الله يبلاك ..

كم تمنيت أنا مثلك وشرواك
لين ما خاب في لُقْيّاك ظنِّي


كنت أشوفك نَجِم من ضِمن الافلاك
واتمنى ولا جت بالتِّمنِّي


يا بعيد المدى والحل وَيَّاك
في فؤادي وأبعد شي عنِّي


قبل أعرفك وانا عايش برجواك
من سنين الصِّبا حبك سكنِّي


ما كتب الشعر والله لولاك
لين طاع الشعر من غير جنِّي


أصعب الشِّعْر روَّضته (لعيناك)
لين صار الشِّعِر فيها يغنِّي


ما كتبته في وصفك فاق الادراك
وانْشَغَل كل خلق الله بفنِّي


والنتيجة معاك الوضع فتَّاك
ما توقعت أنا منك التجنِّي


لا لقيتك ولاني قادر أنساك
والهقاوي بوصلك أزعجنِّي


أسأل اللي بلاني فيك يبلاك
ويصبح أكبر مُنَاك القُرب مِنِّي


منقول