بــــــدري عليــــــــــــــكــــ

ترى الكلام اللي حكيته وصلني ..
وياللأسف مدري وشلي جرالك

شلي جرى لعقلك يفكر يضرني
اناأهينك وأبتعد عن مجالك

أنا صحيح أني صغيرة بسني
بس أنتبه حبي ترى حيل هالك

لا لا تخليني أحطك بظني
والله لعزي فيك عمك وخالك

دام العذاب فنون أخضع لفني
عندي العذاب اشكال ماهي فبالك

نصيحتي أبعد بعيد وخلني
أخترت أنا الفرقا وبنهي وصالك

أحذرك ماهو بتهديد فيني
ماينفعك لو قلت كلي حلالك

ظنك تعيش عيني متهني
ولاذكرته قلب عزك وشالك

ماأقتنع بكذبك ولاهو يهمني
تكذب على نفسك وتتبع خبالك

لاتعتقدأني أصدق تجيني
حتى عيونك تفضحك وأنفعالك

بدري عليك أنك تهيني وتذلني
أنا عزيزة نفس والذل فالك

أعشق منو تعشق ترى ماتحرقني
أنا لقيت اللي يحبني بدالك

وأذا لمحت الهم بعينك يسرني
تبعد عن العالم وعايش لحالك

تذكر كلام قلته العام عني
منت اللي قده وأحسن اللي جرالك