جاني و انا في وسط ربعي وناسي _)~

جاني و انا في وسط ربعي وناسي
جاني نشلني مثل ما ينشل الناس
مني نشل روح تشيل المآسي
تشكي من ايام الشقاء تشكي الياس
أثر الألم في سكرة الموت قاسي
ما هلني مثله و أنا إنسان حساس
جابوا كفن أبيض مقاسه مقاسي
ولفوا به الجسم المحنط مع الراس
وشالوني أربع بالنعش ومتواسي
عليه ومغطى على جسمي لباسي
وصلوا علي وكلهم في مآسي
ربعي ومعهم ناس من كل الأجناس
يا كيف سوى بعدنا تاج راسي
و أمي الحبيبة وش سوى بها الياس
أسمع صدى صوتك يهز الرواسي
قولوا لها لا تلطم الخد يا ناس
قولوا لها حق وتجرعت كاسي
لاتحترق كل يبي يجرع الكاس
أصبحت في قبري ولا به مواسي
و أسمع قريع نعولهم يوم تنداس
من يوم قفوا حل موثق لباسي
و علي رد الروح صوت الأجراس
هيكل غريب و قال ليه التناسي
صوته رهيب وخلفه اثنين حراس
وقف يقول ان كنت يا نمر ناسي
هذي هي اعمالك تقدم بكراس
ومن هول ما شفته وقف شعر راسي
وانهارت اعصابي و لا أرد الأنفاس
ياليتني فكرت قبل انغماسي
بالغفله اللي منتهاها للإفلاس
وفزيت من نومي على صوت ناسي
واصرخ وأقول الموت و احذر الناس




*..متغلية لعيـ غالي ــون ..*