 |
|
|
|
|
|
#1
09-29-2011
|
||||||||||||||||||||||||||||||||
|
||||||||||||||||||||||||||||||||
سهام : هاه كلمتيها
منى : لا نجود تقول ما تقدر تكلم بالوقت هذا احسن أأجلها بكره رغد( دخلت معها صينيه شاي وقهوه وحطتهم) : الله يصبرهم الكل : أمين الأم : ويرحمه يارب الكل : آمين مشاري (يدخل) : يا أهل البيت معي ضيف الأم : من مشاري : سليمان منى (تلبس لفتها وتعدل نقابها) : ............... الأم : حياك وحياه ادخلوا مشاري (سلم وجلس جنب منى بعد ما ابتعدت رغد) : شخبارك منى : بخير سليمان (يسلم ويجلس أخذ فنجان القهوه) : كيفكم الكل : بخير الأم : وينك لك كم يوم ما تمرنا فيك شيء سليمان(طالع مشاري وبعدين طالع اخته) : لا بس كان عندي كثير ضغط في الشغل سهام : الله يعنيك الكل : آمين مشاري (مسك ايدي منى) : مناي فيك شيء في شيء متعبك منى(طالعت له بعيون دامعه) : لا بس متضايقه شوي مشاري (بخوف) : وش منه منى : اليوم ابو سلطان وعذاري توفى سليمان ومشاري : شنووووو الأم : هذا يومه الله يرحمه الكل : امين سليمان : متى حصل منى : على الظهر كذا سليمان (يطلع جواله ويتصل على عذاري بس مغلق) : مغلق منى (تمسح دموعها) : ايه سليمان : منى قولي لي كيفها منى : نجود اختي تقول تعبانه كثير ومو متقبله موت ابوها سليمان : طيب اتصلي وقولي لها تفتح جوالها منى : بصراحه هي بغرفه ابوها ورافضه تتكلم سليمان (وقف) : انا بسافر لجده (اتصل من جواله) ألو سامي كيفك .. تمام .. اسمع ابي منك خدمه ابي تذكره لجده ..... بعد ساعه ..... انت واتصالاتك (انتبه لمشاري يأشر له ) خلهم تذكرتين ابيهم اليوم تكفه ياخوك .. خلاص بنتظر اتصالك .. مع السلامه طالع الجوال ويشوف اسمها ورقمها وحزين كثير واهو يتذكرها فقدها كثير له ايام ولا يعرف شيء عنها ولا تكلمه ولا ترد عليه حتى يرسل ولا تجاوبه حاول يشوفها رفضت وخلت الخدامه تعتذر منه لين قرر يتركها فتره لين تهدأ شوي ويكلمها تمنى لو كان عندها يخفف عنها الوجع ويمسح دموعها " رحلتي " يا ملا عيني ! وانا باقي على ذكراك , الملم حزني بـ يديني ويبعثرني الم فرقاك , . . تراها عندي الصوره !! حزينه حيل مقهوره . . اطالعها وتبكيني , وتسألني متى ترجع ؟! و اذا اسكت ( تناديني ) واجاوبها وهي تسمع . . !! " بقايا انسان " انا بعدك , يعيش بـ داخله حزنه يموت ولا يبي غيرك { امانه لاتخليني } منى : بتسافر مشاري : ايه بسافر وبعزي وبرجع منى : بس ما دفنوه بكره الدفن مشاري : خلاص بكره بأذن الله المساء بكون هنا منى (بهمس) : تبي احضر لك شيء مشاري : حضري لي شنطه صغيره منى (تستند على عكازها) : اسمحوا لي مشاري شافها تصعد استأذن وصعد دخل غرفته شافها على السرير جالسه ودمعتها على خدها كان متحجج بالأغراض بس يبيها تطلع يعرف انها تكتم دموعها قرب وجلس جنبها وضمها ومنى كانها ما صدقت وضمته لها واطلقت العنان لدموعها كان يألمه دموعها واهو يسمع شهقاتها بس ما يبيها تكتم مشاري (يمسح على ظهرها) : اهدي مو زين لك منى (تشاهق) : ودي لو كنت عندها اخفف عنها بس الحمل ورجلي مشاري : عذاري عاذرتك تدري ما راح تقدرين بس يكفي قلبك معها منى : وربي قلبي معها ولها مشاري (بحب يغير الجو وسوى نفسه معصبه) : لاااااااا قويه منى(خافت ووقفت دموعها وطالعت له) : وش فيك مشاري(للحين مسوي نفسه عصبي ابتعد عنها) : افاااااا ما كنت اظنك كذا منى (تسندت على عكازها ووقفت خلف ظهره) : مشاري وش سويت مشاري (يلتفت لها ويرسم ابتسامه) : قلبك معها ولها وانا نسيتي اني مستحله وحاط عرشي على راس قلبك منى(فهمت وعصبت ولفت عنه) : ................. مشاري (لفت يده حول خصرها ) : لحظه لحظه وين منى (تبعد يده بعصبيه) : رايق تمزح انت مشاري(لفها له ورمى العكاز واهو يحاوط خصرها) : حبيت اطلعك من الحزن وبعدين وش اسوي فيك يا منى منى(ابتسمت) : بعد وش سويت عطيت قلبي لأحد مشاري : لا بس لآ لآ هِذآيَ مآهِيَ ح ْـآلِهَ قِلبيَ مآيِهدآ إلآ وٌإنتَ (قبِـْآلهَ) رُوُحِيَ تعَ ـْلقتَ بِكَ رُوحِيَ ع ْـآفتَ جُرُوُحِيَ وٌلِكَ ,, ميـْآلِهَ ,, منى (اشرت لقلبه وبخجل ابتسمت) : فديت القلب وراعيه (رفعت عيونها له ) تصدق مشاري مشاري : وش يا قلب مشاري منى : امممم بقول لك عٌ ـْمُريَ مآختـْرتَ بِحيآتْيَ إيَ شِيَ حِتىَ إسِميَ إنفْـرضَ مِنهُمَ ع ـْليَ ,! كِنتَ رآضِيَ وُكِنتَ أحسِبَ السِربَ مآضِيَ شِفتِكَ إنتَ وٌإختِلفَ كِلَ شِيَ قبِلكَ الظلمْـآ وٌبِعَ ـْدكَ الضِيَ كِلَ لحَ ـْظهَ قبلَ نتْـلآقِىَ خســآرهَ خِطيْ } مشاري : مناي منى : همممممم مشاري : تعرفين احبك منى : بس مو اكثر من حبي مشاري ( سمع جواله يرن طلعه ورد) : هلا سليمان .. طيب خير .. لا بكون جاهز .. مع السلامه منى : خير مشاري : يقول لقى حجز منى : طيب عطني عكازي عشان اجهز لك اغراضك مشاري (يشيلها) : وش تحتاجينه فيه انا موجود منى : هههههههههههههه بدينا مشمش نزلني اعرف حركاتك مشاري : يا كاشفني ههههههههههههههههه منى : عطني عكازي مشاري : لا منى (سمعت جوالها يرن) : طيب برد على الاتصال مشاري : اففففف بالوقت الغلط منى : احسن ههههههههههههههههه مشاري : زين وربي لو يتصل منيه لبكره ما تردين منى : لا مشمش تكفه هذي نغمة امي والله مشاري : والله منى : والله حبيبي امي اللي تتصل هذي نغمه خاصه فيها مشاري (يقرب من الطاوله وينزلها بشويش أخذت الجوال ورفعها بين ايديه) : يله ردي منى : ههههههههههه طيب اتركني مشاري (بخبث) : لا مو تقولين احسن منى : اففف منك (تحط الجوال عند اذنها) هلا يمه الأم : هلا منى كيفك منى : بخير يمه وش فيه صوتك الأم ( بكذب) : لا ما فيه بس عشان عذاري متضايقه منى : عذاري توني مكلمه نجود تقول شوي تعبانه الأم : الله يصبرها منى اسمعي منى : آمري الأم : ابيك تجين اليوم البيت لاني بسافر مع ابوك لجده بكون جنب عذاري تعرفين الظرف مو سهل عليها منى : يمه وش فيه الام : ما فيه شيء بس عشان سمر وسلمى وتساعدين سلمى في عيالها منى (بفرح) : طلعوا الام : ايه وإبراهيم بيسافر معنا محد بيكون عندها منى : خلاص بقول لمشاري يمه وبجي بأذن الله الأم : ان شاء الله يالله سلمي عليه ومع السلامه منى : مع السلامه مشاري (بعد ما سكرت) : خير منى : عيال إبراهيم طلعوا من المستشفى مشاري : الحمد لله على سلامتهم منى : مشاري امي تبيني اكون عندهم اليوم اساعد سلمى وانت تبي تسافر ممكن اروح مشاري : اخاف تتعبين منى : لا بأذن الله مشاري : طيب وانا رايح للمطار اوصلك منى : طيب نزلني بجهز اغراضنا مشاري(ابتسم) : عندنا وقت منى : مشاري ههههههههههههه مشاري : قلبه ------------------------- في الملحق ببيت ابو وليد ... وضحه جالسه مع جدتها تصب لها قهوه وتلوي فمها مو عاجبها كلام جدتها وضحه : جدتي خلاص كل واحد راح بطريق الجده : وش الحسي كل واحد راح في طريق إلا الراس اليابس وضحه (تآكل تمره) : إلا ولد بنتس اللي راسه يابس الجده : ولد بنتي لو اهو عارف يسحبس مع كشتس للبيته هما انك حرمته وضحه (رمت نواه التمر بعصبيه) : سحبه عزرائيل وش شايفني عنزه يسحبني الجده(ترفع عصاها بعصبيه) : إلا بقره ويبي لها كسر ابس يالخبله الحرمه اللي تتطلع مهنا رجال يناظر فيها نصيبها يوقف والرسول صلى الله عليه وسلم قال: «ما من شيء مما أحله الله أبغض إليه من الطلاق». وضحه : جعله ما تحرك ليه الدنيا وقفت على الرجال جربت مره الحظ وعفته من ولد بنتس الجده : والله ان العلام خربس لو أبوس طايع شوري ومجلسس في البيت كان نزل اللي براسس من عناد وضحه : جدتي اسمي فهد ما يتعاشر مغرور وشايف نفسه على الناس وبعدين معرس علي تبين وضحه بنت محمد تدخل على ضره حرمته ثانيه الجده : بسم الله عليك وش ناقصس عن بنات الديره فوق راسس ريشه اها نزليها عنك منتي اول وحده ولا آخر وحده يعرس رجالها عليها وضحه (تشيل الصينيه) : ايه بس ما في إلا وضحه بنت محمد وحده الجده(تشوفها تتجه للمطبخ وبصوت عالي) : اووووويلاه لولا جدس حالف علي ما اتدخل كان والله خليت فهد يأخذس لبيته ويحلل الطلاق وضحه (تطلع من المطبخ) : وش تقولين يحلل الجده : ايه يقدر رجعس له دام انس في العده للحين وأن دخل عليس واختلى فيس ترجعين حرمته وضحه (كتفت ايديها وسندت على باب المطبخ) : لا والله وليه مهبوله انا ما صدقت اني افتك منه الجده : وليه عايفته هاه يا بنت محمد هذا رجلس وضحه : صار طليقي وهذا مهو برجال يوم يمد ايديه على حرمه لا حول ولا قوة لها ليه مهو مؤمن ما يتبع الرسول صلى الله عليه وسلم الجده : صلى الله عليه وسلم وضحه (تجلس قريبه منها) : يا جده قال تعالى ( لَقَدْ كَانَ لَكُمْ فِي رَسُولِ اللهِ أُسْوَةٌ حَسَنَةٌ ) كان من أخلاقه صلى الله عليه وسلم أنه جميل العشرة دائم البشر يداعب أهله ويتلطف بهم ويوسعهم نفقة ويضاحك نساءه حتى إنه كان يسابق عائشة أم المؤمنين رضي الله عنها وصلى الله عليه وسلم قبل وفاته قال ( أيها الناس، اتقواالله في النساء، اتقوا الله في النساء، اوصيكم بالنساء خيرا ) الجده : .............. وضحه : وبقول لك قول الرسول صلى الله عليه وسلم ( مَن كان يُؤْمِنُ بِاللَّهِ وَالْيَوْمِ الْآخِرِ فلا يُؤْذِي جَارَهُ وَاسْتَوْصُوا بِالنِّسَاءِ خَيْرًا فَإِنَّهُنَّ خُلِقْنَ من ضِلَعٍ وَإِنَّ أَعْوَجَ شَيْءٍ في الضِّلَعِ أَعْلَاهُ فَإِنْ ذَهَبْتَ تُقِيمُهُ كَسَرْتَهُ وَإِنْ تَرَكْتَهُ لم يَزَلْ أَعْوَجَ فَاسْتَوْصُوا بِالنِّسَاءِ خَيْرًا ) فهد يا جده ما احترمني ضربني مثل الحيوانه (دمعت عيونها) كل ما اتذكره جسمي يوجعني صار له فتره بس للحين معلمه على جسمي الضربات تحسبين اني فرحانه ان راح ينقال لي مطلقه لا وربي اسم ثقيل على القلب وشين للسمع بس انا انجبرت اتطلق منه صبرت ما كنت ابي اهدم حياتي بس اهو هدمها قبلي القلب عافه عافه ومافيه غير الجرح الجده (ضمتها وهي تبكي) : اسمحي لي يالوضحه كلامي كله عشانس بس ما ابغى حياتك تضيع ودي اشوف عيالس حولي وضحه (تضم جدتها) : مالي نصيب معه والله يعوضني الجده (تمسكها وتجلسها جنبها) : الوضحه خلينا نحسي بالعقل ترى كل زوجين تصير بينهم زعل وتوصل لمد اليد بس الطلاق مو حل يعني كل وحده ضربها رجلها بتشيل اغراضها وتروح بيت اهلها يمكن لحظه غضب وراحت وترى فهد شاريس وبدليل كتب لس بيت بأسمس وضحه : قال لي جدي وقلت ما ابيه ما ابيه يرده لك الجده : ........... وضحه : جده انتي منتي عارفه فهد كثري خبيث والله خبيث قدامكم شيء وقدامي شيء لا يحترم ولا يهتم لي يجرحني يا جده ويكلم زوجته الاولى ويذم فيني ينفر مني ويعترف لها يكرهني وش تبين اكثر كرامتي كان يهدرها يمسح فيني الأرض وانا ساكته عشانكم بس توصل لليد للجرح لا كفايه جروح قلبي ما ابي يزيد الجرح ويوسمه على جسمي انطق الباب .. الجده : من : انا فهد وضحه (شهقت) : .......... الجده (مسكت ايديها ) : بسم والله وش فيس وضحه (تأشر على الباب وعيونها تدمع) : ف ف ف فهد الجده : ايه فهد وضحه (ضمت نفسها وهي ترتجف) : وش يبي الجده : أنا وضحه : ليه الجده : اتصلت علي ام خالد قالت بزورس العصر وفهد بيجيبها بس ما قدر ينزل قلت خليه يجي اسلم عليه وضحه : لييييييييييييييه الجده : وضحه وضحه (وقفت واتجهت لغرفتها) : مااااااااااااااا ابي اشوووووووووفه اكررررررررررررررهه فهد (غمض عيونه سمعها من خلف الباب ) : ......................... الام(مسكت يده وشدت عليها) : نصيبك خلنا ندخل فهد : حاضر دخلوا وسلموا على الجده وجابت لهم الخدامه اللي جابها أبو وليد لأهل زوجته تخدمهم الشاي والقهوه الجده : كيفك يا فهد فهد : بخير يا جده الجده : عتبانه عليك فهد : افااا ليه الجده : ليه يوم تطلق حرمتك فهد (يطالع لامه) : مالنا نصيب يا جده الجده : لا تكذب قول انهم هم مسكوك مع يدك اللي تعورك وخيروك بينها ولا بينهم فهد : مجبور الجده (ألتفتت لبنتها) : وليه تجبرينه ما تعرفين أن الله نهى عنه الأم : يمي البنت عايفته وفهد ما قصر معها سكرها من كل الأبواب لتراضي الجده : وحرمتك الاولى فهد : طلقتها واخذت ورقتها وسافروا هي واهلها بعد ما طلعوا من البيت الجده : ووين عرفتها فهد : ....................... الجده : تكلم فهد : ما اقدر الجده : في الشقق ولا في الشارع فهد : لا لا ماني راعي هالسوالف الجده (ترفع عصاتها بعصبيه) : اجل راعي حريم وزواجات هاااااااااه فهد (يمسك عصاها ويحب راسها) : توبه تبت والله الجده : طيب دام طلقت الحرمه ذيس الأجنبيه رجع حرمتك فهد : من الجده : وضحه فهد : ودي بس طلقتها الجده : تقدر تردها ومحد يتدخل الام : يمه خلي البنت لحالها وفهد بخطب له الجده : اسكتي بس فهد (يقرب لجدته) : كيف الأم (بعصبيه) : فهد والله لو قربت لها يا ويلك كفايه حرام عليك الجده : وش فيس عاجبس بنت اخوس ينقال لها مطلقه الأم : لا بس مو نصيبها مع فهد الجده : فهد رجال يبي يرجعها له مو سذا يا فهد فهد (أبتسم بخبث) : سذا بس ابي ارجعها الجده : هي زوجتك حلالك فهد (عقد حواجبه ) : مافهمت الجده (تضربه بكتفه بعصبيه) : كيف يعني اشرحها لك ترجعها يعني زوجتك لك انت يووووه فهد : هههههههههه فهمت الجده : إذا تبيها رجعها بس احلفك لا تنضام ولا تهان وتكون لها الامان فهد : والله لو رجعت لي لأحطها فوق الراس الجده : مو طلقتها فهد : طلقتها قدام الشيخ طلقه وحده الجده : الشيخ ليه فهد : عشان يكون شاهد علي ههههههههههههه ما وثقوا فيني جابوا امام المسجد الجده : منت هين ينخاف منك فهد : صدقتي الام (مسكت يده لما وقف) : فهيييييدااااااااااااااان الجده : حلفت ما توقفين الأم (رجعت تجلس وبخوف) : يمااااااه الجده (تأشر لفهد على غرفه) : هي هنا فهد(باس راس جدته) : ربي لا يحرمني منك الام : فهد والله جدك يذبحك لا تقرب للوضحه الجده : إعادة الزوجة المطلقة لا تحتاج الرجعة إلى ولي ولا مهر ولا إشهاد، ولا رضى المرأة ولا علمها بالرجعة فهد : سمعتي يمه لا ولي امر ولا شيء انا حر هي زوجتي برجعها الأم : يا ولدي طلبتك اعقل فهد (أبتسم) : بنت اخوك والله ما خلت فيني مخ خصوصا يوم العرس امس ما نمت منها الأم : طيب والله اخطب لك اللي احلى منها بس هي لا لا يا ولدي تركهم فهد واتجه للغرفه ضرب الباب بشويش فهد : وضحه وضحه (جلست على السرير ترتجف) : وش فهد : فتحي وضحه (هزت راسها بلا ) : ............... فهد : فتحي بتكلم معك وضحه : لااااااااا فهد : طيب ليه خايفه (فتح الباب بس كان مقفل) ليه تقفلينه ما بسوي شيء بتكلم معك بس وضحه(بدت تبكي وبعصبيه) : مااااااااااااا ابي اشووووووووفك أنا أنا سمعت وش قلتوا فهد : طيب دام سمعتي ليه نتكلم من ورا الباب وضحه : لان نجوم السماء اقرب لك مني فهد : نجوم بالسماء بس انتي بالأرض واوصلك دام انتي في العده اقدر ارجعك لي بدون أخذ اذن من احد وغصب عنهم وضحه (تشاهق) : لا جدي وابوي وخليفه بيرفضون فهد : متى ما رجعتك لي محد يقدر يتكلم تم العمر وكذا رجعتي لي وضحه (بصراخ ودموع) : شنووووووووو تبي اترررررررررررركني حراااااااااااام عليك لا تعذبني أأأأأأأاكثر فهد (جلس جنب الباب وسند ظهره للجدار) : ابيك وضحه : بس انا ما ابيك اكرهك فاهم شنو اكرهك فهد (ابتسم ) : بخليك تحبيني وضحه(حذفت (رمت) الوساده على الباب بعصبيه) : مو غصب فهد : هههههههههه نسيتي كل شيء عندي بالغضب وضحه (صرت على ضروسها) : لأنك حقيرررررررررررررر فهد : مقبوله طيب ما تعبتي نتكلم من ورا الباب وضحه : فهد روح لا تخليني اتصل في اخوي واللي تفكر فيه لا لا مستحييييييييييييل ارجع زوجتك امووووووت ولا ارجع لك فهد : ههههههههه طيب نشوف قدامي شهور وانتي مصيرك تطلعين ومصيري اشوفك وضحه : بقول لجدي ايه بقول له فهد : امممم صدق لاحظت ان ابوك ما يعرف انك صرتي مو بنت يعني زوجتي وضحه (بلعت ريقها وهي تمسح دموعها) : وش فهد : ايه ما قلتي لهم وش سويت غير اني ضربتك ليه وضحه : مااالك شغل (ضمت البطانيه بقوه عليها وذكرى هذيك اللي تمر ) اكرررررررررررررررررررررررررررررررررررررررهك فهد (غمض عيونه وسند راسه على الجدار) : وانا أحبك وضحه : كذاااااااااااب كمل كذب من عرفتك كذااااااااااااااااب فهد : مو مهم تصدقين بس صار عندي تحدي ترجعين لي وضحه : افهم يا فهد لو اليوم اللي ارجع فيه لك هو موتي ثاني يوم بنفسك بتكفني وبالقبر تنزلني امووووت ولا اكون لك فهد : لا بتكونين لي وبتعيشين وضحه (رجعت تبكي وهي تصرخ) : شنوووووووووووو أنت حيواااااااااااااااااان تحب تعذبني ليييييييييييييييه خلااااااااااص انت طلقتني اتركني اتركني جـــــــــــــــــــــــــــــــــــــــــــــــــ ـــــــــــــــــدي فهد (وقف) : بس وضحه (بعصبيه) : رووووووووووووح فهد : بروح بس بحذرك لو جدي عرف اني جيت او شو ناوي عليه صدقيني بتصل على ابوك واقول له عن اللي صار بينا وبهذاك الوقت مو لازم انا آخذك لا خالي بنفسه راح يجيبك لي فاهمه وضحه (غطت نفسها في اللحاف وهي تبكي ) : ............................... فهد (يسمع صوت بكاها بهمس) : صدق من قال لا يعرف قيمة الشئ إلا فاقده تركها ورجع يجلس جنب جدته أخذ فنجان قهوه وصب له الأم (تطالع له) : فهد فهد (ببرود) : ما قربت لها بغرفتها مثل ما هي لا تخافين بنت اخوك حيه ومهي هينه الجده : وش صار فهد(طالع لجدته بنص عين) : قافله الباب عليها سمعت الكلام الجده : اجل جدك بيعرف فهد(أبتسم بخبث) : لا اضمن لك ان ما بيعرف بشيء الجده : واثق الام : اعوذ بالله منك شيطان منت انسان فهد (يحط الفنجان ويوقف) : تروحين معي ولا ارجع آخذك بالليل الام : لا روح انت بجلس مع امي الليله فهد : يعني تنامين هنا الأم : ايه فهد : ورغد الأم : وصيت خالد وميثه عليها وابوك راح يروح لجده يعزي فهد (باس راس امه وجدته) : مع السلامه الام والجده : مع السلامه --------------------------- في بيت سالم .. في المجلس من سمع الخبر واهو بصمت هزه الخبر حطمه وخلى لسانه ينعقد عن الكلام ناصر يراقبه وايده على قلبه خايف عليه ما تحرك له 10 دقايق بس يرمش بعيونه لولا حركه الهدب كان اللي يشوفه يقول ميت سالم في آخر لحظه قال انه ما راح يسافر مع ابوه ومه اخوانه ابراهيم وفيصل وامه وجده وعمامه ووليد ومحمد وزوجته فرح اللي كان موعد الطياره في وقت واحد واتجهوا للمطار تعذر في سمر ما يقدر يتركها واهو مو قادر يشيل نفسه ولا يخطي خطوه ناصر : قول لا إله إلا الله سالم(تنهد وغمض عيونه) : لا إله إلا الله ناصر : وش فيك سالم : قلبي يوجعني ناصر(حط يده على قلب سالم اللي مغمض عيونه) : سلامة قلبك سالم : ليه ناصر (فضل يسكت) : .................... سالم : كان عندي خيط من الامل بس انقطع حرام اللي مثل جاسم تكون ليالي نصيبه حرام ما يستاهلها ناصر : .................. سالم : ليتني مت ولا اشوفها تنزف له ليتني مت ولا اشوفها تنزف له ما اقدر اتحمل (بعصبيه) مااااااا اقدر اموووووووووت اذبحه والله اااااااااااااااااذبحه ناصر : تعوذ من الشيطان تذبحه وتدخل السجن تموت يعني وبالنهايه تتركها بروحها يعني انت خسرت وهي خسرت سالم : تكفه يا نااااااااصر قول انك تكذب مو صدق عرسها بعد اسبوعين مو صدق عرس حبيبتي وقلبي وروحي من ملكتني تروح لغيري ناصر : سالم سالم : بس اسكت من وين ألقاها من سمر ولا من ليالي تعبت قلبي يوجعني عليهم يووووووووجعني ناصر : ليالي هذا نصيبها بس سالفة سمر غريبه والله مو قادر اصدق عبدالرحمن يسوي كذا سالم (بعصبيه) : لانه حقييررررررررررررررررر : لا لاني مجبور سالم (ألتفت للباب شافه واقف مع عبدالعزيز) : عبدالرحمن عبدالرحمن : ايه عبدالرحمن سالم (وقف وابتسم بأستهزاء) : جيت والله جابك هلا والله حيا الله النسيب مبروك ألف ألف ألف مبروك ملكتك ناصر حس ان سالم ناوي على نيه من نظرت عيونه وقف قدامه لما شاف سالم يخطي متجه لعبدالرحمن سالم (بعصبيه يدفه) : ااااااااااااااااابعد ناصر (يمسكه) : سالم اهدى عبدالرحمن : سالم اسمعي تكفه سالم : بسمعك اييييييييييييه بس بسمعك عن قرررررررررررب ناصر (بصوت عالي) : عبدالعزيز خذه من هنا اطلعوااااااااااااااا عبدالعزيز : قلت له ما سمعني قال لازم يفهم زوجته على كل شيء سالم (بعصبيه) : لاااااااااااا تقووووووول زوجته قرررررريب راح يطلقهااااااااا عبدالرحمن (يقرب ويبعد ناصر عنه) : لا إلا سمر لا لا سالم (مسكه بعصبيه بثوبه بعصبيه) : لييييييييييييييييييييه أمنتك على دلوعتي ليييييييييه خليت دمعها ينزل لييييه جرحتها عبدالرحمن (يحاول يبعد) : اقسم مو بسببي ابوي اجبرني والله انجبرت فيها سالم (يدفه بعيد واهو يمسح وجهه) : اعوذ بالله من الشيطان ما ابي اوصخ ايدي فيك اطلع من بيتي عبدالرحمن : سالـ.. سالم (يلتفت له بعصبيه) : برااااااااااااااااااااااااااااا عبدالعزيز : سالم اسمعني انا طلبتك سالم : عبدالعزيز انا احترمك واحبك تكفه لا خليني ازعل منك لا تدخل انا مو قادر اتحمل اختي فووووووووق تبكي والله تبكي ما نقدر نهديها صدمتها قووووووويه زوجهااااااااا اللي حبته اللي تشهق بأسمه يتزوج ومن غير علمها يطعنهااااااااااااا يا خوك قهررررررررررررررر ناااااااااااار في قلبي والله نااااااااااااااااااااار حراااااااام عليكم منين ألقاها منكم ولا من قلبي آآآآآآآآآآآآآآآآآآآآه ناصر(قرب له وضمه) : سالم اهدي تعال اجلس سالم : اتركوني يكفي همي ليه تزيدونه عبدالرحمن : تكفه يا سالم اسمعني وبعدها اطردني بس اسمع ناصر (باس راس سالم) : طلبتك اسمعه سالم (يجلس ويكتف ايديه) : نسمع عبدالعزيز(حط يده على كتف عبدالرحمن) : اجلس وقول اللي صار عبدالرحمن (يجلس واهو يشوف ناصر يجلس) : اللي صار وربي يشهد علي ما اكذب فيه ولا ازيف الحقيقه سالم (باستهزاء) : تكلم يا معرسنا عبدالرحمن يحكي لسالم كل اللي صار والصدمه على وجهه رغم ان مشكك بالامر بس يعرف انه عبدالرحمن ما يكذب عليه ولا يمكن يكذب عليه وبنفس الوقت سمر بغرفتها تبكي وخوله ومنى وعهد وسلمى اللي تركك عيالها فوق مع الخدامات وما قدرت تترك سمر المنهاره يحاولون يهدونها وهي تبكي خوله : اهدي يا سمر منى (بعصبيه) : ليييييييييه سلمى : منى اهدي منى (بعصبيه) : كيف اهدى اختى مالها شهر مملك عليها يملك على الثانيه شنو يحسب ما عندها اهل سمر(اللي ضامه نفسها ومستنده على السرير وتبكي) : ..................... منى : لا تبكين مثل هذاااا ما ينبكى عليه عهد (غمزت لسلمى تطلع منى) : .............. سلمى : منى ما شفتي عيالي منى : سلمى مو رايقه سلمى (تمسك يدها) : تعالي بس شوي شوفيهم ورجعي منى : سلمـ.. سلمى : ما راح ارضى قومي بس قومي منى (تستند على عكازها) : طيب نروح خوله(تشوف منى وسلمى يطلعون ) : سمر اهدي شوي خلينا نتكلم سمر(تشاهق) : وش نتكلم فيه زوجي اليوم تزوج علي أخذ وحده أكرها كره العمى غدر فيني و هي نفذت حلفها ( ضحكت بألم) ههههههههههههه ايه قدرت تجيب راسه قالتها ولا كذبت (دعت عيونها اكثر وسكتت عن الضحك) بس اهو كذب ايه كذب قال يحبني قال اني بقلبه قال اني عشقه قااااااااااااااااااااااااااااااااااااااال انه لي لووووووووووحدي عهد (تقرب وتضمها) : سمر سمر(تضمها وهي تصيح بألم وقهر) : ليه يخوووووووووووووون حبي ليييييييييييييييه الغدار حراااااااااااااااام كسرررررررررررررررني يا عهد وش اسوي آآآآآآآآآآآآآآآآآآآآآآه يا عبدالرحمن ليييييييييييييييييييييييييييييه خوله : لا حول ولا قوة إلا بالله طيب ليه سوى كذا اهو سمر(تبعد عن عهد وبعصبيه وهي تبكي) : موووووووووو مهم ليييييييييه المهم النفس عااااااااااااااااااافته عااااااااااااااااافته اكررررررررررررررررررهك ليه تطعني يا ليتني مااااااااااحبيتك يا ليتني ما عرفتك غداااااااااااااااااااااااااااار يقول احبك واهو يخطبهااااااااااااااااااااا عشان سلمت له قلبي يجاااااااااازيني كذااااااااا ليه ليه يا ربي خوله (تقرب وتضمها) : سمر اللي صار لك صدمه بس انتي اقوى منها خليك قويه سمر(تضم عمتها وتبكي) : وش القوه يا عمه اشوف زوجي تشاركني فيه وحده ثانيه ومن مشاعل اللي ياما حاولت تبعدنا عن بعض بس قدرت تبعدنا ايه قولوا لها تآخذه عليه بالعاااااااااااافيه قووووووووووولي لها اني عايفته قوووووووولو لهااااااااااااااااا النفس طابت منه ومن حب قووووووووولواااااا لها اني اكررررررررررررهه بمقدار حبي له اكرررررررررررررهه قلبي يوووووووووووجعني ينززززززززف من الوووووووجع طعنه وترك القلب ينززززززززززززف لييييييييييييييييييه انا احببببببببببببببببببببببك ليييييييييييييييييه خوله (حستها ترتخي بين ايديها ) : عهد ساعديني عهد (تقرب وتمسك سمر) : سمر اصحي لا حول ولا قوة إلا بالله البنت انهارت خوله (تسدح سمر هي وعهد على السرير) : لا تلومينها اللي يصير اقوى منها عطيني ماء عهد(تعيطها ماء) : خذي خوله (ترش وجه سمر ) : قلبو انتي اصحي سمر(حاسه فيهم بس مخنوقه) : انا بخير خوله : انتي صاحيه سمر(تلتف على جنب) : ايه ابي ارتاح اتركوني عهد : بنكون بالصاله لو احتجتي شيء نادي لنا سمر (هزت راسها وهي مغمضه نعم) : ................ مدَآمْ ـآلسَآلفِـه i صَآرتْ " כּ ـهَآيـهْ ] {مُؤلِـِمَـهْ .. و جِـِرَآحْ ~ ـإبيْ منـك طَلَبْ وآכـدْ .. تِكفَيىآ ! { لآ } .. [ تـذكرّنيْ ~! طلعت خوله وعهد وشافوا منى تطلع من جناح سلمى وإبراهيم منى : كيفها خوله : تعالي اجلسي خليها مع نفسها شوي البنت منهاره منى (تجلس) : وربي مقهوره من اللي صار كيف يسوي فيها كذا حرام عليه عهد : معقوله عبدالرحمن اللي يحب سمر حب كبير يتزوج عليها ومن مشاعل منى (بعصبيه) : مشاعل اللي ما تسوى ظفر سمر تكون براس سمر وضرتها ما اصدق والله خوله : السالفه فيها ان فجأه كذا زواج عهد : طيب ما تتصلين بضاري وتسألينه خوله (بعصبيه) : لا احد يطري اسمه قدامي منى(عقدت حواجبها) : وش فيه خوله : اكرهه واكره اسمه اففففففف منى : صاير شيء بينكم خوله(كتفت ايديها) : لا بس ما احبه يلوع كبدي طاريه عهد(طالعت لمنى وبعدها لخوله) : كذا كرهتيه فجأه خوله(توقف) : وش تبون مني انا قلت لا أحد يذكره لي افففففففففففف منى(تشوفها تدخل غرفتها) : هذي وش فيها عهد : مدري يمكن زعلانه عشان سمر وان ما قال لها ضاري عن السالفه منى : يمكن عهد : يمكن منى : طيب كيفك انتي وفيصل عهد (أبتسمت ) : بخير منى : يعني عهد (بحياء) : لا بس نحاول نقرب من بعض نسولف اشيل الحواجز شوي شوي اتقبل قربه ووجوده واهو الله يخليه لي ما يجبرني على شيء منى : وعصبيته عهد : صايره اقل يتحكم في اعصابه منى : الحمد لله عهد : الحمد لله (تسمع الآذان) صوت المؤذن منى : بروح غرفتي اصلي وبعدها برجع اشوف سمر عهد (توقف) : حتى انا بصلي وبنزل اسوي لها عصير هدأ اعصابها منى : صدق العصير الكل محتاجه عهد : بسوي للكل منى(تستند على عكازها) : اوكيه 
  ربي يحفظك لي ياأمي ولايحرمني اياك 
|
|
09-29-2011
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
سالم : هذي داهيه
عبدالرحمن : صدقت داهيه بس والله ما توقعت يصير كذا او تتجرأ بهذا الشكل ناصر : عشقانه يعني عبدالعزيز : الفلوس مو عبدالرحمن سالم : كيف عبدالرحمن : تحب الفلوس كل اللي سوته حب في ثروة ابوي ناصر : طمع اعوذ بالله تهدم حياة ناس عشان انانيه عبدالرحمن : تهدم بلد عشان تحصل على الريال الفلس عندها اهم من حياة الناس سالم : بس المشكله سمر عبدالرحمن : خلني اشوفها افهمها تكفه دمعتها نار على قلبي هي تفكر اني اخونها بس والله مو مني سالم : صعب هي منهاره لو شافتك ممكن تزيد حالتها سوء انت ما تعرف امي وابوي وإبراهيم قبل يجيبونها راحوا للمستشفى عطوها مهدئ بس رفضت تبقى قالت تبي تطلع عبدالرحمن (بعصبيه) : كله مني كله مني عبد العزيز : اهدى انت بس ما كنت تبي تغضب ابوك تبي رضاه وربك راح يظهر الحقيقه وتشوف عبدالرحمن(يصر على ضروسه) : ودي اروح اقطع رقبتها افتك بس حراااااااام اللي صااااار ناصر : تعوذ من الشيطان خلونا نروح المسجد نصلي ويكون خير من الله دوم الكل : امين عبدالرحمن (في نفسه) : حرام ان تركتك يا مشاعل تتهنين لكن بس احل هالمشكله اقسم لاخليك انتي بنفسك تعترفين وساعتها اعلمك عذاب اللي تعذب فيه من دموع سمر من تحداني بغلاك أناأقبل تحديه ومن يشاركني بحبك قول لأمه في حوش بيتهم تتقبل تعازيه وإذا كنت زعلان أنا أراضيك بتقول أحبك بقول أنا أمــــــــــوت فيــــــــــك بتقول بنساك؟ بقولك: " أتحـــــــــــــدااك " طلعوا للمسجد يصلون وكل واحد يدعي ربه بالفرج ------------------------------ اليوم الثاني .. في الكليه ... البنات يمشون في الكليه وضحه ومي وبدور ودلع مي : مغلق جهازها وضحه : ايه مي : بس وش فيها ما حضرت بدور : يمكن راحت عليها نومه البنات ك يمكن وضحه : امس قالت لي جدتي ان ليالي عرسها بعد اسبوعين مي : صدق انصدمت وانصدمت اكثر لما ما رضوا يأجلونه عشان وفاة ابو سلطان وعذاري وضحه : ناس ما تحس مي : خالي رفض يسوي عرس احترام لسلطان وعذاري قال بيسوي عشاء في بيه ويزفونها لبيت رجلها وضحه : ترى رفضت تلبس فستان زفاف بس خوله ما تركتها لين وافقت على ثوب عادي وبسيط مي : يعني لبسنا عادي عشاء وبس وضحه : ايه تصدقين خاطري البس ساري هندي مي : خطيره بدور : والله خطيره عاد شعرك اسود وملامحك ما شاء الله بيكون روعه وضحه : تغيير هههههههههههه دلع : شوفي عندي ساري روعه بس مفتوح البطن والظهر عادي تلبسينه وضحه : ليه ما اخاف ربي دلع : كيف يعني وضحه : بآخذه لمشغل يركب لي قطعه اللي تكون مثل الجلد بس ساتره مي : لا بغيييييييييير البنات : هههههههههههههههههههههههههه سكتوا البنات لما شافوا مشاعل واقفه قدامهم ومعها شلتها وضحه (رفعت حاجبها) : يا واقفين يكفيكم شر الجايين مشاعل : اووه للحين حاقده وضحه : وش تبين مشاعل : امممم ما اشوف سمر مي : خير يا مشاعل مشاعل : ابدا كنت بشوفها بس (ابتسمت ) وبقول لها وين مبروك حقتي دلع : وش عليه مبروك فاطمه (صديقة مشاعل) : مشاعل امس كانت ملكتها (مدت علبة حلى كبيره بيدها) وفرحانه وتوزع حلى على الكليه مي (تمد يدها) : اخيرا هههههههههههه اجل نآخذ حلى وش عليه المهم انا افتكينا منك الوضحه(تبعد العلبه) : ما ابي بدور : وضحه خذي هذي زواجها ياليت سمر هنا كان لولشت (زغرطت ) من الفرح دلع (تكمل) : وهذا يوم المنى يوم مشاعل تحل عنها قصد تعرس مشاعل : هههههههههههههههههههههه مساكين بدور : ليه مشاعل (تفتح شوكولاته وبدلع) : ما سألتوني من المعرس مي : مو مهم عندي المهم شرك بعيد عنا صار بدور : لا خليها تقول حرام مي : قولي قولي شكلك مو مصدقه ومنين عرفيته عريس الندامه من اهو مشاعل (طالعت مي وبخبث) : عبدالرحمن دلع : عبدالرحمن من مشاعل : عبدالرحمن واحد بس زوج سمر ولد خالي البنات (بصدمه) : شنووووووووووو وضحه : تكذبين مشاعل : لا امس ملكنا مي(ترمي الشوكولاته وبعصبيه) : كذااااااااااااابه لا يمكن عبدالرحمن يغدر في سمر ويأخذك مشاعل : أتصلوا عليها وأسألوها هي بنفسها كانت حاضره امس دلع (بعصبيه تقرب) : حقييررررررررررررررررررره ليييييييييييييييييييييه بدور(توقف قدام دلع) : اهدي تعرفين مشاعل احلامها كبيره وكذبها كثير لا تهتمين مشاعل : مو كذب وقبل نهاية اليوم بيكون الخبر منتشر أمممممم سلموا لي عليها لو سمعتوا صوتها هذا لو ما ماتت من الصدمه هههههههههههههههههههه وضحه (تقرب وتمسكها من يدها بعصبيه) : والله ادفنك في مكانك لو كان صدق مشاعل (تسحب يدها) : ما تقدرين بموافقته صار الزواج يالله فطومه فاطمه : يالله مي (تطلع جوالها وتتصل) : مغلق الجهاااااز مغلق دلع : معقوله صدق كلامها مي : لا لا مستحيل عبدالرحمن يموت فيها لا وضحه : اتصلي على خوله اسأليها مي (اتصلت على خوله وجلست على كرسي) : صباح الخير خوله (مصدع راسها ) : هلا ميوه مي : خالتي صحيح عبدالرحمن تزوج مشاعل خوله(تطالع عهد اللي جالسه معها على طاولة الاكل) : من قال لك مي : يعني صدق (دمعة عيونها) تزوج عليها خوله : ايه بس من قال مي(تشوف مشاعل توزع شوكولاته) : مشاعل توزع حلى عشان ملكتها خوله(بعصبيه) : الحيوووووووووانه مي : بذبحهااااااااااااااااا خوله : لا اهدي لا تنفصلين مي : مو مهم سمر حرام خوله : سمر بخير للحين نايمه من البارح ما نامت عدل بس تبكي وعلى الفجر نامت مي : انا جايه بس بتصل بسطام يرسل السايق خوله : خلصتي محاضراتك مي : عقلي مو قادر يجمع أي محاضره الصدمه مشتتني خوله : على راحتك مي : مع السلامه خوله : مع السلامه خوله حطت الجوال وألتفتت لعهد اللي تشرب حليب خوله : تصدقين وصلت الجرأه فيها توزع حلى في الكليه فرحانه انها كسرت قلب عبدالرحمن وسمر عهد : حسبي الله عليها خوله : لو اشوفها بذبحهااااااااااااا منى (تنزل السلم وهي تسند على عكازها) : صباح الخير عهد وخوله : صباح النور منى (تجلس وتصب لها حليب) : شخباركم عهد : انا بخير خوله : انا راسي مصدع ما نمت عدل منى(تطالع خوله ) : نمتي عند سمر قلت لك خليني رفضتي خوله : كيف تنامين على الأرض وانتي حامل ورجلك ما تقدرين منى : وش فيك امس خوله(تهز راسها) : مدري كوابيس عهد(تطالع لها) : يمكن عشان مغيره مكان نومك خوله : لا صار لها فتره واحيانا احس اني مخنوقه منى : رحتي الطبيب خوله : أيه بس ما فيني شيء كل فحوصاتي سليمه ( انتبهت لجوالها يرن تغيرت ملامح وجها يو شافت المتصل ) افففففففففف الله يقرفك يا شيخ على الصبح نكدت علي ناقصتك تركت المكان لدرجه الكرسي ضرب في الأرض وصعدت منى أخذت الجوال وشافت مكتوب الكريه ضاري منى(أنصدمت) : عهد مسجله رقم رجلها بالكريه ضاري عهد (بصدمه) : وش منى : والله عهد (تحط كوبها على الطاوله) : خليه صامت منى (خلته صامت وحطته على الطاوله) : وش هالكره عشان اللي صار لسمر وعبدالرحمن هي لازم ما تخلط بي مشاكل الغير وحياتها يعني عبدالرحمن وسمر في بينهم مشاكل بس لازم ما تربطها في حياتها عهد : منى تذكرين وش صار البارح لما كنا نايمين منى : صحيت على صراخ سمر ولما دخلنا غرفتها كانت ماسكه خوله اللي تحاول تتنفس وعيونها طالعه لبرا وهي ترجف عهد : وما هدت لين منى : سكرنا المسجل كان صوت القرآن اللي شغلناه عشان سمر تهدأ من ذكر الله عهد : فجأه انقلب حالها وهدت طبيعي صارت منى : صح بس ليه عهد : خوله لها فتره مغيره منى : صح عهد : سمعي بنجرب شيء وكذا راح نعرف وش فيها منى : وش عهد : بنشغل قرآن في البيت كله وبنقول عشان سمر وراح نشوف وش يصير لها منى : موافقه عهد : خلي الامر بعد الغداء عشان اقول لسمر تساعدنا انها تبي تسمع قرآن منى : حاضر (شافت جوالها يرن ابتسمت) اسمحي لي بروح اكلم حبيبي عهد (ابتسمت) : الله يسعدكم انا بصعد لسلمى اشوفها منى : براحتك ---------------------------- في جده عذاري اللي ضامه خالتها وتبكي بحضنها ونجود قدامها تمسح دموعها في غرفة عذاري عذاري : ابي اشوفه قبل يدفنونه تكفون ام إبراهيم : خلاص ابوك الله يرحمه دفنونه عذاري (بكت بقوه) : لااااااا لا انا طلبت اشوفه أم إبراهيم : لو شفتيه بتحزنين اكثر خلاص ترحمي عليه عذاري : ما قلت احبببببببببك أم إبراهيم : لا توجعين قلبي خلاص سلطان (يدخل وباين عيونه حمراء) : السلام عليكم أم إبراهيم(اشرت لنجود تجي جنب عذاري وهي قربت لسلطان اللي ضمها) : عظم الله اجرك سلطان : اجرنا واجرك راح يمه راح دفناه الغالي أم إبراهيم (تجلسه على الكرسي وتجلس واهو ضامها) : دموعك نار سلطان : صررررررت يتيم ثااااااااااني مره امي اووووووووول وابوووي انكسرت راااااااحواااا سندي يا يمه بالكفن لفيناه وتحت الثرى مثوااااااااااااااه ادري ان الموت حق ولكن استصعب قبوله...... ذا ابوي , وموت ابوي اخلف مفاهيم الخساره ياكفن ياكبر حظك يوم لفو بك نحوله...... وانعكس نوره عليك وزادك سطوعٍ وقاره وانت يالقبر الذي نوخ بك الغالي ذلوله...... افتخر كل المدى حولك تمنى هالزياره وياعزيزٍ كل خلقه رهبه وطوع سجدوله...... اسألك باسمائك الحسنى تعجل بالبشاره وامنّه يوم الفزع لاحان ياربي مثوله...... بين ايدينك واكرمه وارحم خضوعه اونكساره واجعل الفردوس الاعلى هو جزاه اللي ينوله...... يرتوي من سلسبيله ويْتمتع في خضاره أم إبراهيم : خلك قوي اختك محتاجه لك انت سندها لا تشوفك كذا سلطان : مو قادر والله مو قادر بعد ما شفته وعرفت معنى كلمة ابوي يروح مني ما صار لي سنه ما قلت له كل اللي فخاطري احلامي أم إبراهيم : هذا يومه : السلام عليكم الكل ألتفت للباب شافوا حرمتين واقفات نزلت غطاها ولفتها على كتفوها صدمه واقفه سلطان وقف وهي قربت منه بحياء باست راسه سلطان : بتول بتول : عظم الله اجرك سلطان(دمعت عيونه) : اجرنا واجرك أم البتول : الله يرحمه ويغمد روحه الجنه الكل : امين سلطان (مسك يد البتول بهمس) : محتاج لك بتول : انا جيتك يالغالي سلطان(مسح دموعه بشماغه) : أسمحوا لنا اخذها ومحد اعترض مهي زوجته دخل غرفته وقفل باب هي توترت اول مره معه جلس على السرير ونزلت هي عباتها ولفتها على الكرسي وجلست جنبه بتول(مسكت يده) : سلطان هذا يومه ترحم عليه سلطان : انكسرت ما توقعت يروح كذا مني فجأه بتول : كنت تعرف انه تعبان وكان الموت رحمه له سلطان : صح بس موته صدمني يا البتول بتول : اجل ليه هالدموع (رفعت يدها تمسحهم) يا سلطان ما يجوز كذا بتكون نار على قبره سلطان(مسك يدها وباسها ودموعه على يدها) : ضميني احس بغربه تكفين يالبتول محتاجك لا تتركيني قلبي يتألم لما دفناه خفت عليه من ثقل الرمل خفت عليه يتوجع مات ابوي ..وتاج راسي.. مات حلال النشايب مات ...ياكبر المصيبه والفجيعه والبليه مات..لكن من بعدموته تحاقرت المصايب لوتجمع فوق راسي كلها..هانت عليه ماتهون اليوم..ياراس على قبره نصايب والله ان القبر عندي شامخ كنه طميه ليتني قبل النهار اللي دفنتك فيه غايب ليت عمري قد فنى قبلك وفي عمرك بقيه بتول(قربت وضمته) : ارتاح واهدي ابوك ارتاح يالغالي مرضه كان متعبه والله رحمه .. انت مو نايم صح سلطان : النوم جافاني بتول (تجلس على السرير وتتربع وتأشر على رجولها) : حط راسك هنا تعال سلطان : ما ابي انام بتول : تعال ارتاح شوي العصر وراك عزاء ومعزين سلطان(يطالع لها ويطالع لحضنها) : بتول بتول (تبتسم) : اشششش تعال وبس سلطان(ينسدح وحط راسه على رجولها) : ما ابي انام بتول(تمسح على شعره ) : ارتاح يا قلبي سلطان(ابتسم رغم الحزن) : قوليها مره ثانيه بتول(ابتسمت) : حبيبي سلطان (مسك يدها الثانيه باسها وضمها لصدره) : صدقني كبرتي في عيني وقفتك جنبي كبر قدرك عندي وملكتي قلبي أنا سعيد }~ بلقاك [ وشوفك وقربك ] وأنا أسعد انسان لمــا ( شفتك قبالي ) إن قلت أحبك يغــــار الحب منـ /حبك وإن قلت غالي غلاك [أغلى من الغالي] من يوم قلبك فتح لي ( بالغلى قلبك ) وأصبحت أنا أول غلى بعمرك [ وأنا التالي ] قمت احمد الله وأدعي ربي وربك أبقى بك سعيد }~ وتغني بك امالي يا كبر حظي [ أغنيها وأنا جنبك ] يا زينة العمر معك ( العمر يحلى لي بتول : من عرفت طلبت من ابوي نجي حسيت انك تعبان حسيت انك بتحتاج قربي سلطان : بتول تكفين لا تروحين خليك معي بتول : انا معك سلطان : نامي هنا اليوم بتول(استحت) : هاه سلطان(جلس وطالع لها) : تكفين والله ما اسوي شيء بس بقربك برتاح تكفين ما ابي اطالبك بشيء بس وجودك يخفف عني بتول(ابتسمت بحياء) : حاضر (مسكت راسه) نام شوي سلطان (انسدح وغمض عيونه) : احبك بتول : وانا بعد ..•.. ابيـك تـدرري وش قيـمـتك عنـدي ..•.. ودي تكـوون الحيـن جنبـي و أح ـضـنـك بقـووهـ داخـل قلبـي .. و أحـسسـك بقـيمـتـك عنـدي .. و أقـوول لك .. " إني أح ــبــك لـوو مـاكنت تـدرري " ..!! ودي تكـوون لـي أنـا وحـدي .. ومحـد ابـد يشغلك عنـي .. و أبيـك كـل ماتمشـي تبتسـم لـي .. و تقـوول ..: شـووفـووا " ح ــبيـبـي " حـدي ..!! هدوء عند سلطان وبتول اللي تحاول تخفف عن سلطان وتخليه ينام شوي لا ينهار عليهم في العزى .. ولكن عند عذاري اللي معصبه ورافضه "أهتز قلبي " يوم بالاسم أذكروك.. هزت محب له مع الشوق فزه.. "هم يحسبوني" ناسي يوم أذكروك.. وأنت بفكري عايش كل حزه.. بعيوني الثنتين وبالدمع شافوووك.. قالوا: ّّبعينك وااضحه هالمعزه ّّّ عذاري : لااااااااااااا قوووووووولووووووووووووو له ما ابيه يعزني ما ابي اشوفه نجود : وش فيك هذا رجلك عذاري : لا تزيدونها علي مااااااااا ابي اشوفه ما ابي ام إبراهيم : يا حبيبتي وش فيك وش صاير بينكم عذاري : خلوني بهم ابوي وموته لا تجيبون لي سيرته لا تزيدون علي الحمول كفايه قولوا له عذاري ما تبي تشوفك ولا تعزيها بأبوها إلا تبي تعزيها عزها في قلبها اللي مات نجود (رن جوالها) : ألو هلا يبه .. لا ما فيه احد ... بشوف لك درب حاضر .. مع السلامه أم إبراهيم : وش فيه نجود : ابوي يبي يشوف عذاري لان تحت عيال عمها مجتمعين عذاري (بدموع ) : ابوي فهد نجود نزلت وشافت لأبوها درب بعد ما لبست عبايتها عذاري كانت تشوف الباب تنتظر طلته عليها تبي ترتمي في حضنه بس جلست من الصدمه لما شافت سليمان اللي واقف قدامها هزت راسها لا لا ام إبراهيم طلعت وسكرت الباب تراقبه يقرب لها وقفت وحطت يدها قدامه واهو يتأملها بحب بشوق بترقب رغم الالم لحالها ووفاة ابوها بس فقدها تدري من أنا ؟! أكيد ما تدري .. أنا اللي احس بغيبتك غربة .. وضيقة مالها آخر .. احس اني بلا صحبة .. وشكلي يكسر الخاطر.. ما ابي من حبك تعطيني .. ولا بقلبك تخليني .. ولا دمك تسقيني.. ولا بروحك تفديني .. ابيك اتقول :إنك بخير؟؟!! هالكلمة واااالله تكفيني!!!! عذاري : لا تقرب سليمان (فتح ايديه) : تعالي عذاري : لا سليمان (على وضعه) : تعالي عذاري(بكت اكثر) : اتركني سليمان : ما اترك روحي (قرب لها ويشوفها تبعد واهو يقرب) عذاري عذاري : لا تقرب قلبي ما عاد يتحمل صدمات سليمان (ضمها له واهو يحس فيها تقاومه بس ضمها اكثر) : ابكي بس هنا مكانك بقربي لا تبعديني تكفين كفايه بعدك ايام اللي فاتت عذاري (تدفه عنها) : اترررررررركني سليمان(يضمها) : لا ما صدقت اشوفك تبين ابعد لا عذاري(ضمته ) : محتاجه لك ليه تركتني أنا تعبانه سليمان : وانا تعبت من بعدك عذاري : ابوي مااااااات ما عااااد لي احد سليمان : انا موجود عذاري : أنت خواااان سليمان : بس عذاري : ما تحبني بس ابووووووي يحبني سليمان : وانا احبك وربي أحبك ولا احب مثلك عذاري : فقدته من يعوضني عنه من يحتويني من استند عليه من احس بالامان بقربه سليمان : انا ابوك وحبيبك وزوجك انا دنيتك بس كفايه وربي تعذبت لا تبعديني عنك عذاري : انت السبب سليمان (يطالع لها ويبوس خدها) : تعلمت والله تعلمت ان ما في غيرك في قلبي وانتي تغنيني عن كل البنات بس خليك واثقه فيني عذاري(حطت راسها على صدره) : خايفه احبك مثل حبي لامي وحبي لابوي وراحوا كل شخص احبه يمووووووت سليمان : الأعمار في ايد الله وهذا يومهم عذاري : .............. سليمان : كفايه الدموع ما ترده لو الدموع ترد كان بكيت امي اللي ماتت بولادتي بس احس بحنانها اقول لها كلمة يمه انتي احمدي ربك حسيتي فيهم بوجوده لو وقت (مسكها وجلسها على السرير وجلس جنبها ويده حوله خصرها) يا حبيبتي لو يرجعون ساعه اقول لهم احبكم اقول ما حسيت بمعنى الام والأب حسسوني بقربك نسوني الدنيا بس بعيش ساعه بأحضانكم عذاري (تشاهق) : مات قدامي قلبي يوجعني كل ما اذكره سليمان : ترحمي عليه الله يغفر له ويوسع قبره عذاري : امين ( طالعت لعيونه وعيونها دموع) قلبي يوجعني ملح دمعي يحتري كفك شغوف وما بقت فيني خليّه ما تبيك ..! كم سهرت وانتظرتك لو تطوف كم طريت وفزّ قـلبي يحتريك ..! ويل قـلبي عازفٍ عنهم عزووف بسّ ابيك وبس ابيْك .. وبسّ ابيك غصب عني لا طرَى غيرك اعوُف ما ابيهم دام قـلبي محتريك,, سليمان(يضمها ويمسح على شعرها وقلبه اهو يوجعه على منظرها) : بسم الله عليك انا هنا عذاري شكت لسليمان شوقها وحبها لأبوها فقدانه الكبير عندها حسرتها انها ضيعت الوقت اللي عرفته فيه بعنادها وما وضحت له مشاعرها واحساسيها اللي بقلبها لوالدها واهو حاول يهديها كثير لين نامت بالأخير حطها على سريرها وغطاها باس جبينها واتصل على إبراهيم يتصل على نجود عشان يقدر يطلع للمجلس ويكون جنب سلطان في محنته ------------------------------------------- في بيت بندر ... جالس بغرفته يفكر صار لها اسبوع تقريبا فاقدها رغم ان يحس برائحتها حوله لازالت اغراضها موجوده على التسريحه وروبها على طرف السرير ما قدر ينام في غرفته من غابت بس يدخلها ويجلس وتذكرها تندم كثير وتألم لفراقها تذكر لما كان عندها الصبح فاجأها بوجوده عند باب البيت وامها استحت ترده دخلته وجلس في الصاله سمع صوتها ترفض تشوفه بس بعد 10 دقائق شافها تدخل وقف بس هي جلست جنب الباب الجوهره : خير بندر : السلام عليك الجوهره : وعليكم السلام بندر : كيفك الجوهره : يهمك بندر : ايه الجوهره(بأستهزاء) : ما اظن وش جايبك بندر : وش هالأسلوب الجوهره : ما عندي غير هالأسلوب تبي تتكلم ولا بروح بندر(يشوفها تقوم) : لا لا جلسي الجوهره : نعم بندر : انا جاي اتفاهم معم الجوهره : ما فيه تفاهم بندر : تبين الطلاق الجوهره : ايه ابيه هذا حقي بعد ما اتهمتني بالخيانه تشك فيني ليه بندر : صح شكيت اعترف بس ومو بس انا السبب حتى انتي طرف ثاني لشكي الجوهره : ليه وش سويت شفتني صايعه عمرك شفتي مخالفه الله او شفتني بعيونك اخون هذي كلها اوهام انت صدقتها بندر : انتي بتصرفاتك خليتيني اشك اسرار واسرار واتصالات سريه ليه ومع من الجوهره(كتفت ايديها) : قلتها اسرار يعني مو من حقك تطلع عليها بندر : لا من حقي انا زوجك الجوهره : اللي ما يثق في زوجته ما يسمى زوج بندر : يعني الجوهره : ما عندي شيء اقوله غير الطلاق واتمنى تطلقني بسرعه لاني مخنوقه كل ما ارتبط اسمي بأسمك اكثر بندر : مستعجله الجوهره : ايه بندر : ودي اعرف ليه تغيرتي الجوهره : انت السبب قلبي تحجر من معاملتك شكك ضربك جسمي مات ولا عاد يحس منك بندر : طيب لو طلبتك ترجعين الجوهره : لا ما عاد بينا رجعه بندر : اطلبي اللي تبين بس ما اقدر اخليك الجوهره : صعب طلبت انك تثق فيني وعدت ولما مر ساعه شفت الثقه اللي وعدتني كفوف على وجهي وتحقير وذل واهانه بندر : يا الجوهره والله انا رجال يحس يعني زوجتي وغموضها طلعاتها الكثير ومكالماتها اللي كل ما سألت قالت امي تعبانه ولما سألت امك قالت لا قلتي بروح اودي امي للمستشفى عندها مراجعه بس طلعت امك في البيت وانتي غبتي ساعتين ولما رجعتي قلتي المراجعه لهديل خليتيني اشك معاي حق زوجتي تكذب ماتبي تقول لي وين تروح الجوهره : مو من حقك تعرف من حقك تعرف اني ما اخونك هذا المهم تفهمه بندر (بعصبيه يوقف) : كيف تبين افهم وانتي حاطه بينا حواجز تبي اصدق كلامك وتصرفاتك غير ( سكت لما شاف ام الجوهره واقفه عند الباب) هلا عمتي أم الجوهره (تجلس جنب الجوهره) : الجوهره سوي لنا قهوه الجوهره : يمه أم الجوهره : روحي وخليني مع بندر أجلس يا بندر بندر (يجلس) : حاضر الجوهره : وش فيه أم الجوهره : روحي الجوهره (توقف وتطلع) : حاضر أم الجوهره : بندر ابي اقول لك السر اللي الجوهره مخبيته عنك بس اعرف انها كانت مجبوره انا حلفتها يا ولدي بندر : وش صاير أم الجوهره بدأت تحكي لبندر عن مزون وكيف ادمنت مخدرات وكيف غررت فيها نجلاء وخلتها تتبع هذا الطريق وأن الفتره اللي فاتت كانوا يعالجونها عند قريبه لهم في احد الأحياء البعيده بمساعدة ولدها الدكتور اللي تعهد أن ترجع طبيعيه وما حبوا الفضايح أو نشر ادمان مزون بين الناس فبدأ يعالجها سر ولانه مو محرم لها قرر يتزوجها عشان ما يكون عليه ذنب لها يقرب لها او يحاول ان يمنعها من اذية نفسها واهو يستخرج السم منها بندر كان مصدوم في اللي يسمعه أم الجوهره تكمل ان مزون في آخر مراحل العلاج وانها احسن لله الحمد والجوهره فضلت طاعة امها ورضاها على استقرار حياتها بندر حس انه بيصيح كيف يشك في هذي الانسانه العظيمه كيف شافها تدخل ومعها القهوه وهي تتأمل امه وتتأمله صبت لها فنجان وقربت لها تعطيه بس بندر فاجئها وقف وضمها ولا اهتم لامها اللي انسحبت من شافته يضمها والجوهره اللي ثبتت من الصدمه ومن حركته طاح منها الفنجان على الأرض وانكسر حس بندر وابتعد عنها بس قبل تهرب منه مسك يدها بندر : لا ما راح اخليك الجوهره(تحاول تفك يدها) : اتركني اللي بينا انتهى بندر(أبتسم ) : لا تقاومين ترى اسوي شيء ما يعجبك لا تجبريني الجوهره( بصدمه طالعت له) : بندررررررررر بندر(زادت ابتسامته) : عيونه وقلبه الجوهره (دمعت عيونها) : آخر مره قلتها لي ضربتني بندر : تنكسر يدي لو اسويها الجوهره : وش تبي فيني بندر : ابي زوجتي تعبت من فراقك طيفك في البيت قدام عيني الجوهره : ما ابيك تعبت اهانه ومذله تعبت ضرب وشك بندر : طيب لو قلت لك بتعالج من الشك توافقين ترجعين لي الجوهره : تتعالج بندر(مسك يدها وجلسها جنبه وجلس) : إبراهيم قال ان الشك هذا مرض ولازم اشوف دكتور نفسي اتعالج منه الجوهره : مرض بندر : ايه وش قلتي ترضين عني لو تعالجت من هالمرض الجوهره(بكت) : صدق ولا تمزح معي بندر(مسح دموعها وباس خدها) : لا والله بشوف لي دكتور نفسي لو وافقتي عشانك بس بتعالج بس عشانك ابي اعيش براحه ابي اعيش حياه مستقره انا ما كنت اظن ان الشك هذا مرض الجوهره : وكيف جاك بندر : سالفه قديمه مع ام شوق خلت ثقتي مهزوزه بالحريم الجوهره : بتقولها لي بندر : بيجي يوم بقولها لك صدقيني بس مو ألحين الجوهره : ................ بندر : وافقي وان ما وافقتي صدقيني بطلع من هنا بتجه للمحكمه اطلقك بس ببقى بندر الجوهره : ما راح تتعالج بندر : لا علاجي عشانك بس انتي لاني احبك ابي اسعدك مو مهم انا ابي انتي تكونين راضيه الجوهره : تعالج وبعدين نتكلم بندر : لا يا اما اطلع من هنا للمحكمه او اطلع من هنا آخذ موعد من دكتور نفسي مدحوه لي الجوهره(نزلت راسها في حضنها) : .............. بندر (حط يده تحت ذقنها ورفعه ) : المحكمه ولا دكتور نفسي الجوهره (بلعت ريقها) : خذ موعد كتور نفسي بندر(يضمها) : هالمره ما راح اخذلك ابتسم واهو يذكرها في حضنه يا انه فقد هالحضن طالع ساعته وتذكر اليوم أول موعد له مع الدكتور تعوذ من الشيطان ورغم توتره قام غير لبسه واستعد للطلعه واهو يدعي ربه يشفيه ويرتاح من هالشك اللي بيهدم حياته ------------------------------- بعد اسبوعين احداث كثيره تغيرت على ابطالي اليوم زفــــــــــــاف لــــــــــــــيــــــــــــــالــــــــــــــــــ ـــي الاعصاب مشدوده الكل يعرف مقدار حب ليالي لسالم وسالم لليالي واليوم بتنزف سالم حلف يزفها لمعرسها والكل طلب ان يتراجع عن قراره حلف يمين انه بنفسه يزفها من بيت ابوها لين بيت زوجها رضخوا وافقوا وليالي اللي انصدمت بحلفه الكل يمثل الفرحه البيت في ناس بس القريبين وليالي بغرفتها جالسه وعيونها على الساعه تسمع البنات يحاولون يخففون عنها يلهونها عن التفكير في انها بتشوفه في ان بيزفها تحس الدقائق تحسب الثواني تسمع يباركون بس مو معهم معاه اهو وبس ســــــــــــــــــــــــالــــــــــــــــــم تتأمل البنات ولبسهم وتتأمل مسكتها وفستانها الأبيض رفضت تلبسه بس رضخت قدام دموع امهاتها ولبسته فرح وضحه مي سمر عذاري ليالي تحس بالألم اليوم هذا كان لازم تلبسه وتنزف لسالم لكن بدل سالم جاسم انتبهت للباب ينفتح كانت امها حست قلبها يضرب يضرب رفعت النظر للساعه 9:30 وقت زفتها لبيت زوجها بلعت ريقها وهي تسمع الكل يقول بـــــــــنــــــــــزفــــــــــــــــــك ألـــــــحــــــــــــيــــــــن -------------------- لهنا ينتهي البارت انتظروني الأسبوع الجاي بنشوف وش تغير في حياة ابطالي وبنحضر زفاف ليالي لقاء المرتقب بين الحبيب والعروس كثير احداث بتكون بين أيديكم بس الأسبوع الجاي لقائي فيكم
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
