طفلة على صدري ترش الأماني

[align=center][tabletext="width:50%;background-color:black;border:6px groove teal;"][cell="filter:;"][align=center]

طفلة على صدري ترش الأماني
لـ عروقي اللي نامت العام يبّاس

هبّت مثل ريح المطر ل المحاني
صبّت صباحات الهوى واستحى الياس

جتني سؤال وغيمتين و أغاني
سالت على شفاهي مثل نكهة الباس

قلت وتعثّر فـ السوالف لساني
لا بعثر اللهفة ولا رتّب إحساس :

بارد مثل فِرش اليتامى زماني
اللي بقى قلب وقصيدة وقرطاس

ماعاد يغري الموج رمل المواني
لو مر من ضفة طواريك نسناس

ما كِن فـ الدنيـا نخيل ومباني
تمد لي من شُرفة الصمت كرّاس

اسقي من احلامي الطريّة مكاني
عسى عناقيد المسا تِنبت نعاس

تصحّرت رجواي وازهر حناني
حطي على رمث التعب ضحكتك فاس

هذا أنا ياس ويباس وأماني
ضمّي يديني لين تخضرّ الأنفاس

انتي بياض الورد | لون التهاني
يختار فجر العيد وعيونك لباس

غبتي بقى لـ الناس بعدك زماني
جيتي | وكنّه مابقى لـ الزمن ناس



راقت لي
وبتمنى تروق لذائقتكم

[/align][/cell][/tabletext][/align]