ليــه هاللحظه تجينـــي .,.

هذي الروايه من تالبق رغوده ياريت تتكرمون بقرائتها واتمنى انها تحوز على اعجابكم



تعريف الشخصيات:
بوعبدالله (سالم) رجل مقتدر وعايش بخير لكن مشكلته انه دكتاتوووووورررري متزوج
من نوره ام حليوه وتحب عيالها كثير بس مغلوب على امره
وعنده ولدين وبنتين....(عبدالله 29 سنه يشتغل في التجاره مع ابوه وعمه
متزوج من ريم بنت خاله وزوجته حامل..عبدالله رجل وسيم تزوج زوجته زواج
اهل وحبها حب كبير....................ساره 25 خلصت ادب انجليزي وقعدت في البيت تبي تريح مثل ماتقول...بنت حبوبه بس طيبه بزياااااده مثل ريم ويصدقون بسرعه وساره وريم علاقتهم قووويه من صغرهم
وساره مملكه من ولد عمها عبدالعزيز................محمد 23 شيطان من صغره وشقي
يحب الضحك والفرفشه كثير ويشتغل مع ابوه وعمه مثل اخوه................لينه 20 سنه بنت حلوه وطيبه وحبوبه تدرس طب.............
............................
بو عبدالعزيز (صالح) رجل مقتدر ايضا بس عكس اخوه بو عبدالله يعني ديمقراطي
متزوج من منيره ام حبوووبه ...............عبدالعزيز 29 قريب من عبدالله ويشتغل
مع ابوه وعمه وعيال عمه مملك على ساره مثل ماقلت قبل ومتزوجها عن حب
خالد.....................24 قريييب من محمد كثير ونفس الطقه هو وياه ونفس اخوه
وعيال عمه يشتغل في التجاره..................................مزون ومااا ادرااك مامزون
بنت تحب الضحك والهبال يمكن لانها تربت بين اولاد..............واقرب انسانه
لـ لينه بنت عمها...وتدرس هندسة ديكور
........................................
بو فيصل (فهد)
هو شخص قريب من بو عبدالعزيز وبو عبدالله وحتى عيالهم قريبين من بعض
بحكم علاقات الاباء وابو فيصل مايقل في شي عن اصحابه سالم وصالح
فيصل............28 اكبر عيال فهد تخصصه هندسه معماريه انسان شخصيته قويه البعض او الاغلب يحسه غامض..............
ابراهيم.......25 طيب وحبوب ويحب الهبال يشتغل مع اخوه وابوه ودارس
ادارة اعمال.................عنود 24 سنه تخاف من فيصل اخوها وتحترمه
وهاديه يعني حطها تلقاها ونفس ساره ادب انجليزي.........عهود 20
شيطانه وخوافه تدرس خدمه اجتماعيه.........

بو بدر(طلال) متزوج من جواهر اخت نوره عنده ولد وبنت.........بدر
انسان متبلد الاحساس وله حركات وسوالف ومايحشم احد مسافر برى
له كذا سنه................غاده بنت طيبه وهاديه وعاطفيه 20 سنه
وداخله علوم طبيه........
والباقي قدام ان شاء الله

الجــــــــــــــــــــــــــــــــــــــــــــزء الاول
في بيت بوعبدالله
لينه وهي جايه للصاله:اوووف اووووف وشذا الازعاج فقعتواا راااسي...
عبدالله وهو يلتفت عليها: جعله ينفقع وشفيك تصارخين..؟؟
لينه: اقول لاتدعي علي...وانا اصارخ منكم انتوا بيت قلللق...
محمد: اقول انثبري بس...
لينه: محمد قسم بالله ماني طايقتك...
محمد: خير انشاءالله وش سويتلك..؟؟
ساره: محمد عبدالله خلاص خلوها...
عبدالله: وش سوينالها الحين.؟؟
محمد بطنازه: خلاص خلوا حضرة الدكتوره لا احد يزعجها..ههههههه...
لينه وهي تطالعه بنص عين: هين ياحمود انا اوريك...
محمد: ههههههه روحي بس...
ريم (زوجة عبدالله):خلاص ياجماعه انتوا دايما مناقر..؟
امهم وهي جايه: لا اله الا الله وشفيكم صوتكم واصل للجيران...
ريم: سلامتك خالتي مافي شي...
محمد (وهو يأشر على لينه): يما تعالي فكينا من شر بنتك...
ابوهم وهو داخل عليهم: لا والله...بنتها مهي اختك ياطويل اللسان..؟؟
محمد: لايبا بس هي اذتنا...
لينه: من اللي اذى الثاني..؟؟
محمد: انتي اذيتينا..
ريم وساره وعبدالله: ههههههههههههه
عبدالله: والله انك خبل وماتعرف حتى تصرف انت ووجهك....
رد محمد على عبدالله بأبتسامه عريضه خلت الكل يضحك عليه...

...........................................
(في بيت بوعبدالعزيز)
بعد الغداء
ابو عبدالعزيز: الا وين خالد..؟؟
مزون: اي صح ما شفته من امس...
عبدالعزيز: هو رجع متأخر امس واليوم الصبح طلع بدري ولي الحين مارجع..
وفي هاللحظه دخل عليهم خالد..
خالد: السلاااااااااااااام عليكم..
الكل: وعليكم السلام....
مزون وهي تتكلم مصري: هههههههه جبنا في سيرة القط جي ينط......
عبدالعزيز: هههههههه اي والله..
خالد بطانزه: هيهيهيهيهي ياخفت دمكم بس...
ام عبدالعزيز: ماعليك منهم ياولدي الا الطيب عند ذكره...
خالد: تسلملي الحنوونه والله....
عبدالعزيز: افااا يعني هو بس ولدك...
مزون:حنا عيال البطه السوده..هههههههه
ام عبدالعزيز: سوده في عينك...
الكل: ههههههه
عبدالعزيز: مزون مو كذا غازليها..وبتحبك ههههههههه
ابو عبدالعزيز: هههههههههه....ياولد انت ماتستحي..؟؟
عبدالعزيز: لا..
ام عبدالعزيز: اقول اسكت لا اقوم عليك عاد..
مزون: عبدالعزيز ترى بتروح فيها قلتلك عاد..هههههههه
خالد: اقول انتي وهو حدكم عاد كل شي ولا الوالده...
بعدها سمعت مزون جوالها يرن واستأذنت عنهم وراحت ترد..
مزون بعد ماشافت الرقم: هلاااااا والله ياقلبي...
لينه: هلا فيك شخباارك..؟
مزون: بخيرررر...انتي شلونك..؟
لينه: ابيض...
مزون: هههه باايخه..
لينه: انتي ابيخ..
مزون وهي تفكر: كنك خذيتي وجه..؟؟
لينه: ههههههه...لا..
مزون: وش مسويه..؟
لينه: ااه تمام..
مزون وهي تقلدها: ااه وشفيك..؟
لينه: سلامتك...مافي شي..
مزون: افااا يعني ماراح تقولين لي...؟
لينه:....
مزون: لينه لايكون على نفس السالفه...
لينه: ااه يامزون هي يعني بس على هذيك السالفه...كل شي..
مزون بحزن: ليش حبيبتي وش صاير..؟؟
لينه: حمود ذا رافع ضغطي هالايام..حاب ينكد علي...
مزون: ههههه..انتي حمود ينكد عليك وانا انكد على خالد هههههههه..
لينه: ههههههه الله يعينه عليك...انتي وحمود نفس الطينه...
مزون: اقول بس بلا طينه بلا تراب...انا طفشاانه...ابي اطللع..
لينه: طلعي احد ماسكك...؟
مزون: اووف لينه مو وقت مزحك...
لينه: ياحلووك بس وانتي مرتفع ضغطك...
مزون: لا والله...المهم لينه تكفين نبي نطلع...
لينه: مزون كم مره بفهمك مااااااا احب..
مزون: حبك برص بتطلعين يعني بتطلعين...
لينه: اوووف..
مزون: والله انتي خبله نطلع نغير جو...
لينه: ممم اوكي..بس من اللي بتكرم علينا من اخواني ولا اخوانك ويطلعنا..؟؟
مزون: ههههه مافي غير السواق الله يخليه لنا ياااااااارب ويمد لنا بعمره..
لينه: هههههههههههه حلووه...حشا لو انه ما ادر ي مين..
مزون: فديته والله....
لينه: وعععع الله يقطعك ههههههههههه..
مزون: هههههههههه جد مافي غيره...
لينه: هذا لو وافقوا الاخوه الاعداء..
مزون: هههههههههه...مو مهمين المهم الرؤوس الكبرى...
لينه: ههههههه ..عصابه هي.؟اوكي بروح استأذن...
مزون: وانا بعد الله يعين...يلا اكلمك بعد شوي بااااي..
لينه: بااااي..
كانت لينه في الحديقه وهي تكلم ورجعت بتدخل تستأذن من امها...
وضربت في.....
..................................
في بيت بو عبدالعزيز
مزون: السلام عليكم...
ام عبدالعزيز: وعليكم السلام...
مزون: يما حبيبتي ابي اطلع.؟؟
ام عبدالعزيز: وين بتروحين..؟؟
مزون: ابي اطلع بروح انا ولينه نتمشى...بليز مااامي...
ام عبدالعزيز: والله يامامي..اذا ابوك رضى روحي..وبعدين شلون بتروحون..؟؟
مزون:ههههههه...بنروح مممممممم...(وهي مغمضه عينها) مع حاج..
ام عبدالعزيز: هههههااي يحلوك بس...
مزون بأحباط: طيب يما وش اسوي..؟؟ مافي غيره...
ام عبدالعزيز: بنتين بروحكم تطلعون مع سواق...؟؟
مزون: يوووه وشذا اجل شلون لو ان نسوق في السعوديه...
ام عبدالعزيز: كان بتلاقيني اربع وعشرين ساعه ادور بالشوراع ....
مزون: هههههههههههه تصدقين يما دمك خفيف...
ام عبدالعزيز: خفيف ثقيل وسط...مافي ....
مزون: يوووه....طيب وش الحل..؟؟
ام عبدالعزيز: اول شي خل ابوك يوافق على الطلعه وبعدين نفكر في الحل...
مزون: انا متأكده انه بيوافق......عموما الحين انا بروح استأذن منه..يلا تشااو..
ام عبدالعزيز بأبتسامه: سي يو...
مزون: هههههههههههه ياحلوك يما...
ام عبدالعزيز: ههههههه..الله يصلحك..
..................................................
في الحديقه (في بيت بوعبدالله)
محمد:خلاص لولو...اسف ياقلبي..
لينه:.........
محمد:افاا لينه خلاص حبيبتي..
لينه: محمد انت احيانا تمزح معي في اوقات انا جد اكون فيها مالي خلق احد...
محمد: يعني ماتستحملين مزح اخوك حمود..؟
لينه: ههههه..الله يخليك لي..
محمد وهو يحبها على خدها: ويخليك لي ياحبيبة حمود..
لينه بأبتسامه: تسلملي..والله...
محمد: وين رايحه..؟
لينه: داخله لامي بستاذن منها ابي اطلع..
محمد يطالعها بنص عين: غرريبه...
لينه: ههههههه هذي فكرة مزون وحنت علي لين ماوافقت...
محمد: اهاااااااا...بنت عمك ذي...هههههههه..
لينه: وشفيها بعد..؟؟ ترى هي بنت عمك زي ماهي بنت عمي...
محمد: كفو والله..انا اسمع انا واخوي على ولد عمي ....لكن انا وبنت عمي على اخوي..!! ماسمعت فيها...
لينه: ههههههه...زين اجل اني قلتلك...
محمد: هههههههه..طيب مع مين بتروحون..
لينه بصوت واطي: رحنا ووطي..
محمد: ايش..؟؟
لينه: ها...لا سلاامتك؟...ما ادري ...بسسسسس....احتمال يعني احتمال نروح مع ...........السواق..
محمد: ههههههااي....اجل سواق..سمعي بس انا ودي اطلع...انا بطلعكم...
لينه وهي مفتحه عيونها: جد والله...
محمد بأبتسامه عريضه: اي عندك مانع..؟؟
لينه: لاوالله...بس الحين نبي موافقة الوالده....
محمد: افااا عليك اجل وانا وش لزمتي...؟؟
لينه: ههههههه مالك لزمه...
محمد:شكرا...
لينه: العفو...لاشكر على واجب...
محمد: شكلي ببطل.....
لينه: هههههه لاخلاص...
محمد: اي كذا تعدلي....
لينه: انشاءالله...
محمد: يلا بروح اكلم الوالده....
لينه: اوكي...
..............................................
محمد: تسلمين يا الغاليه..
ام عبدالله:الله يسلمك ياولدي...بتتأخرون...
محمد: انشاءالله ماراح نتأخر..يلا عن أذنك.....
ام عبدالله: في حفظ الله...

بعد ماطلع محمد من المطبخ واخذ الموافقه من أمه
محمد:الوو..ووجع
خالد: يوجعك انشاءالله..انت ليش لسانك طويل..؟
محمد: اسم الله علي...المهم لاتكثر بس..شخبارك
خالد: بخير..وانت
محمد: كنت بألف خير وصحه وعافيه ...قبل لااكلمك
خالد: لاوالله اجل اذلف
محمد: صدق ان لسانك طويل
خالد: انا اللي لساني طويل.؟
محمد: المهم انا بطلع مع لينه ونبي ناخذ مزون..وطبعا ابيك تجي
خالد: ليش اجي انا بعد.؟
محمد: لاوالله اجل اروح انا معهم بروحي مع بنتين كني سواق ابوهم
خالد: ههههههههههههههههههه..احسن تستاهل
محمد: خلود بلا مصاخه واستخفاف دم بتروح يعني بتروح
خالد:لايكون بس اشتغل عندك وانا مو داري
محمد: لاوالله حشاك بس انت اخوي ولازم تروح معي
خالد: ياصبر ايوب على بلاوه..ربي باليني فيك يا اكبر مصيبه
محمد: يعني بتجي.؟
خالد: الشكوى لله
محمد: هههههههه..طيب روح قول لاختك ساس البلاء
خالد: مو ملاحظ اني عطيتك وجه زياده يلا روح باي
محمد: باااايااات..انتظررك
..................
في بيت بوعبدالعزيز
مزون: يعني موافق..؟
بوعبدالعزيز:موافق بس مع مين بتروحون
مزون بصوت غير مسموع:سؤال وجيه
بوعبدالعزيز: ايش..؟
مزون: ابد اقول بنروح معــ....
ويقطع عليها هاللحظه...
خالد:مزون لين الحين مالبستي..لينه وخالد ينتظرونا...
مزون وهي مو مستوعبه: وشو..؟
خالد: وشفيك.؟؟ ماتبين تروحين..؟
مزون: وين..؟
خالد: اوووووف..انا وخالد بنروح معكم انتي ولينه..
مزون:جد..؟
بوعبدالعزيز:ليش انتي مع مين كنتي بتروحين...
مزون: جاك الموت ياتارك الصلاه...
عبدالعزيز:وش تقولين ما اسمعك تكلمين نفسك..؟
مزون: ها لالا..كنا بنروح معهم بس..بس..ماكنت ادري ان بنروح الحين..
بوعبدالعزيز:طيب اجل يلا روحي بسرعه لاتتأخرون على عيال عمكم
مزون: انشاءالله يبا..يلا فمان الله
بوعبدالعزيز: مع السلامه..

عند السوق
محمد: يلا ياحلوين..وصلنا..
خالد: يلا نزلوا..
ووقت ماكانوا يتمشون ..
مزون: لينه تعالي هالمحل مبين عليه مره حلو
محمد: يووه عاد ياشين المحلات اللي يدخلونها البنات..
لينه: لاوالله اذا في هنا محل للشباب تعال كلمني..
لينه ومزون: هههههههههههههههههههه
مزون: حلوه لولو
محمد: انطموا خير انشاءالله وين قاعدين في الشارع ..تضحكون..؟
مزون: اسكت بس ولي يعافني
خالد: حمود امش وخلهم ياخي..بنات ماتعرفهم يعني..؟
لينه: احسن منكم والله
محمد:احنا الاغبياء اللي نمشي معكم
مزون وهي تكلم لينه بصوت واطي: احسن كلمه قالوها ههههههههههه
لينه: هههههههههههه..يلا يلا احنا بندخل كل هالمحاضره عشان محل
ودخلوا المحل وقعدوا يتنقون ويشوفون الملابس ومره يقولون حلو ومره يقولون شين
ويعد اشتروا الملابس
مزون: شوفي هالاكسسورات..
لينه: مبين عليها حلوه...تعالي نشوفها..
مزون: يلا..وااو هذي حلوه
لينه: اممم..يعني
وفجأه طاح نظر لينه على شي ماتمنت تشوفه ابد..ووجها انعفس وتضايقت
مزون حست فيها:لينه وشفيك..؟
وانتبهت مزون..وشافت عقد فيه حرفين..b,l....
مزون وهي زعلانه: لينه يلا خلاص...خلينا نطلع..
لينه بصوت مخنوق: نفس الحرفين يامزون ...
مزون: خلاص حبيبتي يلا نمشي..
لينه بتنهيده: يكون احسن..

وقعدوا يلفون ويدورن في المحلات واستمروا على هالحاله لين ماقرب أذان العشاء
لينه: يارب عليكي ..قوليلي مره طلعت معك ومارجعنا متأخرين..
مزون:حبيبتي عاادي دونت ووري..
لينه: صح ليش اقلق...ماراح يصير شي كم كف على الماشي بس..
مزون: هههههههههههه الله يرجك..
لينه: اقول ترى جد تأخرنا..
مزون: اوك الحين نمشي..
لينه: يلا بكلم محمد..
مزون: اووف عليكي ..ليش متعجله..
لينه: مزون وشرايك..نسكن في السوق ناخذ شقه في حدا هالادور..
مزون: الله ياريت..في شقق هنا..
لينه: هذي اللي بطلع حرتي فيها..
مزون: هههههه..خلاص كلميهم اووف..
لينه: الوو
محمد: هلا والله..
لينه: وينكم..
مزون: اكيد يغازلون..
لينه: ههههههههه
محمد: سكتي اللي جنبك لا اجي اوريها شغلها..
لينه: هههههههه اقول خلك منها وقلي وينكم.؟؟نبي نمشي..
محمد: والله اخيرااااااااا حسيتوا..وش اسوي ياناس ازغرط..
لينه: هيهيهي بااايخه..خلصنا تعالوا..
محمد: مو ابيخ منك جايين..يلا بااي
لينه: بايات..
مزون: ها وينهم.؟
لينه فتحت عيونها: ههههههههههههههههههههههههههههههه
مزون: الحمدلله والشكر وشفيك..؟؟
لينه: هههههههههههههههه
مزون: يابنت اهجدي في سوق ليش هالضحك وش قايلتلك انا.؟؟
لينه: تصدقين على هالمكالمه كنا تناقر ولا انا عرفت وينه ولا هو عرف ويني..
الثنتين: هههههههههههههههههههههه
مزون: الله يرجك انتي واخوك صدق انكم خبلان ههههههههههه
..............
في جهه ثانيه
محمد: اي اضحك...فالح
خالد: هههههههههههههههه....الله يعين اختك عليك
محمد: اسكت بس...الوو الحين انتي متصله تقولين بنمشي وتسكرين..
لينه: يمه وشفيك كليتني..ترى حتى انت مثلك مثلي..
محمد: الحين وينكم..؟
لينه: حنا برى رحنا عند السياره..
محمد: اوكي بنجيكم..باي
لينه: باي
...............

وهم في السياره
كان حاط محمد اغنية يابعدهم لعبدالمجيد عبدالله
مزون بعد ماحست ان الوضع بيرتبك: يوووه وشذا النكد انا ما احب هالاغنيه
خالد وهو مستغرب: الحين انتي ماتحبينها...وانتي اللي ذبحتينا فيها.
محمد: خلك منها بس تبي تنكد علينا
وهمت مزون انها ترد عليه لكن تراجعت بعد مامنعتها يد لينه ومسكت يدها ..
وارجعت ورى تسندت
محمد: وشفيك سكتي.؟
مزون:مافي شي
محمد بتعجب: لايكون زعلتي..؟
مزون: لا ابد بس مصدعه..
محمد: سلامتك ..
مزون:الله يسلمك
بعد كذا كمل محمد وخالد سوالفهم
ولينه ومزون كانت كل وحده في عالم بعيد عن الكل
مزون في تفكيرها وحزنها على لينه وحالها
ولينه في عذابها وألمها اللي كانت تزداد مع سماعها للاغنيه

بعدها كل واحد راح بيته وراح يكمل ليلته

محمد: هههههه ياحلو هالمزون لولا لسانها..يعني انا اللي لسان قصير...شكلي انهبلت قاعد اكلم نفسي..خلني اروح اقعد مع الشله احسن
وراح جلس مع الباقين
كان يمشي في الممر...وصادف اخوه عبدالله
محمد: ها وين.؟؟
عبدالله: اقول جيت بوقتك بس..
محمد: خير..؟
عبدالله: يلا روح جيب عشا
محمد: ليه..؟
عبدالله: الشباب بيجون..ونبي نعشيهم واهلك بعد جيب لهم..
محمد: انشاءالله..
وراح ولقى الحريم جالسين في الصاله
محمد:السلام
الكل: عليكم السلام
محمد: وين الوالده..؟
ساره: راحت غرفتها ..
ريم: تعالوا صح وين رحتوا.؟
ساره: وشو انتوا طلعتوا.؟؟
محمد: ايييييييه فااتك رحنا للبر عند الدبابات..وانا ركبت مع مزون ولينه ركبت مع خالد..
وطبعا لينه ومحمد داهيه في هالاشياء...وريم وساره على نياتهم
ريم: جد والله.؟؟
محمد: اجل امزح معك..
ساره: اماااااااااااانه ...ليش ماخذيتونا..؟
لينه: انتوا كنتوا طالعين...
ساره: يووه قهر...طيب وش سوويتوا.؟؟
ريم: مو هنا المهم ...بذمتك الحين ركبت مع مزون وركبت اختك مع خالد..؟؟
محمد: وش ركبتها انتي بعد هي بزر.؟؟ هي اللي ركبت بروحها...
ريم: وفرحان ان اختك راكبه مع ولد عمك وانت راكب مع بنت عمك..؟
محمد: ياحليلها مزووون بس مسكينه كانت خايفه ومتمسكه فيني..ودي اني مانزلت من الدباب..
ساره: ولينه..؟؟
محمد: يووووووووه لينه وقف خالد الدباب وهي ماسكه فيه مو راضيه تقوم
ساره: بعد...يوه كنت ابي اروح..
لينه: وش تروحين مع من تركبين..؟ تركبين مع الهنود اللي هناك..؟؟
الكل: ههههههههههههههه
ريم: طيب كمل..
محمد: ايه المهم لينه عجزنا فيها ياماما هدي الولد نزلي من الدباب بنعطيك حلاوه طيب خلي الدباب وامسكي في الولد بس نزلي مااافي فايده..
ساره وريم فتحوا عيونهم وهم مو مصدقين ولا مستوعبين
ساره وعيونها بتطلع من محلها:ليييييييييييييييييييييينه تحبين خالد وماتقولين لينه...
لينه بتمثيل مصطنع: استحي اقولكم
ريم: ومن متى...؟ وانت من متى تحب مزون..
لينه: اااااه من اول ماركبت معه الدباب.. وطالعت لينه محمد..وبعدها
لينه ومحمد:هههههههههههههههههههههههههههههههههههههههههههه هههههههه
ساره اللي بدت تستوعب هي وريم
ساره:ماااااااااااااااااااااااالت عليكم حتى مااالت..
ريم: صدق انكم باااااايخين ومالكم داعي ابد
لينه ومحمد: هههههههههههههههههههههههههههههه
لينه: قسم بالله انكم مصخرررررررررررره
محمد: ههههههههههههههههههه...والله تنفعون كاميرا خفيه هههههههههههههههههه
ريم: صدق انكم ماتستحون
ساره: والله من طيبتنا نصدقكم..
محمد: قصدك من غبااائكم ههههههههههههه
لينه:ههههههههههههه
وجا في هالوقت عبدالله
عبدالله:امداك تجيب العشاء...هي انت اكلمك
محمد:نعم
عبدالله: جبته ولا..
ريم: لا توه ماطلع..
ساره: اي قاعد حضرته يستخف دمه..
محمد: يبون ينتقمون ههههههههههههه
لينه: هههههههههههه
عبدالله: ليش وش مسوي..؟
لينه: هههههههههههه
عبدالله: وش مسوي عاد..
ريم: اقولك بعدين روحوا الحين جيبوا عشاء
ساره: اي والله جعنا..
محمد: طيب طيب في بطنكم دود..؟؟
عبدالله وهو مبتسم من كلام محمد وهباله:يلا المهم روح الشباب بيجون..وهذول جوعانين
محمد: طيب
وقعد محمد يلمس جيوبه ويتأكد ان مفتاح سيارته معه..
محمد: طيب تبون شي بعد..؟
ساره: جيب لنا شوية شوكلاته..
لينه: لاتضر في الاسنان وانتي ماتفرشين هههههههههه
محمد:هههههههههههه خلاص الدكتوره تقول لا
ساره: اقول عاد جيب لااقوم عليك انت ودكتورتك
محمد:هههههههههه شي ثاني بعد..؟
عبدالله: خلاص ماتبون شي..؟
محمد: لينه حبيبتي تبين شي..
لينه: لا سلامتك حبيبي..
محمد: سارونه تامرين بشي..؟ ريم.؟
ريم وساره: سلامتك..
محمد: الله يسلمكم يلا مع السلامه
الكل :مع السلامه
عبدالله: اقول نبي قهوه وشاي..الشغالات قاعدين..؟
ريم: انا بقوم اسويلك..
ساره: لاقعدي انتي..حامل وتعبانه..الشغالاات قاعدين
ريم: اخاف يحطون اي شي..ومايرتبونه زين..
ساره: لايبنت الحلال يعرفون قعدي بس..
عبدالله :طيب قولولهم..
ساره: شوفهم تحت
عبدالله: طيب
ونزل عبدالله وقال للشغالات انهم يجهزون القهوه والشاي..
لينه:ريم حاولي هالفتره تمشين كثير زين لك..
ريم: اووف والله تعب...
لينه: الله يعينك يارب..
ساره: تعالوا نروح الغرفه نشوف شي لين مايجي العشاء..
وقاموا راحوا لغرفة ريم كانت غرفة ريم مره حلوه كان يغلب على اثاثها اللون البني والبيج..وكانت حاطه فيها ابجورات ريم ماكانت تطيق النور الابيض وتحس انه مره كئيب
على اي مكان وتحس ان الابجوارت تعطي راحه نفسيه للشخص اللي قاعد في هالمكان وكانت موزعه على غرفتها الاكسسورات والشموع
وكان عبدالله يحب فيها كثير هالشي كان دايما يحب يجلس في غرفته ويحس فيها براحه كبيره مايحسها في مكان ثاني

وش تتوقعون السر اللي مأثر على لينه ومخليها عايشه في صراع وعذاب داخلي ما احد يعرف فيه الامزون..؟؟
وهل تتوقعون ان محمد يحب مزون..؟؟
ولو كان يحبها هل هي بعد تحبه..؟؟



هذا كله انشاءالله تعرفونه في الاجزاء الجايه..
هذا الجزء الاول يارب يكون نال على اعجابكم