ياطيـر هـاك العلـم وارجـوك ودّه

ياطيرما به غيرك احـد(ن) يـردّه
انت الوحيد اللّـي تعبـر المسافـات

ياطيـر هـاك العلـم وارجـوك ودّه
محد(ن)سواكـم يرتكـي للمهمـات

شد الرحال لحبـيـبي اليـوم شـدّه
وقطف على دربك من الروض وردات

ونشد علـى بابـه قصيـدي ونـدّه
بعذب لحون العشق من دون هنـات

ابيه يطرب لـك الـى جيـت عنـدّه
وابيـه يفتـح لـك قديـم الملفـات

من شان تقرا مـا كتـب لـي بيـدّه
في داخل اوراقه من اهموم وآهـات

والى نويت اتعـود قبّـل لـي يـدّه
وامسح على خده ووادعـه بسكـات

مابي دموعه تبلـل اطـراف خـدّه
ومابيه ينثر مـن سبايبـك عبـرات

وان كان حس بقلـب منهـو يـودّه
هـوّن عليـه وبلغـه بالتحـيـات

قلـه ترانـي حافـظ اليـوم عهـدّه
وباقي على ظنه ولو طالـت الغيبــات

مما راق لي