رواية حكم الأيآم

الجزء السادس
=======
وصل الصيف والكل كان مخلص امتحاناته وقرب موعد زواج عزّة المرتقب..
وطبعا خالد عاد كل يوم يحشر امه على سالفه نوره..
خالد: امي يلا عاد خلصت البنت امتحاناتها..
ام يوسف: اثجل يا ولد بلاك انت .. توها البنت مخلصه من يومين .. خل تستلم النتيجه عقب
خالد: افففففف.. تراها ناجحه امي.. هاي مصريه تاكل كتب
ام يوسف: عيب عليك يا خلود..
خالد: اففففف.. والله امي انا وايد صبرت اخرتها بسير عند اخوها في الشركه وبرمسه
ام يوسف: استح على ويهك.. صدق انك جليل حيا
خالد: امي انزين تراج انتي مب طايه اتروحين
ام يوسف: بروح بروح.. انا قلت ما بروح.. بس بصبر كلهم اسبوعين والبنت بتستلم النتايج وبسير
خالد: افف.. انا ساير المستشفى
ام يوسف وهي خايفه عليه: بسم الله عليك يا ولدي تشكس من شي..
خالد: لا امي.. بسير بخليهم يعطوني ابره منومه لمده اسبوعين
ام يوسف: هههههه .. خس الله ابليسك خرعت قلبي
خالد: بسم الله عليج .. يا احلى ام في الدنيا.. سلامه قلبج فديتج
ام يوسف: ههههههه ما تيوز من سوالفك

وطبعا ريم كل يوم طايحه عند عزّة عشان اتساعدها.. لأنها حاسه بإحساس عزّة أنها روحها لا ام ولا ابو ولا حتى اخوي اكبر عنها.. كانت هي اختها واخوها وما تقصر عليها بأي شي.. طبعا الخيمه جاهزة عند بيت عمها.. ويوم الأربعا عزيمه الرياييل والحريم في الخيمه الثانيه لليلة الحنى.. ونواف منو قده معرس اماراتي احين.. وصلوا اهل نواف من الكويت.. واجتمعوا كلهم ويا اهل عزّة الي كان الكل مستانس لها.. خواتها الصغار واخوانها الإصغار.. لأنها كانت مثل الأم الحنونه بالنسبه لهم.. منهم الي يصيح لأنها بتعرس ومنهم الي فرحان..
الرياييل يوله وغنى والنعاشات .. يعني صدق كانوا مسوين جو من العرس الإماراتي الأصيل.. وعيال عم نواف الي يوم ن الكويت كانوا جدا متفاعلين ويا الرياييل .. وتعلموا الرقص الإماراتي .. وقاموا ايولون وياهم.. وحتى راشد الي كان من يومه بمثابه اخو لعزّة كان يحبها مثل ما يحب ريم.. كان مستانس لها من كل قلبه وايول ويا الرياييل.. خالد وعبدالله وطبعا ربيعه احمد الي مافارقه لحظه.. اتصل راشد في نوف عشان اتشوفه وهو يرقص.. ركضت نوف هي وريم ونوال ونوره راحوا الحجره عشان يوايجون من الدريشه.. وفعلا شافوا راشد وخالد وعبدالله ثلاثتهم حذال بعض .. وكل واحد كان ايول احلى عن الثاني..
ونوره ما فارقت نظراتها عن خالد.. كان ودها انها اتشوفه دوم.. بس كانت تستحي اما هالمره كان احساسها غير.. حست انها وايد قريبه منه.. كانت اتشوفه بكل نظرات اعجاب وحب.. انتبه خالد ان في حد يطالع من فوق.. ويوم دقق شافها.. شاف روحه.. حس نفسه مستانس وقام يستعرض احلى شي عنده عشانها...
واما نوال فكانت تضحك على عبدالله .. وهو متغيض منها ومتوعد فيها.. والتقت النظرات ما بين احمد وريم.. ريم الي ملكت روح احمد .. حس عمره مخنوق.. مب قادر يكمل.. لكنه قاوم عشان خاطر ربيعه نواف.. كانت نظراتهم لبعض جدا غريبه .. كأن كل واحد يودع الثاني فيها وانه آخر لقى لبعضهم .. ما اهتمت ريم وصدت ونزلت راحت عند عزّة .. الي كانت لابسه الثوب الإماراتي التراثي.. والذهب التراثي.. كان شكلها طالع وايد حلو.. التقت فيها اصالتها العربية وملامحها العربيه.. السمار العربي الجميل.. والخشم الي مثل السيف المسلول.. كانت طالعه قمه من الجمال.. وخلصت الحفله والكل روح .. لأن اليوم الثاني لازم الكل يقوم من وقت لأنه اليوم المرتقب بالنسبه للجميع..
ريم: نوف.. اقول هاتي المدخن,.. ترا اتأخرت.. بسير عند عزّة
نوف: انزين .. اتريي احين بييبه
عبود: الي يشوفج يقول انج انتي العروس.. ماشاء الله عليج اختي.. وينك يا يوسف اتشوف الي اشوفه
ريم: فديتك والله اخوي.. انا من غير شي حلوه
نوف: تعالي ادخنج..
ريم: شو بلاج ما بتيين وياي
نوف: لا حبيبتي .. حاسه بتعب.. البارحه وايد وقفت
ريم: خلاص عيل برايج.. انا بسير ما بتأخر يوم يدخلون المعرس انا بظهر..
نوف: الله يحفظ.... عاد لا تسرعين عشان توصلين بسرعه
ريم: لا ما عليج
عبود: اترومين اتسويقين.. ولا اوديج
ريم: لا اروم .. مشكور.. يلا باي
عبود: ريم.. حطي بالج على روحج..
ريم: بلاكم انتوا اليوم.. الي يسمعكم يقول سايره جهاد
نوف: انخاف عليج حرام..
عبود: ريم دخيلج انا بوصلج
ريم: عن العياره .. سير وصل حرمتك نوال احسن .. ما عندهم حد
عبود: والله .. ليش ما خبرتني
ريم: مادري عنها .. يلا انا سايره اتأخرت
وراحت ريم وصلت الخيمه.. كان الديكور الي في الخيمه كلاسيك وقمه في الجمال.. كان من تصميم اخوها راشد.. بحكم ان عنده محل تصميم وديكور.. اول ما دخلت جابلتها اخت عزّة.. عفرا: هلا ريم.. وينج تترياج عزوز
ريم: زحمه في الدرب.. وينها وديني لها
عفرا/ تعالي بوديج.. شو هالحلاة ريم.. ماشاء الله عليج تعالي خل عموتي تقرا عليج
ريم: هههههه .. فديتج.. في البيت ما قصروا .. قروا علي وايد
عفرا: لازم بيخافون عليج.. يلا حبيبتي ادخلي انا بسير الإستقبال
ريم: اوكي.. (ودخلت ريم وشافت عزّة الي كانت طالعه اميره بجمالها ومكياجها الحلو وشافتها تنتفض وخايفه) بلاج عزوز.. هدي
عزّة: ريم.. مرتبكه مب عارفه شو اسوي
ريم: لا اتحاتين.. اقري المعوذات واتوكلي على الله..
عزّة وهي مغصوصه: ريم.. مشتاقه لأمي .. كنت اتمناها اتشوفني في هاللحظه
ريم تذكرت امها بغت اتصيح بس تفادت الموقف عشان ما اتزيد على عزّة: حبيبتي عزوز.. لا تكدرين عمرج.. تراها اتشوفج احين وتدعيلج صدقيني.. انا بعد كنت اتمنى بس الله ما كتب
عزّة: اخ يا ريم.. احس بالوحده القاتله..
ريم: لا يا حبيبتي .. نسيتي انا وياج.. وحتى اخوي راشد يحبج مثل ما يحبني.. وهدية زواجج اسبوع في برج العرب.. شو تبين بعد
عزّة: يحليله اخوج .. ا قصر والله .. الله لا يحرمج منه
ريم: ولا يحرمه منج بعد
عزّة: عيل وين نوف.. ونوره.. ونوال
ريم: نوره ونوال في الصاله.. اما نوف تعبانه اشوي.. تدرين البارحه طول الوقت واقفه عسب جيه
نوف: هي والله ما قصرت حليلها..
دخلت عمه عزّه: يلا العروس ازهبي بنظهرج
عزّة: انا زاهبه عمو
ريم: الله الله منو قدج
عزّة: الله يستر.. اخاف من الربكه الي فيني .. اطيح من على الإستيج
ريم: احلى شي الصراحه هههههههه
عزّة: سخيييييفه.. ويا هالويه
وطفوا الأنوار.. وطلعوا عزّة الي ظهرت على اغنيه كانوا مسوينها لها.. كانت مفاجئة من ريم.. كانت طالعه عروس ولا الف ليله.. كانت في قمه الجمال والرقه.. وبخطواتها الناعمه.. وابتسامتها الشفافه الممزوجه بالخجل.. كانت ولا في الأحلام.. واول ما وصلت الكوشه الكل كان مستانس ويرقص ويحتفل فيها.. ويود دخل نواف.. كان اول مره يلبس غتره وعقال والبشت.. كان شكله بالنسبه لعزّة يضحك.. لأنها ما تعودت اتشوفه جيه.. اما هو فكان مب مصدق ان الي جدامه هي عزّة الي يعرفها.. ويوم وصل حذالها ورفع الطرحه وباس راسها..
عزة: نواف.. ابا اضحك ممكن
نواف: ما عليه يا عزوز.. انا اراويج
عزّة: حبيبي والله شكلك يضحك.. ما يليق عليك البشت مووول
نواف: عزووز.. صخي عني لا افلعج بالعقال الي لابسنه
عزّة: اقول منو مضبط لك الغتره. . ما ظني انت
نواف: شو قالولج ماعرف
عزّة: لا بس ما احيدك تلبس غتر
نواف: لا البس انتي وين عايشه
عزّة: انا عايشه في قلبك..
نواف وهو يبا يغايض عزّة: اقول منو هالغزاله الي هناك.. رقصها وايد حلو
عزّة وهي شابه نار عليه: ماعرف
نواف: ازقريها خل اشوف منو
عزّة: اقول مب جنه طولنا .. خل انروح الفندق
نواف: هههههههه .. بلاج .. هدي هدي.. اسف... فديتج هالكثر اتغارين
عزّة: لا اتعيدها مره ثانيه .. هالمره سماح
نواف: علا هالخشم
عزّة: وين .. خل اشوف. مافي خشم
نواف: هيهيه .. ما يضحك
وبعد نص ساعه راحوا المعاريس وركبوا الليموزين وساروا صوب برج العرب.. يقضون فيه اسبوع وعقبها يسافرون جواله حول العالم.. وطلعت ريم بعد ما مسحت مكياجها وربطت شعرها واتشيلت عدل عشان اتسوق براحتها.. ركبت السياره عشان اتروح بيتهم..
شافت واحد يلاحقها .. حاولت اتضيعه بس ما رامات كان وراها.. وهو يحاول يلف عليها.. كان الشارع فاضي جدامها... فبدت تسرع.. وهو مب طايع يهدها اسرع وراها.. وعند الإشارات شافت الإشراه حمرا.. والشارع كان فاضي.. فهي عدت الإشراه بس ما لحقت اتعدي الا وطلعت لها سياره كبيره هي كانت مسرعه .. دعمت السياره واندعم الي كان يلاحقها فيهم بعد بعد ما انجلبت سياره ريم عده جلبات.. بالإضافه لسياره ثالثه كانت مسرعه وما قدرت تتفادى الحادث فدعمت السيارتين..
كان عبدالله يرمس ويا نوال : ها يعني عرسنا بيكون احلى
نوال: ان شاء الله..
عبود: اقول حبيبتي عندي خط ثاني
نوال: الساعه ثنيتن منو متصل..
عبود: مادري بشوف(رد عبود على الخط الثاني) الووو
----: السلام عليكم
عبود: وعليكم السلام
-----: الأخ عبدالله
عبود: هي نعم..
----: بغيت اخبرك ان اختك ريم علي في المستشفى.. بس تطمن حالتها مستقره نوعا ما.. هي عطتني رقمك عشان اخبرك.. واتقول لا اتخبر حد ..
عبود وهو منصدم: شووووووووووو .. كيف؟؟ متى ؟؟؟؟ وليش؟
-----: اخوي هدي عمرك مافيها شي الا كل خير حادث بس الله كتب لها عمر يديد
عبود: خلاص خلاص انا ياي احين
وصك التليفون وركض طلع من البيت ونسى انه لابس جلابيه البيت حتى من كثر ما كان مستعيل عشان يتطمن على اخته ... وكان جدا مسرع .. واول ما وصل المستشفى وبركن نزل وهو يركض دخل المتشفى وهو يصرخ : وينها .. وين اختي؟؟؟ وين خليتوها؟؟؟
طلع له دكتور حاول يهديه وبدا يكلمه: حضرتك اخو الست ريم المزروعي
عبود: هي انا اخوها .. وينها ابا اشوفها يا دكتور الله يخليك وينها
الدكتور: انت هدي نفسك وانا حوديك ليها.. بس انت ما تخافش وبلاش الإنفعال ده كُله... اسمعني يا ابني انا عندي كلمتين عاوز اقولهوم لك؟؟
عبود وهو خايف: شو .. قولي بسرعه (ويمسك اكمام قميصه ويهزه) خبرني اختي بلاها.. لا تسكت..
الدكتور: يا استاز عبدالله... انت انسان فاهم وعاقل وبتفهم في الدنيا كويس.. اسمعني يا ابني ... اختك ريم حصل لها ارتجاج خفيف في المخ بس الإرتجاج ده للأسف أسر على النزر بتاعها... يعني الشبكيه عندها تلفت اتأسرت جامد... ونتيجه للجروح العميقه الي في جسمها فقدت كتير من الدم ونحنه طبعا طلبنالها دم من بنك الدم الي موجود هنا... ووصلنالها اياه
عبود وهو حاس عمره مب قادر يستوعب: شو .. شو شبكيه؟؟ اختي وين؟؟ شو يعني كل هذا دكتور..؟؟ يعني اختي انعمت...؟؟ دكتوووووووور فهمني..
الدكتور: انت عاوز تفهم ازاي وانت منفعل كده هوت... تعال معاي وشوفها ... هيه تحت تأسير البنج دلوقتي..
عبود: هي والله دخيلك خلني اشوفها.. خل قلبي يرتاح
الدكتور: رجاء .. ما تعملش دوشه
عبود: يوووووه عاد انا الي فايج حق دوشه ومحد غيرك الي مدوش راسي
الدكتور: ههههههه .. طلع دمك خفيف قوي
عبود: صدق انك فايج.. (وهو يطالع ريم) ريم .. حبيبتي(وبدا يمسح على راسها ويقرا عليها) شو صار لج.. قلت لج خل اوصلج بس انتي الله يهداج.. حسيت ان في شي اليوم... ريم.. الله يخليج قولي شي .. خل قلبي يرتاح
كانت ريم تسمع اخوها بس لسانها مثجل عليها من البنج .. مب قادره اترد .. كانت تدمع عيونها.. وعبود يمسحهم ويقرا عليها
عبود وهو يكلم الدكتور: دكتور.. ليش ما ترمس.. بلاها
الدكتور: ما تخافش يابني ده تأسير البنج .. ولما يروح عنها هيه حتبأى زي الفل
عبود: وعيونها دكتور::؟؟؟
الدكتور: والله انا مش عارف اقولك ايه... بس في احتمال كبير جدا حسب الفحوصات انها ما تقدرش اتشوف بعد كده
عبود: وهذا الشي ماله علاج دكتور.. حرام بعدها صغيره هالبنت
الدكتور: الطب اتقدم أوي... ما تخافش.. كل شي لع علاجه... تقدروا تعملوا لها زراعه شبكيه انسان سليم.. وتتوافق انسجته مع انسجتها
عبود: انزين دكتور منو الي بيتبرع بعينه؟؟
الدكتور: مهو هو ده العائق في العلاج ده؟؟ لأنه زي ما انت عارف العين اهم حاجه.. بس انا املي ان التشخيص بتاعنا ما يطلعج صحيح
عبود: هي والله اتمنى... يحليلج يا ريم ما تستاهلين الي ياج.. عين ما صلت على النبي... الا اقول دكتور.. منو الي دعمها؟؟؟
الدكتور: والله انا الي عارفه ان في ثلاثه جوم معاها وهم في الأوضه التانيه..
عبود: والخيبه .. ثلاث.. معذوره اختي يوم صابج ها كله.. منو الي فيهم كان السبب
الدكتور..: والله اقولك ايه الي انا سمعته اني اختك هي السبب .. عدت الإشاره
عبود: شوووووووووو؟؟؟ اكيد في شي جايد خلاها اتعدي؟؟ بسير اشوف شو السالفه
وراح عبود عشان يدخل على الشباب الي في الحجره الثانيه الي شاف كل واحد غرقان في دمه وقاعدين السسترات يخيطون الجروح ويعالجونهم.. شاف اثنين مواطنين والثالث شكله سائق مركبات هندي.. سار صوب الهندي
عبود: منو الي دعم اختي اعترف
الهندي: بابا .. والله انا مافي سوي دعم... هزا انا فيي سير اشاره جرين.. بس هزا هرمه سريع واجد انا يدعم هو.. هو سير اشاره اهمر... بس.. وهزا تو نفر بعدين يدعم انا ويدعم اخت مال انت .. سياره مال هيه سوي جلب
عبود: وشو الي خلاها تسرع جيه
الهندي وهو ضام ايده: والله بابا انا مافي شغل.. سوري والله... انا مافي معلوم
عبيد: اخوي.. الهندي ترا ماله شغل (وهو منزل راسه) انا السبب.. انا كنت الاحقها وهي كان اتحاول تشرد مني.. ارجوك لا تحرج علي انا جدا اسف.. والله جازاني.. سيارتي اتكنسلت وانكسر ضلعي...
عبود وهو بينفجر كان ساير صوبه عشان يضربه مسكه الهندي: لا بابا.. خلاص سوي سوري مشان اخت مال انت.. بليز
هدا عبود اشوي : انت شو.. مب آدمي.. ما عندك اهل ما عندك بنات اتخاف عليهم.. خاف ربك... اختي انعمت والسبه انت(حس نفسه منها وبدا يصيح) شو من رياييل انت خبرني.. مستانس احين.. انت اتعورت شوي.. لكن اختي شو.. انعمت .. انحرمت من الرؤيه وهي بعدها فيي ربيع عمرها..
عبيد كان منزل راسه ومب عارف شو يرد عليه من الخجل..
عبود: اااااااخ يا ريم... ليش انتي ليش؟؟؟
يوم سمع الشخص الثالث اسم ريم فز.. تدرون منو هو.؟؟ هو احمد .. احمد الي يحب ريم اكثر من نفسه.. ما عرف شو يسوي ما لقى نفسه غير ساير صوب عبيد وبدا يكفخه وهو ينزف.. ركض عبود صوبه ومسكه .. ويوم شافه عرفه.. كان ياي عزا ابوه وغير جيه كان يشوفه في الكوفي.. والي اكثر من هذا كله.. عرفه هو.. نفس الملامح.. تذكر... تذكرها وكأنها هي الي جدامه سوسن... هذا احمد اخو سوسن
عبود: هدي يا احمد هدي... خلاص... هذا قضاء وقدر
احمد: لا.. هذا النذل ما لقى غير ريم من بين البنات يلاحقها؟؟
عبود استغرب يوم سمعه ينطق اسم ريم: شووووووووو؟؟؟ انت منو عسب تطري اختي
احمد وهو مب داري بعمره ومنهار من الصياح: هاريم... ريم قلبي... هاي الي ماخذه عقلي بالي فيه... ريم الي فقدتها في البدايه والسبه ولد عمك.واحبن ماروم ارجع لها لأنها مرتبطه.... واحين هي تفقد نظرها..
عبود: احمد انت شو اتقول؟؟ انت مب صاحي؟؟
احمد: لا صاحي يا عبدالله .. صاحي... بحب ريم انا صاحي... ريم الي تنحط على الجرح يبرا.. حرام الي سواه فيها هالنذل.. ريم قلبي.. وينها ابا اشوفها .؟؟؟ خلني اشوفها عبدالله ابوس ريلك(وفعلا حاول يبوس ريوله بس مسكه عبدالله) دخيلك.. لا تزعل مني.. بس افهمني انا احبها.. بس هي ما تباني صح.. بس خلني اشوفها ولو من بعيد .. ارجووووووووك
عبود كان متردد.. لأنه يحس انه اهانه بالنسه له يسوي هالشي بس كان يتذكر سوسن يوم كانت تطلب منه شي شو كان يسوي عشان ينفذه لها وصد صوب احمد : اقولك شي واتجاوبني بصراحه؟؟
احمد: شو قول.؟
عبود: انت ليش ما وافقت علي يوم رمستك عني سوسن انها تباني وما تبا ولد عمها؟؟ ودامك عارف الحب ليش ما جمعتني فيها؟؟ ليش غصبتها على شي ما تباه.؟؟ واحين اتشتت البنت؟؟
احمد وهو مستغرب ومب عارف شو يقول: انت شو اتقول؟؟ انت عبدالله .. اخو ريم ؟؟ ما اصدق انك انت الي قالت لي عنك؟
عبود: يعني لو كنت اتعرف اني انا اخو ريم... كنت راح اتوافق علي؟
احمد: انا ما عرف عنك اصلا... انا كنت حاس ان اختي اترمس حاولت اكلمها بهدوء كذا مره ما لقيت منها اي جواب.. ويوم خطبها ولد عمها صارحتها.. اذا تبين حد قولي لي.. انا بوافق عليه.. المهم سعادتج.. قالت لي انا احب ولد عمي واباه.. عشان جيه انا وافقت والله ما اجبرتها
انصدم عبود من هالكلام؟..حس بطعنه في صدره بس قرر انه يسكت ومشى ويا احمد ودخلوا عند ريم الي اول ما شافها احمد ما قدر يتمالك نفسه .. لأنه عمره ما تخيل يشوف ريم في هالموقف.. حاول يجرب منها بس انتبه لوجود عبدالله فتراجع وطلع من الغرفه وهو يصيح.. طلع له عبدالله ويهديه..
عبود: احمد... ما فيها شي.. بس للأسف الشي الكبير انها انعمت؟
احمد: هذا الي مزعلني.. انها ما راح تقدر اتشوف؟؟ ماله علاج هالشي؟؟
عبود: بلا قالو لي زراعه شبكيه مادري شو.؟؟
احمد: اانا بتبرع؟؟
عبود وهو مستغرب منه: انت بلاك مب صاحي فيك شي اكيد.. متأثر من الحادث.. قبل لا انت اتقول انا مستعد قبلك بس اختي واعرفها زين.. مستحيل اتوافق.. راح اتعيش جيه ولا انها توافق
احمد: انزين .. سفروها برع البلاد
عبود: ان شاء الله بس اكلم راشد اخوي
احمد: ما يعرف هو شكله... لأني ما اشوفه هني
عبود: لا محد يعرف هي طلبت من السستر اتخبرني انها ما تبا حد يعرف غيري

تابع اجزء الســـــــــادس
في بيت راشد كانت نوف قايمه اتسوي حليب لساره.. شافت غرفه عبود الباب مفتوح والليت مفتوح ودخلت غرفه رين لقتها فاضيه.. خافت.. تمت ادور ما لقت حد في البيت وشافت سياره عبود وريم مب موجوده في الكاراج .. سارت عند راشد وقومته
نوف: راشد.. قوم حبيبي.. اختك بعدها ما ردت.؟؟ احاتيها وتليفونها مغلق.؟؟ قوم شوف شو صاير
فز راشد من على الفراش يوم سمع هالكلام وركض شل موبايله ويتصل في عبود: الووو
عبود: الووو؟؟ راشد شو موعنك؟؟
راشد: شوشو موعني؟؟ وينك ؟؟ وين ريم؟؟
عبود اتعلثم ما عرف شو يقول: ها.. رررريم... ممادري
راشد: شو صاير خبرني؟؟ قلبي مب مطمن؟؟
عبود: ريم .. ريم... ريم في المستشفى يا راشد مسويه حادث
راشد: وانت مستانس يعني.. ليش ما خبرتني .. انا اخوها العود.. انا ابوها.. مالي حق اعرف
عبود: راشد هدي.. ترا مثل ماهي اختك تراها اختي.. بس هي قالت لي لا اخبركم اليوم
راشد: انت مينون لأنك يوم اطاوع هالياهل.. يلا انا ياي احين ويا نوف
عبود: يلا اترياكم
وطلع راشد ويا نوف بسرعه عشان يتطمنون على ريم.. وكل واحد فيهم كان شايل هم الدنيا على راسه.. ويدعون ان ريم ما تكون حالتها خطيره .. واول ما وصلوا البوابه شافوا عبود مجابلهم...
راشد: وين ريم؟؟؟ ودني لها؟؟
عبود: لا مب الحين .. هي احين تحت تأثير البنج عقب ما تقوم بنسير لها
نوف: لا والله ونحن نيلس على اعصابنا
عبود وهو معصب: يوووه راشد سكت حرمتك ترا الي فيني كافيني... مب فايج لها... وبعدين هاي اوامر الدكتور.. ولا انا ودي ما افراجها اصلا
راشد وهو يكلم نوف: نوف حبيبتي خلاص هدي نفسج..
نوف: والله انا اشعلي منكم بدخل بشوفها احسن من مجابلكم
عبود: نوف.. قلت لج لا اتسيرين... انا ابا اكلمكم عن ريم
راشد: خير عبدالله شو السالفه؟
نوف: شو تتريا انطق..
عبود: لا حول ولا قوه الا بالله.. انتي عطيني فرصه ارمس انزين.. السالفه ان الدكتور قال لي ان في احتمال كبير ان ريم تفقد بصرها
نوف: شووووووو (ومسكت عبود واتهزه) انت شو اتقول.. لا بلاه هب صاحي.. ريم.. لا مستحيل
مسكها راشد وحاول يهديها ويكلم عبود: منو خبرك هالكلام؟؟
عبود: الدكتور الي كان مشرف عليها.. قالي الشبكيه عندها متأثره من الضربات.. وكان مستوي لها نزيف بسيط في الدماغ فهمت علي
راشد: لا حول ولا قوه الا بالله.. انزين وكيف صار هالحادث منو كان يسوق
عبود: والله مادري كيف بالضبط بس الي فهمته انها كانت مسرعه وعدت الإشاره الحمرا وم انتبهت لسياره اتعدي الإشاره من الجهة الثانيه فدعمته
نوف: لا اله الا الله.. انزين متى بيخلوني ادخل عليها ابا اشوفها على الأقل ابا اتطمن دخيلك
راشد: انتي هدي بس.. انا بسير ويا عبود وبنكلم الدكتور وبشوف..
وسار راشد ويا عبدالله عند الدكتور المناوب.. ويوم دخلوا عنده لقوا احمد واقف ويا الدكتور يكلمه..
الدكتور: اهلا يا عبدالله..
عبدالله شاف احمد بس ما عبره .. لأن غيرته ما تسمح له اولا وثاني شي كان يشوف سوسن الي جدامه: اخبرك.. متى بتخلينا انشوف اختي.. ترا هذا اخوي العود راشد وصل ويبي يشوف ريم..
الدكتور: هو تأسير البنج لسه موجود بس حعمل ايه مهو لازم تتطمنوا بردوا.. امري لله اوديكم بس زي ما قولتلك ما تتأخروش كتير عندها وما تعملوش دوشه.. هي تحتاج للراحه والهدوء التام
راشد: حاضر.. تحت امرك بس دخيلك ودنا لها
طلع راشد ويا الدكتور وعبدالله وزقر راشد على نوف عشان يدخلون عند ريم.. ودخلوا وشافوها نايمه على السرير وموصل لها كيس الدم بعده والجروح على ويها وعيونها مغطايه ما قدر راشد يتحمل يشوف اخته في هالحاله .. تذكر امه يوم كانت على نفس الفراش.. تذكر ملامحها كيف كانت.. لوهله خاف انه يفقد ريم.. بس استغفر ربه وقام باس راس اخته ومسك ايدها وتم يقرا عليها.. وفجأة حس ان حد يرص على ايده يوم فتح عيونه شاف ريم اترص على ايده واتحاول اتقول شي بس لسانها كان ثجيل عليها.. الكلمات ما كانات واضحه
راشد: شو .. ريم .. حبيبتي شو قلتي؟
ريم: يو.. يوسسسس.. يوسف
راشد: شو .. يوسف.. يوسف يا ريم (هزت ريم راسها على انه سمعها صح) حبيبتي انتي.. يوسف يحبج يترياج على الكوشه
ريم: لا .. لللللا تتتتخبرورورووووووررررنه
راشد: حاضر.. ما بنخبره انتي بس هدي ونامي.. لا تحاتين حبيبتي.. ارتاحي
ونوف كانت واقفه مكانها وما تنطق بأي كلمه سحبها عبدالله وطلعها برع وعقب لحقهم راشد وطلع برع وشل حرمته وطلب من عبدالله يخلص كل شي يلزمه المستشفى ويرجع البيت عشان الصبح يردون لها
=======
ومر الليل على خير وقام راشد وعبدالله من الصبح عشان يسيرون عند ريم مع انه كان هذا اليوم يوم افتتاح معرضه الي كان يترياه من متى.. معرض ساره.. بس مهما صار اخته اهم ما كان يفكر بالمعرض.. وفي الدرب
راشد: عبدالله.. اتهقى في علاج ؟؟
عبدالله: والله مادري يا خوي... الدكتور يقول نادر الي يتعالجون..
راشد: انزين ماشي مجال يعني؟؟
عبدالله: والله انا تبا رايي الصراحه.. انوديها برع البلاد .. اي مكان يمكن هناك احسن...
راشد: هذا شي اكيد.. كنت افكر في هالشي البارحه انا ونوف..
عبدالله: الا اتخبرك مب اليوم مفروض افتتاح معرضك؟؟؟
راشد: هي .. بس اختي اهم.. والإفتتاح بعده شي وقت فليل هو
عبدالله: ااااااااااه.. والله ما تستاهل ريم الي صابها.. الله يجازي الي كان السبب
راشد وهو مستغرب: السبب؟؟ سبب شو؟
انتبه عبدالله انه قال شي ما كان لازم يقوله بس حاول يبررالموقف: اااقصد يعني انها اسرعت الله يهداها
راشد: هي.. بس انا مستغرب ما احيد سواقتها متهوره.. هذي سواقتها احسن عني وعنك
عبدالله: مادري عنها والله.. يلا انزل وانا ببركن وبييك
راشد: خلاص.. يلا لا تبطي
ونزل راشد ودخل المستشفى سأل عن اخته قالوا ان حالتها اتحسنت وايد واتجاوبت ويا الدوا وايد وان بنيتها قويه.. فنقلوها الجناح فوق.. استانس راشد للي سمعه وطلب انهم يرخصونها قالوا له خذ اذن من الدكتور وراح راشد عند الدكتور ودخل عليه
راشد: السلام عليكم دكتور
الدكتور: وعليكم السلام.. اهلا.. تنفضل اقعد
راشد: والله يا دكتور انا خبروني انك انت الطبيب المعالج لأختي.. بغيت اخذ اذن خروجها اذا امكن
الدكتور: انت اخو ريم المزروعي.. خبركم الدكتور المناوب عن حالتها؟؟؟
راشد: هي خبرنا
الدكتور: انزين انا احين لازم اسير اسوي لها كشف واطمن .. ونكشف الغطا عن عينها ونشوف اذا بإمكانها تشوف ولا لا.. والله يعين
راشد وهو خايف: انزين دكتور واذا ثبت هالشي.. شو علاجه
الدكتور: ممكن زراعه شبكيه بس نادر هالشي
راشد: عيل قم دكتور خل اشوفها دخيلك
الدكتور: ترا الحاله النفسيه اتأثر عليها حاول انك اتكون طبيعي جدا
راشد: حاضر.. وهني رن اليفون راشد كان عبود متصل يتخبره عن غرفة ريم
راشد: اخبرك تعال عنبر * غرفة رقم ***
عبود: احين بييكم
دخل راشد ويا الدكتور على ريم.. وهو يدعي في قلبه ان ما يثبت شكهم ويدعي في قلبه.. واول ما دخلوا ما لقوا حد على السرير .. سمعوا صوت انين حد يصيح.. وشاف الدكتور غطا الي كان على عينها مرمي على الأرض.. تم يطالع راشد يمين ويسار الغرفه يدور على ريم.. لقاها منزوره على زاويه في الغرفه واتصيح.. سار صوبها ولمس كتفها ..
راشد: ريم حبيبتي ليش انتي هني.. تعالي على السرير
ريم زاد صياحها وتمت ادور على حضن اخوها وهني ادرك راشد ان ريم فقدت بصرها : راشد اخوي.. ما راح اشوفك من اليوم وساير .. ما بشوفك حبيبي..
يوم شاف الدكتور هالمنظر فضل انه ينسحب من الغرفه وجابله عبدالله الي يوم شافه خاف.. قلبه قبضه لأن شكل الدكتور ماكان يبشر.. دخل شاف راشد ماسك ايد ريم ويوديها صوب السرير وهني عرف سبب ملامح الدكتور الحزينه.. وسار مسك ايد ريم الثانيه حست ريم فيه وعرفت لمسته.. عرفت ان اخوها عبدالله بعد موجود لوت صوب ايده وحظنته وهي اتصيح..
ريم: عبدالله.. ليش انا ليش؟؟؟
راشد: ريم.. خلي ايمانج بالله قوي.. وان شاء الله العلاج موجود لا اتحاتين
ريم: راشد انا ما احاتي نفسي؟.. احاتي يوسف.. كيف بيعيش وياي.. انا بفصخ خطوبتي فيه ما اقدر اظلمه وياي.. ما اقدر .. افهمني .. انا بدبر نفسي.. لكن ريلي.. يبا حد يراعيه وانا نفسي ابا من يراعيني..
عبود فاهم ريم ويعرف معنى كلامها وانها على حق.. بس هو متأكد ان يوسف لا يمكن يتخلى عن ريم: ريم حبيبتي.. انتي لا اتفكرين في اي شي احين صحتج اهم من كل شي
راشد: هي والله يا ريم صدقه عبدالله
ريم حاولت اتغير الموضوع لأنها حست ان اخاوها متضايقين وهي ما تحب تضايقهم : اخبرك راشد انت شو يايبنك لازم اتكون في المعرض تشرف على الترتيبات الأخيره اليوم الإفتتاح
راشد: انتي لوحاتي.. انتي رسماتي.. انتي معرضي انتي كل شي..
ريم : يوووووه يلا عاد .. استحي تراني.. يلا قوم بنسير البيت بلبس اللبس الي شريته عشان هاليوم.. وبشل سارونه وبنسير وياك يلا عاد..
عبود وراشد استغربوا من تصرفها واستانسوا في نفس الوقت.. حزتها حسوا بفخر كبير اتجاه اختهم .. رغم الألم الي فيها الا انها تملك قوه خارقه ... على طول ما صدقوا لموا اغراضها وراحوا وياها .. مني رن تليفون راشد كانت نوف متصله
راشد: الوووووووووووه .. هلا والله
نوف: صدق انك فايج.. شو هالنفسيه..وينك من الصبح اتريا حد يطمني
راشد وهو يغني: انسى الزعل انسى الي راح انسى الألم انسى الجراح طمني بس(وعطى السماعه لريم عشان اتكمل)
ريم: طمني بس خل ارتاح.. طمني قول صبري راح.. طمني بس..
صرخت نوف يوم سمعت صوت ريم استانست.. حست ان روحها ردت وهمها انزاح: ريم حبيبتي الحمد لله على السلامه.. خوفتينا عليج
ريم: لا والله.. خفتي علي.. فديتج والله.. عاد حاسبي عن المظاهر هاي جدام اخوي اونج اتحبيني احين شرات المسلسلات صايره لنا..
نوف: حرام عليج
عبود: بدت احين.. افف.. كنا مفتكين من لسانها يومين
ريم: اصلا لساني مافي احلى منه عسل يقطر.. ولا شو رايج نوف
ريم حطت على الإسبيكر عشان الكل يسمع: لا في هالشي عاد انا وياج.. هي والله البيت من غير لسانج ما يسوى التراب حتى
هني صرخت ساره يوم سمعت صوت عمتها ريم حبيبتها: آلو ليم.. تعالي ابا العب وياث
دمعت عين ريم.. لأنها عرفت انها ما تقدر تشوف ساره الصغيره ولا الياهل الي في الدرب من اليوم وساير .. عطت السماعه لراشد
نوف: الو .. ريم.. حووووح.. عاد قلنا عسل ما قلنا اختقي علينا
راشد: نوفي.. يالله فتحي الباب انا وصلت البيت
نوف: شو.. يايين البيت.. فديتكم الا مب بس بفتح الباب الا بفرش الدرب ورد احمر
وهني طلعت نوف عشان تفتح الباب ويدخلون البيت .. نزلت ريم من السياره بمساعده من عبود وادركت لحظتها ان ريم ما قامت اتشوف.. ويوم ساره شافت ريم ركضت صوبها..
ساره: آلو ليم.. ديوووووووووو
صدت ريم صوب اليمين مع ان ساره كانت على يسارها..
ساره: آلو ليم.. ما اتثوفيني انا هني.. هيهيهيهيهيهي انتي اتثوفين مناكي رونج
مني زاد حزن ريم وكآبتها... بس حاولت ما اتبين لساره : لا حبيبتي شفتج حلوه مثل القمر بس انا اسوي عمري ما اشوفج.. _صدت على فوق ) راشد ودني غرفتي خل اتلبس وبيي وياك
راشد: تعالي.. هاتي ايدج
يا ترى شو موقف يوسف من الي صار؟؟
وشو عن خالد ونوره؟؟؟
واحمد ؟؟؟
واهم من هذا كله الإفتتاح الكبير لمعرض راشد المزروعي؟؟
منو راح يقابلون هناك؟؟؟
انتظرو الجزء السابع
واتمنى اشوف ردودكم

لجزء السابع
===========
تلبست واتكشخت ريم احلى كشختها وبقدره قادر الكل تعجب من هالشي .. كانت مجحله عيونها من داخل ولا مغلطه في شي.. وحاطه جلوز وردي فاتح.. كانت خدودها مورده وطالعه حلوه رغم الجرح الي على خدها.. حتى ان الكل بدا يشك انها مب عميه لولا كلام الدكتور الي أكد لهم تلف الشبكيه.. نزلت من على الدري بمساعده عبدالله اخوها و كانت شاله ساره في حضنها .. كانوا يوم يمشون ويا بعض كأنها ام وبنتها او خوات من كثر الشبه الي بينهم..
راشد: الله الله.. هل يمكنني مرافقتك أيتها الأميره؟ (يكلم ريم)
ريم وهي ماده ايدها: طبعا ايها الفارس المغوار.. ههههههه
ومشى وهو ضام ايده بيدها.. كانوا فعلا كأنهم امير وأميرته وركبها السياره وساروا صوب المعرض ,, كانت اللوحه الخارجيه روعه .. كان قاعد يوصف لها جمال اللوحه وكيف مكتوب فيها عنوان المعرض .. وقف في موقف من المواقف ونزل ويا ريم وساره .. ودخلوا المعرض الي كان العمال فيه يشتغلون مثل خليه النحل..
راشد: اقول ريم... اذا منزعجه من حشره المكان بوديج داخل في المكتب احسن
ريم: لا مابا.. انا مرتاحه هني.. جيه احس بالمكان
ساره: بابا .. ثنو هذا .. ؟؟ منو ثوا ثاره داخل هني؟؟(كانت اتشوف اللوحه الي هي مرسومه فيها)
راشد: بابا حبيبي.. هاي سارونه الحلوه .. انا رسمتج حبيبي..
ساره: مع قلم؟؟
ريم: ههههههههه يحليلج يا ساره.. هي مع قلم
راشد: ريم قعدي هني وانا بسيراتابع شغل العمال..
ريم: خلاص اخوي .. روح انا هني ويا ساروه الحلوه
راشد: ساره بابا اسمعي كلام عمو ريم.. لا تلعوزينها
ساره: ان ثالله.. (وهي اتأشر حق عمتها ريم صوب لوحه) عمو ليم ثنو هذا بابا سوا؟
ارتبكت ريم لأنها ما اتشوف الي اتأشره لها ساره: وين حبيبي؟؟
ساره: مني عمو .. ثوفي هناك
ريم: هي وايد حلو..
ساره: انا اقول ثنو هذا؟
ريم وهي مرتبكه مب قادره اتقول لها انها ما اتشوف: ما عرف حبيبي.. يوم بابا ايي اسأليه
راشد: خلاص تعالي نسير المكتب نيلس هناك بنتغدى ونسولف لين ما ايي وقت الحدث المهم...
ريم: هي والله لأني انا يوعانه من خاطر والله
راشد: عيل يلا قومي..
وسار راشد ويا ريم وتغدوا وتموا يسولفون ويضحكون على كلام ساره الحلو.. وصارت الساعه خمس العصر.. يعني وصل وقت الإفتتاح.. واتجهز راشد ويا عياله عشان يروحون للإفتتاح.. وريم كانت واقفه على جنب ويا ساره.. راشد كان ويا الصحافيين وكل باله ويا ريم .. وتم الإفتتاح ودخلوا الناس عشان يطلعون على اللوحات... وكانت ريم مرافقه راشد طول الوقت هي وساره بس كانت اتقوم عنه يوم انه يبا يتصور عشان لا تتطلع في الصور.. كان من بين الحضور شخص يشكل ماضي لراشد.. الماضي هذا يعود لأيام الدراسه في كندا.. كانت نظراتها ما تفرق راشد وريم.. كانت تنظر لريم بكل حقد وكراهيه كأنها هي سبب جرح الماضي.. ما انتبه لها راشد ولا ريم طبعا لأنها ما تقدر اتشوف.. حاولت اتجرب من ريم لعل ريم تنتبه لها بس ماشي فايده.. ريم ما كانت اتشوفها.. وبعد فتره لاحظت هذي البنت ان ريم ما تقدر اتشوف .. هذي البنت هي عواطف الي كان في يوم من الأيام راشد يتمناها ويحبها.. وكان على علاقه وياها... كانت هي بنت سفير الإمارات في كندا.. كانت تدرس في نفس الكليه الي كان فيها راشد .. كليه الفنون... راحت صوب راشد وبقصد منها دعمته عشان ينتبه لها
عواطف: اسمحلي انا آسفه..
صد صوبها راشد وكانت الصدمه كبيره معقوله عواطف جدامه: أأأأنتي؟؟؟؟
عواطف: والله دنيا يا راشد .. نسيتني؟؟
راشد: انتي شو يايبج هني؟
عواطف: والله اظن اني انا فنانه نفسك يهمني اتابع اعمال غيري.. ومب اعمال اي حد
سمعت ريم ان راشد يكلم هالبنت حست ان في شي صاير: راشد.. شو الي صاير؟؟
عواطف: هذي (وهي اتأشر بصبعها بإحتقار) خلتك تنساني...
راشد: احترمي نفسج.. ترا الي جدامج اختي ريم
انصدمت عواطف وافتشلت: اأأنا آسفة والله ما كنت ادري اتحريتها حرمتك
راشد: حتى لو حرمتي انتي مالج حق اتعقين عليها ولا كلمه.. لأن حرمتي هي تاج راسي
عواطف: وأنا.. عطوفه... شو بالنسبه لك
راشد: كل شي بيني وبينج انتهى .. رجاءً حلي عني.. انا في مكان ما يسمح فيه الكلام العائلي والخاص.. انا في مكان شغل.. (وراح عنها راشد وسحب وياه ريم الي كانت مدهوشه وساكته وهي شاله ساره)
ريم: منو هذي؟
راشد: هذي سالفه طويله عقب بخبرج اياها؟؟ اقول اتريي اهني بسير عند واحد بسلم عليه...
عواطف شافت ريم بروحها انتهزت الفرصه عشان تكلم ريم: السلام عليكم
ريم: من انتي؟؟ شو تبين من راشد؟؟
عواطف: اعصابج يا حبوبه.. انا كل الي اباه ان اخوج يذكر على الأقل الإنسانه الي حبها.. ويذكر على الأقل العشره الي بينا.. طلقني وقلت ما عليه.. عاد ينسى ان عنده ولد.. وما يذكره ولا حتى يسأل عنه.. ما يقصر في المصروف اما وين الأبوه الي في دمه.. انا مابا اخوج بس اباه يهتم في ولده الي ماشافه من 5 سنين شو صار وكيف صار .. الولد يوم يسألني عن ابوه شو ارد عليه.. المهم بلغي اخوج سبب رجوعي
راحت عواطف والي تركت عاصفه من الأفكار تدور في ذهن ريم.. الي ما قدرت تتحمل الي سمعته ومن الصدمه الكبيره الي كانت فيها اغمى عليها وطاحت.. انتبه لها راشد وركض لها واعتذر من الموجودين وشل اخته وسار ..
راشد: ريم.. قومي يا اختي بلاج.. ريم حبيبتي
كانت ريم في حاله اغماء ما اترد على راشد الي تم يحاتي حالتها... وفي نفس الوقت اتصل خالد الي سمع خبر حاله ريم من عبود لأنه بغى يكلم ريم ويتطمن عليها..
راشد: الوو.. خالد.. تعال الله يخليك بسرعه صوب المعرض.. ريم تعبانه مغمى عليها.. حاس عمري ضايع مب عارف شو اسوي
خالد: خلاص هدي.. انا ياي احين .. مسافه الدرب واكون عندك
وطبعا خالد اسرع عشان يوصل لهم ووصل عندهم بعد 10 دقايق .. وماشاف حد يوم اتصل في راشد قال له انهم نقلوا ريم بسياره اسعاف للمستشفى.. وهو غير دربه للمستشفى واتصل في عبدالله..
خالد: هلا عبود
عبدالله: هلا والله .. اشحالك؟
خالد: بخير بخير..اسمعني تعال المستشفى بسرعه ريم جنها تعبت مره ثانيه وراشد خذاها المستشفى
عبدالله: شوووووووووووو... وين؟؟ متى ؟؟ وكيف..؟؟ يحليلج ياختي..
خالد: انا ما عرف حالي حالك.. بس انت يلا تعال
عبدالله.. : دقايق وانا هناك
خالد: الله يخليك انتبه وانت اتسوق مافينا بعد انت تتعور
عبدالله: يحليلك يا خلود اتخاف علي؟؟
خالد: ومن لي غيرك اخو.. والله ما بقى لي غيرك
عبدالله: يالله مو وقته انا ساير عند ريم.. باي
وسكر عبدالله الخط الي ماكان عارف كيف راح يوصل عمره عند المستشفى.. ووصل ونفس الوقت وصل وياه خالد الي لقوا راشد يترياهم
راشد: وينكم تأخرتوا؟؟
خالد: والله الدرب زحمه.. شو اخبارها؟؟
عبدالله: شو صاير طمني.. بلاها ريامي.. ؟؟
راشد: مادري في المعرض فجأة طاحت مغمى عليها.. الدكتور يقول نتيجه صدمه وهي كانت ضعيفه جسديا ما قدرت تتحمل قوه الصدمه عليها
عبدالله: ليش ؟؟ صار شي يصدمها؟؟
راشد: علمي علمك.. انا مب عارف شي...
خالد: اقول هات ساروونه انا بوديها البيت عند نوف
راشد: هي والله اتسوي خير
وطلع خالد عشان يودي ساره البيت ويرد المستشفى.. ودخل عبدالله ويا راشد عشان يتطمنون على ريم... كانت ريم واعيه يعني عدت الفتره الحرجه من الإغماء.. هي ما انتبهت عليهم يوم دخلوا عليها وكانت سرحانه
راشد: احم احم .. ممكن اشوف القمر؟؟
ريم وهي تبتسم: تعال اقرب... ولا تقول قمر.. خلاص ما عدت قمر فيني عاهه احين
عبدالله وهو معصب: ريم.. مابي اسمعج اتقولينها مره ثانيه .. راح تبقين ريم القمر وخلاص
ريم: خلاص خلاص.. iam sorry خلاص رضيت
عبدالله: هي رضيت.. شخبارج انتي المهم؟
ريم: والله الحمد لله راحت الدوخه
راشد: ريم .. شو الي صار خبريني.. .؟؟
ريم: ماشي تعب وارهاق...
عبدالله: متأكده؟؟؟؟؟
ريم: هي متأكده.. الا اخبركم وين مرت عمي.. ماعرفت الي صار لي؟؟
عبدالله: لا ما كانت اتعرف انا يادوب اليوم خبرت خالد وهو كان ياي يشوفج وسار البيت اكيد بيخبر امه وبيي وياها..
راشد: انا ساير عند الدكتور بخليه يخليج اهني كم يوم..
ريم: لا لا لا لا لالا ... برد البيت
راشد: بشوف الدكتور شو يقول اول؟؟
ريم: اففففف.. انزين
عبدالله: ريم .. خبريني شو صار.؟؟ انا متأكد ان في شي؟
ريم: عبود بلاك انت.. مافي شي.. يمكن من التعب والإرهاق والتفكير.. لأني طول الوقت افكر في حال يوسف اذا عرف.. ومن الصبح وهو يتصل و انا اعرفه من رنته المميزه الي كنت حاطتنها ايام ما كنت اشوف.. وانا ما ارد عليه
عبدالله: حرام ليش عاد؟
ريم: خلاص اباه يعيش حياته وينساني؟
عبدالله: صدق انج اتخبلتي.. امي هذا حب الطفوله كيف ينساه!!!!
ريم: ما ادري المهم ماله امل.. ماباه يتعذب في عيشته وياي
عبدالله: الله يهديج.. انزين خبريني عن يوم الحادث..
ريم: اخيييي اليوم المشؤوم (قاطعها عبود)
عبود: ريم لا اتقولين هالكلام .. اذكري الله .. هذا قدر ومكتوب تراه
ريم: ونعم بالله... ماشي ذاك اليوم واحد الله يسامحه كان يلاحقني ويضايجني طفرت جان اسرع ويوم شفت الإشاره حمرا والشارع فاضي اسرعت وشو دراني عن هذا الي ياي
عبدالله: وفي واحد ثالث داعمنكم تعرفينه؟
ريم وهي مستغربه: ثالث.؟؟؟؟ منو
عبدالله: احمد.. اخو سوسن
ريم وهي مندهشه: شووووووووووووو.. معقوله؟؟
عبدالله: هي.. والله الدنيا صغيره يا ريم
وهني دخل راشد وسكت عبدالله وريم بعد..
راشد: ها ليش سكتوا عندكم اسرار من وراي..
ريم: لا اي اسرار.. ونحن انروم انخش شي عن اخونا حبيبنا
راشد: انزين بلا هذربه يلا قومي نشي.. مافيها شي واتسوي عمرها غشيانه .. دلع بنات.. يلا انجلعي بنسير البيت
ريم وهي تضحك: حرام اتغلى عليكم اشوي.. لازم ترا انا الإخت الوحيده لازم اشويه حنان
عبدالله: انتي ولا شويه بتكفيج..
ريم: حلال علي.. ولا بتخلي الحنان كله لنوال؟؟
عبدالله: يالظالمه تدرين اني من يوم طيحتج ما كلمتها عدل .. ويوم درت عنج بغت اتيي انا منعتها قلت لين ما تستقر حالتج
ريم: انا مستقره يلا ودني لهم.. انا ومرت عمي.. عشان نخصب حق خلود.. العاشق الولهان
وهني دخل خالد:السلام عليكم
ريم: الللللللللللللللله.. صدق ان عمرك طويل.. توني اطريك؟؟؟
خالد: ادريبج تكرهيني.. كله اتحشين فيني؟
ريم: انا اكرهك.. الله يسامحك بس والله براويك.. اقول عبود خلاص هونت لا اتوديني
خالد: وين يوديج؟؟
ريم: اقول راشد.. خل هالذبانه يسكت.. ودني البيت
راشد وهو يضحك: يلا ..
خالد: لحظه لحظه.. ماشي طلعه لين ما اعرف السالفه؟
عبدالله: انا بخبرك يا بو الوليد.. حضره جناب البرنسيسه ريم بنفسها كانت بتسير عند امك عشان اتكلمها عن نوره ويسيرون يخطبون لك؟
خالد وهو مندهش؟؟: والله صدق.. انا اسف ريم.. يااحلى ريم وغزال وقمر في الكون كله.. فديتج.. الله يخليج انا اسف.. سوري,...
ريم: اسف وسوري وين تنصرف هاي.. ابا كاش .. شي ينصرف؟
خالد: يالله انتي بعدها هالعاده فيج.. فالج طيب بس انتي تامرين كم ريم عندي من عيوني
ريم: اممممم.. اخ منك انت مصلحجي كل ها عشان نوره
خالد: راشد.. قول لها عاد والله حسوا فيني انتوا عشاق واتعرفون معنى الحب
ريم: ههههه .. عدال يالعاشق... ترا نحن بعد اوادم وانحب.. بس احب اعوزك انت على طول تجلبها جد
راشد: ريم عندها قلب يحب العالم كله
عبدالله بصوت واطي: حشى كاراج مب قلب
ريم: شنو شنو؟؟
عبدالله: ماشي فديتج.. اقول فديت قلبها الحنون المحب
ريم: هييييييييييييه حسبالي بعد..
راشد: اقول انتوا رمستكم الظاهر ما بتخلص يلا بنسير البيت نوف روحها
خالد: لا لا لا؟... تعالوا بيتنا.. نتعشى ويا بعض
ريم: اخ منك انت.. مستعيل
خالد: وايد صبرت خلاص مب قادر اتحمل زود
عبدالله: يلا امش جدامي عيل
راشد: سرينا
ريم: سرينا
وراحت ريم ويا عبدالله وخالد بيت عمها سلطان .. وسار راشد عشان يشل نوف وساره وياخذهم بيت عمه,.. نزلت ريم ووصل راشد ونوف وقعدوا كلهم سوالف وضحك ووناسه.. وتعشوا وفتحت ريم موضوع نوره ويا مرت عمها.
ريم: عمو.. متى بنسير عند اهل نوره .. عشان خالد
ام يوسف: والله يا بنتي متى ما تبين انا حاضره .. بس انتي حددي اليوم المناسب لج..
خالد وهو منفعل: باجر..
ريم : ههههههههههه .. اثقل اشوي انت.. وبعدين منو قال ان باجر مناسب لي
خالد: لا والله.. اجازه شو وراج انتي
ريم: ما يخصك.. انا بحدد متى ما انا ابا
خالد: افففففف بدت شغل النذاله..
نوف: ههههه .. صدق انك عاشق ولهان.. يا روميو
راشد: حقوق الطبع محفوظه.. هذا لقبي تراه... هذا عنتر.
خالد: متفيجين..
عبدالله: اوب.. الريال عصب..
خالد: اسكت انت الثاني اشعليك .. خطبولك وخلصت مب انا اليتيم حليلي بعد مذله
ريم: خلاص انا بكلم نوال عشان اتكلم امها الخميس انروح لهم.. شو تبا اكثر بعد
خالد: لا باجر..
ريم: صدق انك مب ويه خير.. طرار ويتشرط.. كيفك تبا يوم الخميس حاضر ولا بهون
خالد: اففففففف. رضينا
الكل تم يضحك على خالد وشكله.. الا ريم الي متعذبه من داخلها لأنها ما تقدر اتشوف شي.. وهني رن تليفنونها كان يوسف الي متصل.. يوم شاف عبدالله اسم يوسف.. وشاف ان ريم ارتبكت يوم سمعت الرنه ما عرف شو يسوي جان يرد.
عبدالله: هلا والله بو النسب
يوسف وهو متغير صوته: اهلين.. اشحالك؟؟ وينها ريم؟؟ شو صاير ؟؟ قلبي مو مرتاح اكيد في شي خاشينه عني
عبدالله: حوووح.. هدي هدي اشوي اشوي كليتني بالأسئله .. ما بلاها شي
يوسف: عيل ليش ما اترد علي.. ليش يوم اتصل ما ترد علي.. ؟؟ زعلانه مني
عبدالله: لا شو تزعل منك.. انت ما سويت شي يزعلها.. ماشي كان التليفون في السياره وهي كانت راقده
يوسف: عيل عطني اكلمها احين..
عبدالله: هاك كلمها.. يلا في امان الله
وعطا عبدالله التليفون لريم الي كان ويها متغير والكل ساكت ومقدر احساس ريم.
ريم: الو
يوسف: هلا حبيبتي.. وينج.. حرام عليج والله طيحتي قلبي... شو بلاج حتى مسج ما طرشتي
ريم وهي اتقول في خاطرها كيف تباني اطرش وانا ما اشوف..: اطمن مافيني شي.. فديتك انا
يوسف.: حتى صوتج واسلوبج متغير.. ريم متأكده مافيج شي.؟؟
ريم: ههههه .. متأكده بلاك انت
يوسف: اخخخخ .. وتسألني بلاني.. الي بلاني حبج الي ما اقدر اعيش لحظه بدونه
وين انت قبل الي مضى من سنيني
يا مسعد باقي حياتي بالأفراح
ما قول قبلك في حياتي ضنيني
ولا ني مع غيرك من الناس مرتاح
ريم: فديتك .. ربي لا يحرمني منك..
يوسف: انتي صار كلامج وايد مختصر وياي... شكلج مهمومه؟؟ شو صاير خبريني؟
ريم: لا اله الا الله .. مافي شي والله مافيني شي
يوسف: هذي مب ريم الي اعرفها.. اسمحيلي اقولج بسكر عنج ويوم تعتبريني يوسف الي تبينه كلميني.. مااحب هالإسلوب
وسكر الخط قبل لا تنطق ريم بأي كلمه.. وكانت ريم عاذرته على هالتصرف لأن من حقه يقول هالكلام بعد هالمعامله الجافيه الي كانت تعامله فيه... ريم تكلم نفسها بينها وبين نفسها: لازم اخليه ينساني.. لازم.. لازم اخليه يحس اني ما اباه عشان يبعد .. لكن والله احبك احبك.. كيف بعيش من غيره بس لازم اتحمل.. ما اباه يتعذب وياي.. مستحيل اخليه يتعذب.. مستحيل..
وطبعا يوسف كان يفكر.. وحس ان اكيد في شي كبير صاير خلا ريم تتغير عليه.. قرر انه يرد الإمارات .,.. وقام شل عمره اقرب مكتب سفريات عشان يحجز التذكره على اقرب يوم.. بس قرر بينه وبين نفسه ان ما يخبر حد عشان يفاجئهم ويشوف الي صاير بنفسه..
انتهى الجزء السابع

الجزء الثامن
=========
وصل اليوم المرتقب بالنسبه لخالد.. اليوم الي صار له جريب السنه وهو يترياه... والسبت الي وراه راح تعلن نتايج الثانويه العامه.. الكل كان واثق من نجاح نوره لأنها فعلا تعبت في الدراسه ... وفي بيت العم سلطان الكل مرتبش ريم ونوف وراشد وعبدالله وخالد وام يوسف كلهم كانوا متيمعين عشان يسيرون سوى..
خالد: افففففففف. انتوا يالحريم جيه؟؟ ساعه لين ما تجهزون يلا الناس يتريون
ريم ببرود: اقول نوف.. خذي راحتج .. ردي البيت وييبي لج لبس ثاني.. ولا لا ييبي البخور الي انا احبه عشان اتبخر فيه وعقب بنسير
نوف وهي فاهمه ان ريم تبا اتغايض خالد: هي صدقج لبسي هذا مب شي.. والبخور زين ذكرتيني فيه
خالد: لا والله .. صدق.. احلفوا انتوا بس... راشد شوف اختك وحرمتك شو يقولون؟؟
راشد: عدال يالعاشق عدال.. بنروح احين.. يلا جاهزين
ام يوسف: هي خلاص الكل جهز... نتوكل على الله
نوف: لحظه بييب شنطه سارووه
خالد: اففف .. انا اخرتها بمط شعري منكم
ريم: عاد من طوله عشان اتمطه...
وتوهم بيظهرون من البيت الا كانت المفاجأة كبيره عند الباب... معقوله الي هم يشوفونه احين جدامهم.. الكل كان متفاجئ الا ريم لأنها ما تقدر تشوف شي.. طاحت شنطه ريم تمت ادور عليها والطريقه الي كانت اتدور فيها الشنطه كانت اتبين انها ما اتشوف.. فجأة شافت حد مد ايده يعطيها الشنطه.. اتحرت حد من اخوانها ولا ولد عمها خالد.. ريم: شكرا.. اما الباقي مب رايمين ينطقون اويتحركون من الصدمه..
ريم: بلاكم استويتوا طرمان.. يلا راشد امسك ايدي ترا ما اشوف.. بتخرطف احين.. وبتتكنسل الروحه..
يوسف: انا بوصلج؟؟
ريم سكتت الصوت مألوف عليها.. الصوت هذا قريب من قلبها .. زادت دقات قلبها وتمت ترتجف: ممممنننو.؟؟ يو يويويوسف
يوسف: هي .. يوسف يا ريم.. بغيتي اتخشين عني هالشي.. معقوله اتخشين عني.. وشو اتحريتي لو عرفت بغير رايي فيج.. انا اباج لنفسج لذاتج.. اباج لأنج ريم.. بنت عمي وحب الطفوله
ريم وهي منفعله وترتجف وبصوت عالي: خوز من جدامي.. لا تلمسني.. خلاص الي بينا انتهى.. روح لحياتك .. مابا شي منك ..
يوسف وهو مستغرب: ريم.. شو بلاج.. انا يوسف الي يحبج والي تبينه.. ريم شوفيني.. (انتبه راشد لآخر كلمه قالها وندم عليها لأنه شاف ملامح ريم تغيرت) أأأنا آسسف
ريم: ماروم اشوفك .. عرفت احين.. كيف تبا اتعيش وياي.. كيف كيف خبرني.. شوف حالتك وانت مشفق علي.. مابا هالحياة.. انساني خلاص .. انا ريم بنت العم بس... لا اكثر.. (تنادي على راشد) راشد يلا اتأخرنا.. (حاولت تمشي على الدري بروحها وتوها بتطيح بس مسكها عبدالله الي وداها السياره.. وسلم يوسف على امه واهله وقالهم انه بيسبح و بيلبس وبيلحقهم بيت نوره.. )
عبدالله ويا ريم في السياره .. حب انه يطلع ريم من الحزن الي كانت فيه
عبود: ريم.. كم تتوقعين نسبه نوره؟؟
ريم: مادري.. بس هي شاطره اكيد نسبتها حلوه بتكون..
عبود: يعني توقع؟؟
ريم: واذا طلع توقعي صح كم تعطيني؟
عبود: انا ليش اسأل اسئله غبيه وكلها خساير.. ويهي مو ويه اسأله..
ريم: توك اتعرف.. زين قدرت اتقيم نفسك..
عبود: افاااااااااا هذا رايج في اخوج يعني
ريم: لا فديته اخوي ماشي مثله اثنين
عبود: معلوم مافي مثلي اثنين.. شرات اختي طالع عليها.. الكل يقول تشبه ريم
ريم: منو الي ما يقدر يفرق وغبي قالك هالكلام..
عبود: اقول نحن وصلنا يلا نزلي.. يلا .. انا ما عندي سالفه مركبنج الإكس فايف مالي
ريم: عداااااااال راعي الإكس فايف... انت انزل وتعال صوب الباب مالي ونزلني واتبوس ايدي وانت اتنزلني.. فاهم...
عبود: حاااااضر.. كم قمر عندنا..
ريم: شاطر.. يالله بعطيك حلاوه
عبود: وايد عليج يا مرت حاتم الطائي..
طلعت نوال من البيت تستقبلهم ومسكت ريم عشان اتدخلها البيت..
نوال: يا هلا والله.. اقول انا من وين هالنور كله ياي
عبود: ادري.. محد غيرج فاهمني.. مشكوره والله
نوال: منو قالك انت.. انا اقول حق القمر الي وياك..
ريم: وييييييييييييو قفطوه.. تعالي وديني عند الغزاله الي داخل..
خالد وهو سمع طاري الغزاله عرف انها تقصد نوره جان يقول بصوت عالي : فديتهاااا
ريم صدت صوب مصدر الصوت وعبدالله صد صوبه ونوال وتموا يضحكون.. خالد حس بإحراج بس طنش السالفه.. والكل دخل داخل البيت الرياييل ميلس الرياييل والحريم عند الحريم في الصاله.. كانت نوره حابسه عمرها في الحجره لأن امها طلبت منها هالشي انها ما تنزل لين ما يزقرونها وكانت ميته اتحوس تبا اتعرف شو يصير تحت..
وفي ميلس الحريم بعد ما خلصوا الحريم رمستهم عن الخطبه وتم تحديد يوم الملجه الي هو بعد اسبوعين..
ام نوره: نوال برو جار نوره بيزن.. بكوش بيا زير (نوال سيري ازقري نوره .. وقوليلها خل تنزل)
نوال: امي عاد عيب اتشفرين جدامهم عن يتحرونج اتذمينهم..
ام يوسف: لا والله .. لكم الحشيمه.. ندريبكم ما تسوونها.. بس عاد علميني يا ام محمد..
ام محمد: ان شاء الله.. بتتعلمين.. هو سهل مافي سعب..
ريم بنبره حزن: ليتني كنت اقدر اشوف نوره .. اكيد محلوه اليوم
الكل صد صوبها وحس بحزن في داخله على حاله ريم.. بس ما حبوا يبينون لها عشان ما تزعل زياده .. هني نزلت نوره والي تمت نوف اتيبب.. وكانت محمره وخجلانه.. سارت صوب ام يوسف وسلمت عليها وعقبها سلمت على الباقي ويلست حذال ريم..
نوره: فديتج ريم.. اشتقت لج .. عنبوا ما تزورينا..
ريم: شو اسوي تدرين انتي بالظروف.. بس يالله من الحين وساير كله بيي عندج.. ولا تزعلين..
نوره: ونحن نقدر نزعل من القمر..
ريم بصوت واطي: ها شو رايج في خالد
نوره وهي مستحيه: ريم... عن هالرمسه عاد
ريم: الله الله الله .. كل هذا خجل.. امي الخجل مب علي انا يلا قولي بسرعه واعترفي شو رايج في خالد.. انتي شايفتنه ادري؟؟
نوره: اف منج..ز شو رايي اوكي
ريم وهي اتقلد نوره: اوكي.. انا اقول شو رايج اتقولين اوكي.. ابا اجابه واضحه
نوره: الصراحه..دخل خاطري من اول مره شفته وحسيت بشي غريب.. وحلو ماشاء الله عليه.. ومبين عليه طيب و.
قاطعتها ريم: توج مستحيه اونج.. واحين اشوفج شوي وبتقولين فيه قصيده..
نوره: هههههه ..انزين انتي قلتي لي اقولج وانا قلت لج
ريم: ههههه .. الله يهنيكم
نوره: ريم بسألج؟؟ (وبخجل) هو شو رايه فيني؟؟
ريم: هههههههههههههههههههه ... كم تعطيني اذا قلت لج؟
نوره: لا اله الا الله... يا ماما .. انتي استوي كريمه مره وحده.. بعطيج الي تبينه بس خبريني
ريم: مب كيفج اخبرج.. عيب .. ما بحش في الريال في غيابه.. حرااااام
نوره: لا والله احلفي انتي بس.. انتي خو ما بتذمينه .. قول اند تبين اتخسسين فيني هيه لا.
ريم: ههههه .. انتوا العيم متى بتنفج عقده هيه لا مالتكم مادري
نوره: لا والله.. يلا عاد ريمو قولي..
ريم: اففف.. ذليتي ابوي.. بقول.. الله يسلمج الريال يحبج من قبل لا يشوفج
نوره وهي مستغربه: كيف كيف كيف؟
ريم: الحمد لله والشكر البنت ما قامت تستوعب.. تذكرين يوم على المسنجر.. خلاني اكلمج واتعرف عليج وعقب اعرفج عليه بس انا ما طعت .. عقب استوى العاشق الولهان من اول همسه من صوتج العذب الي سمعه.. ولين يومج يراكض ورانا عشان نخطبج.. لين ما يينا وخطبناج له... مالت عليج
نوره: يحليله...
ريم: احلفي انتي بس
نوف: ايه انتوا من الصبح وتتساسرون شو عندكم
ريم: اسرار بنات ممنوع تدخل الحريم فيها
نوال: نحن بعد بنات
ريم: لا انتي مب ضمن القائمه انتي مخطوبه يعني حرمه.. اما نوره بعدها فرش.. ماصار شي..
ام يوسف: انزين يا ام محمد ومتى بنملج بعبدالله ونوال.؟؟
استحت نوال من هالكلام وقامت صعدت فوق في حجرتها والكل تم يضحك الا ريم لأنها ما عرفت شو صار فقالت لها نوره الي صار وضحكت وياهم..
ام محمد: والله يا ام يوسف.. بنت بنتكم وانتوا كيفكم.. حددوا ونحن جاهزين

ام يوسف: خلاص شو رايج الخميس الياي ملجت نوال.. والي بعده ملجت نوره..
ام محمد: خوب.. أأصد زين
في ميلس الرياييل الضحكه كانت تارسه المكان.. كان محمد اخو نوره ويوسف وراشد وخالد وعبدالله واخوهم سعيد.. طيحين قرض وسوالف
راشد: احلى شي الصراحه .. يوم انه مره عبود يوم كان صغير يركض وهو زايغ امي تمسكه على الي سواه... وهو يركض ليش ان البمبرس ماله وسيع طلح عنه.. والكل تم يضحك عليه بدال ما يهزأه
الكل ضحك الا عبود: انت والله انك مذله.. اخ يالقهر انك انولدت قبلي.. المشكله ماعرف سوالفك يوم صغير..
خالد: انا اعرف بعد سوالف عنك مثل راشد واكثر يمكن بعض.. اتذكر يوم كنت اخوفك من ثعبان البلاستيك.. غبي من وانت اصغير
عبود: اقول ترا اظن اني بنفس عمرك انا بعد اعرف سوالفك.. يوم انه طلال ولد خالك شل عنك السيكل شو سوت شوي وكنت بتدفن عمرك من كثر ما كنت اترافس الأرض وانت اتصيح..
يوسف: لا كله ولا يوم ميلاد خلود.. زاخينه عن يمسك الكيكه .. الا اشوف ويهه دخل في الكيك وصوروه نفس الوقت والصوره خاشنها عندي
راشد: حدكم عاد على المعرس اليديد.. عاد انت يسوف العاشق الولهان.. اذا قلنا له شي ولا سوينا شي بريم اتقوم القيامه عنده.. تقول حد ماكل حلاله
يوسف: معلوم بنت عمي الوحيده.. حبي الأول والأخير
محمد: ماشاء الله عليكم سوالف والله..
سعيد: انا بخبرك سوالف عن نوره يا خالد بس بعد الملجه وحتى انت عبود بخبرك بعد الملجه
عبود: هي والله دخيلك.. ترا اختك احاول اتفادى قرضها ماروم.. تقطعني خاطري مره اقطعها
بو محمد: احم احم.. شكلي انا هني.. ترا هاي نوال نظر عيني.. شو تقطعها جيه لبس هيه
عبود وهو منحرج: لا عمي .. اااافصد بقطعها من الحب والحنان ...
الكل تم يضحك على موقف عبدالله المسكين..الي افتشل,و وهني رن تليفون راشد نوف متصله اتقوله انهم يبون يروحون خلاص..
وقاموا الرياييل والحريم وظهروا ركبوا سياييرهم وراحوا البيت .. يوسف قال لأمه إنه بيسير بيت عمه عشان يكلم ريم.. وامه سارت ويا خالد...
في سياره عبود .. ريم وعبدالله كل واحد فيهم يسولف يقول شو صار عنده..
ريم: ههه ... والله وناسه اليوم... يحليله خالد يستاهل
عبود: هي والله صبر ونال... بس تدرين اخوج وخالد هالإثنين قطعوني بالرمسه .. كل واحد يفضحني من صوب...
ريم: يحليلك... ما عليه انا براويك فيهم... بنتقم لك..
عبود: هذي الإخت ولا بلاش... الا ما قلت لج ترى يوسف بيينا البيت..
ريم: شوووووو... لا لا لا لا.. ماباه يشوفني الله يخليك لا اتخليه ايي
عبود: ريم ... تراه يوسف خطيبج بلاج انتي..
ريم وعيونها شوي وبتدمع: عبود.. انت ليش مب حاس فيني.. خلاص انا ماباه خل ينساني.. بنفصل عنه.. ومب بكيفه يجبرني اتم وياه لأننا بس خاطبين هب مالجين.. الحمد لله اننا ما ملجنا على الأقل افصخ الخطبه اهون شوي
عبود: ريم.. الريال يباج ما يهمه الي فيج
ريم: انا ما اقدر اعيش عاله عليه.. وهو الحب مازر عقله احين .. وعقب الزواج اشكثر بيتحمل..
عبود: والله انتي ادرى بمصلحتج بس انا اقولج ترا يوسف شاريج .. لأنج ريم.. بغض النظر عن اي شي..
ريم: اااااااه .. ليش يا ربي انحط في هالموقف..لو اني من البدايه ما اتصالحت وياه جان يمكن ما وصلت لهالموقف..
عبود: يلا ريم هاتي ايدج عشان انزلج وصلنا..
ريم وهي ماده له ايدها: اقول .. يوسف هني
عبود: سيارته عند الباب.. اكيد هو داخل..
ريم: عيل ودني اي مكان مابا اجابله
عبود: بتجابلينه غصبن عنج فاهمه.. يلا جدامي اشوف..
ريم: عبود.. ما اقدر والله
عبود: انتي تبين تنهين كل شي .. ترا هاي فرصه..
ريم: يلا دخلني..
دخل عبدالله ويا ريم.. ولما دخلوا الصاله الي كان يوسف قاعد روحه يتريا ريم اما راشد ونوف صعدوا يرقدون في حجرهم.. اول ما شاف يوسف ريم طلب من عبود يخليه هو الي يمسكها بس من غير ما يقولون شي..
ريم حست بالإيد الي ماسكتنها مب ايد عبود: يوسف؟؟
يوسف:هي يوسف ....يا روح يوسف
سحبت ايدها عنه بسرعه ولفت ويها وتمت اتقوله بصوت عالي: انا ماباك... خلاص اطلع من حياتي... افهمني ارجوك ماباااااااااااك....انساني
انصدم يوسف من كلامها: انتي شو اتقولين... وحبنا يا ريم
ريم: حبنا مات .. خلاص... مابا اعيش عاله عليك مابا افهمني..
يوسف: لا مستحيل .. انتي مب ريم الي اعرفها.. انا يوسف يا ريم ؟؟ انا يوسف..
ريم: ادري انك يوسف.. ولأنك يوسف انا ماباك
يوسف: انتي تتحرين ان حالتج هاي بتأثر على علاقتنا.. لا يا ريم انا راضي بقسمه الله انا اباج انتي لذاتج.. انتي حبي الوحيد
ريم: هذا كلام احين... مابا شفقه حد منكم... عبدالله .. ودني الحجره بسرعه
يوسف حس نفسه مخنوق من كلام ريم وطلع من البيت وهو مصدوم.. ما توقع ان ريم اتكون ضعيفه جيه.. وانها تعتقد هالإعتقادات عنه.. وراح ركب السياره وسار صوب البحيره.. وقف صوب القهوة الشعبيه ونزل وتم يتمشى.. وهو يتمشى انتبه حد ينادي عليه.. يوم صد شاف احمد الي يناديه...
احمد: هلا والله يوسف.. الحمد لله على السلامه متى رجعت..
يوسف : الله يسلمك .. اليوم رديت
احمد لاحظ ملامح يوسف متغيره وفهم انه اكيد عرف عن ريم: افا.. ونحن ما ندري..
يوسف: شو بلاها ايدك مجبسه.. ؟؟؟
احمد: ماشي والله حادث بسيط..
يوسف: بسيط وانكسر ايدك؟؟؟ اسميك انت .. متى هالحادث..
احمد ماعرف شو يقوله بس هو يعرف يوسف مب من النوع المتعصب وانه بيزعل لأنه انسان فاهم وعاقل ومتحضر: من فتره...
يوسف: منو الي دعمك؟؟؟
احمد: ليش ما خبرك عبدالله؟؟
يوسف: شو يخبرني؟؟
احمد: ماشي.. اتحريتك تعرف... انا وثلاث سيايير بعد الي اندعمنا.. ومن بينهم سياره ...
يوسف: سياره منو... بلاك سكت؟
احمد: شو اقولك.. سياره ريم..
يوسف: شووووووووو؟؟؟ ريم شو يابها عندك؟؟
احمد لا يروح بالك بعيد... جنه واحد كان يلاحقها.. فهي عدت الإشاره الحمرا عشان تشرد عنه وما انتبهت لسياره يايه من الصوب الثاني دعمت السياره وانا بعد فقدت السيطره يوم شفت الحادث ودعمتهم.. بس ما كنت اعرف عن ريم الا يوم في المستشفى عرفت
يوسف: ااااااااخ.. يا ريم .. ما تستاهلين الي ياج.. ليتني انا الي تعورت ولا هي
احمد: شو حالها احين.؟؟
يوسف: ما تسر يا احمد... جسديا بخير .. بس قلبها يتعذب.. ريم اعرفها افهمها بنظره.. مهمومه .. اتخاف انها اتكون عاله علي.. عشان جيه تبا تنفصل عني
احمد وهو مستغرب: ليش عاد؟؟ انت اتحبها وهي تحبك .. يعني ماشي مجال للشفقه.. احيدها عاقلة مب من الي يفكرون بهالطريقة..
يوسف: وانا هذا الي معذبني... اباها يا احمد .. احبها .. ما اقدر افارقها.. تباني انفصل عنها بعد ما ملكتها... مستحيل
احمد: ليش هي تباك اتودرها؟؟؟
يوسف: هي .. تبا تفصخ الخطبه
احمد: الله يعينك والله.. بس جاهد عشان حبك لا تخليه يضيع
يوسف: معقوله انت اتقول هالكلام؟؟ اخر شي اتوقعه انك تبا ريم اتم وياي رغم انها تبا اتودرني.. توقعتك تباني اودرها عشان تسنح لك الفرصه اتم وياها..
احمد: لأني اعز ريم اباها اتكون سعيده.. وانا ادري ان سعادتها وياك يا يوسف.. واوعدك اني ما اقصر في اي شي انا اقدر اسويه عشان ترجع لك.. هذا عهد مني
يوسف: تسلم والله...اخو عزيز وغالي.. الله يهنيك في حياتك..
احمد : المهم انت لا تكدر روحك بإذن الله كل شي بينحل.. انت بس لا تحاتي.. بترخص منك تأخرت علىالأهل في البيت روحهم
يوسف: اذنك معاك الغالي..
راح احمد وترك يوسف محتار ومهموم ...
----
في بيت علي المزروعي.. ريم قاعده في الصاله ويا عبدالله ونزل لهم راشد لما سمع حشرتها ويا يوسف.. وتم قاعد وياها ويحاولون انها اتغير رايها في هالقرار الي ماخذتنه
راشد: ريم... حرام عليج الي اتسوينه بعمرج وبيوسف بعد
ريم:------
عبدالله: هي والله صدقه راشد حرام... فكري عدل
ريم: لو انا مب مفكره عدل جان ما سويت هالشي.. واعرفوا ان محد يقدر يخليني اغير رايي.. المهم مابا اسمع طاري هالسالفه .. وراشد ابغيك في سالفه؟؟
راشد: خير ان شاء الله..
عبدالله وهو يقلد ريم: راشد ابغيك في سالفه يعني يا عبدالله اجلب ويهك روح..
ريم: ههههههههه ... لا اخوي مب جيه.. بس في سالفه بسيطه ماباك اتعرفها
عبدالله: ما زعلت انا انزين.. اصلا روحي تعبان ابي ارقد.. يلا تصبحون على خير
راشد+ريم: وانت من أهله
راشد: خير شو السالفه.. اشغلتي بالي..؟؟
ريم: منو عواطف..؟؟ ومن متى اتعرفها؟؟ وشو سالفه ولدها؟؟
راشد وهو مستغرب: ريم اشوي اشوي خل استوعب.. انتي شو عرفج في كل هذا؟؟
ريم: يوم المعرض هي خبرتني كل شي.. وانا ابا اعرف منك انت بعد كل شي
راشد وهو يتنهد: ااااااه يا ريم... عواطف هاي غلطه عمري... خذيتها بالسر بدون ما حد يدري بس ما قدرت اتحمل الحياة وياها... هي وايد متحرره في تصرفاتها وانا هالشي اتعرفيني ما احبه.. وما قدرت اتحمل العيشه وياها... حسيت اني عايش في غلطه لابد اني اصلحها.. حاولت وياها ما طاعت.. خبرت امي عنها.. قالت لي ما تييبها بينا غير يوم تلتزم بعاداتنا.. وما طاعت تلتزم.. بل بالعكس زادت في تمردها وتحررها... ويوم طلقتها قالت لي انا حامل.. بس الصراحه ما بخش عنج قبل لا اطلقها انا كنت شاك في تصرفاتها ان في شي غلط هي اتسويه.. وانها ممكن اتخوني.. بس خوفي من ظن السوء خلاني اتجاهل الموضوع.. وليومج انا مب عارف الحقيقه.. المهم.. .. بعد ولادتها طبعا انا سجلت الولد بإسمي.. وكنت اصرف عليه واحبه وايد.. كنت حاس بالأبوه فعلا... بعد فتره ياني واحد وقال لي ان الولد هب ولدي.. وهو ولده هو... ما تدرين الدنيا كيف دارت فيني.. كنت اتوقع اي شي الا هالشي كنت ما احب مجرد تفكير افكر بهالشي.. قلت له مستحيل والخ... بس هو ياب لي دليل قاطع .. ويوم شفت فحص الدم طابق دم الريال... وقتها عافت نفسي منها ورديت البلاد وقلت لأمي اني طلقتها وما قلت عن الولد.. وخطبت لي نوف.. الي افديها بعيوني.. واكيد هي يايه طمعانه احين .. لأني ما صرفت على ولدها.. ولا ابا اصرف عليه.. واذا حبت ترفع قضيه راح افضحها .. كان بإمكاني افضحها من زمان بس انا انسان اخاف ربي في اهلي.. عرفتي احين السالفه
(راشد وهو يخبر ريم السالفه.. ما انتبه لنوف الي كانت واقفه على الدري منصدمه من الي تسمعه)
نوف وبنبره حزن والم: راااااااااشد... كيف اتخش عني ماضيك.؟؟
مني انتبه لها راشد وصد صوبها وحس انه بيموت .. اول مره يشوف نوف تحزن بسبته.. يعز على نفسه حزن نوف نظر عيونه..
ريم: نوف .. تعالي حبيبتي... هدي .. حتى انا اخته مااعرف..
راشد: نوف.. ماكان قصدي.. بس انا يوم ما خبرتج ترا امي هي الي طلبت مني ما اخبرج ..
نوف وهي تدمع : بس بعد .. هذا مو معناته اتخش عني... حرام عليك.... داميا افتخر بإن ريلي ما يخش عني شي وواضح وياي في كل شي..
راشد: ريم .. فهميها بليز... نوف يا حبيبتي ... ما اقصد اخش عنج.. بس هالسالفه انا اخجل منها كيف تبيني اخبرج اياها..
نوف: حتى لو... انا نوف.. حرمتك.. ام عيالك(شلت عمرها وركضت وراحت حجرتها وقفلت الباب)

راشد: نوف.. تعالي.. نوف..
ريم: بلاها..
راشد: راحت الحجره..
ريم: لا والله .. وانت شو تتريا تعزمك عندها.. روح لها.. راضيها
راشد: عيل خل اوصلج حجرتج وبسير لها
ريم: احين انت راشد الي اعرفه.. الله وياك
وصل راشد اخته لغرفتها وسار صوب غرفته كان يدق الباب وهي ما كانت تفتح الباب..
راشد: نوف حبي.. افتحي الباب... حياتي انتي.. يالله عاد بلا دلع.. حياتي.. عن يقوم عبدالله ويشوفني هني
نوف قامت وفتحت الباب .. وكانت عيونها منتفخه من الصياح: تعال..
راشد: لحظه.. وين سايره.. حطي عينج بعيني..
كانت نوف منزله راسها مب طايعه ترفع راسها: خير
راشد: شو خير بعد.. اقولج حطي عينج في عيني يا بعد عيني
رفعت راسها ونزلت الدمعه من عينها الي مسحها لها راشد بإيده: راشد.. ليش خشيت عني هالشي.. حتى لو مب مهم لي ..بس لازم اعرف.. تخيل لو انها قابلتني وخبرتني.. شو بيكون موقفي وانا اعرف شي من غريب وما اعرفه منك..
راشد : نوف... ما حبيت اضايجج... الموضوع جدا حساس بالنسبه لي.. واخجل منه
نوف: ليش تخجل.. انت خذيتها على سنه الله ورسوله هي الي طلعت مو ويه تاخذ واحد مثلك وفي نفس اخلاقك
راشد: اتحبيني.. ؟؟؟
نوف: هذا سؤال.. انا اموووت فيك.. انت كل شي بالنسبه لي.
ضمها راشد لصدره وتمت هي اتصيح وهو يمسح على شعرها.. ويبوس راسها..

وم الجمعه الظهر على صلاة الجمعه في بت علي المزروعي.. راشد وعبدالله زاهبين للصلاة.. راحوا الصلاة
وردوا.. لقوا ريم قاعده في الصاله وساروا قعدوا وياها..
راشد: هلا والله بإختي العزيزه
ريم: هلا راشد.. طمني شو الأوضاع مستقره
راشد: على احسن حال... الأوضاع من احسن ما يكون.. انا راشد ما تعرفيني
عبدالله: شو السالفه
ريم: ممنوع اليهال يدخلون في سوالف كباريه
عبدالله: عدااااال يدوه... انزين ما قلتي لي شو اسوي على موضوع الشبكه اخليها تختار.؟؟
ريم: هي زين ذكرتني... انت اتصل في محل المجوهرات الي متعودين دوم ناخذ من عنده خل يودي لهم في البيت مجموعه من الشبكات اليداد.. وخل نوال ونوره يختارون الي يعيبهم ويحجزونه
عبدالله: خلاص عيل انا بخبر خالد.. ..الا صدق.. خالد ما بيرمس نوره..
ريم: هي ما تبا.. قالت برمسه عقب الملجه خل يصبر..
راشد: اضن نتايجها بتظهر باجر
ريم: اقول عبود ادخل موقع الوزاره حاطين اكيد اسامي الأوائل العشره شوف اسمها مب بينهم..
عبدالله: متفائله الإخت..
ريم: يلا عاد .. بلا مذله
عبدالله: حااااااااضر كم ريم عندي .. ثواني بس
راشد: الله يوفقها ويبلغها بالنسبه الزينه
ريم: آمين.. الا صدق ما بنسافر عند عمي .. اشتقت له الصراحه
راشد: بلا بنسافر بعد ملجه عبود وخالد.. وبعد بالمره بنجيك عليج يمكن في علاج
ريم وهي معصبه: ليش مليتوا مني... عشان جيه انا مابا اخذ يوسف واخليه يتعذب وياي
راشد: ريم لا تفهميني غلط.. مستحيل نمل منج.. انتي اختنا الي ما لنا غناة عنج.. بس يا ريم انتي تدرين اني ابا لج السعاده وانتي مب طايعه تاخذين يوسف عشان هالشي..
ريم: انا مرتاحه من حالتي..
عبدالله: بللللللل على هالبنت دحيحه..
ريم: ها بشر
عبدالله: الرابعه على الدوله.. ماشاء الله عليها
ريم: اتصل فيها وخل ارمسها
راشد: يحليها تستاهل.. بتصل في محمد اخوها وابارك له
ريم: الووو .. مبروووووووووووووووووووووك
نوره: الله يبارك فيج... ماصدقت النتيجه يوم شفتها
ريم: شفتي يوم قلت انج بتظهرين في تلفزيون الشارجه ما صدقتيني
نورة: هذا بفضل دعواتكم لي ... الحمد لله
ريم: زين رفعتي راس خالد
نوره: رييييييييييييم .. عاد
ريم: هههههههههه بدأ شغل المستحى اشوف
نوره: انزين عرف بنسبتي... ولا بعده
ريم: ما امداه يعرف... نحن تونا من النت عرفنا.. المهم مبروووووك وهديتج بتوصلج
نوره: الله يبارك فيج... ما نبا غير سلامتج الغاليه
ريم: اونه عاد الي يسمع انا بسير اخسر بيزاتي عسب اشتري هديه انا بعطيج خالد بكبره هديه
نوره: ههههههه ... والله بذبحج انا .. يالله باي
ريم: ههههههههه .. طفرتي.. هذا الي اباه.. يالله باي
راشد: حرام عليج تحرجين البنت..
ريم: خلها هاي تعتبر احلى ايام عمرها
راشد: المهم انا ان شاء الله باجر بحجز على التذاكر حقنا وحق مرت عمي وخالد عسب انسير عقب ملجه خالد..
عبدالله: لو خالد يسمعكم احين بيجتلكم
ريم: ليش؟؟
عبدالله: عاد انتوا تبون اتسافرون عقب ملجته... يحليله يبا يستانس ويا حرمته.. ما بتخلونه يتهنى..
ريم: ههههههههه ... خل يتحمل.. شو وراه... الهرم.. ما يستحي ما شايف ابوه من 3 اشهر ومب مشتاق لأبوه ولا كيف..
راشد: هههههههه.. الله يعينه .. ما علينا المهم.. مرت عمي ويوسف وخالد بيتغدون عندنا اليوم وبخبرهم..
ريم: شوووووو... ويوسف شو الي اييبه لنا اليوم..؟؟
راشد: الله يهديج بس يا ريم.. لو انتي ما تبينه كزوج هم ما تبينه كولد عم؟؟
ريم: ما قلنا شي حياهم الله.. وين نوف؟؟
راشد: انا ساير فوق احين وبزقرها خل اتييج.؟؟
ريم: زين اتسوي.. يالله فارجوا.. اف ابا اسمع اصوات عذبه
راشد+عبدالله: ههههههه .. عذبه الصوت زيدي.. ابتسامتك عيدي..
ريم: لو سمعكم خالد الشيخ بيعتزل..
سار راشد وقال حق نوف تنزل لريم اتشوف شو تبا..
نوف: هلا والله .. اشحالج الريم؟؟
ريم: بخير,,, وينج ما تسألين عني..
نوف: الله يسامحج الي يسمعج يقول نحن مب نفس البيت..ما علينا المهم.. خبرني راشد عن نسبه نوره ما شاء الله عليها تستاهل
ريم: هي والله.. تعبت ونالت .. الحمد لله.. المهم بغيت منج خدمه..
نوف: افا عليج.. عيوني لج...
ريم: ههههههههه .. مابا عيونج .. اخاف لاخذيت عيونج بدال ما اشوف فيهم .. اطلع حوله..
نوف: الله يسامحج بس.. يالله قولي
ريم: اونها زعلت.. انزين... بغيت منج تاخذين لي لبستين على ذوقج حق ملجه عبدالله وملجه خالد..
نوف: افا عليج اخذهم ليش لا.. بس شو من الوان..؟؟
ريم: اممممممم.. حق ملجه عبدالله ابا فستقي.. وحق ملجه خالد.. ابا كحلي..
نوف: خلاص صار.. وشو من صالون تبين احجز لج..
ريم: مورا.. خل اتييني البيت
نوف: خلاص انا بكلمهم وبشوف..
ريم: فديتج والله .. لولاج جان انا كيف بعيش.. انزين خبرتي الخدامه ان قوم عمي بيون اليوم
نوف: هي خبرتها.. وانتي قومي شو تترين..خل نختار لج لبس حلو وامكيجج شوي.. عشان الحبيب
ريم: اي حبيب.. خلاص هذا كان اول.. انا بقولج شو ابا البس.. وديني غرفتي
نوف: ريم .. حراام الي اتسوينه في الريال.. يحبج.. والله حرام
ريم: ما يخصكم فيني.. بتيين وياي ولا اسير روحي
نوف: سكتنا خلاص.. ييت وياج.. هذي الحجره ووصلناها.. شو تبين من لبس ما قلتي؟
ريم: ابا تنوره وقميص اسود..
نوف: حشى... جيه سايره عزا
ريم: اقول ام العريف.. لا تيلسين اتعورين راسي.. هاتي اللبس خل اسبح وعقب بلبسه وبجهز..
نوف: هاج.. تعالي خل اسبحج
ريم: ههههههه.. ذكرتيني يوم امي المرحومه كانت اتسبحني وانا اصغيره.. اه يا زمن احين عمري 22 وصرت احتاج حد يسبحني كنه عمري 2..
نوف: ريم.. لا تقولين هالكلام.. انتي اعقل عنا واكبر عنا.. نحن من غيرج والله نضيع.. يالله تعالي..
مني رن تليفون ريم.. وكانت رنه يوسف..
ريم: اقول صكي بويهه
نوف: حرام والله
ريم: قلت لج صكي وخلاص
صكت نوف الخط على ويه يوسف.. وهي حاسه بلوم.. لأنها مب عايبنها تصرف ريم
يا ترى بتم ريم على عنادها.؟؟
وشو الي بيسويه احمد عشان ينقذ حب ريم؟؟
وعواطف كيف بتقابل راشد؟؟

انتهى الجزء الثامن
انتظرونا في الجزء التاسع

الجزء التاسع
==========
وصل يوسف واهله بيت عمهم علي.. عشان يتغدون وياهم.. هذي كانت عادتهم كل جمعه يتغدون عند بعض..
يوسف: خالد.. ادخل انت اول ويا امي وانا احين بلحقكم
خالد: ليش وين ساير انت؟
يوسف: مب ساير مكان بس احين بيي.. اخاف من مواجهتها
خالد: برايك.. يالله لا تتأخر
دخل يوسف مع امه بيت عمهم وشافوا الكل يترياهم وسلموا على الكل.. وريم حست بعدم وجود يوسف.. والكل يعرف انه مب موجود بس خافوا ينطقون اسمه ويتعكر مزاج ريم... وبعد اشوي دخل يوسف وسلم على الكل.. ولما سمعت ريم صوته قامت من مكانها ومشت عشان اتسير فوق.. بس ما كانت اتدل الدرب عدل.. وما طلبت مساعده حد .. ركض يوسف ومسك ايدها عشان يوديها فوق.. وهي بكل عصبيه مطت ايدها عنه..
ريم بعصبيه: ياخي قلت لك مابااااااااااااك.. روح عني.. خلني ارتاح .. انت ليش جيه
يوسف: ريم.. انتي ليش تحاولين اتصديني.. ليش؟
ريم: بس ياخي انا عافت نفسي منك ماادانيك
يوسف: لا مب هذا كلامج.. انا ادري انج اتحبيني وتبيني.. ريم انا اباج اباااااااااج
ريم كانت تطلع الدبله الي كان معطيها اياه يوسف وفرته بعيد.. يوم شاف يوسف هالمنظر حس بطعنه بقلبه .. وتأكد من موقف ريم وياه لا يمكن يتغير
ريم: خلاص تأكدت احين... ماباك سمعت ولا اسمعك اكثر.. مابااااااااااااك
يوسف وعيونه تدمع: ريم.. صدقيني حتى لو ما تبيني انا ما بودرج.. وراح اظل احاول اكسب رضاج علي.. ما بتخلى عنج بسهوله...
ريم وهي تنادي بصوت عالي: عبدالله تعال ودني فوق.. مابا اجابل حد
ركض عبدالله وطلع من الميلس وسار لها وخذاها فوق ..
عبدالله: ريم يا حبيبتي.. انتي ليش جيه معنده وميبسه راسج ..
ريم: عبدالله اسكت عني .. حل عني.. ودني الحجره وانت ساكت الله يخليك
عبدالله: سكتنا .. يلا هذي حجرتج.. تامرينا بشي ثاني
ريم: هيه ... لا اتخلي حد اييني ابا اتم روحي اليوم
عبدالله: اففففف منج.. عنيده.. انزين بقولهم
قفلت ريم الباب.. وراحت فرت عمرها على السرير وتمت اتصيح.. ورن تليفونها .. ما عرفت منو لأن الرنه مختلفه ,, ردت على المكالمه
ريم: الووو
عزه: هلا والله بالريم.. اشحالج؟؟ افاااااااا نسيتيني ما تسألين عني
ريم: عزووووووووووووووز حبيبتي.. انتي اشحالج خبريني..
عزه: انا بخير الحمد لله.. وينج يالقاطعه ها خبريني..
ريم: ااااااااااه يا عزووووووز ما تدرين شو صار فيني
عزه: شو .. خبريني.. لا تسكتين
ريم: استوى لي حادث بعد ما طلعت من العرس ذاك اليوم.. انعميت يا عزه(تمت اتصيح ريم)
عزه: شو.. كلمه كلمه الله يخليج ما قمت استوعب شي
ريم: انعميت.. خلاص ما قمت اشوف..
عزه: لا حول ولا قوه الا بالله.. هدي عمرج يا ريم.. ان شاء الله خير.. والله محد خبرني ما كنت ادري
ريم: معذوره .. ادريبج شهر عسل منو هالحمار الي بيخبرج ويخرب عليج... انتي متى رديتي المهم
عزه: البارحه الفير.. المهم بخلي نواف اليوم العصر اييبني لج
ريم: خلاص اترياج.. دخيلج تعالي .. محتاجه لج.. ابي اكلمج
عزه: خلاص عيل اليوم بييج.. يلا باي سي يو..
ريم: مع السلامه
وصكت عن عزه وتمت اتفكر بحالها .. وردت على الدوامه الي هي فيها؟.. حبها ليوسف؟؟ وتعاسه يوسف اذا عاش وياها؟؟ كانت عايشه صراع من الأفكار.. ورن تليفونا مره ثانيه ما عرفت الرنه.. اعتقدت ان عزه الي متصله فيها مره ثانيه ردت على السريع
ريم: الو عزوز
احمد: لا يا ريم انا احمد
ريم: شو تبا انت متصل,...
احمد: ريم انا ابغي اقولج كلمتين واسكر..
ريم: خير شو
احمد: حرام الي اتسوينه في يوسف تراه يحبج؟؟؟
ريم: لا والله؟.. كلكم وقفتوا ويا يوسف وصرتوا ضدي.. افهمووووووووني حسوا فيني ليش انتوا جيه
احمد: شو الي انحس فيه.. خيالج الواسع.. اعتقادج الخاطئ عن يوسف
ريم: احين انت اتعرف اكثر عني.. محد عايش الي انا فيه.. ولا اتمنى حد يعيش هالشي ..
احمد: خبريني شو السبب يمكن اعذرج.. ؟
ريم: .. مابا اكون عاله عليه.. مابا احس انه انجبر ياخذني.. بيمل مني عقب.. ماراح يقدر يتحمل.. لين متى بيخدمني وبيشوف طلباتي.. اخرتها بيمل..
احمد: مب مقنع هالسبب.. ريم هو مب مجبور ولا شي.. هو يأدي واجب عليه .. وهو يحب يقدم لج شي يخدمج فيه.. انتي جربي واذا شفتي عمرج خلاص مب رايمه واتأكدتي انه مل ودريه
ريم: انا اتخذت قراري وانتهى الموضوع..
احمد: الله يهداج.. وشو الشي الي ممكن يخليج ترجعين له؟؟
ريم: اذا الله شفاني.. بحيث اروم اني اوقف بنفسي من غير مساعده ..
احمد: يا ريم.. بس يوسف يحبج وما يستاهل الي اتسوينه فيني
ريم: لأنه ما يستاهل انا ماباه يتعذب.. ما يهون على قلبي اشوفه متعذب
احمد: الله يهديج بس
ريم: مع السلامه..
سكرت عنه الخط وحطت راسها على السرير وقررت تنام.. نامت والأفكار اتدور في راسها عن يوسف.. هل انا صح؟؟ ولا ظلمته؟؟
وفي الصاله تحت الكل متجمع..
خالد: الللللللللله ... حرمتي طلعت شاطره .. فالحه
ام يوسف: خساره تاخذ واحد مثلك
خالد: افا امي.. افااااااا هذا رايج في ولدج
ام يوسف: لا والله مالي غناة عنك.. بس ما اوصيك نوره دلوعه اهلها ماباك اتقصر عليها بشي
خالد: لا توصين حريص
راشد: عمتي.. انا بحجز لنا تذاكر باجر ان شاء الله عشان نروح عند عمي كلنا سوى.. ؟
ام يوسف: هي والله زين ذكرتني.. انزين ما قلت لي متى؟
راشد: ان شاء الله بعد ملجه خالد..
خالد: نعم نعم نعم.. وانا اكون الضحيه.. خلوني اتهنى شوي عقب خل انسافر
عبدالله: هههههههه,... انت شو بلاك.. بتزور ابوك استح على ويهك
ام يوسف: هي والله فهمه.. لو نوره اتعرف انك ما تسأل عن ابوك جان ما خذتك بعد
خالد: لا لا لا لا خلاص كله ولا نوره.. بسافر بسافر
الكل ضحك الا يوسف الي كان في عالم ريم؟..
راشد: يوسف.. وين انت.. ليش ساكت؟؟
يوسف: شو اقول؟؟
عبدالله: والله ولك حق تسكت الي سوته ريم مب شوي.. والله ان هالبنت مب عاقله
ام يوسف: انتوا ما يخصكم فيها.. ريم عاقل وتعرف شو اتسوي
يوسف: امي حتى انتي وياها.. امي انتي تدرين اني ما اقدر اتخلى عن ريم.. ريم هاي جزء من حياتي.. هاي مثل الظفر الي ما اقدر افصله من اللحم..
خالد: انساها.. البنت اتقول ما تباك
يوسف وبعصبيه: لا تقول ما تباني.. ريم تباني.. بس خوفها وافكارها السوده.. هي الي طاغيه عليها.. ريم انا افهمها زين ما زين.. اعرف الي في راسها.. وفي قلبها
خالد: خلاص سوري.. ما قلنا شي سامحنا
يوسف: اخ يا ريم.. الله يهديج.. بس والله ما بودرها .. مستحيل.. وما بسافر.. ولا بكمل دراستي ابا اتفرغ لريم..
نوف: يوسف.. اصبر عليها اشوي.. يبالها وقت لين ما تتعود على حالتها اليديده صعب انها تتقبل في يوم وليله انها ما تقدر تشوف شي
يوسف: انا صابر وبصبر العمر كله..
ومر اليوم وزارت عزه ريم البيت وتمت وياها لين فليل عقب ردت البيت وريم بعدها في الحجره رافضه اتقابل اي انسان.. ويوم السبت الصبح قام عبدالله عشان يروح الشركه ويتابع الشغل كالعاده هو مع خالد.. وقام راشد عشان يروح مكتبه..
نوف: صباح الورد..
راشد: صباح الفل..والورد والياسمين.. والجوري.. و
نوف: بس بس .. خجلتنا
راشد: انتي الحلا كله.. يا احلى من لي في الدنيا.. اشحالج .. واشحال البيبي(يحط ايده على بطنها)
نوف: البيبي يسلم عليك.. ويقولك بابا لا اتلعوز ماما.. ترا بضربك
راشد: اصلا انا ما يهون علي ازعلج كم نوف عندي.. الا ما قلتي لي انتي اي شهر
نوف: كملت اربع شهور دشيت في الخامس
راشد: الله يعينج حبي.. الله يسهل عليج.. تعالي اشوف شو هذا الي على خدج (يوم جربت منه نوف باسها على خدها)
نوف وبدلع: رااااشد..
راشد: عيون راشد..
نوف: بتتأخر على الدوام
راشد: انتي دوامي.. انتي حياتي انتي كل شي.. تعالي تعالي وليش شارده عني.. (مسك ايدها وسحبها صوبه ويلس يحضنها ويبوسها وفجأه دخلت عليهم بنتهم ساره الصغيره)
ساره: ههههه.. ثنو هذا.. عيب.. اوي .. بخبر..
نوف: هههه .. راشد زين جيه
راشد: هي زين .. عشان اتعرف انا اشكثر احبج
ساره: بابا .. لا اتبوث ماما عيب.. الله بيوديك نار
راشد: تعال انتي ويا هالشعر اتقولين نافوره حديقه.. هذي ماماتج احبها.. اتشوفيها ..
ساره اتحط ايدها على ثمها وتضحك وتتطالع امها: ههههههه
نوف: زين جيه فشلتني جدام البنت..
راشد: يالله عيل.. انا ساير الدوام.. باي.. (يعطي نوف بوسه على الهوا)
نوف: انت مو طبيعي اليوم .. شو بلاك؟
راشد: احين ليش اني احبج واعبر عن حبي صرت مو طبيعي .. انا اراويج.. اتريي بس خل ارد من الدوام
وسار راشد الدوام وسارت نوف صوب غرفه ريم عل وعسى تفتح لها الباب بس ماشي فايده ما طاعت تفتح.. ونوف كانت اتحاتي ريم وحالتها...
وصل راشد الدوام .. ودخل المكتب.. ودخلت وراه السكرتيره تعطيه البريد. .. وقالت ان في حرمه كذا مره متصله تسأل عنه.. بس ما قالت شو اسمها.. ما اهتم راشد قال اكيد هاي حد من زباين..
وبعد نص ساعه..
السكرتيره: استاز... في هوني ست بدها اتقابلك وما عندها موعد معك من قبل..
راشد: خلاص عيل ... خلها تدخل
السكرتيره: اتفضلي.. استاز راشد ناطرك عنده
ودخلت عليه الحرمه .. كانت عواطف واول ما شافها راشد فز من مكانه
راشد: خير شو يايبنج.. شو تبين مني انتي..؟؟
عواطف: راشد.. انا احبك .. انا اباك انت
راشد: بس انا ما احبج.. عايفنج يا حرمه ماباج..
عواطف: وحتى ولدك ما تباه.. حتى سؤال ما تسأل عنه.. صدق انك ظالم
راشد: سمعيني.. لا اتقولين ولدك.. وخسي اييب عيال بالحرام
عواطف مصدومه من كلامه: شوووو.. انت صاحي ولا شو
راشد: صاحي واصحى عنج بعد (يأشر لها على الباب) يلا برع اشوف جدامي يالله..
عواطف: راشد.. نسيت العشره.. خلاص سهل عليك..
راشد: انا مادري كيف قدرت اعاشر وحده مثلج.. كنت عمي
عواطف: انزين يا راشد.. هذا عنوان شقتي ... اترياك اليوم فليل اتييني.. واذا ما ييت بتلقى شي ما يسرك مني..
راشد: اتهددين بعد..
عواطف: ما اهدد.. بس والله بتندم اذا ما ييت
راشد: شو بتسوين يعني .. بتنتحرين مثلا.. فكاك.. على الأقل يرتاح العالم من وحده من امثالج..
عواطف وعيونها تدمع من كلامه الجارح: راشد.. هذا عنواني جدامك.. اتمنى انك اتييني لو مره وحده..
راشد: بفكر.. يمكن اذا حبيت انزل من مستواي اشوي بيي..
طلعت عواطف من مكتب راشد وهي اتصيح.. وراشد كان مستغرب من نفسه كيف يقول مثل هالكلام الجارح.. وتم يطالع عنوان شقة عواطف.. وهو يفكر... شو يسوي.. يروح ولا ما يروح.. ما لقى نفسه غير شل التليفون واتصل في ربيعه عادل.. لأنه عادل يعرف بالموضوع
راشد: السلام عليكم بو الشباب
عادل: هلا والله.. هلا والله بالقاطعين.. وينك يا ريال ما قمت تسأل
راشد: تدري مشاغل الدنيا وايد.. عادل بغيت اخبرك سالفه ممكن اتمرني المكتب
عادل: تدري ان عمرك طويل.. ترا انا اصلا تحت في الباركينات ياي ازورك واسأل عنك.. دقايق وبكون عندك
راشد: اترياك..
وبعد خمس دقايق وصل عادل ودخل عليه المكتب..
عادل: هلا والله.. عاش من شاف هالويه..
راشد: هههه.. ما احيدك تشتاق لي هالكثر
عادل: شو اسوي.. ترا هاي اول مره تقطع عنا فيها هالكثر.. تعال خبرني شو الي تباني فيه خير
راشد: اتحيد عواطف..
عادل: قطع.. شو هالإسم الي تطريه.. وع.. لا يكون اتفكر اترجعها
راشد: لا شو.. بس هي اهني.. واختي وحرمتي عرفوا عن سالفتها.. وهي يايتني اليوم تباني اسير لها فليل ... تباني في سالفه اونه..
عادل: ادري انها اهني من زمان اصلا كذا مره شايفنها..اخبرك.. مو تتخبل اتروح لها.. هاي ناويه على شر باين عليها..
راشد: مهددتني اتقول اذا ما ييت بيصير شي ما يسر
عادل: خلك منها شو بتسوي يعني بتنتحر ولا بتخبر اهلك؟؟
راشد: هاي احيدها ما فيها ايمان.. عادي تنتحر..
عادل: تبا راي. لا اتروح احسن والله
راشد: بروح بس ما بطول..
عادل: انا اخاف منك الصراحه.. ايه .. انا ادريبك ربيعي واعرفك عدل.. عادي اتسويها
راشد: لا شو.. ما بسوي شي.. ذاك اول يا ريال ايام العزابيه.
عادل: والله انا قلبي مب مرتاح يا راشد.. عواطف هاي مب سهله..
راشد: لا ولدها وياها.. ما ظني اتسوي شي لو كانت تبا
عادل: منو خبرك انه ولدها وياها.. ايه.. اصحى.. عبدالعزيز خذا ولده عنها وسماه بإسمه .. وهو الي يربيه.. طلع الريال يخاف ربه .. ما بغى ولده يتشتت
راشد: احلف.. والله ما كنت اعرف انا
عادل: انا خبرتك.. وما يخصني
راشد: انزين المهم انا بروح لها.. وبشوف اخرتها
عادل: انت كيفك.. بس ارد واقولك انا مو مرتاح.. انا بيي وياك شو رايك
راشد: شو ياهل انا.. ماعليه انا بشوف شو تبا وبظهر عنها...
عادل: راشد.. اوعدني ما يصير شي
راشد: شو بلاك مب واثق فيني..
عادل: الصراحه لا.. سوابقك ما تخليني اوثق.. انت نسيت ذيج المره يوم سرنا البر ويا قوم سلووم .. كانوا يايبين وياهم بنات..
راشد: لا لا .. احين غير انت بلاك..
عادل: والله برايك.. انت طلبت رايي وانا قلت لك لا..
راشد: مشكور.. يلا فارج وراي شغل
عادل: ايا النذل يوم تباني في شي بس تطلبني .. وعقب ما تباني انا اراويك يا رشود
راشد ويأشر بصبعه وهو يضحك: برو برو..
عادل: اوووووه من وين تعلمت هاي بعد..
راشد: نيسيبنا اليدد علمونا..
عادل: زين والله.. خلاص عيل ... تامرني بشي
راشد: هي واحد جاي كرك ..
عادل: هههههه . .اشتغل عندك انا .. مع السلامه
راشد: هههه .. مع السلامه
وطلع من عنده عادل وتم راشد يكمل شغله واتصل في نوف
راشد: هلا عمري
نوف: هلا والله بهالصوت..
راشد: فديتح.. لو ابتعدت عنج ساعه اشكثر تشتاقين لي
نوف: اففففف وايد ما اقدر اعد..
راشد: خلاص عيل انا اليوم فليل بتأخر اشوي.. عندي شغيله بقضيها وبيي اشوف اشكثر مشتاقه اوكي..
نوف: اوكي.. اتحداك اني بكون انا الي مشتاقه لك اكثر..
راشد: بنشوف.. يلا حبي.. صح شخبار ريم
نوف: والله ما اعرف شو اسوي ويا هالبنت عنيده.. ما تفتح الباب بعدها.
راشد: خلاص انا يوم برد بشوف اخرتها وياها؟؟
نوف: دخيلك اشوي اشوي عليها اتعرف ريم انت شقايل..
راشد: على خير.. يالله حبي وراي شغل.. احبج..
نوف: انا بعد... حط بالك على عمرك.. باي
راشد: باي..
سكر عنها ورد يكمل شغله عشان فليل يروح لها الشقه..
ويوم خلص شغله على الساعه 9 فليل وسكر المكتب وراح صوب شقه عواطف.. وهو في الدرب اتصل في عادل عسب يخبره..
راشد: هلا والله
عادل: اهلين.. لا يكون رحت لها؟؟
راشد: لا انا في الدرب ساير لها
عادل: راشد الله يخليك اوعدني ما اتسوي شي ياخي قلبي مب مرتاح منها مووول.. ولا اقول انا بييك..
راشد: انت بلاك جيه خايف .. اظن اني ريال جدامك
عادل: والنعم .. بس تدري اخاف.. انت وايد غالي علي والي يضرك يضرني..
راشد: تسلم لي والله اخو عزيز وغالي.. المهم انا وصلت للعنوان..
عادل: اخر مره اقولك .. حاسب منها تراها مب هينه..
راشد : ههههههه.. شو وحش.. انزين.. يلا باي
وفي الشقه على ضوء الشموع والجو الرومانسي الهادئ.. كانت عواطف يالسه وتنتظر راشد وفي كل زاويه حاطه صورتها وياه .. ايام الدراسه... رن جرس الشقه فزت من مكانها ووعرفت ان راشد ياي.. فتحت الباب بسرعه
عواطف: هلا والله.. حياك
راشد: اهلين.. ممكن اتخلصيني واتقولين السالفه
عواطف: انت شو بلاك مستعيل ادخل على الأقل..
راشد: دخلنا .. وها يلسنا بعد.. ممكن ,,, اتخلصين.. الأهل يتريوني...
عواطف: انزين دقايق بسير اييب لك شي تشربه
راشد: مابا شي
عواطف: لا ما يصير.. اول مره اتزورني..
راحت عواطف صوب المطبخ وخذت التليفون وبدت اتنفذ خطتها الحقيره.. دورت الأرقام واتصلت في نوف..
نوف: الو.. نعم
عواطف: الإخت نوف
نوف: هي انا نوف.. منو وياي
عواطف: مب لازم اتعرفين منو.. الي لازم اتعرفينه هو ان راشد ريلج يخونج
نوف: هههههههه.. اقول لعبي غيرها
عواطف: انتي براحتج هاي حياتج.. بس انا حبيت اسوي فيج خير... عندج العنوان *************.. خلاص .. انتي حره تبين اتصدقين ولا لا
نوف: لحظه انتي منو..
ما عطتها مجال عواطف .. وسكرت الخط عنها .. وراحت زهبت العصير وغيرت لبسها ولبست لها لبس عشان تكمل خطتها بنجاح..وخذت له العصير وراحت له..
اما نوف المسكينه فكانت دوامه الأفكار اتدور في راسها مب عارفه كيف تتصرف.. ما لقت نفسها غير تتصل في عبود..
نوف: الو.. عبدالله وينك؟؟
عبدالله: انا في الدرب راد البيت ليش؟
نوف: لأني بغيتك اتوديني مكان
عبدالله: انتي جاهزه.. دقايق واكون عندج
نوف: يالله اترياك..
وراحت لبست عباتها ورد تليفونها رن.. ردت عليه بسرعه
نوف: الو..
عواطف: اخبرج.. ترا الباب بيكون مفتوح لا اتعبين عمرج واتدقين الجرس
نوف: ال...(كانت عواطف صاكه الخط ما خلت نوف تتكلم واتكمل كلامها.. وصل عبدالله ونزلت راحت وركبت السياره ودلته على المكان عشان يوديها.. لاحظ عبدالله ان ملامح نوف متغيره فهم ان اكيد في شي صاير.. ماعرف كيف يسألها..
عبدالله: شو بلاج مرت اخوي..
نوف: عبدالله .. والله اذا الي سمعته طلع صح.. مالي قعده في بيتكم .. خلك شاهد على هالكلام..
عبدالله: نوف .. لحظه شوي شوي علي خل استوعب شو السالفه.
نوف: اظن كلامي واضح ولا تسألني اكثر..
عبدالله: براحتج.. بس وين بنسير نحن؟؟
نوف: مكان.. بسوي فيه حفله لا صارت ولا استوت اذا طلع صح الي سمعته
عبدالله: نوف.. خوفتيني اول مره اشوفج جاده جيه
نوف: عبدالله الله يخليك اكرمني بسكوتك ترا انا واصله حدي
عبدالله : اوكي
في شقه عواطف.. الجو كان هادي جدا..
عواطف: اقول راشد دقيقه بييب لك صوره..
راشد: تعالي انتي ما خبرتيني شو السالفه..
عواطف: اي سالفه.. انا كل سالفتي اني اشتقت لك.. احبك يا راشد(وبدت عواطف اتحاول تغري راشد لأنها تعرف طبع راشد ضعيف من هالناحيه ) اللللللله ياهي كانت ايام كنت المس فيها شعرك.. اشتقت لهالأيام فعلا..
راشد وهو يخوز ايدها عنه: عواطف.. انا ساير انتي غلطانه بالي تبينه..
عواطف: راشد .. وولدنا سلطان.. ما تبا اتشوف صورته
راشد: ههههه.. لا اتقولين ولدنا.. ها ولدج انتي وبس.. انتي ما يبتي عيال مني
عواطف: راشد اترجاك.. ابوس ريولك ردني على ذمتك .. تغيرت والله..
كانت عواطف اتجرب من راشد كثر ما تقدر علشان اذا دخلت عليهم نوف تعتقد الي عواطف تباه.. وكانت عواطف شبه عاريه في لبسها .. يعني هالشي بأكد لنوف ان في شي...
راشد: اقول.. انا واحد معرس ومابا اخسر حرمتي.. رجاء ابتعدي
عواطف: والعشره الي بينا بعتها يا راشد..
راشد: انا كنت شاريها انتي الي خليتيني ابيعها..
وفي هاللحظه كانت عواطف في منظر جد مزري ويا راشد ودخلت عليهم نوف وكان وياها عبدالله الي رفض يخليها اتروح بروحها وهي بهالإنفعال..
نوف: مستحييييييييييل..
انتبه راشد لها ويوم صد وشافها فز من مكانه: نن نننوووف..
اما عبدالله رغم انه راشد اخوه العود الا انه ما حس بعمره غير يصفع اخوه راشد.. وحس راشد ان هالصفعه وعته من الي هو فيه.. حس بالذنب بالي سواه كيف طاوع عواطف ويايها وما سمع كلام عادل.. اما نوف فركضت وطلعت من الشقه وتمت تركض ومن السرعه الي كانت فيها اتخرطفت وطاحت.. واما راشد فمسك عواطف من شعرها وتم ايرها ويضربها وعبدالله ركض برع الشقه عشان يلحق على نوف ويوم لقاها طايحه صرخ وبصوت عالي
عبدالله: رااااااااااااااااااااااشد.. تعال.. نوف تنزف..
راشد يوم سمع هالكلام ما عرف كيف يوصل عمره لنوف.. وشافها فعلا طايحه وياسه تنزف.. طلب من عبدالله يتصل بالإسعاف.. وهو ماسك ايد نوف
راشد: نوف حبيبتي .. دخيلج لا تزعلين مني .. سامحيني..
نوف وبصوتها المتقطع: راشد انت خنتني.. جرحتني..
راشد: نوف انتي مب فاهمه السالفه والله بفهمج الي صار.. بس اسكتي عشان صحتج
واهني وصلت سياره الإسعاف الي شلت نوف ولحقهم راشد ويا عبدالله بسيارتهم

الجزء العاشر
=========
في البيت كانت ريم قاعده روحها مب عارفه عن اي شي صاير .. اخيرا ققرت تطلع من حجرتها.. وتمت اتنادي على نوف بس محد رد عليها يت عنها الخدامه
الخدامه: ها ريم سنو في؟؟
ريم: وين نوف؟؟ وين عبدالله وراشد؟
الخدامه: ماكو احد في داخل بيت.. كلو سير برع.. يبي شي
ريم: هي وديني تحت الصاله
الخدامه: اجا..
ريم: يحليلج والله.. جلدي كرو
الخدامه: انتي في معلوم هندي
ريم: من افلامكم تعلمنا شوي
الخدامه: انا سير جيب ساره ويجي.. انتي جلسي هني
ريم: هههه والله دنيا هاي قامت تامرنا بعد...حاضر بيلس وما بتحرك من مكاني
راحت الخدامه يابت ساره وقعدت ويا ريم وتمت اتسولف ويا ريم وتقول لهها قصه حياتها يوم كانت في الهند.. وريم كانت اتسايرها لأنها ملانه والبيت فاضي.. بس مع ذلك كان بالها مشغول (مو معقوله يروحون وما يخبروني.. اكيد في شي ما ادري عنه ... اففف لولا هالعمى جان انا بخير... بس هذا قدري.. يارب ساعدني لا تنسى عبدك المحتاج)
وطبعا نوف اول ما وصلت المستشفى نزلوها ودخلوها غرفه العمليات ..لأنها كانت تنزف وايد وراشد تم واقف عند باب العمليات ويا عبدالله وهو يدعي في قلبه لنوف.. اما عبدالله فكان مبتعد من اخوه شوي لأنه كان يرمس في التليفون
عبدالله: نوال الله يخليج لو انتي ولا نوره وحده فيكم اتروح عند ريم بروحها تحتاج لكم ..
نوال: حاضر انا ونوره بنسير لها.. بس شو اخبار نوف
عبدالله: والله مادري عنها يا نوره دخلوها غرفة العمليات ولين احين مافي خبر
نوال: انزين.. هي شو صار لها؟؟
عبدالله ارتبك ما عرف شو يقول لها: ها... ماشي الله يهداها كانت تمشي بسرعه على الدري اتخرطفت وطاحت
نوال: والله.. يحليلها.. اي دري؟
عبدالله: كانت سايره اتزور شقه ربيعتها .. في البنايه هناك
نوال: يالله ما اتشوف شر .. المهم طمني اوكي.. وانا بروح عند ريم اوكي..
عبدالله: خلاص هالله هالله في عمرج
نوال: لا توصي.. مع السلامه
سكر عبدالله عن نوال وسار صوب راشد مع انه حاس بضيج صوب راشد الا انه اتغاضى عن هالشي عشان نوف..
عبدالله: ها شو ما طلع الدكتور..
راشد والدموع في عيونه: لا بعده... عبدالله .. صدقني انا مالي ذنب بالي صار.. بس لو صار شي بنوف ما بسامح عمري
عبدالله: راشد احين مو وقته هالكلام.. ادعي الله يشفيها..
راشد:ريم.. منو عندها
عبدالله: لاتحاتي اتصلت في نوال قالت بتسير لها
راشد: هي زين سويت..
وفي البيت كان تليفون البيت يرن وريم اتنادي الخدامه بس ما ردت عليها قامت من مكانها عشان تلحق على التليفون ... نفس الوقت دخل يوسف وشاف ريم تمشي بروحها ركض يمسك ايدها ويساعدها..
ريم: راشد؟؟؟
يوسف: لا .. انا يوسف يا ريم.
حاولت ريم تمط ايدها بس يوسف كان ماسكها بقو: هدني..
يوسف: ما بودرج.. موتي قهر ما بهدج..
ريم: اكرهك ياخي افهمني
يوسف ببرود: وانا احبج.. افهمي..
ريم: انا وانت ماضي وانتهينا..
يوسف: نحن ما بدينا عشان ننتهي.. .لا تحاولين انا اباج ابااااااااج
ريم وهي تغير السالفه: وين عبدالله وراشد؟؟
يوسف: مادري عنهم.. انا ياي عشانج مب عشانهم
ريم: يوسف؟
يوسف: هي يوسف.. انا يوسف الي يحبج.. واششش ولا تعليق الله يخليج
دق جرس البيت وسارت الخدامه وفتحت الباب لنوال ونوره... دخلوا لقوا يوسف قاعد ويا ريم.. استغربوا من الموقف بس ما حبوا يعلقون سلموا وقعدوا حذال ريم..
ريم: شو هالزياره الغريبه؟؟ اكيد في شي..
نوال تمت تتطالع نوره ومب عارفه شو اتقول: لا ماشي سلامتج.. (اشرت نوال ليوسف عشان اتكلمه على انفراد.. ) اقول انا بسير الحمام اوكي
ريم: هههههه اذنج معاج
يوسف: خير نوال شو صاير...
نوال: ترا نوف مرت اخوهم في المستشفى حايشنها نزيف حاد... وريم ما تدري ..راشد وعبدالله عندها
يوسف: وانا اقول وينهم غريبه محد في البيت... وشو حال نوف؟
نوال: والله ما ادري بعده عبدالله ما اتصل يطمني
يوسف: عساه خير... ما ضيفناج يا حرمه.. تعالي خل انسوي لريم شي ونرد
نوال وهي تضحك: بس لريم.. ومرت اخوك المستقبلية مالها شي
يوسف: هاي ريم.. مب اي حد.. ولا نسيتي
نوال: لا ما نسيت يلا قم.
يوسف: يلا
نوره وريم قاعدين يسولفون ويضحكون... فجأه دخل عليهم خالد.. الي من شافته نوره فزت من مكانها.... واستحت .. واما خالد فتم منجمد مكانه مب مصدق عيونه
ريم:حووووووح .. ليش ساكته
نوره بصوت واطي وهي مرتبكه: ها.. ولا شي

ريم: ههههه؟... شو ولا شي.. الي يسمعج بيقول عاشق ولهان.. سرحانه في شو؟؟ اعترفي.. خالد صح؟
نوره انحرجت اكثر يوم سمعت هالكلام.. لأنه خالد تم يطالعها ويضحك
ريم: افففففف..انتي يايه تونسيني ولا تسكتين
خالد: افا عليج بنت عمي.. انا هني بونسج.. اذا في ناس ما يبون يونسونج نحن نبا
ريم: اووووووه.. انت من متى اهني..
خالد: من اول نظره
ريم: شو كلام الألغاز هذا .. وضح..
خالد: من عاشق ولهان..
ريم: ههههههههه.. يعني سمعت.. نوره .. بلاج ساكته.. جنه القطو ماكل لسانج مو جنج توه حاشرتني من كثر ما ترمس؟؟
خالد: خليها.. يمكن ما تحب تقعد وياي.. انا ساير بخليكم براحتكم
نوره وبخجل: لا مب جيه.. بس خلصت سوالفي
ريم: الله الله.. كلولولولولووووش.. اخيرا نطقت
نوره: ريم عاد
ريم وهي اتقلد نوره: ريم عاد... شوفي عمرج.. ساكته.. خير يا طير خالد هني.. بالعكس لازم اتسوين عمرج مب معبرتنه ولا كنه موجود
خالد: لا والله ليش شو فيني انا عشان ما اتعبرني. .
نوره: مافيك شي..
ريم: ماروم ماروم الصراحه.. شو هالحب.. شو هالغرام كله..
نوره: ريم ترا بروح..
خالد: ريم.. صخي عن البنت خلها على راحتها..
ريم: اقول نوره.. يلا برع.. بيتنا ما يوسعج.. ههههههه
وصل يوسف ويا نوال وشافو نوره وخالد يالسين..
نوال + يوسف: اوووووووووووه ..
نوال: ما اصدق شو هذا الي اشوفه
يوسف: واخيرا اجتمعت القلوب.. عقبالي يا رب
ريم: مشكله الفقراء يوم يتحلمون
يوسف: خلني فقير مسكين اتحلم .. شو وراي
ريم: لخبرج انتي.. قلتي بسر الحمام.. كل هذا حمام.. لا يكون تتسبحين واتسبحين الحمام وياج
نوال: يعني احين هذا يزاي قاعده اسوي لج ايس كريم..
ريم: فديييييييت مرت اخوي انا والله.. من زمان خاطري في ايس كريم اتصدقين
خالد: اقول يوسف.. الميلس استوى زحمه.. واذا كليتوا اهني بتوصخون المكان... خذ ريم ونوال وروحوا المطبخ كلوا
يوسف وهو يطالع خالد بنص عين: ها ها .. ليش يعني.. نوره بعد تبا تاكل
خالد: لا ما تبا انتوا روحوا افففففف
ريم: صدق انك ما تستحي وانا شو سمنديقه اهني
نوره: احين منو قال انا بيلس اصلا
نوال: اخيرا نطقت..
خالد: افاااااااا اترديني..
نوره: شو الي بيخليني ما اردك.. الصراحه الآيس كريم شكله يشهي .. مابا افوته
خالد: وانا شو آكل غصه وقهر..
نوره: مشكلتك
خالد: نوال.. اختج طلعت مب هينه ام لسان..
نوره: انا ام لسان.. ما عليه اصبر علي احين بزعل
خالد تم يغني : الله لا يجيب الزعل بينك وبيني .. وان زعلت ارضيك انا يا نور عيني
احمرت نوره من كلامه وحست بالخجل ونزلت راسها
ريم: الللللللللله والله اشتقت لصوتك وايد.. غني اغنيه ثانيه
نوال: اقول اول شي كلوا الأيس كريم احين بيذوب..
يوسف: هي والله صدق..
تموا ياكلون واول ما خلصت ريم: يلا غن
عبدالله والأيس كريم في ثمه: انزين.. خل اخلص..
الكل تم يضحك حتى ريم لأنها فهمت الموقف من صوت خالد.
خالد: وعععع.. مو شي.. لو كانت نوره الي مسوتنه كان بيطلع احلى
نوال: افا من احين اتخون... ما عليه..
يوسف: اسأليني عنه نذل من يومه
نوره شهقت: هيييييييييه.. وانا باخذ نذل
خالد: انا اراويك يا يوسف.. اتشوه سمعتي جدامها.. ما عليج منهم نواري..
استحت نوره منه يوم دلعها بس ما حبت اتبين: شو نواري بعد؟؟
خالد: خطيبتي حرام ادلعج..
نوره: هي حرام عندي.. يوم استوي حرمتك دلع
ريم: اففففف.. ابا غنيه يلا عاد مذله
يوسف انتهز الفرصه واشر لخالد انه هو بيغني:
وين هذيك السوالف ..... روحت من وقت سالف
يوم كان الحب يسموا ... بالمحبه الأوليه
يا حبيب الروح .. انا منساك طول الوقت حالف
وش حياتي دون حبك.. مثل مجهول الهويه
والله اني من غيابك.. .. يا اعز الناس تالف
ما تعرف ان ابتعادك .. يالغلا يأثر عليه
لأنه قلبي يا وليفي ... عند غيرك ما يوالف..
اشعر براحه اذا شفتك... واحس بجاذبيه
عن سوالف مو كلامك.... ما تعوضني السوالف
لك تشد القلب همسات... ومشاعر داخليه
روحك وروحي يجمعهن على الأبيات آلف
كل ما شفتك تجدد .. دافع الأشواق فيه
بعد هذا اليوم ما نبغي صدود ولا تخالف
خلنا نهنا سنين الحب .. يا حلو السنيه
يا حبيبي ما يكلفنا على البعاد كالف
والدروب الي سلكناها انا وانت سويه
نوال: الله الله.. يوسف صوتك حلو ماشاء الله
يوسف: تسلمين
ريم بعصبيه: خالد انا قلت لك انت غن..
خالد: شو اسوي .. صوتي ما ينفع لأني ماكل ايس كريم بايخ..
نوال: محد غيرك الي بايخ
ريم: يلا عاااااااااد خالد غن اترياك
يوسف: حتى كلمه مجامله ما قلتي.. انتي ليش جيه قاسيه.. عايبنج عذاب غيرج.. حسي ارجووووج حسي..
ريم: مالك شغل فيه انا حره
يوسف: وايد تغيرتي يا ريم.. بس تأكدي مهما تغيرتي انا بعدني اباج..
هني رن تليفون نوال كان عبدالله متصل ردت عليه نوال بسرعه
نوال: الو
عبدالله: هلا اشحالج.. وينج؟
نوال: انا عندكم في البيت.. ها طمني
عبدالله: فقدت الجنين مات.... اما نوف حالتها مستقره نوعا ما
ريم: وينهم؟؟ شو السالفه؟؟
نوال: اتريي بخبرج.. انزين متى بترجعون
عبدالله: انا برجع احين.. بس راشد بييلس وياها
نوال: خلاص نترياكم
ريم: شو الي صاير
نوال: ريم بصراحه ما بقص عليج.. نوف مرت اخوج متعوره استوالها نزيف.. وفقدت الجنين
ريم: شوووووووووو.. ودوني اهناك ودونييييي
نوال: هدي يا ريم؟؟ ما فيها شي بخير عبدالله بيي احين
ريم: انزين ليش ما خبروني قبل
نوره: ما بغوا يشغلون بالج .. الحمد لله مافيها شي
ريم: الحمدلله.. ابا اكلمها
نوال: ريم.. الحرمه توها طالعه من غرفه العمليات خل ترتاح اشوي وردي كلميها
ريم: اففففف .. نصبر

يتبــــــــــــــــــــــــــــــــــــــع

وفي المستشفى دخل راشد الغرفه الي فيها نوف عشان يتطمن عليها.. شافها قايمه واول ما شافته صدت عنه الصوب الثاني وصكت عيونها
راشد: الحمد لله على السلامه
نوف من غير نفس : الله يسلمك
راشد: نوف.. والله مالي ذنب هاي خطه مدبره منها .. انتي ما تعرفين اشكثر انا احبج
نوف: لا اليوم عرفت.. وعرفت وايد
راشد: نوف والله ان ماكان بيني وبين عواطف شي.. هي طلبت اروح لها لأنها تبا ترمس وياي في سالفه حتى اسألي عادل بيخبرج..
نوف: ------
راشد: نوف ردي علي لا تمين ساكته
نوف وعيونها تدمع: اليوم فقدت شيئين غاليين .. اول شي الجنين وثاني شي انت.. فقدتكم خلاص.. ااااه ..
راشد: نوف والله انا مالي ذنب.. ربي شاهد.. واذا على الجنين الله بيعوض ان شاء الله
نوف: بس انت..
راشد: اسكتي لا اتكملين.. نوف ارجوج افهميني.. والله انا مالي ذنب
نوف بعصبيه: اطلع برع... مب ملزومه اني اطاوعك اكثر عن جيه.. ماباك عفتك
راشد: نوف.. أر..
نوف: برعععع
راشد طلع من غرفتها وهو محبط.. ويلس في الممر لاحظ وحده تبا تدخل غرفه نوف ويوم شافها شاف انها عواطف.. راح لها
راشد: انتي شو من اوادم.. مب كافي الي سويتيه شو تبين تذبحينها..
عواطف: راشد.. انا ندمانه.. ما توقعت ان توصل لهالدرجه
راشد: انتي تندمين.. ما اعتقد.. مستحيل انتي ما تعرفين الندم.. يالنذله يالحقيره
عواطف وعيونها تدمع: راشد .. قوم من جدامي ابا امر
راشد: وين اتمرين تدخلين عند نوف.. بس كافي الي سويتيه.. ما شبعتي
عواطف: ما تباني احل السالفه.. خلني ادخل..
راشد: اووووه ماشاء الله تعرفين اتحلين بعد..
عواطف دزته ودخلت داخل دخل وراها بس نوف طردته.. وطلع
عواطف: الحمد لله على السلامه
نوف: الله يسلمج.. شو يايه تتشمتين... مستانسه..
عواطف: انا يايه اقول لج كلمتين وبطلع
نوف: لا اتخافين.... ما باخذ حبيبج عنج.. خذيه اتهني فيه.. انا ماباه..
عواطف: راشد ماله ذنب.. انا الي خططت على هالسالفه فعلا.. وهو كان طول الوقت يصدني.. نوف.. لا تهدمين حياتج بإيدج... انا ندمت على الي سويته.. بليز نوف فكري في ساره .. انا ببتعد عنج وعن راشد.,.. انا قمت من الغفله الي كنت فيها.. الله يخليج اترجاج لا تودرين راشد... ترا راشد ما يتعوض صدقيني.. يحبج.. سامحيني.. مع السلامه
طلعت عواطف وتركت نوف مع افكارها.. (شو اتقول هاي من صدقها ترمس.. لا لا اخاف اتكون خطه منها ومن راشد عشان يلعبون علي.. لا بس راشد مستحيل يسويها راشد يحبني.. هي يحبني حتى عواطف قالت هالشي.. راشد..ابو ساره.. ريلي .. حياتي)
وبصوت عالي كانت اتنادي نوف على راشد: راااااااشد
فز من مكانه وركض دخل الغرفه : عيوني
نوف: تعال ايلس بقربي لا اتودرني..
راشد استغرب من كلامها بس سارع ونفذ الي طلبته مب مصدق انه نوف هي نفسها نوف الي طردته من شوي: اقول حبيبتي اشوف.. حرارتج مب مرتفعه ..
نوف: هههههه .. بلاك
راشد: بسم الله الرحمن الرحيم؟؟؟ شو صار فيج
نوف: يووووه حرام اشتاق لريلي .... ترا بغير رايي
راشد: لا دخييييلج لا اتغيرين.. اقرصيني علشان اصدق
نوف: لا ما يهون علي.. بس بمسك ايدك
راشد: فديتج.. انا آسف نوف.. والله اني اعترف اني غلطت.. سامحيني
نوف وهي تبتسم: اشششش.. ولا كلمه عن هالموضوع... ابا ارقد.. انت روح البيت عند ريم تحتاج لك اكثر انا بخير الحمد لله.. وطمنهم علي يحاتون اكيد احين
راشد: ااااااااه .. خلني وياج.. ريم عبود عندها
نوف:مهما يكون راشد غير وعبود غير.. يالله عاد لا اتزعلني
راشد: لا دخليج الا زعلج .. ماروم الصراحه... انا ساير صاروخ
نوف: ههههههه.. حط بالك على روحك. ولا تتأخر علي باجر.. لأني بشتاق لك
راشد: من الفير انا اهني
نوف: هههههههههه الله يحفظك حبي
طلع راشد والضحكه شاقه ويهه... وهو مب مصدق ان نوف سامحته.. حمد ربه .. وتذكر الطفل الي فقدوه.. حزن بس قال في نفسه(الله كريم .. بيتعوض ان شاء الله نوف اهم) ويوم وصل جريب سيارته شاف عواطف واقفه عدال السياره خاف .. وتم يدعي بالخير في قلبه...
عواطف: راشد.. انا اسفه.. سامحني ارجوك..
راشد: حصل خير..
عواطف: انا ببتعد تأكد.. ما بتشوفني مره ثانيه.. بس اباك اتعرف شي.. مهما سويت من اغلاط بس هذا مب معناته اني ما احبك.. بالعكس احبك وطول عمري بحبك.. ولا بنساك..
راشد: مشكوره.. مع السلامه
ركب راشد السياره وسار صوب البيت وهو حاس نفسه شوي وبيطير من الفرحه.. دخل البيت وهو يغني :
وعدني وقول ان شاء الله نبقى العمر سوى
وعدني قول ان شاء الله بعدك مافي هوى
ما بشوف الدنيا حلوه
من دونك ما بتروي..
ايوه .. هوب هوب..
يوسف: الحمد لله والشكر بلاك متخبل.. جلبت على اذاعه لبنان
راشد: وعدني وقول ان شاء الله نبقى العمر سوى
وعدني وقول ان شاء الله بعدك مافي هوى
عبدالله: اخوي.. تعال اشوف حرارتك؟؟
راشد: يا شمس وناري الي بدفيني
يا قمري ونور المديني..
حلا عمري وقدمني
على الأرض الجنيييييه..
وعدني وقول ان شاء الله نبقى العمر سوى
وعدني وقول ان شاء الله بعدك مافي هوى
ريم: ويدييييييه.. اخوي العود اتخبل.. اقول ايه انت سكر الراديو طمني على نوف..
راشد: نوف... آآآآآآآآآه
إن زعلت ارضيك وكل عمري فداك
والزعل ما ازعل يا عمري عليك
لو تامر بروحي
بتنقاد لرضاك
ولو تطلب عيوني
في لحظه تجيك.. هوب هوب
ريم وهي معصبه: راشد لا تحرق اعصابي
راشد:إنت اغلى الناس ومن لي في غلاك
انت نبض القلب ملكه في ايديك
مثل قلبك صافي الحب جذاك
بالغلا والحب ابد مالك شريك
ريم: اووووه... اقول حد فيكم يوديني الحجره..
يوسف قام عشان يوديها.. بس راشد خلاه ييلس وراح صوب ريم
راشد: بلاج انتي خليني اعبر عن شعور فرحتي
ريم: اي فرحه هاي... نوف فاقده جنينها وصابها نزيف اتقولي فرحتي؟؟؟
راشد: ريم يا اختي يا حبيبتي.. اولا الجنين بيتعوض.. وثانيا نوف حالتها احسن مني ومنج.. وانا فرحتي انها مب زعلانه مني.. ما اتشوفيني من الصبح اغني
ريم: اي زعل
عبدالله بغى يغير السالفه عشان ريم لا تعرف: يووووه انتي يالحشريه.. ما يخصج بين الزوج وزوجته.. يوم بتعرسين انتي محد بيسألج
اتغيرت ملامح ريم يوم سمعت طاري الزواج: لا ما بعرس.. لا تتريا هاليوم
يوسف: خلوها .. لا اتييبون لها طاري الزواج.... اتصيبها حجه؟؟
ريم: انت محد طلب رايك.. اكرمنا بسكوتك
راشد: عيب عليج هالكلام
ريم وهي اتغير السالفه: اقول وين خالد ظهر.. ما اسمع حسه
خالد: انا هني..

ريم: شو بلاك ساكت..
خالد: ااااااااااه.. بعد الي شفته اليوم والي عشته تبيني ارمس واغير الي انا فيه.. ابا اعيش عالمي
راشد: اي عالم ؟؟ شو السالفه؟؟
ريم: فاااااااااتك المشهد الرومانسي من الفلم الهندي.. خالد بيار
خالد: بيار في عينج.. شو بيار بعد
ريم: افااااااا سبيتني.. اسحبها يلا اسحبها... بيار يعني حب يا بغل
خالد: اوه سوري.. سحبناها..
راشد: خبروني شو الفلم؟
ريم: سلمك الله .. نوره كانت اهني وخالد بعد .. قاعدين يسولفون ويرمسون.. وبالضبط يتقارضون.. مسكين كله كانت اتهزء فيه نوره
خالد: ما عليه.. عسل على قلبي... بتعدل عقب الملجه..
راشد: اففففف.. حرام فاتني.. بليز ريبلي..
خالد: اتنكت اونك؟؟
راشد: لا احاول.. انزين وعبدالله جابل خطيبته؟؟
عبدالله: اكيييييييييد.. ما يهون على قلبها اتروح قبل لا اتشوفني اصلا...
يوسف: الله يهنيكم في حبكم... (وقام من مكانه وهو حاس بحزن كبير وشل عمره وطلع من البيت..
ريم: نفاد .. فكه
راشد: انتي شو بلاج متى بتعقلين حسي في الريال والله يحبج.. يتعذب المسكين
ريم: افهمووووووووني.. يتعذب احين احسن من انه يتعذب يوم يبتلش فيني... انزين خلنا من هالسالفه باجر اباكم من الصبح اتودوني عند نوف
راشد: افا عليج .. تحت امرج
خالد: انزين.. بترخص انا.... بسير عند امي مودرنها
ريم: يحليلج عمو.. قبل عمي موجود يونسج احين مافي حد
خالد: يلا ماعليه احين بعرس وبييب لها من يونسها... ويونسني..
ريم: لا عاد ماروم على يونسني مالتك هاي.. يلا برع.. خلص وقت الزياره عطيناك ويه وايد
خالد: راشد.. بلاها اختك صايره وايد دفشه
ريم: امبونك انت الرقيق... يلا جاو
خالد: هههههههه .. جاو
روح خالد وتمت ريم بروحها ويا راشد وعبدالله
ريم: انزين .. راشد خبرني شو سالفه الزعل
عبدالله: افففففففف انتي متى بتودرين عنج هالعاده.. ما يخصج اسرار ازواج هاي
ريم: افاااا... احين اتخش عن اختك حبيبتك يهون عليك؟؟
راشد : لا بس سوء تفاهم بسيط وزعلت وكنت خايف عليها من الي صار.. ودخلت عليها وانا خايف انها بعدها شايله علي.. بس طلعت راضيه علي.. وانتهى الموضوع
ريم: اهاااا زين والله.. انزين حد فيكم يتبرع ويوديني غرفتي لأني تعبانه ابي ارقد ولا تنسى اتوعيني باجر اوكي..
راشد: تعالي انا بوديج.. لأني انا بعدى بسير ارقد.. وبوعيج ان شاء الله عاد مو تقفلين الحجره اتورط
ريم: ههههههه.. اوكي
وراح كل واحد حجرته ونام... اما يوسف فكان الهم ثجيل على قلبه وايد مب قادر ينام.. حاس نفسه مخنوق ودايخ.. مب عارف وين هو وشو الي صاير له... مب قادر يصدق انه يوم من الأيام ريم جيه تستوي وياه.. (ليش يا ريم... ليش؟؟ هذا وانا يوسف الي حبج وبيتم طول عمره يحبج تتخلين عني... وتركضين ورى ضنونج الي ما لها اساس... ليش اتعذبيني واتعذبين نفسج ... والله محد يرضى بهالشي... لكن والله وربي شاهد اني ما اتخلى عنج واظل وياج العمر كله... ولازم بيي يوم وباخذج ومحد غيري بياخذج يا ريم.. انا احبج من كل قلبي لا يمكن اتخلى عنج)...ونام يوسف وهالأفكار تدور في ذهنه وهم محبوس في قلبه.. واما خالد فالفرحه مالكه كل كيانه ومب قادر كيف يعبر او كيف يطلع الي فيه من فرحه .. ما لقى نفسه غير شايل تليفونه ويتصل في نوره لأنه قدر يصرق الرقم .. يوم كانت نوره لاهيه خذا تليفونها وطرش مسج على تليفونه عشان يقدر يحصل على الرقم.. وفعلا اتصل فيها وبعد عدة رنات ردت عليه
نوره: ----
خالد: الوووو
نوره: ----
خالد: ادريبج ما عرفتي انا منو .. ويوم بتعرفين بتسألين من وين يبت الرقم بقولج والله بقول لج؟
نوره: منو انت؟
خالد: انا خالد يا ريم..
نوره: انت من وين يبت رقمي؟؟
خالد: هههههههههه ما قلت لج بتسأليني هالسؤال.. بس انا يبت الرقم بشطارتي.. لني احبج اسوي المستحيل.. تعالي بسألج لا يكون كنتي راقده ازعجتج؟
نوره: تدري.. هي ازعجتني.. ياخي منو يتصل حق حد هالوقت
خالد: انا احد.. وانا ياخي ... بدال ما تقولين حبيبي ولا شي
نوره: شو تبا متصل هالحزه؟؟
خالد: ماشي بغيت سياره مطافي ؟
نوره: تستهبل انت
خالد: لا صدق..عشان اتطفي نار حبج الي في قلبي
استانست نوره من كلامه واستحت في نفس الوقت.. وتمت ساكته
خالد: اففف.. لا تسكتين انا متصل لأني مشتاق لصوتج .. وانت تسكتين لي
نوره: انزين شو اقول
خالد: ماشي ارمسي عن عمرج.. سولفي.. المهم اسمع صوتج العذب
نوره: هههههههههه .. شو ماي عذب هو
خالد: فديييت هالضحكه.. لا فديتج .. انتي كلج على بعضج عذب
نوره: طلعت راعي سوالف ما شاء الله تعرف اتصف كلام حلو
انحرج خالد وحس عمره مفتشل بس حب يغطي على السالفه: لا ترا يوم اسمع صوتج التعابير الحلوه روحها تطلع من غير ما اتحكم في عمري..
نوره: زين والله...شي جميل
خالد ونوره تموا يسولفون ويا بعض الين الصبح...... كل واحد فيهم ارتاح للثاني فعلا من كل قلبه.. وحس انه مستانس للثاني.. (( الله يهنيهم هههههههه))..

يتــــــــــــــــــــــــــــــــــــبع

ومرت الأيام ووصل اليوم المرتقب لعبدالله ونوال.. الكل مرتبش ومتفاعل.. وطبعا احلى من في ذاك اليوم كانت نوال.. طالعه جميله وحلوه وبسيطه..
نوال: يالله... شو هذا مب شي شعري.. قلت لها اتسوي لي جيه.. بس غيرت وسوته جيه مب شي
نوره: انتي بلاج... والله انج حلوه والله.. شعرج طالع وايد حلو ومرتب.. صدقيني
نوال: اففف.. انزين الساعه كم بيون.؟؟
نوره: ريم احين كلمتني قالت ان مالت الصالون يالسه اتعدلها وونوف جاهزه واول ما تخلص بيون ان شاء الله لأن مرت عمها والباقي جاهزين بس ريم..
نوال: يالله انا وايد مرتبكه..
نوره: لا ترتبكين.. خلج عاديه...
نوال: انزين والقاضي وصل ولا بعده..؟؟
نوره: ابوي قال ان القاضي بيي الساعه 7 ان شاء الله ..
نوال: الله يعين.. انزين تعالي جوفي الشادو نفس الشي في العينين.. احسهم فرق
نوره: لا فرق ولا شي انتي تتوهمين.. خلج عاديه بلاج انتي
نوال: ما عليه.. بييج يوم وبتحسين .. مب وايد .. الا هو اسبوع وبتحسين بالي احسه
نوره: ااااااااااااه متى متى.. اتريا بفارغ الصبر
نوال: الله على الحب ما انروم..
نوره: انتي ما تتخيلين اشكثر مستانسه ويا خالد مونسني في حياتي وايد.. مرتاحه وايد له
نوال: الحمد لله عسى دوم..
في بيت علي المزروعي الكل في الصاله يتريا الطله البهيه ريم.. اتخلص.. كانت ريم وياها نوف عشان اتقول لها الي تباه حق الكوافيره..
ريم: انزين... نوف والله اذا كان شكلي مو شي وحد علق بذبحج..
نوف: والله يا ريم انج طالعه قمر 14
ريم: هههه من يومي قمر 14 ولا نسيتي..
نوف: وحد يقدر ينسى.. اقول اهني غمجي الجحال شوي... وانتي عدلي شعرها من تحت
ريم: بلاج تتأمرين عليهم
الكوافيره: لا ما عليه خليها.. لك هي بدها اياكي تطلعي احلى من العروس كمان.. وهيك والله .انتي طالعه كتير كتير ناعمه وحلوه..
ريم: تسلمين.. خجلتيني الصراحه
نوف: عدااااااال من متى انتي تستحين
ريم: مادري لحظه خل اتذكر..ز مادي البارحه ولا الي قبله
نوف: عن الملاقه يلا عاد.. خلصنا.. تعالي ننزل..
ريم: شو لون الفستان لايق علي.. اول مره البس فستقي
نوف: فستانج ومكياجج وشعرج الأسود الطويل.. طالعه اتهبلين يالله الكل يتريانا تحت
ريم: انزين منو تحت؟؟
نوف: عمو.. وراشد وعبدالله وخالد وو و
ريم: يوسف..
نوف: هيه
ريم: افففففف هذا شو يايبنه بعد
نوف: ريم انتي هدي.. تراه ولد عمه لا تنسين
ريم: يالله عطيني عباتي وخل ننزل
نوف: هل تسمحين لين بمرافقتك ايتها الأميره..
ريم: ههههههه.. يشرفني ذلك
تموا يضحكون ونزلوا تحت واول ما شافها يوسف ما صدق عيونه.. معقوله هالجمال كله ريم.. وتباه يتخلى عنه.. مستحييييل.. ما قدر يوقف على حيله ارتبك ما عرف شو يسوي... وقام راشد والباقي عشان يروحون السياره ويروحون بيت العروس
راشد: جاهزين؟
ريم: لا خل اتبخر ..
عبدالله: هي والله انا بعد ابا اتبخر احس ريحه البخور راحت عني
ريم: ما احيدك جيه وسواسي من متى ما شاء الله
عبدالله: سكتي عني مرتبك.. حاس عمري ما عرف شو بسوي
ريم: انزين محد فيكم نطق وقال رايه بشكلي اكيد مو شي؟؟
ام يوسف: لا والله يا بنتي .... انتي بتغطين على العروس بعد... ماشاء الله عليج وايد حلوه.. تعالي خل اقرا عليج عن الحسد
راشد: والله طالعه احلى من القمر بعد
عبدالله: يلا عاد حدكم .. حرمتي بعد حلوه
ريم: لو ما كانت حلوه مثلي جان ما اخترتها لك
خالد: اقول ريم.. تعالي وياي ابا اختق فيج اقول عندي بنت عم قمر..
يوسف: محد بيروح ويا ريم غيري..
ريم: لا ما بيي وياك.. بسير ويا خالد..
راشد: لا يا ريم.. اذا تغليني بتسيرين ويا يوسف..
ريم: شو عناد السالفه..
يوسف: خلها على راحتها الظاهر انا بغث عليها
ريم: لا.. انا الي بخليك اتمل مني.. يلا تعال ودني..
يوسف ما صدق ريم اتقول هالكلام ركض صوبها ومسك ايدها وراح وياها والكل لحقهم لسياييرهم عشان يتوكلون ويروحون..
في سياره عبدالله وخالد الربشه والأغاني على اعلى ما يمكن.. الإثنين مستانسين .. وراشد ويا عمته ونوف وساره ياسين يسولفون ويتفقون.. واما سياره يوسف فالهدوء مخيم المكان.. يوسف ما قدر يتحمل فقرر انه يطول الدرب عشان ينتهز الفرصه ويرمس وياها..
يوسف: ريم.. ممكن اسألج؟؟
ريم من غير نفس: خيييييييييير
يوسف: ليش ما تبيني..؟؟
ريم: هذا سؤال احين.. ياخي ماباك ما ادانيك ما احبك.. اففف
يوسف: هذا مب كلامج وانا متأكد.. انتي ياسه اتعاندين نفسج واتعانديني وياج... ريم انا عايش عذاب حسي بحالي ارجوج
ريم: احييييين انت تبا اتوصلني ولا تبا تقول كلام تافه..
يوسف: احين صار كلامي تافه.. انا كنت قاصد هالشي ومتفق ويا اخوج.. لأني محتاج ارمسج وافهم الموضوع
ريم: كل شي واضح.. انت الي مب راضي تفهم
يوسف وبعصبيه: هيه انا مابا افهم .. لأن مافي شي ينفهم... انتي تطلبين شي واتبررين طلبج بأشياء مالها اساس
ريم بتدت تدمع عيونها ويوسف لو يموت اهون له من انه يشوف دموعها وقف على اقرب موقف سيارات وتم يمسح دموعها..
ريم: يوسف افهمني... انا احبك اكثر من حبك لي.. بس غصبن عني.. انت تبا اتعيش وياي انا بعد ودي.. بس حياتنا بتكون جحيم.. كيف بتعيش ويا وحده فيها عاهه.. والله بتتعذب انا مابا لك العذاب..
يوسف: ريم ها مب سبب.. لو انا ما خدمتج منو بيخدمج قولي لي.. وانا ما اتذممت على هالشي ولا اثر فيني.. انا الشي الوحيد الي في بالي انج تكونين زوجتي.. فاهمه
ريم: يوسف افهمني.. مستحيل ... انت احين الحب مالك راسك بس يوم بتعيش الواقع راح اتعيش بعذاب..
يوسف: ريم وقلوبنا
ريم: القلب بينسى هالحب لأنه لازم يقتنع انه قراري هو الصح.. لمصلحه كلا الطرفين
بعد ما سمع هالكلام فضل انه يسكت وحط شريط فيه اغنيه قاصد انه يهديها لريم..
بكيتك لين ملتني عيوني .. صبرت و طال صبري و انتظاري
حرام النوم ما قرب جفوني .. و انت للأسف منته بداري
أناجي غربة الليل و شجوني .. و أراجع في هوى قلبي قراري
عسى ما تكون خانتني ظنوني .. أو إنه خاب في الحب اختياري
عساهم يذكروني ما نسوني .. مثل ما ذكرهم في البال طاري
أزعلهم مثل ما زعلوني .. و أراظيهم بعد رد اعتباري
أبي تختار بي و لا بدوني .. كذا ولا كذا والليل ساري
حبايبنا عساهم يفهموني .. انا مابيع دومه دوم شاري
ريم وهي مرتبكه من بعد ما سمعت هالإغنيه: متى بنوصل تأخرنا..
يوسف: خلاص وصلنا.. دقيقه احين بنزلج..
ونزل يوسف وسار صوب ريم ونزلها وطلعت نوره عشان اتساعد ريم تدخل الميلس.. وكانت ريم متأخره شوي لأن يوسف كان يرمس وياها ومر الوقت وتأخروا شوي.. وعبدالله ملج.. واول ما دخلت ريم الحريم كلهم تموا يهللون ويدعون الله يحفظ ريم من جمالها..
وحده من المعازيم اترمس الي حذالها: اقول من بنته هاي... ؟؟
الثانيه: والله مادري.. بس الي اعرفه انها اخت المعرس..
الأولى : اها... من قوم منو هم؟؟
الثانيه: اسألي ليلى اتعرف..
الأولى: ليلى من بنته هاي.. ؟؟
ليلى: هاي بنت علي المزروعي..
الأولى : ماشاء الله عليها واااايد حلوه
ليلى : هي ما شاء الله عليها.. بس يحليلها ما تستاهل الي صار لها .. انعمت
الأولى: والله ... حليلها... عين ما صلت على النبي..
ليلى : هي والله.. الله يستر على عيالنا.. ناس ما ترحم
الأولى : هي والله..
نوف: هلا والله .. وينج يالقمر محد طايع يظهر نوال لين ما تيين.. ليدي ديانا تراج..
ريم: توج تدرين... انزين وديني عند نوال عشان اظهر وياها..
نوف: افا عليج تامرين امر.. قمر قمر عندنا نحن
ريم: وحده تسوى الكون..
نوف: ههههههه.. يالله عاد عن الخقه الزايده.. قلنا حلوه ما قلنا اختقي علينا
ريم: يلا وديني بلا كلام زايد..
وراحت ريم ويا نوف عند نوال ودخلوا عليها وسلموا عليها ومشوا وياها عشان ينزلونها تحت..
ريم: الله .. منو قدي .. امشي ويا مرت اخوي الحلوه..
نوال: لا انا الي لي الشرف ان اجمل وحده في الكون اترافقني..
ريم: يلا عاد كلها اصباغ لو امسحهم الكل بيشرد من الحفله..
نوال: الله يسعدج مثل ما اسعدتيني اليوم الي اخترتي لي فيه اخوج
ريم: لو ماكنت ادري ان اخوي بيسعدج جان ما بيوزج اياه.. وانا اعرف ان محد بيسعد عبدالله كثرج
نوال: مرتبكه الله يعين
ريم: خلج عاديه دام انا الي وياج
دخلت نوال ويا ريم الصاله وقعدت على القعده الي كانوا مسوينه للمعاريس الكل كان معجب في جمال نوال.. كانت طالعه جميله فعلا.. ورقيقه.. يلست وبعد نص ساعه قرروا يدخلون عبدالله عشان يلبس نوال الشبكه.. اتصلت نوف لراشد وبلغته .. وراشد راح عند محمد وسعيد اخوان نوال عشان يدخلون عبدالله
راشد: يالله .. منو قدك معرس..
عبدالله: راشد اسكت عني روحي مرتبك.. استحي ادخل كله حريم..
خالد: حاس فيك.. لأني لاحقنك بهالموقف.. بس يالله خل تفكيرك في نوال وبس
عبدالله: يلا محمد انا جاهز
سعيد: اي جاهز وانت ترتقل جيه
محمد: ههههه.. عاد لا تحرج الريال مسكين
عبدالله: اووووه.. يالله عاد دخلوني روحي الي فيني مكفيني
سعيد: اخبرك ترا اختي ماشي احلى عنها في الكون.. اخاف يوم اتشوفها يغمى عليك ولا شي عاد انت خذ احتياطك
عبدالله: نوال من يومها حلوه واحلى وحده..
راشد: بخبر راعيه حقوق الطبع محفوظه
عبدالله: لا دخيلك ما فيني على لسانها... سحبناها خلاص
محمد: منو هاي..
راشد: انت سير وده .. ويوم ترجع بخبرك منو
محمد: ههههه.. تعال يا معرس..
راح عبدالله ويا سعيد عشان يدخلونه على العروس.. في الصاله.. عبدالله كان مرتبك مب قادر يشوف جدامه لأنه الصاله كانت متروسه حريم.. حس انه شكله غلط.. دخل وباس راس نوال ووقف حذالها.. كانوا طاعين ثنائي حلوين .. كانوا لايقين على بعش واااايد.. ملامحهم قريبه وكأنهم أهل.. الكل تم يمدح عبدالله وجماله.. وراح محمد وسعيد ردوا ميلس الرياييل وودروا المسكين عبدالله تايه ويا الحريم.. ونوف ما قصرت كانت اتسوي كل شي بحكم حاله ريم لأنها ما تقدر اتسوي شي كانت واقفه حذال نوال.. ونوره كانت وياها... ويابوا الشبكه عشان يلبسها... وعبدالله رغم الإرتباك الي فيه الا انه قدر يتمالك نفسه ولبسها الشبكه وقعدوا.. ولما قعدوا قدر عبدالله يشوف نوال عدل.. انبهر ما كان مصدق عيونه.. معقوله هالقمر حرمتي....
عبدالله: ماشاء الله عليج نوال.. وااايد حلوه ما توقعتج لهالدرجه حلوه
نوال : يلا عاد لا تبالغ مب لهالدرجه...
عبدالله: بالعكس والله..
نوال: بغيت اشكرك الصراحه والله ما توقعت اتسوون كل هذا عشاني... صدق مستانسه
عبدالله: اااااه.. افففف متى بنعرس.. احبج.
نوال: ايه عن حد يسمعك
عبدالله: منو الي ما عنده سالفه وبيسمعنا.. كل واحد لاهي بالسوالف شو فيهم اتقولين راديو
وتموا يسولفون ويرمسون ولما فضى البيت قرر عبدالله انه يرد البيت وبيزورها اليوم الثاني.
وريم طبعا ردت البيت بسرعه لنها كانت تعبانه وايد نفسيا وجسديا ما كان لها بارض تسهر زود.. وراشد ونوف راحوا البيت ويوسف وخالد وامهم بعد ساروا البيت..
ابو محمد يرمس عبدالله: والله ما قصرتوا.. رايتكم بيضه الصراحه
عبدالله: افا عليك عمي.. نحن ما سوينا غير الواجب..انا الي لازم اشكركم
ابو محمد: على شو.؟؟؟
عبدالله: على القمر الي عطيتوني اياه
محمد: هههههههه.. اعترفت...اخيرا
عبدالله: انا من يومي اعرف انها قمر..
ابو عبدالله: والله انت ريال والنعم فيك ويشرفنا اناسبك.. فليش بنرفضك؟؟
سعيد: لا لا .. انا مب موافق..
نوال: ليش ان شاء الله..
محمد: اوووووووب .. طلع لسانها.. اقول عبدالله ترا هاي ملسونه الله يعينك عليها
عبدالله: برايها.. خلها تاخذ راحتها انا مستانس..
سعيد: مانروم مانروم على الحب..
ابو محمد: استحوا على ويوهكم انتوا ..
عبدالله: لا عمي خلهم.. سوالف.. المهم تامروني بشي.. برد البيت وباجر بييكم ان شاء الله
محمد: انت ما تستحي.. كل يوم طايح عندنا.. افف .. لا اتي باجر..
ابو محمد: محمد .. اتشوف هالخيزرانه.. بسطر ظهرك فيها
سعيد: هههههه.. هي والله دخيلك ابوي.. ترا انا من سنه ادور على شي اكتب عليه.. فيوم بتسطر ظهره انا المستفيد.. بروم اعبر عن مشاعري في الكتابه عقب
محمد: لا والله.. احلف انت بس
ابو محمد: بس انت وياه.. جنكم يهال.. ولا كنكم غديتوا رياييل احين
عبدالله: ويييييييو هزئوهم..
سعيد: اخبرك.. انت مو جنك من اشوي قلت بتسير بيتكم.. وين ما اشوفك روحت.. بعدك مخيم اهني؟؟؟
ابو محمد: لا اله الا الله.. ام محمد.. تعالي ادبي عيالج دخيلج..
سعيد: اقول تصبحون على خير بسير ارقد..
محمد: حتى انا..
نوال: هههههه.. جان من الصبح قلت جيه وفكيتنا منهم
ابو محمد: ههههههه .. يخافون من امهم اكثر عني والله دنيا
عبدالله: برخصتكم.. مع السلامه..
نوال: الله وياك

يتــــــــــــــــــــــــــــــــــــــــبع

وطلع عبدالله وهو مستانس وسار صوب البيت بسرعه وهو مشغل اغاني ومعلي عليها على الآخر من فرحته... وراح ورقد على طول...
يوم الجمعه الكل قايم من الصبح وراشد وعبدالله اتزهبوا حق صلاة الجمعه وطلعوا.. وريم ونوف تموا في الصاله يسولفون عن البارحه.
ريم: انزين.. اخبرج.. اليوم اباج اتوديني اتشرى حق السفر.. لأني ما شاريه شي ومافي وقت.. بعد اسبوع من ملجه خالد بنروح ان شاء الله
نوف: هي صدق والله.. حتى انا ما اتشريت.. خلاص بخلي راشد يودينا اليوم
ريم:عاد انا بخبرج الألوان وانتي عليج الموديل
نوف: بس اخاف ذوقي ما يعيبج.؟؟
ريم: لا والله انتي دوم ذوقج حلو.. بيعيبني..
نوف: فديتج والله.. الا صدق بسألج ما شي خبر عن عزه؟؟
ريم: بلا حامل يحليلها تعبانه من الوحام عشان جيه ما زارتني .
نوف: الله يعينها.. اخس شي الوحام..
ريم: الحمد لله ما بجرب هالشي..
نوف: بسألج ريم بس لا اتحرجين؟؟
ريم: اسألي؟؟
نوف: انتي بعدج مصره على رايج اتجاه يوسف..
ريم: هيه ولا بغير رايي ابد..
نوف: حرام والله ان يوسف تعبان.. يوم عن يوم يضعف زياده.. وقف ما بيكمل دراسته .. يوسف الطوح انهار يا ريم حرام عليج
ريم انصدمت من الي سمعته لأنها ما عندها خبر عن شي : شوووووو.. ودر دراسته
نوف: هيه.. قال مابا اودر ريم روحها من بعد اليوم.. انا ودرتها فتره بسيطه وجيه صار.. فمستحيل ابتعد بعد.. يحليله وايد متعلق فيج
ريم: لازم يقتنع هذا كلامي لين اخر لحظه في عمري راح يظل هذا كلامي...
نوف: انزين عيل خلنا من هالسالفه.. شو رايج الساعه 5 نظهر وعقب ما انخلص نتعشى برع
ريم: مو مشكله.. انزين وديني غرفتي عشان ابا اصلي الظهر قبل لا يفوتني..
نوف: اوكي.. تعالي..
وسارت ريم وصلّت الظهر ورد راشد ويا عبدالله من الصلاة.. ونزلت ريم تتغدى وياهم.. وبعد ما خلصوا الغدا قعدوا في الصاله يسولفون..
ريم: اخوي حبيبي.. رشوود
راشد: رشووود؟؟ شو السالفه..
ريم: ماشي.. بس بغيت اطلب منك شي
راشد: ادري اصلا باين تبين تطلبين.. يلا آمري
ريم: بغيت انا ونوف انسير نتشرى حق السفر وبالمره نتعشى برع..
راشد: افا عليكم ما طلبتوا.. حاضرين
عبدالله: وانا مب معزوم
ريم: لا .. انت معزوم عند نوال اليوم
عبدالله: هي والله نسيت..
نوف: اونه نسيت اصلا قول انك اتعد الدقايق متى ايي الوقت عشان اتروح لهم ركض..
ريم: هههههه.. يحليلك يا عبدالله .. والله وكبرت وصرت معرس.. وينج يا امي اتشوفينه
عبدالله يوم سمع طاري امه حس بغصه وبدت عيونه تدمع وريم وراشد ونوف بعد نفس الحاله: هي والله.. كان ودي انها اتكون وياي.. بس الله ما كاتب
راشد: لا.. اصلا امي ويانا دوم.. حتى احين هي ويانا.. امي عمرها ما تتخلى عنا.. حتى لو انها مب بينا,..
ريم: وينج يا امي اشتقت لج.. (بدت اتصيح .. ويوم شافوها اتصيح كلهم ساروا حذالها يواسونها.. وتم راشد حاضننها)
راشد: ريم.. هدي حبيبتي هذا القدر..
ريم: لو امي كانت اهني.. جان انا مرتاحه .. لكن من غيرها انا تايهه ما عرف شو اسوي وكيف اتصرف.. احتاج لها
عبدالله: افا يا اختي.. ونحن اهني ما نعوض ولو شوي..
ريم: لا بالعكس انتوا الي عطيتوني دافع للحياة.. لولاكم جان انا لاحقه امي من زمان
نوف: بسم الله عليج ريم.. انا الي بتوه من غيرج.. مالي غيركم وانتي تدرين بهالشي..
ريم: نوف.. تعالي يمي.. اوعديني انج ما تودريني؟؟
نوف: مستحيل اصلا.. كيف اودرج يا ريم... انتي الي مونستني دوم..
ريم: الله لا يحرمني منكم..
عبدالله: افف.. بس لا جلبتوا الجو حزن ومناحه.. افرحوا لي احين.. معرس تراني ولا نسيتوا
ريم: فديتك والله انا اسفه كدرت عليكم
راشد: لا افا عليج والله ريم.. خذي راحتج.. طلعي الي في خاطرج لنا دوم.. لا اتخلين شي في خاطرج..
وردوا يسولفون ويضحكون لين العصر قامت ريم ويا نوف عشان يتزهبون عشان الطلعه..
وراشد بعد اتجهز عشان يوديهم.. اما عبدالله فقرر يرح عند خالد اشوي عقب يروح عند نوال
على الساعه 5.30 طلعوا من البيت وساروا صوب سيتي دبي.. وكانوا طول الدرب يضحكون ويسولفون .. كانوا صدق مستانسين ... ومر الوقت وخلصوا شرواتهم.. وساروه صوب المطاعم عشان يتعشون..
ريم: انا ابا باسكن.. وابا ماكدونالدز..
راشد: انزين وانتي نوف شو تبين؟؟
نوف: انا ابا .. زنجر..
راشد: خلاص.. وانا باخذ لي ماكدونالدز
ساره: انا بابا... ما سألتني...
راشد: اوه نسيتج .. انتي بعد شو تبين..
ساره: باسكن.. فراوله.. وبسكوت مابا كوب... انا كبيره
راشد: ههههه... حاضر.. بس مب احين عقب العشا شو تبين عشا
ساره: مابا.. بس باسكن..
نوف: ماشي باسكن الا عقب العشا
ساره: افففف.. خلاص ابا بوب كورن
ريم: بنتكم ما شاء الله عليها ذكيه اتعرف.. اكسد طالعه علي فديتها والله
نوف: لا لا لا .. طالعه علي..
ريم: لا علي..
نوف: لا علي..
ساره: على عمي عبدالله
ريم: اوووب.... من متى اتحبين عمي عبدالله..
نوف: حرام عليج.... من يومها متعلقه في عمها
ريم: خساره الشبه...
نوف: ههههههه.. انزين .. اقول هناك بتلبسين عباة
ريم: مادري اذا طاع راشد .. انا من زماااااااان ما سافرت . . من عقب وفاة ابوي المرحوم.. ما سافرنا
نوف: الله يرحمه.. ما ظني راشد يرفض بس
ريم: مادري بنرمسه..
نوف: هذوا وصل.. ياب العشا..
ريم: انا ميته يوووع الصراحه
نوف: حتى انا والله تعبت من الدواره..
راشد: حزروا فزروا.. شفت منو؟؟
ريم + نوف: منو؟؟
ساره: منو بابا..
راشد : طاع هاي.. انتي اشلج.. ما علينا المهم.. شفت احمد الي كان داعمنكم.. سلم عليكم
تغيرت ملامح ريم مجرد ما سمعت اسمه: انزين .. الله يسلمه
نوف: وينه.. ما شايفتنه انا..
راشد: شوفي هناك صوب الكنتاكي واقف .. لابس غتره بنيه..
نوف: هيه.. شفته..
راشد: يالله بسم الله كلوا.. لأن بطني قام يعلن جرس الإنذار من اليوع الي فيني.
ريم: هي والله حتى انا.. عطوني الساندويج مالي

وتموا ياكلون ويسولفون وريم مندمجه بالسوالف وياهم.. ومن الصوب الثاني احمد ما شل عينه من على ريم.. ويفكر..يشوف الحزن الكبير الي في عيونها.. حس بمعاناتها.. عرف انها متألمه ببعدها عن يوسف.. هز بخاطره لأنه ما يهون عليه يشوف ريم متكدره.. يتمنى الموت ولا يشوفها حزينه.. وده يسوي شي بس مب عارف كيف.. ما يقدر ينسى حبه المراهقه الي ما مات لهذي اللحظه.. ريم... بعده يحبها... ويعذر يوسف ليش انه مب قادر يتخلى عنه.. حاس بمعانات يوسف وريم بعد.. وقام وشاف ان راشد قام هو بعد ويا نوف وريم... وراحوا البيت..
ويوم وصلوا كان الوقت متأخر.. فكل واحد راح ورقد في غرفته.. ومرت الأيام والبيت على حاله.. ويوسف انقطع ما قام يزورهم.. لأنه ما يقدر يشوف ريم.. ويشوف صدها له.. يفضل يعيش بعيد ويظل على افكاره .. ان ريم ما بتتخلى عنه.. ومرت الأيام على هالحال.. ووصل اليوم المرتقب بالنسبه لخالد.. الكل مرتبش .. وهالمره ريم اتجهزت من وقت عشان ما تتأخر ونادت على راشد
ريم: اخبرك.. اياني واياك اتسوي فيني شرات ذيج المره
راشد: لا اتخافين ما بسوي شي.. اصلا اخاف عليه منج..
ريم: لا والله.. ليش ان شاء الله.. باكله انا؟؟
راشد: لا تراج تذبحينه بلسانج العذب.. المسكين روحه حالته حاله وتعبان.. مستوي شرات العصا.. مافيني بعد
ريم: والله.. راجع الطبيب.. سوى كشف عن عمره..
راشد: اوه ماشاء الله اختي اتخافين عليه اشوف.. ؟؟
ريم: محد قادري يفهمني.. انا بعدني احبه والله.. ما ارضى له العذاب... يوسف قطعه من قلبي ما اقدر اشيله.. بس مجبوره
راشد: انا ما اقول غير الله يهديج..
ريم: انزين خل انسير عن نتأخر عليهم..
راشد: يلا... الكل يتريا في السياره .. اشوف اي لون لابسه اليوم؟؟
ريم: كحلي حلو..
راشد: وايد لايق عليج الصراحه...
ريم: لازم ذوق نوف تراه
راشد:ادري عشان جيه اقولج طالع حلو..
ريم: ههههه....يحليلك
والكل سار ويا بعض ووصلوا على الموعد.. وكان الكل مرتبش ومستانس .. ونوره كانت طالعه بعد واايد حلوه.. نوره جمالها مختلف عن نوال.. لها جمالها الخاص.. حلوه ورقيقه.. لون عيونها مختلف عن نوال.... عيونها مايله للرمادي بينما نوال عسلي فاتح.. وبعد ما املجوا بهم... نزلوا نوره الي كانت اترافقها ريم ونوال.. كانوا ثلاثي يصعب عليك انك اتقارن في جمالهم.. كل وحده احلى عن الثانيه وجمالها مختلف.. ونفس الشي بعد نص ساعد دخلوا خالد.... الي كان من وناسته وده يرقص ويناقز... واول ما دخل باس راسها ووقف حذالها.. وتموا اخوان نوره يتصورون عقبها ظهروا من الميلس وراحوا عند الرياييل وخالد بدا يلبس نوره شبكتها وعقبها يلسوا يرمسون ويسولفون.. واما ريم كانت حالتها حاله.. من عقب ما سمعت كلام راشد عن حاله يوسف.. احساسها بالذنب كان يقتلها.. كانت تبا تتصل فيه بس متردده وعلى اخلا لحظه تغير رايها(لا لازم يتعود.ز يتعذب سنه سنتين اهون من عمر بأكمله .. بس والله حرام ما يهون علي عذابه.. يوسف حب حياتي.. يا ربي كيف يقتنع بس ودي اعرف عشان اقنعنه ..)وبعدين الكل رد البيت وسار يرقد واما خالد فكانت الساعه 2.30 وهو بعده متفيزر عندهم..
محمد: اقول سعيد ما فيك رقاد..
سعيد: بلا الكل رقد.. الا نحن.. انا ميت رقاد..
خالد: سير ارقد انزين محد زاخنك..
محمد: لا ما يروم.. ترا يخاف نوره تنصرق
نوره: شو قالولكم تلفزيون ولا فيديو عشان انصرق..
سعيد: لا الماس.. غالي علينا
خالد: ااحين الألماس صار ملك لي..
محمد: حوووووووح وين تبا.. بعده مب ملك تام..
سعيد: اقول... تراك مصختها.. ما اتشوف فينا رقاد.. افهم ياخي انت مسوي لنا عائق
خالد: ههههههه.. ماشي .. ما بظهر شو بتسوون بتطردوني
محمد: لا بييب شيول بشلك فيه
نوره: لا..
سعيد بطل عيونه: بلاج. عن اتموتين بس... لحقتوا اتحبون بعض..
خالد: اصلا انا حبيت نوره من مجرد ما سمعت سيرتها....وانا انحب من اول نظره.. البنت يوم شافتني اتيننت فيني
نوره: خقاق بعد... نسيت انك انت الي ميت علي وتتريا اليوم الي تاخذني فيه
خالد: الشر عليه انا الي اخبرج..
محمد: نصيحه .. لا اتقول شي حق حرمه
دخلت مرت محمد وسمعت كلامه: جني سمعت شي..
محمد : اوه.. بلاك انت ياخي.. انا كم مره اقولك اي شي تبا اتقوله لا اتقوله غير لحرمتك..
سعيد: ههههه..... عاش عاش.. منو قالكم اتعرسون وقص عليكم.. خلكم فري مثلي
نوره: لا تستانس وايد.. ياينك الدور جريب
سعيد: بسم الله علي
نوره: خلني ساكته احسن
سعيد: لا والله اذا رمستي شو بتقولن.. ارمسي يلا اشوف
نوره: ارمس متأكد
محمد: ما عندج سالفه تاخذين رايه ارمسي
نوره: نسيييييت.. فطووم بنت عمتي..
انحرج سعيد حس نفسه انفضح: وانتي شو دراج
خالد: اووووووب... يعني تعترف انك عاشق
محمد: الله الله... افاااااا اتخش عن اخوك حموود
نوره: والله انا مب غبيه عشان ما افهمها... اصلا واضح من تصرفاتك وضوح الشمس..
الكل تم يضحك وسعيد حس عمره مفتشل من السالفه..
خالد: خلاص عيل كسرتو خاطري شوي وبترقدون هني.. انا بروح
محمد: الحمد لله ياربي.. بدى يحس
سعيد: ما عليك نحن مب مفتكين لا منه ولا من ولد عمه.. باجر اثنيناتهم بيرتزون عندنا
محمد: مشكله .. الله يعينا.,.ياخي عرسوا خل نفتك من شغله المراقبه هاي
خالد: والله انتوا الي ذابحين اعماركم.. ما باكلها انا
نوره: هههه.. قوانين العيله هاي
خالد: لا دام انها قوانين العيله ما نروم انقول شي... اوكي.. اشوفكم على خير.. يا مراقبين
سعيد: اففففف.. فكه
محمد: اوصلك عند الباب.. احسن فكيتنا
نوره: عنبووو.. الريال ما قال هي ولا لا..
سعيد: لا بعد انصله عند الباب ليش.. مو الأمير تشارلز
خالد: انا بشرد عن يبدأ شد الشعر احين.... في امان الله
وطلع خالد وراحوا الباقين حجرهم عشان يرقدون..
يا ترى شو بيصييير؟؟
قرب موعد السفر؟؟
وقربت نهايه القصه...