مستغني >> نزف قلمي

سلام عليكم ورحمة الله وبركاته

هذي مقتطفات من كل قصيده كم بيت

واتمنا انها تنال اعجاب قاريها

لامنَّه اقبَل من اقبل واقفَا من اقفـــا
حي من اقبل يستر الله على المِقفِي

ماني تَبَّاعه مانيب اقول لَّــــــه تكــــفا
وان قلت له فارق واذلف ماهيب تكفِي

لاني واحد من المَرضا ولاهُو المَشفَا
والله اللي لمثل ذا الاشكال يِشفِــي

لاهو النار اللي لا وَلَّــــــــعتها ادفـــــــــا
ولاهو الما اللي لا شربَته النار تطفي

مستغني عن اللي قــَنَّع وجهه واَخفَا
الوجه الحَقيقي تحت القناع مَخفِـــــي

::::::::::::::::::::::::::::::::::::::::::::::

حَظ من قام حظه واستـــــــــــوا جَوَّهـ
م َ يجي مسراح العالم الا وقُدَه ضاوي

من تلَقَّف قال ليه شـــ حضرة سمُوَّهـ
قله حضرتي جيب اللكزس يــ العــراوي

مصبّح من بدري يوم ان البعض توَّهـ
يفتح عينه يحسب انها عين المَهَاوي

والصّدق ان نظرته بــــ الاوهام مكسُوَّهـ
ماعمر الصقر اصبح مع البوم امتســــاوي

عينه عيون البوم ابو الوجه المـــشَوَّهـ
اللي شخبط في وجهه مخلاب النّداوي

عَلّم شبَّابها اللي كل ما شَب ّ ضَوَّهـ
انحرق بدَل حطبها وكـــــــــــــواه كاوي

نَبّه ناوي النيَّه القشرا ونَــــــــوِّهـ
النار بتحرق كل من لـ الشّر ناوي

يــ الله تنجينا من نار ٍ قبل النبُوَّه
مشتبَّه حذّر منها فــ الحديث راوي

:::::::::::::::::::::::::::::::::

مهما كَمَّلت النُّواقص لله الكمال
احمده على كل وقفه جمّلَتني

سبحانه وجل شانه عزيز الجلال
يا جعلني لـــ الثّبُوت الله يثبّتنـــي

يوم ٍ فيه الفتنه لها انواع ولها اشكال
جعلي اقوا منها لا تقوا على فَــــــتنِي

تاتي في هيئة بنت ٍ متلثّمه بــ الشَّال
التفت عنها وترجع بـــ الدّلع تلفِتنِـــــــي

تتدّلع تتمايل تمشي من غير اعتدال
وتتثَيقل وان نشدتَّها ما جاوبَـــــتنــي

يا فز قلبي فزَّة فهد ٍ شاف الغـــزال
عجيبه كل من شافها قال اعجبَتني

زينها ونظرة عينها ورمشها القَتَّال
ما تقول الا ّ انها الرصاصه رمَتنــي

وكل منحَرفه استغنت عن لبس الجلال
استغني عنها حتى وَلَـــــــــــو نـــادَتني

لا قالت هَيَّا افعل ما حُرِّم يَبن الحلال
عصيت أوامر نفس ٍ بـــ السوّ آامرَتنـي

::::::::::::::::::::::::::::::::::::

وسلامتكم