لا تأخد كلامي على محمل الجد

.
.
.
.
.
.
ولعّت سيجارة ويسقط - للآسف - جزء من الزهرة على ثوبي » جديد..
فدى رأسي - ابتعثت لاسباب احتفظ فيها .. ومافي وقت طويل واندمجت مع مارك - أمريكي من اصول جاميكيه - في قصة درامية.
الدور الأرضي في السكن خالي - وعندي خبر بالمعلومة الخرافية القديمة ههههه - اشتريت رفين من زود الفضاوة ونويت أنهي هالمشروع وقلبت السكن ورشة .. واذا بطرقاً قوي على الباب! اناظر بالعين السحرية فاذا بالخال الكبير نسمه اسمعه من ورا الباب. تأخرت حتى شفت تراجعة من امام الباب.
فتحت الباب طار فيني شتم وانا ما اعرف ويش السالفة .. قلت: انت مين!
قال: أنا اشتغل ١٤ ساعة ابغا انام! أنا ساكن بالدور الأرضي.
قلت: طيب أخفض صوت ...
ويزيد برفع صوته ... قاطعته وقلت: انزل من امام بيتي الان وإلا راح اتصل على الشرطة.
قال: خلاص ما يحتاج شرطة. نزل وانتهى الموضوع ..
بعد يومين ثلاث تقريبا نزلوا من بيت مارك بنتين وثلاث عيال .. وقفت عند الباب اناظر فيهم وسقط من اخر واحد كيس وهو يطالع فيني.. عرفت الي بالكيس .. كلمته وهو مازال يقزني قز ..
اكسيوزمي وبالعربي أقول: يابقرة طاح الكيس منك. يقول: واي وتسقط عينه على الكيس ابتسم لي ويشكرني .. قلت له: كيف جاك. ضحك وقال: جاك قود. ضحكت وقلت: فيري قود هاااا...
كم يوم واشوف جاك يوقف الـ BMW مبسوط .. فمسّكتها عليه. واطرق في قطعة خشبية ؛ دقائق وجاك يطرق بهدوء .. ويبتعد عن الباب .. فتحت الباب الابتسامة تسبق كلامه .. بليز ابغا انام ممكن!
قلت: شكراً جاك على اسلوبك اللطيف .. وتأكدت انه يبع منتجاات متنوعة في ولايات ؛ اما ولايتنا مسموحة بها.
.
النوم داهمني .. تصبح على خير أيها العالم..

.
.
.
.
.
.
حاولت بشتى الطرق ان أحب أمي اكثر من حبها لي.
اليوم الرابع وامي حتى ممنوع عنها الزيارة ؛ في اول محادثة اخبرتني بقلقها عليّ....
قلِقة عليّ وهذا أنا رجّال .. حب الامهات خارج التصنيف..

الهي احفظ امي من كل مكروه .. دعواتكم لها هي رائعة فوق ما تتصورون

كتف ثالثه معجب بهذا

.
.
.
.
.
.
بالنقاشات لدي قدرة اقناع ليست بسيطة ؛ تأثيري نال اغلب الاصدقاء والزملاء حتى رئيسي الجديد يشهد بذلك .. إلا أخي الاكبر أبى أن يقتنع للآسف..
حديث وختمته بمقطع اخترته لـ البالتشينو من مسرحية لشكسبير تاجر البندقية ..
.

.
تحمس جداً للحوار .. فجأة اصبح مقيّم للنص ومن ثم يكيل بالشتم للكل اليهودي والمحكمة..
..
عبادي علامك اختلفت المسيحيون ليسوا كاليهود وبعدين هذه رواية ليست حقيقية .. هنا بدأ يخرج عن نص النقاش ؛ هو الاكبر يعني هو الصح.
اخذت الحوار عكسة ببرود ليس المعتاد .. دخلنا في الفلسفة .. رد: تصدق مالي في الفلسفة ولا اعرفها ولا ابغا اعرفها.
قلت: انت تعرفها وانا اعرف انك تعرفها بس تكابر!
قال: على كيفك؟
قلت: بالجامعة نفس قسمك ونفس موادك درستها .. وشاهدت حتى مقرراتك المشابهه لمقرراتي .. عبادي انت ما تبغا تقتنع ومصمم انه ما درسها.
عطيته اسم المجلد ومازال في غيّه .. تذّكر وقال: انا ما احب الفلسفة صحيح اني درستها لكن قرآءة سريعة واخذ يبرر بكلام ماله داعي يعني .. قلت شوف ( بالعب في اعصابه ) عبادي انا تخصصي ادب انجليزي كحب وشف مكتبتك فيها 4 في الادب الانجليزي المعاصر باسم/ التنصير في مسرحيات شكسبير...
- قاطعتنا أمي قائله: جدالكم يتعبني .. تعرف دايم اخوي الكبير ينهي النقاش بجدال ليس عقلاني .. وانا لا اقل عنه بالعبط وما تبغاه يزعلني فديتها...
قلت: ما عاش من يتعبك يا عساني افداك .. علميني ايش تشتهين وانتي كنه بينك وبين الاكل عداوة
..
المهم: باقي 4 ساعات واطبق 24 ساعة يتخللها قطع مسافة 400 كيلو
المهم الثاني: اشكر اصحاب القلوب الحقيقية الذين يحبون للناس ما يحبونه لأنفسهم.. امي طيبه
وشكر كبير من الارض لعنان السماء لكم أيها الراقين.
وتصبحون على خير

كتف ثالثه معجب بهذا

.
.
.
.
.
نحن الطيبون جداً بدافع الفطرة ؛المتسامحون كثيراً بدافع الخوف، المتغافلون بدافع العيش.
المتأملون بدافع التفائل ؛ المغفلون بدافع الثقة، والمترددون بدافع الحذر
يحين علينا لحظة حاسمة ولا نعود بعدها كما اعتادوا ان نكون!؟

.
.
.
.
.
‏دافعي الاول والاخير للصمت هو: إذا كان الحديث يؤدي إلى انتصاري على شخص احبه.

.
.
.
.
.
ثم انه ؛ ‏أراكِ تكاثرتِ في داخلي ؛ كمثل الكلام الذي لا يُقال!!

.
.
.
.
.
.
" مبارك عليك الشهر "
لكل من مّر من هنا من اصدقاء العالم الافتراضي...

.
.
.
.
.
حدثني في آخر حديث بيننا ماذا كانت آخر كذبة قلتها؟ وخصني بسر؟
اجبت بسرعة القريحة "في نفسي" أخاف أصدقك القول وما تكون كذبة.
تداركت الوضع ومن ثم اخبرته وكتيت المكحلة.

.
.
.
.
.
احداث كُثر عشتها جميله لكن المشكلة في النفسية الشينة .. ودي اتحدث عن بعضها..
انا المطنوخ في الشلة اساعد هذا وذاك .. احب ذلك ؛ قبل رمضان احد اصدقائي المقربين جاني وهو بمشكلة كبيرة قال: صالح اخوي وقع بمشكلة عظيمة وشايل هم كبير انا يا صالح الآن مسئول عن ابي وامي وايجار منزلهما وكل شيء وانا ما تخارجت في ايجار بيتي وعيالي.. صالح انا مجهد نفسياً.
قلت له: الي عقد روس الحبال يحلها .. اخوك ربي يعينه وانت لست وحدك .. حولت خط سيرة ( واصبحت غيث دون فلاشات ) اخذت له سلتي رمضان وحدة لبيته ووحدة لوالديه...
والايجار نصف الايجار عليّ حتى يفرجها الله عليك.
اتصل بوقت اخر قائلاً: ليتك سمعت دعوات أمي وابي لي .. وابيت يا صالح أن تكون الدعوات لي وحدي ؛ ادعوا لصديقي صالح انا احبه كثير..

.
.
.
.
.
وواحد اخر: يشكي لي صالح توكلنا تعبني ما أقدر ادخل سوق ولا حتى صيدلية حتى احضر دواء أمي..
عصبت على حارس الامن اليوم مو راضي يدخلني . قلت له: جوالي ابوكشاف كيف اسوي عطني حل!
قال: اخذت الوصفة وعطاني سعرها وحاسبته. تعبت حتى بنتي لها مراجعة ما اعرف .. حتى اخواني الاصغر مني يساعدوني بالقطارة .. قهروني..
اليوم الثاني: اتصلت عليه قلت: جيعان عشان انا ابغا اخد يتعشى معاي .. قال: توني صاحي وكأن عرفت..
اخذته وتعشينا واصطحبته لمحلات الجوالات .. قلت: انتظرني بالسيارة لو جاء لمرور خذ لفه.
دخلت المحل وبحثت عن جوال فيه حديث به كل الطبيقات الي يحتاجها .. تفاصلت مع البائع وشريته.
هاتفته وهو ينتظرني بالسيارة .. دخل خالد المحل .. قلت وين جوالك اعطاني الجوال.
قلت للبائع بدل الشريحة من هذا الجوال للجديد.. وخالد مو فاهم شيء .. قلت: شريت لك جوال عشان تدخل الصيدليه وتودي بنتك المستشفى.
ياخي انت والله مدري ايش اقول لك .. فاجأتني والله ولا واحد في المائة توقعتك بتسوي كذا .. لأن اخوني ما فكروا فيني..
الله يسعدك.. انا سعيد جداً ..
وبعدها بيومين يقول: للآن في اثر المفاجأة الجميلة يا صديقي.
.
.
ويجيني واحد ملقوف ويقول: ليش تكتب هنا وتسوي فيها!؟
هنا لا احد يعرف منهو صالح .. ياخي خذها من باب التحفيز وطالع حوليك يمكن تقدر تساعد احد ويكتب لك اجراً.