لا تعتذر ما للهجر منك تبرير

http://www.youtube.com/watch?v=Bc4AYSOwLAI


لاتعتـذر مـا للهجـر منـك تبـريـر
صـدك بليـا ذنــب والله ظليـمـه 00
_ ماصار لـي بعـدك يفـوق اي تصويـر
تجـددت كـل الجـروح السليـمـه 00
_ بـعـدك لعـب بي هاجـسـي والتفاكـيـر
وقلبن جريح وروح صبــــن مهيمه 00
_ ماغيـر اسلـي خاطـري بالمشـاويـر
اروح وارجـع والهواجـس مقـيمـه 00
_ ياحبـي اللـي بيـن بيـض الغنـاديـر
لك في عروش الـقـلـب قـدر وقيمـه 00
_ ان كـان صـدك ماخـذك عنـي للغيـــر
روّح ولـو إن الخسايـر وخيــــمـه 00
_ وان كانهـا عنـي خـذتـك المـقـاديـر
فالعفـو عنـد المـقــدره فيـه شيمـه 00
_ يامرحبـا والـحـب كـلـه معـاذيـر
تشفـع لـك أيـام الغـرام الـقـديمـه 00
_ يـوم الهـوى ليا زارنـي منـك أعصيـر
أضم في صدري من أجلـك نسيمـه 00
_ واليوم اصبـــر خاطـر الوجـد تصبيـر
واقول صدك عقب وصلـك جريمـه 00
_ وإليا جـاك منـي ياهـوى البـال تـقـصيـر
مواقـفـي ويــاك والله عظيـمـه 00
_ صخرت لك مشاعـر الشـوق تصخيـر
وامطرتـك بحبـن تقـفـاه ديـمـه 00
_ وظــلـلـتـك بجفنـي وصـارت مسافـيـر
يـوم الغـلا بيـن النديـم ونديـمـه 00
_ واليـوم ماتنـفـع كثـيـر المحـاذيـر
تـفـاقمـت بيـن النفـوس الحشيمـه 00
_ عسى سنينـك روض عشـب ونواويـر
محـد لنفسـه يرتضـي بالهزيـمـه 00
_ إمـا تخاوينـي علـى الشـر والخـيـر
والا السلامـه منـك راس الغنيمـه ..