 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
|
|
#1
01-16-2011
|
||||||||||||||||||||||||||||||||
|
||||||||||||||||||||||||||||||||
الجزء الحادي عشر موعد السفره ...........؟؟؟ ابو فارس.. يالله باقي على الطياره ساعه عجلي ياوصايف ...؟؟ وصايف.. يالله كاني جايه عمي ..؟؟ تركي.. نايف وين الجوتي حقي .. نايف.. شدراني تلاقي فارس ماخذه ...؟؟ تركي.. فارس فارس ..؟ فارس.. نعم علامك تنافخ هدي هدي بشويش ...؟؟ تركي. هههههههههههههههههههههههههههههههه فارس.. شرايك بالاستايل ..؟ تركي.. أخلص هات جوتيي ولا بعد لابسه تحت دشداشه يابهيم جوتي رياضي مع دشداشه وغتره عليك ستايل عجيب ... فارس.. انطر ان ماهبو فيهاا .. تركي.. خلصني ..؟ وصايف.. وهي نازله من الدرج .. انا جاهزه وين هنادي لالحين ماجت ..؟ فارس.. يارب ماتجي .. وصايف.. بالله ليش سمشويه لك .. فارس. كذا مزاج .. وصايف.. ماني راده عليك .. فارس.. لالا انطرك تردين علي ..؟؟ وصايف.. وتعطي فارس ظهرها وتروح لنايف تعدل لبسه ..؟ ابو فارس.. هااه خلصتوا .. وصايف.. ايه بس هنادي وسلطون ماجااو .. سلطان..وتوه داخل .. هااه جينا .. وصايف .. ليش تأخرتوا ..؟؟ هنادي.... رحت اطلع عباتي من السوق وتأخرنا ..؟؟ فارس... الله هنادي صارت مره وتلبس عبايه ..؟؟ هنادي.. اعجبك انا شفيك ازهلها وانا بنت ابوي ..؟ وصايف.. جبتي عباتي معك . هنادي.. وهي معصبه .. في شي اخرنا غير عباتك اللي نفس وجهك .. وتقط عليها الكيس وصايف.. شوي شوي تراهاا 900 ريال مب بلاش .. فارس.. كم ؟؟ وصايف.. بس 900 ريال .. فارس.. بس وصايف. بس تصدق بالله .. فارس.. ويمسك قلبه .. ألبي ألبي ...؟؟ وصايف.. دافع شي من جيبك .. نايف.. كذا بتخسرين مزانية بيتنا وكلها على عباياتك ذي .. وصايف.. وش حارك دام عمي راضي .. ابو فارس.. يالله مشيناا ترى تأخرنا .؟. وتوجهوا العايله الكريمه الى المطار وسوى تركي لهم الاوراق .. وكان يحاول يشوف جواز وصايف بس ماقدر من ابوه كل مافتح الجواز نط بوجهه نايف ولا ابوه ولا سلطون ....؟ بعدها جلسوا في صالة الانتظار ... وقالت هنادي لعمهاا .. هنادي.. عمي يا عمي يا .. ابو فارس.. هااه . هنادي.. وجعااه ههههههههههههه ابو فارس.. وجع شتبين .. هنادي.. يعني عشان ابوي مب هناا تقول وجع افا بس .. ابو فارس .. شتبين . تركي.. تراكي عليتي قلبي ..؟ هنادي.. من قطلك عظم هااه .. تركي.. شافيتني كلب عندك ..؟؟ هنادي. جايز .. تركي. انا بعرف انتي طالعه عوبه على منو لا امك ولا ابوك منو بالضبط .. هنادي.. طالعه على هنادي ..؟؟ تركي. ماشاءالله شتبين .. هنادي.. بنروح نتمشى بسوق اللي قدامنا ..؟؟ تركي.. مافي .. هنادي.. يماا منك خثيث شكل طلعتنا بس جالسين بالفندق .. تركي.. ايه مو عاجبك .. هنادي.. لا عاجبني بس انطم .. تركي.. صحيح قليلة ادب .. هنادي.. ماقليل ادب الا انت كيف تكلمني وانا بنت عمك ..؟؟ تركي.. ماتنطمين .. هنادي.. وان مانطميت . وصايف. خلاص شفيكم انتوا.. هنادي.. وانتي شدخلك .. انا ولد عمي نتهاوش ونضحك مالتس شغل فينا .. وصايف.. اقول ترى لا لحين ماسافرنا لانرجعك البيت فوق شينا قوات عينا . الكل. هههههههههههههههههههههههههههههههههههههههههههههه وصايف. من بدايتها هواش .. هنادي. لا خلاص شفيك ماتعودتي علي انا كذا حماقيه احب اتهاوش وان ماشفت احد اتهاوش معاها اتهاوش مع نفسي .......؟؟ وصايف. مازعلت انا ...........؟؟ هنادي.. ولعنه تلعنك من قال اني اراضيك . وصايف.. صج هبله الله يعين بكره رجلك عليك . هنادي.. الا امه داعيه له .. وصايف.. الا داعيه عليه بليلة القدر ويوم الجمعه والساعه 12 بليل ...؟ هنادي.. يهبي ... ابو فارس..يالله نادوا على رحلتناا ...؟؟ وركبوا الطياره الكل ...؟؟؟ ركب نايف عند الدريشه وسلطان جنبه وراهم .. وصايف وهنادي يتهاوشون ... وجنبهم بالكراسي الوسطيه تركي وابو فارس ...؟؟ تركي.. يا همج انثبروا .. هنادي.. ماني جالسه عند الدريشه .. وصايف.. ولا انا اخاف .. هنادي.. يعني شنو بتطيح فيك الطياره .. تركي. اقعدوا لا أللحين ألسبكم بالعقال اقعدوا ..؟ وقعدت وصايف عند الدريشه وماتلف راسها جنب هنادي .. وهنادي تضحك .. وتركي استانس لان شكل وصايف وهي زعلان يضحك .. بسرعه ماترضى .....؟؟ وصايف .. تلف على هنادي .. كانت هنادي مطلعه لها التلفزيون وتطالعه ..؟؟ وصايف... الله طلعي لي ..؟ هنادي.. وتلف تطالعهاا .. ما اكلمك .. وصايف.. من زين كلامك مالت .. وتهز الكرسي اللي قدامهاا نايف بالله طلع لي شي اشوفه او أللعب ...؟؟ نايف.. ياعقديه طقي أي زر راح يطلع ..؟ وصايف.. مشكور على المعلومه الخطيره ...؟؟ تركي.. وفيه الضحكه بس ساكت ..؟؟ عاد وصايف لجهلها بالطياره اضغطة على زر مناداة المضيفه ..؟؟ مادرت ولا فوقها مضيفه .. وصايف.. نعم خير .. المضيفه.. أي خدمه . وصايف.. من ناداك .. المضيه.. انتي .. وصايف.. قسم بالله ماناديتك اصلن ماحكيت المصباح .. المضيفه.. ايه تركي ونايف وسلطان وهنادي .. ماتووو ضحك على تعليقات وصايف .. المضيفه. أي خدمه .. وصايف.. جابك الله طلعي لي شي اتسلى فيهاا .. المضيفه .. حاظر .. وتضبط لوصايف تلفزيون .. تطالع فيه ..؟؟ تركي .. كان لاف صوب وصايف ويطالعها ويضحك ولا يتأمل شكلهاا ولفت انتباهه واحد طايح له خز عند صوب البنات .. تركي .. هنا انغاض حده وده يقوم ويذبح الرجال ...؟؟...؟.؟. تركي ويأشر للرجال .. فيه شي .. الرجال استوعب .. وتأسف من تركي .. بس تركي طول السفره عينه على الرجال بيشوف شسالفته يخز البنات ...؟؟؟ وبعد كم ساعه وصلوا لمطار دبي خرجوا منها وراحوا للفندق .. تركي كان مرتب انه تجي سياره وتاخذهم .. ومأجر لهم سياره عشان الرحله ...؟؟.؟.؟. وبعدها وصلوا للفندق ريحوا شوي تغدوا وبعدها العصر بدت مشاويرهم ...؟؟.؟.. زاروا اول شي مدينة مدهش كان فيها عرض للاطفال . ولعبوا الجهال والكبار بالهمدينه واستانسوا فيها حيل .. ومن ثم رجعوا تعشوا بمطعم وراحوا للفندق ...؟؟.؟..؟ في الدمام .. خصيصا بيت ابو اصايل .. اصايل.. كل منكي يما يمدينا مستانسن مع عيال عمي .. ام اصايل.. احسن اجلسو عندي ..؟ رهف.. جلسناعندك لين ملينا بس هواش ونكد حتى خوالي ماقمنا نزورهم ..؟ ام اصايل.. انا اروح بس لخوالكم اجل تبوني اتفشل فيكم ..؟؟ اصايل.. وليش نفشل اشتري لنا ملابس جديده ومنتي متفشله . ام اصايل.. وليش الخساير .. رهف.. صار لنا سنه مارحنا السوق نشتري ملابس حتى العيد ماعيدنا فيه كل هذا بخل.. ابوي يعطيك فلوس وانتي بس تاخذينها لك .. ام اصايل.. اشيلها لك لا كبرتوا ... اصايل.. اذا ماستمتعت بالهعمر بالملابس متى استمتع لا مت بقبري .. ام اصايل .. فكوني من حنتكم رحوا لغرفكم .. رهف.. خواتي لصغار ملابس ماعندهم كلها ملابسنا يوم كنا صغار حرام عليكي ..؟؟. ام اصايل .. رحوا لغرفكم يالله مابي اسمع ولا كلمه ...؟ رهف. وين ابوي يماا .. ام اصايل.. راح للبنان وبعد اسبوعين بيجي ..؟؟.؟ اصايل.. راح يجيب بضاعه زي عوايدوه .. وتضحك بسخريه ... ام اصايل.. عشان غثيتوني مافي سفره ولا تروحون بيت عمكم خالد ابدا دام وصايف لالحين عندهم فاهمين .. رهف روحي سوي لنا شاي ..؟؟ رهف.. انشالله .. وقامت رهف تسوي لمها شاي وهي حدها ضايق صدرها من امها ام ماتعرف عيالها شيبون وما يبون وحتى البيت البنات قايمات فيه وهم بنات صغار بس تعودوا مع الايام ...؟.؟. في دبي ..؟؟..؟. اليوم الثاني من الرحله ..؟؟ وصايف.. هنادي يالله بالله تقومين . هنادي... طقي فره وتعالي لي .. وصايف. طقيت 70 فره خلصي ..؟ هنادي..قومي العيال ..؟ وصايف..العيال من بدري قايمين ..؟؟ هنادي.. ياربي دخيلك الواحد مايعرف ينام عندكم ..؟. وصايف.. حنا جايين نستانس مب ننام يالله قومي ... وتسحب الفراش منهاا .. هنادي.. أأأأأأأأأأأأأأأأأأأأأأأأأأأأأأأأأأ وصايف.. هههههههههههههههههههههههههههههه خلصي .. وتقوم هنادي تنط على ظهر وصايف .. وصايف تطقها بس مو قادره ....؟؟. بعد الصراخ والهواش راحوا البنات عند الصاله لقوا عمها وسلطان ونايف صاحيين ..؟.؟. وكان تركي حاجز له غرفه .. عشان مايضايق وصايف وتاخذ راحتهاا ..؟.؟. هنادي.. عمي وين ابنك .. ابو فارس.. وش تبين فيه .؟. هنادي.. بخطبه منك . يعني وش ابي فيه مستغربه بالعاده اول من يرز فيسه على الاكل هو ..؟.؟ ابو فارس.. مسوي رجيم .. هنادي.. عمي لالحينك ماصل ..؟ نايف.. يهب كليتي ابوي ابك تركي بغرفته راقد واكله بيجيه هناك ..؟..؟ هنادي.. على بالي بعد .. نايف.. يؤؤ ياعوبها وهذا انا بعرس عليك لا هونت .. هنادي.. في امك خير هون العرس بكره ... وتبقق عيونها على نايف.. نايف.. اللي تشوفينه . الكل.. هههههههههههههههههههههههههههههههههههههههههههههههههه ههههههاي تفطروا الشباب وراحوا لبسوا وكشخوا على سنقة 10 .. وينطرون متى يشرف تركي .. عمهم راح عنده شغل بدبي واصلن هو جاي عشان شغله فقال ليش ما اونسهم بدال جلستهم بالبيت ...؟.. وصايف.. تأخر تريك . نايف.. اصغر عيال تريك .. هنادي.. لا للحين ماجابته ..؟؟ وصايف.. اللحين الساعه 10 مايمدينا نتمشى واجد اليوم ونشوف دبي .. سلطان.. مالين منها يجي 7 مرات جاينهاا ..؟؟. وصايف.. هذي اول مره اتعدى فيهاا كويت عاد شسوي ..؟.؟ نايف شرايكم نروح له فوق نزعجه ..؟. وصايف.. هو بأي دور .. سلطان.. 8 وصايف. روحوا انتوا .. هنادي.. ياعمي امشي لا تستحين مراح يخطبك .. وصايف.. انا بعرف علام كلامك دفش كذا ..؟ هنادي.. ربي خلقني .. وصايف.. لا حنا بنتمشى تحت عند الاستقبال وانتوا تعالو لنا تحت ..؟ هنادي.. -حنا انا بروح معاهم ... وصايف.. وانا بتروحين وتخليني . هنادي.. مش ذنبي . وصايف.. يؤؤؤؤ امرنا لله نروح نقومه .. ويروحون الشباب لغرفة تركي .. دقوا عليه الباب ومافتح ويشوفون الا الباب شوي مفتوح .. فتحوه ولا لقوه كان بالحمام يسبح ..؟ هنادي.. وش ذا الزباله ملابس مقططه واكياس زباله وووووووووووووووووووووع .. وصايف.. يابنت هش لا يسمع .. الله طالعوا فطور الفندق جنان . نايف .. نقضي عليه . وصايف.. يالله .. ويقومون الشباب كلهم على االاكل .. وخلوا له شويه ..وبعده ألتموا كلهم على السرير جالسبن ووجيهم مقابله الحمام .. كنهم بيلتقطون صوره ..؟؟ طلع تركي من الحمام وكان لاف فوطه على خصره .. بغرفته لحاله يلبس اللي يلبسه .. وكان ماسك مشط بيده وقاعد يمشط شعره الي واصله لتحت اذنه .. وكان جسمه تحطيم ....؟ انصدم وصعق يوم شاف اربع مخلوقات فضائيه قدامه .. وصايف استحت لما شافت موقفه وراحت طلعت من الغرفه وهي حدها متفشله وراها هنادي .. تركي.. شنو جايبكم هناا .. هااااااااااااه ..؟. نايف ..تأخرت علينا وينك ياراقل .. فيه .. تركي.. انزلوا تحت أللحين جاي .. سلطان. حاضر ياباشا ..؟.. لبس تركي بدي علاق اسود وعليه كلام بالاحمر والابيض وتحته جنز ديرتي .. وجوتي رياضي عليه جميع شارات الرياضيه كان شكله تحفه .. عكس سلطان . اللي لابس برموده بيج فيها جيوب كبيره مع بدي ابيض وعليه صور كريزي ولابس كبوس نص ... واما نايف فكان لبسه حيل عادي ..؟.؟ لابس جنز عادي مع بدي لونه ابيض نفس بدي سلطان.. والبنات كانوا مطقمين .. لابسين نفس العبايه .. وتحتها بنطرون اسود وبدي لونه بيج ..؟ كل وحده تختلف البنطرون بس نفس اللون ونفس العبايه بالضبط ... هنادي كانت لافه الملفع عادي ومطلعه لها قذيله اما وصايف اللي اول مره تلبس عبايه كتف وتحس انه ماعليها هدوم .. وكانت لافه اللملفع ملكي وطالعه عيونها وكانت تفتن صج .. كل من مر جلس يطالعهاا ويحاول يغمز لها .. الا انها كانت منزله عيونها بالارض ..؟.؟. تركي وتوه نازل من الدرج انصدم ..؟.؟.. شراح توقعون ردة فعل تركي من لبس البنات ..؟.؟. 
   
|
|
01-16-2011
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
الجزء الثاني عشر تركي.. ليش مطلعه هالقذله هناديوه .. هنادي. تشم الهواا .. تركي.. دخليهاا .. ويلف على سلطان.. وراضي باللي سوته اختك .؟ سلطان.. أسألها كم مره متهاوش وياهاا . تركي.. وصايف وين عباتك الراس ولا جيتوا دبي فصختوا الحياا . وصايف.. عباتي فوق وبعدين مافي حرمه هنا تلبس عباية راس اطلع انا وحيده بينهم شكلي غلط .. تركي.. شكلك الغلط عسل على قلبي روحي ألبسي عباتك الراس انتي بيتنا عبايتك ماتنزل من على راسك .. روحي ألبسيها .. وصايف.. وبترجي.. تركي ؟؟ تركي.. لا تركي ولا شي دام تبينا نستانس روحي ألبسيهاا .. وصايف.. على الاقل بس اليوم أستانس فيها واحللهاا وبعدها اعطيك اياهاا تشققهاا .. تركي.. وصايف لا تخليني احرجك قدام العالم ألبسي عباتك الراس وامسحي كحلك اللي بعيونك وعيونك ذي مابيها تطلع .؟.؟. وصايف .. وتتحلطم مثل الاطفال .. وتروح تلبس عبايتها الراس وقطت كل كشختهاا ولبست لبسها العادي تنوره جنز مع بدي ابيض وشحطات بيض ومسحت كحلهاا ولفت لفتها العاديه مع نقاب سير .. وقالت بلعنته يقول اللي يقوله ..؟.؟.؟ وبعد ربع ساعه نزلت وصايف ...؟. تركي.. الله شكلك كذا جنان تهبلين وش له بالعبايه الضيقه وكل هذا ..؟ وصايف.. المهم راحتك .. تركي.. انا مرتاح وانتي مرتاحه انشالله ..؟.؟ وصايف.. مرتاحه . وتعض على اسنانها ...؟؟ تركي.. ويضحك بقلبه وربي احبها لما تعصب .. بس اعرف شلون اراضيهاا ..؟.؟ ويروحون يركبون الجيب اللي مأجره تركي لهم كان جيب لاند كروزر ..؟..؟. جلس قدام سلطان مع تركي واللي ورى هنادي وصايف بالوسط واللي على يمينها نايف ..؟.؟ سلطان .. اوووووووف عندك عطر دنهل الجديد وماتعلم ..؟ تركي.. ليه تبيه يرو زي ماراحت العطور اللي قبلهاا ...؟ سلطان.. يابن الحلال سلف وبنرجعهاا . تركي.. وبترجع القاروره بس خلها لك .. عطني العطر ماتعطرت ..؟. ويبخ تركي له كم بخه ويعطي سلطان يتعطر وعقبها نايف .. تركي.. عطوا هنادي العطر تراها واحد من الربع .. هنادي. وتصقعه على راسه .. سوق خلك من التطنز ..؟ متعطره وخالصه من عطرك.؟.؟. تركي.. أأأي ..حاظر مدام .. هنادي. لا تقول مدام انزين ..؟.؟ تركي.. وصايف ماتبين تتعطرين ..؟. وصايف.. مشكور ليه شايف الشنب طالع من بره النقاب .. وهي تقول هالكلام ولافه راسها الصوب الثاني ...؟ تركي.. لا والله اشوف قمر ورى النقاب ..؟..؟. وصايف.. وغصبن عنها ابتسمت بس ماطالعت تركي ولا لفت صوبه ..؟.؟؟. تركي.. وصايف لالحينك زعلانه من سالفة عبايت الكتف انا لو ما اخاف عليك كان ماقلت هالكلام ولا عصبت ولو انك ماتعنين لي شي كان خليتك عادي ......؟؟ هنادي .. قول غرت يوم شفتها كذا ... تركي.. وليش ما اغار وكل العالم تطالعهاا بغيت اقوم ولعن خير واحد واحد من القهر ..؟. وصايف.. مشكور وهالشي مايزعل عادي ..؟..؟. تركي.. يعني صافي يالبن .. وصايف .. حليب يا ..؟. تركي. قولي قشطه الصراحه انا قشطه . نايف. انا اشهد على هالبس انا اشهد انك بتذوب بنات الامارات كلهم .......؟؟ تركي.. انا ربي خلقني عشان احطم قلوب العذارى وفي وحده ماهي راضيه تتحطم ..؟. وصايف .. بقلبها .. يمال اللي يحطم راسك قول امين .. لاول مره حست وصايف بغيره من كلام تركي .. لما فارس يتكلم عن البنات عادي عندها الامر بس تركي بغت تقوم وتاخذ سيف وتذبح كل البنات .. كما كانت تصف شعورهاا ..؟؟.؟. وتركي طول الطريق كان يسولف عن نفسه ويمدح نفسه والشباب يمدحون معه ...؟.؟. هنادي.. تركيوه .. تركي.. يالبوه . هنادي. وراك انت شايف حالك ومغتر .. وصايف.. من قلب .. هههههههههههههههههههههههههههههههه تركي.. ويضحك .. عاجبتك هالسالفه وليش ما اغتر .. دام انا مزيون وجميل ومافي نفسي ..؟ هنادي.. تشوف اللي يخم الشارع ..؟ تركي.. يب شو بوه .. هنادي.. تراه ازين منك .. ياعندي وحده من خوياتي عليها اخوه .. ياااااااااااااااااااااااااااااااو والله لولا الحيا كان رحت وخطبته لوصايف ..؟.؟ وصايف .. شمعني .. هنادي.. لايق لك اما ان خطبته لي اصير سحت عنده لالا انا ابي واحد اقل مني جمال زي نايف .. الكل.. هههههههههههههههههههههههههههههههههههههههههههههه تركي.. اخو منو هذا من خوياتك عشان نروح نخطبه ..؟. هنادي.. تعرف انوار صديقتي اللي عندها اخو اسمه فيصل اخو رفيقك سعود . تركي.. ايه والنعم . هنادي. هو فيصل بعينوه .. تركي. وغار .. بس انا احلى منه .. وصايف.. الزين للمره مب للرجال . الرجال فعول ولا الزين للمره .؟ الكل .. سكت عقب كلمة وصايف ...؟.؟ وصولوا الشباب عند ((خور دبي )) نزلوا ... وسلطان ونايف وماعليهم منهم راحوا حجزوا لهم تل فريك ..؟.. تركي.. يالله هنادي امشي .. ويحط ايده على كتف هنادي ويمشي .....؟؟؟ احترت .. وصايف من هالحركه ودها تذبح هناديوه .. وقاعده تسب بقلبهاا .. ......الحماره الكلبه انا اوريهاا ان ما تهاوشت وياهاا ...؟؟..؟ تركي.. يالله على التلف فريك .. وصايف.. لا اخاف . تركي. وش تخافين منه . وصايف وهي تتخصر نفس .. البزارين .. واذا انقط فينا الخيط .. وتركي.. يقلدهاا .. ماراح ينقطع بعدين انا معاكم لا تخافين ..؟ وصايف.. لالا مابي اركب .. ويمسكها تركي غصب عنهاا ويدخلهاا ... وصايف.. مابي .. تركي.. يابنت انا عندك خلاص بلا دلع .. وصايف.. مابي .. وقامت تمشي اللعبه .. وصايف . تصارخ . أأأأأأأأأأأأأأأأأأأأأأأأأأأأأأ كانت كاميرة الفيديو مع سلطان وجلس يصور شكل وصايف وهي حاطه راسها مابين رجولها تصرخ .. وتوعد بتركي . وشلون كان شكل تركي كان جنبهاا وميت ضحك و يرافس على شكلهاا والتلف فريك قام يهتز من كثر ما يضحكون اللي فيه .. وبعده وقف التلف فريك .. هو نظامه كذا يوقف بوسط السير ... وصايف.. لا تدورون وجهها بالحزه ... قامت تصيح .. بنمووت يماا .. وقامت حضنت تركي من الخرعه ... ورافضه لا تتركه ... وهي ماهي بوعيهاا .. وسلطان جالس يصور كل شي .. اما تركي بيحاول يههديها بس مو قادر من كثر الضحك حس انه خلاص انقطع النفس عنده ..؟.؟..؟... وبعده اول ماقربت تخلص اللعبه تعدلت انتي يا وصايف ولا كنها سوت شي واول مانزل من اللعبه هي والعيال يمشون وميتين من الضحك عليها.. ويعلقون عليها وشلون حضنت تركي.. هنادي.. ليتني تخرعت يا نايف .. الكل .. ليه .. هنادي.. علشان احضنك علبوني ميته خووف ..؟. الكل.. ههههههههههههههههههههههههههههههههههههههههههههههه الا وصايف شوي وتذبح هنادي ولا كلمتهم تمشي بس ساكته وبعيد شوي عنهم ..؟.. تركي.. يابنت تعالي شفيك خلاص محنا ضاحكين ..؟ وصايف.. وعيونها كلها دموع.. ماني بجايه برجع البيت ...؟ تركي.. خلاص وربي اللي يزعلك لا قوم اذبحه كم وصايف عندي .. وصايف.. قلت لك ماني بجايه بجلس بالكرسي لحالي .. خلوني وش تبون فيني ..؟ نايف وسلطان.. تركي بنروح حنا للالعاب المائيه ..؟. تركي.. روحوا لا تأخرون حنا جالسين بالهمنطقه ولا اتصلوا يمكن نروح نتمشى ..؟ نايف.. اوكي ..؟ ويرحون نايف وسلطان للالعاب المائيه يلعبون ..؟.؟. وتركي. وهنادي جلسوا بالكرسي المقابل لوصايف .. اللي كانت معطيتهم ظهرهاا وتبكي من الموقف اللي سوته ودها تمووت من كثر حياهاا .........؟.؟. تركي..هنادي قومي راضيهاا .. هنادي. ياولد خلهاا تقوم أللحين ترضى وصايف واعرفهاا ..؟.؟. تركي. شلون ترضى ان ماقمتي ترى بقوم . هنادي. ما يحتاج وصايف قلبها ابيض وبسرعه تنسى .. تركي.. انا بقوم ..؟. وراح تركي جلس جنب وصايف .. وصايف . وش تبي ...؟؟ تركي.. افا تبكين .. وصايف . وانت شعليك .. تركي.. ماعاش من زعل وصايف قولي من زعلك وانا اقوم اشنقه لك ..؟. وصايف .. انت. تركي.. تبيني اشنق نفسي . وصايف. لا . تركي. اجل وش تبين يابنت خلاص ولا تزعلين ..؟ وصايف.. ليش تركبني اللعبه غصب لو ركبتني ماصار اللي صار ...؟..؟ تركي.. ماهقيتك حساسه لهدرجه هاه كاني عندك سوي فيني اللي تبين تطقيني تذبحين بس ولا تنزل دمعه من عينك ...؟. وصايف.. مابي شي ..؟ تركي.. انزين تقومين معاي هنادي لحالها هناك .. وصايف .. خلاص روح انت وانا جايه وراك ...؟ تركي.. لا تأخرين ترى انطرك على احر من الجمر .. وراح تركي جلس مع هنادي يسولفون على بعض لين تجي وصايف .........؟؟ وصايف .. بعد ماراحت غسلت وجههاا وعدلت لبسهاا راحت لتركي وهنادي ..؟. وجلسوا يتمشون وشروا ايس كريم وقام تركي يسولف ويضحك .. وانبسطت وصايف حيل منه . ماتوقعته يعرف يسولف ..؟..؟... وبعدها .. مر عليهم عربه يجرهاا باكستاني يبيع فيهاا ذكريات وتحف واساور .. واشياء كثير .. راحت وصايف تركض عنده هي وهنادي..؟. وتركي.. يمشي وراهم بطئ ويضحك عليهم ..؟. وصايف... هناديووه شوفي هذا شحلاته .. عليه حرفي w .. بكم هذا صديق . الباكستاني .. 100 درهم .. وصايف .. مايسوى وهذا بكم ..؟. الباكستاني.. كل حرف 50 درهم واسوار 50 درهم ..؟؟ وصايف.. صديق ليش انت شغل كل غالي ..؟. تركي.. اشتري اللي تبينه وماعليك من السعر ..؟ وصايف.. مابي .. اصلن مو حلو حيل .. وشافت عنده عقد كان رووعه شويه عليه وباين عليه حيل غالي .. فسألته وكم هذا ..؟ قال لها .. 500 درهم .. وصايف ماكان معاها الا 200 درهم .. وصايف. وبققت عيونها .. مع السلامه حجي .. وتروح هنادي وصايف لكشك ثاني يمكن عنده شي حلو ورخيص .....؟.. تركي.. عرف ان العقد عجب وصايف فشراه لها وخشه قال بعدين أفاجأهاا فيه ..؟. وراحوا يمشون . وصايف .. هنادي شرايج نتقاطط ونشتري العقد ويوم عندي ويوم عندك .. هنادي. والله بس يومين مقابل يوم .. وصايف..موافقين . تركي.. لالا مشينا غالي على قلة سنع .. وصايف .. بس عاجبنا .. تركي.. لالالالا يعني لا وصايف.. ليش .. تركي.. مزاج .. وصايف.. وبقلبها . هالتركي والله غريب مره عسل يهبل ودك تاكلينه ومره خثيث ونكدي ودك تلعنين خيره ..؟..؟. سكتوا البنات وقاموا يتمشون وبعده جو العيال وصار الجو اكثر وناسه وضحك وراحوا اجروا لهم قارب وبعدها العيال قاموا يتسابقون في السباحه بالبحر وكان الجو ممتع ... وهنا وصايف وبالتحديد حست بشعور لا يوصف من الفرحه والحب تجاه تركي ..؟ مع انه خثها ودبل كبدها ...(( بس الحرمه تحب خناقهاا)) ... وصارت تغار لما تشوف الاجنبيات والبنات لما يشوفون تركي ويضحكون ويأشرون عليه .. لانه كان سباح وغلب الشباب كلهم ودها لو تركي يحبها وما يشوف الا هي ... بيني وبينكم وصايف كانت تحب تركي من اول مادخلت البيت وكانت تمدح فارس وترفعه بس عشان تخليه يغار ويحبهاا ..؟؟. وصايف.. مال اقوم اذبح هذيك البنت طالع شلابسه وتميع قدام العيال .. هنادي. العيال ولا احد ثاني ..؟. وتغمز لوصايف وصايف.. شقصدك . يعني اللحين..؟. هنادي.. تعرفين شقصدي علينا هالحركات . وصايف.. أي حركات انتي بس تتهيأين ..؟. هنادي.. يعني ماتحبين تركي ترى من اليوم جالسه اطالع وين تطالعين تركي هناك والعيال هناك ..؟. وصايف.. وشفيهاا تركي سباح وجالسه اطالع سباحته ......؟ هنادي.. ايه صح.. وصايف.. صحين بعد .. وبعد ماخلصوا الشباب سباحه راحوا للمغاسل اللي حاطينها بره وغسلو جسمهم وعقبها لبسوا وراحوا للبنات ..؟ نايف.. شرايكم بسباحتي .. ويطلع عضلاته .. هنادي.. امحق سباحه مالت هذا اللي طلع بيدك .. نايف.. عسل وربي عسل .. سلطان.. ويعطيه أفا ... احترم نفسك لا تحسبن انك ورع بسكت عنك ترى اخت وراها رجال . هنادي.. اتركه عنك ... امحق رجال .. رح لا مصخرك هني .. الخلاا بس .. وصايف.. هيه انتي صيري انثى ولو يوم واحد ..؟ هنادي... وانا شنو ذكر ماتشوفين شعري طويل ..؟. الكل.. هههههههههههههههههههههههههههههههه..؟ تركي.. شرايكم فيني .. وصايف.. ان جلسنا نقول شراينا فيكم ماخلصنا لي باكر .. وقامت وصايف تمشي يعني مشينا كلنا . تركي.. ويركض وراهاا .. انزين كلمه وحده .. وصايف.. تلوع الكبد .. تركي. انا ألوع الكبد .. ويمسك تراب بيده ويحذفه على وصايف . وصايف.. تشهق .. وتمسك رمل بيدها وتحذفه على تركي .. تركي.. اااي عيني عيني .. والكل .. ركض صوبه .. ويشوفون عينه ..؟. هنادي.. يالمفتريه عملتي بالورع أيه .. تركي.. ويضحك .. ويمسك الماي اللي بيده ويرشه عليهم كلهم .. الكل.. لالالالالالالالالالالالالالالالالالالالالالالالا ويتفرقون .. وتركي يركض وراهم ... كان شكلهم يموت ضحك والبنات اللي كانوا على الشاطئ ميتين ضحك على لعبهم ...؟..؟.. وصايف.. تركي وخر عني تكفى روح لهنادي ماجاها ماي واجد زيي .. تركي.. لالالا ليش تبدين .. ويجون نايف وسلطان معاهم بطول ماي وبيرشون على وصايف . وهي .. تترجى فيهم .. وتركض هنادي.. بسرعه ومعاها بطلين ماي .. هنادي. مو على وصايف اختي .. أأأأأأأأأأأأأأأأأأأأأأأأأأأأأأأأأأأأ العيال.. ويصرخون لان شكلها تروع هنادي .. اللي تقول الزير سالم ..؟ وصار يومهم كله لعب بالماي وركض وصراخ وناسه حيل وبعده لما جاء الساعه 10 بليل .. راحوا جلسوا على فرشتهم وقاموا يسولفون كل واحد يقول موقف محرج مر عليه .. هنادي اللي بدتهاا .. يوم رحنا انا وامي لعرس ولد خالي المهم كنت لابسه ثوب .. وصايف.. قولي قسم .. هنادي.. والله اسمعوا المهم كان سحاب الثوب بظهري وطويل مره .. عاد انا بنت الحلال حتى بالعرس دفشه مو مثل بنات خلق الله يعقلون عشان يتخطبوا ويصرون ناعمات .. انا لا عكسهم .. المهم واثناء ماكنت ارقص وفجأه ولا احس ثوبي وسع واوله كان حاقطني مره واللحين وسع وصار الهواء يكفخ ظهري وانا اقول .. ياحلو البراد السعا لا بارك الله بالضيق السعاا .. ؟؟.؟ ومادريت الا وتجيني عجوز قدام خلق الله وانا ارقص وتمسك عبايه وتلفني فيها تعرفون الورع لا زهملوه شلون انا كنت كذا ... عاد انا هنا لا تدورون وجهي احمر اخضر بنفسجي الوان الطيف كلها عاد حرمت اسوي سحاب .. الكل.. ماااااااااات على سالفت هنادي الخبله .. وبعدها كل واحد قال سالفه محرجه حصلت له الا وصايف اللي رفضت لانها تستحي لا تقول ............. وبعده طلبوا العشا وقاموا يتعشون قدام البحر ..........؟؟ وقبل ما يرحون قام تركي . وقال .. شباب ختاميه دامكم .. متوصخين ... ويطلع الرغوه من جيوبه ويوصخهم ... وبعدها راحوا الفندق بشكالهم العفنه ...؟.؟. وراحوا بدلو ملابسهم وجلسوا بالصاله .. واما تركي جالس بغرفته ...؟؟.؟.؟ اتصل .. تركي على تلفون الشقه مالتهم وردت عليه وصايف . وصايف.. الو تركي.. هلا بأحلى الو سمعتها اليوم . وصايف.. استحت .. خير شتبي داق .. تركي.. علامك ماتجاملين ربي بلانا بهنادي ثانيه ,. وصايف.. ههههههههههههه تركي.. لا تضحكين .. وصايف.. ليش تركي.. اذوب .. وصايف.. اخلص شتبي .. تركي.. عندك احد .. وصايف.. عندي هنادي .. تركي.. والعيال وين وابو وين .. وصايف.. العيال بدلوا ونزلوا يتمشون تحت يقولون مافيهم نووم وعمي نايم من ساعه ..؟ تركي.. حلو .. وصايف.. وش هو الحلو .. تركي.. وصايف . وصايف.. لبيه .. تركي.. يالبي قلبك .. وصايف.. تركي وجع اخلص شتبي .. تركي.. لا تنافخين انا بسولف معك .. وصايف.. تركي فيني نوم .. وتسكر التلفون بوجهه .. لانها استحت تكلم تركي وهو طايح لها مغازل ومديح .. مانتهى يومنا ولا تركي بس انطرونا بالجزء القادم عشان نعرف تركي وش راح يسوي ..
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
