقـيـمـه
هـــذا الـمـسـار ولا لـــي الا مـســاري
عـزيـت نفـسـي عــن سـفــوه الذمـيـمـه
واخــذت حـقـي برغـبـتـي واخـتـيـاري
والـعـز خيـمـه والحـكـي طـنـب خيـمـه
ابـسـط مـثـل جـابـه فـضـول ابـتـكـاري
واخـذت مـن صبـري جـهـود وعزيـمـه
ولا اهـل دمعـي فــي لـزومـي عـبـاري
وردت شـــفـــي والــنــوايــا مـقـيــمــه
وعشيـت طيـري مـن قـلـوب الحـبـاري
والـنـاس تـفـهـم وافـهـمـي يـــا فهـيـمـه
عـن زلتـي مـا ابديـت وجــه اعـتـذاري
وان كـان دمعـي طــاح لاجــل اليتيـمـه
بـامـوت مـاشـافـوا دمـــوع انـكـسـاري
بـس الجريمـه صــدق واكـبـر جريـمـه
انــــي ادور مــــن يـــــرد اعـتــبــاري
غصبٍ على اهل الحقـد واهـل الظليمـه
ذبـيـت راس طـويـق واشعـلـت نـــاري

ســــلام الله ...


سلام الله على فهـد وعلـى شعـب الفهـد والـدار
ســـلام الله علـيـكـم كـلـكـم يـااهــل السـعـوديـه

سـلام مـن غـلا اللـي لـه يسـاق يبـرد الخـطـار
سـلامٍ بــرد الخـاطـر غــلا مــن حــب راعـيـه

وسلام الله علـى الجبريـن والجمهـور والـزوار
أحــب أهــدي محافظـكـم شـهـادة شـكـر مثنـيـه

تبناهـا وطورهـا وجعـل كـل الــدروب أزهــار
وساعـد فـي بنـى التعمـيـر لـيـن أســس مبانـيـه

جهـوده فـي النعيريـه جهـودٍ تخـطـف الانـظـار
جهوداتـه عـلـى لـسـان أهــل سـكـان الشمالـيـه

من اللي يذكر اش كان البلد واليوم وشهو صار
أمـانـي كــان مسمـوعـه وجــات الـيـوم مرئـيـه

عليهـا مـن رضـى ربـي عليهـا صـادق المطـار
الـى هـل المطـر شفـت الخليجـي فـي النعيريـه

أنا مدحت ابن جبرين وراعي الطيـب لـه ذكـار
مدحتـه يـوم جانـي فـي قطـر ذكــره و طـاريـه

وبشـكـر الاخ عـبـدالله وكـررهـا علـيـه أمــرار
عسـى الله مــا يهيـنـه يــوم وجــه دعـوتـه لـيـه

وانا من يوم جاني رقم في نصـه ثـلاث أصفـار
وانــــا مـتـوكــل بالله ومــعــزم نــيــة الـجـيــه

ركبـت الموتـر اللـي مايهمـه طولـت المـشـوار
لـــون راعـيــه شـرقــاوي ولـوحـاتـه كويـتـيـه

لــك الله ثـابـتٍ ممـشـاه للمـركـز مــن الـــدوار
وهـو يشـر علـى تسعينـه عقـب ماشـقـح المـيـه

تعديـت المـركـز وأنتهـضـت بشـوفـة المـحـدار
أهلهـا هـم هـل الخيـل الصفـر لا كبـرت الهـيـه

الى العذبه مـع ال سنيـد و ال بحيـح عـز وقـار
وسـلام الله علـى الجيـبـان وأنـبـاك وضواحـيـه

وسقتـه ليـن مـريـت ال حنيـتـم والنـعـم تـكـرار
وبعدهـا هجـرة النـابـت رجــال الوقـفـة الحـيـه

إلين أقبلت صوب السيح يا نعـم الـذرى والكـار
وقبلـتـه عـلـى العـصـلا هــل الـعـز وحـراويـه

بعـدهـا هـجـرة ال بـريـد ربــعٍ فعلـهـم مشـهـار
بعـدهـا هـجـرة ال بـريـص للـطـيـب ومـرابـيـه

بعدهـا سقتنـي يـا قـار الا يــا مبـركـك يــا قــار
أحــب الـخـط يـومـه مـــر بـــي دار الفهـيـديـه

قبـل مـاروح أقـدم عـذر وعـذري يبغـي العـذار
الى ال حسنا و أهل يبرين وشجعـه والعضيليـه

ولا أنسـى كـل غفرانـي وزبدانـي هـل المقـدار
لـو ان ماهـي علـى دربـي لكـن ماهيـب منسيـه

ولا انسى يابنـي سلمـان وبعلنهـا علـن واجهـار
ولدكـم فيـه مـن جـود العـرب والطيـب مـاريـه

بني عمي مطوعت الصعب سقم على مـن جـار
ومـن حبـي لربعـي قــد عــروق القـلـب مـريـه

أنـا بمـدح بنـي عمـي وذي مـن مـيـزة الشـعـار
ورجــلٍ مـامـدح ربـعـه تــرى نـفـسـه دنـاويــه

وواجب كل ما مريت صوب الجوف لي مسيار
بنـي هـاجـر الا يـاحـي مــن طـريـت يــا حـيـه

وكرمـت محلـف أكرمكـم الله يـا حـمـاة الـجـار
مكرمت الضيـوف وعـون مـن كثـرت عزاويـه

ووجهته على الوادي مغيب الشمـس فـالصـرار
ونـعـمٍ يـاهـل الــوادي الــى مــن قـيــل يـامـيـه

سـلام الله عليكـم لا غــدى جــو النـهـار أغـبـار
علـى ذا يشهـد التـاريـخ وحاضـركـم وماضـيـه

أقـولــه والقـبـايـل ماعلـيـهـا زود يـــا حـضــار
وكــلٍ فـيــه حـــق وكـلـمـة الـمــري عمـومـيـه

وكـرمـت وتعـديـت وبغـيـت أكـمــل الـمـشـوار
ولا والله وعـيــت إلا وانـــا بـوســط النعـيـريـه

يتصل رنـــه


ياالله مسا خير وش ذا الرقم يبغي بي
نــوبٍ يـطـول ونــوبٍ يتـصـل رنــه
الو الو قلت الو والشوق صاحي بـي
ومن يوم قالت الو جيتك علـى السنـه
تقـول انـا معجبـه واقـول طـر جيبـي
ياجعل ابو اللي عطاها رقمـي الجنـه
كن صوتها يـوم مـر اذنـي يغنـي بـي
وصار لصدى صوتها في قامتي حنه
من فوق راسي ليـن أسفـل عراقيبـي
كلشن على طور وجهه يردف الونـه
قالت بسكر قبـل ماالنـاس تـدري بـي
احــراج والا بعضـهـم ماعـلـي مـنـه
وقــدام لا تنتـبـه لا اتـفــه عـذاريـبـي
اللي على خاطرك مااحـدٍ درى عنـه
ثم اضحكت ضحكةٍ تقبل وتقفـي بـي
خلـت خلايـا مخيـخ الــراس منجـنـه
وقالـت ابــي مـنـك تحـقـق مطاليـبـي
ابغـي جديـدك قـبـل ماالـنـاس يقـرنـه
وسمَعتها واعجبتها وقلـت .. ياشيبـي
انــا بـعـد معـجـبٍ والـنـفـس ممـتـنـه
ودعت ولبيت وقالت لي ياطر جيبي
ياجعل ابو اللي عطاني رقمـك الجنـه

نسمـة الشـــرق


هـبـي عـلـي يانسـمـة الـشـرق ونسانـيـس الشـمـال
لــــي وقــفــةٍ لابــدهــا .. لــــي وقــفــةٍ لابــدهــا
فـي خاطـري قصـيـدةٍ تـرقـا عـلـى روس الـطـوال
مـــن محـتـواهـا .. والـهـجـوس تـكـدنـي واكـدهــا
اصفق بها في جال .. تصفق بي على عشرين جال
لـكــن عـلــى ماتشـتـهـي نـفـسـي لـــزوم احــدهــا
مادامني شاعر .. ولـي جمهـور .. وبيوتـي جـزال
بـاعــدهــا واصـوغــهــا واصـوغــهــا واعـــدهـــا
الـوقـت موزيـنـا لـكـن مــال الحـمـول الا الجـمـال
حـنــا جـمــال كــــل مــــازاد الـحـمــول تـشـدهــا
صـدورنـا تـاسـع بـلــد واعـزومـنـا مـثــل الـجـبـال
بــدري عـلـى الايــام واصــدوف الـزمـان تـهـدهـا
لاتضيق وانت مـن الرجـال اللـي يضـدون الرجـال
عـوق العـدو عـون الدخيـل اللـي سكـن فـي حـدهـا
ياصاحبـي وانـت المعـرًب مـن عمـام ومـن خـوال
رفـيـق ومـثـلـك فـــي الـرجــال تـودنــي واودهـــا
افعالـكـم تشـهـد لـكــم والـطـيـب مايـبـغـي ســـؤال
ربـعـي وربـعـي كـــل مـاجــات الـلــزوم تـسـدهـا
استـغـفـر الله ماخلـقـنـا الا عـلــى شــــان الـثـقــال
حـتــى الـبـحـار تهـابـنـا مـــن جــزرهــا لامــدهــا
تشـره علـي لاابطيـت والا انـي قطـعـت الاتـصـال
وانـــا تـعـبـت اجـمًــع كـروتــك واضـيًــع عــدهــا
لكـن علـومـك وش عـلـوم جنـيـف يـامـال الــزوال
واعطيـك علـم اللـي تسـولـف للـعـرب مــن جـدهـا
تنشدنـي البـارح وانـا مالـي علـى الهـرجـه مـجـال
بـغـيـت اعـلًــم والـعــرب مـايـنـدرى وش ســدهــا
لاتطول الدعوى تـرى مالـي علـى الصبـر احتمـال
الكلـمـة الـلـي تسـتـحـي مـــن قـولـهـا لـــي بـدهــا
ان كان قصدك في الوصل مابه وصل ياابن الحلال
الله (......) نــازحــات الـبـيــن و(......) جــدهـــا
والجادل اللي روًحـت عقـب العصـر قبـل الـزوال
راحــت وانــا فــي موقـفـي وش حيلـتـي واردهــا
شـلــون وانـــا اعـدهــا رصـيــدي الا راس مــــال
يـالـيـت نـفـسـي تنـعـطـى مـــن مــدتــي وامــدهــا
صــغــيــره وربــــــي مـكـمـلـهــا ولله الــكــمـــال
الـزيــن آيـــه والـوصــوف البـاقـيـه فــــي قــدهــا
حتى الصغير اللي مهـو يعـرف سـوى كلمـة تعـال
يـشـفـق عــلــى دنـاقـهــا ويـحـبـهـا فــــي خــدهــا
عـلـي الـحـرام ان اعـظـم مامـرنـي طــول الـلـيـال
قـفَـايـهــا وانـــــا اتـفــكــر مـــاقـــدرت آردهــــــا

حـلاة صوتـه عوفتني سكاتـه ...


احــب صـوتـه وانـدمــر مـــن سـكـوتـه
حــــلاة صــوتـــه عـوفـتـنــي سـكــاتــه
مـن كـثـر مـانـا اشـتـاق واحــب صـوتـه
يـشـحــن تـلـفـونـي عــلـــى مـكـالـمـاتـه
الــى حـكـى مـااحـب طــاري صـمـوتـه
صمتـه نحـت بضـلـوع صــدري نحـاتـه
حــتــى عــروقــي لاهــمــت مـاتـمـوتـه
لـــنَـــه يـغـذيــهــا عـــلـــى ذكــريــاتــه
طـابــع هـــدوءه يـنـولـد مـــن جــروتــه
يـعـنـي التـنـاقـض بيـنـهـا مـــن صـفـاتـه
حـــاذا عـلــى درب الـغــرام وحــذوتــه
ومـعـيَـشٍ ذاتـــي عـلــى حــــب ذاتــــه
واشــوف فــي صــدري بـقـايـا نـحـوتـه
بـاقــي لـــه شـــوي ويـتـلاشـي شـتـاتــه
فـي ميلتـه .. فـي مشيـتـه .. فــي ثبـوتـه
في ضحكته .. في زعلته .. في اشرهاته
فـــي كـــل حـالاتــه وبـغـلــب وقــوتــه
بـأيــات حـالــه تـزيــد مــيــزة حــلاتــه
احسـد علـى اثمـه شربـة المـا .. وقـوتـه
مـاهــوب ودي انـــه يــلامــس شـفـاتــه
حـتـى الأبــو وهــو الأبــو فـــي ابـوَتــه
اغـــار مــنــه واحــســده فــــي بـنـاتــه
المـا .. علـى خــده غــدى مــن طـروتـه
شـفـت المـطـر والارض هــذي سـواتـه
ينـعـم بــه الـمـا .. لـيــن يـاخــذ هـدوتــه
وينسـاب فـي عروقـه ويـشـرب طـراتـه
يـمـشـي ورجـلــه كـــل مـاهــي تـفـوتـه
كنـهـا تـقــول لـبـاقـي الـجـسـم .. هـاتــه
كـل الـذي قلـتـه .. عـلـى شــان صـوتـه
واشـلــون لـــو شـفـتـه .. بـلـيـا عـبـاتــه

هاك مني ذا الرسالـه واستلمهـا ...


مغتـرب .. مـن ديـرتـي وعـيـال عـمـي
فـــي بـــلادٍ شعـبـهـا يـدعــس عـلـمـهـا
يابـو راشـد وش تقـول .. ووش تسمـي
ضيـقـةٍ تـكـفـي الـبـشـر لـــو تقتسـمـهـا
ماشـحـنـي فـــي غـيــاب وزاد غــمــي
وحـط كبـدي عـرضـة الـنـار ووسمـهـا
مايـعـومـس خـاطــري ويـفــور دمـــي
غـيـر فـرقـا أمــي عـسـانـي ماعـدمـهـا
يابـو راشــد .. لانـويـت تــروح لأمــي
هـــاك مـنــي ذا الـرسـالـه واستـلـمـهـا
لــي ثــلاث شـهـور وانــا كـــل هـمــي
كـيـف أحـصـل لــي طريـقـه واغتنمـهـا
ضمهـا مثلـي .. وهـي بتـعـرف ضـمـي
لـيـن يـونـس مـفـرق ضلـوعـك نسمـهـا
غـيـر تكـفـى ســم واضلـوعـك تـسـمـي
كــــل شــــيٍ فــيـــك لازم يـحـتـرمـهـا
وارفــق بـصـدرٍ حلـيـبـه كـــان جـمــي
ولـــد روحٍ حـدهــا الـشــرع وفطـمـهـا
ارضهـا واكسـب ارضـاي وكـف ذمـي
واعتـبـرنـي خـادمــك يــــوم تـخـدمـهـا
وان دعت (( لبيه )) .. ماهي مثل سمي
لـبـهـا واســمــع وصــاتــي وافتـهـمـهـا
مـمـنــك بالله يـــــوم تــواجـــه أمـــــي
حـبـهـا مـــن راسـهــا لاسـفــل قـدمـهـا

بــــــــــاريــــــــس


رجـعـت والا عــادك بـجــو بـاريــس
دارٍ ثـراهـا مــن هــل الطـيـب قـافــر
عـود علـى دار العـرب والعـن بليـس
مـالــه لـــزوم مـــن الـبـدايـه تـسـافـر
شوفتك...فـرحـة كاسبـيـن النـوامـيـس
وغيبتك...دمعـة عيـن ضايـق وطـافـر
كــل المشـاعـر فــي غيـابـك مفالـيـس
مـا فيـه شــيٍ مــن عـنـا البـعـد وافــر
العـيـن شـابــت والـمـدامـع محـابـيـس
والقلـب مــن فـرقـاك جــازع ونـافـر
سـهـرت ونـجــوم الـثـريـا مـرامـيـس
والهـم مــن خـلـف المحـاديـب خـافـر
يـا بـري حالـي مـن كثـار الهواجـيـس
كنهـا عـلـى مـدخـال صــدري تعـافـر
اتلى العهد بمواجهـك عـن (رمسيـس)
مرتاب وحكـي النـاس ماهـوب غافـر
خطاك وعذرك والسفر صوب باريس
أعظـم مـن المسلـم إلــى مــات كـافـر
خذ تاج كسـرا وأمتلـك عـرش بلقيـس
تـفـداك...لـكـن....لا تـفـكــر تـسـافــر