برد و سلام

الاخوان والاخوات الكرام
هذه هي اخر قصيده لي هنا
واتمنى لكم التوفيق ولهذا المنتدى التميز

.
.
.


برد و سلام

دام القصيـدة مسرجـه وبيـدي رسنهـا والحسـام
ألـكـد عـلـى ميدانـهـا واخـــاوي رجـــال قـــروم
احـطـم اصـنـام المـشـاعـر واعتنـقـهـا بالـمـنـام
مـا دمـت شـاعـر بالمـبـادئ لا يبـيـع ولا يـسـوم
كـنـي عـلـى القـمـر شـمـوخ شـاعـر يــوم هــام
بـيـدي مفاتـيـح الثـريـا ورحــت اغـنـي للـنـجـوم
يـوم الحـروف الساميـه شبـت فوانيـس الـظـلام
نشـوف مـن نـام بسـلام ومـن غــدا اخـيـذ قــوم
مــا دام شـبـت نـارهـا يــا جعلـهـا بــرد وســلام
النـار تأكـل بعضهـا مـن غيضـهـا عـنـد الـلـزوم
مالـي بـدرب مـا يجيـب الرجـل لــدروب الـكـرام
( والذيب ما هرول عبث ) لولا التحدي والعزوم
ما امهل الراعي ولا غمض علـى جوعـه ونـام
الا تعشـى مـن مناكبـهـا ورقــى روس الـرجـوم
وانا لبسـت ثيـاب جوعـي لجـل مدقـوق الوشـام
( الـجـوع كـافـر ) والليـالـي مدلهـمـات الغـيـوم
انـصـى مـواريـد الظـبـا قـبــل تـــوارى بالـعـتـام
وان جيت ابقنص ما قنصت هوينـه ازرت تقـوم
الهيـنـه لـلـي قـصـر بـاعـه مــن بـلـوغ الـمـرام
وانا الطرايـد قدهـا وعـن غيرهـا نفسـي تصـوم
اذا نــويــت اجـيـبـهـا بـالـطـيـب والا بـالـخـصـام
مثل ( المهلهل ) لا هجم واشفا غليلـه بالهجـوم
اطـمــن احـبـابـي اذا ابـديــت للـخـصـم احـتــرام
لي قلب واحد مـا قسمتـه بيـن فـرس وبيـن روم
وماهـو انـا اللـي مـر طيفـه مـا يثـيـر الاهتـمـام
لا والله الا عاصـفـه عـنــد الـمــوادع والـقــدوم
مـا جيـت درب المعمعـه يــوم الـتـودد والـزحـام
و لا تقدمـت الطوابيـر مـن اجـل حــب الخـشـوم
دام الرضى عندي رضـى الله ووالدينـي والانـام
اذا رضـى عنـي حـرقـت ثـيـاب ذنـبـي والهـمـوم

بقلمي / عيسى العنزي