|
…»●[آحســــاس قـلــــــم]●«… { .. متصفح خاص وشخصي لكل الاعضاء. حيث نزف المشاعر ينهمر دون توقف .. } |
|
أدوات الموضوع | انواع عرض الموضوع |
10-23-2015 | #2001 |
|
رميت روحي بالارض احاول ادور شي يمسك قلبي
حسيت روحي تطلع ويسلبوني كل شي لي مع اني ترجيتهم ياخذون كل شي الا هو يتركونه لي محد سمع لي كنت انتظر يقولون كذب الين الان انتظر دخلته علينا كل من قالي عظم الله اجرك بكيت بحضن روحي |
|
10-24-2015 | #2002 |
|
رحت ومين بقى وياي ؟!
يحس بضحكتي وبكاي |
|
10-24-2015 | #2003 |
|
فاقده أبوي ..،
... ايه والله فاقده ابوي مكانه خالي اول مرا احسس بشعور الضياع احسس عايشه مو عايشه امشي واكل واشتغل بس ما اعرف وش اسوي اتكلم واشرح واسولف وعيوني مليانه دموع كل ما امشي وامر بااماكنه اوقف فتره واشرد من روحي واهلي واهيم فيه كل ما سمعت الباب رحت اشوف مين وراءه ... الين الان له 25 يوم وانا مو لي ولا معي |
|
10-24-2015 | #2004 |
|
يوم كنت بالمقبرة ..،
اليوم اللي كان صعب كثير علي بعد يوم الخبر هو ان اخوي ضيع مكان المقبره ويتصل ب اخواني ومن يعرف عشان يدله المكان لكن ماردو وقالت له امي خذ جنون معك وقال يلا رحت اركض ومبسوطه احسب بروح اجيبه ركت لبست وليتني ما رحت رحت ودليته المكان والعالم مليانه قفل اخوي الباب علي عشان ما اطلع وانا داخلي يتقطع وقلبي يصيح ويصرخ هذا ابوي لا تدفنونه هذا اللي يقولي حبيبتي هذا نظر عيني وانفاسي تكفون اصبرو والا ادفنوني معه خذوه غصب عني وادفنوه .. واخر من طلع من المقبره انا واخوي يوم راحو الكل قال لي هذا هو مكانه جلست ادعي له واناديه نفسي يجيني من وراء ويقول انا حي ما مت ومشينا بسياره ورحنا واناظر وراء واناديه يبه اطلع تعال معي تكفى ............ يارب انت الكريم وهو ضيفك يارب هو اغلى ما املك ارزقه بجنه عرضها السموات والارض وحور عين يارب ياكريم ... ودعتك الله يا يبه
|
التعديل الأخير تم بواسطة جنــــون ; 10-24-2015 الساعة 10:41 AM
|
10-24-2015 | #2005 |
|
رحت للمقبره ..
امي ما يمديها تطلع لانها حداد
ف لازم اطلع انا رحت جبت لها شغله وانا مالي خلق اطلع وبالصدفه مرينا جنب المقبره وقلت لاخوي قرب عنده وقرب ودعيت له مع ان من قلبي مخليته بروحه بظلام ... يارب هو ضيفك وبين يديك يارب اكرمه انت خير الكرامين واجعل قبره روضه من رياض الجنه |
|
10-25-2015 | #2006 |
|
كنت دايم اسهر بالليل
ابوي ع التلفزيون او يصلي ويقرا وانا ع اللاب او بالجوال اما بعد ما راح اسهر بروحي واناظر مكانه الخالي يبه الله يرزقك بالجنه على قد ما قتلني فراقك |
|
10-28-2015 | #2007 |
|
تصميمي برمضان ..، ليت الايام ترجع
|
التعديل الأخير تم بواسطة جنــــون ; 10-28-2015 الساعة 10:21 AM
|
10-28-2015 | #2008 |
|
الهي ..،
|
|
10-28-2015 | #2009 |
|
اهداء الغاليه عطوره ..،
|
|
10-28-2015 | #2010 |
|
الا اله الا الله ..،
|
|
مواقع النشر (المفضلة) |
الكلمات الدلالية (Tags) |
أغار, عليكـ, وأبيكـ, قلبي |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سلسله يدونها لاعضاء...؟؟؟ | البرق النجدي | …»●[الرويات والقصص المنقوله]●«… | 9 | 02-13-2009 01:10 AM |