 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
|
|
#1
07-10-2011
|
||||||||||||||||||||||||||||||||
|
||||||||||||||||||||||||||||||||
((البارت العاشر))
في مجلس الرجال في بيت ابو نواف.............. ابو نواف:حيا الله من جانا تو مانور البيت ابو بدر:الله يحيك البيت منور باهله ابونواف:هاه ياولدي بدر شخبارك بدر:بخير عمي عساك بخير ابو بدر:ابونواف جاين لك بطلب ابو نواف:امرني يابو بدر ابو بدر:مايامر عليك عدو بس والله انا شارين قربك وجينا نخطب ولدي بدر لبنتك يارا ابونواف:هاذي الساعه المباركه وين القى لبنتي يارا احسن من بدر ويارا مثل ماهي بنتي هي بنتك وانشاءالله ارد عليك بالخبر الي يسرك ابوبدر:لاتستعجل بالرد يابو نواف خلي البنت تفكر وانشاءالله تصير الامور مثل مانبي ابونواف:انشاءالله ابو بدر:يالله اجل انا استاذن ابو نواف:وين يابوبدر تو الناس ابو بدر:تعرف المكتب مافيه احد اخوي مسافر بو نواف:اجل على راحتك بوبدر وبدر:فمان الله بو نواف:فمان الكريم ******************* دخل بو نواف الغرفه الموجوده فيها التلفزيون كانت يارا وامها جالسين يتابعون برنامج بو نواف:السلام عليكم ام نواف ويارا:وعليكم السلام بو نواف جلس جنب يارا:هاه كيف دلوعتي اليوم يارا:الحمدالله تمام ام نواف:من كان عندك من شوي بو نواف:ابو بدر وبدر معاه يارا من سمعت اسم بدر قلبها يدق بسرعه وماتدري ليش جسمها طلع حار ام نواف نواف:وش عندهم بو نواف يطالع بنته بكل حب وحنان:بو بدر خطب يارا لبدر وينتظرون موافقتنا ام نواف "بفرحه":هاذي الساعه المباركه الي نناسبهم فيها وين نلقى ليارا احسن من بدر مادري وشلون اوصف لكم شعور يارا تحس بفرح ماصدقت ابوها .......بدر الي من شافته وهي تفكر فيه بدر الي انعجبت بااخلاقه وتصرفاته وشخصيته من سوالف اخوانها قبل ماتنعجب بشكله ..........الي كل بنت تشوفه تنجن عليه كانت سرحانه فيه ماسمعت ابوها يناديها واخيرا انتبهت يارا:سم يبه بو نواف:هاه وش رايك يارا:يبه انت شرايك فيه بو نواف:والله يابنتي لو اتكلم عنه من اليوم لبكره ماوفيت بحقه هو رجال ولد رجال بس يابنتي خذي راحتك في التفكير ومتى ماقررتي قولي لي بدون ماتحس يارا:الشور شورك يبه ومافي احد يعرف مصلحتي كثرك انت وامي بونواف:اجل يابنتي الف مبروك"باس جبينها" قامت ام نواف تحظن بنتها ودلوعتها :الف مبروك ياحبيبتي الله يوفقك ويسعدك "بكت: يارا دمعت عينها:ماما لاتبكين ترا اهون خلاص اقعد عندكم وطبعا الكل عرف بزواج يارا وبدر وباركو لهم وحددو موعد الزواج بعد ماطلعت التحاليل وكان موعد الزواج بعد شهرين ونص من الخطبه علشان اماني اختها على وشك الولاده كانت قبل ليلة الزواج نامت عندها ريما وريناد وسمر وطبعا اماني علشان يخففون عليها من التوتر شوي ويقضون اخر ليله مع بعض ريما:يالله يرو والله من جد راح نفقدك يارا:ريوم لاتخليني ابكي الحين ريناد:طيب وش شعورك الحين وبكره زواجك ريما:والله يااخت ريناد شعورها مثل شعور أي مواطن سعودي الكل:هههههههههههههههههههه ريناد ضربتها بعلبة البيبسي الفاضيه:تتريقين على انتي وخشمك ريما:مادري عنك سؤالك غبي دخلت عليهم ريماس بدون مايدرون بس لفت ريما وشافتها ريما "بصرخه":ريمــــــــــــــــــــــــــــــــــا س قامت ريما بسرعه وحظنتها والكل قام يسلم عليها متفاجئين توقعوا انها بتجي للزواج على طول بس كانت ريناد عارفه بالسالفه جت يارا على طول بعد ريما وحظنتها:يالدبه توقعتك ماراح تحضرين زواجي ريماس: افا مااحضر انا زواج حبيبتي يروالف مبروك ياقلبي جلست ريماس مع البنات سوالف وضحك ثم جاء فيصل راحت لبيتها والبنات نامو عند يارا ***************** في غرفة بدر ................ كان بدر ماجاه النوم يتقلب يمين وشمال يفكر في عروسته الي اخر مره شافها في الملكه اشتاق لها وده يسمع صوتها بس الوقت متاخر فارسل لها رساله استلمت يارا الرساله كانت وسائط من "حبك يدفيني" كانت اغنية احلام: تدري يالقلب الحنون انت بالنسبه لي ايش وانا بعدك كيف اكون وليه احس و ليه اعيش يالي شفت احلامي فيه والتقيت بااحلا جنه ادعي ربي وارتجيه ربي لا تحرمني منه والله احتاجك انا خلك بجنبي قريب وان حصل شي بيننا عن حياتي لاتغيب الرساله: ليت الورق يعرف وش اللي انكتب فيه وليت القلم يدري وش الي جرى به اه من جرح عجزت القى مداويه واه ياقلب كيف اقوى عذابه لي صاحب ماغاب عن الفكر طاريه ماقل قدره لو يطول غيابه ماقل قدره لو يطول غيابه ......لك اشتااااااااااااق كثر "مابااااعدت الايام"الايام بيني وبينك كثر كلمه قلناها وكل الحكايه حكيناهااااا وكل ضحكه ضحكناهاااا وكثر شوقي ... اذا طولت في غيابك وكثر فرحي.... اذا وصلني بعد الغيبه مرسالك "باقي 16 ساعه وااكون انا وانتي في غرفه واحده" استحت يارا مرره وشفتها ريما:من الفاضي الي مرسل في هالوقت يارا:هاذا بدر صحصحت ريما:كذابه عطيني اقرا قرتها ريما لحد اخر شي:ياهووو وش قصده في غرفه وحده ضربتها يارا على كتفها:اقول اخمدي بس نومة الظالم عباده نومي ريما"تضحك":هههه طيب شكرا على التهزيئه المحترمه ************** @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه للكاتبه:روعة الشـــــــ*_*ــــــوق @@@@@@@@@@@@@@@@@@ في يوم الزواج انطوانيت:حبيبتي خلاص مايصير هيك والله نشفت دموعك يارا "تصيح":خايفه ريما وريناد:خلاص يارا خليها تبداء فيك الحين الساعه 8 جت سمر معاها ام نواف جابتها علشان تهدي بنتها الي من الصبح وهي تصيح قامت يارا وعلى طول حظنت امها ام نواف:يرو حبيبتي وش فيك ماكنتي مبسوطه امس وش الي غيرك يارا:ماما خايفه جلست ام نواف وبنتها:قولي لي وش خايفه منه يارا:من كل شي ام نواف:شوفي حبيبتي الي في بالي وبالك ماراح يصير اليوم لاتخافين استحت يارا من كلام امها:لاماما موقصدي هاذا ام نواف:طيب ياحبيبتي روحي غسلي وجهك علشان انطوانيت تبدى فيك يارا:طيب وطبعا كل وحده من البنات كاشخه اخر كشخه اماني كان فستانها مصممته ايلا زحلان خصيصا لها وام نواف كانت من تشكيلات زهير مراد اما يارا فكان مطلوب لها من تصاميم جان فارس نجي الحين للعروسه الي كانت قمر ماشاءالله بمكياجها الذهبي والوردي وتسريحتها الي كانت كلها مرفوعه على فوق صعدت لها ام بدر وعهد ونادين ورنيم ام بدر:الف مبروك يار الله يوفقكم يارا:الله يبارك فيك خالتي عهد:مبروك يارا يارا:الله يبارك فيك رنيم:انتي عروثة بدر نادين :انتي اسمها عروسه موعروثه يارا تبتسم لهم يشابهون بدر:أي حبيبتي انا عروسته ام نواف:يالله يارا استعدي الحين بتطلعين اماني:خلاص يمه لاتشيلين هم طبعا اول شي كانو حانو حاطين بروجكتور عن حياتها من يوم صغيره لتخرجها من المتوسط والثانوي وايام المخيم ومع بنات عمها لحد يوم ملكتها مع بدر فتحت الابواب طلت عروستنا الحلو بااغنية ماجد الرومي طلــــــــــي بالابيض طلي يازهرة نيسان ..طلي ياحلوه وهلي والوجه الريان واميرك ماسك ايديكي وقلوب الكل حوليكي... والحب يشتي عليكي ورد وبيلسان قلبي بيدعيلك يابنتي بهالليله الشعلانه...يااميرة قلبي انتي سلمنا الامانه ماتنسي اهلك ياصغيره بعينينا ماصرتي كبيره....ضلي معنا وطيري عالجناح الامان طلــــــــــي بالابيض طلي يازهرة نيسان ..طلي ياحلوه وهلي والوجه الريان شاعي مثل هالطرحه يااغلى البنات..صلي تعيشو بهالفرحه لباقي الحياة وربي من السماء يباركون كيف ماتوجهتو يرافقكون بايام الصعبه ينصركم عالكل الاحــــــــــزان قالك نعم من قلبو فرح كل الناس...رديها عاقلبه وحب شعلانه احساس طلــــــــــي بالابيض طلي يازهرة نيسان ..طلي ياحلوه وهلي والوجه الريان ********* كان كل الحضور عيونهم على يارا والكل يسمي ويذكر الله جلست يارا على الكرسي المخصص لها الي كله ورد واوراق خضراء تكمله لكوشتها الي كان طابع عليها وراق خضراء وورد وردي كانت في وحده من الحاضرات تطالع في يارا بنظرات كلها حقد وكراهيه منيره:ماشاءالله اروى العروس تجنن صدق عرف يختار بدر اروى"بكل عصبيه":انا اوريها بنت الذين اذا ماتطلقو بعد شهر ماكون اروى بنت عبدالرحمن منيره:اووووص وجع وطي صوتك لااحد يسمعنا بس بعدين انتي لحد الان متوقعه انه بيحبك لاياماما اصحي اول ماقدرتي عليه تبين الحين بعد الزواج يحبك هاذا بدر مو أي واحد من الشباب الي تكلمينهم لاتلعبين على نفسك اروى والدمعه تنزل من عينها:ااااااااااه مشكلة القلب الي ماحب غيره ولاراح يحب احد بعده منيره:اجل اذا كنتي من جد تحبينه ادعي ان الله يوفقه رجعت اروى لشعرها:منتقمه منتقمه الايام بيننا جت امهم :يالله يابنات قومو سلمو على العروس قبل لايدخل بدر البنات:انشاءالله سلمت منيره ثم اروى اروى بدون نفس:الف مبروك يارا:الله يبارك فيك ناظرت اروى يارا من فوق لتحت يارا استغربت من هالنظره مع انها مالها صله لها ابدا المطربه:يالحاضرين المعرس بيدخل دخل بدر بريحة العود سلم على يارا وباس جبينها ريما:ياويل قلبي يوو وشذا الزين لو انا مكان يارا بيغمى علي ريناد:أي ماشاءالله انا ودي اشوف عيالهم ماشاءالله يارا جميله وهو جميل ريماس:الله يوفقهم يارا تستاهل كل خير وعلى جنب كانت اماني وسمر جالسين سمر:اقول اماني من هاذي"تأشر على اروى" اماني:انها وحده من بنات عمه سمر:ماشاءالله حلوه بس غريبه شوفي نظراتها ليارا وبدروساقها من ساعه وهي تهز اماني:حتى انا لاحظت عليها بس مادري وش قصتها جت ام بدر وام نواف عند المعاريس قام بدر وباس راس عمته ام نواف:بدر حط يارا في عيونك بدر:مايبيلها كلام ياعمه"يطالع يارا"يارا في القلب والعين المطربه بصوت عالي :الاغنيه الجايه اهداء من العريس بدر لعروسته يارا الكل في القاعه يصارخ اما اروى بغت تموت من القهر ويارا كانت مبسوطه من حركته كــــــــــذا من ربي حبيته .............. بسرعــــه يوم لقيته ياناس هاذا الي تمنيته...................... اخيرا صار محبوبي فاهمته وهو فاهمني............................. قبل حتى يكلمني .لقيت الي ينادمني.............................. دوبي همت به دوبي حبيبي وشمعة ايامي ............................ثناي وكل احلامي سكن في عييوني الثنتين........................وين مااروح قدامي امير الذوق والرقه.......................... لو يتباهى من حقه واذا جاني الحلا والزين.........................حبيبي ماخذ حقه رقصت عليها ام بدر وام نواف وعهد وكل مايتغطى من بدر ....وبدر كان يطالع في يارا وهي مستحيه بدر:يارا يارا:سم بدر تخدر عليها "ياربي وش هالملاك":يالله نمشي يارا:على راحتك قام بدر ومسك يد يارا طلعو قبل ماتركب السياره سلمت على البنات وحظنت امها واماني وقامت تصيح بدر تعاطف معها في الفندق:كان بدر جالس جنب يارا وهي مانطقت ولاحرف وبدر متشوق انه يسولف معاها خذ يدها وغطاها بيدينه الثنتين يارا المسكينه استحت مرره بدر:تصدقين ياقلبي من متى وانا احلم بهاليوم الي جمعنا مع بعض واخيرا تحقق الحلم وصرتي لي وانشاءالله ربي يقدرني واخليك اسعد وحده يارا واخيرا نطقت:الله يخليك لي ولايحرمني منك "هالجمله هزت زعزعت قلب رجال" بدر:ولامنك انشاءالله وصل عشاء يارا بس يارا ماطب في فمها ولاشي غير ورق العنب الي بالياالله كلته علشان بدر اكلها بعد ماخلصو العشاء وسولفو مسك بدر يد يارا:حبيبتي انا طالع شوي بخلص كم شغله وراجع لك يارا:انشاءالله طلع بدر برا الغرفه علشان تاخذ راحتها في اللبس وحمدت ربها على ذوقه وطلع برا علشان تاخذ راحتها في تغير ملابسها....غيرت يارا لبسها ولبست قميص نوم اورنجي طويل بس فيه تعليقات من فوق خفيفه يالله تنبان .......خففت يارا من مكياجها علشان مايطلع وجهاا كله مكياج فكت شعرها طالع جنان طولان لحد اخر ظهرها ......جلست تتامل في الغرفه الي كانت اغلبها شموع وورد احمر وموسيقى هاديه ابتسمت يارا على رومنسيته وسرحت فيه ماحست الابضربة بدر الباب يارا:نعم بدر:ادخل راحت وفتحت يارا الباب دخل تفاجا بهالمزيونه الي قدامه ابتسم لها:انا داخل الغرفه غلط ابتسمت يارا:لاهي نفسها دخل وسكر الباب مسك يدها وجلسها على الاريكه شافها متوتره يدها ترتجف شوي بدر:شفيك بردانه يارا:لاعادي موبرد جاء بدر في باله انها خايفه من ذاك الشي فحاب يقطع توترها ضغط على يدينها بقووه حست يارا براحه كبيره قرب بدر منها مرره حتى صار ملاصق فيها وحط يده على كتوفها والثانيه لف وجهاا من ناحيته يارا انقلب وجهاا احمر نزلت عيونها بدر يبتسم:انا الحين الف وجهك عندي وانتي تنزلين عيونك يالله ارفعي عيونك خليني اشوف عيون المها رفعت يارا عيونها بدر راح فيها يوم شاف عيونها تخدر بدون شعور {{(*_^)مشفــ ـ ــ ــ ــ ـــر(^_*)}} ************************** @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه للكاتبه:روعة الشـــــــ*_*ــــــوق @@@@@@@@@@@@@@@@@@ في الصباح في الفندق بدر:يارا حبيبتي يالله اصحي الساعه2 يارا قامت بسرعه:يالله فاتنا صلاة الظهر بدر يبتسم لها:اكيد راح تفوتنا شوفي متى نمنا البارحه"يغمز لها" يارا قب وجهاا احمر وراحت ركض للحمام وبدر يضحك عليهاجلس على الاريكه اتصل على امه بدر:السلام عليكم ام بدر:وعليكم السلام هلا باابوي كيفك يمه وكيف يارا بدر:بخير الله يسلمك انتي كيفك وكيف ابوي والحلوتين ام بدر:كلهم بخير الله يسلمك والله البيت طافي بدونك بدر:والله انتم نوره يمه ام بدر:طيب متى مسافرين انشاءالله بدر يطالع في يارا الي كانت توها طالعه من الحمام:انشاءالله اليوم الساعه ثلاث الفجر ام بدر:الله يوصلكم بالسلامه كانت يارا تاشر لبدر انها تكلم خالتها :يمه هاذي يارا بتكلمك يارا:السلام عليكم ام بدر:وعليكم السلام هلا بيارا كيفك يارا:الحمدالله بخير كيفك انتي وكيف عمي والبنات انشاءالله بخير ام بدر:والله كلهم بخير الله يسلمك يالله يمه اجل ماطول عليك يارا:سلميني على عمي والبنات ام بدر:يوصل انشاءالله يالله نشوفكم الليله انشاءالله مع السلامه يارا:مع السلامه سكرت من خالتها يارا تاشر في وجه بدر:بدر بدرانتبه لها:هلا يارا:وين وصلت بدر وبدون شعور ضمها بقووه:معاك انا على طول خافت يارا عليه:بدر شفيك؟ بدر بعد عنها بعد ماانتبه لنفسه:احبـــــــك يابعد هالدنيا انتي استحت يارا بدر:ياربي هالحياء ياقلبي الليله بنروح الوالده تعرفين العزيمه بعدين على طول شهر العسل ياعسل"قبص خدها" ************** @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه للكاتبه:روعة الشـــــــ*_*ــــــوق @@@@@@@@@@@@@@@@@@ في بيت بو بدر كانو الحريم متجمعين العائله كلها من عماته وحريم عمانه وخالاته..............الى اخر. والكل كان يستنى العروس توصل وكانت منيره مع عهد تجهز الاغراض اما اروى مع بنت عمها فهده عمرها 18 سنه مرجوجه تحب الهبال والمزح والمقالب هي بوي بس اشباها مايعطيها انها بوي ابدا كلها انوثه وجمال بس علشان هي الوحيده من اخوانها بنت تعودت تكون ولد مثلهم صح انسيت اعرفكم على الشخصيات الجايه: بو سالم اخو بو بدر وعندهم اخت اسمها نهله الي بنتها فهده بوسالم عياله :سالم عمره 24 يدرس برا منيره عمرها :23 اروى: 19 احمد :13 *********************** فهده:اروى متحمسه ابي اشوف يارا يقولون عنها صاروخ"طاحت على كتف اروى من المبالغه" اروى عصبت:من قالك اقل من عاديه تعرفين المكياج ومايسوي بعدين انتي ليش ماجيتي امس الزواج فهده:تعرفين مااحب الزواجات جتهم منيره:يالله بنات قومو وقفو عند الباب يارا وصلت قامت فهده متحمسه:يالله اروى خلينا نروح اروى حطت رجل على رجل:روحو انتم ماني رايحه منيره عصبت:يالله فهده خلينا نروح مع الحريم فهده:يالله استقبلو يارا الي كانت جنان بفستانها النيلي وشعرها الي كله ستريت سلمت على الكل واخر وحده سلمت عليها يارا اروى جت فهده عند اروى تركض:اروى وش تصير هاذي بنت ولاملاك اروى:عاديه ماشفت فيها زود فهده:عاديه في عينك الاتلقين بدر متخدر عليها بس مايلام اروى"عصبت مررره منها":اسكتي بس ام سالم<<ام منيره واروى:كيفك يارا يارا:الحمدالله بخير عهد كانت جنبها تعرفها على الموجودين .....وتعرفون الحريم سوالفهم كانهم في سوق البطحاء فهده:اروى قومي نروح عند يارا نسولف معاها اروى:ماني رايحه روحي انتي من زينها ومن زين سوالفها منيره"ترقعها":اقول ماعليك منها مزاجها مو رايق اليوم خلينا نروح عندهم راحو عندهم: راحو عندهم......... عهد:يارا اعرفك عليهم هاذي منيره وهاذي اروى"تاشر على اروى"اروى تعالي معنا ليش قاعده لحالك جت اروى وهي مالها خلقهم عهد:وهاذي فهده بنت حبوبه لااخر درجه منيره:ترا فهودي اذا جلستي معها ماراح تملين من جلستها استغربت يارا توقعت ولد عهد:يارا ترا فهودي هي فهده بس تحب نسميها كذا ابتسمت يارا:انا امس ماشفتك في الزواج فهده:أي انا مااحب اروح الزواجات عهد:منيره تروحين معي تساعديني في ترتيب الاعشاء منيره:يالله راحت عهد ومنيره برا عند الطاولات علشان يرتبون باقي الاشياء وجلست فهده تسولف مع يارا واروى قعدت تلعب بجولهاثم جاء اتصال على جوال فهده من زميلها طلعت برا طبعا اروى استغلت الفرصه قربت من عند يارا اروى:شخبار بدر يارا:الحمدالله بخير اروى:مرتاح معاك يارا مستغربه من سؤالها:الله يقدرني انشاءلله اريحه اروى:تصدقين ماتوقعت بدر ياخذ برا العائله يارا:نصيبه كل واحد ماياخذ الانصيبه توها بتتكلم اروى جتهم فهده:هااي بنات تاخرت عليكم يارا:يعني شوي اروى:ليش انا مو ماليه عينك يارا خافت:لا والله مو قصدي...... قاطعتها فهده بجديه:خلاص اروى ماصار شي جت ام بدر في المجلس :يالله تفضلو على العشاء بعد العشاء جاء بدر علشان يسلم على خالاته واخته وامه قبل لايسافر بدر يكلم يارا بصوت خفيف:استناك في السياره لاتتاخرين ماباقي شي على الطياره يارا:انشاءالله طلع بدر من عند الحريم وقبل مايركب سيارته في احد مسك بدر مع يده لف بدر تفاجا اروى تبتسم:سوبرايز صح بدر بعد يده منها بقوه:نعم وش تبين بعدين تعالي قولي انتي ماتستحين على وجهك طالعه لي كذا "ياشر باصبعه من فوق لتحت" من جد اروى كان لبسها فاضح من فوق توب ومن تحت قصير مرره لحد فوق الركبه بس كان جنان عليها اروى"بدلع":ليش مو عاجبك بدر بكل عصبيه:اقول ضفي وجهك الحين لايصير لك شي مو طيب فـــــــاهمه اروى:يعني وش بتسوي بتصارخ علي وبيسمعونك وفي الاخير انت بتاكلها بدر كان ماسك نفسه بالقوه:اروى اقصري الشر وادخلي بالطيب اروى:اوكي انا راح ادخل بس ترا لنا موعد ثاني مابعد خلصت كلاميsee you letter راحت اروى من عند ه قابلت في طريقها يارا وهي طالعه لابسه عبايتها وابتسمت ابتسامة خبث اروى: باي يارا "قربت من عند جهها":انتبهي على بدر اوكي راحت من عند يارا وهي تبتسم اما يارا مارتاحت لها ابدااا وخصوصا انها كانت جايه من parking البيت ((اروى شيطان على هيئة انسان وش راح تنتظرين من مفاجأتها يايارا)) انتظرو التكمله في البارت الحادي عشر ((اختكم روعــــــــــــــة الشـــــــــــ *_* ـــــوق)) 
   
|
|
07-10-2011
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
((البارت الحادي عشر))
لف بدر تفاجا اروى تبتسم:سوبرايز صح بدر بعد يده منها بقوه:نعم وش تبين بعدين تعالي قولي انتي ماتستحين على وجهك طالعه لي كذا "ياشر باصبعه من فوق لتحت" من جد اروى كانا لبسها فاضح من فوق توب ومن تحت قصير مرره لحد فوق الركبه بس كان جنان عليها اروى"بدلع":ليش مو عاجبك بدر بكل عصبيه:اقول ضفي وجهك الحين لايصير لك شي مو طيب فـــــــاهمه اروى:يعني وش بتسوي بتصارخ علي وبيسمعونك وفي الاخير انت بتاكلها بدر كان ماسك نفسه بالقوه:اروى اقصري الشر وادخلي بالطيب اروى:اوكي انا راح ادخل بس ترا لنا موعد ثاني مابعد خلصت كلاميsee you letter راحت اروى من عند ه قابلت في طريقها يارا وهي طالعه لابسه عبايتها وابتسمت ابتسامة خبث اروى: باي يارا "قربت من عند جهها":انتبهي على بدر اوكي راحت من عند يارا وهي تبتسم اما يارا مارتاحت لها ابدااا وخصوصا انها كانت جايه من parking البيت ((اروى شيطان على هيئة انسان وش راح تنتظرين من مفاجأتها يايارا)) ركبت يارا السياره والعبره خانقتها:تاخرت عليك بدر يبتسم:لا ياقلبي ماتاخرتي وكان في السياره هدوء يارا راح تفكيرها عند اروى وش تبي منها وبدر كان يفكر في حل لبنت عمه الي تبي تخرب عليه حياته بدر حاب يقطع هالهدوء:وش فيه الحلو ساكت يارا:لامافيني شي بدر:شرايك في اخواتي الصغار يارا:يجننون بدر:يالله انا بعد ابي توم مثلهم بس ابي بنت وولد استحت يارا بدر بصوت عالي:امـــــــــــــوت على الي يستحون سافروا بدر ويارا الى اكثر من بلد ........... @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق)) @@@@@@@@@@@@@@@@@@ نجي عند بيت اماني وتركي كانو جالسين في الغرفه يرتبون اغراض البيبي علشان اماني بتوديها عند اهلها لان قربت ولادتها تركي قاعد يغني لها وهو يساعدها في ترتيب الملابس والله احبك احبك يشهد الله علي.....لما اشوفك ابتسم صدقني ماهو بيدي لاحاسد يقدر يبعدنا انا وانت لو شوي...يالله احفظ حبي لك يالله حبي ياقوي مافي غيره سكن روحي حبيبي.. وانا احبه لوقالو تمنى اتمنى عمري قربه يعشقني من قلبه وقال اانا ادري............. يحبني بس شوي اتغلى عليه وغلا تي وغلاتي ياعمري تعال لو يطلب عمري كله والله عمري بين يديه اماني على طول طاحت دمعتها تركي:قلبي ليش هالدموع"مسحها بطرف اصبعه" طاحت في حضنه على طول:تركي راح توحشني تركي طاحت دمعته بس على طول مسحها :حبيبتي لاتبكين انا راح ارز وجهي كل يوم عندكم حتى تطرديني برا هااه شرايك بعدت عنه:ماعاش الي يطردك نزل تركي عند بطن اماني:وانت انتبه على امك اذا جيت تطلع لاتصير دفش اطلع بهدوء اماني:هههههههههههه تركي:فديت هالضحكه انا مسك تركي وجه اماني وجلس يتامل فيها واماني نفس الشي جلسو خمس دقايق وهم يطالعون في بعض تركي:احبك اماني تبتسم:وانا اموت فيك تركي:لابس انا احبك واموت فيك واعشقك اماني:وانا بعد تركي:لابس انا اكثر اماني حطت يدها على خصرها:لاوالله انا اكثر واستمرو هواش من يحب الثاني اكثـــــــر ******************* نجي عند طلال وفارس كانو قاعدين في كافي<<<<ماشتقتوا لهم فارس:اقول طلول من زمان عن البنات طلال:أي والله صار لي شهر وانا تاركهم بس تدري قرررت اخطب هاليومين وارتاح شرق فارس بميلك شيك الي معاه من سمع بالخبر طلال:عدال يالاخو ترفق على عمرك لاتروح من عندنا بعد من افضفض عنده غيرك فارس:بس هاذا الي هامك تفضفض لي المهم وش الي سمعته بتتزوج طلال:أي بتزوج مو اقل من غيري فارس:طيب كلمت عمي في الموضوع طلال:لابكلمه هاليومين فارس:تدري حتى انا ابي اتزوج طلال:احلــــى من تعيسة الحظ والي امها كل يوم تدعي عليها بتاخذك فارس:هههههههههههههه وش دعوه لاامها تحبها وتدعي لها طلال:هههههههه طيب من اقاربنا هي فارس يبتسم:أي مررره بعد طلال:يالله الله يوفقك خلاص كلم عمي علشان يصير ليلة زواجنا ليله وحده فارس:المشكله في نواف العله اذا تزوج انا وراه دق جوال طلال فارس:ههههههههههههههههههه اجل بتترك البنات طلال:الله يلعنك هاذي اختي ريناد فارس من سمع ان ريناد متصله دق قلبه بسرعه طلال:هلا ريناد .... طيب وين السايق..خلاص شوي واجيك...سكر منها طلال:فارس توصلني السوق فارس:هههه ليش السوق بتشتري للمعلوميه مايدخلون شباب طلال:لا ريناد راحت السوق والسايق تعطلت سيارته بروح لها فارس:اجل يالله خلنا نمشي طلال يالله وصلو طلال وفارس السوق واتصل طلال على اخته علشان تطلع طلال:هلا ريناد يالله اطلعي عند البوابه علشان ندخل معك ريناد:طيب هاذا انا جيت يالله باي طلال:باي وصلت عندهم رينادوتفاجات من فارس ماتوقعت انه بيجي ريناد:طلال طلال لف عليها:هلا والله بااختي يالله تكفين دخلينا خلينا نقز في هالمزاين ريناد:طلال ماتتوب طلال:ههههههههه امزح عليك وفارس كان يطالع في ريناد ويبتسم:هلا ريناد كيفك ريناد بغت تطيح من طولها يوم شافته شلون الحين يكلمها:الحمدالـله بخيـر انت كيفك فارس:عال العال طلال:يالله خلونا ندخل @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق)) @@@@@@@@@@@@@@@@@@ دخلو المجمع وماغاب على بال ريناد ان كل البنات الي في السوق يطالعون طلال وفارس لدرجة الوقاحه الي وصلت للبنات انهم ياشرون عليهم بموبايلاتهم علشان يرقمونهم طلال:ريناد وين نروح الحين ريناد:بدخل محل الساعات انتظروني شوي طلال:لابدخل بعد انا باخذ لي ساعه تدخل فارس معنا فارس:يالله معاكم طلال:ريناد استعجلي علشان فارس عنده شغل فارس يتدخل:لاعادي ريناد خذي راحتك ماعندي شي ريناد بعدت عنهم شوي علشان تاخذ راحتها لان لوشافت فارس راح تضيع علومها اما طلال وفارس جلسو يسولفون طلال ضرب يده على راسه:يوووووه نسيت فارس:وش الي نسيته طلال:صاحبنا الي قلت بوصيه على اغراض يجيبها من الكويت فارس:طيب اتصل عليه طلال:جوالي ناسيه في السياره فارس:طيب اتصل من جوالي طلال:رقمه مو حافظه تدري انا بروح اجيب جوالي وانت خلك مع ريناد فارس استانس:ولايهمك ريناد كانت تبي راي طلال في الساعه الي اخترتها لفت ماحصلته بس شافت فارس واقف بعيد عنها شووي قربت عندها ريناد:فارس وين طلال طلال:طلع برى شوي بيجيب جواله وبيرجع محتاجه شي ريناد فلوس ترا انا حاضر ريناد:لاماتقصر دخلو للمحل ثلاث بنات طبعا كانو بس محجبات واشكالهم توحي انهم من طبقةهاي كلاس ووحده منهم كانت كويتيه الاولى :ياااااي شفتو هالمزيون الثانيه:واو شنو هاذا حده عجيب الاولى:ههههه شفتي عيالنا حلوين ترا بس ها ذا نموذج الثانيه:عيل ياحلو هالنموذج اذا جذي ههههههههه الثالثه:بنات تعالو نقرب عنده البنات:يالله قربو البنات عند فارس لدرجه مايفصل بينهم شي ....في هاللحظه كانت ريناد مقهوره منهم اول شي سمعتهم يتكلمون عن فارس وثاني شي شافتهم وهم لاصقين فيه يحاولون يتحرشون الاولى :يالاخو لف عليهم فارس وهو موطايقهم :خيــــر الاولى تلعثمت يوم لف عليها "يلعن شكلك وش هالزين":الصراحه ابيك تساعدني في حاجه فارس:اامريني في الي اقدر عليه ريناد فيها العبره "فارس لا موقدامي حرام عليك" الاولى:انا محتاره بين الساعتين شرايك انت وش اخذ منهم فارس بابتسامة استهزاء:وانا وش عرفني في ذوقك بعدين انتي تعرفيني ولاانا اعرفك علشان تاخذين رايي الثانيه بصوت خفيف لصاحبتها:وييييي نحيس الثالثه:مرررره بس ماعليك راح تجيب راسه لنا الاولى:افــــــا انا اطلب مساعدتك وانت تردني على العموم اذا كان على الذوق شكل ذوقك جنــــــان مثلك واذا على المعرفه مو مشكله نتعرف "تغمزله" ريناد ودها تعطي هالبنت كف على وجهاا راحت عندهم ومسكت يد فارس بدون ماتدري البنات تفاجاؤ بس مو كثر صدمت فااارس ريناد:حبيبي ابي رايك في الساعه الي اخترتها تعرفني احب ذوق"بدلع" زوجي وحبيبي فارس فهى شوووي وخق من سمع هالكلام الي طلع من ريناد الخجوله اما البنات انقهروا الاولى:متزووج انت؟؟ فارس:أي هاذي زوجتي ودنيتي بعد الاولى قربت عند ريناد مررره وفتحت لثمتها شافت وجه ريناد:والله مو شينه بس مو مثله والله حسافه فارس مسك يد البنت :اقوول ابعدي يدك عنها لااكسرها لك الحين الاولى:هههه لامايحتاج تكسرها على العموم الله لايهنيكم ههههههه يالله بنات طلعو البنات من المحل وهم مقهورات قرب فارس عند ريناد:لاتضايقيـــــن يالغلا بنات سخيفات ريناد والعبره خانقتها لانها توها تحس بالكلام الي قالته لفارس :فارس فارس:عيون فارس ريناد وهي تغمض عيونها علشان ماتنزل الدموع:اكـــــرهــك ****************** في طريق طلال لهم كان مشغول يدور على الرقم وفجاءه بدون ماينتبه صقع في وحده طلال:اسف اختي ................:لاعادي طلال طاحت عينه في عيونها من جدعيون حلووه تجذب اما البنت انهبلت عليه وش هالحلاوه وش هالكشخه طلال:انشاءاله ماتعورتي ...............:ياليت طلال استغرب:نعم اختي ..............."تضحك":امزح معاك ابتسم لها طلال"ليش من متى المعرفه":يالله عن اذنك واسف للمره الثانيه .........:لاحصل خيـــــر توها بتروح الايوقفها طلال:اختي لفت عليه:نعم طلال:بس ممكن رقمك انبسطت:اوكي سجل بعد ماعطته الرقم طلال:مشكوره موعدنا الليله ..........:انشاءالله باي طلال "ياحليلها خفيفه":بااي فارس:تكرهيني ليش انا وش سويت ؟؟ ريناد من الاحراج الي هي فيه قالت اكرهك ماكانت تبي تبين له حبها :على كل شي سويته لي فارس توه بيتكلم الاطلال دخل طلال:هاه انشاءالله خلصتي لفت ريناد على طول وتغطت:أي خلاص يالله خلونا نمشي @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق)) @@@@@@@@@@@@@@@@@@ ****************** نروح الحين برا السعوديه نروح عند بدر ويارا الي كانو مبسطوين مررره كانت يارا جالسه على الاريكه مع بدر:واو من جد وحشتنتي الرياض بدر:افــــــــا مليتي مني يارا:وانا اقدر امل منك انت حبيبي وعمري كله بدر:يرو خفي علي ترا ماراح احد ياكلها غيرك استحت يارا من كلام بدر الجريء:بـــــدر ضحك بدر باقوى ماعنده :فديت الي يستحون baby لنا الحين شهر ونص وتستحين مني يارا:حتى ولو كان انا حيويه بدر:طيب ولايهمك المهم وش رايك نطلع نتمشى يارا:اوكي ابدل ملابسي ونطلع نتمشى في الرياض وبالتحديد بيت ابو نواف والكل كان فيه طبعا ماعدا فارس انفعل نواف:لايبه ارجوك اطلب أي شي فدااه لعيونك الاهاذا الشي بونواف:وليه انشاءالله ماراح تاخذها مو بنت عمك وانسب لك من أي بنت ثانيه نواف:بنت عمي على عيني وراسي والنعم فيها بس الله يوفقها مع غيري وبالنسبه لي انا ماراح اتزوج طـــــــــــول العمر بونواف بعصبيه:لاموعلى كيفك ماتتزوج بعدين شف انا وعدت عمك من عشر سنوات موتجي انت وتكسرها راجع نفسك واذا تبي رضاي وافق واذا ماطعتني لاانت ولدي ولااعرفك طلع نواف معصب وراح غرفته ام نواف:ياعبدالعزيز لاتضغط على الولد خله على راحته بونواف:لاوش اخليه على راحته انا ابي اشوف ذريته بعدين انا واخوي مدبرين كل شي ام نواف:اخاف الولد حاط عينه بنت ثانيه ويبيني اخطبها له بونواف:انا عارف له ماحط عينه على احد بس مايبي يتزوج بس مو على كيفه اماني:عن اذنكم بروح له بونواف:قولي له اذا ماوافق يحرم هالبيت يدخله مره ثانيه ام نواف:ياابو نواف استغفر ربك هاذا ولدك اماني:يبه كل الامور تنحل بالهدوء بروح له غرفته طلع بونواف البيت وهو ضايق خلقه على حال ولده الي من عقب وفاة رنا بنت عمه الي كان يموت على تراب رجولها ........"بونواف كان جالس مع بو فيصل في المستشفى علشان نواف كان من بعد دفن رنا وهو في المستشفى" بونواف ويسند راسه على ظهر الكرسي:ياربيه مادري وش اسوي مع الولد بغى يروح مني في لحظه بوفيصل:يابونواف هونها وبتهون وكلنا على هالطريق اذكر الله وخل ايمانك قوي بونواف :لا اله الا الله انا عارف الموت علينا حق بس هالولد الي متعلق فيها مدري اذا صحى وش راح يسوي بوفيصل:اخوي انا خاطب بنتي سمر لولدك وخلهم يتعلقون في بعض بونواف:لاياخوي لاتربط بتنك بولدي الي يمكن يتغير بوفيصل:اخوي انت تعرفهم هذولاء بزران يحبون بسرعه انت قول تم واوعدك سمر ماراح تكون لغير فيصل بونواف:والله مادري وش اقول لك بس تم بوفيصل:على بركة الله انتبه بونواف الاشاره خضراء وعلى طول حرك نواف كان جالس فوق سريره ودموعه على خده يتذكر رنا ولحظات السعاده الي كانت معها تذكر يوم وفاة رنا كان نواف قاعد يذاكر ثانويه عامه علشان يجيب مجموع زين ويدخل طب مثل ماطلبت منه رنا دخل عليهم بونواف ووجه اسود ام نواف قامت من الروعه:عبدالعزيز وش فيك بونواف:مادري وش اقول لك ام نواف ويدها تنتفض :عبدالعزيز لاتخوفني وش فيك بونواف:رنا بنت اخوي عطتكم عمرها في هاللحظه ماعاد درى نواف عن عمره ماحس الاوهو في المستشفى قطع تفكيره ضربة باب نواف:من اماني:انا ممكن ادخل مسح نواف دموعه بسرعه علشان ماتشوفه اخته:ادخلي دخلت اماني وجلست قدامه:تبكي نواف:لاوش ابكي شايفتني صغير اماني:البكي مو للصغاربس حتى الكبار يحتاجون له يفرغون مافي قلوبهم نواف:اااااااااااااه يااماني ياليت الموت يجيني وياخذني مثل مااخذها اماني:بسم الله عليك اخوي وش هالكلام اذكر الله نواف:لاله الالله اماني:ياخوي ترا السالفه ماتسوى كل هالحزن نواف:وشلون ماتسوى ابوي بيزوجني بنت عمي غصب كيف اتزوجها وانا قطعت على نفسي عهد اني ماراح اخذ احد غيرها اماني:ياخوي الله يرحمها بس ابوي يبي سعادتك نواف:ااااااااااااااه سعادتي راحت مع رنا خلاص انا ماابي شي من الحياة الغاليه وراحت اماني:نواف اسمعني للاخر نواف:قولي اماني:انا عارفه والكل عارف من كنتم صغار انت لرنا ورنا لك والكل عارف بقصة حبكم بس الله اخذ امانته من عشر سنوات وحزنا عليه وخلاص انتهى الموضوع الحين اهلي يبون يشوفون ذريتك نواف لاتفكر في نفسك وبس فكر في امي وابوي وقبل لاتطلع:نواف نواف:نعم اماني والدمعه تنزل منها:ترا ابوي حالف اذا ماوافقت "سكتت شوي ماطاوعها قلبها تقولها"يحرم عليك هالبيت اذا طبيته ضرب نواف يده بكل قوته على الطاوله الي جنبه @@@@@@@@@@@@@@@@@@ لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق)) @@@@@@@@@@@@@@@@@@ في المستشفى الدكتور:الف مبروك المدام حامل فيصل مو مصدق:دكتوره ريــمـ ـ ـ ـ اس حامــ ـ ـل الدكتوره:ايوه وفي الشهر الثاني كمان قام فيصل من مكانه وعلى طول حظن زوجته<<باعها الرجال مااستحى من الدكتوره هههههههههه فيصل:الف مبروك حبيبتي ريماس ودموع الفرح:الله يبارك فيك الدكتوره:تفضل هذه الورقه فيها بعض الادويه الي تحتاجها الحامل خذها فيصل وطلع من المستشفى وهم في السياره:قلبي وش تبين اجيب لك أي شي تبينه الحين ريماس:اخاف اقولك وتضحك فيصل "يبتسم":لاعادي قولي وش تبين ريماس:اممم ابي حلاو مصاص وكتكات فيصل:وشــــــــــــو ريماس:ههههههههههههههه الي سمعته فيصل:هههههه طيب يامدام ولايهمك نزل فيصل وشراء لها كرتون كامل كتكات وعلبة بلاستيك من المصاص وكثير من الشكولاته في بيت ابو تركي تحديدا غرفة طلال اتصل على البنت الي اخذ رقمها طلال:السلام عليكم ..........:وعليكم السلام من معاي طلال:معاك طلال الي اخذت رقمك اليوم ................:هلا والله فيك كيفك طلال:الحمدالله تمام انتي كيفك ...............:تمام طلال:ماتعرفنا على الاسم الكريم .............:معاك اروى <<<عرفتوها طلال:عاشت الاسامي اروى:عاشت ايامك وتمو مع بعض يسولفون لحد الفجر ************* الصباح بدر:حبيبتي ادخلي من الرجل اليمنى يارا:انشاءالله دخلت يارا البيت وشافت البيت الي كله روعه من ديكوراته والاثاث من جد ماتوقعته كذا بدر:هاه شرايك في البيت يارا:جنـــــــــان هاذا ذوقك بدر:ايه يارا:من جد ماشاءالله ذويق بدر:لو مو انا ذوق كان ماخترت احلى بنت في العالم ارتبط معها .......ياقلبي نروح لغرفتنا يارا:اوكي يالله طبعا بدون مقدمات بدر شالها:يالله نصعد ابتسمت يارا:والله اعرف امشي بدر:لاوالله بس اكيد تعبانه دخلو الغرفه الي كانت جنان غلب عليها اللون الذهبي والموف نزل بدر يارا:مشكور تعبتك معاي بدر:تعبك راحه بس كلمة مشكور مافي شي ثاني معها يارا فهمتها وهي طايره بس حبت تستغبي شوي:أيه بس بدر"بزعل":والله يارا:ولاتزعل "باسته مع خده"هاه وش رايك الحين بدر:والله ماتوقعك بخيله لهدرجه تعطين واحد بوسه والثاني لا يارا:ولايهمك"باسته مع خده الثاني بدر:كذا اوكي اقول الحين ماخبرنا احد على وصولنا يارا:بفاجئ اهلي ثم نروح نسلم على اهلك بدر:خلاص صار طيب انا الحين فيني النوم مو طبيعي خلينا ننام بعدين يصير خير يارا:حتى انا بروح ابدل وانام بدرا:ترا اذا كنتي تعبانه ترا عادي ابدل لك انا يارا ضربته على كتفه:لاوالله روح نام بس في بيت بو نواف كان عبدالعزيز جالس في مكتبه ونواف دخل عليه نواف:السلام عليكم يبه"حب راسه" ممكن اقعد بونواف:وعليكم السلام تفضل وانا ابوك تمو ساكتين شوي بونواف:هاه يبه انشاءالله فكرت في الموضوع نواف :بصراحــــــه يبه مادري وش اقولك انـــا.................. انتظـــــــــــــــــــــــــــــــــــــــــــــر و التكمله في البـــــــــــــ 12 ـــــــارت اختكم ((روعــــــــــــــــــــة الشــــــــــ *_* ـــــــــــوق))
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.k thank you
العرض المتطور
