 |
|
|
|
|
|
#1
06-14-2011
|
||||||||||||||||||||||||||||||||
|
||||||||||||||||||||||||||||||||
طلعت اشواق من غرفتهاا وهي تحط الجوال في جيبهاا..وقابلت روان في طريقهاا
روان:قستي فستـانك؟؟ اشواق:ايه..طالع حلوو روان:بس مو كأن اشكـالناا غلط انا وامي وردي؟؟ اشواق:عادي روان تشبك اصاابعهاا:انتي تعرفين خالتي..انوااع التعليقاات.. اشواق:مو معجبك الفستان؟ روان:الا اشواق:خلاااص..ماعليك من احد...اللي بيقول شي غااير.. روان تتنهد:معك حق..بس الله يعيني على التعليقاات اشواق وهي تعديهاا..وترتبت على كتفها:لا وانتي الصادقه...الله يعينك على نفسك خيتوو.. نزلت تحت..ولقت اخوهـا فراس..جالس ومعااه مجله يتصفحهاا..مر اسبوع ع الموقف بس فرااس ماتكلم فيه ابداا اشواق:هااي ماي برذر فراس من غير لايناظرها:هايات اشواق:اخبارك؟ فراس:الحمدالله..تمام سحبت اشواق منه المجله بـ طفااقه..:ناظرني ناظرها بـ برود:خير...."وسحب المجله" اشواق:اممممممم...ودي بـ احد اسولف معه فراس:تكلمي اسمعك اشواق جلست ع الكنبه وتربعت وحطت يدها على خدها:اممممممم..وش شعورك وانت بتملك بعد اسبووع؟؟ فراس:شعور أي مواطن سعودي بيملك بعد اسبوع.. اشواق:لاحوول..انت محد يسولف معك؟؟ رفع عينه لهاا..:سويت شي غلط؟ اشواق:لا ابداا... \ / \ / مسكت كتابهاا الفيزياء..وجلست تناظر فيه.. - افففففف...صعب..لو بابا هنـا كان شرحه لي.. رمت الكتـاب ع الطاوله بـ أهمـال..وطلعت برا غرفتهاا.. شافت امهاا الي دور بـ المطبخ تصلح العشـا.. ملاك:ماما ام ملاك ناظرت بنتهاا بـ أبتساامه:سمي! ملاك:الفيزياء صعب..ماأحبه ام ملاك:ليه؟ ملاك:كذا..مو حلوو...كله كلام ماأعرفه ام ملاك قربت لـ بنتهاا..:طيب انتي دخلتي علمي لأن المواد حقته سهله..مو انتي قلتي كذا؟؟ ملاك ناظرت رجولهاا:لا...لأن بابا يبغااني اصير برفسوره تنهدت ام ملاك:الله يرحمه ملاك:هههههههههههههههه...ماما انتي ماتفهمين بابا مامات.. ام ملاك:الله يخليك ياملاك قفلي هـ السيره ملاك:انتي أصلا ماتحبين بابا ورااحت لـ غرفتهاا \ / \ / -خلصت! ناظر سعود:حلوو اخذ الورقه منهاا ولامست يده يدهاا النـاعمه..البنت اجفلت من الحركه..وبعدت يدها بسررعه..سعـود حس ان هـ الانساانه متعقده من شي..بس مافي شي يأكد شكوكه اخذ الورقه وتوه بيقراها رن جوالها المتصل>>امي الغاليـه! ابتسم سعود ونسـى ريماا ورد سعـود:هلا والله وغلا ام سعود:هلا بك! سعود:وش هـ المفاجأه الحلوووه..وش عندك دااقه علي..اشتقتي لي؟؟ ام سعود:هههههههه..ايه واااجد سعود:وهـ بس يلوموني فيك.. ام سعود:الا متى بترجع؟؟ سعود يناظر ساعته:يمكن اتأخر اليوم..ليه تامريني على شي ام سعود:انا بروح لـ اختي موضي وعزلت لك اكل..تسانك يتاكل سعود:خلاااص..ولا بشوف يمكن اطلع مع ماجد وفراس وخالد ام سعود:بـ رآآحتك.. سعود:معليـش..الظاهر اني نسيت نفسي ريما تبتسم:لاعادي اخذ سعود الورقه وقراهاا وتوه في نصـهـا ريما:اممممم..يادكتور! سعود:نعم ريما :انا بروح وبرجع مره ثانيه..اذا خلصت قرايه الورقه سعود:بتروحين؟ ريما:برجع ان شالله بكره... وطلـع من غير لاتقول حتى........"مشكور ^^" \ / \ / ماجد يرتشف من الببسي اللي معااه:ودي اصدق خالد يبتسم ابتساامته المعتاده:ليه؟؟ ماجد يحط الببسي في المكان المخصص للـ المشروبات الموجود في السياره:من جدك؟؟ خالد:ايه والله..ابغاا اتزوج ماجد:لايكوون يوم شفت بنت اخوي خقيت؟؟.. خالد:بنت اخوك؟؟؟ ماجد:المطفوقه....."وكمل لـ نفسه يتحلطم"..الله يفشلهاا.. خالد يضحك:ههههههههههههههه...انت اثبت بـ كل جدااره انك بعير..انا نسيت ماجد:خلوود وانا اخوك...انا ولد مثلك..واعرف وش يحس فيه الولد اتجااه الفتاة.. خالد يناظره بنص عين ثم رجع ركز ع السواقه:بس هـ الشي يختلف من شخص لـ شخص ماجد:كلنـــــــا وااحد خالد:ذكرتني بـ دعاية بنك..المهم..وش رايك نملك انا وانت مره وحده؟؟ ماجد:لا انا بعدكم ان شالله..انت اخطب وخلص وانا بعدك خالد:بـ رآآحتك.. ماجد:ماودي اودع العزوبيه...ابغاا اتمتع لـ اخر رمق خالد:ههههههه...طيب خذها من ناحيه دينيه...انك تبي تمكل نص دينك ماجد:بكمله بس موب الحين..بعد سنه الله لايعوق بـ شر \ / \ / مشاعل:يمه وش تسوين؟؟ ام فهد وهي نتقل في المطبخ..وبـ مهارتها في الطبخ..اللي الكل يشهد لها فيهاا:رز وجريّـشه.. مشاعل:هههههههه..ليش جريّـشه؟؟.. ام فهد:تصغير.. مشاعل وهي تلعب بـ الملاااعق قداامها:ودي اتعلم الطبخ بس احس اني فااشله.. ام فهد من غير لاتنااظرها:ورااه ياكافي فاشله؟؟..محد طلع من بطن امه عالم مشاعل:لا مو على كذا..بس ماأظن ان اكلي بيطلع نفسك ام فهد:بيطلع احلى اكيد.. مشاعل:انا اصير احسن من ماماتي هيا..مش ممكن ام فهد:لا ممكن..شوفي في احد طلعاات عمتس ماجد للـ البر..سوي كبسه..تراها سهله في البر..لان كلش يصير زااهب..بس ماعليتس الا انتس تحطين الاغرااض في القدر مشاعل ابتسمت:لا انا ابي اتعلم..مابي الشي يكوون جاهز..ابغاا شي انا اسويه من الاف للـ الياء.. ام فهد ابتسمت لها:والله هذي الساعه المبااركه..ان شالله من بكره ابداا أعلمتس بس قومي مبكر..عشاان يمديتس.. مشاعل:لااا..الدعوه فيهاا قومه مبكر..اجل هونت \ / \ / نزلـت الدرجـات..بـ فسـتانهاا..كانت قمه في النعـومه..ناظرت نفسها بـ المراايه كانت لابسه فستـان احمر وطويـل..ومو واضح قصرهاا اللي كان محليهاا في نظره.. - ايه الحـلاوه دي؟؟ ناظرت نوره اختهاا نورس اللي اكبر منها بـ سنتين.. نوره بـ دلع:وش رآآيك..حلوو مو؟ نورس:الا يهبـــل نوره:تتوقعين بيعجب فراس؟ نورس:أكيـــد نسيتي انه خطبك يوم شاافك."غمزت لها"..حتى ماقدر ينتظر لي ماتخلصين المدرسه نوره بـ خجل:بس مرره استــانست..لم عرفت انه خطبني..حسيت نفسي حلووه..خخخ نورس:ربي جابه لك اللي تبينه وانتي تقولين.."وتقلدهاا"..مابي اتزوج نوره:ههههههه..لا فراس شي ثااني..آآخ بس متى تمر الاربع ايااام.. نورس:اركدي وانا اختك.. تذكرت نوره موقفهاا مع فرااس قبل يخطبها بـ 5 شهور.. كانت نايمه عند خالتهاا بحجة انهاا تبي توسع صدرهاا قبل تبدا الاختبارات..خصوصا انهاا ثالث ثنوي..وقتها كانوا راجعين من زواج...لبست البيجاما..وماشالت المكيااج..طلعت من الغرفه تدور روان عشاان ينامون لانها ماتبي تنوم لحالها في بيت موب بيتهاا..ولم طلعت صادفته..تذكرت لم التقت عيونهم في بعض...كانت تحس بـ شعور..لو يحلفوونهاا بتقول انه حس فيه هو بعد والدليل انه خطبها من بعد 5 شهور من الموقف.. تسمرت مكاانها..اما هو حس على نفسه..وراح لـ غرفته.. لكن هل فراس حس بهـ الشعور؟ رجعـت للـ الواقع ..وهي مبتسمه..طالعت مالقت نورس... عضت على شفايفهاا..ورقت الدرج عشاان تغير.. \ / \ /اما سعود رجع للـ البيت وتذكر الورقه قبل يناام..ٌقراهاا \ / \ / "بكـــــرهـ" جلس ع الكرسي المصنوع من الجلد..فتح بعض الملفات قداامه.. دخلت الممرضه لـ تعلن عن وجود مريض في الانتظـار د.سعود:خليه يدخـل! دخـل عليه شاب.. الاسم/ياسر الـ... العمر/22سنه ....................الخ ياسر:السـلام عليكم سعود:هلا!..وعليكم السـلااام ياسر:شلونك يادكتور؟ سعود:الحمدالله بـ خير انت شلونك ياسر يبتسم:انا جااااي الحين اقولك شلوني سعود:خخخ..اسمعـك! ياسر:والله يادكتور..انا مهووس في نتف الشعر سعود:نتف الشعر؟ ياسر:ايه..شعر راسي..شعر لحيتي واحياننا شنبي.. سعود يبتسم:من متى هـ الشي؟ ياسر:من زمااان..بس زااد الحين..صرت دايـم..وبـ شكل ملحووظ سعود يحب يكلم المريض وكأنه صديق له:طيب يمكن لين جتك حالة توتر؟؟ ياسر:الله يصلحك يادكتوور..دايم اصير متوتر وقلقاان؟ سعود:يدك ترتفع اتوماتكي لـ شعرك مو؟؟ ياسر:أيـه! سعود:انت ماتنتبه بس من اول ماتحس بـ الم النزع اكيد بتعرف انك جالس تنتف.. ياسر:ايه سعود:هنــــا مطلوب منك انك تشيل يدك..وترا مثل ماقلت لك يمكن بـ سبب توتر ياسر:مو توتر..مستحيــــل! سعود:معليـه دور الاسبـاب اللي تقلقك..وواجها..ودور ليش دايم كل شوي لازم يدك ترتفع لـ شعرك ياسر:بس مو معقوول بصير داايم قلقاان سعود طنشه:اشغـل نفسك..بـ أي شي..اول مايجي شي بـ راسك امسك الورقه والقلم..واكتب وش يدور بـ ذهنك ياسر:ايـوه سعود:الموضوع مو بـ هذي البسـاطه بس يحتااج منك عزيمه..وانت رجـال وقدهااا ابستم ياسر عليه..دكتور بهـ السن الصغير..بس يخلي الواحد يرتااح له..كأنه يشكي لـ صديق \ / \ / - انتوا ماغير تضحكـون؟ مشاعل تضحك:ههههههه..وش اسـ..ههههههههههه...والله انك مخفه...مقدر..ههههههه اشواق:ووجعـــه!...اكرهك مشاعل:معليه اشواق خليني اضحك شوي..هههههههههههههههههه اشواق تستهبل:الحمد الله والشكر..تك يور تايم.. مشاعل:ههههههههه..خـ..ههههههه..خلاااص امزح..ماراح اضحك اشواق:جعلـي اشـوف فيك يوم..قووولي آآمين.. مشاعل:لا...ههههه..لاتدعيـن علي.. اشواق:احســــــن! مشاعل:ههههههه اشواق: خالد اكيد يقول وش ذي المرجوجه مشاعل:وماكذب هو \ / \ / - بس يادكتور انا ماأعرف هذا العـلااج لـ ايش؟؟ طالعهاا سعود..ياليل ماأطولك..هـ الانسان بيجييب اجلي اليوم:أي دواء؟؟ المريض:ماأعرف وشو.."وجلس يقراه".. LOPRA Citalopram Tablets 20mg..وشو ذا؟ سعود:هذا دوا..خذه وان شالله بتتحسن..ترا مو اول مره تجيني يا صالح صالح:ادري والله ..بس علمني كل شي عن هـ الدواء سعود اخذه منـه:هذا علاج للـ الوساوس والاكتئاب والقلق.. صالح بـ غباء:وليش اسمه كذا؟؟ سعود..لاحوول..:هذا اسم علمـي له..ويسمـى بـ امريكا سيليكسا صالح:ماشالله عليك دارس بـ امريكاا اجل؟.. سعود:صالح!..ترا وراي نااس غيرك صالح:هههههههههههه..مليت من وجهـي؟ سعود بااين عليه انه زهق منه:لا..أبـدااا صالح:ان شالله يادكتوور..طبيب نفسي ويحطم سعود يبتسم له:ههههه..الله معك.. طلـع "النشبه" صالح..ودخلـت بعدهـ...........ريما! ريما:السـلااام عليكم سعود:وعليكم ااسـلااام ورحمة الله وبركااته! ريما:انا اللي جيتك امس و.... سعود:ايه عرفتك...تفضلي جلست ريما بـ ربكه..مدري ليه بس هي مرتبكه ريما:قـ..قريت الورقه؟؟ سعود:ايه.."وبكذب"..بس ماأحس اني عرفت شي عنك ريما:كيف يعني؟ سعود:الورقه ماتبين شي..أحب اسمعها منك ريما:بـ...... سعود:هذا جزء من علاااجك..المواجهه.. ريما:كيف عرفت علاااجي وانت ماتعرف مرضي ارتبك سعود منهاا..البنت صاحيه:معليه!..ابغاا أتأكد ريما مشتهاا له:اووكي يتبع منقول 
|
|
06-14-2011
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
×..الفصل الرابع..×
>..:..الجزء الاول..:..< كان هـ الليله بهـاك ماهو عادي... كنتي انتي وانتي لم تكونـي انتي..مـاهو عــــادي..! حجرتي في قمـة الفـوضى..فقد امتـلأت بـ اطنـان الاثواب.. قهــوه منسكبه..ووسـادات مليئه بـ الكحل... ألوان.....وفرشاه.....لوحات متناثره...حبر وأوراق...معطفي.. آآآآآه..هذا فقط تأثير.."ملكته".. على الجمادات.. لا يعلم كم من اضعـاف هذه الفوضت تحذث داخلي...صدى صوت اغنية"ماهو عادي"..لـ محمد عبدو لايدع للـ التركيز مجـال.. انتشلهـــا من عالمهاا صوت الجول... المتصل>>اشـواق مشاعل:آلوو اشواق:هلا ميشوو..اخبارك؟ مشاعل:الحمدالله....انتي؟ اشواق:مو بـ خير..محتااااااااااااسه الله لا يوريك مشاعل:ههههههه...لا شفت وخلصت.. اشواق:والله ميشوو اتكلم جد...مدري وش اسـوي..ودي اروح للـ الكوافيره الحين مشاعل تناظر الساعه المعلقه ع الجدار:توناا..خليها 3 العصر اشواق:اليوم اخااف زحمه.. مشاعل:تبين الحين انا ماعندي مانع.. اشواق تتحلطم:افففف...بعد ذي نوير ليش تحط عزيمه كبيره..ملكه سكااتي وخلاااص.. مشاعل:........... اشواق:اوكي ميشوو..تمريني..تعرفين المعرس مشغوول اليوم..ومافي من يودينا انا روان مشاعل جرحتها كلمة معرس:وامك؟ اشواق:امي بتروح لـ مشغل مع خالتي انا ماأحبــه.. مشاعل:اوكي..بس البس واجيك.. اشواق:اوكي..سي يااااا سكـــرت منهاا..معقول من الحين مشغوول هذا وانتوا ماتزوجتوا..آآه بس.. \ / \ / غاده:لالا ياماما ماعجبتني..مو حلووه خالد:كيف شكلهاا؟؟ ام خالد:لاوالله!...احلف خالد:ههههههههههههه..مو انتوا شفتوهاا؟..خلاااص كيف شكلهاا..يمكن اخطبها ام خالد:انا اقول حلووه وبس غاده:ماما وعععععع....ايش حلوه؟..ممكن وجه..بس البـــــاقي يعععع..قرف ام خالد تقوم:استغفر الله بس.. خالد:ههههههه...احمدي ربك..لايبلاك غاده:استغفر الله ياربي..استغفر الله طلعت ام خالد عشاان تطبخ الغداا.. خالد يقرب لم غااده:طيب كيف شكلهاا؟؟ غاده:اممممم..مو سمينه ولا نحيفه..بس مغروره..على ايش مدري..المهم..وووو..شعرها طويل..فمها مو حلوو ولا خشمهاا.. خالد:خلاااص خلاااص اسكتي..ماغير تسبين انتي غاده:معانا بنات بـ الجامعه..مررررره كشخه..خل اخطب لك وحده منهم خالد:طيب معك وحده في اولـى..داخله نفس قسمك..اسمهاا روان اتوقع غاده:أيـه اخت صديقك ماغير.....وش فيهاا..اعرررفها مرره خالد:كيف..تنصحيني ولالا؟ غاده:اممممممم..خياال في نظري..بس عندها اخت اكبر منهاا..يعني ياملحك وانت خاطبها واختها ماتزوجت خالد:طيب؟ غاده:لالا حرآآم.. خالد:انا شفتهاا قبل تقريباا اسبوع..بس مدري هي ولا اختهاا غاده:ايوهـ..وكيف حلووه؟ خالد:يعني بس مرجوجه الله يصلحهاا.. غاده:كيف شكلهاا خالد:اممممم..شعرهاا بني فااتح..كان مجعد شوي..ومو طويله مرره..سمرا نوعا ما غاده:عرفتهـــــا..لالا مو روان هذي..روان غير..انت تقصد اشواق خالد:اهـااا...وكيف روان؟؟.. غاده:قصيره..يعني اقصر مني بـ شوي..وشعرهاا لين كتفهاا نااااعم مو زي اختهاا..حلووه بس اختها املح....هي طفله تحسهاا خالد:يعني اشواق احلا؟؟ غاده:من وجهة نظري........ايه خالد:انا ماكنت حااط ولا وحده في رااسي..بس مجوود هو اللي جاب لي الفكـره.. غاده:والله لو بتخطبهم....انا ماعنـدي ماااااانع ابد خالد:اخطبهم؟؟..لو باخذ اخذت وحده بس غاده:ههههههههههه.. \ / \ / قـام سعود من نومـه اليوم مافي دواام..تذكر ملكة فراس..لازم يبارك له.. قام من السرير وراح للـ الحمام.. وهـو في الحمـاام..تذكر يوم ريمـا تشكي له.. هـ الانسـانه اكيد سالفتهاا سالفه..ولازم اعرف..مر في خياله يوم تجيـه بـ الموعد الثـاني وجـزء من كلامـهاا اللي لفت نظره.. ريما:انا كنت رايحه لـ جده..وكنت بحظر زواج صديقتي..بس... سعود:أيـوه؟ ريما:...اخوهـا من زمـان وهو يحبني وانا ماعطيته وجه..ووو..هو مدري كيف.. سعود:تكلمي..استرسلي بـ كلااام كأنك تكلمين نفسك ريما:كثير خطوبني له وانا كنت ارده وهو مايعجبه هـ الشي سعـود:وليه تردينه.. ريما:موو فارس احلامي.. سعود ابتسم:بس فارس الاحلام مجرد اسطوره مو ممكن تتحقق ريما: اسطوره بـ النسبه لك..لكـن انا انسـانه اصدق انه موجود سعود:انتي كم عمرك؟ ريما:23 سعود:كلامك كلام وحده ام 15 سنه ريما:مايهمني..المهم انا مقتنعه بـ رايي سعود:اوكي كلمي ريما:اناا كنت أرده وهو ماوده...و................بس سعود:بس؟ ريما:ايه سعود:مأكده؟؟ ريما:ايه سعود:اشك ريما عصبت:انت وش تبي مني...تبيني اصير مجنونه عشاان تقتنع اني ..... سعود:انك؟؟... ريما:انت تسمي نفسك دكتوور؟؟ سعود:والله مادرست 7 سنين ع الفـاضي.. ريما:وشو الشي اللي يثبت انك دكتور غير معطفك هـ اللي لابسه سعود:بيني احلل شخصيتك مثلااا؟ ريما بـ تحدي:يللا! سعود:يعني تعتبرين ان هذا دليل؟؟ ريما:مو مهم تحلل شخصيتي..بس الدكتور يختلف عن النااس بـ شي..انت اثبت لي وسوو هـ الشي سعود:اوكي!...انتي ياريمـا..انسانه انطوائيه..غرورك وشموخك متعبينك بس في نفس الوقت معجبينك..النـاس تنظر لك انك انسـانه تنظر لهم من فوق....بس انتي غير هـ الشي..عايشه بين نااس مو من تفكيرك ويمكن من طبقتك وتحاولين تجارينهم لكن مو هذي رغبتك..بس اثباات الذاات عندك يجبرك انك تجارينهم...وفي حادثه صايرة لك من وقت مو طويـل..وحادثه كبيره..بس انتي تكابرين مع ان المكابره مو من صالحك..بس ماتبين تبينين ضعيفه..لانك القويـه داايم...تبين اكمل؟؟ ريما اندهـشت منه..لهـ الدرجه هي شفافه؟؟..:لهـ الدرجه انا وااضحه؟؟ سعود بـ شموخ:مو واضحه لكـن..في شي يتميز به الطبيب النفسي..وهو عنـدي ريما:وكيف عرفت كل هذا؟. سعود يبتسم:عيب هـ السؤال ريما:أ..أ..ماعرف وش اقول سعود:موب لازم تقولين شي..بس ابي اسمـع قصتك كااااااااااااامله.. ريما تقوم...وقالت بـ ربكه:مو الحين.انا طالعه وطلــــــعت! رجـع سعود للـ الواقع..هـ الانسـانه غريبــــه..ووراها سالفه بس ان شالله بعرفهاا \ / \ / ماجد لابس الثـوب:مالي دخل فيك يالاخوو فراس:لاحوول..وش يجيبك..مابيك ماجد:ابجي..ومانيب مشوارك فراس:مجوودي..حبيبي.. ماجد:ههههههههههههههههههههههه...ياحليلك مصدق فراس:اشوى يعني ماراح تطول؟؟ ماجد:وجــع!...ماتبيني؟ فراس:ههههههههههههه..لا مو كذا..بس لاتطول وانا اخوك في بيت النااس ماجد:لا بشهد واطلـع..وراي عزيمه.. فراس ينااظر كشخه عمه:طب وراك كاااشخ من الحين؟؟.. ماجد:ماكشخت...بس ثوب وغتره فراس:مدري..ألمهم انا بروح للـ الحلاق..تجي معي ماجد:ميب شينه..خل احلق ذا الكشـه.. وطلعـوا من غرفة ماجد عشان يروحون لـ الحلاق
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
