ضجت سوالف ايقضت شوق الاركان

[align=center][tabletext="width:70%;background-color:burlywood;"][cell="filter:;"][align=center][align=center][tabletext="width:60%;background-color:black;"][cell="filter:;"][align=center]

اخذت لي غفوه على غفلة أحزان
والحلم عيّشني بدايات عمري

شفت الطفولة والبراءة والاحضان
وأمي وابوي وقهوة الصبح بدري

ضجت سوالف ايقضت شوق الاركان
وباقي مرايه غاضها طول شعري

وضحكاتي اللي تزرع البيت ريحان
وألعاب يحيي انفاسها ريح عطري

وعصفور كان لوحدتي يعزف ألحان
تجمع فراشات الفرح فوق زهري

وفجأة صحت عيني على ظلم الاوطان
اللي عناها ماحشم طول صبري

ياليت ماتصحى من الحلم الاعيان
لا صار واقع حال الايام مزري

لو ان في رزنامتي خير ما كان
كبري معاها يفقد أفراح صغري

حلمي ذنوبٍ ما لها اي غفران
ليه ارتكبها بس يارب مدري

الدرب لو ماكان بـ آخره حرمان
مايحتبس في صدر الآمال عذري

لو كان لي بالوقت هيبه ولي شان
ماكان شفت الجرح يبتزّ حبري

شـ اللي تريده يازمن مابك امان
يااصير وزرك او تصير انت وزري

تعبت اباخذ لي على غفلة أحزان
غفوه بها احلم في بدايات عمري



راقت لي

[/align][/cell][/tabletext][/align][/align][/cell][/tabletext][/align]