من قال اني رخيصه

قامت من النوم ما لقت حد فالبيت..بدا الشك يتسرب لقلبها..
اخواتها ..اخوها..ابوها..كلهم مب موجودين..ولا جنس مخلوق في البيت..
دارت على كل البيت مافي حد!!..
صارت تفكر..وين سارو وخلوها بروحها؟!..
"شنو هذا وين سارو؟!..مره وحده اختفوا.." جمله تردد في ذهنها وعلى لسانها..
اتصلت على لمياء غير موجود بالخدمه..مفضي شحنه..على ريناد..ماترد..مابقالها الا بيت خالتها..
اتصلت..
سهر:الو..
.....:اهلين..
سهر:السلام عليكم..كيفيج رغد..؟!
رغد:بخير..انتي شلونج؟!!
سهر:الحمدلله..الا رغد بغيت اسألج مافي حد من خواتي ياى عندكم؟!..
رغد"باستغراب":لا..ليش؟..
سهر"متجاهله سؤالها":لمياء موجوده..
رغد:لا ..حتى اهي..
سهر:الله يستر تعرفين وين سايره؟!..
رغد:مادري بس اهي يوم سارت سار وياها..
عمي محمد وعمي سعد..ويدي ويدتي..
سهر"بدت تقلق":الله يستر كلهم اكيد شي جايد.. ليكون شي صار لهم..
رغد:ايه والله الله يستر..انتي عندج حد؟!
سهر:هني المشكله انا بالبيت بروحي..وماحد سأل فيني..
رغد"مستغربه":من متى..
سهر:من اول ما نشيت..حوالي الساعه 1-2 مثل جذي..
رغد:والصلاة..؟!
سهر:الله يهديهم ما وعوني اصلي .. فصليت اول ما نشيت...
رغد:ياللـــــه وكل هالوقت بروحج؟!..
سهر:ايه..الا يارغد ممكن تقدمين لي خدمه..؟
رغد : امري..
سهر: اتصلي بموبايل سحر شوفي وين سارت له..ما اقدر اتصل وانا اكلمج..
رغد:اوكي..اللحين؟!..
سهر:اذا ما عليج امر..
رغد: ولو احنا نعين ونعاون..دقايق.."اتصلت بها وحطت التلفون في اذنها الثانيه وسماعة التلفون في الاذن الاولى "
"بعد لحظات"
سهر:هاه بشري.. شنو ردت عليج..؟
رغد: يعطيني مغلق..
سهر:اتصلي مره ثانيه..
"بعد لحظات"
رغد: ماكو رد..تصديقن اتصل في ابوي احسن..
سهر:اوكي..انا بصكر يوعانه..بعد ما تخلصين من اتصالج اتصلي بي ..اوكي.؟
رغد:اوكي..
"هدوء البيت تكرهه..صحيح ان البيت مب مزعج لذيج الدرجه..لكن في صوت في ناس ياكلون ويشربون ويعيشون حياتهم الطبيعيه وحتى لو فيه شوية مضايقات..واكيد كل واحد يعرف ان البيت الخالي من أي حد وما عدا بنت عمرها ماتخطى 15 سنه..اكيد بتستوحش من الهدوء القاتل..،..راحت ادور على شي تاكله..او بقايا غداء..مالقت بقايا الغداء واستغربت انهم اليوم ماطبخوا وخاصه ان ابوها لازم ياكل وجبه دسمه يومياً..شي غريب .. حست كأن البيت انهجر من اهله ..وانهم مب ياين مره ثانيه..ارتعبت من هالفكره وحاولت تبعدها عن بالها .. وسوت ساندويش و عصير..وحبت تلهي نفسها فطلعت من المطبخ وراحت لحجرتها..تحل الـHomework بما ان باجر وراها مدرسه..وتاكل في نفس الوقت.."
------------------------------------------
يالس يهرول..في النادي..بعدين خفف هرولته حتى تحولت الى مشي تدرجياً..
خذته الافكار..صح اهو قرر يلعب فيها بس حرام البنت ماسوت له شي ..ما كلمته بكلمه مايعه وماصخه..وما شافها الا مره وحده..وبعدين واضح على شكلها الغرور وشايفه عمرها على شنو مادري..ليش اربط عمري بها..اطلقها احسن..وارتاح من همها..عيل انا بنت تاخذ من تفكيري يومين ..وياليتها تسوى .. الا بنت فقارى.. طماعين..ما يسوون بيزه..،..وتم يمشي لمدة ساعه مثل عادته اليوميه..
طبعا يتخللها مكالمات مايعه و ماصخه من بنات الناس الله يستر عليهم..
------------------------------------------
بعدهم على حالت القلق..وزاد عندهم الخوف على ولدهم بعد ماعرفوا بأصاباته..
تبرع سعد بدمه لأخوه طارق..وطارق في غرفة العملية..وممكن تكون هذي العمليه تؤدي بحياته لا سمح الله بسبب تأخرهم عليه..
الجو متوتر و متكهرب بـ 220v ..ام سعيد واقفه تبجي وتدعي ان طارق يقوم بالسلامه لها..وبوسعيد يحاول يهديه وعيونه فاضت بأحزنه على شكل دموع قليله اللي تعني الكثير وتكسوها الحزن العميق..
سعد يالس على كرسي يراقب اللي حوله و يحاول يبعث فيهم التفائل بكم كلمه ..عداله بشوي لمى يالسه تطالع الفراغ والله اعلم في شنو تفكر..لمياء ماسكه محمد وعيونهم مليانه بقلق وترقب وانتظار..مليان بخوف من اللي ياي..
"يت من بعيد تدور عليها تبي تحاجيها..يت فوق راسها ..وكانت حاطه ايديها على راسها بتفكير.."
دانه:لمى.."سعد انتبه للبنت اللي تحاجي لمى "
لمى"رفعت راسها موجهه انظارها لدانه": شنو؟..
دانه:سحر رخصوها ..خفت ايبها هني وتتأثر ..
لمى:زين انج مايبتيها هني الاجواء متكهربه..
دانه: انا مب يايه عشان اقولج هالحجي انا يايه اقولج شرايج اييبها وياي للبيت؟..
لمى:بيتكم؟..
دانه:ايه..
لمى:صعبه يا دانه ابوي يي ومايلقاهم انا مب ناقصته بروحي اللي فيني مكفيني..
دانه:عيل تبينيهم ييلسون بروحهم بالبيت..
لمى"بدت تقتنع":خلاص .."قاطعه سعد"
سعد:شنو خلاص .."التفت له لمى بنظره تقول(شدخلك) وحاجب مرفوع"..هذولا بنات خالتي وانا ما أرضى يروحون بيت غرب..
لمى"الظرف ما يسمح لها تجادله او تحسم الموضوع فقالت بهدوء":عيل وين نحطهم؟..بالمستشفى؟!!!..
سعد"ياحلوج وانتي هاديه":لا نحطهم فبيتنا..و احنا بعد نروح وياهم..
لمى"باستغراب":احنا!!!منو تقصد؟؟..
سعد: ((انا وانتي))..((امي وابوي))..((لمياء ومحمد)).. ما أظن يلستنا هني بتفيدنا بشي..
لمى:خلاص احنا نروح بيتنا وانتم تروحون بيتكم..بس اول من يطلع من هني خالتي مب مخلينها اهني بروحها لو شنو..
سعد:عين العقل..انا بسير اقوللهم.."وراح"
"يلست عدالها وقالت بتعجب"دانه:هذا سعد؟.!!!
لمى:اييييييييييه..
"من نبرت لمى عرفت دانه ان لمى متضايقه مب رايقه للسوالف..فسكتت..وصارت تراقب سعد وهو يحاجي امه ويحاول يقنعها وامها رافضه تمام ارفض انها تسير عن ولدها..يأس منها سعد و ياى صوبهم..و دانه ابعدت نظرها عنه.."
سعد"بصوت هادي و آسر":لمى..امي مب راضيه تقتنع..سيري اقنعيها اهي تعزج وتحبج وغلاتج من غلات المرحومه امج..
لمى"اومأت براسها بأيجاب و راحت بتجاه خالتها..والعيون اللي تراقبها تقول"ياحلوج اذا صرتي مطيعه"
-------------------

قعدنا نص ساعه ننتظر دانه تيي اهي وياى لمى..يت لمى بروحها..
لمى:يالله سحر..انتي ويارا بنروح لبيت خالتي..
سحر:بيي ويانا طارق..
لمى:لا ..
سحر:عيل مب رايحه..
لمى"بعصبيه":سحر مب وقت العناد قومي احسن لج..
سحر"بستسلام":طيب.."تهز راسها بايجاب".. طيب بيي وياج..بس هدي اعصابج شفيج صايره عصبيه؟..
لمى"شافتها بنظره حارقه سكتتها"
ركبو السياره بعد ما ودعت دانه .. وكان اللي يسوق سعد و عداله لمى..
و وراهم سحر و يارا..
و تذكرت يارا بنت منسيه..
يارا"شهقت وصفعت خدها بقوه":هييييييييييييييييي نسينا سهر بالبيت.."مسكت خدها"اي يعور..<<تقصد الصفعه..
سحر:ويييييييي من الصبح مخلينها بروحها..سعد ولي عافيك سير لبيتنا ناخذها..
غير اتجاهه لبيتهم..وطول هالوقت لمى ساكته راسها فاضي مافيه شي يذكر..
شالو سهر معاهم..ووصلوا للبيت..
وكان ابو سعيد وام سعيد و لمياء ومحمد سابقينهم للبيت..
دشو البيت يلست لمى عالكنبه بتعب..وكان في الميلس لمياء و يارا وسهر و رغد و جاسر اما ام سعيد و بو سعيد و سعد و محمد و سعيد اللي تفاجئ بالسالفه لانه كان وقتها بالدوام.. يلسو بالصاله..
****في الميلس****
يارا كانت تثرثر عن الحادث لسهر و رغد و جاسر اللي كانو يسمعون لها بشغف و فضول كبيرين و كأنهم يشوفون فلم على احد القنوات...فم مفتوح..<<جاسر..عيون مبققه..<<رغد .. حواجب مرفوعه..<<سهر..
يارا:وفجأه دعمنا مدري دعمتنا سياره...
جاسر"بحماس":وبعدين سرعي..
يارا توها بتنطق...
"بعصبيه ما قدرت تكبتها سكتت لهم وايد"لمى:خلاااااص عاااااد"التفت لها العيون الثلاث المتابعه مع عيون الراويه"..
لمى"تكمل كلامها":شنو انتو فاظين للقافه وبس ..ما تدرون ان طارق طايح بالمستشفى مريض..
يارا&سهر&رغد&جاسر:"شهقو بقوه وعيونهم تبققت"هيييييييييييييييييييييييييييييييييييي ..
لمى: بس خلاص ماقدر استحملكم قوموا عن ويهيي..
سهر تهمس في اذن رغد:شنو فيها معصبه؟
رغد"بهمس":تقولج طارق في المستشفى ما تسمعين..
لمى"تحاول تهدي اعصابها بعد الثوران المفاجئ اللي ما قدرت تسيطر عليه":اظن سمعتو كلامي؟؟!!!!...
قامو الرباعي المزعج و طلعوا ..
سحر"بألم":لمى؟..صدق اللي تقولينه ..
لمى " للحين فيه بقايا من العصبيه":اييييييييييييييييييييييييه..
سحر"بصوت هادي":وليش خلتوه بروحه؟؟!!
لمياء" توها بتتكلم.."
لمى"قامت بطولها":يالله سحر بنروح بيتنا.."ومشت للصاله عند خالتها..
لمى:السلام عليكم.."الاجواء خفت حدة توترها لكن الى الان فيه دموع منسابه"
الكل:وعليكم السلام..
"وجهت نظرها وحجيها لسهر ويارا"لمى:سهر ..يارا..يالله بنسير للبيت..
ام سعيد"من بين حزنها":لا يا بنتي احنا ما تفقنا على جذي..مب قلت اني ما بسير البيت الا وياج..
لمى "لفت على خالتها بابتسامه جميله و بسيطه رصدتها عيون":معليه خالتي بيتج ورجعتيله خلاص ..خلصت مهمتي..
ام سعيد:لا يا بنتي مب رايحه من هني الا اذا رحنا للمستشفى نتطمن على طارق..
"وافقت من ورى خاطرها بعد زن خالتها عليها..مع انها تبي ترتاح، من الظهر و اهي واقفه على ريلها بس عشان خاطر خالته بتيلس"لمى: اوكي.."ولفت بتسير تيلس في كرسي عطرف"
ام سعيد:وين سايره تعالي يلسي يمي..
"القت نظره و شافت سعد عدال خالتها و بو سعيد من صوبها الثاني.."
لمى:انزين وين ايلس؟؟..!!
" وسع لها سعد مكان .. بعدها راحت و يلست عدال خالتها..يلسوا يارا و سهر واللي كانوا واقفين عدالها طول فترة المحادثه..وسعيد يم بنته رغد..ومحمد يالس يم سعد..يلست لمى ساكته وخالتها كل دقيقه والثانيه متصله بالمستشفى..و بصراحه كسرت خاطرها .. فجأه قطع حبل افكارها صرااااااااااخ يمها و بتحديد من خالتها ام سعيد.."
-=-=-=-=-=-=-=-=-=-=-=-=-=-=-=-
# يا ترى شنو بيصير مع ابطال قصتنا؟؟!!..

>><البـ السادس ـارت><<
لمى:السلام عليكم..
"الاجواء خفت حدة توترها لكن الى الان فيه دموع منسابه"
الكل:وعليكم السلام..
"وجهت نظراتها وحجيها لسهر ويارا"لمى:سهر ..يارا..يالله بنروح للبيت..
ام سعيد"من بين حزنها":لا يا بنتي احنا ما اتفقنا على جذي..مب اتفقنا انج بتيين معي البيت و بتيلسين..
لمى "استدارت على خالتها بابتسامه جميله و بسيطه رصدتها عيون":معليه خالتي بيتج ورجعتيله خلاص ..خلصت مهمتي..
ام سعيد:لا يا بنتي مب رايحه من هني الا اذا رحنا للمستشفى نتطمن على طارق..
"وافقت من ورى خاطرها بعد حن خالتها عليها..مع انها تبي ترتاح، من الظهر و اهي واقفه على ريلها بس عشان خاطر خالتها يلست"
لمى: اوكي.."ولفت بتسير تيلس في كرسي عطرف"
ام سعيد:وين سايره تعالي يلسي يمي..
"القت نظره و شافت سعد عدال خالتها و بو سعيد من صوبها الثاني.."
لمى:انزين..بس وين ايلس؟؟..!!
" وسع لها سعد مكان .. بعدها راحت و يلست عدال خالتها..يلسوا يارا و سهر واللي كانوا واقفين عدالها طول فترة المحادثه..بو سعيد يم سعيد و اللي يمه بنته رغد عطرف..ومحمد يالس يم سعد..يلست لمى ساكته وخالتها كل دقيقه والثانيه متصله بالمستشفى.. صج كسرت خاطرها .. فجأه قطع حبل افكارها صرااااااااااخ يمها و بتحديد من خالتها ام سعيد.."
*******************************
مات طارق
..
..
..
..
..
..
..
هذا اللي خطر على بالهم في هذيج اللحظة..
لان نسبة نجاح العملية كانت 30%
لكن ربي اكرمهم بنجاة طارق ..
****************
العيون كلها مبحلقه في ام سعيد .. ينطرونها تنطق وكلهم قلق ..
ام سعيد " وهي تبجي محد يعرف السبب و فإيدها التلفون": ولدي طارق .. ولدي طارق..
لمى : بسم الله خالتي شفيج؟!!!!!!!شفيه طارق!!!!!..
ام سعيد: ولدي طارق.."وتنزل دموعها مثل الوبل"..
سعيد" متوتر ": شفيه يمه قولي..
بو سعيد سحب التلفون من ايد ام سعيد بدا يسأل .. شنو صار..
و في نفس الوقت نطقت ام سعيد"من بين دموعها": نجحت.. نجحت العمليه..الحمد لله..و الشكر..
تهللت الوجوه بسعاده .. وحمدوا ربهم على الهم اللي طاح عن كاهلهم..
لمى "مب مصدقه" : متأكده!!!
ام سعيد"من بين دموعها": متأكده يا بنتي متأكده..الحمد لله.. الحمد لله..
لمى"براحة كبيره":"تنهدت"آآآآآآآآآآه..الحمد لله..تستاهلون سلامته..
بو سعيد:شششششششششششش.."وهو يبعد التلفون"..ممكن تسكتون شوي.."عم الهدوء ما عدا صوت بو سعيد اللي يكلم"
ايه..الحمد لله .. الله يبشرج بالخير يا بنتي..نقدر نيي نشوف ولدنا؟؟!..
خلاص..مع السلامه..
"سكر التلفون"بو سعيد"بابتسامه واسعه":الحمد لله على كل شي..
هدى الميلس شوي..
سعيد"باستغراب":يبا متى بنروح لطارق..؟!
بو سعيد: الا انا بروح وياك و اخوانك بعد...لكن بعد ساعه ان شاء الله عشان يصير تأثير البنج خف شوي..
ام سعيد:انا مب قادره اصبر ابي اروح اللحين..!!
بو سعيد:الله يهديج ولدج بيصير تحت تأثير البنج ..يعني مب حاس بشي..!!
ام سعيد:انا بروح رضيتوا ولا ما رضيتوا بتطمن على ولدي و ضناي..
بو سعيد:ان شاء الله ..ما يكون خاطرج الا طيب..
لمى"وايدها على خصرها":وانا مب رايحه وياكم؟!
بو سعيد:لا يابنتي حنا تعبناج اكثر من اللازم..انت ارتاحي و باجر تعالي..
لمى:ولو عمي"تقولها احتراماً له" هذا واجبي.."قامت و حبت راس خالتها"يالله مع السلامه خاطركم في شي؟.."خاصه وانها تعبانه و محتاجه للراحه.."
الكل:سلامتج..
ام سعيد:يمه وين بتروحين..
لمى:الحمد لله ..طارق و قام بسلامه..انتهت مهمتي..
ام سعيد:اللي يريحج يا بنتي .. اكيد تعبانه..في حفظ الرحمن..
لمى:سهر..يارا..يالله مب ناوين تيون وياي ؟؟!
يارا:الا..افا عليج ..سرير يناديني..
"وقاموا وياى لمى"
اتجهت لمى للمجلس تشوف اختها سحر عشان تروح وياهم..
بس شافت اللي شافت ما قدرت تمسك نفسها..
لمى:ههههههههههههههههههههههههههههههههههههههه..
"سحر راقده عالصوفا(الكنب) بشكل مضحك .."
يارا:هههههههههه..سحر..سحر..يالله نشي بنروح..
"فتحت عيونها وكانت حمر..واستقعدت"
سحر:طارق..صار فيه شي..
لمى"بابتسامه":الحمد لله ربي قومه بسلامه..يالله مب ناويه تيين ويانا؟!
سحر"بابتسامه ناعسه": الحمد لله ..الله يطمنج مثل ماطمنتيني.."يت بترجع تكمل نومها"
لمى"بمرح":يالله اقولج بنروح للبيت..
سحر:"وقفت"اللحين!!" تداركت الامر"
طيب ..دقيقه بغسل ويهي وايي.."راحت غسلت ويهها ورجعت"
يالله توكلنا على الله..
لمى"تدور على لمياء":طيب وين لمياء؟؟!
سحر"وهي تتثاوب":راحت لحجرتها تنام..
يارا: نروح نودع خالتي وياى بعض..مب حلوه نروح من دون ما نقول لها..مو؟!
لمى:عفيا عشاطره..صح عليج..
-------------------------
جاسم يكلم بالموبايل وحده من رفيجاته ..
اندق الباب 3 مرات..
جاسم"يحاجي رفيجته":لحظه في حد عند الباب..بكلمج بعدين..
"سكر الموبايل.."
جاسم: تفضلي ..
فتحت الباب...
ام جاسم "فجت الباب و قعدت يم جاسم و على ويهها علامات الزعل":السلام عليكم..
جاسم"مستغرب": وعليكم السلام ..شفيج..في شي صاير..
ام جاسم:زعلانه..):
جاسم:شفيها ملكة القلوب،، انا مزعلج بشي..
ام جاسم:ايه..
جاسم:لا عاااااد كل شي الا امي الغاليه امري تدللي شتبين مني ؟!!..وانا حاضر..
ام جاسم:اللحين جم لك و انت متملج على لمى..
جاسم"قطب":مين لمى..؟!
ام جاسم:شفتا يحق لي ازعل ولا لا ..
زوجتك ما تعرف منهي؟؟!..جانك نسيت أذكرك..ألي ملجت عليها الخميس اللي راح ..تذكر و لا لا ؟!!!!!!..
جاسم:ايييييييييييييييييييييه تذكرت تذكرت..والله يا يما ما ودي افشلج لكن انا شلت الموضوع هذا من بالي..
ام جاسم:و على أي اساس..و على حسب كلام ابوك انك رفضت تشوفها..
اذا شفتها و حاجيتها..ذيج الساعه فكر تشيل الموضوع من بالك..
وبما ان اليوم راح علينا بنزورهم ان شاء الله انا وياك باجر يعني يوم الأحد..
و لا تخيب ظني .. ابي افرح بك قبل ما تيي منيتي..
" كان منصت لها في كل كلمه تقولها.. بعدها قامت من عنده.. "
جاسم"يمزح":انزين بجرب اخذ بنصيحتج .. و اصير ولد مطيع.."يستهبل" بعدين تشترين لي من الجمعيه كرتون سنكرز هديه للولد المطيع خلاص ماما..
ام جاسم:شاطر حبيبي عفيه عليك..
"و طلعت من الحجره"
جاسم:"تنهد تنهيده طويله" ..والله ابتلشت..استاهل ..حد قال لي وافق..
يالله اهم شي نرضي الوالدة..بعدين اقولها ان البنت مب عايبتني..
------------------------
كانت يالسه تاكل اهي ويا عمتها ام يعقوب و ريلها..
و ولدها عبدالله و نوره..و اخت يعقوب شجن
ريناد"بعد ما شربت الماي":عمتي متى ان شاء الله بنزور طارق ولد خالتي نتحمد له بالسلامه..
ام يعقوب"وهي تشيل سمجه لشجن" :والله مادري يابنتي اللي تشوفينه سويه..شجن هاج السمج..
شجن"داشه عرض":تراني بروح وياكم..نوري هاج السمج انا ماحبه..
ريناد"ابتسمت":اكيد انتي أولنا.
شجن"ابتسمت ابتسامه عريضه":زين تطمنت على مستقبلي..
يعقوب"بسخريه واللي كان طول الوقت يراقبهم":مستقبل مره وحده..دام هالزيارات مستقبلج عيل نقول عليج السلام..
عبدالله:عمتي عطيني سمج انا احبه ..
شجن:هاك ما ادري شنو تحبون فيه..لوعه..
ام يعقوب:لا تقولين على نعمة ربج لوعه..
شجن"استحت":ان شاء الله ..
---------------------------
قامت سهر من الصبح اهي ويا يارا..
يارا تحوس بالمطبخ تدور على كورن فليكس..
يارا"تدور في احد الدواليب لين يأست":ماتدرين وين حطيتيه امس!!
سهر"شعرها مسويته ذيل الحصان و في خصل صغيره طايحه على ويهها..و
قاعده فوق الطاوله تشرب كاس جاي و تقرا مجله .. ":
كم مره قلتلج انا ما ذقت منه شي لا امس ولا اليوم ولا باجر ..ما احبه..افففففف"كانت في خصله فوق خشمها وطارت من الرياح الي يتها"
يارا:عدال لا يطير شعرج..شوي شوي عليه..
سهر:عنااااااد..ابففففففففففففففف..
يارا"عقدت يدينها ":انزين انا شنو افطر انتي تعرفيني..
ما اعرف افطر على شي غيره..
سهر:انتي تحبين بيض طماط اكليه..
يارا:يبغاله طباخه تطبخين لي..
سهر:مالي خص فيج اعتمدي على نفسج..
يارا"تمثل":اهئ اهئ اهئ..انا اختج حبيبتج ..الصغينونا..
اهئ اهئ..
سهر:حيلج ما تمشي علي ..ما تعرفين تمثلين..
يارا"رجعت لحالتها الطبيعيه":انزين ترضين علي ان اتضور جوعا و قد اموت بسبب هذا..!!
سهر:نعم ارضى عليك باكثر من هذا..
يارا:اففففففففف..خلاص مب ماكله .."طالعتها بنظره جانبيه"احسن خلني اموت..
سهر"وهي تقرى المجله":احسنين..
دخلت عليهم لمى بالبجامه..و رافعه شعرها
لمى:صباح الخير..
يارا انقضت على لمى ومسكتها..
سهر"تشرب من كاسها و ترجع لمجلتها":صباح النور..و السرور..
يارا:يا احلى و اروع واحن اخت في الكون على اختها..
لمى"بابتسامه بسيطه ما تيي هالكلمات الا وراها شي":امري شتبين؟!!..
يارا:كورن فليكس..
لمى:بتلقين في المطبخ..
يارا:لا ما لقيته..الدبا سهروه باقته و كلته كله..
سهر"بنظره حاده":تجذبين..ولا بعد مسويه كونان ..وانا اقولج المتهم بريء حتى تثبت ادانته..
يارا"تلتفت للمى و تعطي ظهرها لسهر":هذي خلج منها،،شرايج نشتري كورن فليكس يديد؟!!"بنظرة استعطاف"بلييييييييييز..
لمى:سوري هذي صعبه .. توني قايمه..
يارا"فكتها..بستسلام مع شفايف ممططه":طيب خلاص ..يصير بيض طماط..
لمى:يصير و انا بفطر معاج..راضيه يالدلوعه..
يارا:راضيه الا نص..
سهر"تتطنز":راضيه الا نص..احمدي ربج بتسويلج ..قاعده تدلع"وجهت كلامها للمى" والله يا لمى دلعتيها وايد..
يارا:خلج مع مجلتج احسن..
دخلت سحر المطبخ..
سحر:و ابرك...بس على شنو..
سهر: مشكلة اللي يدشون عرض..
لمى"حاطه ايدها على خصرها": امتى بتخلصون!!..
يارا"وهي تقلد حركتها":ايه امتى بتخلصون..؟
سحر:بسم الله كلتوني بقشوري..هاصكرنا فمنا"وحطت ايدها على فمها و راحت يلست على كرسي و هي على حالتها"..
توجهت لمى لثلاجه"البراد" و طلعت البيض والطماط و راحت لعند شبك صغير فيه بصل خذت منه شوي..
و قعدوا يارا و سحر عكراسي الطاوله..
يارا"تحاجي سهر":مب ناويه تنزلين!!..
سهر تقرى بصوت عالي و تقصد يارا:
ياللي تحدى لا تعب نفسك بطول انتظار
تبطي و انا في مرقب عالي و لا يعلى عليه
يارا:اذا خاطبك السفيه فلا تجبه
فخير من اجابته السكوت
فان اجبته نفست عنه
وان سكت فكمن به يموت
سحر"تصفق":روعه كملوا كملوا..
لمى "بعد ماغسلت الطماط ونظفت البصل.. تقطع الطماط و اتناظرهم بنظره جانبيه":انتو ما مليتوا من مناقركم؟؟!!
سهرنزلت المجله عالطاوله..و قعدت على كرسي..
سهر:خلصنا..
"سكتوا شوي"
سحر:لمى حسبتيني وياكم؟
لمى:ايه..
سهر:الا بنات شفتوا ابوي اليوم؟!!
لمى:انا عن نفسي لا..
سحر:me two
يارا:وانا بعد..
لمى"لفت عليها مستغربه":ليش تسألين..
سهر:امس ما جفته ولا حتى اليوم..غريبه مو من عادته..
يارا:انا ملاحظه هالايام روحاته وايده..
لمى:اهو حر يسوي اللي يبيه..مالنا خص فيه..،
"ابتسمت"الا شسويتوا بعد مارحت..شسوا ابوي!!
سحر"بلمت":هاااه..
لمى"استغربت منها الا ان كشفت الغموض يارا"
يارا:اييييييييييييييي سوالف وايده..
لمى"تحمست":شصار..
سحر"ارتعبت":ما صار شي ماصار شي..
يارا:لاتجذبين ..
سحر"عصبت ":انتي سكتي..
يارا:مب ساكته..يو يوم رحتي..يوم الخميس ناس يخطبون..
طلعت سحر من المطبخ عحجرتها على طول خايفه من اللي بيوايها..
لمى"مبتسمه ابتسامه عريضه":ايه .."بنظرة انتصار"وابوي شسوى؟!
سهر: استقبلهم و دخلهم الميلس اهو وياى زياد...
لمى"عقده حواجبها":ما كان معاهم أي عنصر نسائي..
سهر.:never..
يارا:وبعدين دخل على ما أظن الملة(المأذون)..
هني بدت الاشياء تتعقد قدام لمى..وتحمست اكثر تبي تعرف ابوها شسوى وياهم..
لمى:انزين وبعدين شصار..؟!!
سهر:ابداً..دقايق و نسمع ابوي يبارك و بعدين تعشوا الريايل و طلعوا..
لمى"وهي شغلت الفرن وبدت تسوي بيض طماط":جذي..و من هي العروس؟!!..
يارا:I don't know..بس على ما أظن أن ما خانتني الذاكره..أن أبوي طلع من حجرتج وهو معاه على ما أظن دفتر عقد القران مدري النكاح ..و سحر اسمع صوتها تبجي..
لمى..اهني ياه تأنيب ضمير .. يعني سحر اللي تزوجت وهي صغيره بسبتي وبسبت انانيتي..عشان جذي كانت تبي يارا تسكت عشان ماتذكرها بمصيبتها..اروح اشوف شنو فيها احسن لي..
لمى:سهر حبيبتي ممكن تجوفين الفرن..
سهر:امممممممممم افكر..
لمى"مالها نفس":يالله عاد..ما عندي وقت..
سهر"قامت من الكرسي و سكرت الجله اللي معاها":اوكي..
لمى: يارا سوي جاي..
يارا امسكت مكانها ولمى غسلت ايدينها وراحت تشوف سحر..
و رثت لحالها عشان السكير اللي تظن ان اختها خذته..

في حجرة الدكتور المعالج..
عبد العزيز"مب قادر يصدق":شنو ؟؟!!!!!!!!!..
سامر"بخوف ممزوج بقلق":انت متأكد من اللي تقوله دكتور؟!!..
الدكتور:للأسف متأكد 100%..
عبد العزيز"بخيبة أمل":يعنيييييي.."و سكت مو قادر يتصور اللي يصير"
الدكتور:هذا قضاء الله وقدره..
سامر:نقدر نشوفه..
الدكتور:تفضلوا وياي..بس بدون ما تضغطون عليه خلوا على راحته..
تبعوا الدكتور لحد ما وصلهم لحجرة رامي..
دخل سامر الحجره ومن وراه عبد العزيز..
شافوا رامي راسه مربوط بشاش ابيض..
سامر:السلام عليكم..
رامي" بهدوء شديد": وعليكم السلام..
رامي مشى لحد السرير ووقف..
و عبد العزيز يلس على الكرسي اللي قريب من السرير..
وقال "ببصيص من الامل":تعرف من أنا؟؟!!
رامي "بنظرة انكسار و شعور بالبؤس لنفسه":لا..أنا انتظركم تتحجون وتقولون لي من أنا ومنو انتم!!!!..
------------------------------
سحر يالسه على سريرها ترتجف و تصيح ..
تنتظر لمى تدخل عليها في أي لحظه تناجرها و تهاوشها ..
دخلت لمى بنظرات اشفاق و حسره..
انفجرت سحر بصياح اول ماشافتها و خبت راسها بين ذراعينها وركبها..
قطعت قلب لمى.. توجهت لمى لسرير سحر و يلست يمها و احاطتها بيدينها..
لمى:خلاص حبيبتي هدي عمرج ..انا بتكفل بالامور و خلصج من اللي فيج..
رفعت سحر راسها ببطئ و عدم تصديق ..و دموعها سايله ..
سحر:يعني مسامحتني و بتخلصيني من كل شيء ..من من هالكابوس..
يعني ما تكرهيني؟!!..
"مسحت دموع سحر بهدوء"لمى:دموعج ما يستاهلها واحد زيه ..
"وباصرار "وانا بنتقملج بحررج من هالكابوس..
"قامت"
لمى"بابتسامه بسيطه":يالله اخليج ترتاحيني و تغسلين ويهج..واشوف ابتسامتج..
و قبل لا تطلع لمى
سحر"بعقدة الذنب و نظرة استعطاف":لمى ..امتى بنزور طارق ابي اشوفها..
لمى:ان شاء الله اليوم..و بعدين حبيبتي واضح من شكلج انج متحمله ذنب الحادث ..صدقيني الحادث من قضاء الله وقدره .." وبمرح اضافت"..و بتقولين لي وين كنتو ناوين تروحون بدوني..
طلعت و صكرت الباب وراها..
قامت سحر و توجهت للحمام اللي يصله بالغرفه ممر صغير..
غسلت ويهها .. وصارت تفكر .. "مب معقوله الي سوته لمى وياي
اكيد فاهمه غلط..آآآآآآخخ الله يستر .. ردت فعلها مب معقوله ابداً.."
-----------------------
بو زياد يكلم التلفون في مستشفى و بتحديد في قسم النساء و الولادة و الاطفال..
في احدى الغرف اللي فيها حرمه في العشرينات مع ولدها اللي مايتعدى عمره 11ساعه.!!
بو زياد:طيب ..طيب .. مايكون خاطرك الا طيب يابو جاسم..
ان شاء الله ...يالله فمان الله..
ام خالد:منو هذا يابو زياد..!!
ابو زياد"بابتسامه واسعه":انا بو خالد الصغيروني مو بو زياد..يا حبيبتي ."مد ايده لها ".عطيني ولد ابوه ..
ام خالد"عطته الولد":الا منو هذا..!!..
بو خالد(زياد) وهو يحب الولد الصغير و من بعدها يلس على الكرسي اللي يم السرير..:هذا الله يسلمج ابو زوج لمى..
ام خالد:شسم زوجها..؟؟..
ابو خالد:اللي كلمتج عنه جاسم..
ام خالد"مثل اللي يمشي في ارض ملغمه": بس سمعته مب زينه ..
ابو خالد"بحزم وهو يحط الولد":انا ما قلت لج علميني الصح من الغلط..
عم الهدوء الغرفه الا ان دخلت نرس فلبينيه تبي تاخذ الولد..
عطاها بو خالد الولد..و طلعت ومعاها خالد الصغيرون..
ام خالد"بنعومه":طيب شيبي منك..؟!..
بو خالد : جاسم يبي يشوف زوجته لمى..

>><البـ السابع ـارت><<
يوم الأحد
"غرفة سحر و لمى"
دخلت لمى بجلابيتها على سحر..اللي بدلت بجامتها ولبست لها جلابيه و قاعده تعدل شعرها قدام المنظرة ..
لمى"بابتسامه":يالله حبيبتي الفطور جاهز..
سحر"توها بتنطق":آ..
لمىحطت ايدها على فم سحر":خلاص ..لا تيبين طاري السالفه.."توجهت للباب"..انا بروح للصاله لا تتأخرين علينا..لحقيني..
راحت ..ربطت سحر شعرها بسرعه ..
دخلت لمى مره ثانيه...
لمى: و حطي بعلومج اننا بنروح نزور طارق بعد الغدا عالساعه 2 جذي تجهزي ..
طلعت ولحقتها سحر بهدوء..
-------------------------------
"في بيت شجون بنت عمتهم"
شجون قاعدة تعدل نفسها قدام المنظرة .. دخلت بنتها سديم كانت متعدله لابسه بانطلون جينز و بلوزه سوداء عليها خطوط مبعثره و مشوشه بالسماوي الباهت..
و فاكه شعرها اللي لحد كتفها و ماسكته من فوق بربطات مطاطيه سماويه صغيره..
سديم :يالله يما..انا جاهزه..
شجون"التفت على بنتها":اوكي حبيبتي سبقيني للسياره..
سديم:انزين."راحت بتروح بس بعدين تذكرت شي و رجعت أدراجها"،.الا يما عمر بيروح ويانا؟؟!..
شجون :لا بياخذاه ابوج ويا اخوانج عند جدتج ..
سديم :يما بتحطيني عند يارا ..
شجون : ايه حبيبتي ..و يارا ما تدري لمى ما خبرتها انج بتيين..
"تمزح و تبتسم"يالله عالسياره مب ناويه تروحين وياي؟؟!!..
-------------------------
عند باب البيت اللي يطلع عالساحه الخارجيه..
وقفت لمى تعدل حجابها و تضبطه ..وسحر تنتظرها بتملل واضح..
و يارا تحن على لمى تروح وياها..
يارا:تكفيييييين لموي ..الله يعافيج..
لمى"بحزم":لا ..لا .. لا ..
يارا:انا اقولج تكفييييين..
لمى"بحزم زياده":لا يعني لا..حبيبتي كم مره بعيد كلامي!!..
يارا"عقدت يدينها وقالت بدلع":وانا شنو اسوي بروحي..اطق راسي بالطوف؟؟!!..
لمى:سويها عشان تزيد نسبة ذكائج.،.بعدين عندج سهر ايلسي وياها..
يارا"مدلعه شفايفها بدلع":وانا شنو تسويلي سهر..
لمى"بعدت ويهها عن المرايه":عيل ما تستاهلين المفاجأه اللي بييبها لج..
يارا "تهللت اساريرها و قالت باندفاع":بتاخذيني وياج."بابتسامه واسعه.".انا عارفه اني ما اهون عليج..
لمى"بابتسامة انتصار": ما حزرتي يا حلوه..
سحر"فاض الكيل":و انا شكو . "وتأشر على يارا"..أتأخر عشان حضرتها امتى تخلص حجيها..بالعه لها راديو.. "تحاجي لمى"..لمى يالله تأخرنا..
يارا:انتي شكو..اي والله .."توجه حجيها للمى" اهي شكو تروح وياج..
سحر"بطلع حرتها فيها"قربت من عندها":انتي سكتي ولا كلمه .. صوتج ينرفزني..
خلاص ما اقدر استحملج..
يارا"قربت ويهها اكثر":انتي اللي سكتي..انا اتحجى براحتي ..مالج خص فيني..
لمى"تشوفهم وهم يتناجرون":خلصتوا ولا بعدكم..
"سكتوا أحتراماً لها"..ساكتين هاه.. قبل ثواني كل وحده لسانه واصل لحد أذونها..
رن جرس البيت.."و جهت حجيها ليارا"
لمى:يارا تعالي اوريج المفاجأه ..جدامي يالله.."مشت جدام سحر بأنتصار"
لمى "تساسر سحر":هذا وانتي الجبيره والعاجل..عيل ما لوم هذي .."وأشرت على يارا"..
رفعت صوتها للمستواه الطبيعي"..انتي بعد جدامي..
سبقتهم يارا عالباب و فجته بسرعه طلت بويهها شافت جدامها سديم..
و لمى وسحر وراها يمشون..
"طايره من الفرحه وهي تركض لها"يارا:سديييييييييم .. يا بعد قلبي وروحي والله..
"ضمته بقوه"..هلا بختي القاطعه شنو هذا ما تزورين ما تسألين..
سديم:هههههههههه..أنقلبتي عيوز من وراي..
لمى و سحر سلموا على سديم..وعلى شجون اللي كانت في السياره تنتظرهم..
لمى تكلم يارا:ان شاء الله المفاجأة حازت على اعجابج..
يارا"رافعه راسها و تبعد بعض خصل شعرها بغرور":الحمد لله حازت على رضى سموي..
سحر"بعصبية":يالله عاد دشوا انتي وياها..بتأخرونا..
يارا طلعت لها لسانها و سديم قلدتها..و دشوا بعدها بسرعه..
ركبت سحر جدام بناءاً على طلب لمى..
تحركت السياره و وقفت سياره ثانيه مكانها نزل بو زياد منها ..
وهو يحجي روحه..يتحلطم على سيارته:خسها الله من سياره عتيجه ما تنفع لشي.."انتبه لسياره وللي فيها..
ابتسم و دش البيت..
---------------------
يارا تير سديم وهم يصعدون لطابق الثاني..في وسط الدرج..
سديم"بهمس":شنو فيه..؟!..
يارا"تعالي بوريج شي.."ناظرتها سديم بخوف"..سديم يالله عاد لا تقولين انج جبنه..<<تشبه الجبان بالجبن "التشيز بالانجليزي"..
سديم"تناظرها بخوف":منو تقصدين انا " هزت راسها يمين و شمال" لا ..لا مب جباانه..
يارا :انزين تعالي معاي..
صعدوا الدرج كله..ألقت نظره يارا عالرايح والراد..و شافت ابوها..
يارا:ويه ابوي اهني..هكوه قاعد يصعد ..يالله تعدلي و سلمي عليه ان شاء الله ما تصير مشاكل..
سديم"ملتزمه الصمت مع شوية قلق..<<متعوده المسجينه على مغامرات يارا"..
صعد الدرج كله "بو زياد:انتو هني..
يارا"بهمس":لا هناك .."ابتسمت سديم غصبن عنها.وهي ماسكه ضحكتها"..
تو جهت له يارا وو يهته..و سديم بعد.."كانت تعابير ويه بو زياد جامده.."
بدا بالسؤال او الاستفسار..
بو زياد:منو اللي راح من هني..؟؟!!..جني شفت لمى امبينهم..
يارا:ايه يبا اهي وياهم .."و سديم عدالها مثل الصنم"
بو زياد :ويا مين..؟
يارا:ويا..شجون بنت عمتي ..و سحر..
بو زياد:اها و زياد موجود..؟
يارا"تحقيق مب أسئله":لا..مب موجود..
بو زياد : انزين قوليله اذا يا يتصل فيني..انزين؟!!..
يارا"وهي تهز راسها علامه على ايه":انزين..
نزل بو زياد وتتبعته يارا بنظراتها لحد ما طلع من الباب الداخلي و سمعت صوت الباب الخارجي يصكر بقوه..تنهدت بحرارة..
سديم:شفيج تتنهدين؟؟!!..
يارا:خفت يخرب علينا مغامرتنا..تعالي وياي يالله..
و يرتها من يدها..
سديم:ياويلج توديني لفوق السطوح ما احب الاماكن المرتفعه و الغبرا..
يارا"تتطنز":على امرج انتي بس امري وتدللي..اقول عاد جدامي يالله..
مشوا لحد حجرة زياد..ووقفوا عندها..
سديم"تهز راسها بقوه":لا..لا..ما بي ما بي..
فتحت يارا الباب متجاهلتها ويرت معها سديم..
صكرت الباب..
يارا تشوف ساعتها:جدامنا ساعه .. تعالي اعرفج على حجرة اخوي و اخوج<<لأنه اخوها من الرضاعه جانكم نسيتوا..
يارا تأشر على السرير..:مثل ما تشوفين هذا سريره الله يخلف علي..كم مره تمنيت اني اقامز(انطط-اقفز) فوقه و اليوم بحقق هالأمنيه.."سرير زياد مرتفع شوي والإسفنجه جبيره..تصلح للمقامز.."
سديم:ينيتي انتي.؟!
صعدت يارا من السرير وصارت بالوسط و الأعمده الاربعه حولي السرير تحاوطها..
يارا :تقريباً..
بدت تناقز بعدين فجأة لمحت شي ..جان تنزل..
يارا :سدووم..شوفي شنو موجود عالدريسر..(تسمى بالكمدينه عندنا بالسعوديه وعلى ما اظن تسمى عندهم جذي)
توجهت له اهي ويا سديم..
سديم "ببساطه":مجله..يعني شنو؟.!
يارا"مسجت المجله الاجنبيه":واي مجله..؟!
سديم:ليش مب حلوه..
يارا: قصدج مب نظيفه..هذي حركات الشباب..(رجعت المجله مكانها بدون ما تتصفحها..)
و توجهت للتسريحه..ووقفت عندها تتأمل الاشياء اللي فيها..
سديم"فوقها استفهام جبير و هي تتأمل غلاف المجله و اللي مب فاهمه من لغتها شي"
سديم:و انتي شدراج؟!
يارا:أعرف بس مب مهم من وين..تعالي هني شوفي..
سديم تقربت من المكان..
يارا"شوي و تضحك":تشوفين الكريمات..و بخاخات الشعر..
سديم "مسجت واحد":كريم تصفيف الشعر..
يارا"تضحك":خخخخخخخخخخخخخخخخ..كريم لتقشير مدري تصفيه للبشره..
سديم:كل الريايل عندهم جذي..؟
يارا"تضحك":خخخخخخخخخخخ قد شفتي عند اخوج مثل جذي..
"تحرك جتوفها بمعنى مادري"سديم:ما أظن..بس عند امي شوي منها مب زي جذي..واااايده..
يارا"بخبث":اذا هذا عالتسريحه عيل شنو اللي في الحمام..
توجهت له وو قفت عند الباب و سديم عند مكانها الاولي تفكر..
يارا :يالله تعالي.."تشوف ساعتها." ما بقى الا دقايق.."تشهق مصححه"..يا زياد اكيد اهو في الطريج..ياويلي..
سديم .."يتها ام ركب"<<خايفه..سديم:انا ماللي خص انتي اللي مخططه..
يارا"توجهت للباب":سكتي بتفضحينا..
فتحت جزء من الباب..و القت نظره لقته متوجهه وهو يدندن وهو مب منتبه لها..
صكرت الباب بدون صوت..
يارا"بخوف شديد":يا ..في الطريج..تعالي وياي..
سديم"فيها البجوه":مابي..خايفه..
يرتها يارا..
يارا: تعالي بس ما عندنا وقت..

دانه تكلم بالموبايل لمى..
دانه:لالا انا شنو يبيني وياكم ..ما يصير..
لمى:يالله عاد ..انتي كنتي وياي يوم الحادث ..تعالي معاي اليوم ..
دانه:لا و الله صعبه ايي ..
لمى:بنمشيها لج اللحين لكن اذا ردينا بناخذج ويانا للبيت اوكي..
دانه :اوكي..يالله باي ما عطلج..
لمى:الله وياج..
..صكرت..
سحر:شنو مب يايه دانه؟.!..
لمى:ايه..ما رضت تيي تقول انها بتيينا في البيت..
سحر:على راحتها..
شجون"بابتسامه":كفاكم قرقه و حجي وصلنا..
نزلوا من السياره .. ودخلوا للمستشفى..
ركبوا اللفت ..
سحر"بخوف":اهو في العنايه؟؟..!
لمى:لا اليوم استقرت حالته و طلعوه منها..
سحر + شجون: الحمد لله..
سكتوا شوي وصل اللفت لطابق الثاني ..و طلعوا منه..
وهم في طريقه للحجره دار بينهم هذا الحوار..
لمى:بتيي خالتي ..؟..! و ريناد..؟نسيت اسألها..
شجون:ايه بس ما دري امتى؟..!..
و قفوا عند وحده من الحجر..
سحر..:149..
لمى:طارق ال(0000)..
شجون:معناته وصلنا ..
فتحوا الباب بخفه ..
سحر + لمى + شجون"بصوت هادي مطمئن":السلام عليكم..
سعد+ام سعيد"بصوت منخفض":وعليكم السلام ورحمة الله وبركاته..
تجدموا و بان لهم السرير اللي كان نايم فيه طارق و انبوب المغذي موصول بأيده اليمنى..و اليسرى مجبسه ..و على على الكرسي الملاصق لسريره على اليمين ام سعيد وفي اليلسه الصغيره المتألفه من 4 مقاعد يالس سعد ..
سحر "بابتسامه و بصوت هامس":نايم..
(توجهت لمكان ام سعيد و وقفت عندها و قالت بصوت منخفض مثل الهمس) : الحمد لله على سلامته..
ام سعيد: الله يسلمج..
توايهوا ويت لمى وشجون و وايهواها و يلسوا في المقاعد المتبقيه..
سحر:سعد..شنو يقول الدكتور عن حالته ..!؟
سعد"وهو يطالع طارق":مستقره..
سحر:الحمد الله..
دارت بينهم احاديث متنوعه..
في هذي الاثناء اندق الباب عدت دقات دخل بعدها ريناد ..يعقوب..ام يعقوب..شجن..
ابتدوا بالسلام يعقوب سلم و تحمد لهم بالسلامه..فج طارق عيونه بصعوبه طارق على هالاصوات بذهن مشوش..و ريج يابس..
طارق بصوت واهن :ما..ي..مـــا..ي..
ام سعيد سكبت له شويت ماي في الكلاس اللي ينبها و ابتسمت له ابتسامه كبيره ..ضغطت على زر في السرير يرفع الجزء العلوي منه..قربت الماي صوب فمه و شربت اياه بكل حنيه و في عيونها فرحه فاضت..
ام سعيد:الحمد الله على سلامتك يمه..
الكل:الحمد الله على السلامه..
التفت طارق حوليه شاف كل اللي حوله بياض مستشفى يعني ما كان يحلم..كل شيء حقيقي يده اليسرى مجبسه..و بعد ريله اليمنى..وبطنه يعوره.. شالسالفه..؟..!..وين سحر و يارا ..كانوا وياه ..يوم استوى لهم حادث!!..اللحين بدت تترتب عنده الاحداث..
بعد قلاس الماي عن فمه..طارق"بصوت تعبان":وين ..سـ..حر..يا..را.؟!..وينهم..!..
ام سعيد:كلهم بخير حبيبي لا تحاتيهم..و نادت له سحر عشان يتأكد..
------------------
انخشت يارا اهي وسديم تحت سرير زياد..
سديم كانت بتموت من الخوف..و يارا كانت مبرده ومستمتعه..
دخل زياد..فتح الكبت و طلع منه ملابس ..بعدها دخل الحمام و قفله..
طلعت يارا من تحت السرير بسرعه و سديم وراها ..شردوا من الغرفة بسلام و امان..
-----------------------------
رجعوا من المستشفى ..و بعد إصرار وحن من سحر ..وافق يعقوب ان شجن تيلس عندهم..
شجون راحت لبيتها ومعاها بنتها سديم..
مرت ساعتين تقريباً و شجن و سحر يسولفون بالحجرة لحد ما صدعوا لمى..و طردتهم..
طلعوا من الحجره وهم يتحلطمون متوجهين للمطبخ يشربون كوفي ..
شجن"تكلم بطنازه سحر اللي باين عليها انها مبسوطه عالآخر و تشرب الكوفي..":فرحينا معاج..اييه شفتي حبيب القلب شعليج انتي..من لقى احبابه نسى اصحابه..
سحر"تضحك على اسلوب شجن ":ههههههه..الله يسامحج انا جذي..عالعموم..هذا السبب الثاني..توقعي شنو الاول..؟.!.
شجن:اممممممم..احترت..شنو مالي نفس افكر..
توها بتتحجى سحر..
شجن:عرفت ما يحتاي عشاني يايه عندكم و بقعد للمغرب..
سحر"بلهجه لبنانيه":ما حزرتي خيتوا..
شجن:استسلمت ..
سحر:صارت لمى عارفه باللي سويته فيها و سامحتني..
شجن:اختك هالايام صايره غريبه و مسامحه ..تتوقعين انفكت عقدتها..
سحر:لو تنحل قضية فلسطين ما انحلت عقدتها..
لمى:منهو هذي اللي ما بتنحل عقدتها..
شجن بصوت واطي:جبنا سيرت القطو جانا ينط..
سحر"تشوف شجن بنظره يعني لا تفضحينا":هذي رفيجتي بالمدرسة متعقدة من الكيمياء..
لمى " صدقت":اها..(سحبت لها كرسي و يلست معاهم..) شخبارج شجن..
شجن:عايشة بخير..
لمى:الحمدلله..(اخذت لها كوب كوفي..)..
سحر:دانه رفيجتج مب يايه؟؟..!.
لمى:ان شاء الله بتيي عالمغرب..
---------------------
المغرب..
روحت شجن لبيتهم..ويت دانه لبيت بو زياد او بو خالد دخلت البيت بعد ماجت يارا تفتح لها..سلمت على اللي فالبيت وراحت اهي ويا لمى لحجرة لمى..
وهم في نص السوالف و الاندماج..
لمى:اييييه ما عليج منها هذي دائما تجذب كأنها ياهل بو خمس سنوات..
دانه:عد شسوي ..من عقبج مرغمه اني اسمع لها..
فجأة سمعوا صوت بو زياد ينادي على لمى ..بس بدون صراخ ..غريبة!!
دانه"تبتسم":شوفي ابوج شعنده ..احس هدوئه بعد عاصفه هوجاء..فيه تكسير و مستشفى..
لمى"وهي تقوم":الله يستر ..بعد اذنج بروح له..
دانه:تعالي تعالي وين رايحه "وقفت لمى بنص الطريج "
لمى:شنو بعد..
دانه:خخخخخخ رجع لي اذني اللي خذتيها..
لمى :مالومج ما وراج شي ..كله تنكتين ولا على بالج ..اغبطج والله..
طلعت من الحجرة تشوف ابوها شنو يبي منها..
بو زياد"بوجه صارم":يالله تعدلي عشان تشوفج ام ريلج و ريلج..
لمىفي البداية توقعت انه يمزح لكن وجهه كان صارم وابوها مو من النوع اللي يمزح معاهم
سكتت تحاول انها تستوعب اللي ينقال بعدين قالت:من قال اني ابي اتزوجه..
بو زياد : انا ما اشاورج انا اامرج ..و انتي زوجة جاسم من زمان من يوم الخميس ..و اللي شردتي منه حصل ..و بتيين تسلمين عليهم غصبن عنج.."و راح"
استهلكت دقايق لحد ما استوعبت اللي انقال..(انا متزوجه من ذاك الخسيس ..!!..شلون..ما يصير ..اكيد انا احلم)
ارجعت لحجرتها و نست ان دانه اليوم يايتهم بالاصل..يلست على سريرها ..
وقالت:ما كو الا سحر اهي اللي بتفهمني..
دانه كانت اتابعها طول الوقت و تحاول لفت انتباها بحركات غبية نوعا ما..
دانه:لمى ..لمى..وين رايحة هذي اروح وراها احسن ..
-----------
كانت سحر تلعب ورقه وياى سهر و يارا..
يارا:حطي حطي هازمتج اليوم هازمتج..
دخلت لمى بطريقة مفاجأة ...
سهر"شهقت" :بسم الله الرحمن الرحيم..بغيت اموت بسبتج..
يارا:وعليكم السلام>تذكر لمى تسلم..
كانت لمى تشوف سحر بتركيز ..استغربت من نظرتها سحر..
سحر:في شي؟.!
لمى:ايه ..تعالي بكلمج..
تركت الورق من بين ايديها واهي ما تحمل ادنى فكره عن اللي بتقوله لمى لها..
طلعوا برى الحجرة ..و شافوا دانه في ويههم عند الباب..
لمى:دانه تعالي وياي..
استغربت سحر وايد شكل السالفه جبيره..
اتجهت لمى لحجرة وهم يتبعونها..
صكرت الباب..قعدت عالسرير..
لمى"اخذت تنهيدة عميقه":استغفر الله العظيم..سحر.."سحر انتبهت لها بجميع حواسها الخمس"..
لمى:انا ابوي قالي حجي ..ابي اتأكد منه..و اذا صار صج اللي قاله..يكون وقعت الفاس فالراس..و بحاول اعالج الوضع..قولي لي الصراحة ولا تجذبين علي..قوليها كامله ..و اطلعي من الحجرة على طول يكون يمديني وقتها امسج اعصابي..
هزت راسها سحر بانها فاهمه اللي تقوله لمى..
لمى:بسألج سؤال اذا كانت اجابته ايه ..انتي فهميني كل شي بدون ما اسأل..صج انا زوجة جاسم؟.!.
سحر"بلعت ريقها بصعوبه":ايه..و يوم الخميس اللي تمت فيه الملجه كنت انا في الحجره..ضربني و لوا ايدي عشان اوقع بدالج..ووقعت.."دمعة عين سحر بدمعه وطلعت بعدها من الحجرة بسرعه ى..دانه كانت فاجه فمها مب مصدقه..و لمى كانت متخشبه..و بددا ويهها يتحول للون الاحمر.."
لمى"بانفعال و هي تقوم بسرعه":بجتله انا بجتله..
مسسكته دانه و بدت تهديها..و تقنعها..
دانه:هدي يا لمى الموضوع اهو مو بيده بيد جاسم..و انتي قايله من قبل ان شكله ما يبي يتزوج..
لمى"معصبه ":يعني شنو..
دانه:يعني تروحين تحاجينه و تقولين له الصراحة "و هي تأشر بصبعها"بس بدون أي انفعال..و لا صراخ و مناجر..لا اله الا الله..
لمى"بدت تهدا تدريجياً":محمد رسول الله..طيب شسوي اللحين..؟..!..
دانه:اللي قلتلج عليه..اطلعي و اللبسي و رتبي شكلج زين ما زين..سلمي عليهم بأدب و كلميه بعيد عن ابوج او امه عن هالموضوع..
لمى:صعب..
دانه:انزين ليش..صعب انج تمثلين انج مؤدبه..
لمى:لا سهله هاي..لكن صدقيني ما اطيق اكلم الريايل..ما ادري احسهم يكبتون على نفسي..
دانه:حبيبتي هم نص المجتمع مالج بد منهم..و تحلين المشكله سلمياً احسن من انج تبدينها بمناجر و تجر مشاكل ثانيه احنا بغنى عنها..
لمى:ان شاء الله..
دانه"تنهدت":اوكي ..خذي لج زفير و شهيق عميق ونفذي الي اتفقنا عليه..انزين..
لمى:انزين..نشوف آخرتها معاج..
قامت لمى و تعدلت بشكل خفيف..يبين انها طبيعيه..

>><البـ الثامن ـارت
و الاخير ><<
تعدلت لمى بشكل خفيف يبرز جمالها بشكل طبيعي..و شعرها كانت فاجته(فالته)..مشطته بسرعه ورفعته وثبتته بالشباصه(يسميها البعض عضاضه)
شافتها دانه ابتسمت ابتسامه تشجيعيه للمى..
دانه:ايه جذي..لا يهمج احد..تكلمي بهدوء ولا تنفعلين انزين..
لمى"من غير نفس":انزين..
دانه:لا لا اهم شي الابتسامه..
لمى""تنرفزت":اللحين انا بقولله طلقني ولا بقوله امتى الزواج..انا ابي اطلق ..مب يعجب فيني..
دانه:يا الواثقه داريه انه بيعجب فيج..
لمى:الله يعافيج لا تحنين فوق راسي..و تنرفزيني خليني احافظ على هدوئي..
دانه:اوكي ..مستعده؟.
لمى:ايه..
دانه:جددي الهوا اللي في رأتينج عشان تتحسن نفسيتج..
لمى:هههههههه..تحسني اني بدخل حرب ..توتريني جذي..
دانه:توكلي على الله..وروحي..
لفت على راسها حجابها بإحكام..دانه شافتها واستغربت بس قالت اخليها على راحتها احسن لحد هني ينتهي دوري.
طلعت لمى من الحجرة وتلحقها دعوات دانه لها بالتوفيق..لقت في طريجها ابوها اللي استغرب تعدلها ..
بو زياد"بجفاف":زين منج لفيت حجابج .."مشى قدامها وهي تلحقه"..تسلمين على عمتج ام جاسم..بعدها بتطلعين وياه..
لمى"بدون نفس":و منو هذا..
بو زياد"وقف ولف عليها":زوجج بعد منو..
----------------
قال مثل اليهال:لا يمه ما ابي..انزين..
ام جاسم "تمثل الزعل و مخفضه صوتها":هذا وان امك ..و الرسول قال امك ثم امك ثم امك ..تبي تعصاني لاني ابي لك الخير..؟
جاسم:ما ابي اطلع وياها ..انا اصلا من ادخل بيتهم تيين كتمه..و ضيقة خلق..
ام جاسم"بحزم":الضيق فالانفس يا ولدي..و ان جانك ما تبي تطلع وياها ..تطلع ويا رفيجاتك ليه ..احسن منها..ولا الحرام ..ولا اقول اصير ساكته احسن لي ..
بو جاسم:ياى الريال..تناقشو بعدين..
جاسم كان معصب وهو يشوف امه وابوه يدخلون بحياته واللي حارق دمه انهم توهم يتذكرون يدخلون في حياته وقبل تاركينه عكيفه يروح ويرد يوم صار ريال عود تحكمو فيه!؟..
جاسم"قال لا اراديا و على دخلت بو زياد و كانت لمى بعده ":والله حاله..
بو زياد"منحرج":السموحة منكم تأخرنا عليكم..
بو جاسم:لا عادي..
ام جاسم"وقفت بابتسامه واسعه":الله بالخير ..شخبارج مرت ولدي..
لمى"كانت تناظر ام جاسم ومتحاشية تناظر الكل":الحمد لله..
ام جاسم:تعالي حبيبتي يلسي عدالي ..قريتي عيني الله يقر عينج..آمين..
شافت لمى ابوها وهو كان منشغل عنها يسولف اهو ويا بو جاسم اللي عداله جاسم..
*****
ما تدري كيف طاوعت دانه وراحت معاه..كاهو يالس جدامها وتشوف علامات التأفف منه..شدعوه يعني اهي اللي ميته عليه..دارت بعيونها عالمطعم الراقي..كانت تتمنى تدخله و يكون معها خواته..يارا كانت تتمنى تدخل هالاماكن..ابتسمت رصد ابتسامتها بس اهي ما اهتمت حبت تكون على طبيعتها فتجاهلته..ياى الجرسون..
جرسون:اي خدمه ..شو بد كون عالعشاء..؟.!
طلب جاسم لهم الاثنين بدون ما يشاورها حتى وهي كانت في هالوقت تتصفح المنيو..
جرسون"يوجه كلامه للمى":أي حاجه تانيه..
جاسم:مشكور..
لمى"بلا مبالاة لكلام جاسم":ابي عصير برتقال لو سمحت اللحين..
راح الجرسون..و جاسم كان يشوفها بقهر..حست انها اخلت باتفاقها اللي اتفقت عليه مع دانه..
جاسم"باستحقار":شوفي انتي..على ما اذكر اسمج لمى..(لمى كانت تسمعه و ماقدرت تخفي اشمئزازها من سماع صوته تحس بلوعه منه)..
جاسم:مهما كان اسمج ما تهمني..راح اقولج شي "و بكل ثقه قال"ادري بتتحطمين..بس حاولي تكملين حياتج..بعد كلامي..
لمى"قاطعته لوع جبدها بثقته الزايده":و انا بعد ابي اقولك عشي اهم من حجيك..
جاسم كان يشوفها باستخفاف وهو من داخله يغلي يبي يجتلها ويرتاح من دون أي حجي وياها..ياى الجرسون في هاللحظه و وياه عصير البرتقال..حط عالطاوله وراح وهو مستغرب حرب النظرات القائمه بيناتهم..
جاسم"وحده من حواجبه مرفوعه": شنو كنتي بتقولين يالمهمه..
رشفة لها رشفة من العصير..يبرد اعصابها .خاصه انها من النوع العصبي اللي يتنرفز بسرعه..
لمى ملت صوتها باكبر قدر من الثقه بحجم ثقته وقالت وهي تناظر كوب العصير اللي على الطاولة
لمى:احنا للحين عالبر ..عشان جذي انا ما ابيك.."قالت بكل هدوء يتناقض مع توترها"
ابي الطلاق.."رفعت عيونها وحطتها بعينه تنتظر اجابته "ظاهريا" ببرود العصير اللي في حلقها .."
جاسم انصدم:شنو!!
لمى بإصرار و بصوت هادي: ا..لـ..ـطـ..ـلا..ق..الطلاق..
جاسم مايدري كيف انفعل ..عيل ما بقى الا هالصعلوكه ترفضه؟؟..!!!
جاسم بانفعال:لا والله و الخطبه و الملجه والمهر و الى آخره ؟..شنو تسمى "باستخفاف" بر و لا شاطئ ؟؟..!!!
لمى:انا قلت ابي اتطلق ..و مهرك بيرجع لك مب محتايه له و كل شي جدمتوه لنا بيرجع ..بس ابي..الطلاق..
جاسم بتحدي وعناد يهال:واذا قلتلج لأ..
لمى عصبت و صوتها بدا يرتفع:شلون يعني مب مطلق؟!
جاسم:لأ شنو عندج من حجي بعد..
لمى:بتندم..و تعض اصابعك ندم ..و هذا ويهي ..
طلعت بسرعة البرق من المطعم و ركبت لها تاكسي وهي متغيضه منه عالآخر..هذا اللي ناقصها تتزوج فاجر..و تييب منه سفاحين..
جاسم قام بعدها في نفس اللحظة اللي جابها فيها الجرسون العشاء طلع و تركه
تحمس للزواج بشكل غير طبيعي.. يبي يتزوجها عشان يكسرها ويعلمها من هي و من هو!!..
================
ما تدري اهي فحلم ولا في علم ..اليوم اللي تنزف فيه لجاسم ياى..حاولت بشتى الطرق تتملص من هالمصير..استعدت لرفع قضيه خلع.. لكن..ابوها كان لها بالمرصاد.هددها..بانها بتفقد كل شي تحبه وتعزه..راح يعاقبها عن طريق اخواتها..وهي تعرف ان اخواتها ما عندهم قوه للمواجهة خاصه اذا كثرت الصدمات اهي بعد بتضعف قوتها وتستسلم بشكل مخزي..تفكيرها كان في اخواتها في ليلة عرسها..ما تدري من اللي جهزها..هل هي مرت ابوها؟؟..! اللي قالهم عنها ابوها ويابها هي وياى ولدها "اخو لمى" وياهم في البيت..ما تدري..
جاسم يالس عدالها..صار واقع لازم تقتنع به..
همس لها جاسم بسخريه مستنزفه :مبروك عليج يالعروس..
لمى:......
جاسم : مستخسره فيني الكلمه..انا بوريج..انطريني ..
بهمس لمى وهي تصر على اسنانها:قل آمين..
جاسم:مب قايل..
لمى وهي تصر اسنانها:جعلك تموت الليله ..
جاسم:بتصيرين ارمله..
حقرته ..و حاولت تفكر في شي..يساعدها على تقبل الواقع..
هي صحيح عالكوشة ..لكنها مب قادره تستوعب الى الان تحس انها في حلم
اقتربت منها دانه و همست في اذنها : شكلج مو حلو بالمره ماكنج عروس..ابتسمي عن خاطري..
لفت لمى على دانه ابتسمت لها ابتعدت دانه..فجأة حست لمى انها بتبجي اشتاقت لامها ..يا ترى شنو بتسوي امها لو كانت موجوده..رفعت ايدها ومسحت بداية دمعه ..
جاسم شخر بسخرية:دموع الفرح ولا العزا على نفسج..؟
++
طلعوا من الفندق وبدلوا ملابسهم وعالمطار سيده ، تخللها لحظات وداع ودموع من اخوات لمى دون استثناء و حتى لمى! ..شهر العسل او مثل ما تقول لمى شهر البصل..
في فيينا..صعدوا الطيارة..و طول هالوقت كانت لمى متجهله جاسم وجاسم بالمثل..
هاجمها النوم اللي كان مجافيها من عرفت بالعرس و محولاتها الفاشلة بتوقيفه..
نامت..جاسم كان يقرا احدى المجلات اللي لا تفيد و لا تنفع لاحظ ان اللي على يمينه راحت في رحلة عميقه مع النوم..بلا مبالاة ابتسم ابتسامة لؤم..صكر المجلة و حطها في ظهر الكرسي اللي قدامه ..و لف بعيونه ..على الجامه اللي عداله..
************
قامت من النوم على صوت الكابتن اللي يأمرهم بربط الاحزمة استعداد للهبوط في مطار
بدت تصدق اللي يصير لها و ابتسمت بسخرية لواقعها..
جاسم يتطنز: ليش ما كملتي نومتج..
لمى بتجاهل لسخريته : اتمنى.. بس صوت الكابتن خلاني انش..
طلعوا من المطار متجهين للفندق الموجود في شارع بكيرنتين شتراسه .. تاهت لمى في تأملاتها بين الاشجار و الزهور المنتشره في كل مكان .. وصلوا للفندق فتوقفت السياره..
نزلوا للفندق ..تقدمها جاسم متجهلها..اما لمى فكانت تجول بعيونها عالفندق..شكله فخم وحلو و تحس فيه حميمية متناقضه مع احساسها بالخوف من جاسم ..ياى من وراها جاسم ..
جاسم بتطنز: جدامي ..عجناح الرومانسيه.. "لف عشان يكمل طريجه
فاجأها بشكل ارعبها ..تبعته وهي بودها لو تيلس اكثر بس اللحظه الحاسمه يت للأسف ما تقدر تيلس هني اكثر.. فتح باب السويت حامل الجناط دخل الجناط و طلع بعد ما عطى المفتاح لجاسم..
دش السويت و لمى واقفه جدام الباب و تفكر بخوف هالخطوه اللي بتسويها بيكون لها نتايج مثل ما تتمنى ..تتمنى..
جاسم بلهجه جافه: شنو مب داشه ..يا سنيوربتا..؟!
دش مره ثانيه و ما صكر الباب..سمت بسم الله ودشت لمى..دارت بعيونها عالسويت الفخم..
استقبلها المدخل اللي جناطها موجوده فيه..تجدمت شوي شافت الصاله جدامها و عن يمينها حجرة وعن يسارها حجرة واقف عندها جاسم يجر جناطها..يحاجيها وهو داير لها ظهره
جاسم :انا بنام مابيج تزعجيني ولا حتى تدخلين الحجرة ..سوي اللي تبينه ان شاء الله تنتحرين بس مابي ازعاج دش حجرته و صكر الباب بقوه..
لمى :بسم الله..
حست بالفرحة ..ما تزعجه..تسوي اللي في خاطرها ..من عيونها ..
جرت جناطها اللي ما تصورتها بهالثقل دشت الحجرة اللي على يمين الصاله و قفلت الباب ..
تحس بالنشوة و السعادة ..فجه فجه يبي الفجه منها "يامنت كريم يارب"
فجت حجابها الاسود و بدلت ملابسها لبست لها بنطلون ابيض و بلوزه سودا مطرزه باللون الابيض باكمام طويله توصل البلوزا لتحت الركبه.. لبست لها حجاب ابيض ..و جهزت شنطتها السودا و تأكدت ان فيها الفيزا و الاشياء اللي تحتاجها أي بنت..
صارت اللحين جاهزه للمشي في شارع بكيرنتين شتراسه المنتشره فيه المقاهي و المحلات المشهورة و المتاحف قريبه منه ..
تجولت فيه بحريه ..لين المتها رجلينها من المشي جلست على وحدة من الكراسي الموجودة على طرف مقهى ..جاها الجرسون و طلبت لها قهوه تروق فيها زيادة ..تأملت منظر المتجوين و اللي يشترون و الطبيعه الساحرة عجبها المنظر حيل ..اهي نامت بالطيارة فتحس بنشاط غير طبيعي يغمرها و الشي اللي اطلقها في اجواء السعادة ان جاسم نايم واعطها مطلق الحريه في الخروج ..( وااااو ) قالتها لمى من دون ما تحس فيها..كل شيء توقعته ياى ضده.. شتبي اكثر من جذي ؟!!!..
شرت كل شيء كان بخاطرها بالفيزا اللي فيها نص مهرها .. يا الليل واهي تدفع آخر شي شرته توجهت للفندق تصلي الصلاة اللي فاتتها ونستها وتمت تستغفر ربها ..
طلعت من اللفت و الاكياس مليانه .. فتحت باب السويت و هي تفكر هل بيمديها تصلي ولا لا ..
تجدمت ووقفت عند الصالة بذهول وصدمة !!! و الاكياس افللت و انتثرت من ايدها ..
جاسم وقف وحاول يعدل طوله و كان يميل كل ما حاول يتوازن ..
جاسم يطالعها و قال بلسان ثجييل : شفيـ..ج.. ط..ـالعـ..ـيني.. جـ..ـذي..؟..!
لمى بصوت مرتعب مب مصدق: سكران .. و هني.. ؟
آخر شي كان في بالها انه بتيي و تقابله سكراان!!
انصدمت .. في شهر العسل واهي اللي كانت تظن انها بتحل مشاكلها بشكل سلمي!!..
اقترب منها خطوه جمعت اشيائها و اتجهت لغرفة بأقوى شي تمتلكه من سرعه ..قفلته بالمفتاح مرتين سحبت المفتاح و حطتها تحت مخدتها ..سمعت طقات عالباب .. وكلام مب مفهوم ابدا ..
تعوذت من الشيطان الرجيم ..توجهت للحمام توضت "تجددت" للصلاة
وصلت الصلاة اللي فاتتها ..
..
سلمت و قعدت تستغفر ربها وتناجيه ييسر لها امرها ..
سمعت صوت طرق عالباب مرة ثانية .. متابعدة و ثجيلة .. و صوت سكران خرعها ..
جاسم : فتحي الباب .. انتي شقاعده تسوين ..؟؟.. سكرانه !!
بدلت ملابسها بعد ما انتبهت انها ما بدلت للحين لبست بجامة و استرخت على سريرها تحاول تنوم .. متجاهله الاصوات اللي توصل لها من تحت الباب ..

قامت من النوم وهي متعرقة وترتجف من الكابوس اللي حلمت فيه ..
كان عن جاسم .. مرعب مخيف .. تعوذت من الشيطان و سمت باسم الله ..
حاول تركز حواسها و تهدي نفسها ان هذا مجرد كابوس عابر .. لكن قلبها ما كان راضي يصدق ..!
مسحت العرق عن وجهها .. وشربت من علبة الماي اللي اشترتها امس ..
انتبهت للدنيا انها اسفرت و بدت تنتشر اشعة الشمس من حولها
راحت للحمام تتجدد لصلاة الفجر ..
صلت و بدت تطوي سجادتها ودخلتها في شنطتها مرة ثانية ..
بدلت ملابسها بجلابية ..ما تدري ليش اختارتها من بين الملابس .. يمكن لانها كانت تلبسها قبل الزواج.. يمكن ..!!
مسكت كتاب صغير طبي يمكن يفيدها في وحشتها و سجنها اللي ما تقدر تطلع منه ..
في قمة اندماجها سمعت صوت خرفشة ..مفاتيح !
رفعت مخدتها وتأكدت من وجود مفتاح الغرفة مسكته بين يديها واهي تتنهد بارتياح ..
فاجأها صوت فتحت الباب ..تقدم جاسم وبيده مفتاح ثاني ..
جاسم بابتسامة ماكرة : نسيتي ان لكل مفتاح نسخة فالفندق..
++
دانه واقفه بالمطار تنتظر لمى اللي شددت عليها انها ما تخبر حد برجعتها ..
دورت على وجه لمى بين الوجوه .. قابلها وجه في قمة الشحوب ..
انطلقت لها دانه وهي فاتحه ايديها ..ضمتها بحرارة اما لمى فكانت باردة بشكل ما يصدق .. سألتها دانه عن سبب رجعتها مبجر خاصة ان بقى على شهر عسلها اسبوعين ..
لمى : القدر ..
دانه تلفت في كل الاتجاهات : الا وين جاسم ؟؟..!
لمى : بعدين اخبرج كل شي ..ابي مكان هادي.. ابي اروح للبحر ..
جلست على الشاطئ و جنبها دانه القلقانه على حياة لمى ..
طالت نظرتها للبحر فحبت دانه تقطع الصمت لانها متقطعه تبي تعرف شالسالفه لكن لمى سبقتها في الكلام ..
لمى شخرت بسخرية على نفسها و على حياتها ..تكلمت بصوت هدي من جوف محروق: اسبوع ..اسبوع واحد بس ! خذني لحم ورماني عظم ..حاولت ادافع اقاوم ..لكن
ما كل ما تمناه المرئ يدركه تجري الرياح بما لا تشتهي السفن ..
اما الاسبوع الثاني قعدت ما ادري ليش .. يمكن كنت خايفه انه يطلقني ..!.. تصوري انا نفسي ما ادري ليش انا متناقضة .. كل ليله يسكر ويلعب و بعدين يرجع ..فجأة كنت ناوية اصير الحرمة الغبية اللي تتأمل في زوج كافر ما يصلي و لا يصوم انهه بينهدي على ايديها تخيلت مستقبلي مستقبل عيالي ما قدرت اجازف على تخمين اخترت الخلاص والفضيحة وهو اخرت لعبه اكيد بتكون جبيرة وانا ما ابي اكون طرف فيها ..
طلقني وهو بكامل قواه العقلية لان اصلن فرغ مني ما تخيلني كزوجه تخيلني كلعبة مثل كل البنات بس انا ما كنت جذي صح يا دانة ! صح !
و انخرطت في نوبت صياح مكتومة من اول يوم انزفت فيه له .. صاحت على صدر دانه ..و عيون دانه كانت تبكي معها تعزيها ..
في مكان ثاني في فيينا نش جاسم جلس فوق سريره لف على الجهه الثانية لقا روز راحت .. سهر معاها امس و انبسط ..
غسل وجهه و.. بدل لبسه وتكشخ عشان يدور له على بنت ثانية ..
توجه للتسريحة يعدل من شكله شوي .. بهت ويهه وهو يقرا الكلام المكتوب على المرايا باحمر الشفاه ..
(welcome to the aids world
Rose )
( مرحباً بك في عالم الايدز
روز )

النهاااااااااااااااااااااااااية
----------------------------

للكاتبة / فراشة الخريف

النهااااااااااااايه

٥٠٠

ياسلام عليك ياوصوف
جهد جميل جدا وطرح راقي

قدمتيها بالشكل المطلوب