روآيه غموض خآلد كآمله

* 8 *























الاحد



بعد صلاة العصر وانا طالع من المسجد



= خااااااااالد



التفتت وراي وكان ابراهيم يناديني



انا = هلا ابراهيم



ابراهيم = خالد شفت خالد .؟



قلت امزح معه



انا = لا ماشفت نفسي اصبر ابدورني



ابراهيم = ههههههه لا اقصد خالد تركي شفته .؟



انا = لا ,,, وش تبي فيه .؟



ابراهيم بغرور= اليوم معالي سموي عازمكم على كوفي على كيف كيفك



انا = تقول عازمكم .؟ انا ومن .؟



ابراهيم = انت وخالد وصالح وماجد



انا = خالد وصالح ,,, تبي تحول الكوفي الى حلبة مصارعة انت .؟



ابراهيم = هههههههههههههههههههههههههههههه وش تبيني اسوي اجل ,,, اخاف اعزم واحد واترك الثاني ويزعل علي واحد منهم



صرنا نمشي لين دخلنا الحارة ,,, ودخلت البيت شوي اقول لخلود اني بطلع وبعدها رحت لابراهيم ولقيت ماجد عنده



انا = السلام عليكم



ابراهيم وماجد = وعليكم السلام



ابراهيم = باقي صالح وخالد



واخذ جواله يتصل عليهم



انا = اقووووووول وش المناسبة عندك



ابراهيم = مافيه مناسبة بس من زمان ماطلعنا مع بعض لمكان محترم



جا صالح وانضم معنا



صالح = السلام عليكم



الجميع = وعليكم السلام



ابراهيم = وين خالد مايرد على جواله



صالح = وانا وش دراني عنه



ماجد = وشلون ماتدري و انت طالع من بيت خاله تو



انا = رح صالح ناده



صالح = خلونا نروح موب لازم يصير معنا ,,, يله يله بس امشوا



ابراهيم = لا وين ,,, اخاف يزعل



صالح = خله يزعل



ابراهيم = مافيك خير انت ( واخذ جواله يتصل) افففف مايرد ,,, ابروح اطق الجرس عليه



راح ابراهيم وبعد شوي جا



ابراهيم = تو قايم من النوم يقول بيصلي ويجي الحين



بعد ربع ساعة وحنا بسيارة ابراهيم نسولف جانا خالد لابس بنطلون كالعادة وفنيلة كحلية



صالح = يااااخي انت ماتحترم احد شف كلنا كاشخين الا انت



خالد بملل = امسينا وامسى الملك لله ,,, دايم بمسي واصبح على وجيه الشياطين ,,, وش دخلك انت ,,, حتى نسيتني اسلم ( والتفت لنا ) ماجد خالد ابراهيم و بس السلام عليكم



انا وابراهيم وماجد = ههههههههههههههه وعليكم السلام



ماجد = ههههههه و صالح مهو السلام عليه هههههههههه



ابراهيم = ههههه اركب اركب



رحنا للكوفي وصلينا هناك المغرب ورجعنا وكلن دخل بيته لأن انا وابراهيم وصالح وماجد علينا امتحان بكرة إلا خالد لأنه مهو من نفس مدرستنا ,,, وطوال اليوم ماتكلمت مع خالد عن موضوع الوظيفة ,,, افففف متى يجي يوم الاثنين ,,, يارب اتوظف يارب ,,, مع اني غاسل يدي بسبب هالشهادة يعني لازم كمبيوتر اف بس



الاثنين



بعد صلاة العصر رجعت على طول للبيت اجهز ملفي قبل يمرني خالد نروح نقابل مدير المستشفى الاهلي ,,, يارب يارب اتوظف انا رايح لهم قبل وماحصلت شي ,,, الله يستر بس ,,, جهزت ملفي وطلعت من البيت احتري خالد ,,, بعد 5 دقايق طلع خالد من بيت خاله لابس بنطلون لونه سكري وفنيلة سودا ,,, استغربت بيقابل مدير ويلبس بنطلون



خالد = السلام عليكم ,,, هاه جاهز .؟



انا = وعليكم السلام ,,, ايه جاهز



خالد = خالد تدل مكان المستشفى الاهلي والا اتصل اخذ العنوان مرة ثانية .؟



انا = ايه ادله ( وكملت بارتباك ) خالد انا رحت لهم قبل وماستفدت شي يقولون لازم شهادة كمبيوتر



ابتسم وحط ذراعه على كتفي وقربني منه



خالد بابتسامة = توكل على الله وخلنا نمشي



انا بارتباك = آآآآ ,,, طيب اجيب ملفي



دخلت البيت بسرعة وقلت لخلود اني بطلع ورحت لخالد اللي كان ينتظرني بسيارته ,,, طوال ماحنا نمشي وانا مرتبك معقول بتوظف معقول يارب يارب ,,,



فجأة رن جوال خالد



خالد = هلا اسلام ,,, وعليكم السلام ,,, الحمد الله بخير ,,, وشلونك .؟ ,,, كيييف .؟ ,,, مكة .؟ ,,, ومتى .؟ ,,, و قلت لامي .؟ ,,, ووش قالت .؟ ,,, اكييييييد ترا ابتصل عليها وأسألها ,,, خلاص اوكي ,,, ايه خلاص موافق ,,, بس هاه تراه يوم واحد بس ويوم الجمعة ترجع ,,, بكرة ان شاء الله اجيكم ,,, بس اسلام انا عندي شرط ,,, امممم تشتري لي هدية ,,, ههههههه ,,, بس .؟ طول عمرك بخيل .... خلاص بكرة وانا عندكم اذا جيت حجزت لك ,,, ايه ,,, ههههه ان شاء الله عمي ,,, ( وكمل بنبرة غريبة وبصوت هامس ) اسلام ادع الله يشفيني ,,, تسلم ,,, مع السلامة



وابعد الجوال عن اذنه وقعد يضغّط الجوال وهو يسوق



خالد = مشكلة الهندي اذا صار مطوع يبي كل شوي يروح لمكة ههههههه



انا من الارتباك مارديت عليه ,,, ويوم شاف خالد اني مارديت التفت لي والجوال باذنه



خالد = خالد توكل على الله ان شاء الله بتتـ ( ورد الطرف الثاني عليه بالجوال ) الووو السلام عليكم ,,, وشلونكم ,,, بخير ,,, الحمد الله طيب ,,, وشلونك.؟ ,,, بخير دامك بخير ,,, اممم يمه قالك اسلام انه يبي يروح مكة.؟ ,,, وانتي موافقة .؟ ,,, ايه كلمني ,,, لا بس اتصلت اتأكد منك ,,, خلاص انا بجيكم ,,, لا مافيه تعب ,,, يمه لا تخافين ,,, مافيه تعب ابد ,,, انا اصلا جاي للرياض جاي ,,, يمه الله يخليك لا تخافين ,,, صدقيني مافيه تعب ,,, ايه اكيد ,,, هههههه احلف يعني ,,, طيب ,,, ان شاء الله ,,, اطمئني ,,, ان شاء الله ,,, طيب ,,, طيب ,,, يوصل ,,, مع السلامة



وصلنا المستشفى ووقف خالد السيارة والتفت لي



خالد = تبي الصراحة ياخالد انا ماعرف عنك معلومات الا من خالي وعشان اصير على بيّنة وانا اتكلم مع المدير احتاج اشوف ملفك ,,, تسمح اشوفه .؟



انا مرتبك = آآآآ ,,, طبعا اكيد



وعطيته ملفي ,,, فتحه خالد شوي وبعدها التفت لي



خالد = اخذت دورات او أي شي .؟



انا = لا ,,, ماكان عندي عشان اسجل دورات



خالد = معك لغة .؟



نزلت راسي وهمست



انا = لا



حط خالد يده على فخذي



خالد = بتتوظف ان شاء الله ,,, خلنا ننزل



عطاني ملفي ونزل ونزلت معه ,,, وكان يسأل مباشرة عن مكان المدير لين وصلنا له



السكرتير = لكم موعد .؟



خالد = طبعا



السكرتير = من اقوله .؟



خالد = خالد



السكرتير = ثواني



وراح السكرتير وسمح لنا بالدخول ,,, وقبل ندخل على المدير ,,, اخذ خالد الملف مني ودخلنا ,,,



جلس خالد وجلست قباله وانا مرتبك ,,, كأننا أب ويسجل ولده ,,, خالد هو اللي يتكلم وانا ساكت ومرتبك



خالد = معك خالد



المدير = اهلا ,,, أي خدمة



خالد = معك خالد من طرف الدكتور وينلي



وينلي اسم ذا والا وش



المدير = انت الاستاذ خالد تركي .؟



استاااااذ ,,, خالد استاذ خله يخلص من الثانوي وبعدين ناده استاذ



رد عليه خالد بابتسامة غريبة ماهي ابتسامته اللي دايم ,,, كنه يسخر من المدير



خالد بابتسامة = نعم انا خالد تركي



المدير = انت اللي تبي الوظيفة .؟



أشر خالد لي



خالد = لا ,,, اخوي خالد هو اللي بيتوظف



هنا التفت لي المدير



المدير = ممكن الملف يأخ خالد .؟



مد خالد الملف له لانه معه ,,, وقعد المدير يتصفحه شوي وبعدها اغلق الملف ,,, والتفت لي



المدير = معك شهادة حاسب .؟



انا مرتبك = لا



المدير = ولا حتى دورات .؟



انا مرتبك = ولا حتى دورات



التفت المدير لخالد



المدير = الوظيفة المناسبة سكيورتي فقط



خالد بغرور = الظروف ماتسمح ياليت تشوف وظيفة ثانية وتكون محترمة



انصدمت كيف يكلم المدير كذا ,,, لا بالله طارت الوظيفة



المدير = بس ياستاذ خالد ,,, هذا أخر مؤهلاته المتوسطة



خالد = طبعا بتكون أخر مؤهلاته المتوسطة لأنه الى الأن ماتخرج من الثانوي



التفت لي المدير وبعدها التفت لخالد وبعدها نزل راسه يفكر وبعد شوي اخذ ورقة يكتب فيها وبعد ماخلص مد الورقة لي



المدير = راح اعينك في الاستقبال في القسم الرجالي



شهقت من الفرحة ,,, نزل خالد يده وأشر لي يعني لا تفضحنا



خالد = ومتى اوقات الدوام .؟



المدير = استقبال اكيد بيكون العمل الفترة الصباحية والمسائية



خييييييييييـبة صباح ومساء ,,, واخواني



خالد = لو سمحت ,,, خالد الى الأن يدرس يعني صعب يداوم في الفترة الصباحية





المدير = هذي مشكلة الاخ خالد ( والتفت لي ) تقدر تترك الدراسة وتداوم عندنا .؟



انا مرتبك = آآآآ ,,, هذي آخر سنه لي



المدير = مشـ



و قاطعه خالد



خالد = كلمك الدكتور وينلي اتلانتس.؟ اذا ماكلمك ابتصل عليه عادي ماعندي مشاكل



التفت المدير له



المدير = طبعا كلمني ,,, بس فترة وحدة ولموظف استقبال ما يصير



خالد = بس انتم وافقتوا على طلبه



المدير = وافقنا بسـ



خالد = اجل بترد بكلامك بعد ماوافقت



المدير = لا ,,, بس هذا عمل في مستشفى انت على بالك انه في مدرسة او كلية عشان فترة وحدة بس ,,, هذا مستشفى ياستاذ خالد



خالد = من اللي كلمك بالضبط الدكتور وينلي او ناصر .؟



المدير = من ناصر .؟



خالد = الدكتور ناصر



المدير = اللي كلمني الدكتور ناصر



مد خالد رجله وطلع الجوال من جيب بنطلونه



خالد = والدكتور ناصر بنفسه ابلغني قبل أمس بانكم موافقين على توظيفه لفترة وحدة وعطيتوه موعد



شسالفة ,,, ماني فاهم شي ,,, سكت شوي المدير وبعدها التفت لي ومد يده لي يبي الورقة اللي عطانياها ,,, افااا لا يكون رجع بكلامه



المدير = الورقة



عطيته الورقة وكتب فيها وبعدها مدها لي مرة ثانية



المدير = موظف استقبال في الفترة المسائية تحت التدريب لمدة اسبوعين ويبدأ دوامك في الاسبوع القادم ,,, تقدرون تروحون الحين لمدير الموظفين لابلاغه



التفتت لخالد فرحااااان ماني مصدق ,,, ابتسم لي خالد وقام



خالد = شكرا ,,, بالاذن



وطلع وطلعت معه و رحنا لمدير الموظفين وبعد ماخلصنا من عنده طلعنا من المستشفى ,,, ناظرت خالد وهو يمشي قدامي رايح لباب السواق وقبل يفتح الباب ناديته



انا = خالد



التفت لي



خالد = هلا



فكيت ازمة ياخالد ,,, فتحت باب رزق لايتام ,,, انقذتني وانقذت اخواني ,,,



مشيت لين وصلته ,,, مادري وشلون اشكره ,,, ماقدرت امنع نفسي اني اضمه بقوة ,,, لصق خالد بسيارته متفاجئ مني ,,, وبعد ماستوعب ضحك ولف ذراعه علي



الحين اقدر اشتري لسالم الشنطة اللي هو يبي ,,, اقدر اشتري لخلود كل اللي تبيه ,,, الحين ماراح يحسون سالم وخلود بالنقص انا بنفسي ماراح احس بالنقص ,,,الحين اقدر اسدد الديون ,,, اقدر استأجر شقة ,,, الحين نقدر نعيش زي الناس



خالد = ترا ابسويها على نفسي من كثر ماتعصرني



تذكرت اني الى الحين ضاغط عليه ,,, ضحكت على كلمته وابعدت عنه



انا قربت اصيح = خـ خالد فكيت ازمة ,,, مـ مشكور ,,, مدري وشــ



لف ذراعه على كتفي وقربني منه



خالد = الحمد الله ,,, وضعك كان صعب ,,, واللي زاد الطين بلة انك مامعك دورات تنفعك ,,, مثل ماقلت لك قبل ياخالد كللللللل شي يمشي بالواسطة ,,, اسألني انا ,,, كل شي ياخالد حتى الشرطة ( تنهد وكمل ) يله اركب ,,, وتراني عازمك بمناسبة الوظيفة



ركبت السيارة وطوال ماكنا نمشي وانا افكر ,,, اسلوب خالد مع المدير غريب ,,, يمكن المدير قريبه ,,, بس وشلون يكون قريبه وخالد هو اللي عرّف بنفسه للمدير ,,,



لحظة لحظة وش الاسم اللي ذكره خالد وش اسمه وش اسمه ,,, اسمه غريب ,,, ويني او ويلي شي زي كذا وش سالفته ووشو هذا ,,, من اسمه اكيد موب سعودي ,,, الغريب في الموضوع انه على طول اول ماذكر خالد الاسم عرف المدير السبب اللي حنا جايين له ,,, طيب هو كان بيخليني سكيورتي ,,, لما قاله خالد الضروف ماتسمح على طول المدير سمع كلامه وخلاني في الاستقبال ,,, وناصر ,,, ذكروا ناصر بعد ,,, من ناصر هذا



التفتت لخالد ,,, او مثل ماناده المدير ,,, الاستاذ خالد

وش سالفتك ياخالد كل يوم اكتشف فيك شي غريب ,,, وصلنا لمقهى كوفي وبعد ماجلسنا



انا = خالد شسالفة .؟



التفت خالد لي مستغرب



خالد مستغرب = وش سالفته .؟



انا = من ويني ,,, هذا اللي اسمه غريب اللي قلت اسمه عند المدير قبل شوي



خالد بابتسامة = هذا اللي توسط لك



انا مستغرب = ماعرفه ,,, اول مرة اسمع فيه ,,, ووش يعرفه فيني عشان يتوسط لي .؟



خالد = انت ماتعرفه وهو مايعرفك ,,, بس انا اعرفكم ثنيناتكم



انا = يعني توسط لي عشانك .؟



هز خالد راسه بايه



انا = وشو هو ,,, من اسمه ماهو سعودي



خالد بابتسامة = هذا واحد دكتور بالرياض اسمه وينلي



انا = ويتوسط لواحد مايعرفه عشانك ,,, شكلك غالي عنده مرة



خالد = ههههههههههههههههههههههههههههههههههههههههههههههه



مات من الضحك ,,, وش فيه ذا



خالد = هههههههههههههههههههههه غالي .؟ هههههههههههههههههههههههههه



انا = ليه تضحك .؟ ,,, ياخي واضحة ,,, ماتوسط لي وهو مايعرفني الا انك غالي عنده ويعزك



سكت خالد وناظرني وهو يبتسم



انا = ليش تطالعني كذا .؟



خالد = وينلي الكلب ماتوسط الا لمصلحة



انصدمت يشتمه وهو المسكين متوسطلي عشانه



انا = وليش كلب .؟



خالد = الكلب اشرف منه



طيرت عيوني فيه وسكتت ,,, وش فيه ذا انقلب ,,, كمل خالد كلامه



خالد = وينلي نصراني ,,, أمريكي ,,, تعرف معنى امريكي .؟ ,,, والا اشرحها لك .؟



ماهو هذا خالد ,,, ابتسامته اختفت واسلوبه في الكلام اختلف ,,, تلفتت يمين و يسار في الكوفي لا يكون مضيع وأظن ان اللي جالس معه خالد



خالد مستغرب = وش تدور .؟



انا = خالد شسالفة .؟



خالد = وش سالفته بعد .؟



انا = ليه تشتمه بهالشكل .؟



خالد = اجل امدحه .؟ اقولك امريكي نصراني ,,, ماهو مسلم



انا = ماقصدت كذا ,,, اقصد انه توسط لواحد مايعرفه بس عشانك تقوم آخر شي تشتمه



خالد = اقولك توسط لمصلحة



انا = ووش المصلحة اللي يبيها دكتور من طالب ثانوي



ابتسم خالد



خالد = المهم حصلنا على اللي نبي ,,, امممم اقول خالد خذها نصيحة مني حاول تسجل في دورات وتحصل على شهادة كمبيوتر ,,, لأني تبي الصراحة مارتحت لهالمدير واخاف يطردك بعد كم شهر مارتحت له الصراحة



تذكرت الحكمة اللي تعلمتها من معرفتي بخالد وابتسمت



انا بابتسامة = احكم في الناس باخلاقهم وافعالهم ولا تحكم من اشكالهم



خالد متضايق = مدري بس مارتحت له



انا = ههههههه تبي الصراحة انا اول ماشفتك مارتحت لك لكن الحين ههههه عزيز وغالي ههههههههههه



سكت خالد يناظرني وبعدها نزل نظره على الطاولة اللي قدامنا يدور عن شي ,,, فجأة اخذ كيس سكر القهوة ورماه علي



خالد = اثرك ماترتاحلي



انا = هههههههههههههههههههههه اقولك هذا من اول الحين عزيز وغالي



خالد = ههههههههههه تسلم



انا = طيب منهو ناصر .؟



خالد = مساعد الكلب ,,, تقدر تقول ذيله



انصدمت ليه يتكلم عنهم بوقاحة بهالشكل



انا = يقربلك .؟



خالد = لا ولا عمري شفته



انا = من وين تعرفه هالدكتور الامريكي .؟ هو طبيبك اللي يعالجك .؟



خالد = لا ,,, هذا واحد اعرفه من زمان ,,, من قبل مايجيني المرض ,,, اصلا تخصصه بعيد عن مرضي



انا = ووش المصلحة اللي يبيها منك .؟



خالد = قرب يذن المغرب ,,, وش رايك نتمشى بالسيارة شوي .؟



يتهرب ,,, دايم يتهرب من اسئلتي ,,, سألته عدة مرات عن ابوه وتهرب مني والحين اسأله عن الامريكي وتهرب ,,, مالي الا عمي ابوعبد الله أسأله وارتاح ,,, اكيد يعرفه ,,,



تمشينا لين اذن المغرب وبعد الصلاة رجعنا ,,, وقف خالد سيارته قدام بيتي ,,, وقبل مانزل مسك خالد يدي ,,, التفتت له مستغرب



خالد = لحظة قبل تنزل



ومد يده وفتح الدرج اللي قدامي وطلع كرتون الجوال النوكيا اللي طلب مني آخذه ,,, ومده لي



خالد = هالمرة اتمنى تقبله



انا = لا يمكن



خالد = بمناسبة الوظيفة ,,, الهدية لا ترد ياخالد



انا = الوظيفة اصلا بسببك ,,, انت اللي سعيت لها عشاني ,,, والوظيفة اكبر هدية بالنسبة لي ,,, مشكور و ماتقصر



وفتحت الباب عشان انزل لكن مسك يدي مرة ثانية



انا = خالد وبعدين معك



خالد = الوظيفة من وينلي الكلب مو مني ,,, الجهاز هذا هو اللي مني ,,, يعني تقبل هدية من نصراني وماتقبل هدية من اخوك المسلم ( وابتسم ابتسامة واسعة )



انا بحزن = انت تشفق علي



خالد = انا ماشفق عليك انا اغليك لأنك صديقي ,,, تذكر بيوم العزيمة يوم تقولي اعتبرني صديقك ,,, هذا انا اعتبرك صديقي بس انت شكلك ماتعتبرني صديقك



طالعته احاول افهم بايش يفكر فيه ,,, وصدره أي قلب يحمل وليه يسوي هذا كله لي وليه انا ,,, ومامنعت نفسي اسأله هالسؤال



مديت يدي وضربت صدره كأني اضرب باب



انا = هالصدر أي قلب داخله .؟



سكت خالد شوي وبعدها رد



خالد = داخله قلب عانى من الوحدة



انا = احمد ربك انت مانت وحيد ,,, وش تقول عني انا ,,, لا أخ اعتمد عليه ولا أب



خالد = بس لك صديق مو صديق واحد بس ,,, اصدقاء ياخالد ابراهيم وصالح وماجد ويمكن غيرهم بعد ,,, انا لا أخ ولا صديق ولا أب ,,, اقبل الجهاز وصر صديقي ولا تحرمني من الصداقة اللي ابحث عنها



انا مستغرب = ولا أب .؟ ,,, وأبوك .؟ ,,, انت بنفسك قلت انه حي



خالد = خالد اتمنى تقبل الجهاز ,,, الا اذا كنت رافض صداقتي هذا شي ثاني



تهرب من السؤال مرة ثانية



مديت يدي واخذت الكرتون



انا بابتسامة = عنيد ,,, وانا قابل صداقتك بدون جهاز ولا غيره



خالد بابتسامه = بكرة الثلاثاء ومضطر اسافر للرياض يكون بينا اتصال



انا = بتغيب الاربعاء بعد .؟



خالد = شسوي مضطر



ونزل ونزلت ,,, دخلت البيت وانا فرحان قعدت ادور خلود اببشرها عن الوظيفة



انا = خلوووووووووووود ,,, خلود ,,, خلووووووود



خلود = هااااااااااااااااااااه



سمعت صوتها وعرفت انها في غرفتها



انا بفرح = خلود خلوود توظفت هههههه اخيرا توظفت



خلود بعدم تصديق = قل والله



انا = ههههههههههههههه ,,, وظيييييييفة والدوام الاسبوع الجاي



خلود بفرح = قل والله



انا = هههههههههههههههه ولا والفترة المسائية بس يعني ينتهي الدوام الساعة 8 في الليل يعني وظيفة من دون ماترككم اخر الليل



خلود بفرح = قل والله



وانا = ههههههههههههههههههه وش فيك معلقة على قل والله



خلود بفرح = ماني مصدقة ,,, ههههههه اخيرا الحمد الله الحمد الله



وسكتت يوم شافت الكرتون بيدي ,,, بدري



خلود مستغربة= وش هذا .؟



واخذته مني وعلى طول عرفته



خلود = وااااااااااااااااااو جوال



وفتحت الكرتون



خلود = واااااااااااااااو وابو كميرا بعد ,,, احسن من جهازك الاول ,,, من وين لك .؟



انا = هدية



خلود مستغربة = قل والله



انا = هههههههههههههههههههه



خلود = ياسلاااام احب اصور ,,, ابصور كل شي ,,, وين شريحتك بنشغله ,,, ابي اصور ,,, حلو يهبل





خلود دايم تضحكني بحركاتها ,,, رحت وجبت شريحتي وشغلناه وطوال الليل وهي تصور الا تصوير نفسها طبعا



اخخخ بس لو اعرف وش يبي الامريكي الدكتور من خالد الطالب

* 9 *

























الثلاثاء



بعد صلاة العصر بفترة وقفت عند باب بيتي عشان معاذ يتفرج على الاطفال اللي يلعبون



= خاااااااالد



بسم الله الرحمن الرحمن تفاجأت باللي يناديني وكان خالد وش يسوي هذا هنا مو يقول أمس انه بيروح للرياض اليوم ,,, كان لابس بنطلون جنز وفنيلة رمادية وجالس على كبوت سيارته وواقف بجنبه ابراهيم وشماغه على كتفه ومتركي على فخذ خالد والغريب ابراهيم يكركر من الضحك وخالد هادي وساكت



وصلت لهم وانا اضحك على ابراهيم



انا = وش فيك تضحك



أشر على يد خالد وهو يضحك



ابراهيم = شف سبحة ولابس جنز فاهم الاصالة غلط ههههههههههه



كان خالد معه سبحة ويلعب فيها ضحكت عليه فعلا شكله مضحك



خالد = من اليوم يضحك علي والمشكلة ناشب بحلقي يبي قصيدة



انا = ابراهيم صادق عطنا قصيدة ههههههههههه



مد خالد يديه لي



خالد = انت اللي عطني معاذ



اخذ معاذ وجلسه في حضنه ولأن خالد ماله حضن بسبب البنطلون صار معاذ جالس على الكبوت بين رجلين خالد



ابراهيم = لا تصرف عطنا قصيدة ايها الشاعر ههههههههه



اخذت شماغ ابراهيم ولبسته خالد



مات ابراهيم من الضحك على شكل خالد بنطلون وشماغ وسبحة



خالد = خويلد ناديتك ابيك تصير عون صرت فرعون



والتفت لمعاذ وعطاه السبحة ونزل الشماغ من راسه ورماه بوجه ابراهيم



خالد = هاه والحين تبون قصيدة .؟



ابراهيم = انت فلة هههههههههه ليتني صورتك



تركيت على فخذ خالد الثاني



انا = أي والله ليتك صورته بيستانس عليه صالح ههههههههههه



خالد بمزح = مركى عندكم انا



انا = ليش ماسافرت للرياض مو تقول بتروح اليوم



خالد = الا بروح بس خالي ماهو موجود ,,, وقاعد احتريه عشان اسلم عليه



ابراهيم = ياخي انت ليه ماتصبر الى الاربعاء تراها كلها الفرق يوم واحد بين الثلاثاء والاربعاء



انا = و ابراهيم صادق



ابراهيم = والا شكلك ماتصبر عن الرياض ههههه



خالد = لا ماقصــ



وقطع كلامه رنين جواله ,,, و لأن بالعادة ماتقدر تاخذ شي من جيب البنطلون الا وانت واقف او تمد رجلك اذا كنت جالس



انسدح خالد بالكامل على الكبوت وطلع الجوال من جيب بنطلونه وجلس ... هنا مات ابراهيم من الضحك عليه



خالد = الوووو ,,, هلا ,,, ( وحط يده على فم ابراهيم يمنعه من الضحك عشان يقدر يسمع ) وعليكم السلام ,,, هلا حياك الله ,,, ايه ان شاء الله بكرة او بعده ,,, لا لا اليوم ماقدر ,,, حياك الله ,,, مع السلامة (وابعد يده عن ابراهيم ) عليك ضحك هههههه مزعج هههههه



انا = ههههههه وهذا غيض من فيض ههههههه ماسمعت ضحكه الحقيقي هههههههه



خالد = صدق .؟ ابراهيم سمعنا نغماتك



ابراهيم بمزح = كم تدفع واسمعك



خالد = ههههههه حتى الضحك صار بفلوس ( القى نظرة على جواله ) تأخرت وخالي ماجا



ابراهيم = سلم علي وانا اوصله لخالك ههههههههههههه



خالد = هههههههههه ومجاني والا بفلوس بعد



انا = اتصل على خالك وشف وينه



نفذ خالد كلامي واتصل



خالد = الووو ,,, السلام عليكم ,,, خال وينــ



وسكت يوم شاف خاله دخل بسيارته للشارع



خالد = ههههههههههههههه طيب مع السلامة



ابراهيم = لو انك داري كان اتصلت عليه من زمان ههههههه



التفتت لبراهيم اللي من اليوم وهو يضحك



انا بابتسامة = مروق اليوم وش عندك .؟



ابراهيم بغرور = انا كل يوم مروق



نزل خالد من الكبوت وعطاني معاذ يوم شاف خاله وقف سيارته



خالد = خذ اخوك



وراح يسلم على خاله ,,, واحتراما لبوعبد الله رحنا انا و ابراهيم نسلم عليه بعد



خالد = توّصي شي ,,, بمشي الحين



وسلم على راس خاله ,,, وسلمنا حنا عليه بعد خالد



انا و ابراهيم = السلام عليك ياعم



ابو عبد الله = هلا هلا والله وعليكم السلام ( والتفت لخالد ) تمشي تروح وين .؟



خالد = للرياض



ابو عبد الله = لا حول ولا قوة إلا بالله ,,, حسبي الله ونعم الوكيل



سكتنا مستغربين منه



خالد منصدم = عسى ماشر ياخال



ابو عبد الله بعصبية = كم مرة اقولك هالطبع خله ,,, بتسافر وتخلي مدرستك ,,, كل اربعاء لازم تغيبه



تكلم ابراهيم يبرر لخالد



ابراهيم = اهله هناك



ابو عبد الله بعصبية = هذا ماهو عذر ,,, اصلا امه بنفسها اتصلت علي تشتكيلي ( والتفت على خالد معصب ) كل شوي ماسك خط رايح للرياض



خالد = هد اعصابك ياخال كلها ساعتين ثلاث ساعات وانا واصل



ابو عبد الله = وبالساعتين هذلي وش يضمنلي ان مايصيبك اللي يصيب راسك دايم ,,, ياولدي انا خايف عليك من هالخطوط ,,, انت تدري وش يصير فيك اذا جاك هالصداع والا ماتدري .؟ ,,, امك تشتكيلي تقول خله يخفف السفر ,,, امك خايفة عليك وانا خايف عليك ( والتفت لنا ) قولوله يمكن يسمع منكم



ماندري وش نقول



انا = يحفظه الله ياعم ويخليه لكم



ابراهيم = اعصابك ياعم ولا تكدر خاطرك وخالد ماعليه خوف ان شاء الله ...



طالع ابو عبد الله خالد الساكت شوي وكنه هدا



ابو عبد الله = اكلك دواك .؟



خالد = آآآ ,,, ايه



ابو عبدالله بتنهيده = الله يوصلك بالسلامة ويحفظك ,,, اتصل علي اول ماتوصل



خالد = إن شاء الله



وسلم على راسه ,,, دخل ابو عبد الله بيته والتفتنا انا وابراهيم لخالد



انا = اعذره خايف عليك



ابراهيم = وتبي الصراحة هو معه حق ,,, بعد ماشفتك اغمى عليك صار ينخاف عليك صراحة



ساكت بس واضح انه متضايق



انا = حاول الاسبوع الجاي ماتروح



ابراهيم = على الاقل مرة وحدة بس عشان خالك



خالد متضايق = واخلي اهلي لحالهم ,,, انتم تقدرون تخلون اهاليكم لحالهم وانتم تعرفون ان ماعندهم احد .؟



انا = ابو عبد الله قبل شوي يقول ان امك هي بنفسها ماتبيك تسافر



خالد متضايق = بس عشان مامسك خط ,,, والا هي دايم تتصل علي باليوم اكثر من 5 مرات والمشكلة اذا سمعت صوتي متغير والا شي يزيد خوفها ,,, بعض الاحيان ,,, ( تنهد وسكت وهو متضايق )



ابراهيم = وبعض الاحيان أيش .؟



مسك خالد جبهته متضايق ورجع شعره ورا



خالد بعصبية = ولا شي ,,, مع السلامة



وركب سيارته ومشى



التفتت لبراهيم



انا = شكله بين نارين الدراسة هنا واهله هناك



ابراهيم مستغرب = امووووووت واعرف وش اللي خلاه يدرس هنا ,,, اذا كانوا متضايقين هالكثر ,,, ترا الرياض اكثر مدارس



هذا اللي يصاحب رفقاء السوء مايعيش مرتاح ,,, لكن طبعا سكتت عن ابراهيم ولا قلت له شي



بعد مرور اسبوع



الاربعاء



انتهى الاسبوع الاول من دوامي في المستشفى ( الاسبوع الأول من التدريب ) غيرت رايي بإني اسأل ابو عبد الله عن وينلي هذا لاني الصراحة خفت خالد يزعل مني لما يدري اني سألت خاله من وراه وهو اللي ساعدني ,,, مع ان الموضوع شاغل بالي ,,, وش الصلة بين خالد وهالامريكي ,,, ووش المصلحة اللي يبيها الامريكي من خالد ,,, ماعندي الا اني احجر لخالد لين يقولي



طوال الاسبوع كنت اخذ سيارة صالح او ابراهيم ومرة اخذت سيارة فايز



واليوم اصر علي خالد انه يوصلني يبينا نتمشى بعد ما أطلع من الدوام لأنه على قولته ماتمشينا من يوم ماداومت



ماجد وصالح وابراهيم اشوفهم بالصباح وحنا في المدرسة اما خالد طوال الاسبوع ماشفته لانه مو من نفس مدرستنا وماعرف شي عن اخباره حتى في الشارع ماشوفه لأني الصباح في المدرسة والظهر اكون نايم والعصر الى الليل في الدوام ,,,, واليوم بالصدفة شفته بالشارع واصر انه يوصلني للدوام وبعد ماخلص من دوامي يمرني ونتمشى



الساعة 9 طلعت من الدوام وشفت سيارة خالد بس مافيها احد ,,, استغربت تلتفتت يمين ويسار ادوره بس ماشفته



تقربت من السيارة وشفته سادح مرتبة السواق وخالد عليها منسدح لابس بنطلون جنز اسود وفنيلة بيضا مخططة وسرحان ,,, انظاره منصبة على سقف السيارة كأنه يفكر ,,, وجواله بيده يلعب فيه بتفكير سارح لدرجة انه مانتبه لي ,,,



فتحت باب الراكب



انا = السلام عليكم



انتبه لي وعدل في المرتبة



خالد = وعليكم السلام



انصدمت من شكله ,,, عيونه حمرا وكأنه باكي وصوته متغير



انا = لايكون تأخرت عليك



خالد = لا ابد



انا = خالد ,,, عسى ماشر فيك شي



رد علي من دون مايلتفت لي



خالد = مـ مافيني شي ,,,, امممم من زمان ما فرفرنا بالشوارع انا واياك حتى صاير ماشوفك



انا = من المدرسة للدوام على طول ,,, الله يستر ,,, انتهى الاسبوع الاول من التدريب ,,, اخاف بعد هالاسبوعين يطردوني ويقولون ماتصلح



خالد = عشان كذا اقولك خذ دورات تنفعك باكثر من وظيفة انا من البداية قلت لك مارتحت لمديرك



انا بتنهيدة = الله يعين ,,, المشكلة المسؤول اللي يدربني عصبي وأي غلطة مني حتى لو تافهه يسجلها علي



ماسمعت رد من خالد والتفتت عليه ,,, لقيته يسوق وتفكيره سارح



انا = خالد وش فيك .؟



التفت لي وبعدها طالع قدام ,,, نظراته حزينة انا متأكد



خالد بهمس = مافيني شي



انا = بس انا حاس انك فيك شي ,,,, قل فضفض



خالد بهمس = ماعندي شي اقوله



انا = خالد ليش تخبي عني اسرارك



خالد = ماعندي اسرار



انا = الا عندك بس ماتبي تقولي



خالد بملل = خالد لا تصير لحوح ,,, قل لك مافيني شي ,,, أأأ ,,, يمكن بس متضايق شوي ,,, ماعليك الحين نتمشى وتروح الضيقة عني ,,, المهم وشلون الدوام معك .؟



وقبل مارد رن جوال خالد ,,, القى نظرة على جواله وسكره في وجه المتصل ,,, ورمى الجوال بغضب بحضنه وهو يتأفف واستقر الجوال بين رجلين خالد في المرتبة ,,, استغربت تصرفه



انا = الحمد الله دوامي ماشي اصلا الى الحين مابان شي



ونفس الشي مالقيت رد من خالد والتفتت عليه ولقيته نفس الشي سرحان ,,, وشوله يسألني اجل اذا كان ماهو معطيني بال



طالعت قدام وسكتت عنه



تمشينا بالسيارة وحنا ساكتين وكل شوي التفت على خالد والقاه نفس الشي سرحان ,,, ليش طلب نتمشى اجل



وطوال ماحنا نتمشى يرن جوال خالد ويسكر الجوال في وجه المتصل



انا = من هذا اللي يتصل .؟ وليش ماترد عليه .؟



خالد = رقم غريب



انا بعدم تصديق = رد عليه يمكن يبيك ضروري



خالد بعصبية = بس انا مابيه



استغربت ليش يصارخ علي



انا مستغرب = اعصابك طيب



تنهد خالد وسكت



انا = خلنا نرجع اذا كنت تعبان



رجع شعره لورا بضيقة



خالد بهمس = اوكي



واخذ طريق الرجوع ,,,



لحظة لحظة تذكرت اليوم الاربعاء ,,, التفتت على خالد



انا = خالد ليه مارحت للرياض ,,, اليوم الاربعاء



قطب حاجبيه ورد بعصبية



خالد بعصبية = موب رايح ,,, عندك مانع



انصدمت وش فيه ذا ,,, ولأنه عصب علي عصبت عليه



انا بعصبية = لا ماعندي مانع ,,, رجعني البيت احسن من مقابل وجهك



زفر بضيق وسكت ,,, رجع رن جواله مرة ثانية ,,, ازعجني هالجوال وعصبت اكثر ,,, تجرأت هالمرة ومديت يدي وأخذت الجوال من بين رجلينه



انا بعصبية = هات اشوف ,,, انا برد



والقيت نظرة على المتصل ,,, لكن خالد سحبه مني على طول



خالد بعصبية = لا تتدخل في شي مايعنيك



سكتت منصدم ( الغالي يتصل بك ) ,,, خاله ابو عبد الله ,,, ليه مايرد عليه ,,, ليه يسكر الجوال في وجه خاله ,,, ماتوقعت انه عاق بخاله لهالدرجة



انا منصدم = الغالي هو ابو عبد الله .؟



خالد بهمس وهو مازال معصب = مالك دخل



انا مستغرب = ليه ماترد عليه ,,, حرام عليك



سكت ومارد علي ,,, بالتالي سكتت عنه



لحظة تذكرت العم ابو عبد الله من يوم الاثنين وهو مسافر والى الحين مارجع



التفتت لخالد مرة ثانية



انا = ابو عبد الله مارجع من السفر .؟



خالد بهمس = لا



انا = هو وين سافر .؟



خالد بتنهيدة = للرياض



انا = وليه ماترد عليه .؟ مهما كان هذا خالك ويخاف عليك



مارد علي



انا = عشان كذا مارحت لاهلك لأن خالك راح لهم .؟



مازال ساكت ,,, استغربت وش فيه



وصلنا شارعنا ونزل كل واحد لبيته



وش فيه خالد اليوم عصبي ,,, و ابو عبد الله هالمسكين يتصل عليه ومطنشه ,,, بتسببلي جنون ياخالد ,,,



استغفر الله العظيم بس ,,, اروح انام احسن لي ,,, بكرة خميس لا مدرسة ولا دوام ,,, فكة



الخميس



الساعة 8 الصبح



قومني من النوم رنين جوالي ,,, القيت نظرة عليه ( صالح يتصل بك ) اففففف وش يبي ذا ,,, ماني راد خله يولّي



ورجعت انام ,,, لكن رجع الجوال يرن مرة ثانية وصالح يتصل بك



اعوذ بالله من هالنشبة



جلست ورديت عليه



انا بعصبية = وش تبي



صالح = خالد يرحم امك تعال شف هالمريض يمكن يسمع منك



انا مستغرب = هااه ,,, أي مريض .؟



صالح = خويلد



انا = وش فيه .؟



صالح = يتلوى من راسه طلبت مني عمتي اوديه المستشفى بس هالمريض عيا



انا = وابو عبد الله باقي ماجا من الرياض .؟



صالح = ابو عبد الله مايجي الا بكرة ,,, تعال شفه يمكن يسمع منك



انا = طيب يله جاي



سكرت عنه ولبست ثوبي وطلعت



ولقيت صالح يحتريني عند باب ابو عبد الله



انا = وينه .؟



صالح = تعال



رحنا للملحق ودخلت غرفته ,,, لقيت خالد منسدح على سريره وعليه بنطلون بدون فنيلة واللحاف طايح بالارض و مفرش السرير محيوس ,,,



انتبه خالد لي وهو مازال ماسك راسه



خالد بضعف ومستغرب من دخولي عليه بهالوقت = خالد !



رحت له وحطيت يدي على راسه



انا = قم اوصلك المستشفى



خالد مازال مستغرب مني = وش جابك على هالصبح .؟



انا = صالح علمني انك تعبان قم اوصلك المستشفى



التفت خالد لصالح اللي واقف بجنبي



خالد بهمس = ليه علمته .؟



صالح = عشان يفكنا منك قم اذلف للمستشفى ,,, والله لولا عمتي كان خليتك تموت بمكانك



انا = خالد قم خلني اوصلك



التفت خالد لي



خالد بألم واضح = مايحتاج بيخف الصداع الحين



تأفف صالح وقعد على السرير عند رجلين خالد



صالح = اففففف هذي كلمته من الفجر مايحتاج مايحتاج ( والتفت على خالد ) ترا ابتصل ببوك يجي ياخذك ويخلصنا منك يالمريض



ناظر خالد صالح وحسيته عصب عليه



خالد = اتصل وشف وش يجيك



صالح بعصبية = تتحدى اجل ( وطلع جواله ) انا اوريك



بغفلة من صالح رفع خالد رجليه كلهن ودفع صالح بقوة ,,, وطاح صالح بالارض بشكل عنيف



استغربت منه هالقوة رغم تعبه وتألمه ,,, كل هذي عصبية .؟



قام صالح من الارض وهو ماسك يده اللي عورته بسبب الطيحة اخذ شوي يستوعب الاهانة



اووووه بتبدا الهوشة الحين



انا = صـ صالح ماكان يقصد



وفي اقل من الثانية هجم على خالد المنسدح وركب فوقه على السرير ويضغط بركبته على صدر خالد وبدا يعطيه من هالكفوف



حاولت امسك يدين صالح



انا = لا لا صالح ,,, اتركه خالد تعبان انزل



دفعني صالح بعصبية



صالح = اذلف ان ماربيته هالمغرور



وعطى خالد كف قوي وفجأة تصنم صالح منصدم ونظره على خالد



صالح بخوف = خـ خالد ( التفت لي ) وش فيه .؟



ناظرت خالد لقيته ساكن بس انفاسه سريعة ويديه متمدده على السرير كنه مستسلم لكفوف صالح ومن ملامح وجهه كنه يتألم من شي



مسكت يده بخوف



انا = خالد قم اوديك



وانتبهت ان صالح الى الحين فوقه عصبت ودفعت صالح بقوة وطاح مرة ثانية بالارض



انا بعصبية = كله منك



والتفتت لخالد لا يكون اغمى عليه ,,, وحاولت اجلسه



انا بخوف = خالد تسمعني قم



خالد بألم = اتركني ,,, اتركوني اطلعوا مابي احد



الحمد الله المهم ماغمى عليه ,,, جلسته غصب عنه



انا بترجي = خالد لمصلحتك قم اوديك المستشفى



دفعني خالد ورجع ينسدح



خالد وانفاسه سريعة = قلتلك مايحتاج ,,, رح لبيتك ,,, رح مابي احد ,,, رح وخذ هالثور معك مابي احد اطلعوا ( ومسك راسه )



سمعت صوت حرمة تنادي صالح ,,, عرفت انها عمته ,,, راح صالح وانا مازلت واقف عند سرير خالد



انا = اكلت علاجك .؟



خالد = لا مابي اكل شي اطلع



تلفتت ادور مكان علاجه ولقيت على الطاولة اشرطة حبوب كثيرة ,,, رحت للطاولة واحترت مدري أي من هالحبوب المسكن



انا = تحتاج لمسكن ,,, اخاف يغمى عليك



ماجاني رد منه والتفتت عليه ,,, لقيته على وضعه لكن هالمرة سرحان وانظاره منصبة على السقف ,,, اخذت مجموعة من اشرطة الحبوب ورحت له



انا = ايهـ



وقاطعني دخول عمة صالح لابسة عباتها ومتغطية وواقفة عند الباب ,,, استحيت منها مدري وين اروح والمشكلة واقفة عند الباب ماقدر اطلع ,,, بالتالي رحت بالجهة الثانية من السرير



ام عبد الله = خالد خل صالح يوديك



جلس خالد



خالد = مافيني شي



صالح = ياعمة ماعليك منه هذا بس مدلع ,,, مقومتني من الصبح وهو معند حتى خالد ماسمع منه ,,, خليه بس يذلف



ماعطته وجه



ام عبد الله = رح للمستشفى ,,, قم خلهم يودونك



خالد = مايحتاج ,,, احس احسن الحين



حاولت ام عبد الله فيه ويوم عجزت عنه طلعت ,,, ومازال صالح واقف عندنا



قلت عشان اصرفه



انا = صالح ممكن كوب ماء



راح ,,, والتفتت لخالد



انا = ايهم المسكن .؟



انسدح خالد والتفت لي



خالد = مابي مسكن ,,, بيخف من كيفه ,,, بعض الاحيان يجيني صداع ويروح بدون مسكنات



انا = بس الافضل تاخذ مهدي يريحك



خالد = تبيني آكله على جوع ,,, امس ماتعشيت ولا اكلت شي



انا مستغرب = ليه .؟



خالد = ماني مشتهي ,,, خلاص خالد خلني ,,, اطلع ابي اصير لحالي



انا = مثل ماتبي ,,, ترا ابمرك في الليل



هز راسه وانقلب على جنبه الثاني معطيني ظهره ينهي الكلام



طلعت وصادفت صالح ومعه الكوب



صرفته واشوى هو بنفسه يبي يروح ينام

* 10 *













بعد صلاة العشاء



وحنا نتعشى



خلود = خالد اليوم فيه واحد اتصل يقول ان مستأجرين الشقة طلعوا والحين هي جاهزة



تفاجأت ما مر شهر ونص على كلامهم



انا = متى اتصلوا .؟



خلود = اليوم العصر



انا = وتوك تعلميني



خلود = نسيت ,,, يعني خلاص بنطلع من بيتنا



انا = شنسوي غصب



خلود = وكيف بننقل الاثاث .؟



انا = الشقة مفروشة ,,, اممم انا ابمرها واشوفها اول ,,, واثاثنا اللي مانحتاجه اببيعه ,,, بس انتي جهزي اللي بناخذه من الحين



ماردت علي و كنها تفكر



انا = وش فيك .؟



خلود = لازم اعلم امي اننا بننقل



انا = ماتصلت .؟



خلود = لا ,,, أخر مرة اتصلت من اسبوعين



انا = هي تعرف رقم جوالي ,,, اذا اتصلت علي علمتها ,,, بس قولي عاد زوجها يخليها تتصل



خلود = حسبي الله عليه



أي والله حسبي الله عليه ,,, مايكفي حارمنا منها بعد بيحرمنا من صوتها ,,, آآآآه ماباليد حيلة



المهم كملت عشاي و طلعت من البيت ,,, خلني اروح اتطمن على خالد واشوف وش اخباره ,,, من الصبح ماشفته لا هو ولا صالح



رحت لبيت ابو عبد الله وضربت الباب وطلع لي صالح



صالح = هلا خالد



انا = هلا فيك ,,, جيت اشوف خالد ,,, وشلونه الحين .؟



صالح = الحين انا اللي فاتح لك وتسأل عن خويلد



انا = هههههههه هذا انت قدامي مافيك بلى ,,, وبعدين خالد كان تعبان الصبح وجيت اتطمن بس ,,, لا تصير غيووور



صالح = التعبان اللي تقول عليه شف وش سوا فيني



وأشر على جبهته ,,, كان فيه خدش بسيط وشكله توه طازا ,,, وبعدين يعني شكلهم توهم متهاوشين



انا بملل = وشو بعد .؟



صالح = المغرب سألته سؤال عادي وعصب ,,, انا ابي افهم انت وش تبي فيه هالمغرور



انا = والله مدري من اللي معطي الثاني كف اليوم ,,, لا تنسى انك مصبحه على كفوف ,,, صالح خف عنه شوي يكفي المرض اللي فيه



صالح = المهم انت وش تبي الحين



انا = نادلي خالد او دخلني عليه



صالح = ماني فاضيلك ابطلع عندي مشوار



انا = ياخي الملحق هذا هو بالحوش ناده لي شوي ماراح يكلفك



صالح = وش تبي فيه .؟



انا بعصبية = رح لمشوارك ,,, آسفين عطلناك ( وطلعت جوالي ) انا ابتصل عليه يطلع



= ماله داعي تتصل



رفعت راسي لمصدر الصوت وكان خالد جاي لنا ووقف بجنب صالح ,,, لا حظت كدمة زرقا بجنب الحاجب الايمن ,,, هذا فيه خدش وهذا فيه كدمة وبعدين مع هالاثنين



خالد = ماله داعي تتعب نفسك مع واحد مايفهم



صالح = لو ماني مستعجل كان رديت عليك



وراح صالح باتجاه سيارته ,,, التفتت على خالد لقيته يناظر صالح وهو يمشي ,,, التفت لي وابتسم



خالد = وش رايك حنا نطلع بعد



انا = نطلع وين .؟



خالد = مدري أي مكان



انا = يله ,,, بس قلّي اول راسك وشلونه الحين .؟



قال بلهجة مصرية



خالد بابتسامة = عمر الشئي بئي



ركبنا سيارته وطلعنا من شارعنا ,,, صح قبل انسى ,,, التفتت لخالد



انا = فيه واحد اتصل على الاهل يقول الشقة اللي استاجرناها صارت جاهزة



قطب خالد حواجبه



خالد = مو يقولون بعد شهر ونص .؟



انا = هذا اللي مستغرب منه ,,, بس يمكن المستأجرين طلعوا منها بدري ,,, خلنا نمرهم الحين قبل يسكر المكتب



خالد = معك ورقة العقد وسند المقدم .؟



انا = اوووه لا مو معي ,,, بالبيت



رجع خالد لشارعنا ووقف عند بيتي ,,, نزلت بسرعة وجبت الاوراق وطلعت ,,, لقيت سالم واقف عند خالد ,,, ركبت بسرعة



انا = سالم رح العب مع ربعك وياويلك اذا تعدت الساعة 10 وانت برا



سالم = وانت بعد لا تتعدى الساعة 10



خالد = ههههههههههههههههههههههههههه



انا بعصبية = انا عندي شغل ( والتفتت على خالد وضربته ) وانت لا تضحك ,,, امش لا نتأخر



خالد بابتسامة = مع السلامة سلومي



وصلنا المكتب ونزلنا وبعد ماخلصنا من عنده راح معنا هندي يورينا الشقة ونستلم مفتاحها



كانت شقة حلوة بس صغيرة شوي واثاثها حلو بعد ,,, تفرجنا فيها انا وخالد على غرفة غرفة ومعنا الهندي



صالة وغرفة مخصصة للمجلس والمطبخ باثاثه كامل وحمام واحد وغرفة فيها ثلاث أسرة وفيها دولاب واحد وغرفة ثانية فيها سرير مزدوج ودولاب كبير وتسريحة ,,, تأملت السرير المزدوج آآآآه المفروض تكون الغرفة هذي لبوي وامي ,,, بس هم وينهم ,,, آآآه ليتهم هنا ,,, انا تألمت يوم شفت السرير اجل خلود وش بتسوي



انتبهت بذراع يلف اكتافي ,,, التفتت لخالد بحزن



خالد = تعال خذ المفتاح من هالهندي وخله يروح ,,, حنا دفعنا المقدم ونقدر نقعد بالشقة براحتنا ( وابتسم )



هزيت راسي والتفتت على الهندي اللي من اليوم وهو ورانا



انا = عطني المفتاح



الهندي = انا مافيه يشوف حرمة انته ,,, هذا عمارة عوايل مافيه يجي شباب



انا = حرمة بجيبها بعدين بكرة او بعده ,,, انت عطني المفتاح الحين ولا يكثر



عطاني المفتاح وراح



رحنا للصالة وشغلنا التلفزيون ,,, نزلت شماغي وتمددت على الكنب براحة



خالد بعد ماجلس = منزلاً مبارك ,,, ماشاء الله شقة حلوة



انا = الله يبارك فيك ,,, الصراحة لولا الله ثم عمي ابو عبد الله كان ضعت



خالد = الحمد الله



التفتت على خالد



انا = صح خالد ,,, ابو عبد الله من يوم الاثنين اللي فات وهو بالرياض ,,, اول مرة يطول في السفر ,,, عسى خير .؟



سكت شوي وبعدها مدد رجليه على الطاولة اللي قدامه وهمس



خالد بهمس = عنده شغل ,,, متى بتنتقلون للشقة .؟



حسيته يصرفني عن موضوع ابو عبد الله وسفره المفاجئ ,,, اخذت الريموت وجاوبته



انا = مدري الصراحة ,,, ماحنا مستعجلين اول شي ابشوف اثاث بيتنا اللي نحتاج واللي مانحتاج



ماسمعت منه رد والتفتت عليه لقيته سرحان ,,, لا حول ولا قوة الا بالله وش فيه ذا من امس ماهو على بعضه



سكتت عنه ورحت اقلب في القنوات ,,, خذنا ربع ساعة وكل واحد على وضعه ,,, اففف مليت ,,, جلست معصب



انا = ياخي انت ممل ,,, لنا ربع ساعة ساكتين



التفت لي بكسل ومارد



انا = وش فيك خالد وش اللي شاغل بالك



خالد بتنهيدة = امور كثيرة ( واعتدل في جلسته ) خالد وش رايك نعتمر



سكت من المفاجأة



خالد = اربعاء وخميس وحنا راجعين ماراح نطول



انا = ماقدر اترك اخواني



نزل راسه



خالد = صح نسيت



انا = هذا غير شغلي ,,, لا تنسى اني تحت التدريب ,,, ومديري عصبي أي غلطة يسجلها علي



رفع راسه وابتسم



خالد = من هالناحية اطمئن ماراح احد يطردك الحين لكن مثل ماقلت لك مارتحت للمدير واخاف يسبب مشاكل بيني وبين وينلي ويطردك بعد كم شهر



انصدمت مشاكل بينه وبين وينلي وش دخله بشغلي



انا منصدم = مشاكل !



خالد = خالد من الحين لازم تاخذ دورات



انا = تكلم وكأنك واثق ان ماحد يطردني ,,, واي مشاكل تقصد ,,, خالد ماني فاهم شي



قمت وجلست عنده يانا ياهو هالليلة يجاوبني غصب عنه وابن امه يتهرب



خالد = انا واثق انك بتشتغل كم شهر عندهم بس ماني واثق انك بتستمر



انا بسخرية وبنفاذ صبر = وليش واثق ان شاء الله لا يكون مستشفى ابوك



خالد = ماهو مستشفى ابوي ( وابتسم ابتسامة جانبية ) بس اذا تضررت انت بيتضرر وينلي



فتحت فمي مندهش



مسكت راسي ,,, آآآه بديت اصدع



انا = جننتي باسرارك



قال يتصنع البراءة



خالد ببراءة = أسراري .؟ ماعندي اسـ



قاطعته معصب وفاير دمي منه



انا بصراخ = للمرة الثانية اسألك وش المصلحة اللي يبيها وينلي منك .؟ ولا تلف وتدور تجاوبني الحين الحين تفهم



خالد = طيب اعصابك



انا بعصبية = جااااااااااوب



خالد = ابقولك بس خله سر بيني وبينك

* 11 *





























خالد = ابقولك بس خله سر بيني وبينك



انا = سرك ببير



نزل راسه كنه يفكر



قربت ملاصق له



انا = ليش ساكت ,,, قل اسمعك



خالد = مدري من وين ابدا



سكتت عنه ياخذ راحته بعدها رفع راسه يطالعني



خالد = قبل ثلاث سنين او اكثر ,,, جا وينلي للسعودية للعمل في مستشفى حكومي في الرياض ,,, وينلي ناجح في عمله كل عملياته اللي اجراها ناجحة والادوية اللي يصرفها للمرضى ماهي مهدئات وبس ,, لا ,, يصرف ادوية في محلها ومواعيده مضبوطة تقدر تقول شاطر في شغله ,,, آآآآآ ,,, وواحد حقير نصراني مثل وينلي اكيد مايهمه الا الاقتصاد والمال وكيف يجمع فلوسه ,,, قرر انه يفتح عيادة تحت ادارته ,,, طبعا القوانين هنا في السعودية ماتسمح للاجانب يمتلكون شقة كيف عاد بعيادة ,,, اتفق وينلي مع واحد تاجر سعودي يفتحون العيادة باسم السعودي مع تكاليف الاجهزة والادوية وتكون الادارة على وينلي والارباح بينهم ( تنهد وكمل ) تدري منهو السعودي اللي العيادة باسمه .؟



انا = من .؟



خالد = ابوي



انا منصدم = ابوك عنده عيادة .؟



خالد = لا



انا بعصبية = تلعب علي انت .؟



خالد = ماخلصت كلامي



انا = آآآآ ,,, كمل ,,, خذ راحتك



خالد = ابوي عنده عقلية تجارية ,,, شرا بيت كبير نوعا ما بوسط سكن مليان اجانب في الرياض وحول البيت الى عيادة ,,, لأن الاجانب هم اللي يحتاجون للعيادات الاهلية اكثر من السعوديين ,,, مثل ماتعرف السعوديين يتوجهون اول للحكومية واذا مانفع معهم توجهوا للاهلية ,,, صح والا لا .؟



هزيت راسي باية



خالد = ترك وينلي المستشفى الحكومي واشتغل في ادارة العيادة ,,, مر سنتين والعيادة كل مالها وتنجح وتنشهر واجرت عدة عمليات ناجحة واربحاها تزيد ,,, لكن طلعت مشكلة ,,, العيادة تحتاج متابعة من صاحب العيادة نفسه اللي هو ابوي ,,, مراجعات لوزراة الصحة واستقدام ممرضين واطباء وصرف الرواتب وشراء اجهزة جديدة وادوية ,,, خاصة ان كل الارباح تنزل بحساب ابوي ,,, والمشكلة سفريات ابوي كثيرة ,,, عطّل امور كثيرة في عمل العيادة ,,, عدة مرات تأخرت مراجعات للدوائر الحكومية والسبب سفر ابوي ,,, وعدة مرات تأخر صرف الرواتب والسبب سفر ابوي ,,, وعدة مرات تأخر تسديد الفواتير والسبب سفر ابوي ,,, وينلي ماتحمل الوضع ,,, وبنفس الوقت مايبي يخسر العيادة اللي ادارتها تحت تصرفه ومافيه احد يحاسبه عليها بسبب انشغال ابوي ,,, خاصة ان مكانها مناسب وراتبه اللي يحصل عليه اضعاف اضعاف الراتب اللي كان ياخذه من المستشفى الحكومي ,,, يعني عنده عدة اسباب يخليه يتمسك بالعيادة ,,, وقبل ثمان شهور اتفق مع ابوي على اتفاق يرضي ثنيناتهم ,,, تدري وش الاتفاق .؟



انا = وش .؟



خالد = تنتقل العيادة باسمي



شهقت متفاجئ



انا = العيادة الحين باسمك .؟



هز خالد راسه باية



انا بفرح = يعني لك .؟



هز راسه باية



انا = ماشاء الله مبروك مع انها جت متأخرة هههههههههههههه



سكت ومارد علي ,,, استغربت ليه اشوف الهم بعيونه



انا مستغرب = اشوفك مانت فرحان



خالد بهمس = ماخلصت كلامي



انا = اوووه أسف كمل خذ راحتك



خالد = انتقلت العيادة بالكامل تحت اسمي ,,, بالكامل ياخالد ,,, والحساب اللي تنزل الارباح فيه انتقل لحسابي ,,, الموظفين الاجانب انتقلوا تحت كفالتي بدل ماكانوا تحت كفالة ابوي من بينهم وينلي ,,, العيادة مليانة بالموظفين الاجانب ومشاكلهم كثيرة ,,, كل هذا عشان يصير لي الاحقية في مراجعة الدوائر الحكومية بالكامل لكن الى الحين ادارة العيادة تحت تصرف وينلي اما انا علي اللي يخص العيادة من برا ,, شراء ادوية والاجهزة الحديثة وصرف الرواتب ومراجعة الوزارة



انا = طيب اشوف كل شي من صالحك ليش مانت فرحان



خالد = آآآآه ياخالد من وين افرح وانا اتعامل مع واحد خبيث مثل وينلي ,,, اللي لازم تفكر مليون مرة قبل تشوفه وتتكلم معه ,,, وينلي كان يسرح ويمرح على كيفه بالعيادة بسبب انشغال ابوي عنه و لما انتقل كل شي باسمي قبل ثمان شهور يعني قبل توبتي وقبل مانتقل هنا ,,, كنت بايعها همي اسهر وافرفش مع اصحابي,,, ساعتها مانتبهت للمخالفات الموجودة بالعيادة ,,, ولما عرفت الطريق الصحيح قبل اربع شهور وانتبهت للمخالفات الموجودة بالعيادة بعضها مخالفات شرعية وبعضها مخالفات قانونية والمشكلة واللي ماني قادر اطلع منها المخالفات القديمة اللي كان يسويها وينلي قبل تنتقل العيادة لي



انا = وش المخالفات اللي سواها.؟



خالد = وينلي كان على باله اني ابصير مثل ابوي انشغل واتركه ,,, انتبهت انه العيادة مختلطة ويمنع دخول المحرم مع المريضة ,,, هذا غير لبس الممرضات ,,, تصدق المسلمة منهن يمنعهن من لبس الحجاب هذي بعض المخالفات الشرعية ,,, يوم طلبت منه يغير من الادارة و يفتح قسمين للرجال والنساء عيا وقال لا تتدخل في الادارة ,,, قلت له ابطردك واسفرك لبلدك ,,, هددني بالمخالفات القانونية اللي كان غافل عنها ابوي والى الحين موجودة ,,, يعني الضرر بيصير علي انا لان كل شي صار باسمي



انا = وشو المخالفات القديمة .؟



خالد = كثيرة ,,, منها جايب امريكي وفرنسي مخلصة اقامتهم ومشغلهم كأطباء تحت اسم العيادة ,,, هذولي اكتشفتهم بالصدفة لما جيت ابسلمه الرواتب ,,, تهاوشت معه هددني قال راح ارسل واحد يبلغ عنهم وطبعا اللي بيتضرر انا لانهم يشتغلون بعيادتي وماحد بيصدقني الكل بيقول اني انا اللي جايب مخالفين انظمة الاقامة ومشغلهم عندي وهو يطلع منها مثل الشعرة من العجين لان كل شي باسمي ,,, ابوي كان غافل ومخليه يسرح ويمرح



التفت لي وطالعني بعيون حايرة



خالد = بأي يوم يمكن انسجن وانا مظلوم ,,, قلّي وشلون اتخلص منه .؟ كل ماحاولت اتدخل في الادارة هددني ,,, حاولت اطرد الفرنسي والامريكي يهددني بمخالفات ثانية عيا يعلمني عنها



انا = يمكن مافيه مخالفات ثانية ,,, يمكن يخوفك بس



خالد = وش يضمنلي انه يخوفني بس ,,, يمكن صحيح فيه مخالفات



انا = انت مرة قلت مساعده واحد سعودي اسمه ناصر قله ينصحه يمكن يسمع منه



قام خالد معصب



خالد بعصبية = انا لو اشوف ناصر هذا كان ذبحته



والتفت لي ووجه احمر من العصبية



خالد = ناصر يشتغل بمستشفى ثاني بس واقف مع وينلي ,,, اخ بس لو اشوفه ,,, انا مادري وش سويت لناصر حتى يوقف ضدي ,,, انا حتى ماعمري شفته ,,, قلي انا وش سويت ,,, ليش الناس يكرهوني كذا لييييييش ,,, وينلي و ناصر وصالح و بدر



قمت متأثر وضميته اهديه ,,, ضمني خالد بقوة كأنه مايبني اتركه وانصدمت لما سمعته يبكي



خالد بصوت باكي = خالد ابي ارتاح ,,, ابي انام وانا مرتاح ,,, ابي انام بدون مايهددني وينلي ابي انام بدون ماتهاوش مع صالح ابي انام بدون مايحرقني بدر ابي انام ابي انااااام



واستمر في البكاء وهو يضمني اكثر كأنه ينشد الراحة بضمتي ,,, آآآآه ياخالد حياتك كلها مخاطر بين بدر اللي يدورك وبين وينلي اللي مايخاف الله وبين صالح اللي الغيرة معميته ,,, صالح اقدر اخلصك منه بس وينلي وبدر وشلون اخلصك منهم ,,, مابيدي حيلة



ابعد خالد عني وكنه هدا ,,, وحسيته منحرج



خالد = كله من الحاحك خليتني اصيح كني بنت



ورفع فنيلتي يمسح وجهه عن اثار الدموع ,,, حطيت يدي على كتفه



انا = اذا كان شغلي بيزيد المشاكل بينك وبينه مستعد اترك الوظيفة



خالد = لا ياخالد لا تترك وظيفتك ولا شي ( وابتسم ابتسامة باهتة) تراه مثل مايهددني انا اهدده ههههه كل واحد ماسك الثاني باليد اللي تعوره ( وحط يده على راسه ) اخخخ راسي يعورني



انا مستغرب = كيف ,,, آآآ ,,, ادري انك تعبان بس ابي اعرف وشلون انت تهدده وهو يهددك



خالد = انا اقدر اعطل شغل العيادة ووينلي متمسك فيها مرة وخسارة العيادة تعني خسارته ,,, لما جا تسديد الفواتير هددت وينلي باني ماراح اسدد الفواتير وبينقطع الكهرب اذا ماعزل النساء عن الرجال ونفذ اوامري ,,, ولما جا مراجعة لاحدى الوزارات هددت وينلي باني ماراح اسعى في المراجعة الا اذا نفذلي آمر وهكذا آخذ اللي ابيه منه بهالطريقة إلا طرد الاطباء المخالفين عيا يطردهم ,,, اذا هددته هددني يقول انا اقدر ارسل احد يبلغ عنك وتنسجن ,,, صح انه بيخسر بس ماراح ينسجن معي بيسافر لبلده ويرجع يشتغل موظف عادي بأي مستشفى ,,, بس ماراح يضيع مستقبله مثلي ياخالد



طالعته متأثر ماعندي كلام اقوله له ,,, يالله ورطة ,,, طالعني يحتريني اتكلم يوم طولت وانا ساكت ,,, طلع جواله والقى نظرة عليه



خالد = الساعة 12 الحين ,,, وبكرة جمعة ,,, خلنا نرجع



هزيت راسي وطلعنا من الشقة



وكل واحد رجع بيته ,,,



حاولت انام لكن التفكير بخالد طير النوم عني ,,, يالله ياخالد يارب احفظه وابعد عنه عيال الحرام ,,, وينلي _ ناصر _ صالح _ بدر ,,, صالح ان شاء الله ماهو مشكلة اقدر افك خالد من شره صح انه عنيد لكن ان شاء الله يعقل ,,, بس الثلاثة الباقين وشلون .؟



كل واحد خطره على خالد غير شكل ,,, ليه مايتركونه بحاله ,,, مايكفي انه وحيد امه ,,, مايكفي المرض اللي يعاني منه ,,, مايكفي ان ابو عبد الله متعلق فيه

ليه مايـ



صح ابو عبد الله ,,, ابو عبد الله ليه بالرياض الى الحين معقول عشان مشكلة خالد ,,, بس خالد بنفسه قالي خله سر بيني وبينك يعني هذا سر حتى عن خاله



الله يستر لايكون فيه شي ثاني مخبيه عني غير عن وينلي وناصر وبدر



آآآآه يارب احفظ خالد من شرهم يارب

* 12 *























الجمعة



اثناء صلاة المغرب



كان ابراهيم هالمرة هو اللي يصلي فينا بعد ماقدمه فايز بسبب صوته المبحوح ,,, والحين يالله يالله امسك نفسي عن الضحك في الصلاة ,,, ابراهيم مرتبك لأنه اول مرة يصلي فينا ,,, وكل شوي يغلط في الآيات مع انها من الصور القصار وابراهيم حافظ للقرآن حتى الفاتحة غلط فيها من شدة ارتباكه ,,, واسمع فايز بجنبي كل شوي يعدل لابراهيم بصوته المبحوح ,,,



والحمد الله خلصت الصلاة على خير ,,, الله يتقبل بس مدري وشلون كانت صلاتي طوال الصلاة اجاهد نفسي عن الضحك والسبب ابراهيموووه وارتباكه



وجه ابراهيم وجهه للمصلين وانظاره على فايز خايف منه ههههههه



التفتت على فايز لقيته يحرك يده لابراهيم يعني ياويلك مني والمشكلة ابراهيم مايقدر يطلع من المسجد قبل الناس لأنه يعتبر الحين هو الامام ,,, انا بالعادة اذا خلصت الصلاة على طول اطلع لكن هالمرة نذالة ابشوف فايز وهو يهاوش اخوه هههههه



خف المسجد من المصلين وصار مافيه الا كم شايب ,,, جا ابو فايز عند ابراهيم



ابو فايز = ماتعرف تصلي والا مانت حافظ شي



قام ابراهيم متفشل من ابوه



ابراهيم = آآآآآ ,,, إلا بس مادري وش فيني نسيت



ابو فايز = العشا تصليبنا ,,, وراجع القرآن اذا كنت مانت حافظ ( والتفت على فايز ) سمعله والا دور واحد حافظ يصليبنا



وطلع ابو فايز معصب على ولده ,,, ضحك فايز



فايز = ههههههه خلاص اخذت علقة من ابوي هههههه ,,, ابراهيم عادي يارجال انا اول ماصليت بالناس جبت العيد ههههههههههه كنت زيك واردى بعد ههههههههههه



وراح ,,, طلعنا انا و ابراهيم من المسجد ,,, واول مادخلنا شارعنا ومرينا بجنب سيارة ابراهيم الواقفة ,,, شهق ابراهيم كنه تذكر شي



ابراهيم = صح ,,, خالد الحق ,,, مفتاح سيارتي داخلها وهي مقفلة



انا = وشلون نسيت المفتاح داخلها .؟



ابراهيم = قبل صلاة المغرب كنت بسيارتي جاني فايز وقالّي اني انا اللي اباصلي فيكم ,,, ارتبشت وقفلت السيارة والمفتاح فيها



انا = ههههههههههههههههههههههههههههههههههههههه



راح يدور حولين سيارته يدور حل ,,, رحت عنده وطليت من عند الدريشة ولقيت المفتاح داخلها



انا = امممم مالك الا انك تكسر الزجاج



ابراهيم = لاااااااااااااا ,,, سيارتي جديدة والزجاج تصليحه غالي



درنا حولين السيارة نحاول نلقى حل غير كسر الزجاج ,,, لين جا صالح ومعه ماجد وسعد



ماجد = ياخي اكسر الزجاج ,,, اكسره لك .؟



ابراهيم = لا لا بتخرب سيارتي



سعد = اكسر الزجاجة الصغيرة



ابراهيم = بتتشوه



سعد = هههههههههه اكيد المهم تفتحها



صالح = وخروا وخروا انا ابكسرها



ابراهيم بعصبية = عشان اكسر راسك



سعد = ههههههههههههههههههه يافرحتن ماتمت ,,, ماتهنيت فيها ,,, يله بس عن اذنكم ابروح



وراح لبيته ,,, صاح ابراهيم محتار



ابراهيم = وشلووووووون الحين .؟



فجأة رن جوالي ,,, طلعته من جيبي والقيت نظرة ( خالد يتصل بك ) ,,, ابتسمت ورديت عليه ,,, اليوم ماشفته ابد



انا بابتسامة = هلا والله بخالد



خالد = هلا فيك ,,, اطلع ,,, الحين بمرك



انا مستغرب = انا في الشارع الحين ,,, انت وينك .؟



خالد = اهاااا ,,, ظنيتك في البيت,,, قربت اوصل للحارة ,,, يله الحين جاي



سكرت عنه ,,, وطالعت ابراهيم اللي محتار بسيارته



انا = مالها ريموت .؟



ابراهيم = لا ,,, بس توبة ابشتري ريموت لها ,,, افففف مالي إلا اكسرها



وراح يدور حصاه مناسبة ,,, دخل خالد بسيارته لشارعنا وكانت معه حرمة ,,, لبق سيارته عند بيت ابو عبد الله ونزلت الحرمة ودخلت البيت ,,, عرفت انها ام عبد الله ,,, التفتت لصالح مستغرب ,,, لقيت وجهه لا تعليق يناظرهم عادي ,,, استغربت ماهو دايم يضايق خالد اذا كان في البيت بس عشان هالعمة الحين اشوفه ساكت ولا تحرك حتى ,,, جانا خالد



خالد = السلام عليكم



انا = وعليكم السلام ,,, وين كنت .؟



خالد = بالسوق ( والتفت لصالح ) ولد اخوها سحب عليها اليوم ,,, طلبته يوديها وعيا



صالح = ياخي ماكنت فاضي



انا = اهاااا الحين فهمت ( والتفتت لصالح ) ماهو انت دايم ماتبي خالد يصير في البيت عشان عمتك ,,, الحين اشوفك راضي عليه يوديها



صالح = نستفيد منه بدل ماهو جالس على قلوبنا



الصراحة نرفزني صالح ,,, قربت من خالد عشان مايسمعنا صويلح



انا بهمس = لوني منك كان ماوديتها ,,, خلها تشوف ولد اخوها اللي تدافع عنه



قرب خالد راسه لراسي



خالد = أألف قلبها عشان اقلبها على صالح



صالح = وش تقولون .؟



خالد = مالك دخل



صالح = ماسألتك ( وناظرني ) وش تقولون .؟



انا = مالك دخل



صالح بعصبية = كذا يعنـ



وفجأة سمعنا صوت تكسير زجاج ,,, وكان ابراهيم كسر الزجاجة الصغيرة لسيارته ,,, تفاجئ خالد اللي مو فاهم شي ,,, ووقف بجنب ابراهيم



خالد متفاجئ = ليش كسرتها ,,, لا يكون فيك نفسية .؟



مارد عليه ابراهيم اللي مو مستوعب كيف تجرأ وكسر سيارته ,,, راح ودخل يده وبعد محاولات بسيطة طلع المفتاح ,,, هنا ضحك خالد يوم فهم السالفة



بعد نص ساعة وحنا واقفين نسولف أذن لصلاة العشا



ابراهيم بغرور مازح = يله قدامي اشوف انا بصليبكم ,,, ياويل اللي يتأخر



انا = هههههههههههههههههههههه لا تذكرني ,,, انا مدري وشلون صليت المغرب وراك ,,, تكفى نبي غيرك هههههههههههه



صالح = احلى شي يوم غلطت بالفاتحة ههههههههههههههههههه



خالد مستغرب = ابراهيم انت الإمام .؟



ابراهيم = ايه صليت فيهم المغرب وابصلي العشا بعد ,,, فايز تعبان وكلفني الإمامة ,,, يله يله قدامي المسجد



صالح = اقول ابراهيم سمعنا الفاتحة الحين



ابراهيم بعصبية = وش قالوا لك ماني حافظها



انا = لا لا بس عشان نطمئن على إمام مسجدنا ههههههههههههههههه



ابراهيم = مالت عليكم ,,, بتمسكونها علي الحين



انتبهت لسرحان خالد بعد ماجاوبه ابراهيم على سؤاله ,,, وش فيه ,,, مسكت ذراعه وجريته معي مبتعدين عن ابراهيم وصالح



انا = خالد وش فيك .؟



خالد = فرق بين اخوياي قبل وبينكم ( والتفت لي وابتسم ابتسامة عريضة ) ليتني عرفتكم من زمان



ابتسمت ولا رديت عليه ,,, التفتت وراي لقيت ابراهيم وصالح متوجهين للمسجد ,,,, تفاجأت بدخول سيارة ابو عبد الله لحارتنا



انا = خالك ابو عبد الله



التفت خالد يشوفه ,,, ومسك يدي يجرني معه



خالد بابتسامة = تعاااال نسلم عليه



احترينا ابو عبد الله ينزل من سيارته لأنه بالعادة بطئ بحركاته وخاصة نزوله من السيارة ,,, راح خالد له وسلم على راسه



خالد = هلا خال ,,, تو مانور المكان ههههههههههه



ابو عبد الله = انا اللي نور قلبي بشوفتك



قطعت عليهم وسلمت على راس ابو عبد الله



انا = الحمد الله على السلامة ياعم



ابو عبد الله = الله يسلمك ,,, وشلونك وشلون اخوانك .؟



انا = بخير دامك بخير



والتفت ابو عبد الله لخالد وبدون مقدمات



ابو عبد الله = آكلت دواك .؟ ,,, لا تقولي نسيته



سكت خالد شوي وبعدها كمل متضايق



خالد متضايق = ترا بديت اشك ان جبهتي مكتوب فيها ( أكلت دواك ) من كثر ماتقولها لي ياخال



ضحكنا عليه وعلى تعابير وجهه يوم قالها



ابو عبد الله = وش اسويبك اعرفك مهمل نفسك



سبحان الله تعلق ابو عبد الله بخالد نسّاه وشلون خالد كان يسكر الجوال بوجهه ,,, ولا كأن صار شي ,,, والغريب خالد وجهه لوح يضحك ويمزح مع خاله وكأنه ماسوى شي فيه قبل يومين ,,, او انا فاهم غلط .؟



سمعنا المؤذن يقوم للصلاة



ابو عبد الله = يله الله يصلحكم اخرتوني عن الجماعة



وحنا متوجهين للمسجد



انا = عمي قريب راح ننتقل للشقة اتصلوا علينا وقالوا جاهزة واستلمت مفتاحها



ابو عبد الله = منزلأ مبارك ياولدي تستاهلها ,,, بس الله الله لا تقطعنا انت واخوانك



انا = وشلون اقطعك ياعم وانت بمنزلة ابوي ووقوفك معي ياعم والله مانساه



وسلمت على راسه



ابو عبد الله = الله يبارك فيك



بعد الصلاة وحنا طالعين من المسجد انا وخالد ,,, وقبل ندخل شارعنا تذكرت اني لازم اطلب سيارة عشان خلود تشوف الشقة وتشوف وش اللي ناقصها



انا = آآآآ ,,, خالد ممكن سيارتك شوي ,,, عندي مشوار للاهل ومحتاجها



دخل خالد يده في جيب بنطلونه وطلع المفتاح ومدها لي ,,, اخذتها منه وانا منحرج صعب تشحد الاخرين



انا متفشل = مشكور خالد ,,, ان شاء الله مابطول



خالد = لا عادي ,,, امممم خالد وش رايك تاخذ سيارتي لمدة اسبوع على الاقل ,,, انت وراك نقل ودوام واكيد بتحتاجها



تفاجئت من عرضه



انا = ومدرستك .؟



خالد بابتسامة = آخذ سيارة خالي ,,, خالي لا وراه لا دوام ولا شي



انا = لا ,,, لا يمكن ابو عبد الله اكيد بيحتاج سيارته



خالد = ليه لا ,,, لا تنسى وراك نقل شنط وعفش وبتحتاج للسيارة



مسكت يده بعصبية وحطيت المفتاح بكفه



انا بعصبية = خلاص مانبي سيارتك



ورحت عنه معصب ,,, لحقني وحط المفتاح بيدي



خالد = خلاص يابن الحلال لا تعصب بس رح لمشوارك انت والاهل



سكتت عنه ,,, ماحب اكون عاله على غيري ,,, بعد لحظات وحنا نمشي ساكتين ,,, رجع خالد يعيد اقتراحه



خالد = طيب انا اخذ السيارة في الصباح لاني احتاجها وانت ماتحتاجها ,,, والعصر العكس انت تحتاجها وانا ماحتاجها وتاخذها انت في العصر ,,, خلاص انحلت هههههه



التفتت له معصب على شفقته لي



انا بعصبية = خااااااااالد وبعدين معك



رفع يديه قدامه باستسلام



خالد = خلاص خلاص مثل ماتبي



اخذت خلود والجيش اللي معها ورحنا للشقة ,,, تفرجنا فيها ,,, ومثل ماكنت متوقع اول ماشافت خلود السرير المزدوج تأثرت وبكت ,,, لكن على أي حال اعجبت خلود بالشقة وباثاثها ,,, اما سالم وسلمى ماعجبوا الا بالمصعد كل شوي طالعين نازلين ,,, بعد ماشافت خلود الناقص رحنا نرتاح شوي في الصالة وقررنا ننتقل الاسبوع الجاي



خلود = خالد شيل السرير المزدوج مابيه



تفاجأت منها



انا = ليه .؟ نامي فيه انتي عشان ينام معك معاذ



نزلت راسها وبكت ,,, قمت وجلست عندها



انا = خلود واذا شلناه بيغير شي .؟ ,,, استفيدي منه ,,, وبعدين ماتدرين يمكن تزورنا امي في يوم ,,, وتنامون انتي وهي عليه



ماردت علي ,,, وبعد ماهدت شوي



خلود = اتصلت عليك .؟



انا = لا ,,, بس بتتصل ان شاء الله



الساعة 12 إلا ربع طلعنا من الشقة ونزلت خلود وجيشها ودخلوا البيت ,,, لبقت السيارة قدام بيت ابو عبد الله ,,, واتصلت على خالد



خالد = الوووو



انا = وينك .؟



خالد = بالبيت



انا = اطلع



شوي وطلع وسلمته مفتاح سيارته



انا = مشكور



خالد = انا اقول لو تخليها معك عشان دوامك العصر



مدري ليه بعد ماعلمني خالد عن مشكلته مع وينلي كرهت دوامي ,,, اخاف تزيد المشاكل بينهم بسببي ,,, وخالد الصراحة ماهو ناقص مشاكل يكفيه اللي فيه



انا = آآآآ ,,, خالد انا افكر اترك الوظيفة وادور على وظيفة ثانية



طير خالد عيونه فيني



خالد مستغرب = ليه .؟ ( وسكت كنه تذكر ) خالد لا تخليني اندم اني قلتلك



انا = مابي ازيد مشاكلك مع واحد مايخاف الله



خالد = انسى اللي قلتلك امس ولا تفكر فيه ,,, وبعدين حتى لو تركت وظيفتك ياخالد ,,, انا اذا نجيت من وينلي ماراح انجى من بدر اللي ابوه له واسطات في الشرطة ( وحط يده على كتفي ) خالد انا ماصارحتك باللي امس الا اني تعبت من كثر ما اكتم بنفسي وحبيت افضفض ,,, اربع شهور وانا بين تعذيب نفسي من وينلي وتعذيب جسدي من بدر ,,, صدقني امس يوم رجعنا من شقتك حسيت براحة كنت احس نفسي خفيف لاني فضفضت لاحد اعرف انه ماراح يفشي سري واقدر اقول له كل اللي بنفسي





مدري ليه بغيت اصيح ,, زين اني مسكت نفسي



انا = آآآآ ,,, طيب ابو عبد الله يدري عن وينلي النحس



خالد = خالي مايعرف انجليزي حتى يتعامل معه ,,, وبعدين ماحب اضايق امي وخالي بمشاكلي



بيجنني خالد في يوم ,,, وابووووووه مايتكلم عن ابوه ابد ولا يذكره



انا = وابوك وش موقفه من هذا كله .؟



كنه تفاجئ من سؤالي و تدريجيا نزل راسه بحزن وسكت ,,, حطيت يدي على ظهره



انا = لا تنسى انه ورطك باهماله ,,, ماشوفك تكلم عن ابوك



مازال ساكت ومطنشني ,,, شكله مصر انه مايتكلم عن ابوه وعن موقفه من مشكلة العيادة



انا = طيب خالد طلبتك عطني رقم ناصر



خالد مستغرب = ليه .؟ وش تبي فيه .؟



انا = مدري ,,, بحاول معه عشان اعرف وش يبي منك



خالد = مابيني وبينه شي ,,, اقولك ماعمري شفته ولا اعرفه



انا = معليش عطني رقمه



خالد = طيب قلي وش تبي فيه .؟



انا = الحين مدري ,,, بس يمكن احاول اجرر منه كلام واعرف وش المخالفات الثانية اللي ماسكها عليك وينلي ,,, طلبتك خالد عطني رقمه



حرك اكتافه بحيرة



خالد = طيب مثل ماتبي ,,, بس من الحين اقولك ناصر ذيل وينلي ماراح تطلع منه بنتيجة



وعطاني رقم ناصر وكلن رجع بيته ,,, الصراحة ماببالي شي معين ,,, ابحاول اكلم ناصر واشوف وش يطلع معي

* 13 *



















بعد مرور شهر



الاحد



طلعت من الدوام مستانس وفرحان اليوم استلمت اول راتب لي في حياتي ,,, صحيح قليل لكن احسن من المكدة الشاقة والمتعبة واللي ماحصل من وراها الا كم ريال ,,, قبلوني بشكل معتمد بالوظيفة لكن موب رسمي يعني في أي يوم يمكن يقولون لي مع السلامة ,,,



على العموم الشهر اللي فات لاقيت ضغط كبير بالنسبة لي بين انتقالنا لشقتنا الجديدة وبين الدراسة خاصة انه الشهر اللي فات صادف امتحاناتنا الشهرية وللأسف مستواي في الدراسة تدنى بشكل كبير ,,, وبسبب انتقالنا لشقتنا الجديدة تغير علينا اشياء كثيرة خاصة انا وسلمى وسالم اللي متعلقين ومتعودين على جيراننا الا خلود ماتغير شي عليها بالعكس مستانسة هنا اكثر من بيتنا الاول



سالم وسلمى صاروا مايلقون احد يلعبون معه في الشارع وكل شوي يتحسرون على ايامهم بين اصدقائهم في شارعنا الاول ( رجعونا لبيتنا ,, نبي بيتنا الاول هذاك احلى ,, هنا مافيه احد ) هذي كلماتهم اللي صرنا نسمعها منهم بكل وقت وكل ماشافوني اطلع ( خالد ودنا لبيتنا الاول ,, خالد بنروح هناك ,, خالد زهقانين ليش جبتنا هنا )



أما خلود عكسهم تماما مرتاحة هنا ,,, وماتغير عليها شي ,,, ام سعد وبعض الجارات يزورونها,,, وتعرفت على جارة من نفس عمارتنا اكبر منها بسنتين بس متزوجة حديثا وصارت صديقتها تقول خلود كل عصر يإما صديقتها عندها او خلود تروح لها ,, وفي الليل مزح وسوالف على التلفون ,,, مادري وشلون مايملون



معاذ لقينا صعوبة بسببه ,,, بالبداية كنت اوديه بنفسي لبيت ابو سعد في الصباح ولبعد المسافة بين بيت ابو سعد و شقتنا وثم الرجوع مرة ثانية لمدرستي يسبب لي عدة مرات تأخير عن الحصة الاولى وفي الظهر ارجع مع الشباب كالعادة لحارتنا اخذ معاذ وارجع لشقتي كانت بداية شاقة بالنسبة لي ,,, لين تعرفت خلود على جارتها وصديقتها وتكفلت فيها صديقتها بمراعاة معاذ في الصباح ,,, وشكلها تاخذ معاذ بروفات في تربية الاطفال ,,, يله حنا نستفيد منها وهي تستقيد منا



أما أنا مثل سالم وسلمى ابي ارجع لبيتنا الاول ,,, هناك اذا طلعت بوقت فراغي القى ابراهيم وصالح وماجد وخالد ,,, لكن على العموم انا اهون من سالم وسلمى اللي شوي وينتحرون من الطفش ,,, صحيح اني مضغوط بسبب العمل والدراسة لكن كل ماطلعت من دوامي في الليل اتصل على خالد او هو يتصل علي ويمرني ونتمشى او نروح للشقة على طول ونسهر في المجلس ,,, واللي مستغرب منه خالد طوال الشهر اللي فات ماراح للرياض واذا سألته عن السبب يغير السالفة ,,, وبسبب ضغط الدوام والدراسة نسيت و انشغلت عن اتصل بناصر ,,, اصلا ماعندي طريقة استدرج كلام من واحد ماعمري سمعت صوته ولا يعرفني ولا اعرفه ,,, بالله اتصل في ناصر وش اقوله ,,, اقوله وش المخالفات او اقوله وش تبون في خالد ,,, ابد مو معقول ,,,



أما من ناحية المواصلات مازلت اعاني منها ,,, صرت ماطلب سيارة احد ,,, احس اني زودتها ,,, ولجأت أخر شي لسيارات اللموزين وخاصة لما اروح العصر للدوام اما في الرجوع فخالد يمرني اكثر الاحيان



المهم طلعت من دوامي مستانس على الراتب ,,, اتصلت على خالد كالعادة لكن مارد علي ,,, استغربت مو من عادته ,,, اخذت لموزين وطوال الطريق وانا اتصل بخالد ولا يرد ,,, وين راح هذا ,,, مستانس اليوم نبي نسهر ,,,



وصلت الشقة ولقيت سالم وسلمى ومعاذ يتفرجون على سبيس تون وخلود تحل واجباتها بشرت خلود على اول راتب وذكرتني بشي كنت ناسيه



خلود = حاول تشيل من كل راتب شوي عشان الاجار ,,, لا تنسى ان ابو عبد الله هو اللي دفع خمس الاف على مقدم شقتنا ,,, يعني لازم تحاول ترجعله ,,, مانبي زود ديّانة علينا



انا = صح ذكرتيني ,,, راتبي 1500 ,,, ابعطيه كل شهر امممم 300 ريال



وقمت رايح لغرفتي ,,, ابتصل على خالد اسأله عن ابو عبد الله ,,, خلود مع حق لازم ارجع لابو عبد الله فلوسه مانبي زود ديانة علينا ,,, وشكلي ابروحله الحين واعطيه حقه ,,, مادام الليل باوله ,,, ماوراي شي



اتصلت في خالد ولا يرد ,,, وش فيه هذا ,,, ليه مايرد ,,, رجعت اتصل اكثر من خمس مرات ,,, مستانس ولازم نسهر ,,, كل يوم يسهر معي وش معنى اليوم



واخيرا رد ,,,



= ألووو



لحظة هذا مو صوت خالد كنه صوت صالح ,,, ابعدت الجوال عن اذني اتأكد ,,, لا ماني غلطان هذا رقم خالد ,,, سلمت عشان اتأكد من الصوت



انا مستغرب = الووو ,,, السلام عليكم



= هلا خالد وعليكم السلام



الا هذا صالح



انا مستغرب = صالح .؟



صالح = ايه صالح ,,, وش فيك ماعرفتني



انا = و خالد وينه .؟



صالح = هذا هو جنبي



سكتت شوي مستغرب



انا = طيب ليه مايرد على جواله .؟



صالح = خالد مغمى عليه من العصر والى الحين ماقام



شهقت متفاجئ ,,, لا حول ولا قوة الا بالله ,,, وانا اقول الرجال وينه اثره بعالم غير عالمنا ,,, الله يقومه بالسلامة



صالح = الوووو



انتبهت لصالح ,,, وتذكرت انه راد على جوال خالد



انا بعصبية = صويلح مو من حقك ترد على جوال خالد



صالح = وش اسويبك ازعجتني باتصالاتك ,,, قلت ارد عليك



انا بحزن = مادريت انه مغمى عليه ,,, امس سهر معي وكان زين مافيه شي



صالح = لا اليوم على الغدا كان مصدع ,,, راحتله عمتي لغرفته تبي تقومه للصلاة وعرفنا بعدها انه مغمى عليه



وشلووووووووون خالد الحين بغرفته ,,,



اجل وش يسوي هالثور بغرفة خالد والرجال فاقد وعيه ,, ولا ,, مستانس يرد على جواله ,,, عصبت على وقاحته



انا بعصبية = الحين خالد مغمى عليه بغرفته .؟



صالح ببرود = ايه



نرفزني ببروده



انا بعصبية = الرجال فاقد وعيه تقوم تدخل غرفته وتستعمل اغراضه ,, ولا ,, وتقول ازعجتني باتصالاتك ,,, يعني من زمان مكيّف بغرفته وماخذ راحتك



صالح = الحـ



وصكيت الجوال بوجهه قبل يكمل ,,, نرفزني ,, عليه وقاحة ماشفت مثلها ,,, خالد ماهو بدنيانا ولا يدري عن اللي حوله يقوم يقتحم غرفته والله اعلم وش يسوي ,,, هذا اذا ماسوى شي بخالد نفسه ,,, وماستبعد عن صالح يعطي خالد كفوف الحين ,,, يسويها



اوووه صح نسيت اسأل عن ابو عبد الله موجود والا لا ,,, افففف نساني صويلح ,,, يله اقابله بكرة ان شاء الله



الاثنين



قبل انتهاء دوامي اتصل علي خالد كعادته ,,, ابتسمت مدري متى صحى من غيبوبته أمس ,,, الحمد الله على كل حال



انا بابتسامة = هلا خالد



خالد = هلا فيك ,,, خلصت .؟



انا = باقي ربع ساعة على الدوام



خالد = يله الحين جاي



انا = لا تتعب نفسك ,,, اقدر ادبر نفسي



خالد = يله يله بس مع السلامة



طلعت من المستشفى ولقيت خالد بسيارته يحتريني ,,, ركبت وبعد السلام



خالد = وش رايك نروح لمطعم نتعشى .؟



انا = لا ,,, اول ابي اقابل خالك قبل ينام



خالد مستغرب = خالي .؟ ,,,, ليش وش تبي فيه



انا بابتسامة = ودني له وتعرف



التفت لي خالد وبعدها طالع قدام



خالد بابتسامة = شكلك مستانس ,,, ونسنا معك



انا = هههههه من أمس مستانس ,,, اتصلت عليك امس عشان نسهر ,,, بس آآآآ



وسكتت



خالد مستغرب = بس وش ( وطلع جواله يتفحصه ) امس انت متصل علي .؟



انا = آآآآ ,,, ايه اتصلت بس رد علي صويلح



خالد = الحقير ( وتنهد بحزن ) خالد انا امس كنـ



وقاطعته



انا = ادري ,,, علمني صالح ,,, الحمد الله على سلامتك



خالد = الله يسلمك ,,, شكل صالح يفتش جوالي ,,, مادريت انك اتصلت علي امس الا منك الحين



ليته على جوالك بس ,,, يمكن يفتش غرفتك كلها



وصلنا بيت ابو عبد الله ونزلنا ,,, كان في الشارع ابراهيم وصالح ,,, رحت اسلم عليهم



ابراهيم = هلا هلا



انا بابتسامة = هلا فيك



ابراهيم = لونك جاي قبل 10 دقايق كان لحقت على الرجال اللي يسأل عنك



انا مستغرب = رجال يسأل عني .؟



صالح = ايه ,,, يوم شاف ان بيتكم مافيه احد سأل عن بيتك الجديد ,,, عاد حنا عطيناه رقمك



انا = اهااا



من هذا اللي يسأل عني ,,, لايكون احد الديانة بس ,,,



استاذنت عن ابراهيم ودخلنا بيت ابو عبد الله ,,, وصالح معنا



جا ابو عبد الله يهلي ويرحب وبعد السلام والسوالف



انا = آآآآ ,,, عمي ( وطلعت الـ 300 ريال ومديتها عليه منحرج ) آآآآ ان شاء الله كل شهر ابسددلك اللي اقدر عليه



ابو عبد الله = وش هذا



انا = عمي انت ماقصرت معي وسددت مقدم الشقة وهذا



ابو عبد الله مقاطعني = مقدم الشقة .؟ ( والتفت لخالد وبعدها التفت لي ) خالد رجع فلوسك بجيبك هذي ماهي لي



انا مستغرب = وشلون يعني ماهي لك .؟



ابو عبد الله = رجع فلوسك ,,, ماهو انا اللي دفعت المقدم ,,, خالد ضرب صدره وقال انا



التفتت بسرعة لخالد متفاجئ ,,, لقيته يطالعني مرتبك ,,, كمل ابو عبد الله كلامه وانا مازال نظري على خالد



ابو عبد الله = اسمع الله يصلحك اذا كان خالد ضايقك الا ترجعله فلوسه انا اوريك فيه واسد فمه عنك



خالد مرتبك = والله ياخال ماقلتله شي



اخذ ابو عبد الله الفلوس اللي بيدي وحطها بجيب ثوبي الامامي



ابو عبد الله = لا تزعلني منك ياولدي ,,, وخالد خله علي



سكتت وانظاري مازالت على خالد اللي جرحني بكذبه علي ,,, جرحني بشفقته علي ,,, نزلت راسي واستاذنت من ابو عبد الله وطلعت



واخذت طريق الرجوع للشقة مشي ,,, بعد ما تعديت شارعنا والشارع اللي بعده ,,, لحقني خالد بسيارته ,,, وصار يمشي بمحاذاتي بسيارته



خالد = خالد اركب



مارديت عليه



خالد = خالد لا تصير غثيث اركب



مارديت عليه ,,, وقف خالد سيارته ونزل ووقف قدامي



انا بعصبية = وش تبي .؟



خالد = خالد وش فيك



دفعته على ورا معصب



انا بعصبية = ليه كذبت علي ,,, ليه قلتلي ان الاجار من ابو عبد الله



خالد = ماكذبت عليك



انا بعصبية = انت بنفسك قلت انك سحبت المبلغ من حساب ابو عبد الله ,,, واثره منك ,,, انا ابي افهم ليش تشفق علي ( ودفعته على ورا ) ابعد عن طريقي اشوف



مسك ذراعي وجرني باتجاه سيارته



خالد = طيب خلاص ولا تزعل اليوم عشاي عليك وبنزين سيارتي بعد عليك وش تبي بعد



انا بعصبية = تاخذني على قد عقلي



تنهد وجرني لباب الراكب وفتح الباب



خالد = اركب



انا = ماني راكب ابي ارجع الشقة



خالد = خلاص نسهر بشقتك



ركبت ومشى خالد بالسيارة ,,, طلعت المبلغ ومديته له



انا = خذ



ناظرهن وبعدها طالع قدام ومارد علي ,,, بالتالي رميتهن بحظنه وتفرقن بين رجليه



وصلنا شقتنا ونزلت واحتريته ينزل



انا مستغرب = مانت نازل



خالد = مشوار بسيط وراجع



وريوس بسيارته وراح ,,, وش فيه ذا ,,, دخلت شقتي وبعد نص ساعة سمعت صوت الجرس ,,, اكيد هذا خالد



طلبت من خلود تندس شوي ,,, لأن اللي يدخل يصير على يمينه الصالة وعلى يساره ممر يودي للمجلس



فتحت الباب وكان فعلا خالد



نزلت نظري اشوف اللي معه ,,, اففففف خالد كل ماجا يسهر معي لازم يجيب حاجة ,,, بعض الاحيان كيك وبعض الاحيان بيتزا ومشروبات ,,, او أي شي خفايف ,,, ومايجيب على عددنا بالعكس يزيد كأنه يقول لختك اللي داخل ,,, واذا قلتله ليش متعب نفسك ,,, يرد علي بـ ( لا تاكل منه ) او ( ماهو لك ) ,,, لين تعودوا عليه اخواني ,,, وصاروا يفرحون بجيته حتى معاذ اذا شافه جا يركض له ويرتمي بحظنه



انا = هلا خالد ,,, ليش متعب نفسك مايحتاج



خالد = خلاص خله لي



واخذ طريقه المعتاد للمجلس ,,, سكرت الباب وعلمت خلود ان خالد عندنا ورحت للمجلس ,,, لقيت سالم ومعاذ عنده وسلمى بحظنه ,,, ويلجون عليه بسوالفهم



جيت وجلست انتظرهم تخف لجتهم ,,, قام معاذ واخذ الحاجات اللي جابها خالد واخذ يجرها بيوديها لخلود عشان تعطيه



انا = تعال معاذ انا اعطيك



جلست بالارض وجاني معاذ وصرت اعطيه لين جت سلمى وسالم وخالد بعد معهم وجلسوا بالارض عندي



بعد نص ساعة رمى خالد بحظني 240 ريال



انا مستغرب = وش هذا .؟



خالد = عشا اليوم منك وهذا الباقي



انا = هذا الباقي من الـ 300



خالد = ايه ,,, واذا كنت ماتبيني ادخل شقتك مرة ثانية لا تاخذهم ,,, ولا تعيد سالفة الاجار مرة ثانية



انا بعصبية = انت حمار



خالد = وانت تيس



انا = يا جحش



خالد = يا ثور



سالم = ههههههههههههههههههههههههههههههههههههههه



مات سالم من الضحك



خالد = شكلها اعجبته هههههه



ابتسمت وسكتت ,,, ليه ياخالد هذا كله ليه ,,, شفقة والا احسان والا مجرد صداقة ,,, طيب ابراهيم وصالح مايسوون اللي تسويه انت ,,, وش قصتك معي ,,, وش تبي توصل له ,,, وليش انا



خالد = خالد



انتبهت لسرحاني



انا = هلا



طلع جواله وقعد يضغّط



خالد = شف آخر نكته وتخيل من من .؟



انا مستغرب = نكته



ومد جواله قدام وجهي عشان اقرا ,,, اخذت الجوال وكانت الرسالة مكتوب فيها



(وين ايامك خلودي



ابشرك حبيبي عرفنا مكان مدرستك الموقرة



نشوفك هناك )



والمرسل راكان



انا مستغرب = من راكان .؟



خالد = راكان وبدر و علي و عبد العزيز



انا بصدمة = هذا من ربع بدر



هز راسه بايه



رجعت اقرا الرسالة مرة ثانية



انا = يقول عرفوا مكان مدرستك



خالد بتنهيدة = الحمد الله ان الامتحانات كانت الشهر اللي راح ,,, ابغيب اسبوع او اسبوعين لين يملون من اني اجي



انا = حسبي الله عليهم ,,, طيب وشلون عرفوا رقم تلفونك



خالد = اصلا من يوم ماتركتهم ماغيرت رقم جوالي وسيارتي ,,, يكفي المدينة بكبرها غيرتها وانتقلت هنا ,,, ماتوقعت انهم بيلحقوني ياخالد



انا مستغرب = ماغيرت رقم جوالك ,,, يعني هذي ماهي اول رسالة



خالد = لا ماهي اول رسالة ,,, كانوا دايم يرسلون علي او يتصلون بس ماكنت ارد



انا = يرسلون وش يقولون .؟



خالد = تهديد وكلام فاضي ,,, لكن كنت متطمن انهم مايعرفون مكان بيت خالي ولا مكان مدرستي وكنت اطنشهم ولا ارد عليهم



انا = طيب انتقل لمدرستنا



خالد بحزن = الى متى الهروب ياخالد ( وتنهد ) والله تعبت ,,, مليت ابي ارتاح



سكتنا نفكر بالورطة الجديدة اللي طاح فيها خالد ,,, وبعدين يعني معهم

* 14 *























بعد مرور ثلاث ايام



نفذ خالد كلامه وغاب عن مدرسته الثلاثاء والاربعاء وصار يقضي صباحه في النوم وبعد ماطلع انا من دوامي يمرني يسهرعندي في الشقة



يوم الجمعة



كنا في الشقة انا وخالد سهرانين ومعاذ بحضن خالد ويلعب في تلفونه ,,, وسالم بعد ضرب وضريب رضى يحل الواجب ,,, وسلمى كالعادة طفشانه اما خلود بعد ماعطت معاذ عشاه دخلت في غرفتها تذاكر وتوعدت باللي يقاطعها بالوعيد الشديد وتوعدتني بقتلي ان جاها معاذ يزعجها والحين انا خليت معاذ اسير عندي خايف يروحلها



قبل يجي خالد للشقة علمني انه عنده مفاجأة لسالم وسلمى انا عارفها وش ,,, لكن نحتري سالم يخلص من واجباته عشان نطلعها له لأننا نعرف انه بينسى نفسه اذا طلعنا المفأجاة له الحين ,,, بينسى الواجبات وابو الواجبات بعد



وخالد بنفسه متحمس يحتري سالم يخلص من الواجب عشان يطلع المفاجأة لهم



خالد = هاااه سالم ماخلصت .؟



سالم = اففففففف تعبت ,,, عيا يخلص ( ورمى القلم ) مابي اكمل



انا = اقول حل وانت ساكت



قال خالد بهمس لي



خالد = وشلون الحين جت الساعة 10 وهو ماخلص



رحت لسالم وجلست عنده



انا = سلوم فيه مفاجأة حلوة يله حل الواجب بسرعة عشان تشوفها



خالد = ليه علمته .؟



انا = وش اسويبه ابيه يسرع



جت سلمى وبدون مقدمات جلست بحظني



سلمى = وش المفاجأة .؟



قام خالد واخذ قلم سالم اللي رماه وجلس عنده



خالد = سلومي يله انا ابساعدك



قعد خالد يشجع سلوم يحل ,,, قمت ورحت للمطبخ ,,, امممم خلوني اسوي شاهي وش وراي



دورت السكر مالقيته ,,, شسوات الحين لو اروح لخلود واقاطعها بتذبحني



رحت لغرفة خلود وفتحت الباب ومثل ماتوقعت



خلود بعصبية = يوووووووه قلت لاحد يجيني



انا = لا بس جيت اسأل السكر وينه .؟



تأففت خلود وقامت معصبة ,,, راحت للمطبخ وحطت علبة السكر بيدي وراحت ,,, وش فيها ذي معصبة



جاني معاذ بالمطبخ ووقف عندي يعطيني اللي بيده ,,, انتبهت ان جوال خالد الى الحين معه



على بال معاذ ان هالجوال لي لأن جوالي مثل جوال خالد عشان كذا عطانيه



اخذت الجوال منه ,,, ومدري ليه جتني رغبة قوية اني اشوف الاستديو



استغفر الله استغفر الله افتش جواله ,,, بس يمكن اشوف صورة ابوه



فتحت الاستديو وكانت صور ومقاطع كثيرة ,,, مريت على الصور بشكل سريع وماشدني شي منها كلها صور لاماكن عامة وصور سيارات وبر اما المقاطع ماشدني الا مقطع واحد



كان المقطع قصير ,,, ثلاث شباب يرقصون قصرت على الصوت على طول لان فيه موسيقى



تأملت احد الشباب يشبه خالد ,,, الا هذا خالد بس فيه اختلاف بسيط ,,, بعد ماخلص شبيه خالد من الرقص اخذ العود بيغني بس انتهى المقطع الى هنا



عدت المقطع مرة ثانية وثالثة اتأمل شبيه خالد هذا ,,, الا انا متأكد هذا خالد ,,, وقفت المقطع عند شبيه خالد وهو يرقص ,,, وقعدت اتأمله وادقق فيه



انصدمت خاااااالد ,,, الا نا متأكد هذا خالد ,,, يالله كيف متغير ,,, هذا وجهه مافيه هالات واضحة مثل خالد الحين ,,, هذا شعره اطول من شعر خالد ,,, هذا ادب من خالد شوي ,,, بس هذا ماشوف فيه الابتسامة العذبة اللي ماتفارق خالد الحين ,,, بس يشبه خالد بشكل كبير,,, نظرة هذا نفس نظرة الحزن اللي بخالد



= خالد يبيك



تفاجأت من سلمى الى اقتحمت علي المطبخ



انا بعدم استيعاب = هاااه



سلمى = خالد يبيك



انا = آآآ ,,, الحين اجي



كملت المقطع لين اخذ خالد العود وانتهى المقطع عنده



صح تذكرت خالد مرة قالي انه يغني والشباب يعجبون بصوته



عطيت معاذ الجوال كني ماسويت شي



رحت للمجلس



خالد = وين رحت .؟



انا = آآآ ,,, اسوي شاهي



خالد = خالد جوالي مع معاذ وهو راح وراك ,,, ماعليك امر تجيبه



انا = آآآ ,,, ان شاء الله



خالد بابتسامة = ابشرك سالم خلص الواجب ههههههه



انا = والله ,,,, اجل مو لازم شاهي



خالد = ايه مو لازم ,,, بس خذلي درب ,,, ابنزل للسيارة



سالم = وشي المفاجأة ,,, ابنزل معك



طلع خالد وبعد شوي جا ومعه البلاي ستيشن 2 شاريه لسالم وسلمى اللي طاروا من الفرحة وتحمسوا يشغلونه ,,,



نزلت راسي ,,, سالم وسلمى محرومين ,,, يعرفون للبلاستيشن لكن ماكان عندهم ,,, ومعرفتهم له من اصدقائهم فقط



خالد = وشلون الحين نبي التلفزيون



رفعت راسي



انا = التلفزيون بالصالة



من حماس سلمى مسكت يد خالد وتجره تبيه يروح للصالة



ركض سالم لبرا المجلس وبعد شوي جا



سالم = مافيه احد يله تعال



وراح يسحب خالد يبيه يجي



خالد = خالد هات التلفزيون هنا



انا = امممم اصبر شوي ,,, اظن تقدر تدخل



رحت اشوف خلود وانبهها ماتطلع من غرفتها



فتحت الباب عليها



انا = خلود لا تطلعين من غرفتك



خلود مستغربة = ليه .؟



انا = خالد بالصالة



خلود معصبة = ياسلام على كيفه يدخل



انا = بس شوي ,,, شاري بلاستيشن لسالم وسلمى ومعاذ ,,, وبعدين تقدرين تروحين للحمام بدون ماتمرين الصالة



خلود = شاري بلاستيشن لسالم .؟



انا = ايه



خلود بفرح = ياحلييييييييله



انا بعصبية = خلوووووود



انتبهت خلود لكلمتها



خلود متفشلة = آآآآ ,,, لا اقصد ايه ايه



انا بعصبية = وش اللي ايه



خلود = آآآ ,,, ايه يروح للصالة ,,, بس هااااه لا تزعجوني ابذاكر



رحت للمجلس ودخلت خالد للصالة كان متفشل بالبداية



لين اخذ على الوضع شوي شوي لكن مازال متفشل ,,, بالتالي طلبت نروح للمجلس



خالد = وش رايك نطلع



انا = وين .؟



خالد = مدري أي مكــ



وقطع عليه رنين جواله ,,, القى نظرة عليه ومد جواله قدام وجهي اشوف المتصل



وكان ( ذيل وينلي يتصل بك )



خالد بسخريه = شف ,,, له وجه يتصل



ورد معصب



خالد بعصبية = خييييييير ,,, ولا عليكم السلام ,,, والله عاد كيفي ,,,,,,,,,,,,,, وانت وش عليك اوفره والا ماوفره ,,,,,,,,,,,,,,, ياخي عيادة ابوك هي ,,,,,,,,,,,,,,,, لا يعني لا ,,,,,,,,,,,,,,,, والله اذا كان فيك خير قابلني ,,,,,,,,,,,, اسمع عاد قسم بالله ماراح اوفره عناد فيك بس ,,,,, انت وش تبي بالضبط وش تبي ,,, الامور هذي بيني وبين وينلي تحشر خشمك بينا ليش ,,, ( وسكر الجوال معصب )



شسالفة ,,, جلس خالد على الكنب معصب وانفاسه سريعة من العصبية



جلست بجنبه ماني فاهم شي



انا مستغرب = شسالفة .؟ ومن هذا .؟



خالد بصراخ = نااااااااصر الكلب



انا = طيب اعصابك ,,, هد شوي



مسك جبهته متضايق ورجع شعره ورا وسند ظهره على الكنب



انا = وش يبي منك بعد .؟



خالد = يحشر خشمه بامور ماتعنيه ,,, يتصرف وكأن العيادة له



انا = طيب وش يبي .؟



التفت لي خالد وجلس جلسة جانبية مقابلني كنه يبي يشرح شي بالتالي جلست مثله اقابله



خالد = الاسبوع اللي راح ارسل علي وينلي فاتورة الكترونية على ايميلي بطلبات العيادة والاحتياجات اللي ينقصها ,,, كان بين الاحتياجات جهازين واحد جهاز ليثوتريبتير لتفتيت الحصى في الكلى والجهاز الثاني جهاز دينتل آنت للاسنان ,,, انا طلبت من شركة سوماتكو بتوفير الجهاز الاول حق تفتيت الحصى وتوصليها للعيادة اما الجهاز الثاني ماطلبته لأن العيادة فيها جهاز اسنان بس اللي يبيه وينلي احدث شوي



انا مستغرب = طيب وش دخل ناصر .؟



قام معصب



خالد بعصبية = انا ادري ,,, اقولك يحشر خشمه بامور ماله دخل فيها ,,, يقول لازم توفر الجهاز للعيادة ,,, طيب وش عليك انت ,,, اوفره والا ماوفره



انا = وش عليه هو توفره والا ماتوفره



التفت لي خالد معصب



خالد بعصبية = يقالك جبت شي جديد انت الثاني



وحط يديه على خواصره يفكر بهالناصر ,,, صدق والله وش عليه ,,,



لفيت ذراعي على اكتافه وقربته مني ,,,



انا = واضح انه يبي يحرق دمك وبس ,,, امممم خلنا نطلع نشم هوا



طلعنا وركبنا سيارته وكنت انا اللي اسوق



انا = طيب خالد يمكن العيادة تحتاج لهالجهاز



خالد بعصبية = لا ماتحتاج



انا = طيب وش يدريك يمكن تحتاج



خالد = اذا بغيت تتعامل مع واحد حقير مثل وينلي لازم تكون حريص ,,, لما كانت العيادة باسم ابوي ,,, كان اللي يوفر احتياجات العيادة وينلي بنفسه باسم العيادة معطيه ابوي صلاحية يتعامل مع احد الشركات الطبية اللي متفقين معها لتوفير ملتزمات العيادة وابوي ماعليه الا يدفع للشركة ,,, لما انتقلت العيادة باسمي وشفت المخالفات ,,, ألغيت الاتفاقية اللي بين العيادة وبين الشركة وتعاملت مع شركة سوماتكو بديل عن الشركة الاولى ,,, عصب وينلي وارعد وازبد وكان هذاك اليوم هو اول يوم اسمعه يهددني فيه ,,, هه كان معصب مرة ,,, واللي زاد عصبيته اني بعد مانتقلت هنا وصرت بعيد عن مراقبة العيادة عينت احد طلبة الطب يكون اخو زميل لي في المدرسة يشرف على احتياجات العيادة الضرورية ,,, اذا جتني الفاتورة ارسلها له على طول ,,, وبالمرة يراقب لي ادارة وينلي



انا = ومالاحظ عليـ



وقاطعني جوال خالد ,,, القى نظرة على جواله وتأفف



خالد = اففففففف هو



انا = اذا كان مايضايقك ,,, انا ابرد عليه



خالد = خذ ,,, اغسل شراعه عليك فيه



انا = الو



ناصر = الو ,,,السلام عليكم



انصدمت صوته صوت رجال كبير ,,, توقعت بيكون صوت شاب لكن واضح من صوته رجال كبير



انا = وعليكم السلام



سكت ناصر شوي كنه مستغرب الصوت



ناصر = هذا جوال الاستاذ خالد



انا = ايه نعم هذا جواله لكنه مشغول ,,, بغيت شي .؟



ناصر = طيب اذا انتهى من شغله خله يتصل علي



واثق الاخ



انا = بس يالطيب فيه احد يتصل الحين ,,, الوقت متأخر



ناصر = ماراح اخذ من وقته الكثير



انا = خالد مشغول الحين ,,, يله مع السلامة



وسكرت بوجهه



خالد بعصبية = لا والله ,,, وش رايك تعزمه احسن ( واخذ ينقل صوتي ) بس يالطيب فيه احد يتصل الحين



انا = هههههههههههههههههههههههههههههههههههههههههه



خالد بعصبية = ليه ماغسلت شرااااااعه



انا = خالد هد اعصابك ,,, هذي اول مرة اكلمه ,,, المهم قلي اللي عينته ما لاحظ شي على وينلي .؟



خالد = وينلي ادارته ممتازة ,,, وهو حريص على العيادة وكيف يكسب من وراها فلوس ,,, كانت اهانة له يوم عرف اني عينت اخو زميلي كمراقب على ملتزمات العيادة



انا مستغرب = وناصر .؟



خالد بتنهيدة = وناصر .؟



انا = وش قصة ناصر .؟



خالد = مدري

* 15 *
























يوم السبت



كنت في الدوام وطلبني مديري يشوفني ,,, الله يستر هالمدير مايطلبني الا اذا بغى يهاوش



قبل انتهاء الدوام بربع ساعة رحت للمدير



انا = طلبتني



وبدون مقدمات وهو يشر على الكمبيوتر اللي قدامه



المدير = بالكمبيوتر عندي تبين لي انك مدخل بيانات خاطئة لمريض ,,, هذا اخر انذار لك مفهوم ,,, يله تفضل شف شغلك



انا = آآآ ,,, أي بيانات



المدير بعصبية = وماتدري بعد ,,, رح راجع الملفات والبيانات اللي بالكمبيوتر وبتعرف خطأك ,,, تفضل



رحت للكمبيوتري في العمل وراجعت كل ملفات المرضى اللي سجلوا عندي ,,, ولاحظت خطأ لواحد من المرضى لكن خطأ تافه ,,, حتى مدري وشلون لاحظه ,,, بدل ماكتب اسم جد المريض عامر كتبت عمر ,,, طيب اسم جده يعني موب لازم اخطيت فيه والا ماخطيت اففففففففففف



انتهى الدوام وطلعت من المستشفى ,,, والمشكلة يقول هذا آخر انذار لي ,,, سترك يارب



انتبهت ان خالد ماجاني كعادته ,,, الحين وشلون بيمرني كالعادة والا اخذ ليموزين



اتصلت عليه ومارد ,,, لااااااا ,,, لا يكون مغمى عليه ,,, ورجعت اتصل عليه مرة ثانية بخوف



خالد = الوووووه



الحمد الله رد ,,,



انا = السلام عليكم



خالد = وعليكم السلام ,,, هلا خالد



استغربت صوته متغير وكأن ماله نفس يتكلم



انا = وينك .؟



خالد = موجود ,,, بغيت شي .؟



استغربت دايم يمرني من دون ماطلب منه ,,,



انا مستغرب = آآآآ ,,, بتمرني .؟



خالد = خلص دوامك .؟



انا مستغرب = ايه



خالد بتنهيدة = مانتبهت للوقت ,,, خلاص الحين اجي



انا = اذا كنت مشغول خلاص اباخذ ليموزين



خالد = لا لا ,,, دقايق وانا عندك ,,, مع السلامة



وسكر بوجهي ,,, ناظرت جوالي مستغرب ,,, وش فيه هذا



بعد ربع ساعة جاني ,,, ركبت وحرك خالد السيارة



خالد بهمس = آسف خالد تأخرت عليك



انا = لا عادي ,,, خالد لا تكون تعبان وانا ازعجتك



هز راسه بلا وسكت



طوال الطريق وحنا ساكتين وكل شوي التفت لخالد والقاه يسوق وهو سرحان ,,,



انا = خالد عسى ماشر وش تفكر فيه



خالد بهمس = مافكر بشي



يهمس بصوت خفيف جدا,,, بصعوبة سمعته ,,, وش فيه هذا ,,, امس وش زينه يضحك ويسولف



وصلنا الشقة وحنا ساكتين ,,, وسألت خالد قبل ننزل



انا = خالد عسى ماشر وش فيك ,,, وينلي وناصر ضايقوك بشي .؟



خالد بهمس = لا



انا = تعبان .؟



خالد = لا



انا = اجل وش فيك .؟



التفت لي بنظرة حزينة



خالد = هذا انا قدامك مافيني شي خلنا ننزل



نزل ودخل العمارة ,,, اجل وش فيه ,,, لا يكون عنده مشكلة ثانية ولا قالي عنها ,,, حياة هالولد غريبة



نزلت ولقيت خالد يحتريني عند المصعد بفكر سارح وبنظرات حزينة ,,, ياربي وش ورا نظرات الحزن هذي



لا الغني مرتاح ولا الفقير مرتاح



وحنا في المصعد رن جوالي ,,, القيت نظره عليه وكان رقم غريب



انا = الووو



= السلام عليكم



انا = وعليكم السلام هلا اخوي



= هذا جوال خالد .؟



انا = أي نعم معك خالد



= معك ابوعبد الرحمن



اوووووووووووه ,,, هالديانة وراي وراي



انا = آآآ ,,, آمر



فتح المصعد وطلعنا ووقفنا عند باب الشقة كل هذا وخالد مازال سرحان



ابو عبد الرحمن = امهلت ابوك الله يرحمه وامهلتك سنتين عشان ظروفكم اللي تمرون فيها ,,, اظن سنتين كافيه



انا = ماقصرت ياعم انا الحمد الله لقيت وظيفة وهالشهر اقدر اسددلك 500 وان شاء الله يكون كل شهر اسددلك 500 وش قلت ياعم



ابو عبدالرحمن = زين زين ,,, كذا ترجعون ولو شي بسيط خلاص ارسل لك رقم حسابي وتحوله لي ,,, بارك الله فيك مع السلامة



انا بتنهيدة = مع السلامة



سكرت عنه والتفتت لخالد اللي نسيت انه يحتريني ,,, فتحت باب الشقة ودخلت اول شي عشان اخذله درب



ولقيت بالصالة خلود وسالم يلعبون بالبلاستيشن وسلمى تتفرج عليهم



خلود ونظرها على التلفزيون = جيت .؟



انا = لا رحت ,,, اطلعي عن الصالة شوي ,,, خالد معي



خلود = اصبر شوي بس المرحلة ذي



انا بعصبية = وش اصبر ,,, الرجال واقف يحتري



خلود بعصبية = افففففففف



وقفت اللعبة وطلعت



دخلت خالد للمجلس وطلعت رايح للصالة وشفت بطريقي معاذ رايح لخالد



رحت لخلود اللي دخلت المطبخ مندسة عن خالد



انا = خلود مصدع ابي شاي وخلي سالم يجيبه لنا للمجلس



ورحت لغرفتي واخذت كتبي ناوي احل واجباتي بالمجلس مستواي نازل خلني احل الواجبات يمكن يرقع شوي على الاقل



دخلت المجلس وتفاجأت باللي قدامي



لقيت خالد ضام معاذ لصدره ومغمض عيونه حتى انه مانتبه لي اني دخلت



جلست قريب منه شوي ,,, وانتبه لي خالد



خالد مستغرب = وش اللي معك .؟



انا = شوفت عينك



حالد = تحل الواجب .؟



انا = ايه



خالد = انا اخر شي افكر فيه الواجبات



انا = رحت لمدرستك اليوم .؟



خالد = لا



انا = والى متى الغياب ,,, لا تنسى انك بثالث



تنهد وسكت



بديت احل وانشغلت عن خالد بواجباتي ,,,, وبعد لحظات سمعت خالد يكلم معاذ



خالد = رصني معاذ (وضم معاذ لصدره اكثر) رصني كذا ,,, رصني بقوة



حاولت مارفع نظري ,,, وحطيت نفسي مشغول وماني منتبه له وصرت اشوفهم بطرف عيني



شفت خالد يحط ذراعين معاذ الصغيرة حول رقبته عشان معاذ يضمه ,,, عانقه معاذ شوي وتركه



خالد بترجي = لا معاذ رصني



حاول فيه خالد و يوم شاف معاذ مافهم عليه ,,, وهو يرفعه شوي ويضمه ,,, ودس وجهه بصدر معاذ ,,,



رفعت راسي له مستغرب ,,, ليش يبي معاذ يضمه



اخذ شوي وهو داس وجهه ,,, لين تضايق منه معاذ



ابعد وجهه عنه وجلس معاذ بحضنه وعطاه جواله عشان معاذ يسكت



نزلت راسي يعنني ماشفت شي ,,, وبطرف عيني شفت خالد سرحان بوجه معاذ



استغربت وش فيه خالد اليوم ,,, رفعت راسي وسألته



انا = خالد وش فيك .؟



رفع خالد راسه لي ببطئ وبنظرات حزينة



خالد = كم مرة تسألني هالسؤال .؟



انتبهت ان جوال خالد تنور شاشته بيد معاذ ,,, كان جواله على الصامت



انا = فيه احد يتصل عليك



اخذ الجوال من معاذ ونزله عن حضنه وانسدح على الكنب ,,, ولأن الكنب خاص لجلوس شخصين ومايصلح للتمدد عليه حط خالد رجله على يد الكنب والرجل الثانية منزلها بالارض



انا = ليش ماترد على جوالك .؟



خالد = مو مهم



انا = طيب وش تفكر فيه ,,, من يوم مامريتني وانت سرحان ,,, فيك شي .؟



خالد بملل = قلتلك مافيني شي ,,, حل واجباتك



دخل سالم ومعه الشاي نزله وجا بيطلع



انا = وين وين تعال صبلي وصب لخالد



صب لنا سالم وراح يركض يلحق عى البلاستيشن ,,, اشوى بعد البلاستيشن صرت ماسمع تضمراتهم



القيت نظرة على خالد ولقيته سرحان ,,, امووووووت واعرف وش فيه ,,, اخاف وينلي مأذيه بشي



مرت دقايق وانا احل واجباتي لين خلصت ,,, اففففف اخيرا مابغيت



رفعت راسي لخالد ولقيته نايم ,,, بسم الله متى نام هذا



قمت وطلعت من المجلس ورجعت كتبي لغرفتي وجلست بالصالة ,,, خله ينام شوي على الاقل ,,,



كانوا الى الحين خلود وسالم يلعبون بالصالة جا معاذ وبدون مقدمات جلس بحظني



خلود = غريبة اشوفك جالس بالصالة ,,, راح خالد .؟



انا = لو كان بيروح ,,, كان اول من يعرف انتي ,,, لأنك لازم تطلعين من الصالة عشان هو يتعدى للباب



خلود = يعني ماراح



انا = ايه



خلود = طيب قل ماراح وبس يعني لازم تشرح



انا = لأن سؤالك غبي



خلود = طيب وانت ليش جالس هنا وخويك بالمجلس .؟



انا = خالد نايم



التفتت لي خلود مستغربة



خلود = بينام عندنا .؟



انا = لا ,,, اباخذ شوي واقومه ,,, الا اذا بغى ينام عندنا كيفه انام معه بالمجلس



خلود = طيب تعال العب معي سالم مايعرف يلعب



سالم بعصبية = انتي اللي ماتعرفين



قمت واخذت اليد من سالم غصب عنه ,,, الحمد الله والشكر صاروا الكبار يلعبون والصغار يتفرجون



مرت نص ساعة وانا وخلود نلعب ,,, بعدها قمت ودخلت المجلس



ولقيت خالد على وضعه نايم ,,, وقفت عنده اتأمله



الهالات واضحة تحت عيونه ,,, لا يكون فيه حمى ,,, حطيت يدي على راسه وكانت حرارته عادية



عجيب اجل وش فيه ,,, القيت نظرة على الساعة ,,, اوووه قربت 2



انا = خالد خالد قم



مديت يدي وهزيته شوي ,,, فتح عينه مستغرب وجلس



خالد مقطب حواجبه = نمت ( وطلع جواله من جيب بنطلونه يشوف الساعة ورفع راسه لي منصدع ) ليه خليتني انوم لهالوقت



انا = عادي تقدر تنام هنا بس الاحسن تنام على الارض وانا ابجيب لك لحاف ومخدة



قام خالد



خالد = لا ,,, بطلع



انا = ماتبي تقولي وش فيك اليوم .؟ مانت طبيعي



خالد بملل = خذلي درب بطلع



انا = طيـ



قاطعني معصب



خالد بعصبية = خذلي درب



اخذتله درب وطلع ,,,



وش فيه هذا اليوم ,,, ياترا وش وراك بعد ياخالد



يوم الاحد



وانا في المدرسة كنت مكسل مالي خلق لشي ,,, صالح مدري وينه وابراهيم مشغول في النشاط



في نهاية الدوام المدرسي جاني ابراهيم وصالح



صالح = خالد اصبر قبل تطلع ابسألك ,,, شفت خالد امس .؟



انا بعدم استيعاب = من خالد .؟



ابراهيم = خالد تركي ,,, اليوم الفجر جاني العم ابو عبد الله خايف عليه يبيني ادور على خالد ,,, ووعدت ابو عبد الله ادور عليه بعد ماطلع من المدرسة ,,, تكفى اذا كنت تدل مكانه دلني عليه



شسالفة



انا مستغرب = هاااه ,,, شسالفة عيدوا من الاول ماني فاهم شي



ابرهيم = خالد مختفي من امس ماشفناه ,,, وابو عبد الله يحتريه



صالح = امس ماجا للبيت ابد ولا شفناه



ابراهيم = نتصل عليه مايرد ,,, ابو عبد الله مسكين الفجر شوي ويترجاني ادور عليه ,,, تكفى اذا كنت تعرف مكانه والا وين راح دلنا عليه



فتحت فمي مستغرب وش فيهم هذولي



انا = خالد سهران عندي امس



طالعوا بعض مستغربين



صالح بعصبية = عندك وحنا ندور عليه وساااااكت



ابراهيم = ليه ماعلمتنا او اتصلت علينا ,,, صالح من امس وهو يدوره



انا = وانا وش دراني انكم تبونه ,,, وبعدين هو مرني الساعة 9 في الليل بعد ماطلعت من الدوام وسهر عندي شوي وراح لبيته



طالعوا بعض مرة ثانية



انا = يعني العصر كان في بيته وبعد ماطلع من عندي رجع للبيت مرة ثانية



صالح مستغرب = لا ,,, خالد من فجر السبت ماطب البيت واليوم الاحد ,,, قبل شوي اتصل علي ابو عبد الله وعلمني انه الى الحين ماجا ,,, يعني له يومين



انا = وليه ماتصلتوا علي طيب .؟



صالح = وحنا وش يدرينا انه عندك ,,, نخبرك يإما بالدوام يأما ببيتك



انا = خالد كل يوم اشوفه ويسهر عندي



طالعوا بعض مرة ثانية



ابراهيم وصالح = كل يوم .؟



انا = ايه ,,, شسالفة ,,, انا متأكد انه طلع من عندي الساعة 2 رايح لبيت خاله



صالح = اقولك ابو عبد الله قبل شوي اتصل علي يقول ماشافه



طلعت جوالي ابتصل على خالد



ابراهيم = من اليوم اتصل مايرد علي



حطيت الجوال على اذني احتري رد خالد



خالد بصوت هادي = الوووووه



نزلت التلفون عن اذني وكلمت ابراهيم



انا = هذا هو رد



ابراهيم = ياسلام انا مايرد علي ,,, قله ابو عبد الله يبيه



حطيت الجوال باذني



انا = خالد وينك .؟



خالد = وش بغيت .؟



انا = خالد ابو عبد الله يدورك وخايف عليك ,,, امس يوم طلعت من عندي وين رحت.؟



خالد = انت وينك فيه.؟



انا = بالمدرسة ,,, بس بنطلع الحين



خالد = مع السلامة



وسكر بوجهي ,,, انصدمت ,,, ورجعت اتصل عليه مرة ثانية ولا يرد



ابراهيم = هاه وش قال .؟



انا = ماقال شي والحين اتصل عليه ولا يرد



التفتت لصالح



انا = صالح ,, خالد ماترك بيت خاله الا بسببك اكيد متهاوش معه



صالح = لا والله ماقلت له شي ,,, وبعدين اقولك خالد طلع من فجر السبت يعني طوال يوم امس ماشفناه



ابراهيم = ماعتقد انه بسبب صالح ,,, لأن ابو عبد الله يتصل وخالد منطشه مايرد عليه



اهاااا تذكرت خالد امس ماكان طبيعي وجواله كان يرن على الصامت ,,, بس فعلا كان منطشه



ابراهيم = خالد تكفى دلني وين مكانه ,,, لو تشوف ابو عبد الله يوم جاني الفجر شوي ويصيح خايف عليه ,,, وانا مواعده القاه



انا = العصر مرني ونروح ندوره



ابراهيم = طيب



انا متأكد انه طلع من عندي الساعة 2 في الليل بس كان على بالي انه بيروح لبيت خاله ,,, عجيب اذا مانام امس ببيت خاله اجل وين نام



رجعت الشقة وانا افكر بخالد وباختفائه المفاجئ

* 16 *


















































العصر



مرني ابراهيم عشان ندور على خويلد اللي اختفى فجأة



نتصل عليه انا وابراهيم ولا يرد علينا ,,, طلبت من ابراهيم يمر مكان شغلي عشان اخذ اذن من المدير ,,, وبعد مذلة رضى يعطيني اذن في الخروج ,,, مالت عليه



طلعت من المستشفى وركبت مع ابراهيم



ابراهيم = الحين وين نروح ,,, وين ندوره .؟



انا = الصراحة مدري



ابراهيم = مافيه مكان يحب يروح له دايم



قعدت افكر واحاول اتذكر الاماكن اللي كثير نروحلها ,,, لكن مافيه مكان معين اكثرها نفرفر بالشوارع



انا = امممم مافيه مكان محدد



ابراهيم = انت تقول كل يوم وهو معك وين تروحون دايم .؟



انا = ياما نفرفر بهالشوارع لين نمل والا نسهر في شقتي



حرك ابراهيم السيارة بحيرة وهو مايدري وين يروح



انا = تدري وشلون خلنا نسأل عنه باحد الفنادق يمكن مستاجر بوحدة منهن



ابراهيم = تبينا نمر الفنادق كلها .؟



انا = من كثرها عاد



ابراهيم = يمكن ماخذ شقة



انا = ماعتقد انه بياخذ شقة وهو بس براسه ,,, اكيد باحد الفنادق



ابراهيم = طيب يمكن له اخويا وقاط معهم باستراحة



انا بملل = افففففففف مشكلة اذا كان كذا ,,, خلنا نمر الفنادق الحين ونسأل ونشوف



ابراهيم = طيب بعض الفنادق مايعطون اسم المستاجرين عندهم يقالهم حريصين على الخصوصية وخاصة الفنادق الكبيرة ابو خمس نجوم



انا = نجرب ونشوف وان شاء الله نلقاه ,,, بس فهمني انت وش اللي خلاه يترك بيت خاله ,,, صاير شي بينهم .؟



ابراهيم = انا مثلك مادري عن شي ,,, جاني ابو عبد الله اليوم بعد صلاة الفجر وسألني عن خالد قلت له ماشفته امس ابد ,,, وترجاني ادور عليه ,,, لا المشكلة وش ,,, الظهر يوم جيت من المدرسة ,,, جاني لحد باب بيتي يسألني عنه والله لو تشوفه ياخالد تلاحظ الخوف بعيونه ,,, خايف عليه مرة وخالد الحمار مطنش خاله الضعيف ولا يرد عليه



انا = يمكن صاير بينهم هوشة



ابراهيم = اقولك ابو عبد الله شوي ويصيح من خوفه عليه ,,, لو صارت بينهم هوشة مثل ماتقول ماسأل ابو عبد الله عن خالد ولا اهتم فيه غاب عن البيت والا ماغاب ,,, صح والا لا .؟



انا = والله مدري



ابراهيم = وانا اظن اكثر خوف ابو عبد الله عليه بسبب مرض خالد يخاف صار له شي او شي ,,, خاصة ان خالد يغمى عليه كثير



انا = طيب صالح ماقالك شي .؟



ابراهيم = صالح بعد مايدري ,,, اصلا ابو عبد الله ماطلب مني ادور على خالد الا بعد مادوره صالح امس



انا = طيب امس ليه ماتصل علي صالح ,,, خالد كان عندي



ابراهيم = وحنا وش يدرينا انه عندك ,,, نخبرك ياما بالدوام والا بشقتك



انا = الله يعين ,,, مدري ليه احس ان طلعة خالد من البيت بسبب صويلح



ابراهيم = كل شي جايز ,,, وصالح تعرفه انت يموت بالمشاكل



انا = صح ,,, هو ليه ماجا .؟ ,,, مو يقول بيجي معنا



ابراهيم = صالح ارسل لي العصر قبل امرك يقول انه مشغول مايقدر يجي ,,, يقول ابو عبد الله بيجيه ضيوف



انا = الله يعين ابو عبد الله وهو له نفس للضيوف الحين



بعد صلاة العشا



من العصر الى العشا وحنا ندور عليه ,,, مرينا كل الفنادق اللي بالديرة ثلاث فنادق من الفنادق الفخمة الخمس نجوم سألنا عنه ومارضوا يعلمونا ,,, قلنا لهم لضرورة ومارضوا ,,, شسوات الحين



انا = شسوات الحين .؟



ابراهيم = اففففففففففففف تعبت وانا افرفر ,,, اللي يشوفني يقول قرد مضيعة ولدها



انا = ههههههههههههههههههههههههههههه تشبيه ممتااااااز



ابراهيم = يله عاد



انا بملل = خلنا نرجع



ابراهيم = طيب بس وش اقول لبوعبد الله .؟



انا = مدري ,,, دبر نفسك معه ,,, الله يعينك



وصلت الشقة ودخلت



خلود بفرح = خااااااااااااااااالد باااااركلي امي اتصلت



قبل شهر تقريبا اتصلت علي امي مرة بجوالي وعلمتها اننا انتقلنا وعطيتها رقم تلفون الشقة ,,, وتتصل علينا من فترة لفترة ,,, لكن نذالة زوجها مايخليها تزورنا ونشوفها



انا مستغرب = طيب ماهي اول مرة تتصل ,,, المهم قوليلي وش اخبارها .؟



خلود بفرح = ماهي اول مرة تتصل بس فيه خبر بمليون ريال



انا مستغرب = خبر .؟ ,,, وشو .؟



خلود بفرح = تقول ان زوجها لقى عمل بالشرقية ,,,, وبينتقلون للسعودية وبيسكنون بالشرقية الاسبوع الجاي ,,, وااااااو فرحانه اخييييييييرا ابشوف امييييي ,,, ترانا بنروح للشرقية اذا جو



ياسلااااام وش الانانية اللي بزوجها ,,, امي دايم تترجاه يجيبها للسعودية عشان تزورنا ويعيي ,,, ويوم صارت له مصلحة قش عفشه وجا



انا بعصبية = لا ماحنا رايحين للشرقية



سكتت خلود شوي مستغربة



خلود باستغراب = ليه .؟ الا بنروح



انا بعصبية = لا ,,, امي دايم تطلب منه يجيبها ويعيي ,,, والحين يوم لقى وظيفة بالسعودية رضى ,,, حتى مو عندنا هنا ,,, لا بيسكنون بالشرقية ,,, 700 كيلو من هنا ,,, لا ماحنا رايحين



شفت عيون خلود تمتلي دموع وبعدها صاحت



خلود وهي تبكي = الا ,,, انا ماصدقت امي تجي للسعودية واخر شي تقول ماحنا رايحين ,,, الا بنروح بنرووووووح



انا بعصبية = لا ماحنا رايحين ,,, وبعدين هو ليه مايجيبها



خلود = هو دايم يعيي



انا = والله ماطب بيته الكلب



ورحت غرفتي معصب ,,, لحقتني خلود وهي تبكي ووراها سالم وسلمى



خلود = الا بنسافر ,,, بس يوم ,,, يوم واحد بس ,,, خلنا نشوفها



سالم = خالد نبي نشوف امي



انا بعصبية = تبي تجي تجي ,,, اما انا اسافر له ,,, لا ,,, تسمعون لا



سالم = بس من زمان ماشفنا امي



انا = اجل اتصل على الكلب خله يجيبها



خلود وهي الى الحين تبكي = مايرضى ,,, بنروح الاسبوع الجاي للشرقية



انا = لا ,,, وبعدين انتي تقولين الى الحين ماجو السعودية ,,, تكلمين في الموضوع الحين ليه .؟



خلود = امي تقول بيجون الاسبوع الجاي



انا بعصبية = الاسبوع الجاي والا السنة الجاية ,,, بيت زوجها الحقير ماني طابه ,,, وروحي حطي العشا جوعاااااان



خلود وهي تبكي وبعصبية = ماني حاطة العشا ,,, حطه انت



وراحت لغرفتها وسكرت على عمرها ,,, ماني برايح له ولا ابي اشوف وجهه ,,, اناني حرمنا من امي سنه كاملة ويوم صارت له مصلحة يجي ,,, شرّف للسعودية وهو دايم يعيي عن امي يجيبها



انتبهت ان سالم وسلمى الى الحين يطالعوني



انا بصراخ = وش تبوووووون



سالم وشوي ويصيح = انت ليه ماتحب امي



انا بعصبية = اذلف انت الثاني والا ترا بكف يعدلك



راح سالم وهو يبكي وراحت سلمى وراه ,,, سدو نفسي عن العشا افففففف ,,, انام احسن ,,, روحة للشرقية ماني رايح





الاثنين



رحت للمدرسة وانا مزفت مالي خلق لشي ,,, وفوق هذا تأخرت عن الحصة الاولى ووقفني الوكيل ,,, افففففففف فاضيلهم



المهم طوال اليوم الدراسي ماشفت لا صالح ولا ابراهيم ,,, ابراهيم كالعادة مشغول بالنشاط اما صالح غايب ,,, و ماجد طفشان مثلي ماله نفس لشي



في نهاية الدوام احترينا انا وماجد ابراهيم عند الباب كالعادة



انا = وين ابراهيم .؟



ماجد بكسل = شكله ماخلص من النشاط الى الحين يحب يكرف نفسه ,,, المهم انا بطلع مع السلامة



وراح ,,, انتظرت شوي لين جاني ابراهيم



ابراهيم = وين ماجد .؟



انا = احتراك شوي وراح ,,, المهم انا ماحتريتك الا عشان اسألك ,,, رد عليك خالد .؟



ابراهيم = لا من امس وانا اتصل عليه مايرد ,,, وانت .؟



انا = انا الصراحة امس ماكان لي نفس لشي ونمت بدري ولا اتصلت عليه



ابراهيم = تدري من الضيوف اللي كانوا عند ابو عبد الله امس .؟



انا = وانا وش دراني ,,, من .؟



ابراهيم = ابو خالد ومعه واحد امريكي



انصدمت



انا بصدمه = امريكييييييييي



ابراهيم = ايه ,, فاتك لو تشوف صالح امس استانس على هالامريكي حالف الا يشربه قهوتنا ههههههههههه



امريكي مع ابو خالد ,,, اكيد هذا وينلي الحقير وله وجه يجي بعد



بس العجيب ليه جاي مع ابو خالد ,,, وليه خالد اختفى بنفس الوقت اللي جا فيه ابوه ,,



التفتت لبراهيم



انا = ابو خالد جا .؟



ابراهيم = ايه ,,, رجال اللي يشوفه يقول عميد جامعة



انا = ليه جايين .؟



ابراهيم = اللي فهمته من صالح ,,, ان ابو خالد جاي يسلم على ولده وبيرجع لكندا ,,, بس تبي الصراحة ,,, خالد طاح من عيني ابوه جاي له يبي يسلم عليه وهو ترك البيت ,,, ابوه يتصل عليه ولا يرد وابو عبد الله الضعيف يتصل عليه ولا يرد



انا = ابو خالد جاي يسلم على ولده وينلي وش دخله .؟



تفاجئ ابراهيم مني



ابراهيم متفاجئ = وش عرفك انه اسمه وينلي



انتبهت لغلطتي خالد قالي لا تعلم احد



انا تلعثمت = آآآآآ ,,, انت قلت اسمه قبل شوي



ابراهيم مستغرب = انا قلت اسمه قبل شوي



انا = ايه وش فيك نسيت



مسكين شككته بنفسه ,,, رجع يحاول يتذكر كلامه



انا = المهم قلي هالامريكي ليش راز وجهه



ابراهيم = مدري ,,, واصلا ماحد يفهم عليه ,,, مايتكلم معه الا ابو خالد ,,, بس فاتك صالح امس ليتك شفته ههههههههه



طلعت جوالي وحاولت اتصل على خالد ولا يرد



انا = مايرد



ابراهيم = مايرد على احد ,,, الصراحة مايستاهل احد يتصل عليه ,,, ابوه جاي له بيسلم عليه وجلسوا اليوم يحترونه مع ان موعد طيارة ابو خالد بكرة الفجر



انا بفرح = الامريكي بعد بيسافر .؟



ابراهيم = لا اللي بيسافر بس ابو خالد ,,, بس مضطرين يرجعون للرياض اليوم عشان طيارة ابو خالد



انا بخوف = ماتدري ليش الامريكي جاي .؟



ابراهيم = وش فيك ماتسألني الا عن الامريكي ,,, وش رايك تجي تشوفه ,,, الصراحة هو متواضع هههههه وياخذ صالح على قد عقله ,,, ويحاول يتكلم معنا عربي بس مايعرف ههههههههه



امحححححححححححق تواضع ,,, لو تعرفه يابراهيم كان ماقلت هالكلام



انا = هم موجودين الحين .؟



ابراهيم = ايه يقول صالح بيحترون خالد لين المغرب وبيرحون ,,, اخ بس خويلد ماتوقعت منه هالتصرف ,,, ابوه جاي متعني له وهو مايجي يسلم عليه ,,, ومايرد على احد



انا = خالد معذور



ابراهيم بعصبية = وش معذور ,,, اقولك ابوه انا شايفه بالعزيمة امس يتصل على خالد ,,, وخالد منطشه و مايرد على احد



عجيب ليه خالد مايرد على ابوه اللي كان مسافر ,,, وفوق هذا جاي له بنفسه عشان يسلم عليه ,,, والا بس عشان معه وينلي ,,, طيب وش ذنب ابوه مايرد على اتصالاته



غريب هالخالد هذا





الظهر



وحنا نتغدا



خلود = خالد ترا بنروح للشرقية



ياذا الشرقية اللي اذتنا فيها



انا بملل = لا



خلود بترجي = خااااالد ابي اشوف امي



سالم = نبي نشوف امي



سلمى = ايه



انا = اللي يسمعكم الحين يقول هي بالشرقية ( والتفتت على خلود بعصبية ) متى قالت بيجون .؟



خلود = الاسبوع الجاي



انا = خلاص اجل اسكتي ,,, اذا جو يصير خير



وسكتوا ,,





العصر



طوال وانا بالدوام احاول اتصل بخالد ولا يرد علي ,,, وين راح ليه مايرد على احد ,,, لا يكون مغمى عليه وماحد يدري عنه



بعد صلاة المغرب



رن جوالي القيت نظرة عليه ( ابراهيم يتصل بك )



انا = هلا ابراهيم



ابراهيم = خالد قلي وش اسوي .؟



انا مستغرب = بسم الله الرحمن الرحيم طيب سلّم



ابراهيم = السلام عليكم ,,, انا بلشت بهالخالد ,,, ابو عبد الله يترجاني ادوره



سكت مدري وش اقول ما باليد حيله



ابراهيم = جاني ابو عبد الله قبل شوي خايف يقول انت اكيد تعرف وين مكان خالد ومخبي علي ,,, تصدق انه بكى قدامي



انصدمت



انا بصدمه = بكى .؟



ابراهيم متأثر = ايه ,,, حلفت له اني ماعرف وين مكانه ,,, يقول هذا ثالث يوم له و مايدرون وينه ,,, انا لو اشوف خالد هذا ابنتفه تنتيف



انا = وابو عبد الله ليه مايقول لصالح يدوره .؟



ابراهيم = قاله ,,, ودوره صالح اول يوم وعليها



انا = طيب وش تبيني اسوي الحين ,,, انا مثلك مدري وينه



ابراهيم = ابمرك تروح معي



انا = لا ,,, ماخلص دوامي ,,, اخلص الساعة 9



ابراهيم = طيب وش اسوي قلي .؟



انا = طيب قل لبوعبد الله ان خالد بيرجع للبيت من كيفه ماهو بزر هو



ابراهيم = قاله صالح بس هاوشه ابو عبد الله يقول ماطلع خالد من البيت الا بسببك ,,, مسكين صويلح انصدم هههه ,,, انا متأكد ان طلعة خالد مو بسبب صالح اكيد فيه سبب ثاني لكن وش ,,, مادري



انا = طيب ابو خالد والزفت اللي معه راحوا .؟



ابراهيم = ايه ,,, اقدر امرك .؟



انا = لا ابراهيم ,,, ماقدر اخذ اذن مرة ثانية ,,, امس بصعوبة استاذنت



ابراهيم بحيرة = طيب مع السلامة



انا = مع السلامة



مسكين ابراهيم بلش بين خالد وخاله



انتهى الدوام ,,, اخذت لموزين و رحت للشقة طوال الطريق وانا اتصل بخالد ولا يرد ,,, وش فيه هذا ليه مايرد على احد



دخلت الشقة وجلست بالصالة سألوني سالم وسلمى عن خالد ببراءة شكلهم تعودوا عليه



سالم = وين خالد .؟



سلمى = وينه ابقوله ان امي بتجي



ضربها سالم



سالم بعصبية = لا انا ابقوله



سلمى بعصبية = لا انا ابقوله



وتهاوشوا ,,, خلونا نلقى خالد اول وبعدين قولوا له اللي تبون



خلود مستغربة = خالد وش فيك .؟



التفتت لخلود بكسل



انا = خالد مختفي ولا ندري وينه



خلود = وشلون مختفي وهو قبل امس عندنا يوم ينام بالمجلس



انا = السبت كان عندي ,,, بس ابو عبد الله يدوره له ثلاث ايام ,,, هذا اليوم الثالث



تفاجأت خلود



خلود مستغربة = ثلاث ايام وابو عبد الله يدوره

* 17 *








































خلود مستغربة = ثلاث ايام وابو عبد الله يدوره



انا = ايه ,,, وابوه جا يبي يسلم عليه واحتراه اليوم بس اخر شي اضطر وسافر ,,, لهم ثلاث ايام و ابوه وابو عبد الله وابراهيم وصالح يتصلون عليه ولا يرد ,,, حتى انا مايرد علي



خلود = الصراحة ماعنده سالفة خويك هذا ,,, مايرد على ابوه ,,, غيره يتمنى الاب ,,, اروح احط العشا احسن



وراحت للمطبخ ,,, طوال وحنا نتعشى وانا احاول اتذكر الاماكن اللي ممكن يكون يروحلها خالد



خلود = وش فيك .؟



رفعت راسي لخلود



انا بتفكير سارح = مافيني شي



خلود = طيب وشوله متضايق يمكن خويك الخبل راح للرياض



انا = طيب ليه مايرد علينا



فكرت خلود شوي وبعدها



خلود = اممم طيب انت عمرك اتصلت عليه من تلفون الشقة ,,, لو ماتصلت عليه من التلفون بيطلع عنده الرقم غريب ,, ويمكن يرد عليك



انا بفرح = أي والله جبتيها



وقمت اجرب



خلود مستغرب = كمل عشاك



انا = الحين الحين



واخذت التلفون ,,, بس لحظة اخاف يسكر بوجهي ,, والتفتت لسالم وسلمى



انا = سالم سلمى تعالوا ابيكم تكلمون خالد



قاموا وجو عندي



سالم = انا ابعلمه



سلمى بعصبية = لا انا ابعلمه



انا مستغرب = تعلمونه عن وش .؟



سالم = انا ابعلمه عن امي



سلمى بعصبية = لا انا ابعلمه



انا بعصبية = لا انت ولا هي ,,, بالتلفون لا تقولون له شي



سالم = ليه



انا = اسمع بس ,,, خذ السماعة وابيك تقوله ,, خالد تعال عندنا ومن زمان ماشفناك وقله كلام حلو



سالم = طيب



عطيته السماعة واتصلت على جوال خالد



بعد شوي تكلم سالم



سالم = الوووووووووه



تنهدت بارتياح الحمد الله اخيرا رد



سالم = خالد وينك ماتجي عندنا ,,,,, تعال نبيك ,,,, من زمان ماشفناك ,,,, تعال تعال ,,,, تعال ابقولك كلام حلو



شهقت ,,, فضحنا ,,, سحبت السماعة منه وضربته على راسه على غبائه ,,, وحطيت السماعة باذن سلمى



سلمى = الووووووو ,,, خالد ليه ماتجينا ,,, تعال ابقولك شي



سحبت السماعة من سلمى وحطيتها باذني ,,, خلاص دور سلمى وسالم انتهى



خالد = وش تبين تقولين سلومتي



صوته هادي جدا وعلى باله سلمى تسمعه



انا = خالد وينك فيه .؟



سكت شوي



خالد بهمس = خالد !



انا = ايه خالد ,,, بتسكر التلفون بوجهي بعد



سمعته يتنهد وسكت



انا = خالد وينك ابجيك الحين



خالد = وش تبي .؟



انا بعصبية = وينك ابجيك



خالد = لا ,,, لا تجي



انا بعصبية = الا ابجيك غصب عنك ,,, وينك



خالد بتنهيدة = خالد مابيك تجي الحين ,,, بلوزتي توني غاسلها ومانشفت الى الحين وماعندي غيار



بغيت اضحك بس اشوى اني مسكت ضحكتي ,,, بس ماعلي منه انا ماصدقت انه يرد



انا = ادري تتعذر يله بس قلي وينك



خالد = والله ماتعذر وبعدين مالي نفس اشوف احد



انا = شفت انك تتعذر ,,, قلي وينك .؟



خالد = ماتعذر صـ



قاطعته معصب



انا بعصبية = ويييييييييييينك



خالد بتنهيدة = ماشفت ألح منك ,,, انا بفندق الـ...... ,,, غرفة 102



انا = يله الحين جاي



وسكرت بوجهه ,,, طلعت من الشقة ,,, لحظة ليه ماخذ سالم وسلمى معي ,,, رجعت مرة ثانية للشقة



انا = سالم سلمى ,,, تبون تروحون معي .؟



خلود مستغربة = وين بتاخذهم .؟



انا = ابيهم يروحون معي لخالد ( والتفتت لهم ) يله امشوا



راحوا يتراكظون قدامي وفي اقل من الثانية صاروا عند المصعد ,,, معاذ يوم شاف سالم وسلمى بيروحون جاني ومد يديه لي يبيني اشيله



شلته وعطيته خلود



انا = امسكيه مابيه يروح معي



خلود = ليه خذه معك



انا = لا لا مابيه خليه معك



تعلق فيني معاذ ومسك شماغي مصر يروح ,,, لكن ماعطيته وجه وطلعت من الشقة وهو يبكي



وصلنا الفندق اللي فيه خالد ,,, الفندق هذا مرينا عليه انا وابراهيم بس كان من الفنادق اللي رفضوا يجاوبونا ,,, فندق فخم خمس نجوم



وصلت غرفة خالد وضربت الباب ,,, بعد شوي فتح لي هو و انصدمت من شكله



الهالات واضحة اكثر من قبل ,,, والتعب واضح عليه ,,, ابتسم لي بتعب



خالد بابتسامة = هلا خالد ( وفسح لي الطريق ) تفضل حياك



انا بصدمة = وش فيك خالد ,,, تعبان .؟



خالد بتنهيدة = لي يومين احاول انوم عجزت ,,, حياك تفضل



دخلت غرفته بس لحظة وين اخواني كانوا وراي ,,, طلعت مرة ثانية



وتلفتت ادورهم ,,, ولقيتهم في أخر الممر عند حوض سمك ويتفرجون عليه ,,, صارخت فيهم اناديهم ,,, الشرهة موب عليهم الشرهة اللي يجيبهم معه



انا بصراخ = تعااااااااالوا



طلع خالد من الغرفة مستغرب ويوم شافهم وهو يبتسم بحنان



خالد بهمس = ياحليلهم

جو سالم وسلمى يركظون



سلمى = خالد نبي سمـك ( وانتبهت لخالد وراحت له ) خاااالد وين كنت من زمان ماشفتك



نزل خالد لمستواها وسلم عليها ,,, وسلم على سالم ,,, بس سالم تعلق برقبته ( لزقة) ,, ضمه خالد وشاله



خالد = تفضل خالد ليش واقف ,,, حياك



دخلت غرفته وجلسنا كلنا على السرير وسالم مازال متعلق فيه



خالد = اعذرني خالد ماعندي غيار ,,, وماعندي الا هالبلوزة (واشر على مكان فنيلته اللي معلقها على باب الدولاب عشان تنشف ) وباقي بلايزي بالسيارة وانت اصريت تجي واستحيت اطلع للشارع وانا بهالشكل



كان ماعليه الا بنطلونه الجنز الاسود



انا = تبيني اروح للسيارة اجيبلك فنيله



خالد = ياليت



واخذ المفتاح من فوق الكومدينة ومده لي



انا = وين موقّفها ( واخذت المفتاح منه ) وترا بطريقي ابتصل بابراهيم



قطب خالد حواجبه بعصبية ( وسحب المفاتيح مني )



خالد = لا ,,, لا تتصل باحد ,,, ياويلك ان اتصلت



انا مستغرب = ليش ,,, ابو عبد الله يدورك



خالد = لا خالد لا تتصل



انا بعصبية = حرام عليك اللي تسويه بخالك ,,, ابراهيم يقولي انه خايف عليك مرة ,,, ليش ماترد عليه ,,, الصراحة يبيلك كف يعدلك



خالد = لا تتصل



انا = طيب انت اتصل بخالك



خالد بصراخ = ماااااااااااني متصل باحد



ضم سالم اكثر ودس وجهه برقبة سالم ,,, استغربت تصرفه ليش يضم اخواني كل ماصار متضايق ,,, قبل معاذ والحين سالم



انا = طيب انا ابتصل بخالك واقوله اني لقيتك



تكلم خالد وهو مازال داس وجهه ولا فهمت عليه وش يقول ,,, بالتالي سحبت سالم من حضنه و ابعدته عنه



انا بعصبية = وش تقول انت ,,, ( والتفتت لسالم ) رح العب بعيد



سالم = لاااااا ابسمعكم ,,,



وارتمى بحضن خالد مرة ثانية



انا = خالد ابقول لبوعبد الله اني لقيتك



خالد بعصبية = وش لقيتني مالقيتني ,,, وش قالوا لك عني بزر ضايع



انا بصراخ = ايه بزر ,,, والا هذا تصرف تسويه ,,, تدري ان خالك المسكين بكى قدام ابراهيم ,,, والا انت ماتستاهل اللي يسأل عنك



تفاجئ خالد وطير عيونه فيني



خالد مستغرب = وشلون ,,, خالي .؟



انا = ايه خالك ,,, اللي يدورك وخايف عليك



سكت شوي متفاجئ وبعدها تنهد ونزل راسه وقال بهمس



خالد بهمس = الله يرحم عيال خالي ,,, ليتهم موجودين



انا = الله يرحمهم ,,, يله خالد اتصل فيه



خالد = مو الحين ,,, مابي ارجع البيت الحين



ادري انه مايبي يروح للبيت عشان وينلي ,,,



انا = راح وينلي ,,, مالك عذرالحين



رفع راسه لي مرة ثاني متفاجئ ,,, وش فيه ذا كل ماقلت له شي تفاجئ



خالد بصدمة = وينلي جا هنا .؟



هالمرة انا اللي تفاجأت ,,, وشلون مايدري انه جا ,,, اجل ليش هاج عن بيت خاله



انا مستغرب = ايه ,,, هو وابوك جو



طالع خالد قدام شوي يفكر



انا = وش فيك خالد .؟



خالد بتفكير سارح = انا ادري ان ابوي هنا ,,, بس مادريت ان وينلي بيجي ,,, ليش جا ( والتفت لي بعصبية وصارخ في وجهي ) ليش جاااااااا مايكفي انه ضحك على ابوي ,,, بيضحك على خالي بعد



ابعد سالم عنه وقام معصب



خالد بعصبية = يمثل قدام ابوي انه طيب ويهتم بمصلحة الشغل وانا مطلعني قدام ابوي الولد الصايع اللي مايهتم الا باللعب وبس ,,, ومتهمني عند ابوي اني السبب في خسارة العيادة الشهر اللي راح ,,, ضاحك على ابوي مطلعني قدامه اني مقيد مصالح العيادة ,,,, ليه جاي ليه جاي ,,, بيضحك على خالي بعد ,,, قلي بيضحك على خالي



قمت وقربت عنده احاول اهديه



انا = خالد اهدى شوي ,,, انا الصراحة ماشفته ولا ادري ليش جا ,,, بس كنت اظنك انك تدري عنه ,,, هد اعصابك



ضرب صدره بقهر



خالد بصراخ = ماكنت ادري ماكنت ادري ,,, كذب على ابوي قال اني السبب في خسارة العيادة الشهر اللي راح ,,, والله ماخليه ,,, جااااااي بيضحك على خالي ,,, الا خالي ياخالد الا خالي ,,, ماعلي من ابوي صدقني والا ماصدقني ,,, انا علي من خالي وبس ,,, ليش يسوي معي كذا ليش ليش ( وتغير صوته وكمل بضعف ) ليش .؟ الا خالي ,,, خالي هو ابوي ماعرف اب غيره



مسكت ذراعه وسحبته للسرير



انا = تعال خالد انت تعبان ,,, تعال وارتاح



طاعني خالد وانسدح على السرير بتعب ,,, حاولت الحفه لكن خالد انسدح على اللحاف ولا قدرت اسحب اللحاف من تحته



التفتت لسالم لقيته يطالع خالد وهو مبرطم ,,, مدري فاهم سالم علينا ولا لا ,,, والتفتت مرة ثانية لخالد ,,, مستلقي على ظهره ومغطي عيونه بذراعه ويتوعد بوينلي بصوت هامس



خالد بهمس = والله ماخليه ماخليه ,,, الا خالي ,,, الا خالي ياوينلي الا خالي الا ابوي



جلست على السرير بجنبه وبعدت ذراعه عشان اشوفه



انا = خالد اهدى ,,, انا مادري ليه جا وانت بعد ماتدري ليه جا ,,, يمكن عنده شغل هنا وجا مع ابوك ,,, لا تحرق دمك



يناظر السقف ومازال يتوعد بصوت هامس ,,, الله يستر منك وعليك ياخالد تتوعد وغيرك يتوعدبك



انا = خالد بسألك سؤال ويرحم امك تجاوبني ( ومسكت يده اترجاه )



التفت خالد لي بنظرات حزينه وسكت بس مازالت انفاسه سريعة ( مادري وش سبب انفاسه السريعة هو تعب والا من العصبية )



انا = وش اللي خلاك تطلع من بيت ابو عبد الله .؟ ليش خليت البيت وانت ماتدري عن وينلي وداري عن ابوك انه بيجي



طول وهو يطالعني بحزن ,,, حطيت يدي على صدره احثه على الكلام



انا بترجي = يرحم امك جاوبني



رد علي وهو يجاهد الدمعة



خالد = آآآآ ,,, انا ,,, آآآ ,,, انا ماشفت ابوي من 5 شهور



طيرت عيونه فيه منصدم ,,, بس سكتت عنه احتريه يكمل



خالد بألم واضح = انا ابوي خالي وبس ,,, تركي ماهو ابوي ماهو ابوي



انا = خالد لا تقول هالكلام غيرك يتمنى الاب



خالد بألم = انا مقهور مقهوووور ابوي همه اعماله وتجارته وسفراته وبس ,,, ماعمره سأل عني ,,, ماعمره اهتم فيني ,,, ماعمره نصحني ,,, ابوي ضيعني ,,, ابوي ضيعني باهماله والحين ضيعني باعماله ( وطلعت الدمعات اللي كان يجاهدها ) مابي اشوفه ,, مابي اشوفه ( وحط ذراعه يغطي عيونه عني ) اطلع خالد اطلع مابي احد اطلع



جا سالم وركب على السرير وركب على خالد يضمه



سالم بصوت باكي = انا بعد ماعندي ابو ,,, خالد تعال عندنا ,,, كلنا ماعندنا ابو



لاااااااا ,, سالم سمع كل شي ,,, والتفتت لسلمى وانا متأثر واحاول اجاهد دمعتي ,, لقيتها واقفه تلعب بشي بعيد عنا ,,, والتفتت مرة ثانية لهالاثنين ,,, سالم وخالد اليتيمين



حاولت اسحب سالم عشان يقوم عن خالد ,, بس خالد لف ذراعيه حولين سالم ورصه بقوة



تأملتهم شوي وبعدها قمت وخليتهم وطلعت من غرفة خالد ,,, واتصلت بابراهيم



ابراهيم = الووووووو



انا = السلام عليكم



ابراهيم = وعليكم السلام ,,, هلا خالد ,, وش فيه صوتك



انا = مافيه شي ,,, اقول ابراهيم تراني لقيت خالد



شهق ابراهيم بفرحة



ابراهيم بفرح = اخييييييييييرا ,, بالله ربطه ووده لاقرب مركز وانا ابجيب ابو عبد الله يستلمه



ابتسمت على خفة دم ابراهيم



انا = لا ,, لاتجيب ابو عبد الله ,,, خالد نفسيته تعبانة الحين



سكت ابراهيم شوي



ابراهيم مستغرب = ليه وش فيه ,,, صارله شي



انا = بعدين ابراهيم بس حبيت اقولك اني لقيته



ابراهيم = وينكم الحين ,,, ابجيكم



انا = لا ,,, انا ابجيبه لبيت ابو عبد الله بس موب الحين ,,, يله مع السلامة



ابراهيم = اصبر وش اقول لبوعبد الله .؟



انا = امممم قله انك اتصلت عليه ورد عليك وهو بخير المهم يتطمن عليه بس ,,, يله مع السلامة



دخلت الغرفة مرة ثانية ولقيت سالم جالس على السرير ويتكلم مع خالد الجالس



التفتوا لي ,,, وابتسمت لهم



انا = يله سالم سلمى بنروح للبيت بكرة مدرسة



ركضت سلمى ونقزت على السرير



سلمى بفرح = خالد ابقولك شي ,,, امي بتجييييي



قطب خالد حواجبه مستغرب



خالد = هاااه



سالم بفرح = ايه صح امي بتجي ,,, انا سلمت على امك انت سلم على امي بعد ,,, خلاص .؟



ابتسم خالد والتفت لي



خالد بابتسامة = امك بتجي .؟



حركت اكتافي بلا مبالاة



انا = يقولون ,,, بس بتسكن بالشرقية



خالد مستغرب = وليش مانت فرحان ,,, مرة قالي خالي ان امكم سافرت عنكم من سنة ونص



جلست بحافة السرير



انا = وليش افرح ,, امي تزوجت وخلتنا وحنا بأمس الحاجة لها



زحف خالد على السرير لين جا عندي وجلس ملاصق لي وحط ذراعه على اكتافي ,,, ابتسمت هذا خالد اللي اعرفه ,,, افتقدته الصراحة



خالد = امك جنتك ونارك ,,, الام ماهي مثل الاب ,,, اكيد مغلوبة على امرها والا مافيه ام تترك عيالها برضاها ( ابعد ذراعه عني وتنهد ) انا بعد ماشفت امي من شهر



صح خالد ماراح للرياض شهر كامل بس ليش مادري



التفتت له وسالته



انا مستغرب = صح خالد ,,, لك شهر مارحت للرياض ,,, ليه .؟



خالد = ابوي له شهر وهو بالرياض وانا مابي اشوفه



ياسلام ,,, تفكير غبي



انا بسخرية = الحمد الله والشكر وش هالتفكير الغبي وامك وش ذنبها ماتروح تسلم عليها



ابتسم خالد ابتسامة واسعة وبعدها ضحك



خالد = هههههههههههههه امي مالها ذنب وامك مالها ذنب ,,, ليش تلوم امك بشي مو بيدها ( التفت لي بنظرة جادة ) الام مغلوب على امرها ,,, لا تزعل من امك مهما كان السبب



ضربت فخذه وقمت



انا = ماني فاضيك الحين ,,, ابروح انام ,,, بكرة عندي دوامين ,,, ماني مثلك فاضي ( والتفتت لسالم وسلمى ) يله انتم قدامي اشوف



قام خالد واخذ مفتاح السيارة ورماه علي



خالد = خذ



مسكت المفتاح مستغرب ,, شوي و تذكرت ان ماعليه الا بنطلون



انا = هههههههههه اعذرني خالد نسيت ,,, الحين اروح للسيارة اجيبلك فنيلة هههههههههه نسيت اعذرني



خالد = لا مايحتاج الحين ,, ابنوم ,,, انا عطيتك مفتاح السيارة عشان تروح فيها وتعال لي بعد ماتخلص من دوامك بكرة



تفاجئت



انا مستغرب = وانت .؟



خالد = انا لي يومين مانمت و ابحاول انوم الحين ,,, ويله برا من غير مطرود



وانسدح على سريره وتلحف



اخذت سيارته ورجعت الشقة



مادري وش اقول عنك ياخالد ,,,



خالد المقهور والا خالد المجنون والا خالد المريض والا خالد الحنون



على العموم كلها تناسبك





يوم الثلاثاء



بعد ماخلصت من دوامي ,,, اتصلت بخلود و علمتها اني ابتاخر ,,, ورحت لخالد ,,, فتح لي باب غرفته ودخلت ,,,



انا = يله سلم مفتاح الغرفة وامش



خالد مستغرب = وين .؟



انا بعصبية = وش وين بعد .؟ للبيت ,,, ابو عبد الله يحتريك



خالد بتهيدة = ايه ابروح الحين ,,, اتصلت علي اختي اليوم العصر وعلمتني ان ابوي سافر



عجيب ,, شكل اخته مثله ماتحب ابوها ,,, وتجيب الاخبار لخالد اول باول





طلعنا من الفندق ورحنا لبيت ابو عبد الله



وماكان في الشارع الا الاطفال يلعبون ,,, نزلنا من السيارة وفتح لنا صالح الباب ,,, ويوم شاف خالد



صالح = اوه اوه اوه خالد,,, شبعت من التسكع وجيت ( والتفت لي ) وين لقيته .؟



خالد = وخر بنمر ( ودفع صالح على جنب ودخل ) وين خالي .؟



صالح = لا ماشاء الله عليك ,, فيك خير تسأل عنه



لا إله إلا الله ,,, بتبدأ الهوشة الحين



انا = صالح وين ابو عبد الله ,,, انا مستعجل



دخل خالد المجلس ودخلت وراه وراح صالح يعلم ابو عبد الله



مرت لحظات وحنا جالسين ,,, دخل ابو عبد الله المجلس ملهوف ,,, قام خالد بيسلم عليه



خالد = سامحني ياخال



وجا بيسلم على راسه بس ابو عبد الله ضمه وبدا يمطر خالد بقبلاته الحنونة



ابو عبد الله بصوت متهدرج = وينك ياولدي ,,, خوفتني عليك ,,, ليش ماترد علي وانا خالك ,,, فيك شي ,,, صارلك شي ,,,



خالد متفشل = لا ياخال انا بخير ,,, بس كنـ



ولا كمل ,,, ضمه ابو عبد الله مرة ثانية و هو يقبله ويشمه بخوف ولهفة



ابو عبد الله وهو يبكي = خفت انك لحقت عيالي ,,, مالي بالدنيا الا انت واخواتك الحمد الله انك رجعتلي سالم الحمد الله



قرب صالح مني وهمس باذني بصوت متأثر



صالح بهمس = والله مايستاهله خالد



بعد اللقاء الحميم بين خالد وخاله انتبه لي ابو عبد الله اخيرا ,,, سلمت عليه وجلسنا



وابو عبد الله مازال متمسك بيد خالد يخاف يختفي منه مرة ثانية ,,, ماينلام المسكين



ابو عبد الله = وين رحت ياولدي ,,, ابوك جا يسأل عنك ,,, ليه طلعت من دون ماتقولي ,,, مالي معزة عندك .؟



سلم خالد على راس خاله



خالد = انت ابوي ومعزتك من معزة امي ,,, لكن سامحني كان غصب عني



ابو عبد الله = وين كنت وليه ما ترد على اتصالاتي ,,, اكلت دواك .؟



ابتسمت صار يتخبط ابو عبد الله بالكلام ,,, احتار خالد مايدري وش يرد على ابو عبد الله ,,, خاصة انه ماله عذر مقبول لاختفائه



صالح بسخرية = ماترد ,,, قله انك رايح تصيع بهالشوارع



مارد خالد على صويلح ,,, والتفت على خاله



خالد = فيه احد كان مع ابوي ياخال .؟



ابو عبد الله = ايه ياولدي ,,, احتراك ابوك ,,, الله يهديك يبي يشوفك قبل يسافر



التفت خالد لي وبعدها التفت لبو عبد الله



خالد = مين اللي كان معه .؟



ابو عبد الله = الاجنبي اللي يشتغل عندكم



خالد بحذر = وو ,,, وش كان يبي منك .؟



ابو عبد الله = والله ياولدي انا مافهم عليه وش يرطن ,,, بس مبين عليه انه رجالـ(ن) يعزك ,,, يقول ابوك انه جاي للرياض يبي يتطمن عليك شافك اخذت شهر ماجيت عندهم ,,, بس انت الله يصلحك اختفيت ولا ندري وين رحت



التفت لي خالد والشرر يطير من عيونه وبعدها التفت لخاله



خالد وهو يحاول يمسك اعصابه = لا ياخال ,, ماقالك شي غير



صالح = شي مثل وش ,,, الرجال الصراحة متواضع بس مشكلتنا مانفهم عليه



ابو عبد الله = لا ماقال شي غير ,,, يقول ابوك انه يبي يتطمن ويسلم عليك بس ,,, ماشاء الله عليه ممشي شغلكم ويعزكم ويعتبرك زي ولده ,,, الله يهديه للاسلام



سكت خالد وهو ماسك اعصابه ,,, احسه يغلي من داخل



فعلا ,,,

{ وَإِذَا رَأَيْتَهُمْ تُعْجِبُكَ أَجْسَـامُهُمْ وَإِنْ يَقُولُوا تَسْـمَعْ لِقَوْلِهِمْ ... }



بعد نص ساعة استاذنت وطلعت ,,, اول ماوصلت الباب ابطلع



= خاااالد



التفتت وراي وكان خالد هو اللي يناديني



قرب عندي وقالي بهمس عشان ماحد يسمعه



خالد بقهر وبصوت خفيف = شفت الكلب يمثل قدامهم على انه ملاك وطيب ومافيه منه وش قال قال بيتطمن علي



انا = تبي الصراحة انت الغلطان



سكت خالد متفاجئ وبعدها عصصصصب



خالد بعصبية = انااااااا



انا = لو ماهجيت من البيت كان واجهته وفضحته قدامهم



خالد بصراخ = وانا وش درااااني انه بيجي ,,, انا طلعت من البيت لاني مابي اشوووف ابوي ,,, مادريت ان الكلب بيجي



انا بعصبية = خالد لا تصارخ علي ,,, وخلاص فات اللي فات



سكت خالد وهو يطالعني بتفكير وانفاسه سريعة من العصبية



انا مستغرب = وش فيك تطالعني



خالد بتحدي = بروح للرياض ,,, ويا انا ,, يا هو



انصدمت قالها بصوت عميييق ومخيف ,,,, الله يستر مع عصبيته هذي اكيد بيسوي جريمة



انا بخوف = وش تبي فيه ,,, خله يولّي ,,, ووو ,,, وبعدين يمكن سافر مع ابوك



ناظرني خالد بعصبية



خالد = وش سافر انت الثاني ,,, جواز سفره عندي مايقدر يطلع من المملكة الا باذني



انا بترجي = خالد لا تروح الحين ,,, اصبر بس بكرة عشان اروح معك



قطب خالد حواجبه باستنكار



خالد = تروح معي .؟



مسكت يده



انا = ايه ,,, بعصبيتك هذي لا يمكن اخليك تروح له لحالك ,,, اصبر بس بكرة بعد مايخلص دوامي رح للمكان اللي تبي