صدّق أو لا تصدّق ..!

صدّق أو لا تصدّق ..! صدّق أو لا تصدّق كل ما تباعدت المسافة بين الرغيف والجوع تلقى الفرح أصدق صدّق أو لا تصدّق لامن غدت كل المشاكل جوع الصغار وسقفٍ يداريهم قبل يصحى النهار تلقى الشعور أعمق صدّق أو لا تصدّق كل ما انقفل درب انفتحت أبواب صدّق أو لا تصدّق لو فيه احد طيب .. للطيبة أسباب صدّق أو لا تصدّق قليل من يعفي ويسامح .. كثير وده ينتقم بس ينتظرله وقت سانح صدّق أو لا تصدّق القناعة كنز يفنى ولو كل من ياخذ قنع .. وكل من ياكل شبع كان الفرح غطى شوارعنا صدّق أو لا تصدّق كل النهايات البداية .. وأحلى البدايات النهاية وكلنا رغم القساوة الظاهرة .. نبكي قدام المراية صدّق أو لا تصدّق به مطول لحيته .. والثوب يلمس ركبته وما قرا في الشهر آية صدّق .. ان الشعر أصدقه .. أعذبه ودي احكيلك حكاية وقبلها ابغى لسؤالي اجوبة المال هذا هو وسيلة والا غاية ؟! لو ماهو غاية .. ليه الحروب ؟ .. ليه السلام اللي تمناه الشعوب ؟ ليه الحسد يملى القلوب ؟ وليه الفقير المعدم الكادح .. بهجته تملى الملاح لامن لقى ذاك الثري يعطي هذيك المطربة مليون وهذا الثري لامن سرى من حفلته .. وقفت سيارته عند الاشارة وجاه شايب يطلبه .. الهم عاثي في وقاره دق باصابع متعبه .. على الشباك قال : انا يا سيدي مديون .. وانت الكريم يحكون عنك في الجرايد .. وتقال في جودك قصائد ويقال انك للأرامل واليتامى عون ما ابغى منك الا حاجة .. لبس الشتا لجل العيال الله يسددلك خطاك .. أعطني مما عطاك واعتدل راعي الملايين الكثير في جلسته وعقد حجّـاجه ثم قال : ألا ما اثقلك و أغباك .. ليه يا اخي ما تشتغل انت كسول .. ومستغل وطلّع من المحفظة فكّه .. رماها وقفل الشباك أبغى لسؤالي أجوبة ... ليه البر والتقوى .. مليان في جرايدنا ؟! وليه هموم هالشارع ؟! .. بعيدة عن قصايدنا ؟! ليه الفساد .. ليه الكساد ؟! وليه الحروب ؟! .. وليه الحسد مالي القلوب ؟! وشهو الجواب ؟! اتمنى انه مايكون المال هذا هو وسيلة ماهو غاية هذي الكلمة النبيلة .. اخترعها أغنيا لجل مسكينٍ شقى .. يرضى بقليلة وصدّق انت او لا تصدّق ماني الشخص المثالي .. كل مافي الأمر اني شاعرٍ ماهو يبالي كان صار اللي أقوله علقمٍ أو صار حالي كل مافي الأمر إني أستريح .. لا مشَابي مركبي عكس اتجاه الريح وما أبرّي من الخطى نفسي .. و اللي أجَاهربَه مثل همسي صدّق اني ماني الشخص المثالي كل ما في الأمر إني ؛ اجمع احساس الحواري وسط صدري و أنقل الواقع لشعري كل مافي الأمر إني ؛ شاعرٍ مطرود من جنة خيالي صدّق إني ما قصَدت أني أكون صَوت للي ما يبون صدِّقْ إني ماني الشخص المثالي و الا تدري لا تصدّقْ انتِـقائي لِـــ / الأمير الشاعر عبد الرحمن بن مساعد .