قصيدة: على جرة الصوت

قصيدة: على جرة الصوت

. <{ على جرة الصوت }> .
تكفـون دلهوني عن هوى البيض ابنحاش
اليا شفتهن صـارت حالتي حـالة خطـيره

بنت لخزتك بالعين تخرش القلب خراش
تلعب على الحبلين مـر غنية ومـر فقـيره

وأشْعَلْتِ ناري في روضة يمها خشخاش
أروض نفـسي وريح قلبي من هم يثـيره

آه أقبلت علىٰ جرة الصوت تريده بفلاش
سبحان رب جملها تجمل اللباس بحـريره

لابسة النفنـوف تدوس الخطـر كالفـراش
أداريها من لسان ضوي لاتقع في سعـيره

لا والله ماألوم مثلي لقـال الشعر وشاش
بعـد شوفتي لها صابتني يامـلأ قشعريره

وصحت في الخـلا الخـالي وين الفـراش
النار ما عادت تــدفي جسم زاد زمهـريره

عزاه لعقلي من هـوىٰ الهـاوية لمن طاش
افـر مع كـبر سني أدور على بنت صغيره

تلاعبني في أرضٍ صلبة او أرضٍ هشاش
وألاعبها على الكـيف نذكر طيب السـيره

نعـاهد الله ما نخون ولا نسمع لكل واش
وكلمنا يعـرف خاين العهد ويش مصـيره

اظن الطيب من طيبها يصب في اغراش
روائح تنعـش القـلب نسـأل الله الستـيره

لولا الله وديني يمنعني لأرسمها ببلكاش
وأحْبِك القـول فيها وانشره في كل ديره

اتعلم سـحر البيان واكتبه جـالس وماش
واتحـاشىٰ ذكر اسمها وعنوانها والسـيره

وانشد أبيـاتي لِسَامعها واتجنب الأوباش
وادعي ربي على الحساد واسأله الخـيره

مالي غير ماكتب ربي ادفع صبر او كاش
لمن يدور لي عليها او مثلها بكل عشـيره

اقـول الصـدق وعمــري ما كـون غشـاش
والغشـاش اسأل الله من الغـش يجــيره
الشاعر/ حمد بن فهد المخالده السبيعي

منقول