قصائد نبــــض .,

مـــو بـيــدّك يـــا غـلاتـي؟طَـب وأنـــا وشـهــو بــديّــه؟
كانهـا عـزومـك تـراخـت مــا مـشـت درب الصـعـاب؟؟
وشهـو ذنبـي يــوم حـظـي طــاح عــن ظـهـر المطـيّـه؟
طــاح فــي وادي تـعـرْفـه كـــل أبـــو دربـــه خـــراب!!
تـاهـت الخـطـوات مـنـي ....بـيـن روحــة وبـيـن جـيّـه
هايمـه،والـنـفـس ضـاقـت،والـوفـا وهـــــم وســـــراب!
يبـسـت عـروقـي وبـاتـت فـــي ضـمـيـري ألـــف كـيّــه
واهـجـرت عـيـنـي طـيـوفـك وارتـــدت ســـود الـثـيـاب
أنـــت لـــو تــعــرف غلاتـك،مـادفـنـت الــــروح حــيّــه
ولاتـجـاهـلــت الحقـيـقـة،والـوفـا بـالـعــهــد غــــــاب!!
أنـــت مـاتـعـرف ســـوى انـــك عــاقــدٍ بـالـحــب نــيّــه
وشـهـو معـنـى الـحـب عندك؟اعتـقـد ضــاع الـجــواب!
زدتـنــي قـهــر وحـسـايـف ،زدتــنــي حــــزن وأســيّــه
كـلـمــا قـفّــلــت شُــرفـــة، يـمـتـحـنّـي مــنـــك بـــــاب!
آآآه مــــن قــلــبٍ خـذلــتــه..آه مـكــبــر ذي الـخـطـيّــه
قلـبـي الـلـي بــك تفـاجـأ مــا احتـمـل كـبـر الـمُـصـاب!
وآه مـــن قـســوة حــروفــك يــــا المـكـاتـيـب الــرديّــه
صـدمـةٍ مــن بـعـد صـدمـه وانـحــرق زهـــر الـشـبـاب
وانـكـسـر غــصــنٍ تــــورّق بــيــن طــيــات الـوصـيّــه
كــل مـــن لـــه ورث يـــورث، لا وصـيّــه ولا حـســاب
مـوتـي مــوت احـسـاس فيني،صـدمـة العـمـر الـقـويّـه
يـــوم أشـوفــك يا(نجـومـي)فـي سما(غـيـره)شـهـاب!!
تــدري وشـهـو الـحـب عـنـدي؟وش معانـيـه الخفـيّـه؟
ولـيـش مـقـدر فـيـه أكـابـر وأجــرع الـراحـة شـــراب؟
وش يـكـون الـحــب لـومــا أنـــزف الـدمـعـه العـصـيّـه
فــــوق تــابــوت المـواجـع،تـحـت جـلـبــاب الــتــراب؟
وش يـكــون الـحــب لــــولا بـسـمــة الـعـيــن الـوفـيّــه
والدعـاااء مـن قلـب عـاشـق تمـطـر أفـراحـك سـحـاب
وش يـكــون الـحــب لــــولا ســحــر لـيـلــة سـرمـديّــة
تستضيـف الشـوق وأخـتـه وابــن عـمـه والصـحـاب؟؟
وش يـكـون الـحـب لـومـا صــرت يــا روحــي ضحـيّـه
هـالـكـة...والـخـل جــانــي..مــا تــجــازيــه بــعــقــاب؟
وش يـكــون الـحــب لــــو لا جــنّــة (الصفح)الـبـهـيّـه
وش تصـيـر الأرض لـوهــي مـــا تـثـقّـل بالـهـضـاب؟؟
ايــه جـايــز سـهــل (تنـسـى)بـس أنـا(صـعـبٍ عـلـيّـه)
لاعـتـبـاراتٍ كثـيـرة..مـا اصـــدره حـكـمـي (غــيــاب)!
لـجـلـهـا قــمــت اتـبـاحــث فــــي (مـعـيّـتـك) الـقـضـيّـة
لـجــل يـسـمـع منك(عقـلـي)ومـا يجانـبـنـي الـصــواب!
(مـــو بــيــدك)؟؟الله أقــوى!!واتــرك الـبـاقــي عـلـيّــه
بَـقْـفــل سْـجـلّــك مـعـايــه بـعـدمــا انـهـيــت الـعــتــاب!
(موبـيـدي) مــا أقـبـل إنــي أرتــدي ثـــوب (الـخـويّـه)
وبكرامة (حب صاااادق) باختم الصفحة(انسحااااب)!!

يا صباح الشهد يا اللي ..


دق جوالي ، وصبّح.


مع شروق الشمس


وأشرق..


صوته الداااافي .


وأنا أغرق..


في تفاصيله وأموت..


آآه يا محلاه صوت !!


:


بحّته نبرة رجولة ..


صوت / يسرقني صباحه..


في تراخيه وذبوله


لمّا أرد : أهلاً حبيبي


وآتعمّدها بنووووم!!


اتعمدها..وينسى غصب...


وش ودّه يقوله!!!؟؟


:


بس..


صباح الخير / قومي ..!


أقسم بربّي تكفّي..


بس (صباح الخير قومي)..


عطري..


اشراقة صباحي..


قهوتي..


شِعري ..


نجاحي..


أروع انجازات يومي . ..

يامن خذيت القلب عنوَه وعجّلت
في طعن روحي بالغدر حين غرّه
الخافق اللي في غرامه تساهلت
ماعاد لـك بقصـاه مثقـال ذرّه
خلّك مع اللي بسبّته دوني أقفلت
قصرٍ قضيت أعوام به مستقِـرّه
غرّك زمانك واعتديت وتطاولـت
الله يجيرك من غرورك وشـرّه!
تعبت أجمّل طبعك اللي تحمّلـت
ما مر يوم ٍ شفت فيـه المسـرّه
بمنع فؤادي لو دنا منك وأقبلـت
منع الصغير اليا دنا منه ضُـرّه
محدٍ يموت من الوله وإن تخيلت
إني بظـل بدنيتـك مستمـرّه!!
الموت ماهو إن نسيت وتنازلـت
الموت غدرك لا تجرّعـت مُـرّه
أنا أصيلة وبصل طبعي تعاملـت
بنت الجنوب،أخت الرجاجيل،حُرّه
العز أنا وماضخّم لذاتي إن قلت:
البحر قلبـي والوفـا فيـه دُرّه
تدري بإني كثر ما قلت:حاولـت
يفضحني اللي ما كتم عنك سـرّه
ومهما هجرت وزاد بعدي وطوّلت
حبل الوصال بطرْف عينك تجرّه..

عوديني يا ليالي الهجـر نسيـان اشتياقـي
واتركيني في ضيافـة ذكرياتـي والطيـوف
اسجنيني في عواصف من هبايب عطر باقي
يثبت إنّا لو للحظة قـد تلامسنـا الكفـوف
أعذب الأوقات لحظة تحتضن طعـم التلاقـي
تسكب اللقيا صبابة مـا ننغصّهـا بخـوف
في بساتين المحبّة العطـش بـل السواقـي
واصبحت ذكرى لقانا (بس بفكاري)تطـوف
ترجم الآهات فيني وهج من نـار احتراقـي
ومن رماد الحزن يرسم دمعي النازف حروف
صارحيني إن خلّـي عاقـد العـزم بفراقـي
وعلميني كيف أنسى في محطاتـه الوقـوف
منك يا الهجران نشرب العطش بيدين ساقي
ومنك نتعلّم نداوي لوعة القلـب الشغـوف
ذكريات الحب تبقى مابقى في العمـر باقـي
والمحبّة اللي أصيلة ما تموّتهـا الظـروف. .
عوديني يا ليالي الهجـر نسيـان اشتياقـي
واتركيني في ضيافـة ذكرياتـي والطيـوف
اسجنيني في عواصف من هبايب عطر باقي
يثبت إنّا لو للحظة قـد تلامسنـا الكفـوف
أعذب الأوقات لحظة تحتضن طعم التلاقـي
تسكب اللقيا صبابة مـا ننغصّهـا بخـوف
في بساتين المحبّة العطـش بـل السواقـي
واصبحت ذكرى لقانا (بس بفكاري)تطـوف
ترجم الآهات فيني وهج من نـار احتراقـي
ومن رماد الحزن يرسم دمعي النازف حروف
صارحيني إن خلّي عاقـد العـزم بفراقـي
وعلميني كيف أنسى في محطاتـه الوقـوف
منك يا الهجران نشرب العطش بيدين ساقي
ومنك نتعلّم نداوي لوعة القلـب الشغـوف
ذكريات الحب تبقى مابقى في العمـر باقـي
والمحبّة اللي أصيلة ما تموّتهـا الظـروف.

صحيح إن البعد جارح..مقولة حيل مشهورة
عسى الغيبات محمودة وعندك للبعاد أعـذار
من بْعادك أنا قصة بهـا الأحـداث مبتـورة
حروفي ميتة وأرضـي مدينـة مابهـا زوّار
ترى الدنيا بلا رفقة مثـل أشـواك منثـورة
عليها ننجبر نمشي ولو طوّل بنـا المشـوار
الا يا غايب(ن)عني ولك في خاطري صورة
جميلة مثلما دوحه وعشب ومعانقة أمطـار
كثر ماالفكر بك سارح كثرما الروح مبهوره
كثر ما صغت بك بكر القصيد الصبح والافكار
زرعت الورد بعروقي وأسرني برقة عطوره
وأنا لك يالذيذ البوح كتمت من الغلا أسـرار
متى ترجع؟ متى طيفك يخفف بُعدك حضوره
يبدد ظلمة غيابك ويشعـل بالحديـث أنـوار
نويت من المودة أكتب قصيدة شوق مغرورة
ولك بهديها من قلبي مع باقة مـن الأزهـار..

في معاجمنا الجديـدة مفـردات الشعـر ملّـت
كل بيتٍ في القصيـدة مرتبـط باللفـظ ( آآه )!!
الجُمل جوفـا مريضـة عـن زخارفهـا تخلّـت
ارتـدت للحـزن ثـوبٍ للأسـف ذبنـا معـاه
الأسامـي كالمآسـي عـن معانيهـا استقلّـت
كـل لفـظ ولـه دلالـة ماتعبّـر عـن سـواه!
وأغلب الأفعال تنضح قسوةٍ فـي القلـب حلّـت
من يبي يوصف حبيبه قـام يوصفلـك جفـاه!!
الحروف اللـي نبيهـا تجمـع البيتين..فلّـت !
حرف شاكي، وحرف باكي، وحرف تايه في مداه.
والمحابر دمعٍ أسود بأوسـط القرطـاس هلّـت
وقّعـت ميثـاق دايـم يدعـم الحـزن وعنـاه.
والدفاتـر مـن رداهـا بالتناهيـت استهـلّـت
تثبت إن الصبر قمـة مـا وصلنـا (مستـواه)!
وإن اصل الحب (فرحة) عـن مشاعرنـا تغلّـت
والسبب: جهل ابن آدم يومه أسرف في بكـاه!!!

الهوى قصّة شجاعة، وأنا قاريها الجبـان!
والسطور اللي تضم أحداثهـا وش طولهـا
البطل فيها شعوري والزمن هـو والمكـان
والمؤلـف حـظ عاااثـر أثقلتـه حمولهـا
تذكر إنه كان يُحكى فـي قديمـات الزمـان
عن مدينة لؤلؤيّـة وألـف مـارد حولهـا
واللي يسكن هالمدينة ألـف جنيّـة وجـان
وألف بستـانٍ تباهـي بالجمـال خيولهـا
وألف وادي وألف كهف وألف قلعه من جُمان
وألف خادم وألف سايس في رضا مسؤولها
كان فيها هدوء غااامض والحديث بلا لسان
ولا حياة لمـن تنـادي إن بغيـت تنولهـا
يُحكى إنه ذات ليلة تحت ضـوء الكهرمـان
وفي نعاس الألف مارد شخص نال دخولهـا
وصار حاكمها المبجّل وماقضـاه الله كـان
الرضـا فيهـا يسيِّـر كـل كلمـة يقولهـا
و..ألف جنيّة ومارد وألف قلعة وألف جـان
في وجود الحب ضاااااعت واختفى مفعولها !

تظن إني أحبك موووت، ولايمكـن أنـا أخونـك؟
وصور لك خيالك حلم ترجـم للغـرور حـروف
يقول إن الجفون اللـي سكنهـا السُهـد لعيونـك
تماثيل الوفا الحيّة ، وصوت احساسهاالملهوف؟!
تظن المستحيل أحيا وأعيش العمـر مـن دونـك
وتباهيت فِغرور اللي لمس وجه القمر بكفـوف!
الا يا صاحبي..لحظة..ترفّق بي...علـى هونـك!
تعال نقلّـب الدفتر..ونلعبهـا علـى المكشـوف!
تظن؟؟ياااامصغره ظنك...وكبر الخوووف فظنونك!
وأنا..خنتك..نعم خنتك ، وأكررها بليّـا خـوف!!
نعم خنتك بحـب اللـي بكـل الحـب يطرونـك
وخنتك بابتسامـي للمرايـا لعْكستـك طيـوف!!
وخنتك يـوم غنيتـك لأخْتـي بأعـذب لحونـك
وخنتك يوم قمت أرقص لشوقي لك بدون دفـوف!
وخنتك بالعيون اللي ارتوت شكلـك ومضمونـك
سمحت لها تناظرني بعين أشواقهـا وتشـوف!!
إنا ما أحبك!! أعذرني!! أنا لـي قلـب مفتونـك
أنا بس أعشق أنفاسك..جراءة لونك المخطوف!!
إذا ناظرتنـي بلهفة..وبـاااح الطـرف مكنونـك
وعيّا لايطاوعك الغرور ..وحرصـك الملقـوف!!
{تظن وبس؟؟؟}..يااااحبي رجائي أكِّـد ظنونـك
تأكَّد {علتي عشقك} و{أنت}علاجي الموصـوف!!

أكره إني غصب عنّي صرت سجّاني وسَجينـي
وأكره إني في غيابك ماعرفت اشتاق غيرك !!
حتـى كلّـي قـام ضـدّي ، صـار كلّـي مـا يبينـي
حتـى وجدانـي خذلنـي كنّـه بروحـي سفيـرك!!
كـلـمـا ضـمّـيـت قـلـبـي قال:تكـفـيـن اتركـيـنـي
كل عمري مر ونتي حولي ونبضـي أسيـرك !!
ليش مـن بـد الوسيعـة قـام صـدرك يحتوينـي؟
اعذريني مل صبري ،مل من صحوة ضميرك .
أوعدك لامـات خوفـك.. أسمـح إنـك تحضنينـي
في عيون الوعد ومضة ياعسى وعدي يثيرك.
قلت أجـل ياقلبـي أصبـر والوعـد بينـك وبينـي
يا أسير بنفس دربـك، يـا أعـدِّل خـط سيـرك!!!
وأنت يـا اللـي قـام لجلـك كـل جـزءٍ حـي فينـي
(أكرهك) مليون مرّة ، كثر ما نمت فِعبيرك* !!
كثـر مـا لامسـت كفّـي والتـقـت عيـنـك بعيـنـي
كثر مـا قبّلـت خدّي،كثـر مـا أروانـي غديـرك!!
كثـر مـا رددت أحبِّـك ، كثـر مـا مسّـت جبينـي
الشفـاه اللـي يغالـب بردهـا لفـحـة هجـيـرك !!
هالكثـر (أكرهـك) ياللـي خوفـك إنـك مهتوينـي
ويا كبر خوفك وهمّك كان قلبي صار(طيـرك) !
يـا ( أنـا ) ملّيـت دمـع وملّـت الخيبـة سنيـنـي
ومن عرفتك وآنا (اضحك)كثّر الله ألف خيرك!!

عذاب الحب في قلبي حـرق صبـري ولوّعنـي
على محبوب ما يذكر زمـان مـن الولـع دافـي
زمــان الـلـي بتدليلـه..خـذا عقـلـي وطوّعـنـي
وجدّد فـي رُبـا قلبـي بساتيـن الهـوى الخافـي
الا يـا بسمـة الدنيـا عـسـى يــااارب تسمعـنـي
أناديلك من أعماقـي : تعـال مـن البعـد كافـي!
طرت في خاطري ذكرى على دربـك ترجّعنـي
وترمينـي بليّـا حيل..فراشـي الوجـد ولحـافـي
قليـل الحـظ مـن يومـي،ولاقـد يــوم طاوعـنـي
وقرّب لي حبيبي اللي كلامـه بلسمـي الشافـي
يمنّيـنـي عـلـى اللـقـيـا يلاعـبـنـي ويخـدعـنـي
يصوّر لي اللقا لحظة..ويرجع واقعي الجافـي
ويرسم لـي معـاك أحـوال ..تعطينـي وتمنعنـي
وأنا المجنون من شوقي فِبحرك طاح مجدافي
غرقـت ولا لقيـت اللـي مـنْ بْحـورك يطلّعـنـي
وصرت أشوفك بعيني (حقيقـة وهم)واطيـافِ
حسافـة يـا بخيـل أقفـى عـن أيامـي وودّعـنـي
سقاني المر في عمري وسقيته حبي الصافـي..

السـهـر واللـيـل وآنــا والقـلـم وأبـيــات شـعــري
والــورق واحـسـاس قلـبـي والـدلـع والـذكـريـات
ترجمة طبعي الحقيقي ، قصة أحلى أيـام عمـري
وأروع أنـمـوذج لعـشـقٍ يـمـلـك شـعــور الـبـنـات
قــوة احسـاسـي بحـبـه فـجــرت يـنـبـوع فـكــري
رددت لــه شــوق يـعـزف أعــذب أنـغـام الـحـيـاة
واسكبت أحلـى معانـي عشقـه بصنـدوق صـدري
سلسبـيـل مـــن الـمــودة فـــاق دجـلــة والـفــرات
صِـدق إنـي قلـت بسلـى حبـي لـه والبعـد عـذري
كثـر مـا جافيـت قلبـي وأهجـرت عينـي المـبـات!
ولعبـور أمـواج هجـره قمـت أمـد شـراع صبـري
المجاديـف احتراقـي ...طهـري اطــواق النـجـاة!
بـس قلبـي يـا حسافـة مـو علـى مـا كـان خـبـري
صـار أضعـف مـن مجـرد إنـه يوقـف فـي ثـبـات!
أعلن العصيان وأردف: من متى بيديـك أمـري؟؟
لاتقولـي إنـك نسيتي!!واضـح إنــك فــي سـبـات!
انا للمحبوب وحده ، ومن عشقتـه وصـار يـدري
انتهـت فتـرة رعايـة حضرتـك مــن وقــت فــات!
الـغـريـب إنـــي أحـبــه رغـــم إمـعـانـه فـقـهــري
وأعشق احساسي بجمعه لي بعد طول الشتات!!!
واستلـذ بملـح حزنـي فـي جـروح الوقـت يسـري
لـــذةٍ تـعـطــي الإجــابــة لـلـقـلـوب الـحـايــرات!!
صدق لاقالوا المحبة حكـم يفـرض وضـع جبـري
والغـلا فـي الـروح يسـكـن لـيـن ياتيـهـا المـمـات
بـس والله مــا أسيـبـه لوانحـنـى بالكـبـر ظـهـري
منـه باخـذ حـق قلبـي لــو غــدى جسـمـي رفــات
باعشقـه وأمـوت وأحيـا ومَستحـق وسـام فخـري
إمَاخلِّـيـتـه يجـيـنـي عـاااابــر الأربــــع جــهــات!

ياهل ترى هذا جزا حب واحساس؟
وتقديـر زايـد واحتـرام ومـوده؟
هذا جزا من حب وأعطى بلا قياس
تصغير شانـه واحتقـاره وصـدّه؟
الناس تعرف قدرها من غلا النـاس
ومحدٍ يعيـش بـلا حبيـبٍ يـوده
يامن وهبتك بالهوى قلب حسـاس
صافي المشاعر نهر روحـي يمـدّه
عطرت تقديري من الذوق بأنفـاس
على اعتبـار إنـك قرينـه ونـدّه
ما مر في بالي مع الوقـت ينـداس
قلبي ، أو إنك فـي قسـاوه تـرده
حتى إذا مر الجفا، قلـت : لابـاس
يابنت باكر حبـل عشقـك يشـده
واثر الليالي هزها صوت الأجـراس
تعلـن قـدوم افكـارك المستبـده
واحد:انا اللي للغلط دايمـا سـاس.
اثنين:بـاب الـلـوم لازم نـسـده
أما ثلاثة: فالجفـا منـك نبـراس
والأربعة:منـك الخطـا لانعـدّه!!!!
خمسة: بسيطة انجرح منك وانحاس
وأكبر خطا (شوقي)اذا اجتاز حـده
ستة: مصيبة لو تقاسمني الكـاس
وتذوق مر الدمـع فـوق المخـده
سبعة:تظن إن الرِفِق يحني الـراس
وإن اعترافـك بالغلـط قـد يهـده
والثامنة:توصف فضولي بوسواس
أو شـك يلعـن أم أمـه وجــده
وأنا الثقة والصدق للقلـب حـرّاس
والعالم الله ،خافـي السـر عنـده
حبي نظمته عقد ياقـوت والمـاس
عطا كريـم وجاهـل ٍ قـام رده !!!

أشوف الهم يطوينـي عذابـه

وطير الشوق في نبضي سرابه

لشخصٍ بالغلا تـوّج حياتـي
كسى وقتي معه فرْح ومهابـه
تعمّد بالغيـاب يهـز فكـري
وهو يدري بقلبي في غيابـه
على أوتار التغلّي قام يعـزف
وأنا أوتار الوله فيني كتابـه
ولالي في هواه اليـوم حيلـه
وأنا أدري ماله فقلبي طلابـه
فقدته حيل وأضناني خفـوقٍ
قفل في وجه نور العقل بابـه
فقدت المرحبا وأهلين وأهـلا
وكاسٍ في لقاه اعشق شرابـه
حديثٍ عذب مابه علم شانـه
لذيذ السكب يمطر به سحابـه
عطور الود نفحاتـه وطيبـه
وروح الورد تخفيهـا ثيابـه
فقدت النون تتلى عينها ميـم
الا منه اختصر طول الاجابـه
فقدت الضحكة تسرقها عيوني
وتروي سمعي الغايب طرابـه
فقدت اللا وليش وكيف، مدري
فقدت الفلسفة الفينا تشابـه؟
فقدتك ياغلاتي فكـل صـورة
ثقيل أو واحدٍ فاقـد صوابـه
غيابك غربتي بينـي وبينـي
يزيد الحزن في وجهي صلابة
أنا مابيك نبضٍ فـي حروفـي
أبيه بمهجتي يسكن..هلا بـه
وتشرق شمسك بعيني غـلاوه
تزيـح الهـم ويسافرعذابـه..

أتمنى أن ترتقي لذئقتكم..